Johan-nü Athrüdkhe Thiyushakatsü

1

Rhangdong Yu

1 Atanki ching Thiyu lakhea, tüsho Thiyuju Thrünpuh lung lakhea, tüsho Thiyuju Thrünpuh lakhea. 2 Api atanki chingnü Thrünpuh lung lakhea. 3 Api hode Thrünpuhnü tümütümüshe thrün; tüsho tümüpürü thrüntünü api müpetüa tümüshe müthrün. 4 Api kheak rhangdong lakhea, tüsho rhangdongju mitsürü ayin lakhea. 5 Tüsho ayinjunü amitüng ching yincho, tüsho amitüngnü ju müyihdokhok. 6 Thrünpuhnü api yushakhanrü mitsürü khülang amungnü Johan arüshi. 7 Api hode alalanü akhinshipü thsongkheaknü ayin thsongkheak thiyumütsan jihpü api arü. 8 Hapu mitsürü ayinpuju yong, tüshe ayin tünkheak thiyumütsan jihpü arükhea. 9 Atsütsü ayin, shepünü mitsürü alala yinshichonü api alomi ching arüde lakhea. 10 Thiyuju alomi ching lakhea, tüsho Thrünpuhnü alomiju api hode athrünkhea, tüshe alominü api mümükhea. 11 Api nihpe lomi kilim arü tüshe nihpe mitsürünü api müliangkhi. 12 Tüshe kütükhünü api liangkhitünü, tüsho sherünü api mung ching kintünü, arü khilim Thrünpuh tsührübo kampü apinü sümü jih. 13 Tüsho sherü Thrünpuh tsührübo kamtünü arüju shinü mulongkhi chingnü müzüpe, tüsho thi chingnüshe müzübe tüsho mitsürünü mulongkhi chingnüshe müzübe, tüshe Thrünpuhnü mulongkhi chingnü zübe. 14 Tüsho thiyuju mitsürü kambale isa lung lakhea, tüsho amütsüm tüsho thiyurunü mede, Apu lapkhiung Tsührü müritakhi tümüanü ju müritakhiju isanü ngü. 15 Johannü api tünkheak zhede tha, "Inü shepü tünkheak thakhea ju thsü api lakhea, api I tunglim lang arü, tüshe api I kheaknü atope kam, tümütüsho I müzübeyide api lakhea." 16 Tüsho api asodakhi amüzho hode apinü alala khilim müngümühijih; tüsho müngümühi mikheak müngü mühi ngü. 17 Thrünpuhnü Thiyuzüngju Mosa hode jih, tüshe amütsüm tüsho Thiyuruju Jisu Khrista hode arükhea. 18 Mitsürü shenüshe küyimkishe Thrünpuh müngü; tüshe apu khü ching lapu lapkhiung Tsührünu api amikheak akhiukshido.

Johan Baptijihpu Yushak

19 Küyimki Jihudarübonü amükiamrübo tüsho Levirübo Jirusalem chingnü Johan ki "Nü shepüa" de kiokhipü yüshikhea, Johannü thiyumütsan jihde tha. 20 Apinü malukhide müla, tüshe khipkhitde tha, "Khristaju I yong." 21 Tüsho arünü kiokhi, "Tale nü shepüa? Nü Elia ashe?" Apinü alu, "Yong." Tüsho arünü tha, "Jutüasho nü wokirüashe? Johannü alu," I yong." 22 Jumonü arünü api ki tha, "Jutüasho isa thi-a arüshirübo ki athalupü thsüde nü sheanü isa ki thaang; nünü nü tünkheak tümü thapa?" 23 Apinü alu, "Isaya wokirünü athakhi nangde, Atungpu limro mükhiongarito tsakhamang, de Mütüm ching khülangnü azhekhi tüshakju I-ah." 24 Kheaküshe Farisirübonü thiyushakhanrü khürü yüshi, 25 tüsho arünü Johan ki kiokhi, "Nü Khristashe yong, Eliashe yong, tüsho wokirüshe yongsho tümüde nünü baptijihcholi?" 26 Johannü arü ki alu, "Inü ke ching nüsa baptijihcho, tüshe mitsürü khülang shepü nüsanü mümükhea, api nüsa lung zhipla, 27 api I tunglim arüpa, shepü jingkhümpü zhi trünjihpü langshe Inü müthülün." 28 Johannü baptijihde lakhi Jordan khülim Bethani ching harü alala tünji.

Thrünpuh Namfhiminu Nunu

29 Ashetoju api kilim Jisu arükhi ngübale Johannü tha, "Alomi müneam hanba yüpu Thrünpuh namfhiminu nunu kheaang! 30 I tunglim mitsürü khülang arücho, shepü I kheaknü atope kam, tümütüsho api I kheaknü akhu lakhea, de shepü tünkheak inü athakhea, ju thsü apia. 31 Inü api mümükhea, tüshe api Israel miki amikheak akhiukshipü thsongkheaknü, inü ke ching baptijihde arükhea." 32 Tüsho Johannü thiyumütsan jihde tha, "Thüning chingnü Me mütritümpü nangde akikhi inü ngüdo, tüsho ju api kheak lah." 33 Inü api mümükhea, tüshe Thrünpuh shepünü ke ching baptijihpü I thikhea, apinü I ki tha, "Shepü kheak Me akibale lade angüpanü apinü Amüsü Me ching baptijihpa. 34 Hapu ha Thrünpuh Tsührüah de inü ngüdo tüsho thiyumütsan jihdo.

Jisu Jingyanrü Akhurübo

35 Kheaküshe ashetoju Johannü ajingyanrü manie lung zhipde lakhea. 36 Tüsho küyimki Johannü Jisu yüde ngükhea, apinü tha, "Thrünpuh namihiminu nunu kheaang!" 37 Tüsho apinü athakhiju ajingyanrü manie junü sobale Jisu tunglim yan. 38 Tüsho arünü api tunglim yankhi ngübale Jisunü rholuba arü ki tha, "Nüsanü tümü yimcholi?" Tüsho arünü api ki alu, "Rabi (Tsangyurü) nü tümü ching lacholi?" 39 Apinü alu, "Arang tüsho nüsanü angüpa." Jumonü arünü api lung yübale api tümü ching lachonü ju ngü, tüsho ju nimongju arünü api lung lakhea. (Ju animong phüyi king ngüm lakhea.) 40 Johannü athakhi sobale Jisu tunglim ayükhi bolung khülanga Simon Peter niorü Andria lakhea. 41 Apinü akhude akhiung Peter ngübale tha, "Isanü Mesia (Khrista) ngüdo." 42 Apinü Simon Jisu kilim petarü. Jisunü Simon kheak kheade tha, "Jona tsührü Simon, nü mung Kefa de ajipa."

Jisunü Filip tüsho Nathanil Jikhi

43 Ashetoju Jisunü Galil ching yünide lakhea. Tüsho apinü Filip ngübale tha, "I lung arang." 44 Filip she Andria le Peter arü kiurü Bethsaidarü lakhea. 45 Filipnü Nathanil ngübale tha, "Josep tsührü Nazarethrü Jisu, shepü tünkheak Mosanü thiyuzüng ching tüsho wokirübonü athrüdkhea, api isanü ngüdo." 46 Tüsho Nathanilnü api ki alu, "Nazareth chingnü tümükhü atsü akhiukpade?" Filipnü alu, "Arübale kheaang". 47 Küyimki Jisunü Nathanil api kilim arükhi ngükhea apinü api tün tha, "Ha ching Israelrü tsütsü khülang lah; api kheak arükchi müla!" 48 Nathanilnü alu, "Nünü kütüthsüba I mükheakhea?" Jisunü api ki alu, "Filipnü nü müjiyide, nü khopasodong khüp lachoki inü nü ngü." 49 Nathanilnü api ki alu, "Tsangyurü, nü Thrünpuh Tsührüa. Nü Israelrü atokiulongthsüpu." 50 Jisunü api ki alu, "Inü nü khopasodong khüp ngükhea de athakhi ching nünü kinchotu? Harü kheaknü rhimo atope nünü angüpa. 51 Inü nüsa ki thacho, Atsütsü thüning khimshubale Thrünpuh thüning yunirübo Mitsürü Tsührü kheak wutukhi tüsho akikhi nüsanü angüpa.

2

Kana Kiulong ching Arhangrü Thünio

1 Tüsho masamni labale Galil ching lakhi Kana kiulong ching arhangrü thünio khülang lakhea. Jisu abe she ju ching lakhea. 2 Tüsho ju thünio ching pepü Jisu tüsho ajingyanrü boshe jiyok. 3 Küyimki arü kurongaso ke lukhamapakhea, Jisu abenü Jisu ki tha, "Arü kurong aso ke lukhamapahdo." 4 Tüsho Jisunü alu, "Oh aliberü, tümü rhimopeanü ju nünü I ki tütha, I kim kheaküshe mükhiongyi." 5 Jisu abenü yamlarüboki tha, "Apinü nüsa ki tümü thabanü ju rhimoang." 6 Ju chingju Jihudarü amüsükhitkhe yakzan nangde khülang ching khiomok mokuku samrürü yüzakhe long pangjiphü thorok lakhea. 7 Jisunü arü ki tha, "Pangjiphübo chingju ke mede yokang." Jumonü arünü pangjiphübo chingju ke mede yok. 8 Tüsho apinü arü ki tha, "Kheakü ju chingnü ke anükhü khipkhitbale thünio kimthsüpu khilim jih-ang." Tüsho arünü ju api kilim luba yü. 9 Tüsho küyimki thünio kimthsüpunü kenü akamkhi kurongaso keju yungakia khea-kheanü, ju tümü chingnüanü apinü mümükhea, (tüshe ju yamlarübo sherünü ke khipkhitkhea arünü lang mükhea), jumonü apinü arhangpuju jibale tha. 10 Mitsürü alalanü akhude kurongaso ke atsüju ahiucho; tüsho mitsürübonü ahihkhü yongshu lang amütsüpeju ahiucho: tüshe nünü kheakü khiongde kurongaso ke atsüju azokhetüpü?" 11 Api khinthinpe rhimo tankikhe ha Jisunü Galil ching lakhi Kana kiulong ching rhimo, tüsho api mürita hi amikheak akhiukshi, tüsho api jingyanrübonü api kheak kin. 12 Ju tunglim Jisu tüsho abe, aniorübo tüsho ajingyanrübo Kapernaum ching yü: tüsho ju ching nimong anükhü lang la.

Jisunü Arüngyam ching Yukhi

13 Kheakü Jihudarü akhümkhitpü thünio thüninde lakhea. Tüsho Jisu Jirusalem ching wutu. 14 Tüsho apinü arüngyam ching moshi, namfhiminu tüsho mütritümpü yinrübo tüsho sho müthrirübo pinde ngü. 15 Tüsho apinü arhappe shongliu tsakham tüsho moshi le namfhiminubo alala arüngyam chingnü yankhitapah; tüsho apinü sho müthrinakrübo tükhüm thülaapajih. 16 Tüsho mütritümpü yinrübo ki tha, "Hatürü ha hakheaknü luba tsoang, I pu yam shothsümulopong yam tükamshi." 17 Nü yam thsongkheak inü akünkhinü amipa," de amüsü yu ching thrüda lakhi ajingyan rübonü lümkhit. 18 Jumonü Jihudarübonü tha, "Hatürü rhimo mo nünü isa ki tümü khinthinpe huhcholi?" 19 Jisunü arü ki alu, "Ha arüngyam thsümünimang, tüsho inü nimong masam tükeak chingnü athsülupa." 20 Jihudarübonü tha, "Ha arüngyam kam yirükheak thorok chinglang thsükhitkhea, tüsho nünü ju nimong masam tükheak chingnü kütü athsükhokpü?" 21 Tüshe ju apinü api rhangdong tünkheak athakhea. 22 Küyimki api ashe chingnü arhangkamlutarükhea, apinü ha athakhea de ajingyanrübonü lümkhit, tüsho arünü amüsü yu ching tüsho apinü athakhi yubo kheak kin.

Jisunü Mitsürü Alala Mükhea

23 Kheakü akhümkhitpü thünio kim ching Jisu Jirusalem ching lachoki, apinü arhimokhi amüyinsape khinthinpebo ngübale, api mung ching ahihkhünü kin. 24 Tüshe Jisunü mulong lamde arübo khilim aküdathsüde müjih; tümütüsho apinü mitsürü alala mükhea. 25 Tüsho shenüshe mitsürü tünkheaknü thiyumütsan jihpü api thsongkheaknü yihnüpü müla; tümütüsho mitsürü kheak tümü lakheanü apinü aküdathsüde mükhea.

3

Jisu Tüsho Nikodima

1 Kheakü Farisirü khülang amungnü Nikodima, Jihudarü yakzan shurü khülang lakhea. 2 Apinü azhing ching Jisu ki arübale tha, "Tsangyurü, nü Thrünpuh kilimnü arükhi tsangyurü khülang de isanü mükhea lah. Tümütüsho Thrünpuh müpesho nünü arhimokhi rhimo ato ha shenüshe mürhimokhok." 3 Jisunü api ki alu, "Tsükjide, inü nü ki thaanü, Maniekipü müzübelusho mitsürü shenüshe Thrünpuh kiulongthsü ching müylizakhok." 4 Nikodimanü api ki alu, "Mitsürü azorü kamshu api kütüthsüba zübepü? Api berü bok ching wutubale zübekhokpade?" 5 Jisunü alu, "Atsütsü, tsükjide inü nü ki thacho, mitsürünü ke tüsho Me chingnü müzübelusho Thrünpuh kiulongthsü ching müyüzakhok. 6 Shinü zübekhiju shi, tüsho Menü zübeshikhiju me. 7 Inü nüsa ki nüsanü maniekipü zübepea de athakhi ching tümüyinsa. 8 Apong külimpiang yünnibanü julimpiang yüncho, tüsho nünü ju thüshakju socho, tüshe ju külimpiangnü arücho tüsho külimpiang yüchonü ju nünü mümükhea. Menu zübekhi alala ju nangde lah." 9 Nikodimanü Jisu ki alu, "Harü ha kütü thsükhokcholi?" 10 Jisunü api ki alu, "Nü Israelrü tsangyurü khülang thsübale harü ha manikhitchode? 11 Atsütsü, tsükjide inü nü ki thaanü, isanü tümü mükhea la, ju asokcho, tüsho isanü tümü ngükhea, ju tünkheak thiyumütsan jihcho, tushe nüsanü isa thiyumütsan mülucho. 12 Inü alomi yükhian thachoki nüsanü mükinsho, thüning yukhian thachoki küde akinpa? 13 Tüsho Mitsürü Tsührü shepü thüning chingnü akikhea, api kheak hode she she thüning ching müwutu. 14 Mosanü mütüm ching künangde phoroto shuhkikhea, junangde Mitsürü Tsührüshe shuhkipea. 15 Jude thsüsho lang, Mitsürü Tsührü kheak sherünü akinpanü arü aban kamrururu rhangdong lapa, 16 "Tümütüsho Thrünpuhnü alomi akiangnü müzhokhinü, api Tsührü khülang lang alakhi jih, jumonü sherünü api kheak kinbanü müsheshi tüshe kamrururu rhangdong lapa. 17 Tümütüsho Thrünpuhnü alomi ching atsührü arüshikheju, mitsürü khilim amülim jihpü thsongkheaknü arüshikhi yong, tüshe api hode akhümkhit ngüshipü arüshikhea. 18 Shepünü api kheak kinbanü api khilim neak müjihcho, tüshe shepünü api kheak mükinbanü api khilim amülim jih-apado, tümütüsho apinü Thrünpuh lapkhiung Tsührü mung ching mükin. 19 Tüsho amülim jihkhe yuju hajua; ayinju alomi ching arü, tüshe mitsürünü ayin yongde amitüngpunü müzho; tümutüsho arü rhimo amütsü lakhea. 20 Tümütüsho shepünü amütsü rhimochonü apinü ayin traneancho; tüsho api rhimo ching aneak nguba mütsüli de apinü ayin miki marücho. 21 Tüshe shepünü thiyuru rhimochonü api rhimo Thrünpuh mulongkhi ching rhimokhea de amikheak akhiukshipü thsongkheaknü apinü ayin kilim arücho."

Jisu Tüsho Johan

22 Ju tunglim Jisu tüsho ajingyanrübo Jihuda lomi ching yü. Tüsho ju ching apinü arü lung lade baptijih. 23 Tüsho Johan baptijihpunüshe Salem thüninde Aenon kiulong ching baptijihde lakhea, Tümütüsho ju ching ke ahihkhü lakhea, tüsho mitsürübonü api kilim yü tüsho apinü arü baptijih. 24 (Tümutüsho Johan baptijihpu kheaküshe rihyam ching müramyokyide lakhea.) 25 Jumonü müsükhitjihkhi tünkheak Jihudarü khülangnü Johan jingyanrü lung atsangachide lakhea. 26 Jumonü arü Johan kilim arübale api ki tha, "Tsangyurü, Jordan khülim nü lung shepü lakhea, tüsho shepü tünkheak nünü thiyumütsan jihkhea, kheaang, apinüshe baptijihcho, tüsho mitsürü alalanü api kilim yücho." 27 Johannü alu, "Thrünpuhnü Mitsürü khilim tümü jihchonü, ju kheak hode apinü tümü angüpü mokok. 28 I Khristaju yong, tüshe I api kheaknü akhu arüshipu langah de inü athakhi, I tünkheaknü thiyumütsan nüsa lah. 29 Shepü thsongkheaknü arhangbe lanü apiju arhangpu, tüshe arhangpu müyampu shepünü zhipbale api yu anicho, tüsho apinü api tüshak sobale khide asücho; jumonü I asükhi ha sodado. 30 Api khide atongto kampa tüshe la akiangkiang kampa."

Thüning chingnü Shepü Akikhea?

31 Api shepü thüning chingnü arücho, api alala kheak atope shepü alomi chingnü lanü api alomi yo, tüsho apinü alomi tünkheak thacho. Shepü thüning chingnü arüchonü api alala kheak akupi. 32 Apinü tümü ngükhea, ju tünkheak apinü thacho, tüshe shenüshe api yushak müliangkhicho. 33 Shepünü api yushak liangkhichonü apinü Thrünpuh thiyuru de mütsan ümkijihdo. 34 Tümütüsho shepü Thrünpuh kilimnü arüshikhea, apinü Thrünpuh yu thacho; tümütüsho apinü Meju chamshaka müjihcho. 35 Apunü Atsührü müzhocho, tüsho api kha ching athrünkhi shuhmülanga jihdo. 36 Shepünü Atsührü kheak kinbanü api kamrururu rhangdong lah, tushe shepünü Atsührü kheak mükinbanü api küyimkishe rhangdong müngü, tüshe Thrünpuh bokakhiukkhi kamrururu api kheak lah.

4

Jisu tüsho Samariaberü

1 (Jisunü aküdathsude mubaptijihde api jingyanrübo nülang baptijihjihshe) 2 Johan kheaknü Jisunüpu jingyanrü ahihpe kamshicho tüsho baptijihcho de Farisirübonü sodo de Atungpunü küyimki mükheakhea, 3 Apinü Jihuda pahbale Galil ching maniekipü yü. 4 Tüsho apinü Samaria hode ayüpü kam. 5 Jumonü apinü Samaria ching lakhi Saikar kiuto khülang ching arü, kupü Jakobnü atsührü Josep khilim jihkhi lo thüninde lakhea. 6 Jakob kekhip ju ching lakhea, Tüsho Jisu limro ching kiakbale, ju kekhip münküp kheakju pin tüsho ju thürükheak-manie king ngüm lakhea. 7 Jutüki Samariaberü khülang kekhippü arü: tüsho Jisunü anihbe kiju tha, "I khilim ke ayungpü kü," 8 Tümütüsho ajingyanrübo kiuto ching tsühyungpe thulupü yüa lakhea. 9 Jutüki Samariaberü junü Jisu ki tha, "Nü Jihudarü khülang thsübale I Samariaberü ki kütüthsübale nünü ayungpe ke kheangchole? (Tümütüsho Jihudarünü Samariarü lung jimpung mütsüachicho.) 10 Jisunü alibe kiju tha, "Thrünpuh tsamba tümüa, tüsho I khilim ayungpe ke kü de shepünü nü ki kheangchonü nünü api mükheakhüla, nünü api ki akheangpa tüsho apinü nü khilim arhang ke jih-a alapa." 11 Anihbenü api ki tha, "Atorü, nü kekhippe tümü müla, tüsho, kekhip sükla, jutüasho nü arhang keju tümü kheakyo jihpü? 12 Isa apü Jakob shepünü isa khilim kekhipju ajihkhea tüsho api tsührüniorübo tüsho ashiüh bonü ha chingnü ayungkhea, api keaknü nü atopiashe?" 13 Jisunü alu, "Sherünü ha ke yungbanü api kethirilupa, 14 tushe sherünü inü ajihkhe ke yungbanü api küyimkishe kemüthiri; tüsho inü api khilim jihkhe keju api kheaknü kamrururu arhang ke kenü bokhitde abokpa. 15 Alibe junü tha, "Atorü, I ke müthiripü thsüde tüsho I ha ching kekhip marüpü thsüde ju keju I khilim kü." 16 Jisunü alibe ki ju tha, "Yüang, tüsho nü niupu jitarang." 17 Alibe junü alu, "I inuipu müla." Jisunü tha, "Nü nü niupu müla de nünü tükde thado. 18 Tümütüsho nü nü niupu phüngü lakhea, tüsho kheakü nü lung shepü la, api jushe nü niupu yong, thiyu ha nünü I ki tükde thado." 19 Alibe junü api ki tha, "Atorü, nü wokirü khülangah de inü kheakhitcho. 20 Isa Samariarü berüpurünü ha wong ching Thrünpuh kingan, tüshe küching Mitsürünü Thrünpuh kinganpianü ju Jirusalem de nüsa Jihudarübonü thacho." 21 Jisunü alibe ki tha, "Aliberü, I kheak kinang, mitsürünü ha wong ching thsüala, Jirusalem ching thsüala, Apu ki mükinganpü kim arümuro. 22 Nüsanü tümü mümükhea, ju kingancho: isa Jihudarünü tümü mükhea la ju kingancho, tümütüsho akhümkhitpüju Jihudarü kilimnü arüpa. 23 Tüshe atsütsü kinganrübonü Apu ki me ching tüsho atsütsü ching kinganpü kim arümuru, tüsho ju kheakü ha lah; tümütüsho api ki kinganrübo thsüpü Thrünpuhnü hatürü yimcho. 24 Thrünpuh-a Me tüsho sherünü api kinganbanü me ching tüsho thiyuru ching kinganpia." 25 Alibejunü api ki alu, "Mesia, shepü ki Khrista de jicho, api arüpa de inü mükhea lah. Küyimki api arübanü apinü isa khilim alala mükheashipa." 26 Jisunü alibe ki tha, "Shepünü nü ki asokachichonü juju api." 27 Jutüchoki ajingyanrübo alutarü, tüsho apinü alibe kiju asokachikhe ngübale arübo müyinsa: tüshe alibe kiju, "Nü tümü luni la?" de yongsho, api ki "tümüde nünü alibe kiju asokachicholi?" de arü bolung shenüshe mütha. 28 Jutüki alibe junü ke pangjiphüju zojihbale kiuto chingju alu de wukhiuk, tüsho mitsürübo ki tha, 29 Inü tümüpürü rhimokhea, ju alala I ki thakhi mitsürü khülang arübale kheaang. Hapu ha Khrista ju ashetu?" 30 Jumonü arünü kiuto chingnü wukhiukbale Jisu kilim yü. 31 Ju kim chingju jingyanrübonü Jisu ki mushude tha, "Tsangyurü, tsühyungang." 32 Tüshe apinü arü ki alu, "Nüsanü amümükheakhi I tsühyungpe lah." 33 Jumonü jingyanrübonü arü zangzang asokachi, "Api khilim khülangkhünü tsühyungpü hantarünü jihalashe tu?" 34 Jisunü arü ki tha, "I thipunü mulongkhi anide rhimopü tüsho apinü I khilim jihkhi rhimo panshipüju I tsuhyungpeah." 35 Kheaküshe khinu phüyi labalang yimlupü akhiongpa de nüsanü thacho. Tüshe inü nüsa ki thacho, nüsanü tsüde apina thuloju kheaang: kheakü yimlupü tsüde müyito müna lah. 36 Shepünü yimluchonü apinü mikha mo ngücho, tüsho kamrururu rhangdong thsongkheaknü aso hanmukhongcho, jumonü thulo mükhianpu le yimlupu aniechido rukhü asücho. 37 Tümütüsho khülangnü mükhiancho tüsho khülangnü yimlucho, de athakhi yu haching shuruchicho. 38 Tümü ching nüsanü rozhakde mürhimokhea ju yimlushipü inü nüsa yüshikhea: püpürünü rozhak de rhimodo, tüsho arü rozhakkhe chingnü nüsa alü ngüshicho." 39 "Inü tümüpürü rhimokhea apinü I ki alala thado," de alibenü athamonü, ju kiulung chingnü Samariarü ahihkhünü Jisu kheak kin. 40 Jumonü küyimki Samariarübo api ki arükhea, arü lung api la-ang de arünü api ki mushu, tüsho Jisunü ju ching masamni la. 41 Tüsho kkeaküshe ahihkhünü api yu hode kin; tüsho arünü alibe ki tha, 42 Kheaküa isanü kincho, nünü athamonü yong, tümütüsho isanü isa küdathsüde sodo, tüsho hapu ha atsütsü alomi khümkhitpu-a de isanü mükheado."

Jisunü Atorü Tsührü Khülang Ngushikhe

43 Tüsho nimong manie hobale, apinü ju chingnü Galil ching yü, 44 Tümütüsho wokirü nihpe iomi ching mungshe müla de Jisunü aküdathsüde tha, 45 Jumonü api küyimki Galil ching arükhea, apinü thünio kim ching Jirusalem ching rhimokhi alala ngübale Galilrü bonü api asüde liangkhi: tümütüsho arüshe thünio chingju yükhea. 46 Jumonü Galil ching lakhi Kana kiulong, küching apinü kenü kurongaso ke kamshikhea ju ching apinü maniekipü yü. Ju kim chingju Kapernaum ching atorü tsührü khülang tukthsüde lakhea. 47 Küyimki apinü Jisu Jihuda chingnü Galil ching arüdo de asokhea, apinü Jisu kilim yü Tüsho arübale atsührü thsüngujang de api ki mushu; tümütüsho atsührüju ashepü thsüde tukthsüde lakhea. 48 Jumonü Jisunü api ki tha, "Nüsanü khinthinpe tüsho amüyinsape müngüsho küyimkishe mükin." 49 Atopu junü api ki tha, "Atorü, I tsührü müsheyichokinü arang." 50 Jisunü api ki alu, "Yüang, nü tsührü arhang lah." Mitsürü hapu hanü Jisunü athakhi yu chingju kin tüsho yü. 51 Tüsho api yüde lachoki ayamlarübonü atsührü arhang lah de thade api ki shuruchi. 52 Jumonü apinü ayamlarübo ki atsührüju küyimkinu ründe angukhea de kiokhi. Jutüki arünü api ki tha, "Yini khülang king khiongchokinü phütsaknü api tükhido," de tha. 53 Jumonü "Nütsührü arhang lah de Jisunü api ki ju kim chingju athakhea de apunü mükhea. Tüsho api tüsho arü yamkhün alalanü kin. 54 Kheaküshe haju ha Jisu Jihuda chingnü Galil ching arübale rhimokhe khinthinpe maniepü lah.

5

Bethesda Kechi ching Thsüngujihkhe

1 Ju tunglim Jihudarü thünio khülang lakhea, tüsho Jisu Jirusalem ching wutu. 2 Jirusalem ching namfhiminu chipimurong thüninde, Ibri yunü Bethesda de ajikhi, yünshim phüngü lakhi kechi khülang lah. 3 Harü yünshimbo ching ha tukthsürü, müktokrü, tüsho thripshe thsükhi mitsürü ahihkhü yapa lakhea. Arüju ke apükkhi aliangde lakhea; 4 tümütüsho Atungpu thüningyunirü khülang kechi chingju kimkim ching yüza, tüsho keju apükshi; jumonü ke apükshu shepü kechi chingju yüzabanü api kheak kihkhi tukthsüju nguapah) 5 Tüsho ju chingju kam samrükheak-tizha tukthsükhi mitsürü khülang lakhea. 6 Jisunü api yapa lakhi ngü tüsho junangde arükhü lakhi mükheabale api ki tha, "Nünü ngunilashe?" 7 Tukthsü pujunü api ki alu, "Atoashangrü, küyimki ke apuktarübanü jutüki ke ching I peyokpü mitsürü müla; jumonü I yüzapü lachokia, I kheaknü püpüru akhu yüzacho." 8 Jisunü api ki tha, "Asürang, tüsho nü-yapkio hanang, tüsho tsaang." 9 Jutüakide mitsürüju nguapah, tüsho api yappong shuh-a hanbaletsa. Ju nimongju amo nimong lakhea. 10 Jumonü Jihudarübonü angupu mitsürü kiju tha. "Khini amo nimong, tüsho nü yapkio shuh-a hanbale atsapü yakzan ching müla." 11 Tüshe apinü arü ki alu, "Shepünü I ngushikhea apinü I ki nü yapkio shuh-a hanbale tsaang de athakhea." 12 Arünü api ki kiokhi, "Nü yapkio shuh-a hanbale tsaang de athakhi mitsürü ju shea?" 13 Tüshe api ngushipu mitsürü ju apinü mümükhea: tümütüsho ju chingju mitsürü ahihkhü lakhea, tüsho Jisu akhinde tsoapa-alakhea. 14 Ashulim Jisunü arüngyam ching api ngübale api ki tha, "Kheang, nü tsüde ngudo, alü amütsüpe kohi nü kheak mütünjipü thsüde kheaküa nünü amünean türhimo." 15 Jutüki apinü yübale Jihudarübo ki api ngushipuju Jisu-ah de tha. 16 Ju tünkheaknü Jihudarübonü Jisu thsümüche, tümütüsho apinü rhimo harü ha amo nimong ching rhimo. 17 Tüshe Jisunü arü ki alu, "I punü kamrururu rhimo rhimocho, tüsho inüshe rhimocho." 18 Ju tünkheaknü Jihudarübonü Jisu laksapü yim, tumütüsho apinü amoni lang thsümünimkhi yongde, apinü aküdathsüde Thrünpuh lung rukhü kamde Thrünpuh ki apu de ji.

Atsührü Sümü

19 Jumonü Jisunü arü ki alu, "Atsütsü, tsükjide inü nüsa ki thaanü, Apunü rhimode lakhi kheak hode, Atsührünü aküdathsüde tümü mürhimokhok: tümütüsho Apunü tümü rhimobanü jurüju Atsührü nüshe junangde rhimocho. 20 Tümütüsho Apunü Atsührü müzhocho, tüsho apinü aküdathsüde rhimokhe alala api ki huhcho, tüsho nüsa müyinsapü thsüde harü rhimokhe kheaknü atope apinü api ki ahuhpa. 21 Tümütüsho künangde Apunü asherübo rhangkamlutarüshibale arü rhangdong lashichonü, junangde Atsührü nüshe apinü mulongkhibo khilim rhangdong jihcho. 22 Apunü mitsürü she yushe mükhapcho, tüshe apinü Atsührü khilim thiyukhappü alala jihdo. 23 Jumonü alalanü Apu ki üntriekhi nangde arünü Atsührü kishe üntriepa. Shepünü Atsuhrü ki ünmütriebanü apinü api thi-ipu Apu ki ünmütriecho. 24 "Atsütsü tsükjide inü nüsa ki thacho, Shepünü I yu anicho, tüsho I thi-ipu kheak kincho api kamrururu rhangdong lah. Tüsho thiyukhapong ching marü, tüshe ashe chingnü rhangdong limpiang yüdo. 25 Atsütsü, tsükjide inü nüsa ki thacho, Kim arümuru, tüsho ju kheakü ha lah; küyimki asherübonü Thrünpuh Tsührü tüshak sopa, tüsho sherünü asobanü arü arhang lapa. 26 Apunü aküda thsüde nihpe kheak küde rhangdong lachonü, junangde apinü Atsührü khilimshe aküdathsüde rhangdong lapü jihkhea. 27 Tüsho apinü api khilim thiyukhappü sümü jihdo, tümütüsho api Mitsürü Tsührü. 28 Ha tünkheaknü tümüyinsa, tümütüsho kim arümuru, küyimki kioyok ching larü alalanü api tüshak sopa, 29 tüsho akhiukpa: sherünü atsü rhimotünü arhangkamlutarüpa tüsho arhang lapa tüsho sherünü amütsü rhimotünü arhangkamlutarüpa tüsho amülim jihpa.

Jisu Tünkheak Thiyumütsan

30 "Inü I küdathsüde tümü mürhimokhok, Thrünpunu I ki thakhi nangde inü thiyukhapcho: tüsho I yukhapkhi thiyuru, tümütüsho inü I mulong tsüpü thsongkheak yong tüshe I arüshipu mulong tsüpü yimcho. 31 Inü I küdathsüde I tünkheak thiyumütsan jihsho, ju thiyumütsanju thiyuru yong. 32 Tüshe püpüru khülangnü, I tünkheak thiyumütsan jicho, tüsho ju thiyuru de inü mükhea lah. 33 Nüsanü Johan kilim thiyuhanrü yüshi tüsho apinü thiyuru tünkheak thiyumütsan jih. 34 Tüshe küpü thiyumütsan inü ngücho, ju mitsürü kilimnü yong; jutüa lalashe nüsa khümkhitpü thsongkheaknü inü ha yu thacho. 35 Johanju trode ayinkhi tsünpung nangde lakhea, tüsho nüsanü api ayin ching lapü sühkhü mulong de lakhea. 36 Tüshe I thiyumütsan tümü lanü ju Johan thiyumütsan kheaknü atope lah, tümütüsho küju rhimo rhimokhampü I Punü I khilim jihkhea, tüsho rhimo küju inü rhimochonü, harü hanü Apunü I arüshikhea de I tünkheak thiyumütsan jihcho. 37 Tüsho Apu shepünü I arüshikhea, apinü I tünkheak thiyunmütsan jihcho. Nüsanü küyimkishe api tüshak müso, tüsho api jak küyimkishe müngü. 38 Jumonü apiyu nüsa kheak aniyoka müla, tümütüsho apinü shepü arü shikhea, api kheak nüsanü mükincho. 39 Nüsanü amüsü yu yimcho, tümütüsho ju ching kamrururu rhangdong ngüpa de nüsanü lümcho; tüshe amüsü yu junü I tünkheak thacho. 40 Tüshe nüsa rhangdong ngüpü thsongkheaknü I kilim arüpüa nüsanü müküncho. 41 Inü mitsürü kilimnü mungshe mülucho. 42 Tüshe nüsa mulong ching Thrünpuh amüzho müla de inü nüsa mükhealah. 43 Inü I pu mung ching arücho, tushe nüsanü I müliangkhicho: küyimki mitsürü khülangnü api nihpe sümü chingnü arübanü, nüsanü api liangkhipa. 44 Nüsanü khülangnü khülang kilimnü mungshe lucho, tüshe Thrünpuh khülang lang lapu kilimnü arükhi mungshea müyim, ha nüsanü küde kincho? 45 I pu miki inü nüsa amülim jihpa de tülüm: nüsa amülim jihpu khülang lah, ju Mosa, shepü kheak nüsanü mulong lamkhea. 46 Tümütüsho nüsanü Mosa kheak tükde kinkhüla, I kheakshe akinpa: tümütüsho apinü I tünkheak thrüdkhea. 47 Tüshe apinü athrüdkhe nüsanü mükinsho, nüsanü I küde akinkhokpü?"

6

Jisunü Chekhih Phüngü Yimkipkhe

1 Jutunglim Jisunü Galil ket o ching lakhi Tiberia keto thrip khülimpiang ching yu. 2 Tüsho yimto ato api tunglim arü. Tümütüsho tukthsürübo kheak rhimo ato rhimokhi tüsho arü ngushikhiju arünü ngü. 3 Tüsho Jisunü awong ching wutubale ajingyanrü bolung pin. 4 Kheakü Jihudarü akhümkhitpü thünio thüninde lakhea. 5 Jumonü Jisunü apina kheachoki yimto ato api kilim arükhi ngübale, Filip ki tha, "Harübo yimkippü thsongkheaknü isanü tsühyungpü tümü ching thulubale?" 6 (Api rukakide Jisunü ha api ki thakhea, tümütüsho apinü tümü rhimopeanü ju mükhealah). 7 Filipnü api ki alu, "Mitsürü abannü anini lang tsühtsühshe khihkhap adholi che masamnü athulukhi nüshe matsang de alapa." 8 Ajingyanrü bolung khülang Simon niorü Andrianü Jisu ki tha, 9 "Ha ching azürü khülang lah, tüsho api kha ching barli khihkhap phüngü tüsho thüngü manie de lah: tüshe mitsürü hatükhü bolung ju tümü thsüpü?" 10 Jisunü tha, mitsürübo pinshang, (ju chingju rimkiu khide lakhea) tüsho mitsürübonü pin, arü chekhih phüngü bande lakhea. 11 Jutüki Jisunü khihkhapju zhimbale Thrünpuh khilim mungshe jihbale pina larübo khilim ahiuh-a jih, tüsho junangde thüngüjushe arünü alunikhi thülün ahiuhshi. 12 Küyimki arü bok thsüde yimtsükhea, Jisunü ajingyanrü bo ki tha, "Anikhüshe tütükhiakshide atritribo alala hanmukhongang." 13 Jingyanrübonü ju hanmukhong, tüsho barli khihkhap phüngü junü mitsürübonü tsühba aningkhibo mün khiammünru hanmukhongkhinü molok thürükheak-manie me. 14 Jumonü apinü arhimokhi ngübale mitsürübonü tha, "Atsütsü alomi ching arüpü lakhi wokirüju hajuah". 15 Jumonü arünü api rambale atokiulongthsürü kamshianüde alakhi Jisunü mükheabale apinü azangrü müzüng ching wutuapah.

Jisunü Ke Mikheak Tsakhe

16 Küyimki arelim kamkhea, ajingyanrübonü keto ching yü, 17 tüsho sangkung khülang ching yüzabale keto hode Kapernaum ching yüde lakhea. Tüsho zhinga lakhea, tüshe kheakü khiongde Jisu arü kilim marü. l8 Tüsho apong khide müküpde yünkhi hode ke apükhi khide müküpde lakhea. 19 Tüsho jingyanrübonü mail masam yongsho phüyikhü yüshu, Jisunü ke mikheak tsade sangkung thüninde arükhi ngübale arü khide triede kam, 20 Tüshe Jisunü arü ki tha, "I-ali tütrie." 21 Jumonü arünü asüde sangkung ching Jisu peyok; tüsho arünü kü khiongde yüpü lakhia ju lopongju jutüchokinü khiong.

Mitsürübonü Jisu Yimcho

22 Ashetoju mitsürübo sherü keto thripkhülim aninga lakhea jurübonü ju kheak thsü sangkung khülang lang lakhea tüsho Jisunü sangkung chingju ajingyanrü bolung müyüde ajingyanrübo lang yükhea de mükhea. 23 Kheakü Atungpunü Thrünpuh mungshebale arünü tümü ching khihkhap tsühkhea ju thüninde Tebiria chingnü püpü sangkung arü. 24 Küyimki arünü ju chingju Jisu tüsho ajingyanrübo müla de mükhea-khea, arü küdathsüde sangkung ching yüzabale Jisu yimde Kapernaum ching yü.

Jisnju Rhangdong Tsühyungpe

25 Küyimki mitsürübonü Jisu ngükhea, arünü api ki tha, "Tsangyurü, ha ching nü küyimki arükhea?" 26 Jisunü alu, "Inü atsütsü nüsa ki thacho, nüsanü khinthinpe rhimo ngümonü yong, tüshe khihkhap tsühbale bokthsümonü nüsanü I yimcho. 27 Shuh-a apahpe tsühyungpe thsongkheaknü türhimo, tüshe küpü tsühyungpe kamrururu rhangdong khiongde lapianü ju thsongkheak rhimoang; ju tsühyungpe ju Mitsürü Tsührünü nüsa khilim ajihpa: tümütüsho Apu Thrünpuhnü api kheak amütsan ümkihjihdo." 28 Jumonü arünü api ki tha, "Thrünpuh rhimo rhimopü thsongkheaknü isanü tümü rhimopea?" 29 Jisunü arü ki tha, "Thrünpuhnü shepü arüshikhea, api kheak nüsanü akinpüju, Thrünpuhnü lunikhi rhimo." 30 Arünü alu, "Isanü ngüba akinpü thsüde nünü tümü khinthinpe huhchole? Nünü tümü rhimocho? 31 Isa jirübürübonü mütüm ching mana tsühkhea; amüsüyu ching thakhi nangde, apinü arü khilim thüning chingnü tsühyunpe jihkhea." 32 Jumonü Jisunü arü ki tha, "Atsütsü, tsükjide inü nüsa ki thaanü, nüsa khilim thüning chingnü tsühyungpe jihkheju Mosa yong; tüshe Ipunü thüning chingnü nüsa khilim atsütsü tsühyungpe jihcho. 33 Tümütüsho thüning chingnü shepü akibale alomi khilim rhangdong jihcho ju Thrünpuh tsühyungpe." 34 Jumonü arünü api ki tha, "Atungpu, ju tsüyungpeju isa khilim kamrururu thsongkheaknü kü." 35 Jisunü arü ki tha, "Rhangdong tsühyungpe I shepü I kilim arübanü api küyimkishe mükhüm, tüsho shepünü I kheak kinbanü api küyimkishe ke müthiri. 36 Nüsanü I ngüngüshe nüsanu I kheak mükincho de inü kheakü nüsa ki thado. 37 Ipunü I khilim sherü jihtünü arü apan I kilim arüpa, tüsho shepü I kilim arübanü Inü api kyimkishe müpayok. 38 Tüsho inü I mulongkhi rhimopü thsongkheaknü yong, tüshe I arüshipunü mulongkhi rhimopü thüning chingnü akikhea. 39 Tüsho I thipunü mulongkhiju hajua, apinü I khilim sherü jihtünü ju alala khülang langshe inü mütükheakshipea, tüshe akhiam nimong ching alala arhangkamlutarüshipa. 40 Tümütüsho I punü mulongkhiju hajua, sherünü atsührü ngübanü tüsho akinbanü kamrururu rhangdong lashipa, tüsho akhiam nimong ching inü api arhangkamlutarüshipa." 41 "Atsütsü, I thüning chingnü akikhe tsühyungpe," de apinü thakhi tünkheaknü Jihudarübonü api tünkheak neangneangachi. 42 Tüsho tha, "Hapu ha Josep tsührü Jisu yongde? Api apu le abe pürü isanü mümükheatüpü? Jutü-asho I thüning, chingnü akikhe tsühyungpea de apinü küde thachole?" 43 Jisunü arü ki alu, "Nüsa bolung tüneangneangachi. 44 I thipu Ipunü müthusho shenüshe I kilim arüpü mokok: tüsho akhiam nimong ching inü api arhangkamlutarüshipa. 45 Wokirübo kaku ching hade thrüda la, 'Mitsürü alala ki Thrünpuhnü ahuhpa,' I pu kilimnü asorü tüsho anikhitrü apannü I kilim arücho. 46 Mitsürü khürünü Apu ngüdo tükhi yong, shepü Thrünpuh kilimnü lanü api nü lang apu ngü. 47 "Atsütsü inü nüsa ki thacho, shepünü akinbanü api kamrururu rhangdong lah. 48 I rhangdong tsühyungpe. 49 Nüsa jipürübonü mütüm ching mana tsüh, tüshe arübo shedo. 50 Mitsürünü tsühbale amüshepü thsongkheaknü haju ha thüning chingnü akikhe rhangdong tsühyungpe. 51 I thüning chingnü akikhe rhangdong tsühyungpe, khürünü ha tsühyungpe tsühsho api kamrururu rhangdong lapa; kheaküshe alomi rhangdong thsongkheaknü inü küpü tsühyungpe jihbanü ju I shi." 52 Jumonü Jihudarübonü bokakhiukde arü zangzang atsangachide tha, "Hapu hanü api shi tsühshipü isa khilim küdüthsüba ajihpa?" 53 Jumonü Jisunü arü ki tha, "Tsükjide inü nüsa ki thaanü, Nüsanü Mitsürü Tsührü shi mütsühsho, tüsho api thi müyungsho, nüsa küdathsüde rhangdong müla. 54 Shepünü I shi tsühbanü tüsho I thi yungbanü api kamrururu rhangdong lah; tüsho akheam nimong ching inü api arhangkamlutarüshipa. 55 Tümütüsho I shi atsütsü tsühyungpe, tüsho I thi atsütsü ayungpe. 56 Shepünü I shi tsühcho, tüsho I thi yungchonü api I kheak lacho, tüsho inü api kheak lacho. 57 Arhang lapu Apunü künangde I arüshikhea, tüsho Apu hode I arhang lacho, junangde shepünü I tsühbanü apishe I hode arhang lapa. 58 Thüning chingnü akikhe tsühyung peju hajua, haju ha nüsa jirübürünü tsübale ashekhi rok yong: shepünü ha tsühyungpe tsühbanü api küyimkishe müshe." 59 Apinü harü ha Kapernaum ching lakhi sinagog ching huhde athakhea. 60 Ha yu sochoki ajingyanrübo ahihkhünü tha, "Ahuhkhe ha-a khide chakla. Shepünü ha anikhitkhokpü?" 61 Tüshe ha tünkheaknü jingyanrübonü neangneangcho de Jisunü mükheabale arü ki tha, "Haju hanü nüsa zhipdoshichoshe? 62 Tale, nüsanü Mitsürü Tsührü api khakhih lapong ching wutude ngüsho kütü athsüpa? 63 Rhangdong jihkhiju Me, tüsho shi-a akiangkiang: inü nüsa ki athakhi yuju Me tüsho rhangdong. 64 Tüshe nüsa lung amükinrü khürü lah." Tümütüsho sherünü mükin tüsho shepünü api thsongyoka sheshibanü ju Jisunü atanki chingnü mükhea. 65 Tüsho apinü tha, "Ju thsongkheaknü Apunü mümülüsho shenüshe I kilim arüpü mokok, de inü thado." 66 Jutüki api lung yande atsarü ahihkhü tsoapa, tüsho api lung mütsade pah. 67 Jumonü Jisunü jingyanrü thürükheakmanie ki jushe tha, "Nüsashe alude yüapahnilashe?" 68 Simon Peternü api ki alu, "Atungpu, isanü shepü kilim yüpü? Nü kheak akheam mülakhe rhangdong yu lah. 69 Tüsho nü Thrünpuh Amüsüpu jua de isanü kindo tüsho mükheado." 70 Jisunü arü ki tha, "Inü nüsa thürükheak-manieju mümukhitde? Tüshe nüsa bolungshe khülanga amünean rimri lah." 71 Ha yu ha apinü Simon Iskariot tsührü Jihuda tünkheak thakhea, tümütüsho thürükheak-manie bolung shepünü api thsongyoka ramshipü lakhea ju api lakhea.

7

Jisu tüsho Aniorübo

1 Jutunglim Jisunü Galil lomi ching tsa, tümütüsho apinü Jihuda lomi ching mütsanie, tümütüsho Jihudarübonü api laksapü yim. 2 Kheakü Jihudarü ünshim thünio thüninde lakhea, 3 jumonü akioniorü bonü api ki tha, "Nü jingyanrübonüshe nünü arhimokhi rhimobo angüpü thsüde ha chingnü akhinde Jihuda lomi ching yüang. 4 Tümütüsho shepünü nihpe küdathsüde amikheak akhiukshinichonü apinü tümü ramde mürhimocho. Nünü hatürü rhimochosho nü küdathsüde alomi ki amikheak akhiuka huhang." 5 Tümütüsho akioniorübonü api kheak mükin. 6 Jumonü Jisunü arü ki tha, "I kim tükde mükhiongyi tüshe nüsa kim-a kamrururu tsakhama lang lah. 7 Alominü nüsa mütraneankhok, tüshe haju hanü I traneancho, tümütüsho ha rhimo kamrururu mütsü tükhi inü thiyumütsan jihcho. 8 Thünio chingju nüsa wutuang: Ia ha thünio chingju matuyi; tümutüsho I kim tükde mükhiongyi." 9 Arü ki apinü ha nangde thabale, kheaküshe api Galil ching lang mongapah.

Jisu Ünshim Thünio ching Pekhi

10 Jutunglim akioniorübo thünio chingju wutushu, apishe thünio chingju khuhlangde yongde ramde wutu. 11 Jumonü Jihudarübonü thünio chingju api yim tüsho tha, "Api kükheak lali?" 12 Tüsho boto chingju api tünkheaknü khide arhonganimde lakhea: khürünü tha, "Api mitsürü atsü-ah," püpürünü thacho, jude yong, apinü boto lakshilim pecho. 13 Jutüalalashe Jihudarübo triekhinü boto ching api thsongkheak shenüshe khuhlangde masokachi. 14 Tüshe küyimki thünio bholung khiongkhea, Jisunü arüngyam ching wutu tüsho ahuhpü tanki. 15 Jumonü Jihudarübonü müyinsade tha, "Mitsürü hapu ha küyimkishe school ching akhikhe yong, tali kütüthsübale akhipü mükheakhea ki?" 16 Jumonü Jisunü arü ki alu, "Inü ahuhkhi ha I yu yong, tüshe I thiypu yu. 17 Khürünü Thrünpuhnü mulongkhi rhimopü künsho, inü ahuhkhi yu ha Thrünpuh yu-ashe; inü I küdathsüde thachonü apinü amükheapa. 18 Shepünü nihpe mulongkhi chingnü thachonü apinü nihpe mungshe yimcho: tüshe shepünü I thiypu mungshe yimchonü apiju thiyuruah, tüsho api kheak arükchi müla. 19 Mosanü nüsa khilim thiyuzüng jihkhi yongde? Tüshe nüsa khülangnü langshe thiyuzüngju mürhimocho. Tümüthsükhi nüsanü I laksapü yimcholi?" 20 Botonü api ki alu, "Nü kheak amünean me lah. Shepünü nü laksapü mürangchole?" 21 Jisunü alu, "Inü rhimo ato khülang rhimo, tüsho jujunü nüsa alü müyinsacho. 22 Tümütüsho Mosanü nüsa khilim müjipba pahpü yakzan jihkhea (juju Mosa kheaknü yong tüshe jirübürü kilimnü arü.) Tüsho amo nimong ching nüsanü nüsa tsührü müjipba pahjihcho. 23 Junangde Mosa yuzüng müthsümünimpü thsongkheaknü amo nimong ching khongarü müjipba pahjihchosho, amo nimong ching inü mitsürü khülang tsüde ngushimo I ki bokakhiukchode? 24 Amikheak kheapünü nüsanü thiyu tükhap, tüshe thiyuru chingnü khapang."

Api Ha Khristaju-ashi?

25 Jumonü Jirusalem ching larü khürünü tha, "Arünü alaksapü yimkhi mitsürü thsü hapu ha yongde." 26 Kheaang, apinü kiumikheak asokcho, tüsho shenüshe api azhihde tümü müthacho! Hapu ha Khrista de yakzan shuhrübonü atsütsü mükhea lashetu? 27 Tüshe küyimki Khrista arübanü api küchingnü arükieanü shenüshe mümükheade alapa. Tüshe hapu mitsürü ha-a küchingnü arükheanü isanü mükhea lah " 28 Junangde Jisunü arüngyam ching tsanj yuchoki tüshak achangnü zhede tha, "Nüsanü tükde I mükhea lai tu, tüsho I küchingnü arükhea ji she mükhea lah tu? Tüshe Inü I mulongkhi chingnü arükhi yong, tüshe shepünü I arüshikhea, api thiyuru: tüsho nüsanü api mümükhea. 29 Inü api mükhea lah, tümütüsho I api kilimnü arü, tüsho apinü I arüshikhea." 30 Jumonü arünü api rampü mürang, tüshe shenüshe api kheak kha müchung, tümütüsho api thsongkheaknü kheaküshe kim mükhiong. 31 Tüshe mitsürü ahihkhünü api kheak kin; tüsho tha, küyimki Khristaju arübanü mitsürü hapunü arhimokhi kheak kihode rhimo ato rhimopiade?"

Jisu Rampü Yüshikhe

32 Botonü api tünkheak jude aronganimkhiju Farisirübonü so; jumonü arü tüsho amükiamputungrü bonü api rampü chochorübo yüshi. 33 Jumonü Jisunü arü ki tha, "I kheaki a akhihkhü lang labale I thiypu kilim yüpa. 34 Tüsho nüsanü I yimpa tütüshe müngü; tüsho I küching lachonü ju ching nüsa arüpü mokok." 35 Jihadarübonü arü zangzang asokachide tha, "Isanü api müngüpü thsüde api külimpiang atsopakitu? Apinü Jihudarübo lapong Greekrü kiutobo ching yübale Greekrübo ki tsangyupashe? 36 Nüsanü I yimpa, tüsho I müngü de alapa tüsho I tümü ching lachonü ju ching nüsa marükhok, de apinü athakhi yu ha tümü mütsan?"

Rhangdong Ke Ayung

37 Kheakü thünio pankhitkhi nimongju khide atongto lakhea, tüsho ju nimong chingju Jisunü zhipbale tüshak achangnü zhede tha, "Khürünü ke thirisho I kilim arang, tüsho yungang. 38 Amüsü kaku ching thakhi nangde shepünü I kheak kinbanü api mulong chingnü rhangdong ke ayung bokde akhiukpa." 39 (Tüshe sherünü api kheak kinkhea, arünü tümü Me ngüpü lakhea ju thsongkheak apinü ha athakhea: tümütüsho Meju kheakü khiongde müjihyi, tümütüsho Jisu kheaküshe mürimütayi."

Mitsürü Bolung Achamnak

40 Apinü ha thachoki botonü sobale mitsürü ahihkhünü tha, "Atsütsü hapu ha wokirüjuah!" 41 Khürünü tha, "Api ha Khristajuah." Tüshe khürünü tha, "Khristaju Galil chingnü akhiukpia de? 42 Dawid trük chingnü tüsho Dawid lakhi Bethlehem chingnü Khristaju arüpa de amüsü kaku ching tha-a mülade?" 43 Ju nangde boto ching api tünkheaknü pulunglung chammüzüt. 44 Arü bolung khürünü api ramnie tüshe shenüshe api kheak kha müchong. 45 Jumonü chochorübonü amükiamputungrübo tüsho Farisirübo kilim alutarü; tüsho arünü arü ki tha, "Nüsanü tümüthsükhi api müpetarükhea? 46 Chochorübonü alu, "Shenüshe hapunü asokkhi nangde masokcho!"

Jihudarü Limperübonü Amükinkhe

47 Farisirübonü arü ki tha, "Nüsashe apinü lakshilim pephülapshichotu? 48 Yakzan shurü tüsho Farisirü bolung khürünü api kheak kintüshe? 49 Tüshe boto küpünü thiyuzüngju mümükheanü arüboju Thrünpuhnü mütromüneanang." 50 Aru bolung khülang, Nikodima, (shepünü müngülim Jisu kilim yükhea) apinü arü ki tha, 51 "Akhude mitsürüpu yuju manimütsantüa tüsho apinü arhimokhe mümükheatüa isa Yuzüngnü thachole tümong langa isanü api yu mükhapkhok." 52 Arünü api ki alu, "Nüshe Galilrüa tu? Amüsü kaku ching yimang tüsho kheaang, Galil chingnü wokirü makhiukcho." 53 Jutüki mitsürü alala puyamyam ching müzüt.

8

Muzammüramberü Khülang

1 Tüshe Jisua Olive müzüng ching yü. 2 Tüsho yabsolim mükikde apinü arüngyam ching yü. Tüsho boto alalanü api kilim mukhongtarü, tüsho apinü pinbale arü ki ahuhpü tanki. 3 Tüsho thiyuzüng huhrübo tüsho Farisi rübonü müzammüramkhi ching ramkhi aliberü khülang api kilim petarübale arü abholong ching zhipshi. 4 Tüsho arünü Jisu ki tha, "Tsangyurü, aliberü habe ha müzammüram rhimode lachoki aramkhea. 5 Tüsho hatürü rhimorüa longnü kingsa-a pahang de Mosanü isa khilim jihkhi Yuzüng ching mülü lah. Kheakü nünüshe api tünkheak tümü thabale?" 6 (Arünü api neak ramkhokpü thsüde api rükakide arünü ha tha) Tüshe Jisunü mükhümtü yüzabale ayingkhingnü alo ching thrüdde pin. 7 Tüshe küyimki arünü api ki khide kiokhikhea, apinü asürübale arü ki tha, "Nüsa bolung shepü kheak neak mülanü apinü akhude alibe kheak longjunü kingang." 8 Jutüki apinü maniekipüshe mükhümbale ayingkhingnü alo ching thrüd. 9 Tüsho arünü küyimki ha asokhea, azopünü tankibale khülang khülangnü tsoapah, tüsho Jisu azangrü tüsho alibeju azhipong ching zhipde zojih. 10 Jisunü asürübale alibe ki tha, "Aliberü, arübo kükheak lale? Mitsürü shenüshe nü amülim müjihtu?" 11 Tüsho alibejunü alu, "Am, Atungpu, shenüshe amülim müjih." Jutüki Jisunü tha, "Inüshe nü amulim mujihcho: yüang kheakünü rünbale amünean türhimo."

Jisu üomi Ayinatrüm

12 Jisuni maniekipü arü ki asok: I alomi ayinatrüm. Shepünü I tunglim yanbanü rhangdong ayinatrüm ngüpa, tüsho apinü küyimkishe amitüng ching mütsa." 13 Jumonü Farisirübonü api ki tha, "Nünü nü tünkheaknü nü küdathsüde thiyumütsan jihcho; nü thiyumütsan jihkhi thiyuru yong." 14 Jisunü alu, "Inü I küdathsüde thiyumütsan jihjihshe ju atsütsüa; tümütüsho I küchingnü arükhea, tüsho küching yüpanü ju inü mükhea lah; tüshe I küchingnü arükhea tüsho küching yübanü ju nüsanü nümükhea. 15 Nüsanü alomi limpiang lümbale thiyukhapcho; Inüa she yushe mükhapcho. 16 Tüshe inü thiyukhapanü tükhüla, I yu khapkhi thiyuru thsüpa: tümütüsho I, I zangrü yong, tüshe Ishe lah, tüsho I arüshipu Ipushe lah. 17 Tümütüsho mitsürü manienü thiyumütsan jihkhiju thiyuru de nüsa yuzüng ching lah. 18 I küdathsüde I tünkheak thiyumütsan jihpu ju Ia, tüsho I thiypu Apunü I tünkheak thiyumütsan jihcho. 19 Jumonü arünü api ki tha, "Nü pu kükheak lale?" Jisunü alu, "Nüsanü Ishe tüsho I pushe mümükhea: nüsanü I mükheakhüla I pushe mükheapa." 20 Jisunü thiyu harü ha huhchoki arüngyam ching sho zopong ki thakhea; tüsho mitsürü shenüshe api müram tümütüsho api kim kheaküshe mükhiongyi. I Küching Yübanü Ju chingju Nüsanü Marükhok 21 Jisunü maniekipü arü ki tha, "I ayüpa, tüsho nüsanü I yimpa, tüshe nüsa-a nüsa münean ching ashepa: I küching yübanü ju ching nüsanü marükhok." 22 Jumonü Jihudarübonü tha, "I küching yübanü ju ching nüsanü marükhok de apinü thachole, ha amütsan apinü aküdathsüde alaksapashe tu?" 23 Jisunü alu. "Nüsa-a apulimnü, tüshe Ia akulimü-ah; nüsa ha lomi yoa, tüshe Ia ha lomi yo yong. 24 Jumonü inü nüsa-a nüsa münean ching ashepa de athakhea: tümütüsho nüsanü I apia de mükinsho, nüsa nüsa münean ching ashepa." 25 Jumonü arünü api ki tha, "Nü shea?" Jisunü arü ki tha, "Huju julang inüshe nüsa ki atanki chingnü thachopatüpü? 26 Nüsa tünkheaknü inü athapü tüsho thiyukhappü hihdakde lah; tütüshe I shepünü thiykhea api thiyuru lah; tüsho inü api kilimnü tümü socho, ju mitsürübo miki thacho." 27 Apinü apu tünkheak arü ki thacho de arünü manikhit. 28 Jumonü Jisunü tha, "Küyimki nüsanü Mitsürü Tsührü shukihbanü, jutüki I apia de tüsho Inü I küdathsüde tümü mürhimocho, tushe Apunü ahukhi nangde inü harü ha thacho de nüsanü amükheapa. 29 Tüsho shepünü I thiykhea api I lung lah, apinü I zangrü müzojih; tümütüsho Inü kamrururu api mulong asüpü rhimocho." 30 Apinü harü ha thachoki ahihkhünü api kheak kin.

Thiyurunü Nüsa Zuzu Kamshipa

31 Jumonü Jihudarübo sherünü api kheak kinkhea arü ki Jisunü tha, "Nüsanü Inü ahuhkhi anisho, nüsa atsütsü I jingyanrübo thsüpa; 32 tüsho nüsanü thiyuruju mükheapa, tüsho thiyurujunü nüsa zuzu kamshipa 33 Arünü api ki alu, "Isa Abraham tsührüboah, tüsho küyimkishe isa she yamlarüshe müthsü: tümü mütsan nüsa zuzu kamshipa de nünü thachole?" 34 Jisunü arü ki alu, "Atsütsü tsükjide inü nüsa ki thacho, shepünü amünean rhimobanü api amünean yamlarü. 35 Tüsho yamlarüju thiyam ching kamrururu atungrü müthsücho, tüshe tsührüa kamrururu atungrü thsüde lacho, 36 Jumonü Atsührünü nüsa zuzu kamshisho, nüsa atsütsü zuzu lapa. 37 Nüsa Abraham trüka de inü mükhea la; tüshe nüsanü I yu müliangkhikhi hode nüsanü I laksapü mürangcho. 38 I punü I ki tümü huhchonü ju tünkheak inü asokcho, tüsho nüsanüshe nüsa apunü nüsa ki tümü huchonü ju rhimocho." 39 Arünü api ki alu, "Abrahamju isa apu." Jisunü arü ki alu, "Nüsa Abraham tsührü tsütsü thsükhüla, nüsanü Abrahamnü arhimokhi nangde arhimopa. 40 Tüshe Thrünpuh kilimnü thiyuru yu sobale nüsa ki athapuju I, tüshe nüsanü I laksapü mürangcho. Abrahamnü hanangde mürhimo. 41 Nüsanü nüsa apunü tümü rhimochonü ju rhimocho." Arünü api ki alu, "Isa mütsühzakhi tsührü yong; isa apu khülang lang, ju Thrünpuh." 42 Jisunü arü ki tha, "Thrünpuh nüsa apu thsükhüla, nüsanü I müzhopa, tümütüsho I Thnünpuh kilimnü nüsa kilim arükhea. Tümütüsho I, I küdathsüde arükhi yong, tüshe apinü I arüshikhea. 43 Tümüthsükhi nüsanü I yu manikhitchole? Tümüthsükhitüsho inü athakhi nüsanü anipü mokokcho. 44 Nüsa apuju Satan tüsho nüsa api tsührübo, tüsho nüsa apunü mulongkhi rhimopü nüsanü küncho. Api atanki chingnü mitsürü laksarü, tüsho küyimkishe thiyuru chihg müzhipcho, tümütüsho api kheak thiyuru müla; apinü küyimki arükchi yu thabanü nihpe mulongkiang chingnü thacho: tümütüsho api arükchirü tüsho arükchi apu-a. 45 Kheaküa inü thiyuru thakhinü nüsanü I kheak mükincho. 46 Nüsa bolung shepünü I amünean mitsürü de thakhokpa? Inü thiyuru thashe nüsanü tümüthsükhi I kheak mükincholi. 47 Shepü Thrünpuh kilimnü arükhea apinü Thrünpuh yu thacho, tüshe nüsanü ju manicho, tümütüsho nüsa Thrünpuh kilimnü yong."

Jisu Tüsho Abraham

48 Jihudarübonü api ki alu, "Nü Samariarü tüsho nü kheak amünean me lah de isanü nü ki müthade?" 49 Jisunü alu, "I kheak amünean me müla, tüshe Inü I pu üntriecho tüshe nüsanü I ünmütriecho. 50 Tüshe inü I mungshepü müyimcho ju yimpü tüsho thiyukhappü khülang lah. 51 Atsütsü, tsükjide inü nüsa ki thacho, Khürünü I yu anisho api küyimkishe müshe." 52 Jihudarübonü api ki tha, "Kheakü isanü nü kheak amünean me lah de mükhea lah. Abraham tüsho wokirübo alala shedo, tüshe nünü thacho, Khürünü I yu anisho küyimkishi müshe. 53 Isa apu Abraham shepü shetünü api kheaknü nü atopia de? Tüsho wokirübo shekhamdo, nü nüküdathsüde shea de thacholi?" 54 Jisunü alu, "Inü I küdathsüde müritasho I müritakhi tümü alü müla; I müritakhiju I pu lah; api ki nüsanü nüsa Thrünpuh-ah de thacho. 55 Nüsanü küyimkishe api mümükhea tüshe inü api mükhea lah, tüsho inü api mümükhea de thasho I nüsa rukju arükchirü kampa, tüshe inü api mükhea lah tüsho api yu anicho. 56 Nüsa Apu Abrahamnü I nimong ngüpü asükhea, tüsho apinü ju ngüdo, tüsho asüde lakhea." 57 Jihudarübonü api ki tha, "Nü zübebale kam thünimshe müpan, tüshe nünüa Abraham ngüdü de?" 58 Jisunü arü ki tha, "Atsütsü, tsükjide inü nüsa ki thacho, Abraham müzübeyide I lah." 59 Jumonü arünü api kheak longnü akingpü long amatarü, tüshe Jisunü aküdathsüde jikapa tüsho arüngyam chingnü tso.

9

Jisunü müktokrü Khülang Ngushikhe

1 Tüsho Jisu yüchoki, zübechoki-nü müktokbale zübekhi mitsürü khülang ngü. 2 Tüsho jingyanrübonü api ki kiokhide tha, "Tsangyurü, mitsürü hapu ha müktokbale zübepü thsüde apinü ashe yongsbo api berüpurünü amünean rhimokhea?" 3 Jisunü alu, "Api mük tokbale zübepü thsüde api küdathsütüshe yong tüsho api berüpurü nüshe amünean mürhimo: tüshe api kheak Thrünpuh rhimo amikheak akhiukpü thsongkheaknü. 4 Yinde lachokinü isanü I arüshipu rhimo rhimopea: küyimki shenüshe mürhimokhokpü jutürü azhing arümuru. 51 I alomi ching lachokia I alomi ayinatrüm." 6 Apinü ha thabale, alo ching mükike mukhiukbale mükike junü akhimniuhniuh thsübale juju müktokpu mük chingju mujujih, tüsho api ki tha, 7 yüang, tüsho Silom (amütsan yüshi) kekhip ching müsüang." Jumonü müktokpujunü yübale api jak müsü tüsho api müknü ngüde alutarü. 8 Jumonü kheangrü bonü tüsho müngülim sherünü api pinbale khiangtsükhiangyungrü khülanga de ngükhea, arünü tha, "Pinbale khiangtsükhiangyungpu thsü hapu ha yongde?" 9 Khürünü thacho, "Am, jupu thsüa," Khürünü tha, "Yong tüshe api kipha lah." Jumonü aküdathsüde tha, "Am, jupu thsü Ia." 10 Jumonü arünü api ki kiokhi, "Jutüasho nü mük kütüthsübale angukhea?" 11 Apinü tha, "Mitsürü khülang amungnü Jisu, apinü akhimniuhniuh tsakhambale I mük ching shitjih, tüsho I ki Silom ching yüang tüsho nü jak müsüapaang de athakhea: 12 Jumonü inü yübale I jak müsüshi I mük khimshuhkhea." Tüsho arünü api ki tha, "Api kükheak lali?" Apinü alu, Inu mümükhea."

Angupuju Farisirübonü Yim

13 Müngülim müktoka lakhi mitsürüpuju arünü Farisirübo kilim petarü. 14 Tüsho Jisunü akhimniuniuh tsakhambale api mük khimshujihkhi nimongju amo nimong lakhea. 15 Jumonü Farisirübonü api ki "Nü müknü kütü thsübale ngüde kamkhea de kiokhi." Tüsho apinü arü ki alu, "Apinü I mük ching akhimniuhniuh shitji tüsho inü musüapahshe ngüde akamkhea." 16 Tüsho Farisirü khürünü tha, "Mitsürü hapu ha Thrünpuh kilimnü yong, tümütüsho apinü amo nimong thsümünimcho." Tüshe püpürünü tha, "She amünean mitsürüanü apinü kütü thsüba amüyinsape rhimo ato ha rhimokhokpü?" Tüsho arü bolung achamnak lakhea. 17 Jumonü Farisirübonü maniekipüshe api ki kiolu, "Apinü nu mük khimshujimo nünü api tünkheak tümü thacholi?" Apinü alu, "Api wokirü khülangah." 18 Api müktoka lakhea tüsho khimshu-a lah de Jihudarübonü angüpu berüpurü müjitarü yichokia arünü api tünkheak akin müla, tüsho arü ki kiokhi de tha, 19 Azübe chokinü müktokbale zübekhea tükhi nüsa tsührüju hajua de? Jutüasho apinü kheakü kütüthsübale ngücholi?" 20 Api berüpurüjunü alu, "Ha isa tsührüah, tüsho api mük tokbale zübekhea de isanü mükhea la: tüshe kheakü apinü kütü thsübale ngüchonü isanü mümükhea; 21 yongsho shepünü api mük khimshujihkhea isanü mümükhea; Api ki kiokhiang, kheaküa api azorü kamdo, apinü aküdathsüde api tün thakhokpa." 22 Jihudarü triekhinü berüpurünü junangde athakhea, tümütüsho mitsürü khürünü api Khrista de alukhisho sinagog chingnü yankhita pahpa de asokachibale lakhea. 23 Jimonü api berüpurünü tha, "Api azorü kamdo, api ki kiokhiang." 24 Jumonü arünü maniekipüshe müktokpu ju jibale tha, "Thrünpuh khilim mungshe jihang; hapu ha amünean mitsürüa de isanü mükhea lah." 25 Mük tokpunü alu," Api amünean mitsürüashe yongnü inü mümükhea tüshe halang inü mükhea lah, ju I mük toka lakhea, tüshe kheakü inü ngücho." 26 Jummü arünu api ki tha, "Apinü nü kheak tümü rhimokhea? tüsho apinü nü mük künangde khimshujihkhea?" 27 Apinü arü ki alu, "Inü kheakü lang th ido, tüshe nüsanü mani. Tümüthsüpü nüsanü maniekipü aninila? Nüsashe api jingyanrü kamnilashe?" 28 Tüshe arünü api athru tüsho tha, "Nü api jingyanrü, tüshe isa-a Mosa jingyanrü. 29 Thrünpuhnü Mosa ki asokachikhea de isanü mükhea 1ah, tüshe hapu mitsürü-a küchingnü arükheanü isanü mümükhea." 30 Mitsürüpu junü arü ki alu, "Jutüasho amüyinsapiju ha ching lah, tümütüsho nüsanü api küchingnü arükheanü mümükhea, tüshe apinü I mük khimshujih. 31 Thrünpuhnü amünean mitsürü ki manicho de isanü mükhea lah; tüshe mitsürü khülang Thrünpuh kinganrü tüsho apinü mulongkhi rhimorüasho api ki Thrünpuhnü anicho. 32 Azübe chokinü mük tokbale zübekhi mitsürü khülang mük khürükhünü khimshujihdo de alo thründanchokinü küyimkishe müsoakhea. 33 Mitsürü hapu Thrünpuh kilimnü yongkhüla, apinü tümü mürhimokhokpia." 34 Arünü api ki alu, "Nü khülangkinü amünean ching zübekhea, tüsho nünü isa ki tsangyupeade?" Tüsho arünü api sinagog chingnü yankhitapah.

Me ching Müktokkhe

35 Arünü api yankhita pahdo de Jisunü so; tüsho api shurubale Jisunü api ki tha, "Nünü Thrünpuh Tsührü kheak kinchoshe?" 36 Apinü alu, "Atungpu, inü api kheak kinpü thsüde api shea?" 37 Jisunü api ki tha, "Nünü api ngüdo tüsho shepünü nü ki asokachichonü apiju Thrünpuh Tsührü jua." 38 Tüsho apinü tha, "Atungpu, inü kincho." Tüsho apinü Jisu ki kingan. 39 Jutüki Jisunü tha, "Sherünü ngücho, arü müktokrü kampü tüsho sherünü müngücho arünü angüshipü thsongkheaknü inü thiyukhappü I alomi ching arükhea." 40 Farisirübo sherü ju ching api lung lakhea arünü ha yu sochoki tha, "Jutüasho isa müktokrü-ah de tu?" 41 Jisunü arü ki tha, "Nüsa mük toka lakhüla, nüsa amünean müla de alapa, tüshe kheakü nüsanü thacho, "Isanü ngücho': Jumonü nüsa amünean lah."

10

Namfhiminu Yam

1 Atsütsü, tsükjide inü nüsa ki thacho, shepünü namfhiminu ripit chingnü mazade, püpürü limro chingnü azabanü api ahührü tüsho jangkhijangrarü-ah. 2 Tüshe shepünü ripit hode azabanü api namfhiminu neakpu. 3 Api khilim ripit neakrünü ripit khimshujihcho, tüsho namfhiminubonü api tüshak socho, tüsho apinü nihpe namfhiminubo arü mungnü jicho tüsho arü peba yücho. 4 Küyimki apinü arü peba yübanü, apinü arü müngü yücho, tüsho namfhiminubonü api tunglim yücho; tümütüsho arünü api tüshak mükhea lah. 5 Arünü püpürü tunglim müyan, tüshe arünü api kheaknüa atsopa, tümütüsho arünü api tüshak mümükhea." 6 Jisunü shidanglimyu ha arü ki tha, tüshe apinü tümü thakhea ju arünü manikhit.

Jisu Namfhiminu Neakrü Atsü

7 Jumonü Jisunü maniekipüshe arü ki tha, "Atsütsü, inü nüsa ki thacho: I namfhiminu ripit. 8 I kheaknü akhu arürübo alala ahührü tüsho jangkhijangrarübo: tüshe namfhiminu bonü arü tüshak mani. 9 I khimtopü; I hode khürünü azasho api khümkhitpa, tüsho azala wukhiukla de athsüpa tüsho tsühyungpü ngüpa. 10 Ahührünü ahühpü, alaksapü tüsho tükheakshipü lang arücho. Tüshe Ia rhangdong müzhumupongde ngüshipü thsongkheaknü arükhea. 11 I namfhiminu neakrü atsü, namfhiminu neakrü atsünü namfhiminubo thsongkheaknü nihpe rhangdong jihcho. 12 Shepü namfhiminu neakrü yong, tüshe mulumüthsürü lang, tüsho namfhiminuboju api yo yong, apinü rimre arükhi ngübale tsoapahcho tüsho rimre junü namfhiminubo ngusashicho tüsho arü yanmüzütshicho. 13 Api mulumüthsürü lang tüsho namfhiminubo thsongkheak mülümcho, jumonü apinü tsoapahcho. 14 I namfhiminu neakrü atsü, tüsho I punü I künangde mukhea lanü, ju nangde inü I yo namfhiminubo mükhea lah, tüsho arü nüshe I mükhea lah; 15 tüsho namfhiminubo thsongkheaknü Inü I rhangdong ajihpa. 16 Tüsho ha namfhiminu yam ching müpekhi, I yo kheaküshe püpü namfhiminubo lah, jurüboshe inü petarüpia, tüsho arünü I tüshak anipa, tüsho boto khülang namfhiminu neakrü khülang lung alapa. 17 Ipunü I müzhocho, tümütüsho maniekipü alulupü thsongkheaknü inü I rhangdong zojihcho. 18 Ju I kheaknü shenüshe müjangkhicho, tushe I küdathsüde inü I rhangdong zojihcho, ju zojihpü I sümü lah, tüsho ju lulupü I sümü lah. Ha amülükhi inü I pu kilimnü angükhea. 19 Thiyi harübo tünkheaknü Jihudarü bolung maniekipü marihde kam. 20 Tüsho arü ahihkhunü tha, "Api kheak amünean me lah, tüsho api apünrüah; tümüthsüpu nüsanü api yu anichole?" 21 Püpürünü tha, "Hajua amünean menü aramkhi yu yong. Amünean menü aramkhi mitsürünü müktokrü mük khimshujihkhokpade?"

Jihudarübonü Jisu Pahyokkhe

22 Kheakü Jirusalem ching arüngyam müsükhitkhe thünio lakhea; haha tsüngkam lakhea. 23 Tüsho Jisu Solomon yam limkhu ayinkhe khüp tsade lakhea. 24 Jumonü Jihudarübonü api mükamdobale api ki tha "Külukhü nünü isa lümtrüp thsüshibale? Nü Khrista asho isa khipkhitde thaang." 25 Jisunü arü ki alu. "Inü nüsa ki thado, tüshe nüsanü mükincho: Ipu mung ching inü tümü rhimochonü, harü hanü I tünkheak thiyumütsa a jihcho. 26 Tüshe nüsanü mükincho, tümütüsho nüsa I yo namfhiminu bolung müza. 27 I yo namfhiminubonü I yu anicho, tüsho inü arü mükhea lah, tüsho arünü I tunglim yancho. 28 Tüsho inü arü khilim kamrururu rhangdong jihcho; arübo küyimkishe müshe, tüsho I kha chingnü arü küyimkishe shenüshe jangkhide mütso. 29 Ipu shepünü arübo I khilim jihkhea, api alala kheak atope, tüsho I pu kha chingnü arü shenüshe jangkhide mütsokhok. 30 I tüsho I pu I ki khülang lang." 31 Ju thsongkheaknü Jihudarübonü Jisu kheak longnü akingpü maniekipü long thrüa shu. 32 Jisunü arübo ki tha, "Ipu kilimnü inü nüsa ki rhimo atsü ahikhü huhdo; jurü bolung küpü rhimo tünkheaknü nüsanü I kheak kingchole?" 33 Jihudarübonü api ki alu, "Rhimo atsü thsongkheaknü isanü nü kheak mükingcho, tüshe nünü Thrünpuh mükhemürangkhi hode, tüsho nü mitsürü thsübale nü küdathsüde Thrünpuh kamkhi tünkheaknü." 34 Jisunü arü ki alu, "Inü thado, Nüsa Thrünpuhpo lah, de nüsa thiyuzüng kaku ching thrüda müla de? 35 Sherübo kilim Thrünpuh yu arükhea, arü ki thrünpuhbo de Thrünpuhnü jisho, (tüsho amüsü yuju athsümünimpü mokok). 36 I Thrünpuh Tsührü ah de inü athakhi ching Apunü shepü müsükhitjihkhea tüsho alomi ching arüshikhea, 37 api ki nünü Thrünpuh mükhimükimcho de nüsanü athapade? 38 Inü I pu rhimo mürhimosho I tükin, tüshe inü jurüju rhimosho, nüsanü I mükin kinshe I rhimoju kinang: Ju hode I, Ipu kheak lah, tüsho Ipu I kheak lah de nüsanü amukheapa tüsho anikhitpa." 39 Arünü maniekipüshe api rampü mürang tüshe api arü kha chingnü tsoapa. 40 Tüsho apinü maniekipü Jordan khülim Johannü atan baptijihde lapong ching yü; tüsho ju ching la. 41 Tüsho ahikhü api kilim yü: tüsho arünü tha, Johannü khinthinpe rhimo tümü mürhimo: tüshe Johannü hapu tünkheak tümüpürü thakhea alala atsütsü la-alah." 42 Tüsho ju ching ahikhünü api kheak kin.

11

Lazar Shekhi

1 Bethanirü mitsürü khülang amungnü Lazar tukthsüde lakhea, Mari tüsho achie Martha ha kiurü lakhea. 2 (Habe Mari hanü Atungpu kheak arhümtüneape teli müjujihbale akuünü api jing nanjihkhea, aniorü Lazar tukthsüde lakhea.) 3 Jumonü achie püninü Jisu kilim thiyushak hanrü yüshide tha, "Atungpu, nünü shepü ki müzhochonü api tukthsü la." 4 Küyimki Jisunü ju sokhea, apinü tha, "Ha tukthsü ashepü thsüde yong, tüshe ha tünjikhi hode Thrünpuh müritashipa, tüsho jujunü Thrünpuh Tsührü müritapü thsongkheaknü lah." 5 Jisunü Martha tüsho aniorü alibe tüsho Lazar ki müzho. 6 Küyimki apinü Lazar tukthsü lah de asokhea, ju kim ching api kü ching lakhea ju ching apinü nimong manie mongapah. 7 Ju tunglim apinü ajingyanrübo ki tha, "Arang isanü Jihuda lomi ching alude yüanü." 8 Ajingyanrübonü api ki tha, "Tsangyurü, khünirü thsü lang Jihudarü bonü nü kheak longnü akingpü yimde alakhea, tale nünü ju ching alude ayüpade?" 9 Jisunü alu, "Nimong khülang ching ghonda thürükheak-manie yongde? Animong ching tsasho mitsürünü jing mümükhicho, tümütüsho apinü ha lomi ayintatrüm ngücho. 10 Tüshe mitsürünü azhing ching tsasho jing mükhicho; tümütüsho ayinatrüm ju api kheak müla." 11 Apinü ha yu kheak thakihde tha, "Isa müyamrü Lazar yapshede yüdo, ju yihmüsopü I yücho." 12 Ajingyanrübonü api ki tha, "Atungpu, api ayapshekhi langasho api asürülupa." 13 Jisunü Lazar shekhi tünkheak thakhea, tüshe api yapshede yüba süakhimkhi thacho de arünü lüm. 14 Jumonü apinü khipkhitde tha, "Lazar shedo. 15 Nüsanü akinshipü thsongkheaknü I ju ching mülade apahkhea, jumonü nüsa thsongkheaknü I asücho; arang isanü yüanü." 16 Thoma shepü ki rüpdezübekhi tsührü de jicho, apinü amüyamrübo ki tha, "Arang isa alala tsangyupu lung yüanü tüsho isa alala api lung sheanü."

Jisuju Arhangkamlutarükhe tüsho Rhangdong

17 Küyimiki Jisu akhiongkhea, Lazar kioyoka pahbale nimong phüyi thsücho de ngü. 18 Bethani kiulongju Jirusalem chingnü mail manie lang lakhea; 19 aniorü shekhi tünkheaknü anie mulong shukhiamjihpü Jihudarübo ahikhü Mari tüsho Martha anie kilim arüa lakhea. 20 Küyimnki Marthanü Jisu arücho de asokhea, apinü Jisu liangpu yü, tüshe Maria thiyam ching aliang. 21 Tüsho Marthanü Jisu ki tha, "Atungpu, nü ha ching lakhüla, I niorü müshede alapa! 22 Tüshe inü mükhea lah, kheaküküshe nünü tümüpürü Thrünpuh ki akheangbanü apinü ni khilim ajihpa." 23 Jisunü Martha ki tha, "Nü niorü arhangkamlutarüpa." 24 Marthanü api ki tha, "Nimong akhiam ching maniekipü arhangkamlutarüchoki api rhangdong asürüpa de inü mükhea lah." 25 Jisunü Martha ki tha, "Maniekipü arhangkamlutarükhi tüsho rhangdong I: shepünü I kheak kinbanü api shesheshe arhang lapa. 26 Tüsho shepünü arhang labanü tüsho I kheak kinbanü küyimkishe müshe. Nünü ha kinchoshe?" 27 Marthanü alu, "Am, Atungpu, alomi ching arüpü lakhi Thrünpuh Tsührü Khristaju nüa de inü kincho."

Jisunü Trep

28 Ju thabale Marthanü alude yübale aniorü Mari ramde jibale tha. "Atungpu ha kheak lah, tüsho apinü nü jicho." 29 Küyimki Marinü ju sokhea, api shurupü thsongkheaknü niukhiamde yü. 30 (Kheaküshe Jisu kiulong ching marüyi, Marthanü api küching shurukhea, ju kheak lang lakhea.) 31 Jutüki Jihudarübo sherü Mari mulong shukhiamjihde anihbe lung thiyam ching lakhea, arünü Mari niukhiamde wusoba ayükhi ngübale anihbe kioyok ching atreppü yücho de lümbale anihbe tunglim yande yü. 32 Tüsho Jisu kü ching lakhea, Marinü ju khiongbale Jisu ngüchoki api jing ki mükhüm, tüsho Marinü tha, "Atungpu, nü ha ching lakhüla I niorü müshede alapa!" 33 Küyimki Jisunü Mari tüsho anihbe lung arürü Jihudarübo trepkhe ngükhea, api mulong rozhak tüsho alümmüshede tha, "Nüsanü api tümü ching azokhea?" 34 Arünü api ki tha, "Atungpu, arüba kheaang!" 35 Jisunü trep. 36 Jumonü Jihudarübonü tha, "Apinü api kheak kütükhü müzho lanü kheang." 37 Tüshe arü bolung khürünü tha, "Mitsürü hapu, shepünü müktokpu mük khimshujihkhea, apinü Lazarshe müsheshikhüla tu?"

Lazar Arhangkamlutarükhe

38 Jisunü amulong khide rozhakde maniekipü kioyok chingju yü. Ju kioyokju longkhün khülang tüsho ju mikheakju longbeak khülangnü yihtoa lakhea. 39 Jisunü arü ki tha, "Nüsanü longbeakju thülaapaang." 39 Shepü shea lakhea achie Marthanü tha, "Atungpu, kheaküa ashurüm münimpa; tümütüsho api shebale nimong aphüyipü thsücho." 40 Jisunü Martha ki tha, "Nünü kinsho Thrünpuh müritakhi nünü angüpa de inü nü ki müthade?" Jumonü arünü longju thülaapa. 41 Tüsho Jisunü akulim kheade tha, "Apu, nünü I yu ahikhi hode inü nü mung shecho. 42 Tüsho nünü kamrururu I yu anicho de inü mükhea lah: tüshe ha ching mükamde zhipalarü mitsürübo tünkheak nünü I arüshikheade arünü akinpü thsongkheaknü, inü ha yu thacho." 43 Tüsho apinü ju thabale tüshak achangnü jide tha, "Lazar, akhiukang." 44 Tüsho ashepuju akhiuk, api ajing akhabo me phodokhi khimnü hingbale alakhea; tüsho api miru shuke nanpi khimnü muhiodobale lakhea, Jisunü arü ki tha, "Api trünang tüsho tükhiang."

Jisu Azhide Rükthsükhe

45 Jihudarü ahikhü sherü Mari kilim arükhea, tüsho apinü arhimokhe ngükhea, arünü api khiak kin. 46 Tüsho arü bolung khürünü Farisirübo kilim yübale Jisunü tümü rhimokhea ju tha. 47 Jumonü Farisirübo tüsho amükiamputungrübonü mukhongbale tha, "Isanü tümü rhimopa? Tümütüsho mitsürü hapu hanü amüyinsape rhimo ato ahikhü rhimocho. 48 Isanü api ha nangde lang zojihsho, mitsürü alalanü api kheak kinpa, tüsho Romrübo arübale isa arüngyam thsümünimjihpa tüsho isa mitsürübo peba atsopa." 49 Tüshe arü bolung khülang amungnü Kaifa, shepü ju kamju achangpiamükiamrü lakhea, apinü arü ki tha, "Nüsanü rhimo khülang mümükhea! 50 Tümütüsho isa trük alala tükheak musunga mitsürübo thsongkheaknü mitsürü khülang shekhi atsüpea de nüsanü mülümcho." 51 (Ha apinü amulong chingnü lang athakhi yong, tüshe ju kamju api achangpi amükiamrü thsükhinü Jihudarübo thsongkheaknü Jisu shepea de 52 tüsho Jihudarübo thsongkheak lang yong, tüshe müzüta lakhi Thrünpuh tsührübo khülang kamde rukhü apinü pemukhongpü thsongkheaknü ha athakhea.") 53 Jumonü ju nimongjunü rünbale arünü Jisu laksapü rük yim. 54 Jumonü Jisunü kheaküa Jihuda ching kiumikheak mütsade ju chingnü akhinde mütüm thüninde lakhi lomi Efrahim de ajikhi kiulong ching yüapah; tüsho apinü ju ching jingyanrü lung la. 55 Kheakü Jihudarübo akhümkhitpü thünio thüninde lakhea: tüsho thünioju mükhiongyide lomibo chingnü nihpe küdathsüde müsükhitpü thsongkheaknü mitsürü ahikhü Jirusalem ching yü. 56 Tüsho arünü Jisu yim, tüsho arüngyam ching mukhongbale arü zangzang kiokhiachi, "Nüsanü kütü lümlale? Atsütsü api thünio ching marüpashe?" 57 Api rampü thsongkheaknü api küching lanü khülang khünü mükheasho ju ahuhpea de amükiamputungrübo tüsho Farisirübonü thiyukhüm jihbale lakhea.

12

Bethani ching Jisu Kheak Teli Müjujihkhe

1 Akhümkhitpü thünio khiongpü nimong thorok lachoki, Jisunü Lazar shepü ashekhi chingnü arhangkamlutarüshikhea, api lakhi kiulong Bethani ching yü. 2 Jumonü arünü ju ching api thsongkheaknü arelim yimthsüpü thünio khülang tsakham: tüsho Marthanü ahiu-akhipba jih; tüsho api lung yimtsüpong tükhüm miki pinrü bolung Lazar khülang, lakhea. 3 Jutüki Marinü sho ahihkhü mokhe arhümthüneape teli liter chamshak khü hantarübale Jisu jing kheak müjujih, tüsho alibe kuünü ajing nanapahjih; tüsho teli rhüm junü thiyam mede kam. 4 Tüsho Jihuda Iskariot, ajingyanrü bolung khülang, shepünü api rama jih, apinü tha. 5 "Teli ha sho adholi che masam mo yinbale zhochirü khilim tümüthsükhi müjihkheali?" 6 Apinu zhochirü thsongkheaknü lümbale ha athakhi yong, tüshe api ahührü tüsho api miki sho khiokhio lamonü, ju ching tümü lakhea ju luba tso. 7 Tüshe Jisunü tha, "Alibeju jude zojang, I kioyok ching kioyoka pahpü nimong thsongkheaknü ju alibe khilim zojang. 8 Tümütüsho zhochirüa nüsa lung kamrururu lah, tüshe la nüsa lung kamrururu müla."

Lazar Azhide Rhimokhe

9 Küyimki Jihudarü boto ato khülangnü Jisu Bethani ching lah de asokhea, arünü Jisu thsongkheaknü lang yongde Lazar shepü apinü ashe chingnü rhangkamlutarüshikhea api kheapü thsongkheaknüshe arü. 10 Jumonü amükiamputungrübonü Lazar laksapü thründrong. 11 Tümütüsho api tünkheaknü Jihudarübo ahikhü alude yüapah, tüsho Jisu kheak kin.

Jirusalem ching Jisu Akok Ngüde Yüzakhe

12 Ashetoju Jisu Jirusalem ching arümuru de thünio ching arürü botojunü so. 13 Tüsho arünü ashedong sang khabo shuhbale api liangpü yü, tüsho zhide tha, "Thrünpuh mung sheang, Shepü Atungpu mung ching arücho, api Thrünpuhnü müngüjang: Thrünpuhnü Israel atokiulongthsüpu müngüjang." 14 Tüsho Jisunü Gadu nunu khülang ngübale ju tütsün kheak pin; Amüsüyu ching thakhi nangde, 15 'Zion kiuto, tütrie! Kheakü nu kiulongthsüpu gadu kheak Pinba nü kilim arümuru.' 16 Jutüchokia api jingyanrübonü ha yu ha manikhit: tüshe küyimki Jisu sheba arhangkamlutarükhea, jushu lang thiyu ha api thsongkheak athrüdkhea tüsho junangde arünü api ki rhimodo de arünü lümkhit. 17 Jumonü apinü küyimki kioyok chingnü Lazar jihde, ashekhi chingnü arhangkamlutarüshichoki boto küpü api lung lakhea, arünü thiyumütsan jih. 18 Tüsho botonü yübale api shuru, tümütüsho apinü amüyinsape rhimo ato ha rhimodo de arünü so. 19 Jumonü Farisirübonü arü zangzang asokachide tha," "Kheaang, nüsanü tümü mükamkhitcho; kheaang, alomi athrünkhinü api tunglim yancho."

Greekrübonü Jisu Yimcho

20 Kinganpü thsongkheaknü sherü Jirusalem ching yükhea, arü bolung Greekrü khurü lakhea: 21 Jumonü arünü Galil ching lakhi Bethsaidarü Filip ki arübale kiokhe, "Atorü, isanü Jisu ngünie lah." 22 Filipnü arübale ju tünkheak Andria ki tha, tüsho Andria le Filip anie arübale Jisu ki tha. 23 Tüsho Jisunü arü ki alu, "Mitsürü Tsührü müritapü nimong khiongdo. 24 Atsütsü inü nüsa ki thacho, he büm khülang alo ching ayubale müshesho api azangrü lacho; tüshe api shesho apinü aso hihde asocho. 25 Shepünü nihpe rhangdong müzhocho ju tükheakpa, shepünü ha lomi ching nihpe rhangdong traneanbanü apinü ju kamrururu rhangdong thsongkheaknü azopa. 26 Khürünü I tankisho apinü I tunglim yanshang; tüsho I tümü ching labanü I tankirüshe ju ching lapa: shepünü I tankichonü Apunü api mungshepa."

Jisunü Api Shepü Tünkheak Thakhi

27 "Kheakü I mulong khide rozhakcho, tüshe inü tümü thapa? Apu, ha kim chingnü I khümkhitang. Tüshe ha thsongkheaknü I ha ching ha arükhea. 28 Apu, nü mung müritashang!" Jutüki thüning chingnü tüshak khülang akhiukbale tha, "Inü ju müritashido: tüsho ju maniekipü müritashipa." 29 Jumonü thüninde azhiprü boto alalanü ju sochoki tsüngmok mokdo de lüm; püpürünü tha, "thüningyunirü khülangnü api ki asokachido." 30 Jisunü alu, "ha tüshak I thsongkheaknü yong tüshe nüsa tüsongkheaknü arüdo. 31 Ha lomi thiyukhappü thsongkheaknü kim thüninde lah; kheakü ha lomi atokiulongthsüpuju tongkholim pahpa. 32 Küyimki I alomi chingnü shukibanü, inü mitsürü alala I kilim athupa." 33 Tüshe kütürü ashekhinü api ashepianü ju mükheashipü apinü ha athakhea. 34 Jumonü alalanü api ki alu, "Khrista-a kamrururu müshede lacho de isanü Thiyuzüng chingnü sodo. Jutüasho Mitsürü Tsührü shukipa de nünü küde thachole? Mitsürü Tsührü ju shea?" 35 Jisunü arü ki alu, "Kheaküa kim akhihkhü lang ayinatrümju nüsa lung alapa. Amitüngnü müyanphupü thsongkheaknü nüsa lung ayinatrüm lachokinü tsaang: shepünü amitüng ching tsachonü apinü kulimpiang yüchonü mümükheacho. 36 Ayinatrüm nüsa lung lachoki, nüsa ayinatrüm tsührübo kampü thsongkheaknü ayinatrüm kheak kinang.

Jihudarü Amükinrübo Thsongkheak

Jisunü thiyu harü ha thakhambale apinü akhinde yübale aküdathsüde jikapa. 37 Junangde apinü arü miki amüyinsape rhimo ato jutükhü rhimomoshe arünü api kheak mükin. 38 Jumonü Isaya wokirünü athakhi yu ha tünji. "Atungpu, shepünü isanü athakhi thiyushak ching kinkhea? Tüsho sherü miki Atungpu wo huhkhea? 39 Ha tünkheaknü arünü mükinkhok, tümütüsho Isayanü maniekipü tha, 40 Thrünpuhnü arü mük tokshi, Tüsho apinü arü mulong müküpde kamshi. Jutü müthsükhüla arü müknü angüpa, Tüsho arü mulongnü anikhitpa, Tüsho I kilim alutarüpa, Tüsho inü arü thsüngujihpa." 41 Isayanü ha yu ha tha, tümütüsho apinü Jisu müritakhi ngü, tüsho apinü Jisu tünkheak tha. 42 Jutüalalashe yakzan shuhrü bolung ahikhünü api kheak kin; tüshe arü sinagog chingnü yankhita pahpa mütsüle de Farisirübo trielimnü ju amikheak arünü malukhi. 43 Tümütüsho arünü Thrünpuh kheaknüa mitsürü mungshe alü müzho.

Jisunü Thiyukhapkhe Tünkheak Thakhi

44 Jisunü tüshak atonü zhede tha, "Sherünü I kheak kinchonü, apinü I thipu kheak kincho. 45 Tüsho sherünü I kheachonü, apinü I arüshipu kheacho. 46 Sherünü Ikheak kinbanü api amitüng ching mülapü thsüde I alomi ching ayin khülang arükhea. 47 Sherünü I yushak sobale ju manibanü, inü api yu mükhap. Tümütüsho alomi yukhappü thsongkheaknü yong, tüshe alomi khümkhitpü I arükhea. 48 Shepünü I payokcho, tüsho I yu müliangkhichonü api yu khappü khülang lah: inü tümü yu thakhea ju nülang akheam ching api yukhappa. 49 Tümütüsho inü I mulongkhi chingnü masokcho, tüshe inü tümü thapea, tüsho tümü asokpeanü juju I thipu kilimnü I khilim thiyukhüm jihkhea. 50 Tüsho api thiyuzüngju kamrururu rhangdong de inü mükhea lah. Jumonü inü tümü thachonü juju I punü I ki tümü thachonü ju inü thacho."

13

Jisunü Ajingyanrübo Jing Müsüjihkhe

1 Kheakü akhümkhitpü thünio mükniongyide, Jisunü ha lomi chingnü Apu kilim yüpü kim khiongdo de mükheabale, alomi ching lakhi nihpe yo müzhocho, tüsho apinü arü ki akhiam khiongde müzho. 2 Jisu tüsho ajingyanrübo azhing ching yimtsühchoki, Simon tsührü Iskariot mulongkiang ching Jisu rama ajihpü amünean Rimrinü rük yokjiha pabale lakhea. 3 Apunü api khilim wo alala jihdo tüsho api Thrünpuh kilimnü arükhea tüsho Thrünpuh kilim yücho de Jisunü mükheabale, 4 yimtsühpong chingnü wusu, tüsho apinü akhim trünkhia zo; tüsho apinü pang nanpe khim khülang lutarübale achim kheak rüm. 5 Jushu apinü müsü mürape phuru khülang ching ke yok, tüsho ajingyanrübo jing müsüjihpü tüsho pang nanpe küpü api chim ching rümlanü jujunü arü jing nanjipü tanki. 6 Tüsho apinü Simon Peter kilim arü, tüsho Peternü tha, "Atungpu, nünü I jing müsüjipade?" 7 Jisunü api ki tha, Inü tümu rhimochonü juju kheaküa nünü mümükhea, tüshe nünü ha tunglima amükheapa." 8 Peternü api ki tha, "Nünü küyimkishe I jing tümüsüjih," Jisunü alu, "Inü nu mümüsüjihsho, nü I lung tümü shicham müla." 9 Simonnü api ki tha, "Atungpu, I jing lang yongde I kha tüsho I kushe müsüjangshe." 10 Jisunü api ki tha, "Shepü ki müyitünü apinü jing kheak hode amüsüpü müla, api alala müsü lah: Khülang kheak hode nüsa alala müsü lah." 11 (Tümütüsho shepünü api rama ajihpianü ju apinü mükhea la, jumonü apinü tha, "khülang kheak hode nüsa alala müsü lah.") 12 Apinü arü jing müsüjihkhamshu, apinü akhim phuyiubale maniekipü pinba arü ki tha, "Inu nüsa kheak tümü rhimotünü ju nüsanü mükhea lashe? 13 Nüsanü I ki Tsangyurü, tüsho Atungpu, de jicho: tüsho ju nüsanü athalim thacho: tümütüsho juju Ia. 14 Tüshe I Atungpu, tüsho Tsangyurünü nüsa jing müsüjihchosho, nüsanüshe khülangnü khülang jing müsüjipea. 15 Inü nüsa ki rhimokhi nangde nüsanüshe rhimopü thsongkheaknü inü nüsa ki amütsan khülang rhimodo. 16 Atsütsü inü nüsa ki thacho, nihpe aputungrü kheaknü yamlarü atope yong, tüsho athipu kheaknü thiyushakhanpu atope yong. 17 Kheakü nüsanü thiyuru ha mükheabale rhimosho nüsa asüpa! 18 "Inü nüsa alala tünkheak thacho yong, inü sherü mukhitünü inü arü mükhea lah: tüshe amüsüyu ching thakhiju atsütsü tünjipa. Shepünü I jimpung tsüchonü apinü rholupa I azhihcho. 19 Ha küyimki tünjibanü nüsanü I apia de mükheapü thsongkheaknü amütünjiyichokinü inü ha nüsa ki thacho. 20 Atsütsü inü nüsa ki thacho, Sherünü I thipu liangkhibanü apinü I liangkhicho; tüsho sherünü I liangkhichonü apinü I arüshipu liangkhicho."

Api Ramshipu Tünkheak Jisunü Thacho

21 Jisunü thiyu harü ha thakhamshu, api mulong khide rozhakde khipkhitde tha, "Atsütsü inü nüsa ki thacho, nüsa bolung khülangnü I rama jihpa!" 22 Apinu she tünkheak thachoki de lümshangmangde arü zangzang kheaachi. 23 Jingyanrü bolung khülang, Jisunü shepü ki müzho, api Jisu khü kheak angükibale pinde lakhea. 24 Jumonü Simon Peternü api ki amüknü atrapde tha, "Shepu tünkheak apinü isa ki thachonü thaang." 25 Api pinde lakhi nangde apinü Jisu khu kheak angübale tha, "Atungpu, ju shea!" 26 Jisunü alu, "Khihkhapju awo kelamnü bokbale shepü khilim inü akipbanü apiju apia." Tüsho Jisunü khihkhapju awo kelamnü bokbale Simon tsührü Iskariot Jihuda khilim kip. 27 Jihudanü khihkhapju liangkhibale api kheak Satan yüza; jumonü Jisonü api ki tha, "Nü tümü rhimopü lanü nanade rhimoang!" 28 (Jisunü ha yu api ki tümü mütsan thakheanü, ju ching yimtsühde apinrü shenüshe mümükhea. 29 Tümütüsho Jihuda kha ching sho khiokhio lale, thünio thsongkheaknü isa tümü yihnüpü lanü, ju thuluang, yongsho zhochirü khilim tümükhü jihang de Jisunü api ki thacho de arü bolung khürünü lüm). 30 Khihkhapju liangkhi miliangnü Jihudanü wongto wukhiuk: tüsho ha azhing lakhea.

Amülükhi Yuzüng Aso

31 Jihuda tso tonglim Jisunü tha: "Kheakü Mitsürü Tsührü müritacho; tüsho api hode Thrünpuh müritacho. 32 Tüsho Thrünpuhnü nihpu kheak api müritashipa, tüsho apinü api nanade müritashipa. 33 Azürübo, kheaküa kim akhikhülang I nüsa lung lapa, nüsanü I yimpa, tüshe inü Jihudarübo ki thakhi nangde kheaküa nüsa kishe thaanü, I külimpiang yübanü nüsanü ju ching marükhok. 34 Thiyuzüng aso khülang inü nüsa khilim jihcho, nüsanü khülangnü khülang ki müzhoachiang. 35 Nüsanü khülangnü khülang ki müzhoachisho, jujunü alalanü nüsa I jingyanrüboa de amükheapa."

Peternü Jisu Malukhipü Jisunü Thakhi

36 Simon Peternü Jisu ki kiokhi, "Atungpu, nu külimpiang yüpa?" Jisunü alu, "I külimpiang yübanü ju chingju kheakü nünü I tunglim marükhok. Tüshe nünü tonglima arükhokpa." 37 Peternü api ki alu, "Atungpu, tümüthsükhi kheaküa inü nü tonglim marükhokpiali? Nü thsongkheaknü ashepüshe inü I rhangdong tsakhambala". 38 Jisunü alu, "Nünü I thsongkheaknü ashepü tükde tsakhamba lahtu? Atsütsü inü nü ki thacho, khihri thununü mükhongyide nünü I mümükhea de masam ki khiongde athapa".

14

Jisuju Apu Kilim yüpü Limro

1 Jisunü arü ki tha, "Nüsa mulong tüthsümünim. Nüsanü Thrünpuh kheak kincho, I kheakshe kinang. 2 I pu yam ching lapong ahikhü lah; tüsho I nüsa thsongkheaknü lapong tsakhampü yüpa; jutü müthsükhüla inü nüsa ki müngülimnü thaba alapa. 3 Tüsho küyimki I yübale lapong tsakhambanü, I alutarüpa, tüsho I lung nüsa peba ayüpa; tüsho I tümü ching labanü nüsashe ju ching alapa. 4 Tüsho I külimpiang yüpianü nüsanü limroju mükhea lah." 5 Thomanü api ki tha, "Atungpu, nü külimpiang yüpianü isanü mümükhea, Jutüasho isanü limroju küde amükheapü?" 6 Jisunü api ki alu, "Limro atsütsü tüsho rhangdong I; I hode yongsho shenüshe I Bu kilim marücho. 7 Nüsanü I mükheakhüla, I pushe amükheapa; kheakünü rünba nüsanü api mükhea lah tüsho api ngüdo". 8 Filipnü api ki tha, "Atungpu, isa ki Apu huhang, jujunü isa asohah". 9 Jisunü api ki tha, "Filip, I nüsa lung halukhü lalashe nünü I mümükheade? Shepünü I ngütünü apinü Apu ngüdo, tahle nünü isa ki apu huhang de küde thacholi? 10 I Apu kheak lah tüsho Apu I kheak lah de nünü mükincho de? Inü nüsa ki tümü yu thachonü ju I küdathsükhi chingnü thacho yong: tüshe Apu I kheak labale apinü api rhimo rhimocho. 11 I apu kheak lah tüsho I kheak Apu lah de I ha kinang; yongsho rhimo thsongkheaknü I kinang. 12 Atsütsü inü nüsa ki thacho, Sherünü I kheak kinchonü tümü rhimo Inü rhimochonü apinüshe ju rhimopa; tüsho harü kheaknü alü rhimopa; tümütüsho I apu kilim yüpa. 13 Tüsho nüsanü I mung chingnü tümüpurü kheangbanü ju inü arhimopa, tüsho jujunü Atsührü kheak Apu müritapa. 14 Nüsanü I ki I mung chingnü tümükhü kheangsho ju inü arhimopa.

Me Amüsü Alukhikhi

15 "Nüsanü I müzhosho, nüsanü I yuzüngbo anipa. 16 Inü Apu ki akheangba, tüsho apinü nüsa khilim püpürü Arongrü thiyuru Me ajihpa tüsho nüsa lung kamrururu alapa. 17 Alominü api müliangkhikhokcho, tümütüsho alominü api müngücho, tüsho amükheashe mümükheacho: nüsanü api mükhea lah, tümütüsho api nüsa lung lah, tüsho nüsa kheak alapa. 18 Nüsa thsümütsüde inü müzojih, I nüsa kilim alutarüpa. 19 Akhikhü kheak lashu, alominü I müngü; tüshe nüsanüa I angüpa: tümütüsho I arhang lah tüsho jujunü nüsashe arhang lapa. 20 Küyimki ju nimong khiongtarübanü I Apu kheak lah, tüsho nüsa I kheak, lah tüsho I nüsa kheak lah de nüsanü amükheapa. 21 Sherünü I yuzüng liangkhibale ju anichonü, apinü I müzhocho: tüsho shepünü I müzhocho, I punü api müzhopa, tüsho inü api müzhopa tüsho inü I küdathsüde api miki akhiuka ahuhpa." 22 Jihudanü (Iskariot yong püpürü) api ki tha, "Atungpu, tümüde nünü alomi miki nüküdathsüde amikheak makhiukde isa miki amikheak akhiukbale?" 23 Jisunü api ki alu, "Sherünü I müzhobanü apinü I yushak anipa. 24 Sherünü I mümüzhonü apinü I yu manicho: Nüsanu tümü yu sochonü ju I yu yong, tüshe I thipu Apu kilimnü arükhi yu. 25 "Nüsa lung akhikhü lachoki inü thiyu harü ha nüsa ki thado. 26 Tüshe Arongrü, ju Amüsü Me shepü Apunü I mung chingnü arüshipa, apinü nüsa ki alala ahuhpa, tüsho inü nüsa ki thakhi alala lümkhitshipa. 27 Inü nüsa lung süakhim zojihcho; I yo süakhim inü nüsa khilim jihcho; alominü ajihkhe nangde inü nüsa khilim müjihcho. Nüsa mulong tüthsümünim, tüsho triede tüla. 28 I ayüpa tüsho nüsa kilim alutarüpa de inü nüsa ki thakhi nüsanü sodo. Nüsanü I müzhosho, nüsa asüpa, tümütüsho I Apu kilim yücho, tümütüsho I kheaknü api atope. 29 Tüsho ha alala tünjide arüchoki nüsanü akinpü thsongkheaknü inü kheakü amüngünü harü ha thado. 30 Nüsa lung inü kheaküa ahikhü masokachi, tümütüsho ha lomi yakzan shupu arümuro. Api I kumung sümü tümü müla. 31 Tüshe inü Apu müzhocho, tüsho Apunü I khilim tümü yuzüngbo jihkhea ju inü rhimocho de alominü mükheapü thsongkheaknü api arüpa. Tsamüsoang, isanü ha kheaknü yüanü.

15

Jisuju Kurongaso Liu Tsütsü

1 "I kurongaso liu tsütsü, tüsho thulu thsüpuju I Pu. 2 I kheak lakhi akhabo küpünü aso masonü, apinü ju kioshakapahcho: tüsho akhabo küpünü aso asobanü alü asoshipü thsongkheaknü, apinü ju müsükhitcho. 3 Inü nüsa ki athakhi yunü nüsa-a müsükhita lah, 4 I kheak laang, tüsho I nüsa khoak laanü. Aliu kheak mülasho küyimkishe akhanü aso masokhok; junangde I kheak chinkide mulasho nüsanüshe aso masokhok. 5 "I aliu, tüsho nüsa akhabo, shepü I kheak la, tüsho I shepü kheak la, jujunü aso hihde asocho, tümütüsho I kheaknü chamachibale nüsanü tümü müthsükhok. 6 Shepü I kheak mülacho, api akhabo nangde lipkhia pahcho, tüsho sheapahcho, tüsho arünü ju hanmukhongbale mo ching takcho. 7 Nüsanü I kheak lasho tüsho I yu nüsa kheak lasho, nüsanü tümüpürü lunibanü kheangang tüsho juju nüsa kha ching alapa. 8 Nüsanü aso hihde asochoki I pu müritacho, tüsho ju hode nüsa I jingyanrü kampa. 9 Ipunü künangde nüsa müzhokhea, junangde inüshe nüsa müzho: nüsa I müzho ching laang. 10 Inü künangde I pu yuzüng anicho, tüsho api müzho ching I lacho, junangde nüsanü I yuzüng anisho, nüsashe I müzho ching alapa. 11 I asükhi nüsa kheak alapa, tüsho nüsa asükhi sodade akampü thsongkheaknü Inü thiyu ha nüsa ki thado. 12 Inü künangde nüsa müzhokhea, junangde nüsashe müyamrü le müyamrü püni müzhoachiang; haju ha inü amülükhiju lah. 13 Mitsürünü müyamrü thsongkheaknü rhangdong zojihpü ha kheaknü atope she müzhoshe müla. 14 Inü nüsa ki tümü mülücho ju rhimosho, nüsa I müyampurübo. 15 Kheaküa inü nüsa ki yamlarü de müjicho, tümütüsho nihpe putungrünü tümü rhimocho, juju yamlarünü mümükhea, tüshe inü nüsa ki müyampurü de jido; tümütüsho I Pu kilimnü inü tümü sokhea, ju alala inü nüsa ki mükheashido. 16 Nüsanü I mukhitkhi yong, tüshe inü nüsa mukhit, tüsho nüsa yübale aso hihde asoshipü thsongkheaknü tüsho nüsa asoju akhiam khiongde alapü inü nüsa apanshikhea; jumonü nüsanü I mung chingnü I Pu ki tümüpürü kheangbanü juju apinü nüsa kilim ajihpa. 17 Nüsa khülangnü khülang ki müzhoachipü haha inü nüsa ki mülücho."

Alominü Atraneanpa

18 "Alominü nüsa traneansho, hanü nüsa mütraneanyide akhude I traneankhea de nüsanü lümkhitang. 19 Nüsa alomi yo thsükhüla alominü nüsa müzhopa: tüshe nüsa alomi yo yong, tüshe inü nüsa alomi chingnü mukhit, jujunü alominü nüsa traneancho. 20 Nihpe aputungrü kheaknü yamlarü atope yong de inü nüsa ki athakhi yu lümkhitang. Arünü I thsümüchesho kütüthsüba arünü nüsa müthsümüchepü arünü I yu anisho nüsa yushe anipa. 21 Tüshe arünü I mung thsongkheaknü harü alala nüsa kheak rhimopa, tümütüsho arünü I thipu mümükhea. 22 I arübale arü ki müthakhüla, arü münean mülapü thsükhea, tüshe arü münean thsongkheaknü kheaküa atsokhitpong müla. 23 Shepünü I traneancho, apinü Apushe traneancho. 24 Küpü rhimo püpürü shenüshe mürhimo ju rhimoboju arü bolung mürhimokhüla arü amünean mülapü thsükhea, tüshe kheaküa inü tümü rhimotünü ju arünü ngüdo, tüsho I Pu I ki chido traneancho. 25 Tüshe arünü akiangnü I traneankhea de thiyuzüng ching thrüda lakhitün jipü thsongkheaknü ha akhiukcho. 26 Tüshe Arongrü, thiyuru Me, shepü I pu kilimnü arüpa, inü api Apu kilimnü thi-a arüshipa, tüsho apinü I tünkheak thiyu mütsan jihpa. 27 Tüsho nüsanüshe I tünkheak thiyumütsan jihang, tümütüsho nüsa atanki chingnü I lung lakhea.

16

1 "Nüsa mayukhishipü thsongkheaknü inü nüsa ki thiyu harü ha thado. 2 Arünü nüsa sinagog chingnü yankhita apahpa; ata, shepünü nüsa laksaba nü, apinü Thrünpuh rhimo rhimocho de nüsanü alümpü kim arümuru. 3 Arünü I pu tüsho I mümükheakhenü hatürü ha arhimopa. 4 Tüshe küyimki hatürü rhimokhi kim arübanü inü nüsa ki harü thsongkheak athakhea de nüsanü alümkhitpü thsongkheaknü inü nüsa ki alala thado.

Me Amüsü Rhimo

"Inü ha nüsa ki atanki chinga mutha, tümütüsho I nüsa lung lakhea. 5 Tüshe kheaküa I arüshipu kilim I yüpa; tüshe nüsa shepünüshe nü külimpiang yüpa de mükiokhicho. 6 Tüshe inü nüsa ki thamonü, nüsa mulong tokthsükhinü medo. 7 Tüshe inü nüsa ki tsükjide thacho, "I yükhinüpu nüsa thsongkheaknü atsüpe, tümütüsho I müyüsho Arongrüju nüsa kilim marü, tüshe I yüsho api nüsa kilim arüshipa. 8 Tüsho api küyimki arübanü mitsürü münean tünkheak tüsho mitsürübo müsükhi tünkheak tüsho Thrünpuh thiyukhapkhi tünkheak thiyumütsan jihpa. 9 Arü münean thsongkheak, tümütüsho arünü I kheak mükin; 10 Arü müsükhi tünkheak, tümütüsho I Apu kilim yüpa, tüsho kheaküa nüsanü I müngü. 11 Thiyukhapkhi tünkheak, tümütüsho ha lomi atokiulongthsüpu tihyukhapa pahdo. 12 "Inü nüsa ki athapü kheaküshe thiyu ahihkhü lah, tüshe ju kheakü nüsanü marümkhok. 13 Tüshe küyimki thiyuru Me arübanü, apinü nüsa alala thiyuru kilim apepa: tümütüsho apinü aküdathsükhi chingnü mütha, tüshe apinü tümüpürü asobanü jutürüju apinü nüsa ki athapa, tüsho tümü arüpü lanü jutürübo thsongkheak apinü nüsa ki mükheashipa. 14 Apinü I müritashipa, tümütüsho apinü inü athakhi chingnü alupa, tüsho juju nüsa ki mükheashipa. 15 I pu yo tümüpürü lanü ju alala I yoah: jumonü inü Me khilim tümü jihbanü ju apinü nüsaki athapa de inü nüsa ki thado.

Asüpü tüsho Mulongtokthsüpü

16 "Kim akhikhü lashu nüsanü I müngüde apahpa: jutunglim akhikhü labale nüsanü I ngülupa." 17 Jumonü jingyanrübo khürünü arü zangzang asokachide tha, "Kim akhikhü lashu nüsanü I müngüde apahpa, tüsho ju tunglim akhikhü labale nüsanü I ngülupa tüsho I Apu kilim yüpa de apinü isa ki thakhi ha tümü mütsan?" 18 Jumonü arünü tha, "Kim akhikhü de thakhi ha tümü mütsan? Apinü tümü thachonü isanü mümükhea." 19 Arünü api ki kioni lah de Jisunü mükheabale arü ki tha: "Kim akhikhü lashu kheaküa nüsanü I müngü de apahpa; ju tunglim akhikhü labale nüsanü I ngülupa de inü athakhi tünkheak nüsa bolung asokachichode? 20 Atsütsü inü nüsa ki thaanü, 'Nüsanü atreppa, tüsho mi trepba, tüshe alominü asüpa: nüsa mulong tokthsüpa, tüshe nüsa mulong tukthsükhiju asüpünu müthrilupa. 21 Küyimki aliberü khülang khongarü zübepü kim khiongchonü mulong tukthsü lacho, tümutüsho alibeju thsünupü kim khiongkhea, tüshe küyimki khongarüju zübebanü alomi ching anihbenü khongarü khülang zübekhi tünkheaknü api thsünükhi alala miapahdo. 22 Junangde nüsa kheakü mulong tukthsü de lah, tüshe inü nüsa maniekipü angüpa, tüsho nüsa mulong asükhinü amepa, tüsho nüsa asükhiju shenüshe luba mütsokhok. 23 Tüsho ju nimong küyimki khiongtarübanü nüsanü I ki tümü mükiokhi. Atsütsü inü nüsa ki thacho, nüsanü I mung chingnü I pu ki tümükhü kheangsho apinü ju nüsa khilim jihpa. 24 Kheakü khiongde nüsanü I mung chingnü tümü mükheang: khiangang, tüsho nüsanü ju liangkhipa, tüsho jujunü nüsa asükhi sodade akampa.

Alomi Kurungkheak Akok

25 "Nüsa ki inü harü ha amütsannü thado: tüsho inü nüsa ki amütsannü müthapü, tüshe Apu tünkheaknü nüsa ki khipkhitde asokpü kim arümuru. 26 Ju nimong küyimki khiongde arübanü, nüsanü I mung chingnü akheangpa; tüsho nüsa thsongkheak inü Apu ki amüshupa de inü müthacho; 27 tümütüsho apinü aküdathsüde nüsa müzhocho. Tümütüsho nüsanü I müzhocho, tüsho I, Thrünpuh kilimnü arükhea de Nüsanü kindo. 28 I Apu kilimnü arü, tüsho alomi ching la, tüsho inü maniekipü alomi pahbale Apu kilim ayüpa." 29 Jutüki ajingyanrübonü api ki tha, "Kheaang, nünü shidanglimyunü müthade khipkhit tülang thacho, 30 nünü alala mükhea lah, tüsho shenüshe nü ki kiokhipü yihnüpü müla de isanü mükhea lah: hamonü nü Thrünpuh kilimnü arükhea de isanü kincho." 31 Jisunü arü ki alu, "Kheakü nüsanü kinchotu? 32 Kheaang, nüsa mitsürü apan pulapong pulapong ching amüzütpa, tüsho I zangrü zojihpü kim arümuro. Am, ju khiongdo. Jutüa lalashe I, I zangrü yong, tümütüsho I pu I lung lah. 33 I kheak nüsa süakhim ngüpu thsongkheaknü inü nüsa ki harü ha thado. Alomi ching nüsa küpkhok thsümütsü lah: tüshe mulong ato thsüang, inü alomi kokdo."

17

Jisunü Ajingyanrübo Thsongkheak Tamkhüntamaü jihcho

1 Jisunü thiyu harü ha thakhamshu, apinü thüninglim kheabale tha, "Apu, kim khiongdo, Tsührünü nü müritashipü thsongkheaknü nünü nü-tsührü müritashang. 2 Tümütüsho nünü api kilim sherü jihkhea, arü alala kilim apinü kamrururu rhangdong jihpü thsongkheaknü nünü mitsürü alala kurungkheak api khilim sümü jih. 3 Tüsho arünü nü atsütsü Thrünpuh khülang lang, tüsho nünü arüshikhi Jisu Khrista mükheapü, ju kamrururu rhangdong lah. 4 Nünü I khilim tümü rhimopü jihkhea, ju rhimokhamshu inü nü alomi ching müritashipa. 5 Tüshe kheakü, Oh Apu, alomi müthrün yichoki, I nü lung lachoki I tümü müritakhi lakhea, ju müritakhi thsü kheakü I khilim jihang. 6 "Alomi chingnü mitsürü sherü nünü I khilim jihkhea, arü ki inü nü mung mükheashi; arü nü yo lakhea tüsho nünü arü I khilim jihkhea. Tüsho arünü nü yu anido. 7 Tümüpürü nünü I khilim jihtünü ju alala nü kilimnü de kheakü arünu mükhea lah: 8 tümütüsho nünü tümü yushak jihkhea, ju inü arü khilim jihdo; tüsho arünü ju rüboju liangkhido; tüsho nü kilimnü I arükhea de arünü tsüde mükhea; tüsho nünü I arüshikhea de arünü kindo. 9 "Inü arü thsongkheaknü tamkhüntamnücho, inü alomi thsongkheak mutamkhüntamnücho, tüshe nünü sherü I khilim jihtünü arü thsongkheaknü tamkhüntamnucho, tümütüsho arü nü yo lah. 10 Tüsho I yo tümüa, ju alala nü yoah, tüsho nüyo tumüa, ju I yoah: tüsho arü hode I müritacho. 11 Kheaküa I nü kilim arüpa, tüsho alomi ching I mülade apahpa, tüshe arüa alapa. Amüsü Apu, isa künangde khülang langanü, junangde arüshe khülang lang alapü thsüde nünü sherü I khilim jihde arü nü mung ching nü wonü khümkhitang. 12 I arü lung lakhi khiongde nünü I khilim jihkhi nü wonü inü arü khümkhita zojihkhea, tüsho inü arü neakdo, tüsho amüsü kaku ching thakhi tünjipü thsüde atükhiakpe tsührü kheak hode, arü bolung khülang langshe mütükhiak. 13 Tüshe kheaküa I nü kilim arücho; tüsho I asükhi arü mulong ching arü küdathsüde sohdade kampü thsongkheaknü inü alomi ching thiyu harü ha thacho. 14 Inü arü khilim nü yu jihdo, tüsho alominü arü tranean, tümütüsho I künangde alomi yo yongnü junangde arüshe alomi yo yong. 15 Nünü arü alomi chingnü peakhinang de inü mutamkhüntamnücho, tüshe nünü arü amütsüpe chingnü zhiptojang de tamkhüntamnücho. 16 I künangde alomi yo yongnü junangde arüshe alomi yo yong. 17 Thiyuru ching arü müsükhitjang, nü yu thiyuru lah. 18 Nünü künangde I alomi ching arüshikhea, junangde inüshe arü alomi ching yüshi. 19 Tüsho arü thsongkheaknü inü I küdathsüde müsükhitcho, jujunü arüshe thiyuru ching müsükhitpa. 20 "Harü thsongkheaknü lang inü tamkhüntamnücho yong, tüshe arü yu hode sherünü I kheak kinbanü arü thsongkheaknüshe inü tamkhüntamnücho. 21 Arü alala khülang lang kamshang de inü tamkhüntamnücho. Apu, nu künangde I kheak la, tüsho nü kheak I la, junangde arüshe isa kheak lashang; jujunü nünü I arüshikhea de alominü akinpa. 22 Isa künangde khülang lang lanü junangde arü khülang lang alapa. 23 I arü kheak tüsho nü I kheak, jumonü arü tsüdakde khülang lang kampü thsongkheaknü tüsho nünü I arüshi tüsho nünü I müzhokhi nangde arüshe müzho lah de mükheapü thsongkheaknü tümü müritakhi nünü I khilim jihkhea, inü arü khilim she jihdo. 24 Apu, nünü sherü I khilim jihtünü I küching labanü arüshe I lung lapü Inü mulongcho; jumonü müritakhi tümü nünü I khilim jihtünü, ju arünü angüpa: tümütüsho alomi müthrünyichokinü nünü I müzhokhea. 25 Oh Amüsü Apu, alominü nü mümükhea, tüshe inü nü mükhea lah; tüsho nünü I arüshikhea de harübo hanü mükhea lah. 26 Tüsho inü arü khilim nü mung mükheashido, tüsho mütoklude mükheashipa; jumonü nünü tümü amüzhonü I müzhokhea, ju arü kheak alapa, tüsho I arü kheak alapa."

18

Jisu Ramkhe

1 Thiyu harü ha thade Jisunü tamkhüntamnübale apinü ajingyanrü bolung Kedron ayung thripkhülim yü. Ju ching ayünto khülang lakhea, tüsho Jisu tüsho ajingyanrübo ju ching yüza. 2 Kheakü Jihuda shepünü api rama jihkhea, apinüshe arü yüpongju mükheaa lakhea: tümütüsho Jisunü ajingyanrü bolung ahihkhü ki ju ching shuruchide lakhea. 3 Jumonü Jihudanü bonongrübo tüsho chochorübo amükiamputungrübo tüsho Farisirübo kilimnü kheangkhea pebale, tsünpong, tsünthüpong, tüsho tsüh-nok shubale ju ching arü. 4 Jumonü Jisunü api kheak tümüpürü tünjipianü ju alala mükheabale müngülimpiang yüba arü ki tha, "Nüsanü shepü yimcholi?" 5 Arünü api ki alu, "Nazarethrü Jisu." Jisunü arü ki tha, "I apia." Tüsho Jihuda shepünü api thsongyoka ramshikhea apishe arü lung zhipde lakhea. 7 Jumonü küyimki I apia de apinü athakhea, arünü tunglim ashitlude yübale alo ching angüak. 'Jisunü maniekipüshe arü ki tha, "Nüsanü shepü yimcholi?" Tüsho arünü alu, "Nazarethrü Jisu." 8 Jisunü arü ki alu, "I apia de inü nüsa ki thado. Tahle nüsanü I yimchosho, püpürü harübo ha tsoshang." 9 (Haju ha Apu, nünü I khilim jihkhi bolung inü khülang langshe mütükheakshi de apinü athakhi tünjipü thsongkheaknü athakhea). 10 Jutüki Simon Peter kha ching nok khülang lakhea, apinü ju tukkhitbale achangpiamükiamrü yamlarü kheak kio, tüsho anuku tsülim lipkhia pahjih. Yamlapu mungju Malka lakhea. 11 Jumonü Jisunü Peter ki tha, "Nü nokju nokthrüp ching nüapahang: I Punü I khilim küpü rozhakpü pung jihkhea ju inü amüyungpia de nünü lümchode?"

Jisu Anna Miki

12 Jutüki bonongrübo, bonongrü perü tüsho Jihudarü chochorübonü Jisu rambale rhüka, 13 akhude Anna kilim petüyü; tümütüsho api Kaifa niube apu, tüsho Kaifaju ju kamju achanpiamükiamrü lakhea. 14 Hapu Kaifanü Jihudarü ki, mitsürü alala shemusonga mitsürü khülang shepü jupunü atsüpea de rük jihbale lakhea.

Peternü Jisu Malukhikhe

15 Simon Peter tüsho püpürü jingyanrü khülang tünü Jisu tunglim yan. Tüsho püpürü jingyanrüju achangpi amükiamrü junü mükhea-a lakhea; tüsho apinü Jisu lung achangpi amükiamrü yam limkhu ching yüza; tüshe Peter-a alianglim ripit ki zhipa lakhea. 16 Jumonü püpürü jingyanrü achangpi amükiamrünü mükheapu junü wukhiukbale ripit neakbe ki asokachibale Peter peyok. 17 Jutüki ripit neakbe alibejunü Peter ki tha, "Nüshe mitsürü hapu jingyanrü lung khülang yongde?" Peternü alu, "Ia yong." 18 Jutüki atsakkhi hode yamlarübo tüsho chochorübonü mokhih ching mo thsübale mo thüpde lakhea: tüsho Petershe arü lung mo thüpde zhip.

Achangpianmükiampunü Jisu ki Kiokhikhe

19 Jutüki achangpiamükiampunü Jisu ki api jingyanrübo tüsho apinü ahuhkhi tünkheak kiokhe. 20 Jisunü api ki alu," Inü alala miki kiumikheak kamrururu thado; Jihudarü rukhü mukhongpong arüngyam tüsho sinagog ching inü kamrururu ahuhkhea: tüsho yampok ching inü tümü masok. 21 Nünü tümüthsükhi I ki kiokhicholi? Inü athakhi sherünü sotünü arü ki kiokhiang: inü tümü thakhea ju arünü mükhea lah." 22 Tüsho küyimki apinü ju thakhea, thüninde zhiprü chochorü khülangnü Jisu kheak akhanü tambale tha, "Nünü tümüthsükhi achangpi amükiamrü ki hade alucholi?" 23 Jisunü api ki alu, "Inü amütsü thaa lasho amütsü thiyumütsanju jihang: tahle atsü thaalasho nünü tümüthsükhi I kheak lakcholi?" 24 Jumonü Annanü api rhükbale achangpiamükiamrü Kaifa kilim yüshi.

Peternü Maniekipüshe Jisu Malukhikhe

25 Kheakü Simon Peter mo thüpde zhipa lakhea. Jumonü arünü api ki kiokhi, "Nüshe api jingyanrü bolung khülangah tu?" Apinü malukhide tha, "la yong!" 26 Peternü shepü nuku lipkhia pahjihkhea arü betsührü lung khulangnü tha, "Inü nü ayündo ching thsü müngü tüpü?" 27 Peternü kheaküshe malukhide tha, "Yong." jutüakide thununü khong.

Pilat Miki Jisu

28 Yapso mükikde arünü Jisu Kaifa yam chingnü atokiulongthsüpu yam ching petüyü. Tüsho arü müneande kambale akhümkhitpü thünioju mütsühkhokba mütsüli de arüa kiulongthsüpu yam chingju müyüza. 29 Jumonü Pilatnü wukhiukbale arü ki tha, "Mitsürü hapu azhihde nüsanü tümü amülim jihde petarücholi?" 30 Arünü api ki alu, "Mitsürü hapu ha amütsü rhimorü müthsükhüla, isanü api nü khilim shuha müjih." 31 Jumonü Pilatnü arü ki tha, "Nüsanü nüsa küda thsüde petü yübale nüsa Yuzüng ching lakhi nangde api yu khapang." Jihudarübonü api ki alu. "Mitsürü sheshe sheshipü isa kheak sümü müla." 32 (Haju ha Jisunü api kütürü ashekhinü ashepa de athakhea ju tünjicho.) 33 Jumonü Pilatnü maniekipü kiulongthsüpu yam ching yüzabale Jisu ji, tüsho tha, "Nü Jihudarü atokiulongthsüpu ashe?" 34 Jisunü api ki alu, "nünü ha nü küdathsüde thachoshe, yongsho püpürü khülangnü I tünkheak nü ki thakhea?" 35 Pilatnü alu, "I Jihudarü-ah de nünü lümchode? Nüsa trükrünü nü I khilim rama jihkhea, nünü tümü rhimokhea?" 36 Jisunü alu, "I kiulongthsü ha lomi kiulongthsü yong: I kiulongthsü ha alomi kiulongthsü thsükhüla, Jihudarü kha ching I müramshipü thsongkheaknü I yamlarübonü kiochipa: tüshe kheakü I kiulongthsüa ha chingnü yong." 37 Jumonü Pilatnü api ki tha, "Jutüasho nü atokiulongthsüpuah tu?" Jisunü alu, "I atokiulongthsüpu de nünü thacho. I thiyuru tünkheak thiyumütsan jihpü zübe, tüsho alomi ching arü. Thiyuru yo sherü la, arü alalanü I yu anicho." 38 Pilatnü api ki tha, "Thiyuruju tümüa?"

Jisu Sheshipü Tangzüngachikhe

Jutüki apinü alude wukhiukbale Jihudarübo ki tha, "Inü mitsürü hapu kheak aneak tümü müngücho. 39 Tüshe akhümkhitpü thünio kim ching inü nüsa kilim mitsürü khülang tükhipü nüsa yakzan ching lah, jumonü inü nüsa kilim Jihudarü atokiulongthsüpu tükhipü nüsanü mulongpashe?" 40 Arünü api ki alu, tüsho zhede tha, "Mitsürü hapu yong, tüshe Baraba!" (Hapu Baraba jangkhijangrarü khülang lakhea.)

19

1 Jutüki Pilatnü Jisu peakhinbale lakshi. 2 Tüsho bonongrübonü ayangnu rhode kuthran külang tsakhambale, aku kheak thranshi. Tüsho neakjikto amürümkhi khim khülang api khilim phuyiushi. 3 Tüsho arünü api ki arübale tha, "Jihudarü atokiulongthsüpu, tsüde laang," tüsho arünü api kheak arü khanü tam. 4 Tüsho kheaküshe Pilatnü wukhiukbale tha, "Inü api kheak aneak tümü müngü de nüsanü mükheapü thsongkheaknü inü api nüsa kilim peba akhiukcho." 5 Jumonü Jisunü ayang kuthranju thran, tüsho neakjikto amürümkhi khimju phuyiubale akhiuk. Tüsho Pilatnü arü ki tha, "Mitsürüju kheaang!" 6 Küyimki amükiamputungrü tüsho chochorübonü api ngükhea, arünü zhede tha, "Api sangkim ching ümkiang, api sangkim ching ümkiang." Pilatnü arü ki alu, "Nüsanü nüsa küda thsüde api petü yübale sangkimpü chingju ümkiang tümütüsho inü api kheak tümü neak müngücho." 7 Jihudarübonü api ki alu, "Isa thiyuzüng khülang lah, tüsho ju thiyuzüng junü api shepia, tümütüsho apinü aküdathsüde Thrünpuh tsührü kamkhea." 8 Küyimki Pilatnü ha yu sokhea, api alü triede lakhea: 9 Tüsho apinü atokiulongthsüpu yam ching yuzabale Jisu ki kiokhilu, "Nü küchingnü arükhea?" Tüshe Jisunü api ki tümü malu. 10 Jumonti Pilatnü api ki tha, "Nü tükhipü I kheak sümü lah, tüsho nü sangkim ching ümkipü I kheak sümü lah de nünü mümükhea de?" 11 Jisunü api ki alu, "Thrünpuhnü nü khilim müjihkhüla, I kumimg nü sümü tümü mülade alapa. Jumonü nü khilim shepünü I shumülanga jihkhea api neak atopi lapa." 12 Küyimki Pilatnü harü alala asokhea. apinü Jisu tükhipü alü mulongsansan. Tüshe Jihudarübonü maniekipü zhelude tha, "Nünü mitsürü hapu ha tükhisho nü Kaisar müyampurü yong! shepünü nihpe küdathsüde atokiulongthsürü kamcho, apiju Kaisar kheak azhirü." 13 Jumonü Pilatnü thiyu harü ha sochoki, apinü Jisu peba akhiuk, tüsho longbeak khimpong de ajikhi tüshe Ibrirü yunü Gabatha, de thsübale tangpong khülang ching thiyukhappong pinkiu ching pin. 14 Juju akhümkhitpü thünio thsongkheaknü tsakhamtsarakhi nimong lakhea: tüsho kheakü thorok king ngüm lakhea. Tüsho Pilatnü Jihudarü bo ki tha, "Nüsa atokiulongthsüpu kheaang." 15 Jumonü arünü zhede tha, "Api laksaang! Api laksaang! Api sangkim ching ümkiang!" Pilatnü arü ki tha. "Inü nüsa atokiulongthsüpu sangkim ching ümkipiade?" Amükiam putungrübonü alu, "Kaisar kheak hode isa atokiulongthsürü sheshe müla." 16 Jutüki Jisu sangkim ching ümkishipü thsongkheaknü Pilatnü Jisu arü kha ching shumülanga jih.

Jisu Sangkim ching Ümkikhe

17 Jumonü arünü Jisu petü yü: tüsho apinü nihpe sangkim shubale, Ibri yunü Golgotha de ajikhi (Kuro) amungnü alo tangpong khülang ching wukhiuk. 18 Ju ching arünü api sangkim ching ümki. Tüsho api lung püpürü mitsürü manie, khülim khülang tüsho khülim khülang, tüsho Jisu apholong ching de thsübale ümki. 19 Tüsho kheaküshe Pilatnü athrüdkhe khülang thrüdbale ju api sangkim kumong lüpkihjih. Tüsho ju chingju ha thrüda lakhea, "NAZARETHRÜ JISU, JIHUDARÜ ATOKIULONGTHSÜPU." 20 Jumonü Jihudarü ahikhünü ha khiakhea. Tümütüsho Jisu sangkim ching ümkipongju kiuto thüninde lakhea: tüsho athrüdkhiju Ibri, Greek tüsho Latin yunü thrüda lakhea. 21 Jumonü Jihudarü amükiam putungrübonü Pilat ki tha, "Jihudarü atokiulongthsüpu de tüthrüd, tüshe Inü Jihudarü atokiulongthsüpu de apinü athakhea, ju thrüdang." 22 Pilatnü alu, "Inü tümü thrüdtünü ju inü thrüddo." 23 Tüsho Jisu sangkim ching ümkishu, api khimmi shicham phüyi chambale bonongrübo apande khülang khülang lu: tüsho arünü api pangkhümpüju she lu; küpü athiridong mülade akulimnü apulim khiongde akiakkhe lakhea. 24 Jumonü arünü khülangnü khülang ki tha, "Isanü hajua mürokrüpnü, tahle ha shepü yo thsüpeanü ha thsongkheak azan thsüanü." "Arünü I khimmi arü bolung chamachi, Tüsho I pangkhümpü thsongkheaknü azan thsükhea," de amüsü kaku ching tümü thakhea ju tünjipü thsongkheaknü ha rhimo. Ju nangde bonongrübonü rhimo. 25 Tüsho Jisu sangkim miki abe, abe niorü Klopa niube Mari tüsho Magdalen arütan zhipba lakhea. 26 Jisunü abe tüsho apinü müzhopu jingyanrü ju kheak lakhi ngübaletha, "Aliberü, nü Tsührü kheaang." 27 Jutüki apinü jingyanrü ki ju tha, "Nübe kheaang!" tüsho jutüakide jingyanrü junü abeju arü yam ching peba yü.

Jisu Shekhi

28 Kheaküa rhimo alala pando de Jisunü mükheabale, amüsükaku ching thrüda lakhi tünjipü thsongkheaknü tha, "I ke thirilah," 29 Ju kheakju phü khülang ching asan kenu mede lakhea; jumonü arünü asan kenü amekhi minap hing tholong khülang hysop tükhiamong kheak rhükkibale amün ching atsuyokjih. 30 Jumonü Jisunü asan keju yungbale tha, "Ha tsakhamdo!" Tüsho aku angübale she.

Jisu Rhiang ching Tüchipkhe

31 Ju thünio thsongkheaknü atünatupü nimong ali, amo nimong chingju sangkim ching miju mülashipü thsongkheaknü (tümütüsho ju nimongju atongto lakhea) arübo jing khikshakbale mijuhantü yüpü thsongkheak Jihudarübonü Pilat ki khiangkhia lakhea. 32 Jumonü bonongrübonü yübale akhupu tüsho püpürü sherü sangkim ching Jisu lung ümkikhea, arü jing khikshakjih. 33 Tüshe küyimki arünü Jisu kilim yükhea, arünü api sheapah-a ngü. Jumonü arünu api jing mükhikshakjih. 34 Tüshe bonongrü bolung khülangnü arhiang ching api tsühnü tüchip: tüsho jutüakide thi tüsho ke akhiuk. 35 Shepünü angükhea apinü thiyumütsanjih, tüsho api thiyumütsan thiyuruah de apinü mükhea. 36 Tümütüsho api ro khülang langshe müthsümünim de amüsü kaku ching thrüda lakhi tünjipü thsongkheak harü ha tünji. 37 Kheaküshe amüsü kaku tangpongkhü ching thrüda lakhea." "Shepü kheak arünü tüchipkhea, arünü api akheapa."

Jisu Mi Kioyokapahkhe

38 Ju tunglim Arimathiarü Josep, Jisu jingyanrü khülang tüshe Jihudarü triemonü ramtülang jingyanrü thsükhe. Apinü Pilat ki yübale Jisu mi luba yüanü de kheang: tüsho Pilatnü api ki mülü. Jumonü apinü Jisu mi luba yü. 39 Tüsho Nikodima, shepünü müngülim Jisu kilim azhing ching arükhea, apinüshe arhümthüneape jinjinlak tüsho arhümthüneape sang thsürubale seret thünim bande luba arü. 40 Jumonü arünü Jisu miju lubale, Jihudarü mi pahkhe yakzan nangde arhümthüneape kukrok lung miju khim athünaknü hing. 41 Küching api sangkim ching ümkikhea, ju kheakju aünto khülang lakhea; tüsho aünto chingju küyimkishe mitsürü kioyoka müpahkhe kioyok khülang lakhea. 42 Jumonü ju Jihudarübo thsongkheaknü tsakhamtsarapü nimong ali, tüsho kioyokju thüninde lamonü arünü ju ching Jisu zojih.

20

Kioyok Akiangkiang

1 Kheakü hapta ching akhupe yapso mükikde, kheaküshe müyinkhimüsüyide Mari Magdalen kioyok ching arü, tüsho kioyok chingnü longju thüla-a pahbale ngü. 2 Anihbenü alihde Simon Peter tüsho püpürü jingyanrü shepü Jisunü müzhokhea arü kilim yü: tüsho tha, "Arünü Atungpu, kioyok chingnü hantü tsoapa-a lah, tüsho arünü tümü ching zotünü isanü müngü!" 3 Jutüki Peter tüsho püpürü jingyanrüju kiuto chingnü wukhiukbale kioyok chingju yü. 4 Tüsho aniechetonü alih, tüsho püpürü jingyanrü junü Peter alihho tüsho kioyokju akhude apinü khiong; 5 tüsho apinyoka alonglim kheashe, apinü khim athünakju alo ching ngü; tüshe kioyok alonglim müyüza, 6 Tüsho Simon Petershe api tunglim alihtarünü khiong, tüsho kioyok chingju yüza, tüsho apinü khim athünakju alo ching ngü; 7 tüshe shuke nanpe khim küpü api ku miki lakhea, jua khim athünak kiju yongde, ju lang püthsüde napmukhongbale tangpong khülang ching ngü. 8 Jushu püpürü jingyanrü shepü kioyok ching akhude arükhea, apishe kioyok chingju yüza, tüsho apinüshe ngübale kin. 9 Tümütüsho api shekhi chingnü arhangkamlutarüpa de amüsü kaku ching thrüda lakhi yu kheakü khiongde arünü manikhit. 10 Jumonü jingyanrübonü thiyam ching alude tso.

Jisunü Mari Magdalen ki Akhiukkhe

11 Tüshe Marinü kioyok kumong trepde zhipa lakhea: tüsho anihbenü triede kioyok alonglim apinyoka khea. 12 Tüsho thüningyunirü manie, mi zopong khülang akulim tüsho khülang jinglim de khim amüyi phuyiubale anihbenü ngü. 13 Tüsho arünü Mari ki tha, "Aliberü tümüthsükhi nu trepcholi?" Anihbenü arü ki tha, "Arünü I Tungpu luba tsoapah-a lah, tüsho arünü api tümü kheak zotünü inü mümükhea!" 14 Ju thabale Marinü tunglim rhulushe, Jisu zhipa ngü, tüshe ju Jisu-ah de anihbenü mümükhea. 15 Jisunü anihbe ki tha, "Aliberü nü tümüthsükhi trepcholi? Tüsho nü shepü yimcholi?" Marinü apiju aündo neakrü khülang-ah de lümbale tha, "Atoashangrü, nünü api ha chingnü luba yüa lasho, nünü api tümü ching zolanü I ki thaang, inü api luba yüanü." 16 Jisunü anihbe ki tha, "Mari!" .Anihbenü api ki alude Ibri yunü tha, "Raboni," (amütsan Tsangyurü.) 17 Jisunü anihbe ki tha, "I kheak tükhio; tümütüsho I kheaküshe I pu kilim müwutuyi: tüshe I kioniorübo kilim yübale I Pu tüsho nüsa Apu, tüsho I Thrünpuh tüsho nüsa Thrünpuh kilim I wutucho de arü ki thaang." 18 Mari Magdalen arübale jingyanrübo ki "Inü Atungpu ngüdo;" tüsho apinü anihbe ki ju thado de tha.

Jisunü Jingyanrübo ki Akhiukkhe

19 Hapta ching akhupe nimong arelim Jihudarü thriekhinü jingyanrübo rukhü mukhongba thiyam rihdobale lachoki, Jisu arübale arü apholong ching zhip, tüsho arü ki tha, "Nüsa lung süakhimde laang." 20 Apinu ha thabale arü ki api amilong tüsho arhiang huh. Jumonü jingyanrübonü Jisu ngüchoki asüde lakhea. 21 Jutüki apinü maniekipüshe tha, "Nüsa lung süakhim laang: Apunü künangde I arüshikhea, junangde inüshe nüsa yüshicho." 22 Hade thabale apinü arü kheak mütyokjihde tha "Nüsanü Amüsü Me liangkhiang; 23 Nüsanü sherü münean pahjihbanü ju arü ki apahjihpa, tüsho nüsanü sherü münean müpahde zojihbanü ju arü kheak junangde alapa."

Jisu Tüsho Thoma

24 Tüshe Jisu arüchoki Thoma thürükheak-manie bolung khülang, shepü ki rüpde zübekhi tsührü de jicho, api arü bolung mülade lakhea. 25 Jumonü püpürü jingyanrübonü api ki tha, "Isanü Atungpu ngüdo." Tüshe Thomanü alu, "Inü api kha kheak kojalnü aümkhe ariak müngüsho, tüsho kojal ariak chingju I yingkheng matsuyoksho, tüsho arhiang ching I kha mamayoksho inü mükinde alapa." 26 Nimong tizha hoshu jingyanrü alala mukhonga thiyam alonglim lakhea, tüsho arü lung Thoma lakhea. Thiyam rihbale lachoki Jisu arü, tüsho arü pholong ching zhipbale tha, "Nüsa lung süakhim laang." 27 Jutüki apinü Thoma ki tha, "Ha ching nü yingkheng atsuyokang tüsho I milong kheaang; tüsho nü kha chunghude, I rhiang ching amayokang: tüsho mükinde tüla, tüshe, kinang." 28 Thomanü api ki alu, "I Tungpu, tüsho I Thrünpuh." 29 Jisunü api ki tha, "Nünü I ngümonü kincho; sherünü müngü, tüshe kintünü arü asüpü."

Kaku Mükkhiakih

30 Ha kaku ching amüthrüdyokkhe püpü amütsan ahikhü Jisunü jingyanrü miki rhimodo. 31 Tüshe Jisuju Khrista, tüsho Thrünpuh Tsührü-ah de nüsanü akinpü thsongkheak, tüsho kinbale api mung ching rhangdong ngüpü thsongkheaknü thiyu harü ha thrüdcho.

21

Jisunü Jingyanrü Thünie ki Akhiukkhe

1 Jutunglim Jisunü aküdathsüde Tiberia keto ching jingyanrübo ki akhiuka huh. Tüsho apinü ha nangde aküdathsüde amikheak akhiuk. 2 Simon Peter tüsho rüpde zübekhi tsührü de ajikhe Thoma, tüsho Galil ching lakhi Kananrü Nathanil, Zebedi tsürübo, tüsho püpürü jingyanrü manie de rukhü lakhea. 3 Peternü arü ki tha, "1 thüngüh rampü yücho." Arübonü api ki tha. "Isashe nü lung arüanü." Jumonü arünü wukhiukbale sangkung ching yüza: tüsho jureju arünü tümü müram. 4 Tüshe yapso mükikde Jisu kemungyan ching zhip, tüshe jingyanrübonü ju Jisua de mümükhea. 5 Jutüki Jisunü arü ki tha, "Athününgtsüngbo, nüsa tsühyungpe tümükhü lashe?" Arünü api ki alu, "Tümü müla." 6 Tüsho apinü arü ki tha, "Sangkung tsülimpiang ching kiangju jipyokang, tüsho nüsanü angüpa." Jumonü arünü kiangju jipyok, tüsho thüngüh hihde fhodokhinü kiangju athokhitpü mokok. 7 Jumonü jingyanrü shepü Jisunü müzhokhea, apinü Peter ki tha, "Ha Atungpu-ah." Ju Atungpu-ah de thachoki Simon Peternü akhimmi tsakham, (tümütüsho api bünkiang lakhea) tüsho keto ching chokyok. 8 Tüshe jingyanrü püpürübo jua sangkung ching kiangju thüngühnü mede thoba arü. (Tümütüsho arü kemungyan chingnü ashangkhü yongde khanap che maniekhü lang lakhea.) 9 Jumonü küyimki arünü alo akong ching akhiukkhea, ju ching arünü mokhih ching mo trode tüsho ju mikheak thüngüh tüsho khihkhap ngü. 10 Jisunü arü ki tha, "Nüsanü kheakü ramkhi thüngühbo chingjunü anükhü lutarang." 11 Jumonü Simon Peternü sangkung chingju yüzabale thüngüh ato che khülang kheak thünimkheakmasamnü mede lakhi kiangju kemongyan alo akong ching thokhit: Tüsho thüngüh jutükhü lalashe kiang-a müthsümünim. 12 Jisunü arü ki tha, "Arübale tsühyungang." Ju Atungpu de mükheabale "Nü shea" de api ki kiokhipü jingyanrü bolung shenüshe mulong ato mükam. 13 Jisunü arükhilim khihkhap le thüngüh le türü ahiua kip. 14 Jisu ashekhi chingnü arhangkamlutarübale jingyanrü ki akhiuka ahuhkhi ha masamkipü.

Jisu tüsho Peter

15 Aru yimtsühshu Jisunü Peter ki tha, "Jona tsührü Simon, harü kheak hanü nünü. I alü müzhochoshe?" Apinü alu, "Am, Atungpu inü nü müzhocho de nünü mükhea lah." Jisunü api ki tha, "I yo namfhiminu nunubo mütrüang." 16 Jisunü maniekipüshe api ki tha, "Jona tsührü Simon, nünü I müzhochoshe?" Peternü api ki tha, "Am, Atungpu inü nü müzhocho de nünü mükhea lah." Jisunü api ki tha, "I yo namfhiminubo neakang." 17 Kheaküshe Jisunü masamkipü api ki tha, "Jona tsührü Simon, nünü I müzhochoshe?" de Jisunü masamkipü api ki thamonü Peter mulong tokthsü, tüsho apinü Jisu ki tha, "Atungpu, nünü alala mükheakham lah." Jisunü api ki tha, I yo namfhiminubo mütrüang." 18 Atsütsü inü nü ki thacho, Nü athününgtsüng lachoki nünü nü küdathsüde chim rümbale nünü külimpiang yünikhea julimpiang yükhea: tüshe küyimki nü ashinpurü kambanü nünü nü kha shukiba tüsho püpürü khülangnü nü chim rümshiba, tüsho nünü külimpiang müyünibanü julimju petü yüpa." 19 (Kütürü ashekhi khülangnu Peter shekhi hode Thrünpuh müritashipü lakhianü ju tünkheak Jisunü ha thakhea.) Ju thabale Jisunü api ki tha, "I tunglim yanang."

Jisu tüsho Püpürü Jingyanrü

20 Peternü rholubale kheachoki, jingyanrü shepü Jisunü müzhokhea, tüsho shepünü azhing ching yimtsühchoki Jisu khü kheak angükibale "Atungpu, nü rama ajihpuju shea?" de athakhea, jupu jingyanrü ju yande arükhi ngü. 21 Jumonü Peternü api ngüchoki Jisu ki tha, "Atungpu, mitsürü hapu ha tümü thsüpa?" 22 Jisunü api ki tha, "I marüyichoki khiongde inü api arhang lashininishe, nü tümü lung pelali? Nü I tunglim yanang." 23 Jumonü jingyanrü hapu ha-a müshede alapa de ha yu ha kioniorü bolung thaachi: Tüshe Jisunü api ki api müshe tüa mütha; apinü tha, "I marüyichoki khiongde inü api arhang lashininishe, nü tümü lung pelali?" 24 Harü thsongkheak shepünü thiyumütsan jihcho, tüsho shepünü harü ha athrüdkhea, api hapu jingyanrü ha lah: tüsho apinü tümü thachonü ju thiyuru de isanü mükhea lah.

Akhiam Yu

25 Tüsho Jisunü arhimokhi püpü rhimo she ahihkhü lah, tüshe jurübo alalaju thrüdkhüla, tümü kakubo ching athrüdpea, tüsho jurüju alominü mazüh de alapa de inü lümcho. Amen.