Yawmsaub yuav teem txem tsua Entoo
1 Cov lug nuav yog cov lug kws Aunpantiya has pum tom hauv ntej, yog cov lug kws Yawmsaub kws kaav ib puas tsaav yaam taag nrho has txug cov tuabneeg Entoo. Yawmsaub khaiv nwg ib tug tubkhai moog tsua huv ib tsoom tebchaws, mas peb nov nwg has tas ca le npaaj ua rog tsua Entoo tebchaws. 2 Yawmsaub has tsua cov Entoo tas, saib maj kuv yuav muab mej ua kuas tsw muaj zug hab ua kuas mej raug saib tsw taug heev. 3 Qjiov kws mej khaav theeb rov ntxag mej. Mej lub nroog muaj ntsaa loog zeb, mej tsev nyob tsua sau roob sab, mas mej txha xaav huv lub sab tas leejtwg yuav chua tau kuas peb puam tsuaj. 4 Txawm yog mej ua tsev nyob sab yaam nkaus le zeg daav, es saib mas sab cuag nkaus le cov nub qub los kuv yuav chua mej poob qhov ntawm 1 ug. 5 Yog tub saab tuaj lws mej mo ntuj los tub saab tsuas lws tej kws tub saab xaav yuav xwb. Cov tuabneeg kws de txwv maab puab kuj tseg ib txha ca tsw de. Kuas mej cov yeeb ncuab tub ua tsua mej puam tsuaj taag tsw tshuav ib ntswv le. 6 Exau caaj ceg, mej raug muab lws taag nrho tsw tshuav daabtsw le. 7 Mej tej kwvluag tau ntxag mej, puab tau muab mej lawv tswv huv mej lub tebchaws moog. Cov kws nrug mej sws raug zoo rov tawm tsaam mej mas kov yeej mej lawm. Mej cov phooj ywg kws nrug mej noj ib lauj kaub mov kuj caws ntxab cuab mej. Puab has tas mej tej kev txawj ntse poob tsua twg lawm. 8 Yawmsaub has tas nub kws kuv teem txem tsua cov Entoo mas kuv yuav ua kuas puab cov tuabneeg ntse ntse puam tsuaj huvsw, hab ua kuas tej tswvyim pluj moog. 9 Themaa tebchaws tej tub rog yuav ntshai hab txhua tug tub rog huv Entoo yuav raug muab tua tuag.
Yog tim le caag Entoo raug txem
10 Vem yog tim qhov kws koj lws hab tua koj cov kwvtij kws yog Yakhauj caaj ceg, mas koj yuav txaaj muag heev, koj yuav raug puam tsuaj. 11 Nub kws yeeb ncuab tsoo Yeluxalee tej rooj loog, koj tuaj ib caag saib xwb tsw paab. Koj ua phem ib yaam le lwm haiv tuabneeg kws nkaag moog nyag nyaj txag toob xwb huv Yeluxalee coj moog sws faib. 12 Thaus kws koj cov kwvtij Yutai raug txom nyem le hov, tsw tswm nyog koj yuav zoo sab. Thaus cov Yutai raug puam tsuaj tsw tswm nyog kws koj yuav nyos puab, nub kws puab raug kev txom nyem tsw tswm nyog koj yuav luag. 13 Nub kws puab raug kev txom nyem tsw tswm nyog koj yuav nkaag tsua huv kuv cov pejxeem lub nroog es zoo sab tsua qhov kws puab raug kev txom nyem. Nub kws puab raug kev puam tsuaj tsw tswm nyog kws koj yuav nkaag moog txeeb puab tej nyaj txag hov txhua chaw. 14 Tsw tswm nyog koj yuav moog sawv ntawm puab txujkev tshuam taav nteg puab cov tuabneeg kws tswv. Nub hov tsw tswm nyog koj muab cov kws koj nteg laib tsua puab cov yeeb ncuab.
Vaajtswv yuav teem txem tsua ib tsoom tebchaws
15 Yawmsaub has tas nub kws kuv teem ca yuav txav txem tsua ib tsoom tebchaws tub lug yuav txug. Entoo koj ua le caag tsua puab lawm tes yuav muaj tuabneeg lug ua le hov tsua koj hab. Qhov kws koj ua yuav poob rov lug raug koj. 16 Kuv cov tuabneeg tub haus khob dej ab kws yog kuv teem puab lub txem tsua sau lub roob lawm, tes ib tsoom tebchaws yuav tau haus khob kws yimfuab ab dua kws yog kuv teem txem nyaav dua hab. Thaus puab raug txem lawm tes puab yuav pi uj taag moog.
Yixayee yuav ntaus yeej
17 Yuav muaj ib txha tswv dim moog tsua sau lub roob Xi-oo, mas lub roob hov yuav ua ib lub chaw tseem ceeb, hab Yakhauj caaj ceg yuav tau lub tebchaws kws yeej yog puab le feem ua puab tug. 18 Yakhauj hab Yauxej caaj ceg yuav ua suav tawg, puab yuav ua tsua cov Exau puam tsuaj ib yaam le suav tawg kub quav nyaab. Mas suav tawg yuav muab kub du quas lug huvsw moog, Exau caaj ceg yuav tsw muaj ib tug dim le. Kuv yog Yawmsaub, tej nuav yog kuv has. 19 Cov tuabneeg kws nyob nraag Yutai qaab teb yuav tau Entoo lub tebchaws nyob. Cov tuabneeg kws nyob sau cov ntaav roob huv Yutai teb saab nub poob yuav txeeb tau Falixatee tebchaws. Cov Yixayee yuav tau Efa-i hab Xamali lub tebchaws ua puab tug, hab Npeyami yuav tau Kile-a tebchaws ua puab tug. 20 Cov Yixayee kws nyob saab peg es poob moog ua qhev yuav rov lug txeeb tau Fonike tebchaws moog txug ncua lub moos Xalefa ua puab tug. Cov huv Yeluxalee kws poob moog ua qhev huv Xati yuav txeeb tau tej moos nraag Yutai qaab teb ua puab tug. 21 Cov txwv neej huv Yeluxalee kws tub kov yeej lawm yuav ntaus tau Entoo tebchaws hab kaav lub tebchaws hov, hab Yawmsaub yuav ua puab tug vaaj ntxwv.
Yauna tsw noog Yawmsaub lug
1 Muaj ib nub Yawmsaub has tsua Ami thai tug tub Yauna tas, 2 koj ca le moog lawm tim lub nroog Ninave. Koj moog has puab qhov txhum tsua puab, vem kuv pum tas puab ua phem ua qas kawg le. 3 Kuas Yauna tsw kaam moog, nwg moog dua ib qho yuav tswv moog kuas Yawmsaub nrhav tsw tau nwg. Nwg taug kev moog nraag lub moos Yaupe. Thaus nwg moog txug nraag nwg pum ib lub nkoj yuav moog tim Xapee tebchaws, tes nwg them nqe nkoj, nwg nrug cov tuabneeg kws ua num huv lub nkoj nee tsua huv nkoj, caij moog tim Xapee tebchaws, es sub nwg txha nyob deb Yawmsaub. 4 Kuas Yawmsaub tso cua daaj cua dub lug ntsawj hav txwv ua tsua lub nkoj yuav tog. 5 Tej tuabneeg kws ua num huv nkoj ntshai heev, nyag taug nyag thov nyag tej tim tswv paab, hab puab thau tej hov txhua chaw kws puab thauj huv nkoj pov tseg tsua huv hav txwv ku lub nkoj swb, huas Yauna tes moog pw tsaug zug nqug qaaj quas nyog huv plawv nkoj. 6 Tug tsaav nkoj nqeg moog pum Yauna. Nwg has tsua Yauna tas, ua caag koj tseem yuav pw tsaug zug ua qaaj quas nyog le kos. Koj ca le sawv tseeg lug thov koj tug tim tswv paab peb, tej zag nwg yuav hlub peb hab cawm peb, peb txha tsw tuag. 7 Cov tuabneeg kws ua num huv nkoj sws thaam zum quas zawg has tas peb ca le sau suavdawg npe huvsw coj lug rhu saib peb cov nuav tug twg yog tug kws ua txhum es ntuj yuav tso cua daaj cua dub lug nplawm peb heev ua luaj le nuav. Tes suavdawg txawm rhu, mas rhu tau Yauna npe. 8 Puab nug Yauna tas, koj ca le qha peb saib, koj yog tug kws ua txhum es txha le muaj tej xwm nuav los tsw yog. Koj tuaj ua daabtsw ntawm nuav. Koj tuaj lub tebchaws twg tuaj, koj yog haiv tuabneeg twg. 9 Yauna teb tas kuv yog tuabneeg Heplais. Kuv fwm Vaajtswv Yawmsaub kws nyob sau ntuj ceeb tsheej, tug kws tswm dej hav txwv hab tswm aav. 10 Yauna qha tsua puab tas Yauna saamswm tswv Yawmsaub. Thaus puab nov Yauna has le hov puab ntshai kawg le. Puab has tsua Yauna tas, ua caag koj ua txhum luj ua luaj le kos. 11 Cua daaj cua dub pheej ntsawj hlub heev zuj quas zug, cov tuabneeg kws ua num huv nkoj txha nug Yauna has tas, peb yuav muab koj ua le caag cua daaj cua dub txha le tu. 12 Yauna teb tas mej ca le muab kuv pov tsua huv hav txwv cua txha tu. Kuv paub tas kuv yog tug kws ua txhum es txha muaj tej cua daaj cua dub nuav lug nplawm mej. 13 Kuas cov tuabneeg kws ua num huv nkoj svis paab nkuam taag zug kuas tau lub nkoj moog tim ntug dej, kuj nkuam tsw tau, tsua qhov cua daaj cua dub pheej ntsawj heev zuj quas zug. 14 Puab txha le tsaa suab hlo thov Yawmsaub has tas, Yawmsaub, txawm yog peb tua tug quasyawg nuav lawm los thov koj tsw xob tua peb, vem tub yog koj ua kuas muaj tej xwm nuav. 15 Puab txawm muab Yauna pov tsua huv hav txwv, tes taamswm hov dej txawm tug quas yeeg tsw nphau ib tw hov twg le lawm. 16 Puab pum le hov puab ntshai Yawmsaub heev kawg le, puab txha le muab hov txhua chaw xyeem tsua Yawmsaub, hab cog lug tsua Yawmsaub has tas puab yuav fwm Yawmsaub. 17 Yawmsaub kuas ib tug ntseg luj luj tuaj nqog Yauna. Yauna nyob huv ntseg lub plaab tau peb nub peb mos.
Yauna thov Yawmsaub
1 Thaus Yauna tseem nyob huv ntseg lub plaab Yauna thov Yawmsaub kws yog nwg tug Vaajtswv le nuav tas, 2 Yawmsaub, thaus kuv raug kev txom nyem kuv tsaa suab hlo hu koj, mas koj teb kuv tej lug thov. Kuv nyob huv tub tuag teb tsaus quas nti hu koj paab, mas koj tseem nov kuv tej lug thov. 3 Koj muab kuv pov tsua huv qaab thu, dej ntum quas nti vuv nkaus kuv, tej nam nthwv dej nphau pes nphwv tsua sau kuv. 4 Thaus hov kuv txawm xaav tas koj xyeeb kuv tawm ntawm koj lub xub ndag, mas kuv yuav tsw rov pum koj lub tuam tsev zoo kawg nkaus dua le lawm. 5 Dej lug vuv kuv taag, mas kuv txawm ua tsw taug paa. Dej hav txwv txawm quas nkaus kuv lawm, tej ntxhuab lug qhwv hlo kuv lub taubhau huvsw. 6 Kuv poob nthaav tsua huv tej qaab taw roob plawv hav txwv. Tebchaws hov muaj ntsug phoo ntsug, leejtwg qheb tsw tau ib txhws le. Kuas Yawmsaub, koj yog kuv tug Vaajtswv, koj cev teg nqug kuv tawm nruab tiv txwv lug, txha le cawm tau kuv txujsa lug. 7 Yawmsaub, thaus kuv txujsa yuav tu kuv thov koj paab kuv, Koj nyob huv koj lub tuam tsev nov kuv tej lug thov. 8 Tej tuabneeg kws pe daab pe txoov daab yeej tsw muaj leejtwg muab sab npuab koj. Tej txoov daab hov puav leej tsw muaj qaabhau hlo le. 9 Kuv tsaa ncauj hu nkauj qhuas koj ua koj tsaug. Kuv yuav tua tsaj xyeem tsua koj hab, kuv yuav ua lawv le kuv has txhua lu huvsw. Yawmsaub, koj yog tug kws cawm peb dim, peb txha muaj txujsa nyob moog ib txhws. 10 Yawmsaub has kuas tug ntseg hov tawm tuaj ntuav Yauna tsua tim ntug dej. Ntseg txawm ua le hov.
Yauna noog Yawmsaub lug
1 Mas Yawmsaub has dua tsua Yauna tas, 2 koj ca le moog tim lub nroog Ninave. Koj moog pav tej lug kws kuv tub qha tsua koj lawm tsua cov tuabneeg kws nyob huv lub nroog hov noog. 3 Zag nuav Yauna ua lawv le Yawmsaub has, Yauna sawv tseeg taug kev moog tim lub nroog Ninave. Lub nroog hov luj heev, yuav tsum moog peb nub ke txha le moog dhau lub nroog. 4 Mas Yauna taug kev moog huv nroog ib nub ke nwg le qha tsua suavdawg has tas, tshuav plaub caug nub sau nuav lub nroog Ninave yuav puam tsuaj lauj. 5 Tej tuabneeg kws nyob huv lub nroog Ninave puav leej ntseeg Vaajtswv tej lug. Puab sablaaj pum zoo kuas suavdawg yoo mov hab kuas suavdawg muab ntaub seev tsaaj lug naav xwb, tsw has tej num tswv hab tub maab tub qhe, tug hlub tug yau taag nrho huvsw puav leej naav ib yaam, txha le qha has tas puab tub tso puab tej kev txhum tseg lawm. 6 Thaus tug vaaj ntxwv kws kaav lub nroog Ninave nov tej nuav nwg nqeg sau lub zwm txwv lug. Nwg hle kag nwg lub tsho, nwg muab ntaub seev tsaaj lug naav hab nwg moog nyob huv qhov tshauv. 7 Vaaj ntxwv has ib co lug tsua tej tuabneeg kws nyob huv lub nroog Ninave suavdawg paub tas vaaj ntxwv hab cov num tswv txwv tsw kheev pejxeem hab tej nyuj tej yaaj noj haus ib yaam daabtsw le, 8 kuas tuabneeg hab tsaj txhu naav ntaub seev tsaaj. Txhua tug tuabneeg yuav tsum mob sab thov Vaajtswv kawg sab kawg ntsws, hab nyag yuav tsum tso plhuav nyag tej kev phem kev qas hab tej kev txhum huvsw pov tseg. 9 Tej zag Vaajtswv yuav ntxeev sab, tej zag nwg yuav tsw chim tsua peb, peb txha le tsw tuag. 10 Vaajtswv pum tas cov tuabneeg Ninave puab tso plhuav puab tej kev phem kev qas tseg taag lawm, Vaajtswv txha le ntxeev sab nwg tsw rau txem tsua puab lawv le nwg has tseg.
Yauna chim qhov kws Vaajtswv hlub cov Ninave
1 Thaus Yauna pum Vaajtswv ntxeev sab lawm, Yauna tsw zoo sab, nwg chim heev kawg le. 2 Yauna has Yawmsaub tas, Yawmsaub thaus kuv yuav sawv kev tom tsev tuaj, kuv tub has tsua koj lawm tas, koj yuav ua le hov nua nev. Tub yog vem le nuav kuv txha le nyag kev tswv moog tim Xapee tebchaws ntaag los maj. Kuv yeej paub tseeb lawm tas koj yog tug kws muaj lub sab hlub, hab khuv leej tuabneeg, koj pheej ua sab ntev, koj sab dawb sab zoo, koj tog quas nrhw yuav ntxeev sab tsw rau txem tsua tug ua txhum. 3 Yawmsaub, nwgnuav thov koj muab kuv txujsa tu moog, tsua qhov yog kuv tuag moog zoo dua le ua neej nyob. 4 Yawmsaub teb Yauna tas, tswm nyog koj yuav chim le kos los tsw tswm nyog. 5 Yauna tawm huv lub nroog moog tsua saab nub tuaj, nwg ua ib lub tsev pheeb suav. Nwg nyob nraim tshaav huv saib yuav muaj xwm daabtsw lug raug lub nroog Ninave los tsw muaj. 6 Yawmsaub kuas ib tsob ntoo tuaj ua ntxoov ntxoo roog Yauna kuas tshaav tsw xob kub Yauna. Yauna zoo sab kawg le. 7 Kuas nub tom qaab thaus kaaj ntug Vaajtswv kuas ib tug kaab ntswg noj tsob ntoo hov, tsob ntoo txawm ntsws tuag lawm. 8 Thaus nuh tuaj Vaajtswv ua ib co cua ntsawj tshaav kub heev saab nub tuaj tuaj, tshaav ntuj kub Yauna taubhau ua tsua Yauna tsaus muag. Yauna xaav tuag, nwg has tas yog kuv tuag moog zoo dua le kuv ua neej nyob. 9 Mas Vaajtswv has tsua Yauna tas, tswm nyog koj chim le kos tsua tsob ntoo hov los tsw tswm nyog. Yauna teb tas kuv chim xaav tuag xwb, yeej tswm nyog chim kawg le. 10 Yawmsaub has tsua Yauna tas, tuab mos xwb tsob ntoo nuav tuaj hab nwg hlub nwg, tuab mos xwb nwg tuag nwg lawm. Koj tub tsw tau swv koj tug daag tug zug cog tsob ntoo nuav, koj tsw tau ua daabtsw kuas nwg hlub, los koj tub khauv xwm. 11 Yog le hov kuv tseem tsw khauv xwm lub nroog Ninave lov. Nyob huv lub nroog hov yeej muaj tej mivnyuas yau kws tsw paub qaabhau daabtsw le ib xeem ob vaam leej, hab muaj tsaj txhu coob ua npoj quas ntwg, kuv tseem tsw khauv xwm los.
1 Tej lug kws yuav has nuav yog tej kws Yawmsaub has tsua Mikha kws yog tuabneeg huv moos Mauleche. Ntu kws Yauthaa hab Aha hab Hexekhiya ua vaaj ntxwv kaav Yutai tebchaws ib leeg kaav ib ntus, Yawmsaub qha tej xwm kws yuav muaj lug raug lub nroog Xamali hab lub nroog Yeluxalee tsua Mikha paub.
Has txug lub nroog Xamali hab lub nroog Yeluxalee
2 Txhua txhua haiv tuabneeg, mej ca le tig ntsej noog. Txhua txhua leej kws nyob huv nplajteb, mej ca le ua tuab zoo noog. Yawmsaub kws kaav ib puas tsaav yaam taag nrho yuav has mej tej kev txhum. Ua tuab zoo tig ntsej noog tej lug kws nwg nyob huv lub tuam tsev sau ntuj ceeb tsheej has tuaj tsua mej. 3 Yawmsaub sawv taw tseeg tawm huv nwg lub chaw nyob tuaj. Nwg yuav lug taug kev rhuav sau tej laaj roob. 4 Thaus nwg tsuj, tej toj roob hauv peg yuav pob zum quas zawg zuav pes zog le suav tawg txhawb cab ntaab yaaj quas zug ndwg moog tsua huv tej kwj haa yaam nkaus le tej dej ndwg tsaws quas npoog sau tej ncov roob lug. 5 Muaj tej xwm nuav tub yog vem cov Yixayee ua txhum hab faav xeeb tsua Vaajtswv. Leejtwg ua tsua cov Yixayee faav xeeb tsua Vaajtswv. Tub yog cov tuabneeg kws nyob huv lub nroog Xamali ua ntaag. Leejtwg pe daab pe txoov daab huv Yutai tebchaws. Tub yog cov tuabneeg kws nyob huv lub nroog Yeluxalee pe ntaag ne. 6 Yawmsaub txha has tas kuv yuav ua kuas lub nroog Xamali pob zuav zog ua ib pawg ua chaw tsua luas cog txwv maab. Kuv yuav muab lub nroog hov tej thwv cib nchuav tsua huv kwj haa, tsuas tseg tej txhwb zeb kws tag huv qaab taw loog nyob xwb. 7 Tej txoov daab huv lub nroog hov yuav raug luas muab tsoo tawg mog quas nyoos huvsw. Tej hov txhua chaw kws tuabneeg coj tuaj pub tsua tej puj muag cev kws nyob ntawm lub tsev teev daab yuav kub nyab huvsw. Tej neej daab neej qhua yuav puam tsuaj taag. Xamali tau tej cuab yeej hov lug swv thov daab pe daab kuas tau tub ki tau tsaj txhu tau qoob loos, kuas nwgnuav puab tej yeeb ncuab yuav thaj tej hov huvsw coj moog teev lawm lwm qhov. 8 Mikha txha le has tas tub yog vem tej xwm nuav mas kuv yuav quaj nyav quas lawg. Kuv yuav xuas kwtaw plab hab lab qaab quas cuas moog, sub suavdawg txha paub tas kuv ntxhuv sab. Kuv yuav nyav nqee quas lawg yaam nkaus le maa quaj nqov ntuj, hab yaam nkaus le tug noog ceg ntev quaj. 9 Tsw muaj leejtwg yuav khu tau lub nroog Xamali tej qhov txhaab, hab Yutai tebchaws yuav raug tej xwm nuav ib yaam nkaus. Kev puam tsuaj tub tuaj ti lub rooj loog Yeluxalee kws yog kuv haiv tuabneeg lub chaw nyob lawm.
Yeeb ncuab saamswm tuaj ze quas zug lub nroog Yeluxalee
10 Tsw xob qha tsua peb tej yeeb ncuab kws nyob huv lub moos Ka paub tas peb swb lawm. Tsw xob kheev puab pum mej quaj ntsuag. Cov tuabneeg Npele-afa, mej ca le daa pes luam huv peg teb suavdawg txha paub tas mej lwj sab. 11 Cov Chafi mej ca le tswv teg dawb teg nplag tawm huv mej lub moos moog ua txaaj muag quas ntsuav ua luas qhev. Cov tuabneeg kws nyob huv lub moos Xanaa tsw muaj cuab kaav tawm huv puab lub moos moog hov twg le. Thaus mej nov cov tuabneeg Npe-exe quaj nyav nrov ntsug quas qeeg mej yuav paub tas puab tau kev txom nyem tsw muaj chaw nkaum. 12 Cov Malau nyob lwj sab quas ntsuav ntshaw kev tau zoo, tsua qhov Yawmsaub tub tso kev puam tsuaj lug ze lub nroog Yeluxalee lawm. 13 Mej cov kws nyob huv lub moos Lakhi ca le muab hlo neeg lug hai tej tsheb ua rog. Mej xyum ua txhum lawv nraim le cov Yixayee ua, mas txha ua tsua cov huv lub nroog Yeluxalee ua txhum. 4 Nwgnuav cov Yutai, mej yuav tsum tawm huv lub moos Mauleche-Ka moog. Cov huv moos Axi yuav tsw tuaj paab cov Yixayee tej vaaj ntxwv. 15 Cov Malecha, Yawmsaub yuav muab mej cob tsua tej yeeb ncuab kws yuav tuaj txeeb mej lub moos. Cov Yixayee tej kev txwj quas laug yuav tswv moog nkaum tsua huv lub qhov tsua Atulaa. 16 Cov Yutai mej ca le chais hlo plaub hau kuas mej lub taubhau du quas lug yaam nkaus le taubhau daav noj twm es quaj mej tej mivnyuas kws yuav raug luas caab ncaim mej moog ua luas qhev.
Cov tuabneeg kws tswm txom cov pluag yuav raug txem
1 Cov tuabneeg kws rau ncoo sab sab pw sau txaaj xaav tswvyim ua phem mas yuav raug kev txom nyem. Thaus kaaj ntug tes puab txawm moog ua phem lawv le tej kws puab xaav tau. 2 Thaus puab xaav tau luas laj a puab txawm moog txhaav ua puab tug. Thaus puab xaav tau luas vaaj tse puab txawm moog txeeb yuav. Tsw muaj leejtwg yuav tso sab tau has tas nwg tsev tuabneeg hab nwg tej cuab txhaj cuab taam yuav tsw pluj le. 3 Yawmsaub txha has tas kuv yuav ua kuas mej raug kev puam tsuaj, mas yuav tsw muaj leejtwg dim hlo le. Mej yeej yuav raug kev txom nyem, mej yuav tsw tau moog kev khaav theeb ua rhu ceg quas hlo le lawm. 4 Thaus txug lub swmhawm hov luas yuav muab mej tej kev puam tsuaj lug pav ua yaam ntxwv qha suavdawg, hab hu zaaj nkauj lwj sab has txug tej kws mej raug tas, Peb tub raug kev puam tsuaj taag lawm lauj. Yawmsaub muab peb lub tebchaws coj moog cob tsua tej tuabneeg kws nteg peb caab moog ua qhev. 5 Mas thaus txug nub kws Yawmsaub rov qaab tu tebchaws tsua nwg haiv tuabneeg nyob, mej cov yuav tsw muaj ib tug nrug luas tau hlo le. 6 Suavdawg ywg zum quas zawg tsua kuv tas, tsw xob qha qha peb, tsw xob qha tej kws Vaajtswv yuav ua hov, Vaajtswv yeej yuav tsw kheev peb poob ntsej muag le, 7 koj xaav tas cov Yixayee raug Vaajtswv foom tsw zoo lawm los, Vaajtswv ua tsw taug sab ntev lawm los, koj xaav tas Vaajtswv yuav ua le hov tag lov, Vaajtswv yuav tsw has lug zoo tsua cov tuabneeg kws ua ncaaj ua nceeg los. 8 Yawmsaub teb puab tas mej txhob txwm ua yeeb ncuab tsua kuv haiv tuabneeg. Cov tuabneeg kws rov tom tshaav rog lug yeej xaav tas puab tub dim kev txhawj xeeb lawm, kuas mej tseem moog zuv kev txhaav puab tej tsho ntev coj tswv moog. 9 Mej ntab tej quaspuj kws yog kuv haiv tuabneeg tswv tawm huv puab tej vaaj tse kws yog puab lub chaw nyob chaw tshua moog, hab mej txwv tsw kheev puab tej tub ki lug yuav kuv txuj koob txuj moov ib txhws le. 10 Mej ca le sawv tseeg tswv tawm moog, ntawm nuav tsw muaj chaw kws yuav tiv thaiv tau mej. Tub yog vem mej ua txhum mas lub tebchaws nuav txha yuav raug kev puam tsuaj. 11 Suavdawg puav leej nyam tug xwbfwb daag kws ua txuj cev Vaajtswv le lug daag tsua hov u hov nuav ntxeev ntxag suavdawg has tas, kuv qha tseeb tsua mej has tas kua txwv maab xwv hab cawv yuav ndwg quas ndo lug tsua mej. 12 Kuas cov Yixayee, kuv yuav sau zog mej cov kws tseem tshuav nyob coj lug nyob ua ke yaam nkaus le paab yaaj rov lug nyob huv nkuaj. Hab mej lub tebchaws yuav muaj tuabneeg coob coob nyob ntshu quas fwv yaam nkaus le paab yaaj nyob coob coob nraag tej tshaav zaub. 13 Vaajtswv yuav qheb kev tsua puab hab coj puab tawm huv luas lwm lub tebchaws lug. Puab yuav tsoo luas lub rooj loog tawm moog nyob ywj sab. Yawmsaub kws yog puab tug vaaj ntxwv yuav coj puab tawm lug.
Mikha tshev Yixayee cov thawj
1 Mej cov kws ua thawj kaav cov Yixayee, mej ca le ua tuab zoo noog. Tswm nyog mej yuav ua ncaaj ua nceeg, 2 kuas mej ntxub txuj zoo, mej nyam txuj phem, mej muab kuv cov tuabneeg laws tawv caj hab dua puab nqaj. 3 Mej noj kuv haiv tuabneeg, mej laws puab tej tawv hab luv puab tej pob txhaa muab tsuav mog mog yaam nkaus le tsuav nqaj hau. 4 Muaj ib nub twg mej yuav tsaa suab thov Yawmsaub cawm mej, kuas nwg yuav tsw teb mej, nwg yuav tsw noog mej tej lug thov, vem mej ua phem ua qas. 5 Tej xwbfwb cev Vaajtswv lug puab cog lug daag ntxag kuv haiv tuabneeg. Puab foom koob moov tsua cov kws muab nqe zug tsua puab has tas mej yuav tau kev thaaj yeeb nyob xeeb, kuas puab tsawm cov kws tsw muab nqe zug tsua puab has tas mej yuav ntswb tsuv ntswb rog. 6 Yawmsaub has tsua cov xwbfwb kws ua le hov tas, mej cov kws ua xwbfwb cev kuv le lug, tub yuav taag mej swmhawm. Lub nub tub yuav dua ntawm mej. Vem mej coj kuv haiv tuabneeg moog yuam kev, kuv yuav tsw pub mej ua yug quas toog pum le u le nuav dua le lawm, hab mej yuav tsw paub qha tej kws yuav muaj tshwm tsua yaav tom hauv ntej. 7 Txhua tug kws qha tej kws yuav muaj tshwm tsua yaav tom hauv ntej tsua suavdawg yuav poob ntsej muag heev, vem yog tsw muaj tseeb lawv le tej kws puab qha tseg. Puab puav leej yuav poob ntsej muag tsua qhov Vaajtswv tsw teb puab lawm. 8 Kuas kuv mas Yawmsaub pub nwg tug Ntsuj Plig hab fwjchim tsua kuv. Nwg qha kuv paub kev ncaaj nceeg hab pub kuv muaj sab tuab qha cov Yixayee paub puab tej kev txhum. 9 Mej cov kws ua thawj kaav cov Yixayee, mej ca le ua tuab zoo noog kuv tej lug. Mej ntxub ntxaug tej kev ncaaj nceeg, mej muab txuj zoo ntxeev ua txuj phem. 10 Mej rhawv kev tua tuabneeg kev tsw ncaaj tsua huv lub nroog Yeluxalee kws yog Vaajtswv lub nroog. 11 Qhov kws cov thawj kaav lub nroog nuav tu plaub hab kaav pejxeem yog puab tau tej nyaj kws luas coj tuaj xab puab, puab txha tu. Cov pov thawj xaav tau nqe zug tsaiv puab le maav txhais Vaajtswv txuj kevcai. Cov xwbfwb cev Vaajtswv lug xaav tau nqe zug xwb puab txha qha tej kws yuav muaj lug tsua tom hauv ntej. Cov ua thawj hab cov xwbfwb hab cov pov thawj nyag taug nyag tseem has tas Yawmsaub nrug nyag nyob. Puab has tas Yawmsaub nrug nraim peb, yeej yuav tsw muaj ib yaam xwm daabtsw lug raug peb le. 12 Tub yog vem mej cov nuav ua txhum, luas txha laij lub nroog Xi-oo yaam nkaus le laij lag. Lub nroog Yeluxalee yuav qaug taag ua tej pawg, hab lub pov roob kws luas ua lub tuam tsev tsua sau yuav caj zoov caj tsuag.
Yawmsaub kaav ncaaj kaav nceeg thoob nplajteb
1 Muaj ib nub twg lub roob kws luas ua lub tuam tsev tsua sau yuav caj ib lub hauv roob sab kawg nkaus. Ntau haiv tuabneeg yuav tuaj nchuav quas nthwv tsua sau lub hauv roob hov. 2 Txhua haiv tuabneeg yuav has tas peb ca le moog sau Yawmsaub lub ncov roob, moog sau cov Yixayee tug Vaajtswv lub tuam tsev, Vaajtswv yuav qha peb paub tej kws nwg xaav kuas peb ua. Peb yuav taug tej kev kws Vaajtswv xaiv ca tsua peb taug. Yawmsaub tej lug qhuab lug qha tawm huv lub nroog Yeluxalee tuaj. Nwg tuaj sau lub roob Xi-oo has tsua nwg haiv tuabneeg. 3 Nwg yuav tu plaub ntug tsua txhua haiv tuabneeg hab tej tebchaws kws muaj fwjchim, tsw has tej kws nyob deb nyob ze los Vaajtswv yuav ua kuas rov sws hum. Puab yuav muab puab tej ntaaj ntaus ua khais, puab yuav muab puab tej muv ntaus ua rag ua txuas. Txhua haiv tuabneeg yuav tseg tsw sws ntaus sws tua, hab yuav tsw npaaj cuab yeej ua tsuv ua rog dua le lawm. 4 Txhua leej yuav nyob tso sab quas lug, nyag yuav nyob ntawm nyag ntug vaaj txwv maab txwv cua, tsw muaj leejtwg yuav tuaj ua tsua puab txhawj puab ntshai. Yawmsaub kws muaj fwjchim luj kawg nkaus cog lug tseg le nuav. 5 Txhua haiv tuabneeg nyag pe nyag tej tim tswv hab noog tej tim tswv hov lug, kuas peb yuav pe hab noog Yawmsaub kws yog peb tug Vaajtswv lug moog ib txhws.
Cov Yixayee yuav tau rov lug
6 Yawmsaub has tas muaj ib nub twg kuv yuav sau taag nrho tej tuabneeg kws poob moog ua luas qhev txom nyem quas ntsuav rov lug nyob ua ke dua. Puab cov nuav puav leej yog cov kws kuv rau txem tsua. 7 Puab yog cov tuabneeg ceg tawv hab nyob deb puab vaaj puab tsev, kuas kuv yuav tsaa cov tuabneeg kws tshuav nyob rov chiv ua neej tshab, puab yuav caj ua ib hai tuabneeg muaj fwjchim luj, mas txwj thaus hov moog kuv yuav nyob sau roob Xi-oo kaav puab moog ib txhws. 8 Lub nroog Yeluxalee, koj yog lub nroog kws Vaajtswv zuv quas rawv tsom kwm nwg haiv tuabneeg yaam nkaus le tug tswv yug yaaj zuv rawv nwg paab yaaj. Koj yuav rov tau ua lub nroog luj huv koj lub tebchaws lb yaam le yaav thau u. 9 Ua caag koj yuav qw suab nrov nroo quas ntwg. Ua caag koj yuav mob ntsaaj quas lawg yaam nkaus le tug quaspuj kws saamswm yuav daws cev. Koj ua le hov vem yog koj tsw muaj vaaj ntxwv kaav koj los, lossws yog vem koj tej tub sablaaj pluj tuag taag lawm. 10 Cov Yeluxalee, mej ca le ntswj yog ib ce quaj nroo quas lawg yaam nkaus le tug quaspuj kws saamswm yug mivnyuas, vem nwgnuav mej yuav tsum tswv huv mej lub nroog moog nyob nraag taj. Mej yeej yuav moog nyob tim lub nroog Papiloo, kuas thaus mej nyob tim Yawmsaub yuav paab kuas mej dim yeeb ncuab txhais teg. 11 Ntau haiv tuabneeg tub sau zog tuaj tua mej. Puab has tas peb yuav rhuav lub nroog Yeluxalee, peb yuav pum lub nroog nuav puag taag moog. 12 Kuas tej tuabneeg hov tsw paub tej kws Yawmsaub yuav ua. Puab tub tsw paub tas Yawmsaub tub sau puab lug rau txem ib yaam le luas sau nplej coj lug tib ua tsheej pawg ca yuav muab ntaus. 13 Yawmsaub has tas cov Yeluxalee, mej ca le moog rau txem tsua mej tej yeeb ncuab los maj. Kuv pub mej muaj zug npaum le tug txwv nyuj kws txwm kub tawv le hlau hab kwtaw tawv le tooj lab. Mej yuav ntaus ntau haiv tuabneeg tawg tswv kaaj quas nab hab muab tej nyaj txag kws puab moog txhaav tau lug hov coj tuaj pub tsua kuv kws yog Yawmsaub kaav thoob ntuj.
1 Cov Yeluxalee, mej ca le txhwj hlo tub rog es yuav ntaus rog. Luas tuaj vej nkaus peb lawm lauj. Luas saamswm ntaus cov Yixayee tug thawj.
Vaajtswv yuav xaiv ib tug huv Pelehee ua thawj kaav
2 Yawmsaub has tas lub moos Pelehee-Efatha, koj yog ib lub moos miv miv huv Yutai tebchaws xwb, kuas kuv yuav hu ib tug thawj coj ntug tawm huv koj lug kaav haiv Yixayee. Tug hov caaj ceg yeej yog muaj ib txhws thau u lug. 3 Yog le hov mas Yawmsaub txha tso Yawmsaub haiv tuabneeg tsua huv yeeb ncuab txhais teg moog txug thaus tug quaspuj kws yuav yug tug tub kws ua thawj coj ntug hov yug tug mivtub lawm. Thaus hov cov tuabneeg kws poob moog ua luas qhev yuav rov qaab lug nrug cov nyob sws sau ua ib hai tuabneeg dua. 4 Thaus tug hov lug kaav, Yawmsaub yuav pub nwg tau Yawmsaub tug daag tug zug hab tau Vaajtswv Yawmsaub tug fwjchim ci ntsaa quas ab lug kaav nwg haiv tuabneeg. Nwg haiv tuabneeg yuav nyob tso sab plhuav tsw txhawj tsw ntshai, tsua qhov tuabneeg thoob nplajteb puav leej yuav leeg has tas nwg yog tug kws muaj fwjchim luj kawg nkaus. 5 Hab nwg yuav ua tsua suavdawg tau nyob kaaj sab quas lug.
Kev cawm dim hab kev teem txem
Thaus cov Axilia tuaj tua peb lub tebchaws, hab hlaa peb tej ntsaa loog tuaj, tes peb yuav tso peb tej thawj rog kws tawv kawg nkaus le tawm moog tua. 6 Puab yuav xuas ntaaj ntaus yeej Axilia. Puab yuav paab kuas peb dim cov Axilia kws tuaj ntaus peb txhais teg. 7 Cov Yixayee kws dim lug yuav zoo yaam le tej puj lwg kws Yawmsaub tso lug yug txhua haiv tuabneeg, puab yuav zoo yaam nkaus le kob naag kws lug yug tej qoob loos. Puab yuav vaam khom Vaajtswv tsw vaam khom ib tug tuabneeg twg le. 8 Puab tub moog nrug txhua haiv tuabneeg nyob thoob ntuj, puab cov hov zoo yaam nkaus le tug tsuv ntxhuav kws lawv nqaj tsua nruab zoo nruab tsuag hab nkaag moog tsua huv paab yaaj moog tum moog dua yaaj noj. Yeej tsw muaj chaw vaam has tas yuav dim tau hlo le. 9 Cov Yixayee yuav tua yeej yeeb ncuab ua puam tsuaj tu noob nrho. 10 Yawmsaub has tas muaj ib nub twg kuv yuav caab mej tej neeg moog, hab tsoo mej tej tsheb neeg ua rog huvsw pov tseg. 11 Kuv yuav rhuav tej moos huv mej lub tebchaws huvsw, hab rhuav mej tej qhov taub zuv tebchaws pov tseg. 12 Kuv yuav tsoo tej daab roog daab tse tej pov hum tej kuam, hab tsw kheev tej tuabneeg kws txawj saib caij saib nyoog tshuav ib tug nyob le. 13 Kuv yuav tsoo tej txoov daab hab tej neej daab kws mej teev mej pe pov tseg. Mej yuav tsw tau pe tej kws mej puab mej txua dua le lawm. 14 Kuv yuav rhu tej neej kws teev puj daab Achela huv mej lub tebchaws pov tseg hab rhuav mej tej moos huvsw. 15 Kuv yuav swv zug ua pauj haiv tuabneeg kws tsw noog kuv lug hov ua chim quas nyov.
Cov Yixayee hab Yawmsaub tshaaj plaub
1 Mej ca le noog tej lug kws Yawmsaub has cov Yixayee qhov txhum. Yawmsaub thov koj sawv tseeg has koj tshaaj plaub, ca le has kuas tej roob hab tej pov roob nov koj tej lug. 2 Tej toj roob hauv peg hab daim laag zeb kws tag lub nplajteb kws muaj nyob ib txhab ib txhws lug lawm ca le nrug tig ntsej noog Yawmsaub rooj plaub. Yawmsaub muaj lug has nwg haiv tuabneeg tej kev txhum, nwg yuav qha cov Yixayee lub txem. 3 Yawmsaub has tas kuv haiv tuabneeg, kuv tau ua ib yaam daabtsw tsua mej tu sab. Kuv tau quab yuam mej rws tej nraa nyaav los. Mej ca le teb hlo kuv saib. 4 Kuv coj mej tawm huv lyi tebchaws moog, kuv cawm mej dim txujkev ua luas qhev, kuv tsaa Mauxe hab Aloo hab Mi lee ua cov coj mej. 5 Kuv haiv tuabneeg mej ca le ncu ntsoov tej kws cov Mau-a tug vaaj ntxwv Npalaj yuav ua tsua mej, hab ncu ntsoov tej lug kws Npe-au tug tub Npala-aa teb vaaj ntxwv Npalaj nawj. Mej yuav tsum ncu ntsoov tej xwm kws thaus mej tawm huv mej lub chaw tsuam ntawm taj Ntoo Kub Twg moog tsua tim lub moos Kilakaa es kuv ua tsua mej pum. Mej yuav tsum ncu tej nuav huvsw mej txha paub tas kuv paab mej heev npaum le caag mej txha dim tau.
Tej kws Yawmsaub xaav kuas peb ua
6 Thaus kuv moog pe Yawmsaub kws yog tug Vaajtswv kws kaav sau qaum ntuj kuv yuav coj yaam daabtsw moog xyeem tsua nwg. Coj tej mivnyuas nyuj rog rog moog hlawv xyeem tsua nwg yuav zoo los tsw zoo. 7 Yog kuv caab qos pua qos txheeb tug yaaj moog xyeem tsua nwg lossws coj roj txwv kav laaj ntau cuag dej ndwg moog xyeem yuav hum nw sab los tsw hum. Kuv muab tug mivnyuas kws hlub coj moog tua xyeem thij kuv' 1ub txem yuav zoo los tsw zoo. 8 Tej hov yeej tsw zoo. Yawmsaub tub qha tej kws zoo tsua peb paub lawm. Tej kws Yawmsaub kuas peb ua yog le nuav, yog kuas peb ua ncaaj ua nceeg sws hlub sws paab hab sau sab zog noog Vaajtswv lug. 9 Tug kws fwm Yawmsaub yog tug kws muaj tswvyim. Yawmsaub has tsua tej tuabneeg kws nyob huv lub nroog tas, mej cov kws tuaj loos ua ke huv nroog, mej ca le tig ntsej noog. 10 Huv cov tuabneeg ua phem tej vaaj tse muaj tej hov txhua chaw kws puab moog ntxag tau lug. Puab muab raab teev tsw hum kiv ntxo luas tug noj. Kuv ntxub tej hov heev kawg le. 11 Kuv yeej yuav tsw zaam txem tsua tug kws muab raab teev kws tsw hum moog kiv ntxo luas tug lug yuav hov. 12 Tej tuabneeg nplua nuj xawb nrhav cov tuabneeg pluag tug lug yuav. Mej puav leej has lug daag ntxeev ntxag luas xwb. 13 Nwgnuav kuv chiv nqeg teg ua tsua mej puam tsuaj moog vem yog mej ua txhum. 14 Mej yeej yuav tau noj, kuas tsw nov tsau tseem yuav tshaib nqhes. Txawm yog mej sau tau hov txhua chaw los mej yeej yuav tsw tau swv. Txawm yog mej khaws ib yaam daabtsw ca los kuv yeej yuav muab ua kuas puam tsuaj taag tsua huv tshaav rog. 15 Mej yuav tseb qoob loos, kuas mej yuav tsw tau sau. Mej yuav tsu roj txwv kav laaj, kuas mej yuav tsw tau swv. Mej yuav ua kua txwv maab xwv, kuas yuav tsw tau haus. 16 Vem mej ua phem lawv nraim le vaaj ntxwv Ooli hab vaaj ntxwv tug tub Ahaj ua, mas txha yuav muaj tej xwm nuav. Mej xyum ua tej kws ob tug ua, mas kuv yuav ua kuas mej puam tsuaj moog, hab suavdawg yuav thuaj mej. Cov tuabneeg kws nyob txhua qhov yuav saib tsw taug mej.
Cov Yixayee ua tsw ncaaj
1 Kuv tsw muaj vaam lawm lauj. Kuv zoo yaam nkaus le tug tuabneeg tshaib nqhes kws xawb nrhav txwv maab txwv ntoo noj, kuas tsw pum muaj nyob hov twg. Luas tub de tej txwv maab hab thawj phaum txwv cua taag du quas lug. 2 Tsw tshuav ib tug tuabneeg ncaaj nceeg nyob huv tebchaws hlo le, tsw muaj leejtwg muab.sab npuab Vaajtswv. Suavdawg nrhav rhuav tog tua tuabneeg, nyag.taug nyag moog lws nyag kwvtij zej zog. 3 Puab tej teg rau rawv tsua txujkev phem. Tej num tswv hab tej tuabneeg tu plaub ntug puav leej noj luas nyaj txag. Tug kws ua zoo neej hab tswm txaj tsaa ncauj has xaav yuav ib yaam daabtsw tes luas lwm tug txawm sau zog ua ke tuav huv. h Txawm yog puab cov hov muaj tej tug ua zoo hab ua ncaaj mivntswv cov los nwg tsuas zoo le xyov nam xuav paug xwb. Tub txug lub swmhawm kws Vaajtswv yuav rau txem tsua cov tuabneeg hov lawv le nwg kuas cov xwbfwb cev nwg lug qha tsua puab lawm. Nwgnuav puab ntxhuv sab heev. 5 Tsw xob ntseeg kwvtij zej zog lossws tso sab tsua tej kwvluag. Thaus has lug yuav tsum ncu ntsoov saib ceg ntoo qhuav, txawm yog has tsua yug quaspuj los yuav tsum ceev faaj. 6 Thaus hov tug tub yuav thuaj tas leej txwv ruag, ntxhais yuav tawm tsaam nam, nyaab yuav nrug puj sws caav sws tshe. Cov tuabneeg kws ua yeeb ncuab tsua yug yeej yog yug tsev tuabneeg ntaag. 7 Kuas kuv yuav tog quas rawv Yawmsaub, kuv ca sab ntsoov tsua Vaajtswv, kuv tug Vaajtswv yuav noog kuv tej lug thov, nwg yuav lug cawm kuv.
Yawmsaub coj kev dim lug
8 Peb tej yeeb ncuab tsw muaj lug yuav nyos peb. Peb qaug lawm kuas peb yeej yuav sawv rov lug. Peb poob tsua huv qhov tsaus ntuj quas nti, kuas Yawmsaub yuav ci kaaj quas lug tsua peb pum kev. 9 Peb ua txhum tsua Yawmsaub mas nwgnuav peb yuav tsum ua sab ntev thev Yawmsaub tej kev chim ib nyuas ntu. Kuas thaus kawg Yawmsaub yuav tsom kwm peb hab tuaj peb tog paab daws tej plaub kws luas ua tsua peb. Nwg yuav coj peb moog tsua qhov kws tshaav ntuj quas lug, peb qhov muag yuav saib ntsoov nwg cawm peb. 10 Peb tej yeeb ncuab yuav pum tej nuav mas puab yuav poob ntsej muag heev, yog tej yeeb ncuab kws nyos nyos peb has tas Yawmsaub kws yog mej tug Vaajtswv nyob hov twg. Peb yuav pum tej yeeb ncuab hov swb hab peb qhov muag yuav pum luas tsuj puab yaam nkaus le tuabneeg tsuj tej aav nplaum tom tej kev. 11 Cov Yeluxalee, tub yuav txug lub swmhawm kws mej khu lub nroog tej ntsaa loog lawm. Lub swmhawm kws mej khu, mas mej lub nroog hov tug nrwm yuav daav dua qhov qub. 12 Tej tuabneeg kws tawg tswv moog nyob ua saab ua sua tsua txhua qhov lawm suavdawg yuav rov lug. Saab nub tuaj mas puab yuav lug peg Axilia tebchaws lug, saab qaab teb mas puab yuav lug nraag lyi tebchaws lug, puab yuav lug huv tej tebchaws kws nyob ntawm ntug dej Yufate, hab lug tim tej dej hav txwv kws nyob deb lug, hab yuav lug sau tej roob kws nyob deb lug. 13 Kuas nplajteb yuav caj quav poj ua ntuj nraag teb cis dos, vem yog tuabneeg nplajteb ua phem ua qas.
Yawmsaub hlub cov Yixayee
14 Yawmsaub, thov koj saib haiv tuabneeg kws koj tub xaiv tseg lawm ib yaam le tug tswv yug yaaj saib nwg paab yaaj. Txawm yog puab nyob ua twm teb twm chaw tsua tom ntuj nraag teb cis dos los ib ncig ntawm puab puav leej muaj tej tebchaws zoo ua noj ua haus. Thov koj ca puab moog noj tej tshaav zaub zoo zoo kws nyob huv Npaxaa tebchaws hab Kile-a tebchaws, ib yaam le yaav thau u. 15 Yawmsaub, thov koj ua tej txujci phemfwj tsua peb pum ib yaam le thaus koj coj peb tawm nraag lyi teb lug es koj ua. 16 Thaus txhua haiv tuabneeg pum tes txawm yog puab muaj zug heev los puab yuav txhaav nreg nkaus pus ntsej pus ncauj ca. 17 Puab yuav nkaag chaub laug ua lw quas tog huv peg teb yaam le naab nkaag zuj zwg ntshai tshee quas nyo tawm huv qhov taub tuaj. Puab yuav tshee ua ib ce xub taag nrho lug cuag Yawmsaub kws yog peb tug Vaajtswv vem yog puab ntshai Vaajtswv heev. 18 Yawmsaub, tsw muaj ib tug tim tswv twg yuav zoo cuag koj. Koj zaam txem tsua koj haiv tuabneeg kws tseem tshuav nyob. Koj yeej tsw chim moog ib txhws, koj zoo sab hlo hlub peb tsw tu le. 19 Koj yuav rov hlub peb moog hab. Koj yuav tsuj quas rawv peb lub txem tsua huv koj qaab xwb taw hab muab pov tsua huv nruab tiv txwv. 20 Koj yuav hlub hab ua ncaaj tsua koj cov tuabneeg kws yeej yog Aplahaa hab Yakhauj xeeb ntxwv lawv le tej lug kws thau u koj cog tseg tsua peb tej yawm koob lawm.
Vaajtswv npau tawg tsua lub nroog Ninave
1 Cov lug nuav yog has txug lub nroog Ninave, yog Nahu kws nyob huv lub zog Eekhau ua yug quas toog pum. 2 Vaajtswv Yawmsaub yog tug kws khib xeeb hab pauj taub, Yawmsaub teem txem tsua cov kws tawv ntawm Yawmsaub, hab Yawmsaub pauj taub ua npau tawg quas vog tsua puab. 3 Yawmsaub tsw chim sai, kuas nwg muaj fwjchim luj kawg. Yawmsaub yeej tsw tso tug kws ua txhum dim dawb le. Yawmsaub moog kev mas tuaj cua quas ntwg cuag cua daaj cua dub, hab moov aav nphoo quas pog huv nwg kwtaw. 4 Yawmsaub txwv hav txwv, mas hav txwv txawm qhuav, hab ua tau tej nam dej qhuav huvsw. Tej laj teb huv Npaxaa kuj qhuav taag, lub roob Khamee kuj qhuav ua aav luaj lab ploog ca, hab tej paaj ntoos huv Lenpanoo tebchaws kuj nphob taag lawm. 5 Yawmsaub moog txug hov twg mas tej roob kuj tseeg ua zug quas kais tsua ntawm Yawmsaub lub xub ndag, hab tej pov roob kuj yaaj taag. Thaus Yawmsaub tshwm tuaj mas lub nplajteb ua zug quas kais hab tej tuabneeg tshee quas nyo. 6 Thaus Yawmsaub chim mas leejtwg yuav tiv taug, hab thaus Yawmsaub chim ua npau tawg heev mas leejtwg yuav tiv taug. Yawmsaub txujkev chim mas tawm plawg zoo le suav tawg lug kub mas tej pob zeb pob tsuas tawg mog quas nyoos ua moov. 7 Yawmsaub yog tug zoo kawg nkaus. Thaus nwg cov tuabneeg raug ceb laaj mas nwg kuj tiv thaiv. Yawmsaub tsom kwm cov kws tswv lug cawm sav tsua huv Yawmsaub. 8 Yawmsaub yuav ua tsua nwg cov yeeb ncuab puam tsuaj yaam nkaus le dej lug nyaab kuav hlo moog, hab yuav muab cov kws tawv ntawm nwg lawv tsua huv tub tuag teb. 9 Mej xaav zaaj tswvyim phem twg lug tiv Yawmsaub. Yawmsaub yuav ua tsua mej puam tsuaj, tsw muaj leejtwg yuav kaav tiv Yawmsaub txug ob zag. 10 Mej suavdawg yuav kub nyab yaam nkaus le xyov xuav paug kws sws qhab taag hab yaam nkaus le tej quav nplej qhuav qhuav kws kub nyab. 11 Txeev muaj ib tug tuaj huv Ninave tuaj ntaus tswvyim kuas ua tsw zoo hab xaav ua phem tsua Yawmsaub. 12 Yawmsaub has tsua nwg cov Yixayee tas, txawm yog cov Axilia muaj zug hab coob heev los puab yuav raug muab ua puam tsuaj pluj plag moog. Txawm yog kuv ua tsua mej lwj sab los kuv yuav tsw rov ua tsua mej lwj sab dua moog le lawm. 13 Nwgnuav kuv yuav muab cov Axilia tug fwjchim kws quab yuam mej tshem pov tseg, hab yuav muab tej saw hlau kws khi mej tsoo kuas tu taag moog. 14 Yawmsaub has txug cov Axilia tas puab yuav tu noob mas tsw muaj leejtwg yuav tuav puab lub npe moog le lawm. Kuv yuav rhuav tej txoov daab kws nyob huv puab tej tsev teev daab. Kuv saamswm khawb qhov ntxaa tog cov Axilia, vem tsw tswm nyog ca puab nyob lawm. 15 Saib maj, ib tug tub tshaaj xu saamswm coj xuv zoo hlaa roob tuaj. Nwg yuav pav txug qhov kws tau nyob kaab ntsaab. Cov tuabneeg Yutai mej ca le rov qaab ua tej kevcai noj haus kws Vaajtswv kuas mej ua, hab rov pub tej kws mej tub yeem lug tas mej yuav pub tsua Vaajtswv. Cov tuabneeg phem yuav tsw rov tuaj ntaus mej dua le lawm, puab tub raug puam tsuaj taag huvsw lawm.
1 Tej lug kws yuav has nuav yog tej kws Yawmsaub qha tsua Hanpaku kws ua xwbfwb cev Vaajtswv lug.
Hanpaku ywg txhua yaam kev txhum
2 Yawmsaub, kuv yuav tsum thov koj ntev le caag koj le maav nov hab paab kuas peb dim tej kev lim ham. 3 Vem le caag koj yuav ua tsua kuv pum kev txom nyem ntxhuv sab quas ntsuav le nuav. Ua caag koj nyob ntsag quas tu tsw quav ntsej tej kev txhum hov le. Muaj kev pluj kev tuag kev ntaim noj ntaim haus kev tswm txom nyob vej kuv, muaj kev sws ntaus sws tua sws caav sws tshe txhua qhov. 4 Tej kevcai tsw tseem ceeb tsw muaj qaabhau daabtsw le, tsw muaj tuabneeg ua ncaaj. Cov tuabneeg ua phem quab yuam tswm txom cov tuabneeg ua zoo, mas tej kev phem txha npug tej kev ncaaj nceeg 1 awm.
Yawmsaub lu lug teb
5 Yawmsaub txha has tsua Yawmsaub haiv tuabneeg tas, mej ca le tsaa muag saib txhua haiv tuabneeg kws nyob ib ncig mej. Tej kws mej pum hov mej yuav xaav tsw thoob. Thaus mej nov tej xwm kws kuv yuav ua, mej yuav tsw ntseeg. 6 Kuv saamswm pub haiv tuabneeg Papiloo kws lim ham hab sab tsw ntev muaj fwjchim. Nwgnuav puab saamswm tawm moog txeeb kaav tej tebchaws huv nplajteb nuav. 7 Puab tso hem thawj ua tsua suavdawg txhawj ntshai heev. Puab khaav theeb, puab tsw yuav leejtwg kevcai le, puab tsuas yuav puab txuj xwb. 8 Puab tej neeg dha ceev dua tsuv pom txwv, hab nyaum dua tej maa kws tshaib plaab. Puab tej tub rog caij neeg dha raag quas ntwg dub muag txwg deb deb tuaj yaam nkaus le cov daav yaa qwv tis nkaus lug muab qab. 9 Puab tej tub rog tuaj txeeb kaav tebchaws ua lim ham quas ntsuav. Thaus puab tuaj yuav txug, tej tuabneeg suavdawg ntshai ua ib ce tshee quas nyo poob sab taag. Tej tuabneeg kws puab nteg tau muaj coob npaum nkaus tej xuab zeb kws tsw muaj leejtwg suav txheeb. 10 Puab saib tsw taug tej vaaj ntxwv, puab thuaj hab luag tej num tswv luj ua tsuj ua tsaug. Tsw muaj ib lub loog twg kws yuav tiv tau puab. Thaus puab yuav txeeb ib lub loog twg puab xub kwv aav moog tib kuas sab txwj le lub loog hov, tes puab ca le txeeb xwb. 11 Thaus puab txeeb tau lawm puab hlaa dhau plhawv moog ib yaam nkaus le nthwv cua ntsawj ib vuag dua. Cov tuabneeg nuav puab muab puab tug peev xwm saib hlub xwb.
Hanpaku rov ywg tsua Yawmsaub noog
12 Yawmsaub, koj yog Vaajtswv kws ib txwm nyob thau u lug, koj yog kuv tug Vaajtswv. Koj yog tug kws zoo kawg nkaus hab yog tug kws nyob moog ib txhab ib txhws. Yawmsaub koj yog kuv tug Vaajtswv kws tsom kwm kuv. Koj xaiv hab tsaa haiv Papiloo ua cov kws muaj fwjchim tuaj rau txem tsua peb. 13 Ua caag koj tseem tseg cov Papiloo kws ua phem ua nkhaus nuav ca. Koj lub qhov muag kws zoo kawg nkaus saib tsw tau kev phem kev qas, koj tsw nyam saib cov tuabneeg ua txhum. Cov tuabneeg hov pheej tua tej tuabneeg kws ncaaj dua puab tuag taag lawm ais ua caag koj tseem tsw quav ntsej le. 14 Vem le caag koj yuav saib tej tuabneeg ib yaam le puab yog ntseg lossws yog miv kaab miv ntsaum kws tsw muaj tug kaav puab. 15 Cov Papiloo tuaj nteg suavdawg yaam le luas muab nuv coj moog nuv ntseg. Puab muab vaag sua suavdawg ib yaam le luas nqug lub vaag kws maag ntseg ntau ntau huv haav dej lug tsua tim ntug ais luas zoo sab dha npuaj teg ntwg taw. 16 Tsw yog le hov xwb, puab tseem fwm hab txw puab tej vaag, tsua qhov tej vaag hov ua tsua puab nplua nuj heev. 17 Puab yuav xuas ntaaj xuas rag tua txhua haiv tuabneeg ua lwj ua lam le nuav moog le los.
Yawmsaub teb Hanpaku
1 Kuv yuav nee moog sawv sau saam thaj tog noog saib Yawmsaub yuav kuas kuv has daabtsw, hab Yawmsaub yuav teb tej kws kuv ywg le caag. 2 Yawmsaub teb kuv tas, koj ca le muab zaaj kws kuv qha tsua koj sau meej meej tsua huv daim txag aav, suavdawg txha le nyeem tau sai. 3 Koj ca le sau tej nuav ca, vem tseem tsw tau txug lub swmhawm kws muaj tej xwm kws kuv qha tsua koj nuav. Kuas tshuav tsw ntev nuav yuav txug lub swmhawm kws kuv teem ca, hab yuav muaj tej xwm lawv le kws kuv qha tsua koj. Tej zag mej yuav xaav tas tseem tshuav ntev le maav muaj, kuas mej ca le tog, vem tej xwm hov yuav muaj lug lawv le lub swmhawm kws kuv teem ca lawm. A Tej lug kws koj yuav tsum sau ca hov yog has le nuav. Tej tuabneeg kws ua phem yuav tuag, huas tej tuabneeg ncaaj nceeg yuav caj vem yog puab npuab Vaajtswv.
Cov kws tsw ncaaj yuav raug ceb laaj
5 Kev nplua nuj ntxag tau tuabneeg yuam kev. Tej tuabneeg sab hlub puab khaav theeb hab xaav tau ntau mas sab tsw tug, tsw paub txaus yaam nkaus le txujkev tuag. Tub yog vem le hov puab txha le tuaj txeeb kaav ib hai tuabneeg dhau ib hai tuabneeg kuas tau lawv le puab lub sab xaav yuav. 6 Txhua haiv tuabneeg kws swb hov yuav tshev hab saib tsw taug cov tuabneeg kws tuaj ntaus yeej puab. Puab yuav has tas mej muab luas lwm tug le feem ua mej tug, kuas mej yuav raug txem lauj. Mej tseem yuav moog rob nuj rob nqe lug yuav kuas mej nplua nuj moog txug nub twg. 7 Thaus mej ncu raag tes cov tuabneeg kws mej tswm txom hov tub sau nthwv tuaj mas mej yuav tshuav puab nqe hab puab yuav yuam mej them ib npaug ntxwv. Yeeb neuab yuav sau nthwv tuaj ua tsua mej ntshai tshee quas nyo poob sab taag. Puab yuav lws mej tej hov txhua chaw huvsw moog. 8 Mej moog lws ntau haiv tuabneeg le, mej muab luas tua pov tseg, mej tswm txom luas, hab rhuav luas tej zej zog. Nwgnuav cov tuabneeg kws dim sav nyob yuav tuaj lws mej ib yaam nkaus le mej ua tsua puab. 9 Mej tej vej sub vej sw lug raug mej lawm lauj. Tej kws mej moog lws tau luas le ua tsua mej tsev tuabneeg nplua nuj taag, hab mej tseem xaav ua kuas mej tau zoo noj tau zoo nyob tso sab quas lug tsw ntshai daabtsw le. 10 Kuas mej tej tswvyim phem tub ua tsua mej tsev tuabneeg poob ntsej muag lawm lauj. Qhov kws mej moog ua tsua lwm haiv tuabneeg puam tsuaj tub yog mej rov lob kev puam tsuaj lug tsua mej ntaag. 11 Txawm yog tej phaab ntsaa zeb los yuav qw ntshu nrooj tshev mej, hab tej qhaab tse yuav nyos mej ntsug quas qeeg. 12 Mej tej vej sub vej sw lug raug mej lawm lauj. Mej ua nyaum ua lim ham mej txha rhawv tau moos, hab mej ua nruj ua tswv hab tua tuabneeg mej tej moos txha vaam meej. 13 Tej tuabneeg kws mej moog ntaus yeej lawm ua num nkim daag zug qhuav qhuav, hab ib puas tsaav yaam kws puab ua hov puav leej kub nyab taag huvsw. Yawmsaub kws muaj fwjchim luj kawg nkaus yog tug kws ua tej nuav. 14 Dej hav txwv yeej muaj nyob puag ncig nplajteb tsua txhua qhov, ib yaam nkaus le hov Yawmsaub lub koob meej yuav nrov nchaa moo quas lug thoob plhawv huv nplajteb tsua txhua haiv tuabneeg tau nov. 15 Mej tej vej sub vej sw lug raug mej lawm lauj. Thaus mej npau sav mej ua tsua tej tuabneeg zej zog poob ntsej muag. Mej ua tsua puab moog qaug paaj qaug poog yaam nkaus le tej tuabneeg qaug cawv. 16 Mej xaav has tas mej ua le hov mej txha tau ntsej muag, kuas mej yuav poob ntsej muag. Txawm yog mej los mej yuav moog kev qaug paaj qaug poog ib yaam nkaus hab. Yawmsaub yuav muab khob cawv kws pev txug txujkev rau txem nuav tsua mej haus. Mej tej meej thawb yuav poob moog. 17 Mej ntuv tej ntoo kws nyob huv Lenpanoo tebchaws qaug taag lawm, nwgnuav mej yuav raug luas ntuv ib yaam nkaus le hov hab. Mej tua tej tsaj nruab nraag huv Lenpanoo, nwgnuav tej tsaj hov yuav ua tsua mej ntshai heev hab. Muaj tej xwm nuav tshwm tuaj tub yog vem mej tua hab tswm txom tuabneeg nplajteb, hab rhuav luas zej luas zog pov tseg. 18 Tej txoov daab muaj qaabhau daabtsw, nwg tsuas yog zeb yog aav kws luas muab lug puab ua xwb, nwg paab tsw tau mej ib yaam daabtsw le, nwg yog tug nam daag xwb. Tug kws txua nam txoov daab hov vaam khom nam txoov daab es yuav muaj qaabhau daabtsw, nam txoov daab yeej has tsw tau lug. 19 Mej tej vej sub vej sw lug raug mej lawm lauj. Mej has tsua tej nam tog ntoo kws txawb hov tej tas ca le tswm dheev los maj, hab has tsua tej nam txhwb zeb tas sawv tseeg los maj. Tej txoov daab yuav qha tau daabtsw tsua mej los tsw tau. Tej zag luas yuav xuas nyaj lossws xuas kub lug luam nam txoov daab los nwg yeej tsw muaj sa. 20 Yawmsaub nyob huv lub tuam tsev kws zoo kawg nkaus. Txhua tug tuabneeg kws nyob huv nplajteb nuav ca le nyob tuab ywv ntawm Yawmsaub xub ndag.
Hanpaku lu lug thov Vaajtswv
1 Hanpaku kws ua xwbfwb cev Vaajtswv lug thov Vaajtswv has tas, 2 Yawmsaub, kuv nov xuv has txug tej xwm kws koj tau ua lawm, kuv phemfwj. Thov koj rov qaab ua tej num tseem ceeb kws thau u koj tub ua lawm tsua peb tam nuav pum. Txawm yog koj chim tsua peb lawm los thov koj hlub peb. 3 Vaajtswv yuav rov qaab tuaj dua tsua huv Entoo tebchaws. Vaajtswv kws zoo kawg nkaus yuav tuaj tim tej roob huv Palaa tuaj. Nwg tug fwjchim kws ci ntsaa quas ab roog puv nkaus sau ntuj, hab tuabneeg thoob nplajteb ua nwg tsaug. 4 Thaus nwg tuaj nwg tug fwjchim ci ntsaa quas ab yaam le tsag lig xub, nwg txhais teg muaj duab ci lab quas vog, nwg txhais teg yog qhov chaw kws nwg zais nwg tug fwjchim ca. 5 Nwg tso mob kis ua nwg ntej, nwg tso kev pluj kev tuag lawv nwg qaab. 6 Thaus nwg nreg nplajteb ua zug quas kais, thaus nwg tsaa muag saib, txhua haiv tuabneeg ntshai tshee quas nyo poob sab taag. Tej toj roob hauv peg kws khov ruaj quas nreeg tawg ntsoog quas ntxawg dha taag rw quas sua, hab tej pov roob kws ib txwm muaj nyob lug puav leej saus taag lawm. Tej pov roob hov yog tej kws thau u Vaajtswv ib txwm hlaa lug moog. 7 Kuv pum cov tuabneeg Khuchaa ntshai, hab cov tuabneeg Mi tee ntshai tshee quas nyo poob sab taag. 8 Yawmsaub, tej miv dej ua tsua koj npau tawg los, hav txwv ua tsua koj chim sab heev lov. Twv fuab dub tsaus quas nti yog koj lub tsheb, koj caij neeg fuab cua dha raag quas ntwg sau nruab fuab tuaj moog paab koj haiv tuabneeg kuas yeej yeeb ncuab. 9 Koj npaaj quas rawv koj raab neev nti tog yuav tua, koj muaj xub puv nkaus raaj. Tsag lig xub tua nplajteb tawg rhe. 10 Thaus tej toj roob hauv peg pum dheev koj, tes txawm ua zug quas kais, naag txawm lug sau nruab ntug lug, tej dej kws nyob huv nruab aa txawm nrov ntsug quas qeeg hab ndaas tej nam nthwv sab sab moog moog lug lug. 11 Thaus koj tej duab xub hab tej duab muv ci nplaag yaa tuaj moog, lub nub lub hli txawm nreg nkaus qhov qub chaw. 12 Koj hlaa sau lub nplajteb tuaj ua chim quas nyov, hab koj tsuj txhua haiv tuabneeg ua npau tawg quas vog. 13 Koj tuaj moog cawm koj haiv tuabneeg, hab cawm tug vaaj ntxwv kws koj tub xaiv ca lawm. Koj tua paab tuabneeg ua phem tug thawj, hab tua cov kws poog nwg tuag du quas lug. 14 Thaus nwg paab tub rog tuaj yaam nkaus le nthwv cua daaj cua dub ntsawj tuaj moog, hab yaam nkaus le tug kws soj rawv tswm txom cov tuabneeg pluag kuas tawg ua saab ua sua, tes koj raab xub yaa ntsa nkaus nwg tug thawj rog tuag ndo. 15 Koj cov neeg tsuj sau nplaim dej hlaa hav txwv, tes dej txawm ndaas nphau quas nphwv. 16 Thaus kuv nov tej xwm nuav kuv ntshai ua ib ce tshee quas nyo poob sab taag. Kuv daim tawv ncauj tshee mog quas nyoos vem kuv ntshai heev, kuv ib ce tsaug taag huvsw, kuv kwtaw dawm ua kuv qaug pes rug. Kuv yuav nyob ntsag quas tu ua sab ntev tog nub kws Vaajtswv yuav lug rau txem tsua cov tuabneeg kws tawm tsaam peb. 17 Txawm yog tej ntoo cua tsw txw txwv, tej txwv maab tsw tawg paaj, tej kav laaj tsw txw txwv, tej laj teb tsw zoo qoob, tej yaaj tshws tuag taag nrho, hab tej nkuaj nyuj tsw muaj nyuj nyob lawm, 18 los kuv yuav zoo sab vem Vaajtswv Yawmsaub yog kuv tug Cawmseej. 19 Yawmsaub kws kaav ib puas tsaav yaam taag nrho yog tug kws pub kuv muaj zug. Nwg ua tsua kuv txhais kwtaw nplaum yaam nkaus le sai dha sau tsua, hab thaus kuv taug kev moog sau roob nwg tsom kwm kuv.
1 Cov lug nuav yog Yawmsaub has tuaj tsua Xefaaya kws yog Khuchi tug tub. Khuchi yog Ketaliya le tub, Ketaliya yog Amaliya le tub, Amaliya yog vaaj ntxwv Hexekhiya le tub. Lub swmhawm kws Yawmsaub has cov lug nuav tsua Xefaaya yog ntu kws Amoo tug tub Yauxiya ua vaaj ntxwv kaav Yutai tebchaws.
Nub kws Yawmsaub teem txem
2 Yawmsaub has tas kuv yuav ntxuav txhua tsaav txhua yaam kuas du quas lug huv lub qaab ntuj nuav moog. 3 Kuv yuav muab tuabneeg hab tej tsaj qus tsaj nyeg naag noog hab ntseg ntxuav huvsw tseg. Kuv yuav muab cov tuabneeg ua phem ntxuav tseg, kuv yuav muab txhua tug tuabneeg rhuav tshem sau lub nplajteb nuav. Kuv yog Yawmsaub, tej lug nuav yog kuv has ntaag. 4 Kuv yuav teem txem tsua cov Yutai hab cov huv Yeluxalee huvsw. Kuv yuav rhuav tej chaw kws teev daab Npa-aa thoob tebchaws pov tseg huvsw, mas yuav tsw muaj leejtwg ncu cov thawj kws coj Npa-aa tej kevcai hlo le. 5 Hab kuv yuav muab cov tuabneeg kws tuaj sau ruv tsev pe nub pe hli hab pe tej nub qub ua kuas puam tsuaj, hab yuav muab cov tuabneeg kws cog lug tas yuav npuab kuv, kuas puab tseem moog tuav daab Maule lub npe sws cog lug ua kuas puam tsuaj. 6 Kuv yuav muab cov tuabneeg kws tso kuv tseg, tsw lawv kuv qaab, tsw nrhav kuv hab tsw thov kuv coj puab kev ua kuas puam tsuaj. 7 Ca le nyob tuab ywv tsua ntawm Yawmsaub lub xub ndag, vem tas Yawmsaub nub lug ze lawm, yog nub kws Yawmsaub yuav teem txem. Yawmsaub saamswm npaaj yuav muab nwg cov tuabneeg tua yaam nkaus le xyeem hov txhua chaw. 8 Yawmsaub has tas nub kws kuv tua hov kuv yuav teem cov num tswv hab vaaj ntxwv tej tub hab cov tuabneeg kws muab lwm tebchaws tej kevcai kev daab kev qhua lug coj le txem. 9 Nub hov kuv yuav teem txem tsua txhua tug kws coj kevcai pe kuv yaam nkaus le pe daab, hab lws luas tej hov txhua chaw coj lug ca tsua huv puab tug daab lub tsev. 10 Yawmsaub has tas nub hov yuav nov suab hu ntawm lub rooj loog Ntseg, hab nov suab quaj huv lub nroog Yeluxalee ntawm thaaj chaw kws rhawv ua qaab, hab nov suab nrov poog sau tej roob. 11 Thaus kws nov tej suab hov mas cov kws nyob nraag qaab nroog ca le quaj, vem tas tej tub luam tub puam tsuaj taag lawm. 12 Thaus hov kuv yuav taws teeb moog tshuaj huv lub nroog mas kuv yuav teem txem tsua cov kws khaav theeb es puab vaam puab xwb, tsw quav ntsej lwm tug le. Puab has huv lub sab tas Yawmsaub tsw ua qhov zoo, hab Yawmsaub kuj tsw ua qhov phem. 13 Puab tej nyaj txag yuav raug tub saab lws, mas puab tej tsev yuav puam tsuaj taag. Tej tsev kws puab saamswm ua los puab yuav tsw tau nyob huv, hab tej teb txwv maab kws puab saamswm cog los puab yuav tsw tau haus tej kua txwv maab huv tej teb hov. 14 Yawmsaub nub tseem ceeb lug ze quas zug lug sai kawg. Nub hov suavdawg yuav qhuav sab, txawm yog cov tub rog kws sab tuab los yuav quaj qw poob sab nthaav. 15 Nub hov yog nub kws raug Yawmsaub kev chim, yog nub kws lwj sab ntxhuv sab, yog nub kws puam tsuaj hab txom nyem kawg nkaus, yog nub kws tsaus ntuj hab tsaus ntuj dub quas ncab, yog nub kws muaj fuab hab tsaus quas nti, 16 yog nub kws pheej muaj suab raaj kub twg nrov txhwb rog hab suab tub rog qw nrov tsua thaus luas ntaus tej moos kws muaj ntsaa loog hab tej chaw zuv khuav. 17 Yawmsaub has tas kuv yuav tso sub sw lug tsua tuabneeg, mas suavdawg yuav taug kev yaam nkaus le tej dig muag. Puab tau ua txhum muaj txem tsua kuv, mas puab tej ntshaav yuav raug muab nchuav yaam nkaus le nchuav dej, hab puab tej cev tuag yuav lwj tsua sau nplaim aav. 18 Nub kws Yawmsaub chim mas puab tej nyaj tej kub los kuj paab tsw tau puab dim. Lub qaab ntuj nuav yuav raug Yawmsaub tej kev chim kws zoo le suav tawg hlawv kub nyab huvsw. Yawmsaub yuav ua kuas ib tsoom huv qaab ntuj nuav puam tsuaj taag nrho taamswm.
Yawmsaub has kuas rov ua dua lub tuam tsev
1 Thaus Ntali-a ua fuabtais kaav Pawxia tebchaws tau ib xyoos ntau, mas lub rau hli nub xab ib Yawmsaub has ib cov lug tsua Hakai kws ua xwbfwb cev Vaajtswv lug kuas Hakai has tsua Che-athi-ee tug tub Xelunpanpee kws ua thawj kaav Yutai, hab has tsua Yehauxanta tug tub Yauxua kws ua tuam pov thawj hlub. 2 Yawmsaub kws muaj fwjchim luj kawg nkaus has tsua Hakai tas, cov tuabneeg nuav has tas lub swmhawm nuav tsw zoo rov ua dua lub tuam tsev. 3 Mas Yawmsaub kuas Hakai has cov lug nuav tsua cov tuabneeg hov tas, 4 kuv cov tuabneeg ua caag mej tub moog nyob huv tej tsev ntoo kws zoo zoo lawm, kuas kuv lub tuam tsev tseem pob ua saab ua sua taag. 5 Mej swm ua tuab zoo xaav saib mej nyob noj le caag. 6 Mej cog qoob ntau, kuas sau tau tsawg. Mej noj, kuas tsw tsau. Mej haus kua txwv maab xwv, kuas tsw nov qaug. Mej muaj naav, kuas tsw suv. Mej tub tau nqe zug hab, kuas mej lub naas nyaj to qaab lawm. 7 Mej tsw paub yog tim le caag mej lub neej yuav zoo le nuav lov. 8 Mej ca le moog txav ntoo sau tej roob lug ua dua lub tuam tsev, tes yuav txaus kuv sab heev, hab yuav muaj tuabneeg pe kuv lawv le kws tswm nyog pe. 9 Mej suavdawg vaam tau qoob ntau, kuas kuj tau tsawg. Thaus mej coj tej qoob hov lug tsua huv mej tsev los kuv muab tshuab yaa taag lawm. Ua caag kuv yuav muab ua le hov. Tub yog tim qhov kws kuv lub tuam tsev tseem pob ua saab ua sua, huas mej nyag taug nyag tsuas yog tu mej tej tsev kuas yimfuab zoo heev xwb. 10 Vem le hov txha tsw muaj naag lug hab qoob loos txha tsw tuaj. 11 Kuv ua kuas ntuj qhua teb nkig tsua sau tej roob hab tsua huv mej tej qoob hab tsua tej vaaj txwv maab txwv cua hab tsua txhua yaam kws yuav tawg paaj txw txwv hab tsua tsaj txhu hab tuabneeg thoob lub tebchaws.
Puab ua lawv le Yawmsaub has
12 Xelunpanpee hab Yauxua hab cov pejxeem suavdawg kws lug tom Papiloo lug kuj ua lawv le kws Yawmsaub kws yog puab tug Vaajtswv tub has tsua puab. Puab kuj ntshai Yawmsaub hab ua lawv le cov lug kws Hakai kws ua xwbfwb cev Yawmsaub le lug has tsua puab. 13 Hakai has tsua cov pejxeem lawv le Yawmsaub kuas nwg has. Yawmsaub yeem lug tas kuv nrug nraim mej suavdawg nyob. 14 Yawmsaub txhawb Xelunpanpee kws ua thawj kaav Yutai hab Yauxua kws ua tuam pov thawj hlub hab cov pejxeem suavdawg kws lug tom Papiloo lug tug zug kuas kub sab rov ua Yawmsaub kws muaj fwjchim luj kawg nkaus kws yog puab tug Vaajtswv lub tuam tsev. 15 Thaus Ntali-a ua fuabtais tau ib xyoos ntau mas lub rau hli nub neeg nkaum plaub puab chiv ua lub tuam tsev.
Lub tuam tsev tshab zoo nkauj
1 Tuab xyoos hov lub xyaa hli nub neeg nkaum ib Yawmsaub rov has lug tuaj tsua Hakai kws cev Vaajtswv le lug tas, 2 ca le has tsua Xelunpanpee kws ua thawj kaav Yutai, hab has tsua Yauxua kws ua pov thawj hlub hab cov pejxeem tas, 3 mej cov kws nyob nuav leejtwg tau pum thaus lub tuam tsev nuav tseem zoo nkauj le qub, mas nwgnuav lub hov zoo le caag lawm. Saib maj lub tuam tsev hov dua twg taag lawm. 4 Xelunpanpee hab Yauxua hab cov pejxeem suavdawg ca le ua sab luj sab tuab, ca le ua lub tuam tsev, vem kuv nrug nraim mej nyob. 5 Thaus mej suavdawg tawm huv lyi teb lug, kuv cog lug tsua mej tas kuv yuav nrug mej nyob. Mas nwgnuav kuv tseem nrug mej nyob, mas tsw xob ntshai le. 6 Tshuav tsw ntev kuv yuav cu lub ntuj hab lub nplajteb hab tej tebchaws hab hav txwv. 7 Kuv yuav cu ib tsoom tebchaws huvsw mas txha le coj tau puab tej nyaj txag lug, mas tej nyaj txag hab hov txhua chaw tswm txaj yuav puv nkaus huv lub tuam tsev nuav. 8 Tej nyaj tej kub huv nplajteb puav leej yog kuv le. 9 Lub tuam tsev tshab nuav yuav zoo nkauj hab tswm txaj dua le thawj lub. Kuv yuav ua kuas kuv cov tuabneeg muaj kev vaam meej hab muaj sab tug tsua ntawm lub tuam tsev nuav. Yawmsaub kws muaj fwjchim luj kawg nkaus has le nuav ntaag.
Hakai nug cov pov thawj
10 Xyoo kws Ntali-a ua vaaj ntxwv tau ib xyoos ntau, lub cuaj hli nub neeg nkaum plaub Yawmsaub kws muaj fwjchim luj kawg nkaus rov has lug tuaj tsua Hakai kws cev Vaajtswv le lug tas, 11 ca le nug cov pov thawj txug kuv txuj kevcai saib. 12 Yog leejtwg muab nwg lub qaab tsho ntev qaws lug qhwv cov nqaj kws muab xyeem tsua kuv es dawb huv lawm coj moog, es yog nwg coj nwg lub qaab tsho hov moog phaav tej ncuav lossws tej zaub mov kws hau sav lossws tej kua txwv maab xwv lossws roj txwv kav laaj los yaam zaub mov noj twg kuj xwj, mas tej kws lub qaab tsho moog phaav hov yuav ca le dawb huv hab los tsw huv. Cov pov thawj teb tas tsw huv. 13 Mas Hakai nug tas yog leejtwg moog kov tej tuabneeg tuag es nwg tsw huv lawm mas nwg lug kov raug tej zaub mov nuav mas yuav tsuas tej zaub mov nuav tsw huv hab los tsw tsuas. Cov pov thawj teb tas kuj tsuas tej nuav tsw huv lawm hab. 14 Hakai txawm teb tas Yawmsaub has tas cov tuabneeg nuav hab tej tsaj txhu hab txhua yaam qoob loos tsw huv le hov lawm ntaag, mas txhua yaam kws puab coj tuaj xyeem txha puav leej tsw huv lawm.
Yawmsaub yeem lug yuav foom moov zoo tsua puab
15 Yawmsaub has tas ca le tshuaj saib tej xwm kws mej raug. Yog ua ntej thaus mej tsw tau nqeg teg ua lub tuam tsev, 16 thaus leejtwg moog ntawm pawg nplej es xaav tas yuav yawm tau neeg nkaum thoob, kuas tsuas muaj kaum thoob xwb, thaus leejtwg lug txug lub qhov kws tsuam kua txwv maab es xaav tas yuav ntaus kuas tau tswb caug thoob, kuas tsuas muaj neeg nkaum thoob xwb. 17 Yawmsaub has tas kuv tub tso cua nplawm hab lawg ntaus mej tej qoob pam taag lawm, kuas mej suavdawg kuj tsw ntxeev dua sab tshab es lug nrhav kuv. 18 Nub nua yog lub cuaj hli nub neeg nkaum plaub, yog nub kws mej tub muab tej txhwb zeb lug pua tag kuv lub tuam tsev tav lawm, mas ca le saib txwj nuav moog yuav muaj le caag. 19 Txawm yog mej tsw tshuav qoob, hab txwv maab txwv cua txwv ntsab pobkws hab txwv kav laaj tseem tsw tau txw txwv los txwj nub nua moog kuv yuav foom moov zoo tsua mej.
Yawmsaub cog lug tsua Xelunpanpee
20 Lub hli hov nub neeg nkaum plaub, Yawmsaub has dua ib zag lug tuaj tsua Hakai tas, 21 ca le has tsua Xelunpanpee kws ua thawj kaav Yutai tebchaws tas, kuv saamswm yuav cu lub ntuj hab lub nplajteb, 22 hab kuv saamswm yuav txu tej vaaj ntxwv hab puab tej tebchaws tug zug. Kuv yuav ntxeev cov tsheb ua rog hab cov kws caij neeg, mas cov kws tsaav tsheb yuav sws tua tuag hab cov neeg yuav tuag taag. 23 Xelunpanpee kws yog kuv tug qhev, nub hov kuv yuav tsaa koj ua tug kws tuav kuv lub npe kaav pejxeem. Kuv tub xaiv koj lawm. Yog Yawmsaub kws muaj fwjchim luj kawg nkaus has le nuav ntaag.
Teem txem tsua tej tebchaws kws nyob ib ncig Yutai tebchaws
1 Tej lug nuav yog Yawmsaub has. Nwg yuav teem txem tsua Halaj tebchaws hab tsua lub nroog Tamexe. Tsw yog cov Yixayee txhua xeem txha yog Yawmsaub le, Xilia lub nroog kuj yog Yawmsaub le hab. 2 Lub nroog Hama kws npuas nkaus Halaj nrwm teb kuj yog Yawmsaub le hab. Lub moos Tulau hab lub moos Xitoo hab puab tej kev txawj ntse kuj yog Yawmsaub le hab. 3 Tulau ua ntsaa loog thaiv lub moos ca, hab sau nyaj kub lug ca tej nam pawg yaam nkaus le tej pawg moov aav, 4 kuas Yawmsaub yuav sau ib puas tsaav yaam huv lub moos Tulau hov moog, hab muab lub moos hov tej hov txhua chaw laim moog tsua huv hav txwv, mas lub moos hov yuav raug kub nyab huvsw. 5 Lub moos Akheloo yuav pum hab ntshai, lub moos Kaxa yuav pum hab mob ntsaaj quas lawg, lub moos Ekhoo los kuj yuav zoo ib yaam nkaus le hov, yog tsw muaj chaw vaam khom lawm. Tug vaaj ntxwv kws kaav lub moos Kaxa yuav puam tsuaj, lub moos Akheloo yuav tsw muaj tuabneeg nyob, 6 cov tuabneeg txuam tsoov yuav lug nyob huv lub moos Axathau. Yawmsaub has tas kuv yuav txu cov Falixatee tug fwjchim kws khaav theeb kuas pluj moog, 7 tes puab yuav tsw noj tej nqaj kws txhaam ntshaav, hab tsw noj tej zaub mov kws caiv. Cov tuabneeg kws tshuav nyob huv tej moos hov yuav lug ua kuv le tuabneeg hab koom nrug kuv cov tuabneeg ua ke, tes yuav zoo yaam nkaus le ib cum huv Yutai. Ekhoo yuav koom nrug kuv cov tuabneeg ib yaam nkaus le thau u cov Yenpu koom. 8 Kuv yuav zuv kuv lub tebchaws tsw kheev tub rog tuaj ntaus hab tsw kheev leejtwg tuaj quab yuam tau kuv cov tuabneeg dua le lawm. Kuv tub pum kuv cov tuabneeg tej kev txom nyem lawm.
Tug vaaj ntxwv kws tuab maav yuav kaav Xi-oo
9 Cov tuabneeg huv Xi-oo ca le xyiv faab, cov tuabneeg huv Yeluxalee ca le qw zoo sab. Saib maj mej tug vaaj ntxwv saamswm lug cuag mej. Nwg lug ua ncaaj ua nceeg hab lug ua zoo sab quas hlo hab coj kev kov yeej lug. Nwg txu nwg tug fwjchim hab caij luj txwv, yog caij mivnyuas luj txwv. 10 Yawmsaub has tas kuv yuav rhuav tshem Yixayee tej tsheb ua rog hab muab cov neeg lawv tawm huv Yeluxalee moog. Tej xub nee ua rog yuav raug muab rhuav pov tseg, mas mej tug vaaj ntxwv yuav tu kuas muaj kev thaaj yeeb tsua ib tsoom tebchaws. Nwg yuav kaav txwj nrho ntawm lub hav txwv nuav moog txug lub hav txwv tim u, hab ntawm tug nam dej Yufate moog txug qaab ntuj kawg.
Vaajtswv cov tuabneeg rov tau lub neej zoo
11 Yawmsaub has tas vem yog cov lug kws kuv cog tsua mej hab muab cov ntshaav ntaus hom thawj tsua, mas kuv yuav tso mej cov kws poob ua luas qhev dim huv lub qhov qhuav hov. 12 Mej cov kws poob ua luas qhev, kuas rov muaj vaam ca le rov qaab lug tsua mej lub chaw kws tso sab. Nub nua kuv has tsua mej tas, kuv yuav muab ob npaug moov zoo lug pauj qhov kws mej txom nyem. 13 Kuv muab Yutai swv yaam le swv raab neev, hab swv Yixayee yaam le swv raab xub nee. Kuv yuav swv Xi-oo cov txwv neej tua Ki1i cov txwv neej yaam nkaus le swv ntaaj swv muv tua. ih Mas Yawmsaub kws muaj fwjchim luj kawg nkaus yuav tshwm tsua sau nwg cov tuabneeg hab Yawmsaub yuav tua nwg raab xub yaa yaam le tsag lig xub. Yawmsaub kws kaav ib puas tsaav yaam taag nrho yuav tshuv raaj kub twg es nrug cov cua daaj cua dub nraag qaab ntug moog. 15 Yawmsaub kws muaj fwjchim luj kawg nkaus yuav tsom kwm nwg cov tuabneeg ca, mas puab suavdawg yuav ua kuas puab tej yeeb ncuab puam tsuaj hab ua tsua tej yeeb ncuab le ntshaav ndwg tsua huv tshaav rog, mas puab yuav qw ua tsuj ua tsaug yaam le tuabneeg qaug cawv. Yeeb ncuab le ntshaav yuav ndwg yaam nkaus le muab cov ntshaav tsaj huv lub phaaj kws xyeem laub quas lawg tsua sau 1ub thaaj. 16 Mas nub hov Yawmsaub yuav paab nwg cov pejxeem yaam nkaus le tug tswv yaaj paab cuam nwg paab yaaj dim kev pluj kev tuag. Mas puab suavdawg yuav tsom duab ci huv Yawmsaub lub tebchaws yaam nkaus le tej qai zeb av kws ci ci es muab lu tsua lub mom kub. 17 Lub tebchaws yuav zoo hab zoo nkauj tag tag le. Tej qoob loos hab tej kua txwv maab xwv yuav ua tsua cov hluas kheev hlub.
Tuab maav yuav paab Yeluxalee
1 Cov lug nuav yog Yawmsaub has txug cov Yixayee. Yawmsaub kws muab lub ntuj nqug nthuav tsua sau hab tswm lub nplajteb hab pub txujsa tsua tuabneeg has tas, 2 saib maj kuv saamswm muab Yeluxalee ua taig kua txwv maab xwv, mas ib tsoom tebchaws kws nyob ib ncig yuav haus taig kua txwv maab xwv hov hab qaug heev. Thaus luas tuaj vej lub nroog Yeluxalee tes luas kuj yuav vej lwm lub moos huv Yutai. 3 Nub hov kuv yuav ua kuas Yeluxalee ua lub pob zeb kws nyaav, yog lub tebchaws twg yooj xeeb muab lub pob zeb hov nqaa, mas yuav ua tsua lub tebchaws hov raug mob heev kawg. Ib tsoom tebchaws huv qaab ntuj yuav sau zog ua ke ntaus Yeluxalee. 4 Nub hov kuv yuav ua kuas txhua tug neeg ceeb sob, hab ua kuas txhua tug kws caij vwm, kuas kuv yuav tsom kwm cov Yutai, hab kuv yuav ua kuas puab cov yeeb ncuab tej neeg dig muag. 5 Mas Yutai cov thawj yuav xaav tuab ywv tas cov tuabneeg huv Yeluxalee muaj zug vem yog puab tug Vaajtswv Yawmsaub kws muaj fwjchim luj kawg nkaus pub zug tsua puab. 6 Nub hov kuv yuav ua kuas txhua cum Yutai cov thawj zoo yaam nkaus le suav tawg kub ib lub haav zoov lossws kub cig laam quas lug tsua huv plawv daim teb npleg kws sav sav lawm, mas yuav kub ib tsoom tebchaws kws nyob vej ib ncig Yutai tebchaws, huas cov tuabneeg huv Yeluxalee mas yuav nyob zoo tsw muaj le caag. 7 Kuv kws yog Yawmsaub yuav paab kuas cov Yutai txhua cum kws tsw nyob huv Yeluxalee xub kov yeej sub luas txha tsw qhuas Tavi caaj ceg hab cov huv Yeluxalee heev dhau lwm caaj ceg Yutai. 8 Thaus hov Yawmsaub yuav tsom kwm cov huv Yeluxalee ca, mas cov kws tsw muaj zug yuav muaj zug ib yaam le Tavi. Tavi caaj ceg yuav coj suavdawg kev yaam nkaus le Yawmsaub tug tubkhai ntuj coj, yaam nkaus le Vaajtswv coj ntaag. 9 Thaus hov kuv yuav ua kuas tej tebchaws kws tuaj ntaus Yeluxalee hov puam tsuaj huvsw. 10 Kuv yuav ua kuas Tavi caaj ceg hab cov huv Yeluxalee lub sab khuv leej hab hlub hab kub sab thov Vaajtswv. Puab suavdawg yuav saib tug kws puab xuas muv nkaug tes puab yuav quaj nwg lwj sab nduag sab yaam nkaus le tej kws muaj tuab tug mivnyuas xwb los tuag lawm es lwj sab nduag sab hab quaj nwg heev kawg le, hab yaam nkaus le tej kws tug tub hlub tuag es quaj heev heev. 11 Thaus hov huv Yeluxalee yuav muaj kev quaj nyav heev cuag nkaus le kws quaj nyav Hanta-limoo huv lub taj Mekitau. 12 Txhua yim huv lub tebchaws yuav quaj nyav, Tavi cuab tuabneeg nwg quaj nwg ib caag, Nathaa cuab tuabneeg nwg quaj nwg ib caag, 13 Levi cuab tuabneeg nwg quaj nwg ib caag hab Chime-i cuab tuabneeg nwg quaj nwg ib caag, 4 hab txhua cuab tuabneeg kws tshuav nyob kuj quaj nyav tsua ib caag. Txhua cuab tuabneeg cov quaspuj nyag kuj moog quaj nyag ib caag tsw nrug cov quasyawg ua ke.
Yawmsaub hlub tuabneeg Yixayee
1 Yawmsaub qha ib zaaj lug tsua Malakhi kuas Malakhi has tsua cov Yixayee le nuav tas, 2 Yawmsaub has tsua Yawmsaub haiv tuabneeg tas, kuv ib txwm yeej hlub mej. Kuas puab rov nug Yawmsaub tas koj hlub peb le caag. Yawmsaub teb tas Exau hab Yakhauj yeej yog ob kwvtij, kuv hlub Yakhauj hab nwg tej xeeb ntxwv, 3 kuas kuv ntxub Exau hab nwg tej xeeb ntxwv. Kuv muab tej toj roob hauv peg kws Exau nyob rhuav pov tseg, hab ca tej aav hov tsua tsaj nyaum nyob. 4 Yog haiv tuabneeg Entoo kws yog Exau xeeb ntxwv has tas txawm yog peb tej zej zog puag taag lawm los peb yuav rov ua dua tshab, Yawmsaub yuav teb tas ca puab ua puab, kuv le maav muab rhuav dua. Suavdawg yuav hu tej moos hov tas tej moos phem hab haiv tuabneeg kws Yawmsaub ntxub moog ib txhws. 5 Cov Yixayee lub qhov muag yuav pum kag tej xwm nuav mas puab txha has tas Yawmsaub muaj fwjchim luj kawg nkaus tsw yog muaj tsua huv Yixayee tebchaws xwb, tseem muaj tsua lwm tebchaws hab.
Yawmsaub rhuav cov pov thawj ntsej muag
6 Yawmsaub kws muaj fwj chim 1uj kawg nkaus has tsua cov pov thawj tas, mivnyuas yeej fwm leej txwv, hab tub qhe yeej fwm nwg tug tswv. Kuv yog mej txwv ua caag mej tsw fwm kuv, kuv yog mej tug tswv ua caag mej tsw ntshai kuv. Mej saib tsw taug kuv, mej tseem muaj plhus nug kuv tas, peb saib tsw taug koj le caag. 7 Qhov kws mej laam coj tej zaub mov dog dig tuaj xyeem tsua sau kuv lub thaaj tub yog mej ua saib tsw taug kuv. Mej tseem muaj plhus nug kuv tas peb tsw fwm koj le caag. Kuv qha tseeb tsua mej tas, qhov kws mej laam coj tej hov txhua chaw dog dig tuaj xyeem hov, tub yog mej ua saib tsw taug kuv lub thaaj ntaag. 8 Thaus mej coj tej tsaj dig muag, luv ceg lossws muaj mob tuaj xyeem tsua kuv, mej ua le nuav mej xaav tas zoo lov. Mej swm coj tej tsaj phem le hov moog pub tsua mej tug tswv xeevsaib nwg yuav zoo sab los tsw zoo, nwg yuav paab mej los tsw paab. 9 Nwgnuav mej cov pov thawj mej swm thov Vaajtswv hlub peb saib. Nwg yeej yuav tsw teb mej tej lug thov tsua qhov mej ua txhum lawm. 10 Yawmsaub kws muaj fwjchim luj kawg nkaus has tas kuv xaav kuas mej cov kos ib tug muab lub tuam tsev thov kuv kaw ca, tsw kheev mej laam muab tsaj hlawv sau kuv lub thaaj dua le. Kuv tsw txaus sab tsua mej, kuv tsw yuav tej hov txhua chaw kws mej muab xyeem kuv. 11 Tej tuabneeg kws nyob thoob plhawv huv nplajteb nuav puav leej fwm kuv, tsw has cov twg los yog. Txhua qhov puav leej muaj tuabneeg hlawv tshuaj tsw-qaab hab muab yaam kws hum kuv sab xyeem tsua kuv, suavdawg ua tsua kuv tau ntsej muag. 12 Kuas mej has tas kuv lub thaaj tsw tseem ceeb, mej coj tej zaub mov kws mej saib tsw muaj qaabhau tuaj xyeem tsua sau. Mej ua le hov tub yog mej saib tsw taug kuv ntaag. 13 Mej has tas peb dhuav tej kevcai hov heev hwv lawm, mej ua saib tsw taug kuv. Mej muab tug tsaj kws mej nyag lug lossws tug luv ceg los tug muaj mob tuaj xyeem tsua kuv, mej xaav tas kuv yuav tej tsaj hov hab lov. 14 Kuv yuav foom tsw zoo tsua nam tuabneeg daag kws cog lug tseg tsua kuv tas nwg yuav xaiv nwg paab tsaj tug zoo pub tsua kuv, kuas tseem muab tug nam phem tsua kuv. Kuv yog tug vaaj ntxwv kws muaj fwjchim luj kawg nkaus, txhua haiv tuabneeg huv qaab ntuj puav leej fwm hab ntshai kuv.
1 Yawmsaub kws muaj fwjchim luj kawg nkaus has tsua cov pov thawj tas, tej lug kws kuv has nuav yog kuv has tsua mej. 2 Mej yuav tsum ua mej teg num tsua kuv tau ntsej muag. Yog mej tsw noog kuv lug kuv yuav foom tsw zoo tsua mej. Kuv yuav foom tsw zoo tsua tej kws suavdawg coj tuaj yug mej. Qhov tseeb kuv tub foom tsw zoo tsua tej hov lawm, tsua qhov mej tsw tshua ua lawv le kuv tej lug. 3 Kuv yuav rau txem tsua mej tej mivnyuas. Kuv yuav muab cov tsaj kws mej tua xyeem tsua kuv hov tej plaab tej nyuv quav lug txhuam mej ntsej muag, hab kuv yuav muab mej pov tsua qhov chaw kws luas pov tej plaab nyuv hov. 4 Thaus hov mej txha paub tas kuv tub has tsua mej lawm, sub tej lug kws kuv cog tseg tsua cov pov thawj kws yog Levi tej xeeb ntxwv txha muaj nyob moog ib txhws. 5 Kuv cog lug tseg tas kuv yuav pub puab muaj sav ntev hab tau nyob kaaj sab quas lug. Kuv pub tej nuav tsua puab kuas puab fwm kuv. Thaus hov puab puav leej fwm kuv hab ntshai kuv tag. 6 Puab qha tej zaaj kws tseeb, puab tsw qha tej zaaj tsw tseeb. Puab ua lawv le kuv sab nyam, puab ua zoo hab ntuag tau coob leej kuas nyag tso nyag tej kev phem tseg. 7 Cov pov thawj yog cov kws qha kuas suavdawg paub Vaajtswv tseeb hab, tswm nyog suavdawg moog cuag cov pov thawj kuas cov pov thawj qha puab ua tej kws hum kuv sab, tsua qhov cov pov thawj yog cov kws cev Yawmsaub kws muaj fwjchim luj kawg nkaus le lug. 8 Txawm yog nwgnuav los mej cov pov thawj tsw taug kuv txujkev lawm. Tej lug kws mej qha tub ua tsua coob leej ua txhum lawm. Mej tsw ua lawv le kws kuv cog tseg tsua mej. 9 Yog le hov kuv yuav kuas cov Yixayee ua saib tsw taug mej tsua qhov mej ua tsw lawv le kuv tej lug qha. Thaus mej qha kuv haiv tuabneeg mej xaiv ntsej muag.
Cov Yixayee tsw noog Vaajtswv lug
10 Sub peb suavdawg tsw yog koom tuab leeg txwv, hab sub tsw yog tuab tug Vaajtswv hov tswm peb suavdawg, ua caag peb ib tug tsw ua tsua ib tug lawv le kws peb has tseg, hab ua caag peb thuaj tej lug kws Vaajtswv cog tseg tsua peb puj koob yawm koob. 11 Cov Yutai tsw ua lawv le tej lug kws puab cog tseg tsua Vaajtswv, puab ua yaam kws phem huv nroog Yeluxalee hab thoob plhawv huv Yixayee tebchaws, puab ua qas tsua lub tuam tsev kws Yawmsaub nyam, puab tej tub yuav cov tuabneeg pe daab pe txoov daab tej ntxhais ua quaspuj. 12 Thov Yawmsaub muab txhua tug kws ua le hov txhem tseg, tsw xob kheev puab nrug peb haiv tuabneeg koom coj tej hov txhua chaw xyeem tsua Yawmsaub kws muaj fwjchim luj kawg nkaus dua ib zag le. 13 Muaj dua ib yaam kws mej naj nub ua, mej tuaj quaj qw kua muag lug ntub Yawmsaub lub thaaj taag, vem tas Yawmsaub tsw yuav tej hov txhua chaw kws mej coj tuaj xyeem tsua nwg. 14 Mej tseem muaj plhus nug tas ua caag nwg tsw yuav. Nwg tsw yuav vem nwg paub tas koj tsw ua lawv le tej lug kws koj cog tseg tsua tug kws thaus koj tseem hluas es koj yuav. Nwg yog koj txwj nkawm kuas koj tsw ua lawv le tej lug kws koj cog tseg tsua nwg. Tub yog koj twv Vaajtswv has tas koj yuav tsw tso nwg tseg los koj tub tsw ua lawv le koj has 15 Vaajtswv tub ua tsua koj hab koj tug quaspuj koom ua ib lub cev hab ib lub sab los sas. Vem le caag Vaajtswv ua le hov. Nwg ua le hov tsua qhov nwg xaav kuas meb muaj tub ki kws yog nwg haiv tuabneeg tag tag. Yog le hov mej yuav tsum ua tuab zoo xaav zoo zoo xob kheev ib tug twg tsw ua lawv le tej lug kws nwg cog tseg tsua nwg tug quaspuj. 16 Cov Yixayee tug Vaajtswv Yawmsaub has tas kuv ntxub txujkev sws nrauj. Thaus kuv pum ib tug muab nwg tug quaspuj nrauj, mas kuv ntxub heev. Yog le hov mej yuav tsum ua tuab zoo xaav zoo zoo tsw xob hlaa tej lug kws mej cog tseg has tas mej yuav tsw tso mej tug quaspuj tseg.
Nub kws Yawmsaub teem txem lug yuav txug
17 Yawmsaub dhuav tsw xaav nov tej lug kws mej has, kuas mej tseem muaj plhus nug has tas peb ua tsua Yawmsaub dhuav le caag. Mej ua tsua Yawmsaub dhuav thaus mej has tas Yawmsaub kws muaj fwjchim luj kawg nkaus suav tas txhua tug kws ua txhum puav leej yog tuabneeg zoo, hab has tas Yawmsaub yeej nyam cov tuabneeg hov, lossws mej nug tas Vaajtswv kws ncaaj nceeg nyob hov twg.
1 Yawmsaub kws muaj fwjchim luj kawg nkaus teb tas kuv yuav khaiv kuv tug tubkhai ua kuv ntej moog khu kev tog kuv. Tug Tswv kws mej naj nub tog yuav lug tshwm plawg huv nwg lub tuam tsev, tug tubkhai kws mej xaav xaav pum, yuav lug qha kuv tej lug cog tseg tsua suavdawg noog. 2 Nub kws nwg lug leejtwg yuav muaj cuab kaav saib tau nwg. Thaus nwg lug tshwm plawg, leejtwg yuav caj sa. Nwg yuav zoo ib yaam le nplaim tawg cig huv lub yeej vub hab ib yaam le tej tshuaj kws zawv khaub duag dawb quas paug. 3 Nwg yuav lug txav txem tsua tuabneeg ib yaam le tug kws nchuav nyaj muab nyaj nchuav kuas tau cov tseem nyaj xwb. Nwg yuav ua tsua cov pov thawj kuas puab ua tau tuabneeg zoo kawg nkaus ib yaam le tej nyaj kub kws luas muab nchuav tau lawm, mas cov pov thawj txha coj tej hov txhua chaw kws hum Yawmsaub sab tuaj xyeem tsua Yawmsaub. 4 Tes thaus hov tej hov txhua chaw kws cov Yutai hab cov kws nyob huv nroog Yeluxalee coj tuaj xyeem tsua Yawmsaub hov yuav hum Yawmsaub sab ib yaam le yaav nraag ntej hab. 5 Yawmsaub kws muaj fwjchim luj kawg nkaus has tas kuv yuav lug saib mej hab txav txem tsua suavdawg. Kuv yuav nthuav suavdawg tej kev txhum tsw has cov kws txawj yeeg swv, cov kws deev luas quaspuj quasyawg, cov kws ua cuav tim khawv, cov kws daag tej tub daag tub zug tej zug noj, cov kws ntxag tej puj ntsuag, tej mivnyuas ntsuag hab lwm haiv tuabneeg tej hov txhua chaw noj, hab cov kws tsw fwm kuv taag nrho huvsw.
Them Yawmsaub le feem tsua nwg
6 Kuv yog Yawmsaub, kuv zoo kuv le qub tsw txawj txawv ib zag le, mas mej cov kws yog Yakhauj caaj ceg kuj yuav tsw puam tsuaj tu noob hab. 7 Mej zoo ib yaam le mej tej puj koob yawm koob, mej yeej tsw ua lawv le kuv tej kevcai. Mej tso kuv tej kevcai tseg. Nwgnuav mej ca le tig hlo rov qaab lug cuag kuv, kuv txha lug cuag mej. Kuas mej nug has tas peb yuav ua le caag peb txha row tau lug cuag koj dua. 8 Kuv nug mej tas, tswm nyog tuabneeg yuav qee Vaajtswv tug los tsw tswm. Yeej tsw tswm nyog. Kuas mej naj nub qee kuv tug. Mej nug has tas peb qee koj daabtsw. Mej qee tej hov txhua chaw kws mej muaj, mej tsw muab ib feem huv kaum feem tsua kuv, hab tsw muab yaam kws mej zoo sab pub tsua kuv tsua kuv. 9 Kuv tub foom tsw zoo tsua mej txhua tug tsua qhov mej haiv tuabneeg suavdawg puav leej qee kuv tug. 10 Mej yuav tsum coj tej kws mej muaj ib feem huv kaum feem tuaj tso tsua huv lub tuam tsev sub txha muaj tej hov txhua chaw noj nyob huv. Mej swm ua lawv le kuv has saib, mej yeej yuav pum tas kuv yuav qheb rooj ntug laub koob moov ntau nplua quas mag lug tsua mej. 11 Kuv yuav tsw tso kaab, tsw tso kooj lug noj mej tej qoob loos. Mej tej txwv maab yuav txw txwv new new. 12 Thaus hov txhua haiv tuabneeg yuav tas mej cov tau koob moov, tsua qhov mej lub tebchaws yuav tau zoo noj tau zoo nyob.
Yawmsaub yuav hlub puab
13 Yawmsaub has tas mej has lug phem thuaj kuv, kuas mej tseem muaj plhus caav has tas peb has lug phem le caag thuaj koj nua. 14 Mej has tas ua Vaajtswv teg num yeej tsw muaj qaabhau daabtsw. Hab mej has tas yog peb ua lawv le tej lug kws Yawmsaub kws muaj fwjchim luj kawg nkaus has, hab leeg txem tsua Yawmsaub hab ntxhuv sab tsua peb tej kev txhum los yuav tau qaabhau hov twg. 15 Peb ib txwm pum tas tug tuabneeg khaav theeb yog tug kws tau koob moov, tug ua phem muaj kev vaam meej. Txawm yog tug hov txhob txwm ua txhum swm saib Vaajtswv yuav has le caag los Vaajtswv tsw rau txem tsua nwg. 16 Tom qaab hov tej tuabneeg kws ntshai Yawmsaub puab ib tug nrug ib tug sws thaam. Yawmsaub noog quas ntsoov tej lug kws puab has. Yawmsaub kuas ib tug sau tej tuabneeg kws ntshai nwg hab fwm nwg hov zaaj tseg ca tsua huv ib phoo ntawv taab meeg nwg. 17 Yawmsaub kws muaj fwjchim luj kawg nkaus has tas puab cov hov yuav ua kuv haiv tuabneeg. Txug nub kws kuv lug ua kuv teg num puab yuav yog kuv tug tag tag. Kuv yuav hlub puab yaam le leej txwv hlub nwg tug tub kws yug nwg. 18 Kuv haiv tuabneeg yuav rov pum dua ib zag has tas cov ncaaj nceeg hab cov tsw ncaaj yuav tau txawv le caag, cov kws ua kuv teg num hab cov tsw ua yuav tau txawv le caag.
Nub kws Yawmsaub lug yuav txug
1 Yawmsaub kws muaj fwjchim luj kawg nkaus has tas muaj ib nub twg cov tuabneeg khaav theeb hab cov tuabneeg ua phem yuav kub nyab pis lav yaam le quav nyaab. Nub hov puab yuav kub nyab taag huvsw tsw tshuav le. 2 Kuv tug fwjchim yuav tawm ci ntsaa quas ab yaam le lub nub, tuaj cawm mej cov kws noog kuv lug, hab yuav muaj kuab khu mej. Mej yuav nyob xyivfaab yaam le tug mivnyuas nyuj kws tso huv nkuaj lug. 3 Txug nub kws kuv lug ua kuv teg num mej yuav tawm tsaam yeej cov tuabneeg phem, mej yuav tsuj puab yaam le tsuj moov aav. 4 Mej yuav tsum ncu ntsoov tej kevcai, hab tej lug kws kuv muab tsua kuv tug tub qhe Mauxe sau roob Xinai coj lug qha tsua cov Yixayee kuas txhua tug ua lawv le tej lug qhuab qha hov huvsw. 5 Kuas thaus tseem tsw tau txug nub tseem ceeb kws Yawmsaub lug txav txem, kuv yuav khaiv Eliya kws yog xwbfwb cev Vaajtswv lug lug qha mej. 6 Nwg yuav coj leej txwv hab tej miv tub mivnyuas lug nyob ua ke dua. Yog tsw muaj le hov ntshai kuv yuav lug rhuav mej lub tebchaws kuas puam tsuaj taag huvsw.
The New Testament of our Lord and Saviour Jesus Christ
Yexu cov yawm koob
1 Zaaj nuav has txug Yexu Kheto cov puj koob yawm koob tej npe. Yexu Kheto yog Tavi le xeeb ntxwv hab Tavi yog Aplahaa le xeeb ntxwv. 2 Aplahaa tug tub yog Yiha. Yiha tug tub yog Yakhauj. Yakhauj le tub yog Yuta hab Yuta cov kwvtij. 3 Yuta ob tug tub yog Pele hab Xela. Ob tug nam npe hu ua Thama. Pele tug tub yog Heloo Heloo tug tub yog Laa. 4 Laa tug tub yog Aminata Aminata tug tub yog Naxau. Naxau tug tub yog Xaamoo. 5 Xaamoo tug tub yog Npau-a. Npau-a nam yog Lahaj. Npau-a tug tub yog Aunpe. Aunpe nam yog Luv. Aunpe tug tub yog Yixai. 6 Yixai tug tub yog vaaj ntxwv Tavi. Tavi tug tub yog Xalaumoo. Yaav tom ntej u Xalaumoo nam yog Uliya quaspuj. 7 Xalaumoo tug tub yog Launpau-a. Launpau-a tug tub yog Anpiya Anpiya tug tub yog Axa. 8 Axa tug tub yog Yahau-xafa. Yahauxafa tug tub yog Yaulaa. Yaulaa tug tub yog Uxiya. 9 Uxiya tug tub yog Yauthaa. Yauthaa tug tub yog Akhaj. Akhaj tug tub yog Hexekhiya. 10 Hexekhiya tug tub yog Manaxe. Manaxe tug tub yog Amoo. Amoo tug tub yog Yauxiya. 11 Yauxiya le tub yog Yekhauya hab Ye-khauya cov kwvtij. Puab yug lub swmhawm kws cov tuabneeg Yixayee poob moog ua qhev huv lub nroog Papiloo. 12 Thaus cov Yixayee poob moog ua qhev huv lub nroog Papiloo lawm, mas yaav tom qaab hov Yekhauya le maav yug Xathi-ee. Xathi-ee tug tub yog Xalunpanpee. 13 Xalunpanpee tug tub yog Anpiyu. Anpiyu tug tub yog Elakhi. Elakhi tug tub yog Axau. 1-4 Axau tug tub yog Xatau. Xatau tug tub yog Akhi. Akhi tug tub yog Eli-u. 15 Eli-u tug tub yog Ele-axa. Ele-axa tug tub yog Mathaa. Mathaa tug tub yog Yakhauj. 16 Yakhauj tug tub yog Yauxej. Yauxej tug quaspuj yog Maivlag kws yog Yexu nam. Yexu yog tug kws suavdawg hu has tas tug Kheto. 17 Yog le ntawm suav txwj thaus Aplahaa nyob lug txug vaaj ntxwv Tavi nyob muaj kaum plaub tam. Suav txwj thaus vaaj ntxwv Tavi nyob lug txug lub swmhawm kws cov *Yixayee poob moog ua qhev tsua huv lub nroog Papiloo muaj kaum plaub tam, hab suav txwj thaus hov lug txug lub swmhawm kws tug Cawmseej lug yug muaj kaum plaub tam.
Yug Yexu
18 Zaaj nuav yuav has txug zaaj kws Yexu Kheto lug yug tsua huv nplajteb nuav. Yauxej tub xub qhab Maivlag kws yog Yexu nam ca lawm. Thaus ob tug tseem tsw tau sws yuav, mas Maivlag paub has tas Vaajtswv tug Ntsuj Plig lug xeeb tub tsua huv nwg lawm. 19 Yauxej kws qhab Maivlag lawm, nwg yog ib tug tuabneeg ncaaj nceeg, nwg tsw xaav ca leejtwg thuaj Maivlag, nwg txawm xaav has tas nwg yuav tso Maivlag tuab ywv tseg. 20 Thaus Yauxej tseem xaav le ntawm Yauxej txawm ua npau suav pum Vaajtswv ib tug tubkhai sau ntuj lug has tsua Yauxej has tas, Yauxej, tug kws yog Tavi xeeb ntxwv, koj tsw xob ntxhuv sab, koj ca le yuav Maivlag lug ua koj quaspuj, tsua qhov tub yog Vaajtswv tug Ntsuj Plig lug xeeb tub tsua huv Maivlag. 21 Maivlag yuav yug ib tug mivtub, mas koj yuav tsum tis tug mivtub hov lub npe hu ua Yexu, tsua qhov nwg yog tug kws yuav lug paab nwg cov tuabneeg kuas puab dim puab lub txem. 22 Tej nuav tub muaj lawv le Vaajtswv txuj-lug kws tub qha tsua tug -'-xwbfwb cev Vaajtswv lug has tas, 23 ib tug hluas nkauj kws tsw tau nrug dua hluas nraug thaam le, yuav xeeb tub, hab nwg yuav yug ib tug mivtub. Mas suavdawg yuav hu tug mivtub hov lub npe hu ua Emanu-ee. Lub npe hov txhais has tas Vaajtswv nrug peb nyob. 2-4 Thaus Yauxej tswm dheev lug nwg txawm moog coj Maivlag lug ua nwg quaspuj lawv le Vaajtswv tug tubkhai sau ntuj tau qha nwg lawm. 25 Kuas Yauxej tsw nrug Maivlag pw ua ke moog txug thaus kws Maivlag yug tug mivtub ntawm. Thaus yug tau lawm Yauxej txawm tis npe tsua tug mivtub hov hu ua Yexu.
Cov kws txawj saib nub qub tuaj hawm tug mivtub
2 Yexu yug huv lub moos Pelehee kws nyob huv Yutai tebchaws. Lub swmhawm hov Helauj ua vaaj ntxwv. Mas thaus kws yug Yexu tau tsw ntev cov tuabneeg kws txawj saib nub qub ob peb leeg tuaj saab nub tuaj, tuaj txug huv lub nroog Yeluxalee. 2 Mas puab nug has tas, tug mivtub kws yuav ua cov Yutai tug vaaj ntxwv, nwg yug tsua hov twg. Peb nyob saab nub tuaj peb tub pum nwg lub nub qub tshwm tuaj, peb txha tuaj hawm nwg. 3 Thaus Helauj nov tej xuv hov, Helauj ntxhuv sab heev, hab cov tuabneeg kws nyob huv lub nroog Yeluxalee suavdawg puavleej ntxhuv sab hab. 4 Helauj txawm hu cov pov thawj hlub hab cov xwbfwb qha kevcai tuaj ua ke sablaaj. Helauj nug puab has tas, tug kws Vaajtswv khaiv lug ua Cawmseej nwg yuav yug tsua hov twg. 5 Puab teb has tas, nwg yeej yuav yug huv lub moos Pelehee kws nyob huv Yutai tebchaws. Tug xwbfwb kws cev Vaajtswv lug tub sau ca le nuav has tas, 6 Lub moos Pelehee huv Yutai tebchaws, Koj yeej tsw yog tug kws miv dua cov num tswv kws kaav Yutai tebchaws, tsua qhov koj yuav yug ib tug thawj. Mas tug ntawm yuav lug coj kuv cov tuabneeg Yixayee. 7 Tes Helauj txawm hu cov tuabneeg kws txawj saib nub qub lug cuag nwg tuab ywv, tsw kheev leejtwg paub. Nwg nug puab has tas, nub twg hab lub swmhawm twg puab pum lub nub qub hov tshwm tuaj. 8 Helauj txawm kuas puab moog nraag lub moos Pelehee hab has tsua puab has tas, mej ca le moog nrhav tug mivtub ntawm, thaus mej nrhav tau lawm mej rov qaab lug qha tsua kuv, kuv yuav moog hawm nwg hab. 9 Thaus Helauj has le ntawm taag tes cov tuabneeg kws txawj saib nub qub txawm tawm moog lawm. Thaus puab saamswm moog puab rov pum lub nub qub kws puab xub pum peg nub tuaj. Mas lub nub qub hov txawm coj puab kev moog hab moog nreg ncaaj qhov chaw kws tug mivtub ntawm nyob lawm sau. 10 Thaus puab pum lub nub qub ntawm puab zoo sab kawg le. 11 Tes puab txawm moog huv tsev, mas puab pum tug mivtub hab Maivlag kws yog nwg nam nyob huv. Puab txawm txhus caug ndua hawm tug mivtub hov, hab puab thau puab tej kub, hab tej tshuaj tsw-qaab hab tej roj tsw-qaab kws yog yaam kws tswm txaj huv puab tej naab lug pub tsua tug mivtub. 12 Mo hov puab cov kws txawj saib nub qub ua npau suav pum Vaajtswv lug has tsua puab has tas, mej moog lwm txujkev moog tsev, tsw xob rov moog qha tsua Helauj paub. Tes puab txawm rov moog dua lwm txujkev moog tsev lawm.
Yauxej coj tug mivtub moog lyi tebchaws
13 Thaus cov tuabneeg kws txawj saib nub qub rov moog taag lawm, Yauxej ua npau suav pum Vaajtswv ib tug tubkhai sau ntuj lug has tsua Yauxej has tas, koj ca le sawv tseeg coj tug mivtub hab nwg nam tswv moog lawm nraag lyi tebchaws, moog nyob nraag txug thaus kws kuv has kuas mej moog lawm lwm qhov, tsua qhov vaaj ntxwv Helauj saamswm yuav nrhav tug mivtub nuav tua pov tseg. 1-4 Mo ntawm Yauxej txawm sawv tseeg coj tug mivtub hab Maivlag xuas dub tswv mo ntuj moog tsua nraag lyi tebchaws. 15 Mas puab nyob nraag moog txug thaus vaaj ntxwv Helauj tuag. Tej kws muaj nuav tub lawv le tej lug kws Vaajtswv tau qha tsua tug xwbfwb cev Vaajtswv lug has tas, kuv hu kuv tug tub tawm huv lyi tebchaws lug.
Tua cov mivtub yau
16 Thaus vaaj ntxwv Helauj paub has tas, cov tuabneeg kws txawj saib nub qub ntawm zos ib qho moog, tsw rov lug qha nwg, mas nwg chim heev. Nwg txawm khaiv tuabneeg moog muab cov mivnyuas tub kws noob nyoog muaj ob xyoos rov huv, kws nyob huv lub moos Pelehee hab tej zej zog ib ncig tua huvsw pov tseg. Helauj ua le nuav kuas sub txha hum lub swmhawm kws cov tuabneeg txawj saib nub qub pum lub nub qub hov. 17 Tej kws muaj nuav tub lawv le xwbfwb Yelemi kws cev Vaajtswv lug tau qha tseg has tas, 18 Suavdawg yuav nov suab quaj suab nyav huv lub zog Lama. Laxee quaj nwg cov mivnyuas heev, Tsw muaj leejtwg ntuag tau nwg, Tsua qhov nwg cov mivnyuas tuag taag lawm.
Yauxej coj tug mivtub tawm huv lyi tebchaws rov lug
19 Thaus Helauj tuag lawm, Yauxej tseem nyob nraag lyi tebchaws. Mas Yauxej txawm ua npau suav pum Vaajtswv ib tug tubkhai sau ntuj lug has tsua Yauxej has tas, 20 koj ca le sawv tseeg coj tug mivtub hab nwg nam rov qaab moog peg Yixayee tebchaws, tsua qhov tug kws yuav tua tug mivtub nuav tub tuag lawm. 21 Yauxej txawm sawv tseeg coj tug mivtub hab Maivlag rov qaab moog peg Yixayee tebchaws. 22 Kuas thaus Yauxej tsua nov has tas, Helauj tug tub Akhelau ua vaaj ntxwv kaav Yutai tebchaws, mas Yauxej ntshai rov moog nyob huv Yutai tebchaws. Kuas Yauxej rov ua npau suav pum Vaajtswv lug qha nwg, tes nwg txawm moog peg Kalilai tebchaws. 23 Nwg moog nyob huv ib lub moos npe hu ua Naxale. Yauxej ua le hov tub yog lawv le tej kws cov xwbfwb cev Vaajtswv lug tau qha tseg tas, suavdawg yuav hu tug mivtub hov tas, nwg yog tuabneeg Naxale.
Yauhaa kws coj ua kevcai raus dej teg num
1 Mas ntu hov Yauhaa kws coj tuabneeg ua kevcai raus dej txawm tawm moog qhuab qha tom tej tebchaws moj saab qhua kws nyob huv Yutai tebchaws. Nwg qha has tas, 2 mej ca le tso plhuav mej tej kev txhum tseg tsua qhov nwgnuav tub yuav txug lub swmhawm kws Vaajtswv lug kaav tuabneeg lub sab. 3 Tej lug kws xwbfwb Yaxaya kws cev Vaajtswv lug tau qha tseg lawm, tub yog has txug tug Yauhaa nuav ntaag. Yaxaya has tas, Muaj ib tug has nrov nrov tom tebchaws moj saab qhua has tas, Ca le khu kev tog Vaajtswv. Khu kuas kev ncaaj nwg yuav lug. 4 Yauhaa tej rwg tsho tsw zoo pes tsawg yog muab plaub ntxhuav lug ua, nwg sa hlaab tawv, nwg noj kooj ntaas hab zwb ntaab. 5 Lub swmhawm ntawm muaj tuabneeg tuaj nraag lub nroog Yeluxalee, hab thoob plawg Yutai tebchaws hab tuaj huv tej zej zog kws nyob ob saab ntug dej Yalatee tuaj cuag Yauhaa. 6 Cov tuabneeg ntawm nyag leeg nyag lub txem, mas Yauhaa muab puab ua kevcai raus dej huv tug nam dej Yalatee. 7 Thaus Yauhaa pum cov "Falixai hab cov -Xatukai tuaj thov kuas Yauhaa muab puab ua kevcai raus dej, tes Yauhaa txawm has tsua puab has tas, cov nam naab phem, leejtwg qha tsua mej has tas, mej yuav tswv dim Vaajtswv txujkev teem txem kws tub yuav muaj lug sai sai nuav. 8 Mej yuav tsum ua mej teg num tsua suavdawg pum has tas, mej tub tso mej tej kev txhum tseg lawm. 9 Mej tsw xob xaav has tas, yuav muab qhov kws mej yog "Aplahaa le xeeb ntxwv lug khaav tes mej yuav dim. Kuv qha tsua mej has tas, txawm yog Vaajtswv muab tej pob zeb nuav lug ua Aplahaa le xeeb ntxwv los nwg yeej ua tau. 10 Nwgnuav tub muab raab taus twb tsua ntawm hauv paug ntoo lawm, tub yuav ntuv tug ntoo. Txhua tsob ntoo kws tsw txw cov txwv zoo yuav muab ntuv pov tseg tsua huv cub suav tawg. 11 Kuv yog tug kws muab mej ua kevcai raus huv dej. Qhov kws kuv ua le nuav tub qha has tas, mej tub muab mej tej kev txhum tso tseg lawm. Kuas tug kws yuav lawv kuv qaab tuaj nwg yuav muab mej raus huv Vaajtswv tug Ntsuj Plig hab suav tawg. Tug ntawm tseem muaj fwjchim luj dua kuv. Kuv tub tsw tswm nyog nqaa nwg nkawm nyuas khau le. 12 Nwg tuav rawv daim ntxuam nwg yuav ntxuaj nwg cov nplej kuas cov npluag yaa tawm huvsw moog. Nwg yuav muab cov nplej zoo ntim ca tsua huv txhaab, huas nwg yuav muab cov npluag coj moog pov tseg tsua huv cub suav tawg kws cig tsw txawj tuag le.
Yexu ua kevcai raus dej
13 Thaus ntawm Yexu tuaj peg Kalilai tebchaws tuaj cuag Yauhaa tom tug nam dej Yalatee. Nwg tuaj kuas Yauhaa muab nwg ua kevcai raus dej. 4 Kuas Yauhaa tsw kaam, Yauhaa has tsua nwg has tas, tswm nyog koj muab kuv ua kevcai raus dej, kuas ua caag koj tseem tuaj cuag kuv. 15 Yexu teb Yauhaa has tas, nwgnuav koj ca le muab kuv ua, tsua qhov tub tswm nyog peb ua txhua yaam lawv le Vaajtswv pum zoo kuas peb ua. Yauhaa txha kaav muab Yexu ua kevcai raus dej. 16 Thaus Yexu ua kevcai raus dej taag, taamswm kws nwg tawm huv dej lug, mas rooj ntug txawm qheb hlo, tes nwg pum Vaajtswv tug Ntsuj Plig lug tsaws sau nwg taubhau. Tug Ntsuj Plig ntawm muaj lub cev zoo ib yaam le ib tug nquab. 17 Mas muaj ib lub suab has sau ntuj tuaj has tas, tug nuav yog kuv tug tub kws kuv hlub, nwg ua hum kuv sab.
Daab Ntxwg Nyoog ntxag Yexu
1 Dhau hov ntawm lawm Vaajtswv tug Ntsuj Plig txawm coj Yexu moog tom tebchaws moj saab qhua es sub Daab Ntxwg Nyoog tau ntxag Yexu. 2 Yexu nyob tom tau plaub caug nub plaub caug mo, nwg tsw noj ib yaam daabtsw le. Thaus dhau hov lawm nwg tshaib plaab heev. 3 Daab Ntxwg Nyoog txawm lug has tsua Yexu has tas, saib koj yog Vaajtswv tug tub tag, koj ca le has kuas tej pob zeb nuav txa ua mov los maj. h Yexu teb has tas, tub muaj lug sau ca tsua huv Vaajtswv phoo ntawv has tas, tsw yog tuab cov mov yuav yug tau tuabneeg txujsa, kuas yog Vaajtswv txujlug txhua lu txha yug tau. 5 Dhau hov ntawm Daab Ntxwg Nyoog txawm coj Yexu moog huv lub nroog kws zoo kawg nkaus, mas moog ntawm »lub tuam tsev thov Vaajtswv, daab coj Yexu nee moog sau lub ruv tsev. 6 Daab has tsua Yexu has tas, saib koj yog Vaajtswv tug tub tag, koj ca le caws qa lawm huv aav los maj, tsua qhov tub muaj lug sau ca tsua huv Vaajtswv phoo ntawv has tas, Vaajtswv yuav kuas nwg cov tubkhai tsom kwm koj, Puab yuav fwj koj, Hab yuav tsw kheev koj ob txhais kwtaw raug pob zeb le. 7 Yexu teb Ntxwg Nyoog has tas, tub muaj dua ib nqais sau ca tsua huv Vaajtswv phoo ntawv has tas, koj tsw xob yuam kuas Vaajtswv kws yog koj tug tswv ua lawv le koj lub sab. 8 Dhau hov ntawm Daab Ntxwg Nyoog txawm coj Yexu moog sau ib lub roob sab sab, mas Daab Ntxwg Nyoog muab tau taag nrho tej tebchaws huv qaab ntuj nuav, hab tej kev vaam meej kws nyob huv tej tebchaws hov lug tsua Yexu saib. 9 Daab Ntxwg Nyoog has tsua Yexu has tas, yog koj txhus caug pe kuv, kuv yuav muab ib puas tsaav yaam nuav huvsw pub tsua koj. 10 Yexu txawm has tsua nwg has tas, nam Ntxwg Nyoog, koj ca le tswv moog. Tub muaj lug sau ca tsua huv Vaajtswv phoo ntawv has tas, koj yuav tsum pe Yawmsaub kws yog koj tug Vaajtswv hab ua Vaajtswv tuab leeg teg num xwb. 11 Thaus Yexu has le hov taag Daab Ntxwg Nyoog txawm ncaim Yexu lawm. Tes muaj ib co tubkhai sau ntuj lug ua koom tsua Yexu.
Yexu chiv ua num huv Kalilai
12 Thaus Yexu nov has tas, muaj tuabneeg nteg Yauhaa coj moog kaw tsua huv tsev loj faaj lawm, tes Yexu txawm moog peg Kalilai tebchaws. 13 Yexu tsw moog nyob huv lub moos Naxale, kuas nwg moog dua peg lub moos Kapena-oo kws nyob ntawm ntug dej hav txwv Kalilai huv Xanpuloo tebchaws hab Nethali tebchaws. 1-4 Tej kws muaj nuav tub lawv le xwbfwb Yaxaya kws cev Vaajtswv lug tau qha has tas, 15 Xanpuloo tebchaws hab Nethali tebchaws kws nyob ntawm tug nam dej Yalatee saab tim u, yog lub tebchaws kws npuas dej hav txwv tub yog lub tebchaws Kalilai kws lwm haiv tuabneeg nyob. 16 Mas cov tuabneeg kws nyob huv qhov tsaus ntuj yuav pum kev kaaj. Hab txujkev kaaj ntawm yuav ci tsua cov tuabneeg kws nyob huv qhov tsaus ntuj kws yog txujkev tuag. 17 Txwj thaus ntawm lug Yexu txawm chiv qha tsua suavdawg has tas, nyag yuav tsum tso nyag kev txhum pov tseg, tsua qhov tub yuav txug lub swmhawm kws Vaajtswv lug kaav tuabneeg lub sab.
Yexu hu plaub tug kws muab ntseg lug ua thwjtim
18 Thaus Yexu saamswm taug kev ntawm ntug dej hav txwv Kalilai nwg txawm pum ob tug kwvtij. Ib tug hu ua Ximoo, tug kws suavdawg hu has tas Pestus, hab Ximoo tug kwv Aatali. Ob tug ntawm yog cov tuabneeg muab ntseg, ob tug saamswm ntaus ntseg huv hav txwv. 19 Yexu has tsua ob tug has tas, meb ca le lug nrug kuv moog, kuv yuav qha kuas meb paub moog npu tuabneeg ib yaam le meb npu ntseg. 20 Taamswm ntawm ob tug txawm tso ob tug lub vaag tseg hab nrug Yexu moog. 21 Yexu moog tom ntej mivntswv Yexu tsua pum dua ob tug kwvtij, ib tug npe hu ua Yakaupau, ib tug npe hu ua Yauhaa, ob tug yog Xenpetai ob tug tub. Ob tug saamswm nrug ob tug txwv ntxwv vaag hab khu vaag huv lub nkoj. Yexu txawm hu ob tug kwvtij ntawm nrug Yexu moog. 22 Tes taamswm ntawm ob tug tawm plawg huv lub nkoj tso ob tug txwv tseg, es nrug Yexu moog.
Yexu qha hab khu cov muaj mob
23 Yexu txawm moog thoob plhawv huv Kalilai tebchaws. Nwg moog qha huv tej tsev sablaaj, hab nwg qha txuj xuv zoo kws has tas, Vaajtswv yuav lug kaav tuabneeg lub sab, hab nwg khu cov tuabneeg muaj mob txhua tug zoo huvsw. 2h Yexu lub moo txawm nrov nchaa quas lug moog thoob plawg Xilia tebchaws. Tes suavdawg txawm coj tej tuabneeg txom nyem kws muaj mob tuaj cuag Yexu, tsw has tej kws raug daab los yog, tej kws qaug daab peg los yog, tej kws tuag teg tuag taw los yog, Yexu khu txhua tug zoo huvsw. 25 Muaj tuabneeg coob coob tuaj peg Kalilai tebchaws tuaj, hab tuaj huv lub tebchaws kws muaj kaum lub moos tuaj, hab tuaj nraag lub nroog Yeluxalee hab tuaj huv Yutai tebchaws tuaj, hab tuaj huv lub tebchaws kws nyob saab ntug dej Yalatee tim u tuaj nrug Yexu moog.
Tej 1ug kws Yexu qha peg roob
1 Yexu pum muaj tuabneeg coob coob le ntawm Yexu txawm moog peg roob. Thaus Yexu nyob quas tsawg lawm tes nwg cov thwjtim txawm lug cuag nwg. 2 Yexu qha puab has tas,
Tug kws tau koob moov
3 Tug kws paub has tas, nwg tsw muaj peev-xwm ua tau lawv le Vaajtswv lub sab nyam, tes tug ntawm tub tau moov zoo hab sab tug, tsua qhov Vaajtswv ^rub lug kaav tug hov lub sab lawm. 4 Tug kws muaj kev ntxhuv sab quaj ntsuag, tug ntawm tau moov zoo hab sab tug, Vaajtswv yuav nplig nwg lub sab. 5 Tug kws ua lub sab ntev, hab tsw muab hlub, tug ntawm tau moov zoo hab sab tug. Nwg yuav tau tej kws Vaajtswv cog lug tseg lawm has tas, Vaajtswv yuav pub tsua nwg. 6 Tug kws xaav ua lawv le Vaajtswv lub sab nyam heev dua lwm yaam huvsw, tug ntawm tau moov zoo hab sab tug. Vaajtswv yuav muab tsua tug hov kuas txaus nkaus le nwg lub sab xaav yuav. 7 Tug kws muaj lub sab hlub lwm tug, tug ntawm tau moov zoo hab sab tug, Vaajtswv yuav hlub nwg. 8 Tug kws lub sab ncaaj nceeg, tug ntawm tau moov zoo hab sab tug, nwg yuav tau pum Vaajtswv. 9 Tug kws yooj xeeb ua tsua tuabneeg nyob sws hum, tug ntawm tau moov zoo hab sab tug, Vaajtswv yuav hu has tas, nwg yog Vaajtswv tug tub. 10 Tug kws raug kev tswm txom vem yog nwg ua lawv le Vaajtswv lub sab nyam, tug ntawm tau moov zoo hab sab tug, Vaajtswv tub lug kaav nwg lub sab lawm. 11 Thaus luas tej thuaj mej hab tswm txom mej hab saib tsw taug mej hab ab mej le u le nuav vem mej yog kuv cov thwjtim, thaus ntawm mej yuav tau moov zoo hab sab tug. 12 Mej ca le zoo sab vem Vaajtswv tub khaws nqe zug ntau kawg ca sau ntuj ceeb tsheej tsua mej lawm. Thau u tub muaj tuabneeg tswm txom cov xwbfwb cev Vaajtswv lug ib yaam nkaus le nuav lawm hab.
Cov ntsev hab lub teeb
13 Mej zoo ib yaam le cov ntsev kws laag tuabneeg nplajteb. Yog ntsev tsuag lawm yuav ua le caag kuas rov qaab daw tau. Cov ntsev kws tsuag lawm tsw muaj qaabhau daabtsw, tsuas muaj kws yuav muab pov tseg hab tuabneeg yuav t s uj xwb. 1-4 Mej zoo ib yaam le lub teeb kws ci tsua tuabneeg nplajteb pum kev. Yog muaj ib lub nroog nyob sau roob, tes yeej tsw muaj ib yaam daabtsw yuav thaiv hab roog tau lub nroog ntawm. 15 Tsw muaj leejtwg taws teeb ais yuav muab phaaj khwb tseg, tsuas muaj kws yuav muab txawb tsua qhov chaw sab xwb, sub txhua tug kws nyob huv tsev txha pum kev. 16 Ib yaam nkaus le ntawm mej yuav tsum ci kuas suavdawg pum tej num zoo kws mej ua, mas puab txha le qhuas mej Leej Txwv kws nyob sau ntuj ceeb tsheej.
Qha txug Mauxe kevcai
17 Mej tsw xob xaav has tas, kuv lug rhuav Mauxe txuj kevcai hab rhuav zaaj lug kws cov xwbfwb cev Vaajtswv lug tau qha lawm. Tsw yog kuv lug rhuav tej hov, kuas yog kuv lug qha kuas mej paub lub tseem ntsab kws tseeb. 18 Kuv qha tseeb tsua mej has tas, yog lub ntuj hab lub nplajteb tseem muaj nyob, tes Mauxe txuj kevcai yuav tsw muaj ib nyuas lu poob le moog txug thaus muaj ib puas tsaav yaam tav lawv le Mauxe txuj kevcai tau qha tseg lawm. 19 Yog le hov yog leejtwg tsw ua lawv le nqai miv dua ndais kws Mauxe qha, hab tseem qha lwm tug kuas tsw xob ua lawv le nqai hov, tes tug hov yuav yog tug yau dua ndais cov tuabneeg kws Vaajtswv kaav lawm txhua tug huvsw. Kuas yog leejtwg ua lawv le Mauxe txuj kevcai hab qha lwm tug kuas ua lawv le hov, tes tug ntawm yuav yog tug hlub huv cov tuabneeg kws Vaajtswv kaav lawm txhua tug huvsw. 20 Kuv qha tsua mej has tas, yog mej tsw ua ncaaj dua cov xwbfwb qha Mauxe kevcai hab cov Falixai, tes mej yuav tsw tau lug ua Vaajtswv le tuabneeg ib zag le.
Qha has txug kev chim
21 Mej tub nov zaaj lug kws qha tsua cov tuabneeg thau u lawm has tas, tsw xob tua tuabneeg. Yog leejtwg tua tuabneeg tug ntawm yuav raug txem. 22 Kuas nwgnuav kuv qha tsua mej has tas, yog leejtwg chim tsua nwg ib tug kwvtij tes nwg yuav raug txem, hab yog leejtwg nwg hu nwg tug kwvtij has tas, nam tuabneeg ruag, tes yuav tsum coj tug ntawm moog tsua cov num tswv txav txem. Hab yog leejtwg hu ib tug kwvtij has tas, nam tuabneeg vwm, tes tug ntawm lub txem txaus nwg poob moog tsua huv ntuj txag teb tsaus lawm. 23 yog le ntawm yog koj saamswm yuav muab hov txhua chaw xyeem tsua Vaajtswv sau lub rooj, es koj ncu dheev has tas, koj tau ua txhum tsua koj ib tug kwvtij lawm, 24 tes koj ca le tso plhuav koj tej hov txhua chaw kws koj coj tuaj pub ntawm ca tsua ntawm lub rooj ib saab, es koj ca le rov moog has kuas koj tug kwvtij meb sws hum tsaiv, koj le maav rov tuaj muab koj tej hov txhua chaw pub tsua Vaajtswv. 25 Yog leejtwg coj koj moog tom tsev tu plaub es nplua koj, tes thaus meb saamswm moog tsw tau txug, koj ca le thov nwg kuas meb sws hum, tsaam tes thaus meb moog txug lawm nwg yuav muab koj cob tsua tug tu plaub, tes tug tu plaub yuav muab koj cob tsua tug tub ceev xwm, tes tug tub ceev xwm yuav coj koj moog kaw tsua huv tsev loj faaj. 26 Kuv qha tseeb tsua koj has tas, koj yuav tawm tsw tau qhov ntawm moog txug nub kws koj them nqe taag.
Yexu qha txug ntxag luas quaspuj quasyawg
27 Mej tub nov zaaj lug qha has tas, tsw xob ntxag luas quaspuj quasyawg hab tsw xob ua nkauj ua nraug, 28 kuas nwgnuav kuv qha tsua mej has tas, yog leejtwg saib ib tug quaspuj hab xaav huv lub sab tas, kheev tau ntxag tug quaspuj ntawm, nwg saib le ntawm kuj txhum, tsua qhov nwg lub sab tub moog deev tug quaspuj hov lawm. 29 Yog le ntawm, yog koj saab qhov muag xws ua tsua koj yuam kev ua txhum, tes koj ca le muab saab qhov muag hov dawj kag pov tseg. Koj muaj ib saab qhov muag xwb los zoo dua le taag nrho koj lub cev poob moog tsua huv ntuj tawg kub. 30 Yog koj saab teg xws ua tsua koj yuam kev ua txhum, tes koj ca le muab koj saab teg hov txav kag pov tseg. Koj muaj ib saab teg xwb los zoo dua le kws taag nrho koj lub cev poob moog tsua huv ntuj tawg kub.
Yexu qha txug kev sws nrauj
31 Tseem muaj dua ib zaaj has tas, yog leejtwg yuav muab quaspuj nrauj mas nwg yuav tsum ua ntawv nas taub teg tsua nwg tug quaspuj tsaiv le maav nrauj. 32 Kuas nwgnuav kuv qha tsua mej has tas, yog leejtwg tug quaspuj tsw tau moog ntxag hluas nraug ais nwg ca le muab nrauj lawm, kuj yog nwg ua tsua nwg tug quaspuj ua txhum, hab yog tug quaspuj hov moog yuav quasyawg tshab los kuj ib yaam le nwg ntxag hluas nraug xwb. Hab yog leejtwg moog yuav tug puj nrauj hov lug ua quaspuj tes kuj ib yaam le tug ntawm ntxag 1uas quaspuj.
Yexu qha txug twv ntuj twv teb
33 Hab mej tub nov zaaj lug kws has tsua cov tuabneeg thau u has tas, mej yuav ua lawv le kws mej cog lug ca lawm. Yog mej cog lug twv le caag tsua Vaajtswv mas mej yuav tsum ua lawv le hov, xob rov rhuav lu lug ntawm. 3-+ Kuas nwgnuav kuv qha tsua mej has tas, thaus mej sws cog lug mej tsw xob twv ntuj twv teb hlo le. Tsw xob twv ntuj tsua qhov lub ntuj yog Vaajtswv qhov chaw nyob. 35 Tsw xob twv teb tsua qhov lub nplajteb yog Vaajtswv qhov chaw tag taw. Tsw xob twv txug lub nroog Yeluxalee tsua qhov lub nroog ntawm yog tug Vaaj Ntxwv kws muaj fwjchim luj lub nroog. 36 Tsw xob twv txug mej lub taubhau vem mej ua tsw tau kuas mej cov plaub hau ib txuj dawb los ib txuj dub. 37 Qhov kws yog, mej ca le has tas, yog. Qhov kws tsw yog, mej ca le has tas, tsw yog. Has le ntawm tau lawm. Yog mej has tshaaj ob lus nuav, mas tej lug kws mej has tshaaj hov puav leej yog lug ntawm Daab Ntxwg Nyoog lug xwb.
Xob ua phem pauj phem
38 Mej tub nov zaaj kws qha has tas, qhov muag pauj qhov muag, nav pauj nav. 39 Kuas nwgnuav kuv qha tsua mej has tas, yog leejtwg ua txhum tsua mej, mej tsw xob ua pauj. Yog leejtwg ntaus mej saab plhu xws mej ca le tig saab phem tsua nwg ntaus hab. 40 Yog leejtwg coj mej moog tom tsev tu plaub es muab mej nplua yuav mej lub tsho huv, tes mej ca le hle lub tsho nrau tsua nwg hab. 41 Yog leejtwg yuam kuas mej rws nwg lub nraa moog ib ncua kev, tes mej ca le rws moog kuas txug ob ncua kev. 42 Yog muaj leejtwg tuaj thov mej ib yaam daabtsw mej ca le muab yaam ntawm tsua nwg. Yog muaj leejtwg tuaj qev mej ib yaam daabtsw, mej ca le qev yaam ntawm tsua nwg.
Yuav tsum hlub yeeb ncuab
43 Mej tub nov zaaj lug kws qha has tas, mej yuav tsum hlub mej cov kwvtij es ntxub mej cov yeeb ncuab. kh Kuas nwgnuav kuv qha tsua mej has tas, mej yuav tsum hlub mej cov yeeb ncuab hab thov Vaajtswv paab cov kws tswm txom mej. 45 Yog mej ua le nuav mej txha yog leej txwv kws nyob sau ntuj cov mivnyuas, tsua qhov Vaajtswv ua lub nub ci tsua cov tuabneeg phem hab cov tuabneeg zoo txhua tug ib yaam nkaus. Hab Vaajtswv tso naag lug tsua cov tuabneeg ncaaj hab tsua cov tuabneeg tsw ncaaj txhua tug ib yaam nkaus. 46 Yog mej tsuas hlub cov kws hlub mej xwb, mej xaav has tas, Vaajtswv tseem yuav pub yeeb koob tsua mej hab nua lov. Txawm yog cov nam tuabneeg sau se los puab kuj txawj sws hlub le hov hab. 47 Yog mej nrug mej tuab cov kwvtij thaam xwb, ais mej tau ua zoo tshaaj lwm tug qhov twg. Txawm yog cov tuabneeg tsw ntseeg Vaajtswv los puab kuj txawj ua le hov hab. 48 Yog le ntawm mej suavdawg yuav tsum ua tuabneeg zoo kawg nkaus ib yaam le mej leej txwv kws nyob sau ntuj ceeb tsheej nwg yog tug kws zoo kawg nkaus.
1 Mej yuav tsum ceev faaj zoo, tsw xob coj Vaajtswv txuj kevcai kuas lwm tug qhuas mej xwb. Yog mej ua le ntawm, mej leej txwv kws nyob sau ntuj ceeb tsheej yuav tsw pub yeeb koob tsua mej. 2 Yog le ntawm, thaus mej pub ib yaam daabtsw tsua cov tuabneeg txom nyem mej tsw xob moog qha tsua tug u tug nua yaam le cov tuabneeg sab phem moog qha. Puab pheej ua le nuav huv tej tsev sablaaj hab ua tom tej kev tshuam kuas suavdawg qhuas puab. Kuv qha tseeb tsua mej has tas, puab tub tau puab le meej thawb lawm. 3 Kuas thaus mej paab tug txom nyem, mas tsw xob kheev cov kwvtij kwvluag paub tas, mej ua daabtsw. 4 Thaus mej paab lwm tug mej ca le paab tuab ywv xwb. Mej leej txwv kws pum tej kws mej ua tuab ywv ua lawm, nwg txha le pub yeeb koob tsua mej.
Yexu qha kevcai thov Vaajtswv
5 Thaus mej thov Vaajtswv mej tsw xob ua le cov tuabneeg sab phem, puab nyam sawv ntsug thov Vaajtswv huv tej tsev sablaaj hab tom tej kev tshuam, puab ua le ntawm kuas suavdawg pum puab xwb. Kuv qha tseeb tsua mej has tas, puab tub tau puab le meej thawb lawm. 6 Kuas thaus mej thov Vaajtswv mej ca le moog huv txaaj hab kaw rooj txaag tsaiv, mej le maav thov mej leej txwv kws mej qhov muag tsw pum, mas mej leej txwv kws pum tej kws mej ua tuab ywv ua lawm, nwg txha le muab koob meej tsua mej. 7 Thaus mej thov Vaajtswv mej tsw xob has moog has lug lu nyuas qub yaam le cov tuabneeg tsw ntseeg Vaajtswv, puab xaav has tas, puab yuav thov ntev ntev daab txha le nov. 8 Mej tsw xob ua le puab. Thaus mej tsw tau thov, mej leej txwv tub paub tej kws mej xaav yuav lawm. 9 Mej yuav tsum thov le nuav has tas, Peb leej txwv kws nyob sau ntuj Thov kuas suavdawg fwm koj lub npe. 10 Thov koj lug kaav tuabneeg lub sab. Thov kuas ib puas tsaav yaam kws nyob huv nplajteb nuav ua lawv le koj lub sab nyam, ib yaam le ib puas tsaav yaam kws nyob sau ntuj tub ua lawv le koj lub sab nyam. 11 Thov koj pub kuas nub nua peb muaj txaus noj txaus haus. 12 Thov koj zaam txem tsua peb, ib yaam le peb tau zaam txem tsua tug kws tau ua txhum tsua peb lawm. 13 Thov koj tsw xob kheev ib yaam daabtsw lug ntxag peb. Hab thov koj paab kuas peb dim ntawm Daab Ntxwg Nyoog txhais teg. 14 Yog mej zaam txem tsua tug kws tau ua txhum tsua mej, mas mej leej txwv kws nyob sau ntuj ceeb tsheej txha zaam mej lub txem. 15 Kuas yog mej tsw zaam lwm tug lub txem, mas mej leej txwv kws nyob sau ntuj kuj yuav tsw zaam mej lub txem hab.
Yexu qha txug kevcai yoo mov
16 Thaus mej ua kevcai yoo mov mej tsw xob ua ntsej muag nluag nluag yaam le cov tuabneeg sab phem, puab txhob txwm ua ntsej muag nluag quas nlob kuas suavdawg paub has tas, puab yoo mov. Kuv qha tseeb tsua mej has tas, puab tub tau puab le meej thawb lawm. 17 Kuas thaus mej ua kevcai yoo mov mej ca le ntxuav muag hab ntsws plaub hau, 18 kuas lwm tug txha tsw paub has tas, mej yoo mov. Tsuas pub mej leej txwv kws mej qhov muag tsw pum tuab leeg paub xwb. Mas mej leej txwv kws pum tej kws mej ua tuab ywv ua lawm, nwg txha le muab koob meej tsua mej.
Khaws nyaj txag ca sau ntuj
19 Mej tsw xob khaws nyaj txag hab hov txhua chaw ca tsua huv nplajteb nuav, tsua qhov huv nplajteb nuav muaj ntsaum kaab rws hab xeb yuav noj hab tub saab yuav nyag tau. 20 Mej ca le khaws nyaj txag hab hov txhua chaw ca tsua sau ntuj. Sau ntuj tsw muaj ntsaum kaab rws hab tsw muaj xeb noj hab tsw muaj tub saab nyag. 21 Tsua qhov mej tej nyaj txag hab hov txhua chaw nyob hov twg mej lub sab yeej nyob hov ntawm.
Qhov kws kaaj tsua lub cev
22 Lub qhov muag zoo ib yaam le lub teeb kws ci tsua lub cev pum kev. Yog mej lub qhov muag pum meej tes mej lub cev yeej yuav kaaj taag nrho huvsw. 23 Kuas yog mej lub qhov muag pum kev tsw meej tes mej lub cev yeej yuav tsaus quas nti taag nrho huvsw. Yog qhov pum kev kws mej muaj rov tsaus lawm, tes qhov tsaus ntawm tsuas muaj kws yuav tsaus heev zuj quas zug xwb.
Vaajtswv hab nyaj txag
24 Tsw muaj ib tug tub qhe kws yuav ua koom tau tsua ob tug tswv. Nwg yeej yuav ntxub ib tug, nyam ib tug, lossws nwg yuav fwm ib tug, saib tsw taug ib tug. Yog mej yuav muab Vaajtswv hab muab nyaj txag lug saib hlub ib yaam nkaus yeej tsw tau le. 25 Vem le ntawm kuv txha qha tsua mej has tas, mej tsw xob txhawj has tas, yuav tsum muaj zaub muaj mov noj, lossws yuav tsum muaj rwg muaj tsho naav, txha nyob taug, tsua qhov txujsa yeej tswm txaj dua mov noj, hab lub cev tswm txaj dua tej rwg tsho naav. 26 Mej swm ua tuab zoo xaav saib tej naag noog kws yaa sau nruab ntug puab nyob le caag. Tej naag noog ntawm tsw cog qoob loos hab tsw hlais tsw sau tsw muaj ntim tsua huv txhaab. Kuas mej leej txwv kws nyob sau ntuj ceeb tsheej tseem yug tej naag noog hov hab. Mej tseem muaj nqe heev dua tej naag noog ntawm los sas. 27 Sub mej tej kev txhawj hov nim paab tau kuas mej txujsa nyob ntev ob peb xyoos ntxwv hab. 28 Ua caag mej yuav txhawj has tas, mej yuav muab daabtsw lug naav. Mej swm ua tuab zoo xaav saib tej paaj ntoos tawg le caag. Tej paaj ntoos hov tub tsw ua num, tsw ntus ntaub. 29 Kuv qha tsua mej has tas, txawm yog vaaj ntxwv Xalaumoo muaj nyaj txag ntau kawg le los nwg tub tsw tau naav ib ce rwg tsho kws zoo npaum le ib lub nyuas paaj ntoos nuav. 30 Tej nroj tsuag kws nyob nub nua xwb, pigkig tub yuav muab pov hlawv tsua huv cub tawg, cav Vaajtswv tub pub tsua tej nroj tsuag hov zoo nkauj ua luaj, yog le hov Vaajtswv yimfuab yuav pub tsua mej naav zoo dua tej nroj tsuag ntawm hab los paub. Ua caag mej pheej tsw tso sab. 31 Mej tsw xob naj nub txhawj has tas, yuav moog nrhav daabtsw lug noj lug haus hab lug naav. 32 Cov tuabneeg kws tsw ntseeg Vaajtswv puab naj nub nrhav tej nuav. Mej leej txwv kws nyob sau ntuj ceeb tsheej nwg yeej paub tas, mej yuav tsum muaj tej hov huvsw 33 Kuas mej yuav tsum xub ca Vaajtswv kaav mej lub sab, hab mej yuav tsum ua lawv le Vaajtswv lub sab nyam tsaiv, Vaajtswv le maav muab tej hov tsaav tsua mej. 34 Yog le ntawm, mej tsw xob txhawj tsua pigkig, tsua qhov pigkig yeej muaj kev txhawj txaus pigkig lawm. Kev ntxhuv sab nub twg yeej muaj txaus nub ntawm lawm, tsw taag yuav moog nrhav kev txhawj lug ntxwv tsua.
Tsw xob thuaj lwm tug
1 Mej tsw xob thuaj lwm tug, Vaajtswv txha le tsw thuaj mej, 2 tsua qhov Vaajtswv yuav thuaj mej ib yaam le kws mej thuaj lwm tug lawm. Mej muab lub luaj le caag luj tsua lwm tug lawm, Vaajtswv yuav muab lub luaj le ntawm luj rov qaab tsua mej. 3 Ua caag koj yuav saib qhov nyuas moov ntoo kws nyob huv koj tug kwvtij lub qhov muag, kuas koj tub ncu tsw txug has tas, muaj ib yaav nam ntoo nyob huv koj lub qhov muag hab. 4 Thaus tseem muaj ib yaav nam ntoo nyob huv koj lub qhov muag, koj tsw xob has tsua koj tug kwvtij has tas, npawg, ca kuv paab koj muab qhov nyuas moov ntoo huv koj lub qhov muag rhu lug. 5 Tug nam tuabneeg sab phem, koj ca le xub muab yaav nam ntoo kws nyob huv koj qhov muag rhu tawm lug tsaiv, koj txha le pum kev moog rhu qhov nyuas moov ntoo kws nyob huv koj tug kwvtij lub qhov muag. 6 Koj tsw xob muab tej yaam kws tswm txaj pov tsua dev noj, tsaam tes dev tig lug tum koj. Koj tsw xob muab tej pov hum nrum tsua ntawm npua hauv ntej, yog koj ua le hov npua yeej yuav tsuj xwb.
Thov, nrhav, hab hu
7 Koj yuav tsum thov, koj txha tau, koj yuav tsum nrhav, koj txha ntswb, koj yuav tsum hu, Vaajtswv txha qheb qhov rooj tsua koj. 8 Tsua qhov txhua tug kws thov puab kuj yuav tau, txhua tug kws nrhav puab kuj yuav ntswb, txhua tug kws hu, Vaajtswv kuj yuav qheb qhov rooj tsua puab. 9 Mej cov kws muaj mivnyuas lawm, yog mivnyuas thov mov, mas leej txwv yuav muab pob zeb tsua los. 10 Yog mivnyuas thov ntseg, mas leej txwv yuav muab naab tsua los. 11 Mej yog tuabneeg txhum los mej tub paub muab yaam kws zoo tsua mej tej mivnyuas. Yog le ntawm mej leej txwv kws nyob sau ntuj ceeb tsheej nwg yimfuab yuav pub tej kws zoo dua tej hov tsua txhua tug kws thov nwg hab los paub. 12 Yog mej xaav kuas lwm tug ua le caag tsua mej, mej yuav tsum ua ib yaam le ntawm tsua puab. Mas txha yog lawv le Mauxe txuj kevcai hab lawv le cov xwbfwb cev Vaajtswv lug tau qha tseg lawm.
Txujkev nqaim
13 Mej yuav tsum moog lub qhov rooj miv, tsua qhov lub qhov rooj luj hab txujkev daav yuav coj moog txug txujkev pluj kev tuag, muaj tuab- neeg coob coob taug txujkev ntawm. 1-4 Lub qhov rooj miv hab txujkev nqaim kws ceblaaj taug yuav coj moog txug txujsa mas cov tuabneeg kws nrhav tau txujkev hov tsw muaj coob.
Cov ntoo hab cov txwv
15 Mej yuav tsum ceev faaj tsw xob noog cov xwbfwb cev Vaajtswv lug kws qha tsw tseeb tej lug. Thaus puab tuaj ntawm mej puab ua txuj yaam le puab yog paab yaaj, kuas puab lub sab lim ham ib yaam le maa. 16 Thaus mej pum tej num kws puab ua mej yuav paub has tas, puab yog cov kws qha tsw tseeb. Tsob txwv xuav paug ntswm yeej tsw txw txwv maab. Hab tsob paaj ntshaa yeej tsw txw txwv cua. 17 Tsob ntoo zoo yeej txw cov txwv zoo, tsob ntoo phem yeej txw cov txwv phem. 18 Tsob ntoo zoo yeej txw tsw tau cov txwv phem. Tsob ntoo phem yeej txw tsw tau cov txwv zoo. 19 Txhua tug ntoo kws tsw txw cov txwv zoo tes yuav muab ntuv pov hlawv. 20 Yog le ntawm thaus mej pum cov cuav xwbfwb hov teg num mej yuav paub has tas, puab yog cov kws qha tsw tseeb tag.
Kuv tsw paub mej
21 Tsw yog txhua tug kws hu kuv has tas, tug tswv, tug tswv, yuav tau lug ua Vaajtswv le tuabneeg, tsuas yog cov kws ua lawv le kuv txwv kws nyob sau ntuj ceeb tsheej lub sab nyam txha lug ua tau xwb. 22 Thaus txug nub ntawm yuav muaj ntau leej has tsua kuv has tas, tug tswv, tug tswv, peb tub tuav koj lub npe qha Vaajtswv txujlug, hab tuav koj lub npe ntab daab tawm, hab ua ntau yaam txuj ci tseem ceeb. 23 Mas thaus ntawm kuv yuav has tsua puab tas, kuv tsw paub mej, cov nam tuabneeg phem, mej ca le tswv moog.
Ob tug kws ua tsev
24 Yexu has tas, tug kws nov kuv tej lug nuav hab ua lawv le kuv qha mas tug hov zoo ib yaam le tug kws muaj tswvyim ua tsev, nwg khawb qhov neej tub tub nwg le maav muab neej lug txhus tsua. 25 Thaus lug naag xub naag cua mas dej nyaab hab cua ntsawj lub tsev ntawm los lub tsev ntawm tsw qaug vem cov neej txhus tub tub. 26 Tug kws nov kuv tej lug nuav, kuas tsw ua lawv le kuv qha, tug ntawm zoo ib yaam le tug kws tsw muaj tswvyim ua tsev, nwg khawb qhov neej ndav ndav nwg txawm ca le muab neej txhus tsua. 27 Thaus lug naag xub naag cua, mas dej nyaab hab cua ntsawj lub tsev hov, tes lub tsev txawm qaug kag hab puam tsuaj taag huvsw lawm.
Yexu muaj tswvyim qha
28 Thaus Yexu qha le hov taag, cov tuabneeg suavdawg txawm xaav tsw thoob tsua Yexu tej lug. 29 Yexu muaj tswvyim qha, nwg qha tsw thooj le cov xwbfwb qha Vaajtswv kevcai qha.
Yexu khu tug yawm mob rua
1 Thaus Yexu nqeg peg roob lug muaj tuabneeg coob coob tuaj nrug nwg moog. 2 Muaj ib tug yawm mob rua txawm lug txhus caug ndua ntawm Yexu hauv ntej thov has tas, xwbfwb, yog koj zoo sab khu kuv tug mob koj yeej khu tau. 3 Yexu txawm cev hlo teg moog tuav nkaus tug hov mas has tas, kuv zoo sab paab koj. Koj tej rua ca le zoo hlo. Taamswm ntawm nwg tej rua txawm zoo taag huvsw lawm. h Yexu has tsua nwg has tas, koj tsw xob moog qha zaaj nuav tsua leejtwg le, koj ca le ncaaj qhaa moog cuag tug pov thawj, mas kuas nwg tshuaj saib koj, es txha pum tas koj tug mob tub zoo lawm, tes koj ca le coj hov txhua chaw moog xyeem tsua Vaajtswv lawv le Mauxe tau qha tseg lawm, es sub suavdawg txha paub has tas, nwgnuav koj tub zoo lawm.
Yexu khu tug thawj rog Loo tug qhev
5 Thaus Yexu moog txug huv lub moos Kapena-oo muaj ib tug thawj tub rog Loo kws kaav ib puas tug tuaj cuag Yexu. Nwg thov Yexu has tas, 6 xwbfwb, kuv tug tub qhe tom tsev mob heev. Nwg teg taw tub txag taag lawm, nwg txom nyem kawg le. 7 Yexu has tas, kuv yuav moog khu nwg. 8 Tug thawj tub rog teb has tas, xwbfwb koj tsw xob moog. Kuv yog ib tug kws tsw tswm nyog koj yuav moog huv kuv lub tsev. Thov koj has tuab lus xwb tes kuv tug tub qhe yeej yuav zoo. 9 Txawm yog kuv los tseem muaj cov hlub kws kaav kuv, hab kuv muaj ib cov tub rog kws kuv kaav. Yog kuv has tsua tug nuav has tas, moog, nwg txawm moog. Yog kuv has tsua tug tom has tas, lug, nwg txawm lug. Hab yog kuv has tsua kuv tug tub qhe has tas, ua le nuav, nwg txawm ua le ntawm. 10 Thaus Yexu nov tug thawj tub rog has le ntawm Yexu xaav tsw thoob le, Yexu txawm tig moog has tsua cov tuabneeg coob coob kws lawv Yexu qaab has tas, txawm yog huv cov Yixayee los kuv tsw tau pum muaj ib tug kws muaj kev ntseeg npaum le tug nuav. 11 Kuv qha tsua mej has tas, yuav muaj tuabneeg coob coob tuaj saab nub tuaj tuaj, hab tuaj saab nub poob tuaj, puab cov ntawm yuav tau nrug Aplahaa, Yiha hab Yakhauj puab nyob ua ke huv Vaajtswv lub tebchaws. 12 Kuas cov tuabneeg kws tub tswm nyog yuav moog huv Vaajtswv lub tebchaws, puab tsw tau moog, tsua qhov puab tsw noog Vaajtswv lug, puab yuav raug muab pov tseg tsua huv qhov chaw tsaus ntuj kws nyob saab nrau. Puab yuav quaj qw qes nav quas qawv qhov ntawm. 13 Yexu txawm has tsua tug thawj tub rog hov has tas, koj ca le rov moog tsev, ib puas tsaav yaam yeej yuav muaj lawv le kws koj ntseeg lawm. Tes taamswm hov nwg tug tub qhe tom tsev txawm zoo lawm.
Yexu khu Pestus nam tais
14 Yexu txawm moog tom Pestus tsev mas pum Pestus nam tais ua npaws pw sau txaaj. 15 Yexu tuav nwg teg, tes nwg tug npaws txawm zoo lawm. Nwg txawm sawv tseeg lug hab ua zaub ua mov tsua Yexu noj. 16 Thaus yuav tsaus ntuj muaj tuabneeg coj tej tuabneeg kws raug daab tuaj cuag Yexu, Yexu has tuab lus xwb tes daab txawm tawm lawm, hab Yexu khu tej tuabneeg kws muaj mob txhua tug zoo huvsw. 17 Yexu ua le ntawm kuas txha muaj lawv le tug xwbfwb Yaxaya kws cev Vaajtswv lug tau qha tseg has tas, nwg tau muab peb tej kev mob kev nkeeg rhu moog, hab nwg tau muab peb tej kev pluj kev tuag rws moog lawm.
Tug kws xaav ua Yexu thwjtim
18 Yexu pum muaj tuabneeg coob coob tuaj vej quas vog tes Yexu txawm has kuas moog lawm saab hav txwv tim u. 19 Muaj ib tug xwbfwb qha Vaajtswv kevcai tuaj cuag Yexu mas has tas, xwbfwb kuv yuav nrug koj moog, txawm yog koj moog hov twg los kuv yeej yuav nrug koj moog. 20 Yexu teb has tas, txawm yog maa los maa tseem muaj qhov nkaum, hab noog los tseem muaj zeg, kuas "Tuabneeg Leej Tub tsw muaj chaw pw. 21 Muaj dua ib tug, yog ib tug thwjtim hab, nwg has tsua Yexu has tas, xwbfwb, thov koj ca kuv moog log kuv txwv tsaiv, kuv le maav nrug koj moog. 22 Yexu teb tug hov tas, koj ca le nrug kuv moog, ca cov tuabneeg tuag puab log puab tug tuag los maj.
Yexu txwv cua
23 Tes Yexu txawm nee moog tsua huv lub nkoj hab nwg cov thwjtim nrug nwg moog hab. 24 Ua cav cua daaj cua dub txawm ntsawj hlub hlub ntsawj dej ndaas lug tsua huv lub nkoj. Kuas thaus ntawm Yexu pw tsaug zug lawm. 25 Cov thwjtim txawm lug tsaa Yexu has tas, xwbfwb, thov koj paab peb lauj peb tub yuav tuag. 26 Yexu has tsua puab has tas, ua caag mej yuav ntshai ua luaj le, ua caag mej tsw ntseeg. Yexu txawm sawv tseeg lug txwv cua hab dej, cua txawm tu hab dej txawm tug tsw ndaas lawm. 27 Mas puab txhua tug phemfwj heev, puab sws thaam has tas, tug nuav yog leejtwg niv. Ua caag nwg yuav txwv tau cua hab dej, cua hab dej kuj noog nwg lug hab.
Ob tug quasyawg raug daab vwm
28 Thaus Yexu moog txug tebchaws Kantala kws nyob saab ntug hav txwv tim u, Yexu txawm moog ntswb ob tug quasyawg kws raug daab vwm tawm tom roob toj ntxaas lug. Ob tug hov nyaum kawg le, tsw muaj leejtwg kaav taug txujkev ntawm. 29 Thaus Yexu moog ntswb nthaav ob tug, ob tug txawm qw nrov nrov has tas, Vaajtswv tug tub, koj tuaj thaab ib ua daabtsw, tub tsw tau txug swmhawm koj txawm swv tuaj tswm txom ib los. 30 Nyob tsw deb ntawm muaj ib paab npua coob coob saamswm nrhav noj. 3' Cov daab txawm thov Yexu has tas, yog koj yuav ntab peb tawm moog tes thov koj ca peb moog tsua huv paab npua ntawm los maj. 32 Yexu txawm has tsua cov daab ntawm has tas, tau los maj. Cov daab hov txawm moog tsua huv paab npua tes paab npua txawm dha nroo quas ntwg ntawm plaag toj ntxhaab moog poob hav txwv tuag taag huvsw lawm. 33 Cov tuabneeg kws yug paab npua hov txawm dha moog qha tej xwm hov tsua huv moos, hab qha zaaj kws daab tawm huv ob tug quasyawg tsua suavdawg noog. 3-+ Cov tuabneeg kws nyob huv lub moos hov suavdawg tawm tuaj saib Yexu, thaus puab tuaj pum nwg lawm, puab txawm thov kuas nwg tawm huv puab lub tebchaws moog.
Yexu khu tug tuag teg tuag taw
1 Yexu txawm nee moog tsua huv nkoj caij nkoj hlaa hav txwv rov qaab moog tim nwg lub moos, 2 mas muaj tuabneeg muab choj qhwv ib tug yawm tuag teg tuag taw kwv tuaj cuag Yexu. Thaus Yexu pum tas, puab muaj kev ntseeg npaum le ntawm Yexu txawm has tsua tug tuag teg tuag taw tas, mivtub, koj tsw xob txhawj, koj tub dim koj lub txem lawm. 3 Mas cov xwbfwb qha Vaajtswv kevcai muaj qee leej xaav tas, tug quasyawg nuav nwg has lug saib tsw taug Vaajtswv. 4 Kuas Yexu yeej paub tej kws puab xaav lawm, nwg txha has tsua puab has tas, ua caag mej yuav xaav phem ua luaj le. 5 Lu lug kws has tas, koj tub dim koj lub txem lawm, hab lu lug kws has tas, koj ca le sawv tseeg moog kev. Ob lu lug nuav lu twg yuav yoojyim has dua. 6 Kuv yuav ua tsua mej paub tseeb tas, Tuabneeg Leej Tub nwg yog tug kws muaj fwjchim huv nplajteb nuav zaam tau tuabneeg lub txem. Yexu txawm has tsua tug tuag teg tuag taw ntawm tas, koj ca le sawv tseeg nqaa hlo koj daim choj es rov moog tsev. 7 Tug yawm hov txawm sawv tseeg moog tsev. 8 Thaus cov tuabneeg pum le ntawm suavdawg ntsha hab qhuas Vaajtswv, vem qhov kws Vaajtswv tub pub fwjchim luj le ntawm tsua tuabneeg lawm.
Yexu hu Mathai
9 Yexu txawm tawm qhov ntawm moog. Thaus nwg saamswm taug kev moog nwg pum ib tug quasyawg sau se npe hu ua Mathai nyob ntawm lub rooj sau se. Yexu txawm hu nwg has tas, koj ca le nrug kuv moog ua kuv le thwjtim, tes Mathai txawm sawv tseeg nrug Yexu moog. 10 Thaus Yexu saamswm noj mov huv Mathai tsev, muaj cov tuabneeg sau se hab cov nam tuabneeg muaj txem ntau leej tuaj nrug Yexu hab Yexu cov thwjtim nyob ua ke ntawm rooj mov. 11 Thaus cov Falixai pum le ntawm puab txawm nug Yexu cov thwjtim has tas, ua le caag mej tug xwbfwb nrug cov nam tuabneeg sau se hab cov nam tuabneeg muaj txem noj mov ua ke. 12 Yexu nov puab has le ntawm nwg txawm teb puab has tas, cov tuabneeg tsw muaj mob puab yeej tsw moog nrhav kws tshuaj, tsuas yog cov tuabneeg muaj mob txha le moog nrhav kws tshuaj xwb. 13 Mej ca le moog muab Vaajtswv phoo ntawv nyeem kuas to taub nqai kws has tas, Kuv tsw xaav kuas mej coj tej tsaj tuaj tua tso sau lub rooj xyeem tsua kuv, kuas kuv xaav kuas mej muaj lub sab hlub lwm tug, tsua qhov tsw yog kuv lug hu cov tuabneeg kws puab has tas, puab yog tuabneeg ncaaj nceeg lawm, kuas kuv lug hu cov tuabneeg kws muaj txem.
Kevcai yoo mov yog le caag
14 Dhau hov ntawm Yauhaa cov thwjtim txawm tuaj nug Yexu tas, ua le caag peb cov hab cov Fa 1i-xai pheej coj kevcai yoo mov, kuas koj cov thwjtim tsw coj kevcai yoo mov le. 15 Yexu teb puab has tas, thaus tug nraug vauv tseem nrug nwg cov kwvtij noj tshoob ua ke, mej xaav has tas, puab yuav txhawj nua los. Puab yeej tsw txhawj le. Kuas txug lub swmhawm kws tug nraug vauv ncaim puab moog lawm, lub swmhawm hov ntaag lauj, puab yuav yoo mov. 16 Yeej tsw muaj ib tug yuav muab daim ntaub tshab lug ntxwv lub qub tsho. Yog nwg ua le ntawm daim ntaub tshab yuav dua kuas lub qub tsho yimfuab nduag luj dua xwb. 17 Hab tsw muaj ib tug yuav muab cov kua txwv maab xwv tshab coj lug ntim tsua huv lub naab tawv qub. Yog nwg ua le ntawm lub naab tawv qub yuav tawg, cov kua txwv maab yuav lug taag, hab lub naab tawv yuav tsw zoo swv lawm. Cov kua txwv maab xwv tshab yuav tsum muab ntim tsua huv lub naab tawv tshab, lub naab txha le tsw tawg, cov kua txwv txha le tsw txeej.
Yexu khu num tug ntxhais hab tug puj kws kov Yexu tsho
18 Thaus Yexu tseem saamswm qha le ntawm tsua puab, cov Yutai ib tug num txawm tuaj txhus caug ndua ntawm Yexu kwtaw, hab thov Yexu tas, kuv tug ntxhais nyav tu sav nrho lawm, thov koj moog cev teg tsua nwg, nwg txha le caj rov qaab lug. 19 Yexu txawm sawv tseeg nrug tug num ntawm moog, Yexu cov thwjtim kuj nrug Yexu moog hab. 20,21 Thaus hov muaj ib tug quaspuj nwg mob huv nwg lub cev tau kaum ob xyoos lug lawm, yog pheej lug ntshaav. Nwg xaav has tas, yog kuv ib nyuas kov Yexu lub qaab tsho, kuv tug mob yeej yuav zoo, tes nwg txeem pes kag moog tsua tom Yexu nraus qaum mas cev teg kov Yexu qaab tsho. 22 Yexu txawm tig hlo lug saib tug quaspuj hov mas Yexu has tsua nwg tas, mivntxhais, koj tsw xob txhawj, koj tug mob zoo lawm tub yog vem koj ntseeg. Tes taamswm hov tug quaspuj ntawm tug mob txawm zoo hlo lawm. 23 Thaus Yexu moog txug huv tug num ntawm lub tsev Yexu pum tuabneeg tshuv qeej ntaus nruag nrov doog quas daj, suavdawg qw nrov ua nqaaj ua nqug. 24 Yexu txawm ntab puab tas, mej ca le tawm huvsw moog lawm nrau zoov, tug mivntxhais nuav nwg tsw tuag nwg tsaug zug xwb. Tes suavdawg txawm luag Yexu zum quas zawg. 25 Thaus cov tuabneeg hov tawm moog taag lawm, Yexu txawm moog huv lub txaaj kws tug ntxhais pw. Yexu moog tuav nkaus tug ntxhais txhais teg, tes tug ntxhais txawm sawv tseeg. 26 Zaaj nuav txawm nrov nchaa moo quas lug moog thoob plawg lub tebchaws ntawm.
Yexu khu ob tug yawm dig muag
27 Yexu txawm tawm qhov ntawm moog,thaus nwg saamswm taug kev moog, muaj ob tug quasyawg dig muag lawv nwg qaab. Ob tug hu Yexu nrov nrov has tas, Tavi tug xeeb ntxwv thov koj hlub ib hab lauj. 28 Thaus Yexu moog tsua huv tsev lawm ob tug quasyawg dig muag ntawm txawm lug cuag Yexu. Yexu nug ob tug tas, meb ntseeg has tas, kuv paab tau meb los tsw ntseeg. Ob tug teb has tas, ib ntseeg. 29 Tes Yexu txawm kov ob tug qhov muag hab has tas, yog le ntawm ca le muaj lawv le meb ntseeg. 30 Ob tug txawm rov pum kev le qub lawm. Yexu txwv ob tug tawv tawv tas, meb tsw xob qha zaaj nuav tsua leej twg hlo le. 31 Kuas ob tug rov moog mas ob tug qha Yexu lub moo nrov nchaa quas lug moog thoob plawg lub tebchaws ntawm.
Yexu khu tug kws has tsw tau lug
32 Thaus ob tug quasyawg ntawm saamswm tawm moog, txawm muaj tuabneeg coj ib tug quasyawg tuaj cuag Yexu. Tug quasyawg ntawm has tsw tau lug vem yog nwg raug daab. 33 Thaus Yexu ntab nam daab hov tawm lawm, tes tug quasyawg hov txawm has tau lug lawm. Tej tuabneeg suavdawg phemfwj heev mas puab has tas, peb cov kws yog tuabneeg Yixayee peb tsw tau pum dua le nuav ib zag le. 3^ Kuas cov Falixai has tas, Ntxwg Nyoog pub fwjchim tsua nwg, nwg txha ntab tau daab tawm.
Yexu hlub suavdawg
35 Yexu txawm moog txhua nrho txhua lub moos hab txhua lub zog. Nwg moog qhuab qha huv puab tej tsev sablaaj. Nwg qha txuj xuv zoo kws has tas, Vaajtswv yuav lug kaav tuabneeg lub sab. Mas tej tuabneeg kws muaj mob txawm yog tug muaj mob le caag los Yexu khu txhua tug zoo huvsw. 36 Thaus Yexu saib cov tuabneeg coob coob ntawm, Yexu hlub puab kawg le, vem puab ntxhuv sab hab tsw muaj zug, puab zoo ib yaam le paab yaaj kws tsw muaj tug tswv yug. 37 Yexu txawm has tsua nwg cov thwjtim tas, cov nplej kws zoo hlais lawm muaj ntau kawg, kuas cov tuabneeg kws hlais muaj tsawg. 38 Yog le ntawm, mej ca le thov tug tswv teb kuas nwg khaiv dua ib paab tuabneeg moog paab hlais nwg cov nplej.
Yexu kaum ob tug tubkhai
1 Yexu hu nwg kaum ob tug thwjtim lug ntawm nwg. Nwg pub fwjchim tsua puab ntab tau daab tawm hab khu tau txhua yaam mob huvsw. 2 Kaum ob tug "tubkhai tej npe hu le nuav. Ib tug yog Ximoo kws suavdawg hu has tas, Pestus. Ib tug yog Ximoo tug kwv Aatali. Ib tug yog Yakaupau. Ib tug yog Yakaupau tug kwv Yauhaa. Ob tug yog Xepetai ob tug tub. 3 lb tug yog Fili. Ib tug yog Palaumai. Ib tug yog Thauma. Ib tug yog Mathai kws sau se. Ib tug yog Yakaupau kws yog Alafai tug tub. Ib tug yog Thatai. 4 lb tug yog Ximoo kws tsw xaav ca nwg lub tebchaws poob, hab ib tug yog Yuta Ikhalau kws tom qaab nuav faav xeeb tsua Yexu.
Yexu khaiv kaum ob tug tubkhai moog qha
5 Yexu txawm khaiv kaum ob tug thwjtim hov tawm moog, hab nwg qha puab tas, mej tsw xob moog huv lwm haiv tuabneeg tej tebchaws, hab tsw xob moog huv cov tuabneeg Xamali tej moos. 6 Kuas mej ca le moog nrhav cov tuabneeg Yixayee tsua qhov puab zoo le paab yaaj kws yuam kev es pluj lawm. 7 Mej ca le moog qha le nuav has tas, tub yuav txug lub swmhawm kws Vaajtswv lug kaav tuabneeg lub sab. 8 Mej ca le moog khu tej tuabneeg kws muaj mob, hab tsaa tej tuabneeg kws tuag lawm sawv rov lug, khu cov tuabneeg mob rua, hab cov tuabneeg raug daab mej ca le ntab daab tawm moog. Mej tau ib puas tsaav yaam dawb dawb, mas mej yuav tsum pub dawb dawb tsua lwm tug tsw xob yuav nqe. 9 Mej tsw xob coj kub, hab nyaj, hab txaj toog lab ntim huv mej lub naab tsho moog. 10 Thaus mej taug kev moog tsw xob khuam naab thoob puab, tsw xob npaaj tsho moog hloov, tsw xob nqaa khau lossws paas nreg moog, tsua qhov tug kws ua num yeej tswm nyog luas pub tsua nwg noj nwg naav. 11 Thaus mej moog txug lub moos twg los yog, lub zog twg los yog, mej ca le moog nrhav tug kws zoo sab hu mej moog su huv nwg tsev, mas mej ca le nyob ntawm txug thaus kws mej tawm huv lub moos hov moog. 12 Thaus mej moog huv leejtwg tsev mej yuav tsum xub has tas, thov Vaajtswv foom koob foom moov tsua mej tsev tuabneeg kuas tau zoo nyob kaaj sab lug. 13 Yog tsev tuabneeg hov hu mej moog huv puab tsev, puab yuav tau moov zoo lawv le kws mej has. Kuas yog tsev tuabneeg hov tsw hu mej moog huv puab tsev, puab yeej yuav tsw tau moov zoo le. 14 Yog tsev tuabneeg twg lossws lub moos twg tsw hu mej hab tsw noog mej tej lug qha, tes thaus mej tawm moog, mej ca le nchus tej moov aav kws lu mej kwtaw pov tseg. 15 Kuv qha tseeb tsua mej has tas, nub kws Vaajtswv teem txem, nwg yuav teem txem tsua cov tuabneeg huv lub moos hov nyaav dua le nwg teem tsua huv lub moos Xautoo hab lub moos Kaumaula.
Yuav muaj kev tswm txom
16 Mej ca le noog kuv has. Kuv khaiv mej moog ib yaam le paab yaaj kws yuav moog tsua huv paab maa. Mej yuav tsum ceev faaj zoo ib yaam le naab, hab muaj lub sab mog sab muas ib yaam le nquab. 17 Mej yuav tsum ceev faaj tsua qhov yuav muaj tuabneeg nteg mej coj moog tom tej tsev tu plaub, hab puab yuav muab mej nplawm huv tej tsev sablaaj. 18 Puab yuav coj mej moog sawv ntawm cov num tswv hab cov vaaj ntxwv xub-ndag vem mej yog cov kws ntseeg kuv, mej txha le muaj lub swmhawm zoo qha txuj xuv zoo tsua puab hab tsua lwm tsaav tuabneeg. 19 Thaus puab nteg mej moog, mej tsw xob txhawj has tas, mej yuav has le caag. Thaus txug lub swmhawm kws has, Vaajtswv yuav qha kuas mej txawj has. 20 Tej lug kws mej yuav has hov tsw yog mej tug tswvyim, kuas yog mej leej txwv tug Ntsuj Plig qha tsua mej has. 21 Tij yuav muab kwv, kwv yuav muab tij coj moog tsua luas tua. Txwv yuav muab tub coj moog tsua luas tua, tub yuav faav xeeb tsua nam tsua txwv, hab yuav muab nam txwv coj moog tsua luas tua. 22 Txhua leej txhua tug yuav ntxub mej vem mej yog cov kws ntseeg kuv. 23 Kuas tug kws ua sab ntev moog txug nub kawg, tug ntawm yuav dim. Yog lub moos twg tswm txom mej, mej yuav tsum tswv moog nyob dua lwm lub moos. Kuv qha tseeb tsua mej has tas, thaus mej tseem moog qha tsw tau thoob tej moos kws nyob huv Yixayee tebchaws, tes Tuabneeg Leej Tub yuav xub lug ua ntej. 2-4 Tsw muaj ib tug tub kawm ntawv kws yuav paub tshaaj nwg tug xwbfwb. Hab tsw muaj ib tug tub qhe kws yuav muaj fwjchim luj dua nwg tug tswv. 25 Mas tswm nyog tug tub kawm ntawv txaus sab tsua qhov kws nwg tub zoo ib yaam le nwg tug xwbfwb. Hab tswm nyog tug qhev txaus sab tsua qhov kws nwg tub zoo yaam le nwg tug tswv. Yog tug tswv tsev tub tau lub npe hu ua -•Npexenpu lawm, tes nwg tsev tuabneeg yimfuab tau lub npe phem dua le ntawm hab.
Yuav tsum ntshai leejtwg
26 Yog le ntawm, mej tsw xob ntshai leejtwg le, tsua qhov tej kws tuabneeg muab npug ca lawm yeej yuav muaj tug muab nthuav lug tsua suavdawg saib. Hab tej kws tsw muaj leejtwg paub, yeej yuav muaj tug muab lug qha tsua suavdawg. 27 Tej kws kuv qha tsua mej mo ntuj thaus kaaj ntug mej yuav tsum qha tsua suavdawg. Hab tej kws mej nov xwb tsw muaj lwm tug nov, mej yuav tsum moog pav nrov tsua nrau zoov. 28 Mej tsw xob ntshai tug kws tua tau mej lub cev, kuas tua tsw tau mej tug ntsuj plig. Mej yuav tsum ntshai Vaajtswv tug kws muaj fwjchim muab tau mej lub cev hab mej tug ntsuj plig pov tsua huv ntuj tawg kub. 29 Tej noog piv kws puab muag tom kab ob tug puab nyav muag ib lub txaj toog xwb. Txawm yog le ntawm los mej leej txwv tsw pum zoo ca ib tug nyuas piv poob tsua huv aav tes yeej tsw muaj ib tug poob le. 30 Txawm yog mej cov plaub hau los Vaajtswv tub suav txhua txuj huvsw lawm. 31 Yog le ntawm, mej tsw xob ntshai. Mej tseem muaj nqe heev dua ntau tug piv hab.
Tug taab meeg qha tsua suavdawg tas nwg ntseeg
32 Tug kws taab meeg leeg tsua suavdawg has tas, nwg ntseeg kuv, tes kuv yuav taab meeg qha tsua kuv txwv tug kws nyob sau ntuj ceeb tsheej has tas, nwg yog kuv cov. 33 Kuas tug kws taab meeg qha tsua suavdawg has tas, nwg tsw ntseeg kuv, tes kuv yuav taab meeg qha tsua kuv txwv tug kws nyob sau ntuj ceeb tsheej has tas, nwg tsw yog kuv cov.
Yexu coj ntaaj lug huv nplajteb
34 Mej tsw xob xaav has tas, kuv lug ua kuas tuabneeg nplajteb nyob sws hum, tsw yog kuv lug ua le ntawm. Kuv tsw tau lug ua kuas tuabneeg nyob sws hum, kuas kuv coj ntaaj lug. 35 Kuv lug ua kuas tub sawv twv txwv, ntxhais sawv twv nam, hab nyaab sawv twv puj. 36 Cov tuabneeg kws ua yeeb ncuab phem dua ndais tsua yug, yeej yog yug tsev tuabneeg. 37 Tug kws noog nwg nam nwg txwv lug heev dua le nwg noog kuv lug, tug ntawm tsw tswm nyog ua kuv le thwjtim. Tug kws hlub nwg tej tub tej ntxhais heev dua le nwg hlub kuv, tug ntawm tsw tswm nyog ua kuv le thwjtim. 38 Tug kws tsw kwv nwg tug ntoo khaublig nrug kuv moog, tug ntawm tsw tswm nyog ua kuv le thwjtim. 39 Tug kws khauvxwm nwg txujsa, tug hov txujsa yuav tu, kuas tug kws ua kuv teg num es nwg tsw khauv xwm nwg txujsa, tug hov yuav tau txujsa.
Yeeb koob
4O Tug kws leeg txais mej, tub yog nwg leeg yuav kuv, hab tug kws leeg yuav kuv, tub yog nwg leeg yuav tug kws khaiv kuv lug. h Tug kws leeg txais Vaajtswv ib tug tubkhai vem yog nwg paub has tas, tug hov yog tug kws qha Vaajtswv txujlug, tes nwg yuav tau yeeb koob ib yaam le tug tubkhai hov. Tug kws leeg txais ib tug tuabneeg zoo vem yog nwg paub has tas, tug ntawm yog tuabneeg ncaaj tes nwg yuav tau yeeb koob ib yaam le tug ntawm. h2 Kuv qha tseeb tsua mej has tas, tug kws muab ib nyuas khob dej txag tsua kuv cov thwjtim nuav, tug kws ua yau dua ndais haus, vem yog nwg paub has tas, tug hov yog tug kws ntseeg kuv, tes nwg yeej yuav tau nwg le yeeb koob.
Yauhaa khaiv tuabneeg moog nug Yexu
1 Thaus Yexu qha Yexu kaum ob tug thwjtim taag lawm, Yexu txawm tawm qhov ntawm moog qhuab qha huv tej moos kws nyob ze ze ntawm. 2 Mas thaus hov tug Yauhaa kws coj tuabneeg ua kevcai raus dej raug kaw huv tsev loj faaj lawm, mas nwg nov tej kws Yexu naj nub ua, nwg txawm khaiv nwg cov thwjtim qee leej moog cuag Yexu. 3 Mas nwg cov thwjtim tuaj nug Yexu tas, thov koj qha tsua peb saib, koj yog tug kws Yauhaa has tas, yuav lug hov los tsw yog, lossws peb tseem yuav tog dua lwm tug. 4 Yexu teb has tas, mej ca le rov qaab moog qha tej kws mej nov hab tej kws mej pum lawm tsua Yauhaa noog. Mej has tsua nwg has tas, 5 cov tuabneeg dig muag rov pum kev lawm, cov tuabneeg tuag ceg tub moog taug kev le qub lawm, cov tuabneeg mob rua tub zoo du dav lawm, cov tuabneeg laag ntseg tub nov lug lawm, cov tuabneeg tuag tub sawv rov lug lawm, hab tub muaj tuabneeg moog qha txuj xuv zoo tsua cov tuabneeg txom nyem lawm. 6 Tug kws tso sab tsua kuv, mas yuav tau zoo nyob kaaj sab quas lug. 7 Thaus Yauhaa cov thwjtim rov moog lawm, tes Yexu txawm qha Yauhaa zaaj tsua cov tuabneeg coob coob hov has tas, thaus mej moog cuag Yauhaa tom tebchaws moj saab qhua mej moog saib daabtsw. Mej moog saib tug tauj ab kws cua ntsawj rawv moog rawv lug los. 8 Mej moog saib daabtsw, mej moog saib tug kws naav tsuj naav npuag los, tsuas yog cov tuabneeg kws nyob huv vaaj ntxwv tsev txha tau naav tsuj naav npuag xwb. 9 Mej qha tsua kuv saib mej moog saib daabtsw, moog saib ib tug xwbfwb kws cev Vaajtswv lug los. Yog lauj, kuv qha tsua mej has tas, tug kws mej pum ntawm nwg muaj fwjchim luj dua tej xwbfwb kws cev Vaajtswv lug huvsw. 10 Tsua qhov Yauhaa yog tug kws Vaajtswv phoo ntawv tub xub qha has tseg lawm, Vaajtswv has tas, tug nuav yog kuv tug tubkhai, kuv yuav khaiv nwg ua koj ntej moog khu kev tog koj. 11 Kuv qha tseeb tsua mej tas, Yauhaa yog tug kws muaj fwjchim luj dua cov tuabneeg kws yug lug huv nplajteb nuav lawm txhua tug huv tuab sw. Kuas cov tuabneeg kws Vaajtswv kaav lawm, tug kws muaj fwjchim yau dua suavdawg huvsw tseem muaj fwjchim luj dua Yauhaa hab. 12 Txwj thaus kws Yauhaa qha lug txug naj nub nwgnuav, mas cov tuabneeg suavdawg sawv tiv qhov kws Vaajtswv yuav kaav heev kawg, cov tuabneeg sab nyoog tub yooj xeeb yuav txeeb Vaajtswv tug fwjchim kws kaav. 13 Txhua tug xwbfwb kws cev Vaajtswv lug, hab txhua tug xwbfwb kws qha Vaajtswv kevcai thau u lug txug thaus Yauhaa nyob mas puav leej qha txug qhov kws Vaajtswv yuav lug kaav. 14 Yog mej ntseeg tej lug kws puab qha hov, mej yeej yuav ntseeg has tas, Yauhaa yog Eliya tug kws puab has tas, nwg yuav lug. 15 Yog le ntawm yog leejtwg muaj qhov ntsej ca le khaws zaaj nuav ca. 16 Kuv yuav muab cov tuabneeg tam nuav lug pev tsua daabtsw txha zoo. Puab zoo ib yaam le tej mivnyuas yau kws nyob tom tshaav puam. Paab nuav hu paab tom has tas, 17 peb has zaaj tshoob tsua mej lawm los mej tsw laav voov. Peb hu nkauj txag los mej tsw quaj. 18 Yauhaa lug, mas nwg coj kevcai yoo mov hab nwg tsw haus kua txwv maab xwv, suavdawg kuj has tas, nwg yog tuabneeg vwm. 19 Tuabneeg Leej Tub lug nwg noj nwg haus, suavdawg tsua has tas, mej swm saib tug nam tuabneeg hov noj luj haus luj, hab nwg nrug cov tuabneeg sau se hab cov tuabneeg muaj txem ua kwvtij kwvluag. Yog leejtwg pum Vaajtswv teg num tug ntawm yuav paub tseeb has tas, Vaajtswv yog tug kws muaj tswvyim.
Tej moos kws tuabneeg tsw tso kev txhum tseg
20 Yexu txawm chiv tshev cov tuabneeg kws nyob huv tej moos kws Yexu tau moog ua tej txujci tseem ceeb ntau zag lawm, tsua qhov cov tuabneeg hov tsw kaam tso puab tej kev phem tseg. 21 Lub moos Khaulaxi, koj yuav raug kev txom nyem lauj. Lub moos Npexayata, koj yuav raug kev txom nyem. Tej txujci tseem ceeb kws tau ua tsua meb pum lawm, yog ua tej ntawm tsua lub moos Tulau hab lub moos Xitoo tes cov tuabneeg kws nyob huv ob lub moos hov yeej yuav xub muab seev tsaaj lug npua hab tsuab tshauv lug nphoo tsua ib ce ntxuv lug lawm. Puab yuav ua le hov kuas suavdawg paub has tas, puab tub tso puab tej kev txhum tseg lawm. 22 Kuv qha tsua mej has tas, nub kws Vaajtswv teem txem, nwg yuav teem txem tsua mej nyaav dua le nwg teem tsua lub moos Tulau hab lub moos Xitoo. 23 Lub moos Kapena-oo, Koj yuav tsaa koj tug fwjchim kuas sab moog txwj ntuj los yeej tsw tau. Koj yuav tsum poob moog tsua huv ntuj txag teb tsaus xwb, tsua qhov tej txujci tseem ceeb kws koj pum lawm yog ua tej hov tsua huv lub moos Xitoo tes lub moos hov yeej yuav nyob lug txug naj nub nwgnuav. 24 Kuv qha tsua mej has tas, nub kws Vaajtswv teem txem, nwg yuav teem tsua mej nyaav dua le nwg teem txem tsua lub moos Xitoo.
Tug rws nraa nyaav ca lug cuag Yexu
25 Thaus ntawm Yexu txawm has tas, txwv, koj yog tug kws kaav sau ntuj hab huv nplajteb nuav. Kuv ua koj tsaug vem koj tub muab tej nuav zais ca tsw pub tsua cov tuabneeg kws muaj tswvyim hab txawj ntse paub. Koj tsuas qha tej ntawm tsua cov tuabneeg kws tsw txawj tsw ntse paub xwb, 26 txwv, koj yeej pum zoo ua le ntawm. 27 Kuv txwv tub muab ib puas tsaav yaam tso tsua kuv lawm. Tsw muaj leejtwg paub has tas, leej tub yog tug twg, tsuas yog leej txwv txha paub xwb, hab tsw muaj leejtwg paub has tas, leej txwv yog tug twg, tsuas yog leej tub hab cov kws leej tub pum zoo qha tsua txha paub xwb. 28 Mej cov kws rws nraa nyaav es saab saab, mej ca le lug cuag kuv, kuv yuav ca mej tau su lug sav. 29 Kuv yog tug kws sab dawb sab zoo, mej ca le lug kwv kuv tug ntaas kws yaam le nyuj hai tsheb, hab kawm tej kws kuv qha, mej txha le tau su. 30 Tug ntaas kws kuv muab tsua mej kwv yoojyim kwv, hab lub nraa kws kuv muab tsua mej rws kuj tsw nyaav.
Nub su cov thwjtim de naab nplej
1 Tsw ntev tom qaab ntawm, thaus nub su Yexu saamswm taug kev moog txug huv ib daim teb npleg. Yexu cov thwjtim tshaib plaab, puab txawm de naab nplej lug tev noj. 2 Thaus cov Falixai pum cov thwjtim ua le hov, puab txawm has tsua Yexu has tas, koj swm saib, nub su koj cov thwjtim ua le ntawm puab ua txhum Vaajtswv kevcai lawm. 3 Yexu teb has tas, thaus Tavi hab cov tuabneeg kws nrug Tavi ua ke puab tshaib plaab, mas Tavi ua le caag. Mej tsw tau nyeem zaaj hov los. 4 Tavi moog huv lub tuam tsev pe Vaajtswv, mas Tavi hab cov tuabneeg kws nrug Tavi ua ke noj tej ncuav kws puab muab txawb xyeem tsua Vaajtswv. Tej ncuav hov Vaajtswv kevcai tsw pub leejtwg noj tsuas yog pub cov "pov thawj noj xwb, los puab tseem moog muab noj hab. 5 Mej tsw tau nyeem Mauxe kevcai lov, txhua nub su cov pov thawj kws nyob huv lub tuam tsev thov Vaajtswv kuj ua txhum kevcai nub su, kuas tsw muaj tuabneeg has tas, puab ua txhum. 6 Kuv qha tsua mej has tas, nyob ntawm nuav muaj ib yaam tseem ceeb dua lub tuam tsev thov Vaajtswv. 7 Yog mej paub zaaj kws sau ca tsua huv Vaajtswv phoo ntawv has tas, kuv tsw xaav kuas mej coj tej tsaj tuaj tua xyeem tsua sau lub rooj, kuas kuv xaav kuas mej muaj lub sab hlub lwm tug. Yog mej to taub zaaj nuav lawm mej yeej yuav tsw thuaj cov kws tsw tau ua txhum. 8 Tsua qhov Tuabneeg Leej Tub yog tug tswv kws kaav nub su.
Yexu khu tug quasyawg qhuav teg
9 Thaus Yexu tawm hov ntawm moog, nwg txawm moog tsua huv cov Yutai ib lub tsev sablaaj. 10 Mas muaj ib tug quasyawg qhuav teg nyob huv. Mas cov tuabneeg kws tuaj nyob ntawm muaj qee leej xaav nrhav txem tsua Yexu, puab txawm nug Yexu has tas, nub su khu mob txhum Vaajtswv kevcai los tsw txhum. 11 Yexu teb puab has tas, nub su yog mej muaj ib tug yaaj poob tsua huv ib lub qhov tub tub sub mej tsw moog muab rhu lug, mej yeej yuav moog muab nrawm nroog xwb los sas. 12 Tuabneeg muaj nqe heev dua yaaj. Yog le ntawm kevcai yeej kheev peb paab tuabneeg tsua nub su. 13 Tes Yexu txawm has tsua tug quasyawg qhuav teg hov tas, koj ca le xyaab hlo koj txhais teg saib. Nwg txawm xyaab hlo teg, ua cav nwg txhais teg txawm zoo hlo ib yaam le saab kws tsw qhuav lawm. 14 Cov Falixai txawm tawm moog sablaaj saib puab yuav ua le caag puab txha tua tau Yexu.
Tug tub qhe kws Vaajtswv xaiv ca
15 Thaus Yexu nov tas puab yuav tua nwg, tes nwg txawm tawm hov ntawm moog, mas muaj tuabneeg coob coob nrug Yexu moog. Yexu khu tej tuabneeg kws muaj mob txhua tug zoo huvsw. 16 Hab nwg tsw kheev puab moog qha txug nwg tsua leejtwg paub le, 17 kuas sub tej nuav txha muaj lawv le xwbfwb Yaxaya tug kws cev Vaajtswv lug tau qha tseg tas, 18 Vaajtswv has tas, tug nuav yog kuv tug tub qhe kws kuv xaiv ca lawm. Kuv hlub nwg hab nwg ua hum kuv sab. Kuv yuav pub kuv tug Ntsuj Plig tsua nwg hab nwg yuav qha kuv txujkev teem txem tsua txhua tsaav tuabneeg paub. 19 Nwg yuav tsw nrug leejtwg sws caav sws tshe. Nwg yuav tsw has lug nrov nrov. Yuav tsw muaj leejtwg nov nwg lub suab has tom tej kev. 20 Ib tug tauj ab luv lawm, los nwg yuav tsw muab" tug tauj hov tu. Lub teeb kws tub yuav tuag, los nwg yuav tsw muab tua. 21 Nwg yuav ua sab ntev moog txug thaus txuj- kev ncaaj nceeg kov yeej, mas txhua tsaav tuabneeg yuav tso sab tsua nwg.
Puab has tas daab pub fwjchim tsua Yexu
22 Thaus hov muaj tuabneeg coj ib tug quasyawg tuaj cuag Yexu. Tug quasyawg hov dig muag hab has tsw tau lug, vem nwg raug daab. Mas Yexu khu tug hov zoo hlo, tes nwg txawm has tau lug hab pum kev le qub lawm. 23 Cov tuabneeg coob coob hov phemfwj heev, puab txawm sws nug has tas, tug nuav tsw laam yog vaaj ntxwv Tavi tug tub kaj. 24 Thaus cov Faiixai nov suavdawg has le ntawm puab txawm has tas, nwg ntab tau daab tawm, tub yog Npexenpu kws yog daab tug thawj pub fwjchim tsua nwg, nwg txha ntab tau. 25 Yexu yeej paub tej kws puab xaav lawm, nwg txha has tsua puab has tas, yog muaj ib lub tebchaws twg tawg ua ob peb paab lawm, hab cov ntawm rov sws ntaus sws tua, tes lub tebchaws ntawm yuav puam tsuaj moog. Hab lub moos twg lossws tsev tuabneeg twg tawg ua ob peb paab lawm, hab cov ntawm sws ntaus sws tua, tes puab yeej yuav tawg taag moog le. 26 Yog le ntawm mas yog Daab Ntxwg Nyoog cov rov sws ntaus sws tua tes kuj yog puab tub chiv tawg ua ob peb paab lawm, tsw ntev puab yuav tawg taag moog le. 27 Mej has tas, Npexenpu pub fwjchim tsua kuv, kuv txha ntab tau daab. Yog le ntawm es leejtwg pub fwjchim tsua mej cov thwjtim ntab tau daab. Mej cov thwjtim kws ntab daab tub ua tsua mej paub has tas, mej xaav yuam kev lawm. 28 Tsw yog le mej has, Vaajtswv tug Ntsuj Plig pub fwjchim tsua kuv, kuv txha ntab tau daab, mas qhov nuav ua tsua mej paub tseeb has tas, tub txug lub swmhawm kws Vaajtswv lug kaav mej lawm. 29 Yog muaj ib tug quasyawg muaj muaj zug nwg nyob huv nwg tsev, yeej tsw muaj leejtwg yuav moog lws tau tug hov tej hov txhua chaw, yuav yog xub muab tug muaj zug ntawm khi tsaiv txha le lws tau tej hov txhua chaw huv tug ntawm tsev. 30 Tug kws tsw tuaj kuv tog, tug ntawm yeej tawm tsaam kuv. Tug kws tsw paab kuv taav paab yaaj kuas lug ua ke, yeej yog tug hov ua tsua paab yaaj tawg nyag tswv nyag taag lawm. 31 Vem le nuav kuv txha qha tsua mej has tas, txhua yaam txhum kws tuabneeg ua lossws txhua lu lug phem kws tuabneeg has, Vaajtswv zaam tau, kuas yog leejtwg thuaj Vaajtswv tug Ntsuj Plig, Vaajtswv yuav zaam txem tsw tau tsua tug ntawm. 32 Yog leejtwg thuaj Tuabneeg Leej Tub, Vaajtswv yuav zaam tau txem tsua tug ntawm, kuas yog leejtwg thuaj Vaajtswv tug Ntsuj Plig, Vaajtswv yuav tsw zaam txem tsua tug ntawm, tsw has swm neej nuav lossws lwm swm, Vaajtswv yeej tsw zaam le.
Tsob ntoo hab cov txwv
33 Tsob ntoo zoo yeej txw cov txwv zoo. Tsob ntoo phem yeej txw cov txwv phem. Yog yug yuav paub tsob ntoo yog tsob phem los yog tsob zoo yug yuav tsum pum cov txwv yug txha paub. 3^ Cov nam naab, mej yog cov nam tuabneeg phem, mej yuav ua le caag txha has tau lug zoo, tsua qhov lub sab xaav le caag, tes lub ncauj txha has lawv le ntawm. 35 Tug tuabneeg zoo yeej has zoo hab ua zoo lawv le kws nwg tub xaav ca tsua huv lub sab lawm. Tug tuabneeg phem nwg yeej has phem hab ua phem lawv le kws nwg tub xaav ca lawm. 36 Kuv qha tsua mej has tas, thaus txug nub kws Vaajtswv teem txem, txhua tug nyag yuav tsum leeg txhua lu lug tsw muaj qaabhau kws nyag tau has lug lawm tsua Vaajtswv. 37 Qhov kws mej yuav raug txem hab tsw raug los nyob ntawm tej lug kws mej tau has lug lawm.
Cov tuabneeg xaav pum ib yaam txujci phemfwj
38 Muaj cov xwbfwb qha Vaajtswv kevcai hab cov Falixai qee leej lug has tsua Yexu has tas, xwbfwb, peb xaav kuas koj ua ib yaam txujci tseem ceeb tsua peb saib. 39 Yexu txawm has tas, cov tuabneeg tam nuav phem kawg le hab tsw ntseeg Vaajtswv, mej xaav kuas kuv ua ib yaam txujci tseem ceeb tsua mej saib. Kuv yuav tsw ua, mej yuav pum tuab yaam txujci phemfwj xwb. Yog txujci phemfwj kws muaj tsua tug xwbfwb -Yauna kws cev Vaajtswv lug. 40 Yauna nyob huv tug ntseg luj luj lub plaab tau peb nub peb mos le caag, Tuabneeg Leej Tub yuav nyob huv nruab aav peb nub peb mos le hov hab. 41 Thaus txug nub kws Vaajtswv teem txem, cov tuabneeg kws nyob huv lub nroog "Ninave yuav sawv quas ntsug pav mej qhov txhum tsua Vaajtswv, tsua qhov thaus puab nov Yauna qha puab txawm tso puab tej kev txhum tseg lawm. Kuv qha tsua mej has tas, muaj ib tug nyob ntawm nuav nwg tseem muaj fwjchim lug dua Yauna hab. 42 Thaus txug nub kws Vaajtswv teem txem, tes tug quaspuj kws ua vaaj ntxwv kaav lub tebchaws nraag u yuav sawv quas ntsug pav mej qhov txhum tsua Vaajtswv, tsua qhov nwg yeej tuaj nraag qaab ntuj kawg tuaj noog vaaj ntxwv Xalaumoo kws muaj tswvyim txuj-lug qha. Kuv qha tsua mej has tas, muaj ib tug nyob ntawm nuav nwg tseem muaj fwjchim luj dua vaaj ntxwv Xalaumoo hab.
Daab rov qaab lug nyob huv lub qub tse
43 Thaus daab tawm huv ib tug tuabneeg lub cev moog lawm, tug daab hov txawm moog tom tej tebchaws moj saab qhua kws nkig quas nkuav, moog nrhav chaw su. Mas nrhav tsw tau, 44 tes nwg txawm xaav has tas, kuv yuav rov moog tom kuv lub qub tse kws kuv tawm tuaj. Thaus nwg rov lug txug lub qub tse ua cav tsw muaj leejtwg nyob, huas tub tu du lug ca lawm. 45 Nwg txawm moog coj xyaa tug daab kws phem dua nwg lug nrug nwg nyob huv lub tsev hov hab, mas thaus kawg tug tuabneeg hov yimfuab txom nyem heev dua thaus chiv thawj. Cov tuabneeg kws swm nuav ua phem yuav raug kev txom nyem ib yaam le ntawm ntaag.
Yexu nam hab Yexu cov kwv
46 Thaus Yexu tseem saamswm qha cov tuabneeg kws nyob ntawm, tes Yexu nam hab Yexu cov kwv txawm tuaj txug. Puab sawv saab nrau puab has tas, puab xaav nrug Yexu thaam. 47 Tes muaj ib tug txawm moog has tsua Yexu tas, koj nam hab koj cov kwv tuaj sawv saab nrau puab xaav nrug koj thaam. 48 Yexu teb tas, leejtwg yog kuv nam hab cov twg yog kuv cov kwv. 49 Yexu txawm taw teg moog tsua nwg cov thwjtim mas has tas, cov nuav laub yog kuv nam hab kuv cov kwv. 50 Tug kws ua lawv le kuv txwv kws nyob sau ntuj lub sab nyam tug hov txha yog kuv le kwv, hab yog kuv le muam hab yog kuv nam.
Tug tseb noob
Tuab nub ntawm Yexu txawm tawm huv tsev moog nraag ntug hav txwv mas nwg nyob quas tsawg qha cov tuabneeg nyob ntawm. 2 Vem muaj tuabneeg coob coob tuaj vej quas vog tes Yexu txha nee moog nyob huv ib lub nkoj mas cov tuabneeg coob coob sawv ntawm ntug dej noog nwg qha. 3 Yexu qha ntau zaaj pev lug tsua puab noog. Nwg qha ib zaaj has tas, muaj ib tug yawm coj noob moog tseb. 4 Thaus nwg saamswm tseb cov noob tsua huv nwg daim teb muaj ib txha poob tsua huv plawv kev, tes noog txawm yaa lug khaws noj lawm. 5 Muaj ib txha poob tsua ntawm qhov aav kws huv muaj pob zeb tiv lawm, aav tsw tub. Cov ntawm tuaj sai sai vem aav tsw tub. 6 Thaus nub tuaj tshaav ntuj kub, tes cov kaug txawm ntsws hab qhuav taag lawm, vem cov caag tsw tau chaw ntsa aav. 7 Muaj ib txha poob tsua huv tsob xuav paug tes xuav paug hlub tuaj laum lawm, mas cov ntawm hlub tsw taug. 8 Muaj ib txha poob tsua ntawm cov aav zoo, cov ntawm txw txwv zoo. Tej tsob txw tau ib puas npaug, tej tsob txw tau rau caum npaug, tej tsob txw tau peb caug npaug. 9 Yexu has tas, yog leejtwg muaj qhov ntsej ca le khaws zaaj nuav ca.
Vem le caag txha muaj zaaj pev lug
10 Cov thwjtim lug nug Yexu has tas, ua caag thaus koj qha puab koj ua pev lug qha xwb. 11 Yexu teb cov thwjtim has tas, yaav taag lug lawm mej tsw paub zaaj kws Vaajtswv lug kaav tuabneeg lub sab, kuas nwgnuav Vaajtswv tub qha zaaj hov tsua mej paub lawm, kuas Vaajtswv tsw tau qha tsua cov tuabneeg ntawm. 12 Tsua qhov tug kws tub muaj lawm Vaajtswv yeej yuav muab ntxwv kuas nwg muaj ntau nplua mag. Kuas tug kws tsw muaj, txawm yog nwg muaj mivntswv xwb los Vaajtswv yeej yuav muab tej hov rhu ntawm nwg moog huvsw. 13 Vem yog le nuav kuv txha ua pev lug qha tsua puab, es kuas puab saib los puab tsw pum, puab noog los puab tsw nov hab tsw to taub. 14 Muaj le nuav mas txha lawv le tej lug kws xwbfwb Yaxaya tug kws cev Vaajtswv lug tau qha tseg has tas, Vaajtswv has tas, Mej yuav noog taag noog thab, los mej yuav tsw to taub. Mej yuav saib taag saib thab, los mej yuav tsw pum. 15 Tsua qhov cov tuabneeg nuav lub sab ruag. Puab tsw xaav noog, puab ntsaws qhov ntsej. Puab tsw xaav saib, puab qe muag. Yog puab tsw ua le ntawm ntshai tsaam tes puab qhov muag yuav pum, puab qhov ntsej yuav nov. Puab yuav to taub tes puab yuav tig rov lug cuag kuv, hab kuv yuav tau khu puab tej mob. 16,17 Kuas mej cov muaj moo. Mej qhov muag pum hab mej qhov ntsej nov. Kuv qha tseeb tsua mej has tas, cov xwbfwb kws cev Vaajtswv lug hab cov kws ntseeg Vaajtswv muaj ntau leej xaav pum tej kws nwgnuav mej pum, kuas puab tsw tau pum. Puab xaav nov tej lug kws nwgnuav mej nov, kuas puab tsw tau nov.
Yexu txhais zaaj kws tug tseb noob
18 Yog le ntawm mej ca le noog, kuv yuav txhais zaaj kws has txug tug kws moog tseb noob ntawm saib yog le caag. 19 Cov noob kws poob tsua huv txujkev yog pev txug cov tuabneeg kws nov zaaj kws Vaajtswv yuav lug kaav tuabneeg lub sab kuas tsw to taub, Daab Ntxwg Nyoog txeeb tej lug kws nwg nov hov lawm. 20 Cov noob kws poob tsua ntawm qhov aav kws huv muaj pob zeb tiv lawm yog pev txug cov tuabneeg kws nov dheev Vaajtswv txujlug mas zoo sab hlo yuav taamswm hov, 21 kuas txuj1ug hov txeem tsw tub tsua huv puab lub sab. Puab yuav ib nyuas ntu xwb, thaus puab raug kev txom nyem lossws kev tswm txom vem yog puab yuav txujlug hov tes puab txawm thim hlo rov qaab lawm. 22 Cov noob kws poob tsua huv tsob xuav paug, yog pev txug cov tuabneeg kws nov Vaajtswv txujlug, kuas puab tej kev ntxhuv sab, kev ntshaw nyaj ntshaw txaj hlub tuaj laum Vaajtswv txujlug lawm, txujlug ntawm txha tsw txw txwv. 23 Cov noob kws poob tsua ntawm cov aav zoo pev txug cov tuabneeg kws tau nov Vaajtswv txujlug mas nkaag sab hab txw txwv. Cov tuabneeg ntawm ib txha txw tau ib puas npaug, ib txha txw tau rau caum npaug, hab ib txha txw tau peb caug npaug.
Nplej hab txhauv
24 Yexu qha dua ib zaaj pev lug tsua puab noog has tas, qhov kws Vaajtswv lug kaav tuabneeg lub sab pev ib yaam le ib tug yawm nqaa cov noob nplej zoo moog cog tsua huv nwg daim teb. 25 Muaj ib mos thaus kws suavdawg pw tsaug zug taag lawm, nwg tug yeeb ncuab txawm nqaa ib cov noob txhauv tuaj tseb xyaw tsua cov nplej, thaus nwg tseb taag tes nwg txawm tswv lawm. 26 Thaus nplej tuaj hab txhawv lawm ua cav pum muaj txhauv tuaj xyaw hab. 27 Tug tswv teb cov tub qhe lug has tsua tug tswv has tas, txwv, koj cog cov noob nplej zoo tsua huv koj daim teb xwb sub mab. Ua cav nwgnuav tsua muaj txhauv tuaj hab. 28 Tug tswv txawm teb has tas, tej ntawm yog yeeb ncuab ua ntaag laub. Cov tub qhe txawm nug tug tswv teb has tas, koj xaav kuas peb moog muab cov txhauv hov dob pov tseg los tsw xaav nej. 29 Tug tswv teb has tas, tsw xob moog dob ntshai tsaam tes thaus mej dob cov txhauv mej yuav dob tau cov nplej hab. 30 Ca nplej hab txhauv nwg nyob nwg ua ke txug caij hlais tsaiv, kuv le maav kuas cov kws hlais xub hlais cov txhauv lug paav ua tej quas teg ca, es yuav coj moog pov hlawv, es le maav sau cov nplej lug tsua huv kuv lub txhaab.
Lub noob zaub
31,32 Yexu qha dua ib zaaj pev lug tsua puab noog has tas, qhov kws Vaajtswv lug kaav tuabneeg lub sab pev ib yaam le lub noob zaub kws miv kawg nkaus. Muaj ib tug quasyawg coj lub noob zaub hov moog cog tsua huv nwg daim teb. Thaus lub noob zaub hov tuaj lawm mas hlub tau ua ib tsob nam luj dua tej zaub huvsw. Mas luj le tsob ntoo mas muaj muaj noog lug ua zeg tsua sau tej ceg.
Cov keeb
33 Yexu qha dua ib zaaj pev lug tsua puab noog has tas, qhov kws Vaajtswv lug kaav tuabneeg lub sab pev ib yaam le cov "keeb kws ib tug quaspuj muab moog xyaw tsua peb sab moov nplej. Cov keeb ntawm ua tsua cov moov nplej su taag nrho huvsw.
Yexu ua pev lug qha
34 Tej zaaj kws Yexu qha tsua cov tuabneeg suavdawg nwg ua pev lug qha xwb. Tsw muaj ib zaaj kws nwg yuav tsw ua pev lug qha tsua puab. 35 Nwg ua le ntawm kuas lawv le tug xwbfwb kws cev Vaajtswv lug tau qha tseg has tas, Thaus kuv has tsua puab kuv yuav ua pev lug has xwb. Kuv yuav qha tej kws tsw muaj tuabneeg paub, Txwj thaus tswm ntuj tswm teb lug tsua puab noog.
Yexu txhais zaaj nplej hab txhauv
36 Yexu txawm tso cov tuabneeg coob coob ntawm tseg mas nwg moog huv tsev. Nwg cov thwjtim txawm lug has tsua nwg has tas, thov koj txhais zaaj pev lug kws koj has txug cov txhauv huv daim teb ntawm tsua peb noog saib lub ntsab yog le caag. 37 Yexu qha tas, tug kws tseb cov noob nplej zoo yog Tuabneeg Leej Tub. 38 Daim teb ntawm yog lub nplajteb nuav. Cov noob nplej zoo, yog cov tuabneeg kws Vaajtswv kaav lawm. Cov txhauv, yog cov tuabneeg kws Daab Ntxwg Nyoog kaav. 39 Hab tug yeeb ncuab kws tuaj tseb cov noob txhauv tub yog Daab Ntxwg Nyoog ntaag. Lub caij hlais yog lub swmhawm kws nplajteb nuav kawg. Cov kws hlais yog cov tubkhai sau ntuj. 40 Ua le hov puab muab cov txhauv sau moog pov hlawv le caag, mas thaus lub nplajteb kawg yuav zoo ib yaam nkaus le ntawm. 41 Tuabneeg Leej Tub yuav khaiv nwg cov tubkhai sau ntuj tawm moog muab cov tuabneeg kws ua tsua lwm tug yuam kev ua txhum, hab muab cov tuabneeg ua phem huv tuab sw tawm huv cov tuabneeg kws Vaajtswv kaav lawm, 42 coj moog pov tsua huv ntuj tawg kws cig hlub hlub. Qhov ntawm puab yuav quaj qw qes nav quas qawv. 43 Thaus ntawm Vaajtswv cov tuabneeg yuav nyob huv leej txwv lub tebchaws mas puab yuav ci ntsaa quas ab ib yaam le lub nub. Yog leejtwg muaj qhov ntsej ca le khaws zaaj nuav ca.
Hub nyaj kws faus ca
44 Qhov kws Vaajtswv lug kaav tuabneeg lub sab pev ib yaam le ib hub nyaj kws faus zais tsua huv ib daim teb, mas muaj ib tug moog khawb pum tes nwg txawm muab aav npoog zoo zoo le qub ca. Nwg zoo sab kawg le nwg rov moog muab nwg lub cuab txhaj cuab taam muag taag huvsw mas coj cov nyaj moog yuav daim teb hov.
Tug tub luam nrhav pov hum
45 Hab qhov kws Vaajtswv lug kaav tuabneeg lub sab pev ib yaam le ib tug tub luam moog nrhav tej pov hum tswm txaj. 46 Thaus nwg nrhav pum ib lub pov hum tswm txaj dua tej huvsw, nwg txawm rov moog muab nwg lub cuab txhaj cuab taam muag taag nrho mas coj nyaj moog yuav lub pov hum ntawm.
Vaag ntaus ntseg
47 Hab qhov kws Vaajtswv lug kaav tuabneeg lub sab mas pev ib yaam le lub vaag kws tub muab ntaus ntseg tsua huv hav txwv. 48 Thaus lub vaag maag tau ntseg ntau ntau lawm, mas cov tuabneeg muab ntseg txawm nqug lub vaag lug tsua tim ntug mas nyob quas tsawg xaiv cov zoo ntim tsua huv tawb, huas cov kws tsw muaj nqe puab muab laim pov tseg. 49 Thaus lub swmhawm kawg, nplajteb yuav zoo ib yaam le ntawm ntaag. Cov tubkhai sau ntuj yuav tawm moog muab cov tuabneeg kws ua phem rhu tawm huv cov tuabneeg zoo huvsw moog. 50 Mas coj moog pov tsua huv ntuj tawg kws cig hlub hlub. Puab yuav quaj qw qes nav quas qawv qhov ntawm.
Txuj1ug qha tshab hab qub
51 Yexu nug cov thwjtim has tas, mej to taub tej kws qha nuav lawm los. Puab teb has tas, awj, peb to taub lawm lauj. 52 Yexu txawm has tsua puab has tas, yog le ntawm txhua tug xwbfwb qha Vaajtswv kevcai kws tub ca Vaajtswv kaav puab lub sab lawm, puab zoo ib yaam le tug tswv tsev kws rhu nwg tej hov txhua chaw cov qub hab cov tshab huv nwg chaav tsev lug swv.
Cov tuabneeg Naxale tsw fwm Yexu
53 Thaus Yexu qha tej zaaj pev lug nuav taag lawm, nwg txawm tawm hov ntawm mas rov moog nraag nwg lub moos. 54 Nwg moog qha huv puab lub tsev sablaaj, mas cov tuabneeg kws nov nwg qha xaav tsw thoob. Puab sws thaam has tas, nwg tau tej tswvyim nuav hov twg lug. Hab ua caag nwg yuav ua tau tej txujci tseem ceeb nuav. 55 Nwg yog tug kws ntoo tug tub sub mab, nwg nam tub yog Maivlag ne, hab nwg cov kwv tub yog Yakaupau, Yauxej, Ximoo hab Yuta puab ne. 56 Nwg cov muam puav leej nyob huv lub moos nuav los sas. Nwg tsua tau tej fwjchim ntawm hov twg lug. 57 Puab cov hov tsw ntseeg hab tsw fwm Yexu mas Yexu txha has tsua puab tas, tej tuabneeg ob caag puav leej fwm tug xwbfwb kws cev Vaajtswv lug, tsuas yog cov tuabneeg kws nyob huv nwg lub zog hab nwg tsev tuabneeg txha tsw fwm nwg xwb. 58 Yexu tsw tau ua tej txujci tseem ceeb ntau pes tsawg tsua hov ntawm vem yog puab tsw ntseeg.
Helauj tua Yauhaa
1 Thaus lub swmhawm hov tug num Helauj kws kaav Kalilai tebchaws nov Yexu lub moo. 2 Tes Helauj txawm qha tsua nwg cov num yau has tas, tug nuav yeej yog tug Yauhaa kws coj tuabneeg ua kevcai raus dej, nwgnuav nwg tub sawv huv qhov tuag rov lug lawm, mas nwg txha ua tau tej txujci tseem ceeb nuav. 3 Yaav tom ntej Helauj tau khaiv tuabneeg moog nteg Yauhaa khi coj moog kaw tsua huv tsev loj faaj. Helauj ua le hov tsua qhov yog Helauj yuav Helautiya kws yog Helauj tug kwv Fili tug quaspuj lug ua nwg quaspuj. 4 Mas Yauhaa pheej qha Helauj has tas, qhov kws koj yuav koj tug kwv tug quaspuj, txhum lawm. 5 Helauj xaav tua Yauhaa kuas Helauj ntshai cov Yutai, tsua qhov suavdawg ntseeg has tas, Yauhaa yog ib tug xwbfwb kws cev Vaajtswv lug. 6 Mas muaj ib nub Helauj ua ib rooj noj ncu txug nub kws yug Helauj. Mas nub hov Helautiya tug ntxhais txawm tawm lug laav voov tsua suavdawg saib mas Helauj zoo sab kawg. 7 Helauj txawm cog lug tsua tug ntxhais has tas, yog koj thov yaam twg kuv yuav muab yaam ntawm tsua koj. 8 Tug ntxhais txawm moog thov Helauj lawv le nwg nam qha tsua nwg has tas, koj ca le muab tug Yauhaa kws coj tuabneeg ua kevcai raus dej lub taubhau tso tsua huv lub vaab nqaa lug tsua kuv ntawm nuav. 9 Helauj ntxhuv sab kawg le, kuas vem yog nwg tau cog lug taab meeg tsua suavdawg lawm, Helauj txha ua lawv le tug ntxhais thov. 10 Tes Helauj txawm khaiv tuabneeg moog txav Yauhaa cej daab huv tsev loj faaj. 11 Puab muab Yauhaa lub taubhau tso tsua huv lub vaab nqaa lug tsua tug ntxhais, tes tug ntxhais nqaa moog tsua nwg nam. 12 Mas Yauhaa cov thwjtim txawm tuaj muab Yauhaa lub cev coj moog log. Tes cov thwjtim txha moog qha tsua Yexu paub.
Yexu yug tswb txheeb leej
13 Thaus Yexu nov has tas, Yauhaa tuag lawm, Yexu txawm caij nkoj tawm hov ntawm moog. Nwg tuab leeg yuav moog tim ib qhov chaw kws tsw muaj tuabneeg nyob. Thaus cov tuabneeg nov has tas, Yexu moog qhov ntawm lawm, puab txawm tawm huv puab tej moos taug ntug dej lawv Yexu qaab. 14 Thaus Yexu tawm huv lub nkoj lug nwg pum muaj tuabneeg coob coob, Yexu hlub puab, mas nwg khu cov tuabneeg muaj mob kws puab coj tuaj txhua tug zoo huvsw. 15 Thaus yuav tsaus ntuj Yexu cov thwjtim lug has tsua Yexu has tas, tub yuav tsaus ntuj, ntawm nuav tsw muaj mov, thov koj tso suavdawg moog nrhav yuav mov tom tej zog noj. 16 Yexu has tsua puab has tas, tsw taag yuav tso puab moog. Mej ca le muab mov tsua puab noj los maj. 17 Cov thwjtim teb Yexu has tas, peb muaj tswb lub ncuav hab ob tug ntseg nyob ntawm nuav xwb. 18 Yexu txawm has tas, ca le muab lug tsua kuv. 19 Yexu kuas cov tuabneeg suavdawg nyob quas tsawg ntawm cov nyom, Yexu txawm muab tswb lub ncuav hab ob tug ntseg ntawm lug, tes nwg txawm tsaa muag saib sau ntuj mas ua Vaajtswv tsaug. Thaus nwg ua Vaajtswv tsaug taag nwg txawm muab cov ncuav ndais cev tsua nwg cov thwjtim coj moog faib tsua suavdawg noj. 20 Txhua tug puav leej noj tsau huvsw. Cov thwjtim moog khaws cov ncuav kws suavdawg noj tsw taag tau kaum ob tawb npoob miv puv nkaus. 21 Cov tuabneeg kws noj ncuav nub hov suav cov quasyawg xwb kwvlaam muaj tswb txheeb leej, tsw suav cov quaspuj mivnyuas.
Yexu moog kwtaw sau nplaim dej
22 Dhau hov ntawm Yexu kuas cov thwjtim nee nkoj caij ua ntej hlaa hav txwv moog saab tim u. Thaus puab moog lawm Yexu txawm kuas cov tuabneeg suavdawg rov moog tsev. 23 Thaus Yexu kuas suavdawg rov moog tsev taag lawm, Yexu tuab leeg nee moog thov Vaajtswv peg roob. Thaus tsaus ntuj lawm Yexu tuab leeg nwg tseem nyob nwg peg roob. 24 Thaus hov cov thwjtim tub caij nkoj moog txug ib nraab hav txwv lawm. Mas dej ndaas tej nam nthwv tuaj raug lub nkoj tsua qhov yog cua ntsawj tom hauv ntej tuaj. 25 Thaus qab yuav qua thawj tswg Yexu lug kwtaw sau nplaim dej lug cuag cov thwjtim. 26 Thaus puab pum Yexu lug kwtaw sau nplaim dej, puab poob sab ntshai kawg le hab puab qw zum quas zawg has tas, yog puj ntxoog xwb lauj. 27 Taamswm ntawm Yexu txawm has tsua puab has tas, ua caag mej yuav ntshai ua luaj le. Tsw xob ntshai tub yog kuv ntaag. 28 Pestus txawm has tas, tug Tswv saib yog koj tag, mas thov koj ua kuas kuv moog tau sau nplaim dej tuaj cuag koj hab. 29 Yexu teb tas, tuaj maj. Pestus txawm tawm plawg huv nkoj tsuj dej moog yuav cuag Yexu. 30 Kuas thaus Pestus pum cua ntsawj hlub hlub nwg ntshai kawg le, tes nwg txawm tog zog tsua huv dej, nwg hu nrov nrov has tas, tug Tswv, paab kuv lauj. 31 Taamswm hov Yexu txawm cev hlo teg moog tuav nkaus Pestus mas has tas, ua caag koj kev ntseeg yuav tsawg ua luaj le. Ua caag koj tsw tso sab. 32 Thaus Yexu ob tug nee moog huv lub nkoj tes cua txawm tug lawm. 33 Cov thwjtim kws nyob huv nkoj txawm qhau cev zum zawg pe Yexu, hab puab has tas, koj yog Vaajtswv tug tub tag tag le lauj.
Yexu khu cov mob huv lub moos Khenexale
34 Yexu hab Yexu cov thwjtim hlaa hav txwv moog txug tim lub moos Khenexale, puab nreg nkoj ntawm ntug dej. 35 Cov tuabneeg kws nyob huv lub moos ntawm paub has tas, yog Yexu, tes puab txawm khaiv tuabneeg moog qha cov tuabneeg muaj mob kws nyob ib ncig lub moos ntawm, tes puab txawm coj tej tuabneeg muaj mob tuaj cuag Yexu. 36 Puab thov Yexu has tas, ca cov kws mob kov Yexu lub qaab tsho xwb, tes txhua tug kws kov puav leej zoo huvsw.
Puj koob yawm koob txuj1ug qha
1 Dhau hov ntawm cov Falixai hab cov xwbfwb qha Vaajtswv kevcai tuaj nraag lub nroog Yeluxalee tuaj cuag Yexu, mas puab nug Yexu has tas, 2 ua le caag koj cov thwjtim tsw ua lawv le txujlug qha kws peb puj koob yawm koob ib txwm qha tsua peb lug lawm. Koj cov thwjtim tsw xub ntxuav teg lawv le kevcai tsaiv le maav noj mov. 3 Yexu teb has tas, ua le caag mej ua lawv le mej txujlug qha xwb, mej tsua tsw ua lawv le Vaajtswv txujlug qha. 4 Vaajtswv has tas, koj yuav tsum fwm koj nam koj txwv. Hab has tas, yog leejtwg tshev nwg nam nwg txwv tsw zoo, tes muab tug hov tua pov tseg. 5 Kuas lawv le mej qha mas yog leejtwg muaj ib yaam daabtsw kws yuav muaj qaabhau tsua nwg nam nwg txwv, mas nwg txawm has tsua nwg nam nwg txwv has tas, yaam nuav kuv tub muab pub tsua Vaajtswv lawm, 6 lawv le mej qha mas kuj tsw taag tug hov yuav fwm nwg nam nwg txwv lawm. Qhov kws mej ua lawv le mej txuj1ug qha nuav kuj yog mej ua tsua Vaajtswv txujlug tsw tseem ceeb lawm. 7 Cov nam tuabneeg sab phem, thaus xwbfwb Yaxaya kws cev Vaajtswv lug, has txug mej nwg qha tseeb tag. Nwg qha tas, 8 Vaajtswv has tas, cov tuabneeg nuav lub ncauj fwm kuv, kuas puab lub sab tsw npuab kuv. 9 Qhov kws puab pe kuv tsw muaj qaabhau daab- tsw le, tsua qhov puab muab tuabneeg tej lug, lug qha ib yaam le yog Vaajtswv txujlug ntaag.
Yaam kws ua tsua tuabneeg txhum
10 Yexu txawm hu cov tuabneeg coob coob lug cuag nwg mas nwg has tsua puab has tas, ua tuab zoo noog kuas to taub tej lug kws kuv qha. 11 Tsw yog yaam kws moog huv tuabneeg lub qhov ncauj yuav ua tsua tuabneeg txhum, kuas yog yaam kws has tawm huv tuabneeg lub qhov ncauj lug txha ua tsua tuabneeg txhum xwb. 12 Thaus ntawm Yexu cov thwjtim lug has tsua Yexu has tas, koj tsw paub los. Tej lug kws koj has ntawm tub ua tsua cov Falixai chim kawg le. 13 Yexu teb has tas, txhua tsob ntoo kws tsw yog kuv txwv tug kws nyob sau ntuj cog, tes yuav tsum muab rhu huvsw pov tseg. 14 Puam chawj puab los maj. Puab yog cov thawj kws dig muag. Yog ib tug dig muag coj ib tug dig muag kev tes ob tug ob leeg yeej yuav poob qaab kev xwb. 15 Pestus txawm has tas, thov koj txhais zaaj pev lug nuav tsua peb noog saib yog le caag. 16 Yexu has tsua cov thwjtim has tas, mej kuj tsw to taub ib yaam nkaus le puab hab los. 17 Mej tsw paub los. Yaam kws moog huv tuabneeg lub qhov ncauj yaam ntawm moog huv plaab hab tawm dhau lawm xwb. 18 Kuas yaam kws has tawm huv tuabneeg lub qhov ncauj lug txha ua tsua tuabneeg txhum. 19 Tsua qhov tej lug phem los yog, tua tuabneeg los yog, ntxag luas quaspuj quasyawg los yog, ua nkauj ua nraug los yog, ua tub saab los yog, rhuav lwm tug ntsej muag los yog, tej nuav puav leej yog tawm huv tuabneeg lub sab lug. 20 Tej nuav laub txha ua tsua tuabneeg txhum, kuas qhov kws tsw xub ntxuav teg le maav noj mov lawv le puab has hov yeej ua tsw tau tsua tuabneeg txhum.
Tug quaspuj Khana-aa kev ntseeg
21 Yexu txawm tawm hov ntawm moog peg lub tebchaws kws nyob ze lub moos Tulau hab lub moos Xitoo. 22 Muaj ib tug quaspuj kws yog tuabneeg Khana-aa nwg nyob lub tebchaws hov, nwg tuaj cuag Yexu, nwg thov Yexu has tas, Tavi tug tub, thov koj hlub kuv lauj. Kuv tug ntxhais raug daab, nwg txom nyem kawg le. 23 Kuas Yexu tsw teb tug quaspuj hov ib lus le. Yexu cov thwjtim txawm lug has tsua Yexu tas, nwg pheej lawv peb qaab hab hu nrov nrov le lawm, koj ca le kuas nwg rov moog tsev. 24 Tes Yexu txawm has tas, Vaajtswv tsuas khaiv kuv lug nrhav cov Yixayee, kws zoo le paab yaaj kws pluj lawm xwb. 25 Thaus tug quaspuj nov le hov nwg txawm txaav lug qhau cev hlo ntawm Yexu kwtaw mas has tas, xwbfwb, thov koj paab kuv los maj. 26 Yexu has tas, tsw tswm nyog yuav muab mivnyuas tej mov pov tsua dev noj. 27 Tug quaspuj txawm teb has tas, ^og los maj xwbfwb, kuas txawm yog dev los tseem tau noj tej nyuas mov kws poob sau tug tswv lub rooj lug tsua huv aav hab. 28 Yexu txawm teb tug quaspuj hov has tas, koj yog ib tug quaspuj kws muaj kev ntseeg heev. Koj yeej yuav tau lawv le koj thov lawm. Tes taamswm hov nwg tug ntxhais txawm zoo hlo lawm.
Yexu khu tuabneeg coob coob
29 Yexu txawm tawm hov ntawm taug ntug hav txwv Kalilai moog. Yexu nee moog nyob peg ib lub roob. 30 Muaj tuabneeg coob coob tuaj cuag Yexu. Puab coj tej tuabneeg qhuav teg qhuav taw, tej tuabneeg dig muag, tej tuabneeg ceg tawv, tej tuabneeg has tsw tau lug, hab coj tej tuabneeg kws muaj mob ntau leej tuaj tso tsua ntawm Yexu kwtaw. Tes Yexu txawm khu puab txhua tug zoo huvsw. 31 Thaus suavdawg pum tej tuabneeg kws has tsw tau lug has tau lug lawm, tej tuabneeg ceg tawv zoo lawm, tej tuabneeg qhuav teg qhuav taw moog tau kev lawm, hab tej tuabneeg dig muag pum kev lawm, tes suavdawg phemfwj kawg le, puab txawm qhuas cov Yixayee tug Vaajtswv.
Yexu pub mov tsua plaub txheeb leej noj
32 Yexu txawm hu nwg cov thwjtim lug, mas nwg has tsua puab has tas, kuv hlub cov tuabneeg nuav, vem puab tuaj nrug kuv nyob tau peb nub, mas nwgnuav puab tsw muaj daabtsw noj lawm. Peb tsw tau muab daabtsw tsua puab noj, kuv tsw xaav kheev puab moog tsev ntshai tsaam puab yuav moog qaug tshaib tom tej ntog kev. 33 Cov thwjtim nug Yexu has tas, ntawm nuav yog tebchaws moj saab qhua xwb, ais peb yuav moog nrhav mov hov twg lug txaus cov tuabneeg nuav noj. 3^ Yexu nug cov thwjtim has tas, mej muaj pes tsawg lub ncuav. Puab teb tas, peb muaj xyaa lub ncuav hab muaj ob peb tug ntseg miv miv xwb. 35 Yexu txawm has kuas cov tuabneeg suavdawg nyob quas tsawg huv peg teb. 36 Tes nwg txawm muab xyaa lub ncuav hab cov ntseg lug ua Vaajtswv tsaug. Thaus nwg ua Vaajtswv tsaug taag lawm, nwg txawm muab ndais cev tsua cov thwjtim coj moog faib tsua suavdawg noj. 37 Txhua tug puav leej noj tsau huvsw. Cov thwjtim moog khaws cov ncuav kws suavdawg noj tsw taag tau xyaa tawb npoob luj puv nkaus. 38 Cov tuabneeg kws noj ncuav nub hov cov quasyawg xwb muaj plaub txheeb leej, tsw suav cov quaspuj hab cov mivnyuas. 39 Thaus Yexu kuas cov tuabneeg suavdawg rov moog tsev taag lawm, Yexu txawm nee nkoj caij moog tim Makataa tebchaws.
Cov tuabneeg xaav pum txujci phemfwj
1 Cov Falixai hab cov Xatukai muaj qee leej tuaj cuag Yexu. Puab xaav swm Yexu, puab txawm thov Yexu ua ib yaam txujci phemfwj tsua puab saib, mas puab txha paub has tas, yog Vaaj tswv khaiv Yexu lug. 2 Kuas Yexu has tsua puab has tas, thaus nub poob mej pum qaab ntug lab lab, mej has tas, pigkig yuav tshaav ntuj laub. 3 Thaus kaaj ntug mej pum hauv ntuj lab ploog hab tsaus nti, mej paub has tas, yuav lug naag. Mej txawj saib fuab saib cua has tas, yuav muaj le nuav le u, kuas tej txujci phemfwj kws naj nub nua muaj lawm, mej tsua tsw paub saib. 4 Yexu txawm has tsua puab has tas, cov tuabneeg tam nuav phem kawg hab tsw ntseeg Vaajtswv. Mej xaav kuas kuv ua ib yaam txujci phemfwj tsua mej saib. Kuv yuav tsw ua, tsuas yog mej yuav pum yaam txujci phemfwj kws muaj tsua Yauna xwb. Thaus nwg has le hov taag nwg txawm tso puab tseg, mas moog lwm qhov lawm.
Falixai hab Xatukai cov keeb
5 Thaus cov thwjtim caij nkoj hlaa hav txwv moog txug saab tim u, puab tsw ncu ntim mov moog. 6 Yexu qha puab has tas, mej yuav tsum ceev faaj cov Falixai hab cov Xatukai tej keeb. 7 Cov thwjtim txawm sws thaam has tas, peb tsw ntim mov tuaj Yexu txha has le ntawm. 8 Yexu tub paub tej kws puab thaam lawm, tes nwg txawm has tas, ua caag mej pheej thaam txug qhov kws mej tsw ntim mov tuaj, ua caag mej kev ntseeg yuav tsawg ua luaj le. 9 Mej pheej tsw tau to taub los. Mej tsw ncu zag kws kuv muab tswb lub ncuav ndais faib tsua tswb txheeb leej noj los. Mej khaws tej kws seem tau pes tsawg tawb npoob. 10 Hab zag kws kuv muab xyaa lub ncuav ndais faib tsua plaub txheeb leej noj, mej khaws tej kws seem tau pes tsawg tawb npoob. 11 Ua caag mej tsw to taub zaaj kws kuv qha tsua mej, kuv tub tsw tau has txug mov los sav, kuas kuv has tas, mej yuav tsum ceev faaj cov Falixai hab cov Xatukai tej keeb. 12 Mas thaus hov cov thwjtim txha to taub has tas, Yexu tsw tau qha kuas puab ceev faaj tej keeb kws muab xyaw ncuav, yog nwg qha kuas puab ceev faaj cov Falixai hab cov Xatukai tej lug qha.
Pestus has tas, Yexu yog tug Cawmseej
13 Yexu txawm moog peg lub tebchaws kws nyob ze ze lub moos Xixaleya Filipi. Thaus nwg nyob hov ntawm nwg nug cov thwjtim has tas, suavdawg has tas, Tuabneeg Leej Tub yog leejtwg. 14 Puab teb has tas, muaj qee leej has tas, nwg yog tug Yauhaa kws coj tuabneeg ua kevcai raus dej. Kuas qee leej has tas, nwg yog Eliya, qee leej has tas, nwg yog Yelemi, lossws yog ib tug xwbfwb kws cev Vaajtswv lug. 15 Yexu rov nug puab has tas, ua le mej ne mej yuav has tas, kuv yog leejtwg. 16 Ximoo Pestus teb has tas, koj yog Vaajtswv tug kws muaj txujsa nyob leej tub kws Vaajtswv tsaa lug ua Cawmseej. 17 Yexu has tsua nwg has tas, Ximoo, Yauhaa tug tub, koj moov zoo kawg. Tej lug nuav tsw yog tuabneeg qha tsua koj, kuas yog kuv txwv kws nyob sau ntuj ceeb tsheej qha tsua koj. 18 Yog le ntawm kuv qha tsua koj has tas, koj zoo le lub pob zeb nav Pestus, kuv yuav tsaa cov ntseeg Vaajtswv tsua sau lub pob zeb nuav. Txawm yog kev tuag los yuav kov tsw yeej cov ntseeg ntawm. 19 Kuv yuav muab tug yum swj kws qheb rooj ntug tsua koj tuav. Yaam kws koj txwv huv nplajteb nuav, Vaajtswv yuav txwv yaam ntawm sau ntuj ceeb tsheej. Yaam kws koj kheev ua huv nplajteb nuav, Vaajtswv yuav kheev ua yaam ntawm sau ntuj ceeb tsheej. 20 Yexu txawm txwv nwg cov thwjtim has tas, mej tsw xob qha tsua leejtwg paub has tas, kuv yog tug kws Vaajtswv khaiv lug ua tug Cawmseej.
Yexu qha tas nwg yuav raug tswm txom hab tuag
21 Txwj thaus ntawm lug Yexu txawm chiv qha tsua nwg cov thwjtim has tas, kuv yuav tsum moog nraag lub nroog Yeluxalee, mas cov kev txwj quas laug, hab cov pov thawj hlub hab cov xwbfwb qha Vaajtswv kevcai, yuav muab kuv tswm txom hab muab kuv tua nraag, mas peb nub kuv yuav sawv huv qhov tuag rov lug. 22 Tes Pestus txawm coj Yexu tuab leeg moog tsua ib qho mas txwv Yexu has tas, tug tswv, tsw xob kheev kuas muaj le ntawm, koj yeej yuav tsw raug tej nuav ib zag le. 23 Yexu txawm tig lug has tsua Pestus tas, nam Daab Ntxwg Nyoog, koj ca le tswv moog, koj tsw xob taav kuv kev. Tej kws koj xaav kos yog tuabneeg le xwb, tsw yog Vaajtswv le. 24 Yexu txawm qha tsua Yexu cov thwjtim has tas, yog leejtwg xaav nrug kuv moog ua kuv le thwjtim, tug ntawm yuav tsum tswj nwg lub sab, hab naj nub kwv nwg tug ntoo khaublig nrug kuv moog. 25 Tsua qhov tug kws khauv xwm nwg txujsa, tug hov txujsa yuav tu. Kuas tug kws ua kuv teg num es nwg tsw khauv xwm nwg txujsa, tug hov yuav tau txujsa. 26 Yog leejtwg tau ib puas tsaav yaam huv nplajteb nuav huvsw lug ua nwg tug, kuas nwg txujsa tu lawm, nwg yuav tau qaabhau daabtsw. Yeej tsw muaj ib yaam daabtsw kws nwg yuav coj moog pauv tau nwg txujsa rov qaab lug. 27 Thaus Tuabneeg Leej Tub lug nwg yuav muaj leej txwv tug fwjchim ci ntsaa quas ab hab nwg cov tubkhai sau ntuj yuav nrug nwg lug. Thaus hov nwg yuav muab koob meej hab nqe zug tsua txhua tug lawv le teg num kws puab tau ua lug lawm. 28 Kuv qha tseeb tsua mej has tas, cov tuabneeg kws nyob ntawm nuav muaj qee leej tseem tsw tau tuag, puab yuav xub pum Tuabneeg Leej Tub lug ua vaaj ntxwv kaav nwg tsaav tuabneeg.
Yexu lub cev pi hi s hlo
1 Tau rau nub tom qaab Yexu txawm coj Pestus, Yakaupau hab Yakaupau tug kwv Yauhaa puab peb leeg nrug Yexu moog peg ib lub roob sab sab. 2 Thaus puab saamswm saib Yexu, Yexu lub cev txawm pi his hlo, tsw zoo le qub lawm, nwg lub ntsej muag ci ib yaam le lub nub, hab nwg cev rwg tsho dawb dawb ci quas nplaag. 3 Peb tug thwjtim ntawm txawm pum Mauxe hab "Eliya saamswm nrug Yexu thaam. 4 Pestus txawm has tsua Yexu has tas, xwbfwb peb tuaj nyob ntawm nuav zoo kawg le. Yog koj pum zoo kuv yuav ua peb lub tsev pheeb suav tsua ntawm nuav, ib lub tsua koj nyob, ib lub tsua Mauxe nyob hab ib lub tsua Eliya nyob. 5 Thaus Pestus tseem saamswm has lug tsw tau xaus, tes txawm muaj ib tauv fuab ci dawb paug lug roog puab, mas muaj ib lub suab has huv tauv fuab ntawm tuaj has tas, tug nuav yog kuv tug tub kws kuv hlub, nwg ua hum kuv sab. Mej yuav tsum noog nwg lug. 6 Thaus cov thwjtim nov lub suab has le ntawm puab ntshai kawg le puab txawm pw pes ndo tsua huv peg teb. 7 Yexu txawm lug tuav nkaus puab mas has tas, mej ca le sawv tsw xob ntshai. 8 Puab txawm tsaa taubhau saib, ua cav tsw pum leejtwg le tsuas pum Yexu tuab leeg xwb. 9 Thaus puab saamswm nqeg peg roob lug Yexu txawm txwv puab has tas, mej tsw xob qha zaaj kws mej pum hov tsua leejtwg le. Mej yuav tsum tog txug thaus Tuabneeg Leej Tub sawv huv qhov tuag rov lug tsaiv le maav qha. 10 Cov thwjtim txawm nug Yexu has tas, ua caag cov xwbfwb qha Vaajtswv kevcai has tas, Eliya yeej yuav xub lug. 11 Yexu has tas, yog tag Eliya yeej yuav xub lug hab nwg yuav npaaj ib puas tsaav yaam tseg ca. 12 Kuv qha tsua mej has tas, Eliya tub lug lawm kuas puab cov tsw paub has tas, yog Eliya, puab txha ua tsua nwg lawv le puab pum zoo. Puab yuav tswm txom Tuabneeg Leej Tub ib yaam nkaus le hov hab. 13 Cov thwjtim txha to taub has tas, Yexu has le ntawm yog nwg has txug tug Yauhaa kws coj tuabneeg ua kevcai raus dej.
Yexu khu tug mivtub qaug daab peg
14 Thaus Yexu hab Yexu cov thwjtim rov lug tsua ntawm cov tuabneeg coob coob hov, txawm muaj ib tug yawm tuaj txhus caug ndua ntawm Yexu kwtaw, 15 thov Yexu has tas, xwbfwb thov koj hlub kuv tug tub lauj. Nwg qaug daab peg nwg txom nyem kawg le, nwg pheej qaug tsua huv qhov cub hab pheej poob deg. 16 Kuv coj nwg tuaj tsua koj cov thwjtim khu kuas puab khu tsw tau. 17 Yexu teb has tas, cov nam tuabneeg sab tawv hab tsw ntseeg, kuv tseem yuav nrug mej nyob ntev le caag, hab tseem yuav ua sab ntev tsua mej moog txug nub twg. Ca le coj tug mivtub lug tsua kuv saib soj. 18 Yexu ntab nam daab ntawm tes daab txawm tawm lawm. Taamswm hov tug mivtub ntawm txawm zoo hlo lawm. 19 Dhau hov ntawm thaus Yexu tuab leeg nyob xwb, cov thwjtim txawm lug nug Yexu has tas, ua le caag peb ntab tsw tau daab tawm. 20 Yexu teb has tas, tub yog mej tsw muab tsua sau sab ntseeg mej txha ntab tsw tau. Kuv qha tseeb tsua mej has tas, yog mej muaj kev ntseeg luaj le ib lub nyuas noob zaub, tes mej yuav has tsua lub roob nuav tas, ca le txaav ntawm nuav moog lwm qhov, tes lub roob ntawm yeej yuav txaav moog lawv le mej has. Mej yuav ua tau txhua yaam huvsw. (21 Kuas yaam daab nuav mas yuav yog yoo mov thov Vaajtswv txha le ntab tau.)
Yexu rov qaab has txug nwg kev tuag
22 Thaus Yexu hab cov thwjtim tuaj nyob ua ke huv Kalilai tebchaws, Yexu txawm qha tsua puab has tas, yeej yuav muaj tuabneeg nteg Tuabneeg Leej Tub coj moog tsua luas tswm txom, 23 Hab puab yuav muab nwg tua, mas peb nub Vaajtswv yuav tsaa nwg sawv huv qhov tuag rov qaab lug. Cov thwjtim nov Yexu has le ntawm puab ntxhuv sab kawg le.
Them lub tuam tsev se
24 Thaus Yexu hab Yexu cov thwjtim tuaj txug huv lub moos Kapena-00 lawm, cov tuabneeg kws sau se tsua lub tuam tsev, txawm lug nug Pestus has tas, koj tug xwbfwb tsw them se tsua lub tuam tsev los. 25 Pestus teb has tas, them huas. Thaus Pestus moog huv tsev, Yexu txawm xub nug has tas, Ximoo koj xaav le caag. Leejtwg yuav tsum them se tsua tej vaaj ntxwv huv nplajteb nuav. Puab cov tub ki them lossws lwm tug them. 26 Pestus teb has tas, lwm tug them xwb. Yexu txawm has tas, yog le ntawm tes tsw taag cov tub ki yuav them los kaj. 27 Kuas peb tsw xob ua tsua puab tu sab. Koj ca le moog nuv ntseg nraag hav txwv. Thawj tug ntseg kws koj nuv tau koj ca le muab lub qhov ncauj rua, koj yuav pum muaj ib lub nyaj nyob huv, mas koj coj lub nyaj hov moog them ib ob leeg le se.
Leejtwg yuav tau ua tug luj dua ndais
1 Thaus hov cov thwjtim txawm lug nug Yexu has tas, cov tuabneeg kws Vaajtswv kaav lawm leejtwg yog tug kws muaj fwjchim luj dua ndais. 2 Yexu hu ib tug mivnyuas yau lug sawv ntawm cov thwjtim xub ndag, 3 mas Yexu has tas, kuv qha tseeb tsua mej paub has tas, yog mej tsw ntxeev dua mej lub sab kuas zoo le tug mivnyuas yau lub, tes Vaajtswv yeej yuav tsw lug kaav mej lub sab. 4 Tug kws muaj lub sab mog sab muas le tug mivnyuas yau nuav, tug ntawm yuav tau ua tug kws muaj fwjchim luj dua ndais huv cov tuabneeg kws Vaajtswv kaav lawm. 5 Tug kws saib taug tug mivnyuas yau nuav kuj yog tug hov saib taug kuv hab noog kuv lug.
Yaam kws ntxag kuas yug ua txhum
6 Yog leejtwg ua tsua cov mivnyuas yau kws ntseeg kuv nuav ib tug yuam kev ua txhum, tes ca le muab hlua khi ib txhwb nam zeb lug dai tsua tug ntawm cej daab es muab nwg nrum tsua huv hav txwv kuj zoo dua le ca nwg nyob. 7 Lub nplajteb nuav yuav raug kev txom nyem lauj, tsua qhov muaj tej kws ua tsua tuabneeg yuam kev ua txhum. Yeej yuav muaj tej ntawm lug, kuas tug kws ua kuas muaj tej hov mas nwg yuav raug kev txom nyem lauj. 8 Yog koj txhais teg lossws koj txhais kwtaw ua tsua koj yuam kev ua txhum, koj ca le muab txhais ntawm txav pov tseg. Yog koj tu ib saab teg lossws ib saab taw kuas koj tau txujsa mas zoo dua le qhov kws koj muaj teg muaj taw txhwj zog ais koj poob tsua huv ntuj suav tawg kws kub tsw txawj tuag ib txhws le. 9 Hab yog koj ib saab qhov muag ua tsua koj yuam kev ua txhum, koj ca le muab saab qhov muag hov dawj kag pov tseg. Koj muaj ib saab qhov muag xwb, los koj tau txujsa, tes zoo dua le qhov kws koj muaj ob saab qhov muag ais koj poob moog tsua huv ntuj tawg kub.
Tug yaaj kws pluj lawm
10 Mej yuav tsum ceev faaj, tsw xob laam saib tsw taug cov mivnyuas yau nuav ib tug. Kuv qha tsua mej has tas, cov tubkhai sau ntuj kws nyob quas nraim ntawm kuv txwv kws nyob sau ntuj lub xub ndag pheej tsom kwm cov mivnyuas yau nuav. 11 (Qhov kws Tuabneeg Leej Tub lug, yog nwg lug paab cov kws yuam kev lawm kuas rov qaab lug nrhav tau kev.) 12 Mej xaav le caag. Muaj ib tug yawm nwg muaj ib puas tug yaaj, yog ib tug pluj lawm nwg yuav ua le caag. Nwg yeej yuav tso cuaj caug cuaj tug ca peg ib ntaa toj, tes nwg yuav moog nrhav tug kws pluj lawm. 13 Kuv qha tsua mej has tas, thaus nwg nrhav tau lawm nwg zoo sab tsua tug pluj lawm heev dua le nwg zoo sab tsua cuaj caug cuaj tug kws tsw pluj. 14 Ib yaam nkaus le ntawm, mej leej txwv tug kws nyob sau ntuj nwg yeej tsw xaav ca cov mivnyuas yau nuav ib tug puam tsuaj le.
Kwvtij ua txhum kwvtij
15 Yog koj ib tug kwvtij ua txhum tsua koj, koj ca le moog qha nwg qhov txhum tsua nwg thaus meb ob leeg nyob xwb. Yog nwg noog koj has, koj yuav tau nwg rov lug nrug koj ua kwvtij le qub. 16 Kuas yog nwg tsw noog koj has koj ca le moog coj ib ob tug nrug koj moog txha lawv le Vaajtswv txuj1ug kws tau qha tseg has tas, thaus koj moog qha ib tug qhov txhum tsua nwg, koj yuav tsum coj ob peb leeg nrug koj moog ua tim khawv txha tseeb. 17 Kuas yog tug ntawm tsw noog puab has hab, tes ca le moog qha tsua cov ntseeg. Yog nwg tsw noog cov ntseeg has hab, tes mej ca le suav has tas, nwg yog lwm yaam tuabneeg lossws yog ib tug nam tuabneeg sau se. 18 Kuv qha tseeb tsua mej has tas, yaam kws mej txwv huv nplajteb nuav, Vaajtswv yuav txwv yaam ntawm sau ntuj ceeb tsheej. Yaam kws mej kheev ua huv nplajteb nuav Vaajtswv yuav kheev ua yaam ntawm sau ntuj ceeb tsheej. 19 Kuv qha tsua mej has tas, yog mej cov kws nyob huv nplajteb nuav muaj ob leeg ua ib lub sab thov yaam twg, kuv txwv kws nyob sau ntuj yeej yuav pub yaam ntawm tsua ob tug. 20 Yog cov kws ntseeg kuv muaj ob peb leeg tuaj sablaaj huv kuv lub npe hov twg, kuv yeej yuav nrug puab nyob qhov ntawm.
Tug tub qhe kws sab phem
21 Pestus txawm lug nug Yexu has tas, tug tswv, yog kuv muaj ib tug kwvtij pheej ua txhum tsua kuv, kuv yuav tsum zaam nwg lub txem pes tsawg zag. Kuv zaam xyaa zag txaus tsw txaus. 22 Yexu teb has tas, tsw yog xyaa zag xwb, kuas quas txheeb quas pua zag los koj yuav zaam tsua. 23 Qhov kws Vaajtswv lug kaav tuabneeg lub sab pev ib yaam le ib tug vaaj ntxwv kws moog txheeb nwg cov tub qhe tej ntawv saib muaj leejtwg tshuav nwg nqe los tsw muaj. 24 Thaus nwg nyav chiv txheeb cov ntawv ntawm txawm muaj tuabneeg coj ib tug tub qhe kws tshuav vaaj ntxwv nqe ntau vaam daim nyaj lug cuag vaaj ntxwv. 25 Tug tub qhe ntawm tsw muaj nyaj them tes vaaj ntxwv txawm has tas, ca le muab nwg hab nwg quaspuj mivnyuas hab muab ib puas tsaav yaam kws nwg muaj coj moog muag huvsw kuas tau nyaj lug them kuv. 26 Tug tub qhe hov txhus caug ndua ntawm nwg tug tswv kwtaw thov has tas, thov koj ua sab ntev tsua kuv lauj, kuv yuav moog nrhav lug them tsua koj huvsw. 27 Vaaj ntxwv hlub tug tub qhe ntawm tes vaaj ntxwv txawm zaam nwg tej nuj nqe huv tuab sw es tso nwg moog lawm. 28 Thaus tug tub qhe hov tawm moog nwg txawm moog ntswb ib tug tub qhe kws yog puab tuab paab kws ua tuab yaam num. Tug ntawm tshuav nwg nqe ob peb puas npam xwb. Nwg txawm ntsab nkaus tug ntawm muab nyem roj paas kag has tas, koj ca le them cov nqe kws koj tshuav kuv lug tsua kuv taamswm nuav ntaag. 29 Tug ntawm txawm txhus caug ndua thov has tas, thov koj ua sab ntev, kuv yuav moog nrhav lug them tsua koj. 30 Kuas tug tub qhe ntawm tsw yib le, nwg kuas puab nteg tug hov coj moog kaw tsua huv tsev loj faaj txug thaus tug ntawm them nqe taag. 31 Thaus puab paab tub qhe ntawm pum nwg ua le hov, tes puab chim heev puab txha moog qha zaaj hov huvsw tsua vaaj ntxwv. 32 Vaaj ntxwv txawm hu tug tub qhe ntawm tuaj cuag nwg mas tshev tas, nam dev lwj kos, koj thov kuv es kuv tub zaam tej nuj nqe kws koj tshuav kuv huv tuab sw tsua koj lawm, 33 mas tswm nyog koj yuav hlub tug tub qhe kws nrug koj ua num, ib yaam le kuv tub hlub koj lawm. 34 Vaaj ntxwv chim heev nwg txawm kuas puab muab tug tub qhe hov coj moog kaw tsua huv tsev loj faaj moog txug nub kws nwg them nqe taag. 35 Yexu txawm xaus lug has tas, yog mej ib leeg tsw zaam txem tsua ib leeg tag tag, mas kuv txwv kws nyob sau ntuj ceeb tsheej yuav ua ib yaam nkaus le hov tsua mej hab.
Yexu qha txug kev sws nrauj
1 Thaus Yexu qha tej ntawm taag lawm, nwg txawm tawm huv Kalilai tebchaws moog nraag Yutai tebchaws saab ntug dej Yalatee tim u. 2 Muaj tuabneeg coob coob nrug nwg moog, hab nwg khu cov tuabneeg kws muaj mob hov ntawm txhua tug zoo huvsw. 3 Muaj cov Falixai qee leej tuaj cuag Yexu, puab xaav swm saib Yexu yuav has txhum tsw txhum, puab txawm nug Yexu has tas, yog ib tug quaspuj ua tsw hum nwg tug quasyawg sab, tsw has txhum luj txhum yau los yog, tug quasyawg ca le muab nrauj lawm mas txhum Vaajtswv kevcai los tsw txhum. 4 Yexu teb has tas, mej tsw tau nyeem Vaajtswv phoo ntawv los, zaaj kws has tas, thaus chiv keeb Vaajtswv tau tswm quasyawg hab quaspuj. 5 Hab has tas, tub yog vem le nuav tug tub txha tso nwg nam nwg txwv tseg es nrug nwg tug quaspuj nyob ua ke, ob tug ob leeg yuav koom ua ib lub cev. 6 Ob tug tsw yog ob leeg lawm, kuas yog ib leeg xwb, Vaajtswv tub muab ob tug lug ua ke lawm, yog le ntawm tuabneeg tsw xob muab ob tug cais. 7 Cov Falixai rov nug Yexu has tas, yog le ntawm ua caag Mauxe tsua has tas, yog tug quasyawg ua ntawv nrauj tsua tug quaspuj, tes nrauj tau. 8 Yexu teb has tas, tog Mauxe kheev mej nrauj quaspuj los tub yog vem mej tawv ncauj, tsw muaj tuabneeg has tau le. Kuas thaus chiv keeb yeej tsw muaj le ntawm. 9 Kuv qha tsua mej has tas, yog leejtwg tug quaspuj tsw tau moog deev hluas nraug, nwg ca le muab nrauj lawm, yog nwg moog yuav dua quaspuj tshab kuj yog nwg ua txhum, tsua qhov yog nwg ntxag luas puj luas sev xwb. Hab yog leejtwg yuav tug puj nrauj ntawm lug ua quaspuj kuj txhum ib yaam le nwg ntxag luas puj luas sev. 10 Cov thwjtim txawm has tsua Yexu has tas, yog yuav quaspuj yuav quasyawg los zoo le ntawm, tes tsw xob yuav kuj zoo dua los paub. 11 Yexu teb has tas, tsw yog txhua tug yuav ua tau lawv le txujlug qha nuav, kuas yog cov kws Vaajtswv pub tsua ua txha le ua tau xwb. 12 Muaj qee leej tsw yuav quaspuj tsua qhov yog nwg lub cev puag thaus nruab thab lug lawm es nwg tsw xwb tsua quaspuj, muaj qee leej tsw yuav, tsua qhov yog muaj tuabneeg muab nwg saam lawm, hab muaj qee leej tsw xaav yuav quaspuj tsua qhov nwg xaav ua Vaajtswv teg num. Yog leejtwg ua tau lawv le txujlug qha nuav, tes ca le khaws coj.
Yexu foom moov tsua cov mivnyuas
13 Muaj tuabneeg coj puab tej mivnyuas tuaj thov Yexu muab teg plhw taubhau hab foom moov zoo tsua cov mivnyuas, kuas cov thwjtim tshev cov tuabneeg hov. 4 Kuas Yexu has tas, ca le tso cov mivnyuas ntawm lug cuag kuv, tsw xob txwv puab, tsua qhov Vaajtswv yoojyim kaav cov mivnyuas yau le nuav lub sab, cov tuabneeg kws Vaajtswv kaav lawm yog cov kws muaj lub sab mog sab muas ib yaam le cov mivnyuas yau nuav. 15 Tes thaus Yexu cev teg plhw cov mivnyuas ntawm taubhau hab foom moov zoo taag tsua puab Yexu txawm tawm qhov ntawm lawm.
Tug hluas nplua nuj
16 Muaj ib zag muaj ib tug quasyawg tuaj cuag Yexu, mas nug Yexu has tas, xwbfwb, kuv yuav tsum ua zoo le caag hab, kuv txha tau txujsa ntev moog ib txhws tsw kawg. 17 Yexu teb has tas, ua le caag koj nug kuv has txug yaam kws zoo. Tug kws zoo yeej muaj tuab tug xwb. Yog koj xaav tau txujsa koj yuav tsum coj lawv le Vaajtswv kevcai. 18 Tug hov rov nug Yexu tas, ua le ais yog nqai twg. Yexu teb has tas, yog nqai kws has tas, tsw xob tua tuabneeg, tsw xob ntxag luas quaspuj luas quasyawg, tsw xob ua tub saab, tsw xob has daag, 19 yuav tsum fwm koj nam koj txwv, hab yuav tsum hlub kwvtij zej zog ib yaam le koj hlub koj lub cev. 20 Tug hluas ntawm txawm teb has tas, tej nqai kws koj has kos kuv tub coj txhua nqai huv tuab sw lug lawm. Kuv tseem yuav ua yaam twg hab. 21 Yexu has tsua nwg has tas, yog koj xaav ua tug kws zoo kawg nkaus koj ca le rov moog muab koj tej hov txhua chaw muag huv tuab sw es muab cov nyaj hov faib tsua cov tuabneeg pluag tes koj txha le muaj nyaj txag hov txhua chaw nyob sau ntuj , tes koj le nrug kuv moog ua kuv le thwjtim. 22 Thaus tug hluas ntawm nov Yexu has le hov taag, tes nwg txawm tawm lawm. Nwg ntxhuv sab kawg le tsua qhov nwg yeej yog ib tug tuabneeg nplua nuj. 23 Yexu txawm qha tsua Yexu cov thwjtim has tas, kuv qha tseeb tsua mej tas, yog ib tug tuabneeg nplua nuj yuav ca Vaajtswv kaav nwg lub sab mas ceblaaj kawg le. 24 Kuv qha tsua mej tas, ib tug ntxhuav nkaag qhov koob tseem yoojyim dua le ib tug tuabneeg nplua nuj lug ua Vaajtswv le tuabneeg. 25 Thaus cov thwjtim nov le hov puab xaav tsw thoob le. Puab txawm nug has tas, yog le ntawm leejtwg yuav dim tau. 26 Yexu txawm tsaa qhov muag saib puab mas has tas, tuabneeg ua tsw tau, kuas Vaajtswv yeej ua tau ib puas tsaav yaam huvsw. 27 Tes Pestus txawm has tas, xwbfwb, peb tub tso ib puas tsaav yaam tseg es nrug koj tuaj txug taav nuav, ais peb yuav tau daabtsw. 28 Yexu has tsua puab has tas, kuv qha tseeb tsua mej has tas, thaus Tuabneeg Leej Tub nyob sau lub zwm txwv kws ci ntsaa quas ab huv lub nplajteb tshab, mej kaum ob leeg kws nrug kuv tuaj nuav yuav tau nyob sau tej rooj, es txav txem tsua kaum ob xeem tuabneeg Yixayee. 29 Hab txhua tug kws tso vaaj tso tsev, tso kwv tso tij, tso nkauj tso muam tseg, hab tso nam tso txwv tso tub tso kiv, tso laj tso teb tseg, vem nwg xaav ua kuv teg num, tug ntawm yuav tau tshaaj cov kws nwg muab tso tseg lawm ib puas npaug, hab nwg yuav tau txujsa ntev moog ib txhws tsw kawg. 30 Kuas muaj ntau tug kws nwgnuav ua cov thawj, cov hov yuav rov moog nyob tom tw. Hab cov kws nwgnuav nyob tom tw, yuav tau lug ua cov thawj.
Cov tub zug kws tu lub vaaj
1 Qhov kws Vaajtswv lug kaav tuabneeg lub sab pev ib yaam le ib tug tswv vaaj kws sawv ntxuv moog nrhav zug tuaj tu nwg lub vaaj txwv maab. 2 Nwg has hum lawv le kws txeev ndav ib nub ib txaj thes, tes nwg txawm kuas cov tub zug hov moog tu nwg lub vaaj. 3 Thaus taav tshais nwg rov moog tom kab, nwg pum ib cov tuabneeg sawv ncig yuj yeev tsw muaj num daabtsw ua. 4 Nwg txawm has tsua puab has tas, mej ca le moog tu kuv lub vaaj kuv yuav muab nqe zug kuas tswm nyog tsua mej. Puab txawm moog ua lawm. 5 Thaus taav su hab thaus nub qaij nwg kuj ua ib yaam nkaus le thawj ob zag kws nwg tau ua lug lawm hab. 6 Thaus nub taj quas lag yuav tsaus ntuj, nwg rov moog tom kab nwg pum ib cov tuabneeg sawv ncig yuj yeev ntawm, tes nwg txawm has tsua puab has tas, ua le caag mej tuaj nyob ib nub dawb dawb ntawm nuav tsw ua num daabtsw le. 7 Puab teb has tas, tub tsw muaj tuabneeg ndav peb nev. Nwg txha le has tsua puab has tas, mej ca le moog tu kuv lub vaaj hab. 8 Thaus tsaus ntuj lawm tug tswv vaaj has tsua tug kws saib cov tub zug hov has tas, koj moog hu cov tub zug lug es them nqe zug tsua puab. Koj xub muab tsua cov kws tuaj ua qaab tsaiv le maav muab tsua cov kws xub tuaj. 9 Cov kws tuaj ua num thaus nub tub taj quas lag lawm puab ib leeg tau ib thes. 10 Thaus cov kws xub tuaj lug, puab xaav has tas, nyab puab yuav tau ntau dua cov kws tuaj tom qaab, kuas puab ib leeg kuj tau ib thes hab xwb. 11 Thaus muab nyaj tsua puab taag lawm, puab txawm ywg ywg tsua tug tswv vaaj has tas, 12 cov kws tuaj ua num thaus nub taj quas lag puab nyav ua ib nyuas plag xwh. Peb tiv tshaav ntuj ua num ib nub tsaus ntuj, koj tsuas muab tsua peb npaum le kws muab tsua puab xwb. 13 Tug tswv vaaj teb ib tug has tas, npawg , tsw yog kuv ua tsw ncaaj tsua koj. Koj tub zoo sab ua ib nub ib thes lawm los sas. 14 Koj ca le coj koj thes nyaj es moog tsev. Kuv zoo sab muab tsua tug kws tuaj tom qaab npaum le kws kuv muab tsua koj. 15 Kuv tsw muaj cuab kaav muab kuv tej nyaj swv lawv le kuv pum zoo los. Koj pum kuv ua sab dawb ais koj txawm khib los. 16 Yexu txawm has tas, yog le ntawm cov kws nwgnuav nyob tom tw yuav tau lug ua cov thawj, hab cov kws nwgnuav ua cov thawj, cov ntawm yuav rov moog nyob tom tw.
Yexu rov qha txug nwg kev tuag zag peb
17 Thaus Yexu saamswm moog peg lub nroog Yeluxalee, mas nwg coj kaum ob tug thwjtim moog tsua ib qho, mas nwg qha has tas, 18 mej ua tuab zoo noog ov, peb saamswm moog peg lub nroog Yeluxalee. Qhov ntawm yuav muaj tuabneeg nteg Tuabneeg Leej Tub moog tsua cov pov thawj hab cov xwbfwb qha Vaajtswv kevcai mas puab cov ntawm yuav nrhav txem tsua nwg hab coj nwg moog tua pov tseg. 19 Puab yuav muab nwg tsua lwm haiv tuabneeg mas lwm haiv tuabneeg yuav thuaj hab saib tsw taug nwg, yuav muab nwg nplawm hab muab nwg teem tsua sau ntoo khaublig, mas peb nub Vaajtswv yuav tsaa nwg sawv huv qhov tuag rov qaab lug.
Yakaupau hab Yauhaa nam thov Yexu paab nwg ob tug tub
20 Xepetai tug quaspuj coj nwg ob tug tub tuaj cuag Yexu. Nwg txhus caug ndua ntawm Yexu kwtaw mas thov Yexu paab nwg ob tug tub. 21 Yexu nug nwg has tas, koj xaav kuas kuv paab koj ob tug tub le caag. Nwg teb has tas, thov koj cog lug tseg tsua kuv has tas, thaus koj lug ua vaaj ntxwv lawm, koj yuav pub kuv ob tug tub ib tug nyob ntawm koj saab xws, ib tug nyob ntawm koj saab phem. 22 Yexu txawm teb has tas, yaam kws meb thov ntawm meb tsw nkaag sab. Sub meb nim nyaj taug tej kev tswm txom kws kuv yuav raug. 0b tug teb has tas, taug xwb los maj. 23 Yexu has tsua ob tug has tas, meb yeej yuav raug kev tswm txom tag, kuas qhov kws meb ib leeg yuav nyob ntawm kuv saab xws ib leeg yuav nyob ntawm kuv saab phem, qhov ntawm tsw yog kuv le num, kuv tsw muaj cuab kaav pub tsua meb nyob. Ob qhov chaw ntawm kuv txwv tu tseg tsua leejtwg lawm, tes leejtwg txha tau nyob xwb. 24 Thaus kaum tug thwjtim nov le hov, puab txawm chim tsua Yauhaa hab Yakaupau ob tug. 25 Yexu txawm hu taag nrho cov thwjtim lug ua ke mas has tsua puab tas, mej tub paub lawm has tas, cov num tswv kws kaav tebchaws muaj fwjchim luj dua cov pejxeem, hab cov thawj yuam kuas suavdawg ua lawv le puab has. 26 Txawm yog le caag los puam chawj, mej cov tsw xob ua le hov. Yog mej cov leejtwg xaav ua tug hlub, tug ntawm yuav tsum ua mej tug tub qhe. 27 Hab yog mej cov leejtwg xaav ua tug thawj, tug hov yuav tsum ua mej qhev. 28 lb yaam le Tuabneeg Leej Tub, nwg lug nwg tsw tau kuas leejtwg tu nwg, kuas nwg lug tu suavdawg hab muab nwg txujsa lug txhwv tuabneeg coob coob.
Yexu khu ob tug dig muag
29 Thaus Yexu hab Yexu cov thwjtim saamswm tawm huv lub moos Yelikau moog muaj tuabneeg coob coob nrug Yexu moog. 30 Muaj ob tug quasyawg dig muag nyob quas tsawg ntawm ntug kev, thaus ob tug nov has tas, Yexu tuaj moog, tes ob tug txawm hu nrov nrov has tas, Tavi tug tub, thov koj hlub ib hab lauj. 31 Cov tuabneeg coob coob hov txawm cheem ob tug has tas, meb nyob tuab ywv na has. Kuas ob tug yimfuab hu nrov has tas, Tavi tug tub, thov koj hlub ib los maj. 32 Yexu txawm nreg hab hu ob tug lug, nwg nug ob tug has tas, meb xaav kuas kuv paab meb daabtsw. 33 Ob tug teb has tas, xwbfwb thov koj khu ib le qhov muag kuas rov pum kev. 34 Yexu hlub ob tug Yexu txawm cev teg moog kov ob tug le qhov muag. Tes taamswm hov ob tug txawm rov pum kev lawm, ob tug txawm nrug Yexu moog.
Yexu caij mivnyuas luav moog huv Yeluxalee
1 Thaus Yexu hab Yexu cov thwjtim moog yuav txug huv lub nroog Yeluxalee, puab moog txug lub zog Npefakhe kws nyob ntawm lub roob ntoo txwv kav laaj. Yexu txawm khaiv ob tug thwjtim ua ntej moog. 2 Nwg qha ob tug has tas, meb ca le ncaaj nraim moog huv lub zog kws nyob tom meb hauv ntej. Thaus meb moog txug meb yuav pum ob nam tub luav khi ca hov ntawm. Meb ca le daws caab lug tsua kuv. 3 Yog muaj leejtwg nug meb has tas, meb yuav daws caab moog ua daabtsw, meb ca le teb has tas, xwbfwb xaav swv. Tes tug hov yuav ca meb caab lug taamswm ntawm. 4 Yuav tsum ua le nuav kuas txha lawv le tug xwbfwb kws cev Vaajtswv lug tau qha tseg has tas, 5 Ca le qha tsua cov tuabneeg kws nyob huv lub nroog Xi-oo has tas, Nwgnuav mej tug vaaj ntxwv saamswm lug cuag mej. Nwg tsw muab hlub hab nwg caij ib tug mivnyuas luav lug. 6,7 Ob tug thwjtim txawm moog ua lawv le Yexu qha. Ob tug txha caab ob nam tub luav lug, ob tug hle ob tug ob lub tsho ntev lug pua tug mivnyuas luav nraus qaum tes Yexu txawm caij tug mivnyuas luav, 8 mas cov tuabneeg coob coob kws nrug Yexu moog ntawm muaj ib txha nyag txawm hle nyag tej tsho lug pua huv txujkev kws Yexu yuav taug, hab muaj ib txha txav nplooj ntoo hab nplooj toov laaj lug pua tsua txujkev hab. 9 Mas cov tuabneeg coob coob kws moog ua Yexu ntej hab lawv Yexu qaab, suavdawg pheej qw nrov nrov has tas, qhuas Tavi tug xeeb ntxwv, thov Vaajtswv foom moov zoo tsua tug kws Vaajtswv khaiv lug ua Vaajtswv teg num kuas tau zoo moog, qhuas Vaajtswv ntuj. 10 Thaus Yexu moog txug huv lub nroog Yeluxalee lawm, cov tuabneeg kws nyob huv lub nroog suavdawg raag zum quas zawg hab sws nug has tas, tug nuav yog leejtwg. 11 Cov tuabneeg coob coob txawm teb has tas, tug nuav yog Yexu, nwg yog tug xwbfwb cev Vaajtswv lug kws tuaj peg lub moos Naxale kws nyob huv Kalilai tebchaws tuaj.
Yexu ntab cov tuabneeg ua laag ua luam
12 Yexu txawm moog tom lub tuam tsev thov Vaajtswv, mas nwg ntab cov tuabneeg kws ua laag ua luam huv lub tuam tsev zaaj qaab khaav tawm moog. Yexu muab puab tej rooj pauv nyaj, hab cov tuabneeg kws muag nquab tej rooj nyob ntxeev pis hlo tseg. 13 Hab Yexu has tsua puab has tas, tub muaj lug sau ca tsua huv Vaajtswv phoo ntawv has tas, suavdawg yuav hu kuv lub tsev has tas, yog qhov chaw kws tuabneeg tuaj thov Vaajtswv. Kuas mej tuaj muab ua chaw tsua tub saab nkaum. 14 Cov tuabneeg dig muag hab cov tuabneeg ceg tawv tuaj cuag Yexu huv lub tuam tsev, tes Yexu txawm khu puab txhua tug zoo huvsw. 15 Thaus cov pov thawj hlub hab cov xwbfwb qha Vaajtswv kevcai pum tej txujci tseem ceeb kws Yexu ua hov, hab nov cov mivnyuas yau kws tuaj nyob huv lub tuam tsev qw zum quas zawg has tas, qhuas Tavi tug xeeb ntxwv, tes puab chim kawg le. 16 Puab txawm has tsua Yexu has tas, koj tsw nov tej kws cov mivnyuas yau hov has los. Yexu teb has tas, nov hab. Sub mej tsw tau nyeem Vaajtswv phoo ntawv zaaj kws has tas, Vaajtswv tub cob cov mivnyuas yau hab cov mivnyuas mog lab kuas puab txawj qhuas Vaajtswv lawv le Vaajtswv lub sab nyam. 17 Tes Yexu txawm ncaim puab hab tawm huv lub nroog moog pw tom lub moos Npethani.
Yexu foom tsob txwv cua
18 Nub tom qaab thaus kaaj ntug Yexu txawm rov qaab moog tom lub nroog Yeluxalee. Thaus Yexu saamswm taug kev moog nwg tshaib tshaib plaab. 19 Yexu pum ib tsob txwv cua nyob ntawm ntug kev Yexu txawm moog saib. Ua cav tsw pum muaj txwv le tsuas yog muaj nplooj xwb. Yexu txawm has tsua tsob ntoo has tas, txwj nuav moog koj yuav tsw txw txwv le lawm. Tes taamswm hov tsob txwv cua txawm tuag hab qhuav kag lawm. 20 Thaus cov thwjtim pum le hov puab xaav tsw thoob. Puab sws nug has tas, ua caag tsob txwv nuav yuav qhuav sai ua luaj le. 21 Yexu teb has tas, kuv qha tseeb tsua mej has tas, yog mej ntseeg tag tag le mas mej yeej yuav ua tau ib yaam le kuv ua tsua tsob txwv cua nuav, hab tsw yog le ntawm xwb, yog mej yuav has tsua lub roob nuav has tas, koj ca le txaav lawm nraag dej hav txwv, tes lub roob yeej yuav moog lawv le mej has. 22 Yog mej ntseeg tag, mej yeej yuav tau lawv le kws mej tau thov lawm.
Leejtwg muab fwjchim tsua Yexu
23 Yexu rov moog huv lub tuam tsev. Thaus nwg saamswm qha suavdawg tes cov pov thawj hlub, hab Yutai cov kev txwj quas laug txawm tuaj nug Yexu has tas, ua caag koj muaj cuab kaav tuaj ua le nuav, leejtwg kuas koj tuaj ua. 24 Yexu teb puab has tas, kuv yuav nug mej ib lus saib, yog mej teb tau kuv lu lug, tes kuv le maav qha tsua mej paub has tas, yog vem le caag kuv muaj cuab kaav ua tej nuav. 25 Yauhaa muaj cuab kaav muab tuabneeg ua kevcai raus dej le ntawm, yog leejtwg kuas nwg ua. Vaajtswv kuas nwg ua lossws yog tuabneeg kuas nwg ua. Puab txawm sablaaj has tas, peb yuav teb le caag txha zoo. Yog peb teb has tas, Vaajtswv kuas Yauhaa ua, nwg yuav has tsua peb has tas, yog le ntawm ua caag mej tsua tsw ntseeg Yauhaa tej lug. 26 Kuas yog peb teb has tas, tuabneeg kuas Yauhaa ua, ntshai tsaam tes cov pejxeem tsua ua phem tsua peb, tsua qhov suavdawg yeej paub tseeb has tas, Yauhaa yog ib tug xwbfwb kws cev Vaajtswv lug. 27 Tes puab txawm teb Yexu has tas, peb tsw paub es. Tes Yexu txawm has tsua puab has tas, yog le ntawm kuv yuav tsw qha tsua mej paub tas, yog leejtwg kuas kuv ua tej nuav.
Tug yawm kws muaj ob tug tub
28 Mej xaav le caag. Muaj ib tug yawm nwg muaj ob tug tub. Leej txwv moog has tsua tug hlub has tas, mivtub, nub nua koj moog tu kuv lub vaaj txwv maab. 29 Tug tub teb has tas, kuv tsw moog, kuas ib chim nwg txawm moog ua lawm. 30 Leej txwv tsua moog has tsua tug tub yau ib yaam le nwg has tsua tug tub hlub. Tug tub yau teb has tas, hawj, kuv yuav moog ua, kuas nwg tsw moog, 3' mas ob tug tub nuav tug twg yog tug kws noog leej txwv lug. Puab teb has tas, yog tug hlub noog leej txwv lug. Yexu has tsua puab has tas, kuv qha tsua mej has tas, cov tuabneeg sau se hab cov nam puj muag cev yuav ' xub ca Vaajtswv kaav puab lub sab dua mej. 32 Tsua qhov Yauhaa tau lug qha txujkev ncaaj nceeg tsua mej, kuas mej tsw ntseeg. Tsuas yog cov tuabneeg sau se hab cov nam puj muag cev txha ntseeg xwb. Mej tub pum le ntawm los mej tsw ntxeev sab lug ntseeg.
Cov tuabneeg kws tu lub vaaj txwv maab
33 Yexu has tas, mej ua tuab zoo noog, kuv yuav qha dua ib zaaj pev lug tsua mej noog. Muaj ib tug yawm nwg muaj ib thaaj teb. Nwg xov laaj kaab puas ncig thaaj teb, mas cog txwv maab tsua huv, nwg khawb qhov ca tsuam txwv maab hab ua ib lub tsev lawj sab sab zuv. Nwg muab tso tsua ib co tuabneeg tu es faib txwv, tes nwg txawm moog dua lwm tebchaws lawm. 34 Thaus txug lub caij txwv maab sav, nwg txawm khaiv nwg cov tub qhe moog sau cov txwv kws yog nwg tug lug tsua nwg. 35 Kuas cov tuabneeg tu lub vaaj txawm muab tug tswv vaaj cov tub qhe hov nteg, muab ib tug ntaus, muab ib tug tua pov tseg, hab muab pob zeb ntaus ib tug. 36 Tug tswv txawm khaiv dua ib cov tub qhe coob dua thawj paab moog. Cov tuabneeg tu lub vaaj kuj ua phem tsua cov tub qhe ntawm ib yaam nkaus le thawj zag hab. 37 Thaus kawg tug tswv vaaj txawm khaiv nwg tug tub moog. Nwg xaav has tas, nyab puab yuav fwm kuv tug tub. 38 Kuas thaus cov tuabneeg tu lub vaaj pum tug tswv vaaj tug tub tuaj, puab txawm sws ntxhw has tas, tug nuav yog tug tswv vaaj tug tub ntaag, peb ca le muab nwg tua pov tseg peb txha le tau nwg thaaj teb. 39 Puab txawm nteg kag tug tub ntawm muab nwg thawb moog tsua saab ntug vaaj nrau hab muab nwg tua pov tseg lawm. 4O Yexu nug has tas, yog thaus tug tswv vaaj rov qaab lug nwg yuav ua le caag tsua cov tuabneeg kws tu lub vaaj ntawm. k\ Puab teb has tas, nwg yeej yuav muab cov nam tuabneeg phem ntawm tua pov tseg huvsw, hab nwg yuav muab lub vaaj hov tso tsua lwm cov tu. Thaus txug caij faib txwv maab, mas puab cov kws lug zuv tshab hov yuav faib cov kws yog nwg tug tsua nwg. kZ Yexu has tsua puab has tas, mej tsw tau nyeem Vaajtswv phoo ntawv los, zaaj kws has tas, Lub pob zeb kws cov kws ua tsev muab pov tseg tub muab lub ntawm rov lug ua lub thawj lawm. Qhov ntawm tub yog Vaajtswv ua. Peb pum le ntawm peb xaav tsw thoob le. 43 Hab Yexu has tas, yog le ntawm kuv qha tsua mej has tas, Vaajtswv yuav tsw kheev mej ua nwg le tuabneeg lawm, kuas nwg yuav ca lwm haiv tuabneeg kws ua num phim qhov kws puab yog Vaajtswv le tuabneeg, lug ua xwb. 44 (Yog leejtwg qaug moog tsoo lub pob zeb ntawm, tug ntawm lub cev yuav tawg taag. Yog lub pob zeb hov poob lug tsoo leejtwg, tug hov lub cev yuav ntsoog taag huvsw.) 45 Thaus cov pov thawj hlub hab cov Falixai nov tej pev lug kws Yexu qha hov mas puab paub has tas, Yexu tshev puab. 46 Tes puab txawm xaav nteg Yexu taamswm, kuas puab ntshai tsaam tes tej pejxeem tsua ua le caag tsua puab, tsua qhov suavdawg yeej ntseeg has tas, Yexu yog ib tug xwbfwb kws cev Vaajtswv lug.
Vaaj ntxwv yuav nyaab tsua tug tub
1 Yexu txawm rov qaab qha dua ob peb zaaj pev lug tsua cov tuabneeg suavdawg noog has tas, 2 qhov kws Vaajtswv lug kaav tuabneeg lub sab pev ib yaam le ib tug vaaj ntxwv yuav nyaab tsua nwg tug tub mas nwg ua tshoob. 3 Vaaj ntxwv txawm khaiv nwg cov tubkhai moog hu cov qhua kws nwg tub xub has lawm kuas tuaj nrug nwg noj tshoob, kuas tsw muaj leejtwg xaav tuaj le. 4 Nwg txawm khaiv dua ib cov tubkhai moog hu, hab kuas puab moog has tsua cov qhua has tas, kuv rooj tshoob kuv tub npaaj txhwj lawm. Kuv tej saam nyuj hab kuv tej mivnyuas nyuj rog rog kuv tub tua hab ua sav taag lawm, mej ca le tuaj noj. 5 Kuas cov qhua hov tsw muaj leejtwg quav ntsej le, nyag txawm moog ua nyag le num taag lawm, tug moog ua teb los muaj, tug moog ua laag ua luam los muaj, 6 dua le tej txawm muab cov tubkhai ntawm nteg, hab muab puab ntaus hab muab puab tua pov tseg. 7 Mas vaaj ntxwv chim heev nwg txawm txhwj tub rog moog muab cov tuabneeg ntawm tua pov tseg, hab muab puab lub moos hlawv taag huvsw. 8 Tes vaaj ntxwv txawm hu nwg cov tubkhai lug has tas, kuv rooj tshoob kuv tub ua txhwj lawm, kuas cov tuabneeg kws kuv hu ntawm ntshai tsw tswm nyog noj, 9 yog le ntawm mej ca le tawm lawm tom tej kev luj. Mej ntswb leejtwg los ca le hu kuas puab tuaj noj kuv rooj tshoob nuav. 10 Tes cov tubkhai txawm tawm moog tom tej kev hu tej tuabneeg kws puab ntswb, tsw has tug zoo tug phem los kuas tuaj huvsw, suavdawg txawm tuaj nyob puv nkaus vaaj ntxwv tsev. 11 Thaus vaaj ntxwv lug saib cov qhua kws tuaj, tes pum ib tug quasyawg naav rwg tsho tsw phim rooj tshoob. 12 Vaaj ntxwv txawm nug has tas, npawg, koj tub tsw naav rwg tsho kuas phim rooj tshoob nuav, ais leejtwg kheev koj tuaj. Kuas tug ntawm nyob ntsag quas tu teb tsw taug ib lus le. 13 Vaaj ntxwv txawm has tsua nwg cov tubkhai has tas, mej ca le muab tug hov khi teg khi taw hab muab nwg pov tsua tom qhov tsaus ntuj, mas nwg yuav quaj qw qes nav quas qawv huv qhov tsaus ntuj ntawm. 14 Yexu txawm xaus lug has tas, cov tuabneeg kws hu lawm muaj coob tag, kuas cov kws xaiv tau lawm muaj tsawg.
Them se tsua Xixa txhum tsw txhum
15 Cov Falixai txawm tawm moog sablaaj has tas, puab yuav nug le caag Yexu txha has txhum. 16 Puab txawm khaiv puab cov thwjtim qee leej, hab khaiv Helauj cov qee leej tuaj cuag Yexu. Cov tuabneeg hov nug Yexu has tas, xwbfwb, peb paub has tas, koj yog tug ncaaj nceeg, koj yeej qha tseeb has tas, tuabneeg yuav tsum ua le caag txha ua tau hum Vaajtswv sab. Koj tsw xaiv leejtwg ntsej muag le, txawm yog puab yuav nyam hab tsw nyam los koj ywj qha le. 17 Mas koj xaav le caag thov koj has qha tsua peb saib, yog peb them se tsua fuabtais Xixa mas txhum peb kevcai los tsw txhum. 18 Yexu tub paub puab lub sab kws xaav phem lawm, nwg txawm has tsua puab has tas, cov nam tuabneeg phem, mej tuaj swm kuv ua daabtsw. 19 Ca le muab lub nyaj kws mej yuav coj moog them se ntawm lug tsua kuv saib. Puab txawm muab lub nyaj ntawm tsua Yexu. 20 Yexu nug puab has tas, lub ntsej muag hab lub npe kws sau tsua ntawm lub nyaj nuav yog leejtwg lub. 21 Puab teb has tas, yog fuabtais Xixa lub. Yexu txawm has tsua puab has tas, yog le ntawm yaam kws yog fuabtais Xixa le, mej ca le muab tsua fuabtais Xixa, hab yaam kws yog Vaajtswv le, mej ca le muab tsua Vaajtswv. 22 Thaus puab nov le ntawm puab xaav tsw thoob le, puab txawm tso Yexu tseg, es tswv lawm.
Puab nug txug qhov kws sawv huv qhov tuag rov lug
23 Tuab nub ntawm muaj cov Xatukai qee leej txawm tuaj cuag Yexu. Puab yog cov kws tsw ntseeg has tas, tuabneeg txawj sawv tau huv qhov tuag rov lug. 24 Puab nug Yexu has tas,xwbfwb, Mauxe qha has tas, yog muaj ib tug quasyawg tuag lawm nwg tug quaspuj tsw tau muaj mivnyuas, nwg tug kwv yuav tsum yuav tug nam tij, sub tug tijlaug txha muaj tub ki xeeb ntxwv ca. 25 Thau u huv peb lub zog nuav muaj xyaa tug kwvtij. Tug tijlaug yuav quaspuj kuas tseem tsw tau muaj mivnyuas tug tijlaug txawm tuag lawm, tso tug quaspuj tsua tug kwv yuav. 26 Tug kwv tseem tsw tau muaj mivnyuas tug kwv txawm tuag lawm hab. Tug kwv peb moog txug tug kwv xyaa, puab puav leej ua ib yaam nkaus le ntawm, mas puab tuag taag huvsw lawm. 27 Thaus kawg tug quaspuj hov txawm tuag lawm hab. 28 Yog le ntawm nub kws cov tuabneeg tuag lawm sawv rov qaab lug, tug quaspuj hov yuav ua tug twg quaspuj, tsua qhov xyaa leej hov puav leej tau yuav nwg huvsw lawm. 29 Yexu teb puab has tas, mej xaav yuam kev lawm lauj, tsua qhov mej tsw to taub Vaajtswv phoo ntawv hab tsw paub has tas, Vaajtswv yog tug kws muaj fwjchim luj kawg nkaus. 30 Thaus cov tuabneeg kws tuag lawm sawv rov lug, puab yuav zoo ib yaam le cov tubkhai sau ntuj puab tsw txawj sws yuav lawm. 31 Zaaj kws Vaajtswv tsaa cov tuabneeg tuag sawv rov lug mej tsw tau nyeem los. Vaajtswv tub qha tsua mej lawm has tas, 32 kuv yog Aplahaa tug Vaajtswv, Yiha tug Vaajtswv hab Yakhauj tug Vaajtswv. Yog le hov Vaajtswv tsw yog cov tuabneeg tuag tug Vaajtswv, kuas nwg yog cov tuabneeg caj tug Vaajtswv. 33 Thaus cov tuabneeg coob coob nov tej kws Yexu qha hov puab xaav tsw thoob le.
Vaajtswv kevcai nqai kws tseem ceeb dua ndais
34 Thaus cov Falixai nov has tas, cov Xatukai tsw muaj lug teb Yexu ib lus le, tes puab txawm tuaj ua ke sablaaj. 35 Muaj ib tug xwbfwb qha Vaajtswv kevcai kws nyob huv puab paab hov txawm ua txuj nug Yexu ib lus saib Yexu yuav teb le caag. 36 Nwg nug has tas, xwbfwb, Vaajtswv kevcai nqai twg yog nqai kws tseem ceeb dua ndais huvsw. 37 Yexu teb has tas, koj yuav tsum noog Vaajtswv kws yog koj tug tswv lug kawg sab kawg ntsws, kawg plaab kawg plawv. 38 Nqai nuav laub yog nqai kws luj hab tseem ceeb dua ndais. 39 Nqai ob kuj tseem ceeb hab, nqai ntawm has tas, koj yuav tsum hlub kwvtij zej zog ib yaam le koj hlub koj lub cev. 40 Mauxe kevcai hab cov xwbfwb kws cev Vaajtswv lug tej lug qha puav leej nyob taag nrho tsua huv ob nqai nuav lawm.
Tug Cawmseej yog leejtwg xeeb ntxwv
41 Thaus cov Falixai saamswm sablaaj ua ke, Yexu txawm nug puab has tas, 42 zaaj kws has txug tug Kheto kws Vaajtswv khaiv lug ua tug Cawmseej mej xaav le caag. Nwg yog leejtwg xeeb ntxwv. Puab teb has tas, nwg yog Tavi xeeb ntxwv. 43 Yexu rov nug puab has tas, yog le ntawm ua le caag Vaajtswv tug Ntsuj Plig tsua qha tsua Tavi kuas Tavi hu nwg has tas, tug tswv. Tavi has tas, 44 Vaajtswv has tsua kuv tug tswv has tas, Koj ca le lug nyob ntawm kuv saab xws moog txug thaus kuv muab koj cov yeeb ncuab lug tag koj xwb taw. 45 Yog Tavi tub hu tug Cawmseej ntawm has tas, kuv tug tswv, tes yuav ua le caag has tau has tas, tug Kheto kws Vaajtswv khaiv lug ua tug Cawmseej yog Tavi xeeb ntxwv nua. 46 Mas tsw muaj leejtwg teb taug Yexu ib lus le. Txwj nub hov lug tsw muaj leejtwg kaav nug Yexu le 1 awm.
Yexu tshev cov xwbfwb kws qha kevcai hab cov Falixai
1 Dhau hov ntawm Yexu txawm qha tsua cov tuabneeg coob coob hab nwg cov thwjtim has tas, 2 cov xwbfwb qha Vaajtswv kevcai hab cov Falixai yog cov kws muaj cuab kaav txhais Mauxe txuj kevcai lub ntsab. 3 Yog le ntawm mej yuav tsum noog puab lug hab ua lawv le tej kws puab qha, kuas tsw xob xyum ua lawv le puab ua, tsua qhov puab yeej tsw ua lawv le puab qha. 4 Puab muab tej nraa nyaav sau lug tsua suavdawg rws, kuas puab tub tsw cev puab ib tug nyuas ntiv teg moog paab thab tej nraa ntawm le. 5 Puab ua yaam twg puab nyam ua tsua suavdawg qhuas puab xwb. Puab xaws tej lub naab luj luj ntim Vaajtswv txujlug, es muab paav tsua ntawm puab hauv plaj hab ntawm puab tej ncaj npaab, hab puab naav tej tsho kws ntxhoo tw ntev ntev. 6 Thaus muaj kev noj kev haus hab thaus puab moog huv tej tsev sablaaj, puab moog xaiv tej rooj sab nyob xwb. 7 Thaus puab moog tom kab puab nyam kuas suavdawg fwm puab hab nyam kuas suavdawg hu puab has tas, xwbfwb. 8 Tsw xob kheev leejtwg hu mej has tas, xwbfwb, tsua qhov mej suavdawg puav leej yog kwvtij huvsw, hab mej tsuas muaj tuab tug xwbfwb xwb. 9 Cov tuabneeg kws nyob huv nplajteb nuav mej tsw xob hu leejtwg has tas, txwv, tsua qhov mej tsuas muaj tuab leeg txwv xwb, nwg yog tug kws nyob sau ntuj. 10 Hab tsw xob kheev leejtwg hu mej has tas, yawm hlub, tsua qhov mej tsuas muaj tuab tug yog tug hlub xwb, tug hov yog tug kws Vaajtswv khaiv lug ua tug Cawmseej. 11 Mej cov leejtwg ua tug thawj tug ntawm yuav tsum ua suavdawg qhev. 12 Leejtwg tsaav nwg tug fwjchim, Vaajtswv yuav muab tug hov tug fwjchim txu moog. Kuas tug kws txu nwg tug fwjchim, Vaajtswv yuav tsaa tug ntawm tug fwjchim.
Cov kws sab phem yuav raug txom nyem
13 Cov xwbfwb qha Vaajtswv kevcai hab cov Falixai kws sab phem, mej yuav raug kev txom nyem lauj, tsua qhov mej kaw qhov rooj tsw kheev leejtwg lug ua Vaajtswv le tuabneeg. Txawm yog mej los mej tub tsw moog huv hab, cov kws xaav moog huv, mej tseem txwv tsw kheev puab moog. 4 (Cov xwbfwb qha Vaajtswv kevcai hab cov Falixai kws sab phem, mej yuav raug kev txom nyem lauj. Mej txeeb cov puj ntsuag tej vaaj tse lug ua mej tug, hab mej nyam sawv quas ntsug thov Vaajtswv ntev ntev kuas suavdawg qhuas mej. Vem le hov mej yuav raug txem nyaav dua suavdawg.) 15 Cov xwbfwb qha Vaajtswv kevcai hab cov Falixai kws sab phem, mej yuav raug kev txom nyem lauj. Mej nim hlaa dej hab nee toj nqeg taug moog nrhav kuas tau ib tug lug coj mej txuj kevcai. Kuas thaus mej nrhav tau ib tug lawm, mej kuj ua tsua tug ntawm muaj txem luj dua mej cov ob npaug, hab tug ntawm yimfuab yuav tswm nyog poob tsua huv ntuj txag teb tsaus. 16 Cov tuabneeg dig muag kws coj lwm tug kev, mej yuav raug kev txom nyem lauj. Mej qha has tas, yog leejtwg twv txug lub tuam tsev thov Vaajtswv, tes tsw taag nwg yuav ua lawv le kws nwg twv hov los kuj tau. Kuas yog nwg twv txug tej nyaj kub kws nyob huv lub tuam tsev, nwg yuav tsum ua lawv le nwg tau twv lawm. 17 Cov tuabneeg dig muag kws ruag, yaam twg tseem ceeb dua, nyaj kub lossws yog lub tuam tsev. Tub yog lub tuam tsev kws rau cov nyaj kub hov ua tsua cov nyaj kub hov tswm txaj hab muaj fwjchim los sas. 18 Hab mej tseem qha has tas, yog leejtwg twv txug lub rooj kws txawb hov txhua chaw xyeem tsua Vaajtswv, mas tsw taag nwg yuav ua lawv le nwg twv lawm los kuj tau. Kuas yog nwg twv txug tej hov txhua chaw kws nyob sau lub rooj, nwg yuav tsum ua lawv le nwg tau twv lawm. 19 Cov nam tuabneeg dig muag, yaam twg tseem ceeb dua, tej hov txhua chaw kws nyob sau lub rooj, lossws yog lub rooj. Tub yog lub rooj ua tsua tej hov txhua chaw kws nyob sau tswm txaj hab muaj fwjchim los sas. 20 Yog le ntawm thaus leejtwg twv txug lub rooj txawb hov txhua chaw xyeem tsua Vaajtswv, nwg yeej twv txug 1ub rooj hab tej hov txhua chaw kws nyob sau lub rooj huvsw lawm. 21 Hab thaus leejtwg twv txug lub tuam tsev thov Vaajtswv kuj yog nwg twv txug lub tuam tsev hab twv txug Vaajtswv kws nyob huv lub tuam tsev ntawm. 22 Hab thaus leejtwg twv txug lub ntuj, kuj yog nwg twv txug Vaajtswv lub zwm txwv, hab twv txug Vaajtswv kws nyob sau lub rooj hov. 23 Cov xwbfwb qha Vaajtswv kevcai hab cov Falixai kws sab phem, mej yuav raug kev txom nyem lauj. Mej muab tej txum lom, tsw has puam hum los yog, luam laws los yog, xyaab txob los yog, ib feem huv kaum feem pub tsua Vaajtswv, kuas mej tsw ua lawv le tej lug tseem ceeb kws nyob huv Vaajtswv kevcai, tsw has qhov kws txav txem ncaaj los yog, hlub lwm tug los yog, ua tuabneeg ncaaj nceeg los yog, tswm nyog mej ua lawv le tej lug qha nuav hab tsw xob tso lwm txuj tseg. 24 Cov tuabneeg dig muag kws coj lwm tug kev, tej nyuas yoov miv miv kws poob tsua huv cov dej kws mej yuav haus mej tseem yuav muab lim huvsw, kuas mej ca le nqog ib tug nam ntxhuav lawm mej tub tsw paub. 25 Cov xwbfwb qha Vaajtswv kevcai hab cov Falixai kws sab phem, mej yuav raug kev txom nyem lauj. Mej ib txwm ntxuav taig ntxuav phaaj saab nrau huv huv, kuas saab huv mas puv nkaus tej kev phem kev qas hab sab hlub sab dub. 26 Cov Falixai dig muag, yog mej xub ntxuav taig ntxuav phaaj saab huv, huv lawm, tes saab nrau yeej yuav huv hab. 27 Cov xwbfwb qha Vaajtswv kevcai hab cov Falixai kws sab phem, mej yuav raug kev txom nyem lauj. Mej zoo ib yaam le lub ntxaa kws pleev moov swb saab nrau zoo zoo nkauj dawb paug, kuas saab huv puv nkaus pob txhaa tuabneeg tuag hab tsw-lwj quas lawg xwb. 28 Mej lub sab zoo ib yaam nkaus le ntawm. Suavdawg saib saab nrau puab xaav has tas, mej yog tuabneeg zoo, kuas huv mej lub sab puv nkaus kev daag hab kev txhum. 29 Cov xwbfwb qha Vaajtswv kevcai hab cov Falixai kws sab phem, mej yuav raug kev txom nyem lauj. Mej txhwm cov xwbfwb kws cev Vaajtswv lug thau u tej ntxaa zoo zoo nkauj, hab luam tej pem thuam kws tuabneeg ua lug ncu txug cov tuabneeg ncaaj nceeg thau u, kuas zoo nkauj. 30 Hab mej has tas, yog peb tau nyob tam thau kws peb puj koob yawm koob nyob, peb yuav tsw nrug puab tua cov xwbfwb kws cev Vaajtswv lug. 31 Mej has le ntawm kuj yog mej leeg has tas, mej yog cov tuabneeg kws tua cov xwbfwb cev Vaajtswv lug hov, tej xeeb ntxwv ntaag. 32 Yog le ntawm mej ca le ua tej kws mej puj koob yawm koob tau ua lug lawm kuas tav los maj. 33 Cov nam naab hab naab cov nam tub, mej xaav has tas, mej yuav tsw poob moog tsua huv ntuj txag teb tsaus nua los. 34 Kuv qha tsua mej has tas, kuv yuav khaiv cov xwbfwb kws cev Vaajtswv lug, hab cov tuabneeg muaj tswvyim hab cov xwbfwb kuas puab tuaj qha mej. Mas mej yuav muab cov tuabneeg hov qee leej tua pov tseg, yuav muab qee leej teem tsua sau ntoo khaublig, yuav muab qee leej nplawm huv mej tej tsev sablaaj hab muab puab ntab tswv ib lub moos moog dhau ib lub moos. 35 Vem le ntawm mej yuav tsum rws cov tuabneeg kws tua tej tuabneeg kws tsw tau ua txhum lub txem, txwj thaus puab tua *Apee tug kws tsw tau ua txhum, lug txug thaus kws mej tua Npalakiya tug tub Xakhaliya ntawm lub tuam tsev hab lub rooj kws txawb hov txhua chaw xyeem tsua Vaajtswv kem nruab nraab. 36 Mas kuv qha tseeb tsua mej has tas, cov tuabneeg txheej nuav yuav tsum rws cov tuabneeg kws tau ua le hov lub txem huvsw.
Yexu hlub cov tuabneeg kws nyob huv Yeluxalee
37 Yeluxalee, Yeluxalee, koj muab cov xwbfwb kws cev Vaajtswv lug tua pov tseg. Koj xuas pob zeb ntaus cov tubkhai kws Vaajtswv khaiv lug qha koj. Muaj ntau zag kuv tub yuav muab koj cov pejxeem lug puag, ib yaam le tug puj qab cuab cov mivnyuas lug puag huv phob kauj tis, kuas koj tsw kaam ca kuv ua le ntawm. 38 Nwgnuav Vaajtswv yuav tsw nyob huv lub tuam tsev kws koj ua tsua nwg nyob lawm. 39 Kuv qha tsua koj has tas, txwj nuav moog koj yuav tsw pum kuv moog txug nub kws koj has tas, thov Vaajtswv foom koob foom moov tsua tug kws Vaajtswv khaiv lug ua Vaajtswv teg num.
Lub tuam tsev yuav puam tsuaj
1 Thaus Yexu saamswm tawm ntawm lub tuam tsev moog, nwg cov thwjtim txawm taw teg kuas Yexu saib lub tuam tsev hab tej chaav tsev kws txuas lub tuam tsev. 2 Mas Yexu has tas, yog tag mej tub pum tej nuav lawm, kuas kuv qha tseeb tsua mej has tas, tej pob zeb kws tib sws lu ua ke hov yuav raug muab tsoo ua txhua lub pluam nyag nyob nyag taag huvsw.
Kev txom nyem hab kev tswm txom
3 Thaus Yexu nyob peg roob txwv kav laaj, nwg cov thwjtim txawm lug cuag nwg tuab ywv tsw kheev leejtwg paub. Puab nug Yexu has tas, thov koj qha tsua peb paub saib thaus twg le maav muaj tej nuav. Hab yuav muaj yaam twg qha tsua peb paub tseeb has tas, tub txug lub swmhawm kws koj yuav lug hab tub txug lub swmhawm kws nplajteb yuav kawg. 4 Yexu teb has tas, mej yuav tsum ceev faaj zoo tsw xob kheev leejtwg ntxag kuas mej yuam kev. 5 Yuav muaj ntau leej lug tuav kuv lub npe daag has tas, puab yog tug kws Vaajtswv khaiv lug ua tug Cawmseej. Thaus ntawm yuav muaj ntau leej ntseeg puab tej lug. 6 Mej yuav nov luas ua tsuv ua rog ze ze mej hab yuav nov moo has tas, tej tebchaws kws nyob deb ua tsuv ua rog. Thaus mej nov le hov mej tsw xob poob sab, yeej yuav muaj tej hov, kuas tsw tau has tas, tub txug lub swmhawm kws nplajteb kawg lawm. 7 lb lub tebchaws yuav sawv tawm tsaam tsua ib lub tebchaws, hab ob yaam tuabneeg los yuav sawv sws tawm tsaam, yuav muaj kev tshaib kev nqhes hab yuav muaj aav qeg txhua qhov. 8 Tej ntawm pev ib yaam le tug quaspuj kws nyav chiv ua mob teb yuav yug mivnyuas. 9 Thaus ntawm yuav muaj tuabneeg nteg mej coj moog tswm txom hab puab yuav muab mej tua pov tseg. Txhua leej txhua tug yuav ntxub mej vem mej yog kuv cov. 10 Lub swmhawm ntawm yuav muaj ntau leej tso kev ntseeg tseg, puab ib tug yuav faav xeeb tsua ib tug, hab ib tug yuav ntxub ib tug. 11 Hab yuav muaj cov cuav xwbfwb kws qha Vaajtswv txujlug tsw tseeb ntau leej lug daag kuas tuabneeg coob coob yuam kev. 12 Thaus tej kev phem fuam luj heev, suavdawg yuav tsw txawj sws hlub zuj zug lawm. 13 Kuas tug kws ua sab ntev moog txug nub kawg, tug ntawm yuav dim. 14 Thaus muaj tuabneeg qha txuj xuv zoo kws has tas, Vaajtswv yuav lug kaav tuabneeg lub sab moog thoob plawg qaab ntuj tsua suavdawg paub lawm, tes thaus hov tub yuav txug lub swmhawm kawg.
Yaam kws phem kawg nkaus
15 Mej yuav pum yaam kws phem kawg nkaus le muab tso tsua qhov chaw zoo kawg nkaus huv lub tuam tsev lawv le xwbfwb "Taniyee tug kws cev Vaajtswv lug tau qha tseg lawm. Tug kws nyeem zaaj nuav nwg yuav tsum to taub. 16 Thaus hov cov tuabneeg kws nyob huv Yutai tebchaws yuav tsum tswv moog peg tej roob. 17 Tug kws nyob nrau zoov, nwg tsw xob moog nqaa tej hov txhua chaw kws nyob huv tsev tsua qhov nwg muab tsw yeej. 18 Tug kws nyob tom teb, tsw xob rov lug coj nwg lub tsho ntev. 19 Lub swmhawm hov tej quaspuj kws cev nyaav hab tej quaspuj kws muaj mivnyuas mog noj mig puab yuav txom nyem kawg le. 20 Mej ca le thov Vaajtswv paab kuas mej tsw xob tau tswv lub caij ntuj no lossws tswv tsua nub su, 21 tsua qhov lub swmhawm hov suavdawg yuav txom nyem kawg nkaus. Txwj thaus tswm ntuj tswm teb lug txug naj nub nwgnuav, yeej tsw tau muaj tuabneeg raug kev txom nyem npaum le zag nuav. Hab yaav peg suab nuav moog yuav tsw muaj le zag nuav ib zag le lawm. 22 Kuas Vaajtswv tub txav caij txav nyoog kuas tuab lu lawm. Yog nwg tsw ua le ntawm yeej yuav tsw muaj ib tug dim le. Qhov kws Vaajtswv txav caij txav nyoog kuas tuab lu hov tub yog vem nwg hlub nwg cov tuabneeg kws nwg tau xaiv ca lawm. 23 Thaus hov yog leejtwg has tsua mej has tas, mej saib, tug Cawmseej kws Vaajtswv khaiv lug nwg nyob ntawm nuav, lossws has tas, nwg nyob tom, mej tsw xob ntseeg tug hov tej lug. 24 Tsua qhov yuav muaj tej tug cuav cawmseej hab tej cuav xwbfwb kws qha Vaajtswv txuj1ug tsw tseeb lug ua tej yaam kev phemfwj ntxag Vaajtswv cov tuabneeg, saib yuav ntxag tau kuas puab yuam kev los tsw tau. 25 Mej yuav tsum ncu ntsoov tej lug kws kuv tub xub qha tsua mej paub ua ntej lawm. 26 Yog leejtwg has tsua mej has tas, mej saib, nwg nyob tom tebchaws moj saab qhua, mej tsw xob moog saib. Lossws yog puab has tas, mej saib, nwg tswv nraim ntawm nuav, mej tsw xob ntseeg. 27 Tsua qhov nub kws Tuabneeg Leej Tub lug yuav 200 ib yaam le tsag lig xub peg nub tuaj ci moog txug nraag nub poob. 28 Tsaj tuag hov twg daav noj twm yeej yuav sau nthwv lug nyob hov ntawm.
Tuabneeg Leej Tub yuav lug
29 Thaus dhau tej kev txom nyem hov lawm, lub nub yuav tsaus, lub hli yuav tsw ci, cov nub qub sau ntuj yuav zeeg, hab ib puas tsaav yaam kws muaj fwjchim sau nruab ntug yuav ua zug quas kais taag huvsw. 30 Thaus hov mej yuav pum ib yaam txujci tseem ceeb nyob sau nruab ntug qha has tas, Tubaneeg Leej Tub, tub lug lawm. Txhua yaam tuabneeg thoob plawg huv qaab ntuj nuav yuav quaj nyav ntsoog quas qeeg, hab puab yuav pum Tuabneeg Leej Tub nrug fuab nrug cua lug, nwg tug fwjchim ci ntsaa quas ab. 31 Yuav muaj suab raaj suab xyu tshuv hu nrov nrov. Nwg yuav khaiv nwg cov tubkhai sau ntuj moog txhua nrho plaub ceg kaum ntuj qaws cov tuabneeg kws nwg tau xaiv ca lawm, txhua nrho huv qaab ntuj nuav lug nyob ua ke.
Tsob ntoo cua chiv hlaav nplooj
32 Mej ca le saib tsob ntoo cua qha le caag. Thaus tej ceg rov ntsuab ntsuab mog mog hab chiv hlaav nplooj, mej paub has tas, tub yuav txug lub caij ntuj naag. 33 lb yaam nkaus le ntawm, thaus mej pum tej xwm txheej hov mej yuav paub has tas, tub txug lub swmhawm ntawm lawm. 34 Kuv qha tseeb tsua mej has tas, thaus cov tuabneeg tam nuav tseem tsw tau tuag taag, tes yeej yuav xub muaj ib puas tsaav yaam ntawm. 35 Lub ntuj hab lub nplajteb nuav yuav poob moog, kuas kuv tej lug yuav tsw poob ib lus le, yeej yuav muaj lawv le kuv qha.
Tsw muaj leejtwg paub caij paub nyoog
36 Kuas nub ntawm hab lub swmhawm ntawm tsw muaj leejtwg paub, txawm yog cov tubkhai sau ntuj los yog, Tuabneeg Leej Tub los yog, puab yeej tsw paub tsuas yog leej txwv tuab leeg txha paub xwb. 37 Lub swmhawm kws Tuabneeg Leej Tub rov qaab lug yuav zoo ib yaam le lub swmhawm kws Nau-e nyob. 38 Thaus dej tseem tsw tau nyaab nplajteb, suavdawg ua noj ua haus ua tshoob ua kug moog txug nub kws Nau-e nee moog huv lub nkoj. 39 Puab tsw ncu ceev faaj, ua cav dej txawm swv lug nyaab hab kuav puab moog taag huvsw lawm. Thaus Tuabneeg Leej Tub rov lug yuav zoo ib yaam le ntawm ntaag. 40 Lub swmhawm hov muaj ob tug quasyawg ua num ua ke tom teb los yuav coj ib tug moog yuav tseg ib tug ca. 41 Muaj ob tug quaspuj zum zeb ua ke los yuav coj ib tug moog yuav tseg ib tug ca, 42 yog le ntawm mej yuav tsum ceev faaj zuv tog tsua qhov mej tsw paub has tas, lub swmhawm twg mej tug tswv yuav lug. 43 Kuv qha tsua mej has tas, yog tug tswv tsev xub paub ua ntej has tas, thaus twg tub saab yuav tuaj, nwg yeej yuav zuv tog tsw kheev tub saab tuaj nyag tau hov txhua chaw huv nwg tsev. 44 Txawm yog mej los mej yuav tsum zuv tog hab, tsua qhov lub swmhawm kws mej tsw ncu ceev faaj , tes Tuabneeg Leej Tub yuav lug lub swmhawm hov ntaag.
Tug tub qhe kws ncaaj hab tug kws tsw ncaaj
45 Tug tub qhe kws ncaaj nceeg hab muaj tswvyim, tug tswv yuav muab nwg tsaa ua tug hlub saib tug tswv cov tub qhe, hab thaus txug lub swmhawm noj, nwg yuav ua tug ntaus zaub ntaus mov tsua cov tub qhe noj. 46 Thaus tug tswv rov lug tsev es pum tug tub qhe hov saamswm ua tej num nuav, tes tug tub qhe txawm tau ntsej muag. 47 Kuv qha tseeb tsua mej has tas, tug tswv yuav tsaa tug tub qhe hov ua tug saib tug tswv lub vaaj lub tse hab nwg tej hov txhua chaw huvsw. 48 Kuas yog tug tub qhe hov lub sab phem nwg xaav has tas, tshuav ntev kuv tug tswv le maav rov lug, 49 tes nwg txawm loj xov muab cov tub qhe ntaus hab nwg moog nrug cov tuabneeg quav dej quav cawv noj haus ua ke. 50 Nwg tsw paub sov nub twg hab lub swmhawm twg nwg tug tswv yuav lug, tes nwg tug tswv yuav lug tsua thaus nwg tsw ceev faaj. 51 Thaus tug tswv lug txug lawm, tug tswv yuav muab tug tub qhe ntawm hlais ua tej dwb daim hab yuav muab nwg pov moog tsua huv qhov txom nyem. Nwg yuav nrug cov tuabneeg tsw ncaaj quaj qw qes nav quas qawv hov ntawm.
Kaum tug hluas nkauj
1 Thaus txug nub kws Vaajtswv lug kaav, mas zoo ib yaam nkaus le kaum tug hluas nkauj kws taws teeb tawm moog tog tug nraug vauv. 2 Cov hluas nkauj hov muaj tswb leeg tsw muaj tswvyim hab muaj tswb leeg muaj tswvyim. 3 Cov kws tsw muaj tswvyim puab nqaa teeb kuas tsw npaaj roj. 4 Cov kws muaj tswvyim puab coj teeb hab ib leeg nqaa ib laam fwj roj moog. 5 Tub lig lig lawm tug nraug vauv pheej tsw txawj tuaj tes cov hluas nkauj hov txawm tsaug zug ncaws quas nrws. 6 Thaus txug ib taag mo txawm muaj ib lub suab hu nrov nrov has tas, tug nraug vauv tuaj lawm lauj. Ca le tawm tuaj tog nwg. 7 Kaum tug hluas nkauj txawm sawv huvsw, hab nyag khu nyag lub teeb kuas cig cig. 8 Tswb tug kws tsw muaj tswvyim txawm has tsua tswb tug kws muaj tswvyim has tas, thov muab mej cov roj faib mivntswv tsua peb hab, peb cov teeb roj taag lawm tub yuav tuag. 9 Tswb tug kws muaj tswvyim teb has tas, tsw tau, tsaam tes tsw txaus tsua peb hab, mej ca le moog yuav tom kab zoo dua. 10 Th'aus tswb tug kws tsw muaj tswvyim saamswm moog yuav roj lawm, tug nraug vauv txawm tuaj txug. Tswb tug muaj tswvyim kws xub npaaj roj ca lawm txawm tau nrug tug nraug vauv moog noj tshoob huv tsev. Thaus puab moog huv tsev lawm tes txawm muaj tuabneeg muab lub qhov rooj kaw lawm. 11 Tes tswb tug hluas nkauj kws tsw muaj tswvyim rov lug txug, puab txawm hu has tas, txwv laug, thov qheb qhov rooj tsua peb hab, 12 Tug nraug vauv teb has tas, kuv tsw paub mej. 13 Yexu xaus lug has tas, yog le ntawm mej yuav tsum ceev faaj tsua qhov mej tsw paub nub twg hab lub swmhawm twg yuav muaj le ntawm.
Tug tswv muab nyaj tsua peb tug tub qhe
14 Nub kws Vaajtswv lug kaav mas pev ib yaam le ib tug txwv neej yuav moog lwm lub tebchaws. Nwg txawm hu nwg cov tub qhe lug, mas kuas puab saib nwg lub vaaj tse hab nwg tej hov txhua chaw 15 Nwg muab tswb caug daim nyaj tsua ib tug, muab neeg nkaum daim tsua ib tug, hab muab kaum daim tsua ib tug lawv le puab muaj tswvyim swv. Tes nwg txawm moog dua lwm lub tebchaws lawm. 16 Tug kws tau tswb caug daim txawm coj cov nyaj hov moog ua luam taamswm. Nwg tsaam tswb caug daim hab. 17 Tug kws tau neeg nkaum daim nwg kuj coj cov nyaj hov moog ua luam tsaam neeg nkaus daim hab. 18 Kuas tug tub qhe kws tau kaum daim txawm coj nwg tug tswv kaum daim nyaj hov moog faus aav ca lawm. 19 Mas tau hov ntev cov tub qhe tug tswv rov lug, mas nwg nug saib, nwg cov tub qhe ib leeg tsaam pes tsawg daim. 20 Tug tub qhe kws tau tswb caug daim txawm nqaa tswb caug daim kws nwg tsaam coj lug qha tsua nwg tug tswv has tas, txwv, koj muab tswb caug daim tsua kuv, koj saib ntawm nuav kuv tsaam tswb caug daim hab. 21 Tug tswv has tas, zoo lauj koj yog tug tub qhe kws zoo hab ncaaj nceeg. Tej yaam miv miv kws koj saib koj ua ncaaj tes kuv yuav tsaa koj ua tug saib yaam kws luj. Koj ca le lug nrug kuv nyob koj yuav tau zoo nyob kaaj sab quas lug le kuv. 22 Tug tub qhe kws tau neeg nkaum daim txawm lug qha tsua tug tswv has tas, txwv, koj muab neeg nkaum daim tsua kuv, koj saib ntawm nuav, kuv tsaam neeg nkaum daim hab. 23 Tug tswv has tas, zoo lauj koj yog tug tub qhe kws zoo hab ncaaj nceeg. Tej yaam miv miv kws koj saib koj ua ncaaj. Yog le ntawm kuv yuav tsaa koj ua tug saib yaam kws luj. Koj ca le lug nrug kuv nyob koj yuav tau zoo nyob kaaj sab quas lug le kuv. 24 Tug tub qhe kws tau kaum daim txawm lug qha tsua nwg tug tswv has tas, txwv, kuv yeej paub has tas, koj yog ib tug tuabneeg sab tawv. Koj ib txwm hlais tej kws tsw yog koj cog hab sau tej kws tsw yog koj tseb. 25 Kuv ntshai kuv txha coj koj kaum daim nyaj moog faus aav ca, koj saib, koj cov nyaj nyob ntawm nuav. 26 Tug tswv has tas, nam tuabneeg phem hab cis nkeeg, koj tub paub lawm has tas, kuv ib txwm hlais tej kws tsw yog kuv cog hab sau tej kws tsw yog kuv tseb. 27 Yog le ntawm ua caag koj tsw coj kuv cov nyaj moog ca tsua tom txhaab nyaj, es thaus kuv rov qaab lug kuv txha tau kuv cov nyaj hab tau cov paaj ntxwv. 28 Mej ca le muab cov nyaj ntawm nwg moog ntxwv tsua tug kws muaj ib puas daim. 29 Tsua qhov txhua tug kws muaj lawm, Vaajtswv yeej yuav muab tsaav tsua kuas puab muaj nplua mag swv tsw taag, kuas tug kws tsw muaj txawm yog nwg muaj mivntswv los Vaajtswv yeej yuav muab tej ntawm rhu ntawm nwg moog. 30 Ca le muab nam tub qhe kws tsw tswm txaj nuav pov tsua qhov tsaus ntuj saab nrau, nwg yuav quaj qw qes nav quas qawv qhov ntawm.
Kev teem txem thaus kawg
31 Thaus Tuabneeg Leej Tub lug ua vaaj ntxwv yuav muaj cov tubkhai sau ntuj nrug nwg lug, hab nwg yuav nyob sau vaaj ntxwv lub zwm txwv. 32 Txhua yaam tuabneeg huv qaab ntuj nuav yuav tuaj nyob ua ke ntawm nwg xub ndag. Thaus ntawm nwg yuav muab suavdawg cais ua ob paab ib yaam le tug tswv yug yaaj muab paab yaaj cais tawm ntawm paab tshws moog. 33 Nwg yuav coj paab yaaj lug nyob ntawm nwg saab xws huas coj paab tshws lug nyob ntawm nwg saab phem. 34 Thaus ntawm vaaj ntxwv yuav has tsua cov tuabneeg kws nyob ntawm nwg saab xws has tas, mej cov kws tau kuv txwv txuj moov zoo lawm, mej ca le lug kaav lub tebchaws kws tub npaaj ca tsua mej thaus tsw tau tswm ntuj tswm teb lug lawm. 35 Vem thaus kuv tshaib plaab mej pub mov tsua kuv noj. Thaus kuv nqhes dej mej muab dej tsua kuv haus. Mej tsw paub kuv los mej tub hu kuv lug su huv mej tsev. 3d Thaus kuv tsw muaj rwg tsho naav mej pub tsua kuv naav. Thaus kuv muaj mob muaj nkeeg mej tuaj tu kuv. Thaus kuv raug kaw huv tsev loj faaj mej tuaj saib kuv. 37 Thaus cov tuabneeg ncaaj nceeg nov le ntawm puab yuav teb has tas, tug tswv, thaus twg peb pum koj tshaib plaab es peb tau pub mov tsua koj noj, lossws pum koj nqhes dej es peb tau muab dej tsua ikoj haus nua. 38 Thaus twg koj tuaj ua qhua, es peb tau hu koj lug su huv peb tsev, lossws pum koj tsw muaj rwg tsho naav es peb pub tsua koj naav nua. 39 Thaus twg koj muaj mob lossws raug kaw huv tsev loj faaj, es peb tau tuaj saib koj nua. kO Vaaj ntxwv yuav teb has tas, kuv qha tseeb tsua mej has tas, thaus kws mej paab cov kws ntseeg kuv nuav tug kws tub tsw tseem ceeb pes tsawg tes tub yog mej paab kuv lawm ntaag. 40 Huas nwg yuav has tsua cov kws nyob ntawm nwg saab phem has tas, mej yog cov kws raug Vaajtswv foom tsw zoo, mej ca le tswv tawm ntawm kuv moog tsua huv ntuj tawg kub kws kub tsw txawj tuag moog ib txhws le. Qhov chaw ntawm yog qhov kws Vaajtswv tu tseg ca tsua Daab Ntxwg Nyoog hab Daab Ntxwg Nyoog cov tubkhai moog nyob. 41 Thaus kuv tshaib plaab, mej tsw pub mov tsua kuv noj. Thaus kuv nqhes dej, mej tsw pub dej tsua kuv haus. 43 Thaus kuv tuaj ua qhua kuv tsw paub tuabneeg, mej tub tsw hu kuv lug su huv mej tsev. Thaus kuv tsw muaj rwg tsho naav, mej tub tsw pub tsua kuv naav. Thaus kuv muaj mob muaj nkeeg hab raug kaw huv tsev loj faaj mej tub tsw tuaj saib kuv. 44 Puab yuav teb nwg has tas, tug tswv, thaus twg ais peb pum koj tshaib plaab los yog, nqhes dej los yog, tuaj ua qhua los yog, tsw muaj rwg tsho naav los yog, raug kaw huv tsev loj faaj los yog, ais peb tsw paab koj. 45 Vaaj ntxwv yuav teb puab has tas, kuv qha tseeb tsua mej has tas, qhov kws mej tsw paab cov tuabneeg nuav, tug kws tsw tseem ceeb daabtsw le tes tub yog mej tsw paab kuv ntaag. 46 Tes cov tuabneeg hov yuav raug txem moog ib txhws le. Huas cov tuabneeg ncaaj nceeg yuav tau txujsa ntev moog ib txhws tsw kawg le.
Cov num tswv nrhav kev tua Yexu
1 Thaus Yexu qha tej nuav taag lawm, nwg txawm has tsua nwg cov thwjtim has tas, 2 mej tub paub lawm has tas, tshuav ob nub xwb txug lub caij ua "kevcai hlaa dhau, mas puab yuav muab Tuabneeg Leej Tub coj moog teem tsua sau ntoo khaublig. 3 Cov pov thawj hlub hab Yutai cov kev txwj quas laug tuaj ua ke sablaaj huv tug tuam pov thawj hlub Kayafa tsev. 4 Puab sablaaj has tas, puab yuav nteg Yexu tuab ywv coj moog tua pov tseg. 5 Kuas puab tsua has tas, peb tsw xob nteg thaus suavdawg saamswm ua kevcai, tsaam tes tej pejxeem tsua ntxhuv.
Muab roj tsw-qaab laub tsua Yexu taubhau
6 Thaus Yexu nyob huv lub zog Npethani nwg saamswm noj mov huv Ximoo kws yaav tom ntej mob rua lub tsev, 7 txawm muaj ib tug quaspuj nqaa ib fwj roj tsw-qaab kws muaj nqe heev tuaj laub tsua sau Yexu taubhau. 8 Thaus cov thwjtim pum le ntawm puab khib, puab txawm sws thaam has tas, ua le caag nwg laam muab fwj roj hov ua nkim pov tseg le hov. 9 Yog muab fwj roj hov coj moog muag tes yeej yuav tau nyaj ntau, es coj cov nyaj hov moog pub tsua cov tuabneeg pluag kuj zoo dua qhov kws nwg muab ua nkim pov tseg le ntawm. 10 Yexu tub paub tej kws puab thaam hov lawm, nwg txawm has tsua puab has tas, mej tsw xob ua tsua tug quaspuj nuav ntxhuv sab. Qhov kws nwg ua tsua kuv nuav tub zoo lawm. 11 Cov tuabneeg pluag yeej yuav nrug mej nyob moog le, kuas kuv yuav tsw nrug mej nyob moog le. 12 Qhov kws tug quaspuj nuav laub roj tsw-qaab tsua kuv lub cev, tub yog nwg tu kuv lub cev ca tsua nub kws log kuv. 13 Kuv qha tsua mej has tas, yog tuabneeg qha txuj xuv zoo moog txug huv qaab ntuj nuav hov twg, tes qhov kws tug quaspuj nuav tau ua lawm yuav nrov nchaa moog txug hov ntawm, kuas suavdawg ncu txug teg num kws tug quaspuj nuav ua.
Yuta faav xeeb tsua Yexu
14 Thaus ntawm Yexu kaum ob tug thwjtim tug kws npe hu ua Yuta Ikhalau txawm moog cuag cov pov thawj hlub, 15 nwg nug puab has tas, yog kuv nteg Yexu tsua mej, mas mej yuav muab pes tsawg tsua kuv. Puab txawm suav kag peb caug txaj maas tsua nwg. 16 Txwj nub ntawm lug Yuta txawm pheej nrhav swmhawm coj puab moog nteg Yexu.
Yexu hab nwg cov thwjtim ua kevcai hlaa dhau
17 Thaus txug nub kws chiv ua kevcai noj ncuav tsw xyaw keeb, cov thwjtim txawm lug nug Yexu has tas, koj xaav kuas peb moog npaaj mov ua kevcai hlaa dhau tsua koj noj qhov twg. 18 Yexu teb has tas, mej ca le moog huv lub nroog mas has tsua tug txwv neej kws kuv tub qha tsua mej has tas, xwbfwb has tas, tub txug nwg lub swmhawm lawm, nwg hab nwg cov thwjtim yuav lug ua kevcai hlaa dhau huv koj tsev. 19 Tes cov thwjtim txawm moog npaaj mov ua kevcai hlaa dhau lawv le Yexu tau qha tsua puab lawm. 20 Tes thaus tsaus ntuj lawm Yexu hab kaum ob leeg thwjtim txawm lug nyob ua ke noj mov. 21 Thaus puab saamswm noj mov Yexu txawm has tas, kuv qha tsua mej has tas, mej cov kws nyob ntawm nuav muaj ib tug yuav faav xeeb tsua kuv. 22 Cov thwjtim ntxhuv sab heev puab nyag taug nyag nug Yexu has tas, tug tswv koj has le kos tsw yog koj has txug kuv pauj. 23 Yexu teb has tas, tug kws nrug kuv koom ib lub taig, yog tug kws yuav faav xeeb tsua kuv ntaag lauj. 24 Tuabneeg Leej Tub yeej yuav tuag lawv le tub muaj lug sau ca tsua huv Vaajtswv phoo ntawtf kws has txug nwg. Kuas tug kws faav xeeb tsua Tuabneeg Leej Tub mas yuav raug kev txom nyem. Yog nwg tsw xob yug lug ua tuabneeg kuj zoo dua. 25 Tug Yuta kws faav xeeb tsua Yexu txawm nug has tas, xwbfwb, koj has le kos tsw yog has txug kuv pauj. Yexu teb has tas, koj has le ntawm.
Yexu rooj mov
26 Thaus puab tseem saamswm noj mov, Yexu txawm muab ib lub ncuav lug ua Vaajtswv tsaug. Thaus nwg ua Vaajtswv tsaug taag nwg txawm muab lub ncuav hov ndais cev tsua cov thwjtim hab has tas, lub ncuav nuav yog kuv lub cev mej ca le txais moog noj. 27 Hab Yexu tsua muab lub khob kua txwv maab xwv lug ua Vaajtswv tsaug. Thaus nwg ua Vaajtswv tsaug taag nwg txawm muab khob kua txwv hov cev tsua puab hab nwg has tas, mej txhua tug ca le txais moog haus. 28 Khob kua txwv maab nuav yog kuv cov ntshaav kws zoo le lub hom thawj kws nas tsua Vaajtswv lu lug cog tseg. Kuv cov ntshaav nuav ndwg lug ntxuav tuabneeg coob coob tej kev txhum huvsw moog. 29 Kuv qha tsua mej has tas, kuv yuav tsw haus kua txwv maab xwv moog txug nub kws kuv nrug mej haus cov kua txwv maab tshab huv kuv txwv lub tebchaws. 30 Thaus puab hu ib zaaj nkauj taag, puab txawm tawm moog dua peg roob ntoo txwv kav laaj lawm.
Yexu qha tas, Pestus yuav tsw leeg paub nwg
31 Yexu txawm has tsua cov thwjtim has tas, mo nuav ntaag lauj, mej txhua tug yuav tswv huvsw tso kuv tseg, tsua qhov tub muaj lug sau tseg ca tsua huv Vaajtswv phoo ntawv has tas, Vaajtswv yuav tua tug tswv yug yaaj, mas paab yaaj yuav tawg nyag tswv nyag taag huvsw. 32 Kuas thaus Vaajtswv tsaa kuv sawv huv qhov tuag rov qaab lug lawm, kuv yuav ua mej ntej moog peg Kalilai tebchaws. 33 Pestus txawm teb Yexu has tas, txawm yog suavdawg tso koj tseg taag lawm los kuv yuav tsw tso koj tseg ib zag le. 3h Yexu has tsua Pestus has tas, kuv qha tsua koj tas, mo nuav thaus qab tsw tau qua koj yuav has peb zag has tas, koj tsw paub kuv. 35 Pestus teb has tas, txawm yog kuv yuav nrug koj tuag los kuv yeej yuav tsw has tas, kuv tsw paub koj ib zag le. Hab taag nrho cov thwjtim puab puav leej has ib yaam nkaus le hov.
Yexu thov Vaajtswv huv Khexemane
36 Yexu txawm nrug Yexu cov thwjtim moog txug ib qhov chaw hu ua Khexemane, nwg has tsua cov thwjtim has tas, mej nyob ntawm nuav kuv yuav moog thov Vaajtswv tom. 37 Yexu txawm coj Pestus hab Xepetai ob tug tub nrug nwg moog. Yexu ntxhuv sab kawg nkaus le. 38 Nwg has tsua puab has tas, kuv ntxhuv sab kawg le tub yuav tuag. Mej ca le nrug kuv nyob tuab ywv ntawm nuav tsw xob tsaug zug. 39 Yexu moog tom ntej mivntswv tes nwg txawm txhus caug ndua nyo ua lub plhu ti nkaus aav thov Vaajtswv has tas, txwv, yog koj pum zoo thov koj tsw xob ca kuv raug tej kev txom nyem nuav. Kuas txawm yog le caag los xwj, thov koj tsw xob ua lawv le kuv lub sab nyam, ca ua lawv le koj lub sab nyam xwb. 40 Yexu txawm rov lug ntawm peb tug thwjtim mas nwg pum puab tsaug zug lawm. Nwg has tsua Pestus has tas, mej tub yoo tsw taug daab ndub nrug kuv nyob ib nyuas teev le los. 41 Mej yuav tsum ceev faaj hab thov Vaajtswv paab, Daab Ntxwg Nyoog txha ntxag tsw tau mej. Lub sab kub quas lug, kuas lub cev qaug zug heev. 42 Yexu txawm rov moog thov Vaajtswv dua zag ob has tas, txwv, yog koj tsw pum zoo muab tej kev txom nyem ntawm rhu moog, koj yeej yuav ca kuv raug xwb, tes kuv yuav ua lawv le koj lub sab nyam. ki Tes Yexu txawm rov lug hab, mas nwg pum cov thwjtim tsaug zug taag lawm, puab qheb tsw taug qhov muag le. 44 Yexu txawm rov moog thov Vaajtswv zag peb, nwg has ib yaam nkaus le thawj ob zag kws nwg thov lawm. 45 Yexu txawm rov qaab lug has tsua nwg cov thwjtim has tas, mej tseem yuav tsaug zug kuas zoo daab ndub hab los. Nwgnuav tub txug swmhawm lawm, Tuabneeg Leej Tub yuav raug nteg coj moog tsua huv cov tuabneeg phem txhais teg. 46 Mej ca le sawv peb moog, tug kws faav xeeb tsua kuv nwg tub tuaj yuav txug.
Yuta coj tuabneeg moog nteg Yexu
47 Yexu tseem saamswm has le ntawm tes Yuta kws yog ib tug huv cov thwjtim kaum ob leeg txawm tuaj txug. Muaj ib paab tuabneeg coob coob coj ntaaj coj qws nrug nwg tuaj. Paab tuabneeg hov yog cov pov thawj hlub hab Yutai cov kev txwj quas laug khaiv tuaj. 48 Tug kws faav xeeb tsua Yexu, nwg tub xub qha tsua cov tuabneeg coob coob ntawm has tas, kuv nwj tug twg tes yog tug hov ntaag, mej ca le nteg nwg. 49 Thaus Yuta tuaj txug Yuta txawm ncaaj nraim lug tsua ntawm Yexu hab has tas, xwbfwb nyob zoo los, tes nwg txawm nwj kag Yexu. 50 Yexu teb has tas, npawg, koj yuav ua daabtsw koj ca le ua nrawm nroog. cov tuabneeg ntawm txawm nrov ntwg lug nteg Yexu tuav ruaj ruaj. 51 Cov tuabneeg kws nrug Yexu nyob ntawm muaj ib tug rhu hlo ntaaj lug tuab ntaag tug tuam pov thawj hlub ib tug tub qhe ib saab nplooj ntseg tu nrho. 52 Yexu txawm has tsua tug ntawm has tas, koj ca le muab koj raab ntaaj ntxwg rov tsua huv lub naab, tsua qhov txhua tug kws swv ntaaj yeej yuav tuag tsua nav ntaaj. 53 Koj tsw paub los, Yog kuv thov kuv txwv paab, tes taamswm nuav nwg yeej yuav khaiv nwg cov tubkhai sau ntuj coob dua yim xeem leej lug paab kuv. 54 Kuas yog kuv thov kuas paab le hov, tes tej, lug kws tub sau ca tsua huv Vaajtswv phoo ntawv has tas, yuav muaj tej xwm txheej nuav, yuav ua le caag txha tav. 55 Tes Yexu txawm has tsua cov tuabneeg coob coob hov has tas, mej coj ntaaj coj qws tuaj nteg kuv ib yaam le mej nteg tub saab los. Kuv naj nub nyob qha mej huv lub tuam tsev thov Vaajtswv ua caag mej tsua tsw nteg kuv. 56 Kuas qhov kws muaj le nuav, yog muaj kuas lawv le kws cov xwbfwb cev Vaajtswv lug tau sau ca tsua huv Vaajtswv phoo ntawv has tas, yuav tsum muaj le nuav. Tes cov thwjtim txawm tso Yexu tseg tswv taag lawm.
Cov num tswv kom Yexu
57 Cov tuabneeg kws tuaj nteg Yexu, puab txawm coj Yexu moog tom tug tuam pov thawj Kayafa tsev. Cov xwbfwb qha Vaajtswv kevcai hab cov kev txwj quas laug tub tuaj sablaaj ua ke hov ntawm tog lawm. 58 Thaus puab coj Yexu moog Pestus kuj lawv Yexu qaab nrug deb deb. Nwg moog txug ntawm tug tuam pov thawj hlub lub rooj vaag tes nwg txawm moog huv hab nrug cov tuabneeg kws zuv tug tuam pov thawj hlub lub tsev nyob ua ke nrau qaab tsw taug, nwg tog saib tug tuam pov thawj hlub yuav ua le caag tsua Yexu. 59 Cov pov thawj hlub hab cov xwbfwb kws qha Vaajtswv kevcai hab cov kev txwj quas laug nrhav lug kom Yexu sub puab txha zoo muab Yexu tua pov tseg. 60 Txawm yog muaj ntau leej lug ua tim khawv daag has tas, Yexu ua txhum los puab nrhav tsw tau lug kom Yexu. Thaus kawg muaj ob leeg lug has tas, 61 tug nuav has tas, nwg yuav muab lub tuam tsev thov Vaajtswv rhuav, mas peb nub xwb nwg yuav ua tau dua ib lub tshab. 62 Tug tuam pov thawj hlub txawm sawv tseeg nug Yexu has tas, ob tug kom koj le hov koj txawm tsw muaj lug teb le los. 63 Kuas Yexu ua tuab ywv tsw has ib lus le. Tug tuam pov thawj hlub rov has tsua Yexu has tas, muaj Vaajtswv nyob sau ntuj pum hab nov, koj ca le qha tsua kuv saib koj yog tug Cawmseej kws yog Vaajtswv tug tub kws Vaajtswv khaiv lug los tsw yog. 64 Yexu teb tas, koj yog tug kws has le ntawm. Kuas kuv qha tsua mej suavdawg has tas, txwj nuav moog mej yuav pum Tuabneeg Leej Tub nyob ntawm Vaajtswv kws muaj fwjchim luj kawg nkaus saab xws, hab pum nwg nrug fuab nrug cua lug sau ib ntaa ntuj lug. 65 Thaus tug tuam pov thawj hlub nov le ntawm nwg txawm dua rhe nwg lub tsho hab has tas, nwg has saib tsw taug Vaajtswv lawm, tsw taag peb yuav nrhav dua tim khawv lawm. Nwgnuav mej tub nov nwg tej lug phem ntawm taag lawm. 66 Mej xaav le caag. Puab teb has tas, nwg ua txhum lawm yuav tsum muab nwg tua pov tseg. 67 Puab txawm ntu qub ncaug tsua Yexu ntsej muag hab ntaus Yexu. 68 Hab cov tuabneeg kws ntaus Yexu has tsua Yexu has tas, tug Cawmseej, koj swm twv saib yog leejtwg ntaus koj.
Pestus tsw leeg paub Yexu
69 Thaus Pestus tseem nyob ntawm qaab tsw taug, tug tuam pov thawj hlub le ib tug nkauj qhev txawm tuaj has tsua Pestus has tas, koj yog ib tug kws nrug Yexu kws yog tuabneeg Kalilai nyob ua ke hab los sas. 70 Kuas Pestus tsw leeg le, nwg taab meeg has tsua suavdawg has tas, zaaj kws koj has kos kuv tsw paub le. 71 Pestus txawm moog dua tom rooj vaag lawm, tsua muaj dua ib tug nkauj qhev tuaj pum Pestus tes tug nkauj qhev txawm has tsua cov quasyawg kws nyob ntawm has tas, tug nuav yog ib tug kws nrug Yexu kws yog tuabneeg Naxale nyob ua ke ntaag. 72 Pestus tsw leeg dua ib zag, hab nwg twv ntuj twv teb has tas, kuv tsw paub tug ntawm le. 73 lb nyuas ntswv xwb cov tuabneeg kws sawv quas ntsug ntawm txawm lug has tsua Pestus has tas, koj yeej yog puab cov ib tug tag tag le, tsua qhov koj lub suab seeb chim zoo ib yaam le puab lub suab. Suavdawg tub paub taag lawm tsw taag koj yuav caav caav ncauj. 74 Pestus txawm twv ntuj twv teb has tas, kuv yeej tsw paub tug ntawm le. Yog kuv daag mas thov Vaajtswv teem txem tsua kuv, tes taamswm hov qab txawm qua. 75 Pestus txawm ncu dheev txug tej lug kws Yexu tau has tsua nwg has tas, thaus qab tsw tau qua koj yuav has peb zag has tas, koj tsw paub kuv. Pestus txawm tawm moog tsua saab nrau lawm, Pestus tu sab kawg le Pestus quaj quaj.
Puab coj Yexu moog cuag Philaj
1 Thaus kaaj ntug, mas taag nrho cov pov thawj hlub hab Yutai cov kev txwj quas laug txawm sablaaj has hum has tas, puab yuav muab Yexu coj moog tua pov tseg. 2 Puab muab saw hlau khi Yexu caab moog tsua huv Philaj lub tsev. Philaj yog vaaj ntxwv Xixa le ib tug tim xyoob kws xaa tuaj kaav Yutai tebchaws. Philaj yog tuabneeg Loo.
Yuta kev tuag
3 Thaus tug Yuta kws faav xeeb tsua Yexu nov tas, puab teem txem tsua Yexu lawm, nwg tu sab heev tsua qhov nwg paub has tas, nwg ua txhum lawm, tes nwg txawm coj peb caug txaj maas hov rov moog tsua cov pov thawj hlub hab cov kev txwj quas laug. 4 Nwg has tsua puab tas, qhov kws kuv muab ib tug tuabneeg tsw tau ua txhum tsua luas tua kuj yog kuv ua txhum lawm. Puab teb nwg has tas, zaaj kos tsw yog peb le kev, yog koj le xwb. 5 Yuta txawm muab cov nyaj hov pov tsua huv lub tuam tsev thov Vaajtswv, tes nwg txawm tswv moog dai cej daab tuag lawm. 6 Cov pov thawj hlub txawm khaws cov nyaj ntawm, mas puab has tas, yog yuav muab cov nyaj nuav coj lug tso tsua huv lub txhaab nyaj kws nyob huv lub tuam tsev kuj txhum peb kevcai, tsua qhov cov nyaj nuav yog nqe ntshaav. 7 Thaus puab sablaaj hum lawm, puab txawm coj cov nyaj hov moog yuav tug kws puab lauj kaub aav thaaj teb ca ua qhov chaw kws log lwm yaam tuabneeg. 8 Tub yog vem le ntawm suavdawg txha hu thaaj teb ntawm has tas, teb ntshaav lug txug naj nub nwgnuav. 9,10 Tej kws muaj le nuav tub yog lawv le xwbfwb Yelemi kws cev Vaajtswv lug tau qha tseg has tas, puab muab peb caug txaj maas coj moog yuav tug kws puab lauj kaub aav thaaj teb, lawv le Vaajtswv tau qha tsua kuv lawm. Cov tuabneeg Yixayee tub has hum lawm has tas, ib tug tuabneeg nqe taubhau ntaus le ntawm.
Phi1aj nug Yexu
11 Thaus Yexu sawv ntawm tim xyoob Philaj lub xub ndag, mas Philaj nug Yexu has tas, koj yog cov Yutai tug vaaj ntxwv los. Yexu teb nwg has tas, koj yog tug has le ntawm. 12 Thaus cov pov thawj hlub hab cov kev txwj quas laug kom Yexu, Yexu kuj tsw teb tej kws puab kom nwg hov ib lus le. 13 Phi laj txawm has tsua Yexu has tas, tej kws puab kom koj hov, koj tsw nov los. 4 Kuas Yexu tsw teb ib lus le. Philaj txawm xaav tsw thoob sov ua caag Yexu tsw teb.
Yexu raug teem txem tua
15 Lawv le ib txwm txhua zag kws ua kevcai hlaa dhau tug tim xyoob kws kaav Yutai tebchaws yuav tsum tso ib tug tuabneeg raug txem dim. Cov pejxeem thov tug twg nwg yuav tsum tso tug ntawm. 16 Mas thaus puab nteg Yexu hov muaj ib tug tuabneeg raug txem npe hu ua Yexu Npalanpa, suavdawg puav leej paub nwg zoo. 17 Thaus cov pejxeem tuaj ua ke coob coob hov Philaj txawm nug puab has tas, mej xaav kuas kuv tso tug twg tsua mej, tso Yexu Npalanpa lossws tso Yexu kws suavdawg hu ua, tug Cawmseej. 18 Philaj paub tseeb has tas, puab ntxub Yexu puab txha nteg Yexu coj tuaj tsua nwg. 19 Thaus Philaj nyob ntawm lub rooj has plaub Philaj tug quaspuj khaiv tuabneeg tuaj has tsua Philaj tas, tug nuav tsw tau ua txhum. Koj tsw xob ua le caag tsua nwg le, tsua qhov naag mo kuv ua npau suav pum nwg. Zaaj npau suav hov ua tsua kuv ntxhuv sab kawg le. 20 Cov pov thawj hlub hab cov kev txwj quas laug ntxag cov pejxeem kuas suavdawg thov Philaj tso Npalanpa, es muab Yexu coj moog tua pov tseg. 21 Thaus Philaj nug has tas, mej xaav kuas kuv tso ob tug nuav tug twg lug tsua mej mas puab suavdawg teb has tas, tso Npalanpa. 22 Philaj nug puab has tas, yog le ntawm mej yuav kuas kuv ua le caag tsua Yexu kws suavdawg hu ua, tug Cawmseej. Puab suavdawg teb has tas, coj nwg moog teem tsua sau ntoo khaublig. 23 Philaj txawm nug puab has tas, coj nwg moog teem ua daabtsw, nwg ua txhum qhov twg. Suavdawg yimfuab has nrov nrov has tas, coj nwg moog teem tsua sau ntoo khaublig. 24 Thaus Philaj pum tas, cov pejxeem yeej yuav ntxhuv xwb, nwg paab tsw tau Yexu lawm, nwg txawm muab dej lug ntxuav nwg txhais teg taab meeg suavdawg hab has tas, lub txem kws mej tua tug nuav kuv tsw nrug mej rws, mej rws mej. 25 Tes cov pejxeem suavdawg puav leej teb has tas, lub txem kws peb tua tug nuav ca peb hab peb cov mivnyuas rws los maj. 26 Philaj txawm tso Npalanpa tsua puab, hab nwg kuas puab muab Yexu nplawm, thaus nplawm taag lawm nwg txawm muab Yexu tsua puab coj moog teem tsua sau ntoo khaublig.
Cov tub rog saib tsw taug Yexu
27 Thaus ntawm Philaj cov tub rog txawm coj Yexu moog tsua huv Philaj lub tsev, hab taag nrho paab tub rog txawm lug sawv vej Yexu. 28 Puab muab Yexu lub tsho hle, mas muab ib lub tsho ntev lab lab lug khu tsua Yexu naav. 29 Puab muab xuav paug lug qhab ua kauj looj Yexu taubhau ib yaam le yog Yexu ntoo ib lub mom kub, hab muab ib tug tauj ab tsua Yexu txhais teg xws tuav, puab laam txhus caug ntawm Yexu xub ndag pe ua dog ua dig hab luag ua tsuj ua tsaug hab has tas, cov Yutai tug vaaj ntxwv es, koj yuav tau zoo lauj. 30 Puab ntu qub ncaug tsua Yexu hab muab tug tauj ab kws Yexu tuav lug ntaus Yexu taubhau. 31 Thaus puab ua saib tsw taug Yexu taag lawm, puab txawm muab lub tsho lab ntawm hle, mas muab Yexu lub tsho rov lug khu tsua Yexu naav. Tes puab txawm coj Yexu tawm moog lawm, puab yuav coj nwg moog teem tsua sau ntoo khaublig.
Teem Yexu tsua sau ntoo khaublig
32 Thaus puab saamswm tawm moog puab ntswb ib tug yawm npe hu ua Ximoo, nwg nyob tim lub moos Khulene, tes puab txawm yuam nwg kwv Yexu tug ntoo khaublig. 33 Puab moog txug ib qhov chaw npe hu ua "Khaulakhautha. Lub npe ntawm txhais has tas, roob txhaa taubhau. 34 Thaus puab moog txug qhov chaw hov, tes puab txawm muab kua tswb lug xyaw kua txwv maab xwv tsua Yexu haus. Kuas thaus Yexu swm mivntswv lawm nwg tsw kaam haus. 35 Thaus puab muab nwg teem tsua sau ntoo khaublig lawm, puab txawm muab nwg cev rwg tsho lug twv saib leejtwg yuav tau yaam twg. 36 Puab ua le ntawm taag tes puab txawm nyob ntawm zuv nwg. 37 Puab muab daim txag kws, sau ib nqais kom Yexu coj tuaj ntsa tsua sau tug ntoo khaublig ncaaj ntawm Yexu taubhau lawm sau, nqai lug hov has tas, tug nuav yog Yexu, yog cov Yutai tug vaaj ntxwv. 38 Thaus hov puab kuj muab ob tug tub saab teem tsua sau ob tug ntoo khaublig, muab ib tug txhus tsua Yexu saab xws muab ib tug txhus tsua Yexu saab phem. 39 Cov tuabneeg kws dua txujkev ntawm puab cu taubhau quas nyo hab thuaj Yexu. 40 Puab has tas, koj yog tug kws has tas, koj yuav rhuav lub tuam tsev thov Vaajtswv mas peb nub xwb koj yuav rov qaab ua tau dua ib lub tshab nua ne. Yog koj yog Vaajtswv tug tub tag koj ca le paab kuas koj dim hab nqeg kag sau tug ntoo khabulig kos lug los maj. 41 Cov pov thawj hlub, hab cov xwbfwb qha Vaajtswv kevcai hab cov kev txwj quas laug kuj thuaj Yexu has tas, 42 nwg paab tau lwm tug dim kuas nwg tsua paab tsw tau nwg. Nwg tsw yog cov Yixayee tug vaaj ntxwv los. Yog nwgnuav nwg nqeg tau sau tug ntoo khaublig lug, tes peb yuav ntseeg nwg hab. 43 Nwg ca sab tsua Vaajtswv hab nwg has tas, nwg yog Vaajtswv tug tub. Yog le ntawm peb swm saib, saib Vaajtswv yuav paab nwg dim nwgnuav los tsw paab. 44 Txawm yog ob nam tub saab kws raug teem tsua sau ntoo khaub-lig ib yaam le Yexu, los ob tug kuj thuaj Yexu hab.
Yexu tuag
45 Thaus nub ntseg ntuj txawm tsaus ndais thoob plawg lub tebchaws ntawm moog txug thaus nub qaij peb teev. 46 Thaus nub qaij peb teev Yexu txawm hu nrov nrov has tas, Eli, Eli lema xanpathani. Lu lug hov txhais has tas, txwv, txwv, ua le caag koj tso kuv tseg lawm. 47 Cov tuabneeg kws sawv ntawm muaj qee leej nov Yexu has le ntawm puab txawm has tas, nwg hu Eliya. 48 Tes cov tuabneeg ntawm muaj ib tug txawm dha loo moog muab ib lub taub ntxuav yag raus kua txwv maab qaub hab muab ib tug tauj ab chob lub taub ntxuav yag cev moog tsua Yexu haus. 49 Kuas muaj lwm cov has tas, tog ib ntswv peb saib, saib Eliya yuav lug paab kuas nwg dim los tsw paab. 50 Yexu rov hu dua ib zag nrov nrov tes nwg txawm tu sav nrho lawm. 51 Taamswm ntawm "daim ntaub kws thaiv huv lub tuam tsev thov Vaajtswv txawm nduag rhe sau ti nkaus huv taw hab ntuj qeg teb qeg aav ua zug quas kais, tej pob zeb pob tsuas tawg zum quas zawg. 52 Tej qhov ntxaa kuj qheb pes hlo, mas cov ntseeg Vaajtswv kws tuag lawm muaj coob coob txawm caj rov qaab lug. 53 Puab txawm tawm huv qhov ntxaa lug, mas thaus Yexu sawv huv qhov tuag rov lug lawm, tes puab txawm moog huv lub nroog kws zoo kawg nkaus mas muaj tuabneeg coob coob pum puab. 54 Thaus tug thawj tub rog hab cov tub rog kws nyob ua ke zuv Yexu hov pum nplajteb ua zug quas kais hab pum ib puas tsaav yaam kws tub muaj lug lawm puab ntshai kawg le, mas puab sws thaam has tas, tug nuav yeej yog Vaajtswv tug tub tag tag le. 55 Muaj ntau leej quaspuj tuaj nyob ntawm, puab sawv deb deb saib, puab yog cov kws ib txwm paab Yexu hab puab nrug Yexu tua peg Kalilai tebchaws tuaj. 56 Cov quaspuj ntawm muaj ib tug yog Maivlag Matala, ib tug yog Maivlag kws yog Yakaupau hab Yauxej nam, hab muaj ib tug yog Xepetai ob tug tub nam.
Log Yexu
57 Muaj ib tug nplua nuj npe hu ua Yauxej nwg tuaj peg lub moos Alimatha tuaj. Nwg yog Yexu ib tug thwjtim hab. Thaus yuav tsaus ntuj 58 nwg moog cuag Philaj mas thov Philaj muab Yexu lub cev tsua nwg. Tes Philaj txawm kuas puab moog muab Yexu lub cev lug tsua Yauxej kwv moog log. 59 Yauxej txawm muab ib chaws ntaub maag tshab tshab lug qhwv Yexu lub cev, 60 hab kwv moog "log tsua huv lub qhov ntxaa tshab kws Yauxej nyav txaug ca tsua huv ib phaab zeb. Nwg txawm dov ib daim laag zeb luj luj lug npug lub rooj ntxaa ca. Thaus nwg npug taag nwg txawm moog tsev lawm. 61 Thaus Yauxej log Yexu hov mas Maivlag Matala hab muaj dua ib tug Maivlag ob tug nyob quas tsawg hov ntawm saib.
Cov tub rog zuv qhov ntxaa
62 Dhau nub tswb kws log Yexu nub tom qaab thaus sawv ntxuv cov pov thawj hlub hab cov Falixai moog cuag Philaj. 63 Puab has tas, peb tuaj cuag koj yawm hlub, peb ncu tau has tas, thaus tug nam tuabneeg daag hov tseem muaj txujsa nyob nwg has tas, peb nub nwg yuav sawv rov lug. 64 Yog le ntawm thov koj khaiv tuabneeg moog zuv lub qhov ntxaa zoo zoo kuas puv peb nub tsaam tes nwg cov thwjtim tsua tuaj nyag nwg lub cev, tes yuav moog qha tsua suavdawg has tas, nwg tub sawv huv qhov tuag rov lug lawm. Yog puab moog has le ntawm tes zaaj nam daag thaus kawg nuav yimfuab yuav phem heev dua thawj zag. 65 Philaj txawm has tsua puab has tas, mej ca le coj ib paab tub rog moog zuv lub qhov ntxaa zoo zoo kuas tau lawv le mej txawj zuv. 66 Puab txawm moog muab aav lug luam lub rooj ntxaa zoo zoo, hab ntaus cim huvsw tsua. Puab txawm tso cov tub rog zuv.
Yexu sawv huv qhov tuag rov lug
1 Dhau nub su, nub athib thaus kaaj ntug quas txoog Maivlag Matala hab muaj dua ib tug npe hu ua Maivlag ob tug moog saib lub qhov ntxaa. 2 Taamswm ntawm nplajteb ua zug quas kais heev, muaj Vaajtswv ib tug tubkhai sau ntuj nqeg lug muab daim laag zeb kws npug lub rooj ntxaa dov tsua ib saab lawm, hab nwg nyob sau daim laag zeb hov. 3 Nwg lub ntsej muag ci ib yaam le tsag lig xub, hab nwg cev rwg tsho dawb paug ib yaam le ntaub yaaj pwm. 4 Cov tub rog kws zuv lub rooj ntxaa, puab ntshai ua ib ce tshee quas nyo txhaav taag yaam le kws tuag lawm. 5 Tug tubkhai ntawm has tsua ob tug quaspuj has tas, meb tsw xob ntshai. Kuv paub has tas, meb tuaj nrhav Yexu kws puab muab teem tsua sau ntoo khaublig. 6 Nwg tsw nyob ntawm nuav, nwg tub sawv lawm, lawv le nwg tub xub qha tseg lawm. Meb ca le lug saib qhov chaw kws puab tso nwg lub cev ca. 7 Meb ca le kawgkag rov qaab moog qha tsua nwg cov thwjtim has tas, Vaajtswv tub tsaa nwg sawv huv qhov tuag rov lug lawm. Nwg yuav ua mej ntej moog peg Kalilai tebchaws mas mej yuav ntswb nwg peg, ncu kuv tej lug tuab zoo nawj. 8 Ob tug quaspuj txawm tawm nrawm nroog ntawm lub qhov ntxaa rov qaab moog, ob tug ntshai los ntshai, zoo sab los zoo sab, ob tug swv zug dha moog qha tsua Yexu cov thwjtim paub. 9 Thaus ob tug saamswm dha rov moog tes ob tug txawm moog ntswb Yexu. Yexu has tsua ob tug has tas, thov kuas meb tau zoo nyob kaaj sab quas lug. Tes ob tug txawm lug tuav nkaus Yexu ob txhais kwtaw hab pe nwg. 10 Yexu txawm has tsua ob tug has tas, meb tsw xob ntshai. Meb ca le moog qha kuv cov thwjtim kuas puab moog peg Kalilai tebchaws, puab yuav pum kuv peg.
Cov tub rog lug qha cov pov thawj hlub
11 Thaus cov quaspuj saamswm rov moog, cov tub rog kws zuv lub qhov ntxaa, muaj qee leej dha moog huv lub nroog, moog qha tej kws tub muaj lawm huvsw tsua cov pov thawj hlub noog. 12 Thaus cov pov thawj hlub moog nrug cov kev txwj quas laug sablaaj taag, tes puab txawm muab nyaj ntau ntau pub tsua cov tub rog, 13 hab has tsua cov tub rog has tas, mej yuav tsum has tas, thaus ib taag mo mej tsaug zug lawm, nwg cov thwjtim txawm tuaj nyag nwg lub cev lawm. 14 Yog Philaj nov zaaj nuav, tes peb le maav nrug nwg has, mej tsw xob txhawj. 15 Cov tub rog txais cov nyaj ntawm lawm, tes puab txawm ua lawv le cov pov thawj qha. Zaaj nuav kuj nrov nchaa quas lug moog thoob plhawv txhua qhov huvsw. Cov Yutai puav leej nov huvsw. Hab naj nub nuav suavdawg tseem pheej has le ntawm.
Yexu kuas ua teg num tseem ceeb
16 Kaum ib tug thwjtim txawm moog peg Kalilai tebchaws, hab nee moog peg lub roob lawv le Yexu tau qha tsua puab lawm. 17 Thaus puab pum Yexu puab txawm txhus caug pis ndua pe nwg. Kuas muaj qee leej tseem tsw tshua ntseeg pes tsawg. 18 Yexu txaav lug ze puab mas has tsua puab has tas, Vaajtswv tub muab fwjchim tsua kuv kaav taag nrho ib puas tsaav yaam lawm, tsw has sau ntuj los yog, huv nplajteb los yog. 19 Yog le ntawm, mej ca le tawm moog qha tsua txhua yaam tuabneeg huv qaab ntuj nuav kuas puab lug ua kuv cov thwjtim, hab thaus mej muab puab ua kevcai raus dej mej yuav tsum tuav leej txwv, leej tub hab Vaajtswv tug Ntsuj Plig lub npe muab puab ua. 20 Hab qha kuas puab paub coj lawv le ib puas tsaav yaam kws kuv tau qha tsua mej lawm. Mej yuav tsum ncu ntsoov has tas, kuv yuav naj nub nrug mej nyob moog txug nub kws lub nplajteb nuav kawg.
Yauhaa qha txug Yexu
1,2 Nuav yog txuj xuv zoo kws has txug Vaaj tswv tug tub Yexu Kheto. Lub hauv paug yog chiv lawv le xwbfwb Yaxaya kws cev Vaajtswv lug tau sau ca has tas, Vaajtswv has tas, tug nuav yog kuv tug tubkhai. Kuv yuav khaiv nwg ua koj ntej moog khu kev tog koj. 3 Muaj ib tug has nrov nrov tom tebchaws moj saab qhua tuaj has tas, Khu txujkev nkhaus kuas ncaaj, khu kuas du tug tswv yuav lug. 4 Tug Yauhaa kws coj tuabneeg ua kevcai raus dej. nwg tawm moog tom tebchaws moj saab qhua, hab nwg qha cov tuabneeg kws tuaj noog nwg tej lug has tas, mej yuav tsum tso mej tej kev txhum tseg, hab ua kevcai raus dej, Vaajtswv txha le zaam mej lub txem. 5 Cov tuabneeg kws nyob thoob plawg huv Yutai tebchaws hab huv lub nroog Yeluxalee, suavdawg txawm tuaj moog noog Yauhaa qha. Puab txhua tug nyag leeg nyag lub txem, tes Yauhaa txawm muab puab ua kevcai raus dej huv tug nam dej Yalatee. 6 Yauhaa cev rwg tsho tsw zoo pes tsawg yog muab plaub ntxhuav lug ua. Nwg sa hlaab tawv, nwg noj kooj ntaas hab zwb ntaab. 7 Yauhaa qha has tas, tug kws yuav lawv kuv qaab lug, tug hov muaj fwjchim luj dua kuv, kuv tub tsw tswm nyog khoov moog daws nwg txuj nyuas hlua khau. 8 Kuv muab mej ua kevcai raus huv dej, kuas tug hov yuav pub Vaajtswv tug Ntsuj Plig tsua mej.
Yexu ua kevcai raus dej. Ntxwg Nyoog ntxag Yexu
9 Tom qaab ntawm tsw ntev, Yexu txawm tuaj peg lub zog Naxale kws nyob huv Kalilai tebchaws tuaj. Mas Yauhaa muab Yexu ua kevcai raus dej huv tug nam dej Yalatee. 10 Thaus Yexu tawm huv dej lug, tes taamswm hov Yexu txawm pum rooj ntug qheb hlo hab pum Vaajtswv tug Ntsuj Plig lug tsaws sau Yexu taubhau. Tug Ntsuj Plig ntawm muaj lub cev zoo le ib tug nquab. 11 Hab Yexu nov ib lub suab has sau ntuj tuaj has tas, koj yog kuv tug tub kws kuv hlub, koj ua hum kuv sab. 12 Taamswm ntawm Vaajtswv tug Ntsuj Plig txawm kuas Yexu moog lawm tom tebchaws moj saab qhua. 13 Yexu nyob tom tau plaub caug nub plaub caug mo. Plaub caug nub ntawm Daab Ntxwg Nyoog pheej naj nub daag ntxag Yexu, hab Yexu nrug tej tsaj qus nyaum nyob, kuas muaj ib cov tubkhai sau ntuj lug ua koom tsua Yexu.
Yexu hu plaub tug muab ntseg lug ua thwjtim
14 Thaus puab muab Yauhaa kaw lawm, tes Yexu txawm moog peg Kalilai tebchaws hab Yexu qha Vaajtswv txuj xuv zoo peg. 15 Yexu qha has tas, tub txug lub swmhawm kws Vaajtswv lug kaav tuab-'neeg lub sab lawm. Mej ca le tso mej tej kev txhum tseg hab lug ntseeg txuj xuv zoo. 16 Thaus Yexu saamswm taug ntug dej hav txwv Kalilai nwg pum ob tug quasyawg. Ob tug yog cov tuabneeg muab ntseg. Ib tug yog Ximoo, ib tug yog Ximoo tug kwv Aatali. Ob tug saamswm xuas vaag ntaus ntseg huv hav txwv. 17 Yexu has tsua ob tug has tas, meb ca le nrug kuv moog kuv yuav qha meb npu tuabneeg ib yaam le meb npu ntseg. 18 Taamswm ntawm ob tug txawm tso plhuav vaag tseg nrug Yexu moog. 19 Yexu moog tom ntej mivntswv Yexu txawm pum dua ob tug kwvtij. Ob tug kwvtij hov yog Xepe-tai ob tug tub. Ib tug yog Yakaupau, ib tug yog Yauhaa, ob tug saamswm ntxwv vaag hab khu vaag huv nkoj. 20 Thaus Yexu pum dheev ob tug, tes Yexu txawm hu ob tug lug. Ob tug txawm tso ob tug txwv hab cov tub qhe tseg tsua huv lub nkoj. Ob tug ca le nrug Yexu moog.
Ib tug quasyawg raug daab
21 Yexu puab moog txug huv lub moos Kapena-oo, mas nub su Yexu moog qhuab qha huv lub tsev sablaaj. 22 Cov tuabneeg kws tuaj noog Yexu qha, puab xaav tsw thoob le tsua qhov Yexu muaj tswvyim qha, Yexu qha tsw thooj le cov xwbfwb kws qha Vaajtswv kevcai qha, tsua qhov nwg tej lug muaj fwjchim hab muaj sa muaj zug. 23 Tes taamswm hov txawm muaj ib tug quasyawg raug daab lug huv tsev sablaaj. 24 Nwg qw nrov nrov has tas, Yexu kws yog tuabneeg Naxale, koj tuaj taab kaum peb ua daabtsw. Koj yuav tuaj ua kuas peb puam tsuaj los. Kuv paub koj, koj yog Vaajtswv tug tubkhai kws zoo kawg nkaus. 25 Yexu txawm has tawv tawv tsua daab has tas, koj ca le ua tuab ywv tsw xob has le kos, hab ca le tawm plawg huv tug quasyawg nuav lub cev moog. 26 Daab txawm ua tsua tug ntawm fuam ib thaaj, daab qw nkhaus nplaig quas vog tes daab txawm tawm plawg lawm. 27 Cov tuabneeg kws nyob ntawm phemfwj heev kawg le, puab txawm sws nug zum quas zawg has tas, muaj dua ib zaaj lug qha tshab los yog ua caag, es tug nuav yuav muaj fwjchim ntab daab, daab kuj noog nwg lug hab ne. 28 Yexu lub moo txawm nrov nchaa quas lug moog thoob plawg Kalilai tebchaws.
Yexu khu ntau leej
29 Yakaupau hab Yauhaa, ob tug nrug Yexu puab tawm huv tsev sablaaj moog tom Ximoo hab Aatali tsev. 30 Ximoo nam tais ua npaws nwg pw. Thaus Yexu moog txug ncua huv tsev txawm muaj tuabneeg qha tsua Yexu has tas, Ximoo nam tais mob. 31 Yexu moog saib nwg. Yexu tuav nwg teg tsaa nwg sawv, tes nwg lub cev txawm zoo hlo lawm. Tes nwg txawm ua zaub ua mov tsua Yexu puab noj. 32 Thaus nub poob qho lawm, yuav tsaus ntuj, tej tuabneeg txawm coj txhua tug kws muaj mob hab tej tuabneeg kws raug daab tuaj cuag Yexu. 33 Tej tuabneeg zej zog suavdawg tuaj nyob nrau qhov rooj. 34 Mas Yexu khu cov tuabneeg muaj mob coob coob hov zoo huvsw, hab cov kws raug daab Yexu ntab daab tawm taag nrho. Yexu tsw kheev daab has lug, tsua qhov daab yeej paub Yexu.
Yexu qha huv Kalilai tebchaws
35 Taagkig thaus tseem tsw tau kaaj ntug, Yexu txawm sawv tawm huv tsev moog tom ib qhov chaw kws tsw muaj tuabneeg. Nwg nyob tom thov Vaajtswv. 36 Ximoo hab Ximoo cov kwvluag puab suavdawg moog nrhav Yexu. 37 Thaus puab nrhav tau Yexu lawm, puab has tsua Yexu has tas, muaj tuabneeg coob coob tuaj nug has tas, koj moog tsua twg lawm. 38 Yexu teb has tas, peb yuav tsum moog txhua nrho tej zog kws nyob huv lub tebchaws nuav. Kuv yuav tsum moog qha huv tej zej zog hov hab, tsua qhov kuv yeej lug ua teg num nuav. 39 Yexu txawm moog thoob plawg huv Kalilai tebchaws, nwg qhuab qha huv tej tsev sablaaj, hab nwg ntab daab tswv tawm huv cov tuabneeg kws raug daab moog.
Yexu khu tug mob rua
40 Muaj ib tug quasyawg mob rua tuaj cuag Yexu, nwg tuaj txhus caug ndua ntawm Yexu kwtaw thov Yexu paab nwg. Nwg thov has tas, yog koj zoo sab khu kuv tug mob, koj yeej khu tau. 41 Yexu hlub nwg heev, Yexu txawm cev hlo teg moog tuav nkaus nwg. Yexu teb has tas, kuv zoo sab paab koj hab. Koj tej mob ca le zoo hlo. 42 Taamswm ntawm nwg tej rua txawm zoo taag huvsw lawm. 43 Yexu has tawv tawv tsua tug ntawm has tas, 44 koj moog koj tsw xob qha zaaj nuav tsua leejtwg. Koj ca le ncaaj nraim moog cuag tug pov thawj kuas nwg tshuaj koj tug mob, mas pum tas, koj tej ruas tub zoo lawm, tes koj le coj hov txhua chaw moog xyeem tsua Vaajtswv lawv le Mauxe tau qha tseg lawm, suavdawg txha le paub has tas, nwgnuav koj tub zoo lawm. 45 Kuas tug hov moog qha zaaj nuav tsua suavdawg noog, tes zaaj nuav txawm nrov nchaa quas lug moog thoob plhawv hov txhua hov chaw huvsw. Txwj nub ntawm lug Yexu moog tsw tau taab meeg tsua huv tej moos lawm. Mas Yexu moog tom tej qhov kws tsw muaj tuabneeg nyob coob, tes pheej muaj tuabneeg tuaj txhua qhov tuaj cuag Yexu hov ntawm.
Yexu khu tug tuag teg tuag taw
1 Tau ob peb nub tom qaab, Yexu rov qaab lug txug huv lub moos Kapena-oo, mas suavdawg nov has tas, Yexu nyob huv tsev, 2 tes muaj tuabneeg coob coob tuaj saib Yexu, ua tsev ntsawm nkaus, txawm yog ntawm qhov rooj los tub tsw tau kev moog huv tsev. Thaus Yexu saamswm qha txuj xuv zoo tsua puab noog, 3 tes txawm muaj plaub leeg kwv ib tug yawm tuag teg tuag taw tuaj tsua Yexu khu. 4 Kuas muaj tuabneeg coob coob mas puab tsw tau kev kwv nwg moog cuag Yexu, tes puab txawm nee moog sau -ruv tsev mas lauj ib qho ncaaj ntawm Yexu nyob lawm sau. Thaus puab qheb tau lawm, puab txawm muab hlua khi daim choj kws pua nwg, mas tso nwg hlauv moog tsua huv. 5 Thaus Yexu pum has tas, puab muaj kev ntseeg heev, tes Yexu txawm has tsua tug yawm tuag teg tuag taw hov tas, mivtub es, koj tub dim koj lub txem lawm. 6 Cov xwbfwb kws qha Vaajtswv kevcai qee leej kws nyob ntawm, puab txawm xaav has tas, 7 ua caag nwg yuav has le ntawm, nwg has le hov kuj yog nwg saib tsw taug Vaajtswv los paub. 8 Taamswm ntawm Yexu tub paub tas puab lub sab xaav le hov, Yexu txawm has tsua puab has tas, ua caag mej xaav le ntawm. 9 Yuav has tsua tug yawm tuag teg tuag taw nuav has tas, koj tub dim koj lub txem, lossws yuav has tas, ca le sawv tseeg muab koj daim choj pua nqaa moog tsev. Ob lu lug nuav lu twg yuav yooj yim has dua. 10 Kuv yuav ua tsua mej paub tseeb tas, Tuabneeg Leej Tub yog tug kws muaj fwjchim huv nplajteb nuav zaam tau tuabneeg lub txem. Yexu txha has tsua tug yawm tuag teg tuag taw hov has tas, 11 kuv has tsua koj tas, koj ca le sawv tseeg nqaa hlo koj daim choj moog tsev. 12 Thaus suavdawg saamswm saib quas ntsoov tug hov, ua cav nwg txawm sawv tseeg nqaa hlo nwg daim choj tawm nrawm quas nroog moog lawm. Mas suavdawg phemfwj kawg le, puab qhuas Vaajtswv has tas, peb tsw tau pum dua le nuav ib zag le.
Yexu hu Levi
13 Yexu rov qaab moog nraag ntug hav txwv Kalilai. Muaj ib paab tuabneeg tuaj cuag nwg, tes nwg txawm qha puab. 14 Thaus Yexu saamswm moog, nwg pum ib tug txwv neej sau se nyob ntawm lub rooj sau se. Tug ntawm yog Alafai tug tub Levi. Yexu txawm has tsua Levi has tas, koj nrug kuv moog ua kuv le thwjtim. Levi txawm ca le sawv tseeg nrug Yexu moog. 15 Dhau hov ntawm Yexu moog noj mov huv Levi tsev. Mas cov tuabneeg sau se hab cov tuabneeg kws suavdawg has tas muaj txem, coob coob nrug Yexu moog. Puab cov hov muaj qee leej nrug Yexu hab Yexu cov thwjtim noj mov ua ke. 16 Cov xwbfwb qha Vaajtswv kevcai kws yog cov Falixai, qee leej pum Yexu nrug cov tuabneeg muaj txem hab cov tuabneeg sau se noj mov ua ke, puab txawm nug Yexu cov thwjtim has tas, ua caag Yexu yuav nrug cov nam tuabneeg sau se hab cov nam tuabneeg muaj txem noj mov. 17 Yexu nov puab has le hov, Yexu txawm teb has tas, cov tuabneeg kws tsw muaj mob yeej tsw moog cuag kws tshuaj, tsuas yog cov tuabneeg muaj mob txha le moog cuag kws tshuaj xwb. Tsw yog kuv lug hu cov tuabneeg kws puab has tas, puab yog tuabneeg ncaaj nceeg, kuas kuv lug hu cov tuabneeg kws muaj txem.
Kevcai yoo mov yog le caag
18 Muaj ib zag Yauhaa cov thwjtim hab cov Falixai saamswm coj kevcai yoo mov, txawm muaj tuabneeg tuaj nug Yexu has tas, ua caag Yauhaa cov thwjtim hab cov Falixai cov thwjtim coj kevcai yoo mov kuas koj cov tsw coj kevcai yoo mov. 19 Yexu teb has tas, mej xaav has tas, thaus tug nraug vauv tseem nrug nwg cov kwvtij kwv npawg noj tshoob ua ke puab yuav yoo mov nua los. Puab yeej tsw yoo le. 20 Kuas muaj ib nub twg, tug nraug vauv yuav ncaim puab moog, thaus txug nub kws nwg ncaim puab moog lawm, puab yuav yoo mov. 21 Tsw muaj leejtwg yuav muab daim ntaub tshab lug ntxwv lub qub tsho. Yog nwg ua le ntawm daim tshab yuav dua kuas daim qub yimfuab nduag luj heev. 22 Hab tsw muaj leejtwg yuav muab cov kua txwv maab xwv tshab coj lug ntim tsua huv lub "naab tawv qub. Yog nwg ua le ntawm cov kua txwv maab yuav tsaam ua tsua lub naab tawv qub tawg, tes cov kua txwv maab yuav lug taag, hab lub naab tawv qub hov yuav tsw zoo swv lawm. Cov kua txwv maab xwv tshab yuav tsum muab ntim tsua huv lub naab tawv tshab, lub naab tawv tshab txha tsw tawg.
Nub su yog le caag
23 Muaj ib zag yog nub su, Yexu hab Yexu cov thwjtim saamswm moog txug huv ib daim teb npleg. Cov thwjtim de naab nplej lug tev noj. 24 Thaus cov Falixai pum Yexu cov thwjtim ua le hov puab txawm has tsua Yexu has tas, koj swm saib, nub su koj cov thwjtim ua le ntawm puab ua txhum peb kevcai lawm lauj. 25 Yexu teb puab has tas, thaus Tavi hab cov tub rog kws nrug Tavi ua ke, puab tshaib plaab puab ua le caag, mej tsw tau nyeem zaaj ntawm los. Thaus Tavi hab Tavi cov tub rog tshaib plaab 26 Tavi txawm moog huv lub tsev pe Vaajtswv mas muab tej ncuav kws tub muab xyeem tsua Vaajtswv lawm, lug noj. Thaus hov yog lub swmhawm kws Anpitha ua tug tuam pov thawj hlub. Lawv le peb txuj kevcai tsuas yog cov pov thawj txha noj tau tej ncuav ntawm xwb, kuas Tavi muab noj hab muab faib tsua cov tub rog kws nrug nwg ua ke suavdawg noj hab. 27 Yexu qha ntxwv has tas, Vaajtswv tswm nub su kuas muaj qaabhau tsua tuabneeg hab kuas tuabneeg tau zoo, tsw yog tswm tuabneeg lug ua nub su tej kevcai qhev. 28 Yog le ntawm Tuabneeg Leej Tub yog tug tswv kws kaav nub su.
Tug quasyawg qhuav teg
1 Yexu txawm rov qaab moog tom tsev sablaaj. Huv tsev sablaaj muaj ib tug quasyawg nwg ib txhais teg qhuav. 2 Cov tuabneeg kws nyob ntawm muaj qee leej xaav nrhav txem tsua Yexu, puab txawm saib saib nub su hov Yexu yuav khu tug quasyawg hov txhais teg los tsw khu. 3 Yexu has tsua tug qhuav teg ntawm has tas, koj ca le lug tom suavdawg xub ndag nuav. 4 Yexu txawm nug suavdawg has tas, nub su peb kevcai ca peb ua le caag, ca ua zoo los ca ua phem, paab txujsa kuas dim, lossws txuv txujsa kuas tu. Kuas tsw muaj ib tug teb le. 5 Yexu saib moog tsua cov tuabneeg kws nyob ntawm, mas nwg chim hab nwg ntxhuv sab tsua qhov puab lub sab tawv. Yexu txawm has tsua tug qhuav teg has tas, koj ca le xyaab hlo koj txhais teg. Tug hov txawm xyaab hlo teg, tes nwg txhais teg txawm rov zoo hlo le qub lawm. 6 Cov Falixai txawm tawm huv tsev sablaaj moog, mas taamswm hov puab moog nrug Helauj cov qee leej sablaaj, puab ntaus tswvyim yuav muab Yexu tua pov tseg.
Tuabneeg tuaj coob nraag ntug hav txwv
7 Yexu hab Yexu cov thwjtim puab moog nraag ntug hav txwv Kalilai. Mas muaj tuabneeg coob coob nrug Yexu puab moog hab. Cov tuabneeg ntawm muaj ib txha tuaj huv Kalilai tebchaws tuaj, muaj ib txha tuaj nraag Yutai tebchaws tuaj, 8 muaj ib txha tuaj nraag lub nroog Yeluxalee tuaj, muaj ib txha tuaj nraag Ituma tebchaws tuaj, muaj ib txha tuaj saab ntug dej Yalatee tim u tuaj, hab ib txha tuaj peg tej zej zog kws nyob ze lub moos Tulau hab lub moos Xitoo tuaj. Cov tuabneeg ntawm tuaj saib Yexu tsua qhov muaj tuabneeg qha tej num kws Yexu saamswm ua tsua puab paub. 9 Muaj tuabneeg coob coob tes Yexu txawm has kuas Yexu cov thwjtim npaaj ib lub nkoj tog Yexu, sub cov tuabneeg coob coob hov txha tsw txaav lug muab Yexu txwv tsua huv plawv, 10 vem yog Yexu tub khu ntau leej lawm, mas cov tuabneeg kws muaj mob pheej sws txwv txaav lug ze ze, puab txha kov tau Yexu. 11 Tej tuabneeg kws raug daab pum Yexu thaus twg, puab txawm qhau cev hlo ntawm Yexu kwtaw hab qw nrov nrov has tas, koj yog Vaajtswv tug tub. 12 Yexu txwv cov daab hov tawv tawv has tas, mej tsw xob qha has tas, kuv yog 1eej twg.
Yexu xaiv kaum ob leeg tubkhai
13 Dhau hov ntawm Yexu txawm nee moog peg ib lub roob, mas nwg hu cov tuabneeg kws nwg xaav yuav ua nwg cov thwjtim lug cuag nwg, tes puab txawm lug cuag nwg. 14 Nwg xaiv tau kaum ob leeg, mas hu kaum ob leeg hov ua cov tubkhai. Hab nwg has tsua puab has tas, kuv xaiv mej lug nrug kuv nyob, kuv yuav khaiv mej moog qha txuj xuv zoo. 15 Hab kuv yuav pub fwjchim tsua mej, kuas mej ntab tau daab tawm. 16 Kaum ob leeg kws Yexu xaiv ntawm, ib tug yog Ximoo. (Yexu tis ib lub npe tshab tsua Ximoo hu ua Pestus). 17 lb tug yog Yakaupau, hab ib tug yog Yakaupau tug kwv Yauhaa, ob tug yog Xepetai ob tug tub. (Yexu muab ob tug tis npe hu ua Npaulakhe tsua qhov ob tug lub sab txhauv). 18 Ib tug yog Aatali, ib tug yog Fili, ib tug yog Palaumai, ib tug yog Mathai, ib tug yog Thauma, ib tug yog Alafai tug tub Yakaupau, ib tug yog Thatai, ib tug yog tug Ximoo kws tsw xaav ca nwg lub tebchaws poob, 19 hab ib tug yog Yuta Ikhalau kws tom qaab nuav faav xeeb tsua Yexu.
Puab tsw paub Yexu tug fwjchim
Yexu txawm rov moog txug huv ib lub tsev. 20 Tsua muaj dua ib cov tuabneeg coob coob tuaj tes Yexu hab Yexu cov thwjtim tsw kwg noj mov le. 21 Thaus Yexu tsev tuabneeg nov le hov, puab txawm moog nrhav Yexu, puab yuav coj Yexu lug tsev tsua qhov muaj tuabneeg has tas, Yexu zoo le tej tuabneeg vwm lawm. 22 Cov xwbfwb qha Vaajtswv kevcai qee leej kws tuaj nraag Yeluxalee tuaj puab has tas, Yexu raug daab Npexenpu, qee leej has tas, yog Daab Ntxwg Nyoog pub fwjchim tsua nwg, nwg txha ntab tau daab tswv. 23 Yexu txawm hu cov tuabneeg coob coob ntawm lug cuag nwg, mas nwg ua pev lug qha tsua puab has tas, Daab Ntxwg Nyoog yuav ua le caag ntab tau Daab Ntxwg Nyoog tswv. 24 Yog muaj ib lub tebchaws tawg ua ob peb paab lawm, hab cov ntawm sws ntaus sws tua, tes lub tebchaws ntawm yeej yuav puam tsuaj moog. 25 Yog tsev tuabneeg twg ua tsw sws hum, tes tsev tuabneeg ntawm yeej yuav tawg taag moog. 26 Yog cov tuabneeg kws Daab Ntxwg Nyoog kaav ua tsw sws hum lawm, tes puab yeej yuav nyob tsw tau ua ke, puab yuav tawg moog taag. 27 Yog muaj ib tug quasyawg muaj muaj zug nwg nyob huv nwg tsev, yeej tsw muaj leejtwg yuav moog lws tau tug ntawm tej hov txhua chaw, tsuas yog yuav xub moog muab tug muaj zug ntawm khi tsaiv, le maav lws tau tej hov txhua chaw huv tug ntawm tsev. 28 Kuv qha tseeb tsua mej has tas, txhua yaam kev txhum kws tuabneeg ua, hab txhua lu lug phem kws tuabneeg has, Vaajtswv zaam tau. 29 Kuas tug kws thuaj Vaajtswv tug Ntsuj Plig mas Vaajtswv zaam tsw tau tug ntawm lub txem ib zag le. Tug ntawm nwg yuav tsum rws nwg lub txem moog ib txhws. 30 Yexu has le nuav tsua qhov muaj qee leej has tas, Yexu raug daab.
Yexu nam hab Yexu cov kwv
31 Thaus ntawm Yexu nam hab Yexu cov kwv tuaj sawv nrau zoov, mas tso tuabneeg moog hu Yexu lug. 32 Muaj tuabneeg coob coob nyob quas tsawg vej puas ncig Yexu. Puab has tsua Yexu has tas, koj saib koj nam hab koj cov kwv tuaj sawv nrau zoov hu koj. 33 Yexu teb has tas, leejtwg yog kuv nam, hab cov twg yog kuv cov kwv. 34 Yexu txawm saib cov tuabneeg kws nyob ib ncig ntawm nwg, hab has tas, cov tuabneeg kws nyob ntawm nuav txha yog kuv nam hab kuv cov kwv. 35 Tug kws ua lawv le Vaajtswv lub sab nyam txha yog kuv le kwv, yog kuv le muam, hab yog kuv nam.
Zaaj pev lug tug tseb noob
1 Muaj dua ib zag Yexu rov qaab moog qha nraag ntug dej hav txwv Kalilai, mas muaj tuabneeg coob coob tuaj cuag Yexu, Yexu tsw tau chaw nyob, tes Yexu txha nee moog nyob huv ib lub nkoj. Lub nkoj ntawm nyob huv hav txwv, huas cov tuabneeg coob coob hov sawv tim ntug dej. 2 Yexu ua pev lug qha ntau zaaj tsua puab noog. Nwg qha ib zaaj has tas, 3 mej ua tuab zoo noog. Muaj ib tug txwv neej nqaa noob moog tseb. 4 Thaus nwg saamswm tseb cov noob tsua huv nwg daim teb, muaj ib txha poob tsua huv plawv kev, tes noog txawm yaa lug khaws noj lawm. 5 Muaj ib txha poob tsua ntawm qhov aav kws huv muaj pob zeb tiv lawm, aav tsw tub. Cov noob ntawm tuaj sai sai kuas aav tsw tub. 6 Thaus nub tuaj tshaav ntuj kub tes cov kaug txawm ntsws hab qhuav taag lawm vem cov caag tsw tau chaw ntsa aav. 7 Muaj ib txha poob tsua huv tsob xuav paug, tes cov xuav paug hlub tuaj laum, tes cov ntawm hlub tsw taug, txw tsw taug. 8 Kuas muaj ib txha poob tsua ntawm qhov aav zoo, mas tuaj kaug, hab hlub sai txw zoo. Tej tsob txw tau peb caug npaug, tej tsob txw tau rau caum npaug, tej tsob txw tau ib puas npaug. 9 Yexu xaus lug has tas, yog leejtwg muaj qhov ntsej ca le khaws zaaj nuav ca.
Vem le caag Yexu ua pev lug qha
10 Thaus Yexu tuab leeg nyob xwb, cov tuabneeg kws tau nov Yexu qha, muaj qee leej nrug kaum ob tug thwjtim lug thov Yexu txhais zaaj pev lug hov tsua puab paub. 11 Yexu has tsua puab has tas, yaav taag lug lawm mej tsw paub qhov kws Vaajtswv hu suavdawg lug ua nwg le tuabneeg, kuas nwgnuav Vaajtswv tub qha zaaj ntawm tsua mej paub lawm. Kuas txhua zaaj kws lwm cov nov puav leej yog ua pev lug qha xwb. 12 Muaj le nuav txha lawv le tub muaj lug sau ca tsua huv Vaajtswv phoo ntawv lawm has tas, Puab yuav saib taag saib thab los tsw pum, Puab yuav nov taag nov thab los tsw nkaag sab. Yog puab pum hab nkaag sab lawm, ntshai tsaam tes puab yuav tig hlo lug cuag Vaajtswv, tes Vaajtswv yuav zaam puab lub txem.
Yexu txhais zaaj pev lug
13 Yexu txawm has tsua puab has tas, zaaj pev lug nuav mej tsw nkaag sab hab los. Yog mej tsw nkaag sab zaaj nuav mej yuav ua le caag nkaag sab lwm zaaj. 14 Tug tseb noob tub yog tug kws qha Vaajtswv txujlug. 15 Cov noob kws poob tsua huv plawv kev yog pev txug Vaajtswv txujlug kws qha tsua tuabneeg suavdawg noog. Thaus puab nov lawm, taamswm ntawm Daab Ntxwg Nyoog lug txeeb txuj1ug hov tawm huv puab lub sab moog lawm. 16 Cov noob kws poob tsua ntawm qhov aav kws muaj pob zeb tiv huv lawm yog pev txug cov tuabneeg kws nov dheev Vaajtswv txujlug, tes taamswm ntawm puab zoo sab hlo ntseeg. 17 Kuas txujlug ntawm moog tsw tub tsua huv puab lub sab. Puab ntseeg ib nyuas ntu xwb. Thaus puab raug kev txom nyem lossws raug kev tswm txom vem yog tim qhov kws puab ntseeg txujlug hov, tes puab txawm thim hlo rov qaab lawm. 18 Cov noob kws poob tsua huv tsob xuav paug pev txug cov tuabneeg kws nov Vaajtswv txujlug. 19 Kuas puab tej kev ntxhuv sab, kev ntshaw nyaj ntshaw txaj hab ntshaw yaam u yaam nua hlub tuaj laum Vaajtswv txujlug lawm, tes puab lub neej txha tsw tawg paaj txw txwv. 20 Cov noob kws poob tsua ntawm qhov aav zoo pev txug cov tuabneeg kws nov Vaajtswv txujlug qha ais khaws tej lug ntawm ca tsua huv puab lub sab. Puab lub neej txha tawg paaj txw txwv. Muaj qee leej txw tau peb caug npaug, muaj qee leej txw tau rau caum npaug, muaj qee leej txw tau ib puas npaug.
Muab lub phaaj khwb lub teeb
21 Hab Yexu nug has tas, sub muaj ib tug taws teeb ais yuav muab phaaj khwb tseg lossws muab txawb tsua huv qaab txaag. Tsuas muaj yuav muab lub teeb txawb tsua sau txee xwb los sas. 22 Tej kws muab zais ca lawm yeej yuav muaj tuabneeg pum, hab tej kws muab npug ca lawm, los yeej yuav tshwm lug tsua suavdawg pum. 23 Yog leejtwg muaj qhov ntsej ca le khaws zaaj nuav ca. 24 Hab Yexu has dua tsua puab has tas, mej yuav tsum ua tuab zoo noog tej kws mej nov. Yog mej thuaj los qhuas lwm tug le caag, tes Vaajtswv kuj yuav thuaj hab qhuas mej ib yaam le hov hab, hab Vaajtswv tseem yuav ua tsua mej heev dua le kws mej ua tsua lwm tug lawm. 25 Tug kws muaj lawm, Vaajtswv yuav muab ntxwv tsua nwg, kuas tug kws tsw muaj, txawm yog nwg muaj mivntswv xwb los Vaajtswv tseem yuav muab rhu huvsw moog hab.
Zaaj pev lug lub noob tuaj kaug
26 Yexu qha has tas, qhov kws Vaajtswv lug kaav tuabneeg lub sab pev ib yaam le ib tug txwv neej moog cog nplej tsua huv nwg daim teb. 27 Mo ntuj nwg pw tsaug zug, nruab nub nwg ua daag num. No ntuj los yog, nruab nub los yog, cov noob nplej tuaj kaug hab pheej hlub zuj quas zug. Tug hov tsw paub sov ua caag cov kaug txawj hlub le ntawm. 28 Tub yog aav ua kuas tuaj hab txhawv. Xub muaj tug kaug mog mog hlub tuaj le maav txhawv, le maav rau ntsab, le maav chiv daaj qaab naab. 29 Thaus sav lawm, tes tug txwv neej hov txawm xuas lag moog hlais, tub yog zoo hlais 1awm.
Zaaj pev lug has txug noob zaub
30 Hab Yexu qha has tas, qhov kws Vaajtswv lug kaav tuabneeg lub sab, peb yuav muab pev tsua yaam twg txha raug. Peb yuav ua pev lug le caag qha, suavdawg txha to taub. 31 Qhov kws Vaajtswv lug kaav tuabneeg lub sab pev ib yaam le ib lub noob zaub kws miv kawg nkaus, kws muaj ib tug coj moog cog tsua huv aav. 32 Nyob nyob tes lub noob ntawm txawm tuaj kaug hab hlub luj dua tej zaub huvsw, ncau ceg luj hab ntxhuv, mas noog lug ua zeg tsua sau tej ceg hab muaj nplooj roog tej zeg. 33 Yexu ua pev lug qha tsua suavdawg noog xwb, nwg tsw kheev qha ncaaj nraim, hab nwg tsuas qha npaum le kws puab yuav ncu tau xwb. 3^ Kuas thaus Yexu hab Yexu cov thwjtim nyob xwb, mas Yexu txhais txhua zaaj pev lug kws nwg qha hov lub ntsab tsua cov thwjtim paub.
Yexu txwv cua hab dej
35 Tuab nub hov thaus yuav tsaus ntuj, Yexu txawm has tsua Yexu cov thwjtim has tas, peb ca le hlaa hav txwv moog saab tim u. 36 Tes puab txawm ncaim suavdawg moog lawm. Yexu xub moog nyob huv lub nkoj, cov thwjtim le nee lawv qaab moog huv, puab coj Yexu nrug puab moog. Muaj ob peb lub nkoj nrug Yexu puab moog hab. 37 Ua cav txawm muaj cua daaj cua dub nplawm hlub hlub ntsawj dej ndaas lug tsua huv lub nkoj, dej tub yuav puv lub nkoj tuab tag. 38 Yexu rau ncoo pw tsaug zug tom tw nkoj mas cov thwjtim lug tsaa Yexu has tas, xwbfwb, koj tsw quav ntsej peb los, peb tub yuav tuag lauj. 39 Yexu txawm sawv tseeg lug txwv cua has tas, ca le tu. Hab txwv dej has tas, ca le tug. Tes cua txawm tu nrho hab dej txawm tug tsw ndaas lawm. 40 Yexu txawm has tsua cov thwjtim has tas, ua caag mej ntshai ua luaj, ua caag mej pheej tsw ntseeg. 41 Kuas puab ntshai kawg, puab sws thaam has tas, tug nuav yog leejtwg ne. Ua caag cua hab dej kuj noog nwg lug hab.
Tug raug daab vwm hab paab npua
1 Yexu hab Yexu cov thwjtim moog txug saab ntug hav txwv Kalilai tim u. Tebchaws hov yog Khelaxa tebchaws. 2 Thaus Yexu tawm huv lub nkoj lug, taamswm hov muaj ib tug yawm raug daab vwm, nwg tawm tom roob toj ntxaas lug cuag Yexu. 3 Tug yawm hov yeej nyob tom roob toj ntxaas. Muaj tuabneeg tub muab saw hlau khi nwg ntau zag lawm, kuas nwg muaj zug heev, mas puab khi tsw tau. 4 Puab muab saw hlau khi nwg teg nwg taw ntau zag kuas txhua zag kws puab khi, nwg muab nqug tu pis nrho taag hab muab tej khawb hlau kws ntsug nwg kwtaw luv pis ntho taag, nwg muaj muaj zug tsw muaj leejtwg kov yeej nwg le. 5 Nwg yos taag nub taag mo tom roob toj ntxaas hab peg tej roob, nwg pheej qw nrov nrov hab muab pob zeb hlais nwg ib ce. 6 Thaus nwg pum Yexu nwg tseem nyob deb tsawv, nwg txawm dha dha lug qhau cev hlo ntawm Yexu kwtaw, 7 mas qw nrov nrov has tas, Yexu, Vaajtswv kws muaj fwjchim luj kawg nkaus tug tub, koj tuaj taab kaum kuv ua daabtsw. Thov koj saib tsua Vaajtswv es koj tsw xob ua tsua kuv puam tsuaj. 8 Nwg has le ntawm tsua qhov yog Yexu saamswm has tsua nwg has tas, nam daab phem, koj ca le tawm plawg huv tug quasyawg nuav lub cev moog. 9 Yexu txawm nug nwg has tas, koj lub npe hu le caag. Tug hov teb tas, kuv lub npe hu ua Coob, tsua qhov peb muaj coob coob le. 10 Nwg txawm thov thov Yexu tas tsw xob ntab peb tawm huv lub tebchaws nuav moog. 11 Nyob ze hov ntawm muaj ib paab npua coob coob saamswm nrhav noj peg ib ntaa toj. 12 Cov daab txawm thov Yexu has tas, ca peb moog nyob huv paab npua hov lauj. 13 Yexu txawm ca daab moog nyob huv paab npua ntawm. Cov daab txawm tawm plawg huv tug quasyawg lub cev moog nyob huv paab npua. Paab npua hov kwvlaam muaj ob txheeb tug. Thaus daab moog tsua huv paab npua lawm, tes paab npua txawm dha ntawm plaag toj ntxhaab moog poob tsua huv hav txwv tuag taag 1 awm. 14 Thaus cov tuabneeg kws yug npua pum le hov lawm, puab txawm dha rov qaab moog qha tej hov tsua cov tuabneeg kws nyob huv moos, hab huv tej zej zog kws nyob ib ncig lub moos ntawm. Tes suavdawg txawm tawm tuaj saib tej xwm ntawm, saib muaj le puab has tag los tsw muaj. 15 Thaus puab tuaj txug ntawm Yexu puab pum tug quasyawg raug daab tub zoo lawm, nwg nyob quas tsawg ntawm, nwg naav rwg tsho hab meej pem lawm, puab pum le hov puab ntshai kawg le. 16 Cov tuabneeg kws pum Yexu ntab daab txawm pav zaaj kws Yexu ntab daab tawm huv tug quasyawg hov lub cev moog, hab pav txug paab npua tsua suavdawg noog. 17 Thaus suavdawg nov le ntawm suavdawg txawm thov kuas Yexu tawm huv puab lub tebchaws moog. 18 Thaus Yexu saamswm nee moog huv lub nkoj, tes tug kws raug daab txawm thov Yexu has tas, ca kuv nrug koj moog los maj. 19 Kuas Yexu tsw kheev. Yexu has tsua nwg has tas, koj ca le rov qaab moog tsev es qha tsua koj cov kwvtij paub has tas, Vaajtswv paab koj le caag, hab hlub koj npaum le caag. 20 Tug ntawm txawm ca le moog qha thoob plawg huv kaum lub moos kws nyob lub tebchaws hov txug tej kws Yexu paab nwg lawm tsua suavdawg noog. Txhua tug kws nov nwg qha,puab xaav tsw thoob le.
Yailau tug ntxhais hab tug puj kov Yexu tsho
21 Yexu txawm caij nkoj hlaa hav txwv rov qaab moog saab tim u. Muaj tuabneeg coob coob tuaj cuag Yexu nraag ntug dej. 22 Muaj ib tug-quasyawg npe hu ua Yailau, nwg yog tug kws saib daag num huv lub tsev sablaaj. Thaus nwg pum dheev Yexu nwg txawm lug qhau cev hlo ntawm Yexu kwtaw. 23 Nwg thov thov Yexu has tas, kuv tug mivntxhais mob heev tub yuav tuag, thov koj moog cev teg npuab nwg, nwg txha le zoo. 24 Yexu txawm nrug Yailau moog, hab muaj tuabneeg coob coob nrug Yexu moog ua txwv quas qev. 25 Muaj ib tug quaspuj nwg mob huv nwg lub cev tau kaum ob xyoo lug lawm, yog pheej lug ntshaav, nwg txom nyem kawg le. 26 Nwg ndav ntau tug kws tshuaj khu kuas tsw zoo. Nwg muab nyaj txag swv khu taag lawm los tsw zoo, nwg pheej mob luj zuj quas zug lawm. 27 Tug quaspuj hov tau nov suavdawg has tas, Yexu txawj khu mob tes nwg txawm nrug suavdawg lawv Yexu qaab moog. 28 Nwg xaav huv nwg lub sab has tas, yog kuv ib nyuas kov Yexu lub qaab tsho kuv tug mob yuav zoo. 29 Nwg txawm cev hlo teg moog kov Yexu lub qaab tsho, tes taamswm hov nwg ntshaav txawm tu nrho hab nwg noog nwg lub cev tub zoo lawm. 30 Taamswm ntawm Yexu paub has tas, fwjchim tawm huv Yexu moog lawm, Yexu txawm tig hlo moog nug cov tuabneeg kws lawv Yexu qaab has tas, leejtwg kov kuv qaab tsho. 31 Yexu cov thwjtim teb has tas, koj tsw pum has tas, muaj tuabneeg coob ua luaj le nuav txwv koj nua los. Ua caag koj yuav nug has tas, leejtwg kov koj lub qaab tsho. 32 Kuas Yexu tseem saib tej tuabneeg kws sawv ib ncig, saib yog leejtwg kov nwg. 33 Tug quaspuj hov paub has tas, nwg tug mob tub zoo lawm. Nwg ntshai ua ib ce tshee quas nyo, nwg txawm lug qhau cev hlo ntawm Yexu kwtaw, mas qha txhua yaam tsua Yexu. 3^ Yexu has tsua tug quaspuj hov tas, mivntxhais, koj tug mob zoo lawm tub yog vem koj ntseeg. Koj ca le moog hab tso sab plhuav koj tug mob tub zoo lawm. 35 Thaus Yexu tseem saamswm has le ntawm tes muaj tuabneeg khaiv ob peb leeg tuaj tom Yailau tsev tuaj has tsua Yailau has tas, koj tug ntxhais tub tuag lawm, koj tsw xob hu xwbfwb moog taab kaum tom koj tsev. 36 Kuas Yexu tsw quav ntsej tej lug kws puab has ntawm. Yexu has tsua Yailau has tas, koj tsw xob txhawj koj ca le ntseeg xwb. 37 Yexu tsw kheev suavdawg nrug nwg moog, nwg tsuas kheev Pestus hab Yakaupau, hab Yakaupau tug kwv Yauhaa puab peb leeg nrug nwg moog xwb. 38 Thaus puab moog txug tom Yailau tsev, Yexu nov suavdawg ua nqaaj ua nqug, hab quaj nyav ntsug quas qeeg huv tsev. 39 Yexu txawm moog huv tsev, mas Yexu has tsua suavdawg has tas, mej ua nqaaj ua nqug hab quaj ua daabtsw. Tug mivnyuas hov tsw tuag nwg tsaug zug xwb. kO Tes suavdawg luag Yexu zum quas zawg. Yexu txawm kuas puab tawm moog nrau zoov. Thaus puab tawm moog taag lawm, tes Yexu txawm coj tug mivnyuas ntawm nam hab txwv hab Yexu peb tug thwjtim nrug nwg moog huv lub txaaj kws tug mivnyuas hov pw. 41 Yexu moog tuav nkaus tug mivnyuas ntawm txhais teg mas has tsua nwg has tas, tali-tha khumi. Lu lug hov txhais has tas, mivntxhais kuv has tsua koj has tas, koj ca le sawv tseeg. 42 Taamswm hov tug mivntxhais txawm sawv tseeg moog kev. Nwg noob nyoog muaj kaum ob xyoos. Thaus puab pum le hov puab phemfwj heev kawg le. 43 Kuas Yexu has tawv tawv tsua puab has tas, mej tsw xob moog qha tej nuav tsua leejtwg le. Yexu txawm kuas puab moog muab mov lug tsua tug mivntxhais hov noj.
Cov Naxale tsw ntseeg Yexu
Yexu txawm tawm hov ntawm rov qaab moog nraag nwg lub moos kws nwg nyob hlub huv. Nwg cov thwjtim nrug nwg moog hab. 2 Nub su Yexu moog qha huv tsev sablaaj. Cov tuabneeg coob coob kws noog Yexu qha puab xaav tsw thoob le. Puab sws thaam has tas, nwg tau tej nuav hov twg lug. Nwg tau tug tswvyim nuav hov twg lug, ua le caag nwg yuav ua tau tej txujci tseem ceeb nuav. 3 Nwg yog ib tug kws ntoo, nwg yog Maivlag tug tub. Yakaupau hab Yauxej hab Yuta hab Ximoo puab tub yog nwg cov kwv, hab nwg cov muam tub nrug peb nyob ua ke huv lub moos nuav nev. Tes cov tuabneeg ntawm txawm tsw fwm hab tsw ntseeg Yexu. 4 Mas Yexu has tsua puab has tas, tej tuabneeg ob caag puav leej fwm tug xwvfwb kws cev Vaajtswv lug, tsuas yog cov tuabneeg kws nyob huv nwg lub zog, hab nwg tej kwvtij neej tsaa hab nwg tsev tuabneeg txha tsw fwm nwg xwb. 5 Yexu tsw tau ua tej txujci tseem ceeb ntau pes tsawg tsua huv lub moos hov tsua qhov cov tuabneeg hov tsw ntseeg nwg, nwg tsuas cev teg npuab ob peb leeg kuas puab zoo xwb. 6 Yexu xaav tsw thoob le tsua qhov cov tuabneeg kws nyob hov tsw ntseeg nwg.
Khaiv kaum ob tug thwjtim moog qha
Dhau hov ntawm Yexu moog qhuab qha tsua huv tej zej zog kws nyob ib ncig hov ntawm. 7 Yexu hu kaum ob tug thwjtim lug cuag nwg, mas nwg khaiv puab moog qha txuj xuv zoo. Nwg kuas puab ob leeg moog ib qho, ob leeg moog ib qho. Hab nwg pub fwjchim tsua puab kuas puab ntab tau daab tawm. 8 Nwg has tsua puab has tas, mej tsw xob coj daabtsw moog, tsuas kheev mej coj tug paas nreg xwb. Tsw xob ntim mov, tsw xob khuam naab thoob puab, tsw xob npaaj nyaj moog. 9 Mej yuav tsum rau khau, kuas tsw xob npaaj tsho moog hloov. 10 Hab Yexu has tsua puab has tas, thaus mej moog txug huv lub moos twg yog yim twg zoo sab hu mej moog huv puab tsev, tes mej ca le moog su huv yim ntawm moog txug nub kws mej tawm huv lub moos hov moog. 11 Mej moog txug lub zog twg yog tsw muaj tuabneeg hu mej moog tsev, hab tsw noog mej tej lug qha, mej ca le tawm hov ntawm moog hab nchus tej moov aav kws lu mej kwtaw pov tseg. Mej ua le ntawm kuas puab txha le paub has tas, puab muaj txem. 12 Cov thwjtim txawm moog hab puab qha suavdawg kuas nyag tso nyag tej kev txhum pov tseg. 13 Tej tuabneeg kws raug daab los cov thwjtim ntab daab tawm. Hab cov tuabneeg muaj mob los cov thwjtim muab roj lug pleev hab khu txhua tug zoo huvsw.
Yauhaa kev tuag
14 Vaaj ntxwv Helauj nov tej nuav vem yog Yexu lub moo tub nrov nchaa quas lug moog thoob plawg hov txhua hov chaw lawm. Muaj qee leej has tas, tug Yauhaa kws coj tuabneeg ua kevcai raus dej sawv rov qaab lug lawm, nwg txha ua tau tej txujci hov. 15 Kuas muaj qee leej has tas, Yexu yog Eliya. Muaj qee leej has tas, Yexu yog ib tug xwbfwb cev Vaajtswv lug ib yaam le tej xwbfwb kws cev Vaajtswv lug yaav thau u. 16 Thaus Helauj nov suavdawg has le hov Helauj has tas, tug hov tub yog tug Yauhaa kws coj tuabneeg ua kevcai raus dej ntaag. Kuv kuas puab txav nwg cej daab, kuas nwgnuav nwg sawv rov qaab lug lawm. 17 Helauj yog tug kws has kuas puab nteg Yauhaa coj moog kaw tsua huv tsev loj faaj. Helauj ua le ntawm tub yog nwg ua kuas hum Helautiya sab. Helautiya tub yog Helauj tug kwv Fili tug quaspuj los Helauj tseem yuav Helautiya lug ua nwg tug quaspuj hab. 18 Thaus Yauhaa tseem nyob Yauhaa pheej ntuag Helauj has tas, koj yuav koj tug kwv tug quaspuj lug ua koj quaspuj mas txhum kevcai lawm. 19 Yog Yauhaa has le hov mas Helautiya txha ntxub Yauhaa heev, hab pheej xaav muab Yauhaa tua pov tseg, kuas tua tsw tau vem yog Helauj tsw kheev tua. 20 Helauj ntshai hab fwm Yauhaa tsua qhov Helauj paub has tas, Yauhaa yog tug kws muaj sab dawb sab zoo. Helauj txha tsw kheev leejtwg ua phem tsua Yauhaa. Helauj nyam noog Yauhaa qha, kuas tej lug kws Yauhaa qha pheej ua tsua Helauj ntxhuv sab. 21 Muaj ib nub Helautiya nrhav tau kev ua phem tsua Yauhaa lawm. Nub ntawm yog nub kws Helauj ua ib rooj mov ncu txug nub kws yug Helauj. Helauj hu cov num tswv, hab cov thawj rog, hab cov tuabneeg tseem ceeb kws kaav Kalilai tebchaws tuaj nrug Helauj noj mov. 22 Helautiya tug ntxhais txawm lug laav voov tsua suavdawg saib. Nwg laav voov le hov mas Helauj hab cov num tswv suavdawg zoo sab kawg le. Vaaj ntxwv Helauj txawm has tsua tug ntxhais has tas, koj xaav yuav daabtsw koj ca le thov, kuv yuav muab pub tsua koj. 23 Helauj txawm cog lug tawv tawv has tas, kuv has tseeb tsua koj has tas, yog koj thov yaam twg kuv yeej yuav muab yaam ntawm tsua koj, txawm yog koj xaav kaav kuv lub tebchaws ib nraab los kuv yeej yuav muab tsua koj kaav. 24 Tug ntxhais txawm tawm moog nug nwg nam has tas, kuv yuav thov daabtsw. Nwg nam teb has tas, koj ca le thov tug Yauhaa kws coj tuabneeg ua kevcai raus dej lub taubhau. 25 Taamswm ntawm tug ntxhais txawm rov lug cuag vaaj ntxwv Helauj mas has tas, kuv xaav kuas koj muab tug Yauhaa kws coj tuabneeg ua kevcai raus dej lub taubhau tso tsua huv ib lub vaab nqaa lug tsua kuv taamswm nuav ntaag. 26 Tug ntxhais has le hov mas vaaj ntxwv ntxhuv sab kawg le, kuas nwg thim tsw tau nwg cov lug lawm, tsua qhov nwg tub cog lug tsua tug ntxhais taab meeg suavdawg lawm. 27 Helauj txawm khaiv ib tug tub rog moog txav Yauhaa lub taubhau lug. 28 Tes tug tub rog txawm moog txav Yauhaa taubhau tom tsev loj faaj mas muab tso tsua huv lub vaab nqaa lug tsua tug ntxhais, tes tug ntxhais txha nqaa moog tsua leej nam. 29 Thaus Yauhaa cov thwjtim nov le hov tes puab txawm tuaj muab Yauhaa lub cev kwv moog log.
Yexu pub mov tsua tswb txheeb leej noj
30 Yexu cov thwjtim rov qaab lug cuag Yexu, mas puab qha txhua yaam kws puab tau moog ua hab tau qha lawm tsua Yexu noog. 31 Muaj tuabneeg coob coob pheej tuaj noog Yexu qha. Paab noog taag paab lawm paab tsua tuaj. Yexu hab Yexu cov thwjtim tsw tau su le, txawm yog yuav noj mov los tub tsw kwg noj le, tes Yexu txawm has tsua cov thwjtim has tas, peb ca le moog lawm lwm qhov kws tsw muaj tuabneeg mej txha tau su mivntswv. 32 Yexu hab Yexu cov thwjtim txawm caij nkoj hlaa hav txwv moog tsua ib qhov chaw kws tsw muaj tuabneeg. 33 Kuas muaj ntau leej pum Yexu hab Yexu cov thwjtim sawv kev moog. Puab tuaj deb deb pum, kuas puab paub has tas, yog Yexu hab Yexu cov thwjtim. Cov tuabneeg ntawm txawm dha lawv ntug hav txwv moog, puab xub moog txug qhov chaw kws Yexu hab Yexu cov thwjtim yuav moog. 34 Thaus Yexu tawm huv lub nkoj lug Yexu pum cov tuabneeg coob coob hov, mas Yexu hlub puab kawg le tsua qhov puab zoo ib yaam le paab yaaj kws tsw muaj tug tswv yug. Yexu qha ntau zaaj tsua puab. 35 Thaus yuav tsaus ntuj Yexu cov thwjtim txawm lug has tsua Yexu has tas, tub lig lig lawm, ntawm nuav tsw muaj mov noj. 36 Thov koj kuas cov tuabneeg nuav nyag moog nrhav nyag mov noj tom tej zej zog kws nyob ze ntawm nuav. 37 Yexu has tsua cov thwjtim has tas, mej ca le nrhav tsua puab noj los pauj. Cov thwjtim nug Yexu has tas, koj xaav kuas peb moog yuav ob puas thes mov lug tsua suavdawg noj lov. 38 Yexu txawm has tsua cov thwjtim tas, ca le moog saib, saib mej muaj pes tsawg lub ncuav. Thaus puab moog saib lawm, puab rov lug qha tsua Yexu tas, muaj tswb lub ncuav hab ob tug ntseg. 39 Yexu txawm kuas cov thwjtim moog has tsua cov tuabneeg coob coob ntawm kuas suavdawg nyob quas tsawg ua tej paab tej pawg ntawm tej nyom. 40 Cov tuabneeg ntawm suavdawg txawm nyob ua tej paab, qee paab muaj ib puas leej, qee paab muaj tswb caug leej. k\ Yexu txawm muab tswb lub ncuav hab ob tug ntseg lug tuav, nwg tsaa qhov muag saib sau ntuj ua Vaajtswv tsaug. Thaus nwg ua Vaajtswv tsaug taag, nwg txawm muab cov ncuav ndais cev tsua nwg cov thwjtim nqaa moog faib tsua suavdawg. Nwg kuj muab ob tug ntseg faib tsua suavdawg hab. 41 Txhua tug puav leej noj tsau huvsw. 43 Cov thwjtim txawm moog khaws tej ncuav hab tej ntseg kws suavdawg noj tsw taag tau kaum ob tawb npoob miv puv nkaus. 44 Suav cov tuabneeg kws noj ncuav nub hov, mas cov txwv neej tub muaj tswb txheeb leej lawm, tsw suav cov quaspuj mivnyuas.
Yexu moog sau nplaim dej
45 Thaus suavdawg noj ncuav taag lawm, Yexu txawm kuas cov tuabneeg hov rov qaab moog tsev, hab nwg kuas nwg cov thwjtim nee moog huv nkoj caij hlaa hav txwv ua ntej moog nyob tim lub moos Npexayata tog nwg. 46 Thaus suavdawg moog taag lawm Yexu txawm nee moog thov Vaajtswv peg roob. 47 Thaus tsaus ntuj cov thwjtim tub caij nkoj moog txug ib nraab dej lawm. Thaus hov Yexu tuab leeg tseem nyob peg roob. 48 Yexu pum nwg cov thwjtim ceblaaj nkuam nkoj kawg le vem yog cua nplawm lub nkoj heev. Thaus tsw tau kaaj ntug Yexu txawm moog kwtaw sau nplaim dej moog lawv cuag cov thwjtim. Nwg yeej yuav hlaa dhau plhawv puab moog. 49 Kuas thaus cov thwjtim pum nwg puab xaav has tas, nwg yog puj ntxoog puab txawm qw ntsoog quas qeeg, 50 yog puab ntshai kawg le. Taamswm ntawm Yexu txawm has tsua puab has tas, mej tsw xob ntshai tub yog kuv ntaag. 51 Yexu txawm nee moog nrug cov thwjtim nyob huv lub nkoj. Ua cav cua txawm tu lawm. Cov thwjtim phemfwj kawg le, puab xaav tsw thoob le. 52 Puab tsw to taub qhov kws Yexu muab ncuav faib tsua suavdawg noj, tsua qhov puab zoo le tej tuabneeg ruag kws tsw nkaag sab.
Yexu khu cov muaj mob huv Khenexale
53 Yexu puab caij nkoj hlaa hav txwv moog txug tim lub moos Khenexale. Puab txawm tso lub nkoj ca tsua ntawm. 54 Thaus Yexu puab saamswm tawm huv nkoj lug, taamswm hov cov tuabneeg kws nyob ntawm paub has tas, yog Yexu. 55 Tes cov tuabneeg ntawm txawm dha moog qha tsua tej tuabneeg kws nyob ib thaaj tsaam ntawm has tas, Yexu tuaj. Thaus suavdawg nov le hov puab txawm muab choj qhwv cov tuabneeg kws muaj mob kwv tuaj tsua Yexu khu. Puab nov has tas, Yexu nyob hov twg tes puab txawm kwv tuaj tsua hov ntawm. 56 Txhua qhov kws Yexu moog tsw has huv tej zog los yog, huv tej moos los yog, pheej muaj tuabneeg coj tej tuabneeg muaj mob tuaj tso tsua tom kab. Puab thov Yexu has tas, ca peb cov tuabneeg kws mob kov koj lub qaab tsho. Tes txhua tug kws tau kov txawm zoo huvsw lawm.
Puj koob yawm koob tej lug qha
1 Cov Falixai hab cov xwbfwb kws qha Vaajtswv kevcai muaj qee leej tuaj nraag lub nroog Yeluxalee tuaj cuag Yexu. 2 Puab pum Yexu cov thwjtim muaj qee leej tsw tau ntxuav teg lawv le Yutai kevcai txawm ca le noj mov lawm. Yutai kevcai qha has tas, yuav tsum xub ntxuav teg le maav noj. 3 Cov Falixai hab cov Yutai suavdawg ib txwm ua lawv le puab puj koob yawm koob tau qha tsua puab has tas, yuav tsum xub ntxuav teg lawv le kevcai tsaiv le noj mov. 4 Hab tej hov txhua chaw kws puab yuav tom kab lug, puab yuav tsum xub muab ntxuav tsaiv le maav noj. Hab puab coj tej kevcai kws puab puj koob yawm koob qha tsua puab. Muaj ntau txuj kevcai kws puab coj, tsw has ntxuav lauj kaub taig dav los yog, taig tooj lab tooj daag los yog, txaaj chaw pw los yog, yuav tsum ua lawv le kevcai. 5 Cov Falixai hab cov xwbfwb kws qha Vaajtswv kevcai txawm nug Yexu has tas, ua caag koj cov thwjtim tsw ua lawv le peb puj koob yawm koob qha, puab tsw xub ntxuav teg tsaiv le maav noj mov. 6 Yexu teb has tas, xwbfwb Yaxaya kws cev Vaajtswv lug qha tseeb has tas, mej yog cov nam tuabneeg sab phem tag. Nwg qha tas, Vaajtswv has tas, cov tuabneeg nuav lub ncauj fwm kuv, Kuas puab lub sab tsw npuab kuv. 7 0_hov kws puab pe kuv tsw muaj qaabhau daabtsw le, Tsua qhov puab muab tuabneeg tej lug, lug qha ib yaam le yog Vaajtswv txujlug ntaag. 8 Yexu has dua has tas, nwgnuav mej tsw coj lawv le Vaajtswv txujlug qha, mej tsua moog coj lawv le tuabneeg txujlug qha. 9 Hab Yexu has tas, mej ua tau kawg le. Mej muab Vaajtswv txuj kevcai tso tseg es mej txha tau ua lawv le mej txujlug qha. 10 Mauxe tau qha has tas, yug yuav tsum fwm yug nam yug txwv, hab has tas, yog leejtwg tshev nwg nam nwg txwv tsw zoo, tes ca le muab tug hov tua pov tseg. 11 Kuas mej qha has tas, yog leejtwg muaj ib yaam daabtsw kws muaj qaabhau tsua nwg nam nwg txwv, mas nwg txawm has tsua nwg nam nwg txwv has tas, kuv tub pub tej ntawm tsua Vaajtswv lawm. 12 Lawv le mej qha mas tsw taag tug hov yuav paab nwg nam nwg txwv lawm. 13 Mej ua le ntawm tub yog mej ua saib tsw taug Vaajtswv txujlug, tsua qhov mej qha lawv le mej puj koob yawm koob qha tsua mej xwb. Mej tseem ua ntau yaam zoo le nuav hab.
Yaam kws ua tsua tuabneeg txhum
14 Tes Yexu txawm hu cov tuabneeg coob coob hov rov qaab lug noog nwg qha. Nwg has tsua puab has tas, mej txhua tug ca le noog kuv tej lug, hab khaws tuab zoo ca huv mej lub sab. 15 Tsw yog yaam kws tuabneeg naj nub noj ua tsua tuabneeg txhum, kuas yog yaam kws tawm huv tuabneeg lub sab lug txha ua tsua tuabneeg txhum. 16 (Yog leejtwg muaj qhov ntsej ca le khaws zaaj nuav ca.) 17 Thaus Yexu ncaim cov tuabneeg coob coob hov moog tsua huv tsev lawm, nwg cov thwjtim lug nug nwg has tas, zaaj pev lug ntawm txhais le caag. 18 Yexu teb puab has tas, mej tsw to taub ib yaam le puab hab los. Tsw yog yaam kws tuabneeg naj nub noj ua tsua tuabneeg txhum. 19 Tsua qhov tej ntawm tsw moog huv tuabneeg lub sab, tsuas yog moog huv lub plaab hab tawm lawm xwb. Yexu qha le nuav yog nwg has tas, txhua yaam hov txhua chaw kws noj, mas noj tau huvsw tsw txhum. 20 Yexu has tas, tej kws tawm huv tuabneeg lub sab lug mas txha ua tsua tuabneeg txhum. 21 Tej kws tuabneeg xaav phem huv lub sab, tej hov coj tuabneeg moog ua txhum kev nkauj kev nraug, hab ua tub saab tub nyag, tua tuabneeg, deev luas quaspuj quasyawg, 22 ntshaw luas tug, ua ib puas tsaav yaam phem, daag ntxag, ua phem ua qas, xyaav lwm tug moo, sws khib, khaav theeb, hab ua zoo le tuabneeg ruag, 23 tej nuav puav leej yog tawm huv tuabneeg lub sab lug ua tsua tuabneeg txhum.
Ib tug quaspuj kev ntseeg
24 Dhau hov ntawm Yexu txawm moog peg lub tebchaws kws nyob ze lub moos Tulau hab lub moos Xitoo. Nwg moog huv ib lub tsev nwg tsw xaav kheev leejtwg paub has tas, nwg nyob huv. Kuas nwg nraim tsw tau. 25 Muaj ib tug quaspuj, nwg tug mivntxhais raug daab. Nwg nov has tas, Yexu tuaj, nwg txawm ca le tuaj qhau cev hlo ntawm Yexu kwtaw. 26 Tug quaspuj hov yog lwm yaam tuabneeg, nwg yug huv lub moos Fonike kws nyob huv Xilia tebchaws. Nwg thov Yexu ntab daab tawm huv nwg tug mivntxhais lub cev moog. 27 Kuas Yexu has tsua nwg has tas, peb yuav tsum xub pub mov tsua mivnyuas noj tsau tsaiv, tsw tswm nyog peb yuav muab mivnyuas tej mov pov tsua dev noj. 28 Tug quaspuj hov teb has tas, yog los maj xwbfwb, kuas tej dev kws nyob huv qaab rooj los tub tau noj mivnyuas tej qub mov hab. 29 Yexu txawm has tsua nwg has tas, tub yog vem lu lug zoo kws koj teb kuv nuav, koj ca le rov qaab moog tsev, daab tub tawm huv koj tug mivntxhais lub cev lawm. 30 Nwg txawm rov moog tsev, mas pum tug mivntxhais pw tuab ywv sau txaaj, daab tub tawm tswv lawm tag.
Yexu khu tug laag ntseg hab has lug tsw meej
31 Dhau hov ntawm Yexu txawm tawm huv ib lub moos kws nyob ze ze lub moos Tulau moog peg lub moos Xitoo hab hlaa lub tebchaws kws muaj kaum lub moos, nwg le maav moog txug nraag hav txwv Kalilai. 32 Muaj ib cov tuabneeg coj ib tug yawm laag ntseg kws has lug tsw meej tuaj, puab thov Yexu cev teg npuab nwg hab khu nwg tug mob. 33 Yexu txawm coj tug yawm hov ncaim suavdawg moog tsua ib qho, tes Yexu txawm muab ntiv teg ntxwg tsua tug yawm hov ob saab qhov ntsej , hab nwg muab ntiv teg tub qub ncaug moog pleev yawm hov tug nplaig. 34 Yexu txawm tsaa qhov muag saib sau ntuj hab nwg hlu ib suab tes nwg txawm has tsua tug yawm hov has tas, efatha. Lu lug hov txhais has tas, ca le qheb hlo. 35 Taamswm ntawm tug quasyawg ob saab qhov ntsej txawm nov lug, nwg tug nplaig tsw txhaav, nwg has tau lug meej lawm. 36 Yexu txwv tsw kheev suavdawg qha qhov kws nwg khu tug hov tsua leejtwg le, txawm yog Yexu txwv puab heev npaum le caag los nwg txwv tsw tau puab, puab yimfuab qha heev. 37 Txhua tug kws nov tej nuav suavdawg xaav tsw thoob le. Puab sws thaam has tas, ib puas tsaav yaam kws nwg ua puav leej zoo huvsw. Txawm yog tej tuabneeg laag ntseg los nwg khu tau nov lug, cov tuabneeg kws tsw txawj has lug los nwg khu has tau lug.
Yexu pub mov tsua plaub txheeb leej noj
1 Dhau hov ntawm tsw ntev muaj dua ib cov tuabneeg coob coob tuaj ua ke. Mas tej mov kws puab ntim tuaj puab noj taag lawm. Yexu txawm hu nwg cov thwjtim lug cuag nwg, mas has tsua puab has tas, 2 kuv hlub cov tuabneeg nuav heev, puab tub tuaj nrug kuv nyob ntawm nuav tau peb nub lawm. Nwgnuav puab tsw muaj daabtsw noj. 3 Yog kuv tsw pub mov tsua puab noj, kuv ca le kuas puab rov qaab moog tsev, ntshai puab yuav tshaib tshaib qaug quas zwg moog tsw taug kev, tsua qhov muaj ib txha tuaj deb deb tuaj. h Yexu cov thwjtim has tsua Yexu has tas, ntawm nuav yog tebchaws moj saab qhua xwb, ais leejtwg yuav moog nrhav tau mov lug tsua suavdawg noj. 5 Yexu nug cov thwjtim has tas, mej muaj pes tsawg lub ncuav. Puab teb has tas, muaj xyaa lub. 6 Yexu txawm has kuas suavdawg nyob quas tsawg huv peg teb. Thaus puab nyob quas tsawg lawm, Yexu txawm muab xyaa lub ncuav hov lug tuav ua Vaajtswv tsaug hab muab ndais cev tsua cov thwj -tim nqaa moog faib tsua suavdawg. 7 Cov thwjtim txawm ua le ntawm. Cov thwjtim muaj ob peb tug ntseg miv miv. Thaus Yexu ua Vaajtswv tsaug taag Yexu txawm kuas cov thwjtim nqaa cov ntseg moog faib tsua suavdawg hab. 8 Txhua tug puav leej noj tsau huvsw. 9 Cov tuabneeg kws noj ncuav nub hov kwvlaam muaj plaub txheeb leej. Cov thwjtim txawm moog khaws tej kws suavdawg noj tsw taag tau xyaa tawb npoob luj puv nkaus. Tes Yexu kuas suavdawg rov qaab moog tsev. 10 Tes taamswm hov Yexu hab nwg cov thwjtim txawm nee nkoj caij moog tim kws yog lub moos Tamanutha le kaav xyuam.
Cov Falixai xaav pum ib yaam txujci tseem ceeb
11 Cov Falixai qee leej tuaj nrug Yexu sws caav. Puab xaav nrhav lug tsua Yexu, puab txawm thov Yexu ua ib yaam txujci tseem ceeb tsua puab saib es puab txha paub has tas, yog Vaajtswv khaiv Yexu lug. 12 Yexu ntxhuv sab nwg hlu ib suab mas has tas, ua caag cov tuabneeg tam nuav tsuas xaav pum tej txujci tseem ceeb xwb. Kuv qha tseeb tsua mej has tas, Vaajtswv yuav tsw ua tej txujci tseem ceeb tsua cov tuabneeg nuav pum ib zag le. 13 Thaus Yexu has le nuav taag tes Yexu txawm tso puab tseg , mas nee nkoj caij moog saab tim u lawm.
Cov Falixai hab Helauj cov keeb
14 Cov thwjtim tsw ncu qhwv mov moog, puab muaj ib pob nyob huv lub nkoj xwb. 15 Yexu qha cov thwjtim has tas, mej yuav tsum ceev faaj cov Falixai hab Helauj tej keeb. 16 Cov thwjtim txawm sws thaam has tas, ntshai peb tsw ntim mov tuaj nwg txha has le ntawm pauj. 17 Yexu tub paub tej kws puab sws thaam ntawm lawm, tes nwg txawm has tsua puab has tas, ua caag mej sws thaam txug qhov kws mej tsw ntim mov tuaj, mej tub pum lawm mej tsw nkaag sab los. Ua caag mej yuav ruag ua luaj le. 18 Mej tub muaj qhov muag mej tsw pum los, mej tub muaj qhov ntsej mej tsw nov los. Mej tsw ncu lawm los. 19 Thaus kuv muab tswb lub ncuav lug ndais faib tsua tswb txheeb leej noj mej khaws tej kws noj tsw taag tau pes tsawg tawb. Puab teb has tas, khaws tau kaum ob tawb. 20 Hab thaus kuv muab xyaa lub ncuav lug ndais faib tsua plaub txheeb leej noj, mej khaws tej kws noj tsw taag tau pes tsawg tawb. Puab teb has tas, peb khaws tau xyaa tawb. 21 Yexu nug puab has tas, mej tseem pheej tsw to taub le hab los.
Yexu khu tug dig muag huv Npexayata
22 Yexu hab Yexu cov thwjtim moog txug huv lub moos Npexayata. Muaj tuabneeg coj ib tug quasyawg dig muag tuaj cuag Yexu. Puab thov Yexu cev teg npuab tug dig muag hov kuas zoo. 23 Yexu txawm tuav tug hov txhais teg coj nwg tawm moog tsua tom ntug zog. Tes Yexu txawm nti qub ncaug tsua tug ntawm ob lub qhov muag hab cev teg moog kov, mas nug has tas, koj pum kev tsw pum. 24 Tug quasyawg hov tsaa muag saib mas teb Yexu has tas, pum hab, kuv pum tuabneeg moog moog lug lug kuas puab zoo le tej ntoo. 25 Yexu rov qaab cev teg kov nwg ob lub qhov muag dua ib zag. Zag nuav nwg txawm pum kev lawm. Nwg saib pum txhua yaam tseeb tseeb. 26 Yexu txawm kuas nwg rov qaab moog tsev hab Yexu txwv has tas, koj tsw xob rov qaab moog tom lub zog tom.
Pestus has tas, Yexu yog tug Kheto
27 Dhau hov ntawm Yexu hab Yexu cov thwjtim moog peg tej zog kws nyob ib thaaj tsaam ntawm lub moos Xixaleya Filipi. Thaus puab saamswm moog Yexu nug cov thwjtim has tas, mej swm qha kuv saib, suavdawg has tas, kuv yog leej twg. 28 Cov thwjtim teb has tas, muaj qee leej has tas, koj yog Yauhaa tug kws thau coj tuabneeg ua kevcai raus dej. Muaj qee leej has tas, koj yog Eliya, hab muaj qee leej has tas, koj yog ib tug xwbfwb kws cev Vaajtswv lug. 29 Yexu rov nug has tas, ua le es mej ne, mej yuav has tas, kuv yog leejtwg. Mas Pestus teb has tas, koj yog tug Cawmseej kws Vaajtswv khaiv lug. 30 Yexu txawm txwv puab tawv tawv has tas, mej tsw xob moog qha tsua leejtwg has tas, kuv yog tug Cawmseej.
Yexu qha nwg key txom nyem hab kev tuag
31 Dhau hov ntawm Yexu txawm chiv qha tsua nwg cov thwjtim has tas, Tuabneeg Leej Tub yeej yuav raug kev txom nyem. Cov kev txwj quas laug hab cov pov thawj hlub hab cov xwbfwb kws qha Vaajtswv kevcai yuav tsw yuav nwg. Puab yuav muab nwg tua pov tseg, kuas peb nub Vaajtswv yuav tsaa nwg sawv huv qhov tuag rov qaab lug. 32 Yexu qha zaaj nirav tseeb tseeb tsua cov thwjtim, tes Pestus txawm coj Yexu moog tsua ib qho, mas Pestus txwv Yexu has tas, koj tsw xob has le kos. 33 Kuas Yexu tig lug saib cov thwjtim, mas has tsua Pestus has tas, nam Daab Ntxwg Nyoog, koj ca le tswv moog taamswm nuav. Tej kws koj has kos, koj has lawv le tuabneeg lub sab xwb, tsw lawv le Vaajtswv lub sab. 34 Yexu txawm hu cov tuabneeg coob coob hab Yexu cov thwjtim lug ntawm Yexu, mas nwg has tsua puab has tas, yog leejtwg xaav ua kuv le thwjtim, nwg yuav tsum tseg nwg lub sab kws nwg xaam pum nwg xwb, hab nwg yuav tsum kwv nwg tug ntoo khaublig nrug kuv moog. 35 Tug kws khauv-xwm nwg txujsa, tes nwg txujsa yuav tu, kuas tug kws tsw khauvxwm nwg txujsa, vem nwg ntseeg kuv hab nwg moog qha txuj xuv zoo, mas nwg yuav tau txujsa. 36 Yog leejtwg tau ib puas tsaav yaam huv nplajteb nuav huvsw lug ua nwg tug, kuas nwg txujsa tu lawm, tej ntawm yuav muaj qaabhau daabtsw tsua nwg. Tsw muaj qaabhau daabtsw le. 37 Yeej tsw muaj ib yaam daabtsw kws yuav coj moog pauv tau nwg txujsa rov qaab lug. 38 Yog le ntawm, yog leejtwg txaaj muag qha tsua cov tuabneeg sab phem tam nuav has tas, nwg yog kuv tug thwjtim, tes thaus Tuabneeg Leej Tub kws muaj Leej Txwv tug fwjchim nrug cov tubkhai sau ntuj lug, nwg yuav tsw leeg has tas, tug ntawm yog nwg le thwjtim.
Yexu has tsua puab has tas, kuv qha tseeb tsua mej has tas, cov tuabneeg kws nyob ntawm nuav, muaj qee leej tsw tau tuag, tes puab tub pum Vaajtswv, tug kws muaj fwjchim lug kaav tuabneeg lub sab.
Yexu lub cev plhis hlo
2 Tau rau nub tom qaab Yexu txawm coj Pestus hab Yakaupau hab Yauhaa nrug Yexu nee moog sau ib lub roob sab sab. Yexu puab plaub leeg moog xwb. Thaus peb tug thwjtim saamswm saib Yexu, ua cav Yexu lub cev txawm plhis hlo tsw zoo le qub lawm, 3 hab Yexu cev rwg tsho ci ntsaa quas ab dawb quas paug. Cov tuabneeg kws nyob huv nplajteb nuav, yeej tsw muaj ib tug yuav ntxhua tau ib cev rwg tsho dawb le ntawm. 4 Thaus hov peb tug thwjtim txawm pum Eliya hab Mauxe saamswm nrug Yexu thaam. 5 Pestus txawm has tsua Yexu has tas, xwbfwb peb tuaj nyob ntawm nuav kuj zoo kawg le. Peb yuav ua peb lub tsev pheeb suav, ib lub tsua koj nyob, ib lub tsua Mauxe nyob, hab ib lub tsua Eliya nyob. 6 Pestus puab peb leeg ntshai kawg le, Pestus txha laam has le hov. 7 Muaj ib tauv fuab lug roog puab, hab muaj ib lub suab has huv tauv fuab ntawm tuaj has tas, tug nuav yog kuv tug tub kws kuv hlub, mej ca le noog nwg lug. 8 Taamswm ntawm cov thwjtim txawm saib ncig pis leeg tsw pum leejtwg le, tsuas pum Yexu tuab leeg nrug puab nyob xwb. 9 Thaus Yexu hab peb tug thwjtim saamswm nqeg peg roob lug, Yexu txawm txwv peb tug thwjtim has tas, mej tsw xob qha tej kws mej pum tsua leejtwg le, ca txug nub kws Tuabneeg Leej Tub sawv huv qhov tuag rov qaab lug tsaiv mej le maa' qha. 10 Yexu has le ntawm taag, tes puab txawm khaws Yexu tej lug ca tsua nruab sab, puab tsw qha tsua leejtwg le. Kuas puab pheej sws thaam has tas, qhov kws nwg has tas, sawv huv qhov tuag rov qaab lug, nwg has le ntawm ais yog nwg has txug daabtsw. 11 Puab nug Yexu has tas, ua caag cov xwbfwb kws qha Vaajtswv kevcai has tas, Eliya yuav xub lug dua tug Cawmseej nua. 12 Yexu teb has tas, Eliya yeej xub lug tag, nwg lug npaaj ib puas tsaav yaam ca. Ua le caag tsua muaj lug sau ca huv Vaajtswv phoo ntawv has tas, Tuabneeg Leej Tub yeej yuav raug kev tswm txom hab suavdawg yuav saib tsw taug nwg. 13 Kuas kuv qha tsua mej has tas, Eliya tub lug lawm. Tej tuabneeg suavdawg txha ua phem tsua nwg lawv le puab lub sab xaav ua, ib yaam le tub muaj lug sau ca tsua huv Vaajtswv phoo ntawv has tas, puab yuav ua le hov tsua nwg.
Yexu khu tug tub kws raug daab
14 Thaus Yexu hab Yexu peb tug thwjtim rov lug txug nraag Yexu cov thwjtim, puab pum muaj tuabneeg coob coob nrug cov thwjtim nyob ua ke, hab muaj cov xwbfwb kws qha Vaajtswv kevcai qee leej saamswm nrug cov thwjtim sws caav. 15 Thaus cov tuabneeg hov pum dheev Yexu, puab tsw pum qaab xaav le, puab tsw xaav tas Yexu yuav lug txug lub swmhawm hov, tes suavdawg txawm dha zum quas zawg moog nrug Yexu thaam. 16 Yexu nug nwg cov thwjtim has tas, mej nrug puab sws caav has txug daabtsw. 17 Muaj ib tug txwv neej kws nyob huv cov tuabneeg hov txawm teb has tas, xwbfwb, kuv coj kuv tug mivtub tuaj. Kuv tug mivtub raug daab nwg has tsw tau lug. 18 Daab ntswj nwg thaus twg mas ua tsua nwg qaug ntawg tsua huv peg teb, hab ua npuag ncauj nto plawg, nwg qes nav nrov pis qawj, hab nwg ib ce txhaav taag. Kuv thov koj cov thwjtim ntab daab tawm, kuas puab ntab tsw tau. 19 Yexu has tsua puab has tas, ua caag mej pheej tsw ntseeg. Kuv tseem yuav nrug mej nyob ntev le caag, hab kuv tseem yuav ua sab ntev tsua mej moog txug nub twg. Ca le coj tug mivtub lug tsua kuv saib. 20 Puab txawm coj tug mivtub hov lug tsua Yexu. Daab pum dheev Yexu tes daab txawm ua tsua tug mivtub fuam ib thaaj. Tug mivtub qaug ntawg tsua huv peg teb nti moog nti lug, ua npuag ncauj nto plawg. 21 Yexu nug tug mivtub hov txwv has tas, nwg ua le nuav tau ntev le caag lug lawm. Leej txwv teb has tas, nwg ua le nuav thaus miv miv lug lawm. 22 Muaj ntau zag daab muab nwg thawb tsua huv qhov cub hab thawb tsua huv haav dej. Daab xaav ua kuas nwg tuag. Yog koj paab tau thov koj hlub hab paab ib ob txw tub lauj. 23 Yexu has tsua nwg tas, ua caag koj has tas, yog kuv paab tau nua, yog leejtwg ntseeg, kuv yeej ua tau txhua yaam huvsw. 24 Taamswm ntawm tug mivtub txwv txawm has tas, kuv ntseeg has tas, koj paab tau, thov koj paab kuas kuv yimfuab ntseeg heev. 25 Thaus Yexu pum cov tuabneeg coob coob saamswm txaav lug ze quas zug, tes Yexu txawm has tawv tawv tsua nam daab has tas, nam daab kws ua tsua tuabneeg laag ntseg hab has tsw tau lug, kuv has tsua koj tas, koj ca le tawm plawg huv tug mivtub nuav lub cev moog, tsw xob rov qaab lug tsua huv nwg le lawm. 26 Daab txawm qw ib suab nrov nrov hab ua tsua tug mivtub fuam ib thaaj heev heev tes nam daab txawm tawm plawg lawm. Thaus daab tawm plawg lawm, tug mivtub txawm zoo le tuag lawm, tes suavdawg txawm has zum quas zawg has tas, nwg tuag lawm lauj. 27 Kuas Yexu cev loo teg moog ntsab nkaus tug mivtub txhais teg tsaa hlo sawv, tes tug mivtub txawm sawv tseeg. 28 Thaus Yexu moog tsua huv tsev lawm, cov thwjtim txawm lug nug Yexu tuab ywv has tas, ua caag peb ntab tsw tau nam daab hov tawm. 29 Yexu teb puab has tas, cov daab zoo le nuav yug yuav tsum thov Vaajtswv daab txha tawm.
Yexu rov qaab has txug nwg kev tuag
30 Yexu hab Yexu cov thwjtim tawm hov ntawm taug kev huv Kalilai tebchaws moog. Yexu tsw xaav kheev leejtwg paub has tas, nwg nyob hov twg, 31 tsua qhov nwg saamswm qha nwg cov thwjtim. Nwg qha puab has tas, yuav muaj tuabneeg muab Tuabneeg Leej Tub coj moog tsua luas tua, mas peb nub Vaajtswv yuav tsaa nwg sawv huv qhov tuag rov lug. 32 Yexu qha le ntawm cov thwjtim tsw to taub kuas puab tsw kaav nug Yexu.
Leejtwg yuav tau ua tug luj dua ndais
33 Yexu hab Yexu cov thwjtim moog txug huv lub moos Kapena-oo. Thaus puab moog huv tsev lawm, Yexu nug cov thwjtim has tas, puam taab peb taug kev tuaj mej pheej sws caam txug daabtsw. 34 Kuas puab tsw kaam teb Yexu le, tsua qhov thaus puab taug kev tuaj puab sws caam has tas, peb cov nuav leejtwg yuav tau ua tug luj dua. 35 Yexu txawm nyob quas tsawg, hu kaum ob tug thwjtim lug ntawm nwg, mas nwg qha puab has tas, yog leejtwg xaav ua tug thawj, tug ntawm yuav tsum rov qaab moog nyob tom tw hab ua suavdawg qhev. 36 Yexu txawm moog coj ib tug mivnyuas yau lug sawv ntawm cov thwjtim xub ndag. Yexu txawm puag tug mivnyuas hov mas has tsua cov thwjtim has tas, 37 leejtwg ntseeg kuv es nwg saib taug cov mivnyuas yau nuav tes kuj yog tug hov saib taug kuv. Hab leejtwg saib taug kuv, tsw yog nwg saib taug kuv tuab leeg xwb, kuj yog nwg saib taug tug kws khaiv kuv lug hab.
Tug twg tsw tawm tsaam peb nwg yog peb cov
38 Yauhaa has tsua Yexu has tas, xwbfwb peb pum ib tug txwv neej nwg tuav koj lub npe ntab daab. Peb txwv tsw kheev nwg ua le hov, tsua qhov nwg tsw yog peb cov. 39 Yexu teb Yauhaa has tas, tsw xob txwv nwg. Yog leejtwg tuav kuv lub npe ua tej txujci tseem ceeb, tes tug hov yeej yuav tsw thuaj kuv. 40 Tug twg tsw tawm tsaam peb, tug ntawm yeej yog peb cov. 41 Kuv qha tseeb tsua mej has tas, tug kws muab ib'khob dej tsua mej haus vem nwg paub has tas, mej yog kuv cov thwjtim tes tug ntawm yeej yuav tau yeeb koob.
Yaam kws ntxag kuas yuam kev ua txhum
42 Yog leejtwg ua tsua cov mivnyuas yau kws ntseeg kuv nuav ib tug yuam kev ua txhum, tes ca le muab hlua khi ib txhwb nam zeb lug dai tsua tug ntawm cej daab, es muab nwg nrum tsua huv hav txwv kuj yuav zoo dua le ca nwg nyob. 43 Yog koj txhais teg ua tsua koj yuam kev ua txhum tes koj ca le muab txhais teg hov txav pov tseg. Koj tu ib saab teg kuas koj tau moog sau ntuj ceeb tsheej kuj zoo dua le kws koj muaj ob saab teg ais koj poob tsua huv ntuj tawg kub. Huv qhov hov mas suav tawg kub tsw txawj tuag le. 44 (Huv qhov hov cov kaas kws noj puab cev nqaj los tsw txawj tuag le, hab suav tawg yuav kub moog ib txhws le). 45 Hab yog koj ib txhais kwtaw ua tsua koj yuam kev moog ua txhum, koj ca le muab txhais kwtaw hov txav pov tseg. Koj tu ib saab kwtaw, los koj tau moog sau ntuj ceeb tsheej kuj zoo dua le kws koj muaj ob txhais kwtaw ais koj poob tsua huv ntuj tawg kub. 46 (Huv qhov hov tej kaas kws noj puab cev nqaj kuj tsw txawj tuag le, hab suav tawg yuav kub moog ib txhws le). 47 Hab yog koj ib saab qhov muag ua tsua koj yuam kev ua txhum, koj ca le muab dawj pov tseg. Koj muaj ib saab qhov muag xwb, los koj tau moog sau ntuj ceeb tsheej, tes zoo dua le kws koj muaj ob saab qhov muag ais koj poob tsua huv ntuj tawg kub. 48 Huv qhov hov tej kaas kws noj puab cev nqaj kuj tsw txawj tuag le, hab suav tawg yuav kub moog ib txhws le. 49 Vaajtswv yuav muab suav tawg lug ntxuav kuas txhua tug zoo huv huv, ib yaam le peb muab ntsev lug rau kuas zaub qaab. 50 Ntsev yog yaam kws zoo, kuas yog ntsev tsuag lawm tsw muaj leejtwg yuav ua tau kuas ntsev rov qaab daw. Mej yuav tsum ua mej lub neej zoo le tej ntsev kws luas muab laag nqaj, hab mej yuav tsum nyob sws hum.
Yexu qha txug kev sws nrauj
1 Yexu txawm tawm huv lub moos ntawm moog nraag Yutai tebchaws hab hlaa tug nam dej Yalatee moog saab tim u. Muaj dua ib cov tuabneeg coob coob tuaj cuag Yexu, mas Yexu qha puab le nwg naj zag qha. 2 Muaj cov Falixai qee leej tuaj, puab xaav nrhav lug tsua Yexu, tes puab txawm nug Yexu has tas, koj swm qha tsua peb saib, peb txuj kevcai kheev peb nrauj quaspuj los tsw kheev. 3 Yexu teb puab has tas, Mauxe sau qha tseg le caag tsua mej. 4 Puab teb has tas, Mauxe kheev peb nrauj, kuas yuav tsum xub ua ntawv nas taub teg tsaiv le maav nrauj tau. 5 Yexu has tsua puab has tas, tog Mauxe sau le ntawm qha tsua mej los tub yog vem mej yog tuabneeg tawv ncauj. 6 Kuas thaus chiv keeb kws Vaajtswv tswm ntuj tswm teb, Vaajtswv tswm quasyawg hab quaspuj. 7 Tub yog vem le ntawm tug quasyawg yuav tso nwg nam nwg txwv tseg es nrug nwg tug quaspuj nyob ua ke. 8 Ob tug ob leeg yuav koom ua ib lub cev. Ob tug tsw yog ob leeg lawm, kuas yog ib leeg xwb. 9 Vaajtswv tub muab ob tug lug ua ke lawm, yog le ntawm tuabneeg tsw xob muab ob tug cais. 10 Thaus Yexu hab cov thwjtim moog huv tsev lawm, cov thwjtim txawm nug Yexu txug zaaj nuav. 11 Yexu has tsua puab has tas, yog leejtwg nwg muab nwg tug quaspuj nrauj es nwg moog yuav dua quaspuj tshab, nwg ua le hov kuj yog nwg ntxag luas puj luas sev xwb. 12 Ib yaam nkaus le ntawm, yog ib tug quaspuj muab tug quasyawg nrauj, es nwg moog yuav dua quasyawg tshab, kuj yog nwg ntxag luas quasyawg xwb.
Yexu foom moov tsua cov mivnyuas yau
13 Muaj qee leej coj mivnyuas yau lug cuag Yexu hab thov Yexu cev teg plhw cov mivnyuas yau hab foom moov zoo tsua. Kuas cov thwjtim tshev cov tuabneeg hov. 14 Thaus Yexu pum cov thwjtim ua le hov, Yexu tsw zoo sab. Yexu txawm has tsua cov thwjtim has tas, ca puab coj cov mivnyuas yau lug cuag kuv tsw xob txwv puab, tsua qhov yog leejtwg xaav kuas Vaajtswv kaav nwg lub sab, tug ntawm yuav tsum muaj lub sab mog sab muas le cov mivnyuas yau nuav. 15 Kuv qha tseeb tsua mej has tas, yog leejtwg tsw txais Vaajtswv lug kaav nwg lub sab ib yaam le cov mivnyuas yau nuav txais, tes yuav tsw muaj ib nub kws nwg yuav paub Vaajtswv le. 16 Yexu txawm puag cov mivnyuas yau hov lug tsua huv nwg xub ndag. Nwg cev teg plhw txhua tug hab foom moov zoo tsua puab.
Tug yawm nplua nuj
17 Thaus Yexu saamswm sawv kev moog, muaj ib tug txwv neej dha dha tuaj txhus caug ndua ntawm Yexu xub ndag. Nwg nug Yexu has tas, xwbfwb, koj yog tug kws lub sab zoo, thov koj qha kuv saib, kuv yuav tsum ua le caag kuv txha le tau txujsa ntev moog ib txhws tsw kawg. 18 Yexu teb nwg has tas, ua caag koj yuav hu kuv has tas, tug kws lub sab zoo. Tsw muaj leejtwg lub sab zoo, tsuas yog Vaajtswv tuab leeg xwb sab txha zoo. 19 Koj yeej paub tej lug kws has tas, tsw xob tua tuabneeg, tsw xob ntxag luas quaspuj luas quasyawg, tsw xob ua tub saab, tsw xob daag, txw xob ntxag luas tug, yuav tsum fwm nam fwm txwv. 20 Tug hov has tas, xwbfwb tej kws koj has kos kuv tub coj thaus kuv tseem yau lug lawm. 21 Yexu hlub nwg, Yexu tsaa muag saib nwg, mas has tsua nwg tas, tseem tshuav ib qho kws koj tsw tau ua. Koj ca le rov qaab moog muab koj tej hov txhua chaw muag huvsw, hab muab cov nyaj hov coj moog faib tsua cov tuabneeg pluag. Yog koj ua le hov, koj txha le muaj nyaj txag hov txhua chaw nyob sau ntuj ceeb tsheej, tes koj le nrug kuv moog ua kuv tug thwjtim. 22 Thaus tug txwv neej hov nov dheev Yexu has le ntawm, nwg ntsej muag ntshaus ntsho. Nwg txawm rov moog lawm, nwg ntxhuv sab heev tsua qhov nwg muaj nyaj txag hab muaj hov txhua chaw ntau. 23 Yexu tig lug saib cov thwjtim mas has tsua puab has tas, cov tuabneeg nplua nuj, mas puab ceblaaj ca Vaajtswv lug kaav puab lub sab kawg le. 24 Thaus cov thwjtim nov Yexu has le hov mas puab poob sab. Tes Yexu has tas, cov mivnyuas, tuabneeg ceblaaj ca Vaajtswv lug kaav tuabneeg lub sab kawg le. 25 lb tug ntxhuav nkaag qhov koob yoojyim dua le ib tug tuabneeg nplua nuj lug ua Vaajtswv le tuabneeg. 26 Cov thwjtim nov Yexu has le ntawm, puab yimfuab poob sab, puab sws thaam has tas, yog le ntawm leejtwg yuav dim tau. 27 Yexu tsaa muag saib cov thwjtim mas has tsua puab has tas, tuabneeg ua tsw tau, kuas Vaajtswv ua tau, tsua qhov Vaajtswv yeej ua tau ib puas tsaav yaam huvsw. 28 Thaus hov Pestus txawm has tsua Yexu has tas, peb tub tso ib puas tsaav yaam tseg hab tuaj ua koj cov thwjtim ne. 29 Yexu has tsua puab has tas, yog tag, kuv qha tseeb tsua mej has tas, tug kws tso vaaj tso tse, tso kwv tso tij, tso nkauj tso muam, tso nam tso txwv, tso mivtub mivnyuas, tso laj tso teb tseg vem nwg saib tsua sau kuv hab moog qha txuj xuv zoo, 30 swm neej nuav tug hov yuav tau ib puas npaug ntxwv tsua tej kws nwg tso tseg lawm, tsw has vaaj tsev los yog, kwvtij los yog, nkauj muam los yog, nam hab txwv los yog, mivtub mivnyuas los yog, laj teb los yog, nwg yuav tau tej nuav, kuas nwg yuav raug kev tswm txom hab. Lwm swm nwg yuav tau txujsa ntev moog ib txhws tsw kawg. 31 Kuas muaj ntau leej kws nwgnuav ua cov thawj puab yuav tau moog nyob tom tw, hab muaj ntau leej kws nyob tom tw puab yuav lug ua cov thawj.
Yexu has txug nwg key tuag zag peb
32 Thaus Yexu hab Yexu cov thwjtim saamswm taug kev moog peg lub nroog Yeluxalee Yexu ua cov thwjtim ntej. Cov thwjtim poob sab tsua Yexu lu lug kws Yexu has tas yuav muaj le caag tsua Yexu, hab cov tuabneeg kws lawv puab qaab kuj ntshai. Yexu txawm rov coj kaum ob tug thwjtim moog tsua ib qho, mas qha tej kev txom nyem kws nwg yuav raug tsua puab noog. 33 Yexu has tas, nwgnuav peb saamswm moog peg lub nroog Yeluxalee, thaus moog txug lawm, yuav muaj tuabneeg nteg Tuabneeg Leej Tub coj moog tsua cov pov thawj hlub hab cov xwbfwb kws qha Vaajtswv kevcai txav txem tua, hab yuav muab nwg xaa tsua lwm yaam tuabneeg tswm txom. 34 Lwm yaam tuabneeg yuav ua saib tsw taug nwg, yuav ntu qub ncaug tsua nwg, nplawm nwg hab muab nwg tua pov tseg, mas peb nub Vaajtswv yuav tsaa nwg sawv huv qhov tuag rov lug.
Yakaupau hab Yauhaa ob tug thov Yexu
35 Dhau hov ntawm Yakaupau hab Yauhaa kws yog Xepetai ob tug tub, ob tug tuaj thov Yexu has tas, xwbfwb yaam kws ib xaav yuav thov koj pub tsua ib. 36 Yexu nug ob tug has tas, meb xaav kuas kuv pub yaam twg tsua meb. 37 0b tug teb has tas, thaus koj lug ua vaaj ntxwv, thov koj ca ib nrug koj nyob ua ke, ib tug nyob ntawm koj saab xws, ib tug nyob ntawm koj saab phem. 38 Yexu has tsua ob tug has tas, yaam kws meb thov nuav meb tsw nkaag sab. Lub khob kws kuv yuav haus, sub meb haus taug, yog meb raug kev txom nyem ib yaam le kuv raug, sub meb nyaj taug. 39 Ob tug teb has tas, taug xwb los maj. Tes Yexu txawm has tsua ob tug has tas, lub khob kws kuv yuav haus meb yeej yuav tau haus tag, hab tej kev txom nyem kws kuv yuav raug meb yeej yuav raug. 40 Kuas qhov kws meb ib tug yuav nyob ntawm kuv saab xws ib tug yuav nyob ntawm kuv saab phem, qhov ntawm tsw yog kuv le num, kuv tsw txawj pub tsua meb. Yog Vaajtswv xaiv leejtwg nyob, tug ntawm txha tau nyob xwb. 41 Thaus kaum leej thwjtim nov le hov puab chim tsua Yakaupau hab Yauhaa ob tug. 42 Yexu txawm hu cov thwjtim txhua tug lug ntawm nwg mas nwg has tsua puab has tas, mej yeej paub lawm tas, cov num tswv kws saib cov pejxeem puab muaj fwjchim kaav pejxeem, hab cov thawj muaj fwjchim quab yuam suavdawg. 43 Kuas mej tsw xob ua le puab, mej cov yog leejtwg xaav ua tug hlub, tug ntawm yuav tsum ua suavdawg tug tubkhai. 44 Hab mej cov yog leejtwg xaav ua tug thawj tug ntawm yuav tsum ua suavdawg qhev. 45 Txawm yog Tuabneeg Leej Tub los nwg lug nwg tsw tau kuas leejtwg ua nwg qhev, yog nwg lug ua suavdawg qhev, hab nwg zoo sab muab nwg txujsa lug txhwv tuabneeg coob coob lub txem.
Yexu khu Npatime qhov muag
46 Yexu hab Yexu cov thwjtim hab cov tuabneeg coob coob tuaj txug lub moos Yelikau. Thaus Yexu puab saamswm tawm huv 1ub moos moog puab moog ntswb ib tug quasyawg dig muag npe hu ua Npatime nyob ntawm ntug kev thov khawv. Nwg yog Time tug tub. k~i Thaus nwg nov suavdawg has tas, Yexu kws yog tuabneeg Naxale tuaj, tes nwg txawm hu nrov nrov has tas, Yexu, Tavi tug xeeb ntxwv, thov koj hlub kuv lauj. 48 Muaj ntau leej tshev nwg has tas nyob tuab ywv, kuas nwg yimfuab hu nrov nrov has tas, Tavi tug xeeb ntxwv, thov koj hlub kuv lauj. 49 Yexu txawm nreg nkaus mas has tas, hu nwg lug ntawm nuav. Cov tuabneeg kws nyob ntawm txawm has tsua tug dig muag has tas, zoo xwb lauj, Yexu hu koj, koj ca le sawv moog cuag nwg. 50 Tug dig muag txawm hle hlo nwg lub tsho ntev pov tseg sawv tseeg moog tsua ntawm Yexu. 51 Yexu nug tug dig muag has tas, koj xaav kuas kuv paab koj daabtsw. Tug dig muag teb has tas, xwbfwb kuv xaav rov pum kev. 52 Yexu has tsua nwg has tas, koj ob lub qhov muag zoo lawm tub yog vem koj ntseeg. Koj ca le moog tsev. Taamswm ntawm nwg txawm pum kev lawm, tes nwg ca le nrug Yexu taug kev moog.
Yexu caij mivnyuas 1uav moog huv Yeluxalee
1 Thaus Yexu puab moog yuav txug lub zog Npefakhe hab lub zog Npethani kws nyob ze ze lub nroog Yeluxalee, puab moog txug lub roob ntoo txwv kav laaj. Yexu txawm khaiv nwg ob tug thwjtim ua nwg ntej moog. 2 Nwg qha ob tug has tas, meb ca le ncaaj nraim moog tsua huv lub zog kws nyob tom meb hauv ntej. Thaus meb moog txug huv lawm meb yuav pum ib tug mivnyuas luav khi ca tsua ntawm. Tug mivnyuas luav hov tsw tau muaj leejtwg caij ib zag le. Meb ca le daws caab lug. 3 Yog muaj leejtwg nug meb has tas, meb yuav daws caab moog ua daabtsw, meb ca le teb tas, xwbfwb xaav swv, ib plag nwg le maav xaa rov qaab lug. 4 Ob tug txawm moog pum ib tug mivnyuas luav khi tsua ntawm ib lub tsev zaaj qaab khaav. Thaus ob tug saamswm daws tug mivnyuas luav, 5 cov tuabneeg kws nyob ntawm muaj qee leej nug ob tug has tas, meb yuav daws caab moog ua daabtsw. 6 Ob tug teb lawv le kws Yexu tau qha tsua ob tug lawm, tes puab txawm ca ob tug caab moog. 7 Ob tug caab tug mivnyuas luav moog tsua Yexu, ob tug hle z>b tug ob lub tsho lug pua tug mivnyuas luav lub nraus qaum, tes Yexu txawm caij. 8 Cov tuabneeg ntawm muaj ntau leej hle puab tej tsho lug pua huv txujkev kws Yexu yuav taug moog. Muaj ib txha moog txav nplooj ntoo lug pua huv txujkev hab. 9 Cov tuabneeg kws ua ntej hab cov kws lawv qaab suavdawg qw nrov nrov has tas, qhuas Vaajtswv, hab thov Vaajtswv foom moov zoo tsua tug kws Vaajtswv khaiv lug. 10. Thov Vaajtswv foom moov zoo tsua tug kws yuav lug kaav tuabneeg lub sab, ib yaam le thau peb yawm koob Tavi nwg kaav nwg cov tuab neeg. Ua Vaajtswv tsaug. 11 Thaus Yexu moog txug huv lub nroog Yeluxalee lawm, nwg txawm moog tom lub tuam tsev thov Vaajtswv. Nwg moog saib txhua yaam huv lub tuam tsev. Kuas thaus hov tub yuav tsaus ntuj tes nwg txawm coj kaum ob tug thwjtim nrug nwg moog tom lub zog Npethani.
Yexu foom tsob txwv cua
12 Taagkig thaus Yexu hab Yexu cov thwjtim rov qaab lug tom lub zog Npethani lug, Yexu tshaib tshaib plaab. 13 Nwg pum ib tsob txwv cua nyob hov deb. Tsob cua hov muaj nplooj tsaus quas nti. Yexu txawm moog saib muaj txwv los tsw muaj, kuas thaus nwg moog txug tsw pum muaj ib lub txwv le, muaj nplooj xwb, yog tseem tsw tau txug lub caij txw txwv. 14 Yexu txawm has tsua tsob txwv cua hov has tas, txwj nuav moog, mas yuav tsw muaj leejtwg tau noj koj cov txwv ib zag le lawm. Cov thwjtim nov Yexu has le hov tsua tsob ntoo.
Yexu lawv cov ua luam ntawm lub tuam tsev
15 Thaus Yexu puab moog txug huv lub nroog Yeluxalee, Yexu txawm moog tom lub tuam tsev thov Vaajtswv. Nwg ntab cov tuabneeg kws tuaj ua laag ua luam huv lub tuam tsev tej qaab khaav kuas tawm moog. Nwg muab puab tej rooj pauv nyaj, hab cov tuabneeg kws muag nquab tej rooj nyob ntxeev pis hlo tseg. 16 Hab nwg txwv tsw kheev leejtwg coj ib yaam daabtsw tuaj ncig muag ntawm lub tuam tsev. 17 Yexu qha tsua suavdawg has tas, tub muaj lug sau ca tsua huv Vaajtswv phoo ntawv has tas, suavdawg yuav hu kuv lub tsev has tas, yog lub tsev kws txhua yaam tuabneeg tuaj thov Vaajtswv, kuas mej tsua tuaj muab ua chaw tsua tub saab nkaum. 18 Cov pov thawj hlub hab cov xwbfwb kws qha Vaajtswv kevcai nov tej nuav mas puab chim heev puab txawm nrhav kev muab Yexu tua pov tseg, kuas puab ntshai Yexu, tsua qhov Yexu tej lug has raug suavdawg sab hab ua tsua suavdawg phemfwj. 19 Thaus yuav tsaus ntuj Yexu hab Yexu cov thwjtim txawm tawm huv lub nroog moog lawm.
Tsob txwv cua qhuav lawm
20 Taagkig sawv ntxuv Yexu hab Yexu cov thwjtim rov qaab moog tom lub nroog. Puab pum tsob txwv cua tub tuag hab qhuav taag lawm. Txawm yog tej caag los puav leej qhuav taag huvsw. 21 Pestus txawm ncu dheev txug lu lug kws Yexu foom tsob ntoo, tes Pestus txha has tsua Yexu has tas, xwbfwb koj saib tsob txwv cua kws naag mo koj foom, tub tuag qhuav taag lawm. 22 Yexu has tsua puab has tas, kuv qha tseeb tsua mej has tas, yog mej ntseeg Vaajtswv tag, 23 mej has tsua lub roob nuav kuas txaav moog tsua huv hav txwv, tes lub roob yeej yuav txaav moog xwb. Yog mej ntseeg has tas, yuav muaj lawv le mej has tes txha muaj le ntawm tag. 24 Tub yog vem le ntawm kuv txha has tsua mej has tas, thaus mej thov Vaajtswv pub ib yaam daabtsw tsua mej, mej yuav tsum ntseeg has tas, Vaajtswv yuav pub yaam ntawm tsua mej. Yog mej ntseeg le ntawm mej yeej yuav tau tag. 25 Thaus mej sawv quas ntsug thov Vaajtswv mej yuav tsum zaam txem tsua tug kws tau ua txhum tsua mej lawm. Yog mej ua le ntawm mej Leej Txwv kws nyob sau ntuj nwg yuav zaam mej lub txem hab. 26 (Yog mej tsw zaam txem tsua lwm tug, mas mej Leej Txwv kws nyob sau ntuj yuav tsw zaam txem tsua mej hab).
Muaj tuabneeg nug Yexu tug fwjchim
27 Dhau hov ntawm Yexu hab Yexu cov thwjtim txawm moog huv lub nroog Yeluxalee. Thaus Yexu saamswm moog moog lug lug huv cov quas chaav tsev kws txuas tsua lub tuam tsev thov Vaajtswv, mas cov pov thawj hlub hab cov xwbfwb kws qha Vaajtswv kevcai hab cov kev txwj quas laug txawm tuaj nug Yexu has tas, 28 ua caag koj muaj cuab kaav tuaj ua le nuav, leejtwg kuas koj tuaj ua. 29 Yexu teb puab has tas, kuv yuav nug mej ib lus saib yog mej teb tau, tes kuv le maav qha tsua mej has tas, yog vem le caag kuv muaj cuab kaav ua tej nuav. 30 Mej swm qha tsua kuv saib, Yauhaa muaj cuab kaav muab tuabneeg ua kevcai raus dej le ntawm, yog leejtwg kuas nwg ua, yog Vaajtswv kuas nwg ua lossws tuabneeg kuas nwg ua. 31 Puab txawm sablaaj, mas sws caam has tas, peb yuav teb le caag txha zoo. Yog peb teb has tas, Vaajtswv kuas Yauhaa ua, nwg yuav has tas, yog le ntawm ua caag mej tsua tsw noog Yauhaa tej lug. 32 Kuas yog peb teb has tas, tuabneeg kuas Yauhaa ua, ntshai tsaam tes cov pejxeem tsua ua phem tsua peb, tsua qhov suavdawg yeej paub tseeb has tas, Yauhaa yog ib tug xwbfwb kws cev Vaajtswv lug. 33 Puab txawm teb Yexu has tas, peb tsw paub es. Yexu txawm has tsua puab has tas, yog le ntawm kuv yuav tsw qha tsua mej tas, yog leejtwg kuas kuv ua tej nuav.
Cov tuabneeg kws tu lub vaaj
1 Yexu txawm ua pev lug qha tsua puab has tas, muaj ib tug yawm nwg ua ib lub vaaj cog txwv maab, nwg xov laaj kaab puas ncig, nwg khawb qhov ca tsuam txwv maab hab nwg ua ib lub tsev lawj sab sab zuv. Thaus nwg ua tav lawm nwg muab tso tsua ib cov tuabneeg tu es faib txwv, tes nwg txawm moog tsua lwm tebchaws lawm. 2 Thaus txug lub caij de, tug tswv vaaj txawm khaiv nwg ib tug tub qhe moog sau tej txwv kws yog tug tswv le ntawm cov kws tu lub vaaj lug tsua tug tswv. 3 Tes cov tuabneeg kws tu lub vaaj txawm muab tug tub qhe hov nteg ntaus hab muab ntab tswv rov qaab moog teg dawb teg nplag. 4 Tug tswv vaaj txawm khaiv dua ib tug tub qhe rov moog tom lub vaaj. Cov tuabneeg kws tu lub vaaj kuj muab tug tub qhe ntawm ntaus taubhau to hab ua ob peb yaam phem tsua nwg. 5 Tug tswv vaaj tsua khaiv dua ib tug tub qhe moog. Cov tuabneeg kws tu lub vaaj kuj tseem muab tug tub qhe hov tua pov tseg lawm hab. Tug tswv vaaj txawm tsua khaiv dua ntau leej moog, los cov tuabneeg kws tu lub vaaj tseem ua phem tsua cov tub qhe hov ib yaam le ua tsua cov kws xub moog hab. Puab muab qee leej ntaus hab muab qee leej tua pov tseg. 6 Tshuav tug tswv vaaj tug tub txha tsw tau moog xwb, tes thaus kawg tug tswv vaaj txawm khaiv nwg tuab leeg tub kws nwg hlub kawg moog tom lub vaaj. Nwg xaav has tas, nyab puab yuav fwm kuv tug tub. 7 Thaus cov tuabneeg kws tu lub vaaj pum tug tswv vaaj tug tub tuaj, puab txawm sws ntxhw pis tawg has tas, tug nuav yog tug tswv vaaj tug tub, peb ca le muab nwg tua pov tseg peb txha tau nwg lub vaaj. 8 Puab txawm nteg kag tug tub ntawm tua pov tseg hab muab nwg lub cev coj moog pov tseg tsua saab ntug vaaj nrau. 9 Yexu nug has tas, yog le ntawm tug tswv vaaj yuav ua le caag tsua cov tuabneeg kws tu lub vaaj. Nwg yeej yuav tuaj muab cov tuabneeg hov tua pov tseg huvsw, hab nwg yuav muab lub vaaj tso tsua lwm cov tu. 10 Nyab mej kuj tau nyeem zaaj kws sau ca tsua huv Vaajtswv phoo ntawv has tas, Lub pob zeb kws cov kws ua tsev muab pov tseg, Tub muab lub ntawm rov lug ua lub thawj 1 awm. 11 Vaajtswv ua le nuav, peb xaav tsw thoob le. 12 Yutai cov thawj nrhav plaub tsua Yexu, sub puab txha tau kev nteg Yexu, tsua qhov puab paub has tas, Yexu has zaaj pev lug nuav, yog has raug puab. Kuas puab tsw kaav nteg Yexu tsua qhov puab ntshai cov tuabneeg coob coob ntawm, puab txawm ca le tswv lawm.
Them se tsua fuabtais Xixa
13 Cov Falixai qee leej hab Helauj cov qee leej txawm moog thom Yexu ob peb yaam saib tau chaw nteg Yexu los tsw tau. 14 Puab tuaj nug Yexu has tas, xwbfwb peb paub has tas, koj yog tug ncaaj nceeg, koj qha ncaaj quas nraim le, koj tsw xaav has tas, tsaam luas tsua xaav le caag, koj tsw xaiv leejtwg ntsej muag le. Koj yeej qha tseeb has tas, tuabneeg yuav tsum ua le caag txha ua tau hum Vaajtswv sab. Koj swm qha tsua peb saib, yuav tswm nyog peb them se tsua fuabtais Xixa los tsw tswm nyog them. 15 Kuas Yexu tub paub has tas, yog puab tuaj swm nwg xwb, nwg txawm teb puab has tas, mej tuaj swm kuv ua daabtsw. Mej ca le muab ib lub nyaj lug tsua kuv saib. 16 Puab txawm coj ib lub nyaj lug tsua Yexu saib, Yexu nug puab has tas, lub ntsej muag hab lub npe kws sau tsua ntawm lub nyaj nuav yog leejtwg lub. Puab teb has tas, yog Xixa lub. 17 Yexu txawm has tas, yog le ntawm yaam kws yog fuabtais Xixa le mej ca le muab tsua fuabtais Xixa, yaam kws yog Vaajtswv le mej ca le muab tsua Vaajtswv. Txhua tug kws nov Yexu has le ntawm puab tsw pum qaab xaav le.
Puab nug qhov kws sawv huv qhov tuag rov lug
18 Muaj cov Xatukai qee leej tuaj cuag Yexu. Puab yog cov kws tsw ntseeg has tas, tuabneeg txawj sawv tau huv qhov tuag rov qaab lug. 19 Puab has tas, xwbfwb, Mauxe sau ib txuj kevcai qha tseg tsua peb has tas, yog tug tijlaug tuag lawm, tug quaspuj tseem tsw tau muaj mivnyuas, tug kwv yuav tsum yuav tug nam tij, tug tijlaug txha le muaj tub ki xeeb ntxwv rov tom qaab. 20 Thau muaj xyaa leej kwvtij. Tug tijlaug yuav quaspuj kuas tsw tau muaj mivnyuas, tug tijlaug txawm tuag lawm. 21 Tug kwv txawm yuav tug nam tij hov lug ua quaspuj, tub tsw tau muaj mivnyuas tug kwv txawm tuag lawm. Tes tug kwv peb tsua yuav tug nam tij, los nwg kuj tuag lawm hab. 22 Tes taag nrho cov kwv puav leej tau yuav tug quaspuj hov, puab kuj tuag taag huvsw tsw tau muaj mivnyuas. Thaus kawg tug quaspuj kuj tuag lawm hab. 23 Yog le ntawm thaus txug nub kws cov tuabneeg tuag lawm sawv rov qaab lug, tug quaspuj hov yuav ua leejtwg quaspuj, tsua qhov puab xyaa leej kwvtij puav leej tau yuav nwg lawm. 24 Yexu teb puab has tas, mej xaav yuam kev lawm lauj. Mej tsw paub Vaajtswv txuj1ug qha le caag, hab mej tsw paub Vaajtswv tug fwjchim luj npaum le caag. 25 Thaus cov tuabneeg kws tuag lawm sawv rov qaab lug puab yuav zoo ib yaam le cov tubkhai sau ntuj, puab tsw txawj sws yuav lawm. 26 Zaaj kws has txug cov tuabneeg tuag lawm yuav sawv rov qaab lug hov, mej tsw tau nyeem phoo ntawv kws Mauxe sau has txug tsob ntoo kws muaj nplaim tawg cig los. Muaj lug sau ca tsua huv phoo ntawv ntawm has tas, Vaajtswv has tsua Mauxe has tas, kuv yog "Aplahaa tug Vaajtswv, "Yiha tug Vaajtswv, hab AYakhauj tug Vaajtswv. 27 Yog le ntawm Vaajtswv yog cov caj tug Vaajtswv, nwg tsw yog cov tuabneeg tuag tug Vaajtswv. Mej xaav yuam kev lawm lauj.
Vaajtswv kevcai nqai twg tseem ceeb dua
28 Muaj ib tug xwbfwb kws qha Vaajtswv kevcai nyob ntawm, nwg nov Yexu puab sws thaam. Nwg pum has tas, Yexu ua tuab zoo teb cov Xatukai zoo zoo, nwg txawm txaav lug nug Yexu has tas, Vaajtswv txuj kevcai nqai twg yog nqai kws tseem ceeb dua ndais huvsw. 29 Yexu teb has tas, nqai kws kuv yuav has nuav tseem ceeb dua ndais lwm nqai huv tuab sw. Cov tuabneeg Yixayee, mej ua tuab zoo noog. Peb suavdawg tug Yawmsaub kws yog Vaajtswv tsuas yog tuab tug xwb. 30 Mej yuav tsum noog mej tug Vaajtswv lug kawg sab kawg ntsws kawg plaab kawg plawv hab kawg mej tug daag tug zug. 31 Nqai ob kuj tseem ceeb hab. Nqai ntawm has tas, mej yuav tsum hlub kwvtij zej zog ib yaam le mej hlub mej lub cev. Tsw muaj lwm nqai kws yuav tseem ceeb npaum le ob nqais nuav. 32 Tug xwbfwb kws qha Vaajtswv kevcai teb Yexu has tas, yog lawm lauj, xwbfwb, koj has tas, tsuas muaj tuab tug Vaajtswv xwb tsw muaj dua lwm tug koj has le ntawm yog tag. 33 Yog le ntawm yug yuav tsum noog yug tug Vaajtswv lug kawg sab kawg ntsws kawg plaab kawg plawv, kawg yug tug daag tug zug hab yug yuav tsum hlub kwvtij zej zog ib yaam le yug hlub yug lub cev. Yog yug ua lawv le ob nqai nuav kuj tseem ceeb dua le yug coj tej tsaj moog tua hlawv xyeem tsua Vaajtswv, hab coj tej hov txhua chaw moog xyeem tsua Vaajtswv, 34 Yexu pum has tas, tug hov txawj teb, tes Yexu txawm has tsua nwg has tas, koj tub nyob ze qhov kws yuav lug ua Vaajtswv le tuabneeg. Tes dhau hov lug tsw muaj leejtwg kaav nug Yexu ib zag le lawm.
Tug Cawmseej yog leejtwg xeeb ntxwv
35 Thaus Yexu saamswm qhuab qha huv lub tuam tsev thov Vaajtswv, nwg nug has tas, ua caag cov xwbfwb kws qha Vaajtswv kevcai puab has tas, tug Cawmseej yog Tavi xeeb ntxwv nua. 36 Vaajtswv tug Ntsuj Plig qha vaaj ntxwv Tavi, mas Tavi txha has tas, Vaajtswv has tsua kuv tug Tswv has tas, Koj ca le lug nyob ntawm kuv saab xws, Moog txug thaus kuv muab koj cov yeeb ncuab lug tag koj xwb taw. 37 Vaaj ntxwv Tavi tub hu tug Kheto has tas, yog nwg tug tswv. Yog le ntawm tug Cawmseej yuav ua le caag ua tau Tavi xeeb ntxwv.
Tsw xob ua le cov xwbfwb qha kevcai ua
Cov tuabneeg coob coob kws saamswm noog Yexu qha ntawm, puab zoo sab kawg le. 38 Yexu qha tsua puab has tas, mej yuav tsum ceev faaj tsw xob ua lawv le cov xwbfwb kws qha Vaajtswv kevcai ua. Puab cov ntawm nyam naav lub tsho ntev hab thaus puab moog tom kab puab nyam kuas suavdawg fwm puab. 39 Thaus puab moog huv tej tsev sablaaj lossws moog nrug luas noj luas haus, puab pheej moog xaiv lub rooj sab nyob xwb. 40 Puab nyam ntxag tej puj ntsuag le hov txhua chaw lug yuav, hab puab nyam thov Vaajtswv ntev ntev kuas suavdawg qhuas puab. Puab yeej yuav raug txem nyaav dua lwm tug huvsw.
Tug puj ntsuag tso nyaj
41 Thaus Yexu nyob huv lub tuam tsev, nwg nyob ze lub swb xaab kws tso nyaj xyeem tsua Vaajtswv. Nwg tsaa muag saib cov tuabneeg kws tuaj tso nyaj tej yeeb yaam. Mas muaj cov tuabneeg nplua nuj ntau leej tso nyaj ntau ntau tsua huv lub swb xaab. 42 Hab muaj ib tug puj ntsuag pluag pluag tuaj tso ob lub nyuas txaj toog lab tsua huv. 43 Yexu txawm hu nwg cov thwjtim lug ntawm nwg mas has tsua puab has tas, kuv qha tseeb tsua mej has tas, tug puj ntsuag kws pluag pluag hov, nwg tso nyaj ntau dua lwm tug, 44 tsua qhov lwm tug muab tej nyaj kws seem coj tuaj tso xwb, kuas tug puj ntsuag pluag pluag hov nwg muab cov nyaj kws yug nwg txujsa tuaj tso taag nrho.
Yexu has tas lub tuam tsev yuav puam tsuaj
Thaus Yexu saamswm tawm huv lub tuam tsev thov Vaajtswv moog, Yexu cov thwjtim muaj ib tug has tsua Yexu has tas, xwbfwb koj saib lub tuam tsev hab tej chaav tsev kws txuas tsua lub tuam tsev hov zoo nkauj kawg le, hab tej pob zeb kws puab muab lug ua tej tsev hov kuj zoo kawg le. 2 Yexu teb tas, koj pum tej tsev luj luj nuav lawm. Kuv qha tsua koj has tas, tej pob zeb kws sws lu ua ke hov yuav raug muab tsoo pluam txhua lub nyag nyob nyag taag huvsw.
Kev txom nyem hab kev tswm txom
3 Thaus Yexu nyob peg lub roob ntoo txwv kav laaj kws nyob ncaaj lub tuam tsev thov Vaajtswv lawm tim, thaus ntawm Pestus hab Yakaupau hab Yauhaa hab Aatali puab txawm lug nug Yexu tuab ywv has tas, 4 thov koj qha tsua peb saib, thaus twg le maav muaj tej nuav, hab yuav muaj yaam twg qha tsua peb paub tseeb has tas, tub txug lub swmhawm kws muaj tej nuav lawm. 5 Yexu qha puab has tas, mej yuav tsum ceev faaj zoo tsw xob kheev leejtwg ntxag tau mej yuam kev. 6 Yuav muaj ntau leej lug tuav kuv lub npe daag has tas, puab yog kuv ntaag. Qhov kws puab has le ntawm yuav ua tsua ntau leej yuam kev. 7 Thaus mej nov suab ua tsuv ua rog nrov ze mej, hab nov xuv has tas, tej tebchaws kws nyob deb ua tsuv ua rog, los mej tsw xob txhawj. Yeej yuav xub muaj tej ntawm ua ntej, kuas tej hov tsw tau qha has tas, tub txug lub swmhawm kws nplajteb kawg lawm. 8 Ib lub tebchaws yuav sawv tawm tsaam ib lub tebchaws, hab ob yaam tuabneeg los yuav sawv sws tawm tsaam. Yuav muaj aav qeg txhua qhov hab yuav muaj kev tshaib kev nqhes. Tej ntawm yog thawj zag kev txom nyem. 9 Mej yuav tsum ceev faaj zoo tsua qhov yuav muaj tuabneeg nteg mej coj mej moog huv tej tsev tu plaub, luas yuav muab mej ntaus huv mej tej tsev sablaaj, hab yuav coj mej moog sawv ntawm tej num tswv hab tej vaaj ntxwv xub ndag. Puab ua le hov vem mej yog cov kws ntseeg kuv. Thaus hov yog lub swmhawm zoo tsua mej qha txuj xuv zoo. 10 Kuas txhua tsaav tuabneeg yuav tsum xub nov txuj xuv zoo tsaiv le maav muaj tej nuav. 11 Thaus puab nteg mej coj moog tsua num tswv txav txem mej tsw xob txhawj has tas, mej yuav has le caag txha zoo. Txug swmhawm has, Vaajtswv kuas mej has le caag, tes mej ca le has le ntawm, tsua qhov tej lug kws mej has tsw yog mej tug tswvyim has, kuas yog Vaajtswv tug Ntsuj Plig pub tsua mej has. 12 Tij yuav muab kwv coj moog tsua luas tua, txwv yuav ua ib yaam nkaus le hov tsua tej mivnyuas hab, mivnyuas yuav sawv twv nam txwv hab coj moog tsua luas tua. 13 Txhua tug yuav ntxub mej vem mej yog cov kws ntseeg kuv. Kuas tug kws ua sab ntev moog txug thaus kawg, tug ntawm yuav dim.
Yaam kws phem kawg nkaus
14 Mej yuav pum yaam kws phem kawg nkaus nyob huv qhov chaw kws tsw tswm nyog ca yaam hov nyob. Tug kws nyeem zaaj nuav yuav tsum to taub. Thaus ntawm cov tuabneeg kws nyob huv Yutai tebchaws puab yuav tsum tswv moog peg tej roob. 15 Tug kws nyob nrau zoov tsw xob rov moog nqaa ib yaam daabtsw huv tsev tsua qhov nwg muab tsw yeej. 16 Tug kws nyob tom teb tsw xob rov lug muab nwg tej rwg tsho huv tsev. 17 Lub swmhawm hov tej quaspuj kws cev nyaav hab tej quaspuj kws muaj mivnyuas mog noj mig yuav txom nyem kawg le. 18 Mej yuav tsum thov Vaajtswv paab kuas mej tsw xob tau tswv lub caij ntuj no. 19 Txwj thaus Vaajtswv tswm ntuj tswm teb lug txug naj nub nwgnuav tuabneeg tsw tau raug kev txom nyem heev npaum le zag nuav, hab yaav peg suab nuav moog yuav tsw raug le nuav ib zag le lawm. 20 Vaajtswv tub txav caij txav nyoog kuas tuab lu lawm. Yog nwg tsw ua le ntawm yuav tsw muaj ib tug dim le. Qhov kws Vaajtswv txav caij txav nyoog kuas tuab lu le hov, tub yog vem Vaajtswv hlub Vaajtswv cov tuabneeg kws nwg tau xaiv ca 1 awm. 21 Thaus hov yog leejtwg has tsua mej has tas, mej saib, tug kws Vaajtswv khaiv lug ua tug Cawmseej nwg nyob ntawm nuav, lossws has tas, nwg nyob tom, los mej tsw xob ntseeg tug hov tej lug, 22 tsua qhov yuav muaj tej cuav cawmseej hab tej cuav xwbfwb kws cev Vaajtswv lug tuaj ua tej yaam phemfwj ntxag Vaajtswv cov tuabneeg saib yuav ntxag tau kuas yuam kev los tsw tau. 23 Mej yuav tsum ceev faaj zoo, tsua qhov kuv tub qha tej nuav tsua mej paub ua ntej lawm.
Suavdawg yuav pum tuabneeg leej tub
24 Thaus tej kev txom nyem hov dhau lawm, lub nub yuav tsaus moog, lub hli yuav tsw ci lawm. 25 Cov nub qub sau ntuj yuav zeeg, hab ib puas tsaav yaam kws muaj fwjchim sau nruab ntug yuav ua zug quas kais taag huvsw. 26 Thaus hov suavdawg yuav pum Tuabneeg Leej Tub nrug fuab nrug cua lug, nwg tug fwjchim ci ntsaa quas ab. 27 Nwg yuav khaiv nwg cov tubkhai sau ntuj moog txhua nrho plaub ceg kaum ntuj qaws cov tuabneeg kws nwg tau xaiv ca lawm txhua nrho huv qaab ntuj nuav lug nyob ua ke.
Tsob ntoo cua chiv hlaav nplooj
28 Mej ca le saib tsob ntoo cua qha le caag. Thaus tej ceg rov ntsuab ntsuab mog mog hab chiv hlaav nplooj, mej paub has tas, tub yuav txug lub caij ntuj naag. 29 lb yaam nkaus le ntawm, thaus mej pum tej xwm txheej hov mej yuav paub has tas, tub txug lub swmhawm ntawm lawm. 30 Kuv qha tseeb tsua mej has tas, thaus cov tuabneeg tam nuav tuag tsw tau taag, yeej yuav xub muaj ib puas tsaav yaam ntawm ua ntej. 31 Lub ntuj hab lub nplajteb nuav yuav poob moog, kuas kuv tej lug yuav tsw poob ib lus le, yeej yuav muaj lawv le kuv qha.
Tsw muaj leejtwg paub lub swmhawm
32 Kuas nub ntawm hab lub swmhawm ntawm tsw muaj leejtwg paub. Txawm yog cov tubkhai sau ntuj los tsw paub, Tuabneeg Leej Tub los tsw paub, tsuas yog Leej Txwv tuab leeg txha paub xwb. 33 Mej yuav tsum ceev faaj zuv tog, tsua qhov mej tsw paub has tas, thaus twg yuav txug lub swmhawm ntawm. 34 Lub swmhawm hov pev ib yaam le ib tug txwv neej tawm huv nwg lub tsev moog lwm qhov. Thaus nwg yuav moog nwg tseg nwg cov tub qhe zuv tsev, hab nwg faib num tsua puab, nyag muaj nyag num ua, hab nwg has kuas tug zuv qhov rooj zuv zoo zoo. 35 Yog le ntawm mej yuav tsum zuv zoo zoo, tsua qhov mej tsw paub tas, thaus twg mej tug tswv yuav rov lug. Tej zag nwg yuav lug thaus tsaus ntuj, tej zag nwg yuav lug thaus ib taag mo, tej zag nwg yuav lug thaus qab qua lossws thaus kaaj ntug, los mej yeej tsw paub. 36 Mej yuav tsum ceev faaj zuv zoo zoo, tsaam tes nwg lug tsua thaus kws mej tsw ceev faaj tes nwg pum mej tsaug zug. 37 Yog le ntawm tej kws kuv qha tsua mej nuav, kuv kuj qha tsua suavdawg ib yaam nkaus has tas, mej yuav tsum ceev faaj zuv tog.
Puab nrhav kev tua Yexu
1 Tshuav ob nub xwb txug lub caij ua kevcai hlaa dhau kws noj ncuav tsw xyaw keeb. Cov pov thawj hlub hab cov xwbfwb qha Vaajtswv kevcai puab saamswm nrhav kev nteg Yexu tuab ywv coj moog tua pov tseg. 2 Puab has tas, peb tsw xob rawm nteg tsua thaus suavdawg tseem saamswm ua kevcai, tsaam tes ua tsua suavdawg ntxhuv.
Ib tug puj laub roj tsua Yexu taubhau
3 Dhau hov ntawm Yexu su huv Ximoo kws yaav tom ntej mob rua lub tsev tom lub zog Npethani. Thaus Yexu saamswm noj mov muaj ib tug quaspuj nqaa ib laam fwj roj tsw-qaab kws muaj nqes ntau tuaj. Nwg muab lub ncauj fwj luv qheb hlo mas muab cov roj tsw-qaab hov laub tsua sau Yexu taubhau. 4 Cov tuabneeg kws nyob ntawm muaj qee leej txawm chim, puab has tas, nwg muab cov roj tsw-qaab hov ua nkim pov tseg ua daabtsw. 5 Yog coj moog muag tes tub tau ob txheeb npam, es coj cov nyaj hov moog pub tsua cov tuabneeg pluag kuj zoo dua qhov kws nwg muab ua nkim pov tseg le hov. Hab puab thuaj thuaj tug quaspuj hov. 6 Kuas Yexu has tsua puab has tas, ca nwg ua nwg, tsw xob ua tsua nwg ntxhuv sab. Qhov kws nwg ua tsua kuv nuav tub zoo lawm. 7 Cov tuabneeg pluag yeej yuav nrug mej nyob moog le. Mej xaav paab puab thaus twg los yeej tau. Kuas kuv yuav tsw nrug mej nyob moog ib swm neej. 8 Tug quaspuj nuav ua tau lawv le nwg tug peevxwm, nwg muab cov roj tsw-qaab ntawm laub tsua kuv lub cev, tub yog nwg xub tu kuv lub cev ca tsua nub kws log kuv. 9 Kuv qha tseeb tsua mej tas, yog tuabneeg qha txuj xuv zoo moog txug huv qaab ntuj nuav hov twg, tes qhov kws tug quaspuj nuav ua yuav nrov nchaa moog txug hov ntawm, kuas suavdawg ncu txug tej num kws tug quaspuj nuav tau ua lawm.
Yuta yuav muab Yexu tsua puab
10 Thaus hov Yexu kaum ob tug thwjtim tug kws npe hu ua Yuta Ikhalau txawm moog cuag cov pov thawj hlub. Nwg has tas nwg yuav muab Yexu tsua puab. 11 Thaus puab nov Yuta has le hov puab zoo sab kawg. Puab cog lug has tas, puab yuav muab nyaj tsua Yuta, tes Yuta txawm nrhav swmhawm muab Yexu tsua puab.
Yexu hab cov thwjtim ua kevcai hlaa dhau
12 Thaus txug thawj nub kws noj ncuav tsw xyaw keeb, nub hov yog nub kws suavdawg tua mivnyuas yaaj ua kevcai hlaa dhau, cov thwjtim lug nug Yexu has tas, koj xaav kuas peb moog npaaj mov ua kevcai hlaa dhau tsua koj noj hov twg. 13 Yexu txawm khaiv ob tug thwjtim moog, nwg qha ob tug has tas, meb ca le moog huv nroog, meb yuav ntswb ib tug txwv neej kwv ib hub dej. 14 Tug hov moog huv lub tsev twg tes meb ca le lawv nwg qaab moog, mas meb has tsua tug tswv tsev has tas, xwbfwb has tas, koj yuav muab chaav twg tsua nwg hab nwg cov thwjtim noj mov ua kevcai hlaa dhau nua, 15 tes tug tswv tsev ntawm yuav coj meb nee moog txheej sau, hab nwg yuav qha ib chaav daav daav kws tub muaj rooj muaj tog txhwj lawm tsua meb, tes meb ca le npaaj txhua yaam ca tsua hov ntawm. 16 Ob tug thwjtim txawm moog huv lub nroog mas pum txhua yaam lawv le Yexu tau qha tsua ob tug. Ob tug txawm npaaj mov ua kevcai hlaa dhau ca tsua hov ntawm. 17 Thaus tsaus ntuj Yexu hab kaum ob tug thwjtim moog noj mov hov ntawm. 18 Thaus puab saamswm noj mov Yexu qha tsua puab has tas, kuv qha tseeb tsua mej has tas, mej cov kws nrug kuv nyob noj mov ntawm nuav muaj ib tug yuav faav xeeb tsua kuv. 19 Thaus cov thwjtim nov Yexu has le ntawm, puab ntxhuv sab heev, puab txawm nyag taug nyag nug Yexu has tas, tsw laam yog kuv kaj. 20 Yexu teb has tas, mej kaum ob leeg nuav yog ib leeg ntaag, tug ntawm yog tug kws nrug kuv koom ntsw ib lub taig. 21 Tuabneeg Leej Tub yeej yuav tuag lawv le tub muaj lug sau ca tsua huv Vaajtswv phoo ntawv has txug nwg. Kuas tug kws faav xeeb tsua Tuabneeg Leej Tub, tug hov yuav raug kev txom nyem ceblaaj kawg le. Yog nwg tsw xob yug lug kuj zoo dua.
Yexu rooj mov
22 Thaus puab saamswm noj mov Yexu muab ib lub ncuav lug tuav ntawm teg, nwg ua Vaajtswv tsaug taag nwg txawm muab ndais cev tsua cov thwjtim, hab nwg has tas, lub ncuav nuav yog kuv lub cev, mej ca le txais moog noj. 23 Hab Yexu tsua muab ib khob kua txwv maab xwv lug, nwg ua Vaajtswv tsaug taag, nwg txawm muab cev tsua cov thwjtim. Cov thwjtim txhua tug puav leej txais moog haus. 24 Yexu has tsua puab has tas, cov kua txwv maab xwv nuav yog kuv cov ntshaav kws ndwg lug ntxuav tuabneeg lub txem. Cov ntshaav hov yog lub hom thawj kws nas tsua Vaajtswv lu lug cog tseg. 25 Kuv qha tsua mej has tas, kuv yuav tsw haus kua txwv maab xwv moog txug nub kws kuv haus cov kua txwv maab xwv tshab huv Vaajtswv lub tebchaws. 26 Thaus puab hu ib zaaj nkauj taag puab txawm tawm moog dua peg roob ntoo txwv kav laaj lawm.
Yexu qha tas Pestus yuav tsw leeg paub Yexu
27 Yexu has tsua puab has tas, mej txhua tug yuav tswv huvsw tso kuv tseg, tsua qhov tub muaj lug sau ca tsua huv Vaajtswv phoo ntawv has tas, Vaajtswv yuav tua tug tswv yug yaaj, tes paab yaaj yuav tawg nyag tswv nyag moog taag huvsw. 28 Kuas thaus Vaajtswv tsaa kuv sawv huv qhov tuag rov qaab lug lawm, kuv yuav ua mej ntej moog peg Kalilai tebchaws. 29 Pestus teb Yexu has tas, txawm yog suavdawg tso koj tseg taag lawm los kuv yuav tsw tso koj tseg ib zag le. 30 Yexu has tsua Pestus has tas, kuv qha tsua koj has tas, mo nuav thaus qab tsw tau qua ob tswg koj yuav has peb zag has tas, koj tsw paub kuv. 31 Pestus teb tawv tawv has tas, txawm yog kuv yuav nrug koj tuag los kuv yeej yuav tsw has tas, kuv tsw paub koj ib zag le. Hab cov thwjtim suavdawg puav leej has ib yaam nkaus le Pestus has.
Yexu thov Vaajtswv huv Khexemane
32 Yexu hab Yexu cov thwjtim moog txug ib qhov chaw npe hu ua Khexemane. Yexu txawm has tsua nwg cov thwjtim has tas, mej nyob ntawm nuav tog kuv, kuv yuav moog thov Vaajtswv tom. 33 Tes Yexu txawm coj Pestus hab Yakaupau hab Yauhaa nrug nwg moog. Thaus hov Yexu ntxhuv sab kawg nkaus le. 34 Yexu has tsua peb tug thwjtim ntawm has tas, kuv ntxhuv sab kawg le, tub yuav tuag. Mej ca le nyob ntawm nuav, tsw xob tsaug zug. 35 Yexu moog tom ntej mivntswv. Nwg txhus caug ndua khoov tsua huv aav thov Vaajtswv has tas, yog koj pum zoo thov koj tsw xob ca kuv raug tej kev txom nyem nuav. 36 Hab nwg thov has tas, txwv, koj ua tau lb puas tsaav yaam huvsw. Thov koj paab kuas kuv tsw xob raug tej kev txom nyem nuav, kuas koj tsw xob ua lawv le kuv lub sab nyam, koj ca le ua lawv le koj lub sab nyam xwb. 37 Tes Yexu rov lug tsua ntawm peb tug thwjtim, nwg pum puab tsaug zug taag lawm, nwg txawm has tsua Pestus has tas, Ximoo, koj tsaug zug lawm los, koj tub yoo tsw taug daab ndub nrug kuv nyob ib nyuas teev le los. 38 Hab Yexu has tsua puab has tas, mej yuav tsum ceev faaj, hab thov Vaajtswv paab, Daab Ntxwg Nyoog txha le ntxag tsw tau mej. Lub sab mas kub quas lug, kuas lub cev qaug zug heev. 39 Yexu txawm rov moog thov Vaajtswv dua ib zag, ib yaam nkaus le thawj zag. kO Nwg tsua rov lug nwg pum cov thwjtim tsaug zug taag lawm, puab qheb tsw taug qhov muag le, hab puab tsw paub yuav has le caag tsua Yexu. 41 Thaus Yexu rov lug zag peb nwg has tsua puab has tas, mej tseem tsaug zug tsw tau zoo daab ndub los. Tsaug zug le kos xwb txaus lawm lauj, tub txug swmhawm lawm. Mej saib, Tuabneeg Leej Tub yuav raug luas nteg coj moog tsua huv cov tuabneeg sab phem txhais teg lauj. 42 Mej ca le sawv peb moog. Mej saib, tug kws faav xeeb tsua kuv, nwg tub tuaj txug lawm.
Puab nteg Yexu
43 Thaus Yexu tseem saamswm has le ntawm, tes tug Yuta kws yog ib tug huv kaum ob tug thwjtim txawm tuaj txug. Muaj ib paab tuabneeg coob coob coj ntaaj coj qws nrug nwg tuaj. Paab hov yog cov pov thawj hlub, hab cov xwbfwb kws qha Vaajtswv kevcai hab cov kev txwj quas laug khaiv tuaj. 44 Tug kws faav xeeb tsua Yexu nwg tub xub qha tsua paab tuabneeg hov has tas, kuv nwj tug twg, tes yog tug ntawm ntaag, mej ca le nteg nwg coj moog, mej saib zoo zoo tsw xob kheev nwg tswv. 45 Thaus Yuta tuaj txug Yuta txawm ncaaj nraim lug ntawm Yexu mas has tas, xwbfwb, tes nwg txawm nwj kag Yexu. 46 Cov tuabneeg kws nrug Yuta tuaj txawm nrov ntwg lug nteg kag Yexu tuav ruaj ruaj. 47 Tes muaj ib tug kws sawv ze ntawm rhu hlo ntaaj lug tuab ntaag tsua tug tuam pov thawj hlub ib tug tub qhe ib saab nplooj ntseg tu nrho. 48 Tes Yexu txawm has tsua puab has tas, mej coj ntaaj coj qws tuaj nteg kuv ib yaam le mej nteg tub saab los. 49 Kuv naj nub qha mej huv lub tuam tsev thov Vaajtswv, ua caag mej tsua tsw nteg kuv Kuas yog yuav tsum muaj le nuav txha lawv le tej lug kws tau sau ca tsua huv Vaajtswv phoo ntawv lawm. 50 Cov thwjtim txhua tug txawm tso Yexu tseg tswv taag lawm. 51 Muaj ib tug tub hluas lawv Yexu qaab. Nwg tsw naav rwg tsho, nwg npua ib daim ntaub maag xwb. Cov tuabneeg hov yuav nteg nwg hab. 52 Tes nwg muab daim ntaub ntawm hle hlo pov tseg, nwg tswv lab qaab qos cuas lawm.
Cov num tswv kom Yexu
53 Dhau hov ntawm puab txawm coj Yexu moog tom tug tuam pov thawj hlub tsev. Cov pov thawj hlub hab cov kev txwj quas laug hab cov xwbfwb kws qha Vaajtswv kevcai saamswm sablaaj ua ke hov ntawm tog Yexu. 54 Pestus lawv Yexu qaab deb deb hab nwg txawm moog nyob nraag tug tuam pov thawj hlub qaab tsw taug. Nwg nrug cov tub rog nte tawg nraag. 55 Cov pov thawj hlub hab cov num tswv puab suavdawg nrhav lug kom Yexu, sub puab txha tau kev muab Yexu tua pov tseg, kuas puab nrhav tsw tau chaw kom. 56 Muaj ntau leej tuaj ua tim khawv daag has tas, Yexu ua txhum, kuas tej lug kws puab has, puab has tsw sws tim. 57 Muaj qee leej sawv lug ua tim khawv daag has tas, 58 peb nov nwg has tas, nwg yuav muab lub tuam tsev kws yog tuabneeg txhais teg ua nuav lauj pov tseg, mas peb nub nwg yuav ua tau dua ib lub tshab kws tsw yog tuabneeg txhais teg ua. 59 Txawm yog puab has tuab zaaj xwb los puab tej lug puab has tsw sws tim. 60 Tug tuam pov thawj hlub txawm sawv quas ntsug nug Yexu has tas, puab kom koj le hov koj txawm tsw muaj lug teb le los. 61 Kuas Yexu ua tuab ywv tsw teb ib lus le. Tug tuam pov thawj hlub txawm rov nug Yexu has tas, koj yog tug Cawmseej kws yog Vaajtswv tug tub los. 62 Yexu teb has tas, yog, hab mej yuav pum Tuabneej Leej Tub nyob ntawm Vaajtswv kws muaj fwjchim luj kawg nkaus saab xws, hab pum nwg nrug fuab nrug cua lug sau ib ntaa ntuj lug. 63 Thaus tug tuam pov thawj hlub nov le hov tes nwg txawm dua rhe nwg lub tsho hab has tas, tsw taag peb yuav moog nrhav dua tim khawv lawm. 64 Mej tub nov nwg tej lug phem hov lawm, mej yuav has le caag. Suavdawg puav leej has tuab lus has tas, nwg ua txhum lawm tswm nyog muab nwg tua pov tseg. 65 Cov tuabneeg ntawm muaj qee leej ntu qub ncaug tsua Yexu. Puab muab phuam paav nwg qhov muag hab ntaus nwg. Puab has tsua nwg has tas, koj swm twv saib, yog leejtwg ntaus koj. Hab cov tub rog xuas tawg ncuav tsua Yexu lub plhu.
Pestus tsw leeg paub Yexu
66 Thaus Pestus tseem nyob nraag qaab tsw taug, tug tuam pov thawj hlub le ib tug nkauj qhev tuaj pum Pestus. 67 Thaus nwg pum Pestus nyob nte tawg, nwg txawm has saib quas ntsoov tsua Pestus has tas, koj yog ib tug kws nrug Yexu kws yog tuabneeg Naxale nyob ua ke los sas. 68 Kuas Pestus tsw leeg le, Pestus teb has tas, tug kws koj has kos sov yog leejtwg, kuv yeej tsw paub le. Pestus txawm tawm moog txug ntawm rooj vaag. Taamswm ntawm qab txawm qua thawj tswg. 69 Thaus tug.nkauj qhev pum Pestus nyob ntawm, nwg txawm has tsua cov tuabneeg kws sawv ntawm has tas, tug nuav yog Yexu puab paab ib tug ntaag. 70 Pestus tsw leeg dua ib zag hab. Tes ib nyuas plag cov tuabneeg kws sawv ntawm has tsua Pestus has tas, koj tsw xob caav caav ncauj has tas, koj tsw yog Yexu puab paab, tsua qhov peb tub paub tas, koj yog tuabneeg Kalilai ib yaam le puab hab. 71 Pestus twv ntuj twv teb has tas, kuv tsw paub tug kws mej has hov le. 72 Taamswm hov qab txawm qua ob tswg. Pestus ncu dheev txug tej lug kws Yexu has tsua Pestus has tas, thaus qab tsw tau qua ob tswg koj yuav has peb zag has tas, koj tsw paub kuv. Tes Pestus txawm quaj quaj.
Philaj nug Yexu
1 Thaus kaaj ntug cov pov thawj hlub txawm moog nrug cov kev txwj quas laug hab cov xwbfwb qha Vaajtswv kevcai hab cov num tswv suavdawg sablaaj pes kag saib puab yuav ua le caag tsua Yexu. Puab muab Yexu khi caab moog tsua Philaj. 2 Philaj nug Yexu has tas, koj yog cov Yutai tug vaaj ntxwv los. Yexu teb has tas, yog le koj has kos. 3 Cov pov thawj hlub kom Yexu ntau qhov. 4 Tes Philaj txawm rov nug Yexu has tas, koj tsw teb puab los. Koj tsw nov puab kom koj ntau qhov lawm los. 5 Kuas Yexu tsw teb ib lus le. Philaj xaav tsw thoob sov ua caag Yexu tsw teb.
Yexu raug txav txem tua
6 Txhua xyoo thaus txug lub caij ua kevcai hlaa dhau Philaj tso ib tug tuabneeg raug txem dim lawv le cov pejxeem thov. Puab thov tug twg nwg tso tug ntawm. 7 Tes thaus hov muaj ib tug quasyawg npe hu ua Npalanpa nwg raug kaw huv tsev loj faaj vem nwg nrug cov tuabneeg kws ntxeev num tswv tua tuabneeg. 8 Thaus cov tuab- neeg coob coob tuaj ua ke thov Philaj tso ib tug tuabneeg raug txem tsua puab lawv le nwg ib txwm tso, 9 tes Philaj nug puab has tas, mej xaav kuas kuv tso cov Yutai tug vaaj ntxwv tsua mej los. 10 Philaj yeej paub tseeb has tas, cov pov thawj hlub ntxub Yexu puab txha nteg Yexu coj tuaj tsua nwg. 11 Mas cov pov thawj hlub ntxag cov pejxeem kuas puab thov Philaj tso Npalanpa lug tsua puab. 12 Philaj rov nug cov pejxeem has tas, yog le ntawm, mej xaav kuas kuv ua le caag tsua tug kws mej hu has tas, cov Yutai tug vaaj ntxwv. 13 Puab teb nrov nrov has tas, muab nwg teem tsua sau ntoo khaublig. 14 Philaj txawm nug puab has tas, nwg ua txhum daabtsw. Puab yimfuab has nrov dua qhov qub has tas, muab nwg teem tsua sau ntoo khaublig. 15 Philaj xaav ua kuas hum cov pejxeem suavdawg sab, nwg txha tso Npalanpa tsua puab, tes nwg txawm kuas muab Yexu nplawm. Thaus nplawm taag lawm, nwg txawm muab Yexu tsua puab coj moog teem tsua sau ntoo khaub-1 i g.
Cov tub rog ua saib tsw taug Yexu
16 Cov tub rog txawm coj Yexu moog nrau Phi-laj lub qaab tsw taug, mas hu puab paab tub rog tuaj taag nrho ua ke. 17 Puab muab ib lub tsho yimlaaj ntev ntev lug khu tsua Yexu naav, hab muab xuav paug lug qhab ua kauj looj Yexu taubhau. 18 Puab txawm ua txuj hawm nwg ua dog ua dig hab has tas, cov Yutai tug vaaj ntxwv, koj yuav tau zoo laub. 19 Puab cov hov muaj qee leej txawm muab ib tug tauj ab ntaus Yexu taubhau. Puab ntu qub ncaug tsua Yexu, hab ua txuj txhus caug pe nwg zum quas zawg. 20 Thaus puab ua saib tsw taug Yexu taag lawm, puab txawm muab lub tsho yimlaaj hle, mas muab Yexu lub rov qaab lug khu tsua Yexu naav. Puab txawm coj Yexu tawm moog, puab yuav coj nwg moog teem tsua sau ntoo khaub-1 ig.
Yexu raug teem sau ntoo khaublig
21 Thaus puab saamswm moog, puab ntswb ib tug txwv neej npe hu ua Ximoo. Nwg saamswm tuaj yuav moog huv lub nroog. Puab txawm yuam nwg kwv Yexu tug ntoo khaublig. (Tug Ximoo nuav nyob lub moos Khulene. Nwg muaj ob tug tub, ib tug npe hu ua Alexalau, ib tug npe hu ua Lufau). 22 Puab coj Yexu moog txug ib qhov chaw npe hu ua Khaulakhautha, lub npe ntawm txhais has tas, roob txhaa taubhau. 23 Thaus puab moog txug qhov ntawm lawm, puab txawm muab kua txwv maab xwv lug xyaw ib yaam tshuaj loog tsua Yexu haus, kuas Yexu tsw kaam haus. 24 Puab txawm muab Yexu teem tsua sau ntoo khaublig. Mas puab muab Yexu cev rwg tsho lug twv saib leejtwg yuav tau yaam twg. 25 Lub swmhawm kws puab muab Yexu teem tsua sau ntoo khaublig mas taav nam tshais. 26 Muaj ib nqais kws puab sau kom Yexu, puab sau has tas, cov Yutai tug vaaj ntxwv. 27 Puab muab ob tug tub saab teem tsua sau ob tug ntoo khaublig hab, muab ib tug txhus tsua Yexu saab xws, muab ib tug txhus tsua Yexu saab phem. 28 (Tej nuav muaj lawv le tub muaj lug sau ca tsua huv Vaajtswv phoo ntawv lawm has tas, puab yuav has tas, nwg ua txhum ib yaam le cov tuabneeg ua txhum). 29 Cov tuabneeg kws dua kev tuaj moog puab cu hau quas nyo thuaj Yexu has tas, koj has tas, koj yuav rhuav lub tuam tsev thov Vaajtswv mas peb nub koj yuav rov ua tau ib lub tshab nua nev. 30 Koj ca le paab kuas koj dim hab nqeg kag sau tug ntoo khaublig kos lug los maj. 31 Cov pov thawj hlub hab cov xwbfwb kws qha Vaajtswv kevcai thuaj Yexu ib yaam nkaus le ntawm hab. Puab sws thaam has tas, nwg paab tau lwm tug, kuas nwg paab tsw tau nwg. 32 Puab has tas, tug Cawmseej kws yog cov Yixayee tug vaaj ntxwv koj ca le nqeg kag sau tug ntoo khaublig lug tsua peb saib, es peb txha le ntseeg koj. Ob tug nam tub saab kws raug teem tsua sau ntoo khaublig yaam le Yexu, los ob tug kuj thuaj thuaj Yexu hab.
Yexu tuag
33 Thaus nub ntseg ntuj txawm tsaus ndais thoob plawg lub tebchaws hov tsaus moog txug nub qaij peb teev. 34 Thaus nub qaij peb teev lawm Yexu txawm hu nrov nrov has tas, Elau-i elau-i, lema xanpathani, lu lug hov txhais has tas, txwv, txwv, ua caag koj muab kuv tso tseg lawm. 35 Cov tuabneeg kws sawv ntawm muaj qee leej nov Yexu has le hov, puab txawm has tas, mej noog saib nwg hu Eliya los sas. 36 Cov tuabneeg ntawm muaj ib tug dha loo moog muab ib lub taub ntxuav yag raus kua txwv maab qaub hab muab ib tug tauj ab chob lub taub ntxuav yag hov cev moog tsua ntawm Yexu qhov ncauj, hab nwg has tas, peb tog ib ntswv saib Eliya yuav lug paab kuas nwg dim ntawm tug ntoo khaublig los tsw lug. 37 Yexu qw ib suab nrov nrov tes Yexu txawm tu sav nrho lawm. 38 Taamswm hov daim ntaub kws thaiv huv lub tuam tsev thov Vaajtswv txawm nduag rhe sau ti nkaus huv taw ua ob daim. 39 Tug thawj rog kws sawv ze ntawm tug ntoo khaublig pum Yexu tuag le ntawm nwg txawm has tas, tug nuav yog Vaajtswv tug tub tag tag le. 40 Muaj ib cov quaspuj sawv deb quas tsawv saib hab. Cov quaspuj hov ib tug yog Xalaume, ib tug yog Maivlag Matala, hab ib tug yog Maivlag tug kws yog Yakaupau yau hab Yauxej nam. 41 Cov quaspuj hov yeej nrug quas nraim Yexu txwj thaus kws Yexu tseem nyob huv Kalilai tebchaws, hab pheej tu Yexu. Hab tseem muaj dua ib cov quaspuj kws nrug Yexu tuaj txug nraag Yeluxalee, puab kuj nyob hov hab.
Log Yexu
42,43 Thaus Yauxej tuaj peg lub moos Alimatha tuaj txug huv lub nroog tub yuav tsaus ntuj. Tug Yauxej nuav yog ib tug num. Cov num tswv suavdawg puav leej fwm nwg heev, hab nwg saamswm tog saib thaus twg Vaajtswv yuav lug kaav tuabneeg lub sab. Nub hov yog nub kws npaaj hov txhua chaw ca tsua nub su. Yauxej txawm ua sab tuab tuab moog cuag Philaj es thov Yexu lub cev coj moog log. 44 Thaus Philaj nov has tas, Yexu tuag lawm, nwg xaav tsw thoob le. Nwg txawm hu tug thawj rog lug nug has tas, Yexu tuag lawm tag lov. 45 Thaus tug thawj rog qha tsua Philaj paub, tes Philaj txawm kheev Yauxej moog muab Yexu lub cev kwv moog log. 46 Yauxej txawm moog yuav ib chaws ntaub maag lug, tes nwg txawm moog muab Yexu lub cev txu lug, mas muab chaws ntaub maag hov qhwv Yexu lub cev kwv moog log tsua huv lub qhov ntxaa. Lub qhov ntxaa hov yog txaug tsua huv ib phaab zeb, tes Yauxej txawm dov ib daim laag zeb luj luj lug npug lub rooj ntxaa ca. k~ Maivlag Matala hab Maivlag kws yog Yauxej nam ob tug kuj tuaj saib Yauxej log Yexu, mas ob tug kuj pum lub chaw kws log Yexu hab.
Yexu sawv rov lug
1 Thaus dhau nub su lawm, Maivlag Matala, hab Xalaume, hab Maivlag kws yog Yakapau nam puab moog yuav tshuaj tsw-qaab, es yuav coj moog pleev Yexu lub cev. 2 Mas nub Athib thaus sawv ntxuv hauv ntuj chiv kaaj puab moog tom lub ntxaa. 3 Thaus puab saamswm taug kev moog puab sws thaam has tas, leejtwg yuav paab peb muab daim laag zeb kws npug lub rooj ntxaa dov tawm. h Daim laag zeb hov luj kawg le. Thaus puab moog yuav txug puab tsaa muag saib, ua cav daim laag zeb tub dov moog tsua ib saab lawm. 5 Puab txawm moog huv lub qhov ntxaa, puab pum ib tug tub hluas nyob huv lub qhov ntxaa, kws yog moog nrau nuav moog nyob saab xws. Tug tub hluas hov naav ib lub tsho dawb ntev ntev. Thaus puab pum nwg puab ntshai kawg le. 6 Tug tub hluas ntawm has tsua puab has tas, mej tsw xob ntshai, mej tuaj nrhav Yexu kws yog tuabneeg Naxale kws puab muab teem tsua sau ntoo khaublig los, nwg tsw nyob ntawm nuav lawm, nwg tub sawv lawm. Mej ca le lug saib qhov chaw kws puab tso nwg lub cev ca. 7 Mej ca le rov qaab moog qha cov thwjtim, mej has tsua Pestus has tas, nwg yuav ua mej ntej moog nyob peg Kalilai tebchaws tog mej. Thaus mej moog txug peg, mej yuav pum nwg lawv le nwg tau qha tsua mej lawm. 8 Cov quaspuj txawm tawm huv lub qhov ntxaa dha rov qaab moog, puab ntshai ntshai ua ib ce tshee quas nyo. Puab tsw kaav qha tsua leejtwg le tsua qhov puab ntshai heev.
Yexu tshwm tsua Maivlag Matala pum
9 Thaus Yexu sawv huv qhov tuag rov qaab lug lawm, nub Athib thaus sawv ntxuv Yexu xub lug tshwm tsua Maivlag Matala pum. Tug Maivlag hov yog tug kws thau raug xyaa tug daab, es Yexu tub ntab cov daab hov tawm lawm. 10 Nwg moog qha tej kws nwg pum tsua Yexu cov kwvluag paub, kuas thaus hov puab tseem lwj sab kawg le puab saamswm quaj zum quas zawg. 11 Thaus puab nov Maivlag has tas, Yexu muaj txujsa lawm hab Maivlag tub pum Yexu lawm, los puab tsw ntseeg Maivlag tej lug le.
Yexu tshwm tsua ob tug thwjtim pum
12 Dhau hov ntawm Yexu lug tshwm tsua ob tug thwjtim pum, yog thaus ob tug saamswm taug kev tawm nrau lub moos moog. Kuas zag nuav nwg lug tsw thooj le thawj zag kws nwg lug tsua Maivlag pum. 13 Ob tug txawm rov qaab lug qha tej kws ob tug pum Yexu tsua cov thwjtim suavdawg noog, kuas puab tsw ntseeg le.
Yexu tshwm tsua kaum ib tug thwjtim pum
14 Thaus kawg Yexu lug tshwm tsua kaum ib tug thwjtim pum, yog thaus puab saamswm noj mov. Yexu tshev cov thwjtim mivntswv tsua qhov kws cov thwjtim sab tawv es pheej tsw ntseeg cov tuabneeg kws tub pum Yexu lawm tej lug. 15 Yexu qha cov thwjtim has tas, mej yuav tsum moog qha txuj xuv zoo thoob plawg huv nplajteb nuav tsua suavdawg nov. 16 Tug kws ntseeg hab ua kevcai raus dej mas yuav dim, kuas tug kws tsw ntseeg yuav raug txem. 17 Cov kws ntseeg, puab yuav muaj fwjchim ua tej txujci tseem ceeb. Thaus puab tuav kuv lub npe ntab daab, daab yuav tawm, puab yuav txawj has tej lug txawv txawv, 18 yog puab ntsab tau naab, naab yuav tsw tum puab, yog puab haus tau tshuaj lom los yuav tsw ua le caag tsua puab, yog puab cev teg npuab cov tuabneeg muaj mob, tes cov tuabneeg hov yuav zoo.
Vaajtswv coj Yexu moog sau ntuj
19 Thaus Yexu qha puab taag, Vaajtswv txawm coj Yexu moog sau ntuj ceeb tsheej lawm, nwg moog nyob ntawm Vaajtswv saab xws. 20 Cov thwjtim txawm moog qha thoob plawg txhua txhua qhov. Vaajtswv kuj nrug puab ua num. Nwg pub fwjchim tsua puab ua tej txujci tseem ceeb, suavdawg txha paub has tas, tej kws puab qha yeej muaj tseeb tag.
Phoo nuav Luka sau xaa tsua The-aufilau
1 The-aufilau koj tub paub lawm has tas, muaj ntau leej tau sau qha tej xwm txheej kws tub muaj huv peb cov 2 lawv le kws muaj ib txha lub qhov muag tub pum tej xwm txheej hov lub keeb lug. Cov tuabneeg kws pum yog cov kws qha txuj xuv zoo, hab puab tau qha tej ntawm tsua peb paub lawm. 3 Kuv tub ua tuab zoo saib tej ntawm txhua txhua huvsw ntawm hauv paug lug lawm. Yog le hov The-aufilau, kuv pum zoo sau tej ntawm txhua txhua zaaj txwj thaus hauv paug moog txug thaus kawg tsua koj paub, 4 koj txha le paub tseeb tas txhua zaaj kws puab tau qha tsua koj lawm yog tseeb tag.
Elixanpe yuav xeeb tub
5 Lub swmhawm kws Helauj ua vaaj ntxwv kaav Yutai tebchaws, muaj ib tug pov thawj npe hu ua Xakhali. Nwg yog ib tug kws nyob huv paab pov thawj kws hu ua Anpiya paab. Nwg tug quaspuj hu ua Elixanpe. Elixanpe yog cov pov thawj ib tug xeeb ntxwv hab. 6 Vaajtswv pum tas ob nam txwv hov yog tuabneeg ncaaj nceeg, hab ob tug noog Vaajtswv lug hab ua lawv le Vaajtswv txuj kevcai txhua nqai, tsw muaj ib qhov kws luas yuav thuaj tau ob tug. 7 Ob tug tsw muaj mivnyuas vem yog Elixanpe yeej ib txwm xeeb tsw taug tub, mas thaus hov ob tug tub laug laug lawm. 8 Muaj ib zag yog txug lub swmhawm kws Anpiya paab moog ua num huv lub tuam tsev thov Vaajtswv mas muaj ib nub Xakhali saamswm ua num huv lub tuam tsev thov Vaajtswv lawv le cov pov thawj naj nub ua. 9 Nwg rhu ntawv lawv le cov pov thawj txuj kevcai kws puab ib txwm ua, mas nwg rhu tau ntawv moog hlawv moov tshuaj tsw-qaab huv lub tuam tsev thov Vaajtswv. 10 Lub swmhawm kws Xakhali hlawv moov tshuaj hov, cov tuabneeg zej zog suavdawg puav leej nyob saab nrau thov Vaajtswv. 11 Thaus hov Xakhali txawm pum Vaajtswv ib tug tubkhai sau ntuj sawv ntawm lub rooj hlawv moov tshuaj saab xws. 12 Thaus Xakhali pum dheev tug tubkhai ntawm Xakhali poob sab hab ntshai kawg le. 13 Kuas tug tubkhai has tsua Xakhali has tas, Xakhali, koj tsw xob ntshai, Vaajtswv tub nov koj tej lug thov lawm. Koj tug quaspuj yuav xeeb ib tug mivtub. Koj yuav tsum tis tug mivtub hov lub npe hu ua Yauhaa. h Thaus yug tug mivtub hov lawm, koj yuav zoo sab kawg le hab yuav muaj tuabneeg coob coob nrug koj zoo sab hab, 15 tsua qhov Vaajtswv yuav suav has tas, tug mivtub hov yog ib tug tseem ceeb. Nwg yuav tsw haus kua txwv maab xwv hab tsw haus cawv ntxws hlo le. Vaajtswv tug Ntsuj Plig yuav kaav taag nrho nwg lub sab huv nruab thab lug le. 16 Nwg yuav coj cov Yixayee coob coob tig rov lug nrhav Yawmsaub kws yeej yog puab tug Vaajtswv. 17 Nwg yuav muaj tswvyim hab muaj fwjchim ib yaam le xwbfwb Eliya kws cev Vaajtswv lug. Nwg yuav ua Vaajtswv ntej moog ua kuas ob txw tub rov lug sws hum. Nwg yuav ua kuas cov tuabneeg tawv ncauj lug ntxeev dua sab tshab ua tuabneeg ncaaj nceeg, hab nwg yuav tu Vaajtswv cov tuabneeg ca tsua Vaajtswv. 18 Xakhali nug tug tubkhai ntawm has tas, kuv yuav ua le caag txha paub tseeb tej kws koj has kos. Kuv hab kuv tug quaspuj ib tub laug laug le lawm. 19 Tug tubkhai teb has tas, kuv yog Khali-ee, kuv yog tug kws nyob ntawm Vaajtswv lub xub ndag. Vaajtswv khaiv kuv lug qha txuj xuv zoo nuav tsua koj. 20 Thaus txug swmhawm lawm mas yuav muaj lawv le kuv has nuav tag, kuas vem koj tsw ntseeg kuv tej lug, mas koj yuav has tsw tau lug moog txug nub kws muaj lawv le kuv tub has tsua koj nuav. 21 Thaus hov cov tuabneeg suavdawg tseem tog Xakhali. Puab xaav tsw thoob sov yog ua le caag Xakhali yuav nyob huv lub tuam tsev thov Vaajtswv ntev ua luaj le. 22 Thaus nwg tawm lug nwg has tsw tau lug tsua puab, nwg ua ruag pav tsua puab xwb. Puab txha xaav has tas, ab ntshai yog nwg pum ib yaam daabtsw txawv txawv huv lub tuam tsev lawm pauj. 23 Thaus dhau lub swmhawm kws Xakhali ua num huv lub tuam tsev thov Vaajtswv taag lawm, Xakhali txawm rov moog tsev. 24 Tom qaab tsw ntev Elixanpe txawm xeeb tub tag. Elixanpe nyob huv tsev tau tswb lub hlis, nwg tsw tawm moog hov twg le. 25 Elixanpe has tas, nwgnuav Vaajtswv tau paab kuv le nuav lawm, Vaajtswv ua tsua kuv tsw txaaj muag tsua leejtwg le.
Maivlag yuav xeeb tub
26 Thaus Elixanpe xeeb tub tau rau lub hlis lawm, Vaajtswv txawm khaiv Vaajtswv tug tubkhai Khali-ee lug tsua huv lub moos Naxale kws nyob huv Kalilai tebchaws. 27 Tug tubkhai hov muaj lug yuav has tsua ib tug hluas nkauj npe hu ua Maivlag. Tug Yauxej kws yog vaaj ntxwv Tavi xeeb ntxwv nwg tub qhab tug hluas nkauj hov ca lawm. 28 Tug tubkhai lug txug ntawm Maivlag, nwg txawm has tsua Maivlag has tas, koj yuav tau zoo nyob kaaj sab quas lug, Vaajtswv nrug nraim koj nyob hab nwg tub foom moov ntau kawg tsua koj lawm. 29 Thaus Maivlag nov tug tubkhai has le hov, Maivlag ntxhuv sab kawg hab xaav tsw thoob le, tug tubkhai has le ntawm ais sov nwg has txug daabtsw. 30 Tug tubkhai has tsua Maivlag has tas, Maivlag, koj tsw xob ntshai, Vaajtswv tub foom moov tsua koj lawm. 31 Koj yuav xeeb tub mas yuav yug ib tug mivtub, koj yuav tsum tis tug mivtub hov lub npe hu ua Yexu. 32 Nwg yuav ua tug hlub hab suavdawg yuav hu nwg has tas, nwg yog Vaajtswv tug kws muaj fwjchim luj kawg nkaus tug tub. Vaajtswv yuav tsaa nwg ua vaaj ntxwv ib yaam le nwg yawm koob Tavi. 33 Nwg yuav ua vaaj ntxwv kaav Yakhauj cov xeeb ntxwv moog ib txhws, hab nwg yuav kaav nwg cov tuabneeg moog ib txhws tsw kawg le. 34 Maivlag txawm nug tug tubkhai hov has tas, koj has le kos ais yuav ua le caag txha ua tau, tsua qhov kuv yeej tsw tau nrug dua hluas nraug thaam ib zag le. 35 Tug tubkhai txha teb has tas, Vaajtswv tug Ntsuj Plig yuav lug nrug koj nyob, hab Vaajtswv tug fwjchim yuav lug roog koj, vem le nuav suavdawg txha yuav hu tug mivtub zoo kawg nkaus kws yuav lug yug ntawm has tas, nwg yog Vaajtswv tug tub. 36 Koj swm saib koj tug puj nyaaj Elixanpe kws suavdawg has tas, nwg ib txwm xeeb tsw taug tub, txawm yog nwg laug laug lawm los nwgnuav nwg tub xeeb tub tau rau lub hlis lawm. 37 Yeej tsw muaj ib yaam daabtsw kws Vaajtswv yuav ua tsw tau le. 38 Maivlag has tas, kuv yog Vaajtswv tug ntxhais qhev, thov kuas muaj lawv le koj has kos. Tug tubkhai txawm tawm moog lawm.
Maivlag moog saib Elixanpe
39 Tsw ntev tom qaab ntawm Maivlag txawm sawv kev tseeg rau sab quas ntso moog txug ib lub moos kws nyob nraag Yutai tebchaws. Lub moos hov yog nyob nruab roob. 40 Thaus nwg moog txug huv lub moos hov tes nwg txawm moog huv Xakhali tsev mas ntswb Elixanpe. 41 Elixanpe nov dheev Maivlag lub suab has tsua nwg, tes nwg tug mivnyuas huv plaab txawm nti cuag le daabtsw. Thaus hov Vaajtswv tug Ntsuj Plig txawm lug kaav taag nrho Elixanpe lub sab, 42 Elixanpe txha le has nrov nrov tsua Maivlag has tas, koj yog tug kws tau moov zoo ntau dua txhua tug quaspuj huvsw. Koj tug mivnyuas huv plaab los kuj tau moov zoo hab. 43 Vem yog le caag kuv tug tswv nam tseem yuav tuaj saib kuv hab nua. 44 Thaus kuv nov dheev koj hu kuv tes kuv tug mivnyuas huv plaab zoo sab kawg nwg nti cuag le daabtsw. 45 Koj yuav tau zoo sab tsua qhov koj tub ntseeg has tas, yeej yuav muaj lawv le tej lug kws Vaajtswv tau has tsua koj lawm tag.
Maivlag hu nkauj qhuas Vaajtswv
46 Maivlag has tas, Kuv qhuas Vaajtswv. hj Vaajtswv kws yog kuv tug Cawmseej nwg tau ua tsua kuv zoo sab. 48 Kuv yog nwg ib tug ntxhais qhev xwb los nwg tseem ncu txug kuv hab. Txwj nuav moog txhua txhua tsaav tuabneeg yuav hu kuv has tas, tug kws tau moov zoo, 49 tsua qhov Vaajtswv kws muaj fwjchim luj tub paab kuv ntau kawg lawm. Nwg lub npe zoo kawg nkaus yuav nyob moog nto moo. 50 Vaajtswv hlub txhua tug kws fwm nwg ib tam dhau ib tam ib txheej dhau ib txheej. 51 Nwg tsaa nwg txhais teg kws muaj fwjchim ua kuas cov tuabneeg muab hlub tawg taag moog nyob tsw tsheej. 52 Cov fuabtais kws muaj fwjchim Vaajtswv muab puab txu nqeg ntawm puab lub rooj, Hab Vaajtswv muab cov tuabneeg kws tsw muaj fwjchim tsaa tsua qhov chaw zoo. 53 Vaajtswv pub tej yaam zoo tsua cov tuabneeg kws tshaib tshaib nqhes nqhes tau noj tsau, Hab nwg ntab tug nplua nuj tswv tawm moog teg dawb teg nplag. 54 Nwg tuav rawv lu lug kws nwg tau cog tsua peb puj koob yawm koob tseg, Mas nwg txha lug paab cov tuabneeg Yixayee kws yog nwg cov tub qhe. 55 Nwg ncu ntsoov hlub Aplahaa, Hab Aplahaa cov xeeb ntxwv moog ib txhws tsw txawj taag. 56 Maivlag nrug nwg tug puj nyaaj Elixanpe nyob kwvlaam tau peb lub hlis nwg le maav rov qaab moog tsev.
Elixanpe yug Yauhaa
57 Thaus txug lub swmhawm kws Elixanpe yug mivnyuas, tes nwg txawm yug tau ib tug mivtub. 58 Nwg cov kwvtij neej tsaa hab tuabneeg zej zog suavdawg tau nov has tas, Vaajtswv foom moov zoo tsua nwg lawm, mas puab suavdawg nrug nwg zoo sab kawg le. 59 Thaus tug mivnyuas hov tau yim nub lawm, puab tuaj nrug muab tug mivtub hov ua kevcai txav. Mas puab yuav tis nwg lub npe hu ua Xakhali lawv le nwg txwv lub npe. 60 Kuas nwg nam tsw kheev. Nwg nam has tas, yuav tsum tis nwg lub hu ua Yauhaa. 61 Kuas cov kwvtij has tsua Elixanpe has tas, koj tub tsw muaj ib tug kwvtij npe hu le hov le nev. 62 Puab txawm ua ruag pav tsua tug mivtub leej txwv nug saib nwg nyam hu le caag. 63 Xakhali kuas puab muab daim txag sau ntawv lug tsua nwg, tes nwg txawm sau has tas, tug mivtub nuav lub npe hu ua Yauhaa. Nwg sau le ntawm tes suavdawg txawm xaav tsw thoob le. 64 Taamswm ntawm Xakhali txawm rov has tau lug lawm, tes nwg txawm tsaa ncauj qhuas Vaajtswv. 65 Mas cov tuabneeg zej zog suavdawg poob sab taag huvsw, tes zaaj nuav txawm nrov nchaa quas lug moog thoob plawg tej zej zog kws nyob peg tej roob tej haav huv Yutai tebchaws. 66 Cov tuabneeg kws tau nov zaaj nuav lawm, suavdawg naj nub xaav txug zaaj kws puab nov hov tsua huv lub sab, hab puab sws thaam has tas, tug mivtub nuav hlub lug nwg yuav ua daabtsw ne. Puab tub paub tseeb lawm has tas, tug mivtub hov tau Vaajtswv tug fwjchim.
Xakhali qha tej kws yuav muaj tom hauv ntej
67 Vaajtswv tug Ntsuj Plig txawm lug kaav taag nrho Xakhali kws yog tug mivtub ntawm txwv lub sab, tes nwg txawm qha ib zaaj kws yuav muaj lug yaav tom hauv ntej nuav tsua suavdawg has tas, 68 Peb yuav tsum ua cov Yixayee tug Vaajtswv tsaug, tsua qhov nwg tau lug paab nwg cov tuabneeg hab nwg tau tso puab dim lawm. 69 Vaajtswv tau khaiv ib tug Cawmseej kws muaj fwjchim lug paab peb. Tug ntawm yog Vaajtswv tug tubkhai Tavi ib tug xeeb ntxwv. 70 Zaaj nuav tub yog zaaj kws Vaajtswv muab tsua cov xwbfwb kws cev Vaajtswv lug qha thau u lug lawm. 71 Vaajtswv tub cog lug tseg lawm has tas, nwg yuav paab kuas peb dim ntawm peb cov yeeb ncuab txhais teg hab dim ntawm tug kws ntxub peb. 72 Vaajtswv has tas, nwg yuav hlub peb puj koob yawm koob hab nwg yuav ncu ntsoov lu lug tseem ceeb kws nwg tau cog tseg lawm. 73 Nwg tub cog lug tseeb tseeb tsua peb yawm koob Aplahaa has tas, 74 Nwg yuav paab kuas peb dim ntawm peb cov yeeb ncuab txhais teg, hab yuav paab kuas peb muaj sab tuab ua tau nwg teg num tsw ntshai leejtwg. 75 Vaajtswv yuav paab kuas peb ua tau tuabneeg zoo hab ua tau tuabneeg ncaaj nceeg lawv le nwg lub sab nyam kuas taag peb swm neej. 76 Mivtub, suavdawg yuav hu koj has tas, koj yog ib tug xwbfwb kws cev Vaajtswv lug, Vaajtswv yog tug kws muaj fwjchim luj kawg nkaus. Koj yuav ua Vaajtswv ntej moog khu kev tog Vaajtswv. 77 Hab qha tsua Vaajtswv cov tuabneeg kuas puab paub has tas, Vaajtswv yuav zaam puab lub txem kuas puab dim. 78 Tsua qhov peb tug Vaajtswv yog tug kws hlub peb kawg nkaus le, Nwg txha paab kuas peb dim peb lub txem. Qhov kws nwg paab hov pev ib yaam le tug duab tshaav ntuj kws ci tuaj tsua peb. 79 Hab tug duab ntawm yuav ci moog tsua txhua tug kws nyob huv qhov tsaus ntuj kws yog txujkev tuag. Nwg txha le coj tau peb moog txug txujkev kws peb yuav tau zoo nyob kaaj sab quas lug. 80 Tug mivtub ntawm hlub zoo hab nwg muaj fwjchim luj zuj quas zug. Nwg nyob tom tebchaws moj saab qhua txug nub kws nwg tawm lug tsua cov Yixayee pum.
Yug Yexu
1 Lub swmhawm ntawm fuabtais Xixa Aukhuxatau has kuas cov pejxeem suavdawg thoob plawg txhua lub tebchaws kws yog num tswv Loo kaav tuaj moog sau npe txheeb saib pejxeem muaj npaum le caag. 2 Zag nuav yog thawj zag kws cov pejxeem moog sau npe. Thaus hov Kulene kaav Xilia tebchaws. 3 Txhua tug nyag txawm rov moog sau npe huv nyag lub qub teb qub chaws. 4 Yauxej txawm tawm huv lub moos Naxale kws nyob peg Kalilai tebchaws tuaj moog sau npe tsua nraag lub moos Pelehee kws nyob huv Yutai tebchaws. Thau u vaaj ntxwv Tavi yug huv lub moos hov. Yauxej yog Tavi le xeeb ntxwv mas nwg txha tuaj moog sau npe tsua huv lub moos hov. 5 Yauxej coj Maivlag kws nwg tub qhab lawm nrug nwg moog sau npe hab. Thaus hov Maivlag cev nyaav heev. 6 Mas thaus ob tug tseem nyob huv lub moos Pelehee tes txawm txug caij Maivlag yug mivnyuas lawm. 7 Tes nwg txawm yug tau nwg tug mivtub hlub. Nwg muab khaub duag lug qhwv tug mivnyuas mog hab muab tso pw tsua huv ib lub daab zaub, tsua qhov tej tsev su tuabneeg tub su puv taag lawm.
Cov yug yaaj hab cov tubkhai ntuj
8 Muaj ib co tuabneeg yug yaaj tom ntug moos. Mo hov puab pw zuv yaaj tom tshaav zaub, 9 mas Vaajtswv ib tug tubkha? sau ntuj txawm lug tshwm tsua puab, hab Vaajtswv tug fwjchim ci ntsaa quas ab lug tsua puab. Puab poob sab hab ntshai kawg le. 10 Tug tubkhai hov has tsua puab has tas, mej tsw xob ntshai, yog kuv coj txuj xuv zoo lug qha tsua mej, yog txuj xuv zoo kws suavdawg yuav zoo sab kawg le. 11 Mo nuav ntaag lauj, mej tug Cawmseej tub lug yug tsua huv Tavi lub moos lawm. Tug hov yog tug Kheto kws yog Vaajtswv. 12 Mej yuav pum ib tug mivnyuas mog qhwv khaub duag pw huv lub daab zaub, thaus mej pum lawm, mej yuav paub tseeb has tas, yog le kws kuv has tag. 13. Taamswm ntawm txawm muaj ib paab tubkhai sau ntuj coob coob lug nrug tug tubkhai hov hu nkauj qhuas Vaajtswv has tas, 14 Ua Vaajtswv kws nyob sau ntuj tsaug, Hab thov kuas cov tuabneeg kws nyob huv nplajteb txhua tug kws ua hum Vaajtswv sab lawm tau zoo nyob kaaj sab quas lug. 15 Thaus cov tubkhai rov qaab moog sau ntuj lawm, tes cov tuabneeg yug yaaj hov txawm sws yum has tas, peb ca le moog tom lub moos Pelehee es moog saib tej kws Vaajtswv tub qha tsua peb lawm. 16 Puab txawm rau sab quas ntso moog txug huv lub moos, tes puab pum tug mivnyuas pw huv lub daab zaub, hab pum Maivlag hab Yauxej. 17 Thaus cov tuabneeg yug yaaj pum tug mivnyuas lawm, puab txawm qha qhov kws tug tubkhai sau ntuj tau qha tsua puab txug tug mivnyuas ntawm tsua Maivlag hab Yauxej ob tug noog. 18 Thaus suavdawg nov zaaj kws cov tuabneeg yug yaaj hov has, suavdawg xaav tsw thoob le. 19 Maivlag ncu ntsoov tej lug kws puab has hov tsua huv nwg lub sab. 20 Thaus cov tuabneeg yug yaaj rov qaab moog puab hu nkauj qhuas Vaajtswv, tsua qhov puab tau nov hab tau pum lawv le tug tubkhai tau qha tsua puab lawm tag.
Tis Yexu lub npe
21 Thaus tug mivnyuas muaj yim nub lawm puab txawm muab nwg ua '-kevcai txav, hab tis nwg lub npe hu ua Yexu lawv le tug tubkhai sau ntuj qha tseg thaus kws Maivlag tseem tsw tau xeeb tug mivtub ntawm.
Pub Yexu tsua Vaajtswv huv lub tuam tsev
22 Thaus txug lub swmhawm kws Yauxej hab Maivlag yuav moog ua '-kevcai ntxuav lawv le Mauxe kevcai, ob tug txawm coj tug mivtub moog peg lub nroog Yeluxalee es yuav muab nwg pub tsua Vaajtswv, 23 lawv le Vaajtswv txuj kevcai kws sau ca has tas, yuav tsum muab txhua tug tub hlub pub tsua Vaajtswv. 24 Hab ob tug kuj ua lawv le Vaajtswv txuj kevcai kws has ca tas, suavdawg yuav tsum nqaa ib nkawm nquab ntsuab lossws nqaa ib nkawm mivnyuas nquab nyeg moog pub tsua Vaajtswv ua kevcai ntxuav. 25 Muaj ib tug txwv neej npe hu ua Xime-oo nyob huv lub nroog Yeluxalee. Nwg yog ib tug tuabneeg ncaaj nceeg. Nwg fwm Vaajtswv hab nwg naj nub tog lub swmhawm kws Vaajtswv lug paab cov tuabneeg Yixayee dim. Vaajtswv tug Ntsuj Plig yeej nrug nraim Xime-oo nyob. 2b Hab Vaajtswv tug Ntsuj Plig tub qha tsua Xime-oo tas, Xime-oo yuav pum tug Cawmseej kws Vaajtswv cog lug tseg tas yuav lug tsaiv Xime-oo le tuag. 27 Mas nub ntawm Vaajtswv tug Ntsuj Plig coj Xime-oo moog huv lub tuam tsev thov Vaajtswv, thaus hov Yauxej hab Maivlag ob tug coj ob tug tug mivtub Yexu tuaj huv lub tuam tsev hab. Ob tug yuav ua kevcai lawv le suavdawg ib txwm ua. 28 Xime-oo txawm muab tug mivtub lug puag hab nwg ua Vaajtswv tsaug has tas, 29 Vaajtswv, nwgnuav koj tub ua lawv le koj tau cog lug ca lawm, Tes ca koj tug qhev qe muag tuag ua sab tug quas yeeg moog, 30 Tsua qhov kuv lub qhov muag tub pum tug Cawmseej lawm. 31 Tug nuav yog tug kws koj tau khaiv lug paab txhua tsaav tuabneeg. 32 Nwg yog lub teeb kws yuav ci moog tsua lwm haiv tuabneeg pum kev, Hab nwg yuav ua tsua cov Yixayee kws yog koj haiv tuabneeg tau ntsej muag. 33 Thaus Yauxej hab Maivlag ob tug nov Xime-oo has le ntawm ob tug xaav tsw thoob le. 34 Xime-oo txawm thov Vaajtswv foom koob foom moov tsua puab, hab nwg has tsua Maivlag kws yog Yexu nam has tas, Vaajtswv tub xaiv tug mivtub nuav lug ua kuas cov Yixayee ntau leej qaug hab ua kuas ntau leej sawv. Nwg yog ib tug tseem ceeb kws Vaajtswv khaiv lug, hab yuav muaj ntau leej tawm tsaam nwg. 35 Nwg yuav muab tej kws puab xaav huv puab lub sab nthuav lug tsua suavdawg saib. Hab koj yuav raug kev mob sab kawg nkaus ib yaam le raab ntaaj chob koj lub sab. 36 Muaj ib tug quaspuj npe hu ua Ana, nwg yog ib tug xwbfwb kws cev Vaajtswv lug. Nwg yog Fanu-ee le ntxhais, yog xeem Axee. Nwg tub laug laug le lawm. Thaus nwg tseem hluas nwg yuav quasyawg tau xyaa xyoo xwb, tes nwg tug quasyawg txawm tuag lawm, 37 tes nwg txawm ua puj ntsuag lug tau yim caum plaub xyoos nwg tsw yuav quasyawg. Nwg naj nub naj mo moog ua Vaajtswv tsaug huv lub tuam tsev. Nwg thov Vaajtswv hab nwg coj kevcai yoo mov nwg tsw tawm moog hov twg le. 38 Tuab lub swmhawm kws Xime-oo saamswm qha tej kws yuav muaj lug yaav tom hauv ntej, tes Ana txawm tuaj txug. Ana ua Vaajtswv tsaug hab nwg has txug tug mivtub ntawm tsua txhua tug kws saamswm tog Vaajtswv lug paab kuas lub nroog Yeluxalee dim txujkev txom nyem noog.
Rov qaab moog peg Naxale
39 Thaus Yauxej hab Maivlag ua txhua yaam lawv le Vaajtswv txuj kevcai tav lawm, ob tug txawm rov qaab moog peg ob tug lub qub teb qub chaw Naxale kws nyob huv Kalilai tebchaws. hO Tug mivtub ntawm hlub zoo, nwg muaj tswvyim hab Vaajtswv foom koob foom moov tsua nwg.
Yexu nyob huv lub tuam tsev
41 Yauxej hab Maivlag ob tug naj xyoo moog ua kevcai hlaa dhau nraag lub nroog Yeluxalee. 42 Thaus Yexu noob nyoog muaj kaum ob xyoos, tes puab txawm rov qaab moog ua kevcai hlaa dhau nraag Yeluxalee lawv le puab ib txwm ua lug lawm. 43 Thaus dhau lub swmhawm kws ua kevcai hlaa dhau, ob tug txawm rov qaab moog tsev, kuas tug mivtub Yexu nwg tseem nyob nwg huv lub nroog Yeluxalee. Kuas Maivlag hab Yauxej ob tug tsw paub. 44 Ob tug xaav has tas nyab Yexu nrug cov tuabneeg kws nrug ob tug ua ke tuaj rov qaab moog lawm. Ob tug moog tau ib nub ob tug le maav nrhav saib Yexu nrug cov kwvtij kwv luag ua ke los tsw nrug. 45 Kuas ob tug nrhav tsw pum nwg, ob tug txha le rov qaab moog nrhav nwg nraag lub nroog Yeluxalee. 46 Tes tub tau peb nub ob tug le nrhav tau nwg nyob quas tsawg huv lub tuam tsev thov Vaajtswv, nwg nrug Yutai cov xwbfwb nyob ua ke. Nwg noog puab qha hab nwg nug puab ob peb yaam. 47 Txhua tug kws pum nwg muaj tswvyim teb cov xwbfwb, mas suavdawg puav leej xaav tsw thoob le. 48 Thaus Yauxej hab Maivlag ob tug pum nwg, ob tug kuj xaav tsw thoob le hab. Nwg nam txawm has tsua nwg has tas, mivtub, ua caag koj yuav ua le nuav tsua ib, ib nrhav nrhav koj hab txhawj koj kawg le. 49 Yexu teb ob tug has tas, ua caag meb yuav nrhav kuv le ntawm. Meb tsw paub tas kuv yeej yuav nyob huv kuv txwv lub tsev nua los. 50 Kuas ob tug tsw to taub qhov kws nwg has le hov. 51 Tes Yexu txawm nrug ob tug rov qaab moog peg lub moos Naxale hab nwg kuj noog ob tug lug. Yexu nam khaws tej lug ntawm huvsw tsua huv lub sab. 52 Yexu hlub zoo hab nwg muaj tswvyim ntau quas zug. Nwg ua hum Vaajtswv sab hab ua hum suavdawg sab ib yaam nkaus.
Yauhaa moog qhuab qha
1 Thaus Xixa Tinpela ua fuabtais tau kaum tswb xyoos, mas Phauthi-au Phi laj ua Xixa Tinpela le tim xyoob kaav Yutai tebchaws, Helauj kaav Kalilai tebchaws, Helauj tug kwv Fili kaav Itu-laya tebchaws hab Thakauni tebchaws, huas Lixana kaav Anpilee tebchaws. 2 Ana hab Kayafa ob tug ua ob tug tuam pov thawj hlub. Lub swmhawm ntawm Vaajtswv qha Vaajtswv txuj lug tsua Xakhali tug tub Yauhaa tom tebchaws moj saab qhua. 3 Vem le ntawm Yauhaa txha le moog qha thoob plhawv huv tej tebchaws kws nyob ob saab ntug dej Yalatee txhua nrho has tas, mej yuav tsum tso mej txujkev txhum tseg hab ua kevcai raus dej, Vaajtswv txha le zaam mej lub txem. 4 Qhov nuav tub yog muaj lawv le xwbfwb Yaxaya kws cev Vaajtswv lug tau sau ca tsua huv nwg phoo ntawv has tas, Muaj ib tug has nrov nrov tom tebchaws moj saab qhua has tas, Ca le khu kev tog Vaajtswv, Khu kuas kev ncaaj nwg yuav lug. 5 Txhub txhua lub qhov zawj kuas puv, Ncaws txhua lub roob hab txhua lub pov roob kuas taj, Khu tej kev nkhaus kuas ncaaj. Tej kev kws muaj hauv paug xyoob hauv paug ntoo yuav tsum muab txav kuas taag. 6 Txhua yaam tuabneeg kws nyob huv qaab ntuj nuav yuav tau pum teg num kws Vaajtswv ua paab kuas tuabneeg dim tuabneeg lub txem. 7 Muaj tuabneeg coob coob tawm tuaj cuag Yauhaa, puab kuas Yauhaa muab puab ua kevcai raus dej. Yauhaa has tsua puab has tas, cov nam naab, es leejtwg qha tsua mej has tas, mej yuav tswv dim Vaajtswv txujkev teem txem kws tub yuav muaj lug sai sai nuav. 8 Mej yuav tsum ua mej teg num tsua suavdawg pum tas, mej tub tso mej txujkev txhum tseg lawm. Mej tsw xob khaav has tas, mej yog Aplahaa xeeb ntxwv. Kuv qha tsua mej has tas, yog Vaajtswv muab tej pob zeb nuav lug ua Aplahaa cov xeeb ntxwv los nwg yeej ua tau. 9 Nwgnuav tub muab raab taus twb tsua lub hauv paug ntoo lawm, tub yuav ntuv tug ntoo. Txhua tsob ntoo kws tsw txw cov txwv zoo yuav muab ntuv pov tsua huv cub suav tawg. 10 Cov tuabneeg ntawm txawm nug Yauhaa has tas, yog le ntawm ais peb yuav ua le caag. 11 Yauhaa teb puab has tas, yog leejtwg muaj ob lub tsho, tug ntawm yuav tsum muab ib lub pub tsua tug kws tsw muaj. Yog leejtwg muaj mov muaj zaub, tug ntawm yuav tsum muab faib tsua tug kws tsw muaj. 12 Cov tuabneeg sau se muaj qee leej tuaj ua kevca? raus dej. Puab nug Yauhaa has tas, xwbfwb, peb yuav ua le caag txha zoo. 13 Yauhaa teb puab has tas, mej yuav tsum sau lawv le kevcai xwb, mej tsw xob sau tshaaj. 14 Cov tub rog muaj qee leej nug Yauhaa ib yaam nkaus has tas, ua le ais peb nev, peb yuav ua le caag. Yauhaa teb puab has tas, mej tsw xob txhaav leejtwg le nyaj hab tsw xob ua cuav tim khawv kom luas tej, mej tau nyaj hli npaum le caag mej yuav tsum txaus sab yuav npaum le ntawm xwb. 15 Cov tuabneeg coob coob ntawm txawm raag dheev xaav has tas, ntshai Yauhaa yog tug kws Vaajtswv khaiv lug ua Cawmseej pauj. 16 Yauhaa txha le has tsua puab suavdawg has tas, kuv muab mej ua kevcai raus huv dej, kuas tug kws yuav lug nwg muaj fwjchim luj dua kuv, kuv tub tsw tswm nyog moog daws nwg txuj nyuas hlua khau. Nwg yuav muab mej raus huv Vaajtswv tug Ntsuj Plig hab huv suav tawg. 17 Nwg tuav rawv ib daim ntxuam nwg yuav ntxuaj nwg pawg nplej kuas cov npluag yaa tawm huvsw. Nwg yuav muab cov nplej zoo lug ntim tsua huv txhaab, huas yuav muab cov npluag coj moog pov tsua huv cub suav tawg kws cig tsw txawj tuag le. 18 Yauhaa muab txuj xuv zoo ua ob peb faab qha hab ntuag cov tuabneeg ntawm. 19 Kuas Yauhaa tshev Helauj kws kaav Kalilai tebchaws vem qhov kws Helauj yuav Helautiya kws yog Helauj tug kwv tug quaspuj lug ua nwg quaspuj, hab vem qhov kws Helauj tau ua ob peb yaam phem. 20 Helauj tseem ua ib qhov phem heev dua tej kws Helauj tau ua lug lawm hab, qhov ntawm yog qhov kws nwg nteg Yauhaa coj moog kaw tsua huv tsev loj faaj.
Yexu ua kevcai raus dej
21 Thaus cov tuabneeg suavdawg ua kevcai raus dej taag lawm Yexu txawm ua kevcai raus dej hab. Thaus Yexu saamswm thov Vaajtswv, rooj ntug txawm qheb hlo. 22 Tes Vaajtswv tug Ntsuj Plig txawm lug tsua sau Yexu taubhau. Tug Ntsuj Plig hov lub cev zoo le ib tug nquab. Hab muaj ib lub suab has sau ntuj tuaj has tas, koj yog kuv tug tub kws kuv hlub, koj ua hum kuv sab.
Yexu cov yawm koob
23 Thaus Yexu chiv ua num Yexu noob nyoog kwvlaam muaj peb caug xyoo. Suavdawg yeej xaav has tas, Yexu yog Yauxej le tub. Yauxej yog Heli tub. 24 Heli yog Mata tub. Mata yog Levi tub. Levi yog Malaki tub. Malaki yog Yana tub. Yana yog Yauxej tub. 25 Yauxej yog Matatha tub. Mata-tha yog Amau tub. Amau yog Nahu tub. Nahu yog Exa1i tub. Exa1i yog Nakhai tub. 26 Nakhai yog Ma-a tub. Ma-a yog Matatha tub. Matatha yog Xeme-i tub. Xeme-i yog Yauxe tub. Yauxe yog Yauta tub. 27 Yauta yog Yau-ana tub. Yau-ana yog Lexa tub. Lexa yog Xalunpanpee tub. Xalunpanpee yog Xethi-ee tub. Xethi-ee yog Ne1i tub. 28 Neli yog Melaki tub. Melaki yog Ati tub. Ati yog Kauxaa tub. Kauxaa yog Elata tub. Elata yog Ee tub. 29 Ee yog Yahauxua tub. Yahauxua yog E 1 i-exee tub. Eli-exee yog Yauhee tub. Yau-hee yog Mata tub. Mata yog Levi tub. 30 Levi yog Xime-oo tub. Xime-oo yog Yuta tub. Yuta yog Yauxej tub. Yauxej yog Yaune tub. Yaune yog Elakhi tub. 31 Elakhi yog Mele-a tub. Mele-a yog Mena tub. Mena yog Matatha tub. Matatha yog Nathaa tub. Nathaa yog Tavi tub. 32 Tavi yog Yixai tub. Yixai yog Aunpe tub. Aunpe yog Npau-a tub. Npau-a yog Xaamoo tub. Xaamoo yog Naxau tub. 33 Naxau yog Aminata tub. Aminata yog Ami tub. Ami yog Ani tub. Ani yog Heloo tub. Heloo yog Pele tub. Pele yog Yuta tub. 3 4 Yuta yog Yakhauj tub. Yakhauj yog Yiha tub. Yiha yog Aplahaa tub. Aplahaa yog Thela tub. Thela yog Nakhau tub. 35 Nakhau yog Xelu tub. Xelu yog La-u tub. La-u yog Phele tub. Phele yog Henpee tub. Henpee yog Xela tub. 36 Xela yog Kainaa tub, Kainaa yog Aphaxa tub. Aphaxa yog Xeeb tub. Xeeb yog Nau-e tub. Nau-e yog Lame tub. 37 Lame yog Methuxala tub. Methuxala yog Enauj tub. Enauj yog Yale tub. Yale yog Mahala-ee tub. Mahala-ee yog Kainaa tub. 38 Kainaa yog Enaus tub. Enaus yog Xej tub. Xej yog Ataa tub. Ataa yog Vaajtswv tub.
Daab Ntxwg Nyoog ntxag Yexu
1 Thaus Yexu rov qaab ntawm tug nam dej Yalatee moog, Vaajtswv tug Ntsuj Plig kaav taag nrho Yexu lub sab, tes txawm coj Yexu moog tom tebchaws moj saab qhua. 2 Mas Daab Ntxwg Nyoog daag ntxag Yexu tom tau plaub caug nub. Plaub caug nub ntawm Yexu tsw tau noj ib yaam daabtsw hlo le. Thaus dhau plaub caug nub hov Yexu tshaib plaab heev. 3 Daab Ntxwg Nyoog txawm has tsua Yexu has tas, saib koj yog Vaajtswv tug tub tag, tes koj ca le has kuas lub pob zeb nuav txa ua mov los maj. 4 Yexu teb has tas, tub muaj lug sau ca tsua huv Vaajtswv phoo ntawv has tas, tsw yog tuabneeg yuav noj mov xwb txha le yug tau txujsa. 5 Dhau hov ntawm Daab Ntxwg Nyoog txawm coj Yexu nee moog sau ib qhov chaw sab sab, tes tuab ntsais muag xwb Ntxwg Nyoog txawm muab tau taag nrho tej tebchaws huv qaab ntuj nuav tsua Yexu saib. 6,7 Daab Ntxwg Nyoog has tsua Yexu has tas, yog koj pe kuv, mas kuv yuav muab fwjchim hab tej kev vaam meej huv tej tebchaws hov huvsw tsua koj, tsua qhov kuv tub tau tej nuav huvsw lawm, yog kuv yuav muab tsua leejtwg los yeej tau. 8 Yexu teb has tas, tub muaj lug sau ca tsua huv Vaajtswv phoo ntawv has tas, koj yuav tsum pe Yawmsaub kws yog koj tug Vaajtswv hab ua Vaajtswv tuab leeg teg num xwb. 9 Dhau hov ntawm Daab Ntxwg Nyoog txawm tsua coj Yexu moog huv lub nroog Yeluxalee hab moog tom lub tuam tsev thov Vaajtswv. Nwg coj Yexu nee moog sau lub ruv tsev kws sab sab. Nwg has tsua Yexu has tas, saib koj yog Vaajtswv tug tub tag tes koj ca le caws qa lawm huv aav los maj, 10 tsua qhov tub muaj lug sau ca tsua huv Vaajtswv phoo ntawv has tas, Vaajtswv yuav kuas nwg cov tubkhai lug tsom kwm koj. 11 Hab tseem muaj ib lus has tas, cov tubkhai sau ntuj yuav lug fwj koj mas yuav tsw kheev koj ob txhais kwtaw raug pob zeb le. 12 Yexu teb Daab Ntxwg Nyoog has tas, tub muaj lug sau ca tsua huv Vaajtswv phoo ntawv has tas, koj tsw xob yuam kuas Yawm- saub kws yog koj tug Vaajtswv ua lawv le koj lub sab. 13 Thaus Ntxwg Nyoog daag ntxag Yexu txhua yaam taag lawm, tes nwg txawm ncaim Yexu lawm ib ntus.
Yexu chiv ua num huv Kalilai
14 Dhau hov ntawm Yexu txawm rov qaab moog peg Kalilai tebchaws, mas Vaajtswv tug Ntsuj Plig tug fwjchim nrug nraim nwg nyob, tes nwg lub moo nto quas lug thoob plawg lub tebchaws ntawm. 15 Nwg moog qha huv puab tej tsev sablaaj, mas txhua tug kws nov nwg qha, suavdawg qhuas nwg kawg le.
Cov tuabneeg Naxale tsw ntseeg Yexu
16 Dhau hov ntawm Yexu txha le moog txug huv lub moos Naxale. Lub moos hov yog lub moos kws nwg nyob hlub. Mas txhua nub su nwg moog tom tsev sablaaj lawv le nwg txeev moog. Nwg txawm sawv quas ntsug yuav nyeem Vaajtswv txuj-lug tsua suavdawg noog. 17 Muaj ib tug txawm muab thooj ntawv kws xwbfwb Yaxaya sau lug cev tsua Yexu, tes Yexu txawm nthuav thooj ntawv hov, mas nrhav tau zaaj kws sau ca has tas, 18 Vaajtswv tug Ntsuj Plig nrug nraim kuv nyob. Vaajtswv tsaa kuv ua tug moog qha txuj xuv zoo tsua cov tuabneeg txom nyem. Vaajtswv khaiv kuv moog qha tsua cov tuabneeg kws poob cev qhev lawm has tas, nwg yuav tso puab dim. Hab qha tsua cov tuabneeg kws dig muag has tas, puab yuav rov pum kev. Hab yuav tso cov tuabneeg kws raug kev tswm txom kuas dim. 19 Hab kuas kuv qha tsua suavdawg paub lub swmhawm kws Vaajtswv yuav lug paab nwg tsaav tuabneeg kuas puab dim puab lub txem. 20 Thaus Yexu nyeem taag Yexu txawm muab thooj ntawv hov dov cev rov tsua tug kws saib tej ntawv hov, tes Yexu txawm nyob quas tsawg. Mas txhua tug kws nyob huv tsev sab leej saib ntsoov Yexu. 21 Yexu txawm chiv qha tsua puab has tas, Vaajtswv txuj lug kws mej nov hov tub tav taag tsua nub nua lawm. 22 Mas cov tuabneeg hov suavdawg qhuas Yexu, hab tej lug kws Yexu has zoo zoo noog ntawm puab xaav tsw thoob le. Puab has tas, tug nuav tsw yog Yauxej tug tub los. 23 Yexu has tsua puab has tas, kuv paub has tas, mej yeej yuav has lu paaj lug nuav tsua kuv has tas, koj yog tug kws tshuaj koj yuav tsum xub khu kuas koj zoo tsaiv. Hab mej yuav has tsua kuv has tas, tej txujci kws peb nov has tas, koj ua peg lub moos Kapena-oo, koj swm ua tej ntawm tsua huv koj lub moos nuav tsua peb saib soj. 24 Hab Yexu has dua has tas, kuv qha tsua mej has tas, yeej tsw muaj ib tug xwbfwb cev Vaajtswv lug kws nwg nyob huv nwg lub zog, ais tej tuabneeg zej zog yuav fwm nwg. 25 Zaaj kws kuv yuav qha nuav yeej muaj tseeb tag. Thaus lub swmhawm kws Eliya nyob yeej muaj tej puj ntsuag coob coob nyob huv Yutai tebchaws. Thaus ntawm naag tsw lug tau peb xyoos hab rau lub hlis, ua tsua lub tebchaws ntawm tshaib plaab heev thoob plawg hov txhua hov chaw huvsw. 26 Txawm yog muaj puj ntsuag coob npaum le hov nyob huv Yutai tebchaws los Vaajtswv tsw tau khaiv kuas Eliya moog paab cov puj ntsuag ntawm ib tug le. Vaajtswv tsuas khaiv Eliya moog paab tuab tug puj ntsuag kws nyob huv lub moos Xaleta huv Xitoo tebchaws xwb. 27 Hab thaus lub swmhawm kws Elixa nyob muaj cov tuabneeg mob rua coob coob nyob huv Yutai tebchaws, kuas cov tuab-mob rua ntawm tsw muaj ib tug kws nwg tej ruas zoo le, tsuas yog Na-amaa tuab leeg kws nyob Xilia tebchaws tej ruas txha zoo xwb. 28 Thaus cov tuabneeg nyob huv lub tsev sablaaj nov Yexu has le hov suavdawg txawm chim heev. 29 Puab txawm sawv pis tseeg muab Yexu thawb pis ntag tawm huv moos moog. Lub moos ntawm yog nyob sau hauv tsua. Puab txawm caab Yexu moog yuav muab Yexu thawb tsua huv qaab tsuas. 30 Kuas Yexu txawm ca le phua plhawv huv puab cov rov qaab lug lawm.
Tug quasyawg raug daab
31 Dhau hov ntawm Yexu txawm moog peg lub moos Kapena-oo kws nyob huv Kalilai tebchaws, mas nub su Yexu moog qha cov tuabneeg kws tuaj noog lug qhuab qha huv lub tsev sablaaj. 32 Cov tuabneeg hov xaav tsw thoob le tsua qhov Yexu txawj qha. Nwg muaj fwjchim qha hab nwg tej lug muaj sa muaj zug. 33 Muaj ib tug quasyawg raug daab nyob huv lub tsev sablaaj hov hab. Nwg qw nrov nrov has tas, 34 Yexu kws yog tuabneeg Naxale, koj tuaj thaab peb ua daabtsw, koj tuaj ua kuas peb puam tsuaj nua los. Kuv yeej paub koj lawm, koj yog Vaajtswv tug tubkhai kws zoo kawg nkaus. 35 Yexu txwv daab has tas, koj tsw xob has lug, koj ca le tawm plawg huv tug yawm nuav lub cev moog. Tes daab txawm ua tsua tug yawm hov qaug ntawg tsua huv peg teb ntawm suavdawg xub ndag, tes daab txawm tawm plawg lawm tsw ua tsua tug quasyawg hov raug mob le caag le. 36 Cov tuabneeg suavdawg phemfwj heev. Puab sws thaam has tas, ua caag nwg tej lug yuav muaj fwjchim hab muaj zug ua luaj le, nwg has tsua daab tes daab ca le tawm lawm. 37 Yexu lub moo txawm nrov nchaa quas lug moog thoob plawg huv lub tebchaws ntawm.
Yexu khu Pestus nam tais
38 Yexu tawm huv lub tsev sablaaj moog txug tom Ximoo tsev. Ximoo nam tais ua npaws nwg kub cev heev. Puab thov kuas Yexu paab nwg. 39 Yexu txawm moog sawv ntawm lub txaaj kws Ximoo nam tais pw, Yexu has kuas nwg lub cev zoo, tes taamswm hov nwg lub cev txawm zoo hlo lawm. Nwg txawm sawv tseeg lug ua zaub ua mov tsua Yexu puab noj. 40 Thaus nub poob qho lawm, txhua tug kws mua kwvtij muaj mob, txawm coj cov tuabneeg kws muaj mob tuaj cuag Yexu. Yexu cev hlo teg moog npuab puab txhua tug, tes puab suavdawg tej mob puav leej zoo taag huvsw lawm. 41 Hab muaj ntau tug kws raug daab, Yexu ntab daab tawm huv tuab sw. Thaus kws cov daab saamswm tawm, daab qw nrov nrov tsua Yexu has tas, koj yog Vaajtswv tug tub Kuas Yexu txwv tsw kheev daab has lug, tsua qhov daab yeej paub has tas, Yexu yog tug kws Vaaj- tswv khaiv lug ua Cawmseej.
Yexu qha huv Yutai tebchaws
42 Thaus kaaj ntug Yexu tawm huv lub moos moog tsua ib qhov chaw kws tsw muaj tuabneeg nyob, mas muaj tuabneeg coob coob tuaj nrhav Yexu. Thaus puab nrhav tau nwg lawm puab cheem cheem tsw kheev nwg moog. 43 Kuas nwg has tsua puab has tas, kuv yuav tsum moog qha txuj xuv zoo has txug qhov kws Vaajtswv hu suavdawg lug ua Vaajtswv le tuabneeg tsua lwm lub moos hab. Vaajtswv yeej khaiv kuv lug ua teg num nuav. 44 Tes Yexu txawm moog qha huv tej tsev sablaaj kws nyob txhua qhov huv Yutai tebchaws.
Yexu xaiv thawj paab thwjtim
Muaj ib zag thaus Yexu nyob nraag ntug hav txwv Khenexale muaj tuabneeg coob coob sws txwv quas qev tuaj noog Yexu qha Vaajtswv txuj-lug. 2 Yexu pum ob lub nkoj tso tsua ntawm ntug nqhuab. Cov tuabneeg ntaus ntseg tub tawm huv nkoj moog ntxhua vaag lawm. 3 Yexu nee moog nyob huv ib lub nkoj, lub ntawm yog Ximoo lub. Yexu txawm thov Ximoo thawb lub nkoj tsua huv hav txwv kuas txaav tsua tom plawv dej mivntswv. Yexu nyob huv lub nkoj qha cov tuabneeg kws tua j ntawm. 4 Thaus nwg qha taag lawm, nwg has tsua Ximoo has tas, koj ca le nkuam koj lub nkoj moog tom qhov tub tub, mas koj hab cov kws nrug koj ua num mej ca le xuas mej lub vaag ntaus tsua huv dej mas yuav maag tau ntseg. 5 Ximoo teb has tas, xwbfwb peb tub ntaus ib mos kaaj ntug lawm tsw tau ib tug le, kuas yog koj has tes kuv yuav ntaus lawv le koj has kos. 6 Puab txawm ntaus lub vaag moog, mas maag tau ntseg ntau kawg le ua lub vaag tub yuav nduag tuab tag. 7 Puab txha cu teg kuas puab cov kwvtij kws caij lwm lub nkoj lug paab puab, tes cov kwvtij txawm lug paab, mas muab tau ob nkoj ntseg puv nkaus, nyaav kawg le, ob lub nkoj tub yuav tog tuab tag. 8 Thaus Ximoo Pestus pum muaj le ntawm nwg txawm txhus caug ndua ntawm Yexu xubndag has tas, xwbfwb, thov koj txaav deb mivntswv ntawm kuv ov, tsua qhov kuv yog tuabneeg muaj txem. 9 Ximoo hab cov tuabneeg kws nrug nwg nyob ntawm suavdawg xaav tsw thoob le sov yog ua caag yuav tau ntseg ntau ua luaj. 10 Ob tug kws nrug Ximoo ntaus ntseg ib tug yog Yakaupau ib tug yog Yauhaa, ob tug yog Xepetai ob tug tub, ob tug kuj xaav tsw thoob ib yaam nkaus le Ximoo hab. Yexu txawm has tsua Ximoo has tas, koj tsw xob ntshai, txwj nuav moog koj yuav moog npu tuabneeg ib yaam le koj npu ntseg. 11 Tes puab suavdawg sws paab nqug ob lub nkoj lug tsua tim ntug nqhuab. Puab txawm tso ib puas tsaav yaam tseg mas nrug Yexu moog.
Yexu khu tug mob rua
12 Muaj ib zag Yexu nyob huv ib lub moos. Hov ntawm muaj ib tug quasyawg mob rua thoob plhawv nwg ib ce. Thaus nwg pum Yexu nwg txawm qhau cev hlo thov Yexu has tas, xwbfwb, yog koj zoo sab khu kuv tej ruas koj yeej khu tau. 13 Yexu txawm cev hlo teg moog tuav nkaus tug ntawm has tas, kuv zoo sab khu koj, koj tej ruas ca le zoo hlo. Taamswm ntawm nwg tej ruas txawm zoo taag huvsw lawm. 14 Yexu has tsua nwg has tas, koj tsw xob qha tej kws kuv ua nuav tsua leejtwg le. Koj ca le ncaaj nraim moog kuas tug pov thawj saib kuas nwg pum tas koj tej ruas tub zoo lawm. Tes koj ca le nqaa hov txhua chaw moog xyeem tsua Vaajtswv lawv le Mauxe tau qha tseg lawm, mas suavdawg txha le paub has tas, nwgnuav koj tub zoo lawm. 15 Kuas Yexu lub moo yimfuab nrov nchaa moog thoob plawg txhua qhov huvsw, mas muaj tuabneeg coob coob tuaj noog Yexu qha hab thov Yexu khu puab tej mob kuas zoo. 16 Kuas Yexu pheej naj zag moog tsua tej qhov chaw kws tsw muaj tuabneeg mas nwg thov Vaajtswv qhov ntawm.
Yexu khu tug tuag teg tuag taw
17 Muaj ib nub thaus Yexu saamswm qha, mas cov Falixai hab cov xwbfwb kws qha Vaajtswv kevcai muaj qee leej nyob ntawm noog hab. Cov tuabneeg hov yog tuaj txhua lub moos hab txhua lub zog kws nyob huv Kalilai tebchaws hab Yutai tebchaws tuaj, hab tuaj nraag lub nroog Yeluxalee tuaj. Yexu muaj Vaajtswv tug fwjchim nwg txha khu tau tej tuabneeg kws muaj mob. 18 Muaj tuabneeg muab choj qhwv ib tug quasyawg tuag teg tuag taw kwv tuaj. Puab yuav kwv nwg moog huv lub tsev es muab nwg tso tsua ntawm Yexu xub ndag. 19 Kuas vem muaj tuabneeg coob coob puab tsw tau kev kwv nwg moog huv, puab txawm kwv nwg nee moog sau tsev, mas yaws cov vuag ib qho muab nwg tso hlauv lug tsua ntawm Yexu xubndag, kws yog huv plawv cov tuabneeg suavdawg. 20 Thaus Yexu pum puab muaj kev ntseeg npaum le ntawm Yexu txawm has tsua tug quasyawg kws mob ntawm has tas, npawg, koj tub dim koj lub txem lawm. 21 Cov xwbfwb kws qha Vaajtswv kevcai hab cov Falixai txawm sws thaam ywg quas tawg has tas, tug kws has lug saib tsw taug Vaajtswv ntawm nwg yog leejtwg, tsw muaj leejtwg zaam tau tuabneeg lub txem, tsuas yog Vaajtswv tuab leeg xwb txha zaam tau. 22 Yexu yeej paub tej kws puab xaav lawm, nwg txha has tsua puab has tas, ua caag mej yuav xaav le ntawm. 23 Lu lug kws has tas, koj tub dim koj lub txem hab lu lug kws has tas, koj ca le sawv tseeg moog kev, ob lu lug nuav lu twg yuav yoojyim has dua. 24 Kuv yuav ua tsua mej paub tseeb has tas, Tuabneeg Leej Tub nwg yog tug kws muaj fwjchim huv nplajteb nuav zaam tau tuabneeg lub txem. Yexu txha has tsua tug tuag teg tuag taw ntawm has tas, kuv has tsua koj has tas, koj ca le sawv tseeg nqaa koj daim choj pua rov qaab moog tsev. 25 Taamswm ntawm nwg txawm sawv tseeg taab meeg suavdawg hab nqaa hlo nwg daim choj pua rov moog tsev. Thaus nwg saamswm moog nwg ua Vaajtswv tsaug hab qhuas Vaajtswv tsw tseg le. 26 Cov tuabneeg ntawm suavdawg xaav tsw thoob hab puab qhuas Vaajtswv hab ua Vaajtswv tsaug. Puab ntshai kawg hab sws thaam has tas, ua caag nub nua peb yuav pum tej nuav txawv ua luaj le.
Yexu hu Levi
27 Dhau hov ntawm thaus Yexu tawm moog Yexu pum ib tug yawm sau se npe hu ua Levi, nwg nyob ntawm nwg lub rooj sau se. Yexu txawm has tsua nwg has tas, koj ca le nrug kuv moog. 28 Levi txawm sawv tseeg, tso plhuav ib puas tsaav yaam tseg hab nrug Yexu moog. 29 Levi txawm ua ib rooj mov huv nwg tsev tsua Yexu noj, hab muaj cov tuabneeg sau se ntau leej hab lwm cov nrug puab noj. 30 Cov Falixai hab cov xwbfwb qha Vaajtswv kevcai kws yog cov Falixai tuab paab txawm thuaj Yexu cov thwjtim has tas, ua caag mej yuav nrug cov nam tuabneeg sau se hab cov nam tuabneeg muaj txem noj haus ua ke. 31 Yexu teb puab has tas, cov tuabneeg tsw muaj mob puab yeej tsw moog cuag kws tshuaj, tsuas yog cov tuabneeg muaj mob txha le moog cuag kws tshuaj xwb. 32 Tsw yog kuv lug hu cov tuabneeg kws puab has tas, puab yog tuabneeg ncaaj nceeg, kuas yog kuv lug hu cov tuabneeg kws muaj txem.
Vem le caag cov thwjtim tsw yoo mov
33 Muaj qee leej has tsua Yexu has tas, Yauhaa cov thwjtim pheej yoo mov hab thov Vaajtswv, cov Falixai cov thwjtim kuj ua ib yaam nkaus le ntawm hab, kuas koj cov thwjtim ca le noj hab haus tsw yoo le puab. 34 Yexu teb puab has tas, mej xaav has tas thaus tug nraug vauv tseem nrug nwg cov kwvtij kwv npawg noj tshoob ua ke puab yuav yoo mov nua los, puab yeej tsw yoo le. 35 Kuas muaj ib nub twg tug nraug vauv yuav ncaim puab moog, tes puab yuav yoo mov. 36 Yexu has dua ib zaaj pev lug tsua puab has tas, tsw muaj leejtwg yuav muab lub tsho tshab dua ib daim coj lug ntxwv lub qub tsho. Yog nwg ua le ntawm kuj yog nwg dua kuas nwg lub tsho tshab nduag xwb, hab daim ntaub tshab kws nwg dua lug ntawm yeej tsw phim lub qub tsho. 37 Hab tsw muaj leejtwg yuav muab cov kua txwv maab xwv tshab coj lug ntim tsua huv lub naab tawv qub. Yog nwg ua le ntawm cov kua txwv maab xwv hov yuav tsaam, tes lub naab tawv qub yuav tawg. Cov kua txwv maab yuav lug taag, hab lub naab tawv qub ntawm yuav tsw zoo swv lawm. 38 Cov kua txwv maab xwv tshab yuav tsum muab ntim tsua huv lub naab tawv tshab. 39 Hab yog leejtwg xub haus cov kua txwv maab xwv qub lawm nwg yeej tsw xaav haus cov tshab. Nwg has tas, cov qub qaab dua.
Cov thwjtim de naab nplej
1 Muaj ib zag yog nub su Yexu hab Yexu cov thwjtim saamswm taug kev moog txug huv ib daim teb npleg, Yexu cov thwjtim txawm de naab nplej lug tev noj. 2 Muaj cov Falixai qee leej has tas, ua caag mej yuav ua tej kws peb kevcai txwv tsw kheev us tsua nub su. 3 Yexu teb puab has tas, thaus Tavi hab cov tub rog kws nrug Tavi ua ke tshaib plaab Tavi ua le caag, mej tsw tau nyeem zaaj ntawm los. h Tavi moog huv lub tsev pe Vaajtswv, nwg muab tej ncuav kws puab muab txawb xyeem tsua Vaajtswv lug noj hab nwg muab pub tsua nwg cov tub rog kws nrug nwg ua ke noj. Kuas peb kevcai yeej txwv tsw kheev leejtwg noj tej ncuav ntawm tsuas yog cov pov thawj txha noj tau xwb. 5 Hab Yexu has tsua puab has tas, Tuabneeg Leej Tub yog tug tswv kws kaav nub su.
Tug yawm qhuav teg
6 Muaj dua ib nub yog nub su Yexu moog qha huv tsev sablaaj. Muaj ib tug quasyawg txhais teg xws qhuav nyob huv hab. 7 Cov xwbfwb kws qha Vaajtswv kevcai hab cov Falixai qee leej xaav nrhav txem tsua Yexu, puab txawm saib saib nub su Yexu yuav khu mob los tsw khu. 8 Kuas Yexu tub paub tej kws puab xaav huv puab lub sab lawm, nwg txawm has tsua tug yawm qhuav teg hov has tas, koj ca le sawv tseeg lug tom suavdawg xub ndag nuav, tes tug ntawm txawm sawv tseeg hab lug sawv ntawm. 9 Yexu txawm has tsua suavdawg has tas, kuv xaav nug mej ib lus saib, nub su peb kevcai ca peb ua le caag, ca ua zoo los ca ua phem, yuav paab txujsa kuas dim los txuv txujsa tu. 10 Yexu txawm saib cov tuabneeg kws nyob ntawm txhua tug, tes Yexu txawm has tsua tug yawm qhuav teg has tas, koj ca le xyaab hlo koj txhais teg. Nwg xyaab hlo teg lawv le Yexu has, tes nwg txhais teg txawm zoo hlo lawm. 11 Mas puab cov ntawm chim heev, puab chiv sablaaj has tas, peb yuav ua le caag tsua Yexu.
Yexu xaiv kaum ob tug tubkhai
12 Swmhawm ntawm muaj ib nub Yexu moog thov Vaajtswv peg roob, mas nwg nyob peg thov Vaajtswv ib mos. 13 Thaus kaaj ntug lawm, Yexu txawm hu nwg cov thwjtim lug ntawm nwg hab nwg xaiv tau kaum ob leeg. Kaum ob leeg ntawm nwg hu ua tubkhai. 14 Puab cov ntawm npe hu le nuav, ib tug yog Ximoo kws Yexu tis dua npe hu ua Pestus, ib tug yog Pestus tug kwv Aatali, ib tug yog Yakaupau, ib tug yog Yauhaa, ib tug yog Fili, ib tug yog Palaumai, 15 ib tug yog Mathai, ib tug yog Thauma, ib tug yog Alafai tug tub Yakaupau, ib tug yog Ximoo (tug kws suavdawg hu has tas, nwg tsw xaav kheev nwg tebchaws poob), 16 ib tug yog Yakaupau tug tub Yuta, hab ib tug yog Yuta Ikhalau kws tom qaab nuav faav xeeb tsua Yexu.
Yexu qha hab khu mob
17 Yexu coj puab nqeg peg roob lug tsua nraag taj, nwg nrug nwg cov thwjtim coob coob sawv ua ke ntawm. Tub muaj ib co tuabneeg coob coob tuaj nyob ntawm tog puab lawm. Cov tuabneeg hov tuaj thoob plawg huv Yutai tebchaws tuaj, hab tuaj nraag lub nroog Yeluxalee tuaj, hab tuaj huv lub moos Tulau hab lub moos Xitoo kws nyob ntawm ntug hav txwv tuaj. Puab tuaj noog Yexu qha hab kuas Yexu paab khu puab tej mob. 18 Cov tuabneeg kws raug daab tswm txom, puab tuaj cuag Yexu, mas Yexu khu puab txhua tug zoo huvsw. 19 Cov tuabneeg coob coob ntawm suavdawg pheej yuav kov Yexu vem Yexu tug fwjchim pheej tawm moog khu puab txhua tug tej mob zoo taag huvsw.
Kev tau zoo hab kev txom nyem
20 Yexu tsaa muag saib nwg cov thwjtim, mas nwg has tsua puab has tas, cov tuabneeg txom nyem, mej yuav tau moov zoo hab sab tug, tsua qhov Vaajtswv tub lug kaav mej lub sab lawm. 21 Cov tuabneeg kws nwgnuav tshaib tshaib nqhes nqhes, mej tub tau moov zoo hab sab tug lawm, tsua qhov mej yuav tau noj tsau. Cov tuabneeg kws nwgnuav quaj quaj, mej tub tau moov zoo hab sab tug lawm, tsua qhov mej yuav muaj lub ntsej muag luag. 22 Thaus muaj tuabneeg ntxub mej, lossws ntab kuas mej tswv, lossws thuaj mej, lossws hu has tas, mej yog cov tuabneeg ua phem, vem mej ntseeg Tuabneeg Leej Tub, tes thaus hov mej tub tau moov zoo hab sab tug lawm. 23 Thaus mej raug le ntawm mej ca le zoo sab hlo dha luag quas ntxhw, tsua qhov Vaajtswv tub khaws mej tej nqe zug hab yeeb koob ca sau ntuj tsua mej lawm. Puab tej puj koob yawm koob tub ua ib yaam nkaus le ntawm tsua cov xwbfwb kws cev Vaajtswv lug thau u lawm hab. 24 Cov tuabneeg kws nwgnuav nplua nuj, mej yuav raug kev txom nyem lauj, tsua qhov mej tub tau zoo lug lawm. 25 Cov tuabneeg kws nwgnuav tau noj tsau, mej yuav raug kev txom nyem lauj, tsua qhov mej yuav tsw muaj noj tsw muaj haus. Cov tuabneeg kws nwgnuav muaj lub ntsej muag luag, mej yuav raug kev txom nyem lauj, tsua qhov mej yuav muaj kev quaj n tsuag. 26 Thaus muaj tuabneeg qhuas mej, thaus ntawm mej yuav raug kev txom nyem lauj, tsua qhov puab tej puj koob yawm koob tub has ib yaam le ntawm tsua cov cuav xwbfwb cev Vaajtswv lug kws qha tsw tseeb thau u lawm hab.
Yuav tsum hlub yeeb ncuab
27 Kuas kuv has tsua mej cov kws saamswm noog kuv qha nuav has tas, mej yuav tsum hlub cov kws ua yeeb ncuab tsua mej hab ua zoo tsua cov kws ntxub mej. 28 Thov Vaajtswv foom moov zoo tsua cov tuabneeg kws tshev mej, hab thov Vaajtswv paab cov tuabneeg kws tswm txom mej. 29 Yog muaj leegtwg ntaus koj ib saab plhu koj ca le tig saab tom lug tsua nwg ntaus hab. Yog muaj leejtwg txhaav koj lub tsho luj koj ca le hle lub tsho yau tsua nwg hab. 30 Yog leejtwg thov mej ib yaam daabtsw mej ca le muab tsua puab, hab yog muaj leejtwg txhaav mej ib yaam daabtsw lawm, mej tsw xob thov kuas tug ntawm xaa yaam hov rov qaab tuaj tsua mej. 31 Mej xaav kuas lwm tug ua le caag tsua mej, mej yuav tsum ua ib yaam nkaus le ntawm tsua lwm tug hab. 32 Yog mej tsuas hlub cov tuabneeg kws hlub mej xwb, mej xaav has tas, mej yuav tau moov zoo nua lov. Txawm yog cov tuabneeg kws ua phem los puab tseem txawj hlub cov kws hlub puab hab. 33 Yog mej tsuas ua zoo tsua cov tuabneeg kws ua zoo tsua mej xwb, mej xaav has tas, mej yuav tau moov zoo nua lov. Txawm yog cov tuabneeg kws ua phem los puab yeej txawj ua le ntawm hab. 3^ Hab yog mej tsuas txais tsua cov tuabneeg kws mej ca sab has tas, puab yuav them taug mej xwb, mej xaav has tas, mej yuav tau moov zoo nua lov. Txawm yog cov tuabneeg kws ua phem los puab ib tug tseem kaav txais tsua ib tug hab. Puab cov ntawm ca sab has tas, puab yuav tau puv nkaus le qub. 35 Kuas mej yuav tsum hlub cov kws ua yeeb ncuab tsua mej hab ua zoo tsua puab. Mej ca le txais tsua puab, hab tsw xob ca sab has tas, mej yuav tau puv nkaus le qub. Yog mej ua le nuav mej yuav tau nqe zug hab yeeb koob ntau hab mej yuav tau ua Vaajtswv kws muaj fwjchim luj kawg nkaus cov tub, tsua qhov Vaajtswv tseem hlub cov tuabneeg kws ua phem hab tsw ncu Vaajtswv tshaav ntuj. 36 Mej yuav tsum ua sab ntev ib yaam le mej leej txwv tau ua sab ntev tsua mej lawm hab.
Tsw xob thuaj lwm tug
37 Mej tsw xob thuaj lwm tug, Vaajtswv txha le tsw thuaj mej. Mej tsw xob txav txem tsua lwm tug, Vaajtswv txha le tsw txav txem tsua mej. Mej yuav tsum zaam txem tsua lwm tug, Vaajtswv txha le zaam txem tsua mej. 38 Mej yuav tsum pub tsua lwm tug, Vaajtswv txha le pub tsua mej hab Vaajtswv tseem yuav pub ntau tshaaj, mej yuav yuav tsw taag le, mej muab lub luaj le caag luj tsua lwm tug lawm, tes Vaajtswv yuav muab lub luaj le ntawm luj rov qaab tsua mej. 39 Yexu qha ib zaaj pev lug tsua puab has tas, ib tug dig muag yeej coj tsw tau ib tug dig muag kev. Yog ob tug ua le hov, ob tug yeej yuav moog poob kwj deg xwb. 40 Tsw muaj ib tug tub kawm ntawv kws yuav paub tshaaj nwg tug xwbfwb, kuas txhua tug kws kawm tav lawm puab yeej paub ib yaam le puab tug xwbfwb. 41 Ua le caag koj yuav saib qhov nyuas moov ntoo kws nyob huv koj tug kwvtij lub qhov muag, kuas koj tub ncu tsw txug has tas, muaj ib yaav nam ntoo nyob huv koj qhov muag. 42 Ua le caag koj tseem yuav has tsua koj tug kwvtij has tas, nyuas kwv, ca kuv paab koj muab qhov nyuas moov ntoo kws nyob huv koj lub qhov muag rhu lug, kuas koj tub tsw pum yaav nam ntoo kws nyob huv koj lub qhov muag Tug nam tuabneeg sab phem, koj ca le xub muab yaav nam ntoo kws nyob huv koj lub qhov muag rhu tsaiv, koj txha le pum kev moog muab qhov nyuas moov ntoo kws nyob huv koj tug kwvtij lub qhov muag rhu tau.
Tsob ntoo hab cov txwv
43 Tsob ntoo zoo yeej txw tsw tau cov txwv phem. Tsob ntoo phem yeej txw tsw tau cov txwv zoo. hh Yog yug xaav paub tsob ntoo, yug yuav tsum pum cov txwv yug txha paub. Yug yeej tsw de txwv cua ntawm tsob txwv suav ntswm hab tsw de txwv maab ntawm tsob txwv khaub tseeb. 45 Tug tuabneeg sab zoo nwg yeej has zoo hab ua zoo lawv le nwg tub xaav ca tsua huv nwg lub sab lawm. Tug tuabneeg sab phem nwg yeej has phem hab ua phem lawv le nwg tub xaav ca tsua huv nwg lub sab lawm. Lub sab xaav le caag, tes lub ncauj txha has lawv le ntawm.
Ob tug kws ua tsev
46 Ua le caag mej hu kuv has tas, tug tswv, tug tswv, kuas mej tsua tsw ua lawv le kuv tej lug. 47 Yog leejtwg lug cuag kuv hab noog kuv lug, hab ua lawv le kuv qha, kuv yuav qha tsua mej paub has tas, tug ntawm zoo le caag. 48 Tug hov zoo ib yaam le ib tug ua tsev, nwg khawb qhov neej tub tub, nwg le maav muab neej lug txhus tsua. Thaus dej lug nyaab lug ntaus lub tsev hov los lub tsev tsw qaug, vem yog txhus cov neej tub tub le. 49 Huas tug kws nov kuv tej lug kuas tsw ua lawv le, mas tug hov zoo ib yaam le tug kws ua tsev, nwg khawb qhov neej tsw tub. Thaus dej lug nyaab lug ntaus lub tsev, tes lub tsev ntawm txawm qaug kag hab puam tsuaj taag huvsw lawm
Yexu khu tug thawj rog tug qhev
1 Thaus Yexu qha tej hov tsua suavdawg noog taag lawm, Yexu txawm moog peg lub moos Kapena-oo. 2 Huv lub moos hov muaj ib tug thawj rog Loo, yog tug kws kaav ib puas tug tub rog, nwg muaj ib tug tub qhe kws nwg hlub kawg le mob heev tub yuav tuag. 3 Thaus tug thawj rog nov Yexu lub moo tes nwg txawm khaiv Yutai cov kev txwj quas laug qee leej moog hu kuas Yexu tuaj paab khu nwg tug tub qhe. 4 Thaus puab moog cuag Yexu puab thov thov Yexu has tas, tswm nyog koj moog paab tug thawj rog ntawm, 5 tsua qhov nwg hlub peb tsaav tuabneeg heev, hab nwg tau ua ib lub tsev sablaaj pub tsua peb. 6 Yexu txawm nrug puab moog. Thaus Yexu puab moog yuav txug tug thawj rog tsev, tes tug thawj rog txawm khaiv nwg ob peb tug kwvluag moog cheem Yexu has tas, xwbfwb ntshai tsaam taab kaum koj. Kuv yog ib tug tsw tswm nyog koj yuav moog huv kuv lub tsev. 7 Hab kuv yog ib tug kws tsw tswm nyog tuaj cuag koj. Thov koj has tuab lus xwb tes kuv tug tub qhe yeej yuav zoo. 8 Txawm yog kuv los tseem muaj cov hlub kws saib kuv, hab kuv muaj ib co tub rog kws kuv saib. Yog kuv has tsua tug nuav has tas, moog, nwg txawm moog. Yog kuv has tsua tug tom has tas, lug, nwg txawm lug, hab yog kuv has tsua kuv tug tub qhe has tas, ua yaam nuav nwg txawm ua yaam ntawm. 9 Thaus Yexu nov puab has le ntawm, nwg xaav tsw thoob le, mas nwg tig moog has tsua cov tuabneeg coob coob kws lawv nwg qaab has tas, kuv tsw tau pum muaj ib tug kws muaj kev ntseeg npaum le tug nuav, txawm yog huv cov Yixayee los tub tsw muaj. 10 Ob peb leeg kws tug thawj rog khaiv tuaj hov txawm rov moog tom tug thawj rog tsev mas pum tug tub qhe tub zoo lawm.
Yexu tsaa tug puj ntsuag tug tub kws tuag sawv rov lug
11 Dhau hov ntawm Yexu txawm moog nraag lub moos kws npe hu ua Na-i. Yexu cov thwjtim hab ib cov tuabneeg coob coob nrug nwg moog. 12 Thaus Yexu moog txug ntawm rooj loog kws moog huv lub moos txawm muaj tuabneeg kwv ib tug tuabneeg tuag tawm tuaj txug hov. Tug tuag hov yog ib tug puj ntsuag tug tub, tug puj ntsuag hov yeej muaj tuab leeg tub xwb. Cov tuabneeg coob coob kws nyob huv lub moos hov nrug nwg tuaj. 13 Thaus Yexu pum tug puj ntsuag hov Yexu hlub nwg heev, Yexu has tsua nwg has tas, koj tsw xob quaj quaj. 14 Yexu txawm txaav moog tuav nkaus tug laag ntoo kws puab kwv tug tuag, tes cov tuabneeg kws kwv txawm nreg. Yexu hu has tas, mivtub, kuv has tsua koj has tas, koj ca le sawv tseeg. 15 Tug tuag ntawm txawm sawv tseeg nyob quas tsawg nrug puab thaam. Tes Yexu txawm muab nwg lug cob tsua nwg nam. 16 Cov tuabneeg kws pum le ntawm puab txhua tug ntshai kawg le, hab puab qhuas Vaajtswv has tas, muaj ib tug xwbfwb cev Vaajtswv lug kws muaj fwjchim luj kawg tub lug tsua huv peb cov lawm. Hab puab qhuas has tas, Vaajtswv tub lug paab nwg tsaav tuabneeg lawm lauj. 17 Tes Yexu lub moo txawm nrov nchaa quas lug moog thoob plawg huv Yutai tebchaws hab tej tebchaws kws nyob ib ncig ntawm.
Yauhaa khaiv tuabneeg moog nug Yexu
18 Yauhaa cov thwjtim qha tej nuav huvsw tsua Yauhaa noog. 19 Tes Yauhaa hu ob tug thwjtim lug, mas nwg kuas ob tug moog nug Yexu has tas, koj yog tug kws Yauhaa has tas, yuav lug lossws peb tseem yuav tog dua lwm tug. 20 Thaus ob tug moog txug, ob tug has tsua Yexu has tas, tug Yauhaa kws coj tuabneeg ua kevcai raus dej kuas ib tuaj nug saib, koj yog tug kws yuav lug, lossws peb yuav tsum tog dua lwm tug. 21 Lub swmhawm ntawm Yexu tau khu cov tuabneeg muaj mob ntau leej zoo hab nwg ntab daab tawm huv cov tuabneeg kws raug daab ntau leej, hab nwg tau khu cov tuabneeg dig muag ntau leej pum kev lawm. 22 Yexu teb ob tug kws Yauhaa khaiv tuaj ntawm has tas, meb ca le rov qaab moog qha tej kws meb pum hab meb nov tsua Yauhaa noog has tas, cov tuabneeg dig muag tub pum kev lawm, cov tuabneeg tuag ceg tub moog taug kev lawm, cov tuabneeg mob rua tub zoo lawm, cov tuabneeg laag ntseg tub nov lug lawm, cov tuabneeg tuag tub sawv rov qaab lug lawm, hab tub muaj tuabneeg moog qha txuj xuv zoo tsua cov tuabneeg txom nyem lawm. 23 Tug kws ca sab tsua kuv mas yuav tau nyob kaaj sab quas lug. 24 Thaus ob tug kws Yauhaa khaiv tuaj rov qaab moog lawm Yexu txawm qha Yauhaa zaaj tsua cov tuabneeg coob coob ntawm noog has tas, thaus mej moog cuag Yauhaa tom tebchaws moj saab qhua mej moog saib daabtsw, mej moog saib tug tauj ab kws cua ntsawj rawv moog rawv lug los. 25 Mej moog saib daabtsw, mej moog saib tug kws naav tsuj naav npuag los. Tsuas yog cov tuabneeg kws nyob huv vaaj ntxwv tsev txha tau naav tsuj naav npuag hab tau noj seem noj tsw taag. 26 Mej qha tsua kuv soj, mej moog saib daabtsw, mej moog saib ib tug xwbfwb kws cev Vaajtswv lug los. Yog lauj, kuv qha tsua mej has tas, tug kws mej pum ntawm, nwg muaj fwjchim luj dua tej xwbfwb kws cev Vaajtswv lug huvsw, 27 tsua qhov Yauhaa yog tug kws Vaaj tswv phoo ntawv qha tseg has tas, Vaajtswv has tas, tug nuav yog kuv tug tubkhai, kuv yuav khaiv nwg ua koj ntej moog khu kev tog koj. 28 Hab Yexu has tsua puab has tas, Yauhaa yog tug kws muaj fwjchim luj dua cov tuabneeg kws yug lug huv nplajteb nuav txhua tug huvsw. Kuas cov tuabneeg kws Vaajtswv kaav lawm, tug kws muaj fwjchim yau dua ndais suavdawg huvsw tseem muaj fwjchim luj dua Yauhaa hab. 29 Cov tuabneeg suavdawg hab cov tuabneeg sau se kws tau nov Yauhaa qha, puab yog cov kws ntseeg hab ua lawv le Vaajtswv lu lug ncaaj nceeg hab puab tau thov kuas Yauhaa muab puab ua kevcai raus dej. 30 Kuas cov Falixai hab cov xwbfwb qha Vaajtswv kevcai tsw kaam ua tej kws Vaajtswv kuas puab ua, hab puab tsw kaam Yauhaa muab puab ua kevcai raus dej. 31 Kuv yuav muab cov tuabneeg tam nuav pev tsua yaam daabtsw txha raug. 32 Puab zoo ib yaam le tej mivnyuas yau kws nyob tom tshaav puam. Paab nuav has tsua paab tom has tas, peb tub has zaaj tshoob tsua mej kuas mej tsw laav voov. Peb tub hu nkauj txag kuas mej tsw quaj. 33 Yauhaa kws coj tuabneeg ua kevcai raus dej nwg lug nwg coj kevcai yoo mov hab nwg tsw haus kua txwv maab xwv, mej txha has tas, nwg raug daab vwm. 3 4 Tuabneeg Leej Tub lug nwg noj nwg haus, mej tsua has tas, mej swm saib tug nam tuabneeg nuav noj luj haus luj, nwg nrug cov tuabneeg sau se hab cov tuabneeg ua phem ua kwvtij kwvluag. 35 Txhua tug kws leeg yuav Vaajtswv tug tswvyim, mas puab teg num yuav ua tsua suavdawg pum has tas, Vaajtswv yog tug kws muaj tswvyim tag.
Yexu moog huv tug Falixai tsev
36 Muaj ib tug Falixai hu Yexu moog nrug nwg noj mov. Yexu txawm moog tom tug Falixai tsev, mas Yexu nyob pheeb ntawm rooj mov. 37 Muaj ib tug quaspuj nyob huv lub moos hov, nwg yog ib tug nam tuabneeg ua txhum. Nwg nov has tas, Yexu moog noj mov huv tug Falixai tsev lawm, 38 tes nwg txawm nqaa ib laam fwj roj tsw-qaab tuaj sawv nrau Yexu nraus qaum ze ntawm Yexu kwtaw, nwg quaj quaj kua muag lug ntub Yexu ob txhais kwtaw, nwg txawm muab nwg cov plaub hau lug so hab nwj Yexu kwtaw, hab nwg muab cov roj tsw-qaab lug laub ywg Yexu kwtaw. 39 Thaus tug Falixai kws hu Yexu lug noj mov pum le ntawm, nwg txawm xaav has tas, ab yog yawm hov yog ib tug xwbfwb cev Vaajtswv lug tag nua nwg yeej yuav paub has tas, tug nam puj kws kov nwg hov yog ib tug nam tuabneeg ua txhum. 40 Yexu txawm has tsua tug Falixai ntawm has tas, Ximoo, kuv muaj ib lu lug kuv xaav has tsua koj noog. Ximoo teb has tas, tau los maj xwbfwb. 41 Yexu txawm has tas, muaj ob tug quasyawg tshuav ib tug yawm nqe. Ib tug tshuav ib vaam npam, ib tug tshuav ib txheeb npam. 42 Ob tug puav leej nrhav tsw tau nyaj lug them tug yawm ntawm, tes tug yawm ntawm txawm zaam nqe tsua ob tug huv tuab sw. Yog le ob tug hov tug twg yuav ncu nwg tshaav ntuj heev dua. 43 Ximoo teb has tas, lawv le kuv xaav mas yuav yog tug kws tug yawm hov zaam nqe ntau tsua txha ncu nwg tshaav ntuj heev dua. Yexu has tsua Ximoo has tas, yog le koj has tag. 44 Yexu txawm tig moog saib tug quaspuj hov, mas has tsua Ximoo has tas, koj pum tug quaspuj nuav tsw pum, kuv tuaj txug huv koj tsev nuav, koj tub tsw muab dej lug ntxuav kuv kwtaw, kuas tug quaspuj nuav nwg muab nwg cov kua muag lug ntxuav kuv kwtaw hab nwg muab nwg cov plaub hau lug so. 45 Kuv tuaj koj tsw tau nwj kuv, kuas txwj le thaus kuv tuaj txug huv koj tsev lawm tug quaspuj nuav nwg pheej nwj kuv txhais kwtaw tsw tseg le. 46 Koj tub tsw tau muab roj tsw-qaab lug pleev kuv taubhau, kuas tug quaspuj nuav nwg muab cov roj tsw-qaab lug laub ywg kuv txhais kwtaw. 47 Kuv qha tsua koj has tas, qhov kws tug quaspuj nuav ua, ua tsua suavdawg paub tseeb has tas, Vaajtswv tub zaam nwg tej kev txhum huvsw lawm, mas nwg txha ncu Vaajtswv tshaav ntuj heev npaum le nuav. Kuas tug kws ua txhum tsawg, thaus Vaajtswv zaam txem tsua nwg lawm, tug ntawm tsw tshua ncu Vaajtswv tshaav ntuj pes tsawg. 48 Yexu txawm has tsua tug quaspuj hov has tas, koj tub dim koj lub txem lawm. 49 Cov tuabneeg kws nrug Yexu noj mov ntawm xaav has tas, tug nuav yog leejtwg ne, txawm yog kev txhum los nwg kuj zaam tau. 50 Tes Yexu txawm has tsua tug quaspuj hov has tas, koj kev ntseeg tub paab koj dim lawm, koj ca le moog zoo.
Cov quaspuj kws nrug Yexu moog
1 Dhau hov ntawm Yexu txawm moog txhua nrho huv tej zog hab huv tej moos. Nwg moog qha txuj xuv zoo has txug qhov kws Vaajtswv hu suavdawg lug ua Vaajtswv le tuabneeg. Kaum ob tug thwjtim nrug nwg moog. 2 Hab muaj ob peb tug quaspuj nrug Yexu moog. Cov quaspuj ntawm qee leej yog cov raug daab kws Yexu ntab daab tawm lawm. Q_ee leej yog cov muaj mob kws Yexu khu zoo lawm. Cov quaspuj hov muaj ib tug yog Maiv- lag kws suavdawg hu has tas, Maivlag Matala kws yaav tom ntej raug xyaa tug daab, es Yexu tub ntab cov daab hov tawm huv nwg lub cev moog lawm. 3 Ib tug yog Khuxa quaspuj npe hu ua Yauhana. Khuxa yog tug kws saib vaaj ntxwv Helauj tsev. Ib tug yog Xuxana hab muaj dua ob peb tug quaspuj. Puab cov ntawm yog cov kws pheej muab puab tej nyaj txag hab hov txhua chaw coj tuaj paab Yexu hab nwg cov thwjtim.
Tug tseb noob
4 Pheej muaj tuabneeg tuaj txhua txhua lub moos tuaj cuag Yexu. Thaus cov tuabneeg tuaj ua ke coob coob lawm, Yexu txawm qha ib zaaj pev lug tsua puab noog has tas, 5 muaj ib tug quasyawg nqaa noob moog tseb. Thaus nwg saamswm tseb tsua huv nwg daim teb, muaj ib txha poob tsua huv plawv kev, mas tuabneeg muab tsuj moog tsuj lug, tes noog txawm yaa lug khaws noj lawm. 6 Muaj ib txha poob tsua ntawm qhov aav kws huv muaj pob zeb tiv lawm aav tsw tub. Thaus tuaj kaug tug kaug txawm qhuav lawm vem aav tsw noo. 7 Muaj ib txha poob tsua huv cov xuav paug. Thaus saamswm tuaj, tsob xuav paug txawm hlub tuaj laum tes cov hov txawm hlub tsw taug lawm. 8 Hab muaj ib txha poob tsua ntawm qhov aav zoo. Cov ntawm tuaj hab hlub zoo hab txw txwv zoo, ib tsob txw tau ib puas npaug. Hab Yexu has tas, yog leejtwg muaj qhov ntsej, ca le khaws zaaj nuav ca.
Vem le caag Yexu ua pev lug qha
9 Cov thwjtim nug Yexu has tas, zaaj pev lug kws koj has hov txhais le caag. 10 Yexu teb has tas, yaav tom ntej mej tsw paub zaaj kws Vaajtswv yuav lug kaav tuabneeg lub sab, kuas nwgnuav Vaajtswv tub qha zaaj ntawm tsua mej paub lawm. Vaajtswv ua pev lug qha tsua lwm tug xwb, kuas puab saib los puab txha tsw pum, puab noog los puab txha tsw to taub.
Yexu txhais zaaj pev lug tug tseb noob
11 Zaaj pev lug hov txhais le nuav has tas, cov noob ntawm pev txug Vaajtswv txujlug. 12 Cov noob kws poob tsua ntawm txujkev pev txug cov tuabneeg kws nov Vaajtswv txujlug, kuas Daab Ntxwg Nyoog lug txeeb txujlug hov tawm huv puab lub sab lawm, tsw kheev puab ntseeg hab tsw kheev puab dim tau puab lub txem. 13 Cov noob kws poob tsua qhov aav kws muaj pob zeb tiv huv lawm pev txug cov tuabneeg kws nov dheev Vaajtswv txujlug, puab zoo sab hlo yuav, kuas txuj-lug hov txeem tsw tub tsua huv puab lub sab. Puab ntseeg ib ntus xwb, thaus puab raug Daab Ntxwg Nyoog ntxag, puab ca le thim hlo rov qaab lawm. 14 Cov noob kws poob tsua huv qhov kws muaj xuav paug pev txug cov tuabneeg kws nov Vaajtswv txujlug, kuas puab tej kev ntxhuv sab, kev ntshaw nyaj ntshaw txaj hab kev lom zem huv nplajteb nuav hlub tuaj laum Vaajtswv txujlug lawm, txujlug ntawm txha tsw txawj hlub. 15 Cov noob kws poob tsua huv qhov aav zoo, pev txug cov tuabneeg kws nov Vaajtswv txujlug puab ntseeg tag tag hab noog nwg lug zoo, hab khaws txujlug hov ca tsua huv puab lub sab, hab ua sab ntev moog txug nub kws txujlug hov hlub hab txw txwv.
Khwb lub teeb tseg
16 Tsw muaj leejtwg taws teeb ais yuav muab phaaj khwb tseg lossws yuav muab txawb tsua huv qaab txaag, tsuas muaj kws yuav muab txawb tsua sau txee xwb, cov tuabneeg kws tuaj huv tsev txha le pum kev. 17 Tej kws muab zais ca lawm yeej yuav muaj tuabneeg pum. Hab tej kws muab npug ca lawm yeej yuav muaj tuabneeg nrhav tau coj lug nthuav tsua suavdawg saib. 18 Yog le ntawm mej yuav tsum ceev faaj hab ua tuab zoo noog, tsua qhov tug kws tub muaj lawm Vaajtswv yeej yuav muab ntxwv kuas tug ntawm muaj ntau dua. Kuas tug kws tsw muaj, txawm yog tej kws nwg xaav has tas, yog nwg tug lawm, los Vaajtswv yeej yuav muab rhu ntawm nwg moog.
Yexu nam hab Yexu cov kwv
19 Yexu nam hab Yexu cov kwv yuav moog cuag Yexu, kuas muaj tuabneeg coob coob puab tsw tau kev moog cuag nwg. 20 Muaj ib tug lug has tsua Yexu has tas, koj nam hab koj cov kwv tuaj sawv saab nrau puab xaav ntswb koj. 21 Yexu txawm has tsua cov tuabneeg suavdawg has tas, cov kws noog Vaajtswv txujlug hab ua lawv le Vaajtswv qha, cov ntawm txha yog kuv nam hab kuv cov kwv.
Yexu txwv cua
22 Muaj ib nub Yexu hab Yexu cov thwjtim nee moog tsua huv ib lub nkoj. Yexu has tsua puab has tas, peb ca le hlaa hav txwv moog saab tim u. Puab txawm caij nkoj moog. 23 Thaus puab saamswm hlaa hav txwv moog Yexu pw tsaug zug. Tes thaus hov txawm muaj cua daaj cua dub nplawm hlub hlub ntsawj dej ndaas lug tsua huv lub nkoj, puab txhua tug ntshai tsaam tes lub nkoj tog. 24 Cov thwjtim txawm lug tsaa Yexu has tas, xwbfwb, xwbfwb, peb tub yuav tuag lauj. Yexu txawm sawv tseeg lug txwv cua hab dej, tes cua txawm tu hab tej dej hav txwv kws nphau tej nam nthwv txawm tug tsw ndaas lawm. 25 Yexu txawm has tsua Yexu cov thwjtim has tas, mej kev ntseeg dua twg taag lawm. Cov thwjtim phemfwj hab ntshai kawg, puab sws thaam has tas, tug nuav yog leejtwg nev, ua caag nwg yuav txwv tau cua hab dej, cua hab dej kuj noog nwg lug hab.
Yexu ntab daab
26 Yexu hab Yexu cov thwjtim caij nkoj moog txug lub tebchaws kws cov tuabneeg Khelaxa nyob kws yog saab hav txwv Kalilai tim u. 27 Thaus Yexu nqeg huv lub nkoj lug tsua ntawm ntug, Yexu txawm ntswb ib tug yawm raug daab. Nwg tsw naav rwg tsho le. Tug yawm hov lub tsev nyob huv moos, kuas nwg tsw nyob huv tsev nwg moog nyob tom roob toj ntxaa xwb. 28 Thaus nwg pum Yexu nwg txawm quaj qw hab qhau cev hlo ntawm Yexu xub ndag mas has nrov nrov has tas, Yexu kws yog Vaajtswv tug muaj fwjchim luj kawg nkaus tug tub, koj tuaj thaab kuv ua daabtsw. Kuv thov koj tsw xob tswm txom kuv los maj. 29 Nwg has le ntawm tsua qhov Yexu tub has kuas daab tawm ntawm nwg moog. Daab ntswj nwg ntau zag lawm, txawm yog suavdawg muab saw hlau lug khi nwg teg nwg taw los nwg muab nqug tu taag huvsw, hab daab yuam nwg moog tom tebchaws moj saab qhua. 30 Yexu nug nwg has tas, koj lub npe hu le caag, nwg teb tas, kuv lub npe hu ua Coob. Nwg has le ntawm tsua qhov nwg raug ntau tug daab. 31 Cov daab txawm thov Yexu has tas, tsw xob ntab peb moog lawm huv daab teo. 32 Nyob ze ntawm muaj ib paab npua coob coob saamswm nrhav noj ntawm ib ntaa toj. Cov daab txawm thov Yexu has tas, ca peb moog tsua huv paab npua, tes Yexu txawm ca daab moog. 33 Cov daab txawm tawm plawg huv tug yawm hov lub cev moog nyob huv paab npua. Paab npua txawm dha nroo quas ntwg ntawm plaag toj ntxhaab moog poob tsua huv hav txwv tuag taag huvsw lawm. 34 Thaus cov tuabneeg yug npua pum le ntawm, puab txawm dha rov moog qha tej hov tsua huv moos, hab tsua tej tuabneeg zej zog suavdawg noog. 35 Tej tuabneeg suavdawg txawm tawm tuaj moog saib tej hov yog le caag. Thaus puab tuaj txug ntawm Yexu puab pum tug yawm kws raug daab hov meej pem lawm, nwg naav rwg tsho hab nwg nyob quas tsawg ntawm Yexu kwtaw. Tes cov tuabneeg kws pum, suavdawg ntshai kawg le. 36 Cov tuabneeg kws tau pum tej nuav txawm qha tsua suavdawg paub has tas, yog ua caag tug raug daab ntawm zoo lawm. 37 Cov tuabneeg kws nyob txhua qhov huv Khelaxa tebchaws txawm thov kuas Yexu tawm huv puab lub tebchaws moog, tsua qhov suavdawg ntshai kawg le. Yexu txawm nee tsua huv nkoj yuav caij nkoj rov qaab moog. 38 Tes tug yawm kws Yexu ntab daab tawm lawm txawm thov Yexu has tas, thov ca kuv nrug koj moog hab los maj. Kuas Yexu kuas nwg rov qaab moog. Yexu has tsua nwg has tas, 39 koj ca le rov qaab moog tsev, es moog pav tej kws Vaajtswv tau paab koj lawm tsua suavdawg noog. Tes yawm kws Yexu ntab daab tawm txawm rov qaab moog tom moos, mas moog pav tsua txhua qhov tsua suavdawg has tas, Yexu tub paab nwg lawm.
Tug puj kov Yexu qaab tsho hab Yailau tug ntxhais
40 Thaus Yexu hlaa rov moog txug saab hav txwv tim u, tub muaj tuabneeg coob coob tuaj nyob ntawm tog nwg. Thaus puab pum nwg rov qaab lug puab zoo sab kawg. 41 Muaj ib tug txwv neej npe hu ua Yailau, nwg yog tug kws saib lub tsev sablaaj huv lub moos hov. Nwg tuaj txug, nwg txawm txhus caug ndua ntawm Yexu kwtaw thov Yexu moog tom nwg tsev. 42 Yog nwg tug ntxhais mob heev, tub yuav tuag tom tsev. Nwg yeej muaj tuab tug ntxhais xwb, tug ntxhais hov noob nyoog muaj kaum ob xyoo. Thaus Yexu saamswm taug kev moog tom Yailau tsev, muaj tuabneeg coob coob nrug Yexu moog ua txwv quas qev. 43 Muaj ib tug quaspuj nwg mob huv nwg lub cev tau kaum ob xyoo lug lawm, yog pheej lug ntshaav. Nwg muab nwg tej nyaj txag huv tuab sw moog ndav kws tshuaj khu, kuas tsw muaj ib tug kws tshuaj khu tau nwg. 44 Nwg txawm txwv pis ntag lug tsua tom Yexu nraus qaum, mas cev teg moog kov Yexu qaab tsho. Thaus nwg kov kag tes nwg ntshaav txawm tu nrho lawm. 45 Yexu txawm nug has tas, leejtwg kov kuv. Tsw muaj leejtwg leeg le. Pestus txawm teb has tas, xwbfwb, koj tsw pum has tas, muaj tuabneeg coob ua luaj le nuav txwv koj los. 46 Kuas Yexu teb has tas, yeej muaj ib tug kov kuv xwb, tsua qhov kuv paub has tas, fwjchim tub tawm ntawm kuv lawm. 47 Tug quaspuj hov paub has tas, Yexu paub lawm lauj, tes nwg txawm lug txhus caug ndua ntawm Yexu kwtaw ua ib ce tshee quas nyo, nwg txawm taab meeg qha tsua Yexu paub has tas, yog vem le caag nwg kov Yexu qaab tsho, hab nwg qha has tas, thaus nwg kov Yexu lub qaab tsho, tes taamswm ntawm nwg tug mob txawm zoo hlo lawm. 48 Yexu has tsua nwg has tas, mivntxhais, koj tug mob zoo lawm tub yog vem koj ntseeg, koj ca le moog zoo. 49 Thaus Yexu saamswm has le ntawm muaj ib tug tuaj tom Yailau tsev tuaj has tsua Yailau has tas, koj tug ntxhais tub tuag lawm lauj, koj tsw xob taab kaum xwbfwb lawm. 50 Thaus Yexu nov le ntawm, Yexu txawm has tsua Yailau has tas, koj tsw xob txhawj, koj ca le ntseeg, koj tug ntxhais yeej yuav caj. 51 Thaus Yexu moog txug tom Yailau tsev, Yexu tsw kheev leejtwg nrug nwg moog huv txaaj, tsuas kheev Pestus, Yauhaa, Yakaupau hab tug ntxhais ntawm nam hab txwv nrug nwg moog xwb. 52 Cov tuabneeg kws nyob huv tsev suavdawg quaj nyav tug mivntxhais ntawm ntsoog quas qeeg. Yexu txawm has tsua puab has tas, mej tsw xob quaj quaj, tug mivntxhais hov tsw tuag nwg pw tsaug zug xwb. 53 Cov tuabneeg hov suavdawg txawm luag Yexu zum quas zawg, yog puab yeej paub tseeb has tas, tug mivntxhais hov tub tuag lawm tag. 5^ Kuas Yexu txawm ca le ncaaj nraim moog tuav nkaus tug ntxhais teg, hab has tas, mivntxhais, koj ca le sawv los maj. 55 Tug ntxhais txawm rov muaj sa, tes nwg txawm sawv tseeg lug. Yexu txawm has kuas puab nrhav mov lug tsua tug ntxhais noj. 56 Tug ntxhais nam hab txwv phemfwj kawg le, kuas Yexu txwv tsw kheev ob tug qha tej nuav tsua leejtwg le.
Yexu khaiv kaum ob tug thwjtim moog qha xuv zoo
1 Yexu hu nwg kaum ob tug thwjtim lug, mas nwg pub fwjchim tsua puab kuas puab ntab tau daab hab khu tau tej tuabneeg muaj mob. 2 Tes nwg txawm khaiv puab moog qha qhov kws Vaajtswv yuav lug kaav tuabneeg lub sab hab moog khu tej tuabneeg muaj mob. 3 Yexu has tsua puab has tas, thaus mej moog mej tsw xob coj ib yaam daabtsw moog, tsw xob coj tug paas nreg hab naab thoob puab hab mov hab nyaj moog, hab tsw xob npaaj rwg tsho moog hloov. 4 Yog yim twg hu mej moog tsev, mej ca le moog nrug yim ntawm nyob moog txug nub kws mej tawm huv lub moos hov moog. 5 Yog tsw muaj leejtwg hu mej moog tsev, thaus mej yuav tawm huv lub moos hov moog, mej ca le nchus tej moov aav kws lu mej kwtaw, kuas puab paub has tas puab muaj txem. 6 Cov thwjtim txawm moog qha txuj xuv zoo huv txhua lub zog hab puab khu tej tuabneeg muaj mob kuas zoo huvsw.
Helauj ntxhuv sab
7 Thaus Helauj kws kaav Kalilai tebchaws nov tej kws Yexu ua hov, nwg txawm ntxhuv sab, yog muaj tuabneeg has tas, tug Yauhaa kws coj tuabneeg ua kevcai raus dej tub sawv huv qhov tuag rov qaab lug lawm. 8 Muaj qee leej has tas, tub yog Eliya rov qaab lug tsua suavdawg pum. Muaj qee leej has tas, tub yog ib tug xwbfwb kws cev Vaajtswv lug txheej thau u sawv rov qaab lug. 9 Helauj has tas, kuv tub kuas puab txav Yauhaa cej daab lawm nev, kuas tug kws kuv nov moo nuav yog leejtwg. Helauj txawm yimfuab xaav pum Yexu heev.
Yexu pub mov tsua tswb txheeb leej noj
10 Thaus cov tubkhai rov qaab lug, hab qha txhua yaam kws puab tau ua lawm tsua Yexu noog, tes Yexu txawm coj puab moog tim lub moos kws hu ua Npexayata. 11 Thaus cov tuabneeg nov has tas, Yexu hab Yexu cov thwjtim moog tsua tim lawm, cov tuabneeg ntawm txawm lawv Yexu puab qaab moog. Yexu zoo sab paab puab txhua tug, hab nwg qha puab has txug qhov kws Vaajtswv yuav lug kaav tuabneeg lub sab, hab Yexu khu cov tuabneeg muaj mob kws thov nwg txhua tug zoo taag huvsw. 12 Thaus nub taj quas lag lawm kaum ob tug thwjtim txawm lug has tsua Yexu has tas, koj ca le tso suavdawg moog nrhav noj nrhav haus hab nrhav chaw pw huv tej zej zog kws nyob ze ib ncig ntawm nuav, tsua qhov ntawm nuav tsw muaj mov tsua puab noj. 13 Kuas Yexu has tsua cov thwjtim has tas, mej ca le moog nrhav mov lug tsua puab noj los maj. Cov thwjtim teb has tas, peb tub tsw muaj mov nev, peb tsuas muaj tswb lub ncuav hab ob tug ntseg xwb, koj xaav kuas peb moog yuav mov lug tsua cov tuabneeg nuav noj los. 14 Cov txwv neej kws nyob ntawm kwvlaam muaj tswb txheeb leej. Yexu txawm has tsua nwg cov thwjtim has tas, mej kuas cov tuabneeg suavdawg lug nyob ua tsheej pawg, ib pawg tswb caug leej. 15 Cov thwjtim txawm ua lawv le Yexu qha, mas kuas suavdawg nyob quas tsawg. 16 Yexu txawm muab tswb lub ncuav hab ob tug ntseg lug, nwg tsaa qhov muag saib sau ntuj ua Vaajtswv tsaug. Thaus nwg ua Vaajtswv tsaug taag, nwg txawm muab cov ncuav hab ob tug ntseg ndais cev tsua nwg cov thwjtim nqaa moog faib tsua suavdawg noj. 17 Txhua tug puav leej noj tsau huvsw. Mas cov thwjtim moog khaws tej kws suavdawg noj tsw taag tau kaum ob tawb npoob miv.
Pestus has tas Yexu yog tug Cawmseej
18 Muaj ib zag thaus Yexu tuab leeg nyob xwb nwg saamswm thov Vaajtswv, tes nwg cov thwjtim txawm lug cuag nwg. Yexu nug puab has tas, tej tuabneeg has tas, kuv yog leejtwg nua. 19 Cov thwjtim teb has tas, muaj qee leej has tas, koj yog tug Yauhaa kws coj tuabneeg ua kevcai raus dej, muaj qee leej has tas, koj yog Eliya. Muaj dua qee leej has tas, koj yog ib tug xwbfwb cev Vaajtswv lug txheej thau u sawv rov qaab lug. 20 Yexu nug cov thwjtim has tas, ua le ais mej nev, mej tsua has tas, kuv yog leejtwg. Pestus teb has tas, koj yog tug kws Vaajtswv khaiv lug ua Cawmseej.
Yexu qha tas, nwg yuav raug tswm txom tuag
21 Yexu txawm txwv puab tawv tawv has tas, mej tsw xob moog qha tsua luas tej tas kuv yog leejtwg le. 22 Hab nwg has tas, Tuabneeg Leej Tub yeej yuav raug kev tswm txom, cov kev txwj quas laug hab cov pov thawj hlub hab cov xwbfwb kws qha Vaajtswv kevcai yuav tsw leeg yuav nwg. Yuav muaj tuabneeg muab nwg coj moog tua, mas peb nub Vaajtswv yuav tsaa nwg sawv huv qhov tuag rov qaab lug. 23 Hab Yexu qha tsua suavdawg has tas, yog leejtwg xaav nrug kuv moog ua kuv le thwjtim, mas tug hov yuav tsw xob xaam pum nwg xwb, nwg yuav tsum naj nub kwv nwg tug ntoo khaublig nrug kuv moog. 24 Tug kws khauv xwm nwg txujsa, tug hov txujsa yuav tu. Kuas tug kws tsw khauv xwm nwg txujsa es ua kuv teg num hab ca sab tsua kuv, tug ntawm yuav tau txujsa. 25 Yog leejtwg tau ib puas tsaav yaam huv nplajteb nuav huv tuab sw lug ua nwg tug kuas nwg txujsa tu lawm, nwg yuav tau qaabhau daabtsw, yeej tsw tau le. 26 Yog leejtwg tsw leeg yuav kuv hab kuv txujlug qha, thaus Tuabneeg Leej Tub rov lug nwg kuj yuav tsw leeg yuav tug hov hab. Thaus nwg lug suavdawg yuav pum nwg tug fwjchim ci ntsaa quas ab. Tug fwjchim ntawm tub yog leej txwv hab cov tubkhai sau ntuj tug. 27 Kuv qha tseeb tsua mej has tas, mej cov ntawm nuav muaj qee leej tsw tau tuag tes mej yuav xub pum Vaajtswv lug kaav tuabneeg lub sab.
Yexu lub cev plhis hlo
28 Thaus Yexu qha le hov taag tau xyaa yim nub tom qaab, Yexu txawm coj Pestus hab Yauhaa hab Yakaupau nrug nwg moog thov Vaajtswv peg roob. 29 Thaus Yexu saamswm thov Vaajtswv, nwg lub ntsej muag plhis hlo tsw zoo le qub lawm. Hab nwg cev rwg tsho txawm ci ntsaa quas ab dawb quas paug. 30 Taamswm ntawm txawm muaj ob tug txwv neej nrug Yexu thaam. 31 Ob tug hov ib tug yog Mauxe ib tug yog Eliya. Ob tug hov kuj ci ntsaa quas ab ib yaam le cov tuabneeg sau ntuj, hab ob tug nrug Yexu thaam has txug teg num kws Vaajtswv kuas Yexu ua. Teg num ntawm yuav tav tsua thaus Yexu raug kev tuag huv lub nroog Yeluxalee. 32 Kuas Pestus hab Pestus ob tug kwvluag tsaug zug heev, puab tswm dheev lug, tes puab txawm pum Yexu tug fwjchim ci ntsaa quas ab, hab pum ob tug txwv neej nrug Yexu sawv ntawm. 33 Thaus ob tug txwv neej ntawm yuav ncaim Yexu moog, Pestus txawm has tsua Yexu has tas, xwbfwb, peb tuaj nyob ntawm nuav zoo kawg le. Peb yuav ua peb lub tsev pheeb suav, ib lub tsua koj nyob, ib lub tsua Mauxe nyob hab ib lub tsua Eliya nyob. Pestus tsw paub Pestus laam tau laam has le hov. 34 Thaus Pestus tseem saamswm has le ntawm txawm muaj ib tauv fuab lug roog puab, thaus tauv fuab hov laum nkaus puab, mas puab ntshai kawg le. 35 Mas muaj ib lub suab has huv tauv fuab tuaj has tas, tug nuav yog kuv tug tub kws kuv tau xaiv ca lawm, mej yuav tsum noog nwg lug. 3b Thaus lub suab hov has taag lawm, tes puab pum tshuav Yexu tuab leeg nyob ntawm xwb. Peb tug thwjtim npog tej kws puab pum ntawm ca tsw qha ib lus tsua leejtwg paub le.
Yexu ntab daab tawm huv tug mivtub
37 Nub tom qaab Yexu hab peb tug thwjtim txawm nqeg peg roob lug, puab lug ntswb ib paab tuabneeg coob coob. 38 Huv paab tuabneeg hov muaj ib tug quasyawg hu nrov nrov has tas, xwbfwb, thov koj paab kuv tug tub, kuv muaj tuab tug tub nuav xwb. 39 Nwg raug daab. Thaus daab ntswj nwg, tes nwg txawm qw nrov nrov hab fuam ib thaaj ib thaaj ua npuag ncauj nto plawg. Daab pheej tswm txom nwg, hab daab tsw kaam tawm huv kuv tug tub lub cev moog le. 40 Kuv thov koj cov thwjtim ntab daab tawm kuas puab ntab tsw tau. 41 Yexu teb has tas, cov nam tuabneeg tsw ntseeg hab tsw ncaaj, kuv tseem yuav nrug mej nyob ntev le caag, hab tseem yuav ua sab ntev tsua mej moog txug nub twg. Yexu txawm has tsua tug tub hov txwv has tas, ca le coj koj tug mivtub lug ntawm nuav saib. 42 Thaus tug mivtub saamswm lug, daab txawm ua tsua nwg qaug ntawg tsua huv peg teb, nwg fuam ib thaaj heev heev nti moog nti lug. Yexu txawm ntab nam daab tawm moog, mas Yexu khu tug mivtub hov zoo, tes nwg txawm muab tsua leej txwv. 43 Cov tuabneeg phemfwj tsua Vaajtswv tug fwjchim kws luj ua luaj le hov.
Yexu rov has txug nwg kev tuaq
Thaus cov tuabneeg suavdawg tseem xaav tsw thoob tsua txhua yaam kws Yexu ua ntawm, Yexu txawm has tsua nwg cov thwjtim has tas, 44 mej yuav tsum ncu ntsoov tej lug kws kuv yuav qha tsua mej nuav. Yeej yuav muaj ib tug nteg Tuabneeg Leej Tub coj moog tsua luas tswm txom. 45 Kuas cov thwjtim tsw to taub tej lug kws nwg has ntawm sov yog le caag. Yexu tsw qha lub ntsab tsua puab, puab txha tsw paub. Kuas puab kuj tsw kaav nug tej lug kws nwg has ntawm saib yog le caag.
Leejtwg yuav ua tug luj dua
46 Cov thwjtim txawm sws caam has tas, leejtwg yuav tau ua tug luj dua ndais. 47 Yexu tub paub tej kws puab xaav le hov lawm, nwg txawm coj ib tug mivnyuas yau lug sawv ntawm nwg ib saab. 48 Mas nwg has tsua puab has tas, tug kws saib taug tug mivnyuas yau nuav vem nwg fwm kuv kuj yog nwg saib taug kuv. Hab tug kws saib taug kuv, kuj yog tug ntawm saib taug tug kws khaiv kuv lug. Tsua qhov tug kws yau dua ndais huv mej cov, tug ntawm txha yog tug kws luj dua nda i s.
Tug twg tsw tawm tsaam mej nwg yog mej cov
49 Yauhaa qha tsua Yexu has tas, xwbfwb, peb pum ib tug tuav koj lub npe ntab daab tawm. Peb txwv tsw kheev nwg ua, vem nwg tsw yog peb cov. 50 Yexu has tsua Yauhaa hab cov thwjtim suavdawg has tas, tsw xob txwv nwg, tsua qhov tug kws tsw tawm tsaam mej mas tug hov yog mej cov.
Cov tuabneeg Xamali tsw kheev Yexu moog huv puab zog
51 Thaus yuav txug lub swmhawm kws Vaajtswv yuav coj Yexu moog sau ntuj ceeb tsheej, Yexu txawm txav sab yuav moog nraag lub nroog Yeluxalee. 52 Yexu khaiv ib co tuabneeg ua nwg ntej moog, puab txawm moog huv ib lub zog kws nyob huv Xamali tebchaws moog tu chaw hab npaaj tej hov txhua chaw huvsw tog Yexu. 53 Kuas cov tuabneeg Xamali tsw kheev Yexu lug huv puab lub zog, tsua qhov suavdawg paub has tas, Yexu yeej yuav moog nraag lub nroog Yeluxalee. 54 Thaus Yakaupau hab Yauhaa kws yog Yexu ob tug thwjtim nov le ntawm, ob tug txawm has tsua Yexu has tas, xwbfwb, koj xaav kuas ib hu suav tawg poob sau ntuj lug hlawv cov tuabneeg ntawm kuas puam tsuaj taag huvsw los tsw xaav. 55 Yexu tig hlo moog tshev ob tug. 56 Tes Yexu txawm coj Yexu cov thwjtim moog dua lwm lub zog lawm.
Tug kws xaav ua Yexu thwjtim yuav ua le caag
57 Thaus puab saamswm moog muaj ib tug quasyawg has tsua Yexu has tas, kuv yuav nrug koj moog. Txawm yog koj moog hov twg los kuv yeej yuav nrug koj moog. 58 Yexu has tsua tug hov tas, txawm yog maa los tseem muaj qhov nkaum, hab noog los tseem muaj zeg, kuas Tuabneeg Leej Tub tsw muaj chaw pw. 59 Yexu txawm has tsua ib tug quasyawg kws nyob ntawm has tas, koj ca le nrug kuv moog. Kuas tug ntawm teb has tas, xwbfwb, thov koj ca kuv moog log kuv txwv tsaiv, kuv le maav nrug koj moog. 60 Yexu teb tug hov tas, ca cov tuabneeg tuag puab log puab tug tuag los maj, es koj ca le moog qha qhov kws Vaajtswv yuav lug kaav tuabneeg lub sab tsua suavdawg paub. 61 Muaj dua ib tug has tas, xwbfwb, kuv yuav nrug koj moog. Kuas ca kuv moog has tsua kuv tsev tuabneeg paub tsaiv. 62 Yexu txawm has tsua tug ntawm has tas, yog leejtwg saamswm tsaav khais laij lag, kuas nwg pheej tig saib rov tom qaab, mas tsw zoo kuas tug hov moog qha qhov kws Vaajtswv yuav lug kaav tuabneeg lub sab.
Yexu khaiv xyaa caum ob leeg moog qha
1 Dhau hov ntawm Yexu txawm xaiv dua xyaa caum ob leeg hab khaiv puab moog ua ib nkawg ib nkawg, ua Yexu ntej moog tsua txhua lub moos hab txhua lub zog kws Yexu yeej yuav moog. 2 Nwg qha tsua puab has tas, cov nplej kws zoo hlais lawm muaj ntau kawg, kuas cov tuabneeg hlais muaj tsawg. Mej ca le thov tug tswv laj kuas nwg khaiv dua ib co moog paab hlais nwg cov nplej. 3 Mej ca le moog. Kuv khaiv mej moog, mej zoo ib yaam le paab yaaj kws yuav moog tsua huv plawv paab maa. 4 Mej tsw xob coj naab nyaj hab naab thoob puab hab khau moog. Thaus mej taug kev moog yog mej ntswb leejtwg mej tsw xob nrug tug ntawm thaam. 5 Thaus mej moog huv leejtwg tsev, mej yuav tsum xub has tas, thov Vaajtswv foom moov zoo tsua mej tsev tuabneeg kuas tau zoo nyob kaaj sab quas lug. 6 Yog huv lub tsev hov muaj tuabneeg nyam kev tau zoo nyob kaaj sab quas lug, tes puab yuav tau lawv le kws mej has. Yog tsw muaj tuabneeg nyam tes lu lug foom moov hov yeej yuav rov qaab lug ntawm mej. 7 Mej ca le nyob huv lub tsev ntawm, puab pub le caag tsua mej noj los mej noj le ntawm, tsua qhov yeej tswm nyog tug kws ua num tau nqe zug. Tsw xob tawm huv lub tsev hov moog pw tsua lub u lub nua. 8 Thaus mej moog huv lub zog twg, yog cov tuabneeg ntawm kheev mej nyob huv puab lub zog, mas tej zaub mov kws puab ua tsua mej noj, 9 mej ca le noj, hab mej ca le khu cov tuabneeg muaj mob huv lub moos ntawm hab qha tsua puab paub has tas, tub yuav txug lub swmhawm kws Vaajtswv lug kaav tuabneeg lub sab lawm. 10 Kuas thaus mej moog huv lub moos twg, yog cov tuabneeg ntawm tsw kheev mej nyob huv puab lub moos, tes mej ca le moog tom tej kev huv plawv moos mas pav has tas, 11 txawm yog tej nyuas moov aav huv mej lub moos kws lu peb kwtaw los peb yeej yuav muab so kuas taag huvsw. Peb ua le nuav kuas mej paub has tas, peb tsw quav ntsej mej lawm. Kuas mej yuav tsum paub has tas, tub yuav txug lub swmhawm kws Vaajtswv lug kaav tuabneeg lub sab. 12 Kuv qha tsua mej has tas, thaus txug nub kws Vaajtswv teem txem, nwg yuav teem txem tsua lub moos nuav nyaav dua le nwg teem txem tsua lub moos Xitoo.
Tej moos kws tsw tso txujkev txhum tseg
13 Lub moos Khaulaxi, koj yuav raug kev txom nyem lauj. Lub moos Npexayata, koj yuav raug kev txom nyem. Tej txujci tseem ceeb kws tau ua tsua meb pum lawm, yog thau muaj tuabneeg ua tej ntawm tsua huv lub moos Tulau hab lub moos Xitoo, tes cov tuabneeg kws nyob huv ob lub moos hov yeej yuav xub muab seev tsaaj lug npua, hab nyob huv cub tshau hab tsuab tshauv lug nphoo tsua ib ce ntxuv lug lawm. Puab yuav ua le ntawm kuas suavdawg paub has tas, puab tub tso puab tej kev txhum tseg lawm. )h Thaus txug nub kws Vaajtswv teem txem nwg yuav teem txem tsua mej nyaav dua le kws nwg teem tsua lub moos Tulau hab lub moos Xitoo. 15 Lub moos Kapena-oo, koj yuav tsaa koj tug fwjchim kuas moog txwj ntuj los. Yeej tsw tau, koj yuav poob moog tsua huv ntuj txag teb tsaus xwb. 16 Yexu has tsua nwg cov thwjtim has tas, yog leejtwg noog mej lug, kuj yog tug ntawm noog kuv lug hab. Yog leejtwg tsw leeg yuav mej, kuj yog nwg tsw leeg yuav kuv. Hab leejtwg tsw leeg yuav.kuv, kuj yog nwg tsw leeg yuav tug kws khaiv kuv lug.
Xyaa caum ob tug thwjtim rov lug
17 Thaus xyaa caum ob leeg thwjtim rov qaab lug cuag Yexu, puab zoo sab kawg, puab has tsua Yexu has tas, xwbfwb, thaus peb tuav koj lub npe ntab daab, daab kuj noog peb lug hab. 18 Yexu has tsua puab has tas, kuv pum Ntxwg Nyoog poob sau ntuj lug ib yaam le tsag lig xub. 19 Mej ua tuab zoo noog, kuv tub pub fwjchim tsua mej lawm, mej yuav tsuj tau naab hab raub rws teb, hab mej yuav muaj fwjchim kov yeej Daab Ntxwg Nyoog, hab yuav tsw muaj ib yaam daabtsw ua tsua mej txom nyem. 20 Mej tsw xob zoo zoo sab tsua qhov nyuas kws daab noog mej lug ntawm, kuas mej yuav tsum zoo sab tsua qhov kws tub sau mej tej npe ca tsua sau ntuj ceeb tsheej lawm.
Yexu zoo sab
21 Taamswm ntawm Vaajtswv tug Ntsuj Plig ua tsua Yexu zoo sab kawg le, Yexu txawm has tas, kuv txwv, koj yog tug kws kaav sau ntuj hab huv nplajteb nuav. Kuv ua koj tsaug vem koj tub muab tej nuav zais ca tsw kheev cov tuabneeg muaj tswvyim hab txawj ntse paub, kuas koj qha tej nuav tsua cov tuabneeg kws tsw txawj tsw ntse paub xwb. Txwv, koj yeej pum zoo ua le ntawm. 22 Kuv txwv tub muab ib puas tsaav yaam tsua kuv lawm. Tsw muaj leejtwg paub has tas, leej tub yog tug twg, tsuas yog leej txwv txha paub xwb. Hab tsw muaj leejtwg paub has tas, leej txwv yog tug twg, tsuas yog leej tub txha paub xwb, hab leej tub qha tsua cov twg, tes cov ntawm txha paub xwb. 23 Yexu txawm tig moog has tuab ywv tsua cov thwjtim has tas, tej kws mej pum le nuav, mas yog mej moov zoo hwv lauj. 24 Kuv qha tsua mej has tas, thau u cov xwbfwb kws cev Vaajtswv lug hab cov vaaj ntxwv ntau leej xaav pum tej kws mej pum nuav, kuas puab tsw pum. Puab xaav nov tej kws mej nov nuav, kuas puab tsw nov.
Tug tuabneeg Xamali sab zoo
25 Muaj ib tug xwbfwb kws qha Vaajtswv kevcai tuaj thom Yexu, saib tau chaw kom Yexu los tsw tau. Nwg nug Yexu has tas, xwbfwb, kuv yuav ua le caag kuv txha tau txujsa ntev moog ib txhws tsw kawg. 26 Yexu nug nwg has tas, Vaajtswv txuj lug qha le caag, koj nkaag sab le caag. 27 Tug hov teb has tas, kuv nkaag sab has tas, yug yuav tsum noog Yawmsaub tug kws yog yug tug Vaajtswv lug kawg sab kawg ntsws, kawg plaab kawg plawv hab kawg yug tug daag tug zug. Hab yug yuav tsum hlub kwvtij zej zog ib yaam le yug hlub yug lub cev. 28 Yexu has tsua nwg has tas, koj teb yog lawm lauj, koj ca le ua le ntawm koj txha tau txujsa. 29 Kuas tug xwbfwb kws qha Vaajtswv kevcai hov tsw xaav poob ntsej muag nwg txawm nug Yexu has tas, tug twg txha yog kuv le kwvtij. 30 Yexu teb has tas, muaj ib tug yawm saamswm taug kev ntawm lub nroog Yeluxalee moog tsua lub moos Yelikau, nwg moog txug ib ntog kev, txawm muaj ib paab tub saab lws nwg muab nwg tej rwg tsho hle taag huvsw, hab muab nwg ntaus yuav tuag tsua ntawm txujkev. 31 Tes txawm muaj ib tug pov thawj taug kev tuaj txug ntawm. Thaus nwg pum dheev tug hov nwg txawm zos kev dub muag qos txwg lawm, tsw quav ntsej le. 32 Ib ntswv txawm muaj ib tug yog cov Levi taug kev tuaj txug ntawm hab. Nwg txaav moog saib tug hov ib nyuas plag, nwg txawm ca le zos kev dub muag qos txwg moog lawm, nwg tsw quav ntsej le hab. 33 Kuas muaj ib tug tuabneeg Xamali taug kev tuaj txug ntawm, thaus nwg pum dheev tug kws tub saab ntaus, nwg txawm hlub tug hov heev. 34 Tes nwg txawm txaav zog moog saib, nwg muab roj hab muab kua txwv maab xwv laub tsua tug mob tej qhov kws to hab muab ntaub lug qhwv tsua. Nwg tsaws tug mob hov caij nwg tug luj txwv coj moog pw tom ib lub tsev su, mas muab tshuaj tsua tug mob hab tu tug mob hov. 35 Nub tom qaab tug tuabneeg Xamali txawm muab ob lub txaj maas tsua tug tswv tsev hov, hab nwg has tas, thov koj tu tug mob nuav, yog koj swv ob lub nyaj nuav taag tsw txaus, tes thaus kuv rov qaab lug kuv le maav ntxwv tsua koj. 36 Thaus Yexu has le hov taag Yexu txawm nug tug xwbfwb kws qha Vaajtswv kevcai hov has tas, koj swm xaav saib peb tug nuav, tug twg yog tug kws tub saab ntaus hov le kwvtij. 37 Tug xwbfwb teb has tas, tub yog tug kws hlub tug raug tub saab ntaus ntawm ntaag. Yexu txawm qha tsua nwg has tas, yog le ntawm koj ca le moog ua ib yaam nkaus le hov.
Yexu moog saib Matha hab Maivlag
38 Thaus Yexu hab Yexu cov thwjtim pheej moog, mas puab moog txug huv ib lub zog, mas muaj ib tug quaspuj npe hu ua Matha tawm tuaj hu Yexu moog su huv nwg tsev. 39 Nwg muaj ib tug nam hluas npe hu ua Maivlag. Maivlag lug nyob quas tsawg ntawm Yexu kwtaw noog Yexu qha. kO Matha muaj num ntau nwg kov tsw yeej, nwg ntxhuv sab tes nwg txawm lug has tsua Yexu has tas, xwbfwb, koj tsw pum los, kuv tug nam hluas ca kuv tuab leeg ua num xwb. Koj has kuas nwg lug paab kuv ua num los maj. 4 Yexu teb Matha has tas, Matha, Matha, koj txhawj hab ntxhuv sab tsua ntau yaam num kawg le los. kZ Qhov kws tseem ceeb tsuas muaj ib yaam xwb. Maivlag tub xaiv yaam kws zoo ntawm lawm tsw muaj leejtwg yuav muab tau yaam kws nwg muaj ntawm moog.
Yexu qha thov Vaajtswv
1 Muaj ib zag Yexu saamswm thov Vaajtswv ntawm ib qhov chaw. Thaus nwg thov taag, tes nwg ib tug thwjtim txawm has tsua nwg has tas, tug tswv, thov koj qha kuas peb paub thov Vaajtswv, ib yaam le kws Yauhaa tau qha tsua Yauhaa cov thwjtim lawm. 2 Yexu txawm qha tsua Yexu cov thwjtim has tas, thaus mej thov Vaajtswv mej yuav tsum thov le nuav has tas, Leej txwv, thov kuas suavdawg fwm koj lub npe. Thov koj lug kaav tuabneeg lub sab. 3 Thov koj naj nub pub mov tsua peb noj. 4 Thov koj zaam txem tsua peb vem peb tub zaam txem tsua txhua tug kws tau ua txhum tsua peb lawm. Thov koj tsw xob kheev ib yaam daabtsw lug ntxag kuas peb ua txhum. 5 Yexu qha nwg cov thwjtim has tas, yog mej cov leejtwg muaj ib tug kwvluag, thaus ib taag mo nwg moog tom tug kwvluag tsev thov has tas, npawg, thov txais koj ib taig mov tsua kuv, 6 muaj ib tug kwvluag dua kev tuaj su huv kuv tsev, kuv tsw tshuav mov tsua nwg noj lawm. 7 Yog tug npawg kws nyob huv tsev teb has tas, tsw xob tuaj taab kaum kuv, kuv tub laag qhov rooj lawm, kuv hab kuv cov mivnyuas tub pw taag lawm, kuv sawv tsw tau moog muab mov tsua koj. 8 Yog le ntawm, kuv qha tsua mej has tas, txawm yog ob tug ua kwvtij kwv npawg zoo npaum le caag los, nwg yeej yuav tsw sawv moog muab mov tsua tug nrau. Kuas vem qhov kws tug nrau pheej zuv quas zog thov le, tes tug huv yuav sawv moog muab tej kws tug nrau xaav yuav tsua tug nrau. 9 Vem le nuav kuv txha qha tsua mej has tas, mej yuav tsum thov mej txha le tau. Mej yuav tsum nrhav mej txha le ntswb. Mej yuav tsum hu, Vaajtswv txha le qheb qhov rooj tsua mej. 10 Txhua tug kws thov puab yuav tau, txhua tug kws nrhav puab yuav ntswb, hab txhua tug kws hu, Vaajtswv yuav qheb qhov rooj tsua puab. 11 Mej cov kws muaj mivnyuas lawm yog mivnyuas thov ntseg, leej txwv yuav muab naab tsua los. 12 Yog mivnyuas thov qai, leej txwv yuav muab raub rws teb tsua los. 13 Txawm yog mej yog tuabneeg txhum los mej tseem paub muab yaam kws zoo tsua mej tej mivnyuas. Yog le ntawm leej txwv kws nyob sau ntuj ceeb tsheej nwg yimfuab yuav ua zoo dua hov, nwg yuav pub nwg tug Ntsuj Plig tsua txhua tug kws thov nwg.
Puab has tas, daab pub fwjchim tsua Yexu
14 Thaus Yexu ntab tug daab kws ua tsua ib tug txwv neej has tsw tau lug tawm lawm, tug txwv neej hov txawm rov has tau lug. Mas cov tuabneeg coob coob kws nyob ntawm suavdawg xaav tsw thoob le. 15 Kuas puab cov hov muaj qee leej has tas, Npexenpu kws yog daab tug thawj pub fwjchim tsua nwg, nwg txha ntab tau daab tswv le ntawm. 16 Muaj qee leej xaav swm saib tau chaw kom Yexu los tsw tau, puab txawm thov Yexu ua ib yaam txujci tseem ceeb kws yuav qha tsua suavdawg paub has tas, nwg yog tug kws Vaajtswv khaiv lug. 17 Kuas Yexu tub paub tej kws puab xaav huv puab lub sab lawm, nwg txha has tsua puab has tas, yog muaj ib lub tebchaws tawg ua ob peb paab lawm, hab cov ntawm rov sws ntaus sws tua tes lub tebchaws ntawm yuav puam tsuaj moog. Hab yog tsev tuabneeg twg ua tsw sws hum, tes tsev tuabneeg ntawm yeej yuav tawg taag moog. 18 Yog Daab Ntxwg Nyoog cov ua tsw sws hum, tes puab yeej yuav nyob tsw tau ua ke. Mej has tas, Npexenpu pub fwjchim tsua kuv, kuv txha ntab tau daab. 19 Yog kuv ntab daab le kws mej has nuav, ua le ais mej cov thwjtim tsua ntab daab le caag. Mej cov thwjtim kws txawj ntab daab tub ua tsua mej paub lawm tas, mej xaav yuam kev lawm. 20 Tsw yog le kws mej has, kuas kuv muaj Vaajtswv tug fwjchim kuv txha ntab tau daab. Qhov ntawm ua tsua mej paub tseeb has tas, Vaajtswv tub lug kaav hov ntawm nuav lawm. 21 Yog muaj ib tug txwv neej muaj muaj zug nwg npaaj ntaaj rag txhwj zog zuv nwg lub tsev lawm, yeej tsw muaj leejtwg yuav moog nyag tau nwg tej hov txhua chaw. 22 Kuas yog muaj dua ib tug muaj zug heev dua nwg tuaj ntaus yeej nwg, tes tug hov yuav txeeb tau tej ntaa j rag kws nwg vaam khom huvsw moog, hab tej kws tug hov lws tau tug hov yuav coj moog sws faib. 23 Tug kws tsw yog kuv tog, tug ntawm yeej tawm tsaam kuv. Tug kws tsw paab kuv taav paab yaaj kuas lug ua ke, tes yeej yog tug hov ua tsua paab yaaj tswv tawg taag moog.
Daab rov qaab lug
24 Thaus daab tawm huv ib tug txwv neej lub cev moog lawm, daab txawm moog nrhav chaw su tom tej tebchaws moj saab qhua. Yog nwg nrhav tsw tau nwg yuav has tas, kuv yuav rov qaab moog tom kuv lub qub tse kws kuv tawm tuaj. 25 Tes nwg txawm rov lug txug lub qub tsev, ua cav tub tu du quas lug ca lawm. 26 Tug daab hov txawm rov moog coj tau xyaa tug daab kws phem heev dua nwg lug nrug nwg nyob huv lub tsev ntawm. Mas thaus kawg tug txwv neej hov yimfuab txom nyem heev dua thaus chiv thawj.
Tug kws tau moov zoo
27 Thaus Yexu has le hov taag, tes txawm muaj ib tug quaspuj kws nyob huv cov tuabneeg coob coob ntawm has nrov nrov tsua Yexu has tas, tug quaspuj kws yug koj hab pub mig tsua koj noj, nwg moov zoo kawg le. 28 Kuas Yexu teb has tas, ' tsw yog le koj has kos, cov tuabneeg kws nov Vaajtswv txujlug hab ua lawv le txujlug ntawm txha yog cov kws tau moov zoo.
Cov tuabneeg xaav pum txujci tseem ceeb
29 Thaus cov tuabneeg coob coob sws txwv quas qev tuaj sawv vej Yexu, Yexu txawm qha tsua puab has tas, tej tuabneeg txheej nuav ua phem kawg le. Puab xaav pum ib yaam txujci tseem ceeb, kuas yuav tsw muaj leejtwg ua tsua puab pum, tsuas yog puab yuav pum yaam txujci phemfwj kws muaj tsua Yauna lawm xwb. 30 Yauna ua tsua cov tuabneeg kws nyob huv lub moos Ninave paub tseeb has tas, Vaajtswv khaiv Yauna tuaj qha puab. lb yaam nkaus le ntawm Tuabneeg Leej Tub yuav ua tsua cov tuabneeg txheej nuav paub tseeb has tas, Vaajtswv khaiv nwg lug qha puab. 31 Thaus txug nub kws teem txem tug quaspuj kws thau u ua vaaj ntxwv kaav lub tebchaws nraag u yuav sawv quas ntsug pav cov tuabneeg txheej nuav qhov txhum, tsua qhov nwg yeej tuaj nraag qaab ntuj kawg tuaj noog vaaj ntxwv Xalaumoo kws muaj fwjchim tej lug qha. Kuv qha tsua mej has tas, muaj ib tug nyob ntawm nuav nwg tseem muaj fwjchim luj dua Xalaumoo hab. 32 Thaus txug nub teem txem cov tuabneeg kws thau u nyob huv lub moos Ninave yuav sawv quas ntsug pav mej qhov txhum, tsua qhov thaus puab nov Yauna qha, puab tub tso puab tej kev txhum tseg. Kuv qha tsua mej has tas, muaj ib tug nyob ntawm nuav nwg muaj fwjchim luj dua Yauna hab.
Lub cev kws kaaj quas lug
33 Tsw muaj leejtwg taws teeb ais yuav muab zais ca, lossws muab phaaj khwb tseg, nwg yeej yuav muab txawb tsua qhov sab sub cov tuabneeg kws tuaj huv tsev txha pum kev. 3 4 Mej lub qhov muag zoo le lub teeb kws ci tsua mej lub cev pum kev. Thaus mej lub qhov muag pum kev tseeb mej lub cev yeej yuav kaaj quas lug. Kuas thaus mej lub qhov muag pum kev tsw tseeb mej lub cev yeej yuav tsaus ntuj quas nti. 35 Yog le ntawm, mej yuav tsum ceev faaj zoo, tsaam tes qhov pum kev kws mej muaj lawm yuav tsaus quas nti moog. 36 Yog mej lub cev kaaj quas lug lawm, tes tsw muaj ib qhov tsaus le, mej yeej yuav ci ntsaa quas ab thoob plawg ib yaam le muaj duab teeb ci tuaj tsua mej.
Yexu thuaj cov Fa 1 ixai hab cov xwbfwb qha kevcai
37 Thaus Yexu qha taag muaj ib tug Falixai txawm hu Yexu moog nrug nwg noj mov, tes Yexu txawm moog huv tsev hab moog nyob ntawm rooj mov. 38 Thaus tug Falixai pum Yexu tsw ntxuav teg lawv le kevcai tsaiv le maav noj mov, nwg xaav tsw thoob le. 39 Yexu txawm has tsua nwg has tas, mej cov Falixai ib txwm ntxuav taig ntxuav phaaj saab nrau xwb, kuas huv mej lub sab muaj kev phem kev qas puv nkaus. 40 Ua le caag mej yuav ruag ua luaj le. Mej tsw paub los, Vaajtswv kws tswm saab nrau, nwg kuj yog tug kws tswm saab huv hab. 41 Mej ca le muab tej zaub mov kws nyob huv lub taig phaaj pub tsua cov tuabneeg pluag, mas txhua yaam kws mej muaj lawm txha le huv. 42 Cov Falixai, mej yuav raug kev txom nyem lauj. Mej muab puam hum hab luam laws hab txhua yaam txum lom ib feem huv kaum feem coj lug pub tsua Vaajtswv. Kuas mej tsua tsw ua tuabneeg ncaaj nceeg hab tsw noog Vaajtswv lug. Mej yuav tsum ua ob yaam nuav, hab tej kws mej tub ua lawm mej tsw xob tso tseg. 43 Cov Falixai, mej yuav raug kev txom nyem lauj. Mej nyam nyob tej rooj sab huv tej tsev sablaaj, hab thaus mej moog tom kab mej nyam kuas suavdawg fwm mej. 44 Mej yuav raug kev txom nyem lauj. Mej zoo ib yaam le lub ntxaa kws tsw muaj daabtsw ntaus cim tsua sau, es tuabneeg muab tsuj moog tsuj lug los puab tsw paub has tas, log tuabneeg tsua huv. 45 Muaj ib tug xwbfwb kws qha Vaajtswv kevcai has tsua Yexu has tas, xwbfwb, koj has le hov kuj yog koj thuaj peb hab los sas. 46 Yexu teb has tas, cov xwbfwb kws qha Vaajtswv kevcai, mej yuav raug kev txom nyem hab lauj. Mej muab lub nraa nyaav kws ceblaaj rws tsua suavdawg rws, kuas mej tub tsw cev mej ib tug nyuas ntiv teg moog paab tuav tej nraa ntawm le. 47 Mej yuav raug kev txom nyem lauj. Mej txhwm cov xwbfwb kws cev Vaajtswv lug tej ntxaa kuas zoo nkauj. Cov xwbfwb hov, tub yog cov kws mej puj koob yawm koob muab tua pov tseg lawm ntaag. 48 Tej kws mej ua ntawm tub ua tsua suavdawg pum tseeb has tas, mej nyam tej kws mej puj koob yawm koob ua lug lawm, tsua qhov mej puj koob yawm koob tau tua cov xwbfwb kws cev Vaajtswv lug, hab mej tub yog cov kws txhwm cov xwbfwb ntawm tej ntxaa ntaag. 49 Vem le nuav Vaajtswv tug tswvyim txha le has tas, Kuv yuav khaiv kuv cov tubkhai hab cov xwbfwb kws cev kuv lug moog qha puab, kuas cov xwbfwb hab cov tubkhai ntawm qee leej yuav raug puab muab tua, qee leej yuav raug puab muab tswm txom. 50 Cov tuabneeg txheej nuav yuav tsum rws lub txem kws cov tuabneeg txheej thau tau tua cov xwbfwb kws cev Vaajtswv lug. Cov xwbfwb ntawm yog cov kws raug tua tuag txwj thaus tswm ntuj tswm teb lug txug naj nub nwgnuav, 51 suav thaus Apee raug tua lug txug thaus Xakhaliya raug tua ntawm lub rooj kws txawb hov txhua chaw xyeem tsua Vaajtswv hab lub chaw zoo kem nruab nraab. Kuv qha tsua mej has tas, cov tuabneeg txheej nuav yuav tsum rws cov tuabneeg kws tua cov xwbfwb ntawm lub txem. 52 Cov xwbfwb kws qha Vaajtswv kevcai, mej yuav raug kev txom nyem lauj. Mej muab tug yuam swj kws qheb lub txhaab kws kaw tug tswvyim zais ca lawm. Txawm yog mej los mej tsw moog huv, yog lwm tug yuav moog huv mej tseem txwv tsw kheev puab moog hab. 53 Thaus Yexu tawm huv tug Falixai hov lub tsev moog, mas cov xwbfwb kws qha Vaajtswv kevcai hab cov Falixai txawm chiv tshev Yexu heev heev le, hab puab thuaj Yexu ntau qhov 54 saib Yexu yuav has le caag, puab txha tau chaw kom Yexu.
Ceev faaj cov tuabneeg sab phem
1 Thaus ntawm muaj tuabneeg coob coob ntau txheeb leej tuaj sawv ua ke nyob sws txwv quas qev, puab ib leeg tsuj ib leeg kwtaw, Yexu txawm ca le has tsua cov thwjtim has tas, mej yuav tsum ceev faaj Falixai cov keeb, kuv has le nuav yog kuv pev txug qhov kws cov Falixai lub sab phem. 2 Tej kws tuabneeg muab npug ca lawm yeej yuav muaj tug muab nthuav lug tsua suavdawg saib, hab tej kws tsw muaj leejtwg paub yeej yuav muaj tug muab lug qha tsua suavdawg. 3 Yog le ntawm, txhua yaam kws mej has huv qhov tsaus ntuj, yeej yuav muaj tug muab tej hov lug qha tsua suavdawg huv qhov pum kev, hab txhua lu lug kws mej sws ntxhw huv tsev yeej yuav muaj tug muab tej ntawm coj moog qha nrov nrov nrau zoov.
Yuav ntshai leejtwg (Mth 10:28-31)
4 Cov kwvtij, kuv qha tsua mej has tas, mej tsw xob ntshai tug kws tua tau mej lub cev xwb, kuas nwg yeej ua tsw tau ib yaam daabtsw tshaaj qhov ntawm tsua mej lawm. 5 Kuv yuav qha tsua mej has tas, mej yuav tsum ntshai leejtwg. Mej yuav tsum ntshai Vaajtswv kws muaj fwjchim tua tau mej, hab muab tau mej pov tsua huv ntuj tawg kub. Kuv qha tsua mej has tas, mej yuav tsum ntshai Vaajtswv. 6 Tej noog piv kws puab muag tom kab, tswb tug puab nyav muag ob lub txaj toog xwb. Txawm yog ib tug nyuas piv xwb los Vaajtswv yeej saib ntsoov. 7 Txawm yog mej tej plaub hau los Vaajtswv tub suav txhuaNtxuj huv tuab sw lawm. Yog le ntawm mej tsw xob ntshai, mej tseem muaj nqes heev dua ntau tug noog piv.
Tug kws taab meeg leeg tas nwg ntseeg
8 Kuv qha tsua mej has tas, leejtwg taab meeg leeg tsua suavdawg has tas, nwg ntseeg kuv, tes Tuabneeg Leej Tub yuav leeg yuav tug hov tsua ntawm Vaajtswv cov tubkhai xub ndag. 9 Kuas yog leejtwg taab meeg has tsua suavdawg has tas, nwg tsw ntseeg kuv, tes Tuabneeg Leej Tub yuav tsw leeg yuav tug hov tsua ntawm Vaajtswv cov tubkhai xub ndag. 10 Yog leejtwg thuaj Tuabneeg Leej Tub, Vaajtswv yuav zaam tau tug ntawm lub txem. Kuas yog leejtwg has lug saib tsw taug Vaajtswv tug Ntsuj Plig, Vaajtswv yuav zaam tsw tau tug ntawm lub txem. 11 Thaus muaj tuabneeg nrhav lug tsua mej hab coj mej moog tom tsev tu plaub lossws coj mej moog cuag num cuag tswv, mej tsw xob txhawj has tas, mej yuav teb le caag hab mej yuav daws le caag. 12 Thaus hov Vaajtswv tug Ntsuj Plig yuav qha tsua mej paub teb.
Tug nplua nuj ruag
13 Muaj ib tug txwv neej nyob huv paab tuabneeg coob coob hov has tsua Yexu has tas, xwbfwb, thov koj paab has kuas kuv tug tijlaug faib kuv nam kuv txwv tej qub txeeg qub teg tsua kuv hab. 14 Yexu teb nwg has tas, leejtwg tsaa kuv ua tug txav txem faib qub txeeg qub teg tsua meb. 15 Yexu txawm has tsua suavdawg has tas, mej yuav tsum ceev faaj zoo tsw xob ca mej lub sab ntshaw yaam u yaam nua, txawm yog yug muaj nyaj txag hov txhua chaw ntau npaum le caag los tej hov yeej paab tsw tau yug txujsa. 16 Yexu txawm qha ib zaaj pev lug tsua puab has tas, muaj ib tug nplua nuj nwg muaj laj muaj teb zoo, nwg sau tau qoob loos ntau ntau. 17 Nwg txawm xaav huv nwg lub sab has tas, kuv yuav ua le caag ne, kuv tsw muaj chaw txaus rau kuv tej qoob loos nuav. 18 Nwg xaav has tas, ab, kuv yuav ua le nuav txha zoo. Kuv yuav lauj kuv tej qub txhaab es muab ua dua tshab kuas luj dua cov qub, txha txaus ntim kuv tej qoob loos hab hov txhua chaw huvsw. 19 Thaus kuv ua tav lawm, kuv yuav has tsua kuv lub sab has tas, koj muaj moo heev. Koj tub muaj ib puas tsaav yaam txhwj zog kaav ntau xyoo lawm. Koj ca le su hab nyob noj nyob haus tsw xob txhawj tso sab plhuav lauj. 20 Kuas Vaajtswv has tsua tug nplua nuj hov has tas, tug nam tuabneeg ruag, mo nuav koj txujsa tub yuav tu moog, es tej hov txhua chaw kws koj npaaj tseg ntawm yuav ua leejtwg tug. 21 Yexu txawm xaus lug has tas, ib yaam nkaus le ntawm, yog tug twg npaaj nyaj txag hov txhua chaw ntau ntau lug ua nwg tug kuas nwg nplua nuj, Vaajtswv tsw suav has tas, tug hov yog ib tug tuabneeg nplua nuj.
Xob txhawj, yuav tso sab tsua Vaajtswv
22 Yexu txawm has tsua nwg cov thwjtim has tas, vem le hov kuv txha qha mej has tas, mej tsw xob txhawj has tas, yuav tsum muaj zaub muaj mov noj txha nyob taug, lossws yuav tsum muaj rwg tsho naav. 23 Tsua qhov txujsa yeej tseem ceeb dua mov noj, hab lub cev tseem ceeb dua tej rwg tsho naav. 24 Mej swm xaav saib cov uab voj yeej tsw cog qoob cog loo, hab tsw hlais tsw sau, tsw muaj txhaab tsw muaj phawv ntim qoob loos ca. Los cav Vaajtswv tub yug cov uab ntawm, mej tseem muaj nqes heev dua tej noog ntawm los sas. 25 Sub mej tej kev txhawj hov nim paab tau kuas mej txujsa nyob ob peb xyoos ntxwv hab. 26 Yog tej nyuas miv miv nuav mej tub ua tsw tau ais mej tseem yuav moog txhawj lwm yaam ua daabtsw. 27 Mej swm ua tuab zoo xaav saib tej paaj ntoos tawg le caag, tej paaj ntoos tub tsw ua num, tsw ntus ntaub naav. Kuv qha tsua mej has tas, txawm yog vaaj ntxwv Xalaumoo muaj nyaj txag ntau kawg le los nwg tub tsw tau naav ib cev rwg tsho zoo nkauj npaum le ib lub nyuas paaj ntoo nuav. 28 Vaajtswv tub pub tsua tej nroj tsuag zoo nkauj ua luaj, kuas tej nroj tsuag hov tsuas yog nyob nub nua xwb, pigkig tub yuav muab pov hlawv tsua huv qhov cub. Yog le ntawm Vaajtswv yimfuab yuav pub tsua mej naav zoo dua le tej nroj tsuag hov hab los kaj. Ua le caag mej tseem yuav tsw tso sab. 29 Mej tsw xob naj nub txhawj has tas, yuav moog nrhav daabtsw lug noj lug haus. 30 Cov tuabneeg kws tsw ntseeg Vaajtswv puab naj nub nrhav tej nuav. Kuas mej leej txwv yeej paub lawm tas, mej yuav tsum muaj tej nuav hab. 31 Kuas mej yuav tsum ca Vaajtswv kaav mej lub sab tsaiv, nwg le maav muab tej nuav tsaav tsua mej.
Khaws nyaj txag ca sau ntuj
32 Txawm yog mej paajs muaj tsw coob los mej tsw xob txhawj, tsua qhov mej leej txwv tub pum zoo coj mej lug ua nwg cov tuabneeg lawm. 33 Mej ca le muab mej tej hov txhua chaw muag hab muab cov nyaj ntawm faib tsua cov tuabneeg pluag. Mej yuav tsum moog yuav lub naab rau nyaj kws tsw txawj qub lug tsua mej. Lub naab hov yog sau ntuj ceeb tsheej, qhov ntawm yog qhov chaw kws mej yuav khaws mej tej nyaj txag hab hov txhua chaw ca. Tej hov txhua chaw kws nyob ntawm yeej tsw poob nqe hab tub saab moog nyag tsw tau, hab ntsaum kaab rws moog noj tsw tau. \\h Mej tej nyaj txag hab hov txhua chaw nyob hov twg, mej lub sab yeej nyob hov ntawm.
Tug qhev kws zuv tog
35 Mej yuav tsum sa hlaab khov kho, hab taws teeb tog tej xwm txheej kws yuav muaj lug 36 ib yaam nkaus le cov tub qhe tog tug tswv kws moog noj tshoob lawm. Thaus tug tswv lug hu, tes taamswm ntawm cov tub qhe txha qheb hlo qhov rooj tsua nwg. 37 Thaus tug tswv rov lug pum cov tub qhe tseem zuv tog, mas cov tub qhe hov yuav tau ntsej muag. Kuv qha tsua mej has tas, tug tswv hov yuav sa hlaab khov kho hab yuav kuas cov tub qhe lug nyob ntawm rooj, hab nwg yuav ua tug saib zaub saib mov tsua cov tub qhe noj. 38 Txawm yog tug tswv lug thaus ib taag mo los yog, thaus qab qua thawj tswg los yog, yog nwg pum cov tub qhe tseem zuv tog, tes cov tub qhe ntawm yuav tau ntsej muag. 39 Mej yuav tsum ncu ntsoov tas, yog tug tswv tsev xub paub ua ntej has tas, thaus twg tub saab yuav tuaj, nwg yeej yuav zuv tog tsw kheev tub saab tuaj nyag tau hov txhua chaw huv nwg tsev. 40 Txawm yog mej los mej yuav tsum zuv tog hab, tsua qhov lub swmhawm kws mej tsw ncu ceev faaj, Tuabneeg Leej Tub yuav lug lub swmhawm hov ntaag.
Tug tub qhe ncaaj hab tug kws tsw ncaaj
41 Pestus nug Yexu has tas, tug tswv, zaaj pev lug kws koj has kos, koj has tsua peb los koj has tsua puab. 42 Yexu teb has tas, tug tub qhe kws ncaaj nceeg hab muaj tswvyim, tug tswv yuav muab tug ntawm tsaa ua tug hlub saib tug tswv cov tub qhe, hab thaus txug swmhawm noj, tes tug hov yuav ua tug kws ntaus zaub ntaus mov tsua cov tub qhe noj. 43 Thaus tug tswv rov qaab lug tsev es pum tug tub qhe hov saamswm ua teg num nuav, tes tug tub qhe hov yuav tau ntsej muag. 44 Kuv qha tseeb tseeb tsua mej has tas, tug tswv yuav tsaa tug tub qhe hov ua tug saib tug tswv lub vaag lub tse hab hov txhua chaw huvsw. 45 Kuas yog tug tub qhe ntawm xaav has tas, tseem tshuav ntev kuv tug tswv le maav lug, tes nwg txawm luaj zug muab cov tub qhe hov ntaus, tsw has quaspuj quasyawg huvsw, hab nwg tshawb zaub tshawb mov coj lug noj tsau haus qaug, 46 nwg tsw paub sov tug tswv yuav lug nub twg hab lub swmhawm twg mas nwg tsw ceev faaj. Tes thaus ntawm tug tswv yuav lug txug, mas tug tswv yuav muab tug tub qhe hov hlais ua tej dwb daim kuas nwg raug kev txom nyem ib yaam le cov tuabneeg kws tsw noog lug. 47 Tug tub qhe kws paub nwg tug tswv lub sab lawm, kuas nwg tsw saib saib nwg tug tswv yuav yuav daabtsw, hab nwg tsw ua lawv le nwg tug tswv lub sab nyam, mas tug tub qhe hov yuav maag nplawm heev. 48 Kuas tug tub qhe kws tsw paub nwg tug tswv lub sab, txawm yog nwg ua txhum txaus nplawm heev lawm los nwg yuav maag nplawm tsawg. Tug kws tau ntau tug ntawm yuav tsum pauj ntau. Tug kws tau ntau dua yuav tsum pauj ntau dua.
Yexu ua kuas tuabneeg tsw sws hum
49 Qhov kws kuv lug yog lug ua kuas muaj suav tawg hlawv nplajteb, hab kuv xaav kuas suav tawg cig plawg taamswm nuav ntaag. 50 Kuv ntxhuv sab kawg le vem qhov kws kuv yuav raug kev tswm txom, mas kuv yuav ntxhuv sab moog txug thaus kws tej hov dhau taag lawm. 51 Mej xaav has tas, kuv lug nuav yog kuv lug ua kuas tuabneeg nplajteb nyob sws hum los. Kuv qha tsua mej has tas, tsw yog le ntawm, kuv lug ua kuas tuabneeg nyob tsw sws hum xwb. 52 Txwj nuav moog tsev tuabneeg kws muaj tswb leeg nyob ua ke, puab yuav tawg. Peb leeg yuav tiv ob leeg, ob leeg yuav tiv peb leeg. 53 Txwv yuav tiv tub, tub yuav sawv twv txwv. Nam yuav tiv ntxhais, ntxhais yuav sawv twv nam, puj yuav tiv nyaab, nyaab yuav sawv twv puj.
Paub caij paub nyoog
54 Yexu txawm has tsua cov tuabneeg suavdawg has tas, thaus mej pum fuab tsaus quas nti saab nub poob lug, taamswm ntawm mej has tas, yuav lug naag lauj, tes txawm muaj le ntawm tag. 55 Hab thaus mej pum cua ntsawj saab nraag tuaj mej has tas, tub yuav txug lub caij ntuj kub lauj, tes txawm muaj le ntawm tag. 56 Cov nam tuabneeg sab phem mej txawj saib fuab saib cua has tas, yuav muaj le nuav le u, kuas ua le caag tej kws naj nub nuav muaj lawm me j tsua tsw txawj saib.
Has kuas rov sws hum
57 Ua le caag mej tsw ua tuab zoo xaav zoo zoo has tas, mej yuav ua yaam twg txha le zoo. 58 Yog koj nrug leejtwg muaj lug es tug hov yuav coj koj moog cuag num cuag tswv, tes thaus meb saamswm taug kev moog tsw tau txug, koj ca le thov kuas meb rov sws hum, tsaam tes tug hov tsua coj koj moog cuag tug tu plaub, tes tug tu plaub yuav muab koj tsua tug tub ceev xwm, tes tug tub ceev xwm yuav muab koj kaw tsua huv tsev loj faaj. 59 Kuv qha tsua koj has tas, koj yeej yuav tawm tsw tau hov ntawm moog txug thaus koj them nuj them nqe taag huvsw tsaiv koj le maav tau tawm.
Tso kev txhum tseg
1 Thaus hov cov tuabneeg kws nyob ntawm muaj qee leej qha tsua Yexu noog txug zaaj kws Phi laj tau muab cov tuabneeg Kalilai tua tsua thaus cov tuabneeg hov saamswm tua tsaj xyeem tsua Vaajtswv. 2 Yexu teb puab has tas, cov tuabneeg Kalilai kws raug tua le ntawm mej xaav has tas, puab muaj txem luj dua cov tuabneeg Kalilai huvsw nua los. 3 Tsw yog le hov. Kuv qha tsua mej has tas, yog mej tsw tso mej txujkev txhum tseg mej yuav tuag taag huvsw ib yaam le puab cov ntawm hab. 4 Kaum yim leej kws tsev pob zeb qaug lug ntaus tuag taag tom Xilauya, mej xaav has tas, puab cov hov ua txhum luj dua txhua tug kws nyob huv lub nroog Yeluxalee los. 5 Tsw yog le ntawm. Kuv qha tsua mej has tas, yog mej tsw tso mej tej kev txhum tseg mej yuav tuag taag huvsw ib yaam le puab cov ntawm hab.
Tsob cua kws tsw txw txwv
6 Yexu txawm qha ib zaaj pev lug tsua puab noog has tas, muaj ib tug yawm muaj ib tsob txwv cua nyob huv nwg lub vaaj txwv maab. Muaj ib nub nwg moog saib txw txwv los tsw txw, kuas nwg tsw pum ib lub txwv le. 7 Nwg txawm has tsua tug kws tu lub vaaj ntawm has tas, koj swm saib, kuv tuaj saib tsob txwv cua nuav tau peb xyoo lawm, kuas kuv tsw pum txw ib lub txwv le. Koj ca le muab ntuv pov tseg, yuav ca nyob ntxoov aav ua daabtsw. 8 Kuas tug kws tu lub vaaj teb has tas, tug tswv, thov ca nyob ib xyoos hab, es kuv yuav khawb aav npoog hab rau chiv tsua. 9 Yog lwm xyoo es txw lawm kuj zoo, yog tsw txw koj le maav muab ntuv pov tseg.
Nub su Yexu khu tug puj khoov duav
10 Muaj ib nub yog nub su Yexu saamswm qha huv ib lub tsev sablaaj. 11 Muaj ib tug quaspuj raug daab tau kaum yim xyoo nyob ntawm hab. Daab ua tsua nwg khoov duav mas nwg sawv tsw tau ntseg. 12 Thaus Yexu pum tug puj hov, Yexu hu nwg lug hab has tsua nwg has tas, mivntxhais, koj tug mob tub zoo lawm lauj. 13 Yexu cev hlo teg moog npuab nkaus tug puj hov, tes taamswm ntawm tug puj hov txawm sawv tau ntseg hab nwg qhuas Vaajtswv. 14 Tug kws saib lub tsev sablaaj pum Yexu khu mob tsua nub su nwg chim heev. Nwg txawm has tsua cov tuabneeg kws nyob ntawm has tas, tub muaj rau nub tsua peb ua num, ua caag rau nub hov mej tsua tsw tuaj khu, es nub su nuav mej tsua tuaj khu. 15 Yexu teb nwg has tas, cov nam tuabneeg phem , nub su mej yeej daws nyuj daws neeg caab tawm huv nkuaj moog haus dej los sas. 16 Tug puj nuav yog Aplahaa xeeb ntxwv, mas Daab Ntxwg Nyoog tub muab nwg khi tau kaum yim xyoo lug lawm, nub su tseem tsw tswm nyog daws kuas nwg dim hab los. 17 Thaus Yexu teb le nuav taag, tes cov tuabneeg kws ua yeeb ncuab tsua Yexu poob ntsej muag kawg le, kuas cov tuabneeg kws tau pum tej txujci phemfwj kws Yexu ua lawm, puab zoo sab kawg le.
Lub noob zaub
18 Hab Yexu qha has tas, qhov kws Vaajtswv lug kaav tuabneeg lub sab mas zoo le caag, kuv yuav muab pev tsua yaam twg txha le raug. 19 Qhov ntawm zoo ib yaam le lub noob zaub kws miv dua ndais kws muaj ib tug coj moog cog tsua huv nwg lub vaaj, tes lub noob zaub hov txawm tuaj hab hlub tau ua ib tsob nam luj luj mas noog lug ua zeg tsua sau tej ceg.
Cov keeb
20 Yexu rov qaab has dua has tas, qhov kws Vaajtswv lug kaav tuabneeg lub sab, kuv yuav muab pev tsua yaam twg txha le raug. 21 Qhov hov zoo ib yaam le cov keeb kws ib tug quaspuj muab xyaw tsua peb sab moov nplej. Mas cov keeb hov ua tsua cov moov nplej su taag nrho huvsw.
Lub qhov rooj nqaim
22 Thaus Yexu saamswm taug kev moog nraag lub nroog Yeluxalee, nwg moog qhuab qha txhua nrho txhua lub moos hab txhua lub zog. 23 Mas muaj ib tug nug Yexu has tas, xwbfwb, cov tuabneeg kws yuav dim lub txem muaj tsawg tsawg xwb los. Yexu teb puab suavdawg has tas, 24 mej yuav tsum ua tag txeem lub qhov rooj nqaim moog lawm saab huv. Kuv qha tsua mej has tas, muaj ntau leej xaav moog tsua huv kuas puab moog tsw tau. 25 Thaus tug tswv tsev tub sawv tseeg kaw qhov rooj lawm, mej le moog sawv saab nrau khob qhov rooj hab hu has tas, tug tswv, thov qheb qhov rooj tsua peb o. Tug tswv tsev yuav teb mej has tas, kuv tsw paub sov mej tuaj hov twg tuaj. 26 Thaus ntawm mej yuav teb has tas, peb tub nrug koj noj koj haus ua ke, hab koj tub tuaj qha huv peb lub moos ne. 27 Tug tswv tsev yuav rov qaab has tsua mej has tas, kuv tsw paub sov mej tuaj hov twg tuaj. Cov nam tuabneeg phem mej ca le tswv moog. 28 Thaus mej pum Aplahaa hab Yiha hab Yakhauj hab cov xwbfwb kws cev Vaajtswv lug txhua tug puav leej nyob huv Vaajtswv lub tebchaws, tes thaus ntawm mej cov kws raug moog nyob saab nrau yuav quaj qw qes nav quas qawv. 29 Yuav muaj tuabneeg tuaj saab nub tuaj tuaj, hab tuaj saab nub poob tuaj, hab tuaj saab peg hab saab nraag tuaj, tuaj nyob ua ke ntawm rooj mov huv Vaajtswv lub tebchaws, 30 mas thaus hov tug kws nyob tom tw yuav tau lug ua tug thawj, hab tug kws nwgnuav ua tug thawj yuav tau moog nyob tom tw.
Yexu hlub cov tuabneeg huv Yeluxalee
31 Tuab lub swmhawm hov cov Falixai qee leej tuaj has tsua Yexu has tas, koj ca le tswv tawm qhov nuav moog lawm lwm qhov, vaaj ntxwv Helauj yuav muab koj tua pov tseg nua. 32 Yexu teb puab has tas, mej ca le moog qha tsua tug nam maa ntawm has tas, nub nua hab pigkig kuv saamswm ntab daab tawm hab khu tej tuabneeg muaj mob. Nub peb kuv teg num le maav tav. 33 Txawm yog le caag los xwj, nub nua hab pigkig hab quas neeg kuv yeej yuav tsum taug kev moog lawm nraag, tsua qhov yeej tsw tswm nyog yuav muab ib tug xwbfwb kws cev Vaajtswv lug tua tsua lwm qhov le, tswm nyog muab tua tsua huv lub nroog Yeluxalee xwb. 34 Yeluxalee, Yeluxalee, koj muab cov xwbfwb kws cev Vaajtswv lug tua pov tseg, koj xuas pob zeb ntaus cov tubkhai kws Vaajtswv khaiv lug qha koj. Muaj ntau zag kuv tub yuav muab koj cov pejxeem lug puag, ib yaam le tug puj qab cuab cov mivnyuas qab lug puag. Kuas koj tsw kaam ca kuv ua le ntawm. 35 Nwgnuav Vaajtswv yuav muab koj tso tseg. Kuv qha tsua koj has tas, koj yuav tsw pum kuv moog txug nub kws koj yuav has tas, thov Vaajtswv foom moov tsua tug kws Vaajtswv khaiv lug.
Yexu khu tug kws teg taw o o
1 Muaj ib nub yog nub su Yexu moog noj mov huv cov Falixai ib tug thawj tsev, mas cov tuabneeg saib quas ntsoov tsua Yexu. 2 Muaj ib tug yawm tej teg taw xaab xaab o o lug cuag Yexu. 3 Yexu txawm nug cov xwbfwb kws qha Vaajtswv kevcai hab cov Falixai has tas, peb kevcai kheev peb khu mob nub su los tsw kheev. 4 Kuas puab tsw teb le caag le. Yexu txawm ntsab nkaus tug yawm hov lug mas khu nwg tug mob zoo lawm. Thaus nwg tug mob zoo lawm tes Yexu txawm kuas nwg rov moog tsev. 5 Yexu txawm has tsua puab has tas, yog nub su mej cov leejtwg muaj ib tug mivtub lossws ib tug nyuj poob tsua huv qhov dej lawm, sub mej tsw moog muab rhu lug. 6 Kuas puab teb tsw taug Yexu lu lug ntawm le.
Tug kws ua qhua noj mov
7 Yexu pum cov tuabneeg kws tuaj noj mov muaj qee leej xaiv lub rooj sab nyob xwb. Yexu txawm qha ib zaaj pev lug has tas, 8 thaus muaj tuabneeg hu koj moog noj tshoob, tsw xob xub moog nyob lub rooj sab. Tsaam tes tug tswv tsev tub hu dua ib tug kws tswm txaj dua koj tuaj hab, 9 tes tug tswv tsev yuav lug has tsua koj has tas, ca tug nuav nyob ntawm kos, tes thaus hov koj yuav txaaj muag heev hab koj yuav tau moog nyob tom tw rooj. 10 Yog thaus muaj tuabneeg hu koj moog noj mov, koj yuav tsum xub moog nyob tom tw rooj, thaus tug tswv lug nwg yuav hu koj has tas, npawg, koj ca le lug nyob lub rooj sab nuav. Nwg has le hov, tes cov tuabneeg kws nrug koj noj mov ua ke puab yuav pum tas, koj tau ntsej muag. 11 Tug kws khaav theeb has tas, nwg yog tug muaj fwjchim lawm, Vaajtswv yuav muab tug ntawm tug fwjchim txu moog. Kuas tug kws txu nwg tug fwjchim, Vaajtswv yuav pub kuas tug hov tau fwjchim. 12 Yexu txawm has tsua tug tswv tsev hov has tas, thaus koj muaj rooj noj rooj haus, tsw has noj sus los yog, noj mo los yog, tsw xob naj zag moog hu koj tej kwvtij kwv npawg hab tej tuabneeg zej zog kws nplua nuj tuaj xwb, tsua qhov puab yeej yuav ua ib rooj rov pauj tsua koj. 13 Thaus koj muaj noj muaj haus koj yuav tsum moog hu tej tuabneeg pluag, tej tuabneeg qhuav teg qhuav taw, tej tuabneeg ceg tawv, tej tuabneeg dig muag tuaj noj, 14 koj txha le tau koob tau moov, tsua qhov cov tuabneeg ntawm pauj tsw taug koj txaj ntswg. Kuas thaus Vaajtswv tsaa cov tuabneeg ncaaj nceeg sawv huv qhov tuag rov qaab lug, Vaajtswv yuav muab nqe zug hab yeeb koob tsua koj.
Tug kws ua ib rooj mov luj
15 Muaj ib tug kws nrug Yexu nyob ntawm rooj mov nov Yexu has le hov, nwg txawm has tsua Yexu has tas, cov kws tau moog nyob noj mov huv Vaajtswv lub tebchaws mas yuav zoo sab kawg le lauj. 16 Yexu has tsua nwg has tas, muaj ib tug txwv neej ua ib rooj mov luj, mas nwg moog hu ntau leej tuaj noj. 17 Thaus txug swmhawm noj lawm nwg khaiv nwg ib tug tub qhe moog hu cov tuabneeg kws nwg tub xub has lawm. Nwg has kuas tug tub qhe ntawm moog hu puab has tas, mej ca le tuaj, peb tub rau mov txhwj lawm. 18 Kuas cov tuabneeg ntawm txhua tug has ib yaam nkaus has tas, ntshai kuv tsw kwg tuaj huas. Thawj tug has tsua tug tub qhe ntawm has tas, kuv yuav tau ib thaaj laj ca lawm kuv yuav moog saib. Koj rov moog has tsua koj tug tswv has tas, tsw xob tu sab. 19 Muaj dua ib tug has tas, kuv yuav tau kaum tug nyuj ca lawm, kuv saamswm yuav moog muab kuv cov nyuj swm saib txawj laij lag los tsw txawj. Koj rov moog has tsua koj tug tswv has tas, tsw xob tu sab. 20 Muaj dua ib tug has tas, kuv nyav yuav quaspuj, ntshai kuv tsw kwg tuaj. 21 Tug tub qhe rov moog qha tej nuav tsua tug tswv. Tug tswv chim heev nwg txawm has tsua tug tub qhe has tas, koj kawg kag moog tom tej kev luj kev miv huv moos es coj tej tuabneeg pluag, tej tuabneeg qhuav teg qhuav taw, tej tuabneeg dig muag hab tej tuabneeg ceg tawv tuaj noj. 22 Thaus tug tub qhe kws moog hu rov qaab lug, nwg has tsua nwg tug tswv has tas, kuv tub ua lawv le kws koj qha tsua kuv taag lawm, kuas tseem tshuav chaw nyob hab. 23 Tug tswv txawm has tsua tug tub qhe hov has tas, koj ca le moog txhua txhua txuj hauv kev, koj ntswb leejtwg koj ca le muab nwg nqug lug nyob kuas puv kuv tej rooj. 24 Kuv qha tsua mej suavdawg has tas, cov tuabneeg kws kuv xub hu 'lawm tsw muaj ib tug yuav tau saaj kuv rooj mov hlo le.
Yuav ua caag txha ua tau Yexu thwjtim
25 Muaj tuabneeg coob coob nrug Yexu ua ke moog. Yexu txawm tig hlo moog has tsua puab has tas, 26 yog leejtwg yuav lug cuag kuv, tug ntawm yuav tsum noog kuv lug heev dua le nwg noog nwg nam nwg txwv, nwg quaspuj mivnyuas, nwg kwv nwg tij, nwg nkauj nwg muam lug, hab nwg noog kuv lug heev dua le kws nwg yuav ua lawv le nwg lub sab nyam, mas nwg txha le ua tau kuv thwjtim. 27 Yog tug twg tsw kwv nwg tug ntoo khaublig nrug kuv moog, tug hov ua tsw tau kuv le thwjtim. 28 Yog mej cov muaj ib tug yuav ua ib lub tsev pob zeb, nwg yuav tsum xub nyob quas tsawg ua tuab zoo xaav zoo zoo saib yuav swv nyaj npaum le caag hab nwg muaj nyaj txaus ua los tsw txaus. 29 Yog nwg tsw xub ua le ntawm, tsaam tes thaus nwg txhus tau neej lawm, nwg yuav ua tsw tav, tes cov tuabneeg kws pum tej ntawm yuav thuaj nwg. 30 Puab yuav has tas, tug yawm nuav nwg chiv ua kuas nwg ua tsw tau kuas tav. 31 Hab yog muaj ib tug vaaj ntxwv kws muaj ib vaam tug tub rog, thaus nwg yuav moog ua rog tsua ib tug vaaj ntxwv kws muaj ob vaam tug tub rog nwg yeej yuav xub ua tuab zoo xaav zoo zoo tsaiv saib nwg cov tub rog yuav moog ntaus yeej ob vaam leej ntawm los tsw yeej. 32 Yog nwg xaav has tas, ntshai peb yuav moog ntaus tsw yeej puab, tes thaus ob tug tseem nyob deb, nwg yuav tsum xub khaiv tuabneeg moog thov kuas ob tog sws raug zoo. 33 Yexu xaus lug has tas, ib yaam nkaus le hov, yog tug twg tsw kaam tso ib puas tsaav yaam tseg, tug ntawm ua tsw tau kuv le thwjtim.
Cov ntsev kws tsuag lawm
34 Ntsev yog yaam kws zoo, kuas yog ntsev tsuag lawm, tsw muaj leejtwg yuav txawj ua kuas rov qaab daw tau. 35 Cov ntsev ntawm tsw zoo swv ua daabtsw. Muab rau aav los tsw txawj ua kuas aav zoo. Muab xyaw tsua lwm yaam chiv los kuj tsw muaj qaabhau, tsuas muaj kws yuav muab pov tseg xwb. Yog leejtwg muaj qhov ntsej ca le khaws zaaj nuav ca.
Tug yaaj kws pluj lawm
1 Muaj ib zag cov tuabneeg sau se hab cov tuab neeg muaj txem tuaj noog Yexu qha. 2 Cov Falixai hab cov xwbfwb kws qha Vaajtswv kevcai txawm ywg ywg has tas, tug nuav nrug cov nam tuabneeg ua txhum thaam hab nrug puab noj mov ua ke. 3 Yexu txawm has ib zaaj pev lug tsua puab noog has tas, 4 Yog mej cov leejtwg muaj ib puas tug yaaj, yog ib tug pluj lawm, tug tswv yuav ua le caag. Nwg yeej yuav tso plhuav nwg cuaj caug cuaj tug yaaj tsua tom tshaav zaub, tes nwg yuav moog nrhav tug kws pluj lawm kuas tau. 5 Thaus nwg nrhav tau lawm, nwg zoo sab kawg nwg txawm ntsab nkaus tug yaaj tsua sau nwg xub pwg 6 kwv lug tsev. Nwg txawm hu kwvtij zej zog suavdawg tuaj. Nwg has tsua puab has tas, mej ca le nrug kuv zoo sab, kuv tub moog nrhav tau kuv tug yaaj kws pluj lawm. 7 Yexu has tas, ib yaam nkaus le hov yog ib tug tuabneeg muaj txem tso nwg tej kev txhum tseg lawm, cov tubkhai sau ntuj yuav zoo sab tsua tug ntawm heev dua le zoo sab tsua cuaj caug cuaj tug kws puab has tas, puab yog tuabneeg zoo lawm tsw taag puab yuav tso puab tej kev txhum tseg.
Maas nyaj kws poob lawm
8 Los sws muaj ib tug quaspuj nwg muaj kaum maas nyaj. Yog ib maas poob lawm, nwg yuav ua le caag. Nwg yeej yuav taws teeb, cheb tsev hab tshawb nrhav txhua qhov kuas tau maas nyaj ntawm. 9 Thaus nrhav tau lawm, nwg txawm hu kwvtij zej zog suavdawg tuaj, nwg has tsua puab has tas, kuv tub nrhav tau kuv maas nyaj kws poob lawm, mej ca le nrug kuv zoo sab. 10 Yexu has tas, ib yaam nkaus le hov yog ib tug tuabneeg muaj txem tso nwg tej kev txhum tseg lawm, Vaajtswv cov tubkhai sau ntuj yuav zoo sab kawg nkaus tsua tug ntawm.
Tug tub kws yuam kev lawm
11 Yexu rov has dua ib zaaj pev lug tsua puab noog has tas, muaj ib tug yawm nwg muaj ob tug tub. 12 Tug kwv lug has tsua leej txwv has tas, txwv, thov koj muab koj tej nyaj txag hab koj lub cuab tiv cov kws yog kuv tug lug faib tsua kuv. Leej txwv txawm muab nwg lub cuab tiv lug faib tsua nwg ob tug tub. 13 Tau ob peb nub tom qaab tug kwv txawm sau tej cuab tiv kws yog nwg le muag taag nwg tau nyaj, tes nwg txawm tswv moog tsua lwm lub tebchaws deb deb lawm. Thaus nwg nyob huv lub tebchaws ntawm, nwg ywj ua lawv le nwg sab nyam laam tau laam ua phem tsw txuag nwg tej nyaj. 1h Thaus nwg muab nwg tej nyaj phob taag lawm, tes txawm muaj kev tshaib plaab thoob plawg lub tebchaws ntawm, nwg tshuav teg le teg taw le taw xwb, tsw muaj daabtsw le lawm. 15 Nwg txha moog nrug ib tug kws nyob huv lub tebchaws ntawm nyob. Tug ntawm khaiv nwg moog zuv npua tom teb. 16 Tsw muaj leejtwg pub daabtsw tsua nwg noj, nwg txha xaav noj cov pihaub taum kws npua noj kuas tsau. 17 Mas thaus nwg xaav txug nwg tej kev txom nyem nwg txawm xeev plhawv has tas, kuv txwv cov tub qhe naj nub muaj noj seem noj tsw taag, ua le caag kuv yuav tuaj tuag tshaib quas ndua ntawm nuav. 18 Ua le caag los kuv yuav rov moog cuag kuv txwv, hab kuv yuav has tsua kuv txwv has tas, txwv, kuv tau ua txhum tsua Vaajtswv hab ua txhum tsua koj lawm lauj. 19 Kuv tsw tswm nyog rov lug ua koj tug tub le lawm, thov koj ca kuv ua koj ib tug tub qhe xwb. 20 Tes nwg txawm sawv tseeg taug kev rov qaab moog cuag nwg txwv. Thaus nwg lug tsw tau txug, tseem nyob hov deb tes nwg txwv txawm pum nwg. Nwg txwv hlub nwg kawg, nwg txwv txawm dha taj quas lag moog puag nkaus tug tub cej daab nwj. 21 Tug tub has tsua leej txwv has tas, txwv, kuv tau ua txhum tsua Vaajtswv hab ua txhum tsua koj lawm. Tsw tswm nyog hu kuv ua koj tug tub dua lawm. 22 Kuas leej txwv has tsua cov tub qhe has tas, mej kawgkag coj tej rwg tsho zoo zoo tuaj tsua nwg naav, muab nplhaib tuaj tsua nwg coj, muab khau tuaj tsua nwg rau, 23 hab moog muab tug mivnyuas nyuj rog rog coj lug tua ua ib rooj mov tsua suavdawg noj. 2h Vem kuv tug tub nuav tub tuag lawm, kuas nwgnuav nwg caj rov lug lawm. Nwg tub pluj lawm, kuas nwgnuav nwg rov lug lawm. Tes suavdawg txawm chiv ua kev lom zem es yuav noj mov. 25 Thaus hov tug tijlaug nyob tom teb. Nwg rov tom teb lug txug tom tog tsev, ua cav nwg nov suab raaj suab qeej nrov ua nqaaj ua nqug hab nov suab laav voov huv tsev tuaj, 26 nwg txawm hu ib tug tub qhe tuaj nug has tas, puab ua daabtsw huv tsev. 27 Tug tub qhe teb has tas, koj tug kwv rov qaab lug lawm, es koj txwv muab tug mivnyuas nyuj rog rog tua noj, tsua qhov koj tug kwv rov qaab lug nwg tseem muaj txujsa nyob. 28 Tug tijlaug nov le hov nwg chim heev, nwg tsw kaam moog huv tsev. Nwg txwv txha le tawm tuaj coj nwg. 29 Tes nwg txawm tshev nwg txwv has tas, koj swm xaav saib, kuv ua yug koj txug taav nuav, kuv yeej tsw tau tawv koj ib zag le. Koj tub tsw pub ib yaam daabtsw tsua kuv, txawm yog ib tug mivnyuas tshws los koj tub tsw muab tsua kuv tua pub kuv cov kwvluag noj ib pluag le. 30 Kuas koj tug nam tub nuav, nwg coj koj tej nyaj txag moog ndav puj muag cev phob phuam laam quas ntsuav taag, nwg rov qaab lug koj tseem muab tug mivnyuas nyuj rog rog lug tua tsua nwg noj hab. 31 Leej txwv teb tas, mivtub, ib txwm koj yeej nrug kuv nyob. Ib puas tsaav yaam kws kuv muaj, puav leej yog koj le huvsw. 32 Yeej tswm nyog peb ua ib rooj mov hab suavdawg zoo sab, vem koj tug kwv tub tuag lawm, kuas nwgnuav nwg caj rov lug. Nwg tub pluj lawm, kuas nwgnuav nwg rov lug lawm.
Tug tub qhe tsw ncaaj
1 Yexu has tsua nwg cov thwjtim has tas, muaj ib tug nplua nuj nwg muaj ib tug tubkhai saib nwg lub vaaj tse. Muaj tuabneeg lug has tsua tug nplua nuj has tas, koj tug tubkhai kws saib koj lub tsev muab koj tej nyaj txag coj moog swv phuam laam quas ntsuav lawm. 2 Tug nplua nuj txha le hu tug tubkhai ntawm lug mas has tsua nwg has tas, tej kws kuv nov koj ua ntawm yog le caag tag. Koj ca le muab cov ntawv kws sau has tas, koj swv npaum le caag hab tau npaum le caag lug tsua kuv saib. Nwgnuav kuv tsw yuav koj ua kuv teg num lawm. 3 Tug tub qhe hov xaav has tas, kuv tug tswv tub yuav ntab kuv tawm, kuv yuav ua le caag txha zoo ne. Kuv yuav moog ua zug khawb aav los kuv tsw muaj zug, yuav moog thov khawv los kuj txaaj muag. h Nwgnuav kuv tub paub lawm tas, kuv yuav ua le caag txha zoo. Thaus tug tswv tsw kheev kuv ua num lawm, kuv txha le muaj kwvtij kwv npawg hu kuv moog huv puab tej tsev. 5 Nwg txawm hu txhua tug kws tshuav nwg tug tswv nqe tuaj cuag nwg. Nwg nug thawj tug has tas, koj tshuav kuv tug tswv nqe npaum le caag. 6 Tug ntawm teb has tas, kuv tshuav nwg ib puas thoob roj. Tug tubkhai txawm has tsua nwg has tas, daim ntawv nuav yog koj daim kws koj tshuav nqe, koj ca le nyob quas tsawg sau kawgkag ua tswb caug thoob. 7 Tug tubkhai txawm nug dua ib tug has tas, koj ne, koj tshuav npaum le caag. Tug ntawm teb has tas, kuv tshuav ib txheeb seev tsaaj nplej. Tug tubkhai txawm has tsua nwg has tas, daim ntawv nuav yog daim kws koj tshuav nqe, koj ca le sau ua yim pua seev. 8 Tug tswv txawm qhuas tug tub- khai kws ua tsw ncaaj ntawm has tas, nwg muaj tswvyim kawg le. Yexu has tas cov tuabneeg huv nplajteb nuav ua num puab muaj tswvyim heev dua cov tuabneeg kws nyob qhov pum kev. 9 Yog le ntawm kuv qha tsua mej has tas, mej yuav tsum muab mej tej nyaj txag hov txhua chaw huv nplajteb nuav coj moog zeem kwvtij kwv npawg, mas thaus mej tej nyaj txag taag lawm, cov kws nyob huv qhov chaw kws yuav nyob moog ib txhws txha txais mej moog nrug puab nyob qhov ntawm. 10 Yog leejtwg ua ncaaj tsua tej nyuas tsawg tsawg nuav lawm, tes nwg yeej yuav ua ncaaj tsua tej kws ntau hab. Yog leejtwg ua tsw ncaaj tsua tej nyuas tsawg tsawg nuav, tes nwg yeej yuav ua tsw ncaaj tsua tej kws ntau hab. 11 Tej nyaj txag kws mej muaj huv nplajteb nuav mej tub swv tsw ncaaj. Yog le ntawm leejtwg yuav muab tej kws tseem ceeb dua tej nyaj txag ntawm lug tsua mej tuav hab nua. 12 Hab yog mej muab lwm tug le swv tsw ncaaj, tes leejtwg yuav muab tej kws yog mej le tsua mej. 13 Tsw muaj ib tug tub qhe yuav ua tau num tsua ob tug tswv. Nwg yeej yuav ntxub ib tug, nyam ib tug, nwg yuav fwm ib tug, saib tsw taug ib tug. Yog mej yuav muab Vaajtswv hab muab nyaj txag lug saib hlub ib yaam nkaus yeej tsw tau le.
Yexu qha cov Falixai
14 Thaus cov Falixai nov Yexu qha tej ntawm, puab txawm luag zum quas zawg, tsua qhov puab yeej yog cov kws nyam nyaj txag. 15 Yexu has tsua puab has tas, mej ua txuj ua kuas suavdawg xaav has tas, mej yog tuabneeg zoo, kuas Vaajtswv tub paub mej lub sab taag lawm. Tej kws tuabneeg xaav has tas, muaj nqes ntau, tej ntawm Vaajtswv tsw pum muaj nqes daabtsw le. 16 Thau u mas suavdawg coj Mauxe kevcai hab tej lug kws cov xwbfwb cev Vaajtswv lug tau sau tseg lawm lug txug lub swmhawm kws tug Yauhaa kws coj tuabneeg ua kevcai raus dej lug qha. Kuas txwj thaus hov lug mas muaj tuabneeg moog qha txuj xuv zoo has txug qhov kws Vaajtswv yuav lug kaav tuabneeg lub sab, tes suavdawg nyag taug nyag swv zug quas ntsog lug ua Vaajtswv le tuabneeg. 17 Yog yuav ua kuas lub ntuj hab lub nplajteb puam tsuaj moog kuj yoojyim dua le rhuav Mauxe txuj kevcai ib tug npe ntawv pov tseg.
Kev sws nrauj
18 Yog leejtwg muab tug quaspuj nrauj, es moog yuav dua lwm tug, kuj yog tug hov ua txhum kev nkauj kev nraug. Hab yog leejtwg moog yuav ib tug puj nrauj lug ua nwg quaspuj kuj yog nwg ua txhum kev nkauj kev nraug ib yaam nkaus.
Tug nplua nuj hab Laxalau
19 Muaj ib tug nplua nuj nwg naav tej tsoog zoo zoo kim kim, hab nwg naj nub muaj noj seem noj tsw taag. 20 Mas muaj ib tug yawm npe hu ua Laxalau, nwg txom txom nyem le nwg ib ce mob ua kua paug quas ntsuav. Muaj tuabneeg naj nub coj nwg tuaj tso tsua ntawm tug nplua nuj ib saab qhov rooj. 21 Nwg xaav has tas, nyab nwg yuav tau noj tej mov kws poob sau tug nplua nuj lub rooj lug tsua huv aav hab. Los dev tseem loj xov muat nwg tej kav txhaab yaim huvsw hab. 22 Nyob nyob tes tug txom nyem ntawm txawm tuag lawm. Cov tubkhai sau ntuj lug coj nwg moog nyob ntawm Apla haa xub ndag. Tsw ntev tug nplua nuj txawm tuag lawm hab. Mas muaj tuabneeg kwv nwg moog log, 23 nwg raug kev txom nyem huv tub tuag teb kws yog ntuj tawg kub. Nwg tsaa qhov muag saib sau, ua cav nwg pum Aplahaa nyob deb deb, hab pum Laxalau nyob ntawm Aplahaa xub ndag. 2h Tug nplua nuj txawm hu has tas, txwv Aplahaa, thov koj hlub kuv hab lauj. Thov koj kuas Laxalau muab ntiv teg tub dej tuaj tsua kuv tug nplaig kuas laaj mivntswv, vem kuv nyob huv cov nplaim tawg nuav kuv txom txom nyem kawg nkaus le. 25 Kuas Aplahaa teb has tas, mivtub, koj ncu thaus koj tseem ua neej nyob los tsw ncu, koj muaj noj muaj naav, Laxalau txom nyem tsw muaj daabtsw le. Nwgnuav nwg tau zoo, koj tsua tau moog nyob qhov txom txom nyem. 26 Tsw taag le ntawm xwb, tseem muaj ib tug nam kwj tub tub quas peb hab mej lawm. Cov tim nuav yuav hlaa tuaj tim mej los yeej tsw tau, hab cov tim mej yuav hlaa tuaj tim peb nuav los yeej tsw tau. 27 Tug nplua nuj has tas, txwv, yog le ntawm, thov koj khaiv Laxalau rov moog kuas txug kuv txwv tsev. 28 Kuv tseem tshuav tswb tug kwvtij nyob ntawm hab, koj kuas Laxalau moog qha tsua puab, sub puab txha tsw poob lug tsua huv qhov txom nyem nuav. 29 Kuas Aplahaa teb has tas, koj cov kwvtij tub muaj tej ntawv kws Mauxe sau hab tej ntawv kws cov xwbfwb cev Vaajtswv lug sau ca lawm, ca koj cov kwvtij coj lawv le tej lug ntawm. 30 Tug nplua nuj teb has tas, txwv Aplahaa, tsw tau le lauj. Yuav tsum yog ib tug kws tuag lawm sawv rov qaab moog qha tsua puab, puab txha le tso puab tej kev txhum tseg. 31 Kuas Aplahaa has ta< yog puab tsw noog Mauxe hab cov xwbfwb kws cev Vaajtswv lug tej lug qha, tes txawm yog muaj ib tug kws tuag lawm sawv rov qaab moog qha tsua puab los puab yeej yuav tsw ntseeg le.
Kev txhum
1 Yexu has tsua nwg cov thwjtim has tas, ua le caag los yeej yuav muaj tej yaam kws ua tsua tuabneeg yuam kev ua txhum. Kuas tug kws ua kuas muaj tej ntawm yeej yuav raug kev txom nyem. 2 Yog leejtwg ua tsua cov mivnyuas yau nuav ib tug yuam kev ua txhum, tes ca le muab hlua khi ib txhwb nam zeb lug dai tsua tug ntawm cej daab hab muab nwg nrum tsua huv hav txwv kuj zoo dua le ca nwg nyob. 3 Mej yuav tsum ceev faaj zoo. Yog koj ib tug kwvtij ua txhum tsua koj, koj yuav tsum ntuag nwg. Yog nwg leeg nwg kev txhum lawm, koj ca le zaam txem tsua nwg. 4 Yog ib nub xwb, es nwg ua txhum tsua koj xyaa zag lawm, los txhua zag hov nwg tuaj leeg tsua koj, tes koj yuav tsum zaam txem tsua nwg.
Kev ntseeg
5 Cov tubkhai has tsua Yexu has tas, thov koj paab kuas peb muab tsua sau sab ntseeg heev. 6 Yexu txawm has tsua puab has tas, yog mej muaj kev ntseeg luaj le ib lub noob zaub, mej yuav has tsua tsob ntoo nuav has tas, koj ca le rhu hlo koj lub hauv paug moog cog kag tsua huv hav txwv, tes tsob ntoo ntawm yeej yuav ua lawv le mej has.
Tug tub qhe teg num
7 Yog mej cov leejtwg muaj ib tug tub qhe moog laij lag lossws moog yug yaaj lawm, thaus tug tub qhe rov lug, koj yuav has tsua tug tub qhe hov tas, koj ca le lug noj mov los tsw has. 8 Koj yeej tsw has le. Koj yeej yuav has tsua nwg has tas, koj ca le moog ua mov tsua kuv noj, hab sa hlaab khov kho saib zaub mov tsua kuv noj kuv haus taag tsaiv koj le maav noj. 9 Yog tug tub qhe ua lawv le koj has, los tsw txug koj yuav ua nwg tsaug. 10 Mej cov los kuj ib yaam nkaus. Thaus mej ua lawv le kuv qha tsua mej taag lawm, mej ca le has tas, peb yog cov tub qhe kws tsw tswm txaj daabtsw le, peb tsuas ua lawv le peb teg num xwb.
Yexu khu kaum tug mob rua
11 Thaus Yexu saamswm taug kev yuav moog nraag lub nroog Yeluxalee nwg taug Kalilai hab Xamali nrwm teb moog. 12 Thaus nwg saamswm yuav moog huv ib lub zog nwg txawm ntswb kaum tug tuabneeg mob rua. 13 Puab sawv deb deb hu nrov nrov has tas, tswv Yexu, thov koj hlub peb hab lauj. 4 Thaus Yexu pum dheev puab, Yexu txawm has tsua puab has tas, mej ca le moog cuag cov pov thawj kuas puab saib mej. Thaus cov tuabneeg mob rua saamswm taug kev moog puab tej ruas txawm zoo taag lawm. 15 Puab cov ntawm muaj ib tug thaus nwg pum nwg tej ruas zoo taag lawm, nwg txawm rov qaab lug qhuas Vaajtswv nrov nrov hab ua Vaajtswv tsaug. 16 Nwg qhau cev hlo ntawm Yexu kwtaw, ua Vaajtswv tsaug. Tug kws lug ua tsaug hov yog tuabneeg Xamali. 17 Yexu txawm has tas, kaum leej tub zoo huvsw lawm nev, cuaj leeg tsua dua twg lawm. 18 Ua le caag puab tsw lug ua Vaajtswv tsaug, tsuas muaj tuab tug kws yog lwm tsaav tuabneeg nuav lug xwb. 19 Hab Yexu has tsua tug ntawm has tas, koj ca le sawv tseeg rov moog tsev. Koj tej ruas zoo, tub yog vem koj ntseeg.
Vaajtswv yuav lug kaav tuabneeg
20 Cov Falixai muaj qee leej lug nug Yexu has tas, thaus twg Vaajtswv le maav lug kaav tuabneeg. Yexu teb puab has tas, Vaajtswv yeej yuav tsw ua ib yaam daabtsw qha tsua leejtwg paub has tas, thaus twg Vaajtswv le lug kaav tuabneeg. 21 Tsw muaj leejtwg yuav has tas, nyob ntawm nuav, lossws has tas, nyob tom, tsua qhov Vaajtswv tub lug nyob huv tuabneeg lub sab hab kaav huv plawv mej cov lawm. 22 Yexu txawm has tsua nwg cov thwjtim has tas, yeej yuav muaj ib lub swmhawm kws mej yuav xaav pum thaus Tuabneeg Leej Tub rov lug kaav lawm ib nub, kuas mej yuav tsw pum. 23 Yuav muaj tuabneeg has tsua mej has tas, mej moog saib tom, lossws has tas, mej lug saib ntawm nuav. Mej tsw xob moog saib le. 24 Nub kws Tuabneeg Leej Tub rov qaab lug yuav zoo ib yaam le tsag lig xub laim lab quas vog ib saab ntuj ci moog tsua ib saab ntuj. 25 Kuas thaus tseem tsw tau txug lub swmhawm ntawm nwg yuav raug kev tswm txom ntau yaam hab cov tuabneeg tam nuav yuav tsw leeg yuav nwg. 26 Lub swmhawm thau u kws Nau-e nyob muaj le caag lawm, tes lub swmhawm kws Tuabneeg Leej Tub lug yeej yuav muaj ib yaam le ntawm. 27 Thaus Nau-e nyob tej tuabneeg suavdawg naj nub ua noj ua haus, ua tshoob ua kug moog txug nub kws Nau-e nee moog huv lub nkoj es dej lug nyaab tej tuabneeg ntawm tuag taag huvsw. 28 Lub swmhawm kws Tuabneeg Leej Tub lug yuav zoo ib yaam le lub swmhawm kws Lauj nyob. Thaus Lauj nyob tej tuabneeg suavdawg ua noj ua haus, ua laag ua luam, ua laj ua teb, ua vaaj ua tsev 29 moog txug nub kws Lauj tawm huv lub moos Xautoo moog. Thaus Lauj tawm plawg lawm txawm muaj nplaim tawg hab lawj faaj poob sau ntuj lug kub lub moos Xautoo hab tej tuabneeg huv tuag taag huvsw. 30 Nub kws Tuabneeg Leej Tub rov qaab lug tsua suavdawg pum yuav zoo ib yaam le ntawm. 31 Nub ntawm tug kws nyob nrau zoov tsw xob moog nqaa nwg tej hov txhua chaw huv tsev, hab tug kws nyob tom teb tsw xob rov lug tsev. 32 Mej yuav tsum ncu ntsoov "Lauj tug quaspuj. 33 Tug kws khauvxwm nwg txujsa nwg txujsa yuav tu, tug kws tsw khauvxwm nwg txujsa tug ntawm yuav tau txujsa. 34 Kuv qha tsua mej has tas, mo ntawm muaj ob tug txwv neej pw ib txaag yuav coj ib tug moog, yuav tseg ib tug ca. 35 Muaj ob tug quaspuj zum zeb ua ke los yuav coj ib tug moog, yuav tseg ib tug ca. 3d (Muaj ob tug txwv neej nyob tom teb los yuav coj ib tug moog, yuav tseg ib tug ca.) 37 Cov thwjtim nug Yexu has tas, xwbfwb, yuav muaj le ntawm tsua hov twg. Yexu teb has tas, tsaj tuag hov twg, daav noj twm yeej yuav sau nthwv lug nyob hov ntawm.
Tug puj ntsuag hab tug num txav txem
1 Yexu qha ib zaaj pev lug tsua puab paub has tas, puab yuav tsum naj nub thov Vaajtswv tsw xob tseg hab tsw xob nkeeg. 2 Yexu has tas, nyob huv ib lub moos muaj ib tug num tu plaub, nwg tsw fwm Vaajtswv hab nwg tsw ntshai leejtwg le. 3 Nyob huv tuab lub moos ntawm muaj ib tug puj ntsuag, nwg naj nub tuaj has tsua tug num hov has tas, thov koj paab has rooj plaub kws puab ua tsua kuv nuav. 4 Chiv thawj tug num hov tsw kaam has, kuas tom qaab nwg xaav has tas, kuv tub tsw fwm Vaajtswv hab tsw ntshai leejtwg le, 5 kuas tug puj ntsuag nuav pheej tuaj txob kuv, ntshai kuv yuav tsum paab nwg has kuas taag, nwg txha le tsw naj nub tuaj txob ua kuv ntxhuv sab. 6 Hab Yexu qha tsua puab has tas, mej ca le noog tej lug kws tug num sab tsw ncaaj hov has lawm nawj. 7 Vaajtswv cov tuabneeg kws naj nub naj mo thov kuas Vaajtswv paab puab, Vaajtswv yuav tsw paab lov. Vaajtswv tseem yuav tog ntev ntev le maav paab puab los. 8 Kuv qha tsua mej has tas, Vaajtswv yeej yuav paab sai sai le xwb. Thaus Tuabneeg Leej Tub rov qaab lug, sov cov tuabneeg huv nplajteb nuav tseem yuav muaj tug kws ntseeg nwg los tsw muaj.
Tug Falixai hab tug sau se
9 Yexu qha ib zaaj pev lug tsua cov tuabneeg kws saib tsw taug lwm tug, hab khaav has tas, puab yog tuabneeg ncaaj. Yexu has tas, 10 muaj ob tug txwv neej moog thov Vaajtswv peg lub tuam tsev. Ib tug yog cov Falixai, ib tug yog cov sau se. 11 Tug Falixai sawv quas ntsug thov has tas, Vaajtswv, kuv ua koj tsaug vem kuv zoo tsw thooj le luas tej. Kuv tsw ntshaw yaam nua yaam u, kuv yog tuabneeg ncaaj nceeg, kuv tsw zwg luas puj luas sev, hab kuv zoo tsw thooj le tug nam tuabneeg sau se ntawm. 12 Xyaa nub kuv yoo mov ob zag, hab tej nyaj txag kws kuv khwv tau kuv muab ib feem huv kaum feem tsua koj. 13 Kuas tug sau se nwg sawv kem deb mivntswv. Nwg tsw tsaa qhov muag saib sau ntuj le, nwg ntxhuv sab kawg, nwg ntaus nwg hauv sab hab has tas, Vaajtswv, kuv yog tuabneeg txhum, thov koj hlub kuv lauj. 14 Yexu has tas, kuv qha tsua mej has tas, thaus ob tug thov taag ob tug rov qaab moog tsev lawm, tug sau se yog tug kws ua hum Vaajtswv sab, tsw yog tug Falixai. Tug kws khaav theeb has tas, nwg yog tug kws muaj fwjchim lawm, Vaajtswv yuav muab nwg tug fwjchim txu moog. Kuas tug kws txu nwg tug fwjchim, Vaajtswv yuav pub kuas nwg tau fwjchim.
Yexu foom moov tsua cov mivnyuas
15 Muaj qee leej coj cov mivnyuas mog tuaj thov Yexu cev teg npuab puab cov mivnyuas, Thaus cov thwjtim pum le hov puab txwv tsw kheev cov tuabneeg hov coj mivnyuas moog cuag Yexu. 16 Kuas Yexu hu cov mivnyuas yau lug ntawm nwg hab has tas, ca le tso cov mivnyuas lug cuag kuv, tsw xob txwv puab, tsua qhov cov tuabneeg kws Vaajtswv kaav lawm puab lub sab zoo ib yaam le cov mivnyuas yau nuav. 17 Mej yuav tsum ncu ntsoov has tas, tug kws tsw muaj lub sab mog sab muas ib yaam le cov mivnyuas yau nuav, tes tug ntawm yuav ua tsw tau Vaajtswv le tuabneeg ib zag le.
Tug nplua nuj
18 Cov Yutai ib tug num tuaj nug Yexu has tas, xwbfwb, koj yog tug kws sab zoo, thov koj qha tsua kuv saib kuv yuav tsum ua le caag kuv txha tau txujsa ntev moog ib txhws tsw kawg. 19 Yexu nug nwg has tas, ua caag koj hu kuv has tas, tug kws lub sab zoo nua. Yeej tsw muaj leejtwg lub sab zoo le, tsuas yog Vaajtswv tuab leeg xwb lub sab txha zoo. 20 Koj yeej paub tej kws Vaajtswv txuj kevcai qha lawm has tas, tsw xob ntxag luas quaspuj luas quasyawg, xob tua tuabneeg, xob ua tub saab, xob daag, yuav tsum fwm nam fwm txwv. 21 Tug txwv neej hov teb has tas, tej kws koj has kos kuv tub coj txhua nqai huv tuab sw thaus kuv tseem yau lug lawm. 22 Thaus Yexu nov nwg teb le ntawm, Yexu txawm has tsua nwg has tas, tseem tshuav ib qho kws koj tsw tau ua. Koj ca le moog muab koj tej hov txhua chaw muag huvsw, es muab cov nyaj faib tsua cov tuabneeg pluag. Koj ua le ntawm tes koj txha le muaj nyaj txag hab hov txhua chaw nyob sau ntuj, es koj ca le tuaj nrug kuv moog ua kuv le thwjtim. 23 Thaus nwg nov Yexu has le hov nwg ntxhuv sab kawg le, vem yog nwg muaj nyaj txag hab hov txhua chaw ntau. 24 Yexu pum nwg ntxhuv sab le hov Yexu txawm has tas, cov tuabneeg nplua nuj mas ceblaaj ca Vaajtswv kaav puab lub sab kawg le. 25 lb tug ntxhuav nkaag qhov koob yoojyim dua le ib tug tuabneeg nplua nuj yuav lug ua Vaajtswv le tuabneeg. 26 Cov tuabneeg kws nov Yexu has le hov txawm has tas, yog le ntawm leejtwg yuav dim tau. 27 Yexu teb has tas, tej kws tuabneeg ua tsw tau, Vaajtswv ua tau. 28 Pestus txawm has tsua Yexu has tas, peb tub tso vaaj tso tsev tseg nrug koj tuaj txug taav nuav ne. 29 Yexu txawm has tsua puab has tas, kuv qha tseeb tsua mej has tas, yog leejtwg tso vaaj tso tsev, tso quaspuj tub se tseg hab tso nam txwv kwvtij tseg vem nwg xaav moog coj lwm tug lug ua Vaajtswv le tuabneeg, 30 mas swm nuav tug ntawm yuav tau ntau dua tej kws nwg tso tseg lawm, hab lwm swm nwg yuav tau txujsa ntev moog ib txhws tsw kawg.
Yexu rov qha txug nwg kev tuag
31 Yexu coj kaum ob leeg thwjtim ncaim cov tuabneeg moog mivntswv, mas nwg has tsua puab has tas, mej ua tuab zoo noog zoo zoo, peb saamswm yuav moog nraag lub nroog Yeluxalee. Txhua yaam kws cov xwbfwb cev Vaajtswv lug tau sau tseg has txug Tuabneeg Leej Tub lawm yeej yuav tav tsua nraag. 32 Yuav muaj tuabneeg muab nwg tsua lwm tsaav tuabneeg hab puab yuav ua saib tsw taug nwg, thuaj nwg, hab ntu qub ncaug tsua nwg. 33 Puab yuav muab nwg nplawm hab yuav muab nwg tua pov tseg, kuas peb nub Vaajtswv yuav tsaa nwg sawv rov qaab lug. 34 Cov thwjtim tsw to taub tej kws Yexu has ntawm, puab lub sab ruag puab txha tsw paub lub ntsab, sov yog Yexu has le caag.
Yexu khu tug dig muag kws thov khawv
35 Thaus Yexu moog yuav txug lub moos Yelikau muaj ib tug yawm dig muag nyob quas tsawg thov khawv ntawm ntug kev. 36 Thaus nwg nov muaj tuab neeg coob coob thaam zum quas zawg taug kev tuaj nwg txawm nug puab has tas, suavdawg ua daabtsw. 37 Puab qha nwg has tas, tug Yexu kws yog tuabneeg Naxale saamswm taug kev tuaj moog. 38 Yawm dig muag hov txawm hu nrov nrov has tas, Yexu kws yog Tavi xeeb ntxwv, thov koj hlub kuv lauj. 39 Cov tuabneeg kws nyob ntawm nwg xub ndag txawm has tsua nwg has tas, koj nyob tuab ywv tsw xob qw qw nas has. Kuas nwg yimfuab qw nrov nrov has tas, Tavi tug xeeb ntxwv, thov koj hlub kuv los maj. kO Thaus Yexu nov nwg hu le ntawm Yexu txawm nreg hab has kuas puab coj tug dig muag lug cuag Yexu. Thaus tug dig muag lug txug ntawm Yexu, Yexu nug nwg has tas, 4 koj xaav kuas kuv paab koj daabtsw. Tug dig muag teb has tas, kuv xaav rov pum kev. 42 Yexu txawm has tsua nwg has tas, koj ca le pum kev. Tub yog vem koj ntseeg koj txha le pum kev. h3 Taamswm hov nwg txawm rov pum kev lawm, nwg nrug Yexu moog hab nwg pheej ua Vaajtswv tsaug tsw tseg le. Thaus suavdawg pum le ntawm puab txawm qhuas Vaajtswv.
Yexu hab Xakhai
1 Yexu moog huv lub moos Yelikau, nwg yeej yuav hlaa dhau plawv moog. 2 Nyob ntawm muaj ib tug txwv neej npe hu ua Xakhai, nwg yog cov tuabneeg sau se ib tug thawj, hab nwg muaj nyaj txag ntau. 3 Nwg xaav pum saib Yexu yog tug twg, kuas nwg yog ib tug tuabneeg qeg taub hab vem muaj tuabneeg coob coob thaiv nwg, nwg saib tsw pum Yexu. 4 Xakhai txha le dha fuas suavdawg ntej moog nee ib tsob ntoo cua sub nwg txha le pum Yexu, vem yog Yexu yeej yuav taug txujkev ntawm tuaj moog. 5 Thaus Yexu tuaj txug huv qaab ntoo, Yexu txawm tsaa muag saib sau, mas has tsua Xakhai tas, Xakhai, koj ca le nqeg lug, nub nua kuv yuav moog su huv koj tsev. 6 Xakhai txawm nqeg nrawm quas nroog lug, nwg zoo sab kawg le. Nwg txawm coj Yexu moog tom nwg tsev. 7 Cov tuabneeg kws pum le ntawm suavdawg thuaj has tas, ua le caag Yexu yuav moog su huv tug nam tuabneeg muaj txem tsev. 8 Xakhai sawv quas ntsug has tsua Yexu has tas, xwbfwb, koj noog kuv has, kuv yuav muab kuv tej hov txhua chaw ib nraab faib tsua cov tuabneeg pluag. Hab yog kuv tau daag leejtwg ib yaam daabtsw lug yuav lawm, kuv yuav them plaub npaug rov qaab tsua tug ntawm. 9 Yexu txawm has tas, nub nua tsev tuabneeg nuav tub dim lawm. Tug txwv neej nuav kuj yog Aplahaa ib tug xeeb ntxwv hab. 10 Tuabneeg Leej Tub yeej lug nrhav cov tuabneeg kws yuam kev lawm paab kuas puab dim.
Tug kws muab nyaj tsua cov tub qhe
11 Yexu txawm qha ib zaaj pev lug tsua cov tuabneeg kws tseem noog nwg qha ntawm. Thaus hov nwg tub moog yuav txug lub nroog Yeluxalee, hab cov tuabneeg hov xaav has tas, tub yuav txug lub swmhawm kws Vaajtswv lug kaav. 12 Yexu txawm qha has tas, muaj ib tug num saamswm yuav sawv kev moog lawm lwm tebchaws deb deb. Nwg yuav moog kuas tug fuabtais kws nyob lub tebchaws ntawm muab nwg tsaa ua vaaj ntxwv, mas nwg yuav rov lug kaav nwg lub tebchaws. 13 Thaus nwg yuav moog nwg txawm hu nwg kaum tug tub qhe lug, mas nwg muab nyaj tsua puab, ib leeg ib daig, hab nwg has tsua puab has tas, mej ca le coj cov nyaj nuav moog ua luam kuas txug nub kws kuv rov qaab lug. 14 Kuas cov tuabneeg kws nyob huv tug num ntawm lub tebchaws ntxub tug num hov, puab txawm khaiv tuabneeg lawv nwg qaab moog has tas, peb tsw yuav tug nuav lug ua peb tug vaaj ntxwv. 15 Thaus puab tsaa tug num ntawm ua vaaj ntxwv lawm, tes nwg rov qaab lug. Thaus nwg lug txug nwg txawm hu nwg cov tub qhe kws nwg muab nyaj tsua lawm kuas lug cuag nwg, saib puab moog ua luam ib leeg tsaam pes tsawg. 16 Thawj tug tub qhe txawm lug has tas, tug tswv, daim nyaj kws koj muab tsua kuv, kuv coj moog ua tsaam kaum daim. 17 Tug tswv has tas, zoo lauj, koj yog tug tub qhe kws noog lug. Vem koj ua ncaaj tsua tej nyuas miv miv nuav, kuv yuav tsaa koj ua tug saib kaum lub nroog. 18 Tug tub qhe kws ob lug has tas, tug tswv, daim nyaj kws koj muab tsua kuv, kuv coj moog ua tsaam tswb daim. 19 Tug tswv has tsua nwg has tas, kuv tsaa koj ua tug saib tswb lub nroog. 20 Muaj dua ib tug tub qhe lug has tas, tug tswv, daim nyaj kws koj muab tsua kuv nyob ntawm nuav, kuv muab phuam qhwv khaws ca zoo zoo. 21 Kuv ntshai koj vem koj yog ib tug kws nyaum heev. Koj ib txwm muab tej kws tsw yog koj le, hab koj ib txwm sau tej kws tsw yog koj cog. 22 Tug tswv has tsua nwg tas, nam tuabneeg phem kos, kuv yuav muab koj rau txem lawv le tej lug kws koj has kos. Koj tub paub has tas kuv yog ib tug kws nyaum heev, kuv muab tej kws tsw yog kuv le, hab kuv sau tej kws tsw yog kuv cog. 23 Ua caag koj tsua tsw muab kuv daim nyaj moog ca tsua tom txhaab nyaj, es thaus kuv rov qaab lug kuv txha le tau kuv daim nyaj hab tau »cov paaj kws puab pub. 24 Vaaj ntxwv txawm has tsua cov tuabneeg kws sawv ntawm has tas, mej ca le muab nwg daim nyaj coj moog ntxwv tsua tug tub qhe kws muaj kaum daim. 25 Puab teb tas, tug tswv, tug ntawm tub muaj kaum daim lawm ne. 26 Vaaj ntxwv teb has tas, kuv qha tsua mej has tas, tug kws muaj lawm, yuav muab ntxwv tsua kuas nwg muaj ntau dua qhov qub. Kuas tug kws tsw muaj, txawm yog nwg muaj mivntswv los yeej yuav muab rhu ntawm nwg moog. 27 Ca le muab cov yeeb ncuab kws tsw yuav kuv ua puab tug vaaj ntxwv coj lug tua taab meeg ntawm kuv xub ndag.
Yexu caij tug mivnyuas luav moog huv Yeluxalee
28 Thaus Yexu qha le hov taag, nwg txawm ua puab ntej moog nraag lub nroog Yeluxalee. 29 Thaus Yexu saamswm moog yuav txug lub zog Npefakhe hab lub zog Npethan! kws nyob ntawm lub roob ntoo txwv kav laaj, Yexu txawm khaiv nwg ob tug thwjtim ua nwg ntej moog. 30 Nwg qha ob tug has tas, meb ca le ncaaj nraim lawm huv lub zog kws nyob tom meb hauv ntej, thaus meb moog txug huv lawm meb yuav pum ib tug mivnyuas luav khi ca tsua ntawm ib tug neej. Tug mivnyuas luav hov tsw tau muaj leejtwg caij ib zag le. Meb ca le daws caab lug ntawm nuav. 31 Yog muaj leejtwg nug meb has tas, meb yuav daws caab moog ua daabtsw, meb ca le teb tug ntawm has tas, xwbfwb xaav swv. 32 Ob tug txawm moog pum txhua yaam muaj lawv le Yexu tau qha tsua ob tug lawm tag. 33 Thaus ob tug saamswm daws tug mivnyuas luav tes cov tswv txawm nug ob tug has tas, meb yuav daws caab moog ua daabtsw. 3^ Ob tug teb has tas, xwbfwb xaav swv. 35 Ob tug txawm caab tug mivnyuas luav ntawm lug tsua Yexu. Hab ob tug hle ob tug ob lub tsho ntev lug pua tug mivnyuas luav, mas kuas Yexu caij. 36 Thaus Yexu caij tug mivnyuas luav taug kev moog, cov tuabneeg suavdawg nyag taug nyag hle tsho lug pua huv txujkev tsua Yexu taug. 37 Thaus Yexu moog yuav txug lub nroog Yeluxalee, moog txug ntawm txujkev kws tuaj peg roob ntoo txwv kav laaj tuaj, Yexu cov thwjtim coob coob suavdawg txawm ua Vaajtswv tsaug vem tej txujci tseem ceeb kws puab tau pum lawm, hab puab qhuas Vaajtswv nrov nrov has tas, 38 thov Vaajtswv foom koob foom moov tsua tug vaaj ntxwv kws Vaajtswv khaiv lug. Thov kuas sau ntuj ceeb tsheej muaj kev tau zoo nyob kaaj sab quas lug. Hab thov kuas peb suavdawg fwm Vaajtswv tug kws muaj fwjchim. 39 Cov Falixai kws nrug cov tuabneeg coob coob nyob ua ke ntawm, muaj qee leej txawm has tsua Yexu has tas, xwbfwb, koj has kuas koj cov thwjtim nyob tuab ywv los maj. hO Yexu teb has tas, kuv qha tsua mej has tas, yog puab cov nuav nyob tuab ywv lawm, tes tej pob zeb pob aa yeej yuav qw. 40 Thaus Yexu tuaj ze lub nroog Yeluxalee nwg pum lub nroog tes nwg txawm quaj vem nwg hlub cov tuabneeg kws nyob huv lub nroog ntawm heev. 41 Nwg has tas, kheev nub nua koj laam paub tej kws yuav paab tau koj nyob kaaj sab quas lug nua mav, kuas nwgnuav koj tseem tsw paub tej ntawm. 43 Muaj ib nub twg yeeb ncuab yeej yuav tuaj ua ntsaa loog vej koj hab yuav tuaj txhua txhua ceg kaum tuaj puav koj. 44 Hab puab yuav muab koj hab cov tuabneeg kws nyob huv koj ua kuas puam tsuaj taag huvsw, puab yuav tsw ca ob lub pob zeb nyob sws tib ua ke, tsua qhov koj tsw paub lub swmhawm kws Vaajtswv tub lug paab koj lawm.
Yexu ntab cov ua luam tswv
45 Yexu moog tom lub tuam tsev thov Vaajtswv, nwg txawm ntab tej tuabneeg kws tuaj muag hov txhua chaw kuas tawm moog. hS Hab nwg has tsua puab has tas, Vaajtswv tub has tseg tsua huv Vaajtswv phoo ntawv has tas, kuv lub tsev yog qhov chaw kws tuabneeg tuaj thov Vaajtswv, kuas mej tuaj muab ua qhov tsua tsua tub saab nkaum. 47 Yexu naj nub qha huv lub tuam tsev thov Vaajtswv. Mas cov pov thawj hlub, hab cov xwbfwb kws qha Vaajtswv kevcai hab cov num tswv xaav muab Yexu tua pov tseg. kS Kuas puab yuav ua le caag tsua Yexu los tsw tau, vem cov tuabneeg suavdawg pheej nyam noog tej kws Yexu qha tsw paub dhuav le.
Leejtwg muab fwjchim tsua Yexu
1 Muaj ib nub thaus Yexu saamswm qha ib co tuabneeg huv lub tuam tsev thov Vaajtswv, yog nwg qha txuj xuv zoo, mas cov pov thawj hlub, hab cov xwbfwb kws qha Vaajtswv kevcai hab cov kev txwj quas laug tuaj nug Yexu has tas, 2 koj qha tsua peb saib, ua le caag koj muaj cuab kaav ua tau tej nuav, leejtwg kuas koj tuaj ua. 3 Yexu teb puab has tas, kuv yuav nug mej ib lus saib, mej swm qha tsua kuv saib 4 qhov kws Yauhaa muaj cuab kaav muab tuabneeg ua kevcai raus dej le ntawm, yog leejtwg kuas nwg ua, Vaajtswv kuas nwg ua, los yog tuabneeg kuas nwg ua. 5 Puab txawm sablaaj mas sws caam has tas, peb yuav teb le caag txha zoo, yog peb teb has tas, Vaajtswv kuas Yauhaa ua, nwg yuav has tas, yog le ntawm ua le caag peb tsua tsw ntseeg Yauhaa lug. 6 Kuas yog peb teb has tas, tuabneeg kuas Yauhaa ua, tes cov tuabneeg coob coob kws nyob ntawm nuav yuav xuas pob zeb ntaus peb, tsua qhov suavdawg yeej ntseeg has tas, Yauhaa yog ib tug xwbfwb kws cev Vaajtswv lug. 7 Puab txawm teb has tas, peb tsw paub sov leejtwg kuas nwg ua. 8 Yexu has tsua puab has tas, yog le ntawm kuv yuav tsw qha tsua mej has tas, yog leejtwg kuas kuv ua tej nuav.
Cov tub zug kws tu lub vaaj
9 Yexu txawm qha ib zaaj pev lug tsua suavdawg noog has tas, muaj ib tug txwv neej cog tau ib vaaj txwv maab, mas nwg muab tso tsua ib co tuabneeg tu sws faib txwv, nwg txawm moog tsua lwm tebchaws lawm, nwg moog ntev ntev. 10 Thaus txug lub caij de txwv maab, nwg txawm khaiv ib tug tub qhe moog sau tej txwv kws yog nwg tug coj lug tsua nwg. Kuas cov tuabneeg kws tu lub vaaj txawm muab tug tub qhe ntawm ntaus hab tso nwg rov qaab moog teg dawb teg nplag. 11 Tug tswv vaaj tsua khaiv dua ib tug tub qhe moog, los cov tuabneeg tu lub vaaj kuj muab tug ntawm ntaus hab ua lim ham tsua nwg, hab muab nwg lawv rov qaab moog teg dawb teg nplag. 12 Tug tswv vaaj txawm khaiv dua ib tug tub qhe moog, yog tug peb. Tes cov tuabneeg tu lub vaaj txawm muab tug tub qhe hov ntaus saab kawg le, tes muab nrum tsua saab ntug vaaj nrau. 13 Thaus tug tswv vaaj nov le hov nwg xaav has tas, kuv yuav ua le caag txha zoo. Yog kuv khaiv kuv tug tub kws kuv hlub moog, nyab puab yuav fwm kuv tug tub. 4 Kuas thaus cov tuabneeg tu lub vaaj pum tug tswv vaaj tug tub tuaj, puab txawm sws ntxhw pis tawg has tas, tug nuav yog tug tswv vaaj tug tub. Peb ca le muab nwg tua pov tseg peb txha tau nwg lub vaaj. 15 Cov tuabneeg kws tu lub vaaj txawm muab tug tub hov thawb tsua saab ntug vaaj nrau hab muab nwg tua pov tseg. Yexu nug puab has tas, yog le hov tug tswv vaaj yuav ua le caag tsua cov tuabneeg kws tu lub vaaj ntawm. 16 Tug tswv vaaj yeej yuav tuaj muab cov tuabneeg kws tu lub vaaj hov tua pov tseg hab muab lub vaaj hov tso tsua lwm cov tu. Thaus suavdawg nov Yexu has le hov puab txawm has tas, nyab yuav tsw ua le ntawm kaj. 17 Yexu saib quas ntsoov tsua puab mas nug has tas, nqai kws sau tsua huv Vaajtswv phoo ntawv has tas, Lub pob zeb kws cov kws ua tsev muab pov tseg lawm, lub ntawm tub rov lug ua lub thawj lawm. Nqais nuav lub ntsab mej txhais le caag. 18 Yog leejtwg qaug moog tsoo lub pob zeb ntawm, tug hov lub cev yuav tawg taag. Yog lub pob zeb hov poob lug tsoo leejtwg, tug ntawm lub cev yuav ntsoog taag huvsw.
Them se tsua Xixa txhum tsw txhum
19 Cov xwbfwb kws qha Vaajtswv kevcai hab cov pov thawj hlub xaav nteg Yexu taamswm ntawm vem puab paub has tas, tub yog Yexu ua pev lug has puab ntaag, kuas puab ntshai tej tuabneeg suavdawg puab txha tsw nteg Yexu. 20 Puab txawm tog saib muaj swmhawm zoo nteg Yexu los tsw muaj, puab ndav qee leej moog thom Yexu, puab ua le ntawm ais saib Yexu yuav has le caag, puab txha zoo nteg nwg coj moog tsua tug num kws kaav lub tebchaws ntawm txav txem. 21 Cov tuabneeg kws puab ndav txawm moog thom Yexu has tas, xwbfwb, peb paub has tas, tej kws koj has hab koj qha puav leej yog lug huvsw. Peb paub has tas, koj tsw xaiv leejtwg ntsej muag le, koj qha tseeb tseeb has tas, suavdawg yuav tsum ua le caag txha ua tau hum Vaajtswv sab. 22 Koj swm qha tsua peb saib, yog peb them se tsua fuabtais Xixa mas txhum peb kevcai los tsw txhum. 23 Kuas Yexu tub paub puab lub sab lawm, nwg txawm has tsua puab has tas, 24 mej ca le muab ib lub nyaj tsua kuv saib. Thaus puab muab tsua nwg saib lawm nwg nug puab has tas, lub ntsej muag hab lub npe kws sau tsua ntawm lub nyaj nuav, yog leejtwg lub. Puab teb has tas, yog fuabtais Xixa lub. 25 Yexu txawm has tsua puab has tas, yog le ntawm, yaam kws yog fuabtais Xixa tug, mej ca le muab tsua fuabtais Xixa. Yaam kws yog Vaajtswv tug, mej ca le muab tsua Vaajtswv. 26 Puab cov hov nrhav tsw tau chaw kom Yexu taab meeg suavdawg. Hab tej lug kws Yexu teb puab hov mas puab xaav tsw thoob le, tes puab txawm nyob tuab ywv lawm.
Cov kws tuag lawm yuav sawv rov lug tsw sawv
27 Muaj cov Xatukai qee leej tuaj cuag Yexu. Puab yog cov kws tsw ntseeg has tas, tuabneeg txawj sawv tau huv qhov tuag rov qaab lug. Puab nug Yexu has tas, 28 xwbfwb, Mauxe sau txuj kevcai nuav qha peb has tas, yog tug tijlaug tuag lawm, nwg quaspuj tseem tsw tau muaj mivnyuas, tug kwv yuav tsum yuav tug nam tij ntawm lug ua nwg quaspuj, tug tijlaug txha muaj xeeb ntxwv. 29 Thau muaj xyaa tug kwvtij. Tug tijlaug yuav quaspuj kuas tseem tsw tau muaj mivnyuas tug tijlaug txawm tuag lawm. 30 Tes tug kwv los lwm txawm yuav tug nam tij los tug kwv kuj tuag lawm hab, 31 tes tug kwv los xaab tsua yuav tug nam tij hov hab. Tes xyaa leej hov puav leej tau yuav tuab tug quaspuj ntawm, xyaa leej hov puav leej tuag taag lawm tsw tau muaj ib tug mivnyuas le. 32 Thaus kawg tug quaspuj ntawm kuj tuag lawm hab. 33 Yog le hov, nub kws cov tuabneeg tuag sawv rov qaab lug, tug quaspuj hov yuav ua tug twg quaspuj, tsua qhov xyaa leej ntawm puav leej tau yuav nwg huvsw lawm. 34 Yexu teb puab has tas, cov quaspuj quasyawg tam nuav txha le sws yuav xwb. 35 Kuas cov quaspuj quasyawg kws tswm nyog sawv lug tau txujsa moog nyob tam peg suab, cov ntawm tsw sws yuav le lawm. 36 Puab yuav zoo ib yaam le cov tubkhai sau ntuj kws tsw txawj tuag le. Puab yog Vaajtswv cov mivnyuas, tsua qhov Vaajtswv tau tsaa puab sawv huv qhov tuag rov qaab lug lawm. 37 Thaus Mauxe has txug tsob ntoo kws muaj nplaim tawg cig Mauxe hu Vaajtswv has tas, Aplahaa tug Vaajtswv, Yiha tug Vaajtswv hab Yakhauj tug Vaajtswv. Qhov kws Mauxe has ntawm tub qha tsua suavdawg paub tseeb has tas, cov tuabneeg tuag lawm yeej yuav sawv rov qaab lug tau txujsa. 38 Vaajtswv yog cov tuabneeg caj tug Vaajtswv. Nwg tsw yog cov tuabneeg tuag tug Vaajtswv. Txawm yog cov tuabneeg kws tuag lawm los, lawv le Vaajtswv saib mas txhua tug tseem muaj txujsa nyob. 39 Cov xwbfwb kws qha Vaajtswv kevcai muaj qee leej qhuas Yexu has tas, xwbfwb, koj teb yog lawm laub. 40 Tes puab tsw kaav nug Yexu dua le lawm.
Tug Cawmseej yog leejtwg xeeb ntxwv
41 Yexu has tsua puab has tas, yuav ua le caag txha has tau has tas, tug kws Vaajtswv khaiv lug ua Cawmseej yog Tavi xeeb ntxwv. 42 Tsua qhov tub yog vaaj ntxwv Tavi sau tseg ca tsua huv Tavi phoo hu nkauj has tas, Vaajtswv has tsua kuv tug tswv has tas, Koj ca le lug nyob ntawm kuv saab xws 43 moog txug thaus kuv muab koj cov yeeb ncuab lug tag koj xwb taw. 44 Yog Tavi tub hu tug Cawmseej has tas, kuv tug tswv, yog le ntawm yuav ua le caag has tau has tas, tug kws Vaajtswv khaiv lug ua tug Cawmseej yog Tavi xeeb ntxwv nua.
Yexu thuaj cov xwbfwb qha kevcai
45 Thaus cov tuabneeg coob coob saamswm noog Yexu qha, Yexu txawm has tsua nwg cov thwjtim has tas, 46 mej yuav tsum ceev faaj mej tsw xob ua le cov xwbfwb kws qha Vaajtswv kevcai ua. Puab cov ntawm nyam naav tej tsho ntev ntev moog tsua hov u hov nua, hab thaus puab moog tom kab puab nyam kuas suavdawg fwm puab, thaus puab moog huv tej tsev sablaaj lossws moog nrug luas noj luas haus, puab pheej moog xaiv lub rooj sab nyob xwb. 47 Puab nyam ntxag tej puj ntsuag le lug yuav, hab puab nyam thov Vaajtswv ntev ntev kuas suavdawg qhuas puab. Puab yeej yuav raug txem nyaav dua huvsw.
Tug puj ntsuag tso nyaj
1 Yexu tsaa muag saib cov tuabneeg nplua nuj tuaj tso nyaj tsua huv lub swb xaab kws nyob huv lub tuam tsev thov Vaajtswv. 2 Mas nwg pum ib tug puj ntsuag pluag pluag saamswm muab ob lub nyuas txaj toog lab tso tsua huv lub swb xaab ntawm. 3 Yexu has tas, kuv qha tsua mej has tas, tug puj ntsuag nuav tso ntau dua lwm tug, 4 lwm tug mas muab tej nyaj kws seem tuaj tso xwb, kuas tug puj ntsuag nuav pluag pluag los nwg muab taag nrho nwg ob lub txaj toog kws yug nwg txujsa, tuaj tso huvsw.
Lub tuam tsev yuav puam tsuaj
5 Muaj qee leej sws thaam has txug lub tuam tsev thov Vaajtswv has tas, puab muab tej pob zeb zoo zoo nkauj lug ua, hab tej hov txhua chaw kws tuabneeg nqaa tuaj pub tsua Vaajtswv mas zoo saib kawg le. Yexu has tas, 6 tej kws mej pum nuav, thaus txug swmhawm lawm yuav tsw muaj ob lub pob zeb sws lu ua ke, yuav raug luas muab tsoo ua txhua lub pluam nyag nyob nyag taag huvsw.
Kev txom nyem hab kev tswm txom
7 Puab nug Yexu has tas, xwbfwb, thaus twg le maav muaj tej nuav, hab yaam twg yuav qha tsua peb paub tseeb has tas, tub txug lub swmhawm kws yuav muaj tej ntawm lawm. 8 Yexu qha has tas, mej yuav tsum ceev faaj zoo tsw xob kheev leejtwg ntxag kuas mej yuam kev. Yuav muaj ntau leej lug has tas, tug Cawmseej tub yog kuv ntaag, hab has tas, tub txug lub swmhawm kws teem ca ntawm lawm, los mej tsw xob lawv cov ntawm moog. 9 Thaus mej nov muaj tsuv muaj rog hab muaj tuabneeg ntxeev num ntxeev tswv mej tsw xob ntshai, yeej yuav xub muaj tej ntawm ua ntej, kuas tej hov tsw tau qha has tas, tub txug lub swmhawm kawg lawm. 10 Hab Yexu has tas, ib tsaav tuabneeg yuav sawv tawm tsaam tsua ib tsaav tuabneeg, ib lub tebchaws yuav sawv ntaus ib lub tebchaws. 11 Nplajteb yuav muaj aav qeg ua zug heev, yuav muaj kev tshaib kev nqhes hab yuav muaj mob kis, tej nuav yuav muaj thoob plhawv tsua txhua qhov huvsw. Yuav muaj tej yaam ua tsua tuabneeg ntshai kawg le, hab suavdawg yuav pum tej txujci tseem ceeb nyob sau nruab ntug. 12 Kuas thaus tej ntawm tseem tsw tau muaj lug yuav muaj tuabneeg nteg mej hab tswm txom mej. Puab yuav coj mej moog sawv ntawm cov num tswv xub ndag huv mej tej tsev sablaaj, hab puab yuav muab mej coj moog kaw huv tej tsev loj faaj. Puab yuav coj mej moog cuag tej vaaj ntxwv hab tej num tej tswv, puab ua le ntawm vem mej yog cov kws ntseeg kuv. 13 Thaus hov yog tau swmhawm zoo tsua mej qha txuj xuv zoo. 14 Thaus tseem tsw tau muaj le ntawm mej tsw xob txhawj has tas, mej yuav teb le caag txha zoo, 15 kuv yuav pub tswvyim tsua mej, kuas mej txawj has, mej cov yeeb ncuab yuav teb tsw taug mej hab nrhav tsw tau lug tsua mej. 16 Txawm yog mej nam mej txwv, hab mej tej kwvtij kwvluag hab mej tej neej tsaa, los puab yuav muab mej coj moog tsua num tswv, tes cov num tswv yuav muab mej cov qee leej tua pov tseg. 17 Txhua leej txhua tug yuav ntxub mej vem mej yog kuv cov. 18 Kuas txawm yog mej ib txuj nyuas plaub hau los yeej yuav tsw tu sau mej taubhau moog le. 19 Mej yuav tsum ua sab ntev nyaj kev txom nyem, mej txha le tau txujsa.
Yeluxalee yuav puam tsuaj
20 Thaus mej pum tub rog tuaj vej lub nroog Yeluxalee, mej yuav paub has tas, tsw ntev lub nroog nuav yuav puam tsuaj. 21 Lub swmhawm ntawm cov tuabneeg kws nyob huv Yutai tebchaws yuav tsum tswv moog nraim peg tej roob, cov tuabneeg kws nyob huv lub nroog yuav tsum tawm moog, hab cov tuabneeg ua zej ua zog kws nyob ib ncig ntawm tsw xob tswv moog huv lub nroog. 22 Tsua qhov lub swmhawm ntawm yog lub swmhawm kws teem txem, yeej yuav muaj le hov txha lawv le tej lug kws Vaajtswv phoo ntawv tau qha tseg lawm. 23 Lub swmhawm ntawm tej quaspuj kws cev nyaav hab tej quaspuj kws muaj mivnyuas mog noj mig yuav txom nyem kawg le. Lub tebchaws nuav yuav raug kev txom nyem heev kawg nkaus hab Vaajtswv yuav teem txem tsua cov tuabneeg nuav. 24 Cov yeeb ncuab yuav muab ntaaj tua mej ib txha pov tseg, hab yuav caab ib txha moog ua qhev tsua txhua lub tebchaws. Hab cov tuabneeg tsw ntseeg Vaajtswv yuav tsuj lub nroog Yeluxalee moog txug nub kws taag puab lub swmhawm.
Tuabneeg Leej Tub yuav lug
25 Thaus ntawm lub nub, lub hlis hab cov nub qub yuav txawv tsw zoo le qub lawm. Txhua tsaav tuabneeg kws nyob huv nplajteb nuav yuav tsw muaj vaam le, puab yuav ntshai ntshai ua yoob taag le, vem puab ntshai lub suab dej hav txwv ndaas nrov vig quas voog hab nphau pis nphwv tuaj. 26 Tej tuabneeg yuav tsaus muag tsw ncu qaab lawm, vem puab ntshai hab puab xaav txug tej kws yuav muaj lug thoob plawg huv nplajteb nuav, tsua qhov ib puas tsaav yaam muaj fwjchim kws nyob sau nruab ntug yuav ua zug quas kais tsw nyob qhov qub lawm. 27 Thaus ntawm puab yuav pum Tuabneeg Leej Tub, tug kws muaj fwjchim luj kawg nkaus ci ntsaa quas ab nrug fuab nrug cua lug. 28 Thaus saamswm chiv muaj tej nuav mej yuav tsum sawv quas ntsug hab tsaa taubhau, tsua qhov lub swmhawm kws mej yuav dim tub lug yuav txug.
Ntoo chiv hlaav nplooj
29 Yexu qha ib zaaj pev lug tsua puab has tas, mej swm saib tsob ntoo cua hab txhua yaam ntoo huvsw saib. 30 Thaus mej pum tej ntoo hov chiv hlaav nplooj mej yeej paub has tas, tub yuav txug lub caij ntuj naag. 31 lb yaam nkaus le ntawm thaus mej pum saamswm muaj tej xwm txheej nuav, mej yuav paub has tas, tub yuav txug lub swmhawm kws Vaajtswv lug kaav. 32 Kuv qha tseeb tsua mej has tas, thaus tam tuabneeg nuav tseem tuag tsw tau taag, tes yuav xub muaj tej xwm hov. 33 Lub ntuj hab lub nplajteb nuav yuav poob moog, kuas yeej yuav muaj lawv le kuv tej lug, kuv tej lug yuav tsw poob ib lus le.
Yuav tsum ceev faaj
34 Mej yuav tsum ceev faaj tsaam tes mej qaug sab tsua kev noj kev haus, hab mej naj nub txhawj mej lub neej, tes nub kws mej tsw ncu ceev faaj, Tuabneeg Leej Tub yuav lug txug nub hov ntaag. 35 Nub ntawm yuav lug khwb nkaus tej tuabneeg suavdawg thoob plawg huv qaab ntuj nuav ib yaam le rooj yej maag tsuag. 36 Mej yuav tsum ceev faaj zuv tog hab naj nub thov Vaajtswv paab kuas mej nyaj taug dhau ib puas tsaav yaam kws yuav muaj lug nuav, hab paab kuas mej lug sawv taug ntawm Tuabneeg Leej Tub lub xub ndag. 37 Yexu naj nub qha huv lub tuam tsev thov Vaajtswv hab nwg naj mo moog peg lub roob txwv kav laaj. 38 Thaus kaaj ntug tej tuabneeg suavdawg naj nub moog noog Yexu qhuab qha huv lub tuam tsev thov Vaajtswv.
Puab nrhav kev tua Yexu
1 Tub yuav txug lub swmhawm kws ua kevcai noj ncuav tsw xyaw keeb kws puab hu has tas, kevcai hlaa dhau. 2 Cov pov thawj hlub hab cov xwbfwb kws qha Vaajtswv kevcai nrhav kev muab Yexu tua tuab ywv pov tseg, puab tsw xaav nteg Yexu taab meeg suavdawg, tsaam tes suavdawg ntxhuv.
Yuta faav xeeb tsua Yexu
3 Daab Ntxwg Nyoog txawm tshoov Yuta lub sab. Yuta yog tug kws muaj dua ib lub npe hu ua Ikha-lau, nwg yog ib tug huv Yexu kaum ob tug thwjtim. 4 Yuta txawm moog sablaaj tsua cov pov thawj hlub hab cov thawj tub rog kws zuv lub tuam tsev, nwg qha tsua puab has tas, nwg yuav coj puab moog nteg Yexu le caag. 5 Puab zoo sab kawg le, mas puab has tas, puab yuav muab nyaj tsua nwg. 6 Yuta pum zoo le puab has, nwg txawm nrhav swmhawm coj puab moog nteg Yexu tsua thaus kws tsw muaj tuabneeg pum.
Npaaj mo ua kevcai hlaa dhau
7 Thaus txug nub ua kevcai hlaa dhau, cov Yutai yuav noj ncuav tsw xyaw keeb hab puab cov ib yig yuav tsum tua ib tug mivnyuas yaaj, 8 Yexu khaiv Pestus hab Yauhaa ob tug ua ntej moog, hab qha ob tug has tas, meb ca le moog npaaj mo ua kevcai hlaa dhau ca tsua peb noj. 9 Ob tug nug Yexu has tas, koj yuav kuas ib moog npaaj tsua hov twg. 10 Yexu teb ob tug has tas, meb ua tuab zoo noog kuv has. Thaus meb moog txug huv lub nroog lawm, meb yuav pum ib tug txwv neej kwv ib hub dej tuaj tog meb. Meb ca le lawv nwg qaab moog huv nwg tsev, 11 mas meb has tsua tug tswv tsev has tas, xwbfwb kuas ib tuaj nug koj saib, koj muab chaav twg tsua xwbfwb hab nwg cov thwjtim noj mov ua kevcai hlaa dhau. 12 Tug tswv tsev yuav coj meb nee moog txheej sau, nwg yuav qha ib chaav daav daav kws tub muaj rooj muaj tog txhwj lawm tsua meb. Meb ca le npaaj txhua yaam ca tsua hov ntawm. 13 Ob tug txawm moog mas pum txhua yaam muaj lawv le Yexu has, ob tug txawm npaaj mov ua kevcai hlaa dhau tsua hov ntawm.
Yexu rooj mov
14 Thaus txug lub swmhawm noj lawm Yexu hab Yexu cov tubkhai txawm lug nyob ntawm rooj mov. 15 Yexu has tsua puab has tas, kuv tub yuav raug kev tswm txom. Thaus kuv tseem tsw tau raug, kuv xaav xaav nrug mej noj pluag mov ua kevcai hlaa dhau nuav. 16 Kuv qha tsua mej has tas, txwj nuav moog kuv yuav tsw noj pluag mov kevcai hlaa dhau le nuav moog txug nub kws pluag mov kevcai nuav lub ntsab tav tsua thaus Vaajtswv lug kaav. 17 Yexu txawm muab lub khob kua txwv maab xwv lug, nwg ua Vaajtswv tsaug taag mas nwg has tas, mej ca le txais lub khob nuav moog haus. 18 Kuv qha tsua mej has tas, txwj nuav moog kuv yuav tsw haus cov kua txwv maab xwv nuav moog txug nub kws Vaajtswv lug kaav. 19 Yexu txawm muab lub ncuav lug, nwg ua Vaajtswv tsaug taag nwg txawm muab ndais faib tsua puab hab has tas, lub ncuav nuav yog kuv lub cev (kws kuv muab pub tsua mej, mej yuav tsum ua le nuav mej txha le ncu ntsoov kuv. 20 Thaus puab noj mo taag, Yexu txawm muab lub khob kua txwv maab xwv lug ua ib yaam nkaus le ntawm. Nwg has tas, lub khob nuav yog Vaajtswv lu lug cog dua tshab kws muaj kuv cov ntshaav ndwg lug ntaus hom thawj tsua lawm.) 21 Kuas mej swm saib, tug kws yuav faav xeeb tsua kuv, nwg tub nrug kuv nyob ntawm lub rooj nuav ntaag. 22 Tuabneeg Leej Tub yeej yuav raug tuag lawv le kws Vaajtswv tau npaaj sab ca lawm. Kuas tug kws faav xeeb tsua Tuabneeg Leej Tub mas yuav raug kev txom nyem kawg nkaus. 23 Cov tubkhai txawm sws nug has tas, ais yog peb cov kws nyob ntawm nuav leejtwg yuav ua le hov.
Leejtwg yuav tau ua tug luj
24 Cov thwjtim txawm muaj lug sws caam has tas, peb cov nuav leejtwg yuav tau ua tug luj dua ndais. 25 Yexu has tsua puab has tas, cov vaaj ntxwv huv nplajteb nuav muaj fwjchim kaav tej pejxeem, hab suavdawg hu tej num tswv has tas, yog cov saib suavdawg. 26 Kuas mej cov tsw xob ua le ntawm, tug kws ua tug hlub huv mej cov, tug hov yuav tsum ua ib yaam le tug yau, hab tug kws ua tug tswv, tug hov yuav tsum ua ib yaam le tug tub qhe. 27 Tug twg yog tug luj dua, yog tug kws noj mov lossws yog tug tub qhe kws saib zaub saib mov. Tub yog tug kws nyob noj mov ntaag nev. Kuas kuv nrug mej nyob ua ke kuv ua ib yaam le tug tub qhe xwb. 28 Txhua lub swmhawm kws kuv raug kev txom nyem mej tsw tau tso kuv tseg ib zag le. 29 Yog le ntawm kuv yuav tsaa kuas mej muaj fwjchim ib yaam le kuv txwv tau tsaa kuv ua tug muaj fwjchim kaav nplajteb. 30 Hab mej yuav tau nrug kuv noj kuv haus sau kuv lub rooj huv kuv lub teb- chaws, hab mej yuav tau nyob sau lub zwm txwv txav txem tsua kaum ob xeem tuabneeg Yixayee.
Pestus yuav tsw leeg Yexu
31 Yexu has tas, Ximoo, Ximoo, koj ua tuab zoo noog kuv has. Vaajtswv tub ca Daab Ntxwg Nyoog lug swm mej txhua tug lub sab lawm, ib yaam le tug yaaj nplej muab vaab ntxuaj cov npluag nplej yaa moog. 32 Ximoo, kuv tub thov Vaajtswv paab kuas koj muab tsua sau sab ntseeg tsw xob tso tseg. Thaus koj rov leeg yuav kuv koj yuav tsum paab koj cov kwvtij kuas puab muab tsua sau sab ntseeg. 33 Pestus has tsua Yexu has tas, tug tswv, txawm yog kuv yuav nrug koj raug kaw huv tsev loj faaj los yog, nrug koj tuag los yog, kuv yeej zoo sab. 34 Yexu has tsua Pestus has tas, Pestus, kuv qha tsua koj has tas, mo nuav thaus qab tsw tau qua, koj yuav has peb zag has tas, koj tsw paub kuv.
Naab nyaj, thoob puab raab ntaaj
35 Yexu nug puab has tas, zag u kuv khaiv mej moog, kuv has tas, mej tsw xob coj naab nyaj, hab naab thoob puab, hab khau moog, zag hov mej tau noj tau naav txaus los tsw txaus. Puab teb has tas, txaus hab. 36 Yexu has tas, kuas nwgnuav leejtwg muaj naab nyaj lossws muaj naab thoob puab mas yuav tsum coj moog. Yog leejtwg tsw muaj ntaaj, nwg yuav tsum muab nwg lub tsho muag es moog yuav ib raab ntaaj. 37 Kuv qha tsua mej has tas, Vaajtswv phoo ntawv nqai kws has tas, nwg zoo ib yaam le cov tuabneeg muaj txem, lu lug kws has txug kuv ntawm yeej yuav tav. Tsua qhov tej kws sau has txug kuv, saamswm muaj lawm. 38 Cov thwjtim has tas, xwbfwb, koj saib peb muaj ob raab ntaaj. Yexu has tsua puab tas, ca le lauj, tsw xob has lawm.
Yexu thov Vaajtswv huv lub vaaj
39 Yexu txawm tawm moog peg lub roob ntoo txwv kav laaj lawv le nwg pheej moog, nwg cov thwjtim nrug nwg moog hab. 40 Thaus puab moog txug peg lawm, Yexu has tsua puab has tas, mej yuav tsum thov Vaajtswv tsw xob kheev Daab Ntxwg Nyoog ntxag mej. 4l Yexu txawm ncaim puab moog kwvlaam deb le laim ib cos zeb, tes nwg txawm txhus caug ndua thov Vaajtswv has tas, 42 txwv, yog koj pum zoo thov koj tsw xob ca kuv raug tej kev txom nyem nuav. Txawm yog le caag los xwj, koj tsw xob ua lawv le kuv lub sab nyam, thov koj ua lawv le koj lub sab nyam xwb. 43 (Muaj ib tug tubkhai sau ntuj lug tshwm tsua Yexu pum hab paab txhawb Yexu tug zug. 44 Yexu ntxhuv sab kawg nkaus le nwg yimfuab swv zug thov Vaajtswv heev, nwg nto fws zoo le ntshaav, nrug tej twb quas teev tsua huv aav.) 45 Yexu thov le hov taag tes nwg txawm sawv rov lug saib cov thwjtim. Nwg pum puab tsaug zug lawm. Puab tsaug tsaug leeg le vem puab txhawj heev. 46 Yexu has tsua puab has tas, ua caag mej yuav tsaug zug le nuav. Mej ca le sawv tseeg thov Vaajtswv, sub Daab Ntxwg Nyoog txha ntxag tsw tau mej.
Puab nteg Yexu
47 Thaus Yexu tseem saamswm has le ntawm, txawm muaj ib paab tuabneeg coob coob tuaj txug. Yuta kws yog ib tug huv kaum ob leeg thwjtim coj cov tuabneeg hov tuaj, mas nwg txaav lug ze Yexu nwg yuav nwj Yexu. 48 Kuas Yexu has tsua nwg has tas, Yuta, koj yuav nwj Tuabneeg Leej Tub qha tsua puab nteg los. 49 Thaus cov thwjtim kws nrug Yexu nyob hov pum tas, ntshai yuav muaj xwm ntaag laub, tes puab txawm has tas, tug tswv, koj kheev peb xuas ntaaj tua puab los tsw kheev. 50 Tes muaj ib tug thwjtim txawm rhu hlo ntaaj lug tuab ntaag tsua tug tuam pov thawj hlub ib tug tub qhe saab nplooj ntseg xws tu nrho. 51 Mas Yexu has tas, ca le. Yexu txawm cev hlo teg moog khu tug hov lub nplooj ntseg rov zoo le qub lawm. 52 Yexu txawm has tsua cov pov thawj hlub hab cov thawj tub rog kws zuv lub tuam tsev thov Vaajtswv hab cov kev txwj quas laug kws tuaj nteg Yexu has tas, mej coj ntaaj coj qws tuaj nteg kuv ib yaam le mej nteg tub saab los. 53 Kuv tub naj nub nrug mej nyob huv lub tuam tsev thov Vaajtswv, mej tsua tsw nteg. Kuas nwgnuav tub yog txug mej lub swmhawm, hab txug lub swmhawm kws tug Daab Ntxwg Nyoog kws kaav qhov tsaus ntuj ua nwg teg num lawm.
Pestus tsw leeg paub Yexu
54 Puab txawm nteg Yexu coj moog tom tug tuam pov thawj hlub tsev, Pestus maav maav lawv qaab moog. 55 Thaus Pestus moog txug tom, muaj tuabneeg rauv ib cub tawg nraag qaab tsw taug, Pestus txawm moog nrug cov tuabneeg ntawm nyob ua ke. 56 Muaj ib tug nkauj qhev pum Pestus nyob ntawm ib saab qhov cub, tug nkauj qhev hov has saib quas ntsoov Pestus has tas, tug nuav yog ib tug kws nrug Yexu nyob hab los sas. 57 Kuas Pestus tsw leeg le, Pestus has tas, puj nyaaj, kuv yeej tsw paub tug ntawm hlo le. 58 Ib ntswv txawm muaj ib tug txwv neej pum Pestus, mas nwg has tsua Pestus has tas, koj yog puab paab ntawm ib tug hab los sas. Kuas Pestus teb has tas, txwv ntxawm, kuv tsw yog le. 59 Dhau hov ntawm kwvlaam ib teev txawm muaj dua ib tug txwv neej has tawv tawv tsua suavdawg has tas, tug nuav yeej yog ib tug kws nrug tug ntawm nyob tag tag le, tsua qhov nwg yog ib tug tuabneeg Kalilai hab. 60 Pestus txawm teb has tas, tej nyuas koj has kos kuv yeej tsw paub le. Thaus Pestus tseem has le hov tes qab txawm qua. 61 Yexu tig moog saib Pestus, tes Pestus txawm ncu dheev txug Yexu lu lug kws has tas, mo nuav thaus qab tsw tau qua koj yuav has peb zag has tas, koj tsw paub kuv. 62 Pestus txawm tawm lawm, nwg quaj quaj tsua qhov nwg ntxhuv sab kawg le.
Puab ua saib tsw taug Yexu
63 Cov tuabneeg kws zuv Yexu ua saib tsw taug Yexu hab ntaus Yexu. 64 Puab muab phuam lug paav nwg qhov muag mas nug nwg has tas, koj swm twv saib yog leejtwg ntaus koj. 65 Hab puab thuaj thuaj Yexu.
Yexu nyob ntawm cov hlub xub ndag
66 Thaus kaaj ntug Yutai coy kev txwj quas laug, hab cov pov thawj hlub hab cov xwbfwb kws qha Vaajtswv kevcai tuaj sablaaj ua ke, mas puab kuas coj Yexu tuaj tsua ntawm puab xub ndag, puab has tsua Yexu has tas, 67 koj ca le qha tsua peb saib koj yog tug kws Vaajtswv khaiv lug ua Cawmseej los tsw yog. Yexu teb has tas, kuv qha tsua mej los mej yeej yuav tsw ntseeg. 68 Hab txawm yog kuv nug mej ib lus los mej yeej yuav tsw teb kuv. 69 Kuas txwj nuav moog Tuabneeg Leej Tub yuav nyob ntawm Vaajtswv kws muaj fwjchim luj kawg nkaus saab xws. 70 Puab txhua tug txawm nug has tas, yog le ntawm koj yog Vaajtswv tug tub los. Yexu teb puab has tas, mej yog cov kws has le ntawm. 71 Puab txawm has tas, tsw taag peb yuav nrhav dua tim khawv lawm tsua qhov peb qhov ntsej tub nov nwg qhov ncauj has ntaag.
Yexu nyob ntawm Philaj xub ndag
1 Puab cov hlub ntawm suavdawg txawm sawv tseeg coj Yexu moog cuag Phi laj. 2 Puab kom Yexu tsua Phi laj has tas, peb nteg tug txwv neej nuav thaus nwg saamswm ntxag kuas peb tsaav tuabneeg ntxhuv, nwg txwv kuas puab tsw xob them se tsua fuabtais Xixa, hab nwg khaav has tas, nwg yog tug Cawmseej kws Vaajtswv khaiv lug ua vaaj ntxwv. 3 Phi laj nug Yexu has tas, koj yog cov Yutai tug vaaj ntxwv los. Yexu teb has tas, koj yog tug kws has le ntawm. 4 Phi laj txawm has tsua cov pov thawj hlub hab cov tuabneeg coob coob hov has tas, kuv tsw pum tug nuav muaj ib nyuas qhov txhum le. 5 Kuas puab cov ntawm yimfuab has tawv has tas, nwg tej lug qha ua tsua suavdawg ntxhuv. Nwg chiv qha peg Kalilai tebchaws, tuaj moog thoob plawg Yutai tebchaws, hab nwgnuav nwg tuaj txug ntawm nuav.
Yexu nyob ntawm Helauj xub ndag
6 Thaus Phi laj nov puab has le ntawm nwg txawm nug has tas, tug txwv neej nuav nwg yog tuabneeg Kalilai los. 7 Thaus Phi laj paub has tas, Yexu tuaj peg lub tebchaws kws Helauj kaav tuaj, tes nwg txawm xaa Yexu moog cuag Helauj. Lub swmhawm hov Helauj tuaj su huv lub nroog Yeluxalee hab. 8 Thaus Helauj pum Yexu, Helauj zoo sab kawg le, tsua qhov nwg ib txwm nov Yexu lub moo hab nwg xaav pum Yexu ntev lug lawm. Nwg xaav has tas, zag nuav nyab nwg yuav pum Yexu ua ib yaam txujci tseem ceeb ntaag laub. 9 Helauj txawm nug Yexu ntau qhov, kuas Yexu tsw teb ib lus le. 10 Cov pov thawj hlub hab cov xwbfwb kws qha Vaajtswv kevcai puab txaav zog moog tom ntej mivntswv, puab txawm has tawv tawv tsua Helauj has tas, Yexu ua txhum. 11 Helauj hab nwg cov tub rog thuaj Yexu hab ua saib tsw taug Yexu. Puab muab ib lub tsho zoo zoo nkauj lug tsua Yexu naav hab xaa nwg rov qaab moog tsua Phi laj. 12 Yaav taag lug lawm Helauj hab Phi laj ua yeeb ncuab, kuas txwj nub ntawm lug ob tug txawm sws raug zoo lawm.
Yexu raug txav txem tua
13 Phi laj txawm hu cov pov thawj hlub, hab cov num tswv hab cov pejxeem suavdawg tuaj ua ke, 14 mas nwg has tsua puab has tas, mej coj tug txwv neej nuav tuaj cuag kuv. Mej has tas, nwg ntxag kuas cov pejxeem ntxhuv. Nwgnuav kuv tub nug nwg zaaj taab meeg mej suavdawg lawm. Kuv tsw pum nwg muaj ib qho txhum lawv le kws mej has ntawm. 15 Helauj kuj tsw pum nwg muaj ib qho txhum le hab, Helauj txha xaa nwg rov qaab lug tsua peb. Tug txwv neej nuav tsw tau ua ib nyuas qhov txhum kws yuav txaus muab nwg tua pov tseg. 16 Yog le ntawm kuv yuav kuas puab muab nwg nplawm hab tso nwg moog. 17 (Txhua zag kws puab ua kevcai hlaa dhau, Phi laj ib txwm tso ib tug tuabneeg raug txem dim lawv le cov pejxeem thov.) 18 Cov tuabneeg coob coob ntawm txawm has nrov nrov has tas, muab nwg tua pov tseg ais tso Npalanpa lug tsua peb. 19 Npalanpa yog tug kws puab muab kaw huv tsev loj faaj vem nwg nrug cov pejxeem ntxeev num ntxeev tswv huv lub nroog, hab nwg tua tuabneeg. 20 Phi laj xaav tso Yexu dim, nwg txha rov qaab has tsua cov tuabneeg coob coob ntawm dua ib zag hab. 21 Kuas puab has nrov nrov has tas, muab nwg coj moog teem tsua sau ntoo khaublig, muab nwg coj moog teem tsua sau ntoo khaublig. 22 Phi laj rov qaab has zag peb tsua puab has tas, yuav muab nwg teem tsua sau ntoo khaublig ua daabtsw. Nwg ua txhum qhov twg. Kuv tub tsw pum nwg muaj ib qho txhum kws yuav txaus muab nwg tua. Kuv yuav kuas puab muab nwg nplawm hab tso nwg moog. 23 Kuas cov tuabneeg ntawm qw heev kawg tsw tseg le, puab kuas Phi laj muab Yexu teem tsua sau ntoo khaublig. Thaus kawg Phi laj kov tsw yeej puab. 24 Tes Phi laj txawm txav txem tsua Yexu lawv le puab thov. 25 Phi laj txawm tso tug kws puab thov tsua puab, tug hov yog tug kws raug kaw huv tsev loj faaj vem nwg ntxeev num ntxeev tswv hab tua tuabneeg. Tes Philaj txawm muab Yexu tsua puab coj moog tswm txom lawv le puab lub sab nyam.
Yexu raug teem sau ntoo khaublig
26 Thaus puab saamswm coj Yexu tawm moog, puab txawm ntswb ib tug txwv neej npe hu ua Ximoo kws nyob tim lub moos Khulene. Nwg saamswm tuaj peg toj sab tuaj, nwg yuav moog huv lub nroog. Puab txawm nteg nwg hab yuam nwg kwv tug ntoo khaublig lawv Yexu qaab moog. 27 Muaj ib co tuabneeg coob coob lawv Yexu qaab, hab muaj ib co quaspuj nrug cov tuabneeg ntawm moog. Cov quaspuj ntawm tsaa suab hlo quaj nrov nrov vem puab hlub Yexu heev. 28 Yexu txawm tig hlo moog saib puab mas has tsua puab has tas, cov quaspuj kws nyob huv lub nroog Yeluxalee, mej tsw xob quaj quaj qhov kws kuv raug kev txom nyem nuav. Kuas mej ca le quaj tsua qhov kws mej hab mej cov mivnyuas yuav raug kev txom nyem. 29 Yuav muaj ib lub swmhawm kws suavdawg yuav has tas, cov quaspuj kws ib txwm xeeb tsw taug mivnyuas hab cov quaspuj kws tsw tau xeeb dua mivnyuas, hab tsw tau pub dua mig tsua mivnyuas noj mas moov zoo. 30 Lub swmhawm hov yuav muaj tuabneeg has tsua tej pob tsuas has tas, nphau lug tsuam peb, hab puab yuav has tsua tej hauv toj hauv peg has tas, nphau lug txhub peb los maj. 31 Yog puab tub ua le nuav tsua thaus tsob ntoo tseem nyoog, mas thaus tsob ntoo qhuav lawm puab yuav ua le caag tsua. 32 Puab muab ob tug tub saab coj tuaj tua ua ke nrug Yexu. 33 Thaus puab moog txug ib qhov chaw npe hu ua roob txhaa taubhau, puab txawm muab Yexu teem tsua sau ntoo khaublig tsua hov ntawm, hab muab ob tug tub saab hov teem tsua ob tug ntoo khaublig. Muab ib tug txhus tsua Yexu saab xws ib tug txhus tsua Yexu saab phem. 34 Yexu thov Vaajtswv has tas, txwv, thov koj zaam txem tsua puab vem puab tsw paub has tas, puab ua daabtsw. Cov tub rog txawm muab Yexu cev rwg tsho lug twv hab muab faib. 35 Cov tuabneeg suavdawg sawv ib caag saib hab Yutai cov thawj thuaj Yexu has tas, nwg tub paab tau lwm tug dim, yog nwg yog tug kws Vaajtswv xaiv hab khaiv lug ua tug Cawmseej tag, tes nwg ca le paab kuas nwg dim los maj. 36 Cov tub rog thuaj Yexu hab coj kua txwv maab qaub lug cev tsua Yexu haus. 37 Hab puab has tas, saib koj yog cov Yutai tug vaaj ntxwv tag, tes koj ca le paab kuas koj dim los maj. 38 Muaj lug sau ca tsua ntawm ib daim txag ntoo kws nyob ncaaj sau Yexu taubhau has tas, tug nuav yog cov Yutai tug vaaj ntxwv. 39 Ob tug tub saab kws puab muab teem tsua sau ntoo khaublig hov muaj ib tug thuaj Yexu has tas, koj tsw yog tug kws Vaajtswv khaiv lug ua Cawmseej los. Koj ca le paab koj hab paab ib kuas dim los maj. 40 Kuas tug tub saab kws nyob saab tom tshev tug kws nyob saab tom nuav has tas, koj tsw ntshai Vaajtswv los. Ib ob leeg puav leej raug tua ib yaam le nwg hab. 41 Ib raug txem le nuav tub tswm nyog tsua qhov kws ib ua txhum lawm, kuas tug nuav tsw tau ua txhum daabtsw le. 42 Nwg txawm thov has tas, Yexu thaus koj rov qaab lug ua vaaj ntxwv thov koj ncu txug kuv hab. 43 Yexu has tsua nwg has tas, kuv qha tseeb tsua koj has tas, nub nua ntaag koj yuav tau nrug kuv nyob sau qhov chaw kws tau nyob kaaj sab quas lug.
Yexu tuag
44 Thaus nub yuav ntseg, lub nub txawm tsaus ndais tsw ci lawm, nplajteb tsaus ntuj quas nti moog txug nub qaij peb teev. 45 Hab daim ntaub kws thaiv huv lub tuam tsev thov Vaajtswv txawm nduag rhe ua ob daig. 46 Yexu hu nrov nrov has tas, txwv, kuv muab kuv tug ntsuj plig tso tsua huv koj txhais teg. Thaus Yexu has le hov taag nrho, nwg txawm tuag lawm. 47 Thaus tug thawj tub rog pum muaj le ntawm nwg txawm qhuas Vaajtswv has tas, yog tag lauj, tug nuav yeej yog tuabneeg ncaaj nceeg. 48 Thaus cov tuabneeg kws tuaj ua ke ntawm pum tej nuav lawm puab rov qaab moog tsev, puab ntaus puab hauv sab tsua qhov puab tsw zoo sab le. 49 Cov tuabneeg kws ib txwm paub Yexu hab cov quaspuj kws nrug Yexu tuaj peg Kalilai tuaj, puab sawv deb deb saib tej nuav.
Puab muab Yexu moog log
50,51 Muaj ib tug txwv neej npe hu ua Yauxej, nwg yog tug kws tuaj peg cov Yutai lub moos npe hu ua Alimatha tuaj. Nwg yog ib tug tuabneeg ncaaj nceeg kws suavdawg fwm, hab nwg naj nub tog lub swmhawm kws Vaajtswv yuav lug kaav tuabneeg lub sab, nwg kuj yog cov Yutai ib tug hlub hab, kuas thaus puab cov sablaaj yuav teem txem tsua Yexu, nwg tsw pum zoo tej kws puab ua ntawm. 52 Nwg moog cuag Phi laj hab thov Phi laj kheev nwg moog muab Yexu lub cev. 53 Thaus nwg thov tau lawm nwg txawm moog txu Yexu lub cev lug, nwg muab ntaub maag qhwv, hab kwv moog log tsua huv lub qhov ntxaa kws puab txaug tsua huv ib phaab zeb, yeej tsw tau muaj leejtwg coj tuabneeg moog log tsua huv lub qhov ntxaa hov ib zag le. 54 Nub hov yog nub tswb, tub yuav txug nub su. 55 Cov quaspuj kws nrug Yexu tuaj peg Kalilai tuaj, puab kuj lawv Yauxej qaab moog hab, puab txha pum lub qhov ntxaa, Yauxej muab Yexu lub cev tso ca le caag los puab pum huvsw. 56 Tes puab txawm rov qaab moog tsev mas npaaj tej tshuaj tsw-qaab hab tej roj tsw-qaab tseg ca yuav nqaa moog pleev Yexu lub cev. Nub su puab su lawv le Vaajtswv kevcai qha tseg lawm.
Yexu sawv huv qhov tuag rov lug
1 Nub athib thaus kaaj ntug quas txoog cov quaspuj hov txawm nqaa tej tshuaj tsw-qaab kws puab tub npaaj tseg lawm moog tom lub qhov ntxaa. 2 Thaus puab moog txug puab pum lub pob zeb kws npug lub qhov ntxaa tub dov tsua ib saab lawm. 3 Puab txawm moog saib huv kuas tsw pum Yexu lub cev lawm. 4 Puab sawv quas ntsug ntawm saib, puab xaav tsw thoob le. Taamswm hov muaj ob tug txwv neej naav rwg tsho ci ntsaa quas ab lug sawv ntawm puab ib saab. 5 Cov quaspuj hov ntshai kawg le. Puab txawm nyo hau tsua huv peg teb, saib tsw tau ob tug txwv neej ntawm le. Ob tug txwv neej has tsua puab has tas, ua caag mej yuav tuaj nrhav tug tuabneeg caj huv cov tuabneeg tuag nuav. 6 Nwg tsw nyob ntawm nuav, nwg tub sawv lug lawm. Mej tsw ncu tej lug kws thaus nwg tseem nyob peg Kalilai tebchaws nwg has tsua mej los. 7 Nwg has tas, yeej yuav muaj tuabneeg nteg Tuabneeg Leej Tub coj moog tsua cov tuabneeg muaj txem, mas puab yuav muab nwg teem tsua sau ntoo khaublig kuas peb nub nwg yuav sawv rov qaab lug. 8 Tes cov quaspuj txawm ncu dheev txug Yexu tej lug, 9 puab txawm tawm huv lub qhov ntxaa rov qaab moog qha tej nuav huvsw tsua kaum ib leeg thwjtim, hab qha tsua cov kws nrug puab nyob ua ke noog. 10 Cov quaspuj hov muaj ib tug yog Maivlag Matala, ib tug yog Yauhana, ib tug yog Maivlag kws yog Yakaupau nam, hab muaj dua ob peb tug quaspuj, puab qha tej nuav tsua cov tubkhai. 11 Kuas cov tubkhai xaav has tas, tej kws cov quaspuj hov has yog laam tso daag xwb, cov tubkhai tsw ntseeg. 12 Kuas Pestus txawm sawv tseeg dha taj quas lag moog tom lub qhov ntxaa. Thaus nwg moog txug nwg txawm nyo ntshws xauj huv lub qhov ntxaa, ua cav tsw pum daabtsw, tsuas pum cov ntaub kws qhwv Yexu lub cev nyob huv xwb. Nwg txawm tig hlo rov qaab lug tsev lawm. Mas tej kws nwg pum hov nwg tsw pum qaab xaav le.
Yexu moog peg zog Ema-u
13 Tuab nub hov Yexu cov thwjtim muaj ob tug saamswm moog tom lub zog kws hu ua Ema-u, lub zog ntawm nyob deb ntawm lub nroog Yeluxalee kwvlaam kaum ib kis lus kev. 14 Thaus ob tug saamswm taug kev moog, ob tug sws thaam has txug tej kws tub muaj lawm. 15 Thaus ob tug tseem thaam thaam zaaj ntawm Yexu txawm lug nrug ob tug ua ke moog. 16 Ob tug pum nwg hab, kuas zoo le muaj ib yaam daabtsw plooj ob tug qhov muag lawm, ob tug cim tsw tau nwg. 17 Yexu txawm nug ob tug has tas, meb pheej thaam thaam daabtsw taug kev. Ob tug txawm nreg nkaus ua ob tug nyuas nluag nluag le. 18 Ob tug hov tug kws npe hu ua Kalupa txawm has tsua Yexu has tas, taag nrho cov tuabneeg kws nyob huv lub nroog Yeluxalee puav leej paub tej xwm kws nyav muaj tau ob peb nyuas nub nuav, ais koj tsw paub los. 19 Yexu nug ob tug has tas, tej xwm ntawm yog daabtsw. Ob tug teb has tas, tej xwm ntawm yog tej kws tug Yexu kws yog tuabneeg Naxale tub raug lawm. Nwg yog ib tug xwbfwb cev Vaajtswv lug, Vaajtswv hab tej tuabneeg suavdawg puav leej pum has tas, nwg tej lug muaj fwjchim hab nwg muaj fwjchim ua tau tej txujci tseem ceeb. 20 Peb cov pov thawj hlub hab cov num tswv muab nwg moog tsua Phi laj txav txem tua nwg pov tseg, mas puab muab nwg teem tsua sau ntoo khaublig. 21 Peb yeej ca sab has tas, nwg yog tug kws yuav paab kuas cov Yixayee dim. Tsw yog le ntawm xwb, tej xwm hov tub muaj tau peb nub tsua nub nua lawm. 22 Mas nub nua cov quaspuj kws yog peb cov muaj qee leej tau ua tsua peb xaav tsw thoob le. Thaus kaaj ntug quas txoog puab moog tom lub qhov ntxaa, 23 kuas puab tsw pum nwg lub cev nyob hov twg le. Puab txawm rov lug qha tsua suavdawg has tas, puab pum cov tubkhai sau ntuj. Ob tug tubkhai hov qha tsua puab has tas, Yexu tub rov muaj txujsa lawm. 24 Peb cov muaj qee leej txawm moog saib tom lub qhov ntxaa, mas puab pum muaj lawv le cov quaspuj hov has tag, kuas tsw muaj leejtwg pum Yexu le. 25 Yexu txawm has tsua ob tug has tas, ua caag meb yuav ruag ua luaj le, hab pheej tsw to taub txhua zaaj kws cov xwbfwb cev Vaajtswv lug tau qha tseg lawm. 26 Tug kws Vaajtswv khaiv lug ua Cawmseej nwg yeej yuav raug tej kev tswm txom ntawm, kuas dhau hov lawm nwg yuav tau nwg tug fwjchim kws ci ntsaa quas ab. 27 Yexu txawm qha txhua zaaj huv Vaajtswv phoo ntawv kws has txug nwg. Nwg chiv qha txhua zaaj kws Mauxe sau has txug nwg, hab tej zaaj kws txhua tug xwbfwb cev Vaajtswv lug tau sau ca lawm tsua ob tug noog. 28 Thaus puab tuaj yuav txug lub zog kws puab yuav moog ntawm, Yexu txawm ua yaam le nwg yuav moog kuas dhau plhawv. 29 Kuas ob tug cheem cheem Yexu has tas, tub yuav tsaus ntuj koj nrug ib pw ib mos ntawm nuav. Yexu txha moog nrug ob tug su. 30 Thaus Yexu nrug ob tug nyob ntawm rooj mov Yexu txawm muab lub ncuav lug, nwg ua Vaajtswv tsaug taag, nwg muab ndais faib tsua ob tug noj. 31 Tes ob tug qhov muag txawm pum meej hlo lawm. Ob tug txha pum tseeb has tas, yog Yexu. Tes Yexu txawm yaaj ntshws ntawm ob tug moog lawm. 32 Ob tug sws thaam has tas, puam taab peb taug kev tuaj nwg nrug ib thaam hab qha tej zaaj kws nyob huv Vaajtswv phoo ntawv tsua ib noog. Thaus hov ib zoo sab kawg le hoj. 33 Taamswm hov ob tug txawm sawv tseeg rov qaab moog nraag lub nroog Yeluxalee mas moog huv lub tsev kws kaum ib tug thwjtim hab lwm tug tuaj nyob ua ke. 34 Mas puab saamswm thaam zum quas zawg has tas, tswv Yexu sawv rov lug lawm tag tag, Ximoo tub pum nwg lawm. 35 Ob tug txawm qha tej kws ob tug taug kev es ob tug pum, hab qha has tas, thaus Yexu muab mov ndais faib tsua ob tug noj, mas thaus hov ob tug pum tseeb tseeb has tas, yog Yexu tag.
Yexu tshwm tsua cov thwjtim pum
36 Thaus ob tug saamswm qha tej kws ob tug pum lawm tsua cov thwjtim noog, tes Yexu txawm tshwm plawg tsua huv plawv puab cov ntawm, mas has tsua puab has tas, thov kuas mej tau zoo nyob kaaj sab quas lug. 37 Puab txhua tug poob sab hab ntshai kawg vem puab xaav has tas, yog puab pum daab. 38 Kuas Yexu has tsua puab has tas, ua caag mej yuav ntxhuv sab ua luaj le. Ua caag mej pheej tsw tso sab. 39 Mej ca le saib kuv txhais teg hab kuv txhais kwtaw mej txha le paub tseeb has tas, yog kuv ntaag. Mej ca le cev teg lug kov kuv, mej txha le paub, vem daab tsw muaj nqaj tsw muaj txhaa le kws mej pum kuv muaj nuav. 40 Thaus nwg has le hov taag, nwg txawm cev hlo nwg txhais teg hab nwg txhais kwtaw moog tsua puab saib. 4 Puab zoo sab kawg hab xaav tsw thoob le kuas puab tseem tsw tau ntseeg tag. Tes Yexu nug puab has tas, mej muaj daabtsw noj los tsw muaj. 42 Puab txawm muab ib daim nqaj ntseg ci cev tsua Yexu. 43 Tes Yexu txais nkaus daim nqaj ntawm moog noj taab meeg puab suavdawg. 44 Yexu has tsua puab has tas, tej nuav tub yog tej kws thaus kuv tseem nrug mej nyob kuv qha tsua mej lawm. Txhua yaam kws Mauxe hab cov xwbfwb cev Vaajtswv lug tau sau ca, hab tej kws sau ca tsua huv Tavi phoo hu nkauj kws has txug kuv ntawm puav leej yuav tav. 45 Yexu txawm qha tsua puab nkaag sab tej lug kws tub muaj sau ca tsua huv Vaajtswv phoo ntawv lawm. 46 Hab Yexu has tsua puab has tas, tub muaj lug sau ca has tas, tug kws Vaajtswv khaiv lug ua Cawmseej yeej yuav raug kev tswm txom, mas peb nub nwg yuav sawv huv qhov tuag rov qaab lug. 47 Mej yuav tsum tuav nwg lub npe moog qha tsua txhua tsaav tuabneeg huv lub qaab ntuj nuav has tas, puab yuav tsum ntxeev dua sab tshab hab tso kev txhum tseg Vaajtswv txha daws puab lub txem. Mej yuav tsum chiv qha huv lub nroog Yeluxalee le maav moog qha lwm qhov. 48 Mej yuav tsum moog qha tej kws mej pum lawm tsua suavdawg paub. 49 Nwgnuav kuv yuav pub tug kws kuv txwv cog lug tseg lawm tsua mej. Kuas mej yuav tsum nyob huv lub nroog tog txug thaus kws mej tau tug fwjchim kws lug sau ntuj lug tsaiv.
Yexu moog sau ntuj
50 Yexu coj puab tawm huv lub nroog moog txug nraag lub zog Npethani tes nwg txawm tsaa teg hab thov Vaajtswv foom koob foom moov tsua puab. 51 Thaus nwg tseem saamswm thov Vaajtswv foom koob foom moov tsua puab, nwg txawm ncaim puab moog dua sau ntuj lawm. 52 Puab zoo sab kawg, puab fwm nwg hab puab rov qaab moog huv lub nroog Yeluxalee. 53 Puab naj nub moog nyob huv lub tuam tsev thov Vaajtswv, es ua Vaajtswv tsaug.
Txujlug kws muaj txujsa
1 Thaus Vaajtswv tseem tsw tau tswm ntuj tswm teb, Vaajtswv Txujlug yeej muaj nyob lawm. Txujlug ntawm yeej ib txwm nrug Vaajtswv nyob, hab nwg yog Vaajtswv. 2 Thaus chiv keeb nwg ib txwm nrug Vaajtswv nyob. 3 Vaajtswv kuas nwg tswm ib puas tsaav yaam huvsw. Ib puas tsaav yaam ntawm tsw muaj ib yaam kws yuav tsw yog nwg tswm. 4 Vaajtswv Txujlug hov muaj txujsa. Txujsa hov txawj ua tsua tuabneeg pum kev. 5 Qhov kaaj ci tuaj tsua huv qhov tsaus ntuj. Kuas qhov tsaus ntuj laum tsw tau qhov kaaj hov tsaus. 6 Vaajtswv khaiv ib tug txwv neej npe hu ua Yauhaa lug, 7 Yauhaa qha qhov kaaj ntawm tsua suavdawg, kuas suavdawg tau nov hab lug ntseeg. 8 Yauhaa tsw yog qhov kaaj, nwg tsuas lug qha qhov kaaj ntawm xwb. 9 Qhov kaaj hov yog qhov kaaj tseeb kws lug ci tsua huv nplajteb nuav tsua txhua tsaav tuabneeg pum kev. 10 Yog le ntawm Vaajtswv Txujlug tub nyob huv nplajteb nuav lawm. Vaajtswv kuas Txujlug hov tswm nplajteb lug los tuabneeg nplajteb tsw paub nwg hab. 11 Nwg lug huv nwg teb nwg chaw los nwg tsaav tuabneeg tsw leeg yuav nwg. 12 Kuas txhua leej kws txais yuav nwg hab tso sab tsua nwg, nwg kuj pub cov ntawm muaj feem lug ua Vaajtswv le mivnyuas. 13 Qhov kws puab ua tau Vaajtswv cov mivnyuas le ntawm, yeej tsw yog lawv le tuabneeg ib txwm muaj mivnyuas, lawv le ib txwm yuav tsum muaj nam muaj txwv txha xeeb tau mivnyuas. Vaajtswv yog puab txwv. 14 Vaajtswv Txujlug tub lug yug ua tuabneeg, nwg nrug peb nyob. Peb pum tas, nwg muaj fwjchim, nwg hlub peb kawg nkaus le, hab nwg yog qhov tseeb. Leej txwv pub fwjchim tsua nwg vem nwg yog leej txwv tuab leeg tub. 15 Yauhaa qha txug tug hov tsua suavdawg. Yauhaa has nrov nrov has tas, tug txwv neej nuav yog tug kws kuv tub xub qha tsua mej lawm tas, yuav muaj ib tug lawv kuv qaab tuaj, nwg muaj fwjchim luj dua kuv vem thaus tseem tsw tau yug kuv, nwg tub xub nyob lawm. 16 Nwg hlub peb kawg nkaus le nwg txha foom koob foom moov ntau nplua mag tsua peb. 17 Yaav taag lug lawm Vaajtswv kuas Mauxe sau ib txuj kevcai tsua peb coj, kuas nwgnuav Vaajtswv kuas Yexu Kheto qha Vaajtswv txujkev hlub hab qhov tseeb tsua peb. 18 1b txwm yeej tsw muaj leejtwg pum Vaajtswv ib zag le, tsuas yog Vaajtswv tuab leeg tub kws muaj fwjchim sws luag quas zog le Vaajtswv txha qha Vaajtswv tsua peb xwb, tsua qhov nwg yog tug kws nyob ntawm Vaajtswv lub xub ndag.
Yauhaa tsw yog tug Cawmseej
19 Cov Yutai kws nyob huv lub nroog Yeluxalee khaiv cov pov thawj hab cov »Levi tuaj nug Yauhaa has tas, koj yog leejtwg. 20 Yauhaa ca le qha tseeb tseeb tsua puab has tas, kuv tsw yog tug kws Vaajtswv khaiv lug ua tug Cawmseej. 21 Puab rov nug Yauhaa has tas, ua le ais koj yog leejtwg. Koj yog Eliya los. Yauhaa teb has tas, kuv tsw yog. Puab nug has tas, koj yog tug xwbfwb kws cev Vaajtswv lug los. Yauhaa teb has tas, kuv tsw yog. 22 Puab txawm rov nug Yauhaa has tas, ua le mas ais koj yog leejtwg tag, koj ca le qha peb, peb txha paub rov moog qha tsua cov tuabneeg kws khaiv peb tuaj nug koj. Koj has saib koj yog leejtwg. 23 Yauhaa teb puab lawv le xwbfwb Yaxaya kws cev Vaajtswv lug tau sau tseg has tas, Kuv yog tug kws has nrov nrov tom tebchaws moj saab qhua has tas, khu kev kuas du quas lug tog tug tswv. 24 Cov tuabneeg kws cov Falixai khaiv tuaj ntawm nug Yauhaa has tas, 25 koj has tas, koj tsw yog tug Cawmseej, tsw yog Eliya, tsw yog tug xwbfwb kws cev Vaajtswv lug. Ua caag koj tsua muab tuabneeg ua kevcai raus dej. 26 Yauhaa teb has tas, kuv muab tuabneeg ua kevcai raus dej tag. Kuas muaj ib tug nrug mej nyob ua ke ntawm nuav, mej tub tsw paub nwg. 27 Nwg yog tug kws lawv kuv qaab lug, kuv tub tsw tswm nyog daws nwg txuj nyuas hlua khau ntawm nwg kwtaw. 28 Tej nuav yog muaj tom lub zog Npethani kws nyob saab ntug dej Yalatee tim u, yog thaus Yauhaa saamswm muab tuabneeg ua kevcai raus dej.
Vaajtswv tug mivnyuas yaaj
29 Nub tom qaab Yauhaa pum Yexu saamswm tuaj tsua ntawm nwg. Yauhaa has tas, tug hov yog Vaajtswv "tug mivnyuas yaaj kws yuav rws tuabneeg nplajteb lub txem. 30 Tug hov yog tug kws kuv has tas, yuav muaj ib tug lawv kuv qaab lug. Tug hov muaj fwjchim luj dua kuv tsua qhov nwg yeej ib txwm muaj nyob thaus tsw tau yug kuv. 31 Thaus kuv has le ntawm kuv tseem tsw tau paub has tas, tug hov yog leejtwg. Kuas kuv lug muab tuabneeg ua kevcai raus dej sub cov tuabneeg Yixayee txha paub nwg. 32 Yauhaa ua tim khawv has tas, kuv pum Vaajtswv tug Ntsuj Plig zoo yuav thooj le tug nquab yaa sau ntuj lug tsaws sau nwg taubhau, 33 kuas kuv tseem tsw tau paub tas, nwg yog leejtwg. Kuas Vaajtswv kws khaiv kuv lug muab tuabneeg ua kevcai raus dej has tsua kuv tas, koj yuav pum Vaajtswv tug Ntsuj Plig lug tsaws sau ib tug txwv neej taubhau. Tug ntawm laub, yog tug kws yuav muab tuabneeg ua kevcai raus huv Vaajtswv tug Ntsuj Plig. 34 Hab Yauhaa has tas, kuv lub qhov muag tub pum lawm, kuv txha ua tau tim khawv has tas, nwg yog Vaajtswv tug tub.
Cov kws Yexu xub hu lug ua thwjtim
35 Nub tom qaab thaus Yauhaa saamswm nrug Yauhaa ob tug thwjtim sawv ua ke, Yauhaa pum Yexu tuaj moog. 36 Yauhaa has tsua ob tug thwjtim has tas, meb saib tug ntawm yog Vaajtswv tug mivnyuas yaaj. 37 Yauhaa ob tug thwjtim nov Yauhaa has le hov, tes ob tug txawm lawv Yexu qaab moog. 38 Yexu tig hlo lug pum ob tug, Yexu nug ob tug has tas, meb nrhav leejtwg. Ob tug teb has tas, xwbfwb koj su hov twg. 39 Yexu teb has tas, meb tuaj saib maj. Ob tug txawm moog saib Yexu lub chaw nyob. Thaus puab moog txug nub tub taj quas lag lawm, ob tug nrug Yexu nyob ib nyuas tsaam. 40 Ob tug kws nov Yauhaa has ais txawm ca le lawv Yexu qaab moog ntawm, muaj ib tug yog Ximoo Pestus tug kwv Aatali. 41 Aatali txawm ca le moog hu Aatali tug tijlaug Ximoo. Nwg has tsua Ximoo has tas, peb tub ntswb tug Cawmseej kws Vaajtswv khaiv lug lawm. 42 Aatali coj Ximoo moog cuag Yexu. Yexu saib Ximoo ntsej muag, Yexu has tsua Ximoo has tas, koj yog Yauhaa tug tub Ximoo, luas yuav hu koj hu ua Kefa. Lub npe Kefa hab Pestus yog txhais has tas pob zeb.
Yexu hu Fili hab Nathane
43 Nub tom qaab thaus Yexu yuav moog peg Kalilai tebchaws Yexu moog hu Fili has tas, Fili koj ca le nrug kuv moog. 44 Fili yeej nyob peg lub moos Npexayata ib yaam le Aatali hab Pestus. 45 Fili txawm moog hu Nathane has tas, peb tub ntswb Yauxej kws nyob Naxale tug tub Yexu lawm. Yaav taag lug lawm Mauxe tub sau has txug tug tub ntawm tsua huv phoo ntawv qha Vaajtswv kevcai lawm. Cov xwbfwb cev Vaajtswv lug puab puav leej sau has txug nwg hab. 46 Nathane teb Fili has tas, tsw laam muaj ib tug tuabneeg tswm txaj lug yug tsua huv lub zog Naxale kab. Fili teb has tas, koj nrug kuv moog saib maj. 47 Thaus Yexu pum Nathane saamswm tuaj cuag Yexu, Yexu has tas, tug ntawm yog tuabneeg Yixayee tag. Nwg lub sab tsw nkhaus ib nyuas qhov le. 48 Nathane nug Yexu has tas, ua caag koj txawm swv paub kuv lawm. Yexu teb has tas, thaus Fili tseem tsw tau hu koj, koj tseem nyob huv qaab tsob ntoo cua, kuv tub yeej pum koj lawm. 49 Nathane has tas, xwbfwb koj yog Vaajtswv tug tub. Koj yog cov Yixayee tug vaaj ntxwv tag tag le. 50 Yexu has tsua Nathane has tas, Nathane, koj nov kuv has tas, kuv pum koj nyob huv qaab tsob ntoo cua, koj txha le ntseeg los. Koj yuav pum tej xwm kws tseem ceeb dua le nuav hab. 5' Hab Yexu has tas, kuv qha tseeb tsua mej has tas, mej yuav pum rooj ntug qheb, hab pum Vaajtswv cov tubkhai sau ntuj moog moog lug lug ntawm Tuabneeg Leej Tub lub xub ndag.
Ua tshoob huv lub zog Khana
1 Tau ob nub tom qaab muaj tuabneeg ua ib rooj tshoob huv Kalilai tebchaws huv lub zog Khana. Yexu nam moog nrug puab ua tshoob hab. 2 Puab hu Yexu hab Yexu cov thwjtim moog hab. 3 Suavdawg noj haus txug tog, ua cav kua txwv maab xwv taag lawm. Yexu nam txawm has tsua Yexu has tas, kua txwv maab taag lawm. 4 Yexu teb has tas, tsw taag koj yuav has le kos tsua kuv. Tseem tsw tau txug kuv lub swmhawm. 5 Yexu nam has tsua cov tub qhe has tas, nwg kuas mej ua daabtsw, tes mej ca le ua lawv le nwg has. 6 Cov Yutai yeej ib txwm coj kevcai ntxuav. Yog le ntawm txha muaj rau lub hub nyob ntawm. Cov hub hov ib lub ntim tau plaub tswb thoob dej. 7 Yexu has tsua cov tub qhe has tas, mej ca le moog nqaa dej lug ntim tsua cov hub nuav kuas puv. Tes puab txawm moog nqaa dej lug ntim puv nkaus txhua lub huvsw. 8 Yexu txawm has tsua puab has tas, mej ca le ntaus mivntswv nqaa moog tsua tug kaav xwm. Puab txawm ntaus nqaa moog tsua tug kaav xwm. 9 Thaus tug kaav xwm swm cov dej kws txa ua kua txwv maab xwv lawm, nwg xaav tsw thoob le. Nwg tsw paub sov puab nqaa cov kua txwv maab xwv ntawm hov twg lug, kuas cov tub qhe kws ntaus cov dej hov puab yeej paub. Tug kaav xwm txawm hu tug nraug vauv lug has tas, 10 luas yeej ib txwm xub muab cov thawj kua txwv maab xwv lug haus ua ntej tsaiv, thaus suavdawg haus ntau lawm, le maav muab cov tw lug haus. Kuas koj tsw ua le ntawm, koj tsua muab cov thawj tseg ca haus ua qaab. 11 Zag txujci tseem ceeb nuav Yexu ua huv lub zog Khana kws nyob kuv Kalilai tebchaws. Zag nuav yog thawj zag kws Yexu ua txujci tseem ceeb. Nwg ua le ntawm qha kuas suavdawg pum nwg tug fwjchim. Nwg cov thwjtim pum le hov puab txha ntseeg heev. 12 Dhau hov ntawm Yexu hab Yexu nam, hab Yexu cov kwv hab Yexu cov thwjtim puab moog peg lub moos Kapena-oo, puab moog nyob peg tau ob peb nub.
Yexu moog tom lub tuam tsev
13 Thaus yuav txug lub caij kws cov tuabneeg ua kevcai hlaa dhau, Yexu txawm moog nraag lub nroog Yeluxalee. 14 Yexu pum tuabneeg tuaj muag nyuj muag yaaj muag nquab hab pum cov tuabneeg pauv nyaj nyob pawg quas lug ntawm puab tej rooj huv lub tuam tsev tej qaab khaav. 15 Yexu txawm zuas zog ib cov hlua lug quav npho ua ib raab nplawm, Yexu txawm lawv tej nyuj hab tej yaaj tswv tawm huv lub tuam tsev moog huvsw. Yexu muab cov tuabneeg pauv nyaj tej rooj ntxeev pis hlo tseg, puab tej nyaj poob dawb vog tsua huv aav. 16 Yexu has tsua cov tuabneeg muag nquab has tas, mej ca le muab mej tej nquab nqaa tswv moog taamswm nuav. Tsw yooj tuaj ua laag ua luam huv kuv txwv lub tsev nuav hlo le. 17 Thaus Yexu cov thwjtim pum le ntawm puab txawm ncu dheev txug tej lug kws sau ca tsua huv Vaajtswv phoo ntawv has tas, Vaajtswv, kuv mob sab tsua koj lub tsev heev ib yaam le ib teg tsau hlawv kuv lub sab. 18 Cov Yutai lug nug Yexu has tas, koj yuav ua txujci tseem ceeb daabtsw qha tsua peb paub has tas, koj tau fwjchim hov twg es koj muaj cuab kaav tuaj ua le nuav. 19 Yexu teb has tas, mej ca le muab Vaajtswv lub tsev nuav lauj kag pov tseg, mas peb nub xwb kuv yeej rov ua tau ib lub tshab. 20 Cov Yutai txawm has tas, lub tuam tsev thov Vaajtswv nuav, peb kaam ua tau plaub caug rau xyoo dag txha le tau. Ua caag koj laam has tas, peb nub xwb koj yuav ua tau ib lub tshab nua. 21 Vaajtswv lub tsev kws Yexu has hov, tub yog Yexu has txug Yexu lub cev. 22 Thaus Vaajtswv tsaa Yexu sawv huv qhov tuag rov qaab lug lawm, Yexu cov thwjtim txawm ncu dheev txug tej lug kws Yexu has ntawm. Puab txha le ntseeg tej lug kws sau ca tsua huv Vaajtswv phoo ntawv, hab ntseeg Yexu tej lug.
Yexu paub tuabneeg lub sab
23 Lub caij kws suavdawg ua kevcai hlaa dhau ntawm, Yexu tseem nyob huv lub nroog Yeluxalee. Muaj tuabneeg coob coob ntseeg Yexu tej lug, tsua qhov puab pum tej txujci luj kws Yexu ua. 2h Kuas Yexu tsw ca sab tsua puab, Yexu yeej paub suavdawg lub sab lawm. 25 Yexu paub txhua tug lub sab huvsw, tsw txug leejtwg yuav qha ib yaam daabtsw tsua nwg.
Nikautemau moog cuag Yexu mo ntuj
1 Muaj ib tug txwv neej npe hu ua Nikautemau. Nwg yog cov Falixai, nwg ua cov Yutai ib tug thawj. 2 Nwg tuaj cuag Yexu mo ntuj. Nwg has tsua Yexu has tas, xwbfwb, peb paub has tas, koj yog ib tug xwbfwb kws Vaajtswv khaiv lug. Tsw muaj leejtwg yuav ua tau tej txujci tseem ceeb kws koj ua nuav, yog Vaajtswv pub fwjchim tsua tug twg, tug ntawm txha ua tau xwb. 3 Yexu teb has tas, kuv qha tseeb tsua koj has tas, tug kws tsw tau yug dua tshab yuav tsw tau lug ua Vaajtswv le tuabneeg hab yuav tsw pum Vaajtswv lub tebchaws le. 4 Nikautemau nug Yexu has tas, ib tub laug lawm yuav ua le caag yug dua tshab nua, nwg yeej rov tsw tau tsua huv nwg nam lub plaab es rov yug dua ib zag le. 5 Yexu teb has tas, kuv qha tseeb tsua koj has tas, tug kws tsw tau yug ntawm dej hab ntawm Vaajtswv tug Ntsuj Plig lug, tug ntawm yeej yuav tsw tau lug ua Vaajtswv le tuabneeg hab yuav tsw pum Vaajtswv lub tebchaws le. 6 Tug kws yog tuabneeg yug, tug ntawm yeej yog tuabneeg. Tug kws yog Vaajtswv tug Ntsuj Plig yug, tug ntawm yeej yog ntsuj plig. 7 Koj tsw xob poob sab tsua tej lug kws kuv qha tsua koj has tas, txhua tug yuav tsum yug dua tshab. 8 Cua yuav ntsawj moog saab twg los yeej tsw muaj leejtwg txwv tau. Koj nov cua nrov kuas koj tsw paub sov cua tawm hov twg tuaj hab yuav moog tsua hov twg. lb yaam nkaus le ntawm koj yeej tsw paub sov txhua tug kws Vaajtswv tug Ntsuj Plig yug, yog yug le caag. 9 Nikautemau nug Yexu has tas, yuav ua le caag ua tau lawv le tej kws koj has kos. 10 Yexu teb has tas, koj tub yog cov Yixayee ib tug xwbfwb kws suavdawg fwm ne, ua caag koj tseem tsw tau paub tej nuav. 11 Kuv qha tseeb tsua koj has tas, peb has tej kws peb paub hab qha tej kws peb pum xwb los mej cov tsw muaj ib tug ntseeg tej lug kws peb qha tsua koj nuav. 12 Kuv has txug tej kws nyob huv nplajteb nuav xwb mej tub tsw ntseeg. Yog kuv tseem has txug tej kws nyob sau ntuj ceeb tsheej hab tes mej yimfuab yuav tsw ntseeg le. 13 Yeej tsw tau muaj leejtwg moog sau ntuj ceeb tsheej ib zag le, tsuas yog Tuabneeg Leej Tub kws nqeg sau ntuj ceeb tsheej lug tuab leeg moog xwb. 14 Luas yuav muab Tuabneeg Leej Tub teem tsua sau ntoo ib yaam le thau Mauxe teem tug naab tooj tom tebchaws moj saab qhua. 15 Tuabneeg Leej Tub yeej yuav raug teem le hov, sub txhua tug kws ntseeg nwg, txha le tau txujsa ntev moog ib txhws tsw kawg. 16 Yog Vaajtswv hlub hlub tuabneeg nplajteb Vaajtswv txha le khaiv nwg tuab leeg tub lug tsua huv nplajteb. Sub txhua tug kws ntseeg hab tso sab tsua nwg leej tub txha tsw tuag, kuas yuav tau txujsa ntev moog ib txhws tsw kawg. 17 Qhov kws Vaajtswv khaiv Vaaj- tswv leej tub lug huv nplajteb nuav, tsw yog khaiv lug teem txem tsua tuabneeg nplajteb, yog nwg khaiv lug paab tuabneeg nplajteb kuas puab dim puab lub txem. 18 Cov kws ntseeg Vaajtswv tug tub, mas yuav tsw raug teem txem, kuas cov kws tsw ntseeg Vaajtswv tug tub, mas tub raug teem txem lawm vem puab tsw ntseeg Vaajtswv tuab leeg tub. 19 Tog Vaajtswv teem txem tsua tuabneeg los yog tim le nuav, Vaajtswv tub ua qhov kaaj ci lug tsua huv nplajteb nuav lawm, kuas tuabneeg nyam qhov tsaus heev dua nyam qhov kaaj hab tuabneeg yeej nyam ua phem. 20 Tug kws nyam ua phem yeej tsw nyam qhov kaaj. Nwg tsw kaam lug nyob huv qhov kaaj tsua qhov nwg ntshai tsaam suavdawg pum nwg tej kev txhum. 21 Tug kws nyam ua zoo nwg yeej yuav lug nyob huv qhov kaaj, kuas suavdawg pum has tas, nwg ua nwg teg num lawv le Vaajtswv lub sab nyam.
Yexu muaj fwjchim luj dua Yauhaa
22 Dhau hov ntawm Yexu hab Yexu cov thwjtim moog nyob ib ntus huv Yutai tebchaws. Puab muab tuabneeg ua kevcai raus dej. 23 Thaus hov Yauhaa pheej muab tuabneeg ua kevcai raus dej tom lub zog Ainoo kws nyob ze ze lub zog Xali, tsua qhov tom muaj dej ntau. Naj nub muaj tuabneeg moog thov Yauhaa muab puab ua kevcai raus dej. 24 Thaus ntawm Yauhaa tseem tsw tau raug luas muab kaw tsua huv tsev loj faaj. 25 Yauhaa cov thwjtim muaj qee leej nrug ib tug tuabneeg Yutai sws caam has txug tej kevcai ntxuav. 26 Cov thwjtim txawm moog has tsua Yau- haa has tas, xwbfwb, koj ncu tau tug kws nrug koj nyob tom tug nam dej Yalatee saab tim u los tsw tau, tug kws koj has ntawm nwgnuav nwg saamswm muab tuabneeg ua kevcai raus dej. Suavdawg puav leej moog cuag nwg huvsw. 27 Yauhaa teb has tas, txhua yaam kws tuabneeg muaj, puav leej yog Vaajtswv pub tsua puab. 28 Tej lug kws mej nov kuv has tas, kuv tsw yog tug kws Vaajtswv khaiv lug ua tug Cawmseej, kuv tsuas yog tug kws Vaajtswv khaiv ua nwg ntej lug xwb. Mej yeej ua tau tim khawv has tas, kuv has le ntawm tag. 29 Tug nkauj nyaab yeej yog tug nraug vauv quaspuj. Tug phij laaj tsuas yog sawv noog xwb. Thaus tug phij laaj nov tug nraug vauv tej lug nwg zoo sab kawg le. Nwgnuav kuv zoo sab heev ib yaam le ntawm. 30 Tug hov yeej yuav muaj fwjchim luj quas zug. Kuas kuv yuav ua yau quas zug.
Tug kws lug sau qaum ntuj lug
31 Tug kws lug sau qaum ntuj lug nwg muaj fwjchim luj dua ndais suavdawg huvsw. Tug kws nyob huv nplajteb, nwg yeej yog tuabneeg nplajteb, nwg has tuabneeg nplajteb zaaj xwb. Tug kws lug sau qaum ntuj lug nwg muaj fwjchim luj dua ib puas tsaav yaam. 32 Nwg pav tej kws nwg pum hab tej kws nwg nov lawm tsua suavdawg noog, kuas tsw muaj tuabneeg ntseeg tej lug kws nwg has. 33 Tug kws ntseeg nwg tej lug, kuj yog tug hov leeg has tas, Vaajtswv yog tug ncaaj nceeg. 34 Tug kws Vaajtswv khaiv lug, nwg yeej has Vaajtswv tej lug xwb, tsua qhov Vaajtswv tso Vaajtswv tug Ntsuj Plig kaav taag nrho nwg lub sab. 35 Leej txwv hlub leej tub kawg le nwg txha le tsaa leej tub ua tug kaav taag nrho ib puas tsaav yaam huvsw. 36 Tug kws ntseeg Vaajtswv tug tub, tug hov muaj txujsa ntev moog ib txhws tsw kawg, kuas tug kws tsw noog Vaajtswv tug tub lug mas yuav tsw tau txujsa, hab Vaajtswv yuav chim tsua tug hov moog ib txhws.
Yexu qha tug puj Xamali
1 Cov Falixai nov has tas, Yexu tau thwjtim ntau dua Yauhaa, hab muab tuabneeg ua kevcai raus dej ntau dua Yauhaa. 2 Qhov tseeb, Yexu yeej tsw tau muab tuabneeg ua kevcai raus dej, tsuas yog Yexu cov thwjtim muab xwb. 3 Thaus Yexu nov has tas, muaj tuabneeg has le ntawm, Yexu txawm tawm huv Yutai tebchaws rov qaab moog peg Kalilai tebchaws. 4 Nwg taug txujkev kws hlaa Xamali tebchaws moog. 5 Yexu moog txug huv Xamali tebchaws ib lub moos npe hu ua Xikha. Lub moos hov nyob ze ze thaaj aav kws Yakhauj muab tsua Yakhauj tug tub Yauxej. 6 Thau u Yakhauj khawb ib lub qhov dej tsua ntawm. Thaus Yexu taug kev tuaj txug ntawm lub qhov dej kwvlaam nub ntseg, nwg txug sav heev tes nwg txawm su ntawm. 7 Muaj ib tug quaspuj Xamali tuaj nqaa dej. Yexu has tsua tug quaspuj ntawm has tas, thov koj has mivntswv dej tsua kuv haus saib, 8 vem Yexu cov thwjtim tub moog yuav mov tom moos lawm. 9 Tug quaspuj Xamali txawm teb Yexu has tas, koj yog tuabneeg Yutai, kuv yog tuabneeg Xamali, ua caag koj laam thov kuv has dej tsua koj haus. Tog tug puj hov teb le ntawm los vem cov Yutai yeej tsw kaam koom cov Xamali tej taig dav. 10 Yexu teb nwg has tas, yog koj paub yaam kws Vaajtswv yuav pub tsua koj, hab paub has tas, tug kws thov koj dej haus yog leejtwg, tes koj yeej yuav xub thov nwg, nwg yuav pub cov dej kws cawm txujsa tsua koj haus. 11 Tug quaspuj hov txawm has tsua Yexu has tas, xwbfwb, koj tub tsw muaj daabtsw ntaus dej ne, lub qhov dej nuav tub kawg le. Koj yuav moog muab cov dej kws cawm txujsa ntawm hov twg lug. 12 Peb yawm koob Yakhauj khawb lub qhov dej nuav tsua peb. Nwg hab nwg cov tub hab nwg tej tsaj puav leej haus lub qhov dej nuav. Koj tseem muaj fwjchim luj dua peb yawm koob Yakhauj hab los. 13 Yexu teb has tas, tug kws haus lub qhov dej nuav, nwg tseem yuav rov nqhes dua hab. 4 Kuas tug kws haus cov dej kws kuv yuav pub tsua nwg, tug hov yuav tsw nqhes ib txhws le lawm. Cov dej kws kuv pub tsua nwg yuav txhawv huv nwg lub sab, hab yuav cawm nwg txujsa moog ib txhws. 15 Tug quaspuj hov txawm has tsua Yexu has tas, xwbfwb, thov koj pub cov dej kws koj has kos tsua kuv haus, es kuv txha le tsw nqhes hab tsw txug tuaj nqaa dej ntawm lub qhov nuav lawm. 16 Yexu has tsua nwg has tas, koj moog hu koj tug quasyawg tuaj ntawm nuav. 17 Nwg teb Yexu has tas, kuv tub tsw muaj quasyawg a. Yexu has tas, koj has tas, koj tsw muaj quasyawg koj has tseeb tag laub. 18 Koj tub yuav tswb tug quasyawg lawm, tug kws nwgnuav nrug koj nyob yeej tsw yog koj tug quasyawg. Koj kuj has tseeb tag laub. 19 Tug quaspuj hov has tsua Yexu has tas, xwbfwb, nwgnuav kuv paub tas, koj yog ib tug xwbfwb cev Vaajtswv lug. 20 Peb cov Xamali tej puj koob yawm koob ib txwm tuaj pe Vaajtswv sau lub roob nuav. Kuas mej cov Yutai mej has tas, suavdawg yuav tsum moog pe Vaajtswv nraag lub nroog Yeluxalee txha yog. 21 Yexu has tsua tug quaspuj hov has tas. koj ca le ntseeg kuv tej lug. Yuav muaj ib lub swmhawm kws tuabneeg yuav tsw tuaj pe Vaajtswv sau lub roob nuav, hab tsw moog pe Vaajtswv nraag lub nroog Yeluxalee lawm. 22 Mej cov Xamali mej tsw paub tug kws mej naj nub pe yog leejtwg. Kuas peb cov Yutai peb paub tug kws peb pe, tsua qhov tug Cawmseej kws paab tuabneeg yog tshwm huv cov Yutai lug. 23 Yeej yuav muaj ib lub swmhawm kws cov kws pe Vaajtswv tag tag le yuav pe Vaajtswv huv lub sab hab ua lub sab dawb paug pe. Vaajtswv kws yog peb lee j txwv pheej xaav kuas tuabneeg pe nwg le hov. Mas tub txug lub swmhawm kws pe le hov lawm. 24 Vaajtswv yog ntsuj plig. Mas tug kws pe Vaajtswv yuav tsum pe Vaajtswv huv lub sab, hab ua sab dawb paug pe tag tag. 25 Tug quaspuj hov has tsua Yexu has tas, kuv paub has tas, Vaajtswv yuav khaiv tug kws suavdawg hu ua tug Cawmseej lug. Thaus nwg lug lawm, nwg yuav qha txhua yaam huvsw tsua peb. 26 Yexu teb has tas, tug kws saamswm nrug koj thaam nuav tub yog tug ntawm ntaag. 27 Taamswm hov Yexu cov thwjtim rov lug txug. Puab pum Yexu nrug tug quaspuj ntawm thaam puab xaav tsw thoob le. Kuas tsw muaj ib tug kaam nug tug quaspuj ntawm has tas, koj xaav yuav daabtsw. Lossws nug Yexu has tas, ua caag koj laam nrug tug quaspuj hov thaam. 28 Tes tug quaspuj hov txawm muab nwg lub hub dej tso plhuav tseg, nwg rov moog tom moos mas nwg has tsua cov tuabneeg kws nyob huv lub moos has tas, 29 mej ca le moog saib tug txwv neej kws nyob tom saib. Nwg qha ib puas tsaav yaam kws kuv tau ua lug lawm huvsw tsua kuv noog. Nwg yog tug kws Vaajtswv khaiv lug ua tug Cawmseej sub. 30 Suavdawg txawm tawm zum quas zawg tom moos tuaj saib Yexu. 31 Thaus ntawm cov thwjtim hu Yexu has tas, xwbfwb, lug noj mov lauj. 32 Kuas Yexu teb has tas, kuv tub muaj mov noj lawm. Tej mov ntawm mej yeej tsw tau paub. 33 Cov thwjtim txawm sws nug has tas, leejtwg nqaa mov tuaj tsua nwg noj lawm ne. 34 Yexu has tsua cov thwjtim has tas, kuv tej mov yog qhov kws kuv ua lawv le tug kws khaiv kuv lug lub sab nyam, hab ua tej num kws nwg muab tso tsua kuv ua lawm kuas tav. 35 Mej pheej has tas, tshuav plaub hlis le txug caij hlais nplej. Kuv qha tsua mej has tas, mej ca le tsaa muag saib tej teb npleg saib. Nplej tub sav kug zoo hlais lawm. 36 Tug kws hlais saamswm tau nqe zug, hab tej kws nwg sau ca lawm yuav tau txujsa ntev moog ib txhws tsw kawg. Yeej yuav muaj le nuav, mas tug kws cog hab tug kws hlais txha zoo sab kawg nkaus le. 37 Lu lug kws has tas, muaj ib tug cog, muaj dua ib tug hlais, lu lug ntawm muaj tseeb tag. 38 Kuv tub khaiv mej moog hlais daim nplej kws tsw yog mej nqeg daag nqeg zug ua. Daim nplej hov yog lwm tug ua, kuas mej tau sau tej kws yog luas tug zug ua. 39 Cov tuabneeg Xamali kws nyob huv lub moos ntawm muaj ntau leej ntseeg Yexu vem tug quaspuj ntawm qha tsua puab has tas, Yexu qha ib puas tsaav yaam kws nwg tau ua lawm huvsw tsua nwg noog. 40 Thaus cov tuabneeg Xamali tuaj cuag Yexu, puab cheem Yexu nrug puab nyob. Tes Yexu txawm moog nyob huv puab lub moos tau ob nub. 41 Muaj dua ntau leej lug ntseeg Yexu, tsua qhov puab tau nov tej lug kws Yexu qha. 42 Puab has tsua tug quaspuj ntawm has tas, nwgnuav peb ntseeg, tsw yog vem tej lug kws koj has, kuas peb ntseeg Vem peb tau nov nwg tej lug, hab peb paub has tas, nwg yog nplajteb tug Cawmseej tag.
Yexu khu ib tug num tug tub
43 Thaus dhau ob nub hov lawm Yexu moog peg Kalilai tebchaws, 44 tsua qhov Yexu yeej ib txwm has tsua suavdawg has tas, tej tuabneeg ob caag puav leej fwm tug xwbfwb kws cev Vaajtswv lug, tsuas yog tej tuabneeg kws nyob huv nwg teb nwg chaw txha tsw fwm nwg xwb. 45 Thaus Yexu moog txug peg Kalilai tebchaws suavdawg tawm tuaj tog Yexu, tsua qhov thaus cov tuabneeg ntawm moog ua kevcai hlaa dhau nraag lub nroog Yeluxalee puab pum ib puas tsaav yaam kws Yexu ua nraag. 46 Yexu rov moog huv lub zog Khana kws nyob huv Kalilai tebchaws. Lub zog ntawm yog lub kws yaav tom ntej Yexu muab dej lug txa ua kua txwv maab xwv. Muaj ib tug num nyob huv lub moos Kapena-oo, nwg tug tub mob heev. 47 Thaus nwg nov has tas, Yexu tuaj nraag Yutai tebchaws tuaj txug huv Kalilai tebchaws lawm, nwg txawm tuaj thov Yexu moog paab khu nwg tug tub kws mob heev heev tub yuav tuag peg tsev. 48 Yexu has tsua tug num ntawm has tas, yog mej tsw pum tej txujci tseem ceeb mej yeej yuav tsw ntseeg kuv tej lug le. 49 Tug num ntawm has tsua Yexu has tas, xwbfwb, tsheem kuv tug tub tseem tsw tau tuag thov koj moog paab khu lauj. 50 Yexu has tsua tug num ntawm has tas, koj ca le rov moog tsev, koj tug tub yeej tsw tuag le. Tug num ntawm ntseeg Yexu tej lug, nwg txawm ca le rov moog tsev. 51 Thaus nwg saamswm rov moog, nwg cov tub qhe tuaj lawv nwg. Puab tuaj has tsua nwg has tas, txwv, koj tug tub tub zoo lawm lauj. 52 Tug num hov txawm nug puab has tas, thaus twg kuv tug tub zoo lawm. Puab teb has tas, naag thaus taav su dua mivntswv koj tug tub txawm zoo lawm. 53 Tug mivtub txwv txawm ncu dheev txug has tas, lub swmhawm hov tub yog lub swmhawm kws Yexu has tsua nwg has tas, koj tug tub yeej tsw tuag le. Tub yog vem le ntawm tug num hab nwg tsev tuabneeg txha le lug ntseeg Yexu. 54 Txwj thaus Yexu tuaj nraag Yutai tebchaws tuaj txug huv Kalilai tebchaws nwg ua txujci tseem ceeb ob zag tsua zag nuav.
Yexu khu yawm kws tuaj pw ntawm paag dej
1 Dhau hov ntawm, thaus txug lub caij kws cov Yutai ua kevcai, Yexu moog nraag lub nroog Yeluxalee. 2 Nyob huv lub nroog Yeluxalee muaj ib lub paag dej nyob ze ze ntawm rooj loog yaaj. Muaj tswb lub tsev xuas luab vej lub paag dej hov. Qhov chaw hov lug Heplais hu ua Npexatha. 3 Muaj ib co tuabneeg mob coob coob tuaj pw huv cov tsev xuas luab hov. Tug dig muag los muaj, tug ceg tawv los muaj, tug tuag teg tuag taw los muaj. (Puab tuaj nyob ntawm tog saib thaus twg lub paag dej ndaas, 4 vem yog Vaajtswv ib tug tubkhai sau ntuj pheej lug du lub paag dej hov. Thaus lub paag dej ndaas tes yog leejtwg xub nqeg moog daa ua ntej tes tug ntawm tej mob txawm ca le zoo hlo.) 5 Muaj ib tug txwv neej mob tau peb caug yim xyoo lug lawm, nwg tuaj pw ntawm lub paag dej hov hab. 6 Yexu pum nwg pw ntawm, Yexu paub has tas, nwg tub mob tau ntev lug lawm, Yexu txawm has tsua nwg has tas, koj xaav zoo los tsw xaav. 7 Nwg teb Yexu has tas, xwbfwb thaus dej ndaas tsw muaj leejtwg coj kuv nqeg tsua huv paag dej. Thaus kuv saamswm yuav nqeg tsua huv tes tub muaj lwm tug nqeg ua kuv ntej tsua huv lawm. 8 Yexu has tsua nwg has tas, koj ca le sawv tseeg muab koj daim lev dov nqaa ais moog. 9 Tes taamswm ntawm nwg tug mob txawm ca le zoo hlo. Nwg khaws nkaus nwg daim lev nqaa tshawb nyo taug kev lawm. Nub ntawm yog nub su. 10 Cov Yutai has tsua tug yawm kws mob zoo hov has tas, nub nua yog nub su, koj nqaa koj daim lev le kos, koj ua txhum peb kevcai lawm la is. 11 Nwg teb puab has tas, tug kws khu kuv zoo has tsua kuv has tas, koj ca le muab koj daim lev dov nqaa ais moog. 12 Puab rov nug tug txwv neej hov has tas, tug kws kuas koj muab koj daim lev dov nqaa ais moog, yog leejtwg. 13 Kuas tug txwv neej ntawm tsw paub sov tug kws khu nwg yog leejtwg, tsua qhov Yexu pum muaj tuabneeg tuaj coob coob tsua ntawm, tes Yexu tub moog tsua lwm qhov lawm. 14 Dhau hov ntawm Yexu moog pum tug txwv neej nuav huv lub tuam tsev thov Vaajtswv. Yexu has tsua nwg has tas, nwgnuav koj tub zoo lawm, koj tsw xob rov ua txhum dua, tsaam tes koj yuav raug kev txom nyem heev dua qhov qub. 15 Tug txwv neej hov txawm rov qaab moog qha cov Yutai has tas, tug kws khu kuv zoo lawm yog Yexu. 16 Vem le ntawm cov Yutai txha tuav huv yuav tswm txom Yexu, vem nub kws Yexu khu tug txwv neej hov yog nub su. 17 Yexu qha puab has tas, kuv txwv tseem naj nub ua num. Yog le ntawm kuv yeej yuav tsum ua num hab. 18 Thaus cov Yutai nov Yexu has le ntawm puab yimfuab xaav muab Yexu tua pov tseg, tsua qhov puab pum tas, tsw yog Yexu ua txhum nub su kevcai xwb, kuas Yexu tseem khaav has tas, Vaajtswv yog Yexu txwv. Yexu has le ntawm yog Yexu tsaab ua luj yaam nkaus le Vaajtswv ntaag.
Leej tub yog tug kws muaj fwjchim
19 Yexu has tsua puab has tas, kuv qha tseeb tsua mej has tas, leej tub nwg yeej tsw ua ib yaam daabtsw lawv le nwg lub sab. Nwg tsuas ua tej kws nwg pum nwg txwv ua xwb. Tej kws leej txwv ua leej tub txha le ua, 20 tsua qhov leej txwv hlub nwg leej tub hab nwg qha ib puas tsaav yaam kws nwg ua tsua leej tub, hab tseem yuav qha tej kws luj dua tej nuav tsua leej tub ua, mas tej hov yuav ua tsua mej xaav tsw thoob le. 21 Leej tub yuav pub txujsa tshab tsua cov tuabneeg kws nwg pum zoo pub tsua, ib yaam le leej txwv tsaa cov tuabneeg kws tuag lawm sawv huv qhov tuag rov qaab lug. 22 Leej txwv tsw yog tug kws txav txem, kuas nwg tsaa leej tub ua tug kws muaj fwjchim txav txem. 23 Leej txwv ua le ntawm kuas suavdawg fwm leej tub ib yaam le fwm leej txwv. Tug kws tsw fwm leej tub tug ntawm yeej tsw fwm leej txwv kws khaiv leej tub lug. 24 Yexu has tas, kuv qha tseeb tsua mej has tas, tug kws noog kuv lug hab ntseeg tug kws khaiv kuv lug, tug ntawm muaj txujsa ntev moog ib txhws tsw kawg, nwg yuav tsw raug txem vem nwg tub hlaa dhau lub qhov tuag lug tau txujsa lawm. 25 Kuv qha tseeb tsua mej has tas, muaj ib nub twg cov tuabneeg kws tuag lawm yuav nov Vaajtswv tug tub lub suab hu. Tes txhua tug kws nov yuav caj rov qaab lug. Nwgnuav tub txug nub ntawm lawm. 26 Leej txwv tsaa leej tub ua lub hauv paug txujsa ib yaam le leej txwv yog lub hauv paug txujsa. 27 Leej txwv tsaa leej tub ua tug kws muaj fwjchim txav txem, tsua qhov nwg tug tub yog Tuabneeg Leej Tub. 28 Mej tsw xob poob sab tsua tej lug kws kuv has nuav, vem tub yuav txug nub kws cov tuabneeg tuag tsua huv nruab deg nruab aa lawm nov Vaajtswv tug tub lub suab hu, 29 txhua tug yuav tawm huv qhov tuag rov qaab lug. Vaajtswv yuav tsaa cov tuabneeg kws ua zoo hab cov kws ua phem huv tuab sw sawv rov qaab lug. Cov tuabneeg kws ua zoo yuav sawv lug tau txujsa ntev moog ib txhws tsw kawg, kuas cov tuabneeg kws ua phem yuav sawv lug raug txem.
Yexu yog Vaajtswv khaiv lug
30 Thaus kuv txav txem kuv yeej tsw tau ua lawv le kuv lub sab, kuv txav lawv le Vaajtswv kuas kuv ua xwb. Yog le ntawm kuv yeej txav txem ncaaj nceeg, kuv tsw ua lawv le kuv lub sab nyam, kuv ua lawv le tug kws khaiv kuv lug lub sab nyam xwb. 31 Yog kuv rov qhuas kuv, tes yeej tsw muaj tuabneeg yuav ntseeg tej lug kws kuv has. 32 Kuas yeej muaj ib tug qhuas kuv. Kuv paub has tas, tej kws tug ntawm has nwg has tseeb xwb. 33 Mej khaiv mej tej tuabneeg moog cuag Yauhaa kws coj tuabneeg ua kevcai raus dej. Yauhaa has txug kuv has tas, tej lug kws kuv has puav leej tseem ceeb. 34 Kuv has le nuav tsw yog kuv kuas tuabneeg qhuas kuv, kuas kuv xaav kuas mej dim mej lub txem. 35 Yauhaa zoo le lub teeb kws luas taws ci ntsaa quas ab. Mej zoo sab ib nyuas ntu tsua qhov mej tau lug nyob huv qhov kaaj hov lawm. 3& Kuv muaj ib yaam kws qha kuv tsua luas paub tseeb dua le kws Yauhaa qha, qhov ntawm tub yog kuv teg num. Tej num hov yog leej txwv muab tso tsua kuv ua. Tej num nuav tub ua tsua mej paub tseeb has tas, kuv yog tug kws leej txwv khaiv lug. 37 Leej txwv kws khaiv kuv lug, nwg kuj ua tim khawv has txug kuv hab. Mej yeej ib txwm tsw tau nov nwg lub suab hab tsw tau pum nwg lub ntsej muag. 38 Mej tsw noog nwg lug vem mej tsw ntseeg tug kws nwg khaiv lug, tej lug. 39 Mej kawm Vaajtswv phoo ntawv, tub yog mej vaam has tas, yuav nrhav tau txujsa ib txhws tsw kawg huv phoo ntawv hov. Vaajtswv phoo ntawv tub yog has txug kuv ntaag. 40 Ua caag mej tseem tsw kaam lug cuag kuv, sub mej txha tau txujsa ntev moog ib txhws tsw kawg. 41 Txawm yog muaj tuabneeg yuav qhuas kuv tsw qhuas los kuv yeej tsw quav ntsej le. 42 Kuv paub has tas, mej yeej tsw noog Vaajtswv lug. 43 Kuv yog tug kws leej txwv khaiv lug, kuas mej tsw leeg yuav kuv. Kuas tug kws tsw muaj leejtwg khaiv, nwg lug nwg xwb, mej tsua leeg yuav nwg. 44 Mej ib leeg nyam ua tsua ib leeg qhuas, kuas tsw muaj ib tug ua tsua Vaajtswv qhuas. Yog le ntawm mej yuav ua le caag ntseeg tau kuv tej lug. kS Txawm yog le caag los xwj, mej tsw xob xaav has tas, kuv yuav kom mej tsua kuv txwv. Kuv yeej tsw ua le ntawm. Kuas tug Mauxe kws mej ca sab tsua yuav kom mej tsua kuv txwv. 46 Yog mej ntseeg Mauxe tej lug tag tag, mej yeej yuav ntseeg kuv, tsua qhov tej lug kws Mauxe sau puav leej has txug kuv. k~ Mej tub tsw ntseeg tej lug kws Mauxe sau, ais mej yuav ua le caag ntseeg tau kuv tej lug.
Yexu pub mov tsua tswb txheeb leej noj
1 Dhau hov ntawm Yexu rov qaab caij nkoj hlaa hav txwv Kalilai moog saab tim u. Lub hav txwv ntawm muaj dua ib lub npe hu ua Tinpela. 2 Muaj tuabneeg coob coob lawv Yexu qaab moog, vem puab pum Yexu muaj fwjchim khu tau tej mob zoo. 3 Yexu nee moog peg roob, nwg nrug nwg cov thwjtim nyob ua ke. 4 Thaus hov tub yuav txug lub caij kws cov Yutai ua kevcai hlaa dhau. 5 Yexu tsaa muag saib nwg pum muaj tuabneeg coob coob tuaj cuag nwg. Nwg txawm has tsua Fili has tas, peb yuav moog yuav mov hov twg txha le txaus suavdawg noj. 6 Nwg has le nuav swm saib Fili yuav teb le caag. Yexu tub xub paub ua ntej has tas, Yexu yuav ua daabtsw. 7 Fili teb has tas, txawm yog muab plaub txheeb npam moog yuav mov tsua suavdawg noj los ntshai ib leeg tsuas tau ib nyuas kaug miv miv xwb. 8 Muaj ib tug thwjtim npe hu ua Aatali, nwg yog Ximoo Pestus tug kwv, nwg has tsua Yexu has tas, 9 muaj ib tug mivtub nyob ntawm nuav muaj tswb lub ncuav hab ob tug ntseg, kuas yuav ua le caag txaus suavdawg noj. 10 Yexu has tas, ca le kuas suavdawg nyob quas tsawg. Thaaj chaw kws puab nyob ntawm muaj muaj nyom, suavdawg txawm nyob quas tsawg. Suav cov txwv neej kws nyob ntawm kwvlaam muaj tswb txheeb leej. 11 Yexu muab cov ncuav ntawm lug ua Vaajtswv tsaug. Thaus nwg ua Vaajtswv tsaug taag nwg muab faib tsua suavdawg noj. Nwg muab ob tug ntseg lug ua ib yaam nkaus le ntawm hab. Leejtwg yuav noj ntau npaum le caag los tau le. 12 Thaus suavdawg noj tsau lawm, Yexu txawm has tsua Yexu cov thwjtim has tas, mej ca le moog khaws tej kws suavdawg noj tsw taag, tsw xob ua ib qho xuam le. 13 Puab txawm moog khaws tej ncuav seem kws suavdawg noj tsw taag tau kaum ob tawb npoob miv puv nkaus. 14 Cov tuabneeg kws pum Yexu ua zag txujci tseem ceeb nuav txawm has tas, tug nuav yog tug xwbfwb cev Vaajtswv lug, kws has tas yuav lug huv nplajteb nuav tag tag le lauj. 15 Thaus Yexu paub has tas, suavdawg yuav tuaj muab nwg tsaa ua vaaj ntxwv, tes nwg tuab leeg txawm nee moog tsua peg roob lawm.
Yexu moog kwtaw sau nplaim dej
16 Thaus yuav tsaus ntuj Yexu cov thwjtim moog nraag ntug hav txwv. 17 Puab nee tsua huv nkoj, caij hlaa hav txwv moog tim lub moos Kapena-oo. Thaus tsaus ntuj lawm Yexu tseem tsw tau lug peg roob lug. 18 Mas muaj cua daaj cua dub ntsawj dej ndaas cuag le daabtsw. 19 Cov thwjtim tub nkuam nkoj moog tswb rau kislus kev lawm, puab pum Yexu lug kwtaw sau nplaim dej lug ze quas zug puab lub nkoj. Puab ntshai kawg le. 20 Kuas Yexu has tsua puab has tas, mej tsw xob ntshai tub yog kuv ntaag. 21 Thaus puab nov Yexu has le hov, puab txha zoo sab ca Yexu nee tsua huv puab lub nkoj. Tes taamswm hov lub nkoj moog txug ncua tim qhov chaw kws puab yeej yuav moog.
Muaj tuabneeg moog nrhav Yexu
22 Thaus kaaj ntug cov tuabneeg coob coob ntawm tseem nyob saab ntug hav txwv tim u. Puab pum tuab lub nkoj nyob ntawm xwb. Puab paub has tas, Yexu yeej tsw nrug cov thwjtim caij nkoj moog, puab tsuas pum cov thwjtim caij moog xwb. 23 Muaj dua ob peb lub nkoj tuaj tim lub moos Tinpela tuaj nreg ntawm qhov chaw kws Yexu muab ncuav lug ua Vaajtswv tsaug hab muab faib tsua suavdawg noj, 24 thaus cov tuabneeg coob coob hov saib ua cav tsw pum Yexu hab Yexu cov thwjtim nrug puab nyob ua ke ntawm lawm, puab txawm ca le nee nkoj caij moog nrhav Yexu tim lub moos Kapena-oo.
Yexu yog cov mov kws cawm txujsa
25 Thaus cov tuabneeg hov moog nrhav tau Yexu saab hav txwv tim u lawm, puab txawm has tsua Yexu has tas, xwbfwb, thaus twg koj txawm swv tuaj txug tim nuav lawm. 26 Yexu teb has tas, kuv qha tseeb tsua mej has tas, tub yog kuv pub mov tsua mej noj tsau mej txha le tuaj nrhav kuv, tsw yog vem mej pum tej txujci tseem ceeb kws kuv ua. 27 Mej tsw xob nrhav tej mov kws txawj lwj, kuas mej yuav tsum nrhav tej mov kws tsw txawj lwj. Tej mov ntawm yog tej kws yuav cawm tau txujsa ntev moog ib txhws tsw kawg kws Tuabneeg Leej Tub yuav pub tsua mej. Tsua qhov Vaajtswv kws yog mej leej txwv nwg tub qha tsua suavdawg paub lawm has tas, Tuabneeg Leej Tub ua hum nwg sab. 28 Puab txawm nug Yexu has tas, peb yuav tsum ua le caag peb txha ua tau Vaajtswv tej num. 29 Yexu teb puab has tas, tej num kws Vaajtswv xaav kuas mej ua yog le nuav, mej ca le ntseeg tug kws Vaajtswv khaiv lug. 30 Puab has tsua Yexu has tas, yog le ais koj yuav ua yaam txujci tseem ceeb twg tsua peb saib txha txaus peb ntseeg koj. 31 Thau u peb puj koob yawm koob noj *mana tom tebchaws moj saab qhua, lawv le muaj lug sau ca tsua huv Vaajtswv phoo ntawv has tas, nwg muab tej mov kws lug sau ntuj lug tsua puab noj. 32 Yexu has tsua puab has tas, kuv qha tseeb tsua mej has tas, tsw yog Mauxe pub cov mov kws lug sau ntuj lug tsua mej noj. Yog kuv txwv pub tej mov kws lug sau ntuj lug tsua mej noj. 33 Tug kws lug sau ntuj lug cawm tuabneeg nplajteb txujsa nwg yog cov mov ntawm. 3^ Puab thov Yexu has tas, xwbfwb thov koj muab cov mov ntawm tsua peb noj moog le. 35 Yexu has tsua puab has tas, kuv yog cov mov kws cawm tuabneeg txujsa. Tug kws lug cuag kuv nwg yuav tsw tshaib ib zag le. Tug kws ntseeg kuv tej lug mas nwg yuav tsw nqhes le lawm. 36 Kuv tub has tsua mej has tas, txawm yog mej pum kuv los mej tsw ntseeg kuv. 37 Txhua tug kws kuv txwv pub tsua kuv yeej yuav lug cuag kuv Hab txhua tug kws lug cuag kuv, kuv yeej los yuav huvsw, 38 vem kuv lug sau ntuj lug, tsw yog lug ua lawv le kuv lub sab, kuas yog kuv lug ua lawv le tug kws khaiv kuv lug lub sab nyam. 39 Tug kws khaiv kuv lug, nwg kuas kuv saib cov tuabneeg kws nwg tub muab pub tsua kuv lawm, tsw xob ca ib tug pluj le. Hab thaus txug nub kawg nwg kuas kuv tsaa cov tuabneeg ntawm sawv huv qhov tuag rov qaab lug. 40 Kuv txwv xaav kuas txhua tug kws pum leej tub hab ntseeg lawm muaj txujsa ntev moog ib txhws tsw kawg. Thaus txug nub kawg kuv yuav tsaa puab sawv huv qhov tuag rov qaab lug. 41 Cov Yutai txawm ywg ywg Yexu tsua qhov kws Yexu has tas, nwg yog cov mov kws lug sau ntuj lug. 42 Puab txawm has tas, tug nuav tub yog Yauxej tug tub los sas. Peb puav leej paub nwg nam nwg txwv huvsw ne. Ua caag nwg laam has tas, nwg lug sau ntuj lug nua. 43 Yexu teb puab has tas, mej tsw xob ywg ywg le kos. 44 Yeej tsw muaj ib tug yuav lug cuag tau kuv, tsuas yog leej txwv kws khaiv kuv lug nwg coj leejtwg lug, tes leejtwg txha lug cuag tau kuv xwb. Thaus txug nub kawg kuv yuav tsaa tug ntawm sawv huv qhov tuag rov qaab lug. 45 Cov xwbfwb cev Vaajtswv lug sau ca has tas, Vaajtswv yuav qha suavdawg huvsw. Txhua tug kws tig qhov ntsej noog leej txwv tej lug, hab kawm tej kws leej txwv qha, yeej yuav lug cuag kuv. 46 Kuv has le nuav tsw yog kuv has tas, suavdawg puav leej pum Vaajtswv, tsuas yog tug kws Vaajtswv khaiv lug txha pum xwb. 47 Kuv qha tseeb tsua mej has tas, tug kws ntseeg kuv, tug hov tub muaj txujsa ntev moog ib txhws tsw kawg lawm. 48 Kuv yog cov mov kws cawm txujsa. 49 Txawm yog mej puj koob yawm koob tau noj mana tom tebchaws moj saab qhua los puab puav leej tuag huvsw lawm. 50 Kuas tug kws noj cov mov kws lug sau ntuj lug tug ntawm yuav tsw tuag. 51 Kuv yog cov mov kws lug sau ntuj lug cawm txujsa. Tug kws noj cov mov nuav nwg yuav muaj txujsa ntev moog ib txhws tsw kawg. Cov mov kws cawm tau tuabneeg nplajteb txujsa hov, tub yog kuv cev nqaj ntaag. 52 Thaus cov Yutai nov Yexu has le ntawm puab sws caav has tas, tug txwv neej nuav yuav ua le caag muab tau nwg cev nqaj tsua peb noj. 53 Yexu has tsua puab has tas, kuv qha tseeb tsua mej has tas, yog mej tsw noj Tuabneeg Leej Tub cev nqaj hab tsw haus nwg cov ntshaav, tes mej yeej yuav tsw caj sa. 54 Tug kws noj kuv cev nqaj hab haus kuv cov ntshaav tug hov txha muaj txujsa ntev moog ib txhws tsw kawg. Thaus txug nub kawg kuv yuav tsaa nwg sawv huv qhov tuag rov qaab lug. 55 Tsua qhov kuv cev nqaj yog cov tseem mov. Kuv cov ntshaav yog cov tseem dej huv kws haus. 56 Tug kws noj kuv cev nqaj hab haus kuv cov ntshaav, mas nwg nrug kuv koom ua ib txujsa hab kuv nrug nwg koom ua ib txujsa. 57 Leej txwv kws khaiv kuv lug yog tug kws muaj txujsa. Vem kuv nrug nwg koom ib txujsa kuv txha le muaj txujsa. Yog le hov tug kws noj kuv cev nqaj tug ntawm muaj txujsa tsua qhov kuv yog tug kws muaj txujsa. 58 Cov mov nuav yog cov kws lug sau ntuj lug, tsw yog cov kws mej tej puj koob yawm koob kws tuag taag lawm tau noj. Tug kws noj cov mov kws kuv has nuav, tug hov yuav muaj txujsa ntev moog ib txhws tsw kawg. 59 Tej nuav yog Yexu qha huv lub tsev sablaaj kws nyob huv lub moos Kapena-00.
Tej lug kws cawm tuabneeg txujsa
60 Thaus Yexu cov thwjtim nov Yexu has le hov muaj ntau leej txawm has tas, tej lug nuav peb ceblaaj to taub ua luaj le, leejtwg yuav paub txhais. 61 Yexu paub has tas, cov thwjtim ywg ywg tej lug kws Yexu has, Yexu txawm nug puab has tas, tej lug kws kuv has ntawm ua tsua mej poob sab los. 62 Yog le ntawm, yog mej pum Tuabneeg Leej Tub rov moog nyob sau qhov chaw kws nwg yeej ib txwm nyob lug lawm, mej tsua yuav xaav le caag. 63 Vaajtswv tug Ntsuj Plig ua tau tsua tuabneeg caj sa, kuas cev nqaj daim tawv yeej ua tsw tau le ntawm. Tej lug kws kuv has tsua mej lawm muaj Vaajtswv Ntsuj Plig hab muaj txujsa. 64 Txawm yog le ntawm los mej cov tseem muaj qee leej tsw ntseeg kuv tej lug. Thaus chiv thawj Yexu tub xub paub has tas, Yexu cov thwjtim tug twg yuav tsw ntseeg nwg, hab tug twg yuav faav xeeb tsua nwg. 65 Hab Yexu has tas, tub yog vem le nuav kuv txha has tsua mej has tas, yeej tsw muaj leejtwg yuav lug cuag tau kuv tsuas yog tug kws kuv txwv ua num tsua huv lub sab txha lug cuag tau kuv xwb. 66 Vem le ntawm Yexu cov thwjtim muaj ntau leej txha tsw kaam ua Yexu le thwjtim lawm. 67 Yexu has tsua Yexu kaum ob leeg thwjtim has tas, mej ne. Mej xaav tso kuv tseg hab los. 68 Ximoo Pestus teb Yexu has tas, tug tswv, yog peb tso koj tseg lawm, peb yuav moog nrhav leejtwg ua peb tug tswv. Tsuas yog koj tuab leeg tej lug txha cawm tau kuas tuabneeg muaj txujsa ntev moog ib txhws tsw kawg. 69 Nwgnuav peb ntseeg hab peb paub tseeb has tas, koj yog tug zoo kawg nkaus kws Vaajtswv khaiv lug. 70 Yexu has tsua puab has tas, kuv tsw tau xaiv mej kaum ob leeg huvsw los. Kuas mej cov muaj ib tug nam yog daab. 71 Yexu has le ntawm, yog has txug Ximoo Ikhalau tug tub Yuta. Yuta tub yog Yexu ib tug thwjtim los nwg tseem yuav faav xeeb tsua Yexu.
Yexu hab Yexu cov kwv
1 Dhau hov ntawm Yexu moog moog lug lug huv Kalilai tebchaws xwb, nwg tsw xaav moog nraag Yutai tebchaws, vem cov Yutai naj nub tuav huv yuav muab nwg tua pov tseg. 2 Thaus yuav txug lub caij kws cov Yutai ua *kevcai ua tsev pheeb suav, 3 Yexu cov kwv txawm has tsua Yexu has tas, koj ca le moog lawm nraag Yutai tebchaws ais koj cov thwjtim txha le pum tej txujci tseem ceeb kws koj ua los maj. A Tug kws xaav tau ntsej muag nwg yeej yuav ua nwg tej txujci tsua suavdawg saib, nwg yeej tsw nyob nkaum quas nkoog huv tsev xwb. Tej kws koj ua ntawm koj ca le ua tsua tuabneeg nplajteb pum hab los maj. 5 Yexu tub yog puab tug tijlaug los puab tseem tsw ntseeg Yexu tej lug hab. 6 Yexu has tsua puab has tas, tseem tsw tau txug kuv lub swmhawm, kuas mej le mas lub swmhawm twg los yeej tau huvsw. 7 Tuabneeg nplajteb yeej tsw ntxub mej, kuas puab ntxub kuv tsua qhov kuv pheej qha puab tej kev txhum tsua puab. 8 Mej yuav moog ua kevcai los mej moog mej. Kuv tseem tsw tau moog, tsua qhov tseem tsw tau txug kuv swmhawm moog. 9 Thaus Yexu has le ntawm tsua puab taag, Yexu tseem nyob huv Kalilai tebchaws.
Yexu moog ua kevcai tsev pheeb suav
10 Thaus Yexu cov kwv ua ntej moog ua kevcai lawm, Yexu txawm lawv qaab moog hab. Kuas nwg tsw taab meeg moog, vem nwg tsw xaav kheev suavdawg pum nwg. 11 Thaus suavdawg saamswm ua kevcai cov Yutai pheej nrhav Yexu huv cov tuabneeg kws ua kevcai hov. Puab sws nug has tas, nwg nyob hov twg. 12 Suavdawg sws ntxhw has txug nwg, muaj ib txha has tas, nwg yog tuabneeg zoo, muaj ib txha has tas, tsw yog, nwg yog tug kws ntxag suavdawg xwb. 13 Kuas tsw muaj ib tug muaj cuab kaav taab meeg pav txug Yexu le, tsua qhov puab ntshai cov Yutai. 14 Thaus suavdawg ua kevcai txug tog, Yexu moog qha huv lub tuam tsev thov Vaajtswv. 15 Thaus cov Yutai nov Yexu qha, puab xaav tsw thoob le. Puab has tas, nwg tub tsw tau kawm ntawv nas, ua caag nwg yuav txawj pav ua luaj le. 16 Yexu has tsua puab has tas, tej lug kws kuv qha nuav tsw yog kuv le lug, kuas yog Vaajtswv kws khaiv kuv lug tej lug xwb. 17 Tug kws zoo sab ua lawv le Vaajtswv lub sab nyam, tug ntawm yeej yuav paub has tas, tej lug kws kuv has nuav yog kuv has kuv xwb lossws yog Vaaj- tswv kuas kuv has. 18 Tug kws xaav kuas luas qhuas nwg, nwg yeej laam tau laam has le nuav le u tsua luas qhuas. Kuas tug kws xaav kuas luas qhuas tug kws khaiv nwg lug, nwg yeej tsw daag, nwg yuav has tseeb xwb. 19 Mauxe tub yog tug kws qha Vaajtswv txuj kevcai tsua mej, kuas mej cov tub tsw muaj ib tug ua lawv le txuj kevcai hov le. Ua caag mej tseem yuav muab kuv tua pov tseg hab nua. 20 Suavdawg teb nplawg nta has tas, koj raug daab vwm lawm lauj. Leejtwg tau has tas, yuav muab koj tua pov tseg nua. 21 Yexu has tsua puab has tas, kuv tsuas ua tuab zag txujci tseem ceeb xwb, ua caag mej yuav xaav tsw thoob le. 22 Mauxe kuas mej muab mej tej mivnyuas ua kevcai txav. Txawm yog nub su los mej kuj muab ua hab. Mauxe yeej tsw yog tug kws xub qha mej ua kevcai txav. Mej puj koob yawm koob txha yog cov kws xub qha mej ua. 23 Mej yeej tsw xaav ua txhum Mauxe txuj kevcai mej txha le muab mej tej mivtub ua kevcai txav tsua nub su. Yog le ntawm ua caag nub su kuv khu ib tug txwv neej mob mej tseem chim tsua kuv hab. 24 Yog tsw muaj tseeb mej tsw xob laam tau laam thuaj le nuav le u. Yog muaj tseeb tag mej le maav has.
Yexu yog tug Cawmseej
25 Cov tuabneeg kws nyob huv lub nroog Yeluxalee muaj qee leej txawm has tas, tug txwv neej nuav tsw yog tug kws puab pheej nyaag yuav muab tua pov tseg los. 26 Mej swm saib nwg tub taab meeg qha suavdawg kuas tsw muaj ib tug muaj cuab kaav has le caag tsua nwg. Ntshai yog cov hlub puav leej paub has tas, nwg yog tug kws Vaajtswv khaiv lug ua tug Cawmseej kaj. 27 Thaus tug Cawmseej lug yeej tsw muaj tuabneeg paub has tas, nwg lug hov twg lug. Kuas peb puav leej paub tug txwv neej nuav lub chaw nyob. 28 Thaus Yexu saamswm qha huv lub tuam tsev Yexu has nrov nrov tsua suavdawg has tas, mej yeej paub kuv hab paub kuv lub chaw nyob lawm tag lov. Kuas tsw yog kuv laam lug kuv. Yeej muaj ib tug khaiv kuv lug, nwg yog tug kws ncaaj nceeg. Mej tsw paub nwg, 29 kuas kuv paub nwg, tsua qhov nwg yog tug kws khaiv kuv lug. 30 Puab txawm yuav nteg Yexu, kuas tsw muaj leejtwg muaj cuab kaav nteg, tsua qhov tseem tsw tau txug lub swmhawm kws Vaajtswv teem ca. 31 Cov tuabneeg kws nyob ntawm muaj ntau leej txawm ntseeg Yexu tej lug. Puab has tas, thaus tug Cawmseej lug, nwg tseem yuav ua tej txujci tseem ceeb ntau dua le tug txwv neej nuav ua los.
Cov tub rog yuav nteg Yexu
32 Thaus cov Falixai nov xuv has tas, tej pejxeem caav txug Yexu zum quas zawg, cov Falixai hab cov pov thawj hlub txawm khaiv ob peb tug tub rog moog nteg Yexu. 33 Yexu has tas, kuv yuav tsw nrug mej nyob ntev lawm, kuv yuav rov qaab moog cuag tug kws khaiv kuv lug. 34 Mej yuav nrhav kuv los yuav nrhav tsw tau, tsua qhov lub chaw kws kuv yuav moog ntawm mej moog tsw tau. 35 Cov Yutai txawm sws thaam has tas, nwg yuav moog hov twg ais peb yuav nrhav tsw tau nwg nua. Ntshai nwg yuav moog nrug cov Yutai kws nyob huv cov Ki1i tej moos nyob ua ke hab qha cov Kili kaj, 36 nwg txha has tsua peb has tas, mej yuav nrhav kuv los yuav nrhav tsw tau, hab nwg has tas, lub chaw kws kuv yuav moog ntawm mej moog tsw tau. Tej lug kws nwg has ntawm nwg has txug daabtsw ne.
Tug dej kws cawm txujsa
37 Nub kawg kws cov Yutai ua kevcai taag yog nub kws tseem ceeb kawg nkaus. Nub ntawm Yexu sawv quas ntsug pav nrov nrov tsua suavdawg has tas, tug kws nqhes dej ca le lug cuag kuv, kuv yuav muab dej tsua nwg haus. 38 Lawv le tub muaj lug sau ca tsua huv Vaajtswv phoo ntawv has tas, tug dej kws cawm tuabneeg txujsa yuav txhawv huv tug kws ntseeg kuv lub sab lug. 39 Yexu has le ntawm tub yog has txug Vaajtswv tug Ntsuj Plig kws Vaajtswv yuav pub tsua cov kws ntseeg Yexu. Thaus Yexu has le ntawm Vaajtswv tseem tsw tau khaiv Vaajtswv tug Ntsuj Plig lug, vem Vaajtswv tseem tsw tau tsaa Yexu ua tug kws muaj fwjchim kaav taag nrho ib puas tsaav yaam.
Cov pejxeem tsw sws hum
4O Thaus cov pejxeem nov Yexu has le hov, muaj ntau leej txawm has tas, tug txwv neej nuav yog tug xwbfwb cev Vaajtswv lug kws peb naj nub tog ntaag. h Muaj ib txha has tas, nwg tub yog tug kws Vaajtswv khaiv lug ua tug Cawmseej ntaag. Kuas muaj ib txha has tas, tug Cawmseej yeej yuav tsw tuaj peg Kalilai tuaj ib zag le. hi Tub muaj lug sau ca tsua huv Vaajtswv phoo ntawv has tas, tug Cawmseej yog vaaj ntxwv Tavi ib tug xeeb ntxwv, nwg yuav lug yug tsua huv lub moos Pelehee kws yaav thau u Tavi nyob. 43 Yog le ntawm cov pejxeem txha le tsw sws hum lawm. 44 Muaj qee leej xaav nteg Yexu, kuas tsw muaj ib tug muaj cuab kaav nteg.
Yutai cov thawj tsw ntseeg Yexu tej lug
45 Cov tub rog rov qaab lug cuag cov pov thawj hlub hab cov Falixai. Puab nug cov tub rog has tas, ua caag mej tsw coj nwg lug. 46 Cov tub rog teb has tas, yeej tsw muaj ib tug yuav txawj has le tug hov has ib zag le. 47 Cov Falixai txawm has tsua puab has tas, ham tsw yog mej qaug nwg phuas cawv lawm hab loj. 48 Sub mej nim nov has tas, peb cov thawj hab cov Falixai muaj ib tug twg ntseeg nwg hab nua. 49 Vaajtswv foom tsw zoo tsua cov nam tuabneeg kws tsw quav ntsej Mauxe txuj kevcai lawm. 50 Cov Falixai hov muaj ib tug npe hu ua Nikautemau. Ua ntej ntawm Nikautemau tau moog nrug Yexu thaam ib zag. Nwg has tsua puab has tas, 51 peb kevcai yeej qha has tas, yog peb yuav teem txem tsua ib tug peb yuav tsum xub nug nwg zoo zoo hab ca nwg lug has daws nwg zaaj tsaiv le maav teem txem tsua nwg. 52 Puab teb has tas, koj tuaj peg Kalilai tuaj hab kaj, koj txha has le kos. Koj ca le moog ua tuab zoo nyeem Vaajtswv phoo ntawv zoo zoo koj txha le pum tas, yeej tsw muaj ib tug xwbfwb cev Vaajtswv lug yuav tuaj peg Kalilai tuaj hlo le. Tes puab nyag txawm rov moog nyag tsev lawm.
Tug quaspuj kws ntxag hluas nraug
1 Dhau hov ntawm Yexu nee moog peg roob ntoo txwv kav laaj. 2 Thaus kaaj ntug quas txoog Yexu rov moog nraag lub tuam tsev thov Vaajtswv. Muaj tuabneeg coob coob tuaj cuag nwg, nwg txawm nyob quas tsawg qha suavdawg. 3 Cov xwbfwb qha Vaajtswv kevcai hab cov Falixai caab ib tug quaspuj tuaj cuag Yexu. Puab nteg tau nwg thaus nwg saamswm ntxag hluas nraug. Puab kuas nwg sawv ntsug taab meeg suavdawg. h Puab kom nwg tsua Yexu has tas, xwbfwb, muaj tuabneeg nteg tau tug quaspuj nuav thaus nwg saamswm ntxag hluas nraug ntaag. 5 Mauxe sau ib txuj kevcai qha peb has tas, mej yuav tsum xuas pob zeb ntaus tug nam tuabneeg kws ua phem le nuav kuas tuag. Yog le ntawm saib koj yuav has le caag. 6 Puab has le nuav saib nrhav tau chaw kom Yexu los tsw tau. Kuas Yexu txawm nyo xuas ntiv teg sau sau huv aav. 7 Thaus Yexu pum tas, puab tseem pheej nug nug, Yexu txawm tsaa hau hlo has tsua puab has tas, mej cov kws nyob ntawm nuav, yog leejtwg tsw tau ua txhum le tes ca nwg xub xuas pob zeb ntaus tug quaspuj nuav. 8 Tes Yexu txawm rov nyo hau xuas ntiv teg sau sau huv aav dua. 9 Thaus puab nov Yexu has le ntawm puab txhua tug nyag ca le tswv nyag moog lawm, cov laug xub tswv ua ntej. Puab tswv taag huvsw, tshuav Yexu tuab leeg nrug tug quaspuj hov nyob xwb. 10 Yexu tsaa hau saib, Yexu has tsua tug quaspuj ntawm has tas, mivntxhais puab dua twg taag lawm. Tsw muaj leejtwg rau txem tsua koj los. 11 Nwg teb Yexu has tas, xwbfwb, tsw muaj leejtwg rau txem tsua kuv es. Yexu has tsua nwg has tas, yog le ntawm, kuv kuj tsw rau txem tsua koj hab. Koj ca le moog tsev, koj tsw xob rov ua txhum dua ib zag le lawm.
Yexu yog qhov kaaj kws pum kev
12 Yexu rov qha cov pejxeem has tas, kuv yog qhov kaaj kws ci tsua tuabneeg nplajteb pum kev. Tug kws nrug kuv moog nwg yuav tsw moog huv txujkev tsaus ntuj, nwg lub neej yuav tshaav ntuj quas lug le xwb. 13 Cov Falixai has tsua Yexu has tas, tej lug kws koj has kos tes tsuas yog koj rov qhuas koj xwb. Koj tej lug yeej tsw tseem ceeb daabtsw le. 14 Yexu teb has tas, txawm yog kuv rov qhuas kuv los kuv tej lug yeej tseem ceeb, tsua qhov kuv paub has tas, kuv lug hov twg lug, hab kuv yuav moog lawm hov twg. Kuas mej tsw paub sov kuv lug hov twg lug hab kuv yuav moog hov twg. 15 Mej thuaj luas hab txav txem tsua luas lawv le mej laam xaav xwb. Kuv yeej tsw thuaj leejtwg hab tsw txav txem tsua leejtwg. 16 Yog kuv thuaj luas hab txav txem tsua luas los kuv tej lug yeej muaj hauv paug muaj ntsws xaus, tsua qhov tsw yog kuv tuab leeg has xwb, yog leej txwv kws khaiv kuv lug nwg nrug kuv has hab. 17 Tub muaj lug sau ca tsua huv mej txuj kevcai has tas, yog muaj ob tug ua tim khawv has ib yaam nkaus lawm 18 tes tej lug kws ob tug has yeej muaj tseeb tag. Kuv yeej ua kuv tug tim khawv. Leej txwv kws khaiv kuv lug kuj ua kuv tug tim khawv hab. 19 Puab txawm nug Yexu has tas, koj txwv nyob hov twg. Yexu teb has tas, mej yeej tsw tau paub kuv hab kuv txwv. Yog mej paub kuv tes mej yeej yuav paub kuv txwv hab. 20 Yexu has tej lug nuav huv lub tuam tsev thov Vaajtswv. Thaus ntawm nwg saamswm qha huv chaav tsev kws puab tso tej swb xaab rau nyaj. Tsw muaj leejtwg muaj cuab kaav nteg nwg, tsua qhov tseem tsw tau txug lub swmhawm kws Vaajtswv teem ca.
Cov muaj txem moog tsw tau qhov kws Yexu moog
21 Yexu has dua tsua puab has tas, kuv yuav moog. Mej yuav nrhav kuv, kuas mej yuav tuag tsua mej lub txem. Lub chaw kws kuv yuav moog ntawm mej moog tsw tau. 22 Cov Yutai txawm has tas, ntshai nwg yuav rov tua nwg pov tseg pauj, nwg txha has tas, lub chaw kws nwg yuav moog ntawm, peb moog tsw tau. 23 Yexu has tas, mej yog tuabneeg huv qaab ntuj. Kuv yog tuabneeg qaum ntuj. Mej yog tuabneeg nplajteb, kuv tsw yog tuabneeg nplajteb, 24 kuv txha has tsua mej has tas, mej yuav tuag tsua mej lub txem. Yog mej tsw ntseeg has tas, kuv yog tug kws kuv qha tsua mej hov, tes mej yuav tuag tsua mej lub txem huvsw. 25 Puab nug Yexu has tas, koj yog leejtwg. Yexu teb has tas, kuv yog tug kws kuv tub qha tsua mej thau chiv lub keeb lug lawm. 26 Tseem muaj ntau qhov kws kuv yuav kom mej hab thuaj mej. Txawm yog le caag los xwj. Tug kws khaiv kuv lug yog tug kws ncaaj nceeg. Tej kws kuv qha tsua tuabneeg nplajteb, kuv tsuas qha lawv le tej kws nwg kuas kuv qha xwb. 27 Cov tuabneeg kws nov Yexu has le hov, puab tsw nkaag sab has tas, Yexu has txug leej txwv. 28 Yexu txawm has tsua puab has tas, thaus mej muab Tuabneeg Leej Tub teem tsua sau ntoo khaublig tes mej yuav paub has tas, kuv yog tug kws kuv qha tsua mej ntaag. Hab mej yuav paub has tas, kuv tsw ua ib yaam daabtsw lawv le kuv lub sab, kuv tsuas has tej kws leej txwv qha tsua kuv lawm xwb. 29 Tug kws khaiv kuv lug nwg nrug kuv nyob. Nwg tsw tso kuv tseg ib zag le, tsua qhov kuv yeej ib txwm ua lawv le nwg lub sab nyam xwb. 30 Cov kws nov Yexu has le hov muaj ntau leej txawm ntseeg Yexu.
Txhua tug puav leej ua txujkev txhum qhev
31 Yexu has tsua cov Yutai kws ntseeg Yexu has tas, yog mej ua lawv le tej lug kws kuv qha, mej txha yog kuv cov thwjtim tag. 32 Mej yuav paub qhov tseeb, hab qhov tseeb ntawm yuav tso mej dim. 33 Puab teb has tas, peb yog Aplahaa cov xeeb ntxwv peb yeej tsw tau ua leejtwg qhev ib zag le. Lu lug kws koj has tas, mej yuav dim, yog koj has txug daabtsw. Yexu has tsua puab has tas, kuv qha tseeb tsua mej has tas, txhua tug kws ua txhum, puab puav leej ua txujkev txhum qhev. 35 Tug tub qhe yeej yuav tsw nrug tug tswv tsev nyob moog ib swm neej. Tsuas yog tug tub txha nrug nwg nyob xwb. 36 Yog Vaajtswv leej tub tso mej dim tes mej yeej yuav dim tag. 37 Kuv paub has tas, mej yog Aplahaa cov xeeb ntxwv los mej tseem yooj xeeb yuav muab kuv tua pov tseg, tsua qhov mej tsw ntseeg tej lug kws kuv qha. 38 Kuv has lawv le tej kws kuv txwv qha tsua kuv, kuas mej ua lawv le tej kws mej txwv qha tsua mej.
Daab Ntxwg Nyoog yog mej txwv
39 Puab teb Yexu has tas, peb txwv yog Aplahaa. Yexu has tsua puab has tas, yog mej yog Aplahaa le xeeb ntxwv tag, mej yeej yuav ua mej teg num zoo ib yaam le Aplahaa ua. 40 Kuas nwgnuav mej xaav muab kuv tua pov tseg, vem yog kuv qha qhov tseeb kws Vaajtswv tub qha tsua kuv lawm tsua mej noog. Aplahaa yeej tsw tau ua le mej ua. 41 Mej ua ib yaam le mej txwv ua. Puab teb has tas, peb tsw yog mivnyuas tsaub. Peb muaj tuab leeg txwv xwb, peb txwv yog Vaajtswv. 42 Yexu has tsua puab has tas, yog Vaajtswv yog mej txwv tag, mej yeej yuav noog kuv lug, tsua qhov yog Vaajtswv khaiv kuv lug. Kuv lug nrug mej nyob ntawm nuav, tsw yog kuv lug kuv xwb, kuas yog Vaajtswv khaiv kuv lug. 43 Ua caag mej tsw nkaag sab tej lug kws kuv has nuav. Tog mej tsw nkaag sab los vem yog mej tsw xaav noog tej lug kws kuv qha. 44 Mej txwv yog Daab Ntxwg Nyoog. Mej txha nyam ua lawv le mej txwv lub sab. Txwj thau u lug Daab Ntxwg Nyoog yog tug kws tua tuabneeg. Nwg yeej tsw ua lawv le qhov tseeb, tsua qhov nwg tsw nyam qhov tseeb. Tej lug kws nwg has yog daag xwb, tsua qhov nwg yeej yog tug nam daag. Txhua lu lug daag puav leej tawm huv Daab Ntxwg Nyoog qhov ncauj lug. 45 Tub yog kuv has tseeb mej txha tsw ntseeg kuv tej lug. 46 Mej cov leejtwg pum tas kuv ua txhum. Tej lug kws kuv has kuv yeej has tseeb xwb, ua caag mej tsw ntseeg. 47 Tug kws yog Vaajtswv mivnyuas tug ntawm yeej noog Vaajtswv lug. Kuas mej yeej tsw yog Vaajtswv mivnyuas mej txha tsw noog Vaajtswv lug.
Yexu xub nyob dua Aplahaa
48 Cov Yutai txawm teb Yexu has tas, lu lug kws peb has tas, koj yog tuabneeg Xamali hab koj raug daab, tsw yog le peb has los. 49 Yexu has tsua puab has tas, kuv tsw raug daab. Kuv fwm kuv txwv kuas mej saib tsw taug kuv. 50 Kuv tsw tau kuas leejtwg fwm kuv, kuas muaj ib tug qha tuabneeg fwm kuv. Tug ntawm yuav rau txem tsua cov kws tsw fwm kuv. 51 Kuv qha tseeb tsua mej has tas, tug kws ua lawv le kuv tej lug, mas nwg yuav tsw tuag le. 52 Cov Yutai has tsua Yexu has tas, qhov kws koj has le kos tub ua tsua peb paub tseeb has tas, koj raug daab lawm lauj. Aplahaa hab cov xwbfwb cev Vaajtswv lug tub tuag taag lawm, ua caag koj tseem yuav has tas, tug kws ua lawv le koj tej lug, tes yuav tsw tuag le nua. 53 Peb txwv Aplahaa tub tuag lawm. Koj tseem muaj fwjchim luj dua Aplahaa hab los. Cov xwbfwb cev Vaajtswv lug tub tuag taag huvsw lawm hab. Koj xaav has tas, koj tswm txaj dua puab cov hov hab nua los. Ua caag koj yuav khaav ua luaj. 54 Yexu teb puab has tas, yog kuv rov qhuas kuv xwb, kuv tej lug yeej tsw muaj qaabhau daabtsw le. Kuv txwv yog tug kws qhuas kuv, nwg yog tug kws mej hu has tas, mej tug Vaajtswv. 55 Mej yeej tsw paub nwg, kuas kuv paub nwg. Yog kuv has tas, kuv tsw paub nwg, tes kuj yog kuv daag ib yaam le mej hab. Kuas kuv yeej paub nwg hab kuv ua lawv le nwg tej lug. 56 Mej txwv Aplahaa zoo sab kws nwg yuav pum nub kws kuv lug. Nwgnuav nwg tub pum lawm, nwg zoo sab kawg le. 57 Cov Yutai has tsua Yexu has tas, koj noob nyoog tub tsw tau muaj tswb caug xyoo ais ua caag koj laam has tas, koj pum Aplahaa nua. 58 Yexu teb has tas, kuv qha tseeb tsua mej has tas, thaus tseem tsw tau yug Aplahaa kuv yeej xub nyob lawm. 59 Puab txawm khaws pob zeb yuav ntaus Yexu, kuas Yexu tswv nraim hab tawm huv lub tuam tsev thov Vaajtswv moog lawm.
Yexu khu tug yawm dig muag
1 Thaus Yexu saamswm taug kev moog Yexu pum ib tug quasyawg dig muag. Nwg ib txwm dig muag thaus nruab thab lug. 2 Yexu cov thwjtim nug Yexu has tas, xwbfwb, leejtwg ua txhum es tug yawm nuav txha dig muag, nwg ua txhum los yog nwg nam nwg txwv ua txhum. 3 Yexu teb has tas, qhov kws nwg dig muag hov tsw yog vem nwg tej kev txhum lossws vem nwg nam nwg txwv kev txhum. Kuas yog nwg dig muag sub suavdawg txha pum Vaajtswv tug fwjchim. 4 Nwgnuav tseem yog nruab nub peb yuav tsum ua tug Vaajtswv kws khaiv kuv lug tej num. Tshuav tsw ntev yuav tsaus ntuj. Thaus tsaus ntuj lawm yuav tsw muaj tuabneeg pum kev ua num lawm. 5 Thaus kuv tseem nyob huv nplajteb nuav kuv yog qhov kaaj kws ci tsua tuabneeg nplajteb pum kev. 6 Thaus Yexu has le ntawm taag Yexu ntu qub ncaug tsua huv aav. Nwg muab du xyaw aav ua mivntswv aav nplaum, mas muab cov aav nplaum hov pleev tug dig muag ob saab qhov muag. 7 Yexu has tsua nwg has tas, koj ca le moog ntxuav muag tom lub paag dej Xilauya. Xi lauya txhais has tas, khaiv moog. Tug dig muag moog ntxuav muag taag nwg rov qaab lug. Tes nwg tub pum kev lawm. 8 Tej tuabneeg zej zog hab tej tuabneeg kws pheej pum tug dig muag hov, thov khawv txawm sws nug has tas, tug nuav tsw yog tug kws naj nub nyob quas tsawg thov khawv los. 9 Muaj qee leej has tas, tub yog ntaag los maj. Kuas muaj qee leej has tas, tsw yog, yog nwg ntsej muag zoo thooj le tug dig muag u xwb. Tug dig muag kws pum kev lawm txawm has tas, kuv tub yog tug kws mej has kos ntaag. 10 Puab nug nwg has tas, ua caag koj tsua pum kev lawm. 11 Nwg teb puab has tas, muaj ib tug txwv neej npe hu ua Yexu, nwg ua ib co aav nplaum pleev kuv ob lub qhov muag. Nwg has tsua kuv has tas, koj ca le moog ntxuav muag tom lub paag dej Xilauya, kuv txawm ca le moog ntxuav. Thaus kuv ntxuav taag kuv txawm ca le pum kev lawm. 12 Puab nug has tas, tug kws koj has kos nyob hov twg. Nwg teb puab has tas, kuv tsw paub as.
Cov Falixai nug tas ua caag tug dig muag pum kev
13 Puab txawm coj tug dig muag kws rov pum kev lawm moog cuag cov Falixai. 14 Nub kws Yexu ua mivntswv aav nplaum pleev tug dig muag hov ob saab qhov muag yog nub su. 15 Cov Falixai rov nug nwg has tas, ua caag koj tsua pum kev lawm. Nwg pav tsua puab noog has tas, tug hov muab mivntswv aav nplaum pleev kuv ob lub qhov muag. Tes kuv moog ntxuav muag taag kuv txawm pum kev lawm. I6 Cov Falixai muaj qee leej has tas, tug kws ua le nuav yeej tsw yog tug kws Vaajtswv khaiv lug, tsua qhov nub su nwg tsw su. Kuas muaj qee leej has tas, tug kws muaj txem yuav ua le caag ua tau tej txujci tseem ceeb nuav. Tes puab txawm tsw sws hum lawm. 17 Cov Falixai rov nug nwg dua ib zag has tas, koj has tas, tug hov ua tsua koj ob lub qhov muag pum kev nua koj swm qha tsua peb saib tug hov yog leejtwg. Nwg teb puab has tas, tug hov yog ib tug xwbfwb cev Vaajtswv lug. 18 Kuas cov Yutai tsw ntseeg tas, nwg yog ib tug dig muag kws tsua pum kev lawm. Puab txawm moog hu nwg nam nwg txwv tuaj. 19 Puab nug ob tug has tas, tug nuav yog meb tug tub kws meb has tas, nwg yeej ib txwm dig muag thaus nruab thab lug los tsw yog, ua caag nwgnuav nwg tsua pum kev lawm. 20 Ob tug teb has tas, ib paub has tas nwg yog ib tug tub kws ib txwm dig muag thaus nruab thab lug tag, 21 kuas ib tsw paub sov ua caag nwg tsua pum kev lawm. Hab ib tsw paub sov leejtwg khu nwg ob lub qhov muag. Nwg tub tav hluas lawm mej ca le nug nwg, nwg txawj qha nwg tsua mej. 22 Ob tug ntshai cov Yutai ob tug txha has le ntawm, tsua qhov cov Yutai tub sablaaj has hum has tas, yog leejtwg leeg has tas, Yexu yog tug kws Vaajtswv khaiv lug ua tug Cawmseej tes puab yuav tsw kheev tug hov tuaj huv tsev sablaaj lawm. 23 Tub yog vem le nuav nwg nam nwg txwv txha has tas, nwg tub tav hluas lawm, mej ca le nug nwg. 24 Puab txawm rov hu nwg lug tsua ntawm puab dua ib zag. Puab has tsua nwg has tas, muaj Vaajtswv nyob sau ntuj pum, koj tsw xob npog ib yaam daabtsw le, koj ca le qha tseeb tseeb tsua peb. Peb yeej paub tas, tug ntawm yog tuabneeg muaj txem. 25 Tug dig muag kws tub pum kev lawm teb has tas, sov nwg muaj txem los tsw muaj kuv tsw paub, kuv tsuas paub tas, kuv yeej ib txwm dig muag, kuas nwgnuav kuv pum kev lawm xwb. 26 Puab rov nug has tas, nwg ua le caag tsua koj ais koj ob lub qhov muag txha pum kev. 27 Nwg teb puab has tas, kuv tub pav taag tsua mej lawm, kuas mej tsw noog. Ua caag mej tseem xaav kuas kuv rov pav tsua mej noog dua hab, ntshai mej xaav ua nwg cov thwjtim hab kaj. 28 Thaus puab nov nwg has le hov puab txawm tshev nwg has tas, koj yog tug nam tuabneeg ntawm le thwjtim, kuas peb yog Mauxe le thwjtim. 29 Peb paub tas, Vaajtswv nrug Mauxe thaam, kuas tug nam tuabneeg ntawm sov nwg tuaj hov twg tuaj peb yeej tsw paub. 30 Tug kws tub pum kev lawm teb puab has tas, kuv xaav tsw thoob le, sov ua caag mej tsw paub has tas nwg tuaj hov twg tuaj, kuas nwg tsua khu tau kuv ob lub qhov muag pum kev. 31 Peb paub has tas, Vaajtswv yeej tsw noog cov tuabneeg muaj txem tej lug, nwg tsuas noog cov kws fwm nwg hab ua lawv le nwg tej lug xwb. 32 Txwj thaus Vaajtswv tswm ntuj tswm teb lug tsw muaj leejtwg yuav nov has tas, muaj ib tug khu tau cov tuabneeg kws dig muag thaus nruab thab lug, pum kev le. 33 Yog tug ntawm tsw yog tug kws Vaajtswv khaiv lug nua, nwg yeej ua tsw tau le nuav hlo le. 3*t Puab teb has tas, koj yog tug nyuas kaas tsaub kws nyav hlub nuav xwb ais ua caag koj yuav laam ntuag peb ua nyuas daag quas ntsuav le kos. Puab txawm ntab nwg tswv tawm huv lub tsev sablaaj moog.
Cov kws pum kev yuav dig muag
35 Yexu nov tas, puab ntab tug kws qhov muag pum kev lawm tawm huv tsev sablaaj lawm, tes Yexu txawm moog has tsua nwg has tas, koj ntseeg Tuabneeg Leej Tub los tsw ntseeg. 36 Nwg teb has tas, xwbfwb, Tuabneeg Leej Tub yog tug twg. Thov koj qha tsua kuv, kuv txha paub ntseeg nwg. 37 Yexu has tsua nwg has tas, koj tub pum Tuabneeg Leej Tub lawm. Nwg yog tug kws saamswm nrug koj thaam ntaag. 38 Tug kws tub pum kev lawm txawm txhus caug ndua ntawm Yexu kwtaw has tas, tug tswv kuv ntseeg. 39 Yexu qha has tas, qhov kws kuv lug huv nplajteb nuav yog kuv lug txav txem. Kuv ua le nuav kuas cov tuabneeg dig muag pum kev, hab kuas cov tuabneeg pum kev dig muag. 40 Thaus cov Falixai kws nrug Yexu nyob ntawm nov Yexu has le hov muaj qee leej txawm has tsua Yexu has tas, koj has le kos, yog koj has tas, peb puav leej dig muag huvsw nua los. 41 Yexu teb puab tas, yog mej dig muag, yeej tsw muaj tuabneeg yuav has tas, mej muaj txem. Kuas mej has tas, mej yog cov kws pum kev. Yog le ntawm mej tseem muaj txem.
Zaaj pev lug has txug nkuaj yaaj
1 Yexu has tas, kuv qha tseeb tsua mej tas, tug kws moog huv lub nkuaj yaaj, yog nwg tsw moog ntawm rooj nkuag moog, nwg ca le nee lwm qhov moog, tug ntawm tsw yog tug tswv, nwg yog tub saab tub nyag xwb. 2 Tug kws moog ntawm rooj nkuag moog txha yog tug tswv kws yug paab yaaj. 3 Tug kws zuv rooj nkuag yuav qheb tsua nwg. Thaus nwg cuab nwg paab yaaj tej npe, paab yaaj kuj paub nwg lub suab. Nwg coj nwg paab yaaj tawm huv nkuaj moog. 4 Thaus nwg coj paab yaaj tawm tsua saab nrau lawm nwg yuav moog ua paab yaaj ntej. Paab yaaj yuav lawv nwg qaab tsua qhov paab yaaj paub nwg lub suab. 5 Yaaj yuav tsw lawv lwm tug moog, yaaj yeej yuav tswv ntawm lwm tug moog, vem yaaj tsw paub lwm tug lub suab. 6 Yexu has zaaj pev lug nuav tsua puab noog kuas puab tsw to taub.
Yexu yog tug tswv kws yug yaaj
7 Yexu rov qaab has dua has tas, kuv qha tseeb tsua mej tas, kuv yog lub rooj nkuag yaaj. 8 Txhua tug kws ua kuv ntej tuaj puav leej yog tub saab tub nyag, mas paab yaaj tsw noog puab tej lug. 9 Kuv yog lub rooj nkuag, tug kws lug ntawm kuv moog tsua huv lub nkuaj, nwg yuav dim kev tuag. Nwg yuav moog moog lug lug, hab nwg yuav nrhav tau zaub noj. 10 Thaus tub saab tuaj tub saab tsuas tuaj nyag tuaj tua hab ua kuas puam tsuaj xwb. Kuas kuv lug yog lug ua kuas suavdawg tau txujsa ntev moog ib txhws tsw kawg. 11 Kuv yog tug tswv kws yug zoo. Tug kws yug zoo nwg yeej zoo sab tso nwg txujsa lug thij nwg paab yaaj. 12 Tug kws luas ndav zuv paab yaaj, nwg tsw yog tug tswv, paab yaaj tsw yog nwg le. Thaus nwg pum maa lug nwg ca le tso paab yaaj tseg tswv moog lawm. Maa ca le tum paab yaaj hab ua tsua paab yaaj tswv tawg taag lawm. 13 Nwg yog tug kws luas ndav xwb nwg txha tswv lawm, tsw txhawj txug paab yaaj. 14 Kuv yog tug tswv kws yug zoo. Kuv paub kuv paab yaaj hab kuv paab yaaj paub kuv, ib yaam le kuv txwv paub kuv hab kuv paub kuv txwv. 15 Kuv zoo sab tso kuv txujsa lug thij kuv paab yaaj. 16 Kuv muaj ib co yaaj kws tsw nyob huv lub nkuaj nuav hab. Kuv yuav tsum moog coj cov yaaj ntawm lug hab. Cov ntawm yuav noog kuv lug , kuv yuav moog sau lug nrug cov kws nyob huv nkuaj ua tuab paab hab koom tuab tug tswv. 17 Kuv txwv hlub kuv vem kuv zoo sab tso kuv txujsa tseg. Kuv ua le hov kuv txha tau kuv txujsa rov qaab lug. 18 Tsw muaj leejtwg yuav txeeb tau kuv txujsa. Qhov kws kuv tso kuv txujsa tseg hov yog kuv tso kuv xwb tsw muaj leejtwg yuam kuv. kuv muaj peev xwm tso kuv txujsa tseg, hab kuv muaj peev xwm muab tau kuv txujsa rov qaab lug. Tub yog kuvtxwv khaiv kuv lug ua le nuav. 19 Tej lug kws Yexu has nuav ua tsua cov Yutai rov tsw sws hum. 20 Muaj ntau leej has tas, nwg raug daab nwg vwm lawm lauj. Mej tseem yuav moog noog nwg tej lug ua daabtsw. 21 Kuas muaj qee leej has tas, tug tuabneeg kws raug daab yeej tsw txawj has le tug nuav has. Daab yuav ua le caag khu tau cov tuabneeg dig muag pum kev.
Cov Yutai tsw ntseeg Yexu
22 Thaus txug lub caij ua "kevcai thov Vaajtswv foom koob foom moov tsua lub tuam tsev, suavdawg txawm moog ua kevcai huv lub nroog Yeluxalee. 23 Lub caij ntawm yog lub caij ntuj no. Yexu moog moog lug lug huv lub tuam tsev zaaj qaab khaav Xalaumoo. 24 Cov Yutai kws tuaj nyob ntawm txawm lug has tsua Yexu has tas, thaus twg koj le qha tsua peb paub tseeb has tas, koj yog tug Cawmseej kws Vaajtswv khaiv lug los tsw yog nua. 25 Yexu teb has tas, kuv tub qha tsua mej lawm kuas mej tsw ntseeg kuv tej lug. Tej num kws kuv txwv kuas kuv ua, tub ua tsua mej paub tseeb lawm, 26 kuas mej tsw ntseeg, tsua qhov mej tsw yog kuv paab yaaj. 27 Kuv paab yaaj paub kuv tej lug. Kuv paub kuv paab yaaj, paab yaaj lawv kuv qaab. 28 Kuv muab txujsa ntev moog ib txhws tsw kawg tsua puab. Puab yuav tsw tuag le. Hab tsw muaj leejtwg yuav txeeb tau puab huv kuv txhais teg moog. 29 Tej kws kuv txwv muab pub tsua kuv lawm tseem ceeb dua ndais huvsw. Tsw muaj leejtwg yuav tuaj txhaav tau tej kws kuv txwv tsom kwm. 30 Leej txwv hab kuv yog tuab tug. 31 Thaus cov Yutai nov Yexu has le hov, puab txawm rov khaws pob zeb yuav ntaus Yexu. 32 Yexu has tsua puab has tas, kuv txwv kuas kuv ua ntau yaam num zoo tsua mej saib. Yog yaam twg ua tsua mej mob sab ais mej tsua yuav xuas pob zeb ntaus kuv nua. 33 Cov Yutai teb has tas, qhov kws peb yuav ntaus koj tsw yog vem tej num zoo kws koj ua, kuas vem koj has lug saib tsw taug Vaajtswv. Koj yog tuabneeg ib yaam le suavdawg xwb, ua caag koj yuav laam khaav has tas, koj yog Vaajtswv. 3*t Yexu has tsua puab has tas, muaj lug sau ca tsua huv mej txuj kevcai has tas, Vaajtswv has tas, mej zoo le Vaajtswv. 35 Peb paub has tas, Vaajtswv txujlug yog has tseeb moog ib txhws le. Yog Vaajtswv tub hu cov tuabneeg kws nov Vaajtswv txujlug has tas, puab zoo le Vaajtswv, 36 yog le ntawm ua caag thaus kuv has tas, kuv yog Vaajtswv tug tub mej tsua thuaj thuaj kuv has tas, kuv has lug saib tsw taug Vaajtswv nua. Kuv yog tug kws leej txwv xaiv hab khaiv lug huv nplajteb nuav. 37 Yog mej tsw pum kuv ua leej txwv teg num, mej tsw xob ntseeg kuv tej lug. 38 Kuas yog mej tub pum kuv ua lawm, txawm yog mej tsw ntseeg kuv tej lug los mej yuav tsum ntseeg tej num kws mej pum kuv ua. Yog mej ntseeg teg num kws kuv ua mas mej yuav paub has tas, kuv txwv hab kuv koom ib txujsa. 39 Cov tuabneeg hov yuav rov nteg Yexu, kuas Yexu ca le moog dhau plhawv lawm, puab nteg tsw tau nwg. 40 Yexu rov qaab hlaa tug nam dej Yalatee moog tim qhov chaw kws Yauhaa muab tuabneeg ua kevcai raus dej, Yexu nyob tim. 4l Muaj tuabneeg coob coob tuaj cuag Yexu. Puab sws thaam has tas, Yauhaa tub tsw tau ua ib yaam txujci tseem ceeb daabtsw le. Kuas tej lug kws Yauhaa has txug tug nuav puav leej muaj tseeb. 42 Tes txawm muaj tuabneeg coob lug ntseeg Yexu.
Laxalau tuag
1 Muaj ib tug txwv neej npe hu ua Laxalau nyob huv lub zog Npethani, nwg mob. Nwg ob tug muam ib tug npe hu ua Maivlag, ib tug npe hu ua Matha. Matha yog tug muam hlub. 2 Tug Maivlag nuav yog tug kws tom qaab nuav muab roj tsw-qaab laub ywg Yexu kwtaw, hab nwg muab nwg cov plaub hau lug so. 3 Tug Laxalau kws mob yog Maivlag tug nug. Laxalau ob tug muam khaiv tuabneeg moog has tsua Yexu has tas, xwbfwb, koj tug kwvluag kws koj hlub mob lawm. 4 Thaus Yexu nov le hov, Yexu has tas, Laxalau tug mob yeej yuav tsw ua tsua Laxalau tuag, kuas yuav ua tsua Vaajtswv tau koob meej hab yuav ua tsua Vaajtswv tug tub tau koob meej. 5 Yexu hlub Matha hab Matha tug nam hluas hab Laxalau puab heev. 6 Thaus Yexu nov has tas Laxalau mob lawm los Yexu tseem nyob qhov qub chaw tau ob nub. 7 Dhau ob nub hov lawm Yexu txawm has tsua Yexu cov thwjtim has tas, peb rov qaab moog nraag Yutai tebchaws. 8 Cov thwjtim has tsua Yexu has tas, xwbfwb, tsw ntev nuav, cov Yutai tub yuav xuas pob zeb ntaus koj, koj tseem yuav rov moog lawm nraag hab los. 9 Yexu teb has tas, ib nub muaj kaum ob chuaj moos los tsw yog. Yog leejtwg taug kev nruab nub nwg yuav tsw dawm, tsua qhov nwg pum kev. 10 Kuas yog nwg taug kev mo ntuj nwg yeej yuav dawm, vem nwg tsw pum kev. 11 Yexu has le nuav taag, Yexu txawm rov has tas, peb tug kwvluag Laxalau tub tsaug zug lawm, kuas kuv yuav moog tsaa nwg sawv. 12 Cov thwjtim teb Yexu has tas, xwbfwb yog nwg tsaug taug zug lawm, nwg tug mob yeej yuav zoo. 13 Yexu has txug qhov kws Laxalau tuag lawm, kuas cov thwjtim xaav has tas, yog Yexu has txug qhov kws Laxalau tsaug zug xwb. 14 Yexu qha tseeb tseeb tsua puab has tas, Laxalau tub tuag lawm. 15 Kuas kuv zoo sab kws kuv tsw nyob ntawm, kuv txha paab tau mej tso sab tsua kuv. Peb ca le moog saib nwg. 16 Tug Thauma kws muaj dua npe hu ua Ntxaib has tsua cov thwjtim kws nrug nwg ua ib paab has tas, peb ca le nrug xwbfwb moog, peb txha tau nrug nwg tuag ua ke.
Yexu yog tug kws tsaa tuabneeg sawv hab pub txujsa
17 Thaus Yexu moog txug huv lub zog Npethani Yexu nov has tas, puab tub muab Laxalau log tau plaub nub lawm. 18 Lub zog Npethani nyob deb ntawm lub nroog Yeluxalee kwvlaam peb kislus kev. 19 Cov Yutai muaj ntau leej tuaj saib Matha hab Maivlag. Puab tuaj nplig ob tug vem ob tug tug nug tuag lawm. 20 Thaus Matha nov has tas, Yexu saamswm tuaj, Matha txawm moog tog Yexu, kuas Maivlag nyob huv tsev. 21 Matha has tsua Yexu has tas, xwbfwb, yog koj nrug peb nyob ntawm nuav tes kuv tug nug tsw leej tuag le. 22 Kuas kuv paub has tas, txawm yog nwgnuav koj thov Vaajtswv pub ib yaam daabtsw tsua koj los Vaajtswv yeej yuav pub yaam ntawm tsua koj. 23 Yexu has tsua Matha has tas, koj tug nug yuav sawv rov qaab lug. 24 Matha teb has tas, kuv paub has tas, thaus txug nub kawg nwg yeej yuav sawv rov qaab lug tag. 25 Yexu has tsua Matha has tas, kuv yog tug kws tsaa kuas tuabneeg sawv huv qhov tuag rov qaab lug, hab ua kuas tuabneeg muaj txujsa. Tug kws ntseeg kuv, txawm yog nwg tuag lawm los nwg yeej yuav muaj txujsa. 26 Tug kws muaj txujsa hab ntseeg kuv, tug ntawm yuav tsw tuag le. Koj ntseeg kuv tej lug nuav los tsw ntseeg. 27 Matha teb has tas, xwbfwb kuv ntseeg has tas, koj yog Vaajtswv tug tub kws Vaajtswv khaiv lug ua tuabneeg tug Cawmseej huv nplajteb nuav.
Yexu quaj quaj
28 Matha has le nuav taag, Matha txawm rov lug has tuab ywv tsua Matha tug nam hluas Maivlag has tas, xwbfwb tuaj lawm, nwg nug nug koj. 29 Thaus Maivlag nov dheev Matha has le hov, Maivlag txawm sawv tseeg moog tog Yexu. 30 Yexu tseem tuaj tsw tau txug huv zog. Nwg tseem nyob tom qhov chaw kws Matha moog ntswb nwg. 31 Thaus cov Yutai kws tuaj nplig Maivlag huv Maivlag tsev pum Maivlag sawv tseeg tawm nrawm nroog moog lawm, puab txawm lawv nwg qaab moog. Puab xaav has tas, nwg yuav moog quaj tom lub ntxaa. 32 Thaus Maivlag moog txug tom kws Yexu nyob, Maivlag pum dheev Yexu, Maivlag txawm qhau cev hlo ntawm Yexu kwtaw has tas, xwbfwb, yog koj nrug peb nyob ntawm nuav tes kuv tug nug tsw leej tuag le. 33 Thaus Yexu pum Maivlag hab cov Yutai kws nrug Maivlag tuaj, puab quaj quaj, Yexu hlub puab hab mob sab puab kawg le. 34 Yexu nug puab has tas, mej muab nwg log tsua hov twg. Puab teb has tas, xwbfwb, koj nrug peb moog saib. 35 Yexu quaj quaj hab. 36 Cov Yutai txawm has tas, mej swm saib Yexu hlub Laxalau kawg le. 37 Kuas muaj qee leej has tas, nwg tub khu tau tug dig muag u pum kev ne. Nwg ua tsw tau kuas Laxalau tsw xob tuag los.
Laxalau sawv huv qhov tuag rov lug
38 Yexu rov mob sab kawg le. Nwg txawm moog tom lub ntxaa. Lub qhov ntxaa ntawm puab txaug tsua huv ib phaab zeb, hab muaj ib daim laag zeb npug lub rooj ntxaa. 39 Yexu has tas, mej ca le muab daim laag zeb tshem. Laxalau tug muam Matha txawm has tas, xwbfwb, peb tub muab nwg log tau plaub nub lawm, ntshai nwgnuav tsw-lwj lawm lauj. 40 Yexu has tsua Matha has tas, kuv tub has tsua koj has tas, yog koj ntseeg koj yeej yuav pum Vaajtswv tug fwjchim nua ne. 41 Cov tuabneeg ntawm txawm muab daim laag zeb tshem. Thaus puab muab daim laag zeb tshem lawm, Yexu tsaa muag saib sau ntuj mas has tas, txwv, kuv ua koj tsaug tsua qhov koj yeej noog kuv tej lug thov. 42 Kuv paub has tas, koj yeej ib txwm noog kuv tej lug thov. Kuv has le nuav tub yog kuv xaav kuas cov tuabneeg kws nyob ntawm nuav ntseeg has tas, koj yog tug kws khaiv kuv lug. 43 Thaus Yexu has le hov taag Yexu txawm hu nrov nrov has tas, Laxalau, koj ca le tawm lug. 44 Tug tuag txawm tawm lug. Muaj nrhoob qhwv nwg teg nwg taw, hab muaj ib daim ntaub npug nwg lub plhu. Yexu has tsua puab has tas, mej ca le daws tej nrhoob kws qhwv nwg pov tseg, es ca nwg moog.
Cov Yutai tuav huv nteg Yexu
45 Thaus cov Yutai kws tuaj saib Maivlag pum tej kws Yexu ua hov, muaj ntau leej txawm ntseeg Yexu. 46 Kuas muaj qee leej moog qha tej kws Yexu ua huvsw tsua cov Falixai. 47 Tes cov Falixai hab cov pov thawj hlub txawm moog hu Yutai cov thawj tuaj sablaaj has tas, peb yuav ua le caag tsua tug txwv neej kws ua tej txujci tseem ceeb nuav. 48 Yog peb ca nwg ua nwg, ntshai tej pejxeem yuav ntseeg nwg taag, tes cov num tswv Loo yuav tuaj muab lub tuam tsev thov Vaajtswv lauj pov tseg, hab yuav ua tsua peb tsaav tuabneeg puam tsuaj taag huvsw. 49 Huv puab cov ntawm muaj ib tug npe hu ua Kayafa. Xyoo hov nwg ua tug tuam pov thawj hlub, mas nwg has tsua suavdawg has tas, ua caag mej yuav ruag ua luaj le. 50 Mej tsw paub los. Ca ib tug tuag zoo dua le ca peb tsaav tuabneeg puam tsuaj taag nrho los maj. 51 Qhov tseem ceeb, tej lug kws Kayafa has ntawm tsw yog nwg laam has nwg. Nwg has le hov vem xyoo hov nwg ua tug tuam pov thawj hlub. Tej lug kws nwg has yog nwg qha ua ntej has tas, Yexu yuav tuag thij cov Yutai. 52 Tsw yog le ntawm xwb, Yexu tseem yuav coj Vaajtswv cov mivnyuas kws tswv moog nyob hov txhua hov chaw rov lug nyob ua ke. 53 Txwj nub ntawm lug Yutai cov num tswv txha le tuav huv nrhav kev muab Yexu tua pov tseg. 54 Vem le ntawm Yexu txha tsw taab meeg moog moog lug lug huv Yutai tebchaws lawm. Nwg ca le moog tom ib lub moos kws nyob ze ze tebchaws moj saab qhua. Lub moos hov npe hu ua Efa-i. Nwg nrug nwg cov thwjtim nyob tom. 55 Thaus hov tub yuav txug lub caij kws cov Yutai ua kevcai hlaa dhau. Muaj tuabneeg coob coob tuaj peg tej toj sab tuaj tsua huv lub nroog Yeluxalee. Puab yuav xub ua kevcai ntxuav tsaiv le maav ua kevcai hlaa dhau. 56 Thaus suavdawg tuaj ua ke huv lub tuam tsev thov Vaajtswv, puab xaam tsua hov nuav hov u saib pum Yexu los tsw pum. Puab sws thaam has tas, sov nwg yuav tuaj ua kevcai nuav los tsw tuaj ne. Ntshai nwg tsw tuaj pauj. 57 Cov pov thawj hlub hab cov Falixai tub xub has tsua suavdawg has tas, yog leejtwg paub has tas, Yexu nyob hov twg tes ca le kawgkag lug qha tsua puab, puab yuav moog nteg Yexu.
Maivlag laub roj tsua Yexu kwtaw
1 Thaus tseem tshuav rau nub le txug lub caij ua kevcai hlaa dhau, Yexu moog tom lub zog Npethani. Tug Laxalau kws Yexu tsaa sawv huv qhov tuag rov qaab lug nwg kuj nyob huv lub zog hov. 2 Puab ua ib rooj mov tsua Yexu noj. Matha ua tug thab zaub thab mov tsua suavdawg noj. Laxalau nrug Yexu nyob ua ke noj mov. 3 Maivlag nqaa ib fwj roj tsw-qaab kim kim lug laub tsua Yexu kwtaw, hab nwg muab nwg cov plaub hau lug so. Cov roj ntawm tsw thoob plawg huv tsev. 4 Thaus Yexu tug thwjtim kws npe hu ua Yuta Ikhalau kws yuav faav xeeb tsua Yexu pum le hov, nwg txawm has tas, 5 ua le caag tsw muab cov roj tsw-qaab hov coj moog muag peb puas txaj thes ais coj moog faib tsua cov pluag. 6 Yuta has le hov tsw yog vem nwg hlub cov pluag kuas nwg yog tub saab. Nwg yog tug kws ceev lub naab nyaj hab nwg yeej ib txwm pheej qee mivntswv coj moog swv. 7 Kuas Yexu has tas, xwjpeem nwg los maj. Ca nwg ua nwg, nwg npaaj tej nuav tseg tsua nub kws log kuv. 8 Cov pluag naj nub nrug mej nyob kuas kuv yuav tsw nrug mej nyob moog ib swm.
Cov Yutai tuav huv yuav tua Laxalau
9 Cov Yutai muaj ntau l6ej nov has tas, Yexu nyob tom lub zog Npethani, tes puab txawm moog tom vem puab xaav pum Yexu hab tug Laxalau kws Yexu tub tsaa sawv huv qhov tuag rov qaab lug lawm. 10 Vem le ntawm cov pov thawj hlub txha tuav huv yuav muab Laxalau tua pov tseg hab, 11 tsua qhov puab pum has tas, qhov kws Yexu tsaa Laxalau sawv rov qaab lug hov, ua tsua suavdawg ntseeg Yexu taag, hab suavdawg tso cov thawj tseg lawm.
Yexu moog huv lub nroog Yeluxalee
12 Thaus kaaj ntug cov tuabneeg coob coob kws tuaj ua kevcai hlaa dhau, suavdawg nov has tas, Yexu yuav tuaj huv lub nroog Yeluxalee hab, 13 tes puab nyag taug nyag moog txav nplooj toov laaj nqaa moog tog Yexu. Puab has nrov nrov has tas, qhuas Vaajtswv. Thov Vaajtswv foom koob foom moov tsua tug kws Vaajtswv khaiv lug. Thov Vaajtswv foom koob foom moov tsua cov Yixayee tug vaaj ntxwv. 14 Yexu taug kev tuaj pum ib tug luav, Yexu txawm muab caij. Tej nuav muaj lawv le tej lug kws sau ca tsua huv Vaajtswv phoo ntawv has tas, 15 Lub nroog Xi-oo, koj tsw xob ntshai. Koj swm saib saib koj tug vaaj ntxwv caij ib tug mivnyuas luav lug tsua ntawm koj. 16 Thaus hov Yexu cov thwjtim tsw nkaag sab tej lug nuav, kuas thaus Vaajtswv tsaa Yexu sawv huv qhov tuag rov qaab lug, hab ua tsua Yexu tau koob meej lawm, cov thwjtim txha le ncu dheev txug has tas, tub muaj lug sau ca tsua huv Vaajtswv phoo ntawv has ca le ntawm, hab tub muaj tuabneeg ua le hov tsua Yexu lawm tag. 17 Cov tuabneeg kws pum Yexu tsaa Laxalau sawv huv qhov tuag hab nov Yexu hu Laxalau tawm huv qhov ntxaa lug tub xub pav tej kws puab pum hab puab nov tsua suavdawg noog lawm. 18 Yog le ntawm txha le muaj tuabneeg coob coob tawm tuaj tog Yexu, tsua qhov puab nov has tas, Yexu ua tau tej txujci tseem ceeb nuav. 19 Thaus cov Falixai pum le ntawm puab sws thaam has tas, txawm yog peb yuav ua le caag los ntshai tsw muaj qaabhau lawm lauj. Mej swm saib saib, taag teb taag chaw puav leej ntseeg nwg huvsw.
Cov Kili xaav ntswb Yexu
20 Cov tuabneeg kws tuaj ua kevcai huv lub nroog Yeluxalee muaj ib txha yog tuabneeg Kill. 21 Cov tuabneeg ntawm tuaj nug Fili has tas, npawg, peb xaav ntswb Yexu. Fili yog cov tuabneeg peg lub moos Npexayata huv Kalilai tebchaws. 22 Fili moog qha Aatali, ob tug txawm moog has Yexu. 23 Yexu teb ob tug has tas, tub yuav txug lub swmhawm kws Vaajtswv ua tsua Tuabneeg Leej Tub tau koob meej. 24 Kuv qha tseeb tsua mej has tas, yog yug tsw muab lub noob nplej coj moog faus aav tes tsuas nyob tuab lub le qub xwb. Kuas yuav tsum muab faus aav kuas lub noob lwj, txha tuaj kaug hab txw tau ntau. 25 Tug kws khauv xwm nwg txujsa nwg txujsa yuav tu, kuas tug kws tsw khauv xwm nwg txujsa kws nyob huv nplajteb nuav, tug ntawm yuav tau txujsa ntev moog ib txhws tsw kawg. 26 Tug kws xaav ua kuv tug tub qhe nwg yuav tsum nrug kuv moog, kuv tug tub qhe yeej yuav tsum nrug kuv nyob ua ke. Kuv txwv yuav qhuas tug kws ua kuv tug tub qhe.
Yexu has txug nwg kev tuag
27 Nwgnuav kuv ntxhuv sab kawg le. Kuv yuav has le caag txha zoo. Kuv yuav ca le has tas, txwv, thov koj tsw xob ca kuv raug tej kev txom nyem kws yuav muaj lug nuav. Kuv yuav has le ntawm los. Tsw yog. Kuv yeej zoo sab raug tej kev txom nyem nuav kuv txha le lug. 28 Txwv, thov kuas koj lub npe tau koob meej. Thaus Yexu has le hov taag muaj ib lub suab has sau ntuj tuaj has tas, kuv tub ua tsua kuv lub npe tau koob meej lawm, kuas nwgnuav kuv yuav rov qaab ua dua hab. 29 Cov tuabneeg kws nrug Yexu nyob ua ke nov lub suab ntawm, puab txawm has tas, xub quaj pauj. Muaj qee leej has tas, ib tug tubkhai sau ntuj nrug nwg thaam. 30 Kuas Yexu has tsua puab has tas, lub suab ntawm tsw yog has tsua kuv, yog has tsua mej. 31 Nwgnuav yog lub swmhawm kws Vaajtswv yuav teem txem tsua tuabneeg nplajteb, hab tug kws kaav nplajteb yuav raug ntab tawm moog. 32 Kuas kuv le thaus muaj tuabneeg muab kuv teem tsua sau ntoo khaublig kuv yuav coj txhua tsaav tuabneeg lug cuag kuv. 33 Yexu has le nuav tub yog Yexu has tas, Yexu yuav tuag le caag. 34 Suavdawg txawm teb has tas, peb kevcai qha peb has tas, tug kws Vaajtswv khaiv lug ua tug Cawmseej yeej yuav nyob moog ib txhws le, ais ua caag koj tsua has tas, luas yuav muab Tuabneeg Leej Tub teem tsua sau ntoo khaublig nua, Tuabneeg Leej Tub yog leejtwg. 35 Yexu has tsua puab has tas, qhov kaaj tseem yuav nrug mej nyob ib nyuas ntu hab. Tsheem tseem pum kev mej ca le rau sab ntso ua mej lub neej, tsaam tsaus mej ntuj, tsua qhov tug kws xuas dub yeej tsw pum kev moog. 36 Yog le ntawm thaus tseem muaj qhov kaaj mej ca le ntseeg qhov kaaj ntawm, mej txha ua tau cov tuabneeg kws nyob qhov kaaj.
Cov Yutai tsw ntseeg Yexu
Thaus Yexu has le hov taag Yexu txawm ca le moog tswv nraim lawm. 37 Puab tub pum Yexu ua ntau yaam txujci tseem ceeb los puab tseem tsw ntseeg Yexu tej lug hab. 38 Tej nuav muaj lawv le tej kws xwbfwb Yaxaya kws cev Vaajtswv lug tau sau tseg has tas, Vaajtswv, leejtwg yuav ntseeg tej lug kws peb qha. Koj ua koj tug fwjchim tsua leejtwg pum. 39 Tub yog vem le nuav puab txha tsw ntseeg, tsua qhov Yaxaya has dua ib zaaj has tas, 40 Vaajtswv ua tsua puab dig muag, hab ua tsua puab lub sab ruag, kuas puab lub qhov muag tsw pum kev, hab kuas puab lub sab tsw to taub. Puab txha tsw tau lug kuas kuv khu puab tej mob. 41 Yaxaya has le ntawm tsua qhov nwg tub xub pum Yexu tug fwjchim, nwg txha has txug Yexu. 42 Cov Yutai cov thawj muaj ntau leej ntseeg Yexu, kuas puab tsw taab meeg qha tsua suavdawg has tas, puab ntseeg tsua qhov puab ntshai tsaam cov Falixai tsw kheev puab moog noog lug qhuab qha huv tsev sablaaj lawm. 43 Puab nyam kuas tuabneeg zoo sab tsua puab heev dua le nyam Vaajtswv zoo sab tsua puab.
Yexu tej lug ua tsua suavdawg raug txem
44 Yexu has nrov nrov tsua suavdawg has tas, tug kws ntseeg kuv, tsw yog nwg ntseeg kuv ib leeg xwb, kuas nwg ntseeg tug kws khaiv kuv lug hab. 45 Tug kws pum kuv kuj yog pum tug kws khaiv kuv lug hab. 46 Kuv lug ua qhov kaaj tsua tuabneeg nplajteb pum kev. Tug kws ntseeg kuv nwg tsw nyob huv qhov tsaus ntuj lawm. 47 Tug kws nov kuv tej lug los nwg tsw ntseeg, kuv kuj tsw teem txem tsua nwg, tsua qhov tsw yog kuv lug teem txem tsua tuabneeg nplajteb, yog kuv lug cawm puab dim puab lub txem xwb. 48 Muaj ib tug yuav teem txem tsua txhua tug kws tsw leeg paub kuv hab tsw noog kuv tej lug qha. Thaus txug nub kawg nwg yuav teem txem tsua tug ntawm lawv le tej lug kws kuv qha. 49 Tsua qhov tej lug hov tsw yog kuv laam has kuv, kuas leej txwv kws khaiv kuv lug yog tug kws qha kuv has. 50 Kuv paub has tas, tej lug kws nwg has ntawm yuav cawm tau tuabneeg txujsa moog ib txhws. Tej lug kws kuv has puav leej yog kuv txwv qha tsua kuv.
Yexu ntxuav cov thwjtim kwtaw
1 Tshuav ib mos tes txug nub ua kevcai hlaa dhau. Yexu paub has tas, tub txug lub swmhawm kws Yexu yuav tawm huv nplajteb nuav rov moog cuag leej txwv. Yexu yeej ib txwm hlub nwg cov tuabneeg kws nyob huv nplajteb nuav, nwg hlub puab kawg kev nkaus le. 2 Thaus Yexu hab Yexu cov thwjtim saamswm noj mo, Daab Ntxwg Nyoog tub xub tshoov Ximoo Ikha-lau tug tub Yuta lub sab kuas faav xeeb tsua Yexu ua ntej lawm. 3 Yexu paub tas, leej txwv tub muab ib puas tsaav yaam huvsw tso tsua Yexu kaav lawm, hab paub has tas Vaajtswv khaiv nwg lug hab nwg yuav rov qaab moog cuag Vaajtswv, 4 Yexu txawm sawv ntawm rooj mov, nwg hle nwg lub tsho ntev, nwg muab ib txuj phuam lug sa, 5 tes nwg muab dej laub tsua huv lub phaaj nqaa lug ntxuav cov thwjtim kwtaw. Nwg muab txuj phuam kws nwg sa lug so puab kwtaw. 6 Thaus Yexu ntxuav lug txug ntawm Ximoo Pestus, Ximoo Pestus txawm nug Yexu has tas, tug tswv koj yuav ntxuav kuv kwtaw los. 7 Yexu teb has tas, nwgnuav koj tseem tsw tau to taub qhov kws kuv ua nuav, kuas lwm nub koj yeej yuav to taub. 8 Pestus has tas, kuv yeej tsw kheev koj ntxuav kuv kwtaw ib zag le. Yexu teb has tas, yog kuv tsw ntxuav koj kwtaw, koj yuav tsw tau ua kuv le thwjtim. 9 Ximoo Pestus txawm has tas, xwbfwb yog le tes koj ca le ntxuav kuv teg, hab kuv taubhau huvsw tsw xob ntxuav kwtaw xwb. 10 Yexu has tas, tug kws daa dej lawm, nwg lub cev yeej huv lawm, tsw taag yuav rov ntxuav dua, tsuas yog ntxuav kwtaw xwb. Mej txhua tug puav leej huv lawm, tsuas yog tshuav ib tug txha tsw huv xwb. 11 Yexu tub paub has tas, tug twg yuav faav xeeb tsua Yexu. Yog le ntawm Yexu txha has tas, mej txhua tug puav leej huv lawm, tsuas yog tshuav ib tug xwb txha tsw huv. 12 Thaus Yexu ntxuav cov thwjtim kwtaw taag Yexu txawm muab Yexu lub tsho ntev rov lug naav, hab nwg rov lug nyob ntawm rooj mov. Yexu nug cov thwjtim has tas, qhov kws kuv ua ntawm mej nkaag sab los tsw nkaag. 13 Mej hu kuv has tas, xwbfwb, hab hu has tas, tug tswv. Mej hu le ntawm mej hu yog lawm lauj, Tsua qhov kuv yeej yog tag. h Kuv yog mej tug xwbfwb hab yog mej tug tswv, kuv tub ntxuav mej kwtaw. Yog le hov mej ib leeg yuav tsum ntxuav ib leeg kwtaw. 15 Kuv ua le nuav qha mej kuas mej xyum ua lawv le kuv ua. 16 Kuv qha tseeb tsua mej has tas, tug tub qhe yeej tsw muaj fwjchim luj dua nwg tug tswv. Tug tubkhai yeej tsw muaj fwjchim luj dua tug kws khaiv nwg moog. 17 Thaus mej nkaag sab qhov kws kuv ua nuav hab mej ua lawv le hov lawm, mej yuav tau zoo nyob kaaj sab quas lug. 18 Kuv tsw has txug mej txhua tug. Kuv yeej paub cov kws kuv tau xaiv ca lawm. Kuas yuav tsum muaj lawv le tej lug kws sau ca tsua huv Vaajtswv phoo ntawv has tas, tug kws noj kuv le mov yuav rov faav xeeb tsua kuv. 19 Nwgnuav tseem tsw tau muaj le hov, kuas kuv xub qha tsua mej ua ntej. Thaus muaj lawm mej txha le paub has tas, tug kws kuv has ntawm tub yog kuv ntaag. 20 Kuv qha tseeb tsua mej has tas, leejtwg noog tug kws kuv khaiv moog tej lug, kuj yog nwg noog kuv lug hab. Leejtwg noog kuv lug tes kuj yog tug hov noog tug kws khaiv kuv lug tej lug hab.
Yuta yuav faav xeeb tsua Yexu
21 Thaus Yexu has le ntawm taag Yexu ntxhuv sab heev. Yexu txawm has tas, kuv qha tseeb tsua mej has tas, mej cov muaj ib tug yuav faav xeeb tsua kuv. 22 Cov thwjtim txawm sws saib zum quas zawg, puab tsw paub sov Yexu has txug leejtwg. 23 Tug thwjtim kws Yexu nyam heev nyob npuas Yexu. 24 Tes Ximoo Pestus txawm ua laaj muag saib tug thwjtim hov hab has tsua nwg has tas, koj swm nug Yexu saib yog leejtwg. 25 Tug thwjtim ntawm tig hlo moog nug Yexu has tas, xwbfwb yog leejtwg nej. 26 Yexu teb has tas, kuv ntsw ncuav cev tsua leejtwg tes yog tug ntawm ntaag lauj. Yexu txawm ntsw ncuav cev tsua Ximoo Ikhalau tug tub Yuta. 27 Thaus Yuta txais nkaus daim ncuav tes taamswm hov Daab Ntxwg Nyoog txawm txeem plawg tsua huv Yuta sab. Yexu has tsua Yuta has tas, koj yuav ua daabtsw koj ca le ua. 28 Cov thwjtim kws nyob ntawm rooj mov tsw muaj ib tug paub sov yog ua caag Yexu has le hov tsua Yuta. 29 Tsua qhov Yuta yeej yog tug kws ceev naab nyaj, cov thwjtim muaj qee leej txawm xaav tuab ywv has tas, ntshai yog Yexu has kuas Yuta moog yuav ib yaam daabtsw lug swv ua kevcai, lossws kuas nwg muab mivntswv nyaj coj moog pub tsua cov tuabneeg pluag. 30 Thaus Yuta txais nkaus daim ncuav moog noj tes taamswm ntawm Yuta txawm tawm plawg lawm. Thaus hov tub tsaus ntuj lawm.
Yexu qha ib txuj kevcai tshab
31 Thaus Yuta tawm plawg Yexu has tas, nwgnuav tub txug lub swmhawm kws Tuabneeg Leej Tub tau koob meej lawm. Mej yuav pum Tuabneeg Leej Tub ua tsua Vaajtswv tau koob meej. 32 Yog Tuabneeg Leej Tub ua tsua Vaajtswv tau koob meej lawm, Vaajtswv yeej yuav ua tsua Tuabneeg Leej Tub tau koob meej hab. Vaajtswv yuav ua le hov taamswm nuav ntaag. 33 Cov mivnyuas, kuv yuav nrug mej nyob tsw ntev. Mej yuav nrhav kuv, kuas nwgnuav kuv qha tsua mej ib yaam le kuv tub qha tsua cov Yutai has tas, lub chaw kws kuv moog ntawm mej moog tsw tau. 34 Kuv yuav qha txuj kevcai tshab tsua mej. Txuj kevcai tshab hov yog le nuav, mej ib leeg yuav tsum hlub ib leeg, ib yaam le kuv hlub mej. 35 Yog mej ib leeg hlub ib leeg, suavdawg txha paub has tas, mej yog kuv cov thwjtim.
Pestus yuav tsw leeg paub Yexu
36 Ximoo Pestus nug Yexu has tas, xwbfwb, koj yuav moog hov twg. Yexu teb has tas, lub chaw kws kuv yuav moog ntawm, nwgnuav koj nrug kuv moog tsw tau, kuas tuab maav koj yuav lawv kuv qaab hab. 37 Pestus nug Yexu has tas, xwbfwb ua caag nwgnuav kuv nrug koj moog tsw tau. Kuv yeej zoo sab tuag theej koj chaw. 38 Yexu teb has tas, koj yeej zoo sab tuag theej kuv chaw tag los. Kuv qha tseeb tsua koj has tas, thaus qab tsw tau qua koj yuav has peb zag has tas, koj tsw paub kuv.
Yexu yog txujkev moog cuag Vaajtswv
Yexu has tsua cov thwjtim has tas, mej tsw xob txhawj. Mej yuav tsum tso sab tsua Vaajtswv hab tso sab tsua kuv. 2 Kuv txwv lub tsev muaj chaw nyob ntau ntau le. Kuv saamswm yuav moog tu chaw tseg ca tsua mej nyob. Yog tsw muaj, tes kuv yeej tsw has le nuav tsua mej. 3 Thaus kuv moog tu tau chaw tseg tsua mej lawm, kuv yuav rov lug tog mej moog nrug kuv nyob. Yog kuv nyob hov twg mej yuav tau nrug kuv nyob hov ntawm. 4 Lub chaw kws kuv yuav moog mej tub paub kev moog lawm. 5 Thauma has tsua Yexu has tas, xwbfwb, peb tub tsw paub sov koj yuav moog hov twg, ais peb txhooj kum paub txujkev kws moog. 6 Yexu teb has tas, kuv yog txujkev ntawm, kuv yog qhov tseeb hab yog txujsa, tsw muaj leejtwg yuav moog cuag tau leej txwv tsuas yog lug ntawm kuv moog xwb txha tau. 7 Yexu has tsua puab has tas, yog mej paub kuv lawm, mej yeej yuav paub kuv txwv hab. Nwgnuav mej tub paub nwg hab pum nwg lawm. 8 Fili has tsua Yexu has tas, xwbfwb, thov koj ua kuas peb pum leej txwv txha txaus nkaus peb lub sab, 9 Yexu teb has tas, Fili, kuv tub nrug mej nyob ntev lug lawm, ua caag koj tseem has tas, thov koj ua kuas peb pum leej txwv nua. 10 Fili, koj tsw ntseeg tas, kuv nrug leej txwv koom ib txujsa, hab leej txwv nrug kuv koom ib txujsa nua los. Yexu has tsua Yexu cov thwjtim has tas, tej lug kws kuv qha tsua mej nuav, yeej tsw yog kuv le lug, kuas yog leej txwv kws nrug kuv koom ib txujsa kws khaiv kuv ua nwg teg num le lug. 11 Mej yuav tsum ntseeg tas, kuv nrug kuv txwv koom ib txujsa, kuv txwv nrug kuv koom ib txujsa. Txawm yog mej tsw ntseeg le kuv has los mej yuav tsum tso sab tsua kuv, tsua qhov mej tub pum tej num kws kuv tau ua lug lawm. 12 Kuv qha tseeb tsua mej has tas, tug kws ntseeg kuv mas yuav ua tau tej num kws kuv ua. Tsw yog le ntawm xwb nwg tseem yuav ua tau ntau dua tej kws kuv ua hab, tsua qhov kuv yuav moog cuag leej txwv. 13 Yog mej tuav kuv lub npe thov ib yaam daabtsw kuv yuav pub yaam hov tsua mej. Tej kws leej tub ua ntawm yuav ua tsua leej txwv tau koob meej. 14 Yog mej tuav kuv lub npe thov kuv ua ib yaam daabtsw, kuv yuav ua yaam hov tsua mej.
Vaajtswv yuav khaiv Tug Ntsuj Plig lug
15 Yog mej noog kuv lug, mej yeej yuav ua lawv le tej kws kuv has. 16 Kuv yuav thov leej txwv mas leej txwv yuav khaiv dua ib tug lug paab mej, nwg yuav nrug mej nyob moog ib txhws le. 17 Tug ntawm yog Vaajtswv tug Ntsuj Plig kws yuav qha qhov tseeb tsua mej, tuabneeg nplajteb tsw leeg yuav nwg, tsua qhov puab tsw pum nwg hab tsw paub nwg. Kuas mej paub nwg, vem nwg nrug mej nyob hab nwg nyob huv mej lub sab. 18 Kuv yuav tsw tso mej tseg le. Kuv yuav rov lug cuag mej. 19 Tshuav tsw ntev tuabneeg nplajteb yuav tsw pum kuv lawm, kuas mej yuav pum kuv. Mej yuav muaj txujsa nyob, vem kuv muaj txujsa nyob. 20 Thaus txug nub ntawm mej yuav paub has tas, kuv nrug leej txwv koom ib txujsa, hab mej nrug kuv koom ua ib txujsa, hab kuv nrug mej koom ua ib txujsa. 21 Tug kws paub kuv hab noog kuv tej lug, tug hov txha yog tug kws nyam kuv. Kuv txwv yuav hlub tug kws noog kuv lug hab kuv yuav hlub tug hov hab qheb nwg qhov muag kuas pum kuv. 22 Yuta kws tsw yog Yuta Ikhalau nug Yexu has tas, xwbfwb, ua caag koj yuav ca peb pum koj xwb, koj tsua tsw kheev tuabneeg nplajteb pum koj. 23 Yexu teb has tas, tug kws nyam kuv, nwg yeej yuav ua lawv le kuv qha. Kuv txwv yuav hlub tug hov, kuv txwv ib yuav lug cuag nwg hab nrug nwg nyob. 24 Tug kws tsw nyam kuv nwg yeej tsw ua lawv le kuv qha. Tej lug kws mej nov kuv has, tsw yog kuv le lug, kuas yog leej txwv kws khaiv kuv lug le lug. 25 Nwgnuav kuv tseem nrug mej nyob kuv txha qha tej nuav tsua mej. 26 Tug paab ntawm yog Vaajtswv tug Ntsuj Plig kws kuv kuas leej txwv khaiv lug. Nwg yuav qha txhua yaam tsua mej hab paab mej kuas mej ncu ntsoov ib puas tsaav yaam kws kuv tau qha tsua mej lawm. 27 Kuv pub kuv lub sab tug tug tsua mej mas mej txha muaj sab tug. Lub sab tug kws kuv pub tsw thooj le tej kws nyob huv nplajteb nuav pub. Mej tsw xob txhawj, tsw xob ntshai. 28 Mej tub nov kuv has tsua mej tas, kuv yuav moog, kuas kuv yuav rov qaab lug cuag mej. Yog mej noog kuv lug mej yeej yuav zoo sab qhov kws kuv moog cuag leej txwv, tsua qhov leej txwv muaj fwjchim luj dua kuv. 29 Nwgnuav kuv qha tej nuav tsua mej paub ua ntej, thaus muaj lawm mej txha le ntseeg kuv. 30 Kuv yuav tsw tau nrug mej thaam ntev lawm, tsua qhov tug kws kaav nplajteb saamswm yuav lug. Nwg yeej tsw muaj fwjchim kaav kuv. 31 Kuv yeej yuav ua ib puas tsaav yaam kws leej txwv kuas kuv ua, mas tuabneeg nplajteb txha paub has tas, kuv noog leej txwv lug. Ca le sawv peb moog.
Yexu yog tsob txwv maab nyeg
1 Kuv yog tsob tseem txwv maab nyeg. Kuv txwv yog tug kws tu tsob txwv maab ntawm. 2 Txhua tug ceg kws tsw txw txwv, kuv txwv muab txav pov tseg. Txhua tug ceg kws txw txwv nwg muab taav kuas yimfuab txw txwv ntau dua. 3 Tej lug kws kuv qha mej tub yog kuv taav mej ntaag. 4 Mej yuav tsum nrug kuv koom ua ib txujsa, mas kuv txha nrug mej koom ua ib txujsa. Yog mej tsw nrug kuv koom ua ib txujsa mej yeej txw tsw taug txwv. Ib yaam le tug ceg kws tsw ncau ntawm lub hauv paug, yog tug ceg tsw ncau ntawm lub hauv paug, tes tug ceg hov yeej txw tsw taug txwv. 5 Kuv yog lub hauv paug maab, mej yog cov ceg maab. Tug kws nrug kuv koom ua ib txujsa tug ntawm yuav txw txwv ntau. Yog mej tsw nrug kuv koom ib txujsa mej yeej ua tsw tau ib yaam daabtsw le. 6 Tug kws tsw nrug kuv koom ua ib txujsa, tug hov zoo ib yaam le tug ceg kws luas muab txav pov tseg. Thaus qhuav lawm luas yuav tuaj muab zuas moog hlawv. 7 Yog mej nrug kuv koom ua ib txujsa, hab mej khaws kuv tej lug ca tsua huv mej lub sab tes mej xaav yuav yaam twg, mej ca le thov, mej yuav tau yaam ntawm. 8 Yog mej txw txwv ntau tes kuv txwv txha tau koob meej, hab mej yuav tau ua kuv cov thwjtim. 9 Kuv hlub mej ib yaam le kuv txwv hlub kuv. Mej yuav tsum ua kuas kuv tau chaw hlub mej moog le. 10 Yog mej ua lawv le kuv tej lug, kuv yuav hlub mej ib yaam le kuv ua lawv le kuv txwv tej lug ais kuv txwv hlub kuv. 11 Kuv qha le nuav tsua mej kuas mej txha tau nrug kuv zoo sab, hab mej yuav zoo sab kawg nkaus le. 12 Lu lug kws kuv qha tsua mej yog le nuav, mej ib leeg yuav tsum hlub ib leeg ib yaam le kuv hlub mej. 13 Tug kws hlub nwg tej kwvluag kawg kev nkaus yog tug kws tso txujsa lug tuag theej nwg cov kwvluag. 14 Yog mej ua lawv le kuv has, mej txha yog kuv cov kwvluag. 15 Nwgnuav kuv tsw hu mej ua tub qhe lawm, tsua qhov tug tub qhe yeej tsw paub tug tswv lub sab. Kuas kuv hu mej ua kwvluag, vem kuv tub qha txhua yaam kws kuv txwv qha kuv tsua mej lawm. 16 Tsw yog mej xaiv kuv, kuas yog kuv xaiv mej, hab tsaa kuas mej moog txw cov txwv kws yuav nyob moog ib txhws. Yog mej tuav kuv lub npe thov leej txwv ib yaam daabtsw tes nwg yuav pub yaam ntawm tsua mej. 17 Kuv qha tsua mej has tas, mej ib leeg yuav tsum hlub ib leeg.
Tuabneeg nplajteb yuav ntxub Yexu cov thwjtim
18 Yog tuabneeg nplajteb ntxub mej, mej yuav tsum ncu ntsoov has tas, puab tub xub ntxub kuv lawm. 19 Yog mej nyam ua lawv le tuabneeg nplajteb ua, tuabneeg nplajteb yeej yuav hlub mej tsua qhov mej ua lawv le puab ua. Kuas nwgnuav mej tsw nyam ua lawv le tuabneeg nplajteb ua, tsua qhov kuv tub xaiv mej tawm huv nplajteb lawm, mas tuabneeg nplajteb txha ntxub mej. 20 Mej yuav tsum ncu ntsoov lu lug kws kuv tub has tsua mej tas, tug tub qhe yeej tsw muaj fwjchim luj dua nwg tug tswv. Puab tub tswm txom kuv lawm, puab txha yuav tswm txom mej hab. Yog puab ua lawv le kuv tej lug, puab yeej yuav ua lawv le mej tej lug hab. 21 Puab yuav tswm txom mej vem mej yog kuv cov thwjtim, puab tsw paub tug kws khaiv kuv lug. 22 Yog kuv tsw tau lug qha puab, puab yeej tsw muaj txem. Kuas nwgnuav puab has tsw tau has tas, puab tsw muaj txem. 23 Tug kws ntxub kuv, tug ntawm yeej ntxub kuv txwv hab. 24 Yog kuv tsw tau lug ua tej kws tsw tau muaj tuabneeg ua dua tsua puab saib, tes puab tsw muaj txem. Kuas puab tub pum tej kws kuv tau ua lawm puab txha ntxub kuv hab ntxub kuv txwv. 25 Yeej yuav muaj lawv le nuav txha lawv le tej lug kws sau ca tsua huv puab txuj kevcai has tas, txawm yog kuv tsw tau ua txhum los puab laam ntxub kuv. 26 Tug paab yuav lug. Tug paab ntawm yog Vaajtswv tug Ntsuj Plig kws leej txwv khaiv lug qha qhov tseeb tsua suavdawg. Kuv yuav kuas leej txwv khaiv nwg lug, mas nwg yuav qha kuv tsua mej, 27 hab mej yuav pav txug kuv, tsua qhov mej ib txwm nrug kuv nyob thau u lug lawm.
1 Kuv qha tej nuav tsua mej, mej txha tsw poob sab. 2 Luas yuav txwv tsw kheev mej moog noog lug qhuab qha huv tej tsev sablaaj. Tshuav tsw ntev nuav yuav muaj tuabneeg muab mej tua pov tseg. Qhov kws puab ua le ntawm puab xaav has tas, hum Vaajtswv sab. 3 Vem puab tsw paub leej txwv hab tsw paub kuv, puab txha ua le hov tsua mej. h Kuv xub qha le nuav tsua mej, sub thaus txug nub kws puab tswm txom mej, mej txha ncu ntsoov kuv tej lug.
Vaajtswv tug Ntsuj Plig teg num
Yaav taag lug lawm kuv tsw qha tej nuav tsua mej, tsua qhov kuv tseem nrug mej nyob. 5 Kuas nwgnuav kuv yuav moog cuag tug kws khaiv kuv lug los mej cov tub tsw muaj ib tug nug kuv has tas, koj yuav moog hov twg. 6 Kuv qha tej nuav tsua mej, mas mej ntxhuv sab kawg le. 7 Kuv qha tseeb tsua mej has tas, qhov kws kuv ncaim mej moog yuav paab mej heev dua le kws kuv nrug mej nyob. Yog kuv tsw ncaim mej moog tes tug paab yuav tsw lug cuag mej. Kuas yog kuv moog lawm kuv yuav khaiv nwg lug nrug mej nyob. 8 Thaus nwg lug nwg yuav qha kev txhum, kev ncaaj nceeg, hab kev txav txem tsua tuabneeg nplajteb paub tseeb. 9 Tog nwg qha kev txhum los vem yog tuabneeg nplajteb tsw ntseeg kuv. 10 Tog nwg qha kev ncaaj nceeg los vem yog kuv yuav moog cuag leej txwv mas yuav tsw muaj tuabneeg pum kuv lawm. 11 Tog nwg qha kev txav txem los vem yog tug Daab Ntxwg Nyoog kws kaav nplajteb tub raug txem lawm. 12 Tseem tshuav ntau yaam kws kuv xaav qha tsua mej, kuas ntshai nwgnuav mej yuav tsw nkaag sab. 13 Thaus Vaajtswv tug Ntsuj Plig kws qha qhov tseeb lug lawm, nwg yuav qha qhov tseeb huvsw tsua mej. Nwg yuav tsw has lawv le nwg sab xaav, nwg tsuas has tej kws nwg nov hab tej kws yuav muaj tshwm lug tsua mej xwb. 14 Nwg yuav muab kuv tej lug coj lug qha tsua mej, mas yuav ua tsua kuv tau koob meej. 15 Tej kws yog kuv txwv le puav leej yog kuv le hab. Tub yog le hov kuv txha qha tsua mej has tas, Vaajtswv tug Ntsuj Plig yuav muab kuv tej lug coj lug qha mej.
Tug kws ntxhuv sab yuav tau zoo sab
16 Tshuav tsw ntev mej yuav tsw pum kuv, kuas dhau hov tsw ntev mej yuav rov pum kuv. 17 Yexu cov thwjtim muaj qee leej sws thaam has tas, nwg has tsua peb tas, tshuav tsw ntev peb yuav tsw pum nwg, kuas dhau hov tsw ntev peb yuav rov pum nwg. Nwg has le hov sov nwg has txug daabtsw ne. Hab nwg has dua ib lus has tas, kuv has le nuav tsua qhov kuv yuav moog cuag kuv txwv. 18 Puab sws nug zum quas zawg has tas, lu lug kws nwg has tas, tsw ntev, sov yog nwg has txug daabtsw. 19 Yexu paub tas, cov thwjtim xaav nug Yexu, tes Yexu txawm has tsua puab has tas, kuv tub has tsua mej has tas, tshuav tsw ntev mej yuav tsw pum kuv, kuas dhau hov tsw ntev mej yuav rov pum kuv. Mej sws nug txug lu lug kws kuv has tsua mej hov lub ntsab los. 20 Kuv qha tseeb tsua mej has tas, mej yuav quaj ntsoog quas qeeg kuas tuabneeg nplajteb yuav zoo sab kawg le. Mej yeej yuav ntxhuv sab, kuas mej tej kev ntxhuv sab hov yuav rov ua tsua mej zoo sab. 21 Tug quaspuj kws muaj mivnyuas huv plaab, thaus txug caij yug nwg ua mob teb heev mas txhawj yug kawg le. Kuas thaus nwg yug tau lawm nwg tsw ncu txhawj lawm. Nwg zoo sab heev tsua qhov nwg tub tau mivnyuas lawm. 22 nwgnuav mej ntxhuv sab ib yaam nkaus le tug quaspuj hov, kuas thaus kuv rov lug cuag mej, mej yuav zoo sab kawg nkaus le Tsw muaj leejtwg yuav txeeb tau mej txujkev zoo sab hov moog le. 23 Thaus txug nub ntawm mej yuav tsw nug kuv ib lus le lawm. Kuv qha tseeb tsua mej has tas, yog mej tuav kuv lub npe thov leej txwv pub ib yaam daabtsw tsua mej, nwg yeej yuav pub tsua mej. 24 Mej ib txwv tsw tuav kuv lub npe thov ib zag le, mej ca le thov mej txha tau. Thaus mej tau lawm mej yuav zoo sab kawg nkaus le.
Yexu yog tug kws kaav nplajteb
25 Tej kws kuv has tsua mej nuav kuv ua pev lug has xwb. Kuas muaj ib nub kuv yuav tsw ua pev lug has tsua mej lawm. Kuv yuav ca le qha hlo leej txwv tsua mej paub. 26 Thaus txug nub ntawm mej yuav tuav kuv lub npe thov leej txwv. Kuv tsw tau has tas, kuv yuav paab mej thov leej txwv, 27 tsua qhov leej txwv yeej hlub mej. Nwg hlub mej tsua qhov mej nyam kuv hab mej ntseeg has tas, kuv yog tug kws Vaajtswv khaiv lug. 28 Yeej yog leej txwv khaiv kuv lug huv nplajteb nuav tag. Nwgnuav kuv saamswm yuav tawm huv nplajteb nuav rov moog cuag leej txwv. 29 Thaus Yexu has le hov taag Yexu cov thwjtim txawm has tas, zag nuav koj qha hlo tsua peb tag laub. Koj tsw ua ib lus pev lug qha le. Tej lug kws koj has, peb puav leej to taub zoo. 30 Nwgnuav peb paub has tas, koj paub ib puas tsaav yaam huvsw lawm. Tsw taag peb yuav nug koj dua le lawm. Tej nuav ua tsua peb paub tseeb has tas, koj yog tug kws Vaajtswv khaiv lug tag. 31 Yexu teb puab has tas, nwgnuav mej ntseeg tag tag lawm lov. 32 Yuav muaj ib lub swmhawm kws mej yuav tso kuv tseg. Nwgnuav tub txug lub swmhawm ntawm lawm. Mej nyag yuav tswv nyag rov moog tsev. Mej txawm tswv le hov lawm los tsw yog kuv tuab leeg nyob xwb, leej txwv yeej nrug kuv nyob hab. 33 Kuv qha tej nuav tsua mej paub sub mej cov kws tso sab tsua kuv txha le tau zoo nyob kaaj sab quas lug. Tuabneeg nplajteb yuav tswm txom mej, kuas mej tsw xob txhawj, kuv tub kov yeej nplajteb lawm.
Yexu thov Vaajtswv paab cov thwjtim
1 Thaus Yexu has le ntawm taag Yexu tsaa muag saib sau ntuj. Yexu thov Vaajtswv has tas, txwv, tub txug swmhawm lawm. Thov koj ua kuas koj tug tub tau koob meej, koj tug tub txha le ua tsua koj tau koob meej. 2 Tsua qhov koj tub tsaa leej tub ua tug kws muaj fwjchim luj dua tej tuabneeg huvsw. Mas leej tub txha pub tau txujsa ntev moog ib txhws tsw kawg tsua txhua tug kws koj muab tsua nwg. 3 Txujsa ntev moog ib txhws tsw kawg ntawm yog qhov kws tuabneeg paub koj hab paub has tas, koj tuab leeg yog Vaajtswv hab paub Yexu Kheto kws koj khaiv lug. 4 Kuv ua tsua koj tau koob meej huv nplajteb nuav. Teg num kws koj kuas kuv ua kuv tub ua tav taag lawm. 5 Txwv, thov koj pub kuas kuv tau koob meej hab tau tug fwjchim kws ci ntsaa quas ab tsua ntawm koj lub xub ndag, ib yaam le kuv nrug koj muaj thaus tsw tau tswm ntuj tswm teb. 6 Kuv tub qha koj tsua cov tuabneeg kws koj xaiv lug ua kuv cov paub koj lawm. Puab yeej yog koj le, koj muab puab pub tsua kuv. Puab naj nub noog koj tej lug. 7 Nwgnuav puab paub tas, ib puas tsaav yaam kws koj muab tsua kuv puav leej yog koj le. 8 Tsua qhov tej lug kws koj qha kuv, kuv tub qha kuvsw tsua puab lawm. Puab khaws tej lug ntawm ca. Puab paub tseeb has tas, kuv lug ntawm koj lug, hab puab ntseeg tas yog koj khaiv kuv lug tag. 9 Qhov kws kuv thov koj nuav yog thov koj paab puab. Tsw yog thov koj paab tuabneeg nplajteb, kuas kuv thov paab cov tuabneeg kws koj tub muab tsua kuv lawm, tsua qhov puab yeej yog koj le. 10 Ib puas tsaav yaam kws kuv muaj kuj yog koj le. lb puas tsaav yaam kws koj muaj kuj yog kuv le. Cov tuabneeg kws koj muab tsua kuv ntawm ua tsua kuv tau koob meej. 11 Nwgnuav kuv yuav rov qaab lug cuag koj. Kuv yuav tsw nyob huv nplajteb nuav lawm, kuas puab tseem nyob huv nplajteb. Txwv, koj yog tug kws zoo kawg nkaus. Thov koj tug fwjchim tsom kwm cov tuabneeg kws koj tub muab tsua kuv lawm. Sub puab txha ua tau ib lub sab ib yaam le koj hab kuv ua ib lub sab. 12 Thaus kuv tseem nrug puab nyob kuv naj nub saib puab tsua qhov koj yeej pub fwjchim tsua kuv ua teg num hov. Cov kws kuv saib tsw muaj ib tug raug kev puam tsuaj le. Tsuas yog tuab tug kws yeej yuav puam tsuaj txha le raug kev puam tsuaj xwb. Yeej yuav muaj le nuav txha lawv le tej lug kws sau ca tsua huv koj phoo ntawv lawm. 13 Nwgnuav kuv saamswm yuav rov lug cuag koj. Kuas thaus kuv tseem nyob huv nplajteb nuav kuv has tej lug nuav sub puab txha zoo sab kawg nkaus ib yaam le kuv zoo sab. 14 Kuv tub qha koj tej lug tsua puab lawm, tuabneeg nplajteb txha le ntxub puab. Tsua qhov puab tsw yog tuabneeg nplajteb ib yaam le kws kuv tsw yog tuabneeg nplajteb. 15 Kuv tsw thov kuas koj coj puab tawm huv nplajteb nuav moog, kuas kuv thov koj saib puab kuas puab tsw xob maag Daab Ntxwg Nyoog lub vuj hlua. 16 Puab tsw yog tuabneeg nplajteb ib yaam le kuv tsw yog tuabneeg nplajteb. 17 Thov kuas koj txujlug kws yog lug tseeb coj puab lug ua koj le tuabneeg. 18 Kuv khaiv puab moog qha tuabneeg nplajteb ib yaam le koj khaiv kuv lug huv nplajteb nuav. 19 Yog vem kuv xaav paab kuas puab ua tau koj cov tuabneeg tag tag, kuv txha muab kuv lub cev huvsw pub tsua koj. 20 Tsw yog kuv thov koj paab cov tuabneeg nuav xwb, kuas kuv thov koj paab txhua tug kws nov txuj xuv zoo kws puab qha es lug ntseeg kuv. 21 Kuv thov koj paab kuas puab ua tau ib lub sab. Txwv, kuv xaav kuas puab nrug ib koom ib txujsa ib yaam le koj hab kuv koom ib txujsa. Thov koj paab kuas puab ua tau ib lub sab, sub tuabneeg nplajteb txha paub tseeb has tas, yog koj khaiv kuv lug. 22 Kuv ua tsua puab tau koob meej ib yaam le koj ua tsua kuv tau koob meej. Kuv ua le hov kuas puab ua tau ib lub sab ib yaam le koj hab kuv ib ua ib lub sab. 23 Kuv nyob huv puab, koj nyob huv kuv, sub puab txha thooj xeeb hum huv. Yog puab koom ib lub sab lawm tuabneeg nplajteb txha paub has tas, koj khaiv kuv lug, hab txha paub has tas, koj hlub puab ib yaam le koj hlub kuv. 24 Txwv, kuv xaav kuas cov tuabneeg kws koj muab pub tsua kuv lawm nrug kuv nyob ua ke, puab txha le pum tug fwjchim luj kws koj pub tsua kuv. Tsua qhov thaus tsw tau tswm nplajteb koj yeej ib txwm hlub kuv. 25 Txwv, koj yog tug kws ncaaj nceeg. Tuabneeg nplajteb tsw paub koj kuas kuv paub koj. Cov tuabneeg nuav puav leej paub has tas, koj khaiv kuv lug. Kuv tub qha koj tsua puab paub lawm, 26 kuv tseem yuav naj nub qha puab hab. Kuv ua le nuav sub puab txha muaj lub sab sws hlub ib yaam le koj hlub kuv. Hab kuv yuav nyob huv puab lub sab.
Cov tub rog moog nteg Yexu
1 Thaus Yexu thov Vaajtswv taag lawm, Yexu txawm coj Yexu cov thwjtim hlaa lub kwj haa kws npe hu ua Khetoo moog saab tim u. Saab tim muaj ib lub vaaj. Mas Yexu hab cov thwjtim moog tsua huv lub vaaj hov. 2 Tug Yuta kws faav xeeb tsua Yexu, nwg yeej paub qhov chaw ntawm, tsua qhov Yexu tub pheej txeev coj cov thwjtim moog huv lub vaaj hov lawm. 3 Yuta txawm coj ib paab tub rog hab cov tub ceev xwm kws zuv lub tuam tsev tuaj huv lub vaaj. Cov tub rog ntawm yog cov kws cov pov thawj hlub hab cov Falixai khaiv tuaj. Puab coj ntaaj coj rag hab taws teeb taws tsau cig laam quas lug tuaj. 4 Yexu yeej paub ib puas tsaav yaam kws Yuta puab yuav ua tsua nwg. Nwg txawm txaav zog moog nug puab has tas, mej tuaj nrhav leejtwg. 5 Puab teb has tas, peb tuaj nrhav tug Yexu kws yog tuabneeg Naxale. Yexu has tsua puab has tas, tub yog kuv ntaag los maj. Tug Yuta kws faav xeeb tsua Yexu nrug puab sawv ua ke ntawm hab. 6 Thaus Yexu has tsua puab has tas, tub yog kuv ntaag los maj, tes puab ca le thaub pis ncho rov tom qaab qaug nplawg nta tsua huv peg teb. 7 Yexu rov nug puab has tas, mej tuaj nrhav leejtwg. Puab teb has tas, peb tuaj nrhav tug Yexu kws yog tuabneeg Naxale. 8 Yexu has tsua puab has tas, kuv tub qha tsua mej has tas, yog kuv nua ne. Yog mej tuaj nrhav kuv tag, mej ca le tso cov tuabneeg nuav moog. 9 Yexu has le nuav txha muaj lawv le tej lug kws nwg tub xub has lawm tas, txwv, cov tuabneeg kws koj muab tsua kuv tsw muaj ib tug raug kev puam tsuaj le. 10 Ximoo Pestus coj ib raab ntaa j hab, tes nwg txawm rhu hlo nwg raab ntaaj lug tuab ntaag tsua tug tuam pov thawj hlub tug tub qhe saab nplooj ntseg xws tu nrho. Tug tub qhe ntawm npe hu ua Mala-khu. 11 Yexu has tsua Pestus has tas, koj ca le muab koj raab ntaaj ntxwg rov tsua huv naab. Koj xaav has tas, kuv yuav tsw rws tej kev ab kev khwv kws kuv txwv muab tsua kuv nua los.
Puab coj Yexu moog cuag Ana
12 Tug thawj rog hab nwg paab tub rog, hab Yutai cov tub ceev xwm txawm nrov ntwg lug nteg Yexu muab khi kag. 13 Puab xub coj Yexu moog cuag Ana kws yog Kayafa yawm txwv. Xyoo ntawm Kayafa ua tug tuam pov thawj hlub. 4 Kayafa yog tug kws has tsua cov Yutai has tas, ca ib tug tuag zoo dua le ca suavdawg tuag.
Pestus tsw leeg paub Yexu
15 Ximoo Pestus hab muaj dua ib tug thwjtim ob tug lawv Yexu qaab moog. Tug tuam pov thawj hlub paub tug thwjtim ntawm, tug thwjtim hov txawm lawv Yexu qaab moog txug huv tug tuam pov thawj hlub lub loog. 16 Pestus sawv saab rooj vaag nrau. Tug thwjtim kws paub tug tuam pov thawj hlub tawm tuaj has tug nkauj qhev kws zuv lub rooj vaag, tes nwg txawm coj Pestus lug huv lub loog. 17 Tug nkauj qhev kws zuv rooj vaag has tsua Pestus has tas, koj yog tug txwv neej kws puab nteg ntawm ib tug thwjtim hab los sas. Pestus teb has tas, kuv tsw yog. 18 Mo ntawm no heev. Cov tub qhe hab cov tub ceev xwm puab rauv ib cub thee nte. Pestus txawm moog nrug puab sawv nte tawg.
Tug tuam pov thawj hlub nug Yexu
19 Tug tuam pov thawj hlub nug Yexu txug Yexu cov thwjtim hab tej kws Yexu qha. 20 Yexu teb has tas, kuv naj nub taab meeg qha suavdawg. Kuv yeej ib txwm qha huv tej tsev sablaaj hab huv lub tuam tsev thov Vaajtswv. Cov tuabneeg Yutai yeej naj zag tuaj noog lug qhuab qha huv tej tsev ntawm. Kuv tsw tau npog tej lug kws kuv qha ib zaaj tsua hov twg le. 21 Koj tseem yuav nug kuv ua daabtsw. Koj ca le nug cov tuabneeg kws nov kuv qha saib kuv has le caag tsua puab los mab. Puab yeej paub tej lug kws kuv has huvsw. 22 Thaus Yexu has le ntawm tes ib tug tub ceev xwm txawm tuab tawg ncuav tsua Yexu saab plhu, hab has tsua Yexu has tas, koj teb tug tuam pov thawj hlub le kos los. 23 Yexu has tsua nwg has tas, yog kuv has txhum koj ca le qha kuv qhov txhum tsua suavdawg los pauj. Kuas yog kuv has tseeb ua caag koj yuav laam ntaus kuv ua daabtsw. 24 Vem le hov Ana txha xaa Yexu moog tsua Kayafa kws ua tug tuam pov thawj hlub. Thaus ntawm puab tseem muab hlua khi quas nreeg Yexu.
Pestus rov tsw leeg paub Yexu
25 Thaus Pestus tseem sawv nte tawg ntawm cub tawg, cov tuabneeg kws nyob ntawm has tsua Pestus has tas, koj yog tug txwv neej ntawm ib tug thwjtim hab los sas. Kuas Pestus tsw leeg le, Pestus has tas, kuv tsw yog. 26 Tug tuam pov thawj hlub ib tug tub qhe nug Pestus has tas, yaam le kuv tub pum koj nrug tug txwv neej ntawm nyob huv lub vaaj hab sub mab. Tug tub qhe hov hab tug tub qhe kws Pestus xuas ntaaj txav ib saab nplooj ntseg tu, ob tug yog kwvtij. 27 Pestus rov has tas, tsw yog kuv. Tes taamswm ntawm qab txawm qua.
Puab coj Yexu moog cuag Phi laj
28 Thaus kaaj ntug quas txoog puab coj Yexu tawm huv Kayafa tsev moog txug tom tim xyoob Phi laj tsev. Cov Yutai tsw kaam moog huv tsev tsua qhov puab ntshai tsaam puab ua txhum puab kevcai, tes puab tsw tau moog noj mov ua kevcai hlaa dhau. 29 Vem le ntawm Phi laj txha tawm tuaj nug puab has tas, mej coj tug txwv neej nuav tuaj cuag kuv, nwg ua txhum daabtsw. 30 Puab teb has tas, yog nwg tsw tau ua txhum tes peb yeej tsw coj nwg tuaj cuag koj le. 31 Phi laj has tsua puab has tas, mej ca le coj nwg moog rau txem lawv le mej kevcai los maj. Cov Yutai teb has tas, peb cov Yixayee tub tsw muaj ntawv tua tuabneeg nej. 32 Tej nuav muaj lawv le tej lug kws Yexu tub xub qha ua ntej lawm has tas, Yexu yuav tuag le caag. 33 Philaj rov moog huv tsev. Nwg kuas Yexu lug cuag nwg. Nwg nug Yexu has tas, koj yog cov Yutai tug vaaj ntxwv los. J,U Yexu teb has tas, koj yeej xaav tau le kos, los yog lwm tug qha tsua koj. 35 Phi laj teb has tas, koj xaav has tas, kuv yog tuabneeg Yutai hab nua los. Tub yog koj tsaav tuabneeg hab puab cov pov thawj hlub nteg koj tuaj tsua kuv nev, ais yog koj ua txhum daabtsw. 36 Yexu has tsua Phi laj has tas, kuv tsw yog tug kws kaav huv nplajteb nuav. Yog kuv kaav huv nplajteb nuav tes kuv cov thwjtim yeej yuav tawm tsaam tsw kheev leejtwg nteg tau kuv coj moog tsua cov Yutai. Kuv tsw yog tug vaaj ntxwv kws kaav lub tebchaws nuav. 37 Phi laj has tsua Yexu has tas, yog le ntawm koj yog ib tug vaaj ntxwv los. Yexu teb has tas, koj yog tug kws hu kuv ua vaaj ntxwv. Qhov tseem ceeb kws kuv lug yug huv nplajteb nuav tub yog kuv xaav qha qhov tseeb. Tug kws nyam qhov tseeb tug ntawm yeej yuav noog kuv tej lug. 38 Phi laj txawm nug Yexu has tas, qhov tseeb yog daabtsw.
Cov pejxeem thov Phi laj tso Npalanpa
Thaus Phi laj has le ntawm taag, Phi laj txawm tawm lug has tsua cov Yutai has tas, kuv tsw pum nwg ua ib qho txhum le. 39 Kuas lawv le mej kevcai mas thaus mej ua kevcai hlaa dhau kuv yuav tso ib tug tuabneeg raug txem dim. Mas zag nuav mej xaav kuas kuv tso cov Yutai tug vaaj ntxwv tsua mej los tsw xaav. hO Thaus cov pejxeem nov Phi laj has le hov puab txawm qw ntsoog quas qeeg has tas, tsw xob tso nwg, koj ca le tso Npalanpa. Npalanpa yog ib tug nam tub saab tua tuabneeg.
Cov tub rog ua saib tsw taug Yexu
1 Tes Phi laj txawm muab Yexu tsua cov tub rog nplawm. 2 Cov tub rog muab xuav paug lug qhab ua kauj looj Yexu taubhau, hab muab ib lub tsho ntev yimlaaj khu tsua Yexu naav. 3 Puab laam has ua dog ua dig tsua Yexu has tas, cov Yutai tug vaaj ntxwv, koj yuav tau zoo lauj. Puab txawm xuas tawg ncuav tsua Yexu lub plhu.
Philaj txav txem tsua Yexu
4 Philaj tawm rov lug has tsua cov pejxeem has tas, kuv yuav coj nwg lug tsua mej saib, sub mej txha paub tas, kuv tsw pum nwg ua ib qho txhum le. 5 Cov tub rog txawm coj Yexu tawm lug tsua saab nrau. Thaus hov Yexu tseem ntoo quas nreeg lub kauj xuav paug hab naav lub tsho ntev yimlaaj. Philaj has tsua cov pejxeem has tas, mej swm saib nwg saib, nwg nyob ntawm nuav. 6 Thaus cov pov thawj hlub hab cov tub ceev xwm pum dheev Yexu, puab txawm qw nrov nrov has tas, muab nwg teem tsua sau ntoo khaublig. muab nwg teem tsua sau ntoo khaublig. Phi laj teb puab tas, mej ca le coj moog teem mej los maj. Kuv yeej tsw pum nwg ua ib qho txhum hlo le. 7 Cov Yutai teb has tas, peb muaj ib txuj kevcai qha has tas, tswm nyog muab nwg tua pov tseg tsua qhov nwg khaav has tas, nwg yog Vaajtswv tug tub. 8 Thaus Phi laj nov le hov Phi laj yimfuab ntshai heev. 9 Phi laj rov moog nug Yexu huv tsev has tas, koj nyob hov twg tuaj. Kuas Yexu tsw teb ib lus le. 10 Phi laj has tsua Yexu has tas, koj txawm tsw teb kuv le los. Koj tsw paub tas, kuv muaj fwjchim tso koj dim, hab kuv muaj fwjchim kuas muab koj teem tsua sau ntoo khaublig nua los. 11 Yexu teb has tas, yog Vaajtswv tsw pum zoo ca koj ua le caag tsua kuv, koj yeej tsw muaj fwjchim ua. Vem le nuav tug kws nteg kuv tuaj tsua koj tseem muaj txem luj dua koj. 12 Thaus Phi laj nov Yexu has le ntawm, Phi laj yimfuab xaav muab Yexu tso, kuas cov Yutai qw ntsoog quas qeeg has tas, yog koj muab nwg tso koj yeej tsw nrug fuabtais Xixa sws raug zoo lawm. Tug kws khaav has tas, nwg yog ib tug vaaj ntxwv, tes kuj yog nwg ua yeeb ncuab tsua fuabtais Xixa. 13 Thaus Philaj nov le ntawm, Phi laj txawm coj Yexu tawm lug tsua saab nrau. Phi laj nyob sau lub rooj tu plaub. Lub chaw ntawm npe hu ua lub chaw pua pob zeb. Lug Heplais hu ua Kanpatha. 14 Thaus hov tub yuav taav su. Nub hov yog nub kws suavdawg npaaj hov txhua chaw ua kevcai hlaa dhau. Phi laj has tsua cov Yutai has tas, mej tug vaaj ntxwv nyob ntawm nuav. 15 Kuas cov pejxeem qw ntsoog quas qeeg has tas, coj nwg moog tua pov tseg, coj nwg moog tua pov tseg. Muab nwg teem tsua sau ntoo khaublig Phi laj nug puab has tas, mej txawm xaav kuas kuv muab mej tug vaaj ntxwv teem tsua sau ntoo khaublig ntaag los. Cov pov thawj hlub teb has tas, peb muaj tuab tug vaaj ntxwv xwb, yog fuabtais Xixa. 16 Tes Philaj txawm muab Yexu tsua puab coj moog teem tsua sau ntoo khaublig.
Muab Yexu teem sau ntoo khaublig
Cov tub rog txawm coj Yexu tawm moog. 17 Puab muab tug ntoo khaublig tsua Yexu kwv. Puab coj nwg moog txug ib qhov chaw npe hu ua roob txhaa taubhau. Lug Heplais hu ua Khaulakhautha. 18 Thaus puab moog txug qhov chaw ntawm puab txawm muab Yexu teem tsua sau ntoo khaublig. Puab coj ob tug txwv neej tuaj teem tsua sau ob tug ntoo khaublig hab. Puab muab ib tug txhus tsua Yexu saab phem, muab ib tug txhus tsua Yexu saab xws, Yexu nyob nruab nraab. 19 Phi laj sau ib daim txag teem tsua sau Yexu tug ntoo khaublig has tas, tug Yexu kws yog tuabneeg Naxale, yog cov Yutai tug vaaj ntxwv. 20 Qhov chaw kws puab muab Yexu teem tsua sau ntoo khaublig ntawm nyob ze ze lub nroog. Mas cov Yutai kws moog moog lug lug muaj ntau leej nyeem daim txag kws Phi laj sau, vem Phi laj sau ua lug Heplais hab lug Loo hab lug Kili. 21 Yutai cov pov thawj hlub has tsua Philaj has tas, koj tsw xob sau has tas, cov Yutai tug vaaj ntxwv. Koj yuav tsum sau has tas, tug txwv neej nuav, nwg has tas, nwg yog cov Yutai tug vaaj ntxwv. 22 Philaj teb puab has tas, sau le kuv sau ntawm, tau lawm lauj. 23 Thaus cov tub rog muab Yexu teem tsua sau ntoo khaublig lawm, puab muab Yexu tej rwg tsho coj lug faib ua plaub co. Ib leeg yuav ib co. Tshuav Yexu lub tsho ntev xwb. Lub tsho ntawm luas ntus thoob plawg tsw muaj lej leeg le. 24 Cov tub rog txawm sws thaam has tas, peb tsw xob muab dua faib. Ca peb twv saib leejtwg tau, tes ca leejtwg yuav xwb. Tej kws puab ua nuav muaj lawv le tej lug kws sau ca tsua huv Vaajtswv phoo ntawv has tas, Puab muab kuv tej rwg tsho sws faib. Puab muab kuv lub tsho ntev twv saib leejtwg tau. Tes cov tub rog txawm ua le ntawm tag. 25 Yexu nam hab Yexu nam tug nam hluas, hab Maivlag kws yog Kelaupa tug quaspuj, hab Maivlag Matala puab sawv ze ze ntawm Yexu tug ntoo khaublig. 26 Yexu pum Yexu nam hab tug thwjtim kws Yexu nyam heev sawv ntawm. Yexu has tsua Yexu nam has tas, tug kws nrug koj sawv ntawm kos nwg yog koj tug tub. 27 Yexu has tsua tug thwjtim ntawm has tas, tug kws nrug koj sawv ntawm kos yog koj nam. Txwj nub ntawm lug tug thwjtim ntawm coj Yexu nam moog nrug nwg nyob.
Yexu tuag
28 Yexu paub tas, ib puas tsaav yaam tub tav taag lawm, Yexu txha has tas, kuv nqhes dej. Nwg has le hov txha lawv le tej lug kws sau ca tsua huv Vaajtswv phoo ntawv. 29 Nyob ntawm muaj ib taig kua txwv maab qaub. Puab muab ib tug paas chob ib lub taub ntxuav yag raus cov kua qaub hov cev tsua ntawm Yexu qhov ncauj. 30 Thaus Yexu swm mivntswv taag, Yexu has tas, tav lawm lauj. Yexu nyo hau ntshws tu sav nrho taam swm ntawm.
Cov tub rog xuas muv nkaug Yexu saab taav
31 Tes cov Yutai thov Philaj ca puab moog muab peb tug kws teem tsua sau ntoo khaublig tsoo kuas luv ceg, hab muab txu sau ntoo khaublig moog. Puab ua le ntawm tsua qhov nub hov yog nub tswb, nub tom qaab yog nub su lawm. Puab tsw xaav ca tuabneeg nyob sau ntoo khaublig tsua nub su, hab nub su kws yuav txug hov yog nub kws tseem ceeb dua lwm nub su, tsua qhov yog nub kws puab ua kevcai hlaa dhau. 32 Cov tub rog txawm moog muab ob tug kws raug teem sau ntoo khaublig ib yaam le Yexu tsoo luv ceg. Puab xub muab tug saab tom nuav tsoo luv, le maav muab tug saab tom tsoo luv. 33 Thaus puab yuav tsoo Yexu le kuas luv, mas puab pum tas, Yexu tub tuag lawm, puab txawm tsw tsoo. 34 Kuas muaj ib tug tub rog xuas muv nkaug Yexu saab taav to ntshua ntshaav hab dej lug txuas quas ntsog. 35 Tug kws pum tej xwm nuav, nwg tub qha tsua suavdawg lawm. Peb paub has tas, tej kws nwg has yeej muaj tseeb tag. Tug ntawm nwg paub has tas, nwg tsw daag le, mej txha tso sab tau tsua nwg tej lug. 36 Tej nuav muaj lawv le tej lug kws sau ca tsua huv Vaajtswv phoo ntawv has tas, luas yuav tsw muab nwg tej pob txhaa ib yaag luv le. 37 Hab muaj dua ib lus has tas, yuav muaj tuabneeg saib quas ntsoov tug kws luas xuas muv nkaug.
Log Yexu
38 Dhau hov ntawm tug Yauxej kws tuaj peg lub moos Alimatha tuaj, nwg moog thov Yexu lub cev ntawm Phi laj. Thaus nwg thov tau lawm nwg txawm moog muab Yexu lub cev txu coj moog log. Yauxej yeej yog Yexu ib tug thwjtim kuas nwg tsw qha tsua leejtwg le tsua qhov nwg ntshai cov Yutai. 39 Tug Nikautemau kws yaav tom ntej moog nrug Yexu thaam mo ntuj kuj tuaj paab Yauxej hab, nwg nqaa ib co roj ntoos tsw-qaab hab ib co tshuaj tsw-qaab npe hu ua alau-e sws xyaw kwvlaam muaj peb caug tswb kiluv. 40 Ob tug txawm muab tej nrhoob ntaub maag hab cov tshuaj tsw-qaab ntawm qhwv Yexu lub cev lawv le cov Yutai ib txwm ua. 4 Muaj ib lub vaaj nyob ze qhov chaw kws puab muab Yexu teem tsua sau ntoo khaublig. Huv lub vaaj ntawm muaj ib lub qhov ntxaa tshab kws tseem tsw tau muaj leejtwg coj tuag moog log tsua huv ib zag le. 42 Nub tom qaab yog nub kws cov Yutai su, puab txha le muab Yexu lub cev coj moog log tsua huv lub qhov ntxaa kws nyob ze ntawm.
Yexu sawv huv qhov tuag rov lug
1 Nub athib thaus tseem tsw tau pum kev, Maivlag Matala moog tom lub ntxaa. Nwg pum daim laag zeb kws npug lub rooj ntxaa tub dov tsua ib qho lawm. 2 Maivlag txawm dha rov lug has tsua Ximoo Pestus hab tug thwjtim kws Yexu nyam has tas, muaj tuabneeg tub tuaj muab peb tug tswv Yexu lub cev rhu tawm huv lub qhov ntxaa lawm, sov luas coj moog tsua twg lawm peb tsw paub le. 3 Pestus hab tug thwjtim ntawm txawm dha moog tom lub ntxaa. 4 Tug thwjtim kws Yexu nyam dha ceev dua Pestus, nwg xub moog txug lub ntxaa. 5 Nwg nyo ntshws xauj huv lub qhov ntxaa. nwg pum cov ntaub maag nyob ib nyuas pawg ca, kuas nwg tsw nkaag tsua huv. 6 Thaus Ximoo Pestus moog txug, Ximoo Pestus txawm nkaag plawg tsua huv lub ntxaa. Nwg pum cov ntaub maag nyob ib pawg huv. 7 Hab nwg pum daim ntaub kws qhwv Yexu taubhau tais ca tsua ib qho tsw xyaw cov ntaub maag. 8 Tug thwjtim kws xub tuaj txug le maav nkaag tsua huv hab. Nwg pum tej ntawm, nwg ntseeg has tas, muaj le ntawm tag. 9 Ob tug tseem tsw tau nkaag sab tej lug kws Vaajtswv phoo ntawv qha tseg has tas, nwg yuav sawv huv qhov tuag rov lug. 10 Tes ob tug txawm rov moog tsev.
Yexu lug tsua Maivlag Matala pum
11 Maivlag sawv ze ze lub ntxaa. Maivlag quaj quaj. Thaus nwg tseem quaj quaj nwg nyo ntshws xauj huv qhov ntxaa. 12 Nwg pum ob tug tubkhai sau ntuj naav rwg tsho dawb dawb nyob ntawm lub chaw kws puab tso Yexu lub cev, ib tug nyob ntawm taubhau, ib tug nyob ntawm kwtaw. 13 Ob tug nug Maivlag has tas, leej muam ua caag koj quaj. Maivlag teb has tas, sov leejtwg muab kuv tug tswv coj moog tsua twg lawm kuv tsw paub le. 14 Thaus Maivlag has le ntawm taag, Maivlag txawm tig hlo lug pum Yexu sawv ntawm nwg ib saab, kuas nwg tsw paub tas, yog Yexu. 15 Yexu has tsua Maivlag has tas, mivntxhais, koj quaj daabtsw, koj tuaj nrhav leejtwg. Maivlag xaav has tas, ntshai tug hov yog tug kws tu lub vaaj. Maivlag txha has tsua Yexu has tas, yawm laug, saib yog koj tau muab nwg lub cev coj moog tso tsua twg lawm thov koj qha tsua kuv, kuv yuav moog nqaa nwg lub cev rov qaab lug. 16 Yexu has tsua Maivlag has tas, Maivlag,tes Maivlag txawm tig hlo moog saib hab has tas, lanpauni. Lu lug hov yog lug Heplais txhais has tas, xwbfwb. 17 Yexu has tsua Maivlag has tas, koj tsw xob rawm tuav kuv tsua qhov kuv tseem tsw tau rov moog cuag kuv txwv. Koj ca le rov moog has tsua kuv cov thwjtim has tas, kuv yuav rov moog cuag tug kws yog kuv txwv hab mej txwv. Nwg yog kuv tug Vaajtswv hab yog mej tug Vaajtswv. 18 Maivlag Matala txawm rov moog has tsua Yexu cov thwjtim has tas, kuv tub pum peb tug tswv Yexu lawm. Hab Maivlag qha Yexu tej lug tsua puab.
Yexu tshwm tsua Yexu cov thwjtim pum
19 Nub athib thaus tsaus ntuj cov thwjtim tuaj nyob ua ke huv ib lub tsev. Puab ntsug qhov rooj zoo zoo huvsw, vem puab ntshai cov Yutai. Tes Yexu txawm lug sawv huv plawv puab, Yexu has tsua puab has tas, mej ca le tau zoo nyob kaaj sab quas lug. 20 Thaus Yexu has le hov taag, Yexu txawm cev Yexu ob txhais teg hab thws nwg saab taav tsua puab saib. Puab zoo sab kawg le tsua qhov puab pum tug tswv Yexu lawm. 21 Yexu txawm rov has tsua puab has tas, mej ca le tau zoo nyob kaaj sab quas lug. Kuv yuav khaiv mej moog ib yaam nkaus le leej txwv khaiv kuv lug. 22 Thaus Yexu has le ntawm taag, Yexu txawm tshuab paa tsua puab hab has tas, mej ca le txais Vaajtswv tug Ntsuj Plig tsua huv mej lub sab. 23 Yog mej zaam txem tsua leejtwg tes leejtwg yuav tsw raug txem. Kuas yog mej tsw zaam txem tsua leejtwg, tug ntawm yuav raug txem.
Thauma tsw ntseeg tas yog Yexu
24 Thaus Yexu lug cuag puab, tug thwjtim Thauma kws muaj dua npe hu ua Ntxaib, tsw nrug puab nyob ntawm. 25 Puab txha qha tsua nwg has tas, peb tub pum tug tswv Yexu lawm. Thauma has tsua puab has tas, yog kuv qhov muag tsw pum lub qhov ntsa hlau huv nwg xwb teg, hab yog kuv tsw tau muab kuv tug ntiv teg xuas lub qhov ntsa hlau, hab xuas lub qhov kws puab nkaug nwg saab taav, tes kuv yeej tsw ntseeg le. 26 Tau yim nub tom qaab cov thwjtim rov qaab tuaj nyob ua ke huv tsev. Zag nuav Thauma nrug puab nyob. Puab tub ntsug qhov rooj zoo zoo lawm, kuas Yexu lug sawv huv plawv puab. Yexu has tsua puab has tas, mej ca le tau zoo nyob kaaj sab quas lug. 27 Yexu txawm has tsua Thauma has tas, koj ca le cev koj tug ntiv teg lug xuas kuv lub xwb teg, hab cev koj txhais teg xuas lub qhov ntawm kuv saab taav. Koj tsw xob ua cis faav cis fwm, koj ca le ntseeg. 28 Thauma teb Yexu has tas, koj yog kuv tug tswv hab yog kuv tug Vaajtswv. 29 Yexu has tsua Thauma has tas, koj pum kuv koj txha ntseeg los. Tug kws yeej tsw tau pum kuv kuas nwg ntseeg, tug ntawm yuav zoo sab kawg le.
Phoo ntawv nuav lub ntsab
30 Yexu cov thwjtim pum Yexu ua ntau yaam txujci tseem ceeb, kuas kuv tsw tau muab sau huvsw tsua huv phoo ntawv nuav. 31 Tej kws kuv sau ca tsua huv phoo ntawv nuav, tub yog sau qha kuas suavdawg paub tseeb has tas, Yexu yog Vaajtswv tug tub kws Vaajtswv khaiv lug ua Cawmseej, mas txhua tug kws ntseeg Yexu yuav tau txujsa ntev moog ib txhws tsw kawg kws Vaajtswv pub.
Yexu tshwm tsua xyaa tug thwjtim pum
1 Dhau hov ntawm Yexu lug tshwm tsua Yexu cov thwjtim pum nraag ntug hav txwv Tinpela lawv le kws kuv has nuav. 2 Cov thwjtim nrug Ximoo Pestus nyob ua ke, ib tug yog Thauma kws muaj dua npe hu ua Ntxaib, ib tug yog Nathane kws nyob peg lub zog Khana huv Kalilai tebchaws, hab Xepetai ob tug tub, hab muaj dua ob tug thwjtim nrug puab nyob ua ke ntawm hab. 3 Ximoo Pestus txawm has tsua cov thwjtim has tas, kuv yuav moog ntaus ntseg. Puab teb tas, peb yuav nrug koj moog hab. Tes puab suavdawg txawm nee moog tsua huv nkoj, moog ntaus ib mos ntseg kuas tsw tau ib tug le. 4 Thaus kaaj ntug quas txoog Yexu lug sawv ntawm ntug hav txwv, kuas cov thwj- tim tsw paub has tas, yog Yexu. 5 Yexu has tsua puab has tas, cov mivnyuas mej ntaus tsw tau ntseg le los. Puab teb has tas, ntaus tsw tau ib tug le. 6 Yexu qha puab has tas, mej ntaus ib vaag ntawm lub nkoj saab xws tsua huv txha tau ntseg. Puab txawm ntaus ib vaag tsua huv mas maag tau ntseg ntau kawg le, puab nqug tsw taug lub vaag lug tsua huv nkoj le. 7 Tug thwjtim kws Yexu nyam txawm has tsua Pestus has tas, tug kws sawv tim yog peb tug tswv Yexu los sas. Thaus Ximoo Pestus nov dheev has tas, yog tug tswv Yexu, tes Ximoo txawm muab Ximoo lub tsho lug naav, hab tuab plhaw tsua huv hav txwv. Yog Ximoo tub muab tsho hle lawm, nwg txha muab lug naav. 8 Cov thwjtim kws nyob huv lub nkoj puab nkuam lub nkoj hai lub vaag kws maag tau ntseg puv nkaus lug, tsua qhov puab nyob deb tim ntug nqhuab kwvlaam tswb caug daaj xwb. 9 Thaus puab nqeg sau nkoj lug puab pum ib cub thee cig quas plawg, muaj ntseg hab ncuav ci sau cub thee hov. 10 Yexu has tsua puab has tas, mej ca le nqaa cov ntseg kws mej nyav ntaus tau ob peb tug lug hab. 11 Ximoo Pestus nee moog sau lub nkoj, moog nqug lub vaag kws maag tau ntseg ntau ntau lug tsua tim ntug. Cov ntseg luj luj kws puab ntaus tau hov muaj ib puas tswb caug peb tug. Txawm yog maag tau ntseg ntau npaum le ntawm los lub vaag kuj tsw nduag. 12 Yexu hu puab has tas, mej ca le lug noj mov. Cov thwjtim tsw muaj ib tug muaj cuab kaav nug Yexu has tas, koj yog leejtwg, tsua qhov puab paub has tas, nwg yog puab tug tswv. 13 Yexu muab ncuav hab ntseg faib tsua puab noj. 14 Txwj nub kws Yexu sawv huv qhov tuag rov qaab lug, nwg lug tshwm tsua cov thwjtim pum peb zag tsua zag nuav.
Yexu ntuag Pestus
15 Thaus puab noj tshais taag, Yexu has tsua Ximoo Pestus has tas, Ximoo Yauhaa tug tub, koj nyam kuv heev dua tej los. Ximoo teb has tas, tug tswv, koj yeej paub has tas, kuv nyam koj. Yexu has tsua Ximoo has tas, koj ca le saib kuv cov mivnyuas yaaj tuab zoo. 16 Yexu rov nug Ximoo zag ob has tas, Ximoo Yauhaa tug tub, koj nyam kuv los tsw nyam. Ximoo teb has tas, tug tswv, koj yeej paub has tas, kuv nyam koj. Yexu has tsua Ximoo has tas, koj ca le saib kuv paab yaaj tuab zoo. 17 Yexu rov nug Ximoo zag peb has tas, Ximoo Yauhaa tug tub, koj nyam kuv los tsw nyam. Pestus ntxhuv sab tsua qhov Yexu has peb zag tsua Pestus has tas, koj nyam kuv los tsw nyam. Pestus txawm has tsua Yexu has tas, tug tswv koj paub ib puas tsaav yaam huvsw, koj yeej paub has tas, kuv nyam koj. Yexu has tsua Pestus has tas, koj ca le saib kuv paab yaaj tuab zoo. 18 Kuv qha tseeb tsua koj has tas, thaus koj tseem hluas, koj xaav moog hov twg, tes koj ca le tu cev moog lawm. Kuas thaus koj laug lawm, koj yuav xyaab teg tsua luas khi, hab luas yuav coj koj moog qhov chaw kws koj tsw xaav moog. 19 Yexu has le ntawm yog Yexu qha has tas, Pestus yuav tuag le caag txha ua tsua Vaajtswv tau koob meej. Yexu has tsua Pestus has tas, koj ca le nrug kuv moog.
Tug thwjtim kws Yexu nyam
20 Pestus tig moog pum tug thwjtim kws Yexu nyam sawv tom qaab. Tug thwjtim hov yog tug kws ua ntej hov ncaav moog pheeb Yexu xub ndag es nug Yexu sau rooj mov has tas, tug tswv, leejtwg yuav faav xeeb tsua koj. 21 Thaus Pestus pum dheev tug thwjtim ntawm Pestus has tsua Yexu has tas, tug tswv ua le es tug hov nev nwg yuav zoo le caag. 22 Yexu teb Pestus has tas, yog kuv ca nwg nyob moog txug nub kws kuv rov qaab lug, los yuav txug koj quas nkig daabtsw. Koj ca le nrug kuv moog. 23 Tes cov ntseeg xyaav zum quas zawg has tas, tug thwjtim hov yuav tsw tuag le. Kuas Yexu yeej tsw tau has tas, tug thwjtim hov yuav tsw tuag. Yexu has tas, yog kuv ca nwg nyob txug nub kws kuv rov qaab lug los yeej tsw txug koj quas nkig. 24 Tug thwjtim ntawm yog tug kws has txug tej nuav hab muab sau ca tsua huv ntawv. Peb paub has tas, tej lug kws nwg has muaj tseeb tag. 25 Tseem tshuav ntau yaam kws Yexu ua. Kuv xaav tas yog muab tej hov huv tuab sw sau ca tsua huv ntawv, ntshai nplajteb yuav tsw muaj chaw txaus rau tej ntawv ntawm.
1 The-aufilau, phoo ntawv kws kuv xub sau tuaj tsua koj, kuv has txug ib puas tsaav yaam num kws Yexu ua, hab txhua zaaj kws Yexu qha txwj thaus nwg chiv ua nwg teg num moog txug nub kws Vaajtswv coj nwg moog sau ntuj. 2 Thaus Yexu tseem tsw tau moog sau ntuj, Yexu muaj Vaajtswv tug Ntsuj Plig tug fwjchim qha cov tubkhai kws Yexu xaiv ca lawm. 3 Txwj nub kws Yexu tuag moog txug nub kws Yexu moog sau ntuj muaj plaub caug nub. Lub swmhawm plaub caug nub ntawm Yexu ua tsua puab pum Yexu ntau zag. Qhov kws Yexu lug ua tsua puab pum ntawm qha tsua suavdawg paub tseeb has tas, Yexu muaj txujsa lawm tag. Hab nwg qha tsua puab paub qhov kws Vaajtswv yuav lug kaav tuabneeg lub sab. 4 Muaj ib zag thaus Yexu nrug Yexu cov tubkhai nyob ua ke, Yexu has tsua puab has tas, mej tsw xob tawm huv lub nroog Yeluxalee moog hov twg le, mej yuav tsum nyob tog txug nub kws mej tau lawv le kuv txwv cog lug tsua mej lawm has tas, nwg yuav pub tsua mej. Qhov ntawm kuv tub qha tsua mej lawm. 5 Yauhaa muab tuabneeg ua kevcai raus dej, kuas tshuav ob peb nub xwb, Vaajtswv yuav pub Vaajtswv tug Ntsuj Plig tsua mej.
Vaajtswv coj Yexu moog sau ntuj
6 Thaus cov tubkhai tuaj nyob ua ke puab nug Yexu has tas, xwbfwb, lub swmhawm nuav koj yuav pub kuas cov Yixayee rov tau kaav tebchaws lov. 7 Yexu teb puab has tas, tsw txug mej yuav paub nub twg hab lub swmhawm twg yuav muaj le ntawm. Lub swmhawm hov nyob ntawm leej txwv teem ca. 8 Kuas thaus Vaajtswv tug Ntsuj Plig lug nrug mej nyob lawm nwg yuav pub fwjchim tsua mej. Mej yuav ua tim khawv qha kuv zaaj tsua huv lub nroog Yeluxalee, hab qha thoob plawg Yutai tebchaws hab Xamali tebchaws, hab qha moog thoob qaab ntuj kawg. 9 Thaus Yexu has le ntawm taag, puab tseem saib quas ntsoov Yexu, tes Vaajtswv txawm coj Yexu moog sau ntuj. Muaj ib tauv fuab txawm lug roog nwg tes puab tsw pum nwg lawm. 10 Thaus Yexu saamswm moog, puab kuj saib quas ntsoov tsua sau ntuj, ua cav txawm muaj ob tug quasyawg naav rwg tsho dawb dawb lug sawv ntawm puab. 11 Ob tug has tsua puab has tas, cov tuabneeg Kalilai, mej sawv ntsug saib sau ntuj ua daabtsw. Yexu kws Vaajtswv nyav coj moog sau ntuj lawm yeej yuav rov lug ib yaam nkaus le kws mej pum nwg moog ntaag.
Tug kws nyob Yuta chaw ua num
12 Cov tubkhai txawm rov peg roob ntoo txwv kav laaj lug txug nraag lub nroog Yeluxalee. Lub roob hov nyob deb ntawm lub nroog kwvlaam ib kis lus kev. 13 Thaus puab moog txug huv Yeluxalee lawm puab txawm moog huv ib lub tsev hab nee moog tsua ib chaa kws nyob txheej sau. Chaav ntawm yog chaav kws puab tuaj su. Puab cov ntawm ib tug yog Pestus, ib tug yog Yauhaa, ib tug yog Yakaupau, ib tug yog Aatali, ib tug yog Fili, ib tug yog Thauma, ib tug yog Palau-mai, ib tug yog Mathai, ib tug yog Alafai tug tub Yakaupau, ib tug yog tug Ximoo kws tsw xaav ca nwg lub tebchaws poob, hab ib tug yog Yakaupau tug tub Yuta. 14 Puab cov nuav hab ib cov quaspuj, hab Maivlag kws yog Yexu nam, hab Yexu cov kwv puab pheej tuaj ua ke thov Vaajtswv. 15 Dhau hov ntawm ob peb nub cov ntseeg tuaj nyob ua ke, kwvlaam muaj ib puas neeg nkaum leej. Tes Pestus txawm sawv ntsug qha cov tuabneeg ntawm has tas, 16 cov kwvtij, yeej yuav tsum muaj lawv le tej lug kws Vaajtswv tug Ntsuj Plig qha tsua vaaj ntxwv Tavi sau ca tsua huv Vaajtswv phoo ntawv has txug Yuta kws coj tuabneeg moog nteg Yexu. 17 Yuta yog ib tug huv peb cov kws Yexu tsaa nrug peb ua tuab yaam num. 18 Cov nyaj kws Yuta ua phem es Yuta tau, Yuta muab yuav tau ib thaaj aav. Qhov chaw kws nwg poob tuag es lub plaab tawg ua nyuv tawm taag tub yog ntawm thaaj aav hov ntaag. 19 Thaus cov tuabneeg kws nyob huv lub nroog Yeluxalee nov le nuav, puab txawm hu thaaj aav ntawm lawv le puab le lug has tas, Akhetama. Lu lug hov txhais has tas, thaaj aav ntshaav. 20 Tub muaj lug sau ca tsua Tavi phoo hu nkauj has txug tug nuav has tas, Ca nwg lub tsev nyob khoom, Hab tsw xob kheev leejtwg moog nyob huv lub tsev ntawm. Hab muaj dua ib nqafs has tas, Ca lwm tug lug nyob nwg chaw ua num. 21,22 Yog le ntawm tug kws yuav lug nrug peb ua num yuav tsum yog ib tug kws ib txwm nrug peb ua ke thaus peb nrug Tswv Yexu moog tsua hov nuav hov u txwj thaus Yauhaa muab Yexu ua kevcai raus dej lug txug nub kws Vaajtswv coj Yexu moog sau ntuj. Mas tug hov txha nrug peb ua tau tim khawv qha has tas, Yexu tub sawv huv qhov tuag rov lug lawm tag. 23 Thaus Pestus has le ntawm taag puab pum zoo muab ob leeg lug xaiv. Ob tug ntawm ib tug yog Yauxej kws suavdawg hu has tas Paxanpa lossws hu has tas Yuxa-tau, hab ib tug npe hu ua Mathiya. 24 Puab txawm thov Vaajtswv has tas, Vaajtswv koj paub suavdawg lub sab huvsw. Yog le ntawm thov koj qha tsua peb saib, 25 ob tug nuav koj xaiv tug twg lug ua tubkhai nyob Yuta chaw ua teg num kws Yuta muab tso tseg lawm. Yuta tswv moog txug huv lub chaw kws yeej yog nwg lub lawm. 26 Thaus puab thov taag puab txawm rhu ntawv saib tau ob tug ntawm tug twg. Puab rhu tau Mathiya. Txwj nub hov lug Mathiya txawm nrug kaum ib tug tubkhai ntawm ua num.
Vaajtswv tug Ntsuj Plig lug
1 Thaus txug nub Pheethekhoxate, cov ntseeg suavdawg tuaj nyob ua ke. 2 Ua cav txawm muaj ib lub suab nrov quas ntwg sau ntuj lug ib yaam le ib nthwv cua hlub hlub lug tsua huv lub tsev kws suavdawg saamswm nyob ua ke. 3 Puab txawm pum ib yaam zoo le tug nplaim tawg lug faib pes rhe lab quas vog tsua sau puab txhua tug taubhau. 4 Vaajtswv tug Ntsuj Plig txawm lug kaav taag nrho puab txhua tug lub sab. Tes puab txawm has lwm yaam lug lawv le Vaajtswv tug Ntsuj Plig kuas puab has. 5 Thaus ntawm muaj cov Yutai tuaj txhua lub tebchaws huv qaab ntuj nuav tuaj su huv lub nroog Yeluxalee, cov tuabneeg ntawm yog cov kws coj Vaajtswv kevcai nruj. 6Thaus puab nov tej suab hov, puab txawm tuaj ua ke coob coob saib saib yog le caag. Thaus puab nyag nov nyag lub tebchaws tej lug kws cov ntseeg has ntawm puab xaav tsw thoob le. 7 Puab tsw paub yuav has le caag tes puab txawm has tas, cov quasyawg kws saamswm has lug nuav puab puav leej yog tuabneeg Kalilai taag nrho los sas. 8 Ua caag puab laam txawj has peb tej lug. 9 Peb cov nuav muaj ntau yaam tuabneeg, ib txha yog Phatha, ib txha yog Matai, ib txha yog Ela, hab ib txha tuaj peg Mexauthauthami tebchaws tuaj, Yutai tebchaws, Kapataukha tebchaws, Phaunthau tebchaws hab Axia tebchaws, 10 Fa luka tebchaws, Phafula tebchaws hab lyi tebchaws tuaj hab tuaj huv Linpiya tebchaws tuaj. Lub tebchaws ntawm nyob ze lub moos Khulene. Muaj ib txha tuaj tim lub nroog Loo tuaj tsw has cov Yutai los yog, lwm tsaav tuabneeg kws lug coj Yutai kevcai los yog puav leej tuaj tim u tuaj. 11 Muaj ib txha tuaj tim lub miv tebchaws Kalete kws nyob huv hav txwv tuaj, hab muaj ib txha tuaj Alanpa tebchaws tuaj. Txawm yog peb tuaj hov txhua hov chaw tuaj los peb txhua tug puav lee j nov puab has txug tej txujci tseem ceeb kws Vaajtswv tau ua lawm, tsua qhov tej lug kws puab has hov puav leej yog peb le lug. 12 Puab nov le ntawm puab xaav tsw thoob le, puab txawm sws nug zum quas zawg has tas, tej nuav yog le caag ne. 13 Kuas muaj ib txha luag cov ntseeg zum quas zawg has tas, cov quasyawg ntawm qaug cawv ntaag laub.
Zaaj kws Pestus qha
14 Pestus hab kaum ib tug tubkhai txawm sawv quas ntsug, tes Pestus txawm has nrov nrov qha cov tuabneeg coob coob ntawm has tas, cov kwvtij Yutai hab mej txhua tug kws nyob huv lub nroog Yeluxalee nuav, tej kws kuv yuav qha tsua mej, mej ua tuab zoo noog zoo zoo. 15 Nwgnuav nyav taav nam tshais xwb, cov quasyawg nuav tsw yog qaug cawv le mej has, 16 kuas tej kws muaj nuav yog lawv le xwbfwb Yau-ee kws cev Vaajtswv lug tau qha tseg lawm has tas, 17 Vaajtswv has tas, thaus txug tam kws nplaj- teb yuav kawg kuv yuav ua le nuav. Kuv yuav pub kuv tug Ntsuj Plig tsua txhua tug. Mej tej tub tej ntxhais yuav cev kuv le lug hab qha tej kws yuav muaj tshwm lug tom hauv ntej. Mej tej tub hluas yuav ua yug quas toog pum, hab tej laug yuav ua npau suav pum. 18 Thaus txug tam kawg ntawm kuv yuav pub kuv tug Ntsuj Plig tsua kuv cov tub qhe, tsw. has quaspuj quasyawg huvsw. Mas puab yuav cev kuv le lug, hab qha tej kws yuav muaj tshwm lug tom hauv ntej. 19 Kuv yuav ua tej txujci tseem ceeb tsua sau nruab ntug, Hab ua tsua huv nplajteb. Mas yuav muaj ntshaav hab nplaim tawg hab paa tawg. 20 Thaus tseem tsw tau txug nub tseem ceeb kws tug tswv lug, lub nub yuav tsaus moog, hab lub hlis yuav lab le ntshaav. 21 Thaus hov yog leejtwg thov Vaajtswv paab tes leejtwg yuav tau txujsa ntev moog i b txhws tsw kawg. 22 Cov kwvtij Yixayee, mej ca le noog tej lug kws kuv yuav qha nuav. Vaajtswv khaiv Yexu kws yog tuabneeg Naxale lug ua tej txujci luj kws phemfwj hab tseem ceeb qha Vaajtswv tug fwjchim tsua mej. Tej kws mej pum hov qha tsua mej paub tseeb tas, Yexu yog tug kws Vaajtswv khaiv lug tag. 23 Qhov kws Vaajtswv ca tuabneeg muab Yexu tsua mej es mej muab nwg tsua cov tuabneeg sab phem coj moog teem tsua sau ntoo khaublig, hab mej kuas puab muab nwg tua pov tseg, qhov ntawm tub yog lawv le Vaajtswv xub tu tseg, hab lawv le Vaajtswv pum zoo. 24 Kuas Vaajtswv tub daws Yexu txujkev pluj kev tuag, hab tub tsaa nwg sawv huv qhov tuag rov lug lawm, txujkev tuag yuam tsw tau nwg. 25 Lawv le vaaj ntxwv Tavi tau has txug nwg has tas, Kuv naj nub pum Vaajtswv nrug kuv nyob. Nwg nyob ntawm kuv saab teg xws mas kuv txha tsw ntxhuv sab. 26 Tub yog vem le nuav kuv txha zoo sab, Hab tej lug kws kuv has, ua tsua suavdawg paub tas, kuv zoo sab. Txawm yog kuv yog tuabneeg nqaj tawv xwb los kuv tseem muaj vaam has tas, Vaajtswv yuav paab kuv, 27 Tsua qhov Vaajtswv yeej tsw tso kuv tug ntsuj plig tseg tsua huv tub tuag teb. Hab Vaajtswv yuav tsw ca Vaajtswv tug tubkhai kws zoo kawg nkaus cev nqaj lwj. 28 Koj tub qha txujkev kws coj moog txug txujsa tsua kuv paub lawm. Hab qhov kws koj nrug nraim kuv nyob hov, kuv zoo sab kawg le. 29 Cov kwvtij, kuv yuav qha tsua mej paub tseeb txug peb yawm koob Tavi. Nwg tub tuag lawm,puab muab nwg lub cev log ca, naj nub nwgnuav nwg lub ntxaa tseem nyob ntawm nuav. 30 Thaus nwg tseem ua neej nyob nwg yog ib tug xwbfwb cev Vaajtswv lug. Nwg paub tseeb has tas, Vaajtswv tub cog lug tseg has tas, Vaajtswv yuav tsaa Tavi ib tug xeeb ntxwv lug ua vaaj ntxwv ib yaam le Tavi. 31 Tavi tub xub paub ua ntej has tas, tug Cawmseej kws Vaajtswv yuav khaiv lug paab kuas tuabneeg dim lub txem yuav sawv huv qhov tuag rov lug. Tavi txha qha has tas, Vaajtswv tsw tso nwg tseg tsua huv tub tuag teb, Hab tsw kheev nwg cev nqaj lwj. 32 Tug nuav yog Yexu kws Vaajtswv tsaa sawv huv qhov tuag rov lug, peb tub pum nwg. Mas peb txha has tau has tas, nwg tub sawv rov lug lawm tag. 33 Vaajtswv kws yog Yexu txwv coj Yexu moog nyob ntawm Vaajtswv saab xws hab Vaajtswv pub Vaajtswv tug Ntsuj Plig tsua Yexu lawv le leej txwv tau cog lug tseg lawm. Nwgnuav Yexu tub pub Vaajtswv tug Ntsuj Plig tsua peb lawm, mas mej txha pum hab nov tej nuav. 34 Tavi yeej ,tsw tau moog dua sau ntuj ib zag le, kuas nwg has tas, Vaajtswv has tsua kuv tug tswv has tas, Koj ca le lug nyob ntawm kuv saab xws 35 moog txug thaus kuv muab koj cov yeeb ncuab lug ua lub rooj tsua koj tag taw. 36 Yog le ntawm cov tuabneeg Yixayee, mej suavdawg yuav tsum paub tseeb has tas, tug Yexu kws mej muab teem tsua sau ntoo khaublig, nwgnuav Vaajtswv tub tsaa nwg ua tug tswv hab ua tug Cawmseej lawm. 37 Thaus cov tuabneeg nov dheev Pestus qha le hov, puab ntxhuv sab kawg le, puab txawm nug Pestus hab cov tubkhai has tas, cov kwvtij, ais peb yuav ua le caag os. 38 Pestus teb puab has tas, mej txhua tug yuav tsum tso mej tej kev txhum tseg es tuav Yexu Kheto lub npe ua kevcai raus dej, Vaajtswv txha le zaam mej lub txem hab pub Vaajtswv tug Ntsuj Plig tsua mej, 39 tsua qhov Vaajtswv lu lug cog tseg ntawm nwg cog tsua mej hab tsua mej tej mivnyuas hab tsua cov tuabneeg kws nyob deb, mej suavdawg puav leej yog cov kws Vaajtswv tau hu lug ua Vaajtswv le tuabneeg. 40 Pestus tseem qha tsua puab ntau dua tej kws nwg xub qha taag lug lawm. Nwg ntuag puab has tas, mej yuav tsum nrhav kev tswv kuas dim, mej txha tsw raug txem le cov tuabneeg phem nuav. 41 Mas cov tuabneeg hov muaj ntau leej ntseeg tej lug kws Pestus has, hab ua kevcai raus dej. Nub hov cov kws lug ntseeg tshab kwvlaam muaj peb txheeb leej. 42 Puab naj nub tuaj kawm tej kws cov tubkhai qha. Puab sws hlub sws paab, hab puab tuaj noj mov ua ke, hab koom noj Yexu rooj mov, hab tuaj ua ke thov Vaajtswv.
Cov ntseeg lub neej zoo le caag
43 Thaus suavdawg pum tej txujci luj hab tseem ceeb kws cov tubkhai ua, puab xaav tsw thoob le. 44 Cov ntseeg suavdawg ua ib lub sab, hab nyag taug nyag nqaa nyag tej hov txhua chaw tuaj ca ua ke ua suavdawg le. 45 Puab nyag muab nyag tej laj tej teb muag hab muab tej nyaj ntawm lug faib tsua txhua tug kws cheem tsum yuav swv. 46 Puab naj nub moog pe Vaajtswv ua ke huv lub tuam tsev thov Vaajtswv, hab puab moog noj Yexu rooj mov, hab noj mov ua ke huv puab tej tsev, txawm yog muaj ntau muaj tsawg los puab suavdawg zoo sab noj. 47 Puab ua Vaajtswv tsaug tsw tseg tsw tu, mas tej tuabneeg suavdawg kuj fwm puab. Vaajtswv naj nub coj cov tuabneeg kws Vaajtswv paab kuas dim lub txem lug ntseeg coob quas zug.
Tug quasyawg tuag taw
Muaj ib nub thaus nub qaij Pestus hab Yauhaa ob tug moog tom lub tuam tsev thov Vaajtswv, lub swmhawm ntawm yog lub swmhawm kws suavdawg tuaj thov Vaajtswv. 2 Muaj ib tug quasyawg tuag taw thaus nruab thab lug, nwg nyob ntawm lub tuam tsev lub qhov rooj kws suavdawg hu has tas, qhov rooj zoo nkauj. Naj nub muaj tuabneeg kwv nwg tuaj tso tsua hov ntawm es thov khawv cov tuabneeg kws tuaj moog thov Vaantswv huv lub tuam tsev. 3 Thaus nwg pum Pestus hab Yauhaa ob tug saamswm yuav moog huv lub tuam tsev nwg txawm thov kuas ob tug pub ib yaam tsua nwg. 4 Ob tug tsaa muag saib tug quasyawg tuag taw hov, tes Pestus txawm has tas, koj ca le saib ib. 5 Tug quasyawg hov xaav has tas, nyab ob tug yuav pub ib yaam daabtsw tsua nwg ntaag, nwg txawm saib dheev ob tug. 6 Kuas Pestus has tsua nwg tas, kuv tsw muaj nyaj, kuas kuv muaj ib yaam hab, kuv yuav muab tsua koj. Hu Yexu Kheto kws yog tuabneeg Naxale le fwjchim khu koj, koj ca le sawv tseeg moog kev. 7 Pestus txawm ntsab nkaus yawm tuag taw hov saab teg xws nqug nwg sawv. Tes taamswm ntawm nwg txhais kwtaw hab tej cos taw txawm muaj zug lawm. 8 Nwg sawv tseeg nrug Pestus hab Yauhaa ob tug moog huv lub tuam tsev thov Vaajtswv. Nwg pheej dha paaj pawg ua Vaajtswv tsaug. 9 Cov tuabneeg kws nyob ntawm suavdawg puav leej pum nwg moog kev hab nov nwg ua Vaajtswv tsaug. 10 Thaus puab pum dheev nwg, puab paub has tas, nwg yog tug kws naj nub nyob thov khawv ntawm lub qhov rooj zoo nkauj. Mas puab phemfwj hab xaav tsw thoob le sov yog ua caag nwg yuav zoo lawm.
Pestus qha huv lub tuam tsev thov Vaajtswv
11 Thaus tug quasyawg ntawm tseem tuav rawv Pestus hab Yauhaa teg, cov tuabneeg kws pum xaav tsw thoob le, puab txawm dha zum quas zawg lug tsua ntawm Pestus puab, huv zaaj qaab khaav Xalaumoo. 12 Thaus Pestus pum cov tuabneeg hov dha zum quas zawg lug, Pestus txawm has tsua puab has tas, cov kwvtij Yixayee, ua caag mej yuav xaav tsw thoob tsua tej nuav hab ua caag mej saib quas ntsoov peb. Mej xaav has tas, ntshai yog ib muaj fwjchim lossws ib ntseeg heev ib txha paab tau tug nuav moog tau kev nua los. 13 Yog Aplahaa, hab Yiha hab Yakhauj tug Vaajtswv, kws yog peb puj koob yawm koob tug Vaajtswv, ua zag txujci tseem ceeb nuav kuas nwg tug tub qhe Yexu tau koob meej. Nwg yog tug kws mej muab tsua cov num tswv tswm txom, hab thaus nwg nyob ntawm Phi laj xub ndag, Phi laj tub yuav tso nwg los mej tsw kaam, mej kuas Philaj muab nwg tua. 14 Nwg yog tug kws ncaaj nceeg hab zoo kawg nkaus, kuas mej tsw kaam Phi laj tso nwg. Mej tsua thov Phi laj tso ib tug nam tuabneeg tua tuabneeg lug tsua mej. 15 Mej muab tug tswv kws cawm tuabneeg txujsa tua pov tseg. Kuas Vaajtswv tub tsaa nwg sawv huv qhov tuag rov lug lawm, mas peb tub pum peb txha ua tau tim khawv has tas, nwg tub sawv lug lawm tag. 16 Tub yog ntseeg Yexu kws muaj fwjchim, mas txha khu tau tug kws mej paub hab mej pum nuav ob txhais kwtaw zoo. Tub yog ntseeg Yexu nwg txha zoo hlo lawm. 17 Cov kwvtij, kuv paub has tas, tej kws mej hab mej cov thawj tau ua tsua Yexu lawm, vem yog mej tsw paub mej txha ua le ntawm. 18 Yaav thau u Vaajtswv kuas cov xwbfwb cev Vaajtswv lug qha ua ntej lawm has tas, tug Cawmseej kws Vaajtswv yuav khaiv lug nwg yuav raug kev tswm txom. Nwgnuav tub tav lawv le tej kws Vaajtswv tau has tseg lawm. 19 Yog le ntawm mej yuav tsum tso mej tej kev txhum tseg hab tig rov lug cuag Vaajtswv, Vaajtswv txha le zaam mej lub txem, hab Vaajtswv yuav pub kuas mej tau nyob kaaj sab quas lug, 20 hab nwg yuav khaiv Yexu kws nwg tsaa ua Cawmseej lug paab. mej. 21 Yexu yuav nyob sau ntuj moog txug thaus kws ib puas tsaav yaam hloov dua tshab taag huvsw. Tej nuav muaj lawv le tej lug kws cov xwbfwb cev Vaajtswv lug kws muaj sab npuab Vaajtswv thau u tau qha tsua suavdawg. 22 Lawv le Mauxe tau qha tseg has tas, Vaajtswv yuav tsaa ib tug huv mej cov lug ua xwbfwb cev Vaajtswv lug ib yaam le nwg tau tsaa kuv ua lawm. Mej yuav tsum noog txhua yaam kws nwg qha tsua mej. 23 Yog leejtwg tsw noog tej lug kws tug xwbfwb cev Vaajtswv lug ntawm qha, Vaajtswv yuav muab tug hov rhu tawm huv cov Yixayee moog, mas tug hov yuav raug kev puam tsuaj. 24 Cov xwbfwb cev Vaajtswv lug txwj thau u kws --Xamuyee nyob lug txug naj nub nwgnuav, puab puav leej has txug tej kws muaj nuav ib yaam nkaus. 25 Thaus Vaajtswv kuas cov xwbfwb cev Vaajtswv lug qha Vaajtswv tej lug cog tseg, tub yog Vaajtswv xaav paab mej. Hab tej lug kws Vaajtswv cog tsua mej puj koob yawm koob, tub yog Vaajtswv cog tsua mej hab. Vaajtswv tub has tsua Aplahaa has tas, kuv yuav kuas koj cov xeeb ntxwv coj kuv le moov zoo moog tsua txhua tsaav tuabneeg kws nyob huv nplajteb nuav. 26 Yog le hov Vaajtswv txha xub khaiv nwg tug tubkhai kws nwg xaiv ca lawm lug cuag mej. Nwg yuav foom koob foom moov tsua mej, mej txha le tso tau mej tej kev txhum tseg.
Cov num tswv nug Pestus hab Yauhaa
1 Thaus Pestus hab Yauhaa tseem saamswm qha cov tuabneeg ntawm, cov pov thawj, hab cov tub ceev xwm kws zuv lub tuam tsev tug thawj, hab cov Xatukai txawm tuaj nrhav ob tug. 2 Puab chim tsua qhov kws Pestus ob tug qha tsua suavdawg has tas, Yexu tub sawv huv qhov tuag rov lug lawm. Ob tug qha le ntawm suavdawg txha paub tseeb has tas, tuabneeg txawj sawv huv qhov tuag rov lug tag. 3 Puab txawm nteg Pestus hab Yauhaa coj moog kaw ib mos, vem thaus hov tub tsaus ntuj lawm. h Kuas cov tuabneeg kws nov zaaj kws ob tug qha hov muaj ntau leej ntseeg Yexu. Suav cov quasyawg kws lug ntseeg kwvlaam muaj tswb txheeb leej. 5 Thaus kaaj ntug lawm Yutai cov num tswv, hab cov kev txwj quas laug hab cov xwbfwb qha Vaajtswv kevcai tuaj ua ke sablaaj huv lub nroog Yeluxalee. 6 Tug tuam pov thawj hlub Ana, hab Kayafa, hab Yauhaa, hab Alexalau hab tug tuam pov thawj hlub tsev tuabneeg tuaj nrug puab sabl aaj hab. 7 Puab coj ob tug tubkhai lug sawv ntawm puab xub ndag, mas puab nug ob tug has tas, leejtwg pub fwjchim tsua meb hab meb hu leejtwg lub npe ua tej nuav. 8 Pestus muaj Vaajtswv tug Ntsuj Plig kaav taag nrho nwg lub sab tes Pestus txawm teb puab has tas, cov num tswv kws kaav pejxeem hab cov kev txwj quas laug, 9 nub nua mej nug ib le nuav, yog mej nug has txug qhov kws ib khu tug tuag taw nuav, hab mej nug txug qhov kws nwg ob txhais kwtaw zoo lawm los. 10 Yog mej nug le ntawm kuv thov teb tsua mej hab cov Yixayee suavdawg has tas, tub yog Yexu Kheto kws yog tuabneeg Naxale tug fwjchim ua tsua tug quasyawg kws sawv ntawm mej xubndag nuav zoo ntaag. Yexu yog tug kws mej muab teem tsua sau ntoo khaublig, kuas Vaajtswv tub tsaa nwg sawv huv qhov tuag rov lug lawm. 11 Yexu yog tug kws Vaajtswv phoo ntawv has tas, Lub pob zeb kws mej cov kws yog kws ua tsev muab pov tseg lawm Nwgnuav tub muab lub ntawm rov lug ua lub thawj lawm. 12 Tsw muaj leejtwg paab tau peb dim peb lub txem, tsuas yog Yexu tuab leeg xwb txha paab tau. Yog dhau Yexu lawm, tsw muaj lwm tug kws Vaajtswv tso lug paab peb tuabneeg huv qaab ntuj nuav kuas dim tau lub txem. 13 Thaus puab pum Pestus hab Yauhaa ob tug muaj tswvyim teb le hov puab xaav tsw thoob le tsua qhov puab yeej paub tas, ob tug ib txwm tsw tau kawm ntaub kawm ntawv. Tes puab txawm ncu dheev txug has tas, ob tug yeej nrug Yexu nyob ua ke. 14 Kuas puab tsw muaj lug teb le tsua qhov puab pum tug kws ob txhais kwtaw zoo lawm nrug Pestus hab Yauhaa sawv ua ke ntawm. 15 Puab txawm kuas Pestus hab Yauhaa ob tug tawm moog nrau zoov, mas puab sablaaj has tas, 16 peb yuav ua le caag tsua ob tug hov. Cov tuabneeg kws nyob huv lub nroog Yeluxalee nuav suavdawg puav leej paub has tas, zag txujci tseem ceeb nuav tub yog ob tug ua, yog peb yuav has tas, tsw yog ob tug ua los yeej has tsw tau. 17 Peb yuav tsum txwv tsw xob kheev ob tug has txug Yexu lub npe tsua leejtwg le, zaaj nuav txha le tsw nrov nchaa moog tsua suavdawg nov. 18 Puab txawm hu ob tug rov qaab lug, mas has tsua ob tug has tas, meb tsw xob qha txug Yexu ib zag le lawm. 19 Kuas Pestus hab Yauhaa ob tug teb puab has tas, ib noog mej lug zoo dua le kws noog Vaajtswv lug lov. Mej swm xaav saib, ob qho nuav qhov twg yuav hum Vaajtswv sab. 20 Tej kws ib nov hab ib pum lawm ib yeej yuav has, ib npog tsw tau. 21 Cov num tswv txawm yimfuab txwv ob tug heev dua thawj zag, tes puab le tso ob tug moog, puab tsw paub yuav rau txem le caag tsua ob tug tsua qhov tej tuabneeg kws pum zag txujci tseem ceeb ntawm puav leej qhuas Vaajtswv. 22 Tug quasyawg kws Vaajtswv khu ntawm noob nyoog muaj plaub caug tawm xyoo lawm.
Cov ntseeg tuaj ua ke thov Vaajtswv
23 Thaus cov num tswv tso Pestus hab Yauhaa ob tug lawm, ob tug txawm rov qaab moog ntawm cov ntseeg hab ob tug qha tej lug kws cov pov thawj hlub hab cov kev txwj quas laug txwv ob tug tsua suavdawg noog. 24 Thaus cov ntseeg nov tej lug ntawm puab txawm ua ke thov Vaajtswv has tas, Vaajtswv, koj yog tug kws tswm ntuj tswm teb, tswm dej hav txwv hab tswm ib puas tsaav yaam kws nyob sau nruab ntug hab nyob huv nplajteb hab huv hav txwv. 25 Koj kuas koj tug Ntsuj Plig qha tsua koj tug tub qhe Tavi kws yog peb yawm koob has le nuav tas, Ua le caag lwm tsaav tuabneeg chim heev hab tej tuabneeg suavdawg tuav huv ua phem, kuas ua tsw tau. 26 Cov vaaj ntxwv kws kaav nplajteb nuav puab sawv nreg nrooj tog hab cov num tswv tuaj ua ke tawm tsaam Vaajtswv hab tug Cawmseej kws Vaajtswv khaiv lug. 27 Nwgnuav tub muaj tseeb, yog --Helauj hab Phau-thi-au Phi laj ob tug nrug lwm tsaav tuabneeg hab cov Yixayee tuaj ua ke huv lub nroog nuav ua phem tsua Yexu kws yog koj tug tub qhe zoo kawg nkaus kws koj tub tsaa ua tug Cawmseej lawm. 28 Tej kws puab ua nuav tub yog lawv le koj tu ca kuas ua. 29 Vaajtswv, nwgnuav thov koj tsaa muag saib tej kws puab ua nruj ua tswv tsua peb. Hab thov koj paab kuas peb cov kws yog koj cov tub qhe muaj sab tuab qha koj txujlug. 30 Thov koj cev teg khu tej tuabneeg muaj mob, hab thaus peb tuav koj tug tub qhe Yexu kws zoo kawg nkaus lub npe, mas thov koj ua tej txujci luj hab tseem ceeb tsua suavdawg pum. 31 Thaus puab thov taag, qhov chaw kws puab nyob ntawm txawm ua zug quas kais. Vaajtswv tug Ntsuj Plig txawm lug kaav taag nrho puab txhua tug lub sab, puab txha muaj sab tuab qha Vaajtswv txujlug.
Suavdawg muab tej hov txhua chaw sws faib sws paab
32 Cov ntseeg txhua tug puav leej ua ib lub sab. Suavdawg nyag nqaa nyag tej hov txhua chaw tuaj tso ua ke ua suavdawg le. Tsw muaj ib tug yuav has tas, tej hov txhua chaw kws nwg muaj yog nwg le. 33 Cov tubkhai muaj Vaajtswv tug fwjchim puab txha muaj sab tuab qha txug qhov kws tug tswv Yexu sawv huv qhov tuag rov lug lawm. Mas Vaajtswv foom koob foom moov tsua puab txhua tug. 34 Puab cov ntseeg tsw muaj ib tug txom nyem le. Tug kws muaj laj muaj teb muaj vaag muaj tse los nwg txawm muab muag mas coj cov nyaj tuaj tsua cov tubkhai. 35 Tes cov tubkhai muab faib tsua suavdawg lawv le tug kws cheem tsum swv. 36 Yauxej kuj ua le ntawm hab. Nwg yog tuabneeg Levi, nwg yug tim lub miv tebchaws Xaipa huv hav txwv. Cov tubkhai muab Yauxej tis dua npe hu ua Npananpa. Lub npe hov txhais has tas, tug txhawb zug. 37 Nwg muab nwg ib daim teb muag mas nwg coj cov nyaj kws nwg tau ntawm tuaj tsua cov tubkhai.
Ananiya hab Xafila daag
1 Muaj ib tug quasyawg npe hu ua Ananiya, nwg quaspuj npe hu ua Xafi la. Ananiya txawm muab nwg ib thaaj aav muag, 2 nwg coj cov nyaj hov tuaj tsua cov tubkhai kuas nwg muab ib txha khaws ca lawm. Nwg tug quaspuj kuj paub hab. 3 Pestus has tsua Ananiya has tas, Ananiya, ua caag koj yuav ca Daab Ntxwg Nyoog lug kaav koj lub sab es kuas koj daag Vaajtswv tug Ntsuj Plig. Cov nyaj kws koj muag koj thaaj aav koj tub muab ib txha khaws ca lawm los sas. 4 Thaus koj tsw tau muag, thaaj aav ntawm yeej yog koj le. Thaus koj muag lawm cov nqe ntawm yeej yog koj le hab. Ua caag koj lub sab yuav xaav le ntawm. Tsw yog koj daag tuabneeg kuas yog koj daag Vaajtswv. 5 Thaus Ananiya nov Pestus has le hov Ananiya txawm qaug ntawg tuag ndo lawm. Thaus suavdawg nov tej nuav suavdawg ntshai kawg le. 6 Cov tub hluas txawm sawv pis tseeg lug muab Ananiya lub cev qhwv kwv coj moog log. 7 Dhau hov ntawm kwvlaam peb teev, Ananiya tug quaspuj txawm tuaj, kuas nwg tsw paub tas nwg tug quasyawg tub ua le caag lawm. 8 Pestus has tsua nwg has tas, koj qha tsua kuv saib, meb muag meb thaaj aav tau le ntawm xwb tag los. Ananiya tug quaspuj teb has tas, yog lauj tau le ntawm xwb tag. 9 Pestus txawm has tsua nwg has tas, ua caag meb ob leeg yuav ua ib lub sab daag Vaajtswv tug Ntsuj Plig. Koj saib, cov tuabneeg kws kwv koj tug quasyawg moog log puab tub lug txug ntawm qhov rooj lawm. Puab yuav kwv koj moog log hab lauj. 10 Taamswm ntawm Xafi la txawm qaug ntawg tsua ntawm Pestus kwtaw tuag ndo lawm. Thaus cov tub hluas lug txug, puab pum tas, nwg tub tuag lawm, tes puab txawm muab nwg lub cev kwv moog log nrug nwg tug quasyawg ua ke. 11 Cov ntseeg hab tej tuabneeg kws nov tej nuav suavdawg ntshai kawg le.
Tej txujci luj hab tseem ceeb
12 Cov tubkhai pheej ua tej txujci luj hab tseem ceeb tsua suavdawg pum. Cov ntseeg naj nub tuaj nyob ua ke huv zaaj qaab khaav Xalaumoo. 13 Txawm yog suavdawg qhuas cov ntseeg heev los tsw muaj leejtwg kaav lug nrug cov ntseeg nyob ua ke. 14 Kuas pheej muaj tuabneeg lug ntseeg Vaajtswv coob zuj quas zug tsw has quaspuj quasyawg huvsw. 15 Cov tuabneeg kws pum tej txujci kws cov tubkhai ua, puab txawm moog coj tej tuabneeg muaj mob tuaj tso tsua ntawm ntug kev, puab muab choj hab muab lev pua tsua cov tuabneeg mob pw, ais thaus Pestus taug kev tuaj moog Pestus tug duab txha moog roog cov tuabneeg mob ntawm qee leej ib vuag. 16 Tsw yog le ntawm xwb cov tuabneeg coob coob kws nyob huv tej moos kws nyob ib ncig lub nroog Yeluxalee tseem coj puab tej tuabneeg mob hab tej tuabneeg kws raug daab tuaj tsua cov tubkhai khu hab, mas cov tuabneeg hov txhua tug zoo huvsw.
Cov tubkhai raug kev txom nyem
17 Vem le ntawm tug tuam pov thawj hlub hab cov Xatukai kws yog nwg tuab paab txha ntxub cov tubkhai, mas puab tuav huv ua phem tsua cov tubkhai, 18 tes puab txawm nteg cov tubkhai coj moog kaw tsua huv tsev loj faaj. 19 Kuas mo ntawm Vaajtswv ib tug tubkhai sau ntuj txawm lug qheb qhov rooj tsev loj faaj, mas coj cov tubkhai tawm moog. Nwg has tsua puab has tas, 20 mej ca le moog sawv huv lub tuam tsev thov Vaajtswv qha txujsa tshab nuav tsua suavdawg noog. 21 Tes cov tubkhai txawm sawv ntxuv moog qha cov tuabneeg tom lub tuam tsev thov Vaajtswv. Tug tuam pov thawj hlub hab cov tuabneeg kws yog nwg tuab paab txawm hu Yutai cov num tswv hab cov kev txwj quas laug tuaj ua ke sablaaj, tes puab txawm khaiv tuabneeg moog coj cov tubkhai tom tsev loj faaj lug cuag puab. 22 Thaus cov tuabneeg kws puab khaiv ntawm moog txug tom tsev loj faaj, ua cav tsw pum cov tubkhai lawm. Puab txawm rov qaab lug qha tsua cov num tswv suavdawg has tas, 23 thaus peb moog txug tom tsev loj faaj peb pum lub qhov rooj kaw zoo zoo hab muaj ntsug phoo ntsug huvsw, hab cov tub ceev xwm kws zuv puab tseem sawv puab ntawm qhov rooj zuv. Kuas thaus peb qheb qhov rooj moog txug huv ua cav tsw pum muaj ib tug tuabneeg nyob huv le. 24 Thaus cov tub ceev xwm kws zuv lub tuam tsev thov Vaajtswv tug thawj, hab cov pov thawj hlub nov le ntawm, puab xaav tsw thoob le sov yog ua le caag. 25 Taamswm ntawm txawm muaj ib tug txwv neej tuaj has tsua puab has tas, cov tuabneeg kws mej muab kaw tsua tom tsev loj faaj, nwgnuav puab saamswm sawv quas ntsug qha suavdawg huv lub tuam tsev. 26 Cov tub ceev xwm tug thawj txawm coj nwg cov tub ceev xwm moog nteg cov tubkhai rov lug. Kuas cov tub ceev xwm tsw tshua ua nyaum pes tsawg tsua cov tubkhai, tsua qhov puab ntshai tsaam cov pejxeem tsua xuas pob zeb ntaus puab. 27 Puab txawm coj cov tubkhai lug sawv ntawm cov num tswv xub ndag mas tug tuam pov thawj hlub nug cov tubkhai. 28 Nwg has tsua puab has tas, peb tub txwv tu nrho has tas, mej tsw xob qha txug tug txwv neej nuav lub npe hlo le nua nev, ua caag mej tseem qha hab. Mej swm saib tej kws mej qha tub nrov nchaa moog thoob plhawv huv lub nroog Yeluxalee lawm. Mej tseem muab lub txem kws puab tua tug txwv neej hov tsua peb rws hab. 29 Pestus teb puab has tas, peb yeej yuav noog Vaajtswv lug heev dua noog tuabneeg lug. 30 Mej muab nwg teem tuag tsua sau ntoo khaublig, kuas peb puj koob yawm koob tug Vaajtswv tub tsaa nwg sawv huv qhov tuag rov lug lawm. 31 Hab Vaajtswv kuas nwg lug nyob ntawm Vaajtswv saab xws, Vaajtswv tsaa nwg ua tug thawj hab ua tug Cawmseej. Vaajtswv ua le nuav sub cov Yixayee txha tso tej kev txhum tseg, Vaajtswv txha zaam txem tsua puab. 32 Peb hab Vaajtswv tug Ntsuj Plig tub pum tej nuav, mas peb hab Vaaj Ntsuj Plig txha qha tau tej nuav. Vaaj Ntsuj Plig yog tug kws Vaajtswv pub tsua cov tuabneeg kws noog Vaajtswv lug.
Kama1i ntuag cov num tswv
33 Thaus cov num tswv nov le ntawm puab chim heev, puab xaav muab cov tubkhai tua pov tseg taamswm hov. 34 Kuas cov num tswv ntawm muaj ib tug yog cov Falixai, nwg npe hu ua Kama 1i, nwg yog ib tug xwbfwb qha Vaajtswv kevcai, hab suavdawg fwm nwg heev. Nwg sawv tseeg has kuas puab coj cov tubkhai tawm moog nrau zoov ib plag. 35 Tes nwg txawm has tsua cov num tswv has tas, mej cov Yixayee, mej yuav ua le caag tsua cov tuabneeg nuav mas mej yuav tsum ceev faaj zoo zoo. 36 Mej ncu los tsw ncu yaav tom ntej muaj ib yawm npe hu ua Thuta khaav khaav has tas, nwg yog ib tug tuabneeg tseem ceeb, tes txawm muaj kwvlaam plaub puas leej tuaj nwg tog, los nwg kuj raug luas muab tua tuag lawm. Tes cov tuabneeg kws tuaj nwg tog txawm tswv ua dog ua dig taag lawm, mas nwgnuav tub tsw nov leejtwg has txug nwg le. 37 Dhau hov lug tsua tom qaab nuav thaus cov num tswv saamswm sau cov pejxeem tej npe saib muaj coob npaum le caag, tes txawm muaj ib tug quasyawg npe hu ua Yuta, nwg yog tuabneeg Kalilai. Nwg tuaj ntxag cov pejxeem kuas suavdawg tuaj nwg tog, los nwg kuj raug luas muab tua tuag lawm hab, tes cov tuabneeg kws tuaj nwg tog txawm tswv ua dog ua dig lawm. 38 Tub muaj le ntawm, kuv txha thov has tsua mej tas, mej ca le tso cov tubkhai nuav moog, tsw xob ua le caag tsua puab. Tej num kws puab ua ntawm, yog tuabneeg kuas puab ua xwb tes yeej yuav pluj moog. 39 Kuas yog Vaajtswv kuas puab ua tes mej yuav kov tsw yeej puab le, yog mej tiv puab, tsaam tes yog mej tiv Vaajtswv. 40 Kama 1i has le hov taag tes cov num tswv puav leej noog nwg lug. Puab txawm hu cov tubkhai lug, mas muab cov tubkhai nplawm hab txwv tsw kheev cov tubkhai qha has txug Yexu lub npe tsua leejtwg le, tes puab txawm tso cov tubkhai moog. 4 Cov tubkhai txawm tawm ntawm cov num tswv xub ndag moog. Cov tubkhai zoo sab kawg le tsua qhov kws Vaajtswv pum zoo ca puab cov kws qha Yexu zaaj raug kev txaaj muag. 42 Puab naj nub moog qha txuj xuv zoo has txug Yexu kws yog tug Cawmseej huv lub tuam tsev thov Vaajtswv hab huv puab tej tsev tsua suavdawg noog.
Tsaa xyaa leej ua num
1 Dhau hov ntawm pheej muaj tuabneeg lug ua Yexu cov thwjtim coob zuj quas zug. Mas muaj ib zag cov Yutai kws has lug Ki1i hab cov kws has lug Heplais ua tsw sws hum. Cov kws has lug Kili ywg ywg has tas, thaus puab naj nub faib nyaj tsua suavdawg puab faib tsw sws npaug, cov puj ntsuag kws has lug Heplais tau ntau dua cov puj ntsuag kws has lug Kili. 2 Tes kaum ob tug tubkhai txawm hu cov thwjtim suavdawg tuaj ua ke mas has tsua puab has tas, tsw tswm nyog peb tso teg num kws qha Vaajtswv txujlug tseg, es lug ua cov kws saib suavdawg tej nyaj txag. 3 Cov kwvtij, mej ca le xaiv xyaa leej huv mej cov lug, mas peb yuav tsaa puab ua cov kws saib teg num nuav. Xyaa leej hov yuav tsum yog cov kws suavdawg fwm hab muaj Vaajtswv tug Ntsuj Plig kaav puab lub sab hab muaj tswvyim ua tau tej num nuav. 4 Mas peb txha muaj swmhawm thov Vaajtswv hab moog qha Vaajtswv txujlug. 5 Suavdawg pum zoo ua lawv le cov tubkhai has, tes puab txawm xaiv Xatefanau kws muab tsua sau sab ntseeg hab Vaajtswv tug Ntsuj Plig kaav taag nrho nwg lub sab. Hab puab xaiv Fili, hab Pakhaulau, hab Nikhanau, hab Timau, hab Palamena hab Nikhaula kws nyob peg lub moos Aati-auka, nwg yog lwm tsaav tuabneeg kws lug coj Yutai kevcai. 6 Cov ntseeg txawm coj xyaa leej hov lug tsua cov tubkhai, mas cov tubkhai cev teg npuab puab hab thov Vaajtswv tsaa puab ua Vaajtswv teg num. 7 Tes Vaajtswv txujlug txawm nrov nchaa moog thoob plawg hov txhua hov chaw. Cov thwjtim kws nyob huv lub nroog Yeluxalee pheej muaj coob quas zug hab muaj cov pov thawj ntau leej lug ntseeg.
Puab nteg Xatefanau
8 Vaajtswv foom koob foom moov tsua Xatefanau hab pub fwjchim tsua nwg ua tej txujci luj hab tseem ceeb tsua suavdawg pum. 9 Kuas muaj qee leej tuaj huv lub tsev sablaaj kws suavdawg hu has tas, cov tuabneeg kws nyob kaab nraab lub tsev sablaaj. Puab cov ntawm muaj ib txha yog cov Yutai kws tuaj tom lub moos Khulene hab lub moos Alexaatala tuaj. Puab hab cov Yutai kws tuaj peg Kilika tebchaws hab Axia tebchaws tuaj txawm lug nrug Xatefanau sws caav. 10 Kuas puab caav tsw yeej Xatefanau tsua qhov Vaajtswv tug Ntsuj Plig pub tswvyim tsua Xatefanau has. 11 Puab txawm ndav qee leej kuas daag has tas, peb nov tug quasyawg nuav thuaj Mauxe hab thuaj Vaajtswv. 12 Puab txhob txwm ua le hov kuas cov pejxeem, hab cov kev txwj quas laug hab cov xwbfwb qha Vaajtswv kevcai suavdawg ntxhuv. Puab txawm sau nthwv lug nteg kag Xatefanau coj moog cuag puab cov thawj. 13 Puab txawm coj ob peb tug lug ua tim khawv daag has tas, tug txwv neej nuav naj nub thuaj peb lub tuam tsev thov Vaajtswv kws zoo kawg nkaus hab thauj Mauxe kevcai. 14 Peb nov nwg has tas, tug Yexu kws yog tuabneeg Naxale yuav muab lub tuam tsev nuav rhuav hab nwg yuav hloov tej kevcai kws thau u Mauxe pub tsua peb. 15 Mas cov tuabneeg kws nyob huv lub tsev sablaaj hov suavdawg saib quas ntsoov Xatefanau, mas pum nwg lub ntsej muag ci ib yaam le ib tug tubkhai sau ntuj lub.
Xatefanau qha txug txheej thau
1 Tug tuam pov thawj hlub nug Xatefanau has tas, koj tau has le puab has tag los. 2 Xatefanau teb has tas, cov kwvtij hab mej cov kws ua hlub, mej ca le noog kuv has. Thaus Aplahaa tseem nyob huv Mexauphauthami tebchaws kws nwg tseem tsw tau tswv moog nyob peg lub moos Halaa, mas Vaajtswv kws muaj fwjchim ci ntsaa quas ab tau tshwm lug tsua peb yawm koob Aplahaa pum. 3 Vaajtswv has tsua Aplahaa has tas, koj ca le tso koj kwv koj tij tseg es tawm huv koj lub tebchaws moog, kuv yuav qha ib lub tebchaws tsua koj nyob. 4 Aplahaa txawm tawm huv Kheta tebchaws moog nyob peg lub moos Halaa. Thaus Aplahaa txwv tuag lawm Vaajtswv txawm kuas Aplahaa tswv lug nyob lub tebchaws kws nwgnuav mej nyob nuav. 5 Thaus ntawm Vaajtswv tseem tsw tau pub ib nyuas thaaj aav daav le lub xwbteg tsua Aplahaa. Kuas Vaajtswv cog lug tseg has tas, Vaajtswv yuav muab lub tebchaws ntawm tsua Aplahaa hab Aplahaa tej xeeb ntxwv ua puab tug moog le. Thaus Vaajtswv cog lug tseg hov Aplahaa tseem tsw tau muaj mivnyuas. 6 Vaajtswv has tsua Aplahaa has tas, koj cov xeeb ntxwv yuav moog nrug lwm tsaav tuabneeg nyob, hab yuav ua puab qhev hab yuav raug kev tswm txom plaub puas xyoo. 7 Kuas kuv yuav rau txem tsua cov tuabneeg kws tswm txom koj cov xeeb ntxwv. Dhau hov ntawm puab yuav tawm huv lub tebchaws hov lug pe kuv ntawm nuav. 8 Vaajtswv qha txuj kevcai txav tsua Aplahaa. Txuj kevcai ntawm yog qha has tas, Vaajtswv cog lug tseg tsua Vaajtswv tsaav tuabneeg. Thaus yug Yiha tau yim nub lawm Aplahaa txawm muab Yiha ua kevcai txav. Yiha muab Yakhauj ua kevcai txav hab Yakhauj muab nwg kaum ob tug tub ua kevcai txav. Kaum ob tug tub ntawm yog Yutai cov yawm koob. 9 Cov yawm koob ntawm ntxub Yauxej heev, puab txawm muab Yauxej muag moog ua qhev huv lyi tebchaws. Kuas Vaajtswv nrug Yauxej nyob. 10 Hab Vaajtswv paab Yauxej dim Yauxej tej kev txom nyem. Thaus Yauxej moog nyob ntawm Falau xub ndag, mas Vaajtswv pub tswvyim tsua Yauxej ua tau hum Falau sab. Falau yog tug vaaj ntxwv kws kaav lyi tebchaws, mas Falau muab Yauxej tsaa ua tug saib Falau lub tebchaws hab saib taag nrho Falau teg num. 11 Tom qaab ntawm muaj kev tshaib plaab thoob plhawv lyi tebchaws hab Khana-aa tebchaws, suavdawg txom nyem kawg le. Peb puj koob yawm koob nrhav tsw tau noj, 12 mas Yakhauj nov has tas, lyi tebchaws muaj mov, tes nwg txawm khaiv peb cov yawm koob moog nraag lyi tebchaws, zag hov yog thawj zag kws puab moog nraag. 13 Thaus puab rov moog zag ob Yauxej txha qha tsua nwg cov tijlaug paub has tas, nwg yog puab tug kwv, hab nwg qha nwg tsev tuabneeg tsua Falau paub. 14 Yauxej txawm khaiv tuabneeg moog tog Yakhauj kws yog Yauxej txwv hab Yakhauj tsev tuabneeg huvsw moog nyob nraag lyi tebchaws. Yakhauj tsev tuabneeg muaj xyaa caum tswb leeg. 15 Yakhauj txawm moog nyob nraag lyi tebchaws. Yakhauj hab peb cov yawm koob puav leej tuag taag tsua nraag. 16 Cov tub ki txawm muab puab kwv rov lug log tsua lub toj ntxaa kws nyob huv lub moos Xekhe. Lub toj ntxaa ntawm yog lub kws yaav thau u Aplahaa muab nyaj yuav ntawm Hamau cov tub lug. 17 Thaus yuav txug lub swmhawm kws Vaajtswv ua lawv le Vaajtswv tau cog lug tseg tsua Aplahaa mas peb tsaav tuabneeg kws nyob huv lyi tebchaws fuam vaam heev. 18 Mas muaj dua ib tug vaaj ntxwv sawv kaav lyi tebchaws. Tug vaaj ntxwv ntawm tsw paub Yauxej tej num, 19 tes vaaj ntxwv txawm ua phem tsua peb tsaav tuabneeg hab tswm txom peb puj koob yawm koob hab tsw kheev puab tu puab tej mivnyuas, hab yuam kuas puab muab puab tej mivnyuas pov tseg huvsw. 20 Lub swmhawm hov kuj yug Mauxe hab, Mauxe yog ib tug nyuas tub zoo nraug heev. Nwg nam nwg txwv tu nwg huv tsev tau peb lub hlis. 21 Thaus ob tug nqaa Mauxe moog tso tseg tsua nraag ntug dej, Falau tug ntxhais txawm muab coj moog tu ua nwg le tub. 22 Mauxe kawm paub cov lyi tej kev txawj kev ntse huvsw. Mauxe yog ib tug txawj ntse heev, nwg ua yaam twg los ua tau huvsw. 23 Thaus Mauxe noob nyoog muaj plaub caug xyoo nwg txawm moog saib nwg cov kwvtij Yixayee. 24 Nwg pum ib tug lyi tswm txom ib tug Yixayee, tes nwg txawm ncaaj nraim moog muab tug lyi tua pov tseg. Nwg tua le hov yog nwg pauj qhov kws tug lyi tswm txom tug Yixayee. 25 Mauxe xaav has tas, nyab nwg tsaav tuabneeg yuav paub has tas, Vaajtswv xaiv nwg lug paab puab, kuas puab tsw paub. 26 Nub tom qaab nwg pum ob tug tuabneeg Yixayee saamswm sws ntaus, nwg txawm moog cheem ob tug has tas, meb tub yog kwvtij ua caag meb tseem yuav sws ntaus ua daabtsw. 27 Kuas tug kws ua txhum txawm muab Mauxe thawb pis ntag, hab has tsua Mauxe has tas, leejtwg tsaa koj ua tug saib hab txav txem tsua peb. 28 Koj yuav muab kuv tua ib yaam le naag mo koj tua tug lyi hab los. 23 Thaus Mauxe nov dheev le hov nwg txawm tso vaaj tse tseg tswv huv lyi tebchaws moog nyob tsua Mitaya tebchaws, nwg txawm yuav quaspuj hov, mas nwg muaj ob tug tub.
Mauxe nov Vaajtswv lub suab
30 Thaus dhau plaub caug xyoo lawm, Mauxe pum Vaajtswv ib tug tubkhai sau ntuj nyob huv tsob ntoo kws muaj nplaim tawg cig tom tebchaws moj saab qhua. Qhov chaw ntawm nyob ze ze lub roob Xinai. 31 Thaus Mauxe pum le hov Mauxe xaav tsw thoob le, nwg txawm txaav moog saib ze ze, mas nwg nov Vaajtswv lub suab has tsua nwg has tas, 32 kuv yog koj puj koob yawm koob tug Vaajtswv, hab yog Aplahaa, Yiha hab Yakhauj tug Vaajtswv. Mauxe nov le ntawm Mauxe ntshai kawg nkaus, Mauxe tsaa tsw taug qhov muag saib le. 33 Kuas Vaajtswv has tsua nwg has tas, koj ca le hle koj nkawm khau, vem qhov chaw kws koj sawv ntawm kos yog qhov chaw kws zoo kawg nkaus. 34 Kuv tub pum kuv tsaav tuabneeg raug kev txom nyem nraag lyi tebchaws, hab kuv tub nov puab lub suab quaj suab nyav lawm, kuv txha lug paab kuas puab dim tej kev txom nyem ntawm. Koj ca le lug ntawm nuav kuv yuav khaiv koj moog nraag lyi tebchaws. 35 Tug Mauxe hov tub yog tug kws cov Yixayee tsw leeg yuav hab puab nug nwg has tas, leejtwg tsaa koj ua tug saib hab txav txem tsua peb. Vaajtswv kuas tug tubkhai sau ntuj kws Mauxe pum huv tsob ntoo qha tsua Mauxe paub tas, Vaajtswv tsaa Mauxe ua tug saib hab ua tug paab kuas puab dim. 36 Thaus Mauxe coj cov Yixayee tawm huv lyi tebchaws moog, nwg tau ua tej txujci luj hab tseem ceeb tsua huv lyi tebchaws hab nraag ntug hav txwv Lab, hab ua tsua plaub caug xyoo kws puab nyob tom tebchaws moj saab qhua. 37 Mauxe yog tug kws has tsua cov Yixayee has tas, Vaajtswv yuav tsaa ib tug huv mej cov lug ua xwbfwb cev Vaajtswv lug ib yaam le nwg tau tsaa kuv ua lawm. 38 Mauxe yog tug kws nrug cov tuabneeg Yixayee nyob tom tebchaws moj saab qhua, hab nrug peb puj koob yawm koob hab tug tubkhai sau ntuj kws has tsua nwg peg lub roob Xinai nyob ua ke tom. Vaajtswv muab txujlug kws yuav nyob moog ib txhws le tsua nwg coj lug qha peb. 39 Kuas peb puj koob yawm koob tsw noog nwg lug. Puab muab nwg thawb tsua ib caag hab puab naj nub xaav rov moog nyob nraag lyi tebchaws. 40 Puab txawm has tsua -Aloo has tas, koj ca le puab ib tug txoov daab coj peb kev moog, tsua qhov peb tsw paub sov Mauxe kws coj peb tawm huv lyi tebchaws lug nwg ua le caag lawm. 41 Tes thaus hov puab txawm nchuav ib tug txoov daab nyuj, mas suavdawg coj tsaj tuaj tua xyeem tsua nam daab ntawm, hab puab fwm tej kws puab txhais teg ua kawg le. 42 Vem le hov Vaajtswv txha fee plhu ntawm puab moog lawm, nwg ca puab pe cov nub qub kws nyob sau nruab ntug lawv le tej lug kws cov xwbfwb cev Vaajtswv lug tau sau tseg has tas, Cov tuabneeg Yixayee, plaub caug xyoo kws mej nyob tom tebchaws moj saab qhua mas tej tsaj kws mej coj tuaj tua hov, tsw yog mej tua pub tsua kuv. 43 Mej moog kwv txoov daab Maule lub tsev ntaub hab coj tug txoov daab Lefa lub nub qub. Tej ntawm yog tej kws mej txhais teg ua lug pe. Vem mej ua le ntawm kuv yuav ntab mej tswv kuas dhau lub nroog Papiloo moog hab. 44 Thaus peb puj koob yawm koob nyob tom tebchaws moj saab qhua puab ua tsev ntaub tsua suavdawg moog thov Vaajtswv. Puab ua le ntawm kuas suavdawg paub has tas, Vaajtswv nrug puab nyob. Puab ua lawv le Vaajtswv qha tsua Mauxe lawm has tas, thaus koj ua tsev ntaub koj yuav tsum ua lawv le tug yaam ntxwv kws kuv tau ua tsua koj pum lawm. 45 Tom qaab ntawm peb puj koob yawm koob kwv lub tsev ntaub kws puab puj koob yawm koob muab tsua puab nrug Yauxua moog txeeb tau lwm tsaav tuabneeg lub tebchaws. Puab moog txeeb tau le ntawm tub yog Vaajtswv ntab cov tuabneeg ntawm tawm, Vaajtswv yuav ca peb puj koob yawm koob moog nyob. Mas lub tsev ntaub hov nyob huv lub tebchaws ntawm lug txug lub swmhawm kws Tavi ua vaaj ntxwv. 46 Tavi ua hum Vaajtswv sab, Tavi txha le thov Vaajtswv ca Tav ua ib lub tsev tsua Yakhauj tug Vaajtswv nyob. 47 Kuas thaus kawg yog vaaj ntxwv --Xalaumoo ua lub tsev ntawm. 48 Kuas Vaajtswv kws muaj fwjchim luj kawg nkaus yeej tsw nyob huv tej tsev kws tuabneeg txhais teg ua. Lawv le tug xwbfwb cev Vaajtswv lug tau qha tseg has tas, 49 Vaajtswv has tas, lub ntuj yog kuv lub zwm txwv, lub nplajteb yog kuv lub rooj tag taw. Mej yuav ua lub tsev luaj le caag tsua kuv nyob, hab yuav ua kuv lub chaw su tsua hov twg. 50 Tsw yog kuv txhais teg tswm ib puas tsaav yaam nuav huvsw los. 51 Cov nam tuabneeg tawv ncauj kws sab phem, mej naj zag taav Vaajtswv tug Ntsuj Plig ib yaam le mej tej puj koob yawm koob tau ua lug lawm. 52 Yeej tsw muaj ib tug xwbfwb cev Vaajtswv lug kws mej puj koob yawm koob yuav tsw tau tswm txom le. Puab tua cov xwbfwb cev Vaajtswv lug kws xub qha ua ntej has tas, Vaajtswv tug tub qhe kws ncaaj nceeg yuav lug. Nwg yog tug kws nwgnuav mej muab tsua cov num tswv hab muab tua pov tseg ntaag. 53 Txawm yog cov tubkhai sau ntuj muab Vaajtswv txuj kevcai tsua mej los mej tseem tsw kaam ua lawv le hab.
Puab ntaus Xatefanau tuag
54 Thaus Yutai cov thawj nov Xatefanau has le hov puab chim heev kawg, puab zawm nav quas zog tsua Xatefanau. 55 Kuas Vaajtswv tug Ntsuj Plig kaav taag nrho Xatefanau lub sab mas nwg tsw ntshai, nwg tsaa muag saib sau ntuj, nwg pum Vaajtswv tug fwjchim ci ntsaa quas ab hab pum Yexu sawv ntawm Vaajtswv saab xws. 5b Xatefanau has tsua puab has tas, mej swm saib sau saib, kuv pum rooj ntug qheb hab pum Tuabneeg Leej Tub sawv ntawm Vaajtswv saab xws. 57 Thaus puab nov Xatefanau has le ntawm puab txawm qw nrov nrov hab muab teg ntsaws qhov ntsej hab dha nrov ntwg moog muab Xatefanau. 58 Puab muab Xatefanau thawb tawm huv lub nroog moog mas xuas pob zeb ntaus nwg. Cov tim khawv kws kom nwg txawm hle tsho tso tsua ntawm ib tug hluas kwtaw. Tug hluas hov npe hu ua Xolau. 59 Puab sws paab xuas pob zeb ntaus Xatefanau. Xatefanau thov Vaajtswv has tas, tug tswv Yexu thov koj coj kuv tug ntsuj Plig moog nrug koj nyob. 60 Xatefanau txhus caug ndua has nrov nrov has tas, Vaajtswv, thov koj zaam txem tsua puab. Thaus nwg has le hov taag nwg txawm tu sav nrho lawm.
1 Qhov kws puab tua Xatefanau ntawm Xolau kuj pum zoo hab.
Xolau tswm txom cov ntseeg
Txwj nub ntawm lug cov ntseeg kws nyob huv lub nroog Yeluxalee raug kev tswm txom heev. Cov ntseeg suavdawg tswv moog nyob txhua nrho txhua lub zog huv Yutai tebchaws hab Xamali tebchaws, tshuav cov tubkhai nyob xwb. 2 Cov tuabneeg kws fwm Vaajtswv muaj qee leej tuaj muab Xatefanau lub cev kwv moog log. Puab quaj quaj hab hlub Xatefanau kawg le. 3 Lub swmhawm hov Xolau naj nub tswm txom cov ntseeg, nwg moog txhua nrho huv cov ntseeg tej tsev. Nwg nteg cov ntseeg tsw has quaspuj quasyawg huvsw coj moog kaw tsua huv tsev loj faaj.
Qha txuj xuv zoo huv Xamali tebchaws
4 Cov ntseeg kws tawg tswv moog nyob txhua qhov ntawm kuj moog qha txuj xuv zoo tsua txhua qhov huvsw. 5 Fili txawm moog peg ib lub moos kws nyob huv Xamali tebchaws. Nwg qha has txug tug kws Vaajtswv xaiv lug ua tug Cawmseej tsua cov tuabneeg ntawm noog. 6 Thaus suavdawg nov Fili qha hab pum tej txujci tseem ceeb kws Fili ua, puab nyam noog tej kws nwg qha kawg le. 7 Cov tuabneeg raug daab ntau leej tuaj cuag Fili, Fili ntab daab tawm. Thaus daab yuav tawm moog daab qw nrov nrov tes daab txawm tawm plawg lawm. Hab Fili khu tej tuabneeg tuag teg tuag taw hab tej tuabneeg ceg tawv txhua tug zoo huvsw. 8 Cov tuabneeg kws nyob huv lub moos hov suavdawg zoo sab kawg le. 9 Muaj ib tug quasyawg npe hu ua Ximoo nyob huv lub moos ntawm tau ntev lug lawm. Nwg yog ib tug kws txawj ua khawv koob yeeg swv, nwg pheej ua tsua cov tuabneeg Xamali xaav tsw thoob le. Nwg khaav has tas, nwg yog ib tug tuabneeg tseem ceeb. 10 Cov tuabneeg kws nyob huv lub moos ntawm tsw has tug hlub tug yau suavdawg puav leej fwm nwg, hab puab has tas, tug quasyawg nuav muaj Vaajtswv tug fwjchim kws hu ua, tug fwjchim luj kawg nkaus. 11 Puab noog nwg lug tsua qhov puab tub qaug nwg phuas cawv ntev lug lawm. 12 Kuas thaus suavdawg nov txuj xuv zoo kws Fili qha has tas, Vaajtswv yuav lug kaav tuabneeg lub sab hab qha txug Yexu Kheto, tes puab txawm lug ntseeg Yexu hab ua kevcai raus dej, tsw has quaspuj quasyawg huvsw. 13 Tes Ximoo txawm lug ntseeg hab. Thaus nwg ua kevcai raus dej taag lawm nwg pheej nrug Fili ua ke. Thaus nwg pum tej txujci luj hab tseem ceeb kws Fili ua, nwg xaav tsw thoob le. 14 Thaus cov tubkhai kws nyob huv lub nroog Yeluxalee nov has tas, cov tuabneeg Xamali lug ntseeg Vaajtswv txujlug lawm, cov tubkhai txawm khaiv Pestus hab Yauhaa moog saib puab. 15 Thaus ob tug moog txug ob tug thov Vaajtswv pub Vaajtswv tug Ntsuj Plig tsua cov ntseeg ntawm. 16 Tsua qhov Vaajtswv tug Ntsuj Plig tseem tsw tau lug nrug puab cov ntawm nyob, tsuas yog Fili tuav Yexu lub npe muab puab ua kevcai raus dej lawm xwb. 17 Pestus hab Yauhaa ob tug tsaa teg npuab puab, tes Vaajtswv tug Ntsuj Plig txawm lug nyob huv puab txhua tug lub sab. 18 Thaus ob tug tubkhai tsaa teg npuab cov tuabneeg ntawm, mas Ximoo pum has tas, puab txhua tug puav leej tau Vaajtswv tug Ntsuj Plig, tes Ximoo txawm rhu nyaj tsua Pestus hab Yauhaa ob tug. 19 Ximoo has tsua ob tug has tas, thov meb faib tug fwjchim nuav tsua kuv hab, es thaus kuv tsaa teg npuab leejtwg tes tug ntawm txha tau Vaajtswv tug Ntsuj Plig. 20 Kuas Pestus teb Ximoo has tas, koj hab koj cov nyaj yuav tuab txhwj poob moog tsua huv ntuj tawg kub, tsua qhov koj xaav has tas, koj muab nyaj yuav tau tug fwjchim kws Vaajtswv pub. 21 Koj yuav tsw tau lug nrug peb koom ua teg num nuav le, tsua qhov Vaajtswv paub has tas, koj lub sab tsw ncaaj. 22 Koj ca le muab tej kev phem kws koj xaav kos tso plhuav tseg, hab thov Vaajtswv zaam tej kev txhum kws koj lub sab xaav phem ntawm huvsw. 23 Kuv paub tas, koj yog ib tug nam tuabneeg sab phem hab koj tej kev phem tub khi koj lawm, koj yuav nti tsw dim le. 24 Ximoo txawm has tsua Pestus hab Yauhaa has tas, thov meb thov Vaajtswv paab kuv, kuas kuv tsw xob raug tej kws meb has nuav ib qho le. 25 Thaus Pestus hab Yauhaa ob tug qha tej kws ob tug pum hab paub, hab qha txuj xuv zoo tsua suavdawg noog taag lawm, ob tug txawm rov moog nraag lub nroog Yeluxalee. Thaus ob tug saamswm rov moog ob tug qha txuj xuv zoo tsua ntau lub zog kws nyob huv "Xamali tebchaws.
Fili hab tug num kws yog tuabneeg Aithi-aupa
26 Vaajtswv ib tug tubkhai sau ntuj lug has tsua Fili has tas, koj ca le sawv tseeg moog lawm nraag qaab tebchaws. Koj moog txais txujkev kws tuaj tom lub nroog Yeluxalee tuaj moog lawm nraag lub moos Kaxa, es taug txujkev hov moog. Txujkev ntawm tsw muaj tuabneeg moog lawm. 27 Tes Fili txawm moog. Thaus Fili saamswm taug kev moog nwg pum ib tug txwv neej kws yog tuabneeg Aithi-aupa, tug hov yog ib tug nraug saam. Nwg yog tug num luj kws saib Kha-take lub txhaab nyaj. Khatake yog tug quaspuj kws ua vaaj ntxwv kaav Aithi-aupa tebchaws. Tug num hov moog pe Vaajtswv peg lub nroog Yeluxalee lug. 28 Thaus nwg saamswm caij tsheb neeg taug kev rov moog tsev, nwg nyeem phoo ntawv kws xwbfwb Yaxaya kws cev Vaajtswv lug sau ca. 29 Vaajtswv tug Ntsuj Plig has tsua Fili has tas, koj ca le lawv kuas cuag lub tsheb ntawm. 30 Fili txawm dha taj quas lag moog, nwg nov tug num hov saamswm nyeem Yaxaya phoo ntawv. Fili txawm nug has tas, zaaj kws koj nyeem kos koj nkaag sab los tsw nkaag. 31 Tug num teb has tas, tub tsw muaj leejtwg txhais lub ntsab tsua kuv, ais kuv yuav ua le caag nkaag sab. Tug num txawm kuas Fili nee moog nrug nwg caij tsheb. 32 Zaaj kws tug num hov saamswm nyeem yog has le nuav, Puab caab nwg moog ib yaam le caab tug yaaj moog tua. Nwg zoo ib yaam le tug yaaj kws nyob tuab ywv tsua tuabneeg txav plaub. Nwg tsw has ib lus le. 33 Puab ua saib tsw taug nwg hab txav txem tsw ncaaj tsua nwg. Tsw muaj leejtwg yuav paub has txug nwg cov xeeb ntxwv tsua qhov nwg tub tsw muaj sa nyob huv nplajteb nuav lawm. 34 Tug num has tsua Fili has tas, thov koj qha zaaj nuav tsua kuv saib. Tug xwbfwb cev Vaajtswv lug has le nuav es yog has txug leejtwg, nwg has txug nwg lossws nwg has txug lwm tug. 35 Fili txawm qha txuj xuv zoo kws has txug Yexu tsua tug num hov noog. Nwg chiv qha zaaj kws tug num hov saamswm nyeem. 36 Thaus ob tug saamswm caij tsheb neeg taug kev moog, ob tug moog txug ib qhov chaw kws muaj dej. Tug num txawm has tsua Fili has tas, tub muaj dej nyob ntawm ne, kuv ua kevcai raus dej nwgnuav tau tsw tau, muaj daabtsw khuam cheem los tsw muaj. 37 (Fili has tsua tug num hov has tas, yog koj muaj sab ntseeg tag tag, kuv muab koj ua kevcai raus dej ntawm nuav kuj tau. Tug num teb has tas, kuv ntseeg has tas, Yexu Kheto yog Vaajtswv tug tub.) 38 Tug num txawm kuas lub tsheb nreg, tes ob tug txawm nqeg tsua huv dej, mas Fili muab tug num ua kevcai raus dej. 39 Thaus ob tug tawm huv dej lug, tes taamswm hov Vaajtswv tug Ntsuj Plig txawm coj Fili moog dua lwm qhov. Tug num ntawm tsw pum Fili lawm, tes tug num ca le caij tsheb moog tsev, nwg zoo sab kawg le. kO Muaj tuabneeg pum Fili peg lub moos Axathau. Fili qha txuj xuv zoo thoob plawg tej zej zog kws nyob huv lub tebchaws ntawm moog txug peg lub moos Xixaleya.
Xolau ntxeev sab tshab
1 Thaus ntawm Xolau tseem ua nruj ua tswv yuav tua cov ntseeg Yexu pov tseg. Xolau thov ntawv ntawm tug tuam pov thawj hlub 2 coj moog tsua cov Yutai kws saib tej tsev sablaaj peg lub nroog Tamexe, mas nwg yuav nteg cov kws ntseeg Yexu, tsw has quaspuj quasyawg huvsw caab moog nraag Yeluxalee. 3 Thaus Xolau saamswm moog yuav txug lub nroog Tamexe, ua cav txawm muaj duab tshaav ntuj ci nplaag sau ntuj tuaj laum nkaus nwg. h Nwg txawm qaug ntawg tsua huv peg teb, mas nwg nov ib lub suab has tsua nwg tas, Xolau, Xolau, ua caag koj tswm txom kuv. 5 Xolau nug has tas, tug tswv, koj yog leejtwg. Lub suab ntawm teb has tas, kuv yog Yexu kws koj tswm txom ntaag. 6 Koj ca le sawv moog lawm tom moos, yuav muaj tuabneeg qha tsua koj paub has tas, koj yuav tsum ua daabtsw. 7 Cov txwv neej kws nrug Xolau moog hov, txhua tug yoob taag huvsw, puab nov lub suab ntawm kuas puab saib tsw pum leejtwg. 8 Xolau txawm sawv tseeg hab rua muag hlo kuas nwg ob lub qhov muag tsw pum kev lawm. Cov tuabneeg kws nrug nwg ua ke txawm tuav nwg teg coj nwg moog tom lub nroog Tamexe. 9 Nwg tsw pum kev tau peb nub, mas peb nub hov nwg tsw noj mov tsw haus dej le. 10 Huv lub nroog Tamexe hov muaj ib tug thwjtim npe hu ua Ananiya. Nwg ua yug quas toog pum Vaajtswv lug hu nwg has tas, Ananiya. Ananiya teb has tas, tug tswv kuv nyob ntawm nuav. 11 Vaajtswv has tsua Ananiya tas, koj ca le sawv tseeg moog lawm tom txujkev kws suavdawg hu ua txujkev Ncaaj, es moog huv Yuta tsev. Koj moog nrhav tug Xolau kws yog tuabneeg Thalaxau huv Yuta tsev. Nwgnuav Xolau saamswm thov Vaajtswv. 12 Hab Xolau kuj ua yug quas toog pum ib tug txwv neej npe hu ua Ananiya lug huv tsev mas tsaa teg npuab Xolau kuas Xolau rov pum kev le qub. 13 Ananiya teb has tas, tug tswv, muaj ntau leej qha tsua kuv has tas, tug hov ua phem heev kawg nkaus tsua cov ntseeg kws nyob huv lub nroog Yeluxalee. 14 Cov pov thawj hlub muab fwjchim tsua nwg nteg txhua tug kws ntseeg koj. Nwgnuav nwg txha tuaj txug huv lub nroog Tamexe nuav. 15 Kuas Vaajtswv has tsua Ananiya has tas, koj ca le moog, tsua qhov kuv tub xaiv nwg lug ua kuv teg num lawm. Nwg yuav moog qha kuv tsua lwm tsaav tuabneeg, hab qha tsua cov vaaj ntxwv hab tsua cov tuabneeg Yixayee. 16 Kuv yuav qha nwg paub has tas, nwg yuav raug kev tswm txom kawg le vem nwg yog tug kws ntseeg kuv. 17 Ananiya txawm moog tom Yuta tsev, nwg moog huv mas tsaa teg npuab Xolau, nwg has tsua Xolau has tas, nyuas kwv Xolau, Yexu khaiv kuv tuaj paab kuas koj rov pum kev le qub, hab kuas koj muaj Vaajtswv tug Ntsuj Plig lug kaav koj lub sab. Tug kws khaiv kuv tuaj tub yog tug Yexu kws thaus koj tuaj koj pum tom kev. 18 Tes taamswm hov poob nroog ib yaam zoo le khum ntseg ntawm Xolau ob lub qhov muag lug, tes nwg txawm rov pum kev le qub lawm. Nwg sawv tseeg lug, mas Ananiya muab nwg ua kevcai raus dej. 19 Thaus nwg noj mov taag, nwg txawm rov muaj zug.
Xolau qha huv lub nroog Tamexe
20 Xolau nrug cov ntseeg huv lub nroog Tamexe nyob tau ob peb nub, mas nwg moog pav txug Yexu tsua tom tej tsev sablaaj. Nwg qha has tas, Yexu yog Vaajtswv tug tub. 21 Txhua tug kws nov nwg qha xaav tsw thoob le. Puab sws nug has tas, sub tug txwv neej nuav tsw yog tug kws tswm txom cov ntseeg nraag lub nroog Yeluxalee. Nwg tuaj ntawm nuav tub yog nwg tuaj nteg cov ntseeg coj rov moog tsua cov pov thawj hlub nraag los sas. 22 Kuas Xolau tej lug qha yimfuab nrov nchaa zuj quas zug. Tej kws nwg qha ua tsua suavdawg paub tseeb has tas, Yexu yog tug Cawmseej, tes cov Yutai kws nyob huv lub nroog Tamexe txawm tsw muaj lug teb nwg le lawm. 23 Dhau tsw ntev hov cov Yutai txawm sablaaj has tas, puab yuav muab Xolau tua pov tseg. 24 Kuas tub muaj tuabneeg qha tsua Xolau paub lawm. Cov Yutai naj nub naj mo zuv tej rooj loog tog nteg Xolau coj moog tua pov tseg. 25 Mas muaj ib mos thaus ib taag mo Xolau cov thwjtim muab ib lub tawb npoob luj luj lug tsua Xolau nyob huv, tes puab txawm muab hlua khi lub tawb tso dauv tsua saab loog nrau.
Xolau moog nraag lub nroog Yeluxalee
26 Thaus Xolau tswv moog txug nraag lub nroog Yeluxalee, nwg txawm moog cuag cov thwjtim. Nwg xaav nrug puab koom ua ib paab kuas puab ntshai nwg, puab tsw ntseeg has tas nwg yog ib tug thwjtim tag. 27 Kuas Npananpa coj Xolau moog cuag cov tubkhai. Npananpa qha tej kws Xolau pum hab tau ua lawm tsua puab noog. Nwg qha has tas, thaus Xolau saamswm taug kev moog ,peg lub nroog Tamexe, Xolau tub pum tug tswv Yexu hab Yexu tub nrug Xolau thaam lawm. Hab Npananpa qha dua tsua puab has tas, thaus Xolau nyob peg lub nroog Tamexe Xolau muaj sab tuab qha txug Yexu tsw ntshai leejtwg le. 28 Tes Xolau txawm nrug cov ntseeg koom ua tuab yaam num huv lub nroog Yeluxalee. Xolau muaj sab tuab qha txug Yexu tsua hov u hov nua huv lub nroog nwg tsw ntshai leejtwg le. 29 Xolau pheej nrug cov Yutai kws has lug Kili sws thaam hab sws caam, mas puab cov hov pheej nrhav swmhawm yuav muab Xolau tua pov tseg. 30 Thaus cov ntseeg nov le ntawm, puab txawm coj Xolau moog peg lub moos Xixaleya hab xaa nwg moog peg lub moos Thaiaxau. 31 Lub swmhawm ntawm cov ntseeg kws nyob thoob plhawv huv Yutai tebchaws, hab Kalilai tebchaws hab Xamali tebchaws suavdawg tsw muaj kev ntxhuv sab tau ib nyuas ntu. Vaajtswv tug Ntsuj Plig txhawb cov ntseeg tug zug ua tsua cov ntseeg muab tsua sau sab ntseeg heev hab pheej muaj tuabneeg lug ntseeg coob quas zug.
Pestus khu Aine-a
32 Pestus moog txhua nrho hov txhua hov chaw. Muaj ib zag nwg moog saib cov ntseeg kws nyob peg lub moos Luta. 33 Thaus nwg nyob huv lub moos ntawm nwg pum ib tug txwv neej npe hu ua Aine-a. Aine-a tuag teg tuag taw sawv tsw taug moog hov twg le, nwg tub pw tau yim xyoo lug lawm. 34 Pestus has tsua Aine-a has tas, Aine-a, Yexu Kheto tub khu koj tug mob zoo lawm. Koj ca le sawv yaws koj lub chaw pw. Tes taamswm hov Aine-a txawm sawv tseeg. 35 Cov tuabneeg kws nyob huv lub moos Luta hab nyob lub tebchaws Xalau suavdawg pum Aine-a zoo lawm, puab txawm lug ntseeg Yexu.
Taulakha rov muaj txujsa
36 Muaj ib tug quaspuj npe hu ua Thanpitha nyob huv lub moos Yaupe. Nwg yog ib tug kws ntseeg Yexu. Nwg lub npe Kili hu ua Taulakha, txhais has tas muas lwj. Nwg naj nub ua zoo hab paab cov tuabneeg txom nyem. 37 Thaus Pestus tseem nyob nraag lub moos Luta, Taulakha mob heev tes txawm tuag lawm. Thaus puab muab nwg lub cev ntxuav taag puab txawm nqaa nwg moog tso ca tsua ib chaa tsev txheej sau. 38 Lub moos Yaupe nyob ze ze lub moos Luta. Thaus cov ntseeg nov has tas, Pestus nyob nraag lub moos Luta puab txawm khaiv ob tug txwv neej moog hu Pestus. Ob tug has tsua Pestus has tas, koj ca le nrug ib moog taamswm nuav. 39 Pestus txawm sawv tseeg nrug ob tug moog. Thaus nwg moog txug, ob tug txawm coj nwg nee moog tsua txheej sau kws tso Taulakha. Cov puj ntsuag txawm lug sawv vej Pestus. Puab quaj zum quas zawg hab puab kuas Pestus saib tej tsho kws thaus Taulakha nyob Taulakha xaws pub tsua puab naav. 40 Tes Pestus kuas suavdawg tawm moog saab nrau. Thaus puab tawm taag lawm, Pestus txawm txhus caug thov Vaajtswv. Thaus nwg thov taag nwg tig lug has tsua tug tuag has tas, Thanpitha, koj ca le sawv. Thanpitha txawm rua muag hlo, nwg pum Pestus nwg sawv tseeg nyob quas tsawg. 41 Pestus txawm cev hlo teg moog nqug nwg sawv quas ntsug. Pestus txawm hu cov ntseeg hab cov puj ntsuag lug saib, Taulakha tub caj lawm. 42 Tej nuav nrov nchaa quas lug moog thoob plawg txhua qhov huv lub moos Yaupe, tes txawm muaj tuabneeg coob coob lug ntseeg Yexu. 43 Pestus nyob huv lub moos Yaupe tau ntau nub, nwg su huv Ximoo tsev. Ximoo yog ib tug kws luam tawv lug xaws hov txhua chaw.
Pestus hab Khaulena
1 Muaj ib tug thawj rog Loo kws kaav ib puas tug npe hu ua Khaulena, nwg nyob huv lub moos Xixaleya. Nwg yog tug saib paab tub rog kws hu ua I tali paab. 2 Nwg yog ib tug coj Vaajtswv kevcai nruj. Nwg hab nwg tsev tuabneeg suavdawg puav leej fwm Vaajtswv. Nwg pheej paab cov tuabneeg Yutai kws txom txom nyem hab nwg naj nub thov Vaajtswv tsw tseg le. 3 Muaj ib nub thaus nub qaij nwg ua yug quas toog pum Vaajtswv ib tug tubkhai lug huv nwg chaav tsev hab hu nwg has tas, Khaulena. 4 Khaulena saib dheev tug tubkhai ntawm, nwg ntshai kawg le, nwg txawm nug tug tubkhai has tas, koj xaav yuav daabtsw. Tug tubkhai teb has tas, Vaajtswv tub nov koj tej lug thov hab pum tej kws koj pub tsua cov tuabneeg txom nyem lawm. 5 Koj ca le khaiv tuabneeg moog hu Ximoo kws muaj dua npe hu ua Pestus nraag lub moos Yaupe kuas tuaj ntawm nuav. 6 Pestus nyob huv Ximoo tug kws luam tawv tsev. Lub tsev ntawm nyob ntawm ntug hav txwv. 7 Thaus Vaajtswv tug tubkhai moog lawm, tes Khaulena txawm hu ob tug tub qhe hab ib tug tub rog lug ntawm nwg. Tug tub rog ntawm yog tug kws coj Vaajtswv kevcai nruj, hab yog cov kws naj nub ua num tsua tug thawj rog ib tug. 8 Tug thawj rog txawm qha tej kws nwg pum huvsw tsua peb tug hov noog. Tes nwg txawm khaiv puab moog nraag lub moos Yaupe. 9 Nub tom qaab thaus puab peb tug hov saamswm moog yuav txug lub moos Yaupe, Pestus txawm nee moog thov Vaajtswv sau -ruv tsev, thaus hov kwvlaam taav su. 10 Pestus tshaib plaab nwg xaav noj mov. Thaus tsev tuabneeg saamswm ua su noj, 11 Pestus txawm ua yug quas toog pum rooj ntug qheb mas pum ib yaam zoo le ib daim ntaub daav daav muaj hlua khi plaub ceg kaum tso hlauv sau ntuj lug tsua huv nplajteb. 12 Pestus pum muaj ib puas tsaav yaam tsaj nyob huv daim ntaub ntawm tsw has tsaj nyeg tsaj qus, nyuas naab nyuas qaav nyuas naag nyuas noog los puav leej muaj txhwj nyob huv. 13 Tes txawm muaj ib lub suab has tsua Pestus has tas, Pestus, koj ca le sawv muab tua noj. 14 Kuas Pestus has tas, tsw tau tug tswv, kuv yeej ib txwm tsw noj tej kws kevcai txwv tsw kheev kuas noj. 15 Lub suab ntawm txawm rov has dua tsua nwg has tas, tej kws Vaajtswv has tas, huv lawm, koj tsw xob has tas, tsw huv. 16 Muaj le ntawm txug peb zag, tes daim ntaub ntawm txawm rov dua sau ntuj lawm. 17 Thaus Pestus tseem xaav tsw thoob tsua tej kws nwg pum ntawm tes peb tug txwv neej kws Khaulena khaiv tuaj txawm tuaj nrhav tau Ximoo lub tsev. Puab tuaj sawv nrau qhov rooj. 18 Puab hu has tas, Ximoo Pestus nyob huv mej tsev los tsw nyob. 19 Thaus Pestus tseem pheej xaav zaaj kws nwg pum ntawm tes Vaajtswv tug Ntsuj Plig txawm has tsua Pestus has tas, koj saib, muaj peb tug txwv neej tuaj nrhav koj. 20 Koj ca le sawv tseeg nqeg lawm txheej huv, es nrug puab moog, tsw xob xaav le caag, tub yog kuv khaiv puab tuaj hu koj. 21 Pestus txawm nqeg tsua huv mas nwg has tsua peb tug txwv neej ntawm has tas, tug kws mej nrhav tub yog kuv ntaag, mej tuaj nrhav kuv ua daabtsw. 22 Puab teb has tas, tug thawj rog Khaulena khaiv peb tuaj. Nwg yog ib tug tuabneeg ncaaj nceeg kws coj Vaajtswv kevcai nruj hab cov Yutai suavdawg puav leej fwm nwg. Vaajtswv ib tug tubkhai sau ntuj lug has tsua nwg has tas, kuas nwg hu koj moog saib nwg, mas nwg txha tau nov tej kws koj qha. 23 Tes Pestus txawm hu peb tug hov lug nrug Pestus pw ib mos huv lub tsev ntawm. Nub tom qaab Pestus txawm nrug puab moog, cov ntseeg kws nyob huv lub moos Yaupe muaj qee leej kuj nrug puab moog hab. 24 Tau ib nub tom qaab Pestus txha moog txug lub moos Xixaleya. Khaulena tub hu tej kwvtij neej tsaa hab tej kwvtij kwv npawg suavdawg tuaj nyob huv tsev tog Pestus lawm. 25 Thaus Pestus moog yuav txug ntawm Khaulena tsev, Khaulena txawm tawm tuaj tog Pestus mas txhus caug ndua ntawm Pestus kwtaw pe Pestus. 2d Kuas Pestus ntsab nkaus Khaulena kuas sawv, hab has tas, ca le sawv, kuv yog tuabneeg ib yaam le koj hab xwb. 27 Pestus hab Khaulena sws thaam sws thaam moog huv tsev. Pestus pum muaj tuabneeg coob coob tuaj nyob ua ke tog. 28 Tes nwg txawm has tsua cov tuabneeg ntawm has tas, mej tub paub lawm has tas, Yutai kevcai yeej ib txwm tsw kheev cov Yutai nrug lwm tsaav tuabneeg ua kwvtij kwvluag, txawm yog moog saib xwb los yeej tsw tau le. Kuas Vaajtswv qha tsua kuv paub tseeb has tas, kuv tsw xob hu leejtwg has tas, nam tuabneeg tsw huv. 29 Yog le hov mas thaus koj khaiv tuabneeg tuaj hu kuv, kuv txha tsw yig le, kuv ca le tuaj xwb. Kuv xaav paub saib koj hu kuv tuaj ua daabtsw. 30 Khaulena has tas, tau plaub nub tsua nub nua lawm tuab lub swmhawm kws nub qaij nuav, kuv saamswm thov Vaajtswv huv kuv tsev. Ua cav kuv txawm pum ib tug txwv neej naav rwg tsho ci ntsaa quas ab lug sawv ntawm kuv xub ndag. 31 Mas has tsua kuv has tas, Khaulena, Vaajtswv tub nov koj tej lug thov, hab nwg pum tej kws koj muab pub tsua cov tuabneeg txom nyem lawm. 32 Koj ca le khaiv tuabneeg moog hu Ximoo Pestus nraag lub moos Yaupe tuaj. Nwg su huv Ximoo tug kws luam tawv lub tsev. Lub tsev ntawm nyob ntawm ntug hav txwv. 33 Tes kuv txawm khaiv tuabneeg tuaj hu koj. Koj txha tuaj ntshai taab kaum koj. Nwgnuav Vaajtswv nrug peb nyob ntawm nuav, peb saamswm tog saib Vaajtswv kuas koj qha le caag tsua peb.
Pestus qha huv Khaulena tsev
34 Pestus txawm chiv qha tsua puab has tas, nwgnuav kuv paub tseeb has tas Vaajtswv tsw xaiv leejtwg ntsej muag. 35 Txawm yog tsaav tuabneeg twg los xwj, txhua tug kws fwm Vaajtswv hab ua hum Vaajtswv sab, mas Vaajtswv yuav huvsw. 36 Mej tub paub lawm has tas, Vaajtswv tau qha nwg txujlug tsua cov tuabneeg suavdawg. Txujlug ntawm yog txuj xuv zoo kws has tas, tug kws ntseeg Yexu Kheto kws yog suavdawg tug tswv, mas yuav tau zoo nyob kaaj sab quas lug. 37 Mej tub paub tej kws chiv muaj huv Kalilai tebchaws hab nrov nchaa moog thoob plhawv Yutai tebchaws lawm. Thaus Yauhaa qha has tas, suavdawg yuav tsum ua kevcai raus dej taag lawm, tes txawm muaj tej nuav. 38 Hab mej paub tej kws has txug Yexu kws yog tuabneeg Naxale tas, Vaajtswv pub Vaajtswv tug Ntsuj Plig hab pub fwjchim tsua Yexu Yexu moog thoob plhawv hov txhua hov chaw, nwg ua num zoo, hab cov tuabneeg kws raug daab Yexu ntab daab tawm huvsw. Yexu ua tau le hov tub yog Vaajtswv nrug nraim nwg nyob. 39 Peb tub pum txhua yaam kws Yexu ua huv cov Yutai tej zej zog hab huv lub nroog Yeluxalee, peb txha ua tau tim khawv has tas, yeej muaj le ntawm tag. Nwg paab le ntawm los tseem muaj tuab neeg coj nwg moog teem tsua sau ntoo khaublig tua pov tseg, 40 kuas peb nub Vaajtswv tau tsaa nwg sawv huv qhov tuag rov lug, mas tub muaj ib cov tuabneeg pum nwg. 41 Tsw yog suavdawg pum, tsuas yog peb cov kws Vaajtswv tub xub xaiv ca ua tim khawv lawm pum xwb. Thaus Vaajtswv tsaa nwg sawv huv qhov tuag rov lug lawm, peb cov kws ua tim khawv peb tau nrug nwg noj nwg haus ua ke. 42 Hab nwg kuas peb moog qha txuj xuv zoo tsua suavdawg noog, hab ua tim khawv has tas, nwg yog tug kws Vaajtswv tsaa lug ua tug txav txem tsua cov tuabneeg caj hab cov tuabneeg tuag. 43 Cov xwbfwb cev Vaajtswv lug txhua tug puav leej has tas, Vaajtswv yuav zaam txem tsua txhua tug kws ntseeg Yexu kws muaj fwjchim.
Vaajtswv pub Ntsuj Plig tsua lwm tsaav tuabneeg
44 Thaus Pestus tseem saamswm qha, tes Vaajtswv tug Ntsuj Plig txawm lug tsua huv txhua tug kws noog hov lub sab. 45 Thaus cov tuabneeg kws nrug Pestus tuaj nraag lub moos Yaupe tuaj, pum tas, Vaajtswv pub Vaajtswv tug Ntsuj Plig tsua lwm tsaav tuabneeg lawm hab, mas puab xaav tsw thoob le. Cov tuabneeg kws nrug Pestus tuaj hov yog cov Yutai kws ntseeg. 46 Puab xaav tsw thoob tsua qhov puab nov cov tuabneeg ntawm has lug txawv txawv hab nov puab qhuas Vaajtswv hab ua Vaajtswv tsaug. Pestus txawm has tas, 47 Vaajtswv tub pub Vaajtswv tug Ntsuj Plig tsua cov tuabneeg nuav ib yaam le Vaajtswv tau pub tsua peb lawm. Leejtwg tseem tsw pum zoo muab cov tuabneeg nuav ua kevcai raus dej hab. 48 Pestus kuas puab tuav Yexu Kheto lub npe ua kevcai raus dej. Tes cov tuabneeg hov txawm thov Pestus nrug puab nyob ob peb nub.
Pestus qha nwg teg num tsua cov ntseeg huv Yeluxalee
1 Cov tubkhai hab cov ntseeg kws nyob txhua qhov huv Yutai tebchaws suavdawg kuj nov has tas, lwm tsaav tuabneeg lug ntseeg Vaajtswv txujlug lawm hab. 2 Pestus rov qaab moog txug nraag lub nroog Yeluxalee. Tes cov Yutai kws ib txwm has tas, lwm tsaav tuabneeg yuav tsum xub ua kevcai txav txha lug nrug tau peb ua ib paab, txawm thuaj Pestus has tas, 3 ua caag koj laam moog saib cov nam tuabneeg kws tsw tau ua kevcai txav, hab moog nrug puab noj mov ua ke. 4 Pestus txawm qha txhua yaam kws nwg pum lawm txwj thaus hauv paug lug tsua puab noog, has tas, 5 Thaus kuv nyob peg lub moos Yaupe kuv saamswm thov Vaajtswv, tes kuv txawm ua yug quas toog pum ib yaam zoo le ib daim ntaub daav daav muaj hlua khi plaub ceg kaum tso hlauv sau ntuj lug tsua ntawm kuv xub ndag. 6 Kuv ua tuab zoo saib, mas pum muaj ib puas tsaav yaam tsaj nyob huv, tsw has tsaj nyeg tsaj qus, nyuas naab nyuas qaav, nyuas naag nyuas noog los puav leej muaj txhwj nyob huv. 7 Tes kuv txawm nov ib lub suab has tsua kuv has tas, Pestus, koj ca le sawv muab tua noj. 8 Kuas kuv has tas, tsw tau tug tswv, kuv yeej ib txwm tsw noj tej kws kevcai txwv tsw kheev noj. 9 Lub suab ntawm txawm rov qaab has dua tsua kuv has tas, tej kws Vaajtswv has tas, huv lawm, koj tsw xob has tas, tsw huv. 10 Muaj le ntawm txug peb zag, tes daim ntaub ntawm txawm rov dua sau ntuj lawm. 11 Tes taamswm ntawm peb tug txwv neej kws tuaj peg lub moos Xixaleya tuaj, txawm tuaj txug lub tsev kws kuv su. 12 Mas Vaajtswv tug Ntsuj Plig qha tsua kuv has tas, koj ca le nrug puab moog tsw xob xaav le caag. Rau tug kwvtij kws nrug kuv nyob nuav kuj nrug kuv moog peg lub moos Xixaleya hab, peb suavdawg moog txug huv tug txwv neej kws hu peb moog lub tsev. 13 Mas nwg qha has tas, nwg pum ib tug tubkhai sau ntuj lug huv nwg tsev hab has tsua nwg tas, koj ca le khaiv tuabneeg moog nraag lub moos Yaupe moog hu ib tug npe hu ua Ximoo Pestus tuaj. 14 Nwg yuav qha tej lug kws yuav paab koj hab koj tsev tuabneeg kuas mej dim mej lub txem. 15 Thaus kuv chiv qha tes Vaajtswv txawm pub Vaajtswv tug Ntsuj Plig tsua puab ib yaam le thaus Vaajtswv pub tsua peb. 16 Tes thaus hov kuv txawm ncu dheev txug tej lug kws tug tswv Yexu tau qha has tas, Yauhaa muab mej ua kevcai raus dej kuas Vaajtswv yuav pub Vaajtswv tug Ntsuj Plig tsua mej. 17 Vaajtswv tub pub Vaajtswv tug Ntsuj Plig tsua puab cov ntawm ib yaam le thaus peb lug ntseeg tug tswv Yexu Kheto es Vaajtswv pub tsua peb. Vaajtswv pub tsua puab lawm tag, kuv yuav txwv Vaajtswv los yeej tsw tau le. 18 Thaus puab nov le ntawm puab tsw thuaj Pestus lawm. Puab txawm ua Vaajtswv tsaug has tas, nwgnuav Vaajtswv tub qheb kev tsua lwm tsaav tuabneeg lug ntseeg, sub puab txha tso puab tej kev txhum tseg, puab txha tau txujsa.
Cov ntseeg kws nyob huv lub moos Aati-auka
19 Thaus puab tua Xatefanau lawm, cov ntseeg raug kev tswm txom heev, tes cov ntseeg txawm tswv moog nyob tsua txhua qhov lawm. Muaj ib txha tswv tsua peg tebchaws Fonike, muaj ib txha tswv tsua tim lub miv tebchaws Xaipa huv hav txwv, hab muaj ib txha tswv tsua peg lub moos Aati-auka. Mas puab qha txuj xuv zoo tsua txhua qhov, kuas puab tsuas qha tsua cov Yutai xwb. 20 Kuas cov ntseeg kws tswv ntawm, muaj qee leej yog cov tuabneeg kws nyob Xaipa, muaj qee leej yog cov kws nyob lub moos Khulene, mas puab tswv moog txug peg lub moos Aati-auka mas qha txuj xuv zoo kws has txug tug tswv Yexu tsua lwm tsaav tuabneeg noog hab. 21 Vaajtswv pub fwjchim tsua puab qha txha muaj tuabneeg coob coob ntseeg Yexu. 22 Thaus cov ntseeg kws nyob nraag lub nroog Yeluxalee nov le nuav puab txawm khaiv Npananpa moog peg lub moos Aati-auka. 23 Thaus Npananpa moog txug peg nwg pum tas, Vaajtswv tau foom koob foom moov tsua cov tuabneeg kws nyob peg. Nwg zoo sab kawg le hab nwg txhawb puab tug zug kuas puab muab tsua sau sab ntseeg tsw xob tso Vaajtswv tseg. 24 Npananpa yog ib tug tuabneeg ncaaj tuabneeg zoo, mas Vaajtswv tug Ntsuj Plig kaav taag nrho nwg lub sab hab nwg muab tsua sau sab ntseeg. Cov tuabneeg kws nyob huv lub moos hov muaj ntau leej lug ntseeg Yexu. 25 Dhau hov ntawm Npananpa txawm moog nrhav Xolau tom lub moos Thalaxau. 26 Thaus nwg nrhav tau Xolau lawm, nwg txawm coj Xolau lug nrug nwg nyob huv lub moos Aati-auka. Ob tug nrug cov ntseeg ntawm nyob tau ib xyoos, hab ob tug naj nub qha cov kws ntseeg coob coob hov. Cov tuabneeg kws nyob huv lub moos Aati-auka yog cov kws xub tis npe tsua cov ntseeg hu ua Yexu Kheto cov thwjtim. 27 Lub swmhawm hov cov xwbfwb cev Vaajtswv lug, muaj qee leej tuaj nraag lub nroog Yeluxalee tuaj txug peg lub moos Aati-auka. 28 Cov xwbfwb kws tuaj hov muaj ib tug npe hu ua Akha-npau. Vaajtswv tug Ntsuj Plig txawm kuas Akha-npau sawv quas ntsug qha has txug tej kws yuav muaj tshwm lug tom hauv ntej. Nwg has tas, yuav muaj kev tshaib kev nqhes heev thoob plawg nplajteb. Tes lub swmhawm kws Khalauta ua fuabtais txawm muaj kev tshaib plaab tag. 29 Cov thwjtim suavdawg pum zoo has tas, ib leeg muab mivntswv nyaj lawv le suavdawg muaj xaa moog paab cov kwvtij ntseeg kws nyob nraag Yutai tebchaws. 30 Puab txawm ua le ntawm, puab muab cov nyaj hov tsua Npananpa hab <:Xolau coj moog tsua cov kev txwj quas laug kws saib cov ntseeg nraag lub nroog Ye luxalee.
Cov ntseeg raug kev tswm txom heev ntxwv
1 Lub swmhawm ntawm vaaj ntxwv Helauj muab cov ntseeg qee leej coj moog tswm txom. 2 Nwg muab Yauhaa tug tijlaug Yakaupau tsua cov tub rog coj moog txav cej daab. 3 Thaus nwg pum tas, tej kws nwg ua ntawm hum cov Yutai sab, tes nwg txawm kuas nteg Pestus coj moog kaw tsua huv tsev loj faaj. Thaus hov suavdawg saamswm ua kevcai noj ncuav tsw xyaw keeb. 4 Thaus puab nteg Pestus lawm puab txawm coj Pestus moog kaw tsua huv tsev loj faaj, hab kuas plaub paab tub rog zuv Pestus. Ib paab muaj plaub leeg. Helauj yeej xaav has tas, thaus ua kevcai hlaa dhau taag, tes nwg yuav muab Pestus coj lug tua taab meeg cov pejxeem. 5 Thaus Pestus tseem raug kaw tom tsev loj faaj cov ntseeg swv swv zug thov Vaajtswv paab Pestus.
Pestus dim huv tsev loj faaj
6 Thaus yuav txug nub kws Helauj coj Pestus lug tsua cov pejxeem, mas mo hov thaus tsw tau kaaj ntug Pestus tseem tsaug zug, muaj ob tug tub rog zuv Pestus. Ib tug nyob ib saab zuv. Muaj ob txug saw hlau khi Pestus hab tseem muaj tub rog zuv saab qhov rooj nrau hab. 7 Vaajtswv ib tug tubkhai sau ntuj tshwm lug sawv ntawm Pestus ib saab hab muaj duab ci lug tsua huv chaav tsev kws Pestus nyob. Tug tubkhai hov txawm tuav nkaus Pestus xub pwg daj kuas Pestus tswm, mas has tsua Pestus has tas, koj ca le sawv, tes taamswm hov txuj saw hlau kws khi Pestus txhais teg txawm nplaam plawg lawm. 8 Tug tubkhai has tsua Pestus has tas, koj ca le sa hlaab khov kho hab rau khau. Pestus txawm ua le ntawm. Tug tubkhai rov has tsua Pestus has tas, koj ca le muab koj lub tsho ntev naav es nrug kuv moog. 9 Pestus txawm lawv tug tubkhai qaab tawm moog saab nrau. Pestus tsw paub sov yog ua npau suav los yog tag. Nwg xaav has tas, ntshai yog ua npau suav xwb. 10 Tug tubkhai hab Pestus moog dhau thawj paab tub rog hab moog dhau paab ob, ob tug le maav moog txug ntawm lub qhov rooj hlau, ob tug yuav tawm huv tsev loj faaj moog lawm saab nrau. Thaus ob tug lug txug ntawm lub qhov rooj hlau tes lub qhov rooj txawm qheb hlo tsua ob tug, ob tug txawm tawm moog. Ob tug taug kev moog ib ntswv tes tug tubkhai txawm ncaim Pestus lawm. 11 Thaus hov Pestus feeb meej lawm, Pestus txawm has tas, nwgnuav kuv paub tseeb has tas, Vaajtswv khaiv nwg ib tug tubkhai sau ntuj lug paab kuv dim ntawm Helauj txhais teg, hab dim ntawm tej kev phem kws cov Yutai yuav ua tsua kuv lawm lauj. 12 Thaus Pestus paub tseeb has tas, Pestus dim lawm, Pestus txawm moog tom Maivlag tsev. Maivlag yog Yauhaa Malakau nam. Muaj tuabneeg coob coob nyob ua ke thov Vaajtswv huv Maivlag tsev. 13 Pestus moog khob qhov rooj hab hu, tes muaj ib tug ntxhais npe hu ua Laute lug saib yog leejtwg. h Thaus nwg paub has tas, yog Pestus lub suab, nwg zoo sab kawg le nwg tsw ncu qheb qhov rooj, nwg txawm dha nrawm nroog rov moog qha tsua suavdawg has tas, Pestus sawv nrau qhov rooj. 15 Puab has tsua Laute has tas, ntshai koj vwm lawm pauj. Kuas Laute teb has tas, yog Pestus tag tag huas. Puab txawm has tas, ntshai yog tug tubkhai sau ntuj kws ib txwm nrug Pestus ua ke kab. 16 Pestus tseem nyob nrau khob khob qhov rooj. Thaus puab moog qheb hlo qhov rooj puab pum dheev Pestus puab xaav tsw thoob le. 17 Pestus txawm has kuas suavdawg nyob tuab ywv, tes Pestus ca le qha qhov kws Vaajtswv coj nwg tawm huv tsev loj faaj lug, tsua puab noog. Hab nwg has tsua puab has tas, mej ca le moog qha tej nuav tsua Yakaupau hab cov kwvtij kws ntseeg paub. Pestus has le hov taag tes nwg txawm moog dua lwm qhov lawm. 18 Thaus kaaj ntug cov tub rog kws zuv lub tsev loj faaj tsw pum Pestus lawm, puab poob sab kawg le. 19 Helauj khaiv tuabneeg moog nrhav Pestus, kuas nrhav tsw tau. Helauj txawm hu cov tub rog kws zuv lub tsev loj faaj lug nug saib ua caag Pestus dim lawm. Thaus kawg Helauj txawm muab cov tub rog kws zuv ntawm coj moog tua pov tseg. Tes Helauj txawm tawm huv Yutai tebchaws moog nyob ib ntus peg lub moos Xixaleya.
Helauj tuag
20 Helauj chim tsua cov tuabneeg kws nyob lub moos Tulau hab lub moos Xitoo, tes cov tuabneeg huv ob lub moos hov txawm ua ke tuaj moog cuag Helauj. Puab xub moog nrug tug num kws npe hu ua Npalatau kws saib Helauj lub tsev ntaus phooj ywg, le maav moog cuag Helauj es thov nrug nwg sws raug zoo. Puab ua le hov vem puab cov tuabneeg pheej moog yuav mov huv Helauj lub tebchaws lug noj xwb. 21 Thaus txug nub kws Helauj teem ca kuas puab tuaj cuag nwg Helauj txawm naav cev rwg tsho vaaj ntxwv, nwg nyob sau nwg lub zwm txwv qha cov pejxeem. 22 Cov pejxeem suavdawg txawm has nrov nrov has tas, lub suab nuav yog Vaajtswv le suab tsw yog tuabneeg le suab. 23 Taamswm ntawm Vaajtswv ib tug tubkhai sau ntuj txawm lug rau txem tsua Helauj tsua qhov Helauj tsw fwm Vaajtswv. Tes txawm muaj caab noj Helauj lub nrog cev, tes Helauj txawm tuag lawm. 24 Vaajtswv txujlug pheej nthuav daav quas zug moog tsua hov txhua hov chaw. 25 Thaus Npananpa hab Xolau ua num taeg, ob tug txawm tawm huv lub nroog Yeluxalee moog, ob tug coj Yauhaa Malakau nrug ob tug moog hab.
Vaajtswv hu Npananpa hab Xolau ua num
1 Cov ntseeg kws nyob huv lub moos Aati-auka muaj qee leej yog ua xwbfwb cev Vaajtswv lug muaj qee leej yog xwbfwb qha Vaajtswv txujlug. Cov xwbfwb ntawm ib tug yog Npananpa, ib tug yog Xime-oo kws suavdawg hu has tas, Dub, ib tug yog Luki-au kws yog tuabneeg Khulene, ib tug yog Mana-ee. Mana-ee hab Helauj kws ua tim xyoob nyob ua ke hlub. Hab ib tug yog Xolau. 2 Thaus puab suavaawg saamswm thov Vaajtswv hab ua kevcai yoo mov, Vaajtswv tug Ntsuj Plig txawm has tsua puab has tas, mej ca le tsaa Npananpa hab Xolau ua teg num kws kuv kuas ob tug ua. 3 Thaus puab ua kevcai yoo mov hab thov Vaajtswv taag puab txawm tsaa teg npuab ob tug hab khaiv ob tug moog ua num.
Npananpa hab Xolau moog qha huv Xaipa tebchaws
4 Npananpa hab Xolau, ob tug ua lawv le Vaajtswv tug Ntsuj Plig qha tsua ob tug. Ob tug txawm moog nraag lub moos Xeluka mas caij nkoj tawm ntawm lub moos Xeluka moog tim lub nyuas tebchaws Xaipa kws nyob huv hav txwv. 5 Thaus ob tug moog txug huv lub moos Xalami ob tug txawm moog huv cov Yutai tej tsev sablaaj hab qha Vaajtswv txujlug tsua suavdawg noog. Yauhaa Malakau nrug ob tug moog paab ob tug ua num. 6 Thaus Npananpa puab moog txug tom lub moos Phafau puab ntswb ib tug tuabneeg Yutai npe hu ua Pa la-Yexu. Nwg yog ib tug yawm kws txawj ua khawv koob yeeg swv, kuas nwg daag has tas, nwg yog ib tug xwbfwb cev Vaajtswv lug. 7 Nwg nrug tug num kws kaav lub tebchaws Xaipa hov sws raug zoo hab. Tug num hov kuj ntse hab, nwg npe hu ua Xelaka Polau. Tug num hov xaav noog Vaajtswv txujlug, nwg txawm khaiv tuabneeg moog hu Npananpa hab Xolau lug cuag nwg. 8 Kuas tug kws txawj ua khawv koob yeeg swv ntawm pheej tshaum hab ntxag tug num ntawm kuas tsw xob ntseeg tej kws Npananpa ob tug qha. Tug kws txawj ua khawv koob yeeg swv hov lub npe Kili hu ua Eluma. 9 Xolau kws muaj dua ib lub npe hu ua Povlauj muaj Vaajtswv tug Ntsuj Plig kaav taag nrho nwg lub sab, nwg txawm tsaa muag saib Eluma, 10 mas has tas, Daab Ntxwg Nyoog nam tub, koj yog tug kws tiv ib puas tsaav yaam zoo. Koj lub sab nyam daag ntxag hab ua phem xwb. Koj tseem pheej yuav muab Vaajtswv txujlug kws yog qhov tseeb ntxeev ua lug daag hab los. 11 Nwgnuav Vaajtswv yuav rau txem tsua koj. Koj yuav tsw pum kev moog ib ntus, txawm yog duab tshaav ntuj los koj yeej yuav saib tsw pum. Tes taamswm hov txawm muaj ib yaam zoo le fuab lug plooj nkaus Eluma ob lub qhov muag, nwg tsw pum kev lawm, nwg txawm xuas xuas moog tsua hov nuav hov u nrhav tuabneeg tuav nwg teg coj nwg moog. 12 Thaus tug num pum le ntawm tug num txawm ntseeg hab nwg phemfwj tsua Vaajtswv txujlug kws tau nov hov.
Povlauj puab qha peg Pixita tebchaws
13 Povlauj hab nwg ob tug kwvluag caij nkoj tawm ntawm -lub moos Phafau moog txug tim lub moos Pelakhe huv Phafula tebchaws, tes Yauhaa Malakau ncaim Povlauj ob tug rov qaab moog nraag Yeluxalee lawm. 14 Povlauj ob tug taug kev huv lub moos Pelakhe moog txug lub moos Aati-auka kws nyob peg Pixita tebchaws. Thaus txug nub su ob tug txawm moog noog lug qhuab qha huv lub tsev sablaaj. 15 Thaus cov tuabneeg kws saib lub tsev sablaaj nyeem Mauxe txuj kevcai hab tej lug kws cov xwbfwb cev Vaajtswv lug tau sau ca taag lawm, tes puab txawm kuas ib tug moog has tsua ob tug has tas, ob tug tijlaug, yog meb muaj lug txhawb suavdawg tug zug, mas thov meb ca le qha peb. 16 Povlauj txawm sawv tseeg kuas suavdawg nyob tuab ywv tes Povlauj txawm chiv qha has tas, Cov kwvtij Yixayee, hab mej txhua tug kws fwm Vaajtswv, mej ca le noog kuv qha. 17 Tug Vaajtswv kws kaav cov Yixayee nuav tau xaiv peb puj koob yawm koob lug ua nwg cov tuabneeg. Thaus puab tswv moog nyob nraag lyi tebchaws mas Vaajtswv foom koob foom moov tsua puab, mas puab fuam vaam heev. 18 Mas Vaajtswv tau coj puab tawm huv lyi tebchaws moog. Vaajtswv ua sab ntev tsua puab tau plaub caug xyoo tom tebchaws moj saab qhua. 19 Thaus puab moog txug huv Khana-aa tebchaws Vaajtswv tau ua tsua xyaa yaam tuabneeg kws nyob huv lub tebchaws hov puam tsuaj taag huvsw, hab Vaajtswv muab lub tebchaws ntawm tsua cov Yixayee kaav. 20 Puab kaav lub tebchaws ntawm kwvlaam tau plaub puas tswb caug xyoo. Dhau hov ntawm lug Vaajtswv pheej tsaa kuas muaj ib tug ua thawj kaav cov Yixayee lug txug lub swmhawm kws Xamuyee ua xwbfwb cev Vaajtswv lug. 21 Thaus puab thov Vaajtswv pub ib tug vaaj ntxwv tsua puab Vaajtswv txawm tsaa kag Kim tug tub -vXalu ua vaaj ntxwv kaav puab. Xalu kaav puab tau plaub caug xyoo. Xalu yog xeem "Npeyami 22 Dhau hov ntawm Vaajtswv tsw kheev Xalu ua vaaj ntxwv lawm, Vaajtswv txawm tsaa Tavi ua vaaj ntxwv kaav cov Yixayee. Vaajtswv pum zoo tsaa Tavi tsua qhov Vaajtswv has tas, kuv pum "Yixai tug tub Tavi ua hum kuv sab hab nwg yeej yuav ua lawv le txhua yaam kws kuv kuas nwg ua. 23 Vaajtswv tau tsaa Tavi ib tug xeeb ntxwv lug ua cov Yixayee tug Cawmseej lawv le Vaajtswv tau cog lug tseg lawm. Tug Cawmseej ntawm tub yog Yexu ntaag. 24 Thaus Yexu tseem tsw tau ua nwg teg num Yauhaa qha kuas cov Yixayee tso puab tej kev txhum tseg hab ua kevcai raus dej. 25 Thaus Yauhaa ua Yauhaa teg num yuav tav, Yauhaa has tsua suavdawg has tas, mej xaav has tas, kuv yog leejtwg. Kuv yeej tsw yog tug kws mej saamswm tog. Tug kws yuav lawv kuv qaab lug tseem muaj fwjchim luj dua kuv, kuv tub tsw tswm nyog daws nwg txuj hlua khau ntawm nwg kwtaw. 26 Cov kwvtij kws yog Aplahaa cov xeeb ntxwv, hab mej txhua tug kws fwm Vaajtswv, Vaajtswv tub qha peb cov kws nyob ntawm nuav paub has tas, peb yuav tsum ua le caag peb txha dim peb lub txem. 27 Cov tuabneeg kws nyob huv lub nroog Yeluxalee hab cov num tswv kws kaav puab, suavdawg puav leej tsw paub has tas, nwg yog tug Cawmseej. Txhua nub su puab nyeem tej lug kws cov xwbfwb cev Vaajtswv lug tau sau ca, kuas puab tsw to taub. Qhov kws puab txav txem tsua Yexu tub yog lawv le tej lug kws cov xwbfwb cev Vaajtswv lug tau sau ca lawm. 28 Puab tub nrhav tsw tau txem tsua nwg los puab tseem thov Phi laj muab nwg tua pov tseg. 29 lb puas tsaav yaam kev phem kws puab ua tsua Yexu tub yog lawv le tej lug kws sau ca tsua huv Vaajtswv phoo ntawv. Thaus puab ua le ntawm taag, puab txawm moog txu Yexu lub cev sau ntoo khaublig kwv moog log tsua huv ib lub qhov ntxaa. 30 Kuas Vaajtswv tub tsaa Yexu sawv huv qhov tuag rov lug lawm. 31 Cov tuabneeg kws nrug Yexu moog peg Kalilai tebchaws tsua nraag lub nroog Yeluxalee tub pum Yexu ntau zag. Mas puab txha has tau tsua cov Yixayee has tas, puab tub pum Yexu ntau zag lawm. 32 Qhov kws ib tuaj nuav yog ib xaav kuas mej nov txuj xuv zoo kws Vaajtswv tau cog lug tseg tsua peb puj koob yawm koob has tas, nwg yuav paab peb cov kws yog puab xeeb ntxwv. 33 Qhov kws Vaajtswv tsaa Yexu sawv huv qhov tuag rov lug tub yog Vaajtswv ua lawv le Vaajtswv tau cog lug tseg lawm. Lawv le muaj lug sau ca tsua huv Tavi phoo hu nkauj zaaj ob has tas, Koj yog kuv tug tub, Nub nua kuv ua koj txwv lawm. 34 Vaajtswv tub tsaa Yexu sawv huv qhov tuag rov lug lawm. Yexu lub cev yuav tsw lwj le lawm. Thaus Vaajtswv has txug zaaj nuav Vaajtswv has tas, Lawv le kuv tub cog lug tseg tsua Tavi lawm, Kuv yuav foom koob foom moov ntau kawg le tsua mej, tej koob tej moov hov yuav tsw pluj hlo le. 35 Tseem muaj dua lwm zaaj has tas, Koj yuav tsw ca koj tug tub qhe kws muab sab npuab koj lub cev lwj. 36 Thaus Tavi ua tej num kws Vaajtswv muab tsua nwg ua tav lawm, tes nwg tuag lawm, mas puab muab nwg lub cev coj moog log nrug nwg puj koob yawm koob ua ke, tes nwg lub cev lwj lawm. 37 Kuas tug kws Vaajtswv tsaa sawv huv qhov tuag rov lug, tug hov lub cev tsw lwj le. 38 Cov kwvtij, mej yuav tsum paub tseeb qhov kws peb saamswm qha tsua mej has tas, Yexu yog tug kws zaam mej lub txem. 39 Hab mej yuav tsum paub tseeb has tas, txhua tug kws ntseeg nwg, nwg yuav daws puab tej kev txhum kws khi puab huvsw moog. Tej kev txhum hov Mauxe txuj kevcai yeej daws tsw tau. kO Yog le n.tawm mej yuav tsum ceev faaj, ntshai tsaam mej raug tej kws cov xwbfwb cev Vaajtswv lug tau sau tseg has tas, 40 Mej cov kws thuaj Vaajtswv tej lug mej swm saib saib. Mej yuav xaav tsw thoob hab yuav puam tsuaj moog, tsua qhov lub swmhawm kws mej nyob nuav kuv saamswm ua kuv teg num, txawm yog muaj tuabneeg qha teg num ntawm tsua mej los mej yeej yuav tsw ntseeg le.
Muaj tuabneeg xaav noog Povlauj hab Npananpa qha
42 Thaus Povlauj hab Npananpa saamswm tawm huv tsev sablaaj moog, suavdawg txawm thov has tas, nub su tom qaab meb rov tuaj qha tej nuav tsua peb dua hab. 43 Thaus suavdawg moog tsev taag lawm txawm muaj cov Yutai ntau leej hab lwm tsaav tuabneeg kws coj Yutai kevcai ntau leej lawv Povlauj hab Npananpa qaab moog. Ob tug nrug puab thaam hab txhawb puab tug zug kuas puab muab tsua sau sab ntseeg hab ncu ntsoov Vaajtswv tshaav ntuj. 44 Thaus txug nub su cov tuabneeg kws nyob huv lub moos hov tuaj yuav taag tuaj noog Vaajtswv txujlug. 45 Thaus cov Yutai pum muaj tuabneeg coob coob tuaj noog Povlauj ob tug qha, puab txawm ntxub Povlauj ob tug. Puab thuaj tej lug kws Povlauj qha hab tshev tshev Povlauj. 46 Kuas Povlauj hab Npananpa yimfuab muaj sab tuab qha. Ob tug qha has tas, ib yuav tsum xub qha Vaajtswv txujlug tsua mej ua ntej, kuas mej tsw yuav. Qhov kws mej tsw yuav ntawm ua tsua suavdawg paub tseeb has tas, tsw tswm nyog mej tau txujsa ntev moog ib txhws tsw kawg. Yog le hov ib yuav tso mej tseg, ib yuav moog qha lwm tsaav tuabneeg. 47 Tsua qhov Vaajtswv tau qha le nuav tsua ib has tas, Kuv tsaa koj ua qhov kws ci pum kev tsua lwm tsaav tuabneeg. Koj yuav qha txujkev dim txem tsua txhua qhov thoob plhawv huv qaab ntuj nuav. 48 Thaus lwm tsaav tuabneeg nov Povlauj ob tug has le hov, puab zoo sab kawg hab ua Vaajtswv tsaug vem Vaajtswv tau has le ntawm. Cov tuabneeg kws Vaajtswv xaiv ca lug yuav txujsa ntev moog ib txhws tsw kawg txawm lug ntseeg. 49 Vaajtswv txujlug txawm nrov nchaa quas lug moog thoob plhawv lub tebchaws ntawm. 50 Tes cov Yutai txawm ua tsua cov quaspuj kws coj Vaaj tswv kevcai ntxhuv sab. Cov quaspuj ntawm yog cov kws suavdawg fwm, puab yog lwm tsaav tuabneeg. Hab cov Yutai ua tsua cov num tswv kws kaav lub moos ntawm ntxhuv sab. Puab cov hov txawm tswm txom Povlauj hab Npananpa ob tug hab ntab ob tug tawm huv puab lub tebchaws moog. 51 Ob tug txawm nchus tej moov aav kws lu ob tug kwtaw pov tseg. Ob tug ua le hov qha kuas puab paub tas, ob tug tsw quav ntsej puab lawm. Tes ob tug txawm moog tom lub moos Ikauna. 52 Cov tuabneeg kws nyav chiv lug ntseeg tshab huv lub moos Aati-auka zoo sab kawg le, mas Vaajtswv tug Ntsuj Plig kaav taag nrho puab txhua tug lub sab.
Povlauj hab Npananpa qha huv lub moos Ikauna
1 Thaus Povlauj ob tug nyob huv lub moos Ikauna muaj tuabneeg tswm txom ob tug hab. Povlauj hab Npananpa moog qha Vaajtswv txujlug huv cov Yutai lub tsev sablaaj. Thaus ob tug qha taag lawm muaj tuabneeg coob coob lug ntseeg Cov kws lug ntseeg hov muaj ib txha yog tuabneeg Yutai, ib txha yog lwm tsaav tuabneeg. 2 Tes cov Yutai kws tsw ntseeg txawm ntxag kuas lwm tsaav tuabneeg nrug puab ntxub cov ntseeg Yexu. 3 Povlauj ob tug nyob huv lub moos ntawm ntev. Ob tug muaj sab tuab qha txug Yexu tsw ntshai leejtwg le. Vaajtswv pub fwjchim tsua ob tug ua tej txujci tseem ceeb suavdawg txha paub has tas, Vaajtswv txuj koob txuj moov kws ob tug qha yog tseeb tag. 4 Tes cov tuabneeg kws nyob huv lub moos hov txawm tawg ua ob paab, ib paab tuaj cov Yutai tog, ib paab tuaj Povlauj ob tug tog. 5 Lwm tsaav tuabneeg hab cov Yutai hab cov num tswv txawm tuav huv yuav xuas pob zeb ntaus Povlauj ob tug. 6,7 Thaus ob tug nov le hov ob tug txawm tswv moog qha txuj zuv zoo tsua nraag lub moos Lixatha hab lub moos Telanpe, hab qha huv tej zej zog kws nyob ib ncig ntawm ob lub moos hov. Ob lub moos hov nyob huv Likauna tebchaws.
Povlauj hab Npananpa qha huv lub moos Lixatha hab lub moos Telanpe
8 Nraag lub moos Lixatha muaj ib tug quasyawg tuag ob txhais ceg thaus nruab thab lug. Nwg nyob quas tsawg xwb, nwg yeej moog tsw taug kev le. 9 Nwg ua tuab zoo noog Povlauj qha. Povlauj tsaa muag saib nwg mas pum tas, nwg kev ntseeg txaus paab nwg ob txhais ceg zoo. 10 Tes Povlauj txawm has nrov nrov tsua nwg has tas, koj ca le sawv tseeg. Tes taamswm hov nwg txawm sawv tseeg moog tsua tom u tom nua. 11 Thaus suavdawg pum le hov suavdawg txawm qw puab le lug Likauna nrov nrov has tas, quas tshab sau ntuj txa ua tuabneeg lug cuag peb lawm lauj. 12 Puab txawm muab Npananpa tis npe hu ua *Xu, muab Povlauj tis npe hu ua "He lame, tsua qhov Povlauj yog tug qha. 13 Tug thawj kws teev tug txoov daab Xu kws nyob nraag ntug moos txawm caab txwv nyuj hab coj paaj ntoo tuaj txug ntawm lub rooj vaag kws yuav moog huv moos. Tug hov hab cov pejxeem yuav coj tej ntawm moog xyeem tsua Povlauj ob tug. 14 Thaus Npananpa hab Povlauj nov has tas, puab yuav ua le hov tsua ob tug, ob tug txawm muab ob tug ob lub tsho kws tseem naav quas nreeg dua pes rhe, mas dha moog tsua'huv plawv cov tuabneeg coob coob ntawm. Ob tug has nrov nrov tsua puab has tas, 15 mej ua daabtsw le nuav, ib yog tuabneeg ib yaam le mej xwb. Ib tuaj ntawm nuav yog ib tuaj qha txuj xuv zoo tsua mej, sub mej txha tso tej kws mej ua tsw muaj qaabhau nuav pov tseg es tig lug cuag Vaajtswv kws muaj txujsa, nwg yog tug kws tswm ntuj tswm teb, tswm dej hav txwv hab tswm ib puas tsaav yaam kws nyob huv qaab ntuj nuav, tej kws muaj nyob sau nruab ntug, hab tej kws muaj nyob huv nplajteb nuav, hab tej kws muaj nyob huv dej hav tswv, puav leej yog Vaajtswv tswm huvsw. 16 Yaav taag lug lawm Vaajtswv ca txhua tsaav tuabneeg nyag ua lawv le nyag lub sab nyam. 17 Tej num zoo kws Vaajtswv ib txwm ua lug lawm, yog qhov kws nwg pub kuas muaj tshaav muaj naag, hab pub kuas qoob loos sav lawv caij lawv nyoog, hab pub zaub pub mov tsua mej noj, hab pub kuas mej tau nyob kaaj sab quas lug, tej nuav puav leej qha tsua suavdawg paub tseeb has tas, muaj Vaajtswv tag. 18 Ob tug qha le ntawm tsua puab los puab pheej yuav muab hov txhua chaw xyeem tsua ob tug xwb, ob tug cheem cheem yuav tsw yeej puab tuab tag. 19 Thaus cov Yutai kws nyob huv lub moos Aati-auka kws nyob peg Pixita tebchaws hab huv lub moos Ikauna tuaj txug puab txawm ntxag kuas suavdawg tuaj puab tog. Puab xuas pob zeb ntaus Povlauj hab muab Povlauj hai tawm huv lub moos moog. Puab xaav tas, Povlauj tuag lawm. 20 Kuas thaus cov ntseeg tuaj sawv vej quas vog Povlauj tes Povlauj txawm sawv tseeg rov moog huv moos. Nub tom qaab Povlauj hab Npananpa txawm moog nraag lub moos Telanpe.
Povlauj ob tug rov moog tim Xilia tebchaws
21 Thaus Povlauj hab Npananpa ob tug qha txuj xuv zoo tsua huv lub moos Telanpe, mas muaj ntau leej lug ntseeg. Dhau hov ntawm ob tug txawm rov moog peg lub moos Lixatha, hab lub moos Ikauna hab lub moos Aati-auka kws nyob huv Pixita tebchaws. 22 Ob tug nplig cov ntseeg hab txhawb kuas puab muab tsua sau sab ntseeg tsw xob tso tseg. Ob tug qha puab has tas, thaus peb tseem saamswm taug kev moog huv Vaajtswv lub tebchaws peb yeej yuav raug kev txom nyem ntau yaam. 23 Txhua qhov kws muaj cov ntseeg nyob, Povlauj ob tug txawm moog tsaa ib cov txwv neej ua cov kws saib puab cov ntseeg. Thaus thov Vaajtswv hab ua kevcai yoo mov taag tes Povlauj ob tug txawm muab cov ntseeg tso tsua Vaajtswv kws puab ntseeg lawm saib puab. 24 Dhau hov ntawm ob tug txawm hlaa Pixita tebchaws moog txug nraag Phafula tebchaws. 25 Ob tug qha Vaajtswv txujlug tsua huv lub moo Pelakhe. Thaus ob tug qha taag ob tug moog tsua nraag lub moos Athali. 26 Ob tug txawm cai nkoj tawm ntawm lub moos hov moog tim lub moos Aati-auka. Cov ntseeg kws nyob huv lub moos Aati-auka yog cov kws tsaa ob tug moog qha txuj xuv zoo hab thov Vaajtswv paab ob tug. Teg num kws qha txuj xuv zoo ntawm nwgnuav ob tug tub ua tav lawm. 27 Thaus ob tug rov lug txug huv lub moos Aati-auka ob tug txawm hu cov ntseeg suavdawg tuaj ua ke, mas ob tug qha txhua yaam kws Vaajtswv tau paab ob tug tsua puab hab qha puab pau has tas, Vaajtswv tub qheb kev tsua lwm tsaav tuabneeg lug ntseeg Vaajtswv lawm. 28 Ob tug nrug cov ntseeg ntawm nyob tau hov ntev.
Muaj kev sablaaj huv lub nroog Yeluxalee
1 Thaus Povlauj ob tug tseem nyob huv Aati-auka muaj ob peb tug quasyawg tuaj nraag Yutai tebchaws tuaj txug huv lub moos Aati-auka mas qha cov ntseeg has tas, mej yuav tsum ua kevcai txav lawv le Mauxe qha, mej txha dim mej lub txem. 2 Povlauj hab Npananpa nrug cov yawm hov sws caav qhov nuav heev. Thaus kawg suavdawg txawm pum zoo ca Povlauj hab Npananpa hab cov ntseeg kws nyob huv lub moos Aati-auka qee leej moog nrug cov tubkhai hab cov kev txwj quas laug sablaaj nraag lub nroog Yeluxalee saib puab yuav ua le caag. 3 Cov ntseeg txawm xaa puab moog. Thaus puab saamswm hlaa Fonike tebchaws hab Xamali tebchaws ob tug qha cov ntseeg kws nyob huv ob lub tebchaws hov paub has tas, muaj lwm tsaav tuabneeg lug ntseeg Vaajtswv lawm hab. Thaus cov ntseeg nov le hov cov ntseeg zoo sab kawg le. 4 Thaus Povlauj puab moog txug nraag lub nroog Yeluxalee, cov ntseeg hab cov tubkhai hab cov kev txwj quas laug suavdawg tuaj tog puab. Povlauj ob tug txawm qha tej kws thaus ob tug moog qha txuj xuv zoo tsua lwm tsaav tuabneeg es Vaajtswv tau paab ob tug tsua puab noog. 5 Kuas cov "Falixai kws ntseeg muaj qee leej txawm sawv tseeg qha has tas, yuav tsum muab lwm tsaav tuabneeg kws lug ntseeg hov ua kevcai txav hab kuas puab coj lawv le Mauxe txuj kevcai. 6 Cov tubkhai hab cov kws saib cov ntseeg txawm muab qhov nuav lug sablaaj saib yuav ua le caag. 7 Puab sablaaj ntev tsawv pheej tsw txawj hum, tes Pestus txawm sawv tseeg has tsua puab has tas, cov kwvtij, mej tub paub has tas, thaus chiv thawj peb cov kws nyob ntawm nuav Vaajtswv tau xaiv kuv ua tug qha txuj xuv zoo tsua lwm tsaav tuabneeg kuas puab tau nov hab lug ntseeg. 8 Hab Vaajtswv kws paub suavdawg lub sab, nwg tau pub nwg tug Ntsuj Plig tsua puab ib yaam le nwg tau pub tsua peb lawm. Vaajtswv ua le ntawm kuas suavdawg paub tas, Vaajtswv pum zoo hu lwm tsaav tuabneeg lug ntseeg hab. 9 Vaajtswv suav has tas, lwm tsaav tuabneeg hab peb zoo ib yaam nkaus. Vaajtswv zaam txem tsua puab tub yog vem puab ntseeg Vaajtswv. 10 Yog le ntawm ua caag mej tseem yuav muab lub nraa nyaav tsua cov ntseeg rws. Peb puj koob yawm koob hab peb los yeej rws tsw taug lub nraa ntawm. Mej ua le hov kuj yog mej swm Vaajtswv sab lawm. 11 Mej ua le hov tsw yog lawm. Qhov kws peb dim peb lub txem tub yog vem tug Tswv Yexu hlub peb xwb. Puab cov los kuj ib yaam nkaus le peb hab. 12 Thaus Pestus has le hov taag suavdawg txawm nyob tuab ywv noog Npananpa hab Povlauj qha has txug tej txujci luj hab tseem ceeb kws Vaajtswv tau ua tsua thaus ob tug moog qha lwm tsaav tuabneeg. 13 Thaus ob tug qha taag lawm tes Yakaupau has tas, cov kwvtij, mej ca le noog kuv has. 14 Ximoo nyav qha tsua peb noog has tas, thawj zag kws Vaajtswv lug paab lwm tsaav tuabneeg Vaajtswv tau xaiv ib cov lug ua Vaajtswv tuabneeg. 15 Cov xwbfwb cev Vaajtswv lug tau qha has txug qhov nuav. Lawv le muaj lug sau ca tsua huv Vaajtswv phoo ntawv has tas, 16 Vaajtswv has tas, yaav tom qaab kuv yuav rov lug muab Tavi lub tsev kws qaug lawm ua dua tshab. Txawm yog lub tsev ntawm qaug taag lawm los kuv yuav ua dua tshab. 17 Kuv ua le nuav kuas txhua tsaav tuabneeg kws nyob huv qaab ntuj nuav tau kev lug cuag kuv, tsw has xeem twg le, txhua tug kws kuv xaiv ca lawm puab yeej yuav lug cuag kuv. 18 Tug Vaajtswv kws has le nuav, nwg tub qha zaaj nuav tsua suavdawg paub thau u lug lawm. 19 Hab Yakaupau qha has tas, lawv le kuv xaav mas peb tsw xob kuas lwm tsaav tuabneeg kws saamswm lug ntseeg ua lawv le tej kevcai ntawm. 20 Kuas peb ca le sau ntawv moog qha tsua puab has tas, kuas puab tsw xob noj tej hov txhua chaw kws luas muab xyeem tsua daab lawm, hab tsw xob ua nkauj ua nraug, hab tsw xob noj tej nqaj kws muab hlua zawm cej daab tuag, hab tsw xob noj ntshaav. 21 Tsua qhov thau u lug txhua nub su yeej muaj tuabneeg nyeem Mauxe txuj kevcai huv tej tsev sablaaj hab muaj tuabneeg qha Mauxe tej lug huv txhua lub moos.
Tsaab ntawv kws xaa moog tsua lwm tsaav tuabneeg kws ntseeg Vaajtswv
22 Tes cov tubkhai, hab cov kev txwj quas laug hab cov ntseeg puab suavdawg pum zoo xaiv puab paab qee leej nrug Povlauj hab Npananpa moog peg lub moos Aati-auka. Puab txawm xaiv tau ob leeg nrug Povlauj ob tug moog, ob tug kws puab xaiv ntawm ib tug npe hu ua Yuta kws muaj dua npe hu ua Paxanpa, ib tug npe hu ua Xila, suavdawg puav leej fwm ob tug. 23 Tsaab ntawv kws puab sau tsua ob tug coj has tas, Cov Tubkhai hab cov kev txwj quas laug kws yog mej cov kwvtij sau tsaab ntawv nuav tuaj tsua mej txhua tug ntseeg kws yog lwm tsaav tuabneeg kws nyob huv lub moos Aati-auka, hab Xilia tebchaws hab KI1ika tebchaws. 24 Peb tau nov has tas, peb cov muaj qee leej tuaj ua tsua mej ntxhuv sab. Tej kws puab qha mej ntawm yeej tsw yog peb kuas puab tuaj qha. 25 Nwgnuav peb txha sablaaj pum zoo has tas, ca peb xaiv peb cov ib ob tug nrug Npananpa hab Povlauj kws yog peb ob tug kwvtij kws peb hlub tuaj saib mej. 26 Povlauj ob tug yog ob tug kws muab tsua sau sab ua peb tug tswv Yexu Kheto teg num, ob tug tsw khauv xwm ob tug txujsa. 27 Peb khaiv Yuta hab Xila tuaj qha lawv quas nraim le tej kws peb sau nuav tsua mej. 28 Vaajtswv tug Ntsuj Plig hab peb pum zoo has tas, peb tsw xob muab lub nraa nyaav tsua mej rws, tsuas yog muab tej kws tseem ceeb xwb. 29 Tej ntawm yog le nuav, mej tsw xob noj tej hov txhua chaw kws luas muab xyeem tsua daab lawm, tsw xob noj ntshaav, tsw xob noj tej nqaj kws muab hlua zawm cej daab tuag hab tsw xob ua nkauj ua nraug. Yog mej coj tau tej nuav kuj yog mej ua zoo lawm. Thov Vaajtswv paab kuas mej tau zoo nyob kaaj sab quas lug. 30 Cov ntseeg txawm khaiv ob tug kws puab xaiv tau lawm nrug Povlauj ob tug moog. Thaus puab moog txug peg lub moos Aati-auka puab txawm hu cov ntseeg suavdawg tuaj ua ke mas muab tsaab ntawv hov tsua cov ntseeg nyeem. 31 Thaus cov ntseeg nyeem taag puab suavdawg zoo sab kawg le, vem tsaab ntawv hov txhawb puab tug zug heev. 32 Yuta hab Xila ob tug yog ob tug xwbfwb cev Vaajtswv lug. Ob tug qha ntau zaaj tsua cov ntseeg noog. Tej kws ob tug qha ua tsua cov ntseeg tuaj zug heev. 33 Ob tug nrug cov ntseeg nyob tau ib ntus tes cov ntseeg txawm xaa ob tug rov moog cuag cov kws khaiv ob tug tuaj. (34 Kuas Xila has tas, Xila yuav nrug puab nyob ntawm.) 35 Povlauj hab Npananpa tseem nyob huv lub moos Aati-auka tau ib ntus. Ob tug hab muaj ntau leej sws paab qha Vaajtswv txujlug.
Povlauj hab Npananpa sws ncaim
36 Tsw ntev tom qaab hov Povlauj txawm has tsua Npananpa has tas, ib rov moog saib cov ntseeg huv txhua lub moos kws ib tau moog qha Vaajtswv txujlug tsua puab lawm, saib suavdawg nyob le caag. 37 Npananpa xaav coj Yauhaa Malakau nrug ob tug moog, 38 kuas Povlauj tsw pum zoo coj vem thawj zag thaus puab moog txug tim Phafula tebchaws, nwg ca le tso ob tug tseg tswv lawm, nwg tsw paab ob tug ua num kuas tav. 39 Tes Povlauj hab Npananpa ob tug sws caav heev, tes ob tug nyag txawm ncaim nyag lawm. Npananpa txawm coj Malakau nrug nwg moog, mas ob tug caij nkoj hlaa hav txwv moog tim lub nyuas tebchaws Xaipa huv hav txwv. 40 Povlauj txha xaiv Xila nrug nwg moog. Thaus cov ntseeg thov Vaajtswv paab ob tug taag tes Povlauj txawm sawv kev moog. 41 Nwg moog qha thoob plawg huv Xilia tebchaws hab Kilika tebchaws, tej kws nwg qha ntawm ua tsua cov ntseeg tuaj zug heev.
Timaute nrug Povlauj hab Xila moog qha
1 Povlauj moog txug peg lub moos Telanpe hab lub moos Lixatha. Cov ntseeg kws nyob huv lub moos Lixatha muaj ib tug npe hu ua Timaute. Timaute nam yog ib tug tuabneeg Yutai kws ntseeg Vaajtswv, kuas Timaute txwv yog tuabneeg Kili. 2 Cov ntseeg kws nyob huv lub moos Lixatha hab lub moos Ikauna suavdawg puav leej fwm Timaute. 3 Povlauj xaav coj Timaute nrug nwg moog, Povlauj txawm muab Timaute ua kevcai txav. Povlauj ua le hov vem cov Yutai kws nyob lub tebchaws ntawm puav leej paub has tas, Timaute txwv yog tuabneeg Kili. 4 Povlauj puab moog thoob plhawv txhua lub moos. Puab qha tej kevcai kws cov tubkhai hab cov kev txwj quas laug nraag lub nroog Yeluxalee sau tuaj tsua suavdawg noog hab kuas suavdawg ua lawv le tej kevcai ntawm. 5 Mas cov ntseeg txha muaj zug heev hab naj nub muaj cov lug ntseeg tshab coob quas zug.
Povlauj ua yug quas toog huv lub moos Rhau-a
6 Povlauj puab coj xuv zoo moog qha tsua txhua qhov huv Fa luka tebchaws hab Kalata tebchaws xwb, tsua qhov Vaajtswv tug Ntsuj Plig tsw kheev puab moog qha huv Axia tebchaws. 7 Thaus puab moog txug peg Mixa nrwm teb puab yuav moog huv Npitima tebchaws, kuas Yexu tug Ntsuj Plig tsw kheev puab moog. 8 Puab txawm ca le hlaa dhau plhawv Mixa tebchaws moog nraag lub moos Rhau-a. 9 Mo ntawm Povlauj txawm ua yug quas toog pum ib tug txwv neej Makatauna sawv quas ntsug thov Povlauj has tas, thov koj hlaa tuaj paab peb cov kws nyob tim Makatauna tebchaws nuav. 10 Povlauj ua yug quas toog pum le ntawm, tes taamswm hov peb txawm fwbxwm hov txhua chaw yuav moog tim Makatauna tebchaws, tsua qhov peb paub tseeb has tas, Vaajtswv hu peb moog qha xuv zoo tsua cov tuabneeg kws nyob tim.
Lutiya lug ntseeg Yexu
11 Peb txawm caij nkoj tawm huv lub moos Rhau-a ncaaj nraim moog txug peg lub nyuas tebchaws Xamauthakhe huv hav txwv, mas nub tom qaab peb moog txug peg lub moos Ne-apauli. 12 Peb txawm tawm huv lub moos Ne-apauli moog tsua peg lub moos Filipi. Lub moos Filipi yog ib lub moos kws tseem ceeb huv Makatauna tebchaws, hab cov Loo kws nyob coob huv kuj tsw raug cov num tswv Loo yuam le kws yuam lwm yaam tuabneeg. Peb nyob ntawm tau ob peb nub. 13 Thaus txug nub su peb txawm tawm huv moos moog tom ntug dej. Peb xaav has tas, nyab yuav muaj ib qhov chaw kws cov Yutai moog thov Vaajtswv tom. Thaus peb moog txug peb nyob quas tsawg nrug cov quaspuj kws nyob ntawm thaam. 14 Cov quaspuj hov muaj ib tug hu ua Lutiya, yog tuabneeg Thuathila, nwg tuaj ua luam muag ntaub yimlaaj. Nwg yog ib tug coj Vaajtswv kevcai. Thaus nwg nov Povlauj qha, Vaajtswv qheb nwg lub sab ua tsua nwg to taub tej lug kws Povlauj qha. 15 Tes Lutiya hab Lutiya tsev tuabneeg txawm ua kevcai raus dej. Thaus puab ua kevcai raus dej taag Lutiya has tsua peb has 'tas, yog mej pum tas, kuv ntseeg Vaajtswv tag, tes mej ca le nrug kuv moog su tom kuv tsev. Nwg coj peb heev heev tes peb txawm nrug nwg moog tom nwg tsev.
Povlauj ob tug raug kaw peg lub moos Filipi
16 Muaj ib nub thaus peb saamswm taug kev moog tom qhov chaw kws suavdawg tuaj thov Vaajtswv, peb txawm ntswb ib tug nkauj qhev kws muaj daab leej nkaub kws txawj saib moov. Qhov kws nwg txawj saib moov le hov ua tsua cov tuabneeg kws yuav nwg lug ua qhev tau nyaj ntau heev. 17 Nwg pheej lawv Povlauj peb qaab hab qw nrov nrov has tas, cov txwv neej nuav yog Vaajtswv kws muaj fwjchim luj kawg nkaus cov tubkhai. Puab tuaj qha txujkev dim txem tsua mej. 18 Nwg pheej naj nub ua le hov. Povlauj ntxhuv sab tes Povlauj txawm tig hlo moog has tsua nam daab has tas, kuv hu Yexu kws muaj fwjchim ntab koj, koj ca le tawm plawg huv tug ntxhais nuav lub cev moog. Tes daab txawm tawm plawg tswv lawm. 19 Thaus cov tuabneeg kws yuav tug ntxhais hov lug ua qhev pum tas, puab tsw tau nyaj lawm, mas puab chim heev, puab txawm nteg kag Povlauj hab Xila ob tug hai moog tsua huv plawv moos tsua suavdawg saib. 20 Puab coj Po/lauj ob tug moog cuag cov num tswv Loo mas qha tsua cov num tswv has tas, ob tug txwv neej nuav yog tuabneeg Yutai. Ob tug tuaj ua tsua cov tuabneeg kws nyob huv peb lub moos nuav ntxhuv. 21 Ob tug tuaj qha tej kevcai kws txawv peb txuj. Peb yog tuabneeg Loo peb yeej tsw yuav tej kevcai ntawm hab peb coj tsw tau. 22 Thaus puab has le hov tes cov pejxeem txawm sau nthwv lug yuav ntaus ob tug. Hab cov num tswv txawm lug muab ob tug tej rwg tsho dua pes rhe pov tseg hab has kuas cov tub rog muab ob tug nplawm. 23 Thaus cov tub rog muab ob tug nplawm heev heev taag puab txawm coj ob tug moog kaw tsua huv tsev loj faaj, puab kuas tug kws zuv lub tsev loj faaj zuv ob tug zoo zoo. 2h Thaus puab has le hov taag tug zuv tsev loj faaj txawm muab ob tug kaw tsua chaav huv plawv hab muab ob tug kwtaw cuab ruaj ruaj ca. 25 Thaus kwvlaam ib taag mo Povlauj hab Xila saamswm thov Vaajtswv hab hu nkauj ua Vaajtswv tsaug. Cov tuabneeg kws nrug ob tug nyob ua ke huv tsev loj faaj, suavdawg tseem noog Povlauj ob tug thov Vaajtswv hab hu nkauj. 26 Thaus ob tug tseem hu hu nkauj ua cav aav txawm tseeg quas nkawg ua tsua lub tsev loj faaj ua zug taag nrho. Tes taamswm ntawm lub tsev loj faaj hov tej qhov rooj txawm ca le qheb taag nrho hab tej saw hlau kws khi cov tuabneeg raug txem tej teg taw txawm nplaam taag huvsw. 27 Tug kws zuv lub tsev loj faaj txawm tswm dheev nruab daab ndub lug, ua cav tej qhov rooj tub qheb taag lawm. Thaus nwg pum le hov nwg xaav has tas, ntshai cov tuabneeg raug txem tswv taag lawm lauj. Tes nwg txawm rhu hlo nwg raab ntaaj lug, nwg yuav rov tua nwg. 28 Kuas Povlauj hu nrov nrov has tas, koj tsw xob ua le kos tsua koj. Peb txhua tug puav leej nyob txhwj ntawm nuav. 29 Tug kws zuv tsev loj faaj txawm kuas ib tug coj teeb tuaj tsua nwg. Nwg txawm pis nuag tsua huv moog txhus caug ndua ntawm Povlauj hab Xila kwtaw. Nwg ntshai ua ib ce tshee quas nyo. 30 Nwg coj Povlauj ob tug tawm lug, nwg nug ob tug has tas, ob tug tijlaug, kuv yuav ua le caag kuv txha dim kuv lub txem. 31 Povlauj ob tug teb has tas, koj ca le ntseeg tug tswv Yexu mas koj hab koj tsev tuabneeg txha dim lub txem. 32 Ob tug qha Vaajtswv txujlug tsua tug kws zuv tsev loj faaj hab cov tuabneeg kws nyob huv nwg tsev noog. 33 Mo ntawm nwg coj ob tug moog ntxuav tej qhov kav txhaab kws puab nplawm es to. Thaus ntxuav taag nwg hab nwg tsev tuabneeg txawm ua kevcai raus dej. i\h Thaus puab ua kevcai raus dej taag nwg txawm coj Povlauj hab Xila rov moog peg nwg tsev mas ua mov tsua ob tug noj. Nwg hab nwg ib tse tuabneeg suavdawg zoo sab kawg le yog puab tau ntseeg Vaajtswv lawm. 35 Thaus kaaj ntug cov num tswv Loo khaiv ib cov tub ceev xwm moog has tsua tug zuv tsev loj faaj has tas, ca le tso ob tug ntawm moog. 36 Tug zuv tsev loj faaj txawm has tsua Povlauj has tas, cov num tswv Loo khaiv tuabneeg tuaj has kuas kuv tso meb moog, tes meb ca le moog. 37 Kuas Povlauj has tsua cov tub ceev xwm has tas, puab tsw tau nug saib ib tau ua txhum los tsw tau, puab ca le muab ib nplawm taab meeg suavdawg lawm. Ib tub yog tuabneeg Loo los puab tseem nplawm ib, hab muab ib kaw tsua huv tsev loj faaj nuav. Nwgnuav puab tsua yuav kuas ib ca le tawm tuab ywv moog, yeej tsw tau le. Ca le kuas cov num tswv Loo tuaj tso ib tawm. 38 Tes cov tub ceev xwm txawm rov moog qha tej nuav tsua cov num tswv Loo noog. Thaus cov num tswv nov has tas, Povlauj hab Xila yog tuabneeg Loo, puab ntshai kawg le. 39 Puab txawm tuaj thov Povlauj ob tug zaam txem tsua puab. Thaus puab thov taag puab txawm coj ob tug tawm huv tsev loj faaj, hab thov kuas ob tug tawm huv lub moos moog. 40 Thaus Povlauj hab Xila tawm huv tsev loj faaj lawm ob tug moog tom Lutiya tsev. Muaj cov kwvtij ntseeg tuaj nyob ua ke huv Lutiya tsev, ob tug txawm txhawb kuas suavdawg muab tsua sau sab ntseeg, tes ob tug txawm moog dua lwm qhov lawm.
Povlauj ob tug raug kev tswm txom huv moos Thexalaunike
1 Thaus Povlauj puab hlaa dhau lub moos Afipauli hab lub moos Apaulauni lawm, puab txawm moog txug nraag lub moos Thexalaunike. Cov Yutai muaj ib lub tsev sablaaj nyob huv lub moos ntawm. 2 Povlauj txawm moog qha tom lub tsev sablaaj lawv le nwg pheej txeev moog qha huv tej tsev sablaaj, nwg qha le hov peb zag tsua peb nub su. Nwg muab Vaajtswv phoo ntawv qha teb tej kws puab nrug nwg sws caam. 3 Nwg qha tsua puab has tas, tug Cawmseej kws Vaajtswv khaiv lug yeej yuav tsum tuag hab sawv rov lug. Povlauj has tas, tug Yexu kws kuv saamswm qha tsua mej nuav nwg yog tug kws Vaajtswv khaiv lug ua tug Cawmseej ntaag. 4 Cov tuabneeg kws tuaj noog ntawm muaj qee leej txawm ntseeg tej kws Povlauj hab Xila qha hab muaj cov tuabneeg Kili kws coj Vaajtswv kevcai hab cov num tswv tej quaspuj ntau leej kuj ntseeg tej kws Povlauj ob tug qha hab. 5 Cov Yutai ntxub ob tug, puab txawm moog hu tej tuabneeg tsw tsheej haaj kws nyob tsua hov u hov nua tuaj nrug puab ua ib paab. Puab txawm ua tsua cov pejxeem huv lub moos hov suavdawg ntxhuv, hab moog tsoo Yaxoo lub tsev nkaag moog nrhav Povlauj hab Xi la, puab yuav coj ob tug tawm lug tsua cov pejxeem txav txem. 6 Kuas thaus puab nrhav tsw pum Povlauj ob tug, puab txawm nteg kag Yaxoo hab ob peb tug ntseeg caab moog tsua cov num tswv, puab qw nrov nrov has tas, cov nam tuabneeg nuav yog cov kws ua tsua tej tuabneeg kws nyob txhua qhov suavdawg ntxhuv. Nwgnuav puab tuaj txug huv peb lub moos lawm. 7 Yaxoo tseem ca puab pw huv Yaxoo tsev hab. Tsw yog le hov xwb, puab tseem ua txhum fuabtais kevcai, puab qha has tas, nwgnuav muaj dua ib tug vaaj ntxwv npe hu ua Yexu lug kaav suavdawg lawm. 8 Thaus cov pejxeem hab cov num tswv nov le hov puab chim heev. 9 Cov num tswv txawm muab Yaxoo puab nplua. Thaus puab them nyaj taag cov num tswv txha tso puab moog.
Povlauj puab qha huv lub moos Npelaya
10 Thaus tsaus ntuj cov ntseeg txawm xaa Povlauj hab Xila moog nraag lub moos Npelaya. Thaus ob tug moog txug nraag, ob tug txawm moog tom cov Yutai lub tsev sablaaj. 11 Cov tuabneeg kws nyob hov sab daav mas Povlauj yoojyim qha dua cov kws nyob peg lub moos Thexalaunike. Cov tuabneeg Npelaya muab tsua sau sab noog Vaajtswv txujlug hab naj nub kawm huv Vaajtswv phoo ntawv saib muaj lawv le tej lug kws Povlauj qha los tsw muaj. 12 Cov tuabneeg hov muaj ntau leej lug ntseeg, cov quaspuj Kili kws suavdawg fwm hab cov txwv neej Kili muaj ntau leej lug ntseeg hab. 13 Thaus cov Yutai kws nyob peg lub moos Thexalaunike nov has tas, Povlauj moog qha Vaajtswv txujlug nraag lub moos Npelaya lawm, puab txawm tuaj ua tsua cov pejxeem kws nyob huv lub moos Npelaya suavdawg ntxhuv. 14 Thaus cov ntseeg pum muaj le hov puab txawm xaa Povlauj moog nraag ntug hav txwv. Kuas Xila hab Timaute tsw moog, ob tug ca le nyob huv lub moos Npelaya. 15 Puab xaa Povlauj moog txug nraag lub nroog Athenai. Thaus cov kws xaa Povlauj, rov moog peg Npelaya, Povlauj txawm kuas puab moog paab has tsua Xila hab Timaute kuas ob tug tuaj cuag nwg sai sai.
Povlauj qha huv lub nroog Athenai
16 Thaus Povlauj saamswm tog Xila hab Timaute huv lub nroog Athenai, nwg pum lub nroog hov muaj txoov daab ntau kawg le mas nwg tsw zoo sab le. 17 Nwg moog huv lub tsev sablaaj nrug cov Yutai hab lwm tsaav tuabneeg kws coj Vaajtswv kevcai sws caam hab naj nub nrug cov tuabneeg kws tuaj nyob tom plawv kab sws caam. 18 Thaus Povlauj tseem nrug puab sws caam tes cov xwbfwb kws yog cov "Epikula hab cov -Xatau-i muaj qee leej tuaj nrug Povlauj thaam. Povlauj txawm qha has txug Yexu hab qha has tas, Yexu tub sawv huv qhov tuag rov lug lawm. Puab cov hov muaj qee leej thuaj has tas, tug nam tuabneeg nuav tub tsw paub qaabhau ais nwg qha daabtsw. Muaj qee leej has tas, saib yaam le nwg has txug lwm tsaav tuabneeg tug yawmsaub sub los, 19 tes puab txawm coj Povlauj moog cuag cov tuabneeg ntse kws ua suavdawg lub chaw sablaaj. Cov hov npe hu ua Alepakau. Puab nug Povlauj has tas, zaaj tshab kws koj qha hov yog le caag, thov koj qha tsua peb saib. 20 Peb tub nov koj qha tej zaaj txawv txawv kws peb tsw tau nov dua. Peb xaav paub saib tej hov yog le caag tag. 21 Puab has le hov vem cov tuabneeg Athenai hab lwm tsaav tuabneeg kws nyob huv lub nroog ntawm nyam noog hab nyam sws thaam tej zaaj txawv txawv kws puab tsw tau nov dua. 22 Tes Povlauj txawm sawv tseeg ntawm cov txawj ntse kws hu ua Alepakau xub ndag qha puab has tas, cov tuabneeg Athenai, kuv pum mej muaj sab npuab mej cov txoov daab. 23 Thaus kuv moog ncig saib mej lub moos hab moog saib tej chaw kws mej pe txoov daab, kuv pum muaj lug sau ca tsua ntawm ib lub rooj has tas, muab tsua tug yawmsaub kws peb tsw paub. Tug kws mej tsw paub hov tub yog tug kws nwgnuav kuv qha tsua mej ntaag. 24 Tug Yawmsaub kws tswm lub nplajteb hab ib puas tsaav yaam kws nyob huv nplajteb nuav, tub yog tug Vaajtswv kws kaav qaum ntuj hab nplajteb. nwg yeej tsw nyob huv tej tsev kws tuabneeg ua. 25 Vaajtswv tsw pluag ib yaam daabtsw le, nwg yeej tsw kuas leejtwg ua ib yaam daabtsw pub tsua nwg. Tsua qhov Vaajtswv yog tug kws pub txujsa tsua tuabneeg ua tau paa, hab pub ib puas tsaav yaam tsua suavdawg. 26 Vaajtswv tswm txhua yaam tuabneeg tawm huv tuab tug le roj ntshaa lug xwb, hab kuas puab moog nyob puv nplajteb. Vaajtswv tub tu tebchaws ca tsua puab hab teem swmhawm kuas puab nyob ntev le caag. 27 Vaajtswv ua le hov sub puab txha le nrhav Vaajtswv. Yog puab xaav paub Vaajtswv nyab puab yuav paub nwg, tsua qhov Vaajtswv yeej nyob tsw deb ntawm peb txhua tug. 28 Muaj lug has tas, Yog muaj Vaajtswv, peb txha le caj sa hab txawj ua zug hab moog moog lug lug tau. Mej cov kws txawj has lug txaj muaj qee leej has tas, Peb puav leej yog Vaajtswv cov mivnyuas hab. 29 Yog le ntawm peb cov kws yog Vaajtswv mivnyuas lawm peb tsw xob xaav has tas, Vaajtswv zoo le tej txoov daab nyaj txoov daab kub hab txoov daab pob zeb kws yog cov tuabneeg muaj tswvyim ua. 30 Thaus tuabneeg tseem tsw tau paub Vaajtswv, Vaajtswv kuj tsw suav tuabneeg lub txem. Kuas nwgnuav Vaajtswv tub qha tsua txhua tsaav tuabneeg thoob plhawv huv qaab ntuj nuav has tas, puab yuav tsum tso puab tej kev txhum tseg. 31 Tsua qhov Vaajtswv tub teem ib nub ca tsua Vaajtswv txav txem tsua txhua tsaav tuabneeg huv qaab ntuj nuav. Tug kws Vaajtswv xaiv lug txav txem yuav txav ncaa j txav nceeg. Hab qhov kws Vaajtswv tsaa tug hov sawv huv qhov tuag rov lug tub qha tsua suavdawg paub tseeb has tas, tug hov yog tug kws Vaajtswv tau xaiv ca lawm tag. 32 Thaus cov tuabneeg nov Povlauj qha has tas, muaj ib tug kws tuag lawm tau sawv rov lug, puab txawm thuaj Povlauj hab luag zum quas zawg. Kuas muaj qee leej has tas, peb xaav noog koj qha dua hab. 33 Povlauj txawm tawm huv qhov chaw kws suavdawg tuaj sablaaj ntawm moog lawm. 34 Muaj qee leej lug ntseeg hab lug ua Povlauj paab. Cov tuabneeg kws lug ntseeg hov muaj ib tug npe hu ua Ti-aunuxa kws nyob huv paab Alepakau hab. Muaj ib tug quaspuj npe hu ua Tamali hab muaj dua ob peb leeg lug ntseeg hab.
Cov Yutai huv Kauleethau tiv Povlauj
1 Dhau hov ntawm Povlauj txawm tawm huv lub nroog Athenai moog tom lub moos Kauleethau. 2 Thaus nwg nyob huv lub moos ntawm nwg ntswb ib tug Yutai npe hu ua Akula. Akula yog tuabneeg peg Phaunthau tebchaws. Akula tug quaspuj npe hu ua Paxila, ob tug nyav tuaj peg Itali tebchaws tuaj, vem yog fuabtais Khalauta ntab cov Yutai txhua tug tswv tawm huv lub nroog Loo moog. Povlauj txawm moog saib Akula ob tug. 3 Nwg nrug ob tug nyob hab nrug ob tug ua num ua ke. Povlauj yeej yog tug kws xaws tsev ntaub ib yaam le Akula ob tug. h Txhua nub su Povlauj moog huv lub tsev sablaaj mas nwg yum cov Yutai hab cov tuabneeg Kili kuas lug ntseeg Yexu Kheto. 5 Thaus Xila hab Timaute ob tug tuaj peg Makatauna tebchaws tuaj txug huv lub moos Kauleethau tes Povlauj txawm qha Vaajtswv txujlug xwb, nwg tsw ua lwm yaam num le. Nwg qha tsua cov Yutai has tas, Yexu yog tug kws Vaajtswv khaiv lug ua Cawmseej. 6 Thaus puab tiv hab thuaj Povlauj, Povlauj txawm muab Povlauj lub tsho nchus mas has tsua puab has tas, yog mej lub txem poob lug raug mej, mej tsw xob laam has tas, yog kuv tsw qha mej. Txwj nuav moog kuv yuav moog qha lwm tsaav tuabneeg. 7 Povlauj txawm ncaim puab moog nrug ib tug txwv neej npe hu ua Titau Yuxatau nyob. Tug txwv neej hov yog lwm tsaav tuabneeg kws lug coj Vaajtswv kevcai. Nwg lub tsev nyob ze ze lub tsev sablaaj. 8 Tug thawj kws saib lub tsev sablaaj txawm lug ntseeg Yexu Kheto. Tug thawj hov lub npe hu ua Kixapau. Nwg hab nwg tsev tuabneeg puav leej lug ntseeg huvsw. Huv lub moos Kauleethau muaj ntau leej tau nov Povlauj qha. Puab txawm lug ntseeg hab ua kevcai raus dej. 9 Muaj ib mos Povlauj ua yug quas toog pum Yexu lug has tsua Povlauj has tas, koj tsw xob ntshai koj ca le qha moog le tsw xob tso tseg, 10 kuv yeej nrug koj nyob. Tsw muaj leejtwg yuav ua tau phem tsua koj, tsua qhov kuv cov thwjtim muaj ntau leej nyob huv lub moos nuav. 11 Tes Povlauj txha nyob huv lub moos Kauleethau qha Vaajtswv txujlug tsua suavdawg tau ib xyoos hab rau hli. 12 Lub swmhawm kws Kali-au kaav Kili tebchaws, cov Yutai txawm tuav huv ua ib lub sab nteg Povlauj coj moog tom tsev tu plaub. 13 Puab has tas, tug txwv neej nuav yum suavdawg kuas coj Vaajtswv kevcai, nwg yum kuas suavdawg coj txhum peb kevcai lawm. 14 Thaus Povlauj saamswm yuav teb puab, Kali-au txawm has tsua cov Yutai has tas, yog nwg tau ua txhum qhov twg lossws ua phem le caag lawm, tes kuv yeej yuav ua sab ntev noog mej tej lug hab. 15 Kuas mej tsuas sws caav txug tej nyuas lug tej nyuas npe hab mej tej kevcai kws mej has tsw sws hum xwb, tes ca mej sws has mej, tej kws mej has nuav kuv tsw kaam txav txem. 16 Kali-au txawm ntab puab tawm huv tsev tu plaub moog. 17 Tes puab cov hov txawm moog nteg kag Xauxatene kws yog ib tug thawj saib lub tsev sablaaj coj moog nplawm tom lub tsev txav txem nrau qaab tsw taug. Kuas Kali-au tsw quav ntsej puab le.
Povlauj rov moog tim lub moos Aati-auka
18 Tes Povlauj nrug cov kwvtij ntseeg nyob huv lub moos Kauleethau tau ob peb nub, nwg le maav nrug Paxi la hab Akula caij nkoj moog tim Xilia tebchaws. Thaus puab moog txug huv lub moos Keekhala tes Povlauj txawm *chais plaub hau tsua qhov nwg tub cog lug tseg tsua Vaajtswv has tas, nwg yuav chais plaub hau. 19 Thaus Povlauj puab moog txug tim lub moos Efexau, tes Povlauj txawm ncaim Paxila hab Akula ob tug lawm. Thaus puab sws ncaim lawm Povlauj txawm moog huv tsev sablaaj mas tau nrug cov Yutai sws caam. 20 Puab cov ntawm thov kuas Povlauj nrug puab nyob ib ntus, kuas Povlauj tsw kaam nyob. 21 Thaus nwg yuav ncaim puab moog, nwg has tsua puab has tas, yog Vaajtswv pum zoo ca kuv tuaj, kuv le maav rov tuaj qha mej dua. Tes Povlauj txawm cai j nkoj tawm ntawm lub moos Efexau moog. 22 Thaus Povlauj moog txug nraag lub moos Xixaleya Povlauj moog saib cov ntseeg kws nyob nraag Yeluxalee. Dhau hov ntawm nwg txawm moog peg lub moos Aati-auka. 23 Nwg nyob huv lub moos Aati-auka ib nyuas ntu nwg le maav moog txhua nrho huv Kalata tebchaws hab Fa luka tebchaws, nwg moog qha Vaajtswv txujlug tsua cov ntseeg kuas puab muab tsua sau sab ntseeg.
Apaulau qha huv lub moos Efexau hab huv Kili tebchaws
24 Muaj ib tug txwv neej Yutai npe hu ua Apaulau tuaj txug huv lub moos Efexau. Nwg yug nraag lub moos Alexaatala. Nwg yog ib tug kws txawj txawj qha hab nwg paub Vaajtswv txujlug heev. 25 Nwg tau kawm Vaajtswv txuj kevcai. Nwg kub sab quas lug qha txug Yexu, tej kws nwg qha ntawm puav leej muaj tseeb. Kuas nwg tsuas paub kevcai raus dej kws Yauhaa qha xwb. 26 Apaulau moog qha huv tsev sablaaj tsw ntshai leejtwg le. Thaus Paxila hab Akula nov nwg qha, ob tug txawm coj nwg moog tom ob tug tsev, mas ob tug qha Vaajtswv txuj kevcai huvsw tsua Apaulau paub tseeb dua yaav taag lug lawm. 27 Thaus cov ntseeg kws nyob huv lub moos Efexau paub has tas, Apaulau yuav hlaa moog tim Kili tebchaws, puab txawm sau ib tsaab ntawv xaa moog tsua cov ntseeg kws nyob tim kuas puab hlub Apaulau. Thaus Apaulau moog txug tim nwg tau paab puab cov kws Vaajtswv hlub hab hu lug ntseeg ntau kawg le. 28 Nwg tej lug muaj kuab, mas nwg caam yeej cov Yutai taab meeg suavdawg. Hab nwg muab Vaajtswv txujlug lug qha tsua puab paub tseeb has tas, Yexu yog tug kws Vaajtswv khaiv lug ua Cawmseej.
Povlauj qha huv lub moos Efexau
1 Thaus Apaulau nyob huv lub moos Kauleethau, mas thaus hov Povlauj moog txhua nrho tej tebchaws kws nyob saab nub tuaj nwg le maav tuaj txug huv lub moos Efexau. Nwg tuaj txug huv lub moos Efexau mas nwg ntswb ib cov thwjtim, 2 tes nwg txawm nug puab has tas, thaus mej lug ntseeg mej tau Vaajtswv tug Ntsuj Plig los tsw tau. Puab teb has tas, peb tsw tau nov dua sov muaj Vaajtswv tug Ntsuj Plig los tsw muaj peb yeej tsw paub. 3 Povlauj nug puab has tas, yog le ntawm ais mej ua kevcai raus dej le caag. Puab teb has tas, peb ua lawv le Yauhaa txuj kevcai raus dej xwb. 4 Povlauj qha puab has tas, Yauhaa txuj kevcai raus dej tsuas qha has tas, cov kws raus dej hov mas yog cov kws tub tso puab tej kev txhum tseg lawm xwb, hab Yauhaa qha has tas, suavdawg yuav tsum ntseeg tug kws yuav lawv Yauhaa qaab lug. Tug kws yuav lug ntawm tub yog Yexu. 5 Thaus puab nov Povlauj has le hov puab txawm tuav tswv Yexu lub npe ua kevcai raus dej kuas paub has tas puab yog cov kws ntseeg Yexu Kheto. 6 Thaus Povlauj tsaa teg npuab puab es thov Vaajtswv, tes Vaajtswv tug Ntsuj Plig txawm lug nyob huv puab txhua tug lub sab. Puab has- lug txawv txawv hab puab qha Vaajtswv txujlug. 7 Cov txwv neej hov kwvlaam muaj kaum ob leeg. 8 Povlauj moog qha huv lub tsev sablaaj tau peb hlis has txug qhov kws Vaajtswv yuav lug kaav tuabneeg lub sab, nwg nrug cov tuabneeg kws tuaj noog nwg qha sws caam hab yum kuas puab lug ntseeg Yexu, nwg tsw ntshai leejtwg le. 9 Kuas cov tuabneeg ntawm muaj qee leej sab tawv tsw kaam ntseeg. Puab taab meeg thuaj Yexu txuj kevcai tsua suavdawg noog. Tes Povlauj txawm tso puab tseg coj cov thwjtim nrug nwg moog, mas naj nub moog qha huv Tulanau lub tsev kawm ntawv. 10 Nwg pheej qha le hov tau ob xyoos, mas cov Yutai hab lwm tsaav tuabneeg kws nyob huv Axia tebchaws suavdawg txha tau nov Vaajtswv txujlug.
Xakeva xyaa leej tub
11 Vaajtswv pub fwjchim tsua Povlauj ua tau tej txujci tseem ceeb tsua suavdawg pum. 12 Tes puab txawm muab Povlauj txuj phuam so fws hab Povlauj daim ntaub npua ua num coj moog tso tsua sau cov tuabneeg kws muaj mob lub cev, tes puab tej mob txawm ca le zoo hlo lawm, hab cov tuabneeg kws raug daab los daab txawm ca le tawm tswv lawm. 13 Cov Yutai kws txawj ntab daab muaj qee leej pheej moog ntab daab tsua hov u hov nuav. Puab txawm hu Yexu lub npe ntab daab saib daab yuav tawm los tsw tawm. Puab has tsua daab has tas, peb hu Yexu tug muaj fwjchim kws Povlauj qha, ntab mej tawm. 14 Cov kws ua le nuav tub yog cov Yutai tug pov thawj hlub kws hu ua Xakeva xyaa leej tub ntaag. 15 Kuas daab teb puab has tas, kuv yeej paub Yexu hab paub Povlauj, kuas mej tsua yog cov twg. 16 Tug txwv neej kws raug daab hov txawm tuab plhaw moog muab puab ntaus heev heev mas nwg ntaus yeej puab. Puab txawm tswv tawm huv tsev moog. Puab tej rwg tsho nduag taag hab ib ce to taag huvsw. 17 Cov Yutai hab lwm tsaav tuabneeg kws nyob huv lub moos Efexau suavdawg puav leej tau nov qhov nuav, mas puab ntshai kawg le, tes suavdawg txawm qhuas Yexu heev dua yaav taag lug lawm, 18 hab cov kws tub xub ntseeg lawm muaj ntau leej tuaj leeg tej kev txhum kws puab tau ua lug lawm taab meeg suavdawg. 19 Hab cov tuabneeg kws txawj ua khawv koob yeeg swv muaj ntau leej txawm muab puab tej ntawv khawv koob coj tuaj hlawv taab meeg suavdawg. Puab tej ntawv hov xaam nqe raug ob vaam lub txaj maas. 20 Mas tej xwm tseem ceeb nuav ua tsua Vaajtswv txujlug nrov nchaa moog thoob txhua qhov huvsw hab muaj tuabneeg ntseeg coob quas zug.
Muaj kev ntxhuv huv lub moos Efexau
21 Thaus dhau tej xwm hov lawm, Povlauj yuav-moog tim Makatauna tebchaws hab Kili tebchaws le maav moog nraag lub nroog Yeluxalee. Hab Povlauj has tas, dhau hov ntawm nwg yuav tsum moog tim lub nroog Loo hab. 22 Povlauj txawm khaiv Timaute hab Elaxatau ua ntej moog tim Makatauna tebchaws. Ob tug yog ob tug kws paab Povlauj ua num. Thaus ob tug moog lawm Povlauj tseem nyob huv Axia tebchaws ib nyuas ntu hab. 23 Thaus hov cov tuabneeg kws nyob huv lub moos Efexau lug ntseeg Yexu coob coob mas muaj kev ntxhuv heev, 24 vem huv lub moos hov muaj ib tug txwv neej hu ua Temethi-au ntaus nyaj muag, nwg muab nyaj nchuav ua tej lub nyuas tsev miv miv zoo le lub tsev pe txoov daab "Alatemi. Cov kws ua le hov muag mas tau nyaj ntau heev. 25 Temethi-au txawm moog hu cov kws ntaus nyaj ntawm hab lwm cov kws txawj ntaus nyaj ib yaam le puab cov, tuaj ua ke sablaaj. Nwg has tsua puab has tas, mej suavdawg yeej paub has tas, tub yog vem peb ua teg num nuav peb txha tau noj tau haus le nuav. 26 Mej tub pum hab tub nov tej kws tug Povlauj hov qha lawm. Nwg qha has tas, tej txoov daab kws peb nchuav nuav tsw muaj qaabhau daabtsw le. Nwg qha le ntawm ua tsua cov tuabneeg kws nyob huv lub moos Efexau nuav hab cov kws nyob thoob plhawv Axia tebchaws suavdawg tau tso txuj qub kevcai tseg yuav taag. 27 Yog peb tsw ceev faaj tes peb yuav tsw pum qaab ua laag ua luam, hab ntshai suavdawg yuav saib tsw taug lub tsev kws pe tug puj txoov daab Alatemi kws muaj fwjchim luj tes tug puj txoov daab Alatemi kws cov tuabneeg huv Axia hab cov tuabneeg huv qaab ntuj nuav suavdawg pe yuav tsw muaj fwjchim lawm. 28 Thaus Temethi-au has le hov taag suavdawg chim heev, puab txawm qw nrov nrov has tas, tug txoov daab Alatemi kws cov tuabneeg Efexau pe muaj fwjchim luj kawg nkaus. 29 Tes txawm muaj kev ntxhuv thoob plhawv huv lub moos Efexau. Suavdawg txawm tuaj nteg kag Kayau hab Alixakhau kws yog tuabneeg Makatauna caab moog tsua tom tshaav puam, vem ob tug nrug Povlauj tuaj. 30 Povlauj xaav moog tsua huv cov tuabneeg hov kuas cov ntseeg tsw kheev Povlauj moog. 31 Cov num tswv kws nrug Povlauj sws raug zoo txawm khaiv tuabneeg moog thov kuas Povlauj tsw xob moog huv cov tuabneeg coob coob kws nyob tom tshaav puam. 32 Thaus hov cov tuabneeg coob coob kws nyob tom saamswm ntxhuv heev. Nyag taug nyag qw le nuav le u kuas cov kws tuaj hov feem coob tub tsw paub sov yog muaj kev daabtsw. 33 Cov Yutai txawm muab Alexalau thawb moog tsua tom suavdawg hauv ntej. Tes muaj qee leej txawm xaav has tas, tug kws ua txhum ntshai yog Alexalau. Alexalau txawm cu teg kuas suavdawg nyob tuab ywv, nwg yuav qha zaaj ntawm tsua suavdawg saib yog le caag tag. 34 Kuas thaus puab pum tas, Alexalau yog tuabneeg Yutai hab, puab txawm qw tuab lub suab tau ob teev has tas, tug txoov daab Alatemi kws cov tuabneeg Efexau pe muaj fwjchim luj kawg nkaus. 35 Thaus kawg tug num kws sau ntawv txawm has kuas suavdawg nyob tuab ywv. Nwg has tas, cov tuabneeg Efexau, suavdawg puav leej paub tas, cov tuabneeg kws nyob huv lub moos Efexau nuav yog cov kws tu lub tsev teev tug txoov daab Alatemi kws muaj fwjchim luj kawg nkaus, hab tu lub pob zeb tswm txaj kws poob sau ntuj lug. 36 Suavdawg puav leej paub tas, tej nuav muaj tseeb tag. Mej ca le nyob tuab ywv, tsw xob laam tau laam ua tsua suavdawg ntxhuv. 37 Mej nteg ob tug lug ua daabtsw le nuav. Ob tug tsw tau moog nyag ib yaam daabtsw huv lub tsev teev txoov daab, hab tub tsw tau thuaj peb tug txoov daab le caag. 38 Yog Temethi-au hab cov kws ntaus nyaj ntawm xaav kom leejtwg tsua num tswv peb yeej muaj tsev has plaub hab muaj tug txav txem huvsw, ca le moog sws has lawm tom tsev tu plaub. 39 Kuas yog mej tsua muaj dua lwm zaaj mej yuav tsum hu cov pejxeem tuaj ua ke sablaaj tsaiv suavdawg le maav txav txem. 40 Yog peb tsw ua le nuav ntshai tsaam luas yuav has tas, tej kev kws ntxhuv nub nua yog peb ua. Tes peb yuav tsw muaj lug teb puab, tsua qhov tej kev ntxhuv nuav tsw muaj keeb tsw muaj puam. 41 Thaus nwg has le hov taag tes nwg txawm kuas suavdawg nyag rov moog nyag tsev.
Povlauj moog tim Makatauna tebchaws hab Kili tebchaws
1 Thaus tej kev ntxhuv hov tug lawm Povlauj txawm hu cov ntseeg tuaj ua ke. Nwg txhawb puab tug zug taag tes nwg txawm ncaim puab moog peg Makatauna tebchaws. 2 Thaus nwg taug kev moog nwg tau qha ntau zaaj txhawb cov tuabneeg ntseeg kws nyob huv tej zej zog huv lub tebchaws ntawm tug zug, nwg le maav moog txug nraag Kili tebchaws. 3 Nwg nyob huv Kili tebchaws tau peb hlis. Thaus nwg saamswm yuav caij nkoj moog tim Xilia tebchaws mas nwg nov has tas, cov Yutai tuav huv yuav ua phem tsua nwg. Tes nwg txawm xaav has tas, nwg yuav rov moog peg Makatauna tebchaws moog zoo dua. 4 Cov tuabneeg kws nrug Povlauj moog, ib tug yog Pulau kws nyob huv lub moos Npelaya tug tub Xaupatalau. Ib tug yog Alixakhau, ib tug yog Xekhutau, ob tug' nyob huv lub moos Thexalaunike. Ib tug yog Kayau kws nyob huv lub moos Telanpe. Ib tug yog Timaute, ib tug yog Tikhikau, ib tug yog Tikhi-khau, ib tug yog Raufimau, puab peb tug ntawm nyob huv Axia tebchaws. 5 Puab cov hov xub ua ntej moog nyob nraag lub moos Rhau-a tog peb. 6 Thaus peb ua kevcai noj ncuav tsw xyaw keeb taag peb txawm caij nkoj tawm huv lub moos Filipi moog nraag lub moos Rhau-a. Peb moog tswb nub le maav moog txug nraag puab. Peb nyob ntawm tau rau xyaa nub.
Povlauj moog saib cov ntseeg huv Rhau-a zag kawg
7 Nub rau thaus tsaus ntuj peb tuaj noj mov ua ke hab ua kevcai noj Vaajtswv rooj mov. Povlauj qha puab txug ib taag mo tsua qhov thaus kaaj ntug nwg yuav ncaim puab moog. 8 Chaav tsev txheej sau kws peb sablaaj hov, puab taws ob peb lub teeb. 9 Mo hov muaj ib tug tub hluas npe hu ua Yutikhau, nyob ntawm lub qhov rais noog Povlauj qha. Thaus Povlauj tseem qha qha tes Yutikhau pheej ncaws daab ndub, tes nwg txawm tsaug zug hi as lawm, tes nwg ca le poob ntawm lub qhov rais kws yog txheej peb tsua huv aav. Thaus suavdawg nqeg moog txug puab muab tsaa hlo saib, ua cav nwg tub tuag lawm. 10 Kuas thaus Povlauj nqeg lug txug Povlauj txawm khwb nkaus puag tug hluas ntawm, mas Povlauj has tsua suavdawg has tas, tsw xob txhawj, nwg tub muaj sa lawm. 11 Tes Povlauj txawm rov nee moog sau tsev mas muab ncuav lug faib tsua suavdawg noj lawv le kevcai noj Vaajtswv rooj mov. Povlauj nrug suavdawg thaam thaam kaaj ntug nwg le maav ncaim puab moog. 12 Suavdawg pum tug tub hluas hov tseem muaj sa, mas puab zoo sab kawg le, puab txawm coj nwg moog tsev.
Peb caij nkoj moog txug nraag lub moos Miletau
13 Peb caij nkoj moog nyob nraag lub moos Axau tog Povlauj. Nwg tub xub has kuas peb moog nyob nraag tog nwg, tsua qhov nwg yuav moog kwtaw moog lawm nraag, nwg le maav nrug peb caij nkoj moog. 14 Thaus Povlauj tuaj txug nraag lub moos Axau peb txha coj nwg nrug peb caij nkoj moog nraag lub moos Mithulene. 15 Tes peb tsua caij nkoj tawm ntawm lub moos Mithulene moog, mas nub tom qaab le moog txug lub miv tebchaws Khi-au huv hav txwv. Peb caij nkoj tawm ntawm Khi-au tebchaws moog mas nub tom qaab peb le moog txug nraag lub miv tebchaws Xamau huv hav txwv, hab nub tom qaab peb moog txug nraag lub moos Miletau. 16 Povlauj tub xaav tseg has tas, nwg yuav tsw moog su huv lub moos Efexau tsua qhov nwg tsw muaj swmhawm nyob huv Axia tebchaws. Nwg yuav maaj moog nraag Yeluxalee saib yuav moog kaav tau nub kws suavdawg ua kevcai Pheethekhoxate los tsw tau. Yog le hov peb txha caij nkoj ncaaj nraim moog tsw su huv lub moos Efexau.
Povlauj qha cov kev txwj quas laug kws tuaj peg Efexau tuaj
17 Thaus Povlauj tseem nyob huv lub moos Miletau, nwg khaiv tuabneeg moog hu cov kev txwj quas laug kws saib cov ntseeg peg Efexau tuaj cuag nwg. 18 Thaus cov kev txwj quas laug tuaj txug, Povlauj txawm has tsua puab has tas, txwj thaus kuv tuaj txug huv Axia tebchaws lug txug nwgnuav kuv ua kuv lub neej zoo le caag los mej suavdawg puav leej pum lawm. 19 Txawm yog cov Yutai pheej tuav huv ua phem tsua kuv kuas kuv raug kev txom nyem los kuv tseem ua sab ntev ua Vaajtswv teg num. Thaus kuv ua tej num hov muaj qee zag lug kuv kua muag kawg le. 20 Hab mej tub paub has tas, thaus kuv qhuab qha huv mej tej tsev hab huv lub tsev sablaaj kuv yeej qha tej zaaj kws yuav paab mej xwb, kuv tsw tau zais ib lus le. 21 Kuv pheej ntuag cov Yutai hab lwm tsaav tuabneeg kuas suavdawg nyag tso nyag tej kev txhum pov tseg ais tig rov lug cuag Vaajtswv hab lug ntseeg peb tug tswv Yexu. 22 Nwgnuav Vaajtswv tug Ntsuj Plig yuav kuas kuv moog lawm nraag lub nroog Yeluxalee. Thaus kuv moog txug nraag kuv tsw paub sov kuv yuav raug kev txom nyem le caag. 23 Kuv tsuas paub lawv le Vaajtswv tug Ntsuj Plig qha tsua kuv lawm xwb. Nwg qha tsua kuv has tas, kuv yuav raug kaw huv tsev loj faaj hab yuav raug kev txom nyem huv tej moos kws kuv yuav moog ntawm. 24 Kuas kuv yeej tsw suav has tas, kuv txujsa tseem ceeb, tsua qhov kuv xaav ua kuv teg num kuas tav, hab ua teg num kws tug tswv Yexu muab tsua kuv ua kuas taag. Teg num hov yog moog qha txuj xuv zoo tsua suavdawg kuas puab paub has tas, Vaajtswv hlub puab. 25 Kuv tub moog qha tsua suavdawg txhua qhov has tas, Vaajtswv yuav lug kaav tuabneeg lub sab. Nwgnuav kuv paub has tas, mej txhua tug kws nyob ntawm nuav yuav tsw muaj ib tug rov pum kuv le lawm. 26 Mas nub nua kuv txha qha tseeb tsua mej has tas, yog mej cov leejtwg raug kev puam tsuaj, mej tsw xob laam has tas, kuv tsw tau qha mej. 27 Tsua qhov kuv tub qha txhua yaam kws Vaajtswv xaav kuas mej ua huvsw tsua mej lawm, kuv tsw tau zais ib yaam le. 28 Mej yuav tsum ceev faaj tsaam tes mej yuam kev, hab mej yuav tsum ua tuab zoo saib paab yaaj kws Vaajtswv tug Ntsuj Plig tsaa mej ua tug saib lawm. Mej yuav tsum saib cov ntseeg Yexu ntawm ib yaam le tug tswv yaaj saib nwg paab yaaj. Cov ntseeg hov yog cov kws Vaajtswv tug tub tau tuag txhwv lug ua nwg cov lawm. 29 Kuv paub tseeb has tas thaus kuv moog lawm, maa yeej yuav lug huv mej cov. Thaus maa lug maa yuav tum txhua tug yaaj huvsw, maa yuav tsw tseg ib tug le. 30 Txawm yog huv mej cov los yeej yuav muaj qee leej qha tsw tseeb ntxag cov ntseeg kuas moog ua puab le thwjtim. 31 Mas mej txha yuav tsum ceev faaj hab ncu ntsoov has tas, kuv tub naj nub naj mo qha mej tau peb xyoos lug lawm. Thaus kuv qha mej hov muaj qee zag lug kuv kua muag kawg le. 32 Nwgnuav kuv yuav ncaim mej moog, kuv thov Vaajtswv tsom kwm mej. Mej yuav tsum khaws Vaajtswv tej lug kws qha has tas, Vaajtswv hlub suavdawg tsua huv mej lub sab. Vaajtswv txujlug ntawm txha paab tau kuas mej muab tsua sau sab ntseeg hab yuav pub tej koob tej moov kws Vaajtswv tub npaaj ca tsua cov kws ntseeg nwg tsua mej. 33 Kuv yeej tsw ntshaw leejtwg tej nyaj tej kub lossws tej rwg tsho naav lug ua kuv tug. 34 Mej suavdawg puav leej paub has tas, kuv hab cov kwvluag kws nrug kuv ua num tau noj tau naav tub yog vem kuv ob txhais teg khwv yug suavdawg xwb, kuv yeej tsw tau thov leejtwg le. 35 lb puas tsaav yaam num kws kuv ua tsua mej pum tub yog kuv ua qha tsua mej paub has tas, peb yuav tsum ua num nyaav txha paab tau cov tuabneeg kws tsw muaj zug. Hab peb yuav tsum ncu ntsoov tej lug kws tug tswv Yexu qha has tas thaus yug pub tsua luas yug zoo sab heev dua thaus yug tau luas le. 36 Thaus Povlauj qha puab taag, tes Povlauj hab cov tuabneeg kws noog Povlauj qha suavdawg txawm txhus caug thov Vaajtswv. 37 Thaus Povlauj yuav ncaim puab moog, suavdawg quaj quaj hab puab lug khawm Povlauj xub pwg nwj Povlauj. 38 Puab ntxhuv sab kawg le tsua qhov nwg has tas, puab yuav tsw pum nwg lawm. Tes puab txawm xaa nwg moog nraag lub nkoj.
Povlaug moog nraag lub nroog Yeluxalee
1 Thaus peb ncaim puab lawm, peb txawm caij nkoj ncaaj nraim moog nraag lub miv tebchaws Khau huv hav txwv. Nub tom qaab peb moog txug nraag lub miv tebchaws Laute huv hav txwv. Dhau hov ntawm peb le maav moog txug huv lub moos Patala. 2 Peb pum ib lub nkoj yuav moog tim Fonike tebchaws. Peb txawm caij lub nkoj hov moog tim Fonike. 3 Thaus peb moog pum lub miv tebchaws Xaipa huv hav txwv lawm peb txawm moog saab nraag tsua tim Xilia tebchaws. Mas puab yuav thau tej hov txhua chaw huv lub nkoj tsua ntawm lub moos Tulau, peb txha nreg nkoj ntawm lub moos hov. 4 Thaus peb nrhav tau cov ntseeg kws nyob huv lub moos Tulau tes peb nrug puab nyob tau xyaa nub. Vaajtswv tug Ntsuj Plig qha kuas puab tsw xob kheev Povlauj moog nraag lub nroog Yeluxalee. 5 Kuas thaus dhau xyaa nub lawm peb txawm ncaim puab moog. Puab txhua tug hab puab tej quaspuj mivnyuas suavdawg puav leej xaa peb moog txug nraag ntug moos. Peb suavdawg txhus caug ntawm ntug hav txwv thov Vaajtswv taag. 6 Tes peb txawm sws ncaim. Peb nee tsua huv nkoj huas puab cov ntawm nyag txawm rov moog nyag tsev lawm. 7 Peb caij nkoj tawm huv lub moos Tulau moog kawg kev nkoj tsua nraag lub moos Taulamai, mas peb moog saib cov ntseeg huv lub moos hab nrug puab nyob tau ib nub. 8 Nub tom qaab peb txawm moog nraag lub moos Xixaleya. Peb moog su huv Fili kws qha txuj xuv zoo tsev. Fili yog ib tug huv xyaa leej kws cov ntseeg nraag Yeluxalee tau xaiv lug ua num. 9 Fili muaj plaub tug ntxhais tsw tau muaj quasyawg. Plaub tug ntxhais hov yog cov kws cev Vaajtswv txujlug. 10 Peb nyob huv Fili tsev tau ob peb nub txawm muaj ib tug xwbfwb cev Vaajtswv lug, npe hu ua Akhaunpau, tuaj nraag Yutai tebchaws tuaj. 11 Nwg tuaj saib peb, nwg txawm muab Povlauj txuj hlaab sa coj lug khi nwg teg nwg taw, tes nwg txawm qha has tas, Vaajtswv tug Ntsuj Plig has tas cov Yutai kws nyob nraag lub nroog Yeluxalee yuav muab tug kws sa txuj hlaab nuav khi ib yaam le nuav, hab yuav muab nwg tsua lwm tsaav tuabneeg coj moog tswm txom. 12 Thaus peb nov le ntawm peb hab cov ntseeg kws nyob ntawm txawm cheem tsw kheev Povlauj moog nraag Yeluxalee. 13 Kuas Povlauj has tsua puab has tas, mej quaj ua daabtsw, mej yuav ua kuas kuv ntxhuv sab los. Txawm yog cov tuabneeg huv Yeluxalee yuav muab kuv khi hab yuav muab kuv tua pov tseg yog vem kuv ua tug tswv Yexu teg num los kuv yeej yuav moog nraag. 14 Peb cheem tsw tau nwg, tes peb ca le lawm, nyob ntawm Vaajtswv pum zoo. 15 Dhau hov ntawm peb txawm fwbxwm hov txhua chaw moog nraag lub nroog Yeluxalee. 16 Cov ntseeg kws nyob huv lub moos Xixaleya muaj qee leej nrug peb moog hab. Thaus peb moog txug, puab coj peb moog su huv Naxau tsev. Naxau yog ib tug kws tub ntseeg Vaajtswv tau ntev lug lawm, yaav tom ntej nwg nyob tim lub miv tebchaws Xaipa huv hav txwv.
Povlauj moog saib Yakaupau
17 Thaus peb moog txug huv lub nroog Yeluxalee mas cov ntseeg zoo sab kawg le. 18 Nub tom qaab Povlauj peb moog saib Yakaupau. Mas cov kws saib cov ntseeg tub tuaj nyob ntawm tog peb lawm. 19 Thaus Povlauj nrug puab thaam taag, Povlauj txawm qha txhua yaam kws Vaajtswv tau ua txwj thaus Povlauj moog qha lwm tsaav tuabneeg tsua puab noog. 20 Thaus puab nov Povlauj has le ntawm puab txawm ua Vaajtswv tsaug hab qhuas Vaajtswv. Hab puab has tsua Povlauj has tas, tijlaug, koj tub paub tas, cov Yutai muaj ntau txheeb leej tau lug ntseeg Yexu lawm, puab cov ntseeg hov yog cov kws coj Mauxe kevcai nruj heev. 21 Puab nov has tas, koj pheej moog qha cov Yutai kws nyob huv lwm tsaav tuabneeg tej tebchaws kuas tso Mauxe txuj kevcai tseg, ais tsw xob muab tej mivnyuas ua kevcai txav, hab kuas puab tsw xob ua lawv le cov Yutai txuj kevcai kws suavdawg ib txwm coj lug lawm. 22 Puab suavdawg yeej yuav nov has tas, koj tuaj txug ntawm nuav lawm. Yog le ntawm, koj xaav le caag. 23 Koj ca le ua lawv le peb qha. Muaj plaub tug txwv neej nyob ntawm nuav tau cog lug tseg has tas, puab yuav ua kevcai ntxuav. 24 Koj ca le nrug puab moog ua kevcai ntxuav hab muab nyaj paab them puab tej nqe, mas puab txha tau chais plaub hau. Yog koj ua le hov mas suavdawg txha paub has tas koj yeej coj lawv le Mauxe txuj kevcai, koj tsw tau ua tej kws puab nov ntawm. 25 Peb tub sau ib tsaab ntawv tsua lwm tsaav tuabneeg kws ntseeg Vaajtswv lawm has tas, peb suavdawg pum zoo kuas puab tsw xob noj tej hov txhua chaw kws luas muab xyeem tsua daab, tsw xob noj ntshaav, tsw xob noj tej tsaj kws muab hlua zawm cej daab tuag, hab tsw xob ua nkauj ua nraug. 26 Ua le hov tes Povlauj txawm moog nrug plaub tug txwv neej hov ua kevcai ntxuav. Povlauj moog qha tug pov thawj kws saib lub tuam tsev thov Vaajtswv paub has tas, nub twg puab le ua kevcai ntxuav taag. Nub kws puab ua taag yog nub kws puab nqaa hov txhua chaw tuaj pub tsua Vaajtswv lawv le puab tub cog lug tseg has tas, puab yuav ua le ntawm.
Cov Yutai nteg Povlauj huv lub tuam tsev thov Vaajtswv
27 Thaus yuav dhau xyaa nub kws puab ua kevcai hov, cov Yutai kws tuaj peg Axia tebchaws tuaj, muaj qee leej pum Povlauj nyob huv lub tuam tsev thov Vaajtswv. Tes puab txawm ntxag kuas cov pejxeem ntxhuv, hab puab nteg kag Povlauj. 28 Puab txawm qw nrov nrov has tas, cov Yixayee, mej ca le lug paab peb. Tug nuav yog tug kws pheej moog qha txhua nrho txhua qhov kuas suavdawg ntxub cov Yixayee hab saib tsw taug Mauxe txuj kevcai hab lub tuam tsev thov Vaajtswv nuav. Tsw yog le hov xwb nwg tseem coj lwm tsaav tuabneeg tuaj huv lub tuam tsev thov Vaajtswv kws zoo kawg nkaus nuav hab. Nwg ua le ntawm txhum peb kevcai lawm. 29 Puab has le ntawm tsua qhov puab pum Raufimau kws tuaj peg lub moos Efexau tuaj, nrug Povlauj nyob ua ke huv lub nroog, puab txha xaav has tas, Povlauj tub coj Raufimau moog huv lub tuam tsev thov Vaajtswv lawm. 30 Tej lug kws puab has ntawm ua tsua cov pejxeem kws nyob huv lub nroog suavdawg ntxhuv. Tes puab txawm dha zum quas zawg tuaj nteg kag Povlauj hai tawm huv lub tuam tsev moog. Taamswm ntawm txawm muaj ib tug lug muab lub tuam tsev lub qhov rooj kaw nkaus ca lawm. 31 Thaus cov tuabneeg coob coob ntawm saamswm yuav muab Povlauj tua pov tseg, txawm muaj ib tug moog qha tsua tug thawj rog kws kaav ib txheeb tug tub rog Loo has tas, cov pejxeem kws nyob huv lub nroog Yeluxalee nuav suavdawg saamswm ntxhuv heev. 32 Thaus tug.thawj rog kws kaav ib txheeb tug nov le hov tes nwg txawm coj cov thawj rog kws kaav ib puas hab ib paab tub rog nrug nwg moog saib saib yog ua caag cov pejxeem yuav ntxhuv le hov. Thaus cov pejxeem pum tug thawj rog kws kaav ib txheeb tug hab cov tub rog dha tuaj, tes puab txawm tsw ntaus Povlauj lawm. 33 Tug thawj rog kws kaav ib txheeb tuaj txug ncua ntawm Povlauj, nwg txawm tuav nkaus Povlauj hab has kuas cov tub rog muab ob txuj saw hlau lug khi Povlauj. Tug thawj rog txawm nug has tas, tug nuav yog leejtwg, hab nwg ua txhum daabtsw. 34 Cov tuabneeg ntawm nyag has nyag lawm ib yaam has tsw sws thooj. Tes tug thawj rog kws kaav ib txheeb tug paub tsw tseeb sov yog le caag, nwg txha kuas cov tub rog coj Povlauj moog huv cov tub rog lub loog. 35 Thaus puab moog txug ntawm tug ntaiv kws nee tsua sau cov tub rog lub tsev, cov tub rog txawm muab Povlauj nqaa, tsua qhov cov pejxeem ua nyaum kawg le tsua Povlauj. 36 Cov pejxeem lawv Povlauj qaab hab qw ntsoog quas qeeg has tas, coj nwg moog tua pov tseg 1 os ma j.
Povlauj has daws Povlauj zaaj
37 Thaus cov tub rog saamswm yuav coj Povlauj moog huv lub tsev, Povlauj txawm has tsua tug thawj rog kws kaav ib txheeb tug has tas, thov ca kuv has ib lus tsua koj. Tug thawj rog kws kaav ib txheeb tug teb has tas, koj paub lug Kili hab los. 38 Koj tsw yog tug yawm lyi kws yaav tom ntej sawv tiv num tswv ais coj plaub txheeb leej kws tua tuabneeg nrug nwg moog tom tebchaws moj saab qhua los. 39 Povlauj teb has tas, kuv yog tuabneeg Yutai, kuv yug huv lub moos Thalaxau kws nyob peg Kilika tebchaws. Kuv yog cov tuabneeg kws nyob huv lub moos Thalaxau ntaag. Lub moos ntawm yeej tsw yog lub moos miv miv. Thov koj ca kuv has mivntswv tsua cov pejxeem ntawm. kO Tug thawj rog kws kaav ib txheeb txha ca Povlauj has. Povlauj txawm sawv quas ntsug ntawm tug ntaiv cu teg tsua suavdawg kuas nyob tuab ywv. Thaus suavdawg nyob tuab ywv lawm Povlauj txawm has lug Heplais qha tsua puab has tas.
1 Mej cov kws ua num ua tswv hab kwvtij neej tsaa suavdawg, mej ca le noog, kuv yuav pav kuv zaaj tsua mej paub. 2 Thaus suavdawg nov Povlauj has lug Heplais puab yimfuab nyob tuab ywv noog. Povlauj txawm has tsua puab tas. 3 Kuv yog tuabneeg Yutai, kuv yug huv lub moos Thalaxau kws nyob peg Kilika tebchaws, kuas kuv lug nyob hlub huv lub nroog Yeluxalee nuav. Kamali tub yog tug xwbfwb kws qha ntawv tsua kuv ntaag. Kuv tau kawm peb puj koob. yawm koob txhua txuj kevcai huvsw lawm. Hab kuv muab tsua sau sab ua Vaajtswv teg num ib yaam le naj nub nwgnuav mej ua hab. 4 Kuv yog ib tug kws tau tswm txom cov ntseeg Yexu. Muaj qee leej kuv muab tswm txom tuag lawm hab. Kuv nteg cov ntseeg tsw has quaspuj quasyawg huvsw coj moog kaw tsua huv tsev loj faaj. 5 Tug tuam pov thawj hlub hab Yutai cov num tswv puav leej paub tas, kuv has tseeb xwb. Puab ua ntawv tsua kuv coj moog tsua cov kwvtij Yutai kws nyob peg lub nroog Tamexe, mas kuv txha moog nteg cov ntseeg Yexu kws nyob peg, khi caab lug rau txem tsua huv lub nroog Yeluxalee nuav.
Povlauj qha qhov kws nwg ntxeev dua sab tshab
6 Thaus kwvlaam taav su kuv saamswm taug kev moog yuav txug peg lub nroog Tamexe txawm muaj duab tshaav ntuj ci nplaag sau ntuj tuaj laum nkaus kuv. 7 Kuv txawm qaug ntawg tsua huv peg teb mas kuv nov ib lub suab has tsua kuv has tas, Xolau, Xolau, ua caag koj tswm txom kuv. 8 Kuv txawm nug nwg has tas, tug tswv, koj yog leejtwg. Lub suab ntawm teb has tas, kuv yog Yexu tuabneeg Naxale kws koj tswm txom ntaag. 9 Cov txwv neej kws nrug kuv moog puab puav leej pum tug duab tshaav ntuj kws ci tuaj tsua kuv hab, kuas puab tsw nov lub suab kws has tsua kuv. 10 Kuv nug has tas, tug tswv, yog le ntawm ais kuv yuav ua le caag. Yexu txawm has tsua kuv has tas, koj ca le sawv moog lawm tom lub nroog Tamexe. Thaus koj moog txug tom yuav muaj tuabneeg qha koj paub ib puas tsaav yaam kws Vaajtswv yuav kuas koj ua. 11 Tug duab tshaav ntuj kws ci heev heev ntawm ua tsua kuv ob lub qhov muag dig lawm, saib tsw pum daabtsw le. Tes cov txwv neej kws nrug kuv moog txha tuav kuv teg coj kuv moog tom lub nroog Tamexe. 12 Huv lub nroog Tamexe hov muaj ib tug txwv neej npe hu ua Ananiya kws coj Vaajtswv txuj kevcai nruj, cov Yutai kws nyob huv lub nroog Tamexe suavdawg puav leej fwm nwg. 13 Nwg tuaj saib kuv, nwg lug sawv ntawm kuv ib saab has tsua kuv tas, nyuas kwv Xolau, koj ca le rov pum kev. Tes taamswm hov kuv ob lub qhov muag txawm rov pum kev, mas kuv tsaa muag saib nwg. 1-4 Nwg has tsua kuv tas, peb puj koob yawm koob tug Vaajtswv tub xaiv koj lug paub tej kws Vaajtswv xaav kuas koj ua, hab kuas koj pum Vaajtswv tug tub qhe kws ncaaj nceeg, hab nov nwg lub suab kws nwg has tsua koj. 15 Tsua qhov koj yuav qha nwg zaaj kws koj tau pum hab tau nov tsua suavdawg paub. 16 Nwgnuav koj tseem yuav tog ua daabtsw. Koj ca le sawv tseeg ua kevcai raus dej mas thaus koj thov nwg koj txha dim koj lub txem.
Povlauj pav qhov kws Vaajtswv hu Povlauj
17 Thaus kuv rov moog txug nraag lub nroog Yeluxalee, kuv saamswm thov Vaajtswv huv lub tuam tsev, 18 tes kuv txawm ua yug quas toog pum tug tswv lug has tsua kuv tas, nwgnuav koj ca le tswv tawm huv lub nroog Yeluxalee nuav moog, tsua qhov cov tuabneeg kws nyob huv lub nroog nuav yuav tsw noog tej lug kws koj qha has txug kuv. 19 Thaus kuv nov tug tswv has le ntawm kuv txawm teb nwg has tas, tug tswv, suavdawg puav leej paub tas, kuv yog tug kws pheej moog nteg cov kws ntseeg koj txhua nrho huv txhua lub tsev sablaaj. Kuv muab puab ntaus hab muab puab caab moog kaw tsua huv tsev loj faaj. 20 Thaus cov tuabneeg kws ntxub Xatefanau muab Xatefanau kws qha txug koj tua pov tseg, kuv kuj nyob ntawm hab, kuv nrug puab pum zoo muab nwg tua pov tseg Hab cov tuabneeg kws tua Xatefanau puab hle puab tej tsho ca tsua kuv zuv. 21 Vaajtswv has tsua kuv tas, koj ca le lug. Kuv yuav khaiv koj moog deb deb moog qha lwm tsaav tuabneeg. 22 Cov tuabneeg hov noog Povlauj qha lug txug thaus Povlauj has tas, Vaajtswv yuav khaiv nwg moog qha lwm tsaav tuabneeg, tes puab txawm qw nrov nrov has tas, tug nam tuabneeg zoo le nuav, ca nwg nyob los nyaav nplajteb xwb, ca le muab nwg tua pov tseg. 23 Cov tuabneeg ntawm chim heev puab txawm qw nrov nrov, hab hle pis hlo tsho pov zum quas zawg tsua hov u hov nuav, hab tsuab moov aav w tsua sau ntuj. 24 Thaus tug thawj rog kws kaav ib txheeb tug pum le ntawm, nwg txawm kuas nwg cov tub rog coj Povlauj moog huv tsev hab kuas puab muab Povlauj nplawm es nug Povlauj saib yog vem le caag cov Yutai pheej yuav qw hab ntxub Povlauj heev ua luaj le. 25 Kuas thaus cov tub rog saamswm muab hlua khi Povlauj, yuav muab Povlauj nplawm, Povlauj txawm has tsua tug thawj rog kws kaav ib puas tug kws sawv ze ntawm Povlauj has tas, thaus mej tseem tsw tau txav txem tsua ib tug tuabneeg Loo mej ca le muab nwg nplawm, sub hum txuj kevcai hab. 26 Thaus tug thawj rog kws kaav ib puas tug nov Povlauj has le hov nwg txawm moog qha tsua tug thawj rog kws kaav ib txheeb tug has tas, ua caag koj kuas peb muab tug txwv neej hov nplawm nua, nwg tub yog tuabneeg Loo hab los sas. 27 Tug thawj rog kws kaav ib txheeb txha lug nug Povlauj has tas, koj ca le qha kuv saib, koj yog tuabneeg Loo hab los. Povlauj teb has tas, kuv yeej yog tag. 28 Tug thawj rog kws kaav ib txheeb tug txawm has tas, kuv yog tuabneeg Loo hab, kuas kuv them nyaj ntau ntau kuv txha tau lug kav xeem ua tuabneeg Loo. Povlauj teb has tas, koj them nyaj ntau koj txha tau lug ua, kuas kuv mas yeej yug lug ua tuabneeg Loo lawm. 29 Tes cov tuabneeg kws yuav nug Povlauj nov le hov puab txawm txaav zog ntawm Povlauj lawm. Thaus tug thawj rog kws kaav ib txheeb nov Povlauj has tas, Povlauj yog tuabneeg Loo, tug thawj rog ntshai heev tsua qhov nwg tau muab Povlauj khi lawm.
Povlauj qha Yutai cov num tswv
30 Tug thawj rog kws kaav ib txheeb xaav paub tseeb tej kws cov Yutai kom Povlauj hov saib yog le caag. Nub tom qaab tug thawj rog txawm kuas cov tub rog muab txuj saw hlau kws khi Povlauj daws, hab nwg kuas cov pov thawj hlub hab Yutai cov num tswv suavdawg tuaj sablaaj. Thaus suavdawg tuaj txhwj lawm, nwg txawm coj Povlauj lug sawv ntawm suavdawg xub ndag.
1 Povlauj tsaa muag saib Yutai cov num tswv mas Povlauj has tsua puab has tas, cov kwvtij, lawv le kuv lub sab xaav mas txwj thaus kuv xeev xwm lug, kuv tub xyum zoo tsua ntawm Vaajtswv lub xub ndag lug txug naj nub nwgnuav. 2 Thaus tug tuam pov thawj hlub Ananiya nov Povlauj has le ntawm nwg txawm kuas cov tuabneeg kws sawv ze ntawm Povlauj ntaus Povlauj qhov ncauj. 3 Povlauj txawm has tsua Ananiya has tas, tug nam tuabneeg sab phem, Vaajtswv yuav ntaus koj. Ua caag koj yuav muaj plhu tuaj nyob ntawm kos txav txem tsua kuv lawv le Mauxe kevcai, qhov kws koj kuas puab ntaus kuv koj tub ua txhum Mauxe kevcai lawm los sas. h Cov tuabneeg kws sawv ze Povlauj txawm has tsua Povlauj has tas, koj tseem yuav saib tsw taug tug tuam pov thawj hlub kws ua Vaajtswv teg num hab los. 5 Povlauj teb puab has tas, cov kwvtij, kuv tsw paub nwg yog tug tuam pov thawj hlub. Yog kuv paub tes kuv yuav tsw has le ntawm, tsua qhov muaj lug sau ca tsua huv Vaajtswv phoo ntawv has tas, mej tsw xob thuaj tug kws saib mej. 6 Thaus Povlauj pum tas, cov tuabneeg kws tuaj sablaaj ntawm muaj ib txha yog cov Xatukai, ib txha yog cov Falixai, tes Povlauj txawm has nrov nrov tsua suavdawg has tas, cov kwvtij, kuv yog ib tug Falixai, kuv txwv yog ib tug Falixai hab." Qhov kws nwgnuav puab coj kuv tuaj tsua mej nug nuav tub yog vem kuv ca sab has tas, cov tuabneeg kws tuag lawm yuav sawv huv qhov tuag rov lug. 7 Thaus Povlauj has le hov tes cov Falixai hab cov Xatukai txawm sws caav heev tes puab txawm tsw sws hum lawm. 8 Tsua qhov cov Xatukai tsw ntseeg has tas, tuabneeg sawv tau huv qhov tuag rov lug. Hab tsw ntseeg has tas, muaj cov tubkhai sau ntuj hab muaj daab. Kuas cov Falixai ntseeg has tas, muaj peb yaam hov huvsw. 9 Suavdawg yimfuab sws caav heev dua, tes cov xwbfwb qha Vaajtswv kevcai kws yog cov Falixai muaj qee leej txawm sawv tseeg tshev has tas, peb tsw pum tug txwv neej nuav muaj ib qhov txhum le. Tej zag yog ib tug plig lossws ib tug tubkhai sau ntuj lug has tsua nwg tag kaj. 10 Tes tug thawj rog kws kaav ib txheeb pum suavdawg sws caav heev, nwg ntshai tsaam puab muab Povlauj chua nduag ua ob peb ceg, nwg txawm kuas nwg cov tub rog moog coj Povlauj tawm huv cov tuabneeg hov moog tsua huv tsev. 11 Mo hov tug tswv Yexu txawm lug sawv ntawm Povlauj ib saab has tsua Povlauj has tas, koj tsw xob txhawj. Koj tub qha kuv zaaj huv lub nroog Yeluxalee lawm. Koj yuav tsum qha le hov tim lub nroog Loo hab.
Puab tuav huv yuav tua Povlauj
12 Thaus kaaj ntug cov Yutai txawm tuaj ua ke sablaaj. Puab cog lug has tas, puab yuav tsw noj tsw haus ib yaam daabtsw le moog txug thaus puab tua tau Povlauj tsaiv puab le maav noj. 13 Cov tuabneeg kws tuav huv hov muaj plaub caug tawm leej. \h Tes puab txawm moog cuag cov pov thawj hlub hab cov kev txwj quas laug. Puab has tsua cov hlub ntawm has tas, peb tub cog lug tseg has tas, peb yuav tsw noj tsw haus ib yaam daabtsw moog txug thaus peb tua tau Povlauj tsaiv peb le maav noj. 15 Yog le ntawm, mej hab Yutai cov num tswv ca le khaiv tuabneeg moog has tsua tug thawj rog kws kaav ib txheeb kuas coj Povlauj tuaj cuag mej. Mej ua txuj has tsua nwg has tas, mej xaav nug Povlauj zaaj kuas paub tseeb dua thawj zag. Mej ua le hov ais peb moog tog kev tua Povlauj pov tseg. 16 Kuas Povlauj tug muam tug tub nov puab tuav huv yuav muab Povlauj tua pov tseg, tes nwg txawm moog huv cov tub rog lub loog mas qha qhov kws nwg nov hov tsua Povlauj paub. 17 Povlauj txawm hu ib tug thawj rog kws kaav ib puas tug lug, mas nwg has tsua tug thawj rog hov tas, thov koj coj tug tub hluas nuav moog cuag tug thawj rog kws kaav ib txheeb, nwg muaj lug yuav has tsua tug thawj rog noog. 18 Tug thawj rog kws kaav ib puas txawm coj tug tub hluas hov moog cuag tug thawj rog kws kaav ib txheeb, mas has tsua tug thawj rog kws kaav ib txheeb has tas, tug Povlauj kws raug txem thov kuv coj tug tub hluas nuav tuaj cuag koj, tug tub hluas nuav muaj lug yuav has tsua koj noog. 19 Tug thawj rog kws kaav ib txheeb txawm tuav tug tub hluas hov teg coj moog tsua ib qho mas nug nwg has tas, koj muaj lug daabtsw yuav has tsua kuv. 20 Tug tub hluas teb has tas, cov Yutai tub sablaaj has hum lawm has tas, pigkig puab yuav tuaj thov kuas koj coj kuv tug txwv daab Povlauj moog cuag Yutai cov num tswv, mas puab yuav ua txuj has tas, Yutai cov num tswv xaav nug Povlauj zaaj kuas paub tseeb dua thawj zag. 21 Kuas koj tsw xob noog puab lug, tsua qhov tub muaj plaub caug tawm leej saamswm tog kev yuav tua kuv tug txwv daab Povlauj. Cov tuabneeg hov tub cog lug tseg has tas, puab yuav tsw noj tsw haus ib yaam daabtsw moog txug thaus kws puab tua tau kuv txwv daab tsaiv puab le maav noj. Puab tub npaaj txhwj lawm, kuas puab tseem tog saib koj yuav has le caag xwb. 22 Tug thawj rog kws kaav ib txheeb txawm has tsua tug tub hluas has tas, koj ca le rov qaab moog tsev, koj tsw xob qha qhov kws koj tuaj has tsua kuv nuav tsua leejtwg le.
Xaa Povlauj moog cuag Feli
23 Tug thawj rog kws kaav ib txheeb txawm hu nwg ob tug tub rog kws kaav ib puas lug cuag nwg mas nwg has tsua ob tug has tas, meb ca le moog txhwj ob puas leej tub rog hab txhwj cov tub rog caij neeg xyaa caum leej hab cov tub rog nkaug muv ob puas leej, mas thaus tsaus ntuj cuaj teev mej moog peg lub moos Xixaleya. 24 Mej nrhav neeg tsua Povlauj caij hab. Mej yuav tsum saib nwg zoo zoo hab xaa nwg moog kuas txug tug phuj vaj Feli. 25 Tug thawj rog kws kaav ib txheeb txawm sau ib tsaab ntawv xaa moog tsua Feli. Tsaab ntawv hov has tas. 26 Phuj vaj Feli kws ua peb nam peb txwv, kuv yog Khalauta Luxa. Kuv sau tsaab ntawv nuav tuaj qha tsua koj paub has tas, 27 cov Yutai tau nteg tug txwv neej nuav, puab tub yuav muab nwg tua pov tseg. Kuv nov has tas, nwg yog tuabneeg Loo, kuv txha coj kuv cov tub rog moog paab nwg. 28 Kuv xaav paub tseeb saib tej lug kws cov Yutai kom nwg yog le caag, kuv txha coj nwg moog cuag Yutai cov num tswv. 29 Thaus peb nug nwg zaaj kuv pum tas, tej lug kws puab kom nwg, puab has' txug qhov kws nwg tau ua txhum cov Yutai kevcai xwb. Kuv tsw pum nwg ua ib qhov txhum kws yuav tswm nyog muab nwg tua pov tseg lossws muab nwg kaw tsua huv tsev loj faaj. 30 Thaus kuv nov has tas, cov Yutai tuav huv yuav tog kev muab nwg -tua pov tseg, tes kuv txha ca le xaa nwg tuaj cuag koj. Kuv has tsua cov tuabneeg kws kom nwg has tas, kuas puab ca le tuaj tim ntsej tim muag has ntawm koj xub ndag. 31 Cov tub rog txawm moog ua lawv le tug thawj rog kws kaav ib txheeb has. Mo hov puab coj Povlauj moog txug peg lub moos Antipati. 32 Thaus kaaj ntug cov tub rog kws moog kwtaw txawm rov qaab moog nraag puab lub loog lawm, tsuas ca cov tub rog kws caij neeg xaa Povlauj moog peg lub moos Xixaleya xwb. 33 Thaus puab moog txug puab txawm muab tsaab ntawv kws Kha-lauta Luxa sau hab muab Povlauj tsua phuj vaj. 34 Thaus phuj vaj nyeem tsaab ntawv hov taag, nwg txawm nug Povlauj has tas, koj nyob lub tebchaws twg tuaj. Thaus phuj vaj paub has tas, Povlauj tuaj peg Kilika tebchaws tuaj, 35 tes phuj vaj txawm has tsua Povlauj has tas, tog cov tuabneeg kws kom koj tuaj txug tsaiv kuv le maav noog koj has. Tes phuj vaj txawm kuas tub rog zuv Povlauj zoo zoo tsua huv vaaj ntxwv Helauj tsev.
Cov Yutai tuaj kom Povlauj tsua Feli
1 Tau tswb nub tom qaab, tug tuam pov thawj hlub Ananiya hab ob peb tug kev txwj quas laug hab ib tug txwv neej kws txawj has plaub npe hu ua Telatulau puab moog peg lub moos Xixaleya. Thaus puab moog txug puab txawm kom Povlauj tsua phuj vaj Feli noog. 2 Thaus puab hu Povlauj tuaj txug, Telatulau txawm chiv kom Povlauj tsua Feli noog has tas, Feli, koj ua peb nam peb txwv. Tog naj nub nu peb tau zoo noj tau zoo nyob hab peb lub tebchaws txhua qhov muaj kev vaam meej los tub yog vem muaj koj saib peb. 3 lb puas tsaav yaam kws koj tau paab peb lawm peb yeej ncu ntsoov koj tshaav ntuj. 4 Ntshai yuav taab kaum koj, kuas thov koj ua sab ntev, peb muaj lu puav nyuas lug yuav has tsua koj noog. 5 Peb pum tas, tug txwv neej nuav yog ib tug nam tuabneeg sab phem kws pheej ua tsua cov Yutai kws nyob thoob plhawv huv qaab ntuj nuav ntxhuv. Hab nwg ua cov Naxale tug thawj. 6 Tsw yog le hov xwb nwg tseem saib tsw taug lub tuam tsev thov Vaajtswv hab. Nwg ua le hov peb txha nteg nwg. (Peb yeej yuav txav txem tsua nwg lawv le peb kevcai. 7 Kuas tug thawj rog kaav ib txheeb kws npe hu ua Luxa txawm tuaj txeeb kag Povlauj ntawm peb txhais teg moog lawm. 8 Tes Luxa txawm has tsua cov tuabneeg kws kom Povlauj kuas tuaj tim ntsej tim muag has ntawm koj xub ndag.) Yog koj ua tuab zoo nug tug txwv neej nuav zoo zoo koj yuav paub tseeb has tas, yeej muaj lawv le tej lug kws peb kom nwg tag. 9 Cov Yutai kws nyob ntawm txawm has zum quas zawg has tas, nwg yeej ua le Telatulau has tag los maj.
Feli ca Povlauj has daws Povlauj zaaj
10 Thaus phuj vaj kuas Povlauj has daws Povlauj zaaj, Povlauj txawm has tas, kuv paub has tas, koj yog tug phuj vaj kws txav txem ncaaj nceeg tsua cov tuabneeg kws nyob huv lub tebchaws nuav tau ntau xyoo lug lawm. Kuv txha zoo sab has daws kuv zaaj tsua koj noog. 11 Yog koj ua tuab zoo saib zoo zoo koj yeej yuav paub tas, thaus kuv moog thov Vaajtswv nraag lub nroog Yeluxalee lug txug nwgnuav, tub tsw tau dhau kaum ob nub. 12 Cov Yutai yeej tsw tau pum kuv nrug leejtwg sws caav huv lub tuam tsev thov Vaajtswv ib zag le. Puab tub tsw pum kuv ua tsua cov pejxeem ntxhuv huv puab tej tsev sablaaj lossws ua ntxhuv huv lub nroog hov twg le. 13 Tej lug kws puab kom kuv tsw muaj ib lus tseeb kws qha has tas, kuv tau ua txhum. 14 Txawm yog tsw muaj ib lus tseeb los kuv thov leeg ib qho tsua koj has tas, kuv yeej coj lawv le txuj kevcai tshab kws puab has tas, tsw tseem ceeb. Kuas txuj kevcai hov yeej yog Vaajtswv txuj kws peb puj koob yawm koob ib txwm coj thau u lug lawm. Kuv ntseeg txhua lu kws sau ca tsua huv Mauxe txuj kevcai hab huv tej ntawv kws cov xwbfwb cev Vaajtswv lug tau sau ca huvsw. 15 Kuv hab puab puav leej ca sab ib yaam nkaus has tas, Vaajtswv yuav tsaa cov tuabneeg kws tuag lawm, tsw has tuabneeg phem tuabneeg zoo, txhua tug sawv rov lug. 16 Yog le ntawm kuv txha le muab tsua sau sab ua zoo kuas hum Vaajtswv sab hab hum tuabneeg sab. 17 Kuv tub tawm huv lub nroog Yeluxalee moog nyob lwm qhov tau ob peb xyoos lawm. Mas kuv txha rov moog nraag Yeluxalee, kuv coj mivntswv nyaj moog pub tsua kuv tsaav tuabneeg hab coj hov txhua chaw moog pub tsua Vaajtswv. 18 Thaus kuv ua kevcai ntxuav taag kuv saamswm muab hov txhua chaw pub tsua Vaajtswv huv lub tuam tsev tes puab txawm tuaj pum kuv. Thaus hov tsw muaj tuabneeg coob nrug kuv nyob ua ke hab tsw muaj kev ntxhuv daabtsw le. 19 Kuas cov Yutai kws tuaj peg Axia tebchaws tuaj muaj qee leej nyob hov hab. Yog puab pum has tas, thaus hov kuv ua txhum tes tswm nyog puab tuaj kom kuv tsua koj ntawm nuav los kaj, 20 lossws kuas cov tuabneeg kws nyob ntawm nuav has saib, thaus kuv qha kuv zaaj tsua Yutai cov num tswv noog, cov kws kom kuv nuav tsua pum kuv ua txhum daabtsw. 21 Thaus kuv sawv ntawm puab xub ndag kuv tau has ib lus has tas, nub nua mej txav txem tsua kuv tub yog vem kuv ca sab has tas, cov tuabneeg kws tuag lawm yuav sawv huv qhov tuag rov lug. Tseem muaj lwm lu kws puab has tas, kuv ua txhum hab los. 22 Feli yeej kawm paub txuj kevcai tshab lug lawm. Thaus nwg nov Povlauj has le ntawm nwg txawm kuas suavdawg tso tseg. Nwg has tsua suavdawg has tas, tog tug thawj rog Luxa kws kaav ib txheeb tuaj txug tsaiv, kuv le maav rov has mej rooj plaub nuav dua. 23 FeTi txawm kuas tug thawj rog kws kaav ib puas zuv Povlauj hab has tas, ca Povlauj nwg nyob nwg tsw xob muab khi. Hab ca nwg cov kwvtij kwvluag tuaj saib nwg hab tu nwg.
Povlauj qha Vaajtswv zaaj tsua Feli ob nam txwv noog
24 Tau ob peb nub Feli ob nam txwv txawm hu Povlauj moog cuag ob tug. Feli tug quaspuj yog tuabneeg Yutai, nwg npe hu ua Ruxila, ob tug noog Povlauj qha has txug tug kws yuav lug ntseeg Yexu mas yuav tsum ua le caag. 25 Kuas thaus Povlauj qha has tas, tuabneeg yuav tsum ua ncaaj ua nceeg, hab nyag yuav tsum tswj nyag lub sab, hab qha has tas, yaav tom hauv ntej muaj ib nub Vaajtswv yuav teem txem tsua suavdawg, thaus Feli nov Povlauj qha le hov, nwg ntshai, nwg txawm has tsua Povlauj has tas, koj ca le rov moog, lwm nub kuv kwg tsaiv kuv le maav hu koj rov tuaj dua. 26 Kuas Feli yeej xaav has tas, Povlauj yuav muab nyaj tsua nwg, mas nwg txha hu Povlauj moog nrug nwg thaam ob peb zag. 27 Tau ob xyoos tom qaab Phaulaki-au Fexatau txawm lug ua phuj vaj hloov Feli chaw. Feli xaav kuas cov Yutai nyam Feli, Feli txha ca Povlauj nwg nyob nwg huv tsev loj faaj.
Povlauj thov moog has ntawm fuabtais Xixa
1 Thaus Fexatau lug ua phuj vaj kaav lub tebchaws ntawm tau peb nub lawm, nwg txawm tawm huv lub moos Xixaleya moog nraag lub nroog Yeluxalee. 2 Thaus nwg moog txug nraag, cov pov thawj hlub hab Yutai cov thawj txawm tuaj kom Povlauj tsua Fexatau. 3 Hab puab thov Fexatau has moog kuas Povlauj tuaj tsua huv lub nroog Yeluxalee. Puab tub tuav huv has tas, thaus Povlauj taug kev tuaj puab yuav tog kev muab Povlauj tua pov tseg, puab txha thov le hov. h Fexatau teb has tas, Povlauj tseem raug kaw peg lub moos Xixaleya. Tsw ntev nuav kuv yuav rov moog peg. 5 Yog mej pum Povlauj ua txhum daabtsw, mej cov kws ua thawj ca le nrug kuv moog lawm peg lub moos Xixaleya ais mej le maav sws has peg. 6 Fexatau tseem nrug puab nyob huv lub nroog Yeluxalee kwvlaam kaum nub nwg le maav rov moog peg lub moos Xixaleya. Thaus nwg moog txug peg, nub tom qaab nwg moog nyob huv lub tsev tu plaub, tes nwg txawm khaiv tuabneeg moog coj Povlauj lug cuag nwg. 7 Thaus Povlauj tuaj txug huv tsev tu plaub cov Yutai kws tuaj nraag lub nroog Yeluxalee tuaj, txawm lug sawv vej Povlauj, mas kom Povlauj heev heev le tsua Fexatau has tas, Povlauj ua txhum ntau yaam. Kuas puab tsw muaj keeb puam hov twg lug kom Povlauj le. 8 Tes Povlauj txawm has daws Povlauj zaaj has tas, kuv yeej tsw tau ua txhum cov Yutai txuj kevcai, hab tsw tau saib tsw taug lub tuam tsev thov Vaajtswv, lossws ua txhum fuabtais "Xixa le. 9 Kuas Fexatau xaav kuas cov Yutai nyam Fexatau tes nwg txawm nug Povlauj has tas, koj xaav moog lawm nraag lub nroog Yeluxalee ais kuv le has mej tshaaj plaub nraag los tsw xaav. 10 Povlauj teb has tas, kuv saamswm nyob huv fuabtais Xixa lub tsev tu plaub, tes tub tsv^n nyog tu kuv tshaaj plaub tsua hov ntawm. Koj yeej paub tseeb has tas, kuv tsw tau ua txhum tsua cov Yutai. 11 Yog kuv tau ua txhum lossws ua ib yaam daabtsw kws tswm nyog muab kuv tua pov tseg, tes kuv yeej tsw tawv tsw kwv le. Kuas yog tej lug kws puab kom kuv hov tsw muaj tseeb, leejtwg tseem muaj cuab kaav muab kuv tsua puab. Kuv thov moog has tim fuabtais Xixa. 12 Thaus Fexatau nov Povlauj has le hov, nwg txawm nrug nwg cov num tswv sablaaj. Thaus puab sablaaj taag nwg has tsua Povlauj has tas, koj tub thov moog has tim fuabtais Xixa lawm, tes koj yuav tsum moog has tim fuabtais Xixa xwb.
Povlauj qha txug Vaajtswv tsua Akipa hab Npela-nike noog
13 Dhau hov tsw ntev vaaj ntxwv Akipa hab vaaj ntxwv tug muam npe hu ua Npelanike ob tug tuaj saib Fexatau huv lub moos Xixaleya. 14 Ob tug tuaj nyob ntawm tau ob peb nub tes Fexatau txawm qha Povlauj tshaaj plaub tsua vaaj ntxwv Akipa has tas, lub swmhawm kws Feli ua num kaav lub tebchaws nuav, nwg tau muab ib tug yawm kaw tsua huv tsev loj faaj. Nwgnuav yawm hov tseem nyob huv tsev loj faaj. 15 Muaj ib zag kuv moog nraag lub nroog Yeluxalee, Yutai cov pov thawj hlub hab cov kev txwj quas laug suavdawg txawm tuaj kom yawm hov tsua kuv, hab thov kuas kuv txav txem tsua nwg. 16 Kuas kuv has tsua puab has tas, lawv le Loo kevcai mas yuav tsum ca ob tog tuaj tim ncauj tim lug has taag tsaiv le maav txav txem tsua tug kws ua txhum. 17 Thaus puab cov tuaj txhwj lawm, nub tom qaab kuv txawm ca le moog nyob huv tsev tu plaub mas hu yawm hov lug cuag kuv. 18 Thaus cov tuabneeg kws tuaj kom nwg sawv tseeg lug has, puab tsw nrhav txem tsua nwg lawv le kuv xaav. 19 Puab tsuas sws caam has txug puab tej kevcai xwb, hab puab has txug ib tug txwv neej npe hu ua Yexu, nwg tub tuag lawm, kuas Povlauj has tas, tug txwv neej hov nwg tseem muaj txujsa nyob. 20 Thaus hov kuv tsw paub yuav ua le caag txha paub tseeb zaaj nuav, kuv txha nug Povlauj saib nwg kaam moog lawm nraag Yeluxalee ais kuv le maav has nwg tshaaj plaub nraag los tsw kaam. 21 Kuas Povlauj thov kuv ca nwg nyob nwg huv tsev loj faaj hab ca fuabtais Xixa txav txem tsua nwg. Mas kuv txha ca nwg nyob nwg huv tsev loj faaj moog txug nub kws kuv xaa nwg moog cuag fuabtais Xixa. 22 Vaaj ntxwv Akipa txawm has tsua Fexatau has tas, kuv xaav noog yawm hov has. Fexatau txawm teb has tas, tes pigkig kuv kuas yawm hov lug has tsua koj noog. 23 Nub tom qaab cov thawj tub rog hab cov num tswv luj suavdawg nrug vaaj ntxwv Akipa hab Npelanike tuaj tsua huv chaav tsev has plaub. Cov pejxeem kws nyob huv lub moos suavdawg tuaj nyob ntawm kev tog hawm vaaj ntxwv. Thaus vaaj ntxwv moog txug huv chaav tsev has plaub lawm, Fexatau txawm khaiv tuabneeg moog hu Povlauj tuaj cuag vaaj ntxwv. 2b Thaus Povlauj tuaj txug, Fexatau txawm has tsua vaaj ntxwv has tas, vaaj ntxwv Akipa hab mej txhua tug kws nyob ntawm nuav, mej puav leej pum tug yawm nuav yog tug kws cov Yutai kws nyob huv lub moos nuav hab cov kws nyob nraag Yeluxalee suavdawg pheej tuaj thov kuas kuv muab nwg tua pov tseg, tsw xob ca nwg nyob. 25 Kuas kuv tub nug nwg taag lawm kuv tsw pum nwg ua ib qhov txhum kws yuav txaus muab nwg tua pov tseg. Thaus nwg thov moog has tim fuabtais Xixa kuv txawm has tsua nwg has tas, yog le ntawm kuv yuav xaa nwg moog. 26 Vaaj ntxwv Akipa, kuv has tsua koj has tas, yeej tsw muaj ib qhov tseem ceeb kws yuav zoo sau tug yawm nuav zaaj moog qha tsua fuabtais Xixa paub. Yog le ntawm kuv txha coj nwg tuaj cuag suavdawg, kuas qhov tseeb yeej yog kuv coj nwg tuaj cuag koj kuas koj nug nwg zaaj, kuv txha muaj lug sau xaa moog tsua fuabtais" Xixa. 27 Kuv xaav has tas, yog tsw muaj ib qhov tseem ceeb kws sau qha has tas, tug raug txem ua txhum daabtsw, tes yeej tsw zoo xaa tug ntawm moog cuag fuabtais.
Povlauj has daws Povlauj zaaj tsua vaaj ntxwv Akipa noog
1 Vaaj ntxwv Akipa has tsua Povlauj has tas, kuv ca koj has daws koj zaaj. Povlauj txawm xyaab hlo teg has daws Povlauj zaaj has tas, 2 Vaaj ntxwv Akipa, kuv zoo sab kawg le, nub nua kuv tau lug sawv ntawm koj xub ndag has daws txhua zaaj kws cov Yutai kom has tas kuv ua txhum, tsua koj noog. 3 Tsua qhov koj yeej paub cov Yutai tej kevcai hab tej kws peb cov Yutai has tsw sws hum lawm. Mas thov koj ua sab ntev noog kuv has. 4 Txwj thaus kuv yau lug txug naj nub nwgnuav kuv lub neej zoo le caag los cov Yutai puav leej paub huvsw. Kuv yeej nrug kuv tsaav tuabneeg nyob hlub huv kuv lub tebchaws hab huv lub nroog Yeluxalee. 5 Puab yeej ib txwm paub kuv thau u lug lawm. Yog puab kaam ua tim khawv puab yeej yuav ua tim khawv has tas, kuv yog ib tug Falixai hab suavdawg puav leej paub has tas, cov Falixai yog cov kws coj kevcai nruj heev. 6 Nwgnuav kuv tuaj sawv ntawm nuav tub yog vem kuv ca sab tsua tej lug kws Vaajtswv tau cog tseg tsua peb puj koob yawm koob lawm. 7 Peb kaum ob xeem tuabneeg Yutai puav leej muab tsua sau sab naj nub naj mo ua lawv le Vaajtswv txuj kevcai. Peb ca sab has tas, peb yuav tau lawv le tej lug kws Vaajtswv tau cog tseg ntawm. Vaaj ntxwv, tub yog vem kuv ca sab le nuav, cov Yutai txha has tas, kuv ua txhum. 8 Ua caag mej cov kws yog tuabneeg Yutai ib yaam le kuv, mej pheej tsw ntseeg has tas, Vaajtswv tsaa tau cov tuabneeg kws "tuag lawm sawv rov lug. 9 Yaav taag lug lawm kuv yeej xaav has tas, kuv yuav ua kuas suavdawg saib tsw taug Yexu kws yog tuabneeg Naxale. 10 Kuv txha ua le hov nraag lub nroog Yeluxalee. Cov pov thawj hlub muab fwjchim tsua kuv moog nteg cov ntseeg Yexu caab lug kaw tsua huv tsev loj faaj. Thaus cov hlub txav txem has tas, yuav muab cov ntseeg hov caab moog tua pov tseg los kuv kuj pum zoo ua le hov hab. 11 Muaj ntau zag kuv moog nteg cov ntseeg huv tej tsev sablaaj caab lug rau txem hab yuam kuas puab tso puab kev ntseeg tseg. Kuv ntxub puab kawg le kuv txha moog tswm txom cov ntseeg kws nyob huv lwm tsaav tuabneeg tej tebchaws hab.
Povlauj qha qhov kws nwg ntxeev dua sab tshab
12 Yog le hov kuv txha thov cov pov thawj hlub ua ntawv muab fwjchim tsua kuv moog tswm txom cov ntseeg peg lub nroog Tamaxe. 13 Vaaj ntxwv, thaus kuv taug kev moog, mas taav su quas lug kuv txawm pum duab tshaav ntuj ci nplaag heev dua lub nub sau ntuj tuaj laum nkaus kuv hab cov tuabneeg kws nrug kuv moog ntawm. 14 Peb txawm ca le qaug taag tsua huv peg teb, mas kuv nov ib lub suab has lug Heplais tsua kuv has tas, Xolau, Xolau, ua caag koj tswm txom kuv. Koj ua le tug nyuj kws tuam nwg tug tswv tug muv, tes yeej yuav mob nyuj nqaj xwb. 15 Kuv nug has tas, tug tswv koj yog leejtwg. Tug tswv teb has tas, kuv yog Yexu kws koj tswm txom ntaag. 16 Koj ca le sawv tseeg, qhov kws kuv lug ua tsua koj pum nuav tub yog kuv lug tsaa koj ua kuv tug tub qhe. Kuv yuav kuas koj moog qha tej kws nub nua koj pum hab tej kws kuv yuav ua tsua koj pum tom hauv ntej nuav tsua suavdawg paub. 17 Kuv yuav khaiv koj moog qha cov Yixayee hab lwm tsaav tuabneeg, mas kuv yuav saib koj hab paab koj dim huv cov tuabneeg hov txhais teg. 18 Kuv yuav khaiv koj moog qha cov tuabneeg kws nyob huv qhov tsaus ntuj kuas puab tawm lug nyob qhov pum kev, hab tawm huv Daab Ntxwg Nyoog txhais teg lug cuag Vaajtswv. Thaus puab lug ntseeg kuv lawm Vaajtswv yuav zaam puab lub txem mas puab txha tau lug nrug cov tuabneeg kws Vaajtswv tau xaiv ca ua Vaajtswv le tuabneeg lawm nyob ua ke.
Povlauj has txug Povlauj tej num
19 Vaaj ntxwv Akipa tub yog le ntawm kuv txha ua lawv le tej kws kuv nov lub suab sau ntuj qha kuas kuv ua. 20 Kuv xub qha cov tuabneeg kws nyob huv lub moos Tamaxe kuv le maav moog qha nraag lub nroog Yeluxalee. Dhau hov ntawm kuv moog qha thoob plhawv huv Yutai tebchaws hab qha lwm tsaav tuabneeg kuas suavdawg nyag tso nyag tej kev txhum pov tseg tig rov lug cuag Vaajtswv, hab nyag ua nyag lub neej kuas phim qhov kws nyag tub tso nyag tej kev txhum tseg lawm. 21 Mas cov Yutai txha le tuaj nteg kuv huv lub tuam tsev thov Vaajtswv, thaus hov puab tub yuav muab kuv tua pov tseg. 22 Kuas txwj thaus hov lug txug naj nub nwgnuav Vaajtswv tau paab kuv, kuv txha le tau tuaj sawv ntawm nuav ua tim khawv qha tej kws kuv pum hab kuv paub lawm tsua cov hlub cov yau suavdawg noog. Tej kws kuv qha kuv tsuas qha lawv le tej lug kws cov xwbfwb cev Vaajtswv lug hab Mauxe xub qha tseg lawm xwb, kuv yeej tsw tau qha tshaaj tej kws puab qha hov ib qho le. 23 Mauxe puab qha has tas, tug kws Vaajtswv khaiv lug ua Cawmseej, nwg yeej yuav raug kev tswm txom hab nwg yuav yog thawj tug kws sawv huv qhov tuag rov lug. Hab nwg yuav qha txujkev kaaj tsua cov Yutai hab lwm tsaav tuabneeg paub. 24 Thaus Povlauj saamswm has daws Povlauj zaaj tsw tau taag, Fexatau txawm has nrov nrov tsua Povlauj has tas, Povlauj, koj tej tswvyim kws koj kawm txawj kawm ntse ua tsua koj vwm lawm lauj. 25 Povlauj teb has tas, Fexatau, kuv tsw vwm. Kuv yeej meej pem hab tej lug kws kuv has nuav yeej muaj tseeb tag. 26 Vaaj ntxwv Akipa, koj yeej paub tej nuav taag lawm, kuv txha muaj sab tuab qha tej nuav tsua koj. Tej nuav tub muaj taab meeg tsua suavdawg pum. Kuv paub tas, koj tub tshuaj tej nuav txhua txhua lawm. 27 Vaaj ntxwv Akipa, koj ntseeg tej lug kws cov xwbfwb cev Vaajtswv lug qha los tsw ntseeg. Kuv paub tas koj yeej ntseeg tej lug hov. 28 Vaaj ntxwv Akipa has tsua Povlauj has tas, koj nyav qha mivntswv tsua kuv xwb, koj txawm swv xaav has tas, koj yuav yum tau kuv lug ntseeg Yexu nua los. 29 Povlauj teb tas, qha ntau qha tsawg los xwj, kuv thov Vaajtswv paab koj hab mej txhua tug kws saamswm noog kuv qha nuav kuas suavdawg lug ua ib yaam le kuv ua, tsuas yog tsw xob raug luas muab saw hlau khi le kuv raug nuav xwb. 30 Thaus Povlauj has le hov taag, vaaj ntxwv Akipa hab phuj vaj Fexatau hab Npelanike hab cov tuabneeg kws nyob ntawm, suavdawg txawm sawv. 31 Thaus suavdawg tawm taag moog nrau zoov lawm, suavdawg txawm sws thaam has tas, tug txwv neej nuav tsw tau ua ib qhov txhum kws yuav txaus muab nwg tua pov tseg lossws muab nwg kaw tsua huv tsev loj faaj. 32 Vaaj ntswv Akipa has tsua Fexatau has tas, yog nwg xob thov moog has tim fuabtais Xixa tes peb ca le muab nwg tso moog kuj tau.
Peb sawv kev moog tim lub nroog Loo
1 Thaus cov num tswv sablaaj has hum tas, puab yuav xaa peb moog tim I tali tebchaws, puab txawm muab Povlauj hab ob peb tug tuabneeg raug txem tsua tug thawj rog Yula kws kaav ib puas tug zuv. Paab tub rog hov yog nyob huv paab tub rog Loo kws hu ua fuabtais paab. 2 Tes peb txawm nee moog huv lub nkoj kws tuaj peg lub moos Alamute tuaj. Lub nkoj hov saamswm yuav moog tim tej moos kws muaj chaw nreg nkoj huv Axia tebchaws. Peb txawm caij moog. Muaj ib tug txwv neej npe hu ua Alixakhau nrug peb moog. Alixakhau yog tuabneeg Makatauna kws tuaj peg lub moos Thexalaunike tuaj. 3 Nub tom qaab peb moog txug huv lub moos Xitoo. Yula hlub Povlauj, Yula txawm ca Povlauj moog saib Povlauj cov kwvtij, cov kwvtij hov txha muab tau hov txhua chaw pub tsua Povlauj. h Thaus peb caij nkoj tawm huv lub moos Xitoo moog mas cua ntsawj heev tes peb txha zos lub miv tebchaws Xaipa huv hav txwv saab peg moog. 5 Thaus peb caij nkoj moog peb moog ze ze Kilika tebchaws hab Phafula tebchaws peb le maav moog txug lub moos Mula kws nyob huv Lukiya tebchaws. 6 Thaus peb tseem nyob huv lub moos Mula muaj ib lub nkoj tuaj nraag lub nam moos Alexaatala tuaj. Lub nkoj hov yuav moog tim I tali tebchaws. Tug thawj rog kws kaav ib puas txawm kuas peb caij lub nkoj ntawm moog. 7 Lub nkoj kws peb caij hov moog qeeb kawg le vem muaj cua ntsawj hlub hlub tom hauv ntej tuaj, peb moog tsw tau sai, peb moog ob peb nub, txha moog txug huv lub moos Kanitau. Pheej muaj cua hlub hlub peb moog tsw tau ncaaj nraim, peb txha lem nkoj moog nraag lub miv tebchaws Kalete huv hav txwv. Peb moog ze Kalete ceg nyuas kaum tebchaws kws hu ua Xalaumaune kws pem cua moog. 8 Peb caij nkoj lawv lub ntug tebchaws hov moog, mas ceblaaj kawg le, peb le maav moog txug ib qhov chaw kws suavdawg hu ua qhov chaw zoo nreg nkoj. Qhov chaw ntawm nyob ze ze lub moos Laxaya 9 Peb nyob ntawm qhov chaw nreg ntawm tau ntev heev, txha tsw zoo caij nkoj moog lawm, tsua qhov tub dhau lub caij kws cov Yutai yoo mov lawm. Yog le hov Povlauj txha qha suavdawg has tas, 10 Cov kwvtij, kuv xaav has tas, yog peb caij nkoj moog ntshai peb yuav muaj kev txhawj kev ntshai heev, lub nkoj hab tej hov txhua chaw kws peb thauj moog yuav puam tsuaj taag huvsw, hab yuav muaj tuabneeg tuag hab. 11 Povlauj tub qha le ntawm los tug thawj rog tsw noog Povlauj lug, nwg tsuas noog tug tsaav nkoj hab tug tswv nkoj lug xwb. 12 Lub caij ntuj no tsw zoo nyob ntawm qhov chaw nreg nkoj hov, mas muaj ntau leej txha pum zoo caij nkoj tawm huv qhov chaw ntawm moog su tom lub moos Foni kws muaj tshaav nreg nkoj. Lub moos Foni hov nyob huv lub miv tebchaws Kalete huv hav txwv. Lub tshaav nreg nkoj hov tig tsua saab nub poob mas pum saab peg hab saab nraag huvsw. Puab suavdawg yuav moog su hov ntawm kuas dhau lub caij ntuj no.
Muaj cua daaj cua dub huv hav txwv
13 Thaus muaj cua tuaj quas ntxog saab nraag tuaj, puab xaav has tas, zoo moog lawm tom lub moos Foni. Puab txawm nqug tog hlau kws nreg nkoj lug tsua sau lub nkoj, tes caij nkoj lawv lub ntug miv tebchaws Kalete huv hav txwv moog. 4 Puab nyav caij moog mivntswv txawm muaj cua ntsawj hlub hlub sau Kalete tebchaws tuaj. Cov cua hov suavdawg hu ua cov cua kws ntsawj saab nub tuaj peg tuaj. 15 Cov cua hov ntsawj peb lub nkoj tes peb txawm moog tsw tau lawv ntug Kalete tebchaws, peb ca le tso lub nkoj moog lawv le cua ntsawj. 16 Cua ntsawj peb moog txug nraag qaab lub miv tebchaws Khaunte huv hav txwv. Lub tebchaws hov yog ib lub miv miv. Thaus peb moog txug nraag cua ntsawj tsw heev lawm yog muaj lub tebchaws hov thaiv cua lawm, peb txha nqug lub nkoj miv lug khi tsua sau lub nkoj luj, kuas ceblaaj nqug hab txha nqug tau. 17 Cov tuabneeg kws ua num huv lub nkoj ntshai tsaam lub nkoj tawg, puab txawm muab hlua lug rwg lub nkoj luj ceev ceev, hab puab ntshai tsaam lub nkoj moog txaam tej pawg nam xuab zeb kws nyob npuas Li-npiya tebchaws, tes puab txawm muab daim ntaub kws cug cua txu, ca lub nkoj moog lawv le cua ntsawj. 18 Cua daaj cua dub pheej tsw txawj tug le, tes thaus kaaj ntug puab txawm muab tej hov txhua chaw kws puab thauj moog, thau pov tseg tsua huv hav txwv. 19 Nub tom qaab puab txawm muab tej hov txhua chaw kws puab swv huv lub nkoj thau pov tseg huvsw hab. 20 Peb tsw pum nub tsw pum hli tau ntau nub los cua daaj cua dub tseem ntsawj hlub hlub le qub. Thaus hov peb txha xaav has tas, ntshai peb yuav tsw dim le lawm. 21 Tau ntau nub cov tuabneeg kws nyob huv nkoj tsw muaj leejtwg noj mov le, Povlauj txawm sawv ntsug has tsua suavdawg has tas, cov kwvtij, yog mej ntxuv noog kuv lug ais peb nyob tuab ywv tom lub miv tebchaws Kalete huv hav txwv, ais peb tsw xob tuaj tes peb tub tsw raug kev txom nyem hab tej hov txhua chaw tub tsw poob taag le nuav. 22 Kuas mej tsw xob txhawj. Kuv qha tsua mej has tas, peb cov kws nyob ntawm nuav yuav tsw muaj ib tug tuag le, tsuas yog lub nkoj yuav puag taag xwb. 23 Kuv paub le nuav tsua qhov naag mo tug Vaajtswv kws kuv naj nub pe tau khaiv nwg ib tug tubkhai sau ntuj lug has tsua kuv has tas, 24 Povlauj, koj tsw xob ntshai, koj yeej yuav tau moog sawv ntawm fuabtais Xixa xub ndag xwb. Vaajtswv hlub koj heev, Vaajtswv yuav tsw kheev cov tuabneeg kws nyob huv lub nkoj nuav ib tug tuag le. 25 Yog le ntawm cov kwvtij, mej tsw xob txhawj tsua qhov kuv ntseeg tas, Vaajtswv yeej yuav ua lawv le nwg tau qha tsua kuv lawm. 26 Txawm yog le caag los peb lub nkoj yeej yuav moog khuab tsua ib lub miv tebchaws huv hav txwv xwb. 27 Cua daaj cua dub ntsawj peb lub nkoj moog moog lug lug huv hav txwv Metitelane tau kaum plaub nub, mas mo kws kaum plaub kwvlaam ib taag mo, cov tuabneeg kws ua num huv nkoj xaav has tas, lub nkoj tub moog yuav txug tim ntug, 28 tes puab txawm muab ib txuj hlua khi lub qai hlau tso tsua huv hav txwv ntsuag saib tub le caag. Thaus puab ntsuag taag puab pum tas, tub neeg nkaum daaj. Lub nkoj moog mivntswv puab tsua rov ntsuag dua puab pum tas, tub kaum tswb daag. 29 Puab ntshai tsaam lub nkoj moog tsoo pob zeb tes puab txawm muab plaub tog hlau kws nreg nkoj tom tw tso tsua huv hav txwv kuas lub nkoj nreg. Mo hov peb ceb ceblaaj tog kaaj ntug le. 30 Cov tuabneeg kws ua num huv lub nkoj xaav tswv, puab txawm muab lub nkoj miv tso tsua huv hav txwv, puab ua txuj ua yaam le puab yuav muab tej tog hlau kws nyob tom taubhau nkoj tso tsua huv dej. 31 Kuas Povlauj tub paub lawm, Povlauj txawm has tsua tug thawj rog kws kaav ib puas tug hab cov tub rog has tas, yog puab cov ntawm tswv lawm, tes mej cov kws nyob ntawm nuav yuav tsw muaj ib tug dim le. 32 Cov tub rog nov Povlauj has le ntawm, cov tub rog txawm ca le muab txuj hlua kws khi lub nkoj miv txav tso lub nkoj miv tsua dej ntsawj moog. 33 Thaus yuav kaaj ntug, Povlauj txawm kuas suavdawg noj mov. Povlauj has tas, mej tub tog saib cua daaj cua dub yuav tug tsw tug tau kaum plaub nub tsua nub nua lawm, mej tsw tau noj ib yaam daabtsw le. 34 Nwgnuav thov mej ca le noj mov mej txha muaj zug txha tsw tuag. Txawm yog mej tej plaub hau los yeej yuav tsw muaj ib txuj poob le. 35 Thaus Povlauj has le hov taag, Povlauj txawm muab ib lub ncuav lug mas ua Vaajtswv tsaug taab meeg suavdawg nwg le maav muab ndais noj. 36 Thaus puab nov Povlauj has le ntawm puab zoo sab mivntswv, puab txhua tug txha noj mov hab. 37 Taag nrho peb cov kws nyob huv lub nkoj muaj ob puas xyaa caum rau leej. 38 Thaus puab noj mov tsau lawm, puab txawm muab cov nplej kws puab thauj moog thau pov tseg huv hav txwv kuas lub nkoj swb mivntswv.
Lub nkoj tawg taag
39 Thaus kaaj ntug lawm cov tuabneeg kws ua num huv lub nkoj pum ib lub tebchaws nyob tom hauv ntej, kuas puab tsw paub sov yog lub tebchaws twg. Puab pum ib ceg nyuas hav txwv kws muaj ib taj xuab zeb ntawm ntug tes puab txawm xaav has tas, tso lub nkoj ncaaj nraim moog hov ntawm saib yuav moog txug tim ntug los tsw txug. 40 Puab txawm muab tej hlua kws khi cov tog hlau nreg nkoj txav pis nrho huvsw tseg tsua huv hav txwv, hab daws txuj hlua kws khi ob tug duav tig nkoj pov tseg. Hab nthuav daim ntaub cug cua kws nyob tom taubhau nkoj tsua cua ntsawj kuas lub nkoj ncaaj nraim moog tsua tim ntug. 41 Kuas thaus puab caij lub nkoj moog tsw tau txug tim ntug, lub taubhau nkoj txawm moog nrau pawg nam xuab zeb tes daig nkaus ruaj ruaj tsua huv cov xuab zeb lawm, mas dej ndaas heev heev nplawm yaav tw nkoj tawg yuav taag. 42 Cov tub rog ntshai tsaam cov raug txem yuav ua luam dej tswv, tes puab txawm has hum tas, yuav tsum muab cov tuabneeg raug txem tua pov tseg huvsw. 43 Kuas tug thawj rog kws kaav ib puas xaav paab Povlauj, nwg txha txwv tsw kheev cov tub rog muab cov tuabneeg raug txem tua pov tseg. Tug thawj rog txawm has tsua suav dawg tas cov kws txawj ua luam dej ca le dha tsua huv dej es ua luam dej lawm tim ntug, 44 cov kws tsw txawj ua luam dej ca le muab tej daim txag hab tej yaav ntoo kws luv ntawm lub nkoj lug tag hauv sab ua luam dej moog lawm tim ntug. Suavdawg ua le hov mas suavdawg puav leej moog txug tim ntug huvsw tsw muaj ib tug tuag le.
Lub miv tebchaws Ma lata huv hav txwv
1 Thaus peb moog txug sau ntug nqhuab lawm peb txha paub has tas, lub miv tebchaws huv hav txwv hov npe hu ua Ma lata. 2 Cov tuabneeg kws nyob huv lub tebchaws hov hlub peb kawg le. Thaus hov saamswm lug naag hab no no tes puab txawm rauv tawg tsua peb nte. 3 Povlauj moog khaws tau ib tsuag tawg lug, nwg saamswm yuav muab tso tsua huv qhov cub, paa tawg txhawb tes txawm muaj ib tug naab tawm huv tsuag tawg hov lug tum Povlauj txhais teg. 4 Thaus cov tuabneeg Malata pum tug naab tum dai quas vag ntawm Povlauj txhais teg, puab txawm sws thaam has tas, ntshai tug txwv neej nuav tau tua tuabneeg kab, txawm yog nwg dim kev tuag huv hav txwv lug lawm los ntuj tseem tsw kheev nwg nyob hab. 5 Povlauj txawm tuab nchus tug naab poob nroog tsua huv qhov cub, hab Povlauj tsw mob le caag le. 6 Cov tuabneeg hov pum naab tum Povlauj txhais teg mas puab xaav has tas ntshai Povlauj txhais teg yuav o o lossws Povlauj yuav ca le qaug ntawg tuag ndo taamswm ntawm, kuas puab tog tog tsw pum muaj le caag, tes puab txawm tsua has tas, ntshai nwg yog ib tug quas tshab sau ntuj kaj. 7 Tug num kws kaav lub nyuas tebchaws Malata hov npe hu ua Pula. Nwg vaaj tse nyob tsw deb qhov chaw kws cov tuabneeg Malata rauv tawg tsua peb nte. Peb moog su huv Pula tsev tau peb nub, mas Pula nrhav zaub nrhav mov zoo kawg tsua peb noj. 8 Thaus hov Pula txwv ua npaws hab thoj plaab. Povlauj txawm moog saib Pula txwv huv txaaj hab thov Vaajtswv paab nwg. Thaus Povlauj thov taag Povlauj cev teg tuav nwg tes nwg tej mob txawm zoo lawm. 9 Thaus cov tuabneeg Malata nov has tas, Povlauj khu Pula txwv zoo lawm, tes cov tuabneeg muaj mob kws nyob huv tebchaws hov suavdawg txawm tuaj cuag Povlauj, tes puab txhua tug tej mob txawm zoo huvsw. 10 Cov tuabneeg ntawm nqaa ntau yaam tuaj pub tsua peb hab ua peb tsaug. Hab thaus peb yuav caij nkoj moog puab nqaa hov txhua chaw tuaj tso tsua huv lub nkoj tsua peb swv.
Povlauj caij nkoj moog txug lub nroog Loo
11 Peb nyob ntawm tau peb hlis tes peb txawm nee lub nkoj kws tuaj nraag lub moos Alexaatala tuaj. Thaus tsw tau txug lub caij ntuj no lub nkoj hov tub xub tuaj su huv Malata lawm. Suavdawg hu lub nkoj ntawm hu ua Mivnyuas Ntxaib, tsua qhov puab txua ob tug nyuas moj zeeg ntxaib tsua ntawm taubhau nkoj. 12 Thaus peb moog txug peg lub moos Xulakhuxai peb nyob ntawm tau peb nub. 13 Tes peb txawm caij nkoj moog peg lub moos Leki-au. Nub tom qaab muaj cua ntsawj saab nraag tuaj. Peb caij nkoj moog ob nub mas moog txug peg lub moos Puti-aule. 14 Thaus peb moog txug huv lub moos hov lawm peb txawm moog saib cov ntseeg. Puab thov kuas peb nrug puab nyob xyaa nub. Dhau hov ntawm peb le maav moog txug peg lub nroog Loo. 15 Thaus cov kwvtij ntseeg kws nyob huv lub nroog Loo nov has tas peb moog, tes puab txawm tuaj tog peb. Muaj ib txha tuaj tog nraag kab Aphi-au, huas muaj ib txha tuaj tog nraag lub zog kws npe hu ua, Peb Lub Tsev Su. Thaus Povlauj pum cov ntseeg tuaj tog peb, nwg ua Vaajtswv tsaug hab nwg sab kaaj mivntswv. 16 Thaus peb moog txug huv lub nroog Loo lawm, cov num tswv txawm kheev Povlauj nwg nyob nwg ib qho, puab tsuas tso ib tug tub rog pheej zuv Povlauj xwb.
Povlauj qhuab qha huv lub nroog Loo
17 Tau peb nub tom qaab Povlauj txawm hu Yutai cov thawj kws nyob huv lub nroog ntawm tuaj sablaaj. Thaus suavdawg tuaj txhwj lawm Povlauj txawm has tsua puab has tas, cov kwvtij, kuv tub tsw tau ua txhum peb tsaav tuabneeg, hab tsw tau ua txhum peb puj koob yawm koob tej kevcai los cov Yutai ca le nteg kuv nraag lub nroog Yeluxalee tsua cov num tswv Loo txav txem. 18 Thaus cov num tswv Loo nug kuv zaaj taag, puab xaav tso kuv, tsua qhov puab tsw pum kuv ua ib qho txhum kws yuav txaus muab kuv tua pov tseg. 19 Kuas cov Yutai txwv tsw kheev puab tso kuv, kuv txha thov tuaj cuag fuabtais Xixa. Kuv ua le nuav tsw yog kuv yuav tuaj kom kuv tsaav tuabneeg tsua fuabtais Xixa. 20 Qhov kws kuv hu mej tuaj nuav yog kuv xaav pum mej hab qha tsua mej paub tas, vem le caag kuv txha raug saw hlau khi. Kuv raug khi le nuav tub yog vem kuv ntseeg has tas, tug Cawmseej kws cov Yixayee ca sab has tas, yuav lug, nwg tub lug lawm. 21 Puab txawm has tsua Povlauj has tas, cov tuabneeg kws nyob tim Yutai tebchaws tsw muaj ib tug sau has txug koj tuaj qha tsua peb ib zag le. Hab peb cov kwvtij kws nyob tim muaj ob peb leeg tuaj saib peb kuas peb tsw nov puab has tas, koj ua txhum. 22 Peb cov kws tuaj ntawm nuav peb xaav paub saib zaaj kws koj ntseeg kos yog le caag, tsua qhov peb pheej nov has tas, tej tuabneeg kws nyob hov txhua hov chaw suavdawg ntxub cov tuabneeg kws ntseeg le koj ntseeg. Zaaj nuav peb paub tsw tseeb, thov koj qha tsua peb saib. 23 Puab txawm teem ib nub ca yuav nrug Povlauj thaam. Thaus txug nub ntawm muaj tuabneeg coob coob tuaj cuag Povlauj huv lub tsev kws Povlauj nyob. Povlauj qha cov tuabneeg kws tuaj hov ib nub tsaus ntuj. Nwg qha has tas, Vaajtswv yuav lug kaav tuabneeg lub sab. Hab nwg muab tej lug kws Mauxe sau hab tej kws cov xwbfwb cev Vaajtswv lug tau sau tseg lawm coj lug qha kuas puab paub Yexu hab lug ntseeg. 24 Thaus Povlauj qha taag muaj ib txha lug ntseeg, kuas muaj ib txha tsw ntseeg. 25 Tes cov tuabneeg hov txawm tsw sws hum, nyag txawm tawm nyag lawm. Tsua qhov thaus kawg yog Povlauj has ib lus tsua puab has tas, Vaajtswv tug Ntsuj Plig kuas xwbfwb »Yaxaya kws cev Vaajtswv lug qha tseeb tseeb tsua mej puj koob yawm koob has tas, 26 Vaajtswv has tas, Koj ca le moog has tsua cov tuabneeg nuav has tas, Mej yuav noog taag noog thab los mej yuav tsw to taub. Mej yuav saib taag saib thab los mej yuav tsw pum. 27 Cov tuabneeg nuav lub sab ruag. Puab tsw xaav noog puab txha ntsaws qhov n tsej, Puab tsw xaav pum puab txha qe muag. Yog puab tsw ua le ntawm ntshai tsaam puab qhov muag yuav pum, puab qhov ntsej yuav nov hab puab yuav to taub, Tes puab yuav tig rov lug cuag kuv Hab kuv yuav khu puab tej mob. 28 Povlauj qha dua has tas, kuv qha tseeb tsua mej has tas, Vaajtswv tub khaiv tuabneeg moog qha txujkev dim txem tsua lwm tsaav tuabneeg lawm, nyab puab yuav noog. (29 Thaus Povlauj has le ntawm taag, cov Yutai sws caav heev, tes nyag txawm tawm nyag moog lawm.) 30 Povlauj nyob huv lub tsev kws nwg ndav hov tau ob xyoos txwm nkaus. Nwg naj nub nrug txhua tug kws tuaj saib nwg thaam. 31 Nwg qha qhov kws Vaajtswv yuav lug kaav tuabneeg lub sab hab nwg qha tug tswv Yexu tsua txhua tug noog, nwg tsw ntshai leejtwg le hab tsw muaj leejtwg txwv nwg.
1 Kuv yog Povlauj kws yog Yexu Kheto tug tub qhe, hab yog tug kws Vaajtswv xaiv ua tubkhai. Vaajtswv tsaa kuv ua tug kws qha Vaajtswv txuj xuv zoo. 2 Txuj xuv zoo ntawm yog txuj kws thau u Vaajtswv qha tsua cov xwbfwb cev Vaajtswv lug kuas puab muab sau ca tsua huv ntawv. 3 Txuj xuv zoo ntawm has txug Vaajtswv tug tub kws yog peb tug tswv Yexu Kheto. Nwg lug yug ua tuabneeg muaj roj ntshaa ib yaam le suavdawg. Nwg yog vaaj ntxwv "Tavi ib tug xeeb ntxwv. h Txawm yog le ntawm los nwg yeej yog Vaajtswv tug tub, nwg muaj fwjchim ib yaam le Vaajtswv. Vaajtswv tub tsaa nwg sawv huv qhov tuag rov lug lawm. Qhov kws Vaajtswv ua le hov tub yog tug txujci luj kws qha tsua suavdawg paub has tas, nwg yog Vaajtswv tug tub tag. 5 Vaajtswv kuas Yexu Kheto foom koob foom moov tsua kuv hab tsaa kuv ua ib tug.tubkhai paab ua Yexu Kheto teg num. Teg num hov yog qhov kws moog coj txhua tsaav tuabneeg lug cuag Vaajtswv hab noog Vaajtswv lug. 6 Vaajtswv tub xaiv mej cov kws nyob huv lub nroog Loo lug ua Yexu Kheto cov thwjtim lawm, tsua qhov nwg yeej suav mej tsua huv txhua tsaav tuabneeg lawm hab. 7 Yog le ntawm kuv txha sau tsaab ntawv nuav tuaj tsua mej txhua tug kws nyob huv lub nroog Loo. Mej yog cov kws Vaajtswv hlub hab Vaajtswv xaiv lug ua Vaajtswv le tuabneeg lawm. Thov Vaajtswv kws yog peb leej txwv hab tug tswv Yexu Kheto foom koob foom moov tsua mej kuas mej tau nyob kaaj sab quas lug.
Povlauj xaav moog peg lub nroog Loo
8 Thaus kuv tseem tsw tau has lwm zaaj kuv xaav xub ua kuv tug Vaajtswv tsaug, hab ua Yexu Kheto kws tau paab mej suavdawg tsaug, tsua qhov tej tuabneeg kws nyob thoob plhawv huv qaab ntuj nuav suavdawg puav leej nov moo has tas, mej yog cov kws muab tsua sau sab ntseeg. 9 Kuv yog ib tug kws naj nub rau sab ntso qha txuj xuv zoo kws has txug Vaajtswv tug tub. Vaajtswv yeej paub has tas, kuv ncu ntsoov mej hab naj nub thov Vaajtswv paab mej. 10 Txhua zag kws kuv thov Vaajtswv mas kuv thov has tas yog Vaajtswv pum zoo, thov Vaajtswv qheb kev tsua kuv tuaj saib mej ib zag. 11 Tsua qhov kuv xaav xaav pum mej hab xaav coj Vaajtswv txujlug tuaj qha mej txhawb mej tug zug kuas mej muab tsua sau sab ntseeg heev. 12 Yog Vaajtswv qheb kev tsua kuv tuaj, mas mej hab kuv puav leej yuav tau koob tau moov. Kuv kev ntseeg yuav paab mej, hab mej kev ntseeg yuav paab kuv ib yaam nkaus. 13 Cov kwvtij, kuv has tsua mej tas, kuv tub yuav tuaj saib mej ob peb zag, kuas pheej muaj yaam u yaam nua taab kaum kuv, kuv txha tsw tau tuaj. Kuv xaav coj cov tuabneeg kws nrug mej nyob huv lub nroog Loo lug ntseeg, ib yaam le kuv tau coj lwm tsaav tuabneeg kws nyob lwm qhov lug ntseeg lawm. 4 Vaajtswv muab teg num kws qha txhua tsaav tuabneeg tsua kuv ua. Mas kuv yuav tsum moog qha suavdawg tsw has cov tuabneeg kws vaam meej los yog, cov tuabneeg kws nyob haav zoov haav tsuag los yog, cov tuabneeg kws paub ntaub paub ntawv los yog, cov tuabneeg kws tsw paub ntaub paub ntawv los yog, kuv yuav tsum moog qha txhua tug huvsw. 15 Yog le ntawm kuv txha le kub sab quas lug xaav tuaj qha txuj xuv zoo tsua mej cov kws nyob huv lub nroog Loo hab.
Txuj xuv zoo muaj fwjchim
16 Kuv tso sab tsua txuj xuv zoo heev, tsua qhov txuj xuv zoo nuav yog Vaajtswv tug fwjchim kws paab txhua tug kws ntseeg Yexu Kheto kuas dim lub txem. Vaajtswv xub paab cov Yutai ua ntej, le maav paab lwm tsaav tuabneeg. 17 Txuj xuv zoo ntawm qha tsua peb paub tas, tug kws Vaajtswv coj lug nrug Vaajtswv sws raug zoo tsuas yog tug kws ntseeg xwb. Tej lug ntawm yeej lawv le tub muaj lug sau ca tsua huv Vaajtswv phoo ntawv has tas, tug kws Vaajtswv coj lug nrug Vaajtswv sws raug zoo, mas yuav tau ua tuabneeg tshab, tsua qhov nwg ntseeg Vaajtswv.
Suavdawg puav leej yog tuabneeg txhum
18 Peb paub has tas, Vaajtswv kws nyob sau ntuj chim tsua ib puas tsaav yaam kev phem kws tuabneeg ua, tsua qhov puab tej kev phem hov ua tsua tuabneeg tsw paub Vaajtswv lawm. 19 Vaajtswv txha teem txem tsua puab, tsua qhov Vaajtswv tub ua ib puas tsaav yaam qha tsua puab paub has tas, muaj Vaajtswv, kuas puab tseem tsw paub Vaajtswv hab. 20 Txwj thaus Vaajtswv tswm ntuj tswm teb lug txug nwgnuav, tuabneeg yeej paub has tas, Vaajtswv yog tug kws zoo le caag. Txawm yog tuabneeg lub qhov muag tsw pum Vaajtswv los yog puab saib ib puas tsaav yaam kws Vaajtswv tswm lug lawm, puab yuav pum nwg tug fwjchim hab paub has tas, yeej muaj Vaajtswv tag. Yog le hov mas puab has tas, puab tsw paub Vaajtswv los yeej tsw tau hlo le. 21 Puab tub paub Vaajtswv lawm los puab tseem tsw fwm nwg hab puab kuj tsw ua nwg tsaug. Puab lub sab yeej ruag, puab tsuas yog xaav txug tej zaaj kws tsw muaj hauv paug tsw muaj ntsws xwb. 22 Puab xaav has tas, puab yog tuabneeg txawj ntse, kuas qhov tseeb puab yeej yog tuabneeg ruag. 23 Tub tswm nyog puab pe Vaajtswv kws nyob moog ib txhws, kuas puab tsua moog pe tej txoov daab kws tug yaam ntxwv zoo le tuabneeg hab zoo le tej tsaj txhu, zoo le noog, zoo le naab. 24 Tub yog vem tuabneeg ruag ua luaj le nuav Vaajtswv txha ca puab moog ua phem ua qas lawv le puab lub sab nyam. Puab ib leeg ua dev ua npua tsua ib leeg tsw paub txaaj muag le. 25 Tub tswm nyog puab ntseeg tej lug tseeb kws has txug Vaajtswv, kuas puab tsua moog ntseeg tej nam lug daag. Tub tswm nyog puab pe Vaajtswv kws tswm ib puas tsaav yaam, kuas puab tsua pe hab teev tej kws Vaajtswv tswm xwb, puab tsw pe Vaajtswv. Tswm nyog suavdawg yuav tsum fwm Vaajtswv moog ib txhws le. Amee. 26 Tub yog vem tuabneeg ua phem le nuav Vaajtswv txha ca tuabneeg moog ua-dev ua npua lawv le tuabneeg lub sab nyam. Txawm yog tej quaspuj los puab ib leeg kuj deev ib leeg, lawv le ib txwm yeej tsw muaj le ntawm ib zag le. 27 Quasyawg kuj ua ib yaam nkaus le quaspuj hab. Lawv le ib txwm quaspuj hab quasyawg txha le ua tau nam txwv xwb, kuas tej txwv neej puab tso qhov ntawm tseg, puab ib leeg deev ib leeg, tsw paub txaaj muag le. Yog le hov Vaajtswv txha rau txem tsua puab. 28 Tub yog vem tuabneeg tsw kaam leeg has tas, muaj Vaajtswv, Vaajtswv txha ca puab moog ua phem ua qas lawv le puab lub sab nyam. Yog le hov puab txha moog ua tej kws tsw tswm nyog ua. 29 Puab naj nub ua ib puas tsaav yaam phem, puab sab hlub, puab ua nruj ua tswv, sws khib, tua tuabneeg, sws caav sws tshe, daag ntxag, taug xaiv, 30 ib leeg thuaj ib leeg, hab saib tsw taug Vaajtswv, ntxub lwm tug, muab hlub, khaav theeb, ua tej kev phem kws tsw tau muaj tuabneeg paub ua dua, tsw noog nam txwv lug, 31 ua txhum kevcai, puab tsw ua lawv le tej lug kws puab tau has tseg lawm, puab ib leeg tsw hlub ib leeg, ib leeg tsw paab ib leeg. 32 Puab tub paub Vaajtswv txuj kevcai kws qha has tas, tug kws naj nub ua phem yeej yuav raug kev tuag. Txawm yog puab paub le hov los puab tseem pheej naj nub ua phem, hab tseem qhuas cov tuabneeg kws ua phem le puab ua.
Vaajtswv yog tug txav txem ncaaj nceeg
1 Mej xaav has tas, mej muaj cuab kaav thuaj lwm tug nua los. Yog leejtwg xaav le hov, nwg yeej yuav tsw muaj lug teb. Thaus nwg thuaj lwm tug yog nwg lob nrhaab lug lu nwg plaub hau xwb, tsua qhov nwg tseem ua txhum ib yaam le lwm tug. 2 Suavdawg puav leej paub tseeb has tas, qhov kws Vaajtswv txav txem tsua cov tuabneeg kws ua phem le ntawm, Vaajtswv tub ua raug lawm. 3 Tug kws thuaj lwm tug, kuas nwg tseem ua txhum ib yaam le lwm tug, nwg tsw xob xaav has tas, Vaajtswv yuav tsw txav txem tsua nwg. 4 Tej zag yog nwg tsw ncu Vaajtswv tshaav ntuj hab tsw ncu qhov kws Vaajtswv ua sab ntev kawg tsua nwg lawm, nwg txha thuaj lwm tug. Nyab nwg kuj paub has tas, qhov kws Vaajtswv hlub nwg tub yog Vaajtswv xaav kuas nwg tso nwg tej kev txhum tseg. 5 Kuas nwg tawv ncauj nwg tsw kaam tso nwg tej kev txhum tseg. Yog le ntawm thaus txug nub kws Vaajtswv teem ca has tas, Vaajtswv yuav taab meeg txav txem tsua suavdawg, mas nub hov Vaajtswv kws txav txem ncaaj nceeg yuav txav txem nyaav heev tsua nwg. 6 Tsua qhov txhua tug nyag yeej yuav tau saws lawv le tej kws nyag tau ua lug lawm. 7 Vaajtswv yuav muab txujsa ntev moog ib txhws tsw kawg tsua cov tuabneeg kws naj nub ua zoo, hab naj nub xaav kuas Vaajtswv qhuas puab, hab foom koob foom moov tsua puab, hab xaav kuas Vaajtswv pub txujsa kws tsw txawj tuag tsua puab. 8 Kuas Vaajtswv yuav chim hab rau txem tsua cov tuabneeg kws xaav kuas suavdawg qhuas puab. Cov tuabneeg hov yeej tsw nyam qhov zoo, puab tsuas nyam qhov phem xwb. 9 Txhua tug kws ua txhum tsw has cov Yutai los yog, lwm tsaav tuabneeg los yog, suavdawg puav leej yuav raug kev txom nyem ceblaaj kawg le. 10 Kuas Vaajtswv yuav foom koob foom moov tsua txhua tug kws ua zoo, tsw has cov Yutai los yog, lwm tsaav tuabneeg los yog, puab yuav tau koob meej hab tau zoo nyob kaaj sab quas lug. 11 Tsua qhov Vaajtswv yeej tsw xaiv leejtwg ntsej muag le. 12 Lwm tsaav tuabneeg yeej ib txwm tsw paub Mauxe txuj kevcai los puab yeej yuav puam tsuaj hab, tsua qhov puab kuj ua phem. Cov tuabneeg Yutai yeej ib txwm paub Mauxe txuj kevcai los puab yeej yuav puam tsuaj ib yaam nkaus, tsua qhov puab ua txhum txuj kevcai lawm. 13 Cov tuabneeg kws tsuas noog tej kws Mauxe txuj kevcai qha xwb tsw ua lawv le mas tsw yog cov kws Vaajtswv coj lug nrug Vaajtswv sws raug zoo. Cov tuabneeg kws ua lawv le tej kws Mauxe txuj kevcai qha txha yog cov kws Vaajtswv coj lug nrug Vaajtswv sws raug zoo. 14 Lwm tsaav tuabneeg yeej tsw paub Mauxe txuj kevcai. Txawm yog le ntawm los muaj qee leej paub ua zoo ib yaam le tej kws Mauxe txuj kevcai qha. Qhov kws puab paub ua phem ua zoo tsw yog Mauxe txuj kevcai qha puab, kuas yog puab lub sab qha tsua puab. 15 Qhov kws puab paub ua zoo ntawm tub ua tsua suavdawg paub tseeb has tas, puab lub sab tub paub tej kws Mauxe txuj kevcai qha. Hab puab lub sab kuj qha tsua puab has tas, puab tub paub tej kws Mauxe txuj kevcai qha tag, tsua qhov qee zag puab lub sab qha puab has tas, puab ua txhum lawm, qee zag puab lub sab qha puab has tas, puab ua zoo lawm. 16 Tej hov yeej lawv le txuj xuv zoo kws kuv qha has tas, nub kws Vaajtswv txav txem Vaajtswv yuav kuas Yexu Kheto lug saib tej kws tuabneeg muab zais ca tsua huv puab lub sab lawm saib zoo le caag.
Cov Yutai khaav tas, puab coj lawv Vaajtswv kevca i
17 Tug kws yog tuabneeg Yutai, nwg yeej has tas, nwg ca sab tsua Vaajtswv txuj kevcai hab nwg khaav has tas, nwg paub Vaajtswv, 18 hab paub tej kws Vaajtswv xaav kuas nwg ua, hab paub tej kws Vaajtswv txuj kevcai qha has tas, qhov nuav phem, qhov nuav zoo. 19 Nwg suav has tas, nwg yog tug kws coj cov dig muag kev, hab nwg yog lub teeb kws ci tsua cov tuabneeg kws nyob qhov tsaus ntuj pum kev. 20 Nwg suav has tas, nwg yog tug xwbfwb kws qha cov tuabneeg ruag hab yog tug kws qha cov tuabneeg kws tsw tshua paub Vaajtswv. Nwg xaav has tas, nwg tub paub txhwj paub txhua lawm, tsua qhov nwg coj lawv le tej kws Vaajtswv kevcai qha, hab nwg xaav has tas tej kws nwg has yog tseeb xwb. 21 Nwg tub qha lwm tug ne, ua caag nwg tsua tsw qha nwg. Nwg qha has tas, tsw xob ua tub saab, kuas nwg kuj ua tub saab hab. 22 Nwg has tas, tsw xob ntxag luas quaspuj luas quasyawg, kuas nwg tub ntxag hab. Nwg tsw nyam tsev txoov daab, kuas nwg tub nyag tej nyaj tej kub kws nyob huv tsev teev txoov daab. 23 Nwg khaav has tas, nwg yog tug kws paub Vaajtswv txuj kevcai, kuas nwg tub tsw ua lawv le txuj kevcai ntawm le. Qhov kws nwg ua le hov yeej yuav ua tsua Vaajtswv poob ntsej muag. 24 Tsua qhov tub muaj lug sau ca tsua huv Vaajtswv phoo ntawv has tas, vem mej cov kws yog tuabneeg Yutai ua txhum, lwm tsaav tuabneeg txha le thuaj Vaajtswv. 25 Yog mej ua lawv le tej kws Mauxe kevcai qha, qhov kws mej ua kevcai txav yeej tseem ceeb, kuas yog mej tsw ua lawv le tej kws Mauxe kevcai qha, tes mej kuj zoo ib yaam le tug kws yeej tsw tau ua kevcai txav hlo le. 26 Lwm tsaav tuabneeg kws yeej tsw ua kevcai txav los yog muaj ib tug ua lawv le tej kws Vaajtswv kevcai qha tes Vaajtswv kuj suav has tas, tug hov zoo ib yaam le tug kws tub ua kevcai txav lawm hab. 27 Lwm tsaav tuabneeg yeej tsw ua kevcai txav, kuas yog muaj qee leej ua lawv le tej kws Vaajtswv kevcai qha, tes puab yeej yuav thuaj tau mej txhua tug Yutai kws tub ua kevcai txav lawm, tsua qhov mej yeej muaj Vaajtswv kevcai sau ca tsua huv ntawv, kuas mej tsw ua lawv le. 28 Tug kws yog tuabneeg Yutai tag, tsw yog tug kws ua kevcai txav kuas yog tug kws muaj lub sab tshab. 29 Qhov kws nwg muaj lub sab tshab ntawm tsw yog vem nwg xyum ua lawv le Vaajtswv txuj kevcai, kuas yog Vaajtswv tug Ntsuj Plig ntxeev nwg lub sab nwg txha le muaj. Txawm yog tsw muaj leejtwg qhuas tug kws lub sab zoo le hov los Vaajtswv yeej qhuas tug hov.
1 Cov Yutai tswm txaj dua lwm tsaav tuabneeg los tsw yog, hab qhov kws tuabneeg ua kevcai txav muaj qaabhau los tsw muaj. Yeej muaj qaabhau kawg le. 2 Thawj qhov yog qhov kws Vaajtswv muab Vaajtswv tej lug tsua cov Yutai tuav. 3 Kuas cov Yutai muaj qee leej yeej tsw ua lawv le Vaajtswv tej lug. Yog le ntawm tes Vaajtswv yuav tsw ua lawv le tej lug kws Vaajtswv has los. h Vaajtswv yeej yuav ua lawv le xwb. Txawm yog txhua tug tuabneeg kws nyob huv qaab ntuj nuav puav leej daag huvsw los Vaajtswv yeej tsw daag. Lawv le tub muaj lug sau ca tsua huv Vaajtswv phoo ntawv has tas, Thaus koj has lug suavdawg yuav paub has tas, koj has tseeb. Thaus luas tshuaj koj zaaj suavdawg yuav pum tas, koj tsw tau ua txhum. 5 Muaj qee leej has tas, yog peb tej kev txhum ua tsua suavdawg pum tseeb has tas, Vaajtswv yog tug kws ncaaj nceeg, yog le ntawm peb yuav has le caag, peb yuav has tas, qhov kws Vaajtswv rau txem tsua peb yog Vaajtswv ua tsw ncaaj nua los. Muaj ib txha has le hov. 6 Kuv qha tsua mej has tas, yeej tsw yog le hov. Yog Vaajtswv ua tsw ncaaj nwg yuav ua le caag txav txem tau tsua tej tuabneeg huv qaab ntuj nuav. 7 Hab yog kuv ua tsw ncaaj, es qhov kws kuv ua hov ua tsua suavdawg pum tas, Vaajtswv yog tug kws ua ncaaj hab ua tsua Vaajtswv tau koob meej, tes ua caag Vaajtswv tseem yuav rau txem tsua kuv hab nua. 8 Ua caag tsw has tas, peb ca le moog ua txhum sub peb txha tau qhov zoo. Kuv tub tsw tau has le nuav ib zag le, los tseem muaj qee leej thuaj has tas, kuv has le hov. Vaajtswv yeej yuav rau txem tsua cov tuabneeg kws thuaj ntawm. Qhov kws Vaajtswv rau txem tsua puab, Vaajtswv ua hum lawm.
Suavdawg puav leej muaj txem
9 Yog le ntawm peb cov kws yog tuabneeg Yutai peb zoo dua lwm tsaav tuabneeg los. Yeej tsw yog. Kuv tub qha tsua mej paub has tas, txujkev txhum yeej kaav taag nrho cov tuabneeg Yutai hab lwm tsaav tuabneeg huvsw. 10 Lawv le tub muaj lug sau ca tsua huv Vaajtswv phoo ntawv has tas, Tsw muaj ib tug tuabneeg ncaaj nceeg hlo le. 11 Tsw muaj ib tug to taub, Tsw muaj ib tug xaav paub Vaajtswv hlo le. 12 Tej tuabneeg puav leej tsw noog Vaajtswv lug, Puab txhua tug moog ua txhum huvsw, Tsw muaj ib tug ua zoo hlo le. 13 Puab lub roj paa zoo ib yaam le lub qhov ntxaa kws qheb quas lug ca. Puab ncauj qaab zwb nplaig qaab ntse. Puab tej lug muaj taug ib yaam le taug naab. 14 Puab lub qhov ncauj muaj lug phem xwb. 15 Puab lub sab phem hab tua tuabneeg sai 16 Txhua qhov kws puab moog puab ua tsua suav- dawg muaj kev txom nyem kub ntxhuv. 17 Puab tsw paub nrug luas ua kwvtij kwvluag hlo le. 18 Puab tsw paub ntshai Vaajtswv. 19 Peb paub has tas, txhua nqai kws Mauxe sau nwg sau qha cov tuabneeg kws yuav coj Vaajtswv kevcai sub puab txha tsw muaj lug has, hab kuas suavdawg paub has tas, Vaajtswv yuav txav txem tsua txhua tug tuabneeg huv qaab ntuj nuav huvsw. 20 Tsua qhov tug kws Vaajtswv coj lug nrug Vaajtswv sws raug zoo yeej tsw yog tug kws xyum coj lawv le kevcai. Tej kevcai tsuas yog tej kws ua tsua suavdawg paub has tas, suavdawg yog tuabneeg txhum xwb.
Vaajtswv teg num kws coj tuabneeg lug nrug Vaajtswv sws raug zoo
21 Nwgnuav Vaajtswv qha tsua suavdawg paub has tas, Vaajtswv ua le caag txha coj tau tuabneeg lug nrug Vaajtswv sws raug zoo. Cov kws Vaajtswv coj lug nrug Vaajtswv sws raug zoo tsw yog cov kws xyum lawv le tej kevcai. Qhov tseem ceeb Vaajtswv txuj kevcai hab tej lug kws cov xwbfwb cev Vaajtswv lug sau tseg lawm puav leej has txug qhov kws Vaajtswv coj tuabneeg lug nrug Vaajtswv sws raug zoo nuav. 22 Vaajtswv tsuas coj cov kws ntseeg Yexu Kheto lug nrug Vaajtswv sws raug zoo xwb. Txhua tug kws ntseeg Yexu Kheto tsw has cov Yutai los yog, lwm tsaav tuabneeg los yog, puav leej yog cov kws Vaajtswv coj lug nrug Vaajtswv sws raug zoo. Vaajtswv suav has tas, puab cov ntawm ib tug zoo tsw dhau ib tug, 23 txhua tug puav leej ua txhum muaj txem lawm, tsw muaj ib tug ua tau zoo lawv le Vaajtswv lub sab nyam. 24 Kuas Vaajtswv hlub puab, Vaajtswv txha le tso Yexu Kheto lug daws puab lub txem hab coj puab lug nrug Vaajtswv sws raug zoo. 25 Vaajtswv khaiv Yexu Kheto lug tuag txhwv tuabneeg dim lub txem Vaajtswv txha le zaam tau tuabneeg lub txem. Yog cov tuabneeg hov ntseeg Yexu Kheto Vaajtswv txha le zaam tau. Qhov kws Vaajtswv khaiv Yexu Kheto lug yog Vaajtswv xaav kuas suavdawg paub has tas, Vaajtswv yog tug ua ncaaj ua nceeg hab ua zoo. Yaav tom ntej Vaajtswv ua sab ntev tsua suavdawg, Vaajtswv tsw suav suavdawg lub txem, 26 kuas nwgnuav Vaajtswv suav tuabneeg lub txem. Vaajtswv ua le ntawm kuas suavdawg txha paub has tas, Vaajtswv ua ncaaj ua nceeg hab ua zoo. Qhov kws Vaajtswv ua le ntawm tub yog Vaajtswv qha tsua suavdawg paub has tas, Vaajtswv yeej yog tug ncaaj nceeg, hab Vaajtswv paab tau txhua tug kws ntseeg Yexu Kheto kuas puab ua tau tuabneeg ncaaj nceeg. 27 Yog le ntawm tsw muaj ib tug yuav khaav tau, tsua qhov tug kws Vaajtswv coj lug nrug Vaajtswv sws raug zoo, tsw yog tug kws coj lawv le tej kevcai, kuas yog tug kws ntseeg Yexu Kheto. 28 Yog le ntawm peb txha paub has tas, tug kws Vaajtswv coj lug nrug Vaajtswv sws raug zoo yog tug kws ntseeg, tsw yog tug kws coj lawv le tej kevcai. 29 Vaajtswv tsuas yog cov Yutai tug Vaajtswv xwb los. Tsw yog, Vaajtswv yeej yog cov Yutai hab lwm tsaav tuabneeg tug Vaajtswv, 30 Tsua qhov tsuas muaj tuab tug Vaajtswv xwb. Vaajtswv yeej yuav coj txhua tug kws ntseeg Yexu Kheto tsw has cov Yutai los yog, lwm tsaav tuabneeg los yog, lug nrug Vaajtswv sws raug zoo. 31 Yog Vaajtswv ua le hov lawm, tes peb yuav ca le suav has tas, Vaajtswv txuj kevcai tsw tseem ceeb lawm nua los. Tsw yog le ntawm, peb cov kws ntseeg Yexu Kheto peb yimfuab suav has tas, Vaajtswv txuj kevcai yog txuj kws tseem ceeb.
Vaajtswv coj Aplahaa lug nrug Vaajtswv sws raug zoo
1 Nwgnuav peb yuav has txug Aplahaa kws yog peb cov Yutai tug yawm koob. 2 Yog Aplahaa xyum zoo Vaajtswv txha coj Aplahaa lug nrug Vaajtswv sws raug zoo, tes Aplahaa yeej yuav muaj lug khaav, kuas Aplahaa tsw muaj ib lus khaav tsua Vaajtswv le. 3 Tsua qhov muaj lug sau ca tsua huv Vaajtswv phoo ntawv has tas, Aplahaa ntseeg Vaajtswv, Vaajtswv txha le coj Aplahaa lug nrug Vaajtswv sws raug zoo. 4 Tug kws ua num nwg yeej yuav tau nqe zug. Tej nqe zug ntawm tsw yog nwg laam tau dawb dawb, yog nwg khwv nwg txha> tau. 5 Tug kws tsw vaam khom nwg tej num, kuas nwg vaam khom Vaajtswv kws paab tau cov tuabneeg txhum lug ua tuabneeg zoo, mas Vaajtswv yuav coj tug hov lug nrug Vaajtswv sws raug zoo. Qhov kws Vaajtswv ua le hov, tub yog vem tug hov ntseeg Vaajtswv. 6 Vaaj ntxwv Tavi kuj has ib yaam le ntawm. Thaus nwg has txug tug kws ntseeg es tau zoo nyob kaaj sab quas lug, nwg has tas, 7 Tug tuabneeg txhum kws Vaajtswv tub zaam txem tsua lawm, mas tau zoo nyob kaaj sab quas lug. 8 Vaajtswv tsw suav leejtwg lub txem, tes leejtwg tau zoo nyob kaaj sab quas lug. 9 Cov kws tau nyob kaaj sab quas lug le Tavi has hov, tsuas yog cov Yutai kws ua kevcai txav xwb los. Tsw yog, lwm tsaav tuabneeg los yuav tau nyob kaaj sab quas lug ib yaam nkaus hab. Peb tub qha tsua mej lawv le muaj lug sau ca tsua huv Vaajtswv phoo ntawv has tas, Aplahaa ntseeg Vaajtswv, Vaajtswv txha le coj Aplahaa lug nrug Vaajtswv sws raug zoo. 10 Thaus kws Vaajtswv coj Aplahaa lug nrug Vaajtswv sws raug zoo, yog thaus Aplahaa tseem tsw tau ua kevcai txav los yog thaus kws tub ua lawm. Vaajtswv tub xub coj Aplahaa lug nrug Vaajtswv sws raug zoo lawm Aplahaa le maav ua kevcai txav los sas. 11 Txuj kevcai txav hov yog ib qho tseem ceeb kws qha tsua suavdawg paub has tas, Aplahaa ntseeg Vaajtswv, Vaajtswv txha coj Aplahaa lug nrug Vaajtswv sws raug zoo. Vaajtswv tub xub coj Aplahaa lug nrug Vaajtswv sws raug zoo lawm, Aplahaa le maav ua kevcai txav. Vaajtswv ua le hov Aplahaa txha le tau ua cov kws ntseeg Vaajtswv, tug yawm koob. Txawm yog cov tuabneeg hov tsw tau ua kevcai txav los Vaajtswv ca le coj puab lug nrug Vaajtswv sws raug zoo tsua qhov yog puab ntseeg Vaajtswv. 12 Aplahaa tub xub ntseeg le maav ua kevcai txav, mas cov Yutai kws ib txwm ua kevcai txav hab ntseeg ib yaam le Aplahaa ntseeg, tes Aplahaa kuj yog puab tug yawm koob.
Vaajtswv cog lug tseg tsua cov kws ntseeg
13 Vaajtswv cog lug tseg tsua Aplahaa hab Aplahaa cov xeeb ntxwv has tas, Vaajtswv yuav muab lub nplajteb nuav ua Aplahaa puab le. Vaajtswv cog lug tseg le ntawm tsua Aplahaa, tsw yog vem Aplahaa coj lawv le tej kevcai, kuas yog vem Aplahaa ntseeg Vaajtswv. Aplahaa ntseeg Vaajtswv, Vaajtswv txha coj Aplahaa lug nrug Vaajtswv sws raug zoo. 14 Yog Vaajtswv muab lub nplajteb nuav tsua cov tuabneeg kws coj lawv le kevcai, tes qhov kws tuabneeg ntseeg Vaajtswv yeej tsw muaj qaabhau, hab tej lug kws Vaajtswv cog tseg lawm tsw muaj ib lus tseeb hlo le. 15 Vaajtswv yuav rau txem tsua cov tuabneeg kws tsw coj lawv le Vaajtswv kevcai. Kuas yog hov twg tsw muaj kevcai, suavdawg kuj tsw txawj ua txhum kevcai. 16 Yog Aplahaa ntseeg Vaajtswv mas Vaajtswv txha cog lug tseg has tas, yuav foom koob foom moov tsua Aplahaa. Vaajtswv ua le nuav kuas suavdawg paub has tas, Vaajtswv yuav muab tej koob tej moov hov pub dawb dawb tsua Aplahaa cov xeeb ntxwv. Tsw yog Vaajtswv pub tsua cov kws coj lawv le Vaajtswv txuj kevcai xwb, kuas Vaajtswv pub tsua txhua tug kws ntseeg ib yaam le Aplahaa. Tsua qhov Aplahaa yog cov Yutai hab lwm tsaav tuabneeg suavdawg tug yawm koob. 17 Lawv le tub muaj lug sau ca tsua huv Vaajtswv phoo ntawv has tas, Vaajtswv has tas, kuv tsaa koj ua txhua tsaav tuabneeg tug yawm koob. Tej lug kws Vaajtswv cog tseg ntawm puav leej tseem ceeb huvsw. Vaajtswv yog tug kws Aplahaa ca sab tsua, yog tug kws tsaa tau cov tuabneeg kws tuag lawm sawv rov lug, hab yog tug kws has kuas muaj yaam nuav yaam u tes txawm ca le muaj lawv le nwg has. 18 Vaajtswv cog lug tseg tsua Aplahaa has tas, Vaajtswv yuav tsaa Aplahaa ua txhua tsaav tuabneeg tug yawm koob. Txawm yog Aplahaa tsw pum muaj lawv le Vaajtswv has los Aplahaa tseem ca sab tsua Vaajtswv. Mas Vaajtswv txha tsaa Aplahaa ua txhua tsaav tuabneeg tug yawm koob, lawv le tub muaj lug sau ca tsua huv Vaajtswv phoo ntawv kws Vaajtswv has tas, koj cov xeeb ntxwv yuav coob npaum le tej nub qub sau nruab ntug. 19 Aplahaa ca sab tsua Vaajtswv heev, txawm yog Aplahaa noob nyoog tub yuav muaj ib puas xyoo los Aplahaa yeej tsw xaav has tas, Aplahaa hab «Xala ob tug laug heev lawm, tes ntshai yuav muaj tsw taug tub. 20 Aplahaa naj nub ca sab quas ntsoov has tas, Vaajtswv yeej yuav ua lawv le tej lug kws Vaajtswv has. Qhov kws Aplahaa ntseeg hov ua tsua Aplahaa yimfuab ca sab heev dua hab Aplahaa ua Vaajtswv tsaug. 21 Aplahaa paub tseeb has tas, Vaajtswv yeej ua tau lawv le tej lug kws Vaajtswv has. 22 Tub yog vem Aplahaa ntseeg, Vaajtswv txha le coj Aplahaa lug nrug Vaajtswv sws raug zoo. 23 Lu lug kws has tas, Vaajtswv coj Aplahaa lug nrug Vaajtswv sws raug zoo, kuj tsw yog qha has tas, Vaajtswv tsuas coj Aplahaa tuab leeg lug nrug Vaajtswv sws raug zoo xwb. 24 Kuas qha has tas, Vaajtswv yuav coj peb lug nrug Vaajtswv sws raug zoo hab, tsua qhov peb ntseeg Vaajtswv kws tub tsaa peb tug tswv Yexu sawv huv qhov tuag rov lug. 25 Qhov kws Vaajtswv muab Yexu tsua tuabneeg coj moog tua tub yog Vaajtswv paab kuas peb dim peb lub txem. Hab qhov kws Vaajtswv tsaa Yexu sawv huv qhov tuag rov lug, tub yog Vaajtswv xaav kuas peb tau lug nrug Vaajtswv sws raug zoo.
Tug kws Vaajtswv coj lug nrug Vaajtswv sws raug zoo
1 Nwgnuav Vaajtswv tub coj peb cov kws ntseeg lug nrug Vaajtswv sws raug zoo lawm, peb txha tau nyob kaaj sab quas lug. Qhov kws peb tau nyob kaaj sab quas lug, tub yog tej kws peb tug tswv Yexu Kheto ua paab peb. 2 Tub yog Vaajtswv hlub peb hab peb ntseeg, Vaajtswv txha coj peb lug nrug Vaajtswv sws raug zoo. Yog le ntawm peb txha zoo sab hlo hab ca sab quas ntsoov has tas, Vaavtswv yeej yuav pub koob meej hab fwjchim tsua peb. 3 Tsw yog le ntawm xwb, tej kev txom nyem kws peb raug ua tsua peb zoo sab heev, peb paub has tas, tej kev txom nyem ntawm ua tsua peb ua tau sab ntev. 4 Qhov kws peb ua tau sab ntev hov hum Vaajtswv sab. Qhov kws peb ua tau hum Vaajtswv sab ua tsua peb ca sab has tas, Vaajtswv yuav paab peb. 5 Qhov kws peb ca sab yeej yuav tsw ua tsua peb poob ntsej muag ib zag le, tsua qhov Vaajtswv tug Ntsuj Plig kws Vaajtswv tub pub tsua peb lawm, qha peb lub sab has tas, Vaajtswv hlub peb heev kawg nkaus le, hab ua tsua peb txawj sws hlub. 6 Peb yeej paab tsw tau kuas peb dim peb lub txem, mas thaus txug lub swmhawm kws Vaajtswv teem ca lawm Yexu Kheto txha tau tuag txhwv peb cov kws yog tuabneeg txhum. 7 Ceb laaj muaj ib tug yuav zoo sab tuag theej ib tug tuabneeg ncaaj, kuas tej zag yuav muaj qee leej zoo sab tuag theej tug tuabneeg zoo hab. 8 Thaus peb tseem ua tuabneeg txhum, Vaajtswv xaiv Yexu Kheto lug tuag theej peb. Vaajtswv ua le hov sub peb txha paub has tas, Vaajtswv hlub peb kawg nkaus le. 9 Yexu Kheto tub tuag theej peb lawm, mas Vaajtswv txha le coj peb lug nrug Vaajtswv sws raug zoo. Hab Vaajtswv yuav tsw teem txem tsua peb tsua qhov Yexu Kheto tub daws peb lub txem lawm. 10 Peb yeej ib txwm ua yeeb ncuab tsua Vaajtswv lawm, kuas Vaajtswv xaiv Vaajtswv tug tub lug tuag theej peb, peb txha tau lug nrug Vaajtswv sws raug zoo. Peb cov kws nrug Vaajtswv sws raug zoo, peb paub tseeb tas Yexu Kheto yimfuab yuav paab peb, tsua qhov nwg tub sawv huv qhov tuag rov lug lawm, nwgnuav nwg tseem muaj txujsa nyob. 11 Hab Vaajtswv tseem ua tsua peb zoo sab kawg le tsua qhov Vaajtswv kuas peb tug tswv Yexu Kheto coj peb lug nrug Vaajtswv sws raug zoo.
Ataa hab Yexu Kheto zoo tsw sws thooj
12 Tub yog vem ib tug xub ua txhum,tej tuabneeg kws nyob huv nplajteb nuav txha le ua txhum. Vem tug hov ua txhum tug hov txha le tuag. Mas txhua tug huv qaab ntuj nuav txha txawj tuag, tsua qhov suavdawg puav leej tau ua txhum lawm. 13 Thaus Vaajtswv tseem tsw tau qha Vaajtswv tej kevcai tsua Mauxe sau ca, tuabneeg tub xub ua txhum lawm. Kuas Vaajtswv kuj tsw suav tuabneeg lub txem, tsua qhov thaus hov tseem tsw tau muaj kevcai. 14 Txwj thaus -Ataa nyob lug txug thaus Mauxe nyob tej tuabneeg puav leej muaj kev pluj kev tuag. Txawm yog tej tuabneeg ua txhum tsw thooj le Ataa kws tsw noog Vaajtswv lug ua los suavdawg kuj tuag huvsw hab. Ataa ua yaam ntxwv txug tug kws yuav lug, 15 kuas ob tug zoo tsw sws thooj, tsua qhov txuj koob txuj moov kws Vaajtswv pub dawb tsua peb hab qhov kws Ataa ua txhum, yeej zoo tsw sws thooj. Vem Ataa ua txhum suavdawg txha le txawj tuag. Kuas Vaajtswv hlub peb kawg le, Vaajtswv txha khaiv Yexu Kheto kws muaj lub sab hlub lug paab suavdawg. 16 Vaajtswv txuj koob txuj moov hab Ataa tej kev txhum zoo tsw sws thooj. Thaus Ataa ua txhum Vaajtswv txawm has tas Ataa ua txhum. Kuas txwj Ataa lug tsua yaav tom qaab muaj ntau leej ua txhum kuas Vaajtswv zaam txem tsua puab hab Vaajtswv has tas puab tsw ua txhum. 17 Yeej yog vem Ataa ua txhum suavdawg txha le txawj tuag, kuas teg num kws Yexu Kheto ua paab peb mas tseem ceeb hab muaj fwjchim luj dua. Txhua tug kws Vaajtswv hlub hab coj lug nrug Vaajtswv sws raug zoo lawm yuav tau txujsa ntev moog ib" txhws tsw kawg, tsua qhov puab ca sab tsua teg num kws Yexu Kheto ua paab puab. 18 Tub yog vem Ataa ua txhum Vaajtswv txha rau txem tsua suavdawg, kuas vem teg num kws Yexu Kheto ua Vaajtswv txha pub txujsa hab zaam txem tsua suavdawg. 19 Qhov kws Ataa tsw noog Vaajtswv lug ua tsua suavdawg txhum, kuas qhov kws Yexu Kheto noog Vaajtswv lug, ua tsua suavdawg tau lug nrug Vaajtswv sws raug zoo. 20 Vaajtswv qha Mauxe sau kevcai tsua suavdawg coj, kuas suavdawg pum kev txhum txhua, kuas kev txhum tseem yimfuab nthuav daav lawm. Kuas thaus suavdawg yimfuab ua phem heev Vaajtswv yimfuab hlub suavdawg heev dua. 21 Txhua tug kws ua txhum yeej yuav tuag, kuas txhua tug kws ntseeg peb tug tswv Yexu Kheto yeej yuav tau txujsa ntev moog ib txhws tsw kawg, tsua qhov Vaajtswv hlub puab hab tub coj puab lug nrug Vaajtswv sws raug zoo lawm.
Peb nrug Yexu Kheto koom ib txujsa
1 Yog Vaajtswv hlub peb le hov peb yuav ua le caag. Peb yuav ca le ua txhum kuas Vaajtswv yimfuab hlub peb heev dua los. 2 Peb tsw xob ua le hov. Peb tub dim txujkev txhum lawm. Yog le ntawm peb tsw xob rov ua txhum dua. 3 Nyab mej kuj paub has tas, peb txhua tug kws ua kevcai raus dej, peb tub nrug Yexu Kheto koom ua ib txujsa lawm. Qhov kws luas muab peb raus tsua huv dej qha has tas, peb tub tuag ib yaam le Yexu tuag lawm, 4 hab muab log nrug nwg ua ib ntxaa lawm, sub peb txha tau nrug Yexu Kheto sawv huv qhov tuag rov lug, mas peb txha ua tau tuabneeg tshab. 5 Qhov kws peb tuag ib yaam le Yexu tuag ua tsua peb nrug nwg koom ib txujsa, mas peb txha paub has tas, Vaajtswv yeej yuav tsaa peb sawv huv qhov tuag rov lug ib yaam le Vaajtswv tub tsaa Yexu sawv rov lug lawm. 6 Peb paub has tas, Vaajtswv muab peb lub sab qub teem nrug Yexu Kheto tuag ua ke sau tug ntoo khaublig lawm. Vaajtswv ua le ntawm kuas peb lub sab qub kws nyam ua txhum puam tsuaj moog, txujkev txhum txha le tsw muaj fwjchim yuam peb dua. 7 Txujkev txhum tsw muaj fwjchim yuam tug kws tuag lawm. 8 Peb tub nrug Yexu Kheto tuag ua ke lawm, peb txha ntseeg has tas peb yuav muaj txujsa ib yaam le nwg. 9 Peb paub has tas Vaajtswv tub tsaa Yexu Kheto sawv huv qhov tuag rov lug lawm, tes Yexu yuav tsw tuag le lawm, tsua qhov txujkev tuag yuam tsw tau nwg lawm. 10 Yexu Kheto tuag tuab zag xwb ua tsua txujkev txhum tsw muaj fwjchim moog ib txhws. Nwgnuav Yexu Kheto muaj txujsa nyob, nwg xyum zoo lawv le Vaajtswv lub sab nyam. 11 lb yaam nkaus le hov mej yuav tsum ncu ntsoov tas txujkev txhum tsw muaj fwjchim yuam mej lawm, tsua qhov mej zoo le cov tuabneeg kws tuag lawm. Nwgnuav mej nrug Yexu Kheto koom ib txujsa, mej txha xyum zoo lawv le Vaajtswv lub sab nyam. 12 Mej tsw xob kheev txujkev txhum kaav mej lub cev kws txawj tuag, tsua qhov txujkev txhum yeej yuav ua tsua mej ua phem lawv le mej lub sab nyam. 13 Mej tsw xob kheev mej lub cev ib qho ua txhum, tsw has lub sab lub ntsws los yog, teg taw los yog, tsw xob ua txhum. Kuas mej yuav tsum muab mej lub cev lub sab lub ntsws huvsw pub tsua Vaajtswv swv ua txuj zoo, tsua qhov Vaajtswv tub tsaa mej sawv huv qhov tuag rov lug lawm, nwgnuav mej yog tuabneeg tshab. 14 Mas mej tsw xob kheev txujkev txhum kaav mej lawm, tsua qhov Mauxe tej kevcai tsw muaj fwjchim kaav mej lawm, yog Vaajtswv txujkev hlub kaav mej.
Peb yog Vaajtswv cov tub qhe
15 Mauxe txuj kevcai tsw muaj fwjchim kaav peb, yog Vaajtswv txujkev hlub kaav peb. Yog le ntawm peb tsw xob rov ua txhum dua ib zag le. 16 Mej tub paub has tas, tug kws zoo sab moog ua luas qhev luas yeej yuav ua nwg tug tswv. Yog nwg ca txujkev txhum ua nwg tug tswv tes thaus kawg nwg yeej yuav tuag xwb. Yog nwg noog Vaajtswv lug nwg yuav tau nrug Vaajtswv sws raug zoo. 17 Yaav tom ntej mej ua txujkev txhum qhev, kuas nwgnuav kuv ua Vaajtswv tsaug tsua qhov mej naj nub muab tsua sau sab ua lawv le tej kws mej kawm lug lawm. 18 Vaajtswv tub daws txujkev txhum kws khi mej lawm, nwgnuav mej tsw ua txujkev txhum qhev, tsua qhov Vaajtswv tub coj mej lug ua Vaajtswv cov tub qhe kws ua qhov zoo lawm. 19 Tej lug kws yuav has nuav kuv yuav has lawv le tej kws suavdawg ib txwm paub xwb. Yog kuv tsw has le ntawm tsaam tes mej tsw to taub zoo. Yaav tom ntej mej lub sab yeej nyam ua kev phem kev qas, mas mej txha zoo sab ca mej lub cev lub sab lub ntsws hab mej tug daag tug zug ua txujkev txhum qhev. Kuas nwgnuav mej yuav tsum muab mej lub cev lub sab lub ntsws huvsw cob nkaus tsua Vaajtswv, es ua Vaajtswv cov tub qhe kws ua qhov zoo. 20 Thaus mej tseem ua txujkev txhum qhev, txujkev ncaaj nceeg tsw tau tswj fwm mej. 21 Tej kws mej tau ua lug lawm, nwgnuav ua tsua mej txaaj muag kawg le los sas. Tej kws mej ua hov yeej tsw muaj qaabhau daabtsw. Thaus kawg yuav ua tsua mej raug kev pluj kev tuag xwb. 22 Kuas nwgnuav Vaajtswv tub daws txujkev txhum kws khi mej lawm hab coj mej lug ua Vaajtswv cov tub qhe Vaajtswv yuav paab kuas mej ua tau mej lub neej lawv le Vaajtswv lub sab nyam, hab Vaajtswv yuav pub txujsa ntev moog ib txhws tsw kawg tsua mej. 23 Tug kws ua txhum yeej yuav raug kev pluj kev tuag, kuas tug kws nrug peb tug tswv Yexu Kheto koom ua ib txujsa, Vaajtswv yuav pub txujsa ntev moog ib txhws tsw kawg tsua nwg.
Peb yog Yexu Kheto cov
1 Cov kwvtij, mej txhua tug yeej paub has tas, kevcai kws suavdawg ib txwm coj tsuas muaj fwjchim kaav thaus tuabneeg tseem muaj txujsa nyob xwb. 2 Lawv le txuj kevcai, mas tug quaspuj yuav tsum nrug tug quasyawg nyob moog txug nub kws tug quasyawg tuag. Yog tug quasyawg tuag lawm, tug quaspuj moog yuav lwm tug los yeej tsw txhum kevcai. 3 Yog nwg tug quasyawg tseem nyob nwg ca le moog yuav lwm tug, suavdawg yeej yuav has tas, nwg moog ntxag hluas nraug. Kuas yog nwg tug quasyawg tuag lawm, nwg le moog yuav quasyawg tshab mas txha tsw txhum kevcai, hab tsw muaj leejtwg yuav has tas, nwg ntxag hluas nraug. 4 Cov kwvtij, ib yaam nkaus le hov, Mauxe tej kevcai yeej tsw kaav mej cov kws tub nrug Yexu Kheto tuag ua ke lawm. Nwgnuav Yexu Kheto kws Vaajtswv tsaa sawv huv qhov tuag rov lug tub yuav mej lug ua nwg cov lawm. Nwg ua le ntawm kuas mej lub neej ua tsua Vaajtswv tau koob meej 5 Thaus peb tseem ua peb lub neej lawv le tuabneeg ib txwm ua, mas txuj kevcai zwg peb lub sab kuas peb nyam moog ua txhum. Tej kev txhum hov yeej yuav ua tsua peb raug kev pluj kev tuag. 6 Kuas nwgnuav peb dim tej kevcai kws ib txwm khi peb lawm, tsua qhov peb zoo le cov tuabneeg kws tuag lawm. Mas naj nub nwgnuav peb txha tsw ua peb lub neej lawv le tej qub kevcai kws muaj sau ca tsua huv ntawv, kuas peb ua peb lub neej lawv le tej kevcai tshab kws Vaajtswv tug Ntsuj Plig qha tsua peb.
Tej kevcai ua tsua tuabneeg ua txhum
7 Yog kuv laam has tas, Vaajtswv txuj kevcai yog txuj kws ua tsw zoo, yeej has tsw tau. Vaajtswv txuj kevcai yog txuj kws qha kuv paub qhov zoo qhov phem. Yog Vaajtswv txuj kevcai tsw qha has tas, tsw xob ntshaw luas tug, kuv yeej tsw paub has tas, ntshaw luas tug nua txhum. 8 Thaus muaj kevcai lawm, txujkev txhum txawm ua tsua kuv ntshaw tej kws tsw yog kuv le. Kuas thaus tsw muaj kevcai, mas has tsw tau tas tej kws kuv ua yog ua txhum. 9 Thaus kuv tsw tau paub tseeb has tas, tej kevcai qha le caag tag, kuv tsw ntxhuv sab daabtsw, kuas thaus kuv paub tseeb lawm kuv txha pum has tas, kuv ua txhum. 10 Qhov txhum hov ua tsua kuv zoo le tug kws tuag lawm. Vaajtswv tswm tej kevcai paab kuas tuabneeg muaj sa, kuas kuv pum has tas, tej kevcai ntawm tsuas yog ua tsua kuv raug kev pluj kev tuag xwb. 11 Tsua qhov txujkev txhum muab tej kevcai hov lug ntxag kuv hab tua kuv pov tseg. 12 Yog le ntawm peb paub has tas, Vaajtswv yog tug kws muab kevcai tsua Mauxe. Txuj kevcai ntawm txhua nqai puav leej tseem ceeb hab ncaaj nceeg zoo tsua suavdawg coj. 13 Vaajtswv txuj kevcai yeej yog txuj ua zoo hab yeej tsw ua tsua kuv raug kev pluj kev tuag. Kuas txujkev txhum muab tej kevcai hov lug tua kuv, mas kuv txha paub has tas, txujkev txhum zoo le caag tag. Tub yog muaj kevcai kuv txha pum has tas, txujkev txhum phem kawg nkaus le.
Tuabneeg yeej muaj ob lub sab
14 Peb paub has tas, Mauxe txuj kevcai yog Vaajtswv txuj, kuas kuv yog tuabneeg xwb, txujkev txhum txha naj nub yuam kuv ua phem. 15 Kuv tsw paub sov ua caag kuv laam ua tej kws kuv tsw xaav ua. Kuas tej kws kuv tsw nyam ua, kuv tsua ua. 16 Thaus kuv ua tej kws kuv tsw nyam ua kuv txha paub has tas, Vaajtswv txuj kevcai yog txuj ua zoo tag. 17 Yog le ntawm tsw yog kuv ua txhum, kuas yog qhov txhum kws nyob huv kuv lub sab ua. 18 Kuv paub has tas, kuv yog tuabneeg xwb, kuv yeej ua tsw tau ib qho zoo hlo le. Txawm yog kuv xaav ua zoo npaum le caag los kuv yeej ua tsw tau. 19 Kuv xaav ua zoo kuas kuv tsw ua. Kuv tsw xaav ua phem kuas kuv tsua moog ua. 20 Thaus kuv ua tej kws kuv tsw xaav ua, mas kuj tsw yog kuv ua, kuas yog qhov txhum kws nyob huv kuv lub sab ua. 21 Yog le ntawm, thaus kuv xaav ua zoo kuv ua tsw tau. Kuv pum has tas, kuv muaj ob lub sab. 22 Muaj ib lub nyam ua lawv le Vaajtswv txuj kevcai. 23 Kuas muaj ib lub yuam kuv ua txhum, lub ntawm tawm tsaam lub kws qha kuv ua zoo. Lub kws yuam kuv ua txhum naj nub nqug kuv moog ua txujkev txhum qhev. 2b Ua caag kuv yuav ntxhuv sab ua luaj le. Leejtwg yuav paab tau kuv dim lub sab qub kws saamswm coj kuv moog raug kev pluj kev tuag. 25 Kuv ua Vaajtswv tsaug tsua qhov peb tug tswv Yexu Kheto paab tau kuv dim. Kuv lub neej yeej ib txwm zoo le qhov kws kuv yuav has nuav. Kuv lub sab ua lawv le tej kws Vaajtswv kuas kuv ua, kuas kuv lub cev ua lawv le tej kws txujkev txhum kuas kuv ua.
Tug kws ua lawv le Vaaj Ntsuj Plig qha
1 Vaajtswv has tas, tug kws nrug Yexu Kheto koom ua ib txujsa, mas tug hov tsw muaj txem. 2 Tsua qhov Vaajtswv tug Ntsuj Plig kws coj peb cov kws nrug Yexu Kheto koom ua ib txujsa lug ua tuabneeg tshab tub daws kuv tej kev txhum hab kuv tej kev pluj kev tuag huvsw lawm. 3 Vem tsw muaj tuabneeg ua tau zoo, tej kevcai txha paab tsw tau puab, kuas Vaajtswv paab tau. Qhov kws Vaajtswv khaiv Vaajtswv tug tub lug huv nplajteb nuav tub yog Vaajtswv rau txem tsua tej kev txhum kws tuabneeg naj nub ua. Vaajtswv tug tub hov lug yug ua tuabneeg, nwg paub qhov zoo qhov phem ib yaam le peb suavdawg kws muaj txem paub. Nwg lug yug ua tuabneeg nwg txha le daws tau tuabneeg lub txem. h Vaajtswv ua le ntawm kuas peb ua tau lawv le Vaajtswv txuj kevcai. Qhov kws peb ua tau, yog peb ua peb lub neej lawv le tej kws Vaajtswv tug Ntsuj Plig qha, tsw yog peb ua lawv le peb lub sab qub. 5 Tug kws ca lub sab qub kaav nwg lub neej nwg yeej yuav ua lawv le nwg lub sab qub. Kuas tug kws ca Vaajtswv tug Ntsuj Plig kaav nwg lub neej, nwg yeej yuav ua lawv le tej kws Vaajtswv tug Ntsuj Plig qha. 6 Tug kws ua lawv le lub sab qub mas yuav raug kev pluj kev tuag. Kuas tug kws ua lawv le tej kws Vaajtswv tug Ntsuj Plig qha, mas yuav tau ua tuabneeg tshab, hab yuav tau nyob kaaj sab quas lug. 7 Kuas tug kws ua lawv le lub sab qub, mas yog ua yeeb ncuab tsua Vaajtswv lawm, tsua qhov nwg tsw ua lawv le Vaajtswv tej kevcai. Qhov tseeb nwg yeej ua tsw tau lawv le. 8 Tug kws ua lawv le nwg lub sab qub, nwg ua tsw tau hum Vaajtswv sab. 9 Yog Vaajtswv tug Ntsuj Plig nyob huv mej lub sab lawm, mej yeej tsw ua mej lub neej lawv le mej lub sab qub. Yog Yexu Kheto tug Ntsuj Plig tsw nyob huv mej lub sab, mej yeej tsw yog cov kws ntseeg tag. 10 Kuas yog Yexu Kheto nyob huv mej lub sab, tes txawm yog mej lub cev kws ua txhum yuav tuag los mej tsw xob txhawj, tsua qhov Vaajtswv tug Ntsuj Plig tub coj mej cov kws nrug Vaajtswv sws raug zoo lug tau txujsa tshab lawm. 11 Yog Vaajtswv tug Ntsuj Plig kws tsaa Yexu Kheto sawv huv qhov tuag rov lug lawm nyob huv mej lub sab lawm, tes nwg yeej yuav tsaa mej lub cev kws txawj tuag sawv rov lug hab. 12 Yog le ntawm cov kwvtij, peb yuav tsum ua peb lub neej lawv le tej kws Vaajtswv tug Ntsuj Plig qha, peb tsw xob ua lawv le lub sab qub. 13 Yog mej ua mej lub neej lawv le lub sab qub, tes mej yeej yuav tuag, kuas yog mej ca Vaajtswv tug Ntsuj Plig muab mej tej kev txhum ua kuas puam tsuaj taag huvsw, mas mej txha le tau txujsa. 14 Txhua tug kws ua lawv le Vaajtswv tug Ntsuj Plig qha txha yog Vaajtswv le mivnyuas. 15 Tsua qhov Vaajtswv tug Ntsuj Plig kws nyob huv mej lub sab yeej tsw coj mej rov moog ua qhev kuas mej tau txhawj tau ntshai, kuas nwg coj mej lug ua Vaajtswv le mivnyuas mej txha muaj cuab kaav hu Vaajtswv ua mej txwv. 16 Vaajtswv tug Ntsuj Plig qha tseeb tsua peb has tas, peb tub yog Vaajtswv cov mivnyuas lawm. 17 Peb cov kws yog Vaajtswv le mivnyuas peb yuav tau tej kws Vaajtswv npaaj tseg tsua peb, hab peb yuav tau tej kws Vaajtswv npaaj tseg tsua Yexu Kheto. Peb cov kws raug kev txom nyem ib yaam le Yexu Kheto raug, peb yeej yuav tau koob meej ib yaam le nwg tau hab.
Tej koob meej kws Vaajtswv yuav pub tsua peb
18 Kuv paub tseeb has tas, tej kev txom nyem kws nwgnuav peb raug, mas muab pev tsw tau tsua tej yeeb koob hab tug fwjchim ci ntsaa quas ab kws lwm nub Vaajtswv pub tsua peb. 19 lb puas tsaav yaam kws Vaajtswv tswm saamswm ua sab ntev tog xaav xaav pum nub kws Vaajtswv cov mivnyuas tau tej yeeb koob kws Vaajtswv tub npaaj ca tsua Vaajtswv cov mivnyuas lawm. 20 Vaajtswv has tas, ib puas tsaav yaam huv qaab ntuj nuav yuav tsw muaj qaabhau, tsw yog tej hov tsw xaav zoo, kuas yog Vaajtswv pum zoo ca tej hov tsw muaj qaabhau. 21 Txawm yog le ntawm los Vaajtswv tseem xaav tseg has tas, muaj ib nub Vaajtswv yuav paab ib puas tsaav yaam hov kuas dim plawg txujkev puam tsuaj ib yaam le kws Vaajtswv tub paab Vaajtswv cov mivnyuas lawm. 22 Tsua qhov peb paub has tas, txwj thau u lug txug naj nub nwgnuav ib puas tsaav yaam kws Vaajtswv tswm saamswm ntsaaj ntsug quas qeeg ib yaam le tug quaspuj kws ua mob teb yuav yug mivnyuas. 23 Tsw yog ib puas tsaav yaam ntawm ntsaaj xwb, kuas peb cov kws muaj Vaajtswv tug Ntsuj Plig kws yog thawj txuj moov kws Vaajtswv pub tsua peb, peb puav leej ntsaaj ntsug quas qeeg tog nub kws Vaajtswv has tsua peb has tas peb yog Vaajtswv cov mivnyuas hab tso peb dim plawg txujkev txhum hab kev tuag. 24 Tub yog vem peb ca sab le hov peb txha dim. Yog peb tub tau tej kws luas yuav muab tsua peb lawm, tes tsw txug peb tseem yuav ca sab has tas, peb yuav tau. Tsua qhov tug kws tub tau lawm nwg yeej tsw tog lawm. 25 Yog peb tseem tsw tau tau, peb txha ua sab ntev tog yaam hov. 26 Vaajtswv tug Ntsuj Plig lug paab peb cov kws tsw tshua paub Vaajtswv pes tsawg, tsua qhov peb tsw paub sov peb yuav thov Vaajtswv le caag. Vaajtswv tug Ntsuj Plig kub sab quas lug paab peb thov Vaajtswv heev kawg le. Txawm yog tsw muaj tuabneeg paub tej lug kws Vaaj Ntsuj Plig has los 27 Vaajtswv kws paub tuabneeg lub sab yeej paub tej kws Vaaj Ntsuj Plig thov. Tsua qhov tej kws Vaajtswv tug Ntsuj Plig thov Vaajtswv paab cov kws ntseeg, mas yeej yog lawv le Vaajtswv lug sab nyam. 28 Peb paub has tas, peb txhua tug kws nyam Vaajtswv hab noog nwg lug, mas txawm yog peb tau zoo hab raug kev txom nyem daabtsw los Vaajtswv yuav ua kuas tej hov muaj qaabhau tsua peb huvsw, tsua qhov peb yog cov kws Vaajtswv pum zoo hu lug ua Vaajtswv le mivnyuas, 29 Cov tuabneeg kws Vaajtswv tub xaiv lug ua Vaajtswv le mivnyuas lawm, puab yog Vaajtswv tug tub cov kwv. Vaajtswv xaiv puab tsua qhov Vaajtswv xaav kuas puab muaj yaam ntxwv zoo le Vaajtswv tug tub, mas Vaajtswv tug tub yuav ua tug tub hlub. 30 Txhua tug kws Vaajtswv tub xaiv ca lawm, Vaaj- tswv hu lug cuag Vaajtswv, hab Vaajtswv tseem coj puab lug nrug Vaajtswv sws raug zoo hab pub yeeb koob hab fwjchim ci ntsaa quas ab tsua puab.
Vaajtswv hlub peb
31 Yog le ntawm, yog peb paub has tas, Vaajtswv tub tuaj peb tog lawm, tes yeej yuav tsw muaj leejtwg tawm tsaam tau peb. 32 Vaajtswv tub muab tau Vaajtswv tuab leeg tub lug tua theej peb suavdawg. Yog le ntawm Vaajtswv yuav tsw pub ib puas tsaav yaam dawb dawb tsua peb los. 33 Leejtwg tseem yuav muaj cuab kaav has tau has tas, peb cov kws Vaajtswv tub xaiv lug ua Vaajtswv tsaav tuabneeg lawm muaj txem nua. Yeej tsw muaj leejtwg has tau le, tsua qhov Vaajtswv tub has tas, peb tsw muaj txem lawm. 34 Yeej tsw muaj leejtwg yuav rau txem tau tsua peb, tsua qhov Yexu Kheto tub tuag txhwv peb lawm, hab Vaajtswv tub tsaa Yexu Kheto sawv huv qhov tuag rov lug lawm hab. Nwgnuav nwg nyob ntawm Vaajtswv saab xws, nwg thov Vaajtswv paab peb. 35 Yeej tsw muaj ib yaam daabtsw kws yuav txwv tau qhov kws Yexu Kheto hlub peb, tsw has kev ntxhuv sab kev txom nyem los yog, kev tswm txom los yog, kev tshaib kev nqhes, kev plaag kev pluag los yog, kev txhawj kev ntshai kev pluj kev tuag los yog, tej ntawm yeej txwv tsw tau hlo le. 36 Lawv le tub muaj lug sau ca tsua huv Vaajtswv phoo ntawv has tas, Naj nub naj mo muaj tuabneeg yuav muab peb tua, Tsua qhov peb yog koj tsaav tuabneeg. Peb zoo le tej yaaj kws luas yuav muab caab moog tua pov tseg. 37 Yexu Kheto kws hlub peb nwg tub paab peb kov yeej ib puas tsaav yaam kev txom nyem ntawm lawm. 38 Tsua qhov kuv paub tseeb has tas, txawm yog peb caj hab tuag los yeej tsw muaj ib yaam daabtsw yuav txwv tau qhov kws Yexu Kheto hlub peb. Tsw has cov tubkhai sau ntuj hab tej kws muaj fwjchim sau nruab ntug los yog, tej xwm kws naj nub nwgnuav muaj lawm hab tej kws tom hauv ntej yuav muaj lug los yog, 39 tej kws nyob sau ntuj hab tej kws nyob huv nruab tiv txwv los yog, ib puas tsaav yaam kws Vaajtswv tswm yeej tsw muaj ib yaam daabtsw yuav txwv tau qhov kws Vaajtswv hlub peb, tsua qhov Vaajtswv tub pub tug tswv Yexu Kheto tsua peb lawm.
Cov kws Vaajtswv xaiv ua Vaajtswv tsaav tuabneeg
1 Tej kws kuv has nuav, kuv has tseeb xwb. Kuv yog ib tug kws ntseeg Yexu Kheto. Kuv lub sab hab Vaajtswv tug Ntsuj Plig kws kaav kuv lub sab yeej paub has tas, tej lug kws kuv has kuv tsw daag. 2 Kuv naj nub xaav txug kuv tsaav tuabneeg, mas kuv txhawj heev. 3 Txawm yog Vaajtswv foom tsw zoo tsua kuv hab tsw kheev kuv nrug Yexu Kheto koom ua ib txujsa los tsuav yog kuv tsaav tuabneeg tau lug nrug Vaajtswv sws raug zoo tes kuv yeej zoo sab. 4 Puab yog cov kws Vaajtswv tub xaiv ca ua Vaajtswv tsaav tuabneeg lawm. Vaajtswv coj puab lug ua Vaajtswv le mivnyuas hab foom koob foom moov tsua puab. Vaajtswv cog lug tseg tsua puab hab qha Vaajtswv txuj kevcai tsua puab. Vaajtswv qha puab pe Vaajtswv lawv le Vaajtswv lub sab nyam, hab Vaajtswv qha has tas, Vaajtswv yuav paab puab. 5 Hab puab kuj yog Aplahaa, Yiha, Yakhauj, puab le caaj ceg, hab thaus Kheto lug yug ua tuabneeg kuj yog yug huv puab tsaav tuabneeg. Peb yuav tsum qhuas Vaajtswv moog ib txhws le, tsua qhov Vaajtswv yog tug kws kaav taag nrho ib puas tsaav yaam huvsw. Amee. 6 Kuv has le nuav tsw yog kuv has tas, Vaajtswv tsw tau ua lawv le tej lug kws Vaajtswv cog tseg lawm, tsua qhov Vaajtswv yeej tsw tau xaiv cov Yixayee txhua tug lug ua Vaajtswv tsaav tuabneeg. 7 Aplahaa cov xeeb ntxwv muaj ib txha, txha le yog Vaajtswv cov mivnyuas xwb, tsua qhov Vaajtswv has tsua Aplahaa has tas, yuav yog Yiha cov xeeb ntxwv txha yog koj tub koj ki xwb. 8 Vaajtswv has le hov tub yog Vaajtswv qha has tas, Aplahaa cov tub ki muaj ib txha, txha le yog Vaajtswv cov mivnyuas, kuas ib txha tsw yog. Cov kws yog Vaajtswv mivnyuas tag, tsuas yog cov kws Vaajtswv xub has tseg has tas, Aplahaa yuav muaj xwb. 9 Tsua qhov Vaajtswv cog lug tseg tsua Aplahaa has tas, lwm xyoo thaus txug lub caij nuav kuv yuav rov lug saib koj. Koj tug quaspuj Xalai yuav yug ib tug mivtub. 10 Nyab mej kuj ncu has tas, "Lenpekha ob tug tub yog tuab tug txwv yug. Ob tug txwv yog peb yawm koob Yiha. 11,12 Vaajtswv has tsua Lenpekha has tas, koj ob tug tub tug hlub yuav ua tug yau qhev. Vaajtswv has le ntawm kuas suavdawg paub has tas, qhov kws Vaajtswv xaiv ib tug tseg ib tug, yeej yog lawv le tej kws Vaajtswv tub xub xaav tseg lawm. Thaus Lenpekha tsw tau yug ob tug, hab ob tug tseem tsw tau paub ua qhov zoo qhov phem, Vaajtswv tub xaiv ob tug lawm. Peb txha paub has tas, qhov kws Vaajtswv xaiv ib tug tseg ib tug tsw yog vem ib tug ua zoo ib tug ua phem, kuas Vaajtswv xaiv tug kws Vaajtswv pum zoo xaiv xwb. 13 Lawv le tub muaj lug sau ca tsua huv Vaajtswv phoo ntawv has tas, Vaajtswv has tas, kuv xaiv Yakhauj kuas kuv tseg Exau. 14 Yog le ntawm peb yuav ca le has tas, Vaajtswv ua tsw ncaaj los. Yeej has tsw tau le ntawm. 15 Tsua qhov muaj ib zag Vaajtswv has tsua Mauxe has tas, kuv pum zoo foom koob foom moov tsua tug twg, tes kuv yeej yuav foom tsua tug ntawm. Kuv pum zoo hlub tug twg kuv yeej yuav hlub tug ntawm. 16 Qhov kws Vaajtswv foom koob foom moov le ntawm tsw yog vem tug ntawm xaav yuav lossws yog tug ntawm ua num, kuas yog vem Vaajtswv pum zoo xwb. 17 Tsua qhov muaj lug sau ca tsua huv Vaajtswv phoo ntawv lawv le tej lug kws Vaajtswv has tsua Falau has tas, kuv tsaa koj ua vaaj ntxwv tsua qhov kuv xaav kuas suavdawg pum kuv tug fwjchim, hab kuas tej tuabneeg huv qaab ntuj nuav paub kuv lub npe. 18 Yog le ntawm, peb txha paub has tas, Vaajtswv pum zoo foom koob foom moov tsua tug twg, tes Vaajtswv yeej yuav foom tsua tug ntawm. Vaajtswv kuas tug twg tawv ncauj, tes tug twg txha tawv ncauj.
Vaajtswv xaav kuas suavdawg pum Vaajtswv tug fwjch i m
19 Ntshai mej cov muaj ib tug yuav has tas, yog le ntawm, ua caag Vaajtswv tseem has tas, tug kws tawv ncauj yog ua txhum. Tsua qhov yeej tsw muaj leejtwg yuav tawv dhau Vaajtswv. 20 Npawg, koj yog tuabneeg xwb los sas. Ua caag koj tseem yuav caav Vaajtswv hab. Lub lauj kaub aav yeej tsw has tsua tug kws puab has tas, ua caag koj laam puab kuv zoo le nuav. 21 Tug kws puab lauj kaub yeej muaj peev xwm muab aav lug puab lauj kaub lawv le nwg lub sab nyam. Txawm yog nwg muab tuab thooj aav coj lug puab ib lub zoo ib lub phem los kuj tau, ob lub lauj kaub ntawm yeej has tsw tau le caag tsua nwg. 22 Vaajtswv ua ib yaam nkaus le tug kws puab lauj kaub aav. Vaajtswv xaav kuas suavdawg paub has tas, Vaajtswv yog tug kws muaj fwjchim, hab Vaajtswv yuav rau txem tsua cov tuabneeg kws ua txhum. Yog le ntawm Vaajtswv txha le ua sab ntev tsua cov tuabneeg kws yuav raug txem. Cov tuabneeg hov yog cov kws tub yuav raug kev puam tsuaj. 23 Hab Vaajtswv xaav kuas suavdawg pum Vaajtswv tug fwjchim luj kawg nkaus kws Vaajtswv muab pub tsua cov tuabneeg kws tau Vaajtswv txuj koob txuj moov. Cov tuabneeg ntawm yog peb txhua tug kws tau Vaajtswv tug fwjchim kws Vaajtswv tub xub xaav tseg has tas, Vaajtswv yuav pub tsua peb. 24 Tsua qhov tsw yog Vaajtswv hu peb cov Yutai lug ua Vaajtswv tsaav tuabneeg xwb, kuas Vaajtswv hu lwm tsaav tuabneeg lug ua hab. 25 Yaav nraag ntej u Vaajtswv kuas "Hauxeya sau ca tsua huv ntawv has tas, Cov tuabneeg kws yeej tsw yog kuv cov los kuv yuav hu lug ua kuv cov. Tsaav tuabneeg kws kuv yeej tsw hlub los kuv yuav hu lug ua tsaav tuabneeg kws kuv hlub. 26 Yog le ntawm, cov tuabneeg kws kuv hu has tas, mej tsw yog kuv tsaav tuabneeg los kuv yuav hu cov ntawm lug ua Vaajtswv kws muaj txujsa nyob cov mivnyuas. 27 Thaus Yaxaya qha has txug cov tuabneeg Yixayee nwg has tas, txawm yog cov tuabneeg Yixayee muaj coob npaum le tej xuab zeb nraag ntug hav txwv kws tsw muaj tuabneeg suav txheeb los cov kws yuav dim tsw muaj pes tsawg leej. 28 Tsua qhov Vaajtswv tub yuav txav txem tsua tuabneeg nplajteb sai sai. 29 Muaj dua ib zag Yaxaya qha has tas, yog Vaajtswv kws muaj fwjchim luj kawg nkaus tsw tseg peb ua noob, tes peb yeej yuav puam tsuaj ib yaam le lub moos Xitoo hab lub moos Kaumaula kws tub puam tsuaj taag lug lawm.
Vaajtswv coj lwm tsaav tuabneeg nrug Vaajtswv sws raug zoo
30 Yog le hov, peb txha paub has tas, txawm yog lwm tsaav tuabneeg yeej ib txwm tsw paub lug nrug Vaajtswv sws raug zoo los Vaajtswv tseem coj puab lug nrug Vaajtswv sws raug zoo, tsua qhov yog puab ntseeg Vaajtswv. 31 Cov Yixayee yeej naj nub xyum ua lawv le tej kevcai sub puab txha tau lug nrug Vaajtswv sws raug zoo, kuas puab tsw tau lug. 32,33 Vem le caag puab tsw tau lug. Vem yog puab tsw ntseeg Vaajtswv, puab tsuas ca sab tsua teg num kws puab ua xwb. Puab dawm lub pob zeb kws Vaajtswv phoo ntawv has txug tas, Vaajtswv has tas, Kuv muab ib lub pob zeb tso tsua huv lub nroog Xi-oo. Tuabneeg yeej yuav dawm lub pob zeb ntawm. Lub pob zeb ntawm yuav ua tsua tuabneeg qaug. Kuas tug kws ntseeg nwg mas yuav tau txhua yaam kws Vaajtswv has.
1 Cov kwvtij, kuv kub sab quas lug naj nub thov Vaajtswv coj kuv tsaav tuabneeg lug cuag Vaajtswv. 2 Tsua qhov kuv paub tseeb has tas, puab yog cov kws ib txwm muab tsua sau sab coj lawv le Vaajtswv txuj kevcai. Txawm yog puab muab tsua sau sab le ntawm los puab yeej tsw paub qhov kws tseeb. 3 Vem puab tsw nkaag sab qhov kws Vaajtswv coj tuabneeg lug nrug Vaajtswv sws raug zoo, puab ca le xyum ua lawv le tej kws puab xaav has tas, yuav paab tau puab lug nrug Vaajtswv sws raug zoo. Mas puab txha le tsw kaam ua lawv le qhov kws Vaajtswv qha puab. 4 Yexu Kheto tub ua tsua Mauxe txuj kevcai tsw tseem ceeb lawm. Mas nwgnuav txhua tug kws ntseeg, Vaajtswv yuav coj lug nrug Vaajtswv sws raug zoo.
Txhua tug kws ntseeg yuav dim txem
5 Yaav thau u Mauxe has tas, Vaajtswv yuav coj tug kws xyum ua lawv le Vaajtswv txuj kevcai lug nrug Vaajtswv sws raug zoo. Mauxe sau zaaj nuav tsua huv ntawv has tas, tug kws ua lawv nraim le Vaajtswv txuj kevcai, mas yuav tau txujsa lawv le Vaajtswv txuj kevcai qha. 6 Kuas muaj ib zaaj sau ca has txug tug kws ntseeg ais Vaajtswv coj lug nrug Vaajtswv sws raug zoo. Zaaj ntawm has tas, mej tsw xob xaav has tas, leejtwg yuav moog sau ntuj ceeb tsheej es moog hu Yexu Kheto lug paab peb. 7 Hab tsw xob xaav has tas, leejtwg yuav moog huv tub tuag teb es moog hu Yexu Kheto sawv rov lug sau neej nuav. 8 Vaajtswv phoo ntawv qha has tas, Vaajtswv txujlug tub nyob ntawm mej lub qhov ncauj hab nyob huv mej lub sab. Txujlug ntawm yog txuj kws peb qha has tas, suavdawg yuav tsum lug ntseeg. 9 Yog leejtwg lub ncauj leeg has tas, Yexu yog nwg tug tswv, hab nwg lub sab ntseeg has tas, Vaajtswv tub tsaa Yexu sawv huv qhov tuag rov lug lawm, tes nwg txha dim hab tau lub sab tshab. 10 Thaus peb muaj sab ntseeg tag tag, Vaajtswv txha coj peb lug nrug Vaajtswv sws raug zoo. Hab yog peb lub ncauj leeg has tas peb ntseeg, mas peb txha dim hab tau lub sab tshab. 11 Tsua qhov muaj lug sau ca tsua huv Vaajtswv phoo ntawv has tas, txhua tug kws ntseeg nwg, yeej yuav tau tej kws Vaajtswv has. 12 Zaaj nuav has txug txhua tug huvsw, yog has txug cov Yutai hab lwm tsaav tuabneeg suavdawg, tsua qhov tsuas muaj tuab tug Vaajtswv kaav suavdawg xwb. Vaajtswv kws nplua nuj kawg yuav pub txhua yaam tsua txhua tug kws ntseeg nwg. 13 Zaaj nuav yeej lawv le tej lug kws sau ca tsua huv Vaajtswv phoo ntawv has tas, txhua tug kws thov Vaajtswv cawm mas yuav dim, hab Vaajtswv yuav pub lub sab tshab tsua. 14 Kuas yog puab tsw tau ntseeg nwg, mas pua-b tsw txawj thov nwg. Hab yog puab tsw tau nov txuj xuv zoo, tes puab yeej tsw paub ntseeg. Yog tsw muaj tuabneeg coj txuj xuv zoo moog qha tsua puab, tes puab txhooj kum tau nov. 15 Yog tsw muaj leejtwg khaiv puab moog, yeej yuav tsw muaj tuabneeg moog qha txuj xuv zoo. Muaj lug sau ca tsua huv Vaajtswv phoo ntawv has tas, qhov kws tuabneeg moog qha txuj xuv zoo, mas yog qhov kws zoo kawg le. 16 Kuas tsw yog txhua tug yuav ntseeg txuj xuv zoo hov. Yaav tom ntej u Yaxaya has ib yaam nkaus le ntawm tas, Vaajtswv, leejtwg yuav ntseeg tej lug kws peb qha. 17 Ua le hov mas yuav yog tau nov txha paub ntseeg, hab yuav yog muaj tug moog pav Yexu Kheto txuj xuv zoo, mas txha tau nov. 18 Cov tuabneeg Yixayee tub nov txuj xuv zoo lawm. Ua caag tseem muaj tuabneeg has tas, puab tsw tau nov nua. Tub muaj lug sau ca tsua huv Vaajtswv phoo ntawv has tas, Tub muaj tuabneeg moog qha thoob plawg nplajteb lawm. Puab tej lug tub nrov nchaa moog puv qaab ntuj kawg lawm. 19 Kuv yuav rov has dua ib lus. Cov Yixayee tsw tau paub los. Puab yeej paub los sav. Yog le ntawm kuv yuav xub has tej lug kws Mauxe qha. Mauxe has tas, Vaajtswv has tas, Kuv yuav zwg kuas mej ntshaw tej kws kuv pub tsua cov tuabneeg kws tsw muaj teb tsw muaj chaw. Kuv yuav zwg kuas mej chim tsua tsaav tuabneeg kws ruag. 20 Yaxaya yimfuab muaj sab tuab qha. Yaxaya qha has tas, Vaajtswv has tas, Cov tuabneeg kws yeej tsw nrhav kuv, puab tub ntswb kuv lawm. Cov tuabneeg kws yeej tsw quav ntsej kuv, puab tub pum kuv lawm. 21 Kuas thaus Yaxaya has txug cov Yixayee nwg has tas, Vaajtswv has tas, kuv naj nub qheb qhov rooj quas lug tog cov tuabneeg tawv ncauj kws tsw noog kuv lug.
Vaajtswv hlub cov Yixayee
1 Vaajtswv yeej tsw tso Vaajtswv tsaav tuabneeg tseg le. Kuv paub le nuav tsua qhov kuv kuj yog ib tug Yixayee hab. Kuv yog Aplahaa xeeb ntxwv. Kuv yog xeem Npeyami. 2 Vaajtswv tsw tau tso tsaav tuabneeg kws Vaajtswv tub xaiv ca thau u lug lawm tseg le. Mej yeej paub zaaj kws Vaajtswv phoo ntawv has txug Eliya. Thaus Eliya thov Vaajtswv teem txem tsua cov Yixayee Eliya has tas, 3 Vaajtswv, puab tub muab cov xwbfwb kws cev koj lug tua pov tseg, hab muab tej rooj kws txawb hov txhua chaw xyeem tsua koj lauj huvsw pov tseg lawm. Cov xwbfwb kws cev koj lug tsuas tshuav kuv tuab leeg xwb los puab tseem naj nub tuav huv yuav muab kuv tua pov tseg hab. 4 Eliya has le hov, mas Vaajtswv teb le caag. Vaajtswv teb has tas, koj tsw xob ntshai, kuv tub xaiv xyaa txheeb leej tseg ca ua kuv cov lawm. Xyaa txheeb leej hov yeej tsw tau pe nam daab Npa-aa le. 5 Naj nub nwgnuav Vaajtswv kuj xaiv ib cov nyuas tseg ca ua Vaajtswv le ib yaam nkaus hab, tsua qhov Vaajtswv hlub puab kawg le. 6 Qhov kws Vaajtswv xaiv tuabneeg tseg ca ua Vaajtswv le tsw yog vem tuabneeg ua num zoo, kuas yog Vaajtswv hlub xwb. Yog tuabneeg ua num zoo es Vaajtswv txha le xaiv tes tsw yog Vaajtswv hlub puab. 7 Peb paub tas, cov Yixayee tsw tau tej kws puab nrhav. Tsuas yog cov nyuas kws Vaajtswv xaiv ca lawm txha le tau xwb. Dua le tej Vaajtswv ca puab zoo le cov tuabneeg laag ntseg kws tsw nov lug, puab txha tsw nov Vaajtswv tej lug. 8 Tej nuav lawv le tub muaj lug sau ca tsua huv Vaajtswv phoo ntawv has tas, Vaajtswv ca puab lub sab ruag kuas puab tsw to taub. Txawm yog naj nub nwgnuav los puab tseem tsw pum kev hab tseem tsw nov lug. 9 Vaaj ntxwv Tavi sau ca has tas, Vaajtswv, thaus puab saamswm noj nqaj haus cawv ua nqaaj ua nqug, thov koj ca le ua vuj hlua cuab puab hab khi puab. Thov koj teem txem tsua puab kuas puab qaug ntawg, 10 hab kuas puab qhov muag dig tsw pum kev, hab thov koj muab lub nraa nyaav tsua puab rws moog ib txhws le.
Vaajtswv coj lwm tsaav tuabneeg lug cuag Vaajtswv
11 Qhov kws cov Yixayee yuam kev nuav, yog ua tsua puab puam tsuaj huvsw lawm lov. Tsw yog le ntawm. Tub yog vem puab tsw noog Vaajtswv lug, Vaajtswv txha le qheb kev tsua lwm tsaav tuabneeg lug cuag Vaajtswv. Puab pum Vaajtswv ua le hov mas puab khib tsua lwm tsaav tuabneeg heev. 12 Ybg qhov kws cov Yixayee tsw noog Vaajtswv lug ua tsua tuabneeg nplajteb tau koob tau moov, hab yog qhov kws cov Yixayee tsw npuab Vaajtswv ua tsua lwm tsaav tuabneeg tau koob tau moov lawm, tes thaus Vaajtswv rov coj cov Yixayee lug cuag Vaajtswv, suavdawg yimfuab yuav tau koob tau moov n tau. 13 Nwgnuav kuv has tsua mej cov kws yog lwm tsaav tuabneeg has tas, kuv yeej yog ib tug xwbfwb kws qha lwm tsaav tuabneeg, kuv yuav muab tsua sau sab ua teg num ntawm kuas kawg kuv tug daag tug zug. 14 Tej zag teg num kws kuv ua ntawm yuav ua tsua kuv tsaav tuabneeg khib los tsw paub. Yog puab khib mas Vaajtswv yuav coj tau puab qee leej lug cuag Vaajtswv. 15 Thaus Vaajtswv muab cov Yixayee tso tseg lawm, mas Vaajtswv coj lwm tsaav tuabneeg lug nrug Vaajtswv sws raug zoo. Yog le ntawm, thaus Vaajtswv rov qaab coj cov Yixayee lug cuag Vaajtswv, tes cov Yixayee yuav zoo ib yaam le kws tuag lawm es tsua sawv rov lug. 16 Yog yug muab choo mov ib co pub tsua Vaajtswv lawm tes choo mov ntawm yeej yog Vaajtswv le. Yog yug muab tej caag pub tsua Vaajtswv lawm, tes tug ntoo hab cov ceg yeej yog Vaajtswv le hab. 17 Vaajtswv muab tsob txwv kav laaj nyeg tug puav ceg txav pov tseg, es Vaajtswv tsua moog muab tsob txwv kav laaj qus tug puav ceg coj lug txuas tsua tsob nyeg. Mej cov kws yog lwm tsaav tuabneeg mej zoo ib yaam le tug ceg kav laaj qus ntawm. Nwgnuav mej tau tej dej kws tsob ntoo kav laaj nyeg nqug tuaj yug mej. 18 Cov tuabneeg Yixayee zoo ib yaam le tsob ntoo kav laaj nyeg. Yog le ntawm mej tsw xob saib tsw taug tej ceg kws Vaajtswv tub muab txav pov tseg lawm. Mej tsw xob khaav hlo le tsua qhov mej tsuas yog cov ceg xwb. Tsw yog ceg nqug dej yug caag, kuas yog caag nqug dej yug ceg. 19 Tej zag yuav muaj ib tug has tas, yog laub, qhov kws Vaajtswv muab tej ceg hov txav pov tseg, tub yog Vaajtswv yuav muab kuv coj lug txuas tsua. 20 Yeej yog le tug hov has tag. Tub yog vem puab tsw ntseeg, Vaajtswv txha le muab puab txav pov tseg. Kuas tub yog vem mej ntseeg, Vaajtswv txha le muab mej lug txuas tsua puab lub chaw. Mej tsw xob khaav has tas, mej tau lug nyob puab lub chaw, mej yuav tsum ceev faaj. 21 Yog Vaajtswv tub muab tej ceg kav laaj nyeg txav pov tseg, mej tsw xob xaav has tas, Vaajtswv yuav tsw muab mej cov kws Vaajtswv coj lug txuas tsua txav pov tseg. 22 Yog le ntawm nyab mej yuav pum has tas, Vaajtswv yog tug kws hlub tuabneeg hab rau txem tsua tuabneeg. Vaajtswv rau txem tsua cov tuabneeg kws ua txhum, kuas yog mej ncu ntsoov Vaajtswv tshaav ntuj Vaajtswv yuav hlub mej. Yog mej tsw ncu, Vaajtswv yuav muab mej txav pov tseg hab. 23 Yog cov Yutai rov lug cuag Vaajtswv, Vaajtswv yeej yuav coj puab rov lug txuas tsua tug cev ntoo, tsua qhov Vaajtswv yeej ua tau le ntawm. 2h Mej cov kws yog lwm tsaav tuabneeg mej yeej zoo ib yaam le tej ceg kav laaj qus. Yog Vaajtswv tub muab tau mej coj lug txuas tsua tsob kav laaj nyeg kws yeej tsw yog mej yaam ntoo, tes yog Vaajtswv muab cov Yutai kws zoo ib yaam le tsob ntoo nyeg rov qaab lug txuas tsua tsob nyeg kuj yimfuab yuav yoojyim dua.
Vaajtswv hlub txhua tug
25 Cov kwvtij, kuv xaav kuas mej paub tseeb Vaajtswv tej lug tseeb kws yaav tom ntej tsw muaj tuabneeg paub, mej txha le tsw khaav has tas, mej yog cov kws txawj ntse. Tej lug ntawm has tas, cov Yixayee yuav tawv ncauj ib nyuas ntu xwb. Puab yuav tawv ncauj moog txug thaus Vaajtswv coj lwm tsaav tuabneeg kws yeej yuav ntseeg lug cuag Vaajtswv txhwj lawm. 26 Thaus puab lug cuag Vaajtswv txhwj lawm, tes Vaajtswv yuav zaam txem tsua cov Yixayee txhua tug huvsw. Tej nuav muaj lawv le tej lug kws sau ca tsua huv Vaajtswv phoo ntawv has tas, Tug Cawmseej yuav tuaj huv lub nroog Xi-oo tuaj. Nwg yuav muab Yakhauj cov xeeb ntxwv tej kev txhum rhu huvsw moog. 27 Kuv yuav zaam txem tsua puab lawv le tej lug kws kuv tub cog tseg tsua puab lawm. 28 Tub yog vem cov Yutai tsw nyam txuj xuv zoo puab txha ua Vaajtswv cov yeeb ncuab. Qhov kws puab yog Vaajtswv cov yeeb ncuab ua tsua mej tau lug cuag Vaajtswv. Kuas Vaajtswv tseem suav has tas, puab yog Vaajtswv cov kwvtij kwv luag, tsua qhov Vaajtswv tub cog lug tseg tsua puab tej yawm koob has tas, Vaajtswv yuav nrug puab ua kwvtij kwv luag. 29 Vaajtswv yeej tsw hloov lug tsua tug kws Vaajtswv xaiv ca es yuav foom koob foom moov tsua, Vaajtswv yeej yuav ua lawv le Vaajtswv has. 30 Yaav tom ntej mej cov kws yog lwm tsaav tuabneeg kuj tsw noog Vaajtswv lug. Kuas nwgnuav Vaajtswv tsua foom koob foom moov tsua mej vem yog cov Yutai tsw noog Vaajtswv lug lawm. 31 Yog le ntawm Vaajtswv yeej yuav foom koob foom moov tsua cov Yutai kws naj nub nwgnuav tsw noog Vaajtswv lug, ib yaam le Vaajtswv tub foom tsua mej lawm. 32 Vaajtswv ua kuas suav- dawg zoo le tej tuabneeg kws raug kaw tsua huv tsev loj faaj, tsua qhov suavdawg tsw noog Vaajtswv lug. Vaajtswv ua le hov Vaajtswv txha le zoo paab puab.
Suavdawg yuav tsum ua Vaajtswv tsaug
33 Vaajtswv hlub suavdawg kawg nkaus le. Vaajtswv yog tug kws muaj tswvyim hab paub txhua yaam huvsw. Tsw muaj leejtwg yuav paub Vaajtswv lub sab hab tej kws Vaajtswv ua. Tsw muaj leejtwg yuav txawj pav qha tsua suavdawg has tas, Vem le caag Vaajtswv ua le ntawm. 34 Lawv le tub muaj lug sau ca tsua huv Vaajtswv phoo ntawv has tas, Yeej tsw muaj leejtwg yuav paub Vaajtswv lub sab, Yeej tsw muaj leejtwg yuav txawj qha Vaajtswv. 35 Yeej tsw muaj leejtwg yuav pub ib yaam daabtsw tsua Vaajtswv es Vaajtswv yuav tsum pauj tsua nwg. 36 Tsua qhov Vaajtswv yog tug kws tswm ib puas tsaav yaam, hab Vaajtswv tug fwjchim tuav ib puas tsaav yaam ntawm, mas ib puas tsaav yaam hov txha ua tsua Vaajtswv tau koob meej. Suavdawg yuav tsum fwm Vaajtswv moog ib txhws le. Amee.
Peb muab peb tug zug pub tsua Vaajtswv
1 Cov kwvtij, Vaajtswv hlub peb kawg nkaus le, mas kuv txha thov has tsua mej txhua tug has tas, thaus mej tseem ua tuabneeg nyob mej yuav tsum muab mej lub sab lub ntsws tug daag tug zug huvsw pub tsua Vaajtswv swv ua tej num kws hum Vaajtswv sab. Yog mej ua le hov txha yog mej ncu Vaajtswv tshaav ntuj tag. 2 Mej tsw xob ua mej lub neej zoo le tej tuabneeg kws tsw noog Vaajtswv lug naj nub ua, kuas mej yuav tsum ca Vaajtswv muab mej lub sab ntxeev dua tshab. Yog mej ua le hov mej txha paub ua zoo lawv le Vaajtswv lub sab nyam. 3 Vem Vaajtswv hlub kuv hab pub tswvyim tsua kuv, kuv txha qha mej has tas, mej tsw xob khaav dhau cai. Yug yuav saib tuab zoo, hab muab txujkev ntseeg kws Vaajtswv pub tsua yug lug ntsuag saib yug muaj peev xwm npaum le caag. 4 Peb lub cev yeej muaj teg muaj taw muaj sab muaj ntsws, hab tej hov nyag ua nyag ib yaam num. 5 lb yaam nkaus le ntawm, txawm yog peb muaj coob los peb cov kws nrug Yexu Kheto sws raug zoo lawm, peb puav leej koom ib lub cev ib yaam le peb tej teg tej taw koom peb lub cev. 6 Vaajtswv pub tswvyim tsua peb nyag txawj ua nyag ib yaam num. Mas yog peb tau tug tswvyim kws qha Vaajtswv txujlug, peb yuav tsum muab tsua sau sab qha npaum le kws peb ntseeg. 7 Yog peb tau tug tswvyim kws swv daag zug paab lwm tug peb yuav tsum paab. Yog peb tau tug tswvyim qhuab qha peb yuav tsum qhuab qha. 8 Yog peb tau tug tswvyim kws txhawb lwm tug tug zug peb yuav tsum ua teg num hov. Tug kws muab nwg tej hov txhua chaw paab lwm tug, nwg yuav tsum ua lub sab dawb paab tsw xob khauv xwm. Tug kws ua tug hlub nwg yuav tsum muab tsua sau sab ua num tag tag. Tug kws khuv leej lwm tug, nwg yuav tsum zoo sab quas hlo paab 9 Mej yuav tsum sws hlub tag tag, hab muab sab npuab qhov zoo, ais ntxub qhov phem. 10 Mej cov kws ntseeg Yexu Kheto, mej ib leeg yuav tsum hlub ib leeg tag tag hab yug saib lwm tug tswm txaj dua yug. 11 Mej yuav tsum rau sab ntso ua num tsw xob cis nkeeg, hab yuav tsum muab tsua sau sab ua tej kws Vaajtswv kuas mej ua. 12 Qhov kws mej ca sab tsua Vaajtswv yeej yuav ua tsua mej zoo sab. Thaus mej raug kev txom nyem mej yuav tsum ua sab ntev nyaj, hab naj nub thov Vaajtswv tsw tu. 13 Mej yuav tsum muab mej tej hov txhua chaw paab cov ntseeg kws tsw muaj noj tsw muaj naav. Hab yog muaj qhua tuaj, mej yuav tsum zoo sab quas hlo ca puab lug su huv mej tej tsev. 14 Mej yuav tsum thov Vaajtswv foom koob foom moov tsua tej tuabneeg kws tswm txom mej. Thov Vaajtswv foom koob foom moov tsua puab, tsw xob thov nwg foom tsw zoo tsua puab. 15 Thaus muaj tuabneeg zoo sab mej ca le nrug puab zoo sab. Thaus muaj tuabneeg quaj ntsuag mej ca le nrug puab quaj ntsuag. 16 Mej yuav tsum hlub txhua tug ib yaam nkaus, tsw xob hlub ib tug tseg ib tug. Tsw xob khaav theeb. Yog luas kuas mej ua tej num kws tsw tseem ceeb pes. tsawg mej ca le ua. Mej tsw xob xaav has tas, mej yog tuabneeg txawj ntse. 17 Yog muaj tuabneeg ua phem tsua mej, mej tsw xob ua pauj. Mej yuav tsum naj nub xyum ua tej kws suavdawg pum has tas, yog yaam kws zoo. 18 Mej yuav tsum ua ib puas tsaav yaam zoo lawv le mej ua tau, mej txha le nrug tau suavdawg nyob sws hum, tsw nrug leejtwg muaj plaub muaj ntug muaj xaiv muaj lug. 19 Cov kwvtij, mej tsw xob ua phem pauj phem, mej yuav tsum ca Vaajtswv rau txem tsua tug kws ua phem tsua mej. Tsua qhov tub muaj lug sau ca tsua huv Vaajtswv phoo ntawv lawm, Vaajtswv has tas, kuv yuav rau txem tsua tug kws ua phem tsua mej, hab kuv yuav ua pauj tej kws luas ua tsua mej lawm. 20 Mej yuav tsum ua lawv le tej lug kws sau ca tsua huv Vaajtswv phoo ntawv has tas, yog tug kws ua yeeb ncuab tsua mej tshaib plaab, mej ca le pub mov tsua nwg noj. Yog nwg nqhes dej mej ca le pub dej tsua nwg haus. Thaus nwg pum mej ua zoo tsua nwg, nwg yuav txaaj muag. 21 Tsw xob kheev txujkev phem kov yeej mej. Mej yuav tsum ua zoo mej txha le kov yeej txujkev phem.
Suavdawg yuav tsum noog num tswv lug
1 Suavdawg yuav tsum noog num tswv lug, tsua qhov yog Vaajtswv tsw kheev kuas muaj num tswv tes yeej tsw muaj. Tej tuabneeg kws ua num tswv yeej yog Vaajtswv tsaa puab ua. 2 Yog leejtwg sawv twv tej num tswv kuj yog nwg sawv twv Vaajtswv kws tau tsaa cov num tswv. Vaajtswv yuav rau txem tsua tug kws sawv twv ntawm. 3 Tug kws ua zoo nwg yeej tsw ntshai num tswv, tsuas yog tug kws ua txhum txha ntshai num tswv xwb. Yog mej tsw xaav ua txhum num tswv kevcai mej yuav tsum ua zoo, num tswv txha qhuas mej. 4 Tsua qhov num tswv yeej yog Vaajtswv tug tubkhai kws ua num paab mej. Kuas yog mej ua txhum mej yuav tsum ntshai nwg, tsua qhov nwg muaj fwjchim coj mej moog rau txem. Nwg yog Vaajtswv tug tubkhai, Vaajtswv kuas nwg rau txem tsua cov tuabneeg kws ua phem. 5 Tsw yog mej ntshai tsaam mej raug txem es mej txha noog num tswv lug xwb, kuas yog vem mej tub paub lawm tas, yeej tswm nyog suavdawg noog num tswv lug. 6 Vem le ntawm mej yuav tsum them se tsua num tswv, tsua qhov Vaajtswv yeej tsaa puab lug ua num. 7 Mas mej yuav tsum them se, tsw has se tuabneeg los yog, se laj se teb los yog mej yuav tsum them huvsw. Mej yuav tsum fwm hab saib taug txhua tug num tswv.
Ib leeg yuav tsum hlub ib leeg
8 Mej tsw xob tshuav luas nqe. Kuas muaj ib qho kws mej yeejlos yuav them tsw taag, yog qhov kws hlub luas. Mej yuav tsum hlub taag hlub thab txha yog lawv le Vaajtswv txuj kevcai 9 Vaajtswv txuj kevcai qha has tas, tsw xob ntxag luas quaspuj luas quasyawg, tsw xob tua tuabneeg, tsw xob ua tub saab, tsw xob ntshaw luas tug. Txhua nqai nuav hab lwm nqai kws tsw tau sau tsua nuav los puav leej muab sau zog lug ua ib nqai has tas, mej yuav tsum hlub kwvtij zej zog ib yaam le mej hlub mej lub cev. 10 Tug kws hlub kwvtij zej zog, tug ntawm yeej tsw ua phem tsua puab. Yog le ntawm yog mej hlub lwm tug tes tub yog mej ua lawv le tej kevcai kws Mauxe qha huvsw lawm. 11 Mej yuav tsum ua tej nuav tsua qhov mej tub paub lawm tas, lub swmhawm nuav yog lub swmhawm kws tseem ceeb heev. Yog le ntawm mej yuav tsum tswm dheev tsw xob tsaug zug, tsua qhov tub ze nub kws tug tswv yuav rov lug heev dua le thaus peb nyav lug ntseeg. 12 Nwgnuav tub txug ib taag mo dua lawm, tub yuav kaaj ntug. Mas peb tsw xob ua le tej tuabneeg kws ua phem mo ntuj. Peb cov kws nyob nruab nub peb yuav tsum muab tej cuab yeej kws Vaajtswv pub tsua peb coj lug tuav. 13 Peb yuav tsum ua peb lub neej kuas tswm nyog qhov kws peb yog tuabneeg nruab nub. Peb tsw xob ua le tej tuabneeg kws nyam ua nqaaj ua nqug qaug dej qaug cawv, ua phem ua qas, ua dev ua npua, sws tshe sws ntaus, sws khib sws ntxub. 14 Kuas peb yuav tsum ca tug tswv Yexu Kheto kaav peb lub cev hab tu peb lub sab kuas zoo ib yaam le nwg, hab peb tsw xob quav ntsej tej kev phem kev qas kws peb lub sab yuam peb ua.
Cov ntseeg ib leeg tsw xob thuaj ib leeg
1 Yog mej cov muaj ib tug tsw tshua paub Vaajtswv pes tsawg, mas yuav tsum ca nwg nrug mej nyob ua ke. Mej tsw xob nrug nwg sws caam has txug tej kws nwg tsw paub tseeb. 2 Muaj qee leej has tas, puab noj tau txhua yaam huvsw, kuas muaj qee leej tsw tshua paub Vaajtswv puab txawm ca le noj zaub xwb. 3 Tug kws noj txhua yaam tsw xob saib tsw taug tug kws tsw noj. Hab tug kws noj zaub tsw xob thuaj tug kws noj txhua yaam, tsua qhov Vaajtswv yeej hlub ob leeg ib yaam nkaus. 4 Ua caag koj yuav thuaj luas tug tub qhe ua daabtsw. Tsuas yog tug tub qhe hov tug tswv txha muaj cuab kaav has tas, nwg tug tub qhe ua zoo lossws ua phem. Tug tub qhe yeej yuav ua zoo, tsua qhov Vaajtswv paab tau kuas tug tub qhe ua zoo. 5 Muaj qee leej xaav has tas, muaj qee nub txha yog nub tseem ceeb kws yuav pe Vaajtswv. Kuas muaj qee leej xaav has tas, txhua nub puav leej tseem ceeb ib yaam nkaus. Yog le ntawm nyag ca le ua lawv le nyag xaav has tas zoo. 6 Tug kws pheej teem ib nub ua nub tseem ceeb yeej yog nwg fwm Vaajtswv nwg txha le ua le ntawm. Tug kws noj txhua yaam huvsw yeej yog nwg fwm Vaajtswv nwg txha le noj, tsua qhov nwg xub ua Vaajtswv tsaug nwg le maav noj. Tug kws caiv tsw noj yaam u yaam nua yeej yog nwg fwm Vaajtswv nwg txha caiv. Txawm yog nwg tsw noj los nwg yeej ua Vaajtswv tsaug ib yaam nkaus le tug kws noj. 7 Peb tsw yog tug kws tuav peb txujsa. Mas peb tsw muaj cuab kaav has tas, peb yuav nyob le caag hab peb yuav tuag le caag. 8 Yog peb ua neej nyob peb yuav ua tsua Vaajtswv tau koob meej. Yog peb tuag kuj ca peb tuag tsua qhov kws Vaajtswv tau koob meej. Yog le ntawm peb ua neej nyob los yog peb tuag los yog, peb yeej yog Vaajtswv le tuabneeg, 9 tsua qhov Yexu Kheto tub tuag hab tub sawv huv qhov tuag rov lug lawm, mas nwg txha ua cov tuabneeg kws nyob hab cov kws tuag suavdawg tug tswv. 10 Ua le caag mej cov muaj qee leej laam thuaj, hab muaj qee leej laam saib tsw taug mej cov kwvtij kws ntseeg Vaajtswv. Peb txhua tug yuav tsum moog sawv ntawm Vaajtswv xub ndag tsua Vaajtswv nug. 11 Lawv le tub muaj lug sau ca tsua huv Vaajtswv phoo ntawv lawm, Vaajtswv has tas, kuv qha tseeb tsua mej has tas, Txhua tug puav leej yuav txhus caug ntawm kuv xub ndag, hab taab meeg qha tsua suavdawg has tas, kuv yog Vaajtswv. 12 Yog le ntawm peb txhua tug nyag yuav tsum qha nyag teg num tsua Vaajtswv.
Tsw xob ua tsua kwvtij yuam kev
13 Yog le ntawm mej ib leeg tsw xob thuaj ib leeg. Mej yuav tsum ncu ntsoov tsw xob ua ib yaam daabtsw kws yuav ua tsua mej cov kwvtij yuam kev ua txhum. 14 Vem kuv yog ib tug kws ntseeg peb tug tswv Yexu Kheto kuv paub tseeb has tas, yeej tsw muaj ib yaam daabtsw kws yuav noj tsw tau. Kuas yog muaj qee leej xaav has tas, muaj yaam puav noj tsw tau, tes ca puab tsw xob noj mas zoo dua. 15 Yog mej txhob txwm noj tej kws mej cov kwvtij caiv tsw noj, tes kuj yog mej tsw hlub cov kwvtij hov. Mej tsw xob ca tej kws mej noj ua tsua tug kws Yexu Kheto tub tuag txhwv lawm raug kev puam tsuaj. 16 Mej tsw xob ua tsua lwm tug thuaj tej kws mej pum has tas, zoo lawm. 17 Tsua qhov Vaajtswv kws kaav tuabneeg lub sab nwg yeej tsw suav has tas, kev noj kev haus yog qhov kws tseem ceeb, kuas qhov kws nwg suav has tas tseem ceeb, yog qhov kws Vaajtswv tug Ntsuj Plig ua tsua peb ua tau hum Vaajtswv sab, hab nrug Vaajtswv sws raug zoo, hab ua tsua peb tau nyob kaaj sab quas lug. 18 Mej cov kws yog Yexu Kheto cov tub qhe, yog mej ua le ntawm mej yeej yuav ua tau hum Vaajtswv sab hab hum suavdawg sab. 19 Yog le ntawm peb yuav tsum muab tsua sau sab ua tej kws yuav paab suavdawg nyob sws hum, hab tej kws yuav txhawb suavdawg tug zug. 20 Yog tej kws mej noj mej haus ua tsua Vaajtswv teg num tsw muaj qaabhau, tes mej tsw xob noj. Mej yeej noj tau txhua yaam huvsw, kuas yog mej noj yaam kws ua tsua lwm tug yuam kev, tes yeej yog mej ua txhum. 21 Yog le ntawm mej tsw xob noj nqaj haus cawv lossws ua ib yaam daabtsw kws yuav ua tsua mej cov kwvtij yuam kev ua txhum. 22 Tej kws mej tso sab has tas, mej noj tau haus tau, mej ca le noj ca le haus tsw xob pav tsua tug u tug nua noog, ca Vaajtswv hab mej paub xwb. Tug kws noj tej kws nwg lub sab qha tsua nwg has tas, noj tsw txhum, tug ntawm yeej tsw ntxhuv sab. 23 Kuas yog nwg xaav has tas, sov yuav noj los tsw noj, yog nwg noj lawm Vaajtswv yuav suav has tas, nwg ua txhum, tsua qhov nwg tsw ua lawv le nwg lub sab qha tsua nwg. Txhua yaam kws peb tsw tso sab has tas yog yaam kws zoo, tej ntawm puav leej txhum huvsw.
Peb yuav ua kuas hum lwm tug sab
1 Peb cov kws muab tsua sau sab ntseeg, peb yuav tsum ua sab ntev paab cov kws tsw tshua paub Vaajtswv pes tsawg. Tsw tswm nyog peb ua lawv le peb lub sab nyam xwb. 2 Kuas peb txhua tug yuav tsum xaav txug tej kwvtij kws ntseeg, hab ua tuab zoo saib saib yaam twg txha le paab tau kuas puab paub Vaajtswv heev dua. 3 Tsua qhov Yexu Kheto yeej tsw xaav txug tej kws yuav zoo tsua nwg xwb, kuas nwg xaav txug tej kws yuav zoo tsua lwm tug. Lawv le tub muaj lug sau ca tsua huv Vaajtswv phoo ntawv has tas, tej lug kws puab tshev koj tub yog puab tshev kuv. 4 Tsua qhov tej lug kws muab sau ca tsua huv Vaajtswv phoo ntawv yeej yog sau qha peb. Tej lug hov paab peb ua tau sab ntev hab muaj sab vaam, hab txhawb peb tug zug. 5 Thov Vaajtswv kws ua tsua peb ua tau sab ntev hab txhawb peb tug zug paab kuas mej nyob sws hum. Yog mej ua lawv le Yexu Kheto mej ib leeg yuav nrug tau ib leeg sws raug zoo. 6 Yog mej ua le ntawm mej txha ua tau ib lub sab qhuas Vaajtswv kws yog peb tug tswv Yexu Kheto leej txwv.
Muaj tuabneeg coj xuv zoo moog qha lwm tsaav tuabneeg
7 Yog le ntawm mej ib leeg yuav tsum zoo sab hlub ib leeg ib yaam le Yexu Kheto hlub mej. Thaus suavdawg pum mej ua le ntawm puab yuav qhuas Vaajtswv. 8 Kuv qha tsua mej has tas, qhov kws Yexu Kheto lug paab cov Yutai tub yog nwg ua kuas suavdawg paub has tas, Vaajtswv yog tug kws ncaaj nceeg, Vaajtswv yeej yuav ua lawv le tej lug kws Vaajtswv cog tseg tsua cov Yutai tej yawm koob. 9 Hab nwg yuav paab kuas lwm tsaav tuabneeg paub qhuas Vaajtswv tsua qhov kws Vaajtswv hlub puab kawg le. Lawv le tub muaj lug sau ca tsua huv Vaajtswv phoo ntawv has tas, Yog le ntawm thaus kuv nrug lwm tsaav tuabneeg nyob ua ke, kuv yuav ua koj tsaug. Kuv yuav hu nkauj qhuas koj. 10 Muaj dua ib lus has tas, Lwm tsaav tuabneeg, mej ca le nrug cov tuabneeg kws Vaajtswv tub xaiv ca lawm zoo sab. 11 Muaj dua ib lus has tas, Lwm tsaav tuabneeg, mej txhua tug ca le ua Vaajtswv tsaug. Txhua tsaav tuabneeg, mej ca le qhuas Vaajtswv. 12 Yaxaya has ib lus has tas, Vaajtswv yuav tsaa Yixai cov xeeb ntxwv ib tug lug kaav lwm tsaav tuabneeg, Mas lwm tsaav tuabneeg yuav tso sab tsua nwg 13 Thov Vaajtswv kws mej tso sab tsua paab mej txhua tug kws ntseeg kuas mej naj nub zoo sab hab tau nyob kaaj sab quas lug. Vaajtswv tug Ntsuj Plig txha ua tsua mej tso sab tsua Vaajtswv heev zuj quas zug.
Povlauj muaj cuab kaav qha cov ntseeg
14 Cov kwvtij, kuv paub tseeb has tas, mej yog cov kws sab zoo hab paub qaabhau ib leeg txawj qha ib leeg. 15 Kuas tsaab ntawv kws kuv sau xaa tuaj tsua mej nuav muaj qee zaaj kuv qha mej nyaav heev. Kuv muaj cuab kaav qha mej le ntawm, 16 tsua qhov Vaajtswv yeej tsaa kuv ua Yexu Kheto ib tug tub qhe qha Vaajtswv txuj xuv zoo tsua lwm tsaav tuabneeg. Vaajtswv tsaa kuv ua teg num nuav kuv txha le coj tau lwm tsaav tuabneeg lug cuag Vaajtswv. Cov tuabneeg ntawm ua tau hum Vaajtswv sab, tsua qhov Vaajtswv tug Ntsuj Plig tub xaiv puab ca ua Vaajtswv tsaav tuabneeg lawm. Teg num kws kuv ua nuav zoo yuav thooj le tug pov thawj teg num kws muab tej hov txhua chaw xyeem tsua Vaajtswv sau lub rooj. 17 Yog le ntawm kuv txha muaj cuab kaav khaav has txug Vaajtswv tej num kws Yexu Kheto kuas kuv ua. 18 Kuv yeej tsw muaj cuab kaav has txug tej num kws lwm tug ua, kuv tsuas muaj cuab kaav has txug tej kws Yexu Kheto ua xwb. Yexu Kheto kuas kuv coj lwm tsaav tuabneeg lug cuag Vaajtswv. Qhov kws lwm tsaav tuabneeg noog Vaajtswv lug tub yog vem kuv qha hab ua num paab puab, 19 hab yog vem puab pum tej txujci tseem ceeb kws Vaajtswv tug Ntsuj Plig pub fwjchim tsua kuv ua. Kuv tub qha txuj xuv zoo kws has txug Yexu Kheto thoob plhawv txhua qhov nraag lub nroog Yeluxalee moog txug peg 11i khu tebchaws lawm. 20 Teg num kws kuv nyam heev dua lwm yaam huvsw, yog qhov kws moog qha txuj xuv zoo tsua huv tej tebchaws kws tseem tsw tau muaj tuabneeg nov txug Yexu ib zag le, txha le tsw muaj tuabneeg has tas, kuv moog tsaa tsev tsua tej qua tsev kws luas tub ncaws ca lawm. 21 Lawv le tub muaj lug sau ca tsua huv Vaajtswv phoo ntawv has tas, Cov tuabneeg kws yeej ib txwm tsw tau paub nwg, puab yuav paub. Cov tuabneeg kws tsw tau nov dua, puab yuav to taub.
Povlauj xaav moog saib cov ntseeg tim lub nroog Loo
22 Tau ob peb xyoos lug lawm kuv tub yuav tuaj saib mej ob peb zag, kuas txhua zag kws kuv yuav tuaj pheej muaj chaw khuam cheem lawm. 23 Kuas nwgnuav teg num kws kuv ua huv saab tebchaws nuav tub tav lawm, 24 mas thaus kuv tuaj moog tim Xapee tebchaws nyab kuv yuav tau tuaj saib mej. Kuv vaam tas thaus kuv tuaj nrug mej nyob txaus sab lawm mej yuav paab nyaj txag xaa kuv moog tim Xapee. 25 Kuas nwgnuav kuv saamswm yuav moog paab cov ntseeg kws nyob nraag lub nroog Yeluxalee. 26 Tsua qhov cov ntseeg kws nyob huv Makatauna hab Kili tebchaws pum zoo muab nyaj txag qho mivntswv moog paab cov ntseeg kws txom nyem nraag Yeluxalee. 27 Puab yeej zoo sab ua le ntawm tsw muaj leejtwg yuam puab. Puab paub has tas, tswm nyog puab muab puab tej nyaj txag coj moog pauj cov Yutai txaj ntswg, tsua qhov cov Yutai tub xub coj Vaajtswv txuj xuv zoo moog qha tsua lwm tsaav tuabneeg. 28 Thaus kuv coj cov nyaj ntawm moog tsua puab lawm kuv yuav tuaj moog tim Xapee tebchaws, kuas kuv yuav xub tuaj saib mej tsaiv kuv le maav moog lawm tim. 29 Kuv paub has tas thaus kuv tuaj txug tim mej, Yexu Kheto yuav foom koob foom moov ntau kawg le tsua mej. 30 Cov kwvtij, vem peb yog cov kws ntseeg peb tug tswv Yexu Kheto, hab vem Vaajtswv tug Ntsuj Plig tub ua tsua peb ib leeg txawj hlub ib leeg lawm, kuv txha thov kuas mej kub sab quas lug thov Vaajtswv paab kuv. 31 Thov mej thov Vaajtswv tsom kwm kuv kuas cov tuabneeg tsw ntseeg kws nyob nraag Yutai tebchaws tsw xob ua phem tsua kuv, hab thov Vaajtswv paab kuas tej num kws kuv moog ua nraag hum suavdawg sab. 32 Thaus kuv rov nraag lug, yog Vaajtswv pum zoo kuv yuav tuaj saib mej, mas kuv yuav zoo sab kawg le, kuv yuav tso sab plhuav tsw txob tsw txhawj ib yaam daabtsw. 33 Kuv thov Vaajtswv kws paab tau peb nyob kaaj sab quas lug naj nub nrug nraim mej nyob. Amee.
Povlauj xaa xuv tsua cov ntseeg
1 Kuv qha tsua mej paub peb tug muam Fenpi. Nwg yog ib tug kws ua num paab cov ntseeg huv lub nroog Keekhala. 2 Nwg ntseeg ib yaam le mej hab. Thov mej paab nwg, tsua qhov yeej tswm nyog cov ntseeg ib leeg paab ib leeg. Yog muaj tej yaam kws nwg muaj tsw txaus, thov mej paab saib paab nrhav tsua nwg, tsua qhov nwg yog ib tug kws naj nub paab suavdawg hab paab kuv. 3 Thov mej has tsua Paxila hab Akula ob tug has tas, kuv ncu ncu ob tug. Ob tug yeej yog ob tug kws nrug kuv ua Yexu Kheto teg num. 4 Ob tug pheej paab kuv, ob tug tsw khauv xwm ob tug txujsa hlo le. Tsw yog kuv ib leeg ncu ntsoov rws ob tug txaj xwb, kuas lwm tsaav tuabneeg kws ntseeg tsw has cov kws nyob lub zog twg los suavdawg puav leej rws ob tug txaj huvsw. 5 Thov mej has tsua cov ntseeg kws pheej tuaj noog lug qhuab qha huv ob tug tsev has tas, kuv ncu ncu puab suavdawg. Thov mej has tsua kuv tug kwvluag Efainethau kws kuv nyam has tas, kuv ncu ncu nwg. Efainethau yog tug kws xub ntseeg Yexu Kheto dua cov kws nyob huv Axia tebchaws. 6 Thov mej has tsua Maivlag kws naj nub kub sab quas lug ua num paab mej has tas, kuv ncu ncu nwg. 7 Thov mej has tsua Anraunikau hab Yuna has tas, kuv ncu ncu ob tug. Ob tug yog peb ob tug kwvtij Yutai kws yaav tom ntej luas muab kaw nrug kuv ua ke huv tsev loj faaj. Ob tug xub ntseeg Yexu Kheto dua kuv. Pestus puab cov kws ua thawj puav leej paub ob tug. 8 Thov mej has tsua kuv tug kwvluag Anpa kws kuv nyam has tas, kuv ncu ncu nwg. Nwg kuj ntseeg Vaajtswv ib yaam le kuv. 9 Thov mej has tsua Ulapanau kws nrug peb ua Yexu Kheto teg num, hab has tsua kuv tug kwvluag Xathakhu kws kuv nyam has tas, kuv ncu ncu ob tug. 10 Thov mej has tsua Apele kws muaj sab npuab Yexu Kheto has tas, kuv ncu ncu nwg. Hab has tsua Alithau-pulau tsev tuabneeg has tas, kuv ncu ncu puab. 11 Thov mej has tsua Helauti-au kws yog tuabneeg Yutai ib yaam le kuv, has tas kuv ncu ncu nwg. Hab has tsua Nelakixau tsev tuabneeg cov kws ntseeg has tas, kuv ncu ncu puab. 12 Thov mej has tsua Ritena hab Rifauxa kws ua peb tug tswv Yexu Kheto teg num has tas, kuv ncu ncu ob tug. Hab has tsua kuv tug muam Pelaxi kws kuv hlub has tas, kuv ncu ncu nwg. Nwg yog tug kws nquag ua peb tug tswv Yexu Kheto teg num kawg le. 13 Thov mej has tsua Lufau kws ua Yexu Kheto teg num zoo dua lwm tug huvsw has tas, kuv ncu ncu nwg. Hab has tsua Lufau nam kws hlub kuv ib yaam le kuv yog nwg tug tub has tas, kuv ncu ncu nwg. 14 Thov mej has tsua Axu-kithau, Felakau, Helame, Palaunpa, Helama hab cov kwvtij ntseeg kws nrug puab nyob ua ke has tas, kuv ncu ncu puab suavdawg. 15 Thov mej has tsua Filaukau, Yuli, Nele-u hab Nele-u tug muam, hab has tsua Aulipha hab cov ntseeg Vaajtswv kws nrug puab nyob ua ke has tas, kuv ncu ncu puab suavdawg. 16 Thov mej ib leeg hlub ib leeg tag tag. Cov ntseeg kws nyob txhua qhov puab has tas, puab ncu ncu mej hab.
Povlauj qha cov ntseeg ceev faaj
17 Cov kwvtij, mej yeej paub lawm has tas, naj nub nwgnuav muaj ib co tuabneeg pheej nyam ua tsua suavdawg muaj lug sws caav sws tshe kuas suavdawg yuam kev. Cov tuabneeg ntawm qha tsw thooj le tej kws mej tub kawm lug lawm. Mas mej yuav tsum ceev faaj, mej tsw xob quav ntsej puab le. 18 Tsua qhov cov tuabneeg kws ua le ntawm yeej tsw yog cov kws ua peb tug tswv Yexu Kheto teg num, puab yog cov kws tuaj nrhav noj nrhav haus xwb. Puab ncauj qaab zwb nplaig qaab ntse ntxag cov tuabneeg kws tsw tshua paub Vaajtswv pes tsawg kuas yuam kev. 19 Suavdawg puav leej nov moo has tas, mej noog Vaajtswv lug heev. Kuv nov le ntawm kuv zoo sab kawg le. Yaam twg phem kuv xaav kuas mej tsw xob txawj ua. 20 Tshuav tsw ntev Vaajtswv kws paab tau peb nyob kaaj sab quas lug yuav muab Daab Ntxwg Nyoog nas ntho tsua mej tsuj. Kuv thov peb tug tswv Yexu Kheto foom koob foom moov tsua mej suavdawg. 21 Timaute kws nrug kuv ua num has tas, nwg ncu ncu mej. Luki-au, Yaxoo, Xauxipatau kws yog tuabneeg Yutai ib yaam le kuv puab has tas, puab ncu ncu mej hab. 22 Kuv npe hu ua Theti-au. Kuv yog tug kws sau Povlauj tsaab ntawv nuav. Kuv ncu ncu mej txhua tug hab. 23 Kayau kws kuv nrug nyob nwg has tas, nwg ncu ncu mej. Cov ntseeg kws nyob huv lub moos nuav pheej tuaj noog lug qhuab qha huv Kayau tsev. Elaxatau kws ceev num tswv txhaab nyaj hab peb tug kwv Khaulathau ob tug has tas, ob tug ncu ncu mej. 24 Kuv thov peb tug tswv Yexu Kheto foom koob foom moov tsua mej suavdawg.
Povlauj ua Vaajtswv tsaug
25 Peb ca le qhuas Vaajtswv. Vaajtswv yog tug kws paab tau kuas mej muab tsua sau sab ntseeg lawv le tau cog lug tseg tsua huv txuj xuv zoo kws kuv qha. Txuj xuv zoo hov has txug Yexu Kheto kws yaav tom ntej u tsw muaj tuabneeg paub. 26 Kuas nwgnuav muaj tuabneeg qha tsua suavdawg paub lawm. Txuj xuv zoo hov muaj lawv le tej xwbfwb cev Vaajtswv lug thau u sau ca tsua huv ntawv lawm. Vaajtswv kws muaj txujsa nyob moog ib txhws tub qha txuj xuv zoo tsua txhua tsaav tuabneeg paub lawm. Vaajtswv ua le ntawm kuas txhua tug lug ntseeg hab ua lawv le Vaajtswv has. 27 Peb cov kws ntseeg Yexu Kheto peb yuav tsum fwm Vaajtswv, tsua qhov Vaajtswv tuab leeg txha le paub ib puas tsaav yaam huvsw. Amee.
Tsaab ib
1 Kuv yog Povlauj kws Vaajtswv pum zoo tsaa ua Yexu Kheto ib tug tubkhai. 2 Kuv hab peb tug kwv Xauxatene sau tsaab ntawv nuav xaa tuaj tsua mej txhua tug ntseeg kws nyob huv lub moos Kauleethau. Vaajtswv xaiv mej cov kws nrug Yexu Kheto koom ua ib txujsa lug ua Vaajtswv tsaav tuabneeg, hab kuv xaa tsaab ntawv nuav tuaj tsua cov tuabneeg nyob txhua qhov kws ntseeg peb tug tswv Yexu Kheto kws yog puab tug tswv hab peb tug tswv. 3 Thov Vaajtswv kws yog peb leej txwv hab tug tswv Yexu Kheto foom koob foom moov tsua mej, hab paab kuas mej tau nyob kaaj sab quas lug.
Vaajtswv foom moov tsua tug kws ntseeg Yexu
4 Kuv pheej ua Vaajtswv tsaug tsua qhov Vaajtswv tub pub Vaajtswv txuj koob txuj moov tsua mej cov kws ntseeg Yexu Kheto lawm. 5 Vem mej nrug Yexu Kheto koom ua ib txujsa mej txha le tau ib puas tsaav yaam zoo. Tej lug kws mej has hab tej tswvyim kws mej muaj puav leej yog Vaajtswv pub. 6 Mej tub paub tseeb Yexu Kheto zaaj lawm. 7 Mas thaus mej tseem saamswm tog peb tug tswv Yexu Kheto rov lug, mej tub tau koob tau moov lawm. Yeej tsw tshuav ib yaam daabtsw kws mej tsw tau tau le. 8 Vaajtswv yuav paab kuas mej muab tsua sau sab ntseeg moog txug nub kawg. Thaus txug nub kws peb tug tswv Yexu Kheto rov lug mej txha tsw muaj ib qho txhum le. 9 Vaajtswv xaiv mej lug nrug Vaajtswv tug tub Yexu Kheto kws yog peb tug tswv sws raug zoo. Mej txha tso sab tau tsua Vaajtswv tas nwg yeej yuav ua lawv le tej lug kws nwg has lawm.
Cov ntseeg tsw sws hum
10 Cov kwvtij, peb tug tswv Yexu Kheto kuas kuv ntuag mej suavdawg has tas, mej tsw xob sws caav sws tshe mej txha tsw tawg ua ob peb paab ob peb pawg. Mej yuav tsum ua ib lub sab hab xaav ib yaam nkaus. 11 Cov kwvtij, Khalau-e tsev tuabneeg muaj qee leej tuaj qha tsua kuv has tas, mej pheej sws caav sws tshe. 12 Kuv nov tas, mej ib leeg has lawm ib yaam. Ib tug has tas, kuv yog Povlauj cov, muaj ib tug has tas, kuv yog Apaulau cov, muaj dua ib tug has tas, kuv yog Pestus cov, hab tsua muaj dua ib tug has tas, kuv yog Yexu Kheto cov. 13 Mej muab Yexu Kheto faib ua ob peb tug los. Tug kws tuag sau ntoo khaublig theej mej yog Povlauj los Mej tuav Povlauj lub npe ua kevcai raus dej los. 14 Kuv ua Vaajtswv tsaug kws kuv tsw tau muab mej ntau leej ua kevcai raus dej. Kuv tsua muab Kixapau hab Kayau ua xwb. 15 Mas tsw muaj leejtwg yuav has tau has tas, kuv tuav kuv lub npe muab mej ua kevcai raus dej. 16 Kuv tsw ncu lawm, kuv tub muab Xatefanau tsev tuabneeg ua kevcai raus dej lawm hab. Kuas dua le ntawm mas kuv tsw ncu sov kuv tau muab leejtwg ua kevcai raus dej hab los tsw tau. 17 Yexu Kheto tsw tau khaiv kuv moog muab tuabneeg ua kevcai raus dej. Nwg tsuas khaiv kuv moog qha txuj xuv zoo xwb. Thaus kuv qha txuj xuv zoo kuv tsw tau qha lawv le tuabneeg tej tswvyim, tsua qhov kuv ntshai tsaam kuv rhuav qhov kws Yexu Kheto tuag sau n too khaub lig.
Yexu yog Vaajtswv tug fwjchim hab tug tswvyim
18 Cov tuabneeg kws yuav raug kev puam tsuaj xaav has tas, qhov kws Yexu Kheto tuag sau tug ntoo khaublig tsw muaj qaabhau daabtsw le. Kuas peb cov kws saamswm yuav dim peb paub has tas, qhov ntawm yog Vaajtswv tug fwjchim. 19 Lawv le tub muaj lug sau ca tsua huv Vaajtswv phoo ntawv lawm, Vaajtswv has tas, Kuv yuav rhuav cov tuabneeg txawj ntse tug tswvy i m. Kuv yuav tsw quav ntsej cov tuabneeg kws kawm txawj kawm ntse tej tswvyim. 20 Yog le ntawm cov tuabneeg kws muaj tswvyim, hab cov tuabneeg kws kawm txawj kawm ntse hab cov tuabneeg kws txawj has plaub has ntug huv nplajteb nuav, puab tseem muaj lug khaav hab los. Vaajtswv tub muab tuabneeg nplajteb tug tswvyim nthuav tsua suavdawg saib lawm, sub suavdawg txha paub tas tej tswvyim hov yeej tsw muaj qaabhau daabtsw le. 21 Vaajtswv kws muaj tswvyim pum has tas, tuabneeg tug tswvyim yeej paab tsw tau kuas tuabneeg paub Vaajtswv hlo le. Kuas Vaajtswv pum zoo paab cov tuabneeg kws tso sab tsua Vaajtswv, tsua qhov puab ntseeg zaaj kws peb qha. Muaj qee leej thuaj has tas, zaaj ntawm tsw muaj qaabhau daabtsw le. 22 Cov Yutai xaav pum tej txujci tseem ceeb puab txha le ntseeg. Cov Kili tsuas ca sab tsua tej kws cov tuabneeg txawj ntse qha xwb. 23 Kuas peb qha qhov kws Yexu Kheto raug teem tsua sau ntoo khaublig. Qhov ntawm ua tsua cov Yutai chim, hab ua tsua lwm tsaav tuabneeg thuaj has tas, yog qhov kws tsw muaj qaabhau le. 24 Kuas cov tuabneeg kws Vaajtswv xaiv ca lawm, tsw has cov Yutai los yog lwm tsaav tuabneeg los yog, suavdawg puav leej paub tseeb has tas Yexu Kheto yog Vaajtswv tug tswvyim hab yog Vaajtswv tug fwjchim. 25 Vaajtswv tug tswvyim kws tuabneeg xaav has tas, ruag tseem ntse dua cov tuabneeg txawj ntse tej tswvyim. Hab Vaajtswv tug zug kws tuabneeg xaav has tas, tsw muaj zug, tseem muaj zug heev dua tuabneeg tug zug hab. 26 Cov kwvtij, mej swm ua tuab zoo xaav saib thaus Vaajtswv hu mej lug ntseeg, mej yog tuabneeg zoo le caag. Suavdawg puav leej pum tas, mej cov tsw muaj pes tsawg leej txawj ntse lossws paub qaabhau lossws nrug luas ua num ua tswv. 27 Kuas yog Vaajtswv pum zoo xaiv tej kws tuabneeg suav has tas, tsw tseem ceeb, sub cov tuabneeg kws muaj tswvyim txha txaaj muag. Hab Vaajtswv xaiv tej kws tuabneeg suav has tas, tsw muaj fwjchim, sub cov tuabneeg kws muaj fwjchim txha poob ntsej muag. 28 Vaajtswv xaiv tej kws tuabneeg thuaj hab saib tsw taug, hab suav has tas tsw tseem ceeb, sub tej kws tuabneeg suav has tas tseem ceeb txha puam tsuaj moog. 29 Vaajtswv ua le ntawm mas txha tsw muaj ib tug muaj cuab kaav khaav tsua Vaajtswv has tas, nwg yog tug kws muaj fwjchim. 30 Kuas Vaajtswv coj mej lug nrug Yexu Kheto koom ua ib txujsa. Yexu Kheto yog Vaajtswv tug tswvyim kws Vaajtswv pub tsua peb. Vaajtswv kuas Yexu coj peb lug nrug Vaajtswv sws raug zoo, peb txha tau ua Vaajtswv le tuabneeg hab txha dim peb lub txem. 31 Tej nuav muaj lawv le tej lug kws sau ca tsua huv Vaajtswv phoo ntawv has tas, tug kws yuav khaav theeb, tsuas kheev nwg khaav has txug tej kws Vaajtswv tau ua lug lawm xwb.
Qhov kws Yexu Kheto raug teem sau ntoo khaublig
1 Cov kwvtij, thaus kuv tuaj qha Vaajtswv txujlug kws yog txuj tseeb tsua mej, kuv tsw has tej lug kws tsw muaj tuabneeg to taub hab tsw tau has tej lug kws cov tuabneeg txawj ntse paub xwb. 2 Tsua qhov kuv yeej xub xaav txhwj xaav txhua ua ntej lawm tas, thaus kuv tuaj tim mej kuv yuav tsw qha lwm zaaj le, kuv tsuas qha Yexu Kheto zaaj xwb. Qhov tseem ceeb kuv nyam qha qhov kws Yexu Kheto tuag sau tug ntoo khaublig heev dua lwm qhov huvsw. 3 Thaus kuv tuaj qha mej, kuv tsw muaj zug hab kuv ntshai ua ib ce tshee quas nyo. 4 Tej lug kws kuv has hab tej lug kws kuv qha ntawm, tsw yog cov tuabneeg kws muaj tswvyim le lug, kuas yog tej lug kws ua tsua suavdawg pum Vaajtswv tug Ntsuj Plig tug fwjchim. 5 Yog le ntawm qhov kws mej ntseeg Vaajtswv, tsw yog mej tso sab tsua tuabneeg tej tswv- yim, kuas yog mej tso sab tsua Vaajtswv tug fwjchim.
Vaajtswv tug tswvyim
6 Txawm yog le caag los xwj. Thaus kuv qha cov ntseeg kws muab tsua sau sab ntseeg, kuv has tej lug kws cov tuabneeg txawj ntse paub xwb. Kuas tug tswvyim kws kuv muaj ntawm, tsw zoo le tuabneeg tug tswvyim hab tsw zoo le num tswv tej tswvyim kws saamswm pluj quas zug moog. 7 Tug tswvyim kws kuv has yog Vaajtswv tug tswvyim kws yaav tom ntej Vaajtswv tsw tau qha tsua tuabneeg paub. Thaus Vaajtswv tseem tsw tau tswm ntuj tswm teb, Vaajtswv tub xub npaaj tug tswvyim hov ca ua peb tug lawm. 8 Cov num tswv kws kaav nplajteb nuav yeej tsw muaj ib tug paub tug tswvyim ntawm. Yog puab paub lawm tes puab yuav tsw muab tug tswv kws muaj fwjchim ci ntsaa quas ab teem tsua sau ntoo khaublig. 9 Txawm yog le caag los xwj, yeej yuav muaj lawv le tej lug kws sau ca tsua huv Vaajtswv phoo ntawv has tas, Vaajtswv npaaj tej kws tsw muaj tuabneeg pum, tsw muaj tuabneeg nov, hab tsw muaj tuabneeg xaav has tas yuav muaj lug, tseg ca tsua cov tuabneeg kws noog Vaajtswv lug. 10 Kuas Vaajtswv khaiv Vaajtswv tug Ntsuj Plig lug qha zaaj ntawm tsua peb. Vaajtswv tug Ntsuj Plig yog tug kws txheeb saib txhua yaam huvsw. Txawm yog tej kws Vaajtswv tseem xaav tuab ywv tas Vaajtswv yuav ua los Vaajtswv tug Ntsuj Plig tub paub huvsw lawm. 11 Tej tuabneeg ib leeg yeej tsw paub ib leeg lub sab, tsuas yog nyag paub nyag lub xwb. Ib yaam nkaus le ntawm, tsuas yog Vaajtswv tug Ntsuj Plig txha le paub Vaajtswv lub sab xwb. 12 Vaajtswv tsw tau kuas peb tso sab tsua tuabneeg tug tswvyim, kuas nwg kuas peb tso sab tsua nwg tug Ntsuj Plig kws nwg khaiv lug nyob huv peb lub sab, peb txha paub ib puas tsaav yaam kws nwg pub tsua peb. 13 Yog le ntawm thaus peb qha Vaajtswv zaaj tsua cov tuabneeg kws muaj Vaajtswv tug Ntsuj Plig lawm, peb has tej lug kws Vaajtswv tug Ntsuj Plig qha tsua peb xwb, peb tsw has tej lug kws cov tuabneeg txawj ntse qha peb. 14 Kuas tug kws tsw muaj Vaajtswv tug Ntsuj Plig yeej tsw to taub tej kws Vaajtswv tug Ntsuj Plig qha, nwg tsw paub lub ntsab hab nwg xaav has tas, tej hov tsw muaj qaabhau. Tsuas yog tug kws muaj Vaajtswv tug Ntsuj Plig txha le paub has tas, tej hov yog tej kws tseem ceeb. 15 Tug kws muaj Vaajtswv tug Ntsuj Plig txha paub has tas, yaam twg muaj qaabhau yaam twg tsw muaj qaabhau. Kuas tsw muaj leejtwg paub tug kws muaj Vaajtswv tug Ntsuj Plig lub sab. 16 Lawv le tub muaj lug sau ca tsua huv Vaajtswv phoo ntawv has tas, Tsw muaj ib tug yuav paub Vaajtswv lub sab le, Hab tsw muaj ib tug yuav txawj qha Vaajtswv. Txawm yog le caag los xwj. Peb puav leej xaav ib yaam le Yexu Kheto xaav.
Vaajtswv cov tub qhe
1 Cov kwvtij, yaav tom ntej kws kuv tuaj qha mej, yog kuv qha mej ib yaam le kuv qha tsua cov tuabneeg kws tub ca Vaajtswv tug Ntsuj Plig kaav taag nrho puab lub sab lawm los yeej tsw tau. Thaus hov kuv txha qha mej ib yaam le mej tseem yog tuabneeg nplajteb, hab ib yaam le mej tseem yog tej mivnyuas mog kws tsw tau hlub huv Yexu Kheto. 2 Kuv muab mig tsua mej noj xwb kuv tsw muab nqaj muab mov tsua mej noj, tsua qhov mej tseem noj tsw taug mov. Txawm yog nwgnuav los mej tseem noj tsw tau taug hab, 3 tsua qhov mej tseem ua mej lub neej zoo ib yaam le tuabneeg nplajteb ua. Mej ib leeg ntxub ib leeg hab ib leeg nrug ib leeg sws caav sws tshe. Mej ua le hov tub yog mej tseem ua mej lub neej zoo ib yaam le tuabneeg nplajteb ua los sas. 4 Thaus mej cov muaj ib tug has tas, kuv yog Povlauj cov, hab muaj ib tug has tas, kuv yog Apaulau cov, mej has le hov tub yog mej tseem ua zoo ib yaam le tej tuabneeg nplajteb ua ntaag. 5 Apaulau yog leejtwg. Povlauj yog leejtwg. Ib tsuas yog Vaajtswv ob tug tub qhe kws coj mej lug ntseeg Vaajtswv xwb. Ib nyag ua nyag teg num lawv le kws Vaajtswv muab tsua ib ua. 6 Kuv yog tug cog, Apaulau yog tug kws ywg dej, kuas tug kws ua kuas hlub yog Vaajtswv ua. 7 Tug kws cog hab tug kws ywg dej yeej tsw tseem ceeb daab tsw. Tug kws tseem ceeb yog Vaajtswv, tsua qhov nwg yog tug kws ua kuas tej qoob loos txawj hlub 8 Tug kws cog hab tug kws ywg dej ob tug teg num kuj sws luag ib yaam nkaus. Vaajtswv yeej yuav muab nqe zug kuas tswm nyog ob tug tug daag tug zug tsua ob tug. 9 Tsua qhov peb puav leej sws paab ua Vaajtswv teg num. Mej yog Vaajtswv thaaj teb. 10 Mej yog Vaajtswv lub tsev. Vaajtswv pub tswvyim tsua kuv, kuv zoo le ib tug kws, kws txawj ua tsev. Kuv tsaa neej hab saam laag ca. Lwm tug tuaj vuv hab tuaj xov tsua, kuas txhua tug kws tuaj ua yuav tsum ua tuab zoo ua zoo zoo. 11 Tsua qhov Vaajtswv tub muab neej muab laag tsaa ca lawm. Te j neej tej laag hov yog Yexu Kheto. Tsw muaj leejtwg yuav muab tau neej tau laag moog txhus ntxwv tsua. 12 Muaj qee leej yuav nqaa nyaj nqaa kub nqaa tooj tuaj vuv hab tuaj xov tsua. Muaj qee leej yuav nqaa nqeeb nqaa ntoo nqaa quav nyaab tuaj vuv hab tuaj xov tsua. 13 Thaus txug nub kws Yexu Kheto rov lug peb yuav pum tej num kws suavdawg tau ua lug lawm saib zoo le caag. Tsua qhov nub ntawm luas yuav muab suav tawg swm txhua tug teg num saib ruaj los tsw ruaj hab khov los tsw khov. 14 Tej kws suavdawg nqaa tuaj vuv tuaj xov tsua, yog leejtwg le tsw kub nyab, tes nwg yuav tau nqe zug. 15 Kuas yog leejtwg tej num kub nyab taag lawm, tes yuav nkim nwg tug daag tug zug xwb. Txawm yog le ntawm los nwg yuav dim hab, kuas nwg tsuas dim le tug kws raug suav tawg kub es dim teg dawb teg nplag lug xwb. 16 Nyab mej kuj paub has tas, mej lub cev yog Vaajtswv lub tsev, hab paub has tas, Vaajtswv tug Ntsuj Plig nyob huv mej lub sab. 17 Yog leejtwg rhuav Vaajtswv lub tsev, Vaajtswv yuav ua kuas tug hov puam tsuaj moog, tsua qhov Vaajtswv lub tsev yog lub kws zoo kawg nkaus. Mej yog Vaajtswv lub tsev ntaag. 18 Yug tsw xob rov daag yug. Yog leejtwg xaav has tas, nwg yog tug kws txawj ntse tsua qhov nwg tub kawm kawg lawm, tug kws xaav le hov nwg yuav tsum ua le tug kws ruag nwg txha le yog tug kws txawj ntse tag. 19 Tsua qhov tej kws tuabneeg suav has tas, yog kev txawj kev ntse, tej ntawm Vaajtswv suav has tas, yog tej kws ruag. Lawv le tub muaj lug sau ca tsua huv Vaajtswv phoo ntawv has tas, Vaajtswv muab puab cov kws txawj ntse tug tswvyim rov lug ua hlua cuab puab kev. 20 Muaj dua ib lus sau ca tsua huv Vaajtswv phoo ntawv has tas, Vaajtswv paub has tas, tej kws cov tuabneeg txawj ntse xaav, mas tsw muaj qaabhau daabtsw hlo le. 21 Yog le ntawm mej tsw xob qhuas tej kws tuabneeg ua tau. Qhov tseeb ib puas tsaav yaam puav leej yog mej le. 22 Tsw has Povlauj, Apaulau, Pestus, lub nplajteb nuav, txujsa, kev pluj kev tuag, tam nuav lossws tam peg suab, tej nuav puav leej yog mej le huvsw. 23 Mej yog Yexu Kheto le. Yexu Kheto yog Vaajtswv le.
Yexu Kheto cov tub qhe
1 Tswm nyog mej fwm has tas, peb yog Yexu Kheto cov tub qhe, hab yog cov kws tuav Vaajtswv txujlug tseeb kws yaav tom ntej Vaajtswv tsw qha tsua leejtwg paub. 2 Tug kws luas tsaa ua tug saib, mas yuav tsum ua ncaaj tsua nwg tug tswv. 3 Txawm yog mej lossws lwm tug yuav has le caag tsua kuv los xwj, kuv yeej tsw quav ntsej le. Hab kuv yeej tsw tau qhuas has tas, tej kws kuv xaav puav leej zoo huvsw. h Kuv lub sab qha tsua kuv has tas, kuv tsw tau ua txhum. Kuv has le nuav tsw yog kuv has tas kuv tsw muaj txem. Vaajtswv tuab leeg xwb txha paub has tas, kuv ua zoo lossws ua phem. 5 Yog le ntawm, thaus tseem tsw tau txug lub swmhawm kws Vaajtswv teem ca mej tsw xob has tas, tug nuav ua zoo, tug tom ua phem. Tog txug nub kws peb tug tswv rov lug tsaiv nwg le maav txav txem. Nwg yuav muab tej kws tuabneeg ua huv qhov tsaus ntuj coj lug tso tsua qhov pum kev. Hab nwg yuav muab tej kws tuabneeg lub sab xaav, nthuav tsua suavdawg saib. Thaus ntawm Vaajtswv yuav qhuas txhua tug kws yeej tswm nyog Vaajtswv qhuas. 6 Cov kwvtij, qhov kws kuv pav Apaulau ib tsua mej nuav, tub yog kuv xaav kuas mej xyum ua lawv le Apaulau ib tug yaam ntxwv, mej txha le paub tej lug kws has tas, tsw xob hlaa kev hlaa cai. Tsw tswm nyog mej yuav has tas, tug xwbfwb nuav zoo dua tug xwbfwb tom. 7 Leejtwg tsaa mej lub neej zoo dua lwm tug lub. Ib puas tsaav yaam kws mej muaj puav leej yog Vaajtswv pub tsua mej los sas. Ua caag mej tseem yuav khaav tas, yog mej khwv tau nua. 8 Mej tub muaj ib puas tsaav yaam txhwj hab mej yog tuabneeg nplua nuj lawm hoj. Mej tub tau ua vaaj ntxwv lawm, kuas peb tsw tau ua. Kuv yeej xaav kuas mej tau ua vaaj ntxwv es peb txha tau nrug mej kaav hab. 9 Kuv xaav tas, Vaajtswv yeej ca peb cov kws ua tubkhai tuaj tom tw, ib yaam le cov tuabneeg raug txem kws luas caab moog tua tsua ib tsoom tebchaws hab cov tubkhai sau ntuj saib. 10 Tub yog vem peb ua Yexu Kheto teg num suavdawg txha has tas peb yog tuabneeg ruag, mej yog cov kws muab tsua sau sab ntseeg. Peb yog cov kws tsw muaj zug, mej yog cov kws muaj zug. Luas saib tsw taug peb kuas luas fwm mej. 11 Txawm yog naj nub nwgnuav los peb tseem tshaib tseem nqhes, peb naav khaub hlaab xwb, peb raug luas ntaus hab peb tsw muaj vaag tsw muaj tse nrug luas nyob. 12 Peb khwv kawg le peb txha tau noj tau haus. Thaus luas tshev peb, peb thov Vaajtswv foom koob foom moov tsua luas. Thaus luas tswm txom peb, peb ua sab ntev nyaj. 13 Thaus luas thuaj peb, peb ua tuab zoo has luas. Peb zoo le tej qub zaub qub mov kws tuabneeg nplajteb muab nchuav pov tseg. Txawm yog naj nub nwgnuav los tseem muaj tuabneeg has tas, peb zoo le tej yaam qas qas kws luas muab yawm moog pov tseg. 14 Kuv sau tej nuav tuaj tsua mej tsw yog kuv xaav ua kuas mej txaaj muag, kuas kuv sau tuaj qha mej ib yaam le kuv qha tej mivnyuas kws kuv hlub. 15 Txawm yog mej muaj ib vaam tug xwbfwb qha txug tswv Yexu Kheto tsua mej los mej tsuas muaj tuab leeg txwv xwb. Kuv yog mej txwv tsua qhov kuv coj txuj xuv zoo tuaj qha mej, mej txha tau lug ntseeg tswv Yexu Kheto. 16 Yog le ntawm kuv thov mej ua lawv le kuv tug yaam ntxwv. 17 Tub yog vem le ntawm kuv txha khaiv Timaute tuaj qha mej. Timaute yog ib tug ntseeg kws kuv ca sab tau, nwg yog ib tug tub hluas kws kuv hlub heev. Nwg yuav qha kuas mej ncu ntsoov has tas, txwj le thaus kuv ntseeg tswv Yexu Kheto lug, kuv muaj kevcai ua num. Txuj kevcai hov yog txuj kws kuv coj, hab kuv kuas cov ntseeg kws nyob txhua qhov suavdawg xyum ua lawv le. 18 Mej cov muaj qee leej khaav has tas, kuv yuav tsw tuaj saib mej lawm. 19 Yog Vaajtswv pum zoo tsw ntev nuav kuv yuav rov tuaj saib mej. Kuv xaav tuaj saib saib cov tuabneeg kws khaav khaav hov puab nyim tsua ua puab tej num zoo npaum le caag dag. 20 Tsua qhov Vaajtswv cov tuabneeg tsw yog cov kws ncauj ntau kuas yog cov kws muaj Vaajtswv tug fwjchim paab puab. 21 Mej xaav le caag, mej xaav kuas kuv coj nplawm tuaj nplawm mej, los mej xaav kuas kuv tuaj hlub mej hab ua tuab zoo qha mej.
Cov ntseeg ua txhum kev nkauj kev nraug
1 Kuv nov xuv has tas, mej cov muaj qee leej ua txhum kev nkauj kev nraug heev. Txawm yog cov tsw ntseeg Vaajtswv los puab tub tsw ua txhum luj le ntawm. Muaj tuabneeg tuaj qha tsua kuv has tas, muaj ib tug tub, yuav nwg nam tshab ua quaspuj. 2 Yog le hov mej tseem pheej yuav khaav ua daabtsw. Tub tswm nyog mej ntxhuv sab, hab muab tug hov rhu tawm huv mej cov moog. 3 Txawm yog kuv nyob deb mej los kuv lub sab yeej nrug nraim mej nyob. Peb tug tswv Yexu Kheto kuas kuv rau txem tsua tug kws ua txhum hov lawm. Yog kuv nyob tim mej los kuv yeej yuav rau txem tsua nwg ib yaam nkaus. 4 Thaus mej tuaj ua ke nug nwg kuv lub sab yeej nrug mej has ib yaam le kuv nrug mej nyob ua ke ntaag. Peb tug tswv Yexu yeej pub peb muaj fwjchim rau txem tsua tug kws ua txhum. 5 Yog le ntawm mej ca le muab tug hov tso tsua Daab Ntxwg Nyoog ua kuas nwg lub cev puam tsuaj moog, sub thaus txug nub kws peb tug tswv Yexu Kheto rov lug, nwg tug ntsuj plig txha dim. 6 Tsw tswm nyog mej yuav khaav le u le nuav. Mej yeej paub lu lug kws suavdawg has tas, ib nyuas qhov keeb xwb ua tsua ib tsus mov qaab thoob plawg. 7 Mej yuav tsum muab mej tej kev txhum tso pov tseg mej txha le ua tau tuabneeg zoo kawg nkaus. Thaqs mej muab cov keeb hov pov tseg lawm mej yuav zoo ib yaam le tej mov kws tsw muaj keeb xyaw hlo le. Kuv paub has tas, mej tub zoo le ntawm lawm, tsua qhov tub txug lub swmhawm kws peb ua kevcai hlaa dhau. Nwgnuav luas tub muab Yexu Kheto kws yog peb tug mivnyuas yaaj tua theej peb lawm. 8 Yog le ntawm peb ca le noj, kuas peb tsw xob noj cov mov kws muaj keeb xyaw, tsua qhov cov keeb hov yog pev txug kev phem kev qas. Peb yuav tsum noj cov mov kws tsw xyaw keeb, cov mov ntawm pev txug kev ncaaj nceeg hab qhov tseeb. 9 Tsaab ntawv kws kuv tub sau tuaj tsua mej lawm kuv tub qha has tas, mej tsw xob moog koom cov tuabneeg kws nyam ua nkauj ua nraug ib zag le. 10 Kuv has le nuav tsw yog kuv has txug cov tuabneeg kws tseem coj qub kevcai kws nyam ua nkauj ua nraug, hab xaav yuav luas tug, hab ua txhum num tswv kevcai, hab pe daab hab pe txoov daab. Yog mej tsw nrug cov tuabneeg hov nyob ua ke, mej yeej yuav tsum tawm huv nplajteb nuav moog nyob lawm lwm qhov xwb. 11 Kuas kuv has tas, mej tsw xob moog koom tug kws ua txuj has tas, nwg yog tug kws ntseeg Vaajtswv, yog nwg tseem nyam ua nkauj ua nraug, xaav yuav luas tug, pe daab pe txoov daab, nyam thuaj lwm tug, quav dej quav cawv, ua txhum num tswv kevcai, tes txawm yog noj mov los mej tsw xob nrug nwg koom tsum hlo le. 12,13 Kuv tsw yog tug kws yuav txav txem tsua cov tuabneeg kws tsw ntseeg, Vaajtswv yog tug kws yuav txav txem tsua puab. Mej tub yog cov kws txav txem tsua mej paab ntaag. Tub muaj lug sau ca tsua huv Vaajtswv phoo ntawv has tas, mej yuav tsum muab tug kws ua txhum rhu tawm huv mej cov moog.
Cov ntseeg sws ua plaub
1 Yog mej cov ntseeg ib leeg ua plaub tsua ib leeg, mej yuav coj moog tsua cov tuabneeg kws tsw ntseeg paab mej has los. Tub tswm nyog mej ca tsua cov ntseeg Vaajtswv has xwb los sas. 2 Mej tsw paub has tas, cov ntseeg yog cov kws yuav txav txem tsua tuabneeg nplajteb huvsw nua los. Mej tub yuav txav txem tsua tuabneeg nplajteb mej tseem tsw muaj cuab kaav has tej nyuas plaub miv miv nuav hab los. 3 Peb tub yog cov kws yuav txav txem tsua cov tubkhai sau ntuj. Tes peb kuj has tau tej nyuas xwm miv miv kws naj nub muaj nuav los kaj. 4 Yog mej muaj plaub muaj ntug mej yuav coj moog tsua cov tsw ntseeg tu hab los. 5 Kuv sau le nuav tuaj qha kuas mej paub txaaj muag. Mej cov yeej yuav muaj ib tug muaj tswvyim has tej nyuas plaub kws mej ib leeg ua tsua ib leeg. 6 Kuas mej tseem coj tej nyuas plaub kws mej ib tug ua tsua ib tug hov moog tsua cov kws tsw ntseeg tu hab. 7 Qhov kws mej ib leeg ua plaub tsua ib leeg ntawm ua tsua suavdawg paub tseeb has tas, mej tsw npuab Vaajtswv. Ua caag mej yuav tsw ca luas ua tug yeej ais mej ua tug swb. Txawm yog mej poob tsua luas lawm los puam chawj los maj. 8 Kuas mej tsua tsw ua le hov. Mej yog tuab cov ntseeg los mej ib leeg tseem ua phem tsua ib leeg, hab ib leeg tseem ua teev ntxo ib leeg. 9 Mej tub paub lawm tas, cov tuabneeg kws sab phem yeej tsw tau lug ua Vaajtswv le tuabneeg ib zag le. Yug tsw xob rov daag yug. Cov tuabneeg kws nyam ua nkauj ua nraug, hab cov tuabneeg pe daab hab pe txoov daab, hab cov tuabneeg kws ntxag luas quaspuj luas quasyawg, txwv neej deev txwv neej, 10 cov tuabneeg ua tub saab tub nyag, xaav yuav luas tug, quav dej quav cawv, thuaj lwm tug, ua txhum num tswv kevcai, puav leej tsw muaj ib tug tau lug ua Vaajtswv le tuabneeg hlo le. 11 Yaav tom ntej mej cov muaj qee leej ua ib yaam nkaus le ntawm. Kuas nwgnuav Yexu Kheto tub ntxuav mej lub txem hab muab mej pub tsua Vaajtswv lawm. Peb tug tswv Yexu Kheto hab Vaajtswv tug Ntsuj Plig coj mej lug nrug Vaajtswv sws raug zoo lawm.
Nyag yuav tsum tswj nyag lub cev
12 Tej zag yuav muaj tuabneeg has tas, kuv muaj cuab kaav ua ib puas tsaav yaam huvsw tsw muaj leejtwg yuav txwv kuv. Koj yeej muaj cuab kaav ua tag, kuas tsw yog txhua yaam kws koj ua yuav muaj qaabhau huvsw tsua koj. Kuv kuj has tau ib yaam le koj has hab, kuv muaj cuab kaav ua ib puas tsaav yaam huvsw tsw muaj leejtwg yuav txwv kuv. Kuas kuv yuav tsw kheev ib yaam daabtsw yuam tau kuv ua yaam ntawm qhev. 13 Tej zag yuav muaj dua ib tug has tas, npaaj zaub mov lug ntim tsua huv lub plaab, npaaj lub plaab ntim zaub mov. Yeej yog le tug hov has tag, kuas Vaajtswv yuav ua kuas ob yaam hov pluj huvsw moog. Vaajtswv tswm tuabneeg lub cev ua Vaajtswv le. Vaajtswv tsw tau tswm ca ua nkauj ua nraug. Peb lub cev yog Vaajtswv lub chaw nyob. 14 Vaajtswv tub tsaa Yexu sawv huv qhov tuag rov lug lawm, mas Vaajtswv tug fwjchim yeej yuav tsaa peb sawv ib yaam nkaus. 15 Mej puav leej paub has tas, mej lub cev yog Yexu Kheto tej teg taw. Kuv yeej muab tsw tau Yexu Kheto tej teg taw coj moog ua puj muag cev le teg taw. 16 Mej yeej paub has tas, tug kws moog ntxag puj muag cev nwg tub nrug puj muag cev koom ua ib lub cev lawm. Tub muaj lug sau ca tsua huv Vaajtswv phoo ntawv has tas, ob tug ob leeg yuav koom ua ib lub cev. 17 Tug kws nwg muab nwg lub cev pub tsua Yexu Kheto, nwg yeej nrug Yexu Kheto koom ua ib txujsa. 18 Mej tsw xob ua nkauj ua nraug. Lwm yaam kev txhum kws tuabneeg ua mas tsw ua tsua tuabneeg lub cev qas, kuas tug kws ua nkauj ua nraug, mas ua tsua nwg lub cev qas. 19 Mej tsw paub los, mej lub cev yog Vaajtswv tug Ntsuj Plig lub tsev. Tug Ntsuj Plig kws Vaajtswv pub tsua mej nyob huv mej lub sab. Mej tsw yog tug tswv kws kaav mej lub cev, Vaajtswv yog tug kws kaav. 20 Vaajtswv tub txhwv mej kim kawg le. Yog le ntawm, mej yuav tsum tswj mej lub cev Vaajtswv txha le tau koob meej.
Kev tshoob kev kug
1 Nwgnuav kuv yuav teb tej kws mej sau tuaj nug kuv. Yog leejtwg tsw yuav quaspuj tsw yuav quasyawg los yeej zoo. 2 Kuas pheej muaj tuabneeg coob coob ua nkauj ua nraug, yog le ntawm tswm nyog txhua tug quasyawg nyag muaj nyag quaspuj, hab txhua tug quaspuj nyag muaj nyag quasyawg txha le zoo. 3 Tug quasyawg hab tug quaspuj ib leeg tsw xob cais ib leeg, ob leeg yuav tsum nyob ua ke. 4 Tug quaspuj nwg kaav tsw tau nwg lub cev, tug quasyawg txha kaav tau tug quaspuj lub cev. Hab tug quasyawg los kuj kaav tsw tau nwg lub cev, tug quaspuj txha kaav tau tug quasyawg lub cev. 5 Meb yog ob nam txwv meb tsw xob sws cais chaw pw. Yog meb yuav cais meb yuav tsum has kuas hum tsaiv le maav cais mo puav kuas tau swmhawm thov Vaajtswv xwb, dhau hov ntawm meb yuav tsum rov qaab lug pw ua ke dua, tsaam meb cais tsw taug, tes Daab Ntxwg Nyoog yuav ntxag tau meb ua txhum. 6 Kuv has le nuav tsw yog kuv tsw kheev mej yuav quaspuj yuav quasyawg, kuv yeej kheev mej sws yuav. 7 Qhov tseem ceeb kuv yeej xaav kuas mej ua ib yaam le kuv. Kuas Vaajtswv pub peb nyag muaj nyag sab, ib leeg nyam lawm ib yaam. 8 Kuv qha mej cov kws tseem tsw tau yuav quaspuj quasyawg, hab mej cov kws yog puj ntsuag has tas, yog mej tsw yuav quaspuj tsw yuav quasyawg ib yaam le kuv moog le ntshai zoo dua. 9 Kuas yog mej tswj tsw tau mej lub sab, mej ca le yuav quaspuj yuav quasyawg zoo dua, ntshai tsaam mej lub sab pheej naj nub ntshaw. 10 Kuv qha ib lus tsua mej cov kws tub yuav quaspuj lawm has tas, tug quaspuj tsw xob tso tug quasyawg tseg. Lu lug ntawm yeej yog Yexu has tsw yog kuv has. 11 Yog nwg muab nwg tug quasyawg tso tseg lawm, nwg tsw xob moog yuav dua quasyawg tshab. Yog nwg xaav yuav quasyawg nwg ca le rov lug yuav tug qub. Tug quasyawg tsw xob muab tug quaspuj nrauj. 12 Kuv yuav qha dua ib lus hab, kuas lu lug kws kuv yuav has nuav yeej yog kuv has tsw yog Yexu has. Mej cov ntseeg, yog leejtwg tug quaspuj tsw ntseeg tswv Yexu, kuas nwg zoo sab nrug tug quasyawg nyob, tes tug quasyawg tsw xob muab nwg nrauj. 13 Yog tug quaspuj ntseeg kuas tug quasyawg tsw ntseeg los tug quasyawg zoo sab nrug nwg nyob, tes nwg tsw xob muab tug quasyawg nrauj. 14 Yog tug quaspuj ntseeg Vaajtswv lawm, tug quasyawg yeej yog Vaajtswv le hab. Yog tug quasyawg ntseeg Vaajtswv lawm, tug quaspuj yeej yog Vaajtswv le ib yaam nkaus. Yog Vaajtswv tsw ua le hov tes ob tug cov mivnyuas yeej zoo ib yaam le cov tsw ntseeg tej mivnyuas. Kuas tsw yog le hov, ob tug cov mivnyuas yeej yog Vaajtswv mivnyuas. 15 Txawm yog le caag los xwj, yog tug kws tsw ntseeg xaav muab tug kws ntseeg tso tseg, ca le tso los tau. Yog muaj le nuav lawm cov kws ntseeg tsw has quaspuj quasyawg, nyob ntawm nwg sab xaav saib nwg yuav tso los tsw tso, tsua qhov Vaajtswv yeej xaav kuas mej nyob sws hum. 16 Mej cov quaspuj kws ntseeg, mej yeej tsw paub sov mej yuav coj tau mej tej quasyawg lug ntseeg los tsw tau. Mej cov quasyawg kws ntseeg los mej yeej tsw paub sov mej yuav coj tau mej tug quaspuj lug ntseeg los tsw tau.
Yuav tsum tuav teg num lawv le thaus Vaajtswv hu yug ntseeg
17 Thaus Vaajtswv hu mej lug ntseeg yog mej tub muaj quaspuj muaj quasyawg lawm mej ib tug tsw xob tso ib tug tseg. Yog mej tsw tau muaj, mej tsw xob rawm yuav. Mej txhua tug nyag yuav tsum ua nyag lub neej lawv le kws Vaajtswv kuas nyag ua. Kuv yeej kuas cov ntseeg kws nyob txhua qhov ua lawv le tej kws kuv has nuav. 18 Tug kws tub xub ua kevcai txav lawm nwg le maav lug ntseeg, nwg tsw xob rov rhuav qhov kws nwg ua kevcai txav lawm. Tug kws yeej ib txwm tsw ua kevcai txav, thaus nwg lug ntseeg nwg tsw xob ua kevcai txav. 19 Qhov kws tuabneeg ua kevcai txav hab tsw ua los yeej tsw tseem ceeb. Qhov tseem ceeb yog qhov kws yug noog Vaajtswv lug. 20 Txhua tug nyag yuav tsum ua lawv le thaus Vaajtswv hu nyag lug ntseeg. 21 Thaus Vaajtswv hu koj lug ntseeg koj tseem ua qhev los yog nwgnuav koj muaj chaw tawm kuj ca le tawm. 22 Tsua qhov Vaajtswv suav has tas, tug ntseeg kws tseem ua qhev los tub muaj kev kaab ntsaab lawm. Ib yaam nkaus le ntawm, tug kws Yexu Kheto hu lug ntseeg, txawm yog nwg muaj kev kaab ntsaab los nwg yeej yog Yexu Kheto tug tub qhe. 23 Vaajtswv tub txhwv mej kim kawg le. Yog le ntawm mej tsw xob kheev leejtwg ntxag tau mej moog ua qhev. 2h Cov kwvtij, thaus Vaajtswv hu mej lug ntseeg, mej yeej nrug Vaajtswv sws raug zoo. Nwgnuav mej yuav tsum nrug Vaajtswv sws raug zoo ib yaam nkaus le hov.
Cov kws tsw tau muaj quaspuj quasyawg
25 Nwgnuav kuv yuav has txug cov kws tseem tsw tau muaj quaspuj quasyawg. Tej lug kws kuv has nuav tsw yog Yexu kuas kuv has, kuas kuv has lawv le kuv pum zoo. Kuv tej lug suavdawg yeej ca sab tau, tsua qhov suavdawg yeej paub has tas, Yexu foom koob foom moov tsua kuv. 26 Kuv pum tas, naj nub nwgnuav suavdawg muaj kev ntxhuv sab heev, mas kuv txha xaav has tas, txhua tug quasyawg nyag yuav tsum nyob nyag le qub moog le ntshai zoo dua. 27 Tug kws muaj quaspuj lawm nwg tsw xob muab tug quaspuj tso tseg. Tug kws tsw tau muaj quaspuj nwg tsw xob rawm yuav. 28 Kuas yog nwg yuav quaspuj yeej tsw txhum. Txawm yog cov hluas nkauj yuav quasyawg los yeej tsw txhum. Kuv has le nuav yog kuv tsw xaav ca mej muaj kev ntxhuv sab yaam le cov kws muaj quaspuj quasyawg lawm pheej muaj. 29 Cov kwvtij, qhov kws kuv has nuav yog kuv has tas, lub swmhawm kws peb nyob nuav tub yuav dua moog. Mas txwj nuav moog tswm nyog tug kws muaj quaspuj yuav tsum ua le tug kws tsw muaj. 30 Tswm nyog tug kws ntxhuv sab yuav tsum ua le tug kws tsw ntxhuv sab. Tug kws zoo sab yuav tsum ua le tug ntxhuv sab. Tug kws zoo sab yuav tsum ua le tug kws tsw zoo sab. Tug kws yuav tau hov txhua chaw, nwg yuav tsum suav has tas, tej hov txhua chaw ntawm tsw yog nwg le. 31 Tug kws swv tej hov txhua chaw kws nyob huv nplajteb nuav, nwg tsw xob suav has tas tej hov yog tej kws tseem ceeb, tsua qhov lub nplajteb kws lwj laam nuav saamswm yuav pluj moog. 32 Kuv tsw xaav ca mej muaj kev ntxhuv sab. Tug kws tsw tau yuav quaspuj mas nwg muab tsua sau sab ua Vaajtswv tej num, tsua qhov nwg xaav ua lawv le Vaajtswv lub sab nyam. 33 Kuas tug kws muaj quaspuj lawm, nwg naj nub ntxhuv sab tsua tej kev noj kev haus, tsua qhov nwg xaav kuas nwg tug quaspuj zoo sab tsua nwg. 3b Yog le hov tug quasyawg kws muaj quaspuj txha muaj ob yaam num. Tug quaspuj kws tsw muaj quasyawg hab tug hluas nkauj yeej muab tsua sau sab ua Vaajtswv teg num, tsua qhov nyag taug nyag xaav kuas nyag lub sab lub cev ua tau hum Vaajtswv lub sab. Kuas tug quaspuj kws muaj quasyawg nwg naj nub ntxhuv sab tsua kev noj kev haus, tsua qhov nwg xaav kuas nwg tug quasyawg zoo sab tsua nwg. 35 Kuv has le nuav tsw yog kuv yuav txwv mej, kuas kuv xaav paab kuas mej paub ua tej kws tswm nyog mej yuav tsum ua, hab kuas mej rau sab ntso swv sav swv zug ua Vaajtswv teg num tsw xob ntxhuv sab tsua yaam nuav yaam u. 36 Tej ntxhais hluas hab tej tub hluas kws tub sws qhab lawm, yog ob tug sws thim tsw sws yuav lawm, kuas tom qaab yog tug hluas tsua xaav has tas, yog nwg tsw yuav ntshai tsw zoo, nwg yeej yuav yuav xwb nwg tseg tsw tau, tes ob tug ca le sws yuav los yeej tsw txhum. 37 Kuas yog nwg ua tau ib sab has tas, nwg yuav tsw yuav quaspuj ib swm neej le, yog nwg tswj tau nwg lub sab hab ua tau lawv le nwg xaav, tes tsw yuav tug hluas nkauj los yimfuab zoo. 38 Yog leejtwg nwg rov yuav tug hluas nkauj kws nwg tub qhab ca lawm los kuj zoo. Kuas yog leejtwg nwg tsw yuav hlo le kuj yimfuab zoo heev dua. 39 Tug quaspuj kws muaj quasyawg lawm, yog nwg tug quasyawg tseem ua neej nyob nwg yeej moog yuav tsw tau quasyawg tshab. Kuas yog nwg tug quasyawg tuag lawm, nwg txha le moog yuav tau quasyawg tshab, kuas yuav tsum yuav tug kws ntseeg Vaajtswv xwb. 40 Txawm yog le caag los xwj. Yog nwg nyob taab seeb quas lug nwg yuav tau zoo heev dua. Kuv xaav has tas, tej lug kws kuv has nuav puav leej yog tej lug kws Vaajtswv tug Ntsuj Plig qha tsua kuv.
Tej zaub mov kws luas muab xyeem tsua daab
1 Nwgnuav kuv yuav has txug tej zaub mov kws luas muab xyeem tsua txoov daab. Peb yeej paub tej lug kws suavdawg ib txwm has tas, suavdawg puav leej muaj sab muaj ntsws paub ib yaam nkaus. Txawm yog le caag los peb yuav tsum ncu ntsoov has tas, tej tswvyim kws tuabneeg muaj yeej yuav ua tsua tuabneeg muab hlub xwb, tsuas yog kev sws hlub txha ua tsua tuabneeg hlub huv Vaajtswv. 2 Tug kws xaav has tas, nwg tub muaj tswvyim lawm, nwg yeej tsw tau paub tej kws tseem ceeb hlo le. 3 Kuas Vaajtswv paub tug kws nyam Vaajtswv hab noog Vaajtswv lug. 4 Kuv yuav has txug tej zaub mov kws luas muab xyeem tsua txoov daab. Peb puav leej paub has tas, tej txoov daab hov yeej tsw muaj sa. Peb paub tas, tsuas muaj tuab tug Vaajtswv xwb. 5 Txawm yog muaj cov kws nyob sau nruab ntug hab huv nplajteb nuav kws tuabneeg hu ua Vaajtswv, hab txawm yog cov kws tuabneeg hu ua Vaajtswv hab hu ua tug tswv hov muaj coob coob los peb paub has tas, tsuas muaj tuab tug Vaajtswv xwb. 6 Nwg yog peb txwv kws tswm ib puas tsaav yaam hab coj peb lug ua nwg cov. Yeej muaj tuab tug tswv xwb. Tug tswv hov yog Yexu Kheto kws Vaajtswv tsaa ua tug tswm ib puas tsaav yaam hab ua tug kws tuav peb txujsa. 7 Kuas txhua tug kws ntseeg muaj ib txha tseem tsw tau paub tej nuav. Puab yog cov kws ib txwm teev txoov daab lug lawm. Mas thaus puab noj zaub noj mov puab tseem pheej xaav has tas, tej hov yog tej kws luas muab xyeem tsua txoov daab lawm. Puab tsw tshua paub tseeb tej nuav puab txha xaav has tas, yog puab noj ntshai puab ua txhum. 8 Tej zaub mov yeej paab tsw tau kuas peb muab tsua sau sab ntseeg Vaajtswv heev dua. Peb tsw tau noj los peb yeej tsw ntxaug, txawm yog peb noj los peb yeej tsw rog. 9 Mej yuav tsum ceev faaj tsaam tes mej cov kws muaj cuab kaav noj yaam u yaam nua ua tsua cov kws tsw tshua paub Vaajtswv pes tsawg yuam kev. 10 Yog tug kws tsw tshua paub Vaajtswv pum mej cov kws paub, noj mov huv tej tsev txoov daab, tes nwg yuav ca le moog noj tej zaub mov kws luas muab xyeem tsua daab lawm hab. 11 Tub yog vem mej has tas, mej yog cov kws paub lawm mej txha ua tsua tug kws tsw tshua paub Vaajtswv raug kev puam tsuaj. Yexu Kheto tub tuag theej tug hov lawm hab. 12 Qhov kws mej ua le hov tub yog mej ua txhum Yexu Kheto lawm, tsua qhov mej ua tsua tug ntseeg kws tsw tshua paub Vaajtswv yuam kev. 13 Yog tej zaub mov kws kuv noj ua tsua ib tug kwvtij yuam kev, tes txwj nuav moog kuv yuav tsw noj nqaj ib zag le lawm, kuv txha tsw ua tsua kuv tug kwvtij ua txhum.
Cov tubkhai muaj feem kuas suavdawg yug puab
1 Mej xaav has tas, kuv tsw tau nyob kaab ntsaab nua los, kuv tsw yog ib tug tubkhai los kuv tsw tau pum peb tug tswv Yexu los. Qhov kws mej tau lug ntseeg Vaajtswv tub yog kuv qha mej ntaag los sav. 2 Txawm yog tsw muaj tuabneeg leeg has tas, kuv yog ib tug tubkhai los mej ca le leeg los kaj. Mej cov kws kuv coj lug ntseeg Yexu Kheto tub ua tsua suavdawg pum has tas, kuv yog Vaajtswv ib tug tubkhai tag. 3 Thaus muaj tuabneeg thuaj kuv, kuv pheej daws kuv zaaj has tas, 4 kuv txawm tsw muaj feem nrug luas noj luas haus los. 5 Yexu cov kwv, hab Pestus, hab lwm tug tubkhai puab puav leej muaj cuab kaav coj puab tej quaspuj nrug puab moog tsua hov nuav hov u. Kuv yeej yog ib tug tubkhai hab, kuv txawm tsw muaj cuab kaav ua le puab los. 6 Tsuas yog Npananpa ib txha yuav tsum nrhav ib noj ib haus los. 7 Tug kws moog ntaus rog nwg yeej tsw nrhav nwg noj nwg haus. Tug kws cog txwv maab txwv ntoo nwg yeej yuav tau noj tej txwv ntawm. Tug kws yug yaaj yug tshws nwg yeej yuav tau noj nwg tej yaaj tej tshws. 8 Tej kws kuv has nuav suavdawg yeej ib txwm paub. Txawm yog Vaajtswv txuj kevcai los yeej qha, le ntawm hab. 9 Peb nyeem tej ntawv kws Mauxe sau peb pum muaj lug sau ca has tas, thaus nyuj saamswm tsuj nplej mej tsw xob muab tawb looj nyuj qhov ncauj. Mej xaav has tas, Vaajtswv txhawj tsaam nyuj tsw tau noj nua los. 10 Vaajtswv has le hov tub yog Vaajtswv has txug peb ntaag. Tug kws laij lag hab tug kws ntaus nplej ob tug puav leej vaam has tas, ob tug yuav tau qoob sws npaug quas zog. 11 Peb tub tseb Vaajtswv tej lug tsua huv mej lub sab lawm, yog peb sau mej tej zaub tej mov lug yug peb, mej yuav has tas, peb sau ntau dhau lawm nua los. 12 Yog lwm tug tub muaj cuab kaav kuas mej yug puab, tes peb yimfuab muaj cuab kaav kuas mej yug peb hab los kaj. Txawm ua le caag los xwj. Peb yeej txhob txwm tsw sau mej le. Peb ca le ua sab ntev nyaj ib puas tsaav yaam kev txom nyem txha le tsw muaj ib yaam daabtsw lug taab kaum txuj xuv zoo kws has txug Yexu Kheto. 13 Mej puav leej paub tas, tug kws ua num huv lub tuam tsev nwg yeej yuav tau noj tej zaub mov kws luas nqaa tuaj tso tsua huv. Hab tug kws muab tej kws tuabneeg nqaa tuaj hov tso tsua sau rooj xyeem tsua Vaajtswv los nwg yeej yuav tau noj tej hov hab. 14 (b yaam nkaus le ntawm Vaajtswv qha tseg has tas, tswm nyog cov tuabneeg kws ntseeg txuj xuv zoo yug tug kws tuaj qha txuj xuv zoo. 15 Kuas kuv yeej ib txwm tsw sau mej le. Kuv sau tsaab ntawv nuav tuaj tsua mej los kuv tsw tau kuas mej yug kuv, yog kuv yuav thov mej yug kuv, tes kuv yeem tuag zoo dua. Yeej tsw muaj leejtwg yuav muaj cuab kaav thuaj tej lug kws kuv khaav has tas, kuv tsw thov mej yug kuv. 16 Kuv tub yog tug kws qha txuj xuv zoo los kuv yeej tsw muaj lug yuav khaav hlo le. Tsua qhov Vaajtswv kuas kuv qha, yog kuv tsw qha kuv yeej yuav ntxhuv sab xwb. 17 Yog kuv yeem ua teg num ntawm kuv yeej yuav tau nqe zug. Yog kuv tsw yeem ua los teg num hov yeej yog kuv teg. 18 Kuv tau nqe zug daabtsw. Kuv tej nqe zug yog qhov kws kuv qha txuj xuv zoo, kuv tsw thov leejtwg ib yaam daabtsw le. Thaus kuv moog qha txuj xuv zoo kuv yeej muaj feem thov suavdawg yug kuv, kuas kuv tsw thov. 19 Kuv yeej tsw ua leejtwg qhev kuas kuv zoo sab ua suavdawg qhev, kuv txha le coj tau tuabneeg coob coob lug ntseeg Yexu Kheto. 20 Thaus kuv nrug cov tuabneeg Yutai nyob ua ke, kuv ua ib yaam le puab, tsua qhov kuv xaav coj puab lug ntseeg. Txawm yog Mauxe txuj kevcai tsw muaj cuab kaav yuam kuv lawm los thaus kuv nrug cov tuabneeg kws xyum coj Mauxe txuj kevcai nyob ua ke. kuv ua ib yaam le puab ua, tsua qhov kuv xaav coj puab lug ntseeg. 21 Thaus kuv nrug lwm tsaav tuabneeg nyob ua ke kuv ua ib yaam le tug kws tsw coj Yutai kevcai, tsua qhov kuv xaav coj lwm tsaav tuabneeg lug ntseeg. Kuv has le nuav tsw yog kuv has tas, kuv tsw coj Vaajtswv txuj kevcai, kuas qhov tseeb kuv yeej coj Yexu Kheto txuj kevcai. 22 Thaus kuv nrug cov tuabneeg kws tsw tshua paub Vaajtswv pes tsawg nyob ua ke kuv ua ib yaam le puab, tsua qhov kuv xaav paab kuas puab paub tseeb. Kuv naj nub xyum ua ib yaam le txhua tsaav tuabneeg ua. Kuv ua le ntawm saib yuav coj tau qee leej rov lug ua tuabneeg tshab los tsw tau. 23 Kuv ua ib puas tsaav yaam le nuav, tub yog kuv xaav kuas txuj xuv zoo nrov nchaa moog thoob plhawv hov txhua hov chaw, kuv txha le tau koob tau moov hab. 24 Nyab mej kuj paub has tas, cov tuabneeg kws sws tw dha puab puav leej ib txhwj dha, kuas tsuas muaj ib tug dha yeej xwb. Tug kws dha yeej txha tau nqe zug. Yog le ntawm mej yuav tsum swv zug dha tag tag kuas yeej, mej txha tau nqe zug. 25 Tug kws sws tw dha nwg yeej naj nub xyum dha lawv le kevcai. Nwg ua le ntawm kuas nwg tau ib txuj saw nplooj. Txuj saw ntawm yog txuj kws txawj qhuav, kuas peb sws tw dha kuas peb tau yaam kws yuav nyob moog ib txhws. 26 Yog le ntawm kuv txha le dha ncaaj nraim moog tsua tug tswg tom kawg. Hab kuv ua le tug kws txawj sws ntaus. Nwg ua tuab zoo ntaus, nwg tsw laam tau laam ntaus fuab ntaus cua. 27 Kuv naj nub tswj quas rawv kuv lub cev tsua qhov kuv yeej yog tug kws qha lwm tug. Yog kuv tsw tswj kuv lub cev ntshai tsaam kuv tsw tau nrug luas sws tw dha.
Tsw xob pe daab
1 Cov kwvtij, kuv xaav kuas mej ncu ntsoov has tas, thau u peb puj koob yawm koob nrug Mauxe moog tom tebchaws moj saab qhua, muaj ib tauv fuab roog puab txhua tug hab puab puav leej hlaa dhau hav txwv Lab moog lawm. 2 Qhov kws puab nyob huv tauv fuab hab moog huv hav txwv tub ua tsua suavdawg paub has tas, puab yog Mauxe cov thwjtim. 3 Puab puav leej tau noj cov mov kws Vaajtswv pub sau ntuj lug. 4 Puab puav leej tau haus cov dej kws Vaajtswv kuas txhawv huv lub pob zeb lug. Yexu Kheto yog lub pob zeb kws naj nub nrug puab ua ke. 5 Txawm yog le ntawm los muaj ntau leej pheej ua tsw hum Vaajtswv sab, Vaajtswv txha ua tsua puab tuag pawg quas yawg tom tebchaws moj saab qhua. 6 Qhov kws puab tuag hov qha kuas peb tsw xob ntshaw tej kws phem ib yaam le puab cov ntawm ntshaw. 7 Puab cov hov muaj qee leej pe txoov daab, peb tsw xob ua le puab. Tub muaj lug sau ca tsua huv Vaajtswv phoo ntawv has tas, puab suavdawg nyob noj nyob haus taag, suavdawg tsua sawv dha muaj caum. 8 Puab cov ntawm muaj qee leej ua txhum kev nkauj kev nraug, peb tsw xob ua le puab. Tuab nub xwb puab tuag ob vaam peb txheeb leej. 9 Puab cov ntawm muaj qee leej swm Vaajtswv sab, naab txha tum puab tuag pawg quas yawg. Peb tsw xob ua le puab. 10 Puab cov hov muaj qee leej pheej ywg ywg, mas tug tubkhai kws tua tuabneeg txha le ua tsua puab puam tsuaj taag. Peb tsw xob ua le puab. 11 Tej xwm kws puab raug ntawm tub yog qha tsua suavdawg. Hab luas muab sau ca ntuag kuas peb ceev faaj, tsua qhov peb yog cov kws nyob tam kws yuav kawg. 12 Yog le ntawm tug kws xaav has tas, nwg tub sawv khov kho lawm, nwg yuav tsum ceev faaj tsaam tes nwg qaug. 13 Tej kev swm sab kws ntxag mej ua txhum, tsuas yog tej kws ib txwm txeev muaj tsua suavdawg lug lawm xwb. Vaajtswv yog tug kws ncaaj nceeg, nwg yuav tsw kheev mej muaj tej kev swm sab kws mej yuav tiv tsw taug. Thaus mej muaj kev swm sab Vaajtswv yuav paab kuas mej thev taug, mej txha le tsw ceblaaj heev. 14 Yog le ntawm cov kwvtij kws kuv hlub, mej tsw xob moog nrug luas pe daab hab pe txoov daab hlo le. 15 Mej yog cov kws yeej paub qaabhau. Me j ca le khaws tej lug kws kuv has coj moog ua tuab zoo xaav saib yog los tsw yog. 16 Peb ua Vaajtswv tsaug tsua qhov peb muaj lub khob koob moov nuav. Thaus peb haus cov kua txwv maab xwv huv lub khob nuav tub yog peb qha has tas, peb koom Yexu Kheto cov ntshaav. Thaus peb muab lub ncuav lug ndais noj, tub yog peb qha has tas peb koom Yexu Kheto lub cev. 17 Yeej muaj tuab lub ncuav xwb. Txawm yog peb muaj coob los peb suavdawg puav leej koom tuab lub cev, tsua qhov peb txhua tug noj tuab lub ncuav hov xwb. 18 Yog mej ua tuab zoo saib cov Yutai, mej yuav pum tas tug kws noj tej zaub mov kws luas muab xyeem tsua Vaajtswv sau lub rooj, tug ntawm yeej koom tej kws yog Vaajtswv le. 19 Mej paub has tas, kuv has le nuav yog kuv has txug daabtsw los tsw paub. Kuv has tas, tej txoov daab hab tej zaub mov kws luas muab xyeem tsua txoov daab lawm muaj qaabhau nua los. 20 Tsw yog kuv has le hov. Kuv has tas, tej kws cov tuabneeg tsw paub Vaajtswv muab tso tsua sau rooj, tsw yog puab muab xyeem tsua Vaajtswv, kuas yog puab muab xyeem tsua daab xwb. Kuv yeej tsw kheev mej moog koom daab ib zag le. 2 1 Yog mej yuav haus Yexu Kheto lub khob hab haus daab lub khob yeej tsw tau. Yog mej yuav noj Yexu Kheto rooj mov hab noj daab rooj mov los yeej tsw tau ib yaam nkaus. 22 Peb yuav ua kuas Yexu ntxub peb los. Mej xaav has tas, peb muaj fwjchim luj dua nwg nua los.
Mej yuav ua mej lub neej tsua Vaajtswv tau koob meej
23 Muaj tuabneeg has tas, peb muaj cuab kaav ua ib puas tsaav yaam tsw muaj leejtwg txwv peb. Kuas tsw yog txhua yaam kws mej ua yuav muaj qaabhau huvsw tsua mej. Mej has tas, peb muaj cuab kaav ua ib puas tsaav yaam tsw muaj leejtwg txwv peb, kuas tej kws mej ua ntawm kuj tsw yog txhua yaam yuav paab tau mej. 24 Mej tsw xob ua le tug kws nwg tsuas xaam pum nwg ndag xwb, nwg tsw xaam pum lwm tug le. 25 Tej nqaj kws luas muag tom kab mej puav leej noj tau huvsw. Yog xws mej sab mej ca le noj tsw xob nug le caag le. 26 Tsua qhov tub muaj lug sau ca tsua huv Vaajtswv phoo ntawv has tas, lub nplajteb hab ib puas tsaav yaam kws nyob huv nplajteb puav leej yog Vaajtswv le huvsw. 27 Yog cov tuabneeg kws tsw ntseeg Vaajtswv hu mej moog nrug puab noj mov, thaus mej moog, yog mej tsw xaav le caag mej ca le noj tej zaub mov kws puab ua tog mej, mej tsw xob nug le caag le. 28 Kuas yog muaj tuabneeg has tsua mej has tas, tej zaub mov ntawm puab tub muab xyeem tsua daab lawm, mas mej tsw xob noj, tsaam tes mej ua tsua tug kws qha mej hov xaav yuam kev. 29 Kuv has le nuav tsw yog kuv ntshai tsaam mej xaav yuam kev, kuas yog kuv ntshai tsaam mej ua tsua tug kws qha mej ntawm xaav yuam kev. Tej zag yuav muaj tuabneeg tuaj has tsua kuv has tas, txawm yog lwm tug yuav xaav le caag los xwj, ca kuv noj kuv los maj. 30 Yog kuv tub ua Vaajtswv tsaug lawm kuv le maav noj, leejtwg tseem yuav muaj cuab kaav txwv tsw kheev kuv noj tej kws kuv ua Vaajtswv tsaug ntawm hab. 31 Txawm yog mej yuav noj yuav haus yuav ua ib yaam daabtsw los mej yuav tsum ua kuas Vaajtswv tau koob meej. 32 Mej tsw xob ua ib yaam daabtsw kws yuav ua tsua cov Yutai lossws lwm tsaav tuabneeg hab cov ntseeg Vaajtswv tu sab. 33 Mej ca le ua mej lub neej ib yaam le kuv ua kuv lub. Kuv naj nub xyum ua kuas hum suavdawg sab. Kuv tsw ua tej nuav kuas muaj qaabhau tsua kuv, kuas kuv ua kuas muaj qaabhau tsua suavdawg, puab txha le dim puab lub txem.
1 Mej yuav tsum xyum ua mej lub neej lawv le kuv tug yaam ntxwv, ib yaam le kuv xyum ua kuv lub neej lawv le Yexu Kheto tug yaam ntxwv.
Tug quaspuj kws moog thov Vaajtswv yuav tsum ntoo phuam
2 Kuv qhuas mej tsua qhov mej naj nub ncu ntsoov kuv, hab ua lawv le tej lug kws kuv qha mej. 3 Kuv xaav kuas mej to taub has tas, Yexu Kheto yog txhua tug quasyawg lub taubhau. Tug quasyawg yog tug quaspuj lub taubhau. Vaajtswv yog Yexu Kheto lub taubhau. b Yog le ntawm tug quasyawg kws muab phuam kauv taubhau moog thov Vaajtswv lossws moog qhuab qha, mas yog nwg saib tsw taug Yexu Kheto. 5 Tug quaspuj kws moog thov Vaajtswv lossws moog qhuab qha, yog nwg tsw ntoo phuam kuj yog nwg saib tsw taug nwg tug quasyawg. Nwg zoo ib yaam le tug quaspuj kws muab plaubhau chais taag lawm. 6 Yog nwg tsw ntoo phuam nwg kuj zoo ib yaam le tug kws txav plaubhau lawm. Tug quaspuj kws txav plaubhau lossws chais plaubhau yeej yuav poob ntsej muag. Yog le ntawm tswm nyog nwg ca le ntoo phuam zoo dua. 7 Tsw txug cov quasyawg yuav ntoo phuam, tsua qhov tug quasyawg muaj Vaajtswv tug fwjchim. Huas tug quaspuj muaj tug quasyawg tug fwjchim. 8 Tsua qhov Vaajtswv muab quasyawg ib tug taav rhu coj lug puab ua quaspuj, tsw yog rhu quaspuj tug taav lug puab ua quasyawg. 9 Tsw yog Vaajtswv tswm quasyawg tsua quaspuj, kuas yog Vaajtswv tswm quaspuj tsua quasyawg. 10 Cov quaspuj yuav saib tsua cov tubkhai sau ntuj es yuav tsum ntoo phuam, suavdawg txha pum has tas, nwg fwm nwg tug quasyawg. 11 Txawm yog le caag los xwj, peb cov kws ntseeg Vaajtswv, tsw has quaspuj quasyawg los ib leeg yuav vaam ib leeg. 12 Tsua qhov Vaajtswv rhu quasyawg ib tug taav coj lug puab ua quaspuj. Txawm yog le ntawm los tej txwv neej kws nyob huv nplajteb nuav puav leej yog quaspuj yug. Kuas Vaajtswv yog tug kws tswm ib puas tsaav yaam huvsw. 13 Mej swm ua tuab zoo saib, thaus suavdawg tuaj thov Vaajtswv ua ke, tswm nyog tej quaspuj kws tsw ntoo phuam thov Vaajtswv los tsw tswm nyog. \h Mej yeej ib txwm paub has tas, tug quasyawg kws tseg plaubhau ntev yeej yuav poob ntsej muag. 15 Kuas tug quaspuj kws tseg plaubhau ntev yeej yuav tau ntsej muag, tsua qhov nwg cov plaubhau npug nwg lub taubhau ib yaam le nwg ntoo phuam. 16 Yog leejtwg xaav caav zaaj nuav, kuv tsuas muaj tuab lus teb puab has tas, peb hab cov ntseeg kws nyob txhua qhov puav leej muaj tuab txuj kevcai nuav xwb.
Yexu rooj mov
17 Tej lug kws kuv yuav qha tsua mej nuav kuv yeej tsw qhuas mej. Tsua qhov kuv nov has tas, thaus mej tuaj noog lug qhuab qha, tsw yog mej ua tsua suavdawg hlub huv Vaajtswv, kuas mej rhuav suavdawg lub neej xwb. 18 Thawj qhov tseem ceeb kws kuv yuav xub has yog le nuav. Muaj tuabneeg tuaj has tsua kuv has tas, thaus mej cov kws ntseeg tuaj ua ke noog lug qhuab qha mej tawg ua ob peb paab ob peb pawg. Tej kws kuv nov ntawm saib lug txug ntxwm muaj tag. 19 Ua le caag los ntshai mej yeej yuav tsum tawg ua ob peb paab, suavdawg txha paub has tas, paab twg yog paab kws ua zoo. 20 Thaus mej tuaj ua ke, tsw yog mej tuaj noj Yexu rooj mov. 21 Tsua qhov thaus mej noj mov mej nyag taug nyag noj nyag le, tsw tog lwm tug le. Muaj qee leej tsw tau noj, muaj qee leej tub tsua noj tsau haus qaug lawm. 22 Mej tsw muaj vaag tsw muaj tse noj hab haus los. Lossws mej txhob txwm ua saib tsw taug cov ntseeg kuas cov tuabneeg kws pluag txaaj muag. Mej xaav has tas, kuv yuav qhuas mej nua los. Kuv yeej tsw qhuas mej hlo le. 23 Tej lug kws kuv tub xub qha tsua mej lawm yeej yog Vaajtswv le lug. Kuv qha has tas, mo kws luas faav xeeb tsua peb tug tswv Yexu, mo ntawm Yexu muab ib lub ncuav lug. 2h Thaus nwg ua Vaajtswv tsaug taag nwg muab ndais. Nwg has tas, lub ncuav nuav yog kuv lub cev kws kuv muab paab mej. Mej yuav tsum ua le kuv ua nuav mej txha le ncu ntsoov kuv. 25 Thaus noj mo taag, nwg muab lub khob lug ua ib yaam nkaus le ntawm. Nwg has tas, lub khob nuav yog Vaajtswv lu lug cog tseg tshab kws muaj kuv cov ntshaav ua lub hom thawj nas tsua lawm. Thaus mej haus lub khob nuav mej yuav tsum ncu ntsoov kuv. 26 Txhua zag kws mej noj Yexu lub ncuav hab haus Yexu lub khob tub yog mej qha Yexu kev tuag moog txug nub kws Yexu rov qaab lug. 27 Yog le ntawm tug kws noj Yexu lub ncuav hab haus Yexu lub khob, yog nwg tsw xub ua tuab zoo xaav thoob thoob tsaiv le maav noj, tes kuj yog nwg ua txhum tsua Yexu lub cev hab Yexu cov ntshaav lawm. 28 Mas txhua tug nyag yuav tsum ua tuab zoo xaav tsaiv le maav noj Yexu lub ncuav hab haus Yexu lub khob. 29 Tsua qhov tug kws laam noj laam haus tsw xaav tom ntej tom qaab, kuj yog nwg nrhav txem lug tsua nwg xwb, tsua qhov nwg tsw xaav txug has tas, lub ncuav hov pev txug Yexu lub cev. 30 Tub yog vem le nuav mej cov txha muaj ntau leej muaj mob muaj nkeeg, hab muaj qee leej tuag. 31 Yog peb xub ua tuab zoo xaav thoob thoob ua ntej, Vaajtswv yuav tsw rau txem tsua peb. 32 Kuas thaus Vaajtswv rau txem tsua peb tub yog nwg qhuab qha hab nplawm kuas peb tsw xob nrug tuabneeg nplajteb raug txem. 33 Yog le ntawm cov kwvtij, thaus mej tuaj ua ke yuav noj Yexu rooj mov, mej yuav tsum sws tog ais suavdawg ib txhwj noj. 34 Yog leejtwg tshaib, nwg ca le xub noj mov tom tsev tsaiv le maav tuaj. Yog mej ua le nuav, mas thaus mej tuaj ua ke Vaajtswv txha tsw rau txem tsua mej. Tshuav ob peb qho kws kuv tseem tsw tau teb mej, ca kuv tuaj tsaiv kuv le maav qha mej.
Vaajtswv tug Ntsuj Plig pub nyag muaj nyag tswvyim
1 Cov kwvtij, nwgnuav kuv yuav has txug qhov kws Vaajtswv tug Ntsuj Plig pub peb nyag muaj nyag tswvyim, tsua qhov kuv xaav kuas mej paub tseeb qhov nuav. 2 Mej puav leej paub has tas, thaus mej tseerr; coj txuj qub kevcai, mej ua cov txoov daab kws tsw muaj sa le qhev, hab naj nub ua txhum. 3 Txawm yog le caag los nyab mej yuav paub has tas, tug kws muaj Vaajtswv tug Ntsuj Plig nyob huv nwg lub sab, nwg tsw foom Yexu tsw zoo ib zag le. Tsw muaj leejtwg yuav kaam leeg has tas, Yexu yog peb tug tswv, tsuas yog tug kws muaj Vaajtswv tug Ntsuj Plig nyob huv nwg lub sab txha le kaam leeg xwb. 4 Vaajtswv tug Ntsuj Plig pub peb txhua tug nyag muaj nyag tswvyim. Tej tswvyim ntawm puav leej yog Vaajtswv tuab tug Ntsuj Plig pub xwb. 5 Peb cov kws ua num nyag muaj nyag num, kuas peb puav leej koom tuab tug tswv xwb. 6 Vaajtswv pub txhua tug nyag muaj nyag tswvyim ua num, kuas tej tswvyim hov puav leej yog Vaajtswv tuab leeg pub. 7 Vaajtswv tug Ntsuj Plig pub txhua tug nyag muaj nyag tswvyim txha le paab tau cov ntseeg huvsw. 8 Vaajtswv tug Ntsuj Plig pub ib tug muaj tswvyim txawj qhuab qha, hab nwg pub ib tug muaj tswvyim kawm txawj kawm ntse, kuas puav leej yog tuab tug Ntsuj Plig pub. 9 Vaajtswv tuab tug Ntsuj Plig hov pub ib tug muaj kev ntseeg, pub ib tug muaj fwjchim khu tau tej tuabneeg mob. 10 lb tug muaj fwjchim ua tau tej txujci tseem ceeb, ib tug txawj cev Vaajtswv lug, ib tug txawj saib tej tswvyim kws yog Vaajtswv tug Ntsuj Plig le, hab tej kws tsw yog Vaajtswv tug Ntsuj Plig le. Ib tug txawj has tej lug txawv txawv, ib tug txawj txhais tej lug txawv txawv hov. 11 Kuas ib puas tsaav yaam nuav puav leej yog Vaajtswv tuab tug Ntsuj Plig pub. Nwg pub txhua tug nyag muaj nyag tswvyim lawv le nwg pum zoo pub.
Lub cev yeej muaj teg muaj taw
12 Yexu Kheto zoo le lub cev kws muaj teg muaj taw muaj sab muaj ntsws. Txawm yog muaj ntau yaam los tej teg taw hov puav leej koom tuab lub cev. 13 lb yaam nkaus le ntawm Vaajtswv tug Ntsuj Plig coj peb txhua tug tsw has cov Yutai hab lwm tsaav tuabneeg, cov tuabneeg kws ua qhev, hab cov kws tsw ua qhev lug koom ua ib lub cev. Tug Ntsuj Plig ntawm nyob huv peb txhua tug lub sab. 14 Tsua qhov tsw yog lub cev muaj teg lossws muaj taw xwb, kuas muaj teg muaj taw muaj sab muaj ntsws huvsw. 15 Yog kwtaw laam has tas, kuv tsw yog teg, tes kuv tsw koom lub cev. Txawm yog kwtaw has le hov los nwg tseem koom quas nreeg nwg lub cev. 16 Yog nplooj ntseg laam has tas, kuv tsw yog qhov muag, tes kuv tsw koom lub cev. Txawm yog qhov ntsej laam has le ntawm los nwg yeej koom quas nreeg nwg lub cev hab. 17 Yog lub cev muaj qhov muag xwb tsw muaj qhov ntsej, yuav ua le caag nov tau lug. Yog lub cev muaj qhov ntsej tsw muaj qhov ntswg yuav ua le caag nov tau ntxhab. 18 Vaajtswv yeej tsw tswm lub cev zoo le ntawm. Vaajtswv tswm lub cev muaj teg muaj taw muaj sab muaj ntsws nyag nyob nyag chaw lawv le Vaajtswv pum zoo. 19 Yog muaj tuab yaam xwb yeej hu tsw tau ua lub cev. 20 Kuas lub cev yeej ib txwm muaj teg muaj taw muaj sab muaj ntsws huvsw. 21 Yog le ntawm lub qhov muag yuav has tsua txhais teg has tas, kuv tsw yuav koj yeej has tsw tau. Hab lub taubhau yuav has tsua txhais kwtaw has tas, kuv tsw yuav koj los yeej has tsw tau ib yaam nkaus. 22 Peb lub cev yeej muaj ob peb yaam kws peb suav has tas, tsw tseem ceeb, kuas yog tsw muaj tej ntawm peb yeej tsw tsheej tuabneeg. 23 Tej kws peb xaav has tas, tsw tswm txaj, peb yuav yimfuab tu kuas tswm txaj tsua. Tej kws tsw zoo nkauj peb yimfuab tu kuas zoo nkauj. 24 Kuas tej kws tub zoo nkauj lawm tsw txug yug yuav tu. Vaajtswv yog tug kws tswm lub cev muaj teg muaj taw muaj sab muaj ntsws nyag nyob muaj nyag chaw. Vaajtswv ua le ntawm kuas tej kws tsw tshua tswm txaj tau ua tej kws tswm txaj. 25 Vem le nuav tej ntawm txha nyob taug ua ke, hab ib yaam paab ib yaam. 26 Yog lub cev muaj ib qho mob lawm yeej yuav mob thoob plawg ib ce. Yog luas qhuas lub cev ib qho, tes taag nrho lub cev puav leej tau ntsej muag. 27 Mej suavdawg koom Yexu Kheto lub cev. Mej txhua tug puav leej yog nwg teg nwg taw. 28 Vaajtswv tsaa peb cov kws ntseeg nyag ua nyag ib teg num. Paab ib yog cov tubkhai. Paab ob yog cov xwbfwb cev Vaajtswv lug. Paab peb yog cov xwbfwb kws qha Vaajtswv txujlug. Dua le ntawm muaj ib txha txawj ua tej txujci tseem ceeb. Ib txha muaj fwjchim khu tau tej tuabneeg kws muaj mob, ib txha paab lwm tug, ib txha txawj qhuab ntuag, hab ib txha txawj has tej lug txawv txawv. 29 Tsw yog txhua tug ua tubkhai, lossws ua xwbfwb cev Vaajtswv lug, lossws ua xwbfwb qha Vaajtswv txujlug. Tsw yog txhua tug ua tau tej txujci tseem ceeb, 30 lossws khu tau tej tuabneeg kws muaj mob. Hab tsw yog txhua tug txawj has tej lug txawv txawv, lossws txawj txhais tej lug txawv txawv ntawm. 31 Mej yuav tsum muab tsua sau sab nrhav tej tswvyim kws tseem ceeb kawg nkaus. Kuas nwgnuav kuv yuav qha ib qho kws zoo tshaaj tej ntawm huvsw tsua mej.
Kev hlub_
1 Txawm yog kuv has tau ib puas tsaav yaam lug kws txhua tsaav tuabneeg has, lossws has tau cov tubkhai sau ntuj le lug los yog kuv tsw hlub luas, tes tej lug kws kuv has tau hov tsuas zoo le tej suab tswb nyuj tswb neeg kws nrov nrov xwb. 2 Txawm yog kuv txawj qha Vaajtswv txujlug, hab muaj tswvyim heev, kawm paub ib puas tsaav yaam huvsw, hab muaj kev ntseeg has tau kuas toj roob hauv peg txaav moog nyob lwm qhov los yog kuv tsw hlub luas, tes tej kws kuv txawj hov yeej tsw muaj qaabhau daabtsw le. 3 Txawm yog kuv muab kuv tej hov txhua chaw huvsw pub tsua lwm tug, hab muab kuv lub cev tsua luas coj moog hlawv los yog kuv tsw hlub luas, tes tej kws kuv ua hov yeej tsw muaj qaabhau tsua kuv hlo le. 4 Tug kws hlub luas nwg ua tau sab ntev, nwg paab luas, nwg tsw ntxub leejtwg, nwg tsw muab hlub, nwg tsw khaav theeb, 5 hab nwg paub cai, nwg sab dawb sab zoo, nwg tsw ua sab hlub, nwg tsw chim sai, nwg tsw ncu quas ntsoov luas tej kev txhum ca tsua nruab sab, 6 nwg tsw nyam qhov phem qhov qas, kuas nwg nyam qhov ncaaj nceeg. 7 Tug kws hlub luas nwg nyaj taug ib puas tsaav yaam hab muab tsua sau sab ntseeg, hab tso sab hab ua sab ntev moog le. 8 Tej kev hlub yeej yuav muaj nyob moog ib txhws kuas tug kws txawj qha Vaajtswv txujlug, nwg yuav qha ib ntus xwb. Tug kws txawj has lug txawv txawv yuav tsw has lawm. Hab kev txawj kev ntse yuav pluj moog taag. 9 Txawm yog peb kawm txawj kawm ntse lawm los peb tseem tsw tau paub txhwj. Txawm yog peb muaj tswvyim qha Vaajtswv txujlug lawm los peb tseem tsw tau qha tau zoo. 10 Thaus peb paub txhwj lawm, tej kws peb paub tsw txhwj yuav pluj moog. 11 Thaus kuv tseem yog mivnyuas yau kuv has hab kuv xaav ib yaam le tej mivnyuas yau. Kuas nwgnuav kuv hlub qoog txwv lawm, kuv tsw ua le tej mivnyuas yau. 12 Tej kws naj nub nwgnuav peb pum mas zoo le peb tug duab kws peb saib huv daim av kws plooj plooj xwb. Kuas lwm nub peb yuav pum ib puas tsaav yaam tseeb, ib yaam le thaus peb sws thaam tim ntsej tim muag ntaag. Nwgnuav tej kws kuv kawm kuv tseem tsw tau paub txhwj, kuas lwm nub kuv yuav paub tej hov taag nrho ib yaam le Vaajtswv paub kuv. 13 Nwgnuav tseem muaj peb yaam kws yuav nyob moog ib txhws. Peb yaam hov yog kev ntseeg, muaj sab vaam, hab kev hlub. Kuas kev hlub yog yaam kws tseem ceeb dua ndais huvsw.
Vaajtswv txujlug muaj qaabhau heev dua tej lug txawv txawv
1 Yog le ntawm mej yuav tsum xyum ua cov tuabneeg kws hlub luas, hab muab tsua sau sab thov Vaajtswv tug Ntsuj Plig pub tswvyim tsua mej. Cheem tsum thov tug tswvyim kws cev Vaajtswv lug heev dua lwm yaam huvsw. Mej yuav tsum thov Vaajtswv pub tug tswvyim hov tsua mej. 2 Tug kws txawj has lug txawv txawv, tsw yog nwg has tsua tuabneeg kuas nwg has tsua Vaajtswv, tsua qhov tsw muaj tuabneeg to taub tej lug kws nwg has. Tej lug kws nwg has hov tub yog Vaajtswv tug Ntsuj Plig kuas nwg has, kuas tsw muaj tuabneeg paub. 3 Kuas tug kws cev Vaajtswv lug, yog nwg has tsua tuabneeg. Tej lug kws nwg has hov yuav paab tau suavdawg muab tsua sau sab ntseeg hab txhawb suavdawg tug zug hab nplig suavdawg. 4 Tug kws has lug txawv txawv nwg tsuas paab tau nwg xwb, kuas tug kws cev Vaajtswv lug, nwg paab tau txhua tug ntseeg huvsw. 5 Kuv xaav kuas mej txhua tug has tau lug txawv txawv, kuas kuv xaav kuas mej cev Vaajtswv lug heev dua. Tsua qhov Vaajtswv txujlug muaj qaabhau heev dua tej lug txawv txawv. Yog muaj tuabneeg txhais tau tej lug txawv txawv hov, tej lug hov yeej muaj qaabhau hab. 6 Cov kwvtij, yog thaus kuv tuaj saib mej kuv ca le has tej lug txawv txawv, yuav muaj qaabhau tsua mej los tsw muaj. Yeej tsw muaj hlo le. Yog kuv qha Vaajtswv txujlug, hab tej kws Vaajtswv qha tsua kuv, hab tej lug kws Vaajtswv kuas kuv qha, hab tej lug qhuab qha, tej hov txha le muaj qaabhau tsua mej. 7 Tug kws tshuv raaj tshuv qeej, yog nwg tsw txawj puv ntiv raaj ntiv qeej tes yeej tsw muaj leejtwg paub sov nwg tshuv has le caag. 8 Yog tug tub rog kws tshuab raaj nwg tshuab tsw meej, yeej tsw muaj leejtwg npaaj ntaaj npaaj rag tog yuav sws ntaus sws tua. 9 lb yaam nkaus le hov yog cov tuabneeg kws noog tsw to taub tej lug txawv txawv kws mej has, puab yuav ua le caag paub lub ntsab. Mej tej lug txawv txawv hov tsuas zoo le cua ntsawj xwb. 10 Txhua yaam lug kws tuabneeg has puav leej muaj lub ntsab, tsw muaj ib lus kws tsw muaj lub ntsab le. 11 Yog kuv tsw paub tug kws nrug kuv thaam le lug, nwg hab kuv ib nyag yog nyag ib yaam tuabneeg, ib tug tsw tau paub ib tug. 12 Mej puav leej kub sab quas lug xaav tau tej tswvyim kws Vaajtswv tug Ntsuj Plig pub. Yog le ntawm mej yuav tsum xub thov tej kws yuav paab tau cov ntseeg suavdawg hlub huv Vaajtswv. 13 Tug kws txawj has lug txawv txawv nwg yuav tsum thov Vaajtswv pub tswvyim tsua nwg kuas nwg txhais tau tej lug kws nwg has. 4 Tsua qhov tej lug txawv txawv kws kuv thov Vaajtswv yeej yog kuv tug ntsuj plig thov tag, kuas kuv lub sab tsw to taub sov kuv has le caag. 15 Yog le ntawm kuv yuav ua le caag txha zoo. Thaus kuv thov Vaajtswv yuav tsum yog kuv tug ntsuj plig hab kuv lub sab to taub tej lug kws kuv has. Thaus kuv hu nkauj yuav tsum yog kuv tug ntsuj plig hab kuv lub sab to taub tej lug kws kuv hu hov hab. 16 Thaus mej tuaj ua ke ua Vaajtswv tsaug yog mej has lug txawv txawv, cov tuabneeg kws tsw paub tej lug txawv txawv hov yuav ua le caag txawj nrug mej has tas, amee. Puab tsw txawj has, tsua qhov puab tsw to taub mej tej lug. 17 Txawm yog mej txawj ua Vaajtswv tsaug npaum le caag los mej tej lug yeej paab tsw tau tug kws tsw to taub. 18 Kuv ua Vaajtswv tsaug tsua qhov kuv txawj has lug txawv txawv ntau dua mej. 19 Thaus suavdawg tuaj nyob ua ke noog lug qhuab qha, yog kuv has tuab lu lug kws suavdawg to taub mas zoo dua le kuv has ntau txheeb lu lug txawv txawv kws tsw muaj tuabneeg paub. 20 Cov kwvtij, mej tsw xob naj nub xaav le tej mivnyuas yau xaav, mej yuav tsum xaav le cov tuabneeg laug xaav, hab ua le tej mivnyuas mog kws yeej tsw paub ua phem. 21 Tub muaj lug sau ca tsua huv Vaajtswv phoo ntawv has tas, Vaajtswv has tas, Kuv yuav khaiv lwm tsaav tuabneeg kws has lwm yaam lug tuaj qha cov tuabneeg nuav. Txawm yog le hov los kuv tsaav tuabneeg yuav tsw noog kuv tej lug hab. 22 Yog le ntawm tej lug txawv txawv kws tuabneeg has tub yog ua tsua cov tsw ntseeg pum Vaajtswv tug fwjchim, tsw yog ua tsua cov ntseeg pum. Kuas Vaajtswv txujlug kws tuabneeg qha ua tsua cov ntseeg pum Vaajtswv tug fwjchim tsw yog ua tsua cov tsw ntseeg pum. 23 Yog le ntawm thaus mej cov ntseeg tuaj nyob ua ke noog lug qhuab qha, yog txhua tug nyag has nyag lug txawv txawv, cov tuabneeg kws tsw to taub tej lug hov hab cov tuabneeg kws tsw ntseeg pum mej ua le hov, puab yuav ca le has tas, mej vwm lawm. 24 Kuas yog suavdawg cev Vaajtswv lug, tes thaus tug kws tsw ntseeg lossws tug kws yeej ib txwm tsw paub Vaajtswv tuaj noog, tes tej lug hov yuav ua tsua nwg paub nwg kev txhum, hab ua tsua nwg paub has tas, nwg yuav raug txem. 25 Vaajtswv yuav muab tej kws tug hov tse*em xaav, nthuav tsua suavdawg saib. Thaus Vaajtswv ua le hov nwg yuav txhus caug ndua pe Vaajtswv has tas, Vaajtswv nrug nraim mej nyob ntawm nuav lawm tag lauj.
Cov ntseeg yuav tsum ua lawv le kevcai
26 Cov kwvtij, mej paub tej kws kuv has hov yog kuv has txug daabtsw los tsw paub. Thaus mej tuaj nyob ua ke noog lug qhuab qha, muaj qee leej coj suavdawg hu nkauj, muaj qee leej qhuab qha, muaj qee leej pav tej lug kws Vaajtswv kuas puab qha, muaj qee leej has lug txawv txawv, muaj qee leej txhais tej lug txawv txawv hov. Mej yuav tsum ua ib puas tsaav yaam nuav kuas cov ntseeg kheev hlub huv Vaajtswv. 27 Yog muaj tuabneeg xaav has lug txawv txawv, tes mej tsuas kheev ob leeg los peb leeg has xwb, ca ib leeg has taag ib leeg le maav has. Hab yuav tsum muaj ib tug txhais tej lug kws puab has hov. 28 Yog tsw muaj tuabneeg txawj txhais, tes mej tsw xob kheev leejtwg has. Yog puab xaav has, ca puab has tuab ywv huv puab lub sab hab has tsua Vaajtswv xwb. 29 Cov tuabneeg kws cev Vaajtswv lug, mej tsuas kheev ob leeg los peb leeg has xwb, dua le tej mas kuas suavdawg tshuaj saib tej lug hov yog Vaajtswv le los tsw yog. 30 Kuas yog Vaajtswv kuas cov tuabneeg kws tuaj nyob noog ntawm ib tug cev Vaajtswv lug, tes mej ca le kuas tug kws saamswm has tso tseg es ca tug hov has. 31 Mej cov kws cev Vaajtswv lug, mej ib leeg yuav tsum ca ib leeg has taag tsaiv ib leeg le maav has, cov kws noog txha kawm tau, hab tej kws mej has hov txha txhawb tau suavdawg tug zug. 32 Tug kws cev Vaajtswv lug yuav tsum tswj nwg lub sab. 33 Tsua qhov Vaajtswv yeej tsw kheev peb ua dog ua dig, nwg xaav kuas peb ua lawv le nwg txuj kevcai, sub txha tsw muaj kev ntxhuv. Txhua qhov kws cov ntseeg tuaj nyob ua ke noog lug qhuab qha, 34 cev quaspuj yuav tsum nyob tuab ywv noog, mej tsw xob kheev quaspuj has lug. Lawv le tub muaj lug sau ca tsua huv cov Yutai txuj kevcai has tas, quaspuj tsw muaj feem ua tug saib cov ntseeg. 35 Yog cov quaspuj xaav nug le nuav le u, tes kuas puab nyag nug nyag tug quasyawg tom tsev. Thaus suavdawg saamswm noog lug qhuab qha tsw tswm nyog quaspuj yuav has lug. 36 Mej xaav has tas, Vaajtswv xub muab Vaajtswv txujlug tsua mej nua los. Hab mej xaav has tas, mej tuab co txha le paub Vaajtswv txujlug xwb nua los. 37 Yog leejtwg xaav has tas, nwg yog tug kws coj Vaajtswv txujlug tuaj qha, lossws xaav has tas, Vaajtswv tug Ntsuj Plig tub pub ib yaam tswvyim tsua nwg lawm, nwg yeej yuav paub has tas, tej kws kuv sau tuaj tsua mej nuav puav leej yog Vaajtswv le lug. 38 Kuas tug kws tsw quav ntsej tej nuav mej tsw xob quav ntsej tug hov hlo le. 39 Yog le ntawm cov kwvtij, mej yuav tsum muab tsua sau sab thov Vaajtswv pub tswvyim tsua mej cev Vaajtswv lug, kuas yog muaj tuabneeg xaav has lug txawv txawv mej tsw xob txwv. 40 Txhua yaam kws mej ua mej yuav tsum ua kuas zoo tsw xob laam ua dog ua dig, yuav ua lawv le Vaajtswv kevca i.
Vaajtswv tsaa Yexu sawv huv qhov tuag rov lug
1 Cov kwvtij, kuv xaav kuas mej ncu ntsoov txuj xuv zoo kws kuv tub qha tsua mej, ais mej txais yuav lawm. Txawm yog naj nub nwgnuav los mej tseem muab tsua sau sab ntseeg le qub. 2 Yog mej ncu ntsoov txuj xuv zoo kws kuv qha tsua mej ntawm mej yeej yuav dim mej lub txem, ntshai yog mej tsua tsw ntseeg tag tag xwb laub. 3,4 Tej lug kws Vaajtswv muab tsua kuv qha mej lawm tub yog tej kws tseem ceeb kawg le. Tej lug hov has tas, Yexu Kheto tuag theej peb suavdawg, hab has tas, luas muab nwg log ca, mas peb nub Vaajtswv tsaa nwg sawv huv qhov tuag rov lug. Yeej muaj lug sau ca tsua huv Vaajtswv phoo ntawv has txug tej nuav hab. 5 Hab tej kws kuv tub qha mej lawm has le nuav has tas, nwg lug tsua Pestus pum hab lug tsua Pestus puab kaum ob leeg kws yog tubkhai pum. 6 Hab dhau hov ntawm nwg tsua lug tsua cov ntseeg tswb puas tawm leej pum. Naj nub nwgnuav cov tuabneeg kws pum nwg tshuav coob coob tseem nyob, tsuas yog muaj qee leej tuag lawm xwb. 7 Dhau hov ntawm nwg lug tsua Yakaupau pum, hab dhau hov ntawm nwg lug tsua cov tubkhai suavdawg pum. 8 Zag kawg nwg lug tsua kuv pum. Kuv zoo le tug mivnyuas kws tseem tsw tau txug caij yug txawm ca le yug lawm. 9 Kuv yog tug kws muaj fwjchim yau dua cov tubkhai huvsw. Tsw tswm nyog kuv yuav tau lub npe hu ua tubkhai, tsua qhov yaav tom ntej kuv tswm txom Vaajtswv cov tuabneeg heev kawg le. 10 Naj nub nwgnuav mej pum kuv zoo tsw thooj yaav tom ntej lawm tsua qhov Vaajtswv foom koob foom moov tsua kuv. Txuj koob txuj moov kws Vaajtswv pub tsua kuv hov tsw yog txuj kws tsw muaj qaabhau. Yeej muaj qaabhau heev kawg le. Kuv ua num khwv dua cov tubkhai huvsw, tsw yog kuv muab kuv tug daag tug zug ua, kuas yog Vaajtswv foom koob foom moov tsua kuv, kuv txha ua tau. 11 Txawm yog tej kws mej nov kuv qha los yog, puab qha los yog, peb puav leej qha ib yaam nkaus. Tej hov yog tej kws mej tub ntseeg hab tso sab tsua lawm.
Vaajtswv yuav tsaa cov ntseeg sawv rov lug
12 Peb tub qha tsua mej lawm tas, Vaajtswv tsaa Yexu Kheto sawv huv qhov tuag rov lug lawm. Yog le ntawm ua caag mej cov tseem muaj qee leej has tas, cov tuabneeg kws tuag lawm sawv tsw tau huv qhov tuag rov lug. 13 Yog ua le puab has ntawm tes kuj yog has tas, Vaajtswv tsw tau tsaa Yexu Kheto sawv huv qhov tuag rov lug. 14 Yog Vaajtswv tsw tau tsaa Yexu Kheto sawv huv qhov tuag rov lug tag, tes tej kws peb qha hab tej kws mej ntseeg puav leej tsw muaj qaabhau le. 15 Hab tsw yog le hov xwb, suavdawg tseem yuav pum has tas, qhov kws peb qha Vaajtswv txujlug yog peb daag xwb, tsua qhov peb qha tas, Vaajtswv tsaa Yexu sawv huv qhov tuag rov lug. Yog muaj tseeb lawv le kws puab has tas, tej tuabneeg tuag lawm sawv tsw tau huv qhov tuag rov lug, tes kuj yog Vaajtswv tsw tau tsaa Yexu sawv huv qhov tuag rov lug, 16 tsua qhov yog cov tuabneeg kws tuag lawm sawv tsw tau rov lug, tes Vaajtswv yeej tsw tau tsaa Yexu Kheto sawv rov lug. 17 Yog Vaajtswv tsw tau tsaa Yexu Kheto sawv rov qaab lug, tes tej kws mej ntseeg yeej tsw muaj qaabhau daabtsw hlo le, mej tseem muaj txem le qub. 18 Hab cov ntseeg kws tub tuag lawm los puab yuav ca le puam tsuaj moog xwb. 19 Yog qhov kws peb vaam Yexu Kheto tsuas paab tau thaus peb tseem ua neej nyob xwb, tes peb yimfuab yuav txom nyem heev dua le tej tuabneeg kws nyob huv nplajteb nuav huvsw. 20 Kuas qhov tseeb Vaajtswv tub tsaa Yexu Kheto sawv huv qhov tuag rov lug lawm. Vaajtswv ua le ntawm kuas suavdawg paub tseeb has tas, Vaajtswv yuav tsaa cov tuabneeg kws tuag lawm sawv rov lug hab. 21 Tub yog vem muaj ib tug ua txhum suavdawg txha le raug kev pluj kev tuag. Hab tub yog vem ib tug sawv huv qhov tuag rov lug lawm, suavdawg txha le sawv tau ib yaam nkaus le tug ntawm. 22 Suavdawg muaj kev pluj kev tuag tsua qhov suavdawg yog Ataa le roj ntshaa. Ib yaam nkaus le hov suavdawg yuav tau sawv huv qhov tuag rov lug, tsua qhov suavdawg nrug Yexu Kheto koom ua ib txujsa. 23 Tej hov yuav muaj ib yaam ib yaam zuj quas zug. Yexu Kheto yog tug kws xub sawv ua ntej, mas thaus Yexu Kheto rov lug cov kws ntseeg le maav sawv. 24 Dhau hov ntawm yog lub swmhawm kawg. Yexu Kheto yuav txu txhua tug fwjchim kws kaav huv qaab ntuj nuav tsw has tuabneeg le hab daab le huvsw. Nwg yuav muab ib puas tsaav yaam fwjchim hov tso tsua Vaajtswv kws yog nwg. txwv tuav taag nrho huvsw. 25 Tsua qhov Yexu Kheto yeej yuav kaav moog txug thaus Vaajtswv muab ib puas tsaav yaam yeeb ncuab huvsw tsua Yexu Kheto tsuj. 26 Txujkev tuag yog tug yeeb ncuab kws thaus kawg Vaajtswv yuav muab rhuav pov tseg. 27 Muaj lug sau ca tsua huv Vaajtswv phoo ntawv has tas, Vaajtswv muab ib puas tsaav yaam huvsw lug tsua nwg tsuj. Kuas lu lug kws has tas ib puas tsaav yaam hov, tsw yog has txug Vaajtswv kws muab ib puas tsaav yaam tsua Yexu Kheto tsuj. 28 Thaus Vaajtswv muab ib puas tsaav yaam tsua Yexu Kheto tsuj lawm, tes Yexu Kheto kws yog Vaajtswv tug tub nwg yuav ca Vaaj- tswv kaav nwg. Vaajtswv yog tug kws muab ib puas tsaav yaam tsua Yexu tsuj. Thaus kawg Vaajtswv yuav ua tug kws kaav taag nrho ib puas tsaav yaam huvsw. 29 Cov tuabneeg kws rov ua kevcai raus dej paab cov kws tuag lawm, puab xaav le caag es puab yuav ua le hov. Yog muaj tseeb lawv le tej lug kws puab has tas, cov tuabneeg kws tuag lawm sawv tsw tau rov lug, tes puab tseem yuav ua kevcai raus dej moog paab cov kws tuag lawm ua daabtsw, 30 hab peb tseem pheej yuav tiv quas qeeg kev txom nyem ua daabtsw. 31 Cov kwvtij, kuv naj nub ntswb kev pluj kev tuag. Mej hab kuv puav leej nrug Yexu Kheto koom ua ib txujsa, kuv txha muaj cuab kaav has le nuav qha mej, tsua qhov kuv zoo sab tsua mej heev. 32 Yog kuv has tej lug kws suavdawg nyam has, tes kuv yuav has tas, kuv tawm tsaam tej tsaj nyaum nyaum kws nyob huv lub moos Efexau nuav. Kuv tawm tsaam le nuav kuv tau daabtsw. Yog cov tuabneeg kws tuag lawm sawv tsw tau huv qhov tuag rov lug, tes peb ca le ua lawv le tej lug kws suavdawg ib txwm has tas, peb noj tag haus tag, tsua qhov peb tsw paub sov nub twg peb yuav tuag. 33 Tsw xob kheev leejtwg ntxag tau mej. Tug zoo moog nrug tug kws ua phem nyob ua ke, tes nwg yeej yuav ua phem le tug ntawm ua. 34 Mej yuav tsum tso plhuav mej tej kev txhum tseg es ua tuabneeg zoo. Mej cov muaj qee leej tsw tau paub Vaajtswv. Kuv has le nuav nyab mej yuav paub txaaj muag.
Lub cev kws plhis tshab zoo le caag
35 Ntshai yuav muaj tuabneeg nug has tas, cov tuabneeg kws tuag lawm yuav ua le caag sawv tau rov lug. Yog puab sawv tau rov lug puab lub cev tsua yuav zoo le caag. 36 Ua caag mej yuav ruag ua luaj le. Thaus mej muab tej noob qoob noob loos cog tsua huv aav, yog tej noob ntawm tsw lwj yeej tuaj tsw taug kaug ib zag le. 37 Tej noob kws mej nqaa moog cog hov tsw has noob nplej lossws lwm yaam noob, mej yeej tsw tau muab ib tsob nam moog cog, mej tsuas muab tej nyuas noob moog cog xwb. 38 Vaajtswv ua kuas tej noob ntawm muaj nplooj muaj kaav lawv le Vaajtswv pum zoo. Hab Vaajtswv pub txhua yaam noob nyag muaj nyag nplooj nyag kaav lawv le nyag yaam noob. 39 Tuabneeg tej nqaj hab tsaj tej nqaj yeej zoo tsw sws thooj. Tuabneeg hab tej tsaj hab nyuas naag nyuas noog hab ntseg los nyag puav leej muaj nyag ib yaam nqaj. 40 Mas tuabneeg qaum ntuj lub cev zoo tsw thooj le tuabneeg nplajteb lub cev. Tuabneeg qaum ntuj hab tuabneeg nplajteb nyag zoo nkauj zoo nraug lawm nyag ib yaam. 41 Lub nub lub hlis hab tej nub qub nyag ci nyag lawm ib yaam. Txawm yog tej nub qub los ib lub ci tsw thooj ib lub hab. 42 Ib yaam nkaus le hov peb cov kws nwgnuav tseem ua neej nyob peb lub cev txawj laug txawj tuag. Kuas thaus Vaajtswv tsaa peb sawv huv qhov tuag rov lug lawm, peb yuav muaj lub cev kws tsw txawj laug tsw txawj tuag. 43 Lub cev tuag kws luas muab log yeej tsw zoo nkauj hab tsw muaj zug. Kuas thaus Vaajtswv tsaa sawv rov lug lawm, lub cev ntawm yuav zoo nkauj hab muaj zug. 44 Lub cev tuag kws luas muab log yog lub kws muaj roj muaj ntshaav. Kuas-thaus Vaajtswv tsaa sawv rov lug lawm mas muaj lub cev tshab. Yog tub muaj lub cev qub lawm yeej yuav muaj lub cev tshab hab. 45 Muaj lug sau ca tsua huv Vaajtswv phoo ntawv has tas, Ataa yog thawj tug kws Vaajtswv rau sav rau paa tsua kuas caj sa. Kuas tug Ataa kws lug tom kawg yog tug kws cawm tuabneeg txujsa. 46 Vaajtswv xub pub tuabneeg muaj lub cev kws muaj roj muaj ntshaav, tom qaab nwg le maav pub tuabneeg muaj lub cev tshab. 47 Vaajtswv muab moov aav lug puab thawj tug Ataa, kuas tug Ataa ob yog tug kws lug sau ntuj lug. 48 Tuabneeg nplajteb zoo ib yaam le tug kws Vaajtswv muab moov aav lug puab, kuas tuabneeg qaum ntuj zoo ib yaam le tug kws lug sau ntuj lug. 49 Peb tub tau tug yaam ntxwv zoo le tug kws Vaajtswv muab moov aav lug puab lawm, tes peb yeej yuav tau tug yaam ntxwv zoo le tug kws lug sau ntuj lug. 50 Cov kwvtij, kuv has le hov yog kuv has tas, lub cev kws muaj roj muaj ntshaav yeej tsw tau moog nyob huv Vaajtswv lub tebchaws hlo le. Yaam kws txawj pluj txawj tuag yeej nyob tsw tau moog i b txhws. 51,52 Mej ca le ua tuab zoo noog, kuv yuav qha ib zaaj kws mej' tsw tau nov dua tsua mej noog. Tsw yog peb txhua tug yuav tuag taag huvsw, kuas thaus tshuab raaj tshuab xyu zag kawg, tuab plag tuab ntsais muag xwb peb txhua tug lub cev yuav plhis dua tshab taag nrho huvsw Tsua qhov thaus suab raaj suab xyu nrov, Vaajtswv yuav tsaa cov tuabneeg kws tuag lawm sawv rov qaab lug. Peb txhua tug yuav plhis dua tshab taag nrho huvsw hab peb puav leej yuav muaj lub cev kws tsw txawj tuag. 53 Tsua qhov Vaajtswv yuav muab lub cev kws txawj pluj txawj tuag plhis ua lub kws tsw txawj pluj tsw txawj tuag. 54 Yog le ntawm thaus Vaajtswv muab lub cev kws txawj pluj txawj tuag plhis ua lub kws tsw txawj pluj tsw txawj tuag lawm, tes yuav muaj lawv le tej lug kws sau ca tsua huv Vaajtswv phoo ntawv has tas, kev pluj kev tuag tub poob pluj taag nrho huvsw lawm. 55 Txujkev tuag koj swb lawm lauj. Txujkev tuag koj tej taug tsuag taag lawm lauj. 56 Yog tuabneeg muaj txem, txujkev tuag txha muaj taug yuam tuabneeg. Yog tsw muaj Vaajtswv txuj kevcai, txujkev txhum yeej yuav tsw muaj fwjchim yuam tuabneeg. 57 Peb ca le ua Vaajtswv tsaug tsua qhov Vaajtswv tub kuas peb tug tswv Yexu Kheto paab peb kov yeej lawm. 58 Yog le ntawm cov kwvtij kws kuv hlub, mej yuav tsum muab tsua sau sab ntseeg tag tag tsw xob ua tuabneeg ywj faab ywj fwj. Mej yuav tsum naj nub rau sab ntso ua Vaajtswv teg num tsua qhov'mej tub paub lawm tas, tej num kws mej ua hov puav leej muaj qaabhau huvsw, tsw muaj ib yaam kws yuav tsw muaj qaabhau.
Sau nyaj paab cov ntseeg
1 Nwgnuav kuv yuav has txug tej nyaj kws mej yuav muab moog paab cov ntseeg kws nyob nraag Yutai tebchaws. Mej yuav tsum ua ib yaam le tej kws kuv kuas cov ntseeg kws nyob huv Kalata tebchaws ua. 2 Txhua nub Athib mej suavdawg nyag yuav tsum muab nyag tej nyaj kws nyag khwv tau mivntswv khaws ca. Tug kws tau ntau kuj muab ntau, tug kws tau tsawg kuj muab tsawg. Yog mej ua le ntawm thaus kuv tuaj txug tsw txug yuav sau lawm. 3 Thaus kuv tuaj txug tim mej, kuv yuav khaiv cov tuabneeg kws mej tub xaiv ca lawm xaa ntawv hab xaa mej cov nyaj moog lawm nraag lub nroog Yeluxalee. 4 Kuv xaav has tas, tswm nyog kuv moog hab, mas kuv yuav coj puab moog.
Povlauj yuav moog tim lub moos Kauleethau
5 Kuv yuav xub moog peg Makatauna tebchaws tsaiv kuv le maav lug peg lug saib mej, kuv yeej yuav tuaj peg tuaj moog. 6 Thaus kuv tuaj txug tim mej nyab kuv yuav nrug mej nyob ib ntus. Tej zag kuv yuav nyob dhau lub caij ntuj no los tsw paub. Dhau hov ntawm yog kuv xaav moog hov twg mej yeej yuav paab xaa kuv moog. 7 Tsua qhov kuv tsw xaav tuaj pum mej ib plag xwb ais ca le hlaa dhau plhawv moog. Yog Vaajtswv pum zoo kuv yeej yuav nrug mej nyob ib ntus. 8 Kuas kuv yuav nyob huv lub moos Efexau nuav moog txug nub kws suavdawg ua kevcai Pheethe-khoxate. 9 Tsua qhov nwgnuav Vaajtswv saamswm qheb qhov rooj tsua kuv ua tej num kws tseem ceeb hab muaj qaabhau heev. Txawm yog le ntawm los tseem muaj ntau leej tawm tsaam kuv. 10 Yog Timaute tuaj saib mej, mej ca le paab nwg, tsua qhov nwg yog ib tug kws ua Vaajtswv teg num ib yaam le kuv. 11 Mej suavdawg yuav tsum fwm nwg tsw xob saib tsw taug nwg. Mej yuav tsum paab xaa nwg lug tsw xob kheev ib yaam daabtsw taab kaum nwg, nwg txha le rov lug txug kuv. Tsua qhov kuv naj nub tog nwg, hab tog cov kwvtij kws nrug nwg tuaj. 12 Nwgnuav kuv yuav has txug peb tug kwv Apaulau. Kuv naj nub kuas nwg nrug cov kwvtij kws nyob tim nuav tuaj saib mej, kuas nwg tseem tsw tau paub tseeb has tas, sov yuav zoo tuaj los tsw zoo. Txawm yog le caag los thaus nwg kwg nwg yeej yuav tuaj saib mej.
Povlauj xaa xuv tsua cov ntseeg
13 Mej yuav tsum naj nub ceev faaj hab saib qaabhau, hab muab tsua sau sab ntseeg, ua sab tuab, hab ua cov tuabneeg kws muaj zug quas npho. 14 Ib puas tsaav yaam kws mej ua mej yuav tsum sws paab ib tug hlub ib tug. 15 Nyab mej yuav ncu ntsoov Xatefana hab nwg tsev tuabneeg. Cov tuabneeg kws nyob huv Kili tebchaws, mas Xatefana tsev tuabneeg yog cov kws xub lug ntseeg. Puab zoo sab muab puab tug daag tug zug paab cov kws ntseeg Vaajtswv. 16 Cov kwvtij, kuv thov qha mej has tas, mej yuav tsum noog cov tuabneeg kws ua le ntawm tej lug, hab noog cov tuabneeg kws tuaj paab puab ua num tej lug. 17 Txawm yog kuv tsw tau pum mej los kuv zoo sab kawg le tsua qhov Xatefana, hab Fautunatau hab Akha-ikau puab tuaj saib kuv. 18 Puab ua tsua kuv zoo sab ib yaam le puab ua tsua mej zoo sab. Tswm nyog mej fwm cov tuabneeg kws ua le ntawm. 19 Cov ntseeg kws nyob huv Axia tebchaws has tas, puab ncu ncu mej. Akula ob nam txwv hab cov ntseeg kws tuaj noog lug qhuab qha huv ob tug tsev has tas, puab ncu ncu mej. 20 Cov ntseeg kws nyob tim nuav puab has tas, puab ncu ncu mej hab. Tswm nyog mej ib leeg hlub ib leeg tag tag. 21 Lu lug kws has tas, Povlauj ncu ncu mej, tub yog kuv txhais teg sau ntaag. 22 Thov Vaajtswv foom tsw zoo tsua tug kws tsw noog Vaajtswv lug. --Malanatha. Peb tug tswv koj ca le lug. 23 Thov peb tug tswv Yexu foom koob foom moov tsua mej txhua tug. 24 Kuv hlub mej tsua qhov peb suavdawg puav leej ntseeg Yexu Kheto.
1 Kuv yog Povlauj kws Vaajtswv pum zoo tsaa ua Yexu Kheto ib tug tubkhai. Kuv hab peb tug kwv Timaute sau tsaab ntawv nuav xaa tuaj tsua mej txhua tug ntseeg kws nyob huv lub moos Kauleethau, hab xaa tsua Vaajtswv cov tuabneeg kws nyob tsua txhua qhov huv Kili tebchaws. 2 Thov Vaajtswv kws yog peb leej txwv hab peb tug tswv Yexu Kheto foom koob foom moov tsua mej hab paab kuas mej tau nyob kaaj sab quas lug.
Povlauj ua Vaajtswv tsaug
3 Peb ca le ua Vaajtswv kws yog Yexu Kheto leej txwv tsaug. Leej txwv yog tug kws hlub peb hab naj nub paab peb. 4 Txhua zag kws peb muaj kev txom nyem ntxhuv sab mas nwg paab peb, sub peb txha txawj paab cov tuabneeg kws muaj ntau yaam kev txom nyem ntxhuv sab. Peb paab puab ib yaam le kws Vaajtswv tub paab peb lug lawm. 5 Peb cov kws ua Yexu Kheto teg num, txawm yog peb muaj kev txom nyem ntxhuv sab heev los peb paub has tas, Yexu Kheto yeej yuav paab peb heev ib yaam nkaus. 6 Qhov kws peb raug kev txom nyem yeej yuav paab tau kuas mej dim. Qhov kws Vaajtswv paab peb yeej yog paab mej, hab ua tsua mej ua tau sab ntev thev taug kev txom nyem ib yaam le peb tub thev lug lawm. 7 Yog le hov peb txha ca sab tau tsua mej. Tsua qhov peb paub has tas, mej cov kws raug kev txom nyem ib yaam le peb, Vaajtswv yeej yuav paab mej ib yaam le nwg paab peb. 8 Cov kwvtij, peb xaav kuas mej paub has tas, thaus peb moog peg Axia tebchaws peb raug kev txom nyem heev kawg le, peb tub yuav nyaj tsw taug tuab tag, peb xaav has tas, peb yeej yuav tuag xwb. 9 Thaus hov peb zoo le cov tuabneeg muaj txem kws luas yuav caab moog tua pov tseg. Vaajtswv ca peb raug kev txom nyem le ntawm sub peb txha tsw xob ca sab tsua peb tug tswvyim, ais kuas peb ca sab tsua Vaajtswv kws tsaa tau cov tuabneeg tuag sawv rov lug. 10 Nwg paab peb dim txujkev tuag kws txaus ntshai kawg le. Nwg yeej yuav rov paab peb hab. Peb ca sab has tas, nwg tseem yuav paab peb lawm yaav tom hauv ntej hab, 11 tsua qhov mej yuav naj nub thov Vaajtswv paab peb. Yog mej ua le ntawm Vaajtswv yuav teb tej lug kws mej thov, hab nwg yuav foom koob foom moov tsua peb. Thaus puab pum Vaajtswv paab peb yuav muaj ntau leej ua Vaajtswv tsaug.
Povlauj txauv swmhawm moog saib cov ntseeg
12 Peb yeej khaav tau has tas, peb lub sab qha tsua peb paub tas, peb ua peb lub neej huv nplajteb nuav peb ua ncaaj ua nceeg hab ua sab dawb. Thaus peb nrug mej nyob mej puav leej pum le ntawm. Tub yog Vaajtswv paab peb, peb txha ua tau le hov, tsw yog peb ua lawv le peb tug tswvyim. 13,14 Tej kws peb sau tuaj tsua mej, peb tsuas sau tej kws mej nyeem tau hab nkaag sab xwb. Tej kws nwgnuav mej tsw tau paub tseeb, lwm nub mej yuav paub tseeb. Yog mej paub tseeb lawm, thaus txug nub kws peb tug tswv rov lug mej txha ua tsua peb tau ntsej muag ib yaam le peb ua tsua mej tau ntsej muag. 15 Kuv yeej paub has tas, mej puav leej to taub tej nuav huvsw kuv txha xaav has tas, kuv yuav xub tuaj saib mej kuas mej tau koob tau moov ob zag. 16 Tsua qhov kuv yeej xaav has tas, thaus kuv tuaj moog peg Makatauna tebchaws kuv yuav tuaj saib mej, hab thaus kuv rov peg lug kuv yuav lug saib mej dua ib zag. Kuv xaav kuas mej paab xaa kuv moog lawm nraag Yutai tebchaws. 17 Thaus kuv tsw ua lawv le kuv has, mej xaav has tas, kuv yog nam tuabneeg ua dog ua dig los. Lossws mej xaav has tas, kuv yog tuabneeg ncauj qaab zwb nplaig qaab ntse teg taw tuag zawv los. 18 Muaj Vaajtswv nyob sau nov tej lug kws kuv has tsua mej. Kuv yeej tsw tau has tas, ua, ua, kuas tsua tsw ua. 19 Tsua qhov Vaajtswv tug tub Yexu Kheto kws kuv hab Xila hab Timaute peb peb leeg qha tsua mej, nwg tsw yog tug kws has tas, ua, ua, kuas tsua tsw ua. Nwg yeej ua lawv le tej lug kws nwg has. 20 Tej kws Yexu ua puav leej lawv le tej lug kws Vaajtswv cog tseg. Thaus peb cov ntseeg Yexu Kheto has tas, amee, tub yog peb ua tsua Vaajtswv tau koob meej. 21 Vaajtswv yog tug kws ua tsua peb hab mej paub tseeb has tas, peb txhua tug puav leej nrug Yexu Kheto koom ua ib txujsa. Vaajtswv tsaa peb ua Vaajtswv teg num. 22 Nwg ntaus cim tsua peb kuas suavdawg paub has tas, peb yog nwg cov, hab nwg pub nwg tug Ntsuj Plig tsua peb. Qhov kws nwg ua le hov yog ib qho tseem ceeb kws qha tsua peb paub has tas, peb yuav tau tej kws nwg khaws ca tsua peb. 23 Vaajtswv yeej paub kuv lub sab, kuv txha thov nwg ua kuv tug timkhawv. Kuv txhob txwm tsw tuaj saib mej tsua qhov kuv tsw xaav tshev mej, tsaam tes ua tsua mej ntxhuv sab heev. 24 Peb tsw tau yuam mej ntseeg le nuav le u tsua qhov mej tub muab tsua sau sab ntseeg lawm, kuas peb paab kuas mej tau nyob kaaj sab quas lug xwb.
1 Yog le ntawm kuv txha txav sab has tas, tsw xob tuaj ua tsua mej ntxhuv sab. 2 Tsua qhov yog kuv ua tsua mej ntxhuv sab lawm leejtwg yuav ua tsua kuv zoo sab. Tsuas yog mej cov kws kuv ua tsua ntxhuv sab lawm txha le ua tsua kuv zoo sab xwb. 3 Tub yog vem le nuav kuv txha sau tsaab ntawv u tuaj tsua mej. Thaus hov kuv tsw tuaj tsua qhov kuv ntshai tsaam mej cov kws tub tswm nyog ua tsua kuv zoo sab yuav ua tsua kuv ntxhuv sab. Kuv paub tseeb has tas, thaus kuv zoo sab mej yeej yuav zoo sab hab. 4 Thaus kuv sau tsaab ntawv hov tsua mej, kuv ntxhuv sab heev hab lug kuv kua muag kawg le. Kuv sau le ntawm tsw yog kuv yuav ua tsua mej ntxhuv sab, kuas kuv xaav kuas mej paub has tas, kuv hlub mej kawg nkaus le.
Cov ntseeg yuav zaam txem tsua tug ua txhum
5 Yog mej ib tug ua tsua ib tug ntxhuv sab, tsw yog tug ntawm ua txhum tsua kuv, yog nwg ua txhum tsua mej. Kuv has le nuav ntshai kuv has nyaav heev lawm. Tej zag tug hov ua txhum qee leej xwb. 6 Kuv xaav has tas, mej cov kws rau txem tsua tug ntawm mej tub rau txaus lawm. 7 Txawm yog le caag los xwj. Nwgnuav mej yuav tsum zaam txem tsua tug ntawm hab ua tuab zoo ntuag nwg hab txhawb nwg tug zug, ntshai tsaam nwg tej kev ntxhuv sab ua tsua nwg tso Vaajtswv tseg. 8 Yog le ntawm kuv txha thov mej ua tuab zoo has nwg kuas nwg paub tseeb has tas, mej hlub nwg. 9 Tub yog vem le nuav kuv txha sau tsaab ntawv u tuaj tsua mej. Kuv xaav swm saib mej yuav noog kuv lug los tsw noog. 10 Thaus mej zaam leejtwg lub txem kuv yeej zaam tug ntawm lub txem ib yaam nkaus. Kuv zaam txem tsua nwg kuas sov nwg tau ua txhum kuv los tsw tau. Txawm yog le caag los xwj, kuv zaam txem tsua nwg tsua qhov Yexu Kheto yeej pum zoo kuv ua le ntawm paab mej. 11 Kuv ua le ntawm kuas Daab Ntxwg Nyoog txha tsw muaj chaw ntxag tau peb, tsua qhov peb tub paub daab tej nam daag num taag lawm.
Povlauj ntxhuv sab huv Rhau-a
12 Thaus kuv moog txug huv lub moos Rhau-a kuv yuav qha txuj xuv zoo kws has txug Yexu Kheto. Kuv pum has tas, Vaajtswv tub qheb kev tsua kuv ua num huv lub moos hov lawm. 13 Txawm yog le hov los kuv ntxhuv sab heev tsua qhov peb tug kwv Titau tsw nyob peg tog kuv, tes kuv txawm ca le moog tim Makatauna tebchaws lawm.
Peb yog Yexu Kheto cov tub qhe
14 Peb ca le ua Vaajtswv tsaug, tsua qhov Vaajtswv naj nub coj peb cov kws ua Yexu Kheto le qhev lawm txuj hau kev. Peb lawv Yexu qaab ib yaam le cov tuabneeg kws poob cev qhev es puab lawv tug kws ntaus yeej puab qaab moog. Vaajtswv khaiv peb moog qha Yexu Kheto txujlug tsua txhua tsaav tuabneeg. Peb zoo ib yaam le tej paa tshuaj tsw-qaab kws tsw thoob plhawv tsua hov txhua hov chaw. 15 Tsua qhov peb zoo le tej paa tshuaj tsw-qaab kws Yexu Kheto muab hlawv nchu moog tsua Vaajtswv. Tej paa hov nchu moog tsua cov tuabneeg kws saamswm yuav dim, hab nchu tsua cov tuabneeg kws saamswm yuav puam tsuaj. 16 Cov tuabneeg kws saamswm yuav raug kev puam tsuaj puab has tas, tej paa hov yog tej kws yuav ua tsua puab raug kev pluj kev tuag. Kuas cov tuabneeg kws saamswm yuav dim puab has tas, tej paa hov yog tej kws yuav ua tsua puab tau txujsa ntev moog ib txhws tsw kawg. Leejtwg txha le tswm nyog ua teg num nuav. 17 Peb tsw ua le tej nam tuabneeg kws muab Vaajtswv txujlug coj moog muag noj muag haus. Kuas yog Vaajtswv tsaa peb ua Yexu Kheto cov tub qhe peb txha qha ncaaj qha nceeg, tsua qhov peb paub has tas, Vaajtswv saib ntsoov peb.
Vaajtswv txuj kevcai tshab
1 Mej xaav has tas, peb has le hov yog peb khaav theeb los. Peb yuav tsum kuas luas sau ntawv qha peb tsua mej, lossws kuas mej sau ntawv qha peb tsua luas ib yaam le muaj tuabneeg naj 'zag ua. Mej kuas peb ua le ntawm los. 2 Mej tub yog peb tsaab ntawv kws muab sau tsua huv peb lub sab ntaag. Suavdawg puav leej nyeem tau hab puav leej paub. 3 Suavdawg pum tseeb has tas, Yexu Kheto yog tug kws sau tsaab ntawv hov, peb yog cov kws xaa. Tsw yog nwg muab kua mem lug sau tsua ntawm daim txag zeb, kuas yog nwg muab Vaajtswv kws muaj txujsa nyob tug Ntsuj Plig lug sau tsua huv tuabneeg lub sab. 4 Peb has le nuav tsua qhov Yexu Kheto ua tsua peb tso sab tau tsua Vaajtswv. 5 Peb yeej tsw tau khaav has tas, peb muaj tswvyim ua tej num nuav. Vaajtswv paab peb peb txha ua tau. 6 Tsua qhov Vaajtswv yog tug kws pub tswvyim tsua peb qha txuj kevcai tshab. Txuj kevcai ntawm tsw tau qha has tas, tuabneeg yuav tsum xyum coj lawv le tej npe ntawv kws luas sau ca. Kuas qha has tas, Vaajtswv tug Ntsuj Plig yuav paab peb. Tej kevcai kws nyob huv ntawv yuav ua tsua tuabneeg raug kev pluj kev tuag, kuas Vaajtswv tug Ntsuj Plig yuav cawm tuabneeg txujsa. 7 Vaajtswv txuj kevcai luas muab txaug ua ib lus ib lus tsua ntawm daim txag zeb. Thaus chiv muaj txuj kevcai hov suavdawg pum Vaajtswv tug fwjchim ci ntsaa quas ab. Txawm yog tug fwjchim hov pluj quas zug los Mauxe lub ntsej muag tseem ci heev kawg le, cov Yixayee saib tsw tau qhov ci hov hlo le. Thaus Vaajtswv qha Vaajtswv txuj kevcai tsua Mauxe, suavdawg puav leej pum Vaajtswv tug fwjchim. Txawm yog le hov los txuj kevcai tseem ua tsua cov tuabneeg kws xyum ua lawv txuj kevcai raug kev pluj kev tuag. 8 Yog le ntawm thaus suavdawg xyum ua lawv le tej kws Vaajtswv tug Ntsuj Plig qha, tes suavdawg yimfuab yuav pum Vaajtswv tug fwjchim heev dua. 9 Yog txuj kevcai kws ua tsua tuabneeg raug txem tub zoo npaum le hov, tes txuj kevcai kws qha has tas, tuabneeg tsw muaj txem tseem yimfuab yuav zoo heev dua hab. 1C Nyab peb yuav has tas, tug fwj*chim kws naj nub nwgnuav ci ntsaa quas ab tub ua tsua tug fwjchim thau u tsw ci lawm. 11 Yog yaam kws nyob ib nyuas ntu xwb tub muaj fwjchim, tes yaam kws nyob moog ib txhws yimfuab yuav muaj fwjchim luj dua yaam hov hab. 12 Tub yog vem mej muaj chaw ca sab le hov peb txha muaj sab tuab qha Vaajtswv txujlug tsw ntshai leejtwg le. 13 Peb tsw ua le Mauxe kws yuav tsum muab ntaub npug lub plhu, es tsw kheev cov Yixayee pum thaus nwg lub plhu kws ci ntsaa quas ab nphob quas zug. 14 Puab lub sab tawv, txawm yog naj nub nwgnuav los thaus puab nyeem Vaajtswv tej ntawv kws has txug txuj qub kevcai, daim ntaub hov tseem npug quas nreeg puab lub sab. Tsuas yog tug kws ntseeg Yexu Kheto txha le tsw muaj daim ntaub hov npug lub sab lawm xwb 15 Txawm yog naj nub nwgnuav los thaus cov Yixayee nyeem Mauxe tej kevcai daim ntaub hov tseem npug quas nreeg puab lub sab. 16 Kuas tub muab daim ntaub ntawm yaws lawm. Lawv le muaj lug sau ca tsua huv Vaajtswv phoo ntawv has txug Mauxe has tas, txhua zag kws Mauxe tig xub ndag moog tsua ntawm tug tswv mas tub muab daim ntaub kws npug Mauxe lub plhu yaws lawm. 17 Lu lug kws has tas, tug tswv, lu lug hov has txug Vaajtswv tug Ntsuj Plig. Yog Vaajtswv tug Ntsuj Plig kaav leejtwg lub sab, tes leejtwg tau nyob kaab ntsaab. 18 Peb txhua tug kws ntseeg Yexu Kheto peb tsw muaj daim ntaub kws npug lub plhu lawm. Peb zoo le daim av kws tsom Vaajtswv tug fwjchim kws ci ntsaa quas ab. Tug fwjchim kws tug tswv kws yog Vaajtswv tug Ntsuj Plig pub tsua peb hov ua tsua peb zoo quas zug le Yexu Kheto.
Lub lauj kaub aav
1 Vaajtswv muab teg num nuav tsua peb ua tsua qhov Vaajtswv hlub peb, yog le ntawm peb txha tsw poob sab. 2 Peb yeej tsw zais sab, hab tsw ua tej kws tsw tswm nyog ua. Peb tsw tau ntxag leejtwg hab tsw hloov Vaajtswv txujlug. Vaajtswv yeej pum has tas, peb qha tseeb xwb. Peb naj nub ua zoo hab qha zoo kuas suavdawg nyag pum nyag kev txhum. 3 Tsuas yog cov tuabneeg kws saamswm yuav puam tsuaj txha tsw paub txuj xuv zoo kws peb qha xwb. 4 Puab tsw ntseeg tsua qhov tug Daab Ntxwg Nyoog kws kaav nplajteb nuav tub ua tsua puab lub sab dig muag tsw kheev puab pum tug duab tshaav ntuj kws ci tuaj tsua puab. Tug duab ntawm -yog txuj xuv zoo kws has txug Yexu Kheto tug fwjchim kws ci ntsaa quas ab. Yexu Kheto zoo ib yaam nkaus le Vaajtswv tsw txawv hov twg le, hab koom tuab lub sab. 5 Peb yeej tsw qha txug peb. Peb qha has tas, Yexu Kheto yog Vaajtswv. Hab qha has tas, peb yog mej cov tub qhe tsua qhov peb naj nub ua Yexu Kheto teg num paab mej. 6 Tug Vaajtswv kws has tas, ca le pum kev kaaj quas lug, tub yog tug kws kuas txujkev kaaj ci tuaj tsua huv peb lub sab ntaag. Nwg ua le hov peb txha paub has tas, tug fwjchim kws ua tsua Yexu Kheto lub ntsej muag ci ntsaa quas ab yog Vaajtswv tug. 7 Tej koob tej moov kws Vaajtswv pub tsua peb nuav, peb muab khaws ca tsua huv peb lub sab. Peb zoo ib yaam le lub lauj kaub aav kws muab tej hov txhua chaw tswm txaj ntim tsua huv. Yog le ntawm suavdawg txha pum has tas, tug fwjchim kws luj kawg nkaus yog Vaajtswv tug tsw yog peb tug. 8 Muaj ntau yaam naj nub taab kaum peb kuas peb tsw ntxhuv sab. Muaj ntau zag peb xaav tsw thoob kuas peb tsw poob sab. 9 Peb raug luas tswm txom kuas Vaajtswv tsw tso peb tseg. Peb raug luas ntaus saab kawg le kuas peb tsw tuag. 10 Peb lub cev naj nub raug Yexu Kheto txujkev tuag, sub suavdawg txha pum Yexu kws muaj txujsa, nyob huv peb lub cev. 11 Peb cov kws ua Yexu Kheto teg num peb yuav naj nub ntswb kev pluj kev tuag taag peb swm neej, sub suavdawg txha pum Yexu kws muaj txujsa, nyob huv peb lub cev. 12 Qhov kws peb naj nub ntswb kev pluj kev tuag hov ua tsua mej tau txujsa ntev moog ib txhws tsw kawg. 13 Muaj lug sau ca tsua huv Vaajtswv phoo ntawv has tas, kuv ntseeg kuv txha has. Peb kuj has tau ib yaam le ntawm hab, yog peb ntseeg peb txha has. 14 Peb paub has tas, Vaajtswv kws tsaa peb tug tswv Yexu sawv huv qhov tuag rov lug, nwg yuav tsaa peb cov kws nrug Yexu Kheto koom ua ib txujsa sawv rov lug ib yaam nkaus hab. Hab nwg yuav coj peb hab mej moog cuag nwg. 15 lb puas tsaav yaam nuav puav leej yuav muaj qaabhau tsua mej. Thaus muaj tuabneeg coob nov has tas, Vaajtswv hlub suavdawg, tes yuav muaj tuabneeg ua Vaajtswv tsaug coob quas zug ib yaam nkaus. Tej ntawm puav leej yuav ua tsua Vaajtswv tau koob meej.
Peb ca sab tsua tej kws peb qhov muag tsw pum
16 Tub yog vem le hov peb txha tsw poob sab. Txawm yog peb lub cev saamswm saus quas zug yuav tuag los peb lub sab tseem muaj zug heev quas zug tuaj. 17 Tej nyuas kev txom nyem miv miv kws peb raug ib nyuas ntu nuav yeej yuav ua tsua peb tau tej koob tej moov zoo kawg nkaus kws yuav nyob moog ib txhws. Yog peb muab ob yaam nuav lug sws pev yeej tsw tau ib zag le. 18 Tsua qhov tsw yog peb muab sab npuab tej kws qhov muag pum, kuas yog peb muab sab npuab tej kws qhov muag tsw pum. Tej kws qhov muag pum nyob ib nyuas ntu xwb, kuas tej kws qhov muag tsw pum yuav nyob moog ib txhws le.
1 Peb puav leej paub tseeb has tas peb lub cev kws tseem ua neej nyob huv nplajteb nuav zoo ib yaam le lub tsev pheeb suav xwb. Thaus luas muab lub tsev hov lauj lawm, Vaajtswv yuav muab lub tsev kws Vaajtswv ua ca sau ntuj ceeb tsheej tsua peb nyob. Lub tsev hov yuav nyob moog ib txhws le. 2 Nwgnuav peb kub sab quas lug xaav moog nyob lub tsev kws Vaajtswv ua ca tsua sau ntuj ceeb tsheej. 3 Thaus peb lub cev puam tsuaj lawm peb txha le muaj tsev nyob. h Thaus peb tseem ua neej nyob nuav peb naj nub ntxhuv sab kawg le. Tsw yog peb xaav rhuav peb lub cev kws zoo le lub tsev pheeb suav, kuas yog peb xaav moog nyob lub tsev kws Vaajtswv ua ca sau ntuj ceeb tsheej tsua peb nyob, mas peb lub cev kws txawj tuag yuav plhis ua lub kws tsw txawj tuag. 5 Vaajtswv yog tug kws tu peb ca tog nub kws nwg yuav muab lub cev tshab tsua peb. Hab nwg pub nwg tug Ntsuj Plig tsua peb. Qhov kws nwg ua le hov tub yog ib qho tseem ceeb kws qha tsua peb has tas, peb yeej yuav tau tej kws nwg npaaj tseg ca tsua peb. 6 Tub yog vem le hov peb txha muaj sab tuab tsw ntshai ib yaam daabtsw le. Peb paub has tas, thaus peb tseem nyob huv lub tsev pheeb suav nuav, peb nyob deb peb tug tswv Yexu lub tsev. 7 Thaus peb tseem ua neej nyob nuav txawm yog peb tsw pum nwg los peb tso sab tsua nwg. 8 Peb tsw ntshai kev pluj kev tuag tsua qhov peb yeej xaav moog nrug peb tug tswv Yexu nyob ua ke heev dua le peb nyob huv lub tsev pheeb suav nuav. 9 Ua le hov mas txawm yog peb tseem nyob nuav los yog, nyob sau ntuj los yog, peb yuav ua lawv le Vaajtswv lub sab nyam. 10 Tsua qhov peb txhua tug yuav tsum moog sawv ntawm Yexu Kheto lub xub ndag. Nwg yuav nug peb hab muab nqe zug hab koob meej tsua peb txhua tug lawv le tej num kws thaus suavdawg tseem ua neej nyob nuav suavdawg tau ua lug lawm saib yog ua zoo los ua phem.
Vaajtswv coj peb nrug Yexu sws raug zoo
11 Peb puav leej paub ntshai Vaajtswv, yog le ntawm peb txha naj nub yum suavdawg lug noog Vaajtswv lug. Vaajtswv yeej paub peb txhua tug lub sab huvsw. Kuv xaav has tas, nyab mej kuj paub kuv lawm hab. 12 Peb has le nuav tsw yog peb rov pav peb lub neej qha dua tsua mej, kuas yog peb xaav ua tsua suavdawg paub has tas, vem le caag mej qhuas peb, mej txha le muaj lug teb cov tuabneeg kws nyam saib tuabneeg ntsej muag xwb tsw saib tuabneeg lub sab. 13 Yog peb ua le tej tuabneeg vwm yeej tsw yog peb ua tsua Vaajtswv tau koob meej. Yog peb ua le tej tuabneeg kws muaj tswvyim kuj yog peb ua paab mej. 14 Yexu Kheto kws muaj lub sab hlub, nwg kaav taag nrho peb lub neej huvsw, tsua qhov peb pum tas, muaj ib tug tuag theej suavdawg. Lu lug ntawm qha has tas, suavdawg puav leej koom nwg txujkev tuag. 15 Nwg tuag theej txhua tug. Nwg ua le ntawm kuas cov tuabneeg kws tseem ua neej nyob, puab tsw xob ua puab lub neej lawv le puab lub sab nyam, kuas puab ua puab lub neej lawv le nwg lub sab nyam. Nwg yog tug kws tuag hab yog tug kws Vaajtswv tsaa sawv huv qhov tuag rov lug Nwg ua le hov tub yog vem nwg hlub peb. 16 Nwgnuav peb tsw ntsuag leejtwg lub neej lawv le tuabneeg ib txwm ntsuag. Txawm yog yaav tom ntej peb pheej ntsuag Yexu Kheto lub neej lawv le tuabneeg ntsuag los nwgnuav peb tsw ua le hov lawm. 17 Tug kws nrug Yexu Kheto koom ua ib txujsa, mas nwg yog tuabneeg tshab lawm. Nwg lub neej qub tub dua lawm, nwgnuav nwg muaj lub neej tshab. 18 Ib puas tsaav yaam nuav puav leej yog Vaajtswv ua. Vaajtswv coj peb rov lug nrug Vaajtswv sws raug zoo, yog qhov kws peb ntseeg Yexu Kheto. Hab Vaajtswv muab teg num kws moog coj tuabneeg lug nrug Vaajtswv sws raug zoo tsua peb ua. 19 Peb naj nub qha has tas, Vaajtswv coj txhua tsaav tuabneeg kws ntseeg Yexu Kheto lug nrug Vaajtswv sws raug zoo, mas Vaajtswv tsw suav has tas, puab muaj txem. Hab Vaajtswv muab zaaj kws has tas, Vaajtswv coj tuabneeg lug nrug Vaajtswv sws raug zoo tsua peb qha. 20 Yog le ntawm, peb txha ua Yexu Kheto cov tubkhai, yog Vaajtswv qev peb qhov ncauj thov mej, Yexu Kheto kuas peb thov mej cov kws yog Vaajtswv le yeeb ncuab has tas, mej ca le ca Vaajtswv coj mej lug nrug Vaajtswv sws raug zoo. 21 Yexu Kheto yeej ib txwm tsw muaj txem, kuas Vaajtswv muab peb lub txem tsua Yexu rws. Vaaj- tswv ua le hov sub peb cov kws nrug Yexu Kheto koom ua ib txujsa txha ua tau tuabneeg ncaaj nceeg ib yaam le Vaajtswv kws ncaaj nceeg.
1 Peb cov kws nrug Vaajtswv ua num, peb thov mej has tas, mej tsw xob ua tsua tej koob tej moov kws Vaajtswv foom tsua mej lawm tsw muaj qaabhau. 2 Mej yuav tsum noog tej lug kws Vaajtswv has tas, Lub swmhawm kws txaus kuv sab mas kuv zoo sab noog mej thov. Nub kws mej dim yog kuv paab mej. Mej ua tuab zoo noog kuv tej lug. Lub swmhawm nuav yog lub swmhawm kws Vaajtswv pum zoo paab mej. Nub nua yog nub kws mej yuav dim tau mej lub txem. 3 Peb yeej tsw xaav ca leejtwg thuaj tau peb teg num, peb txha tsw muab ib yaam daabtsw lug cuab leejtwg kev kuas dawm. 4 Peb ua ib puas tsaav yaam tsua suavdawg pum has tas, peb yog Vaajtswv cov tub qhe. Peb ua sab ntev thev kev txom nyem, kev ntxhuv sab hab txhua yaam kev kws taav peb kev. 5 Luas puav peb nteg, muab peb nplawm, muab peb kaw tsua huv tsev loj faaj. Peb ua num khwv khwv yoo daab ndub, yoo tshaib yoo nqhes. 6 Txawm yog le hov los peb paub qhov tseeb, peb ua sab dawb sab zoo, ua sab ntev, muaj lub sab hlub lwm tug, suavdawg txha pum has tas, peb yog Vaajtswv cov tub qhe. Peb muaj Vaajtswv tug Ntsuj Plig nyob huv peb lub sab, mas peb hlub suavdawg tag tag le. 7 Peb naj nub qha Vaajtswv txujlug kws yog qhov tseeb, hab peb lub neej ua tsua suavdawg pum Vaajtswv tug fwjchim. Tej cuab yeej kws peb swv tawm tsaam yeeb ncuab hab thaiv peb lub cev tub yog qhov kws peb ua peb lub neej ncaaj nceeg. 8 Tej tuabneeg muaj ib txha fwm peb, ib txha saib tsw taug peb. Ib txha thuaj peb, ib txha qhuas peb. Peb has lug tseeb xwb los tseem muaj tuabneeg has tas, peb daag xwb. 9 Peb zoo le cov tuabneeg kws tsw muaj leejtwg paub, kuas suavdawg puav leej paub peb. Peb zoo le cov kws tuag lawm, kuas mej swm saib, peb tseem muaj txujsa nyob. Luas muab peb tswm txom, kuas peb tsw tuag. 10 Peb muaj kev txhawj xeeb, kuas peb tseem naj nub zoo sab. Peb yog tuabneeg pluag, kuas peb tseem ua tsua ntau leej nplua nuj. Peb tsw muaj ib yaam daabtsw le, kuas qhov tseeb ib puas tsaav yaam puav leej yog peb le huvsw. 11 Cov kwvtij kws nyob huv lub moos Kauleethau, peb tub qha peb lub sab lub ntsws tseeb tseeb tsua mej lawm, peb tsw tau zais ib lus hlo le. 12 Peb tsw tau zais sab tsua mej, tsuas yog mej txha zais sab tsua peb xwb. 13 Kuv suav has tas, mej yog kuv tej mivnyuas kuv txha has le nuav tsua mej tas, mej ca le qheb hlo mej lub sab tsua peb saib, ib yaam le peb tub ua tsua mej lawm.
Peb lub cev yog Vaajtswv lub chaw nyob
14 Tug kws ntseeg Vaajtswv tsw xob moog nrug tug kws tsw ntseeg koom kwv ib tug ntaas yaam le nyuj hai tsheb, vem qhov phem hab qhov zoo yeej nyob tsw taug ua ke, qhov kaaj hab qhov tsaus yeej tsw nyob ua ke. 15 Yexu Kheto hab Daab Ntxwg Nyoog yeej nyob tsw taug ua ke. Tug kws ntseeg hab tug kws tsw ntseeg yeej tsw thooj xeeb hum huv ua ke. 16 Hab tsw muaj leejtwg yuav coj txoov daab moog teev huv Vaajtswv lub tuam tsev. Tsua qhov peb lub cev yog Vaajtswv kws muaj txujsa nyob lub tuam tsev. Lawv le tej lug kws Vaajtswv has ca has tas, Kuv yuav nyob huv puab, hab kuv yuav naj nub nrug puab nyob. Kuv yuav ua puab tug Vaajtswv, hab puab yuav ua kuv le tuabneeg. 17 Yog le ntawm Vaajtswv txha has tas, Mej ca le tso plhuav puab cov ntawm tseg, moog nyob tsua ib caag. Mej tsw xob kov tej kws qas, kuv txha le yuav mej. 18 Kuv yuav ua mej txwv, mej yuav ua kuv le mivtub mivntxhais. Tej lug nuav yog Vaajtswv kws muaj fwjchim luj kawg nkaus has.
1 Cov kwvtij kws kuv hlub, Vaajtswv tub cog lug le ntawm tsua peb lawm. Yog le ntawm peb yuav tsum ua tuabneeg zoo kawg nkaus hab paub ntshai Vaajtswv. Peb yuav tsum tso plhuav tej kev txhum kws peb ua hab peb xaav huvsw pov tseg.
Cov ntseeg ua tsua Povlauj zoo sab
2 Mej tsw xob tso peb tseg. Peb yeej tsw tau ua txhum tsua leejtwg hab tsw tau xaav txug leejtwg lub neej hab tsw tau ntxag leejtwg tug yuav. 3 Kuv has le nuav tsw yog kuv tshev mej. Kuv tub qha tsua mej lawm tas, mej naj nub nyob rawv huv kuv lub sab. Txawm yog yuav caj yuav tuag los peb yeej yuav ua caav lwj sws ib nyob. 4 Kuv ca sab tsua mej hab qhuas mej kawg le. Txawm yog kuv raug kev txom nyem ntau yaam los kuv tsw poob sab, kuv zoo sab kawg le. 5 Thaus peb moog txug peg Makatauna tebchaws mas ntxhuv peb sab kawg le hab. Muaj kev kub ntxhuv puas ncig peb. Peb lub ncauj yuav tsum nrug luas sws caav, peb lub sab naj nub txhawj ntshai. 6 Kuas Vaajtswv kws txhawb cov ntseeg kws poob sab tug zug, nwg txhawb peb tug zug tsua qhov nwg kuas Titau tuaj saib peb. 7 Tsw yog le ntawm xwb, Titau tuaj qha tsua peb has tas, mej txhawb Titau tug zug. Hab nwg kuj has peb tas, mej xaav xaav pum kuv, hab nwg has tas, tej kws mej ua lug lawm ua tsua mej ntxhuv sab kawg le. Nwg has tas, mej muab sab npuab kuv heev. Tej ntawm ua tsua kuv zoo sab kawg nkaus le. 8 Yog tsaab ntawv kws kuv sau xaa tuaj tsua mej u ua tsua mej tu sab lawm los xwj. Thaus kuv nov has tas, tsaab ntawv hov ua tsua mej tu sab ib nyuas ntu, kuv muaj ntswv txhawj. 9 Kuas nwgnuav kuv zoo sab, tsw yog vem kuv ua tsua mej tu sab, kuas yog vem qhov kws mej tu sab ntawm ua tsua mej tso mej tej kev txhum tseg. Tub yog Vaajtswv ca mej tu sab. Yog le ntawm tej lug kws peb has yeej tsw txhum. 10 Qhov kws Vaajtswv ca mej tu sab tub ua tsua mej tso mej tej kev txhum tseg kuas mej tau lug ua tuabneeg tshab, mas tsw taag leejtwg yuav tu sab. Kuas cov tuabneeg kws tsw ntseeg Vaajtswv, mas txawm yog puab paub tu sab tsua puab tej kev txhum los yog puab tsw tso tseg, tes puab yeej yuav raug kev pluj kev tuag. 11 Mej swm ua tuab zoo xaav saib, Vaajtswv ca mej tu sab le hov muaj qaabhau ntau tsua mej. Tej ntawm ua tsua mej mob sab, hab ua tsua mej kub sab quas lug daws mej zaaj kuas suavdawg paub has tas, mej tsw tau ua txhum. Hab ua tsua mej chim, ua tsua mej raag dheev, ua tsua mej ncu kuv heev, ua tsua mej muab sab npuab kuv hab ua tsua mej zoo sab rau txem tsua tug kws ua txhum. Tej kws muaj nuav suavdawg puav leej pum has tas, mej tsw tau ua txhum ib qho le. 12 Txawm yog kuv sau tsaab ntawv u tuaj tsua mej los tsw yog kuv txhob txwm sau tuaj qha tug kws ua txhum ntawm, lossws qha tug kws tug ntawm ua txhum tsua, kuas kuv sau tuaj qha mej kuas mej ncu ntsoov has tas, Vaajtswv pum mej muab sab npuab peb kawg le. 13 Tub yog vem le hov peb txha zoo sab. Tsw yog le hov xwb, Titau tuaj ua tsua peb zoo sab kawg le hab, tsua qhov mej txhua tug puav leej ua tsua nwg tso sab plhuav tsw txob tsw txhawj lawm. 4 Kuv qhuas mej tsua nwg. Qhov kws kuv qhuas le ntawm yeej tsw ua tsua kuv poob ntsej muag le. Tej kws peb qha mej, puav leej yog tseeb xwb, tsw muaj ib qho daag le. Ib yaam nkaus le hov, tej kws peb qhuas mej tsua Titau yeej muaj tseeb tag. 15 Thaus Titau pum has tas, mej noog nwg lug, mej saib taug nwg hab fwm nwg, nwg yimfuab hlub mej heev. 16 Kuv zoo sab kawg le tsua qhov kuv yeej ca sab tau tsua nwg.
Cov ntseeg sau nyaj paab lwm tug
1 Cov kwvtij, peb xaav kuas mej paub has tas, Vaajtswv tub foom koob foom moov ntau kawg tsua cov ntseeg kws nyob txhua qhov huv Makatauna tebchaws lawm. 2 Tej kev txom nyem kws puab raug tub yog swm saib puab muab tsua sau sab ntseeg los tsw muab. Txawm yog puab txom nyem npaum le hov los puab tseem zoo sab kawg le. Puab yeej yog cov tuabneeg kws pluag heev kuas puab muaj sab dawb muab puab tej nyaj txag paab lwm tug. 3 Kuv paub has tas, puab sau puab tej nyaj txag lug paab lwm tug npaum le kws puab paab tau. Tsw yog le hov xwb, puab tseem muab tshaaj tej ntawm hab. 4 Puab naj nub thov peb ca puab xaa nyaj moog paab Vaajtswv cov tuabneeg kws nyob nraag Yutai tebchaws, tsw muaj leejtwg yuam puab ua, puab ua puab xwb. 5 Peb yeej tsw xaav has tas, puab yuav paab tau ntau npaum le hov. Puab xub ca peb tug tswv Yexu Kheto kaav taag nrho puab lub sab huvsw, mas puab txha zoo sab ca peb khaiv puab moog ua num, tsua qhov Vaajtswv yeej pum zoo puab ua le ntawm. 6 Yog le ntawm peb txha thov Titau kws chiv paab mej ua teg num nuav rov tuaj tim mej. Nwg yuav paab mej ua teg num kws mej zoo sab ua ntawm kuas tav. 7 Mej tub muaj ib puas tsaav yaam txhwj lawm. Huv mej cov ntseeg muaj cov kws muab tsua sau sab ntseeg, muaj cov kws txawj qha, muaj cov txawj ntse, muaj cov kws kub sab quas lug paab lwm tug, hab muaj cov kws hlub peb. Yog le ntawm tswm nyog mej zoo sab quas hlo paab ua teg num nuav hab. 8 Kuv tsw yuam kuas mej ua, kuv tsuas pav qha tsua mej has tas, lwm cov kub sab quas lug sws paab le caag. Kuv xaav paub tseeb has tas, mej muaj sab hlub tag los tsw muaj. 9 Mej yeej paub has tas, peb tug tswv Yexu Kheto hlub peb kawg le. Nwg tub yog tug kws nplua nuj los nwg tseem zoo sab lug ua tug pluag. Nwg ua le ntawm tub yog nwg xaav paab kuas mej ua tau tuabneeg nplua nuj. 10 Kuv xaav has tas, mej ca le ua teg num kws tseb nua mej tub chiv ua lawm kuas tav. Yog mej ua le ntawm yuav zoo heev. Mej yeej yog cov kws xub chiv ua teg num hov. Kuas tsw yog mej xub chiv ua xwb, mej yeej zoo sab quas hlo ua hab. 11 Thaus chiv thawj mej yeej kub sab quas lug ua. Yog le hov nwgnuav mej ca le rau sab ntso ua kuas tav lawv le mej ua tau. 12 Yog mej zoo sab quas hlo paab lawv le mej muaj, mas Vaajtswv kuj zoo sab yuav npaum le ntawm. Yeej tsw muaj leejtwg thov te j kws mej tsw muaj. 13 Tsw yog kuv xaav kuas lwm cov tau zoo ais ca mej txom nyem. h Kuas nwgnuav mej muaj ntau, tswm nyog mej paab cov kws tsw muaj. Thaus mej tsw muaj, puab muaj ntau, puab tsua paab mej, mas mej suavdawg txha muaj sws npaug quas zog. 15 Lawv le muaj lug sau ca tsua huv Vaajtswv phoo ntawv has tas, Tug kws khaws tau ntau, nwg kuj tsw muaj seem| Tug kws khaws tau tsawg, nwg kuj muaj txaus.
Cov ntseeg khaiv tuabneeg nrug Titau moog ua num
16 Peb ua Vaajtswv tsaug tsua qhov Vaajtswv ua tsua Titau kub sab quas lug paab mej ib yaam le peb. 17 Titau tuaj paab mej tsw yog peb thov nwg xwb, nwg yeej zoo sab tuaj. 18 Peb khaiv peb ib tug kwvtij nrug Titau tuaj. Tug kwvtij hov yog tug kws qha txuj xuv zoo, cov ntseeg kws nyob tsua txhua qhov puav leej fwm nwg heev. 19 Tsw yog le hov xwb, nwg yog tug kws cov ntseeg tsaa nrug peb ua teg num sau nyaj nuav. Teg num nuav yuav ua tsua peb tug tswv Yexu Kheto tau koob meej hab ua tsua cov ntseeg nraag paub has tas, mej yeej xaav paab puab tag. 20 Peb ua tuab zoo ua sub thaus peb xaa cov nyaj nuav moog paab cov ntseeg nraag, txha tsw muaj xaiv muaj lug. 21 Tsua qhov peb xaav ua ncaaj ua nceeg. Tsw yog ua tsua Vaajtswv pum xwb, kuas ua tsua suavdawg pum hab. 22 Yog le ntawm peb yuav khaiv peb ib tug kwvtij nrug puab tuaj. Peb tub saib nwg teg num ob peb zag lawm peb pum has tas, nwg kub sab quas lug xaav paab. Nwgnuav nwg tso sab tau tsua mej, mas nwg yimfuab xaav paab mej heev. 23 Tug Titau kws yuav tuaj nuav, nwg yog ib tug kws nrug kuv ua num paab mej. Cov kwvtij kws nrug Titau tuaj, yog cov ntseeg kws nyob tsua txhua qhov khaiv tuaj. Puab yog cov kws ua tsua Yexu Kheto tau koob meej. 24 Yog le ntawm mej yuav tsum hlub puab, cov ntseeg kws nyob txhua qhov txha le paub tas, mej hlub cov tuabneeg kws puab khaiv tuaj ntawm. Hab puab txha paub has tas, tej lug kws peb qhuas mej tsua puab yeej muaj tseeb tag.
Tug cog ntau yeej yuav tau ntau
1 Tsw taag yuav sau ntawv tuaj qha mej has txug tej nyaj kws suavdawg yuav xaa moog paab Vaajtswv cov tuabneeg kws nyob nraag Yutai tebchaws. 2 Kuv yeej paub has tas, mej puav leej yuav zoo sab paab. Kuv tub qhuas mej tsua cov tuabneeg kws nyob peg Makatauna tebchaws has tas, cov kwvti j kws nyob huv Kili tebchaws tub xub npaaj nyaj txag ca tseb nua lug lawm. Qhov kws mej kub sab quas lug xaav paab tub ua tsua puab raag dheev ua teg num nuav. 3 Nwgnuav kuv khaiv cov kwvtij nuav tuaj saib mej, sub puab txha pum has tas, tej lug kws kuv qhuas mej tsua puab, tsw yog kuv laam qhuas qhuav qhuav xwb, kuas puab yuav pum tas, mej tub npaaj nyaj txag txhwj lawv le kuv tub pav tsua puab noog lawm. 4 Yog cov tuabneeg Makatauna kws nrug kuv tuaj pum has tas, mej tseem tsw tau npaaj lawv le kuv has ntshai mej hab peb yuav txaaj muag kawg le. 5 Yog le hov kuv txha xaav has tas, ca thov cov kwvtij ntawm ua kuv ntej tuaj nraag mej, es ca puab sau cov nyaj kws mej tub xub has tseg lawm tas, mej yuav muab tsua peb. Thaus kuv tuaj txug, mej txha npaaj txhwj. Yog mej ua le ntawm puab yuav pum has tas, mej yeej zoo sab quas hlo pub, tsw yog kuv yuam mej. 6 Mej yuav tsum ncu ntsoov has tas, tug cog tsawg yeej yuav tau tsawg, tug cog ntau yeej yuav tau ntau. 7 Yog le ntawm nyag yuav tsum muab lawv le nyag tub xub xaav tseg lawm, tsw yog yuav khauv xwm lossws yug yuav yuam yug lub sab muab, tsua qhov Vaajtswv yeej hlub tug kws zoo sab quas hlo pub tsua luas. 8 Vaajtswv kws muaj ib puas tsaav yaam yuav pub tej kws mej cheem tsum yuav tsua mej, sub mej txha naj nub muaj txaus swv hab muaj txaus coj moog paab lwm tug. 9 Lawv le tub muaj lug sau ca tsua huv Vaajtswv phoo ntawv has tas, Tug kws muaj sab dawb paab cov tuabneeg pluag, nwg teg num yuav nyob moog ib txhws le. 10 Vaajtswv kws pub noob qoob noob loos tsua tug kws cog hab pub zaub pub mov tsua tug kws noj, nwg yeej yuav pub tej noob qoob noob loos tsua mej. Nwg yuav ua kuas tej qoob kws mej cog hlub zoo hab tej num zoo kws mej ua tawg paaj txw txwv zoo. 11 Nwg yuav pub ib puas tsaav yaam tsua mej kuas mej muaj txaus swv hab muaj txaus paab lwm tug. Mas yuav muaj ntau leej ua Vaajtswv tsaug tsua qhov yog mej muab mej tej nyaj txag tsua peb coj moog paab puab. 12 Tej kws mej ua nuav tsw yog yuav paab Vaajtswv cov tuabneeg kws txom nyem xwb, kuas yuav ua tsua suavdawg naj nub ua Vaajtswv tsaug hab. 13 Thaus suavdawg pum tej nyaj kws mej paab nuav mas yuav muaj ntau leej ua Vaajtswv tsaug hab qhuas Vaajtswv, tsua qhov mej muab sab npuab txuj xuv zoo kws has txug Yexu Kheto kws mej ntseeg, hab mej muaj sab dawb paab puab hab paab suavdawg. 4 Puab yuav ncu ntsoov mej tshaav ntuj hab thov Vaajtswv paab mej tsua qhov puab pum tas, Vaajtswv tub foom koob foom moov ntau kawg tsua mej lawm. 15 Mej ca le ua Vaajtswv tsaug tsua qhov Vaajtswv tub pub Vaajtswv txuj koob txuj moov kws zoo kawg nkaus kws tsw muaj ib yaam daabtsw zoo cuag tsua peb lawm.
Povlauj tsw muab lwm tug teg num coj lug khaav
1 Kuv yog Povlauj, Mej ua tuab zoo noog kuv tej lug. Muaj tuabneeg has tas, thaus kuv nrug mej nyob kuv ntshai mej, kuas thaus kuv tsw nrug mej nyob lawm kuv ua tawv kawg le tuaj tsua mej. Yexu Kheto pub kuv muaj sab mog sab muas hab hlub luas ib yaam le nwg, 2 kuv txha thov has tsua mej has tas, thaus kuv tuaj saib mej, mej tsw xob ua tsua kuv tau ua tawv tsua mej. Tsua qhov kuv yeej muaj cuab kaav ua tawv tsua cov tuabneeg kws thuaj peb has tas, peb xaav kuas peb tau ntsej muag ib yaam le tuabneeg ib txwm xaav. 3 Peb yeej nyob huv nplajteb nuav tag. Kuas peb tsw tawm tsaam le tuabneeg ib txwm tawm tsaam. 4 Thaus peb tawm tsaam yeeb ncuab peb tsw swv tej cuab yeej kws tuabneeg ib txwm swv, kuas peb swv tej cuab yeej kws Vaajtswv kws muaj fwjchim muab tsua peb, peb txha tsoo tau yeeb ncuab lub loog kuas puam tsuaj taag huvsw. Peb tshev tej tuabneeg kws qha tsw tseeb kuas puab tsw muaj lug teb. 5 Peb rhuav tej kws tuabneeg muab lug thaiv tsw kheev suavdawg paub Vaajtswv, hab peb coj cov tuabneeg kws ua yeeb ncuab tsua Vaajtswv lug ua Yexu Kheto qhev kuas puab noog nwg lug. 6 Thaus peb pum has tas, mej noog lug lawm tag, peb le maav rau txem tsua tej kws tsw noog lug. 7 Mej tsuas yog saib tej kws mej qhov muag pujTi xwb. Yog huv mej cov ntseeg muaj ib tug khaav has tas, nwg yog Yexu Kheto tug tubkhai, mas nwg yuav tsum ua tuab zoo xaav saib nwg yog tuabneeg zoo le caag. Tsua qhov peb yog Yexu Kheto cov tubkhai ib yaam le tug ntawm hab. 8 Txawm yog kuv khaav heev heev has tas, peb tug tswv Yexu Kheto pub fwjchim tsua peb los kuv yeej tsw txaaj muag hlo le. Nwg pub le hov kuas peb paab tau mej hlub huv Vaajtswv, tsw yog yuav rhuav mej lub neej. 9 Kuv has le nuav tsw yog kuv ua tsua mej xaav has tas, kuv pheej sau ntawv tuaj hem mej. 10 Tej zag ntshai yuav muaj tuabneeg has tas, Povlauj tej ntawv Povlauj has tawv kawg le, kuas thaus nwg tuaj nwg ua ib tug nyuas tuag tuag tshaav has lug tub tsw muaj kuab hlo le. 11 Tug kws laam has le ntawm nwg yuav tsum ncu ntsoov has tas, tej lug kws peb sau tsua huv ntawv xaa tuaj tsua mej, hab tej lug kws thaus peb nrug mej nyob peb has, yeej tsw txawv qhov twg le. Txawm yog peb nyob deb nyob ze los peb yeej has ib yaam nkaus. 12 Peb yeej tsw kaam muab peb pev tsua cov tuabneeg kws tsaab ua luj heev. Cov tuabneeg kws khaav le hov, puab ib tug ntsuag ib tug, hab muab ib tug pev tsua ib tug, kuas puab tsw paub daabtsw le. 13 Peb cov peb tsw khaav tshaaj tej kws peb muaj. Peb tsuas khaav txwj tej kws Vaajtswv muab tsua peb ua xwb, tej ntawm yog tej kws peb ua paab mej. 14 Thaus peb tuaj saib mej hab qha txuj xuv zoo kws has txug Yexu Kheto tsua mej, peb tsw tau ua dhau tej kws Vaajtswv kuas peb ua. 15 Peb tsw tau muab lwm tug teg num coj lug khaav, peb tsuas khaav txwj tej kws Vaajtswv muab tsua peb ua xwb. Peb vaam has tas, mej yuav muab tsua sau sab ntseeg zuj quas zug, hab vaam has tas, peb yuav ua tau num ntau dua tej kws peb ua lug lawm paab mej. Kuas peb tsuas ua txwj le tej kws Vaajtswv tu ca tsua peb ua xwb. 16 Mas dhau hov peb txha tau moog qha txuj xuv zoo tsua lwm qhov. Peb yeej yuav tsw khaav tej num kws lwm tug tub xub moog ua ca lawm ib zag le. 17 Kuas muaj lug sau ca tsua huv Vaajtswv phoo ntawv has tas, tug kws xaav khaav, mas khaav tej kws Vaajtswv tub ua lug lawm xwb. 18 Tsua qhov tug kws nwg laam khaav nwg xwb, yeej tsw muaj leejtwg fwm nwg. Kuas tug kws Vaajtswv qhuas, suavdawg puav leej yuav fwm tug hov.
Povlauj tsw ua le cov cuav xwbfwb
1 Txawm yog kuv has lug zoo le tug nam ruag los thov mej ua sab ntev noog kuv tej lug. 2 Kuv khib mej ib yaam le Vaajtswv khib, tsua qhov mej zoo ib yaam le tug hluas nkauj kws tsw tau nrug dua hluas nraug thaam. Kuv tub qhab mej tsua ib tug lawm xwb, tug hov yog Yexu Kheto. 3 Kuv ntshai tsaam mej faav xeeb hab tsw muab sab npuab Yexu Kheto tag tag, ib yaam le thaus naab ntxag tau Hava faav xeeb. 4 Tsua qhov mej zoo sab noog cov tuabneeg kws qha txug Yexu Kheto txawv tsw thooj le peb qha. Mej tub tau Vaajtswv tug Ntsuj Plig hab txuj xuv zoo kws peb qha lawm, kuas mej tseem tsua moog nrhav lwm tug ntsuj plig hab lwm txuj xuv zoo. 5 Kuv yeej tsw tau xaav has tas, kuv muaj fwjchim yau dua mej cov tubkhai kws mej has tas, tswm txaj. 6 Txawm yog kuv tsw tshua txawj has le tej tuabneeg txawj ntse has los kuv yeej paub tej lug kws kuv qha lub ntsab. Qhov tseeb ib puas tsaav yaam num kws peb ua lug lawm puav leej ua tsua mej paub tseeb tej lug kws kuv has nuav huvsw. 7 Thaus kuv tuaj qha txuj xuv zoo kws has txug Vaajtswv tsua mej, kuv yeej tsw thov ib qho nqe zug le. Kuv txu kuv tug fwjchim kuas mej tau ntsej muag. Kuv ua le hov yog kuv ua txhum lawm los. 8 Thaus kuv tuaj nrug mej nyob qha mej, yeej yog cov ntseeg kws nyob lwm qhov xaa nyaj tuaj yug kuv. Puab xaa nyaj tuaj tsua kuv le ntawm kuj ib yaam le kuv nyag puab cov nyaj coj tuaj paab mej\ 9 Thaus kuv nrug mej nyob kuv tsw muaj nyaj swv los kuv tsw tau thov mej paab kuv, tsua qhov cov kwvtij kws tuaj peg Makatauna tebchaws tuaj, puab coj ib puas tsaav yaam kws kuv tsw muaj tuaj tsua kuv. Yaav taag lug lawm kuv yeej tsw tau ua nraa nyaav tsua mej, hab txwj nuav moog los kuv yeej yuav tsw ua hab. 10 Kuv yeej paub Yexu Kheto tej lug kws yog qhov tseeb. Yog le ntawm kuv paub has tas, tej kws kuv khaav nuav yuav nrov nchaa moog thoob plhawv huv Kili tebchaws tsw muaj leejtwg yuav txwv tau hlo le. 11 Ua caag kuv has le nuav. Kuv tsw hlub mej los. Vaajtswv yeej paub has tas, kuv hlub mej. 12 Tej kws nwgnuav kuv ua kuv yeej yuav ua moog le, kuas cov tuabneeg kws mej hu ua tubkhai puab tsw muaj ib lu lug kws yuav khaav has tas, puab ua puab teg num zoo ib yaam le peb ua. 13 Puab cov hov yeej tsw yog tubkhai tag, puab yog cuav tubkhai xwb. Puab ua puab teg num ntxag suavdawg. Hab puab ua txuj ua le puab yog Yexu Kheto cov tubkhai ntaag. 4 Tej kws puab ua hov yeej tsw txaus leejtwg yuav poob sab le. Txawm yog Daab Ntxwg Nyoog los nwg tub txawj txa zoo le ib tug tubkhai sau ntuj kws muaj fwjchim ci ntsaa quas ab hab. 15 Mas yog Daab Ntxwg Nyoog cov tub qhe txa ua cov tub qhe kws ncaaj nceeg los kuj yooj yim txa tau. Kuas thaus kawg puab cov hov nyag yuav tau lawv le tej kws nyag tau ua lug lawm.
Povlauj ua Yexu tug tubkhai nwg txha raug txom nyem
16 Kuv rov has dua ib lus tsua mej has tas, mej tsw xob xaav has tas, kuv yog tuabneeg ruag. Yog mej xaav le hov mej ca le ua sab ntev noog kuv tej lug, ca kuv khaav ob peb lus le tug ruag khaav. 17 Tej lug kws kuv has nuav tsw yog tej kws peb tug tswv Yexu kuas kuv has. Qhov kws kuv khaav nuav kuv leeg has tas, kuv has le tug ruag has tag. 18 Yeej muaj tuabneeg coob coob nyag naj nub khaav has tas, nyag txawj nyag ntse Yog le hov kuv yuav khaav le puab hab. 19 Mej yeej txawj ntse heev lawm hoj, mej txha ua sab ntev noog cov tuabneeg ruag has. 20 Mej ua sab ntev tsua cov tuabneeg kws yuam mej ua le nuav le u, hab cov kws noj mej tug, hab cov kws cuab muv cuab ntaa tog mej kev, hab ua saib tsw taug mej hab ntaus mej lub plhu. 21 Kuv txaaj muag leeg tsua mej has tas, peb tsw muaj sab tawv ua le kws puab ua tsua mej. Kuas yog lwm tug tub muaj cuab kaav khaav le nuav le u, kuv yeej muaj cuab kaav khaav hab. Kuv has le nuav kuv has le tug ruag has. 22 Puab yog tuabneeg Heplais los. Kuv kuj yog hab. Puab yog tuabneeg Yixayee los. Kuv yeej yog hab Puab yog Aplahaa xeeb ntxwv los. Kuv yeej yog hab. 23 Puab yog Yexu Kheto cov tub qhe los. Kuv yog tug tub qhe kws zoo dua puab. Kuv has le nuav kuv has le tug tuabneeg vwm has. Kuv ua num khwv dua puab. Kuv raug kaw huv tsev loj faaj ntau dua puab. Kuv raug luas nplawm ntau dua puab. Kuv ntswb kev pluj kev tuag ntau dua puab. 24 Cov Yutai muab kuv nplawm tswb zag, ib zag nplawm peb caug cuaj nplawg. 25 Cov tuabneeg Loo xuas nplawm kav theej nplawm kuv peb zag. Muaj ib zag luas xuas pob zeb ntaus kuv. Kuv caij nkoj tog peb zag. Muaj ib zag kuv poob huv hav txwv ib nub ib mos. 26 Thaus kuv taug kev moog tsua hov u hov nua kuv ntswb kev txhawj xeeb. Tsw has dej nyaab lossws tub saab ntaus. Kuv tsaav tuabneeg hab lwm tsaav tuabneeg puav leej tswm txom kuv. Kuv raug kev txom nyem huv tej nroog, hab huv haav zoov haav tsuag, hab huv hav txwv. Kuv tej kwvtij kwvluag los kuj ua phem tsua kuv hab. 27 Kuv khwv taag nub taag mo tsw tau su tsw tau pw, yoo daab ndub quas rug, kuv tshaib tshaib nqhes nqhes tsw muaj txaus noj txaus haus, tsw muaj rwg muaj tsho zoo nrug luas naav. Tsw muaj vaag muaj tse nraim tshaav nraim naag. 28 Tsw yog le hov xwb, kuv naj nub naj mo txhawj txug cov ntseeg kws nyob tsua txhua qhov. 29 Yog leejtwg qaug zug kuv kuj nrug tug ntawm qaug zug hab. Yog leejtwg ua txhum kuv ntxhuv sab kawg le. 30 Yog kuv xaav has tas, kuv yuav tsum khaav xwb tes kuv yeej yuav khaav has txug tej kws ua tsua suavdawg pum has tas, kuv yog tug kws tsw muaj fwjchim daabtsw le. 31 Tswm nyog peb ua tsua Vaajtswv kws yog Yexu Kheto txwv tau koob meej moog ib txhws le. Nwg yeej paub has tas, kuv tsw daag. 32 Thaus kuv nyob huv lub moos Tamexe vaaj ntxwv Aleta kuas tug phuj vaj khaiv tub rog moog zuv lub rooj loog tog nteg kuv. 33 Kuas muaj tuabneeg muab ib lub tawb npoob luj ntim kuv muab kuv tso hlauv ntawm qhov rais tsua saab nrau. Tug phuj vaj ntawm txha nteg tsw tau kuv.
Tej kws Povlauj ua yug quas toog pum
1 Txawm yog tej kws kuv yuav khaav tsw muaj qaabhau los kuv yeej yuav khaav. Kuas kuv yuav has txug tej kws peb tug tswv Yexu qha tsua kuv hab ua tsua kuv ua yug quas toog pum. 2 Kuv paub ib tug txwv neej kws yog tug ntseeg. Mas tau kaum plaub xyoos lug lawm Vaajtswv coj tug txwv neej hov moog sau qaum ntuj txheej kws sab kawg nkaus. Kuv tsw paub sov tug hov ua yug quas toog xwb los sov yog muaj le hov tag, Vaajtswv tuab leeg txha le paub. 3 Kuv thov has dua tsua mej, kuv paub has tas, Vaajtswv coj tug hov moog sau lub chaw kws tau zoo nyob kaaj sab quas lug. Kuv tsw paub sov muaj le ntawm tag lossws tug hov ua yug quas toog xwb, Vaajtswv tuab leeg txha le paub. 4 Thaus nwg moog nyob sau nwg nov tej kws tsw muaj tuabneeg txawj pav tau, hab nov tej kws tsw kheev leejtwg qha. 5 Yog le hov kuv yuav khaav txug tug hov. Kuas kuv tsw khaav txug kuv le, kuv tsuas khaav has txug tej kws ua tsua suavdawg pum has tas, kuv tsw muaj fwjchim daabtsw le. 6 Yog kuv xaav khaav, kuv yeej tsw yog tug tuabneeg ruag, tsua qhov tej kws kuv qha puav leej muaj tseeb xwb. Txawm yog le caag los xwj. Kuv yuav tsw khaav, ntshai tsaam tuabneeg tsua qhuas kuv heev lawm. Ca puab qhuas tej kws puab pum kuv ua hab nov kuv has xwb. 7 Vaajtswv tub ua tej kws zoo kawg nkaus tsua kuv pum lawm. Nwg ntshai tsaam kuv khaav heev, nwg txha ca kuv lub cev muaj ib qho mob. Qhov mob ntawm zoo le Daab Ntxwg Nyoog ib tug tubkhai kws muab kuv nplawm kuas kuv tsw xob khaav. 8 Kuv tub thov Vaajtswv khu kuv qhov mob ntawm peb zag lawm. 9 Kuas Vaajtswv teb kuv has tas, qhov kws kuv hlub koj mas tub txaus koj lawm. Kuv yuav pub kuv tug fwjchim tsua thaus kws koj qaug zug. Vaajtswv has le nuav, mas qhov kws kuv qaug zug ua tsua kuv zoo sab kawg le, tsua qhov Yexu Kheto kws muaj fwjchim yuav kaav taag nrho kuv lub sab. 10 Kuv yog tug kws ua Yexu Kheto teg num, yog le ntawm txawm yog kuv qaug zug, raug luas thuaj, raug kev txom nyem, raug kev tswm txom, raug kev ntxhuv sab los kuv yeej zoo sab, tsua qhov thaus kuv qaug zug kuv yuav muaj zug.
Povlauj txhawj cov ntseeg kws nyob huv lub moos Kauleethau
11 Kuv ua le tug tuabneeg ruag ua, kuas yeej yog mej yuam kuv ua le hov. Tub tswm nyog mej yuav qhuas tej kws kuv ua, kuas mej tsw qhuas. Txawm yog kuv tsw tswm txaj los kuv tseem tswm txaj ib yaam le cov tuabneeg kws mej hu has tas, mej cov tubkhai. 12 Thaus kuv tuaj nrug mej nyob kuv ua sab ntev ua num, kuv ua tej txujci luj hab tseem ceeb hab ua tej kws phemfwj. Tej ntawm tub ua tsua mej paub tseeb lawm tas kuv yog ib tug tubkhai tag. 13 Mej xaav has tas, kuv paab cov ntseeg kws nyob lwm qhov heev dua le paab mej nua los. Kuv paab suavdawg ib yaam nkaus, tsuas yog kuv tsw tau thov mej yug kuv xwb. Yog kuv ua le hov txhum lawm tes thov mej zaam txem tsua kuv. 14 Zag nuav yog zag peb kws kuv tub yuav tuaj saib mej. Kuv yuav tsw thov mej ib yaam daabtsw le. Kuv xaav tuaj saib mej xwb tsw yog kuv yuav tuaj thov mej nyaj. Tsua qhov tej mivnyuas yeej tsw npaaj qub txeeg qub teg tsua nam txwv, tsuas muaj kws nam txwv npaaj qub txeeg qub teg tsua tej mivnyuas xwb. 15 Kuv zoo sab muab kuv tug daag tug zug hab kuv tej nyaj txag huvsw paab mej. Tub yog vem kuv hlub mej heev ais mej txha tsw hlub kuv zuj quas zug lawm los. 16 Nyab mej kuj pum tas, thaus kuv nrug mej nyob kuv tsw ua nraa nyaav tsua mej daabtsw le. Kuas ntshai yuav muaj qee leej has tas, kuv yog ib tug nam tuabneeg muaj tswvyim heev, kuv txhob txwm tuaj ntxag mej. 17 Kuv tuaj ntxag mej daabtsw yuav, lossws yog kuv kuas cov tuabneeg kws kuv khaiv tuaj saib mej, noj mej tug los. 18 Kuv thov Titau hab kuv khaiv ib tug ntseeg nrug Titau tuaj saib mej. Nyab mej yuav tsw has tas, Titau noj mej tug kaj. Titau ib koom tuab lub sab paab me j hab ua tuab teg num. 19 Tej zag ntshai mej xaav has tas, peb naj nub has daws peb zaaj xwb. Yeej tsw yog le mej xaav. Peb has lawv le tej lug kws Yexu Kheto kuas peb has. Thaus peb has peb ncu ntsoov has tas, Vaajtswv saib ntsoov peb. Cov kwvtij kws peb hlub, ib puas tsaav yaam kws peb ua tub yog peb ua paab mej xwb. 20 Kuv ntshai tsaam thaus kuv tuaj txug nraag mej, kuv tsua pum mej ua tsw hum kuv sab, hab mej yuav pum has tas, kuv ua tsw hum mej sab. Kuv ntshai tsaam kuv tsua pum mej sws caav sws tshe sws khib sws ntxub, ua sab hlub, ib leeg thuaj ib leeg, taug xaiv, muab hlub hab tswm kev kub ntxhuv. 21 Lwm zag thaus kuv tuaj saib mej kuv ntshai tsaam Vaajtswv rhuav kuv ntsej muag, hab kuv yuav ntxhuv sab tsua cov tuabneeg kws tseem tsw tau tso tej kev txhum tseg, tsw has kev nkauj kev nraug, hab ua phem ua qas, hab ua dev ua npua.
Povlauj ntuag cov ntseeg
1 Zag nuav yog zag peb kws kuv yuav tuaj saib mej. Muaj lug sau ca tsua huv Vaajtswv phoo ntawv has tas, yog muaj xaiv muaj lug yuav tsum yog ob leeg peb leeg ua tim khawv txha muaj tseeb. 2 Kuv xaav ntuag mej cov kws tub ua txhum lug lawm hab ntuag suavdawg. Thaus kuv tuaj saib mej zag ob kuv tub ntuag mej ib zag lawm. Kuas nwgnuav txawm yog kuv nyob deb mej los kuv rov ntuag mej dua ib zag has tas, lwm zag thaus kuv tuaj kuv yuav rau txem tsua txhua tug kws ua txhum huvsw. 3 Mej yuav pum has tas, tej kws kuv qha yog tej kws Yexu Kheto kuas kuv has. Thaus nwg nug mej nwg yuav tsw ua tug nyuas qaug zuj zwg, kuas nwg yuav ua tsua mej pum nwg tug fwjchim. 4 Thaus luas muab nwg teem tsua sau ntoo khaublig nwg ua tug nyuas qaug quas zwg. Txawm yog le ntawm los nwgnuav nwg tseem muaj txujsa nyob, tsua qhov Vaajtswv kws muaj fwjchim tub tsaa nwg sawv huv qhov tuag rov lug lawm. Peb cov kws nrug nwg koom ib txujsa peb qaug zug ib yaam le nwg. Kuas Vaajtswv pub fwjchim tsua peb ib yaam le pub tsua nwg, peb txha muaj cuab kaav ntuag mej. 5 Mej ca le ua tuab zoo xaav thoob thoob saib mej yog cov kws muab tsua sau sab ntseeg los tsw yog. Nyab mej kuj paub lawm tas, Yexu Kheto nyob huv mej lub sab. Yog mej tsw paub tes ntshai tsw yog mej ntseeg tag. 6 Kuv xaav has tas, nyab mej kuj paub has tas, peb yog cov kws ntseeg tag tag. 7 Peb naj nub thov Vaajtswv paab kuas mej tsw xob ua txhum. Peb thov le hov tsw yog peb ua tsua suavdawg xaav has tas, peb yog cov kws tub ua zoo lawm. Txawm yog muaj tuabneeg saib tsw taug peb los peb yeej xaav kuas mej ua tau tuabneeg zoo. 8 Tsua qhov peb tsw muaj cuab kaav ua ib yaam daabtsw taab kaum Vaajtswv txujlug kws yog qhov tseeb, peb tsuas muaj cuab kaav ua lawv le txujlug tseeb hov xwb. 9 Thaus peb qaug zug, mej muaj zug mas peb txha zoo sab kawg le. Peb txha thov Vaajtswv paab kuas mej ua tau zoo le tug tswv Yexu. 10 Tub yog vem le hov thaus kuv tseem nyob deb mej kuv txha sau tsaab ntawv nuav tuaj tsua mej. Thaus kuv tuaj saib mej, txawm yog kuv muaj cuab kaav tshev mej los kuv yuav tsw has nyaav tsua mej. Tsua qhov peb tug tswv Yexu Kheto tsuas kheev kuv muaj cuab kaav tsaa mej lub neej xwb, kuv tsw muaj cuab kaav txuv mej lub neej. 11 Cov kwvtij, kuv le lug muaj npaum le nuav xwb. Mej yuav tsum muab tsua sau sab xyum ua zoo kawg nkaus. Mej ca le khaws kuv tej lug ca, suavdawg ua ib lub sab hab ib leeg tsw xob nrhav xaiv nrhav lug tsua ib leeg. Yog mej ua le hov mas Vaajtswv kws hlub mej hab pub mej tau nyob kaaj sab quas lug txha nrug nraim mej nyob. 12 Cov kwvtij, mej ib leeg yuav tsum hlub ib leeg. 13 Vaajtswv cov tuabneeg txhua tug, puab has tas puab ncu ncu mej. 14 Thov peb tug tswv Yexu Kheto foom koob foom moov tsua mej. Thov Vaajtswv hlub mej, hab thov Vaajtswv tug Ntsuj Plig kws ua tsua mej nyob sws raug zoo nrug nraim mej nyob.
1 Kuv yog Povlauj kws yog Vaajtswv tug tubkhai. Kuv sau tsaab ntawv nuav xaa tuaj tsua mej. Qhov kws kuv tau ua Vaajtswv tug tubkhai tsw yog tuabneeg tsaa kuv ua, hab tsw yog Vaajtswv kuas leejtwg tsaa kuv ua, kuas yog Yexu Kheto hab Vaajtswv kws yog peb leej txwv kws tsaa Yexu sawv huv qhov tuag rov lug tsaa kuv ua tubkhai. 2 Cov kwvtij kws nrug kuv nyob, puab suavdawg nrug kuv ncu ncu mej txhua tug ntseeg kws nyob huv Kalata tebchaws. 3 Thov Vaajtswv kws yog peb leej txwv hab peb tug tswv Yexu Kheto foom koob foom moov tsua mej, hab paab kuas mej tau nyob kaaj sab quas lug. 4 Yexu Kheto nwg muab nwg txujsa lug txhwv peb lub txem kuas peb dim huv tam tuabneeg kws ua phem nuav. Qhov kws Yexu paab peb le ntawm tub yog lawv le Vaajtswv kws yog peb leej txwv lub sab nyam. 5 Thov kuas Vaajtswv tau koob meej moog ib txhws le. Amee.
Txuj xuv zoo kws tseem ceeb
6 Kuv xaav tsw thoob tsua qhov kws mej muab Yexu Kheto tso tseg sai sai, es moog noog lwm zaaj kws tsw yog Vaajtswv txuj xuv zoo. Yexu Kheto tub yog tug kws hlub mej hab xaiv mej ca lawm. 7 Qhov tseeb yeej tsw muaj lwm zaaj kws yog txuj xuv zoo. Kuas muaj qee leej tuaj ua tsua mej ntxhuv, tsua qhov puab xaav ntxeev Yexu Kheto txuj xuv zoo. 8 Kuv qha tsua mej has tas, txawm yog peb lossws ib tug tubkhai sau ntuj lug qha lwm zaaj kws txawv txuj xuv zoo kws peb tub qha tsua mej lawm tsua mej, tes tug hov yeej yuav poob tsua huv ntuj tawg kub. 9 Yaav tom ntej peb tub qha zaaj nuav tsua mej lawm, nwgnuav kuv yuav rov qha dua ib zag tsua mej has tas, yog leejtwg tuaj qha lwm zaaj kws txawv txu j xuv zoo kws mej tub ntseeg lawm tsua mej, tes tug hov yuav poob tsua huv ntuj tawg kub. 10 Kuv has le nuav mej xaav has tas, yog kuv has kuas tuabneeg qhuas kuv los. Tsw yog le hov. Yog kuv has kuas hum Vaajtswv sab xwb. Mej xaav has tas, kuv has kuas tuabneeg nyam kuv nua los. Yog kuv tseem ua le ntawm tes kuv yeej ua tsw tau Yexu Kheto tug tub qhe.
Vem le caag Povlauj tau ua tubkhai
11 Cov kwvtij, kuv xaav qha tsua mej paub has tas, txuj xuv zoo kws kuv naj nub qha tsw yog tuabneeg le. 12 Kuv tsw tau kawm zaaj nuav ntawm leejtwg, hab tsw muaj tuabneeg qha tsua kuv. Kuas tug kws qha txuj xuv zoo hov tsua kuv yog Yexu Kheto. 13 Mej tub nov lawm tas, yaav tom ntej kws kuv tseem coj Yutai kevcai kuv tswm txom cov ntseeg Vaajtswv heev kawg nkaus le, hab xaav muab cov ntseeg tua pov tseg kuas taag huvsw. 14 Thaus kuv tseem coj Yutai kevcai peb cov kwvtij Yutai kws nrug kuv ib phaum mas kuv yog tug kws coj zoo tshaaj plawg. Hab kuv yog tug kws coj peb puj koob yawm koob tej kevcai nruj dua suavdawg. 15 Kuas Vaajtswv hlub kuv. Nwg tub xaiv kuv ca thaus tsw tau yug kuv lawm, hab hu kuv lug ua nwg teg num. 16 Vaajtswv pum zoo qha nwg tug tub tsua kuv paub, tsua qhov nwg xaav kuas kuv moog qha txuj xuv zoo kws has txug nwg tug tub tsua lwm tsaav tuabneeg noog. Thaus ntawm kuv tsw tau moog nrug leejtwg sablaaj. 17 Hab kuv tsw tau moog saib cov kws xub ua tubkhai dua kuv nraag lub nroog Yeluxalee. Kuv ca le moog nraag A lanpa tebchaws, hab ca le rov qaab moog peg lub moos Tamexe. 18 Tau peb xyoos tom qaab kuv le maav moog saib Pestus nraag Yeluxalee, kuv moog nrug nwg nyob nraag tau kaum tswb nub. 19 Kuv tsw pum lwm tug tubkhai le tsuas yog pum Yexu tug kwv Yakaupau xwb. 20 Tej kws kuv sau tuaj tsua mej nuav kuv has tseeb xwb. Muaj Vaajtswv nyob sau pum, kuv tsw daag mej. 21 Dhau hov ntawm kuv txawm moog peg tej moos kws nyob huv Xilia tebchaws hab Kilika tebchaws. 22 Thaus ntawm cov ntseeg kws nyob nraag Yutai tebchaws tsw tau pum dua kuv le. 23 Puab tsuas nov has tas, tug kws thau tswm txom peb, nwgnuav nwg qha zaaj kws peb ntseeg kws yaav tom ntej nwg pheej yuav ua kuas puam tsuaj. 24 Puab nov has tas, kuv ua Vaajtswv teg num, puab txha qhuas Vaajtswv hab ua Vaajtswv tsaug.
Povlauj moog saib cov tubkhai
1 Tau kaum plaub xyoos tom qaab kuv le maav rov moog nraag lub nroog Yeluxalee. Npananpa nrug kuv moog, kuv coj Titau moog hab. 2 Qhov kws kuv moog nraag yog Vaajtswv kuas kuv moog. Thaus kuv hu cov thawj tuaj txhwj lawm kuv pav txuj xuv zoo kws kuv naj nub coj moog qha lwm tsaav tuabneeg tsua puab noog. Kuv ua le ntawm tsua qhov kuv tsw xaav ca leejtwg rhuav kuv teg num, tsw has tej kws kuv ua lug lawm, hab tej kws naj nub nwgnuav kuv tseem ua. 3 Tug kwvluag Titau kws nrug kuv moog ntawm, nwg tub yog tuabneeg Kili los tsw muaj leejtwg has tas, yuav tsum muab nwg ua kevcai txav. 4 Kuas tseem muaj tuabneeg ua txuj tuaj has tas, puab yog cov kwvtij ntseeg hab yog peb tuab paab. Puab cov hov muaj qee leej xaav coj Titau moog ua kevcai txav. Cov tuabneeg ntawm tub yog tuaj xauj saib vem le caag peb cov kws ntseeg Yexu Kheto peb tsua tau nyob kaab ntsaab. Puab ua le ntawm tsua qhov puab xaav kuas peb poob moog ua puab qhev. 5 Kuas peb tsw kaam ua lawv le puab qha ib nyuas qhov le, tsua qhov peb tsw xaav ca leejtwg rhuav tau qhov tseeb kws txuj xuv zoo qha, mas mej txha le muaj txuj xuv zoo kws tseeb moog 1e. 6 Kuas cov tuabneeg kws suavdawg hu has tas puab yog cov thawj, tub tsw tau qha ib yaam daabtsw kws kuv tsw tau paub tsua kuv. Txawm yog yaav tom ntej puab zoo le caag los xwj peem puab. Vaajtswv yeej tsw xaiv leejtwg ntsej muag le. 7 Puab cov ntawm pum has tas, Vaajtswv muab teg num kws qha txuj xuv zoo tsua lwm tsaav tuabneeg tsua kuv ua, ib yaam le Vaajtswv muab teg num kws qha txuj xuv zoo tsua cov Yutai tsua Pestus ua, 8 Tsua qhov Vaajtswv tsaa kuv ua ib tug tubkhai qha lwm tsaav tuabneeg ib yaam le Vaajtswv tsaa Pestus ua tubkhai qha cov Yutai. 9 Yakaupau, Pestus hab Yauhaa kws suavdawg hu ua cov thawj, puab puav leej paub tas, Vaajtswv tub muab tej num hov tsua kuv ua lawm, puab txha tuav Npananpa ib ob txhais teg xws nchus. Peb txhua tug pum zoo has tas, ca Npananpa ib moog qha lwm tsaav tuabneeg, huas ca puab qha cov Yutai. 10 Puab tsuas thov kuas ib ncu ntsoov cov tuabneeg pluag kws yog puab cov. Qhov kws puab thov hov kuv yeej ib txwm muab tsua sau sab paab lug lawm.
Povlauj tshev Pestus peg lub moos Aati-auka
11 Thaus Pestus tuaj nyob peg lub moos Aati-auka, kuv ca le taab meeg muab nwg tshev, tsua qhov suavdawg paub has tas, nwg tau ua txhum lawm. 12 Thaus Yakaupau tseem tsw tau khaiv tuabneeg tuaj Pestus kuj nrug lwm tsaav tuabneeg kws ntseeg Vaajtswv noj mov ua ke, kuas thaus Yakaupau khaiv tuabneeg tuaj txug, Pestus txawm ca le tsw nrug lwm tsaav tuabneeg noj mov ua ke lawm, tsua qhov nwg ntshai cov tuabneeg kws qha has tas, yuav tsum muab lwm tsaav tuabneeg ua kevcai txav. 13 Cov Yutai kws ntseeg Vaajtswv, muaj ob peb leeg ntaus sab yau ib yaam le Pestus. Txawm yog Npananpa los kuj yuam kev ua le puab ua hab. 4 Thaus kuv pum tas, puab txhua tug tsw ua lawv le tej qhov tseem ceeb kws txuj xuv zoo qha, kuv txha taab meeg tshev Pestus tsua suavdawg has tas, koj yog tuabneeg Yutai kuas koj tub moog ua le lwm tsaav tuabneeg, koj tsw ua le koj yog tuabneeg Yutai lawm. Yog le ntawm ua le caag koj tseem yuav yuam lwm tsaav tuabneeg kuas puab ua le cov Yutai ua daabtsw.
Cov Yutai hab lwm tsaav tuabneeg yuav tsum ntseeg txha dim
15 Peb yog tuabneeg Yutai, peb tsw yog lwm tsaav tuabneeg kws muaj txem. 16 Kuas peb tseem paub has tas, tug kws Vaajtswv coj lug nrug Vaajtswv sws raug zoo, tsw yog tug kws xyum coj lawv le Vaajtswv txuj kevcai, kuas yog tug kws ntseeg Yexu Kheto. Txawm yog peb los kuj ib yaam nkaus le ntawm, qhov kws Vaajtswv coj peb lug nrug Vaajtswv sws raug zoo tub yog vem peb ntseeg Yexu Kheto, tsw yog vem peb xyum coj lawv le Vaajtswv txuj kevcai. Tsua qhov tug kws Vaajtswv coj lug nrug Vaajtswv sws raug zoo tsw yog tug kws xyum coj lawv le Vaajtswv txuj kevcai. 17 Yog le ntawm, yog peb tub tso sab has tas, qhov kws peb ntseeg Yexu Kheto ua tsua Vaajtswv coj peb lug nrug Vaajtswv sws raug zoo lawm, yog peb tseem ua txhum le lwm tsaav tuabneeg, peb yuav has tas, Yexu Kheto yog tug kws qha peb ua txhum los. Tsw yog le ntawm ib zag le. 18 Yog kuv tseem rov muab tej kws kuv tub muab rhuav lawm lug ua dua, tes suavdawg yuav pum has tas, kuv ua txhum Vaajtswv txuj kevcai. 19 Thaus kuv tseem xyum coj lawv le Vaajtswv txuj kevcai kuv zoo ib yaam le tug kws tuag lawm, yog txuj kevcai tua kuv. Kuas nwgnuav Vaajtswv txuj kevcai tsw kaav kuv lawm, kuv txha tau kev ua lawv le Vaajtswv lub sab nyam. 20 Kuv tub nrug Yexu Kheto tuag sau ntoo khaublig lawm. Yog le ntawm txujsa kws nwgnuav kuv muaj tsw yog kuv txuj, kuas yog Yexu Kheto txuj. Qhov kws nwgnuav kuv muaj txujsa nyob tub yog vem kuv ntseeg Vaajtswv tug tub kws hlub kuv hab muab nwg txujsa lug txhwv kuv. 21 Vaajtswv txuj koob txuj moov kuv yeej tsw mom txaj mom ntswg. Yog Vaajtswv coj tug kws xyum ua lawv le Vaajtswv txuj kevcai lug nrug Vaajtswv sws raug zoo lawm, tes qhov kws Yexu Kheto tuag yeej tsw muaj qaabhau daabtsw hlo le.
Vaajtswv coj tug ntseeg lug nrug Vaajtswv sws raug zoo
1 Cov tuabneeg Kalata kws ruag, leejtwg ntxag mej. Kuv tub qha qhov kws Yexu Kheto raug teem sau tug ntoo khaublig tsua mej paub tseeb ib yaam le mej lub qhov muag tub pum lawm ntaag. 2 Kuv xaav nug mej ib lus. Yog mej xyum coj lawv le Vaajtswv txuj kevcai es Vaajtswv txha pub nwg tug Ntsuj Plig tsua mej, los yog mej noog hab ntseeg txuj xuv zoo es nwg pub tsua mej 3 Ua caag mej yuav ruag ua luaj le. Thaus chiv thawj mej tub ua lawv le Vaajtswv tug Ntsuj Plig qha mej lawm, kuas nwgnuav mej tsua yuav swv mej tug daag tug zug ua kuas tav los. 4 Ib puas tsaav yaam kws Vaajtswv paab mej lawm txawm tsw muaj qaabhau tsua mej le los. Yeej muaj los sas 5 Qhov kws Vaajtswv pub Vaajtswv tug Ntsuj Plig tsua mej, hab ua tej txujci tseem ceeb tsua mej pum, yog vem mej xyum coj lawv le Vaajtswv txuj kevcai, los yog vem mej noog hab ntseeg txuj xuv zoo. 6 Mej tsw paub los. Tub muaj lug sau ca tsua huv Vaajtswv phoo ntawv has txug Aplahaa has tas, Aplahaa ntseeg Vaajtswv, Vaajtswv txha coj Aplahaa lug nrug Vaajtswv sws raug zoo. 7 Yog le ntawm mej yuav tsum paub has tas, tsuas yog cov tuabneeg kws ntseeg txha yog Aplahaa xeeb ntxwv. 8 Tub xub muaj lug sau ca tsua huv Vaajtswv phoo ntawv has tas, Vaajtswv yuav coj lwm tsaav tuabneeg kws ntseeg lug nrug Vaajtswv sws raug zoo. Yog le ntawm Vaajtswv phoo ntawv txha xub qha txuj xuv zoo tsua Aplahaa paub ua ntej lawm, Vaajtswv has tas, vem koj noog kuv lug kuv yuav foom koob foom moov tsua txhua tsaav tuabneeg kws nyob huv qaab ntuj nuav. 9 Vem Aplahaa ntseeg, Aplahaa txha tau koob tau moov. Yog le ntawm txhua tug kws ntseeg puav leej yuav tau koob tau moov ib yaam le Aplahaa. 10 Cov tuabneeg kws tso sab tsua qhov kws puab xyum coj lawv le Vaajtswv txuj kevcai,tes tub raug foom tsw zoo lawm. Tsua qhov muaj lug sau ca tsua huv Vaajtswv phoo ntawv has tas, yog leejtwg tsw ua lawv le txhua nqais kws sau ca tsua huv Vaajtswv txuj kevcai tes tug hov tub raug foom tsw zoo lawm. 11 Mas peb paub tseeb has tas, tug kws Vaajtswv coj lug nrug Vaajtswv sws raug zoo mas tsw yog tug kws xyum coj lawv le Vaajtswv txuj kevcai. Tsua qhov muaj lug sau ca tsua huv Vaajtswv phoo ntawv has tas, tug kws Vaajtswv coj lug nrug Vaajtswv sws raug zoo mas tub ua tuabneeg tshab lawm vem nwg ntseeg Vaajtswv 12 Vaajtswv txuj kevcai mas tsw muaj lug has txug kev ntseeg, kuas tseem muaj lug sau ca tsua huv Vaajtswv phoo ntawv has tas, tug kws coj tau lawv le Vaajtswv txuj kevcai txhua nqais huvsw, mas nwg yuav tau txujsa, tsua qhov nwg ua tau lawv le tej kws txuj kevcai hov qha. 13 Vaajtswv txuj kevcai tub ua tsua peb raug foom tsw zoo lawm. Kuas Yexu Kheto lug nyob peb chaw raug foom tsw zoo paab kuas peb dim. Lawv le muaj lug sau ca tsua huv Vaajtswv phoo ntawv has tas, tug kws raug teem tsua sau ntoo mas tub raug foom tsw zoo lawm. 14 Thaus luas muab Yexu Kheto teem tsua sau ntoo khaublig lawm, Vaajtswv txha foom koob foom moov tsua lwm tsaav tuabneeg kws lug ntseeg Yexu Kheto, lawv le Vaajtswv tau cog lug tseg tsua Aplahaa lawm. Hab Vaajtswv pub Vaajtswv tug Ntsuj Plig tsua peb lawv le Vaajtswv cog lug tseg has tas, Vaajtswv yuav pub Vaajtswv tug Ntsuj Plig tsua txhua tug kws ntseeg Yexu Kheto.
Vaajtswv txuj kevcai hab lu lug cog tseg
15 Cov kwvtij, suavdawg puav leej paub has tas, yog muaj ob leeg tau sws cog lug has hum sau ca lawm, yeej tsw muaj leejtwg yuav rhuav tau, lossws yuav muab lwm lu lug ntxwv tau tsua. 16 Thaus Vaajtswv cog lug tseg tsua Aplahaa hab Aplahaa tug xeeb ntxwv Vaajtswv tsw tau has tas cog tsua cov xeeb ntxwv ntau tug yaam le yog muaj ntau leej. Vaajtswv has tas, cog tsua koj tug xeeb ntxwv. Nwg has le hov yog has txug tuab leeg xwb, yog Yexu Kheto. 17 Kuv has le nuav tub yog kuv has tas, Vaajtswv yog tug kws cog lug tseg hab yog tug kws yuav ua lawv le lu lug cog tseg ntawm. Vaajtswv tub xub cog lug tseg tau plaub puas peb caug xyoo lawm le maav muaj Vaajtswv txuj kevcai. Yog le ntawm Vaajtswv txuj kevcai yeej rhuav tsw tau Vaajtswv lu lug cog tseg. 18 Yog tug kws ua lawv le Vaajtswv txuj kevcai tau Vaajtswv txuj koob txuj moov lawm tes tsw txug yuav tog txuj koob txuj moov kws Vaajtswv cog lug tseg has tas, Vaajtswv yuav pub tsua Aplahaa. Aplahaa tub tau Vaajtswv txuj koob txuj moov lawv le Vaajtswv lu lug cog tseg lawm. 19 Yog le ntawm ua caag Vaajtswv tseem yuav qha Mauxe sau ib txuj kevcai hab. Qhov kws Vaajtswv qha Mauxe sau ib txuj kevcai ntxwv tsua Vaajtswv lu lug cog tseg, tub yog Vaajtswv xaav kuas tuabneeg paub has tas, muaj kev txhum. Vaajtswv tub xaav tseg lawm tas, tsuas kheev tuabneeg coj txuj kevcai hov moog txug thaus Aplahaa tug xeeb ntxwv kws Vaajtswv lu lug cog tseg has txug, lug xwb. Vaajtswv kuas cov tubkhai sau ntuj muab txuj kevcai ntawm tsua Mauxe coj lug qha suavdawg. Mas Mauxe yog tug kws cev lug. 20 Kuas yog muaj tuab leeg ua num xwb tes tsw txug yuav muaj tug kws cev lug. Mas Vaajtswv tuab leeg ua teg num ntawm.
Vem le caag muaj Vaajtswv txuj kevcai
21 Yog le hov Vaajtswv txuj kevcai tawm tsaam Vaajtswv lu lug cog tseg los. Yeej tsw yog le ntawm. Yog muaj ib txuj kevcai kws cawm tau tuabneeg txujsa, tes Vaajtswv yuav coj tug kws ua lawv le txuj kevcai ntawm lug nrug Vaajtswv sws raug zoo. 22 Kuas muaj lug sau ca tsua huv Vaajtswv phoo ntawv has tas, txhua tug tuabneeg kws nyob huv qaab ntuj nuav puav leej yog tuabneeg txhum huvsw. Vaajtswv phoo ntawv qha le ntawm sub txhua tug kws ntseeg txha tau txuj koob txuj moov kws Vaajtswv cog lug tseg has tas, Vaajtswv yuav muab pub tsua cov kws ntseeg Yexu Kheto. 23 Thaus tseem tsw tau txug lub swmhawm kws yuav muaj tuabneeg lug ntseeg, Vaajtswv txuj kevcai yeej ib txwm khi peb lug txug thaus kws peb paub lug ntseeg. 24 Yog le ntawm Vaajtswv txuj kevcai zoo ib yaam le tug kws saib peb lug txug lub swmhawm kws Yexu Kheto lug,Vaajtswv txha coj tau peb txhua tug kws ntseeg lug nrug Vaajtswv sws raug zoo. 25 Nwgnuav tub txug lub swmhawm kws tuabneeg paub lug ntseeg lawm. Yog le hov Vaajtswv txuj kevcai txha tsw ua tug kws saib peb lawm. 26 Nwgnuav mej txhua tug kws ntseeg Yexu Kheto mej puav leej yog Vaajtswv le mivnyuas. 27 Mej tub ua kevcai raus dej tsua suavdawg pum has tas, mej yog cov kws nrug Yexu Kheto koom ua ib txujsa, mej txha ua tau zoo ib yaam le Yexu Kheto ua. 28 Yog le ntawm, mej txhua tug kws nrug Yexu Kheto koom ua ib txujsa tsw has cov Yutai los yog, lwm tsaav tuabneeg los yog, cov tuabneeg kws ua qhev los yog, tsw has quaspuj quasyawg los yog, mej suavdawg puav leej koom tuab lub sab. 29 Mej txhua tug kws ntseeg Yexu Kheto lawm mej puav leej yog Aplahaa le xeeb ntxwv, mej yeej yuav tau tej kws Vaajtswv cog lug tseg has tas, nwg yuav pub tsua mej.
1 Peb suavdawg puav leej paub has tas, lawv le ib txwm nam txwv yeej yuav muab qub txeeg qub teg tsua ob tug tug tub. Txawm yog tug tub yuav tau ib puas tsaav yaam ntawm los thaus nwg tseem yau nwg kuj zoo ib yaam le tug tub qhe xwb. 2 Thaus nwg tseem yau mas muaj tuabneeg saib nwg, hab ceev nwg tej nyaj txag ca moog txug nub kws nwg txwv teem ca tas, yuav muab tsua nwg. 3 lb yaam nkaus le ntawm, thaus peb tseem tsw tau paub Vaajtswv peb ua daab tauj daab qhev xwb. 4 Kuas thaus txug lub swmhawm kws Vaajtswv teem ca lawm, Vaajtswv khaiv Vaajtswv tug tub lug yug ua tuabneeg, muaj ib tug quaspuj yug nwg. Hab nwg kuj coj Yutai txuj kevcai ib yaam le suavdawg, 5 nwg txha paab tau cov tuabneeg kws Vaajtswv txuj kevcai muab khi ca lawm kuas dim. Nwg ua le hov peb txha tau ua Vaajtswv le mivnyuas. 6 Vaajtswv khaiv Vaajtswv tug tub tug Ntsuj Plig lug nyob huv peb lub sab, suavdawg txha pum has tas, mej yog Vaajtswv le mivnyuas. Tug Ntsuj Plig hov yog tug kws qha peb hu Vaajtswv tas, txwv, kuv txwv. 7 Yog le ntawm mej tsw yog qhev lawm, mej yog tub. Vem mej yog Vaajtswv cov tub lawm, mej txha tau ib puas tsaav yaam kws Vaajtswv khaws ca tsua Vaajtswv cov tub.
Povlauj txhawj cov ntseeg
8 Yaav tom ntej mej tsw paub Vaajtswv, mej txha poob moog ua daab tauj daab qhev. 9 Kuas nwgnuav mej tub paub Vaajtswv lawm. Yog kuv has tas, nwgnuav Vaajtswv tub paub mej lawm ntshai yuav yog dua. Ua le caag mej tseem xaav rov moog coj daab. Cov daab ntawm tsw muaj fwjchim paab tau mej, mej tseem xaav rov moog ua daab qhev dua hab los. 10 Mej naj nub ca sab tsua qhov kws mej saib nub saib hlis, saib naj saib xyoo. 11 Mej pheej ua le ntawm kuv ntshai tsaam tej kws kuv tub qha tsua mej lawm tsw muaj qaabhau tsua mej. 12 Cov kwvtij, kuv thov mej ua ib yaam le kuv ua. Tsua qhov kuv tub ua ib yaam le mej ua lawm. Mej tsw tau ua txhum tsua kuv hlo le. 13 Mej tub paub lawm tas, thawj zag kws kuv tuaj saib mej kuv muaj mob, kuv txha le tau qha txuj xuv zoo tsua mej. 14 Txawm yog kuv tug mob ua tsua mej tau kev ntxhuv sab los mej tsw ntxub kuv, mej tseem saib taug kuv. Mej tu kuv zoo ib yaam le kuv yog Vaajtswv ib tug tubkhai sau ntuj, hab ib yaam le kuv yog Yexu Kheto ntaag. 15 Thaus kuv tuaj saib mej, mej zoo sab tsua kuv kawg le. Nwgnuav mej nov qaab lawm los. Kuv paub has tas, thaus ntawm yog kuv xaav yuav mej lub qhov muag los mej yeej yuav dawj tsua kuv. 16 Kuv has ncaaj tsua mej kuv tsw daag mej es nwgnuav mej txha le ntxub kuv los. 17 Cov tuabneeg ntawm muab sab npuab mej heev kuas mej nyam puab ib yaam le puab nyam mej. Kuas puab lub sab yeej phem, puab xaav ua kuas mej hab kuv tsw sws hum. 18 Qhov kws muaj tuabneeg muab sab npuab mej mas zoo heev, tsw has thaus kuv nrug mej nyob los yog, kuv tsw nrug mej nyob lawm los yog, tsuav yog puab muaj lub sab ncaaj xwb. 19 Cov mivnyuas kws kuv hlub, kuv txhawj mej ib yaam le tug quaspuj kws ua mob teb es nwg txhawj yug nwg tug mivnyuas ntaag. Ntshai kuv yuav txhawj le nuav moog txug thaus mej muaj lub sab zoo ib yaam le Yexu Kheto lub. 20 Yog taamswm nuav kuv nrug mej nyob, kuv yuav ua tuab zoo qha mej, tsua qhov kuv txhawj mej heev.
Zaaj lug kws pev txug Hakha hab Xala
21 Mej cov kws nyam xyum lawv le Vaajtswv txuj kevcai, mej ca le qha tsua kuv saib, Vaajtswv txuj kevcai qha le caag. 22 Muaj lug sau ca tsua huv Vaajtswv phoo ntawv has tas, Aplahaa muaj ob tug tub. Ib tug yog tug quaspuj kws ua qhev yug, ib tug yog tug quaspuj kws tsw ua qhev yug. 23 Tug quaspuj kws ua qhev nwg yug nwg tug tub lawv le tuabneeg ib txwm yug, kuas tug quaspuj kws tsw ua qhev nwg yug nwg tug tub lawv le Vaajtswv lu lug cog tseg kws has tas, nwg yuav yug. 24 Ob tug quaspuj kws kuv pav tsua mej nuav, pev ib yaam le yog Vaajtswv ob txuj kevcai. Muaj ib txuj lug peg roob Xinai lug, txuj ntawm pev ib yaam le yog Hakha kws yug cov mivnyuas kws ua qhev. 25 Hab pev ib yaam le -Hakha yog lub roob Xinai kws nyob nraag Alanpa tebchaws, hab yog lub nroog Yeluxalee kws nwgnuav tseem nyob. Tsua qhov lub nroog hab cov pejxeem kws nyob huv lub nroog puav leej poob moog ua luas qhev. 26 Kuas lub nroog Yeluxalee kws nyob sau ntuj mas tsw ua qhev, nwg yog peb nam. 27 Tub muaj lug sau ca tsua huv Vaajtswv phoo ntawv has tas, Tug quaspuj kws ib txwm xeeb tsw taug mivnyuas, koj ca le zoo sab. Tug quaspuj kws tsw tau mob dua plaab yug mivnyuas ib zag le, koj ca le qha nrov nrov tsua suavdawg has tas, koj zoo sab kawg le. Tsua qhov tug quaspuj kws tug quasyawg muab tso tseg lawm, nwg yuav muaj mivnyuas coob dua tug quaspuj kws muaj quasyawg nrug nyob. 28 Cov kwvtij, mej puav leej yog Vaajtswv cov mivnyuas lawv le Vaajtswv lu lug cog tseg, ib yaam le thau Vaajtswv cog tseg txug Yiha, tes txawm muaj Yiha. 29 Thaus ntawm tug tub kws yug lawv le tuabneeg ib txwm yug, tswm txom tug tub kws Vaajtswv tug Ntsuj Plig yug. Txawm yog naj nub nwgnuav los tseem muaj le ntawm. 30 Kuas Vaajtswv phoo ntawv sau has le caag, Vaajtswv phoo ntawv sau has tas, ca le ntab tug puj qhev hab nwg tug tub tawm moog, tsua qhov tug puj qhev tug tub yuav tsw tau leej txwv tej qub txeeg qub teg kws leej txwv yuav muab tsua tug quaspuj kws tsw ua qhev tug tub. 31 Yog le ntawm cov kwvtij peb tsw yog tug puj qhev le tub, peb yog tug nam tsaav cuab le tub.
Cov ntseeg tau nyob kaab ntsaab
1 Nwgnuav peb tau nyob kaab ntsaab, tsua qhov Yexu Kheto tub tso peb cov kws ua qhev dim lawm. Mas mej yuav tsum muab tsua sau sab ntseeg, txw xob kheev leejtwg coj mej rov moog ua qhev dua 2 Mej ca le ua tuab zoo noog kuv tej lug. Kuv qha tsua mej has tas, yog mej kaam ua kevcai txav lawm, tes kuj yog mej has tas, Yexu Kheto paab tsw tau mej. 3 Kuv rov qaab qha dua tsua mej has tas, tug kws ua kevcai txav lawm, tug ntawm yuav tsum coj lawv le Vaajtswv txuj kevcai txhua nqai huvsw. 4 Mej cov kws xyum ua lawv le Vaajtswv txuj kevcai kuas Vaajtswv coj mej lug nrug Vaajtswv sws raug zoo, mej tub ncaim Yexu Kheto moog lawm, mej yuav tsw tau Vaajtswv txuj koob txuj moov. 5 Kuas peb cov peb ntseeg has tas, Vaajtswv tug Ntsuj Plig yog tug kws paab peb, mas peb txha naj nub ca sab ntsoov tog nub kws Vaajtswv yuav coj peb lug nrug Vaajtswv sws raug zoo. 6 Tsua qhov peb cov kws tub nrug Yexu Kheto koom ua ib txujsa lawm, peb tsw suav has tas, qhov kws ua kevcai txav yog qhov kws tseem ceeb. Kuas peb suav has tas, qhov tseem ceeb yog qhov kws tug ntseeg muaj lub sab hlub lwm tug. 7 Mej tub ua lawv le Vaajtswv txujlug kws yog qhov tseeb lawm. Leejtwg tuaj txwv tsw kheev mej ua lawv le. 8 Vaajtswv kws tub xaiv mej ca lawm nwg tsw txwv mej. 9 Suavdawg ib txwm has tas, ib nyuas qhov keeb xwb ua tsua ib tsum mov qaab thoob plawg. 10 Kuas kuv tseem ca sab tau tsua mej txhua tug kws nrug Yexu Kheto koom ua ib txujsa has tas, mej yuav tsw laam moog ntseeg lwm zaaj. Hab kuv paub has tas, tug kws tuaj ua tsua mej ntxhuv ntawm, nwg yog leejtwg los xwj, Vaajtswv yeej yuav rau txem tsua nwg. 11 Cov kwvtij, mej swm xaav saib, yog kuv qha has tas, suavdawg yuav tsum ua kevcai txav, tes kuv yeej tsw raug kev tswm txom le. Ua caag kuv tseem tsua raug hab nua. Yog kuv qha le ntawm tes zaaj kws kuv qha has txug Yexu Kheto tug ntoo khaublig kuj tsw ua tsua suavdawg tu sab. 12 Kuv xaav kuas cov tuabneeg kws tuaj ua tsua mej ntxhuv sab ntawm, puab ca le muab puab saam kag. 13 Cov kwvtij, qhov kws Vaajtswv tau xaiv mej ca lawm tub yog nwg xaav kuas mej tau nyob kaab ntsaab. Kuas mej tsw xob muab txujkev kaab ntsaab hov coj lug npug mej lub plhu es moog ua kev phem kev qas. Mej tsw xob ua le ntawm. Mej yuav tsum sws hlub hab ib leeg paab ib leeg. 4 Tsua qhov Vaajtswv txuj kevcai txhua nqai muab sau zog ua tuab nqais mas yog has tas yug yuav tsum hlub lwm tug ib yaam le yug hlub yug lub cev. 15 Kuas yog mej ua le tej tsaj, mej ib leeg ntxo ib leeg, ib leeg ua lim ham tsua ib leeg, tes mej ib leeg yuav ua tsua ib leeg raug kev puam tsuaj.
Ca Vaajtswv tug Ntsuj Plig kaav mej
16 Kuv qha tsua mej has tas, mej yuav tsum ca Vaajtswv tug Ntsuj Plig kaav mej, mej tsw xob ca mej lub sab kaav mej ib zag le. 17 Tsua qhov tuabneeg lub sab tsw nyam tej kws Vaajtswv tug Ntsuj Plig nyam, hab Vaajtswv tug Ntsuj Plig tsw nyam tej kws tuabneeg lub sab nyam. Tuabneeg lub sab hab Vaajtswv tug Ntsuj Plig yeej ua yeeb ncuab lawm, mas tej kws mej xaav ua mej txha ua tsw tau. 18 Yog Vaajtswv tug Ntsuj Plig coj mej kev tes Vaajtswv txuj kevcai tsw muaj fwjchim kaav mej lawm. 19 Suavdawg yeej paub tej kws tuabneeg lub sab nyam ua. Tej ntawm yog ntxag hluas nkauj hluas nraug, kev phem kev qas, 20 pe daab pe txoov daab, ua neeb ua yaig, ua khawv koob yeeg swv. Tuabneeg ua yeeb ncuab, sws tshe sws ntaus, sws khib, sws chim, xaav ua luj, sws faib ua paab ua pawg, 21 ntshaw luas tug, qaug dej qaug cawv, qw ua nqaaj ua nqug, hab lwm yaam kws zoo le tej nuav. Yaav tom ntej u kuv tub ntuag mej ! ib zag lawm, nwgnuav kuv rov ntuag mej dua ib zag has tas, cov tuabneeg kws ua tej nuav yuav tsw tau ua Vaajtswv le tuabneeg hab tsw tau nyob huv Vaajtswv lub tebchaws hlo le. 22 Kuas Vaajtswv tug Ntsuj Plig ua tsua tuabneeg muaj sab hlub lwm tug, zoo sab, nyob kaaj sab quas lug, ua sab ntev, muaj sab zoo, zoo sab quas hlo paab luas, ua sab ncaaj. 23 Tsw khaav theeb, hab ua tsua tuabneeg paub tswj tuabneeg lub sab. Yeej tsw muaj ib txuj kevcai kws yuav txwv tej nuav hlo le. 24 Cov kws ntseeg Yexu Kheto tub muab puab lub sab hab tej kev phem kws puab lub sab nyam ua, huvsw lug teem tsua tug ntoo khaublig lawm. 25 Vaajtswv tug Ntsuj Plig tub pub lub sab tshab tsua peb lawm, mas peb yuav tsum ca Vaajtswv tug Ntsuj Plig kaav taag nrho peb lub neej huvsw. 26 Peb tsw xob muab hlub, ib tug tsw xob ua tsua ib tug chim, hab tsw xob sws khib.
Sws paab rws nraa
1 Cov kwvtij, yog mej pum ib tug ua txhum, mej cov kws muab tsua sau sab ntseeg mej yuav tsum ua tuab zoo ntuag tug ntawm kuas nwg rov lug ua zoo. Kuas thaus mej yuav moog ntuag nwg mej yuav tsum ceev faaj, tsaam tes mej yuam kev moog nrug nwg ua txhum hab. 2 Mej yuav tsum sws paab rws nraa. Yog mej ua le ntawm, txha yog lawv le Yexu Kheto txuj kevcai. 3 Tug kws tsw yog tuabneeg tseem ceeb, yog nwg laam khaav has tas, nwg yog tug kws tseem ceeb, yeej yog nwg rov daag nwg xwb. 4 Txhua tug nyag yuav tsum ua tuab zoo saib nyag teg num saib zoo le caag tsaiv. Yog leejtwg teg num zoo lawm, tug ntawm txha khaav tau, tsw txug nwg yuav coj nwg teg num moog pev tsua lwm tug teg num saib zoo ib yaam los tsw zoo. 5 Tsua qhov txhua tug nyag yuav tsum rws nyag lub nraa. 6 Tug kws kawm Yexu Kheto tej lug, nwg yuav tsum zoo sab hlo muab ib puas tsaav yaam kws nwg muaj faib tsua tug kws qha nwg. 7 Mej tsw xob xaav yuam kev. Yeej tsw muaj ib tug yuav daag tau Vaajtswv. Txhua tug nyag yuav tau sau lawv le tej kws nyag tseb lawm. 8 Tug kws tseb tej kws tuabneeg lub sab nyam, nwg yuav tau sau kev pluj kev tuag lawv le nwg tau tseb lawm. Kuas tug kws tseb tej kws Vaajtswv tug Ntsuj Plig nyam, nwg yuav tau sau txujsa ntev moog ib txhws. 9 Yog le ntawm peb tsw xob nkeeg ua tej num zoo. Yog peb pheej ua tsw tso tseg mas muaj ib nub peb yuav tau sau. 10 Txhua lub swmhawm kws peb paab tau lwm tug, peb yuav tsum paab. Kuas peb yuav tsum paab cov ntseeg heev dua.
Povlauj ntuag hab xaa xuv tsua cov ntseeg
11 Mej swm ua tuab zoo saib saib tej npe ntawv kws kuv txhais teg sau xaa tuaj tsua mej nuav luj npaum le caag dag. 12 Qhov kws cov tuabneeg ntawm pheej yuav yuam mej ua kevcai txav, tub yog puab xaav kuas suavdawg qhuas has tas, mej tub ua lawv le puab has lawm. Qhov kws puab qha le hov tub yog puab paub has tas, tug kws leeg has tas, tsuas yog Yexu Kheto tug ntoo khaublig txha le paab tau tuabneeg dim lub txem xwb, tes nwg yuav raug kev tswm txom. 13 Txawm yog cov tuabneeg kws ua kevcai txav lawm los puab tub tsw ua lawv le Vaajtswv txuj kevcai. Cov tuabneeg ntawm xaav kuas mej ua kevcai txav, puab txha khaav tau has tas, mej tub zoo sab ca puab muab mej ua kevcai txav lawm. 14 Kuas kuv yuav tsw khaav le puab, kuv tsuas khaav has txug peb tug tswv Yexu Kheto tug ntoo khaublig xwb. Tub yog vem kuv ntseeg tug kws tuag sau ntoo khaublig mas tej kws tuabneeg lub sab nyam txha le tuag ntawm kuv lawm, hab kuv txha le tuag ntawm tej kws tuabneeg lub sab nyam lawm. 15 Qhov kws tuabneeg ua kevcai txav hab tsw ua los tsw tseem ceeb daabtsw. Qhov tseem ceeb yog qhov kws tuabneeg muaj dua lub sab tshab. 16 Thov Vaajtswv foom koob foom moov tsua txhua tug kws muaj lub sab tshab hab tsua Vaajtswv cov tuabneeg kuas suavdawg tau nyob kaaj sab quas lug. 17 Txwj nuav moog tsw xob kheev leejtwg tuaj ua tsua kuv ntxhuv sab dua lawm. Tsua qhov kuv lub cev kws muaj caws plav tub ua tsua suavdawg pum has tas, kuv yog Yexu Kheto tug tub qhe. 18 Cov kwvtij, peb thov peb tug tswv Yexu Kheto foom koob foom moov tsua mej txhua tug. Amee.
1 Kuv yog Povlauj kws Vaajtswv tsaa ua Yexu Kheto ib tug tubkhai. Kuv sau tsaab ntawv nuav xaa tuaj tsua mej cov kws yog Vaajtswv le tuabneeg kws nyob huv lub moos Efexau. Mej yog cov kws nrug Yexu Kheto koom ua ib txujsa hab muab tsua sau sab ntseeg Vaajtswv. 2 Peb thov Vaajtswv kws yog peb leej txwv, hab tug f.swv Yexu Kheto foom koob foom moov tsua mej, hab paab kuas mej tau nyob kaaj sab quas lug.
Txuj koob txuj moov kws Vaajtswv pub tsua cov n tseeg
3 Peb ca le ua Vaajtswv kws yog peb tug tswv Yexu Kheto leej txwv tsaug. Vem peb nrug Yexu Kheto koom ua ib txujsa, Vaajtswv txha le foom ib puas tsaav yaam moov zoo sau ntuj tsua peb. 4 Thaus tsw tau tswm ntuj tswm teb, Vaajtswv tub xaiv peb lug nrug Yexu Kheto koom ua ib txujsa hab lug ua Vaajtswv le tuabneeg lawm. Vaajtswv ua le ntawm mas peb cov kws Vaajtswv naj nub tsom kwm txha ua tau tuabneeg zoo kawg nkaus tsw muaj ib qho txhum le. 5 Vem Vaajtswv hlub peb Vaajtswv txha xub xaav tseg lawm tas, Vaajtswv yuav khaiv Yexu Kheto lug coj peb moog ua Vaajtswv le mivnyuas. Qhov ntawm hum Vaajtswv sab hab lawv le Vaajtswv tau xaav tseg lawm. 6 Peb ca le qhuas Vaajtswv kws hlub peb, yog peb ntseeg Vaajtswv tug tub kws Vaajtswv hlub kawg nkaus, mas Vaajtswv txha pub Vaajtswv txuj koob txuj moov dawb dawb tsua peb. 7 Vem Yexu Kheto tuag txhwv peb dim, Vaajtswv txha zaam txem tsua peb. 8 Vaajtswv txuj koob txuj moov kws Vaajtswv pub tsua peb ntau ntau hov zoo kawg nkaus le. 9 Vaajtswv kws muaj tswvyim hab paub ib puas tsaav yaam, tau khaiv Yexu Kheto lug ua kuas Vaajtswv teg num tav lawv le Vaajtswv tub xub xaav tseg lawm. Txwj thau u lug Vaajtswv tsw qha teg num ntawm tsua leejtwg paub, kuas nwgnuav nwg tub qha tsua peb paub lawm. 10 Teg num kws Vaajtswv yuav ua kuas tav hov, yog qhov kws Vaajtswv yuav coj ib puas tsaav yaam kws Vaajtswv tau tswm lug lawm, tsw has tej kws nyob sau ntuj hab tej kws nyob huv nplajteb lug nyob ua ke, hab Vaajtswv yuav tsaa Yexu ua ib puas tsaav yaam ntawm tug thawj. Thaus txug lub swmhawm kws Vaajtswv teem ca lawm, Vaajtswv yuav ua le ntawm. 11 Vaajtswv tub xaiv peb cov kws nrug Yexu Kheto koom ua ib txujsa lug ua Vaajtswv le tuabneeg lawv le Vaajtswv tub xub xaav tseg thaus tsw tau tswm ntuj tswm teb lug lawm. Vaajtswv ua le ntawm tsua qhov Vaajtswv yeej ua ib puas tsaav yaam lawv le Vaajtswv pum zoo, hab lawv le Vaajtswv tub xub xaav tseg lawm. 12 Mas peb cov kws tub xub tso sab tsua Yexu Kheto, peb ca le qhuas Vaajtswv kws muaj fwjchim. 13 Mej cov los kuj zoo ib yaam nkaus le peb hab. Thaus mej nov txuj xuv zoo tseeb kws paab tau kuas mej dim mej lub txem, mej txha ntseeg Yexu Kheto. Vaajtswv pub Vaajtswv tug Ntsuj Plig tsua mej lawv le Vaajtswv tau cog lug tseg lawm. Tug Ntsuj Plig ntawm yog lub hom thawj kws Vaajtswv nas tsua mej. Vaajtswv ua le hov mas qha kuas mej paub has tas, mej yog Vaajtswv le tuabneeg lawm. 14 Qhov kws Vaajtswv pub Vaajtswv tug Ntsuj Plig tsua peb hov yog ib qho tseem ceeb kws qha tsua peb paub has tas, peb yuav tau tej kws Vaajtswv tub cog lug tseg has tas, Vaajtswv yuav pub tsua Vaajtswv cov tuabneeg. Hab qha tsua peb paub has tas, Vaajtswv yuav ca Vaajtswv cov tuabneeg tau nyob kaab ntsaab. Peb ca le qhuas Vaajtswv kws muaj fwjchim.
Tej lug kws Povlauj thov Vaajtswv
15 Tub yog vem le ntawm, txwj thaus kuv nov has tas, mej muab tsua sau sab ntseeg tug tswv Yexu, hab hlub Vaajtswv cov tuabneeg txhua tug, 16 mas kuv naj nub ua Vaajtswv tsaug tsw tseg tsw tu le. Kuv ncu ntsoov thov Vaajtswv paab mej. 17 Kuv thov Vaajtswv kws yog peb tug tswv Yexu Kheto tug Vaajtswv, hab yog peb leej txwv kws muaj fwjchim ci ntsaa quas ab pub nwg tug Ntsuj Plig tsua mej. Tug Ntsuj Plig ntawm yuav pub tswvyim tsua mej hab qha Vaajtswv tsua mej, kuas mej paub Vaajtswv heev quas zug. 18 Kuv thov Vaajtswv qheb mej lub sab kuas mej to taub zoo, mej txha paub has tas, mej cov kws Vaajtswv tub hu lug cuag Vaajtswv lawm, mej ca sab le caag tsua Vaajtswv, hab txuj koob txuj moov kws Vaajtswv cog lug tseg has tas, Vaajtswv yuav pub tsua Vaajtswv cov tuabneeg zoo npaum le caag. 19 Hab paub tas Vaajtswv tug fwjchim kws ua num huv peb cov ntseeg lub sab luj npaum le caag. 20 Tug fwjchim ntawm tub yog tug kws Vaajtswv tsaa Yexu Kheto sawv huv qhov tuag rov lug, hab coj Yexu lug nyob ntawm Vaajtswv saab xws sau ntuj ceeb tsheej. 21 Yexu Kheto nyob sau kaav cov tubkhai kws kaav sau ntuj, hab kaav tej vaaj ntxwv hab tej num tswv kws muaj fwjchim kaav huv nplajteb nuav huvsw. Nwg muaj fwjchim luj dua tej num kws suavdawg fwm, tsw has tam nuav hab tam peg suab huvsw. 22 Vaajtswv muab ib puas tsaav yaam huvsw tsua Yexu Kheto kaav, hab Vaajtswv tsaa Yexu ua tug thawj saib cov ntseeg hab ib puas tsaav yaam taag nrho. 23 Cov ntseeg yog Yexu Kheto lub cev, Yexu yog cov ntseeg lub taubhau, mas peb txha tsheej ib lub cev. Yexu yog tug kws ua tsua ib puas tsaav yaam kws nyob txhua qhov muaj txhwj muaj txhua.
Tug kws tau lub sab tshab
1 Yaav tom ntej u mej zoo le cov tuabneeg kws tuag lawm, tsua qhov mej tsw noog Vaajtswv lug, hab mej ua txhum. 2 Thaus hov mej nyam ua txhum ib yaam le tej tuabneeg kws nyob huv nplajteb nuav naj nub ua, hab mej ua lawv le tug kws kaav sau nruab ntug qha mej ua. Tug hov yog tug Daab Ntxwg Nyoog kws nwgnuav kaav cov tuabneeg kws tsw noog Vaajtswv lug. 3 Txawm yog peb cov los yaav tom ntej peb tub ua ib yaam le puab hab, peb ntshaw kev phem kev qas hab ua lawv le peb lub cev lub sab kws ib txwm nyam ua xwb, mas Vaajtswv txha yuav rau txem tsua peb ib yaam le Vaajtswv rau tsua lwm tug. 4 Kuas Vaajtswv hlub peb kawg nkaus le. 5 Peb tsw noog Vaajtswv lug peb zoo le cov kws tuag lawm los Vaajtswv tseem ua kuas peb muaj txujsa ib yaam le Vaajtswv tau tsaa Yexu Kheto sawv huv qhov tuag rov lug. Vaajtswv hlub mej kawg le Vaajtswv txha pub lub sab tshab tsua mej. 6 Vem peb nrug Yexu Kheto koom ua ib txujsa lawm, Vaajtswv txha tsaa peb nrug Yexu Kheto sawv rov lug. Vaajtswv ua le ntawm kuas peb tau nrug Yexu Kheto kaav sau qaum ntuj. 7 Txwj nuav moog lawm yaav peg suab mas tej kws Vaajtswv ua ntawm yuav qha tsua suavdawg paub has tas, Vaajtswv foom koob foom moov ntau kawg tsua peb cov kws ntseeg Yexu Kheto, tsua qhov Vaajtswv hlub peb heev. 8 Tub yog mej ntseeg mas Vaajtswv kws hlub mej txha paab kuas mej dim. Qhov kws mej dim hov, tsw yog mej ua num zoo, kuas yog Vaajtswv ca le paab dawb dawb xwb. 9 Qhov kws mej dim tsw yog mej tug daag tug zug ua, mas mej txha tsw muaj lug khaav tau. 10 Peb yog cov kws Vaajtswv txhais teg puab. Nwg tswm peb lug nrug Yexu Kheto koom ib txujsa kuas peb ua tau tej num zoo kws Vaajtswv tub xub npaaj tseg ca tsua peb ua lawm.
Cov ntseeg nrug Yexu Kheto koom ua ib txujsa
11 Cov Yutai hu mej cov kws yog lwm tsaav tuabneeg has tas cov kws tsw ua kevcai txav. Puab hu mej le ntawm tsua qhov puab yeej hu puab hu ua cov kws ua kevcai txav. Txuj kevcai txav mas yog qhov kws tuabneeg txhais teg ua tsua tuabneeg lub cev. Mej cov kws yog lwm tsaav tuabneeg, mej yuav tsum ncu ntsoov has tas, yaav tom ntej mej nyob deb Yexu Kheto. 12 Mej yeej yog lwm tsaav tuabneeg mej tsw yog cov kws Vaajtswv xaiv ca lawm. Mej tsw muaj feem nrug Vaajtswv tsaav tuabneeg koom yuav Vaajtswv lu lug cog tseg. Mej nyob huv nplajteb nuav mej tsw muaj chaw vaam hab mej tsw paub Vaajtswv. 13 Kuas nwgnuav mej cov kws yaav tom ntej nyob deb, mej tub lug nrug Yexu Kheto koom ua ib txujsa lawm. Vem Yexu Kheto tuag txhwv mej, Vaajtswv txha coj tau mej lug cuag Vaajtswv. 4 Tsua qhov Yexu Kheto tub lug ua tsua cov Yutai hab lwm tsaav tuabneeg ua tau ib paab lawm, peb txha nyob tau ua ke. Saab phaab ntsaa kws kem nruab nraab kuas ob tog ua yeeb ncuab Yexu Kheto tub lug muab rhuav lawm. 15 Nwg rhuav Yutai txuj kevcai, tsw has tej kws puab qha hab tej kws puab txwv huvsw. Nwg ua le hov tub yog nwg tswm ib co tuabneeg tshab tawm huv ob paab ntawm lug nrug nwg sws raug zoo kuas suavdawg txha nyob taug ua ke. 16 Ob paab hov yeej sws ntxub, kuas Yexu lug tuag sau tug ntoo khaublig ua kuas ob paab hov sws raug zoo. Vem Yexu tuag le ntawm, nwg txha coj tau ob tsaav tuabneeg ntawm lug ua ib paab, hab coj puab rov lug cuag Vaajtswv. 17 Yog le ntawm Yexu Kheto txha lug qha txuj xuv zoo kws ua tsua suavdawg nyob taug ua ke tsua mej cov kws yog lwm tsaav tuabneeg kws nyob deb Vaajtswv hab tsua cov Yutai kws nyob ze Vaajtswv. 18 Vem le ntawm mas peb txhua tug kws ntseeg Yexu Kheto, tsw has cov Yutai hab lwm tsaav tuabneeg, puav leej moog cuag tau Vaajtswv, tsua qhov peb puav leej koom Vaajtswv tuab tug Ntsuj Plig xwb. 19 Mas nwgnuav mej cov kws yog lwm tsaav tuabneeg, mej tsw yog lwm tsaav tuabneeg lawm, mej yog Vaajtswv tsaav tuabneeg. Mej muaj feem ib yaam nkaus le Vaajtswv tsaav tuabneeg, hab mej yog Vaajtswv tsev tuabneeg lawm. 20 Vaajtswv muab mej lug ua tsua sau tej neej kws cov tubkhai hab cov xwbfwb cev Vaajtswv lug muab txhus ca lawm, tug neej taag yog Yexu Kheto. 21 Yexu yog tug kws txheem lub tsev ntawm kuas khov, hab ua kuas tav quas zug, txha le tau ib lub tuam tsev zoo kawg nkaus tsua Vaajtswv nyob. 22 Vaajtswv saamswm muab mej cov hab puab cov txhua tug kws nrug Yexu Kheto koom ua ib txujsa lug ua ib lub tsev tsua Vaajtswv tug Ntsuj Plig nyob.
Povlauj ua num paab lwm tsaav tuabneeg
1 Tub yog vem le nuav kuv txha thov Vaajtswv paab mej. Vem kuv ua Yexu Kheto teg num paab mej cov kws yog lwm tsaav tuabneeg kuv txha raug kaw huv tsev loj faaj. 2 Kuv xaav has tas, nyab mej kuj nov moo has tas, Vaajtswv kws hlub kuv nwg tsaa kuv ua teg num nuav paab mej. 3 Zaaj kws yaav tom ntej Vaajtswv tsw tau qha tsua leejtwg paub, nwgnuav Vaajtswv tub qha tsua kuv paub lawm. Kuv tub sau mivntswv has txug zaaj nuav lawm. 4 Yog mej nyeem tej kws kuv sau hov mej yuav paub has tas, Yexu Kheto zaaj kws Vaajtswv tsw qha tsua leejtwg paub mas kuv to taub le caag. 5 Yaav tom ntej Vaajtswv tsw qha tsua leejtwg paub, kuas nwgnuav Vaajtswv tug Ntsuj Plig tub qha tsua cov tubkhai hab cov xwbfwb cev Vaajtswv lug paub lawm. 6 Zaaj kws Vaajtswv muab zais ca ntawm tub yog txuj xuv zoo kws qha has tas, Vaajtswv foom koob foom moov tsua lwm tsaav tuabneeg, ib yaam le Vaajtswv foom tsua cov Yutai. Ob co puav leej yog tuab lub cev tej teg taw, hab suavdawg puav leej yuav tau tej kws Vaajtswv cog lug tseg lawm has tas, nwg yuav pub tsua cov kws ntseeg Yexu Kheto. 7 Vaajtswv hlub kuv Vaajtswv txha le tsaa kuv ua ib tug tubkhai qha txuj xuv zoo. Hab Vaajtswv pub nwg tug fwjchim tsua kuv, kuv txha ua tau teg num nuav. 8 Vaajtswv cov tuabneeg txhua tug puav leej muaj fwjchim luj dua kuv. Kuv yog tug kws muaj tsawg dua suavdawg huvsw los Vaajtswv tseem muab txuj xuv zoo kws has txug Yexu Kheto txuj koob txuj moov kws tswm txaj kawg nkaus tsua kuv coj moog qha lwm tsaav tuabneeg. 9 Hab qha tsua suavdawg paub has tas, Vaajtswv ua le caag es ua tau lawv le tej kws Vaajtswv muab zais ca lawm. Vaajtswv kws tswm ib puas tsaav yaam huvsw tub muab zaaj ntawm zais ca thaus tswm ntuj tswm teb lug lawm. 10 Nwg ua le hov mas naj nub nwgnuav cov tubkhai sau ntuj kws kaav sau qaum ntuj, hab cov kws muaj fwjchim txha paub ib puas tsaav yaam kws yog Vaajtswv tug fwjchim ua. Qhov kws cov tubkhai ntuj yuav paub tej nuav yuav yog puab pum teg num kws cov ntseeg ua. 11 Tej kws Vaajtswv ua nuav yog lawv le nwg tub xub xaav tseg thau u lug lawm, hab nwg khaiv peb tug tswv Yexu Kheto lug ua kuas tej ntawm tav. 12 Vem peb ntseeg hab nrug Yexu Kheto koom ua ib txujsa peb txha tau kev moog cuag Vaajtswv. 13 Yog le ntawm kuv thov qha tsua mej has tas, mej tsw xob poob sab tsua qhov kws kuv raug kev txom nyem paab mej. Qhov kws kuv raug le nuav yeej yuav muaj qaabhau tsua mej.
Yexu Kheto hlub peb
14,15 Tub yog vem le nuav kuv txha txhus caug ndua thov Vaajtswv kws yog txhua tsaav tuabneeg txwv, tsw has cov kws moog nyob sau ntuj lawm los yog, cov kws tseem nyob huv nplajteb nuav los yog, suavdawg puav leej hu nwg has tas, txwv 16 Kuv thov Vaajtswv kws muaj koob muaj moov ntau kawg nkaus pub nwg tug Ntsuj Plig tug fwjchim tsua mej, kuas mej muaj sab tuab. 17 Hab kuv thov Yexu Kheto lug nyob huv mej cov ntseeg lub sab. Kuv thov Vaajtswv paab kuas mej muab sab npuab Vaajtswv kws hlub mej, ib yaam le tsob ntoo kws tej caag ntsa aav tub tub. 18 Mej hab Vaajtswv cov tuabneeg txhua tug txha le to taub has tas, Yexu Kheto txujkev hlub daav le caag, hab ntev le caag, sab hab tub le caag tag. 19 Txawm yog tsw muaj tuabneeg yuav paub Vaajtswv txujkev hlub taag los kuv tseem thov kuas mej paub txujkev hlub ntawm tseeb, sub Vaajtswv txha nrug nraim mej nyob hab kaav taag nrho mej lub sab huvsw. 20 Peb ca le ua Vaajtswv tsaug, tsua qhov Vaajtswv kws muaj fwjchim, nwg nyob huv peb lub sab. Nwg ua tau ib puas tsaav yaam ntau dua le tej kws peb thov hab tej kws peb xaav. 21 Peb cov ntseeg yuav tsum nrug Yexu Kheto ua kuas Vaajtswv tau koob meej ib tam dhau ib tam moog ib txhws le. Amee.
Cov ntseeg koom ib lub cev
1 Kuv yog tug kws raug kaw huv tsev loj faaj vem kuv ua Vaajtswv teg num. Kuv thov mej ua mej lub neej kuas phim qhov kws Vaajtswv tub hu mej lug ua Vaajtswv le tuabneeg lawm. 2 Mej yuav tsum txu mej tug fwjchim hab ua sab dawb sab zoo, hab naj nub ua sab ntev. Mej ib leeg yuav tsum paab ib leeg suavdawg txha paub has tas, mej sws hlub tag. 3 Vaajtswv tug Ntsuj Plig tub ua tsua mej sws raug zoo lawm, hab qhov kws mej sws raug zoo ntawm tub nqug mej lug nyob ua ke sws hlub lawm. Yog le ntawm mej tsw xob kheev ib yaam daabtsw ua tsua mej nyob tsw taug ua ke. h Peb suavdawg puav leej koom ib lub cev, hab peb koom Vaajtswv tuab tug Ntsuj Plig. Vaajtswv tub hu mej lug ua nwg le tuabneeg lawm, mej txha muaj chaw vaam ib yaam le peb. 5 Peb koom tuab tug tswv, peb muaj tuab txuj kev ntseeg, hab muaj tuab txuj kevcai raus dej xwb. 6 Txhua tsaav tuabneeg puav leej koom tuab tug Vaajtswv, nwg yog suavdawg txwv. Nwg yog tug kws kaav suavdawg, nwg khaiv suavdawg ua nwg teg num hab nwg nyob huv suavdawg lub sab. 7,8 Yexu Kheto pub peb txhua tug nyag muaj nyag tswvyim. Lawv le tub muaj lug sau ca tsua huv Vaajtswv phoo ntawv has tas, Thaus nwg moog sau qaum ntuj Nwg coj cov tuabneeg kws poob cev qhev nrug nwg moog, Hab nwg pub tswvyim tsua tuabneeg. 9 Lu lug kws has tas, nwg moog sau qaum ntuj, yug nkaag sab has tas, yog nwg xub lug moog tsua huv nruab aa. 10 Tug kws moog tsua huv nruab aa tub yog tug kws moog tsua sau ntuj ceeb tsheej ntaag, nwg txha nyob tau txhua nrho huv qaab ntuj nuav. 11 Nwg tub yog tug kws pub tswvyi tsua tuabneeg. Nwg tsaa qee leej ua tubkhai, qee leej ua xwbfwb cev Vaajtswv lug, qee leej ua xwbfwb qha txuj xuv zoo, qee leej ua cov saib hab qha cov ntseeg. 12 Nwg ua le hov tub yog nwg qha kuas cov ntseeg paub ua Vaajtswv tej num, cov ntseeg kws yog Yexu lub cev txha le kheev hlub zuj quas zug, 13 moog txug thaus peb suavdawg ua tau ib lub sab, hab ntseeg ib yaam nkaus hab paub tseeb Vaajtswv tug tub, hab moog txug thaus peb hlub tau ib yaam le Yexu Kheto. 14 Thaus ntawm peb yuav tsw ua le tej mivnyuas yau kws qaug luas phuas cawv tsua hov u hov nua. Cov tuabneeg daag ntawm txhob txwm ntxag kuas suavdawg yuam kev. 15 Peb tsw xob ua le puab, peb yuav tsum hlub luas hab has lug tseeb, peb txha ua tau zoo quas zug tsua txhua faab, mas txha zoo le Yexu Kheto kws yog lub cev lub taubhau, nwg yeej zoo kawg nkaus. 16 Nwg yog tug kws kaav lub cev tej teg taw, hab tej sab ntsws, nwg muab tej ntawm lug sws txuas ua ke hab nwg pub lub cev muaj tej cos qej txhaa, cov yaag txhaa txha lug sws dhos ua ke. Mas thaus tej teg taw nyag ua nyag teg num hab sws hlub sws paab, tes lub cev txha le kheev hlub.
Tug kws muaj lub neej tshab
17 Kuv thov qha tseeb tsua mej lawv le kws Vaajtswv tub xub qha tsua kuv lawm tas, mej tsw xob ua le cov tuabneeg coj daab ua. Puab xaav tej zaaj kws tsw muaj qaabhau daabtsw le. 18 Puab lub sab ruag hab tsaus quas nti lawm. Puab tsw tau txujsa kws Vaajtswv pub tsua cov ntseeg, tsua qhov puab tsw nkaag sab hab puab tawv ncauj. 19 Puab tsw txaaj muag. Puab tso puab lub cev moog ua kev phem kev qas, puab tsw paub tswj puab lub sab, hab puab ua ib puas tsaav yaam kws tsw tswm nyog ua. 20 Tej kws mej kawm txug Yexu Kheto tub tsw qha kuas mej ua le ntawm. 21 Mej tub nov txug. nwg lawm, hab vem mej yog nwg cov thwjtim mej txha tau kawm tej lug tseeb kws nwg qha. 22 Mas mej yuav tsum muab mej lub sab qub kws mej ib txwm ua lug lawm tso pov tseg. Lub sab qub kws naj nub ntxag kuas mej nyam ua kev phem kev qas saamswm yuav puam tsuaj moog. 23 Mej yuav tsum ca Vaajtswv pub lub sab tshab tsua mej. 24 Mej yuav tsum muab lub sab tshab lug coj. Lub sab tshab ntawm Vaajtswv tswm zoo le Vaajtswv tug yaam ntxwv, suavdawg txha pum tseeb has tas, mej ua ncaaj ua nceeg hab zoo kawg nkaus tag tag.
Lub neej tshab teg num
25 Yog le ntawm mej tsw xob daag lawm. Txhua tug yuav tsum has lug tseeb tsua kwvtij suavdawg, tsua qhov peb cov ntseeg suavdawg puav leej yog tej teg taw kws koom Yexu Kheto lub cev. 26 Yog thaus twg mej chim, mej tsw xob kheev qhov kws mej chim ntawm ua tsua mej ua txhum, hab tsw xob chim taag nub. 27 Tsw xob kheev Daab Ntxwg Nyoog tau kev ntxag mej. 28 Tug kws ib txwm qee luas tug tsw xob qee lawm. Nwg khwv ntawm nwg teg zoo dua, nwg txha muaj yaam u yaam nua paab cov tuabneeg pluag. 29 Mej tsw xob has lug twm luas ib zag le. Thaus mej nrug lwm tug thaam, mej yuav tsum has tej lug zoo xwb txha le muaj qaabhau tsua cov kws noog. 30 Hab tsw xob ua tsua Vaajtswv tug Ntsuj Plig tu sab. Tsua qhov Vaajtswv tug Ntsuj Plig yog Vaajtswv lub hom thawj kws Vaajtswv muab nas tsua mej lawm, mas suavdawg txha paub has tas, mej yog Vaajtswv le tuabneeg. Vaajtswv ua le hov kuas mej paub tseeb has tas, muaj ib nub Vaajtswv yuav tso mej dim plawg txujkev txhum. 31 Mej yuav tsum muab mej lub sab phem, lub sab ua nruj ua tswv, hab sab heev tso pov tseg. Tsw xob sws caav sws tshe hab xob thuaj lwm tug, hab tsw xob xaav ib yaam phem hlo le. 32 Mej yuav tsum ua sab dawb sab zoo, ib leeg hlub ib leeg, hab ib leeg zaam txem tsua ib leeg, ib yaam le Vaajtswv tub zaam txem tsua mej cov kws ntseeg Yexu Kheto lawm.
Tug kws nyob qhov pum kev
1 Vem mej yog Vaajtswv cov mivnyuas kws Vaajtswv hlub, mej yuav tsum xyum ua lawv le Vaajtswv. 2 Mej yuav tsum hlub lwm tug ib yaam le Yexu Kheto hlub peb es nwg muab nwg txujsa lug theej peb. Qhov kws nwg ua hov zoo ib yaam le tej hov txhua chaw tsw-qaab kws luas muab xyeem tsua Vaajtswv, hab yog yaam kws Vaajtswv pum zoo yuav. 3 Vem mej yog Vaajtswv le tuabneeg lawm, tsw tswm nyog mej yuav ua nkauj ua nraug, ua kev phem kev qas hab ntshaw luas tug. Taab yog mej yuav has txug xwb los tub tsw tswm nyog has. 4 Hab tsw tswm nyog mej yuav has qhov dev hab has tej lug kws tsw muaj qaabhau, hab tso daaj tso luag, mej tsw xob has tej lug nuav ib zag le. Mej ca le ua Vaajtswv tsaug zoo dua. 5 Kuv qha tseeb tsua mej has tas, cov tuabneeg kws ua nkauj ua nraug, ua kev phem kev qas, hab cov tuabneeg kws xaav yuav luas tug mas yuav tsw muaj ib tug tau nyob huv Yexu Kheto hab Vaajtswv lub tebchaws hlo le. Tug kws xaav yuav luas tug mas nwg saib tej kws nwg xaav yuav hov tswm txaj dua Vaajtswv. 6 Tsw xob kheev cov tuabneeg kws has lug tsw muaj qaabhau ntxag tau mej. Tub yog vem muaj tej kev phem kev qas kws suavdawg ua, Vaajtswv txha yuav teem txem tsua cov tuabneeg kws tsw noog nwg lug. J Yog le ntawm mej tsw xob moog nrug cov tuabneeg hov ua ke ib zag le. 8 Yaav tom ntej mej yeej nyob huv qhov tsaus ntuj, kuas nwgnuav mej cov kws ntseeg Vaajtswv mej tub lug nyob huv qhov pum kev lawm. Yog le ntawm mej yuav tsum ua zoo kuas phim qhov kws mej yog cov tuabneeg kws nyob qhov pum kev. 9 Tub yog qhov pum kev hov ua tsua mej txawj ua txhua yaam zoo hab ua ncaaj nceeg hab has lug tseeb. 10 Mej yuav tsum ua tuab zoo saib, saib mej yuav ua yaam twg txha hum Vaajtswv sab. 11 Cov tuabneeg kws nyob huv qhov tsaus ntuj puab yeej ua tej kev phem kev qas, mej tsw xob moog nrug puab ua. Tej ntawm tsw muaj qaabhau. Mej yuav tsum muab tej num hov lug nthuav tsua qhov pum kev txha zoo. 12 Tej kws puab ua nraim quas nreeg hov, taab yog yuav has txug xwb los tub txaaj muag kawg le. 13 Thaus muab ib puas tsaav yaam lug nthuav tsua qhov pum kev lawm, suavdawg yuav pum tseeb has tas, tej hov zoo le caag tag. Tsua qhov txhua yaam kws lug nyob qhov pum kev lawm yuav ci ib yaam le qhov pum kev hab. 4 Tub yog vem le ntawm txha muaj lug has tas, Tug kws pw tsaug zug, Koj ca le tswm dheev hab sawv tseeg huv qhov tuag rov lug. Yexu Kheto yuav ci tsua koj pum kev. 15 Yog le ntawm, mej yuav tsum ceev faaj hab ua zoo. Tsw xob ua le cov tuabneeg ruag, mej yuav tsum ua le cov tuabneeg kws muaj tswvyim. 16 Mej yuav tsum swv txhua lub swmhawm kuas muaj qaabhau, tsua qhov naj nub nwgnuav tuabneeg ua phem kawg le. 17 Mas mej tsw xob ua le cov tuabneeg ruag, mej yuav tsum ua tuab zoo saib, saib Vaajtswv xaav kuas mej ua yaam twg. 18 Mej tsw xob haus kua txwv maab xwv ntau ntau kuas qaug, tsua qhov tej ntawm yuav ua tsua mej ua tuabneeg tsw tswm txaj. Mej yuav tsum ca Vaajtswv tug Ntsuj Plig kaav taag nrho mej lub sab. 19 Mej ib leeg yuav tsum qha ib leeg lawv le tej lug kws nyob huv Tavi phoo hu nkauj, tej zaaj nkauj qhuas Vaajtswv hab tej zaaj nkauj kws cov ntseeg hu ua Vaajtswv tsaug. Thaus mej hu tej zaaj nkauj ntawm mej yuav tsum ncu ntsoov Vaajtswv tshaav ntuj. 20 Mej cov kws ntseeg Yexu Kheto, tsw has thaus mej tau zoo los yog, thaus mej raug kev txom nyem los yog, mej yuav tsum naj nub ncu ntsoov ua Vaajtswv tsaug.
Tug quaspuj hab tug quasyawg
21 Vem mej yog cov kws fwm Yexu Kheto, mej ib leeg yuav tsum noog ib leeg lug. 22 Mej cov quaspuj mej yuav tsum noog mej tej quasyawg lug ib yaam le mej noog Vaajtswv lug. 23 Tsua qhov tug quasyawg yog tug kws kaav tug quaspuj ib yaam le Yexu Kheto kaav cov ntseeg. Cov ntseeg yog Yexu Kheto lub cev, hab Yexu Kheto yog cov ntseeg tug Cawmseej. 2h Yog le ntawm cov quaspuj nyag yuav tsum noog nyag tug quasyawg lug txhua lus ib yaam nkaus le cov ntseeg noog Yexu Kheto lug. 25 Mej cov quasyawg nyag yuav tsum hlub nyag tug quaspuj ib yaam nkaus le Yexu Kheto hlub cov ntseeg hab nwg muab nwg lub cev lug txhwv cov ntseeg. 26 Nwg muab dej hab muab nwg txujlug lug ntxuav cov ntseeg kuas zoo kawg nkaus, nwg txha zoo muab puab pub tsua Vaajtswv. 27 Nwg ua le ntawm nwg txha le tau cov ntseeg kws zoo nkauj kawg nkaus tsw muaj ib qho txhum, tsw ceb tsw txoom hab tsw muaj ib qho phem le lug ua nwg tug. 28 Tug quasyawg yuav tsum hlub tug quaspuj ib yaam le nwg hlub nwg lub cev. Tug kws hlub nwg tug quaspuj kuj yog nwg hlub nwg lub cev. 29 Yeej tsw muaj leejtwg yuav ntxub nwg lub cev. Tsuas muaj kws yuav tu quas ntshws hab nrhav zaub nrhav mov lug yug nwg lub cev, ib yaam nkaus le Yexu Kheto ua tsua cov ntseeg. 30 Tsua qhov peb suavdawg puav leej yog Yexu lub cev tej teg taw. 31 Lawv le muaj lug sau ca tsua huv Vaajtswv phoo ntawv has tas, tub yog vem le nuav tug tub txha tso nwg nam nwg txwv tseg ais moog nrug nwg tug quaspuj nyob ua ke, ob tug ob leeg yuav koom ua ib lub cev. 32 Nqai nuav qha ib qho tseem ceeb tsua peb. Lawv le kuv nkaag sab mas nqai nuav yog has txug Yexu Kheto hab cov ntseeg, kuas kuj yog has txug mej hab. 33 Txhua tug quasyawg nyag yuav tsum hlub nyag tug quaspuj ib yaam le nyag hlub nyag lub cev. Hab txhua tug quaspuj nyag yuav tsum fwm nyag quasyawg.
Mivnyuas hab nam txwv
1 Cov mivnyuas, Vaajtswv txuj kevcai qha has tas, mej yuav tsum noog mej nam mej txwv lug, txha yog mej ua lawv le kevcai. 2 Vaajtswv txuj kevcai qha has tas, mej yuav tsum fwm mej nam mej txwv. Nqai nuav yog thawj nqai kws Vaajtswv cog lug ntxwv has tas, 3 yog mej ua le ntawm mej yuav noj qaab nyob zoo hab txujsa yuav nyob ntev huv nplajteb nuav. 4 Mej cov kws ua nam ua txwv, mej tsw xob ua tsua mej tej mivnyuas chim. Mej yuav tsum qhuab qha mej tej mivnyuas lawv le Vaajtswv tej lug qha.
Tug tub qhe hab tug tswv
5 Mej cov kws yog tub qhe, mej txhua tug nyag yuav tsum noog nyag tug tswv lug, hab paub ntshai tug tswv. Mej yuav tsum rau sab ntso ua mej teg num tag tag ib yaam le mej ua tsua Yexu Kheto ntaag. 6 Tsw xob ua thaus tug tswv pum xwb es kuas nwg qhuas mej, kuas mej yuav tsum rau sab ntso ua lawv le Vaajtswv lub sab nyam, tsua qhov mej yog Yexu Kheto cov tub qhe. 7 Yog le ntawm, mej cov kws yog tub qhe, mej yuav tsum zoo sab hlo ua mej teg num ib yaam le mej ua tsua Vaajtswv, tsw yog ua tsua tuabneeg xwb. 8 Mej tub paub lawm tas, Vaajtswv yuav muab yeeb koob hab nqe zug tsua txhua tug kws ua num zoo, tsw has cov tuabneeg ua qhev hab cov kws tsw ua qhev huvsw 9 Mej cov kws ua tswv, mej yuav tsum ua zoo ib yaam nkaus le ntawm tsua mej cov tub qhe, tsw xob hem hem puab. Mej yuav tsum ncu ntsoov has tas, mej hab mej cov tub qhe puav leej muaj tuab tug tswv nyob sau ntuj, hab nwg tsw xaiv leejtwg ntsej muag le.
Vaajtswv tej cuab yeej
10 Thaus kawg nuav kuv qha mej has tas, mej yuav tsum nrug Vaajtswv sws raug zoo mej txha le muaj zug, hab tau nwg tug fwjchim kws luj kawg nkaus. 11 Mej yuav tsum muab tej cuab yeej kws Vaajtswv pub tsua mej lawm huvsw lug naav. Yog mej ua le ntawm, thaus Daab Ntxwg Nyoog tuaj ntxag mej, mej txha le kov yeej. 12 Tsua qhov tsw yog peb tawm tsaam tuabneeg, kuas yog peb tawm tsaam tej daab kws nyob sau nruab ntug, tsw has cov thawj los yog, tej kws muaj fwjchim los yog, tej fwjchim kws kaav tam tsaus ntuj nuav los yog, peb tawm tsaam huvsw. 13 Yog le ntawm, nwgnuav mej yuav tsum muab Vaajtswv tej cuab yeej lug naav. Yog mej ua le ntawm, thaus Daab Ntxwg Nyoog tuaj tawm tsaam mej, mej txha kov yeej. Hab thaus tej kev tawm tsaam ntawm dhau lawm, mej txha nyob tau ruaj nreeg. 14 Yog le ntawm mej yuav tsum npaaj tog. Ca le muab txujlug tseeb lug ua hlaab sa, muab kev ncaaj nceeg lug ua daim hlau thaiv hauv sab. 15 Hab mej yuav tsum muab lub sab kub quas lug kws moog qha txuj xuv zoo kws has tas, Vaajtswv tub qheb kev tsua tuabneeg moog cuag Vaajtswv lawm, lug ua khau rau. 16 Mej yuav tsum naj nub tuav kev ntseeg thaiv mej ib yaam le mej tuav daim hlau thaiv. Yog mej ua le hov mej yuav tua tau Daab Ntxwg Nyoog raab xub suav tawg kws nwg tua tuaj. 17 Ca le muab txujkev dim txem kws Vaajtswv pub tsua mej lawm coj lug ua mom hlau ntoo. Hab muab Vaajtswv txujlug kws Vaajtswv tug Ntsuj Plig pub tsua mej, coj lug ua ntaaj tuav. 18 Ib puas tsaav yaam kws mej ua nuav, mej yuav tsum thov Vaajtswv paab hab. Mej yuav tsum thov Vaajtswv txhua lub swmhawm lawv le kws Vaajtswv tug Ntsuj Plig coj mej. Vem le ntawm mej yuav tsum ua sab ntev thov Vaajtswv tsw xob nkeeg. Hab naj nub thov Vaajtswv paab cov ntseeg suav- dawg. 19 Thov mej thov Vaajtswv paab kuv, hab pub lug tsua kuv thaus kws kuv has, kuas kuv muaj sab tuab qha txuj xuv zoo tej ntsab lug tsua suavdawg paub. 20 Txawm yog nwgnuav kuv raug kaw huv tsev loj faaj los kuv tseem yog ib tug tubkhai, tsua qhov kuv tseem qha txuj xuv zoo. Mas thov mej thov Vaajtswv paab kuas kuv muaj sab tuab qha txuj xuv zoo kuas tswm nyog qhov kws kuv yog ib tug tubkhai.
Povlauj thov Vaajtswv foom koob foom moov tsua cov ntseeg
21 Peb tug kwv Tikhikau kws peb hlub, yog ib tug tubkhai kws ua Vaajtswv teg num, nwg ua ncaaj ua nceeg. Nwg yuav qha txhua yaam kws kuv tau ua lawm tsua mej noog, mej txha le paub has tas, kuv nyob le caag. 22 Tub yog vem le ntawm kuv txha khaiv nwg tuaj saib mej. Kuv kuas nwg qha tsua mej paub has tas, peb suavdawg nyob le caag. Nwg yuav txhawb mej tug zug kuas mej muab tsua sau sab ntseeg heev dua. 23 Thov Vaajtswv kws yog peb leej txwv hab tug tswv Yexu Kheto paab kuas mej cov ntseeg tau nyob kaaj sab quas lug, kuas mej muab tsua sau sab ntseeg hab ib leeg txawj hlub ib leeg. 24 Thov Vaajtswv foom koob foom moov tsua txhua tug kws muab tsua sau sab ntseeg peb tug tswv Yexu Kheto hab tsw tso nwg tseg ib zag le.
1 Kuv yog Povlauj. Kuv hab Timaute kws yog Yexu Kheto ob tug tub qhe sau tsaab ntawv nuav xaa tuaj tsua mej txhua tug kws yog Vaajtswv le tuabneeg kws ntseeg Yexu Kheto kws nyob huv lub moos Filipi. Hab xaa tsua cov kev txwj quas laug kws saib cov ntseeg hab cov kws paab ua Vaajtswv tej num. 2 Thov Vaajtswv kws yog peb leej txwv hab tug tswv Yexu Kheto foom koob foom moov tsua mej hab paab kuas mej tau nyob kaaj sab quas lug.
Povlauj thov Vaajtswv paab cov ntseeg
3 Txhua zag kws kuv ncu txug mej suavdawg, kuv pheej ncu ntsoov ua Vaajtswv tsaug. 4 Hab txhua zag kws kuv thov Vaajtswv paab mej kuv zoo sab kawg le. 5 Tsua qhov txwj nub kws mej ntseeg lug txug naj nub nwgnuav, mej tau paab kuv ua teg num kws qha txuj xuv zoo. 6 Yog le ntawm kuv txha paub tseeb has tas, Vaajtswv kws chiv ua num zoo tsua huv mej lub sab lawm, nwg yeej yuav ua kuas tej num hov tav tsua nub kws Yexu Kheto lug. 7 Qhov kws kuv ncu ntsoov mej le hov tub tswm nyog lawm, tsua qhov kuv hlub mej txhua tug. Mej suavdawg puav leej nrug kuv tau tej koob tej moov kws Vaajtswv pub tsua kuv, tsw has lub swmhawm kws nwgnuav kuv raug kaw huv tsev loj faaj los yog, thaus kuv tseem tsw tau raug kaw los yog mej puav leej nrug kuv tau moov. Thaus kuv tseem tsw tau raug kaw kuv kuj muaj lug teb te j kws luas thuaj txuj xuv zoo. Hab kuv ua tsua suavdawg paub tseeb has tas, txuj xuv zoo yog txuj kws tseem ceeb. 8 Kuv hlub mej ib yaam le Yexu Kheto hlub, kuv has le nuav Vaajtswv yeej paub has tas, kuv has tseeb tag. 9 Tej lug kws kuv thov Vaajtswv paab mej, kuv thov has tas, kuas mej ib tug txawj hlub ib tug heev zuj quas zug, kuas mej paub tseeb hab to taub txhua yaam huvsw. 10 Kuv thov Vaajtswv paab mej le ntawm mej txha le paub tas, yaam twg yog yaam kws zoo dua ndais. Yog mej paub le ntawm lawm, tes thaus txug nub kws Yexu Kheto rov lug mej yuav zoo kawg nkaus, tsw muaj ib qho txhum le. 11 Tub yog vem Yexu Kheto nyob huv mej lub sab lawm, mej txha ua tau zoo kawg nkaus tsua Vaajtswv tau koob meej.
Povlauj ua tsua Yexu Kheto tau koob meej
12 Cov kwvtij, kuv xaav qha tsua mej paub has tas, tej kev tswm txom kws kuv raug tub ua tsua txuj xuv zoo nrov nchaa moog thoob plhawv hov txhua hov chaw lawm. 13 Vem kuv raug kev tswm txom cov tub rog kws zuv fuabtais tsev hab txhua tug kws nyob ntawm nuav suavdawg txha paub has tas, qhov kws kuv raug kaw huv tsev loj faaj nuav, tub yog vem kuv ua Yexu Kheto tug tub qhe. 4 Hab qhov kws kuv raug kaw huv tsev loj faaj nuav tub ua tsua cov kwvtij kws ntseeg muab tsua sau sab ntseeg Vaajtswv heev dua, hab ua tsua puab muaj sab tuab moog qha Vaajtswv txujlug tsw ntshai leejtwg le. 15 Kuv paub has tas, muaj qee leej qha txug Yexu Kheto yog puab khib puab txha qha hab puab nyam sws caav sws tshe. Puab ua le hov tub yog puab xaav ua kuas kuv ntxhuv sab. Kuas muaj qee leej lub sab ncaaj mas qha tag tag. 16 Puab cov nuav hlub kuv puab txha qha le ntawm, tsua qhov puab paub has tas, Vaajtswv tsaa kuv ua tug kws teb cov tuabneeg kws thuaj txuj xuv zoo. 17 Kuas cov tuabneeg kws sab tsw ncaaj qha mas yog puab qha kuas suavdawg qhuas puab xwb. Puab xaav has tas, tsheem kuv tseem raug kaw huv tsev loj faaj nuav puab yuav ua kuas kuv yimfuab ntxhuv sab heev. 18 Txawm yog puab muaj sab ncaaj qha tsw muaj los xwj, kuv tsw poob sab le. Tsuav yog puab qha txug Yexu Kheto xwb, tes kuv yeej zoo sab lawm. 19 Hab kuv yuav naj nub zoo sab, tsua qhov kuv paub has tas, mej thov Vaajtswv paab kuv, hab Yexu Kheto tug Ntsuj Plig paab kuv, tes luas yuav tso kuv dim huv tsev loj faaj. 20 Tsua qhov kuv pheej vaam quas ntsoov tas, Vaajtswv yuav paab kuas kuv tsw ua ib yaam daabtsw tsua kuv txaaj muag le. Nwg yuav paab kuas kuv muaj sab tuab qha tsw has nwgnuav los yog, thaus twg los yog, kuv txha ua tsua Yexu Kheto tau koob meej. Txawm yog kuv caj hab tuag los xwj, kuv yuav ua zoo kuas Yexu Kheto tau koob meej. 21 Thaus kuv tseem ua neej nyob nuav kuv nrug Yexu Kheto koom ua ib txujsa. Thaus kuv tuag kuv yeej yuav moog nrug Yexu Kheto nyob. Thaus ntawm yimfuab zoo dua le thaus kuv tseem ua neej nyob. 22 Kuv xaav moog nrug Yexu Kheto nyob, kuas yog kuv teg num huv nplajteb nuav tseem muaj qaabhau, tes kuv tsw paub sov kuv yuav xaiv txuj twg txha le zoo. 23 Kuv ua ob lub sab, kuv ib lub sab xaav tso nplajteb nuav tseg moog nrug Yexu Kheto nyob zoo dua. 24 Kuas yog kuv nyob paab mej mas muaj qaabhau tsua mej heev. 25 Thaus kuv paub tseeb le nuav lawm kuv txha xaav has tas, kuv yuav tsum nrug mej nyob paab kuas mej muab tsua sau sab ntseeg heev dua, hab paab kuas mej zoo sab tsua tej kws mej tub ntseeg lawm. 26 Yog le ntawm thaus kuv rov tuaj nrug mej nyob, mej cov kws ntseeg Yexu Kheto yuav zoo sab kawg le. 27 Kuas qhov tseem ceeb, mej yuav tsum ua lawv le Yexu Kheto txuj xuv zoo. Yog mej ua le hov mas txawm yog kuv tuaj saib mej hab tsw tuaj los kuv txha tau nov xuv has tas, mej muab tsua sau sab ntseeg, ua ib lub sab tawm tsaam yeeb ncuab kuas yeeb ncuab tsw xob rhuav tau txuj xuv zoo kws mej ntseeg. 28 Mej tsw xob ntshai cov tuabneeg kws ua yeeb ncuab tsua mej. Yog mej ua sab tuab mas puab yuav paub tseeb has tas, puab yuav kov tsw yeej mej, mej yuav kov yeej puab. Qhov kws mej kov yeej ntawm tub yog Vaajtswv paab mej. 29 Txuj koob txuj moov kws Vaajtswv pub tsua mej tub yog qhov kws nwg hu mej lug ua Yexu Kheto teg num. Mej cov kws ua nwg teg num, tsw yog mej yuav ntseeg nwg xwb, kuas mej tseem yuav raug kev txom nyem hab. 30 Nwgnuav mej yuav tsum tawm tsaam ib yaam le kws mej tub pum kuv tawm tsaam lug lawm, hab lawv le mej tau nov has tas, kuv tseem saamswm tawm tsaam.
Vaajtswv tsaa Yexu ua tug luj
1 Qhov kws mej nrug Yexu Kheto koom ua ib txujsa ua tsua mej muab tsua sau sab ntseeg los tsw ua. Qhov kws Vaajtswv hlub mej ua tsua mej zoo sab los tsw ua. Mej nrug Vaajtswv tug Ntsuj Plig sws raug zoo los tsw nrug. Mej muaj kev sws hlub sws paab los tsw muaj. 2 Kuv thov kuas mej txhua tug muaj lub sab xaav ib yaam nkaus, muaj sab sws hlub ib yaam nkaus, hab suavdawg koom ua ib lub sab, ib tug nrug ib tug sws raug zoo. Yog mej ua le ntawm yuav ua tsua kuv zoo sab kawg le. 3 Mej tsw xob ua ib yaam daabtsw kuas zoo tsua mej lossws kuas luas qhuas mej xwb. Mej yuav tsum txu mej tug fwjchim, ib leeg tsw xob khaav has tas, ib leeg zoo dua ib leeg. h Mej tsw xob xaav txug mej xwb, mej yuav tsum xaav txug lwm tug hab. 5 Tswm nyog mej ua lub sab zoo ib yaam le Yexu Kheto lub. 6 Yexu yeej muaj fwjchim sws luag quas zog le Vaajtswv, hab nwg lub sab zoo ib yaam le Vaajtswv. Kuas nwg tsw tau xaav has tas, nwg yuav tuav nwg tug fwjchim moog le. 7 Nwg zoo sab tso ib puas tsaav yaam tseg, nwg lug yug ua tuabneeg, nwg ua zoo le ib tug tub qhe. 8 Nwg txu nwg tug fwjchim. Nwg naj nub ua lawv le Vaajtswv lub sab nyam txawm yog tuabneeg muab nwg teem tsua sau ntoo khaublig los nwg tseem noog Vaajtswv lug. 9 Tub yog vem le nuav Vaajtswv txha tsaa nwg ua tug luj dua ndais. Hab tis lub npe kws zoo tshaaj plawg tej npe huvsw tsua nwg. 10 Vaajtswv ua le hov kuas Yexu lub npe tau koob meej. Suavdawg yuav txhus caug ndua pe Yexu. Tsw has cov kws nyob sau ntuj los yog, cov kws nyob huv nplajteb los yog, cov kws nyob huv nruab tiv txwv los yog, puav leej yuav pe nwg. 11 Hab txhua tug puav leej yuav leeg has tas, Yexu Kheto yog Vaajtswv. Thaus puab ua le ntawm, Vaajtswv kws yog peb leej txwv yuav tau koob meej.
Mej yuav tsum ci yaam le cov nub qub sau ntuj
12 Yog le ntawm cov kwvtij kws kuv hlub, thaus kuv tseem nrug mej nyob mej ib txwm noog kuv lug. Txawm yog nwgnuav kuv tsw nrug mej nyob lawm los mej yuav tsum yimfuab noog kuv lug heev dua yaav taag lug lawm. Mej yuav tsum naj nub paub ntshai Vaajtswv mej txha le dim plawg mej lub txem. 13 Tsua qhov Vaajtswv yog tug kws naj nub ua num huv mej lub sab kuas mej xaav ua Vaajtswv teg num, hab txawj ua tau lawv le Vaajtswv lub sab nyam. 14 Ib puas tsaav yaam kws mej ua, mej tsw xob ywg ywg hab tsw xob sws caav sws tshe. 15 Mej txha le ua tau tuabneeg zoo tsw muaj leejtwg thuaj tau, hab ua tau Vaajtswv cov mivnyuas kws zoo kawg nkaus tsua huv cov tuabneeg tsw ncaaj hab sab phem huv nplajteb nuav. Thaus mej qha Vaajtswv txujlug kws pub txujsa tsua tuabneeg, mej yuav tsum ci tsua puab ib yaam le cov nub qub kws ci heev sau nruab ntug. 16 Yog mej ua le ntawm, thaus txug nub kws Yexu Kheto rov lug kuv yuav tau koob meej. Tsua qhov thaus hov suavdawg yuav pum has tas, tej num kws kuv swv swv zug ua muaj qaabhau heev. 17 Txawm yog muab kuv cov ntshaav laub lug ua hov txhua chaw xyeem tsua Vaajtswv es ua tsua mej kev ntseeg tav, los kuv kuj zoo sab. Yog kuv zoo sab mej yeej yuav zoo sab hab. 18 Ib yaam nkaus le ntawm, tswm nyog mej yuav zoo sab ua tsua kuv zoo sab hab.
Timaute hab Epafautitau
19 Kuv ca sab has tas, yog tug tswv Yexu pum zoo, tsw ntev nuav kuv yuav khaiv Timaute tuaj saib mej. Thaus nwg coj mej xuv lug qha tsua kuv mas yuav txhawb tau kuv tug zug. 20 Timaute tuab leeg xwb txha le xaav ib yaam le kuv, hab mob sab mej. 21 Dua le lwm tug, puab tsuas ncu txug puab tej num xwb puab tsw quav ntsej Yexu Kheto tej num le. 22 Mej tub paub lawm tas, Timaute teg num muaj qaabhau ntau. Nwg nrug kuv ua teg num kws qha txuj xuv zoo ib yaam le ib yog ob txw tub. 23 Mas kuv txha ca sab has tas, yog thaus twg kuv paub tas, puab yuav ua le caag tsua kuv, tes kuv yuav khaiv Timaute tuaj qha tsua mej sai sai. 24 Hab kuv ca sab has tas, yog Vaajtswv pum zoo, tsw ntev nuav kuv yuav tuaj sa i b mej. 25 Kuv xaav has tas, kuv yuav tsum khaiv peb tug kwv Epafautitau kws mej khaiv tuaj paab tu kuv rov lug tim mej. Nwg nrug kuv ua num hab nwg ua ib tug tub rog ib yaam le kuv. 26 Nwg kub sab quas lug xaav pum mej suavdawg hab nwg ntxhuv sab kawg tsua qhov mej tau nov has tas nwg mob. 27 Nwg kuj mob tag, kuas Vaajtswv hlub nwg heev, Vaajtswv tsw ca nwg tuag. Tsw yog Vaajtswv hlub nwg ib leeg xwb, Vaajtswv hlub kuv hab. Vaajtswv tsw ca nwg tuag, sub kuv txha tsw muaj kev ntxhuv sab ntau. 28 Yog le ntawm kuv txha le maaj khaiv nwg rov lug tim mej sai sai. Thaus nwg hab mej rov sws pum lawm, mej yuav zoo sab kawg le, hab kuv yuav tsw ntxhuv sab lawm. 29 Mej yuav tsum zoo sab tsua qhov kws nwg yuav rov lug nrug mej nyob. Nwg yog ib tug kwvtij kws ntseeg. 30 Vem nwg ua Yexu Kheto teg num nwg tub yuav tuag tuab tag. Mej yuav tsum fwm txhua tug kws muab tsua sau sab ua num le nwg. Nwg tuaj paab kuv ua tej kws mej paab tsw tau, nwg yeej tsw khauv xwm nwg txujsa le.
Tug kws nrug Vaajtswv sws raug zoo
1 Cov kwvtij, thaus kawg nuav kuv thov Vaajtswv paab kuas mej tau nyob kaaj sab quas lug. Qhov kws kuv rov sau tej kws kuv tub sau ib zag tuaj tsua mej lawm, yeej tsw ua tsua kuv ntxhuv sab daabtsw. Kuas yuav ua tsua mej paub ceev faaj, mej txha tsw yuam kev. 2 Mej yuav tsum ceev faaj tsw xob ua le cov tuabneeg phem ua. Cov tuabneeg hov ua ib yaam le dev, hab puab qha has tas, mej yuav tsum ua kevcai txav txha hum Vaajtswv sab. 3 Cov tuabneeg kws ua kevcai txav tag tub yog peb cov tsw yog puab. Peb paub pe Vaajtswv tsua qhov Vaajtswv tug Ntsuj Plig yog tug kws qha peb, hab vem peb nrug Yexu Kheto koom ua ib txujsa peb txha zoo sab. Peb tsw vaam khom tej kevcai kws tuabneeg ua. h Yog kuv xaav vaam khom tej ntawm los kuj tau. Kuv paub tej hov huvsw. Yog leejtwg tseem xaav has tas, nwg vaam khom tsua tej kevcai kws tuabneeg ua, kuv yimfuab muaj chaw vaam khom tej ntawm heev dua nwg. 5 Thaus yug kuv tau yim nub xwb, puab tub muab kuv ua kevcai txav. Kuv yog tuabneeg Yixayee, kuv yog xeem Npeyami, kuv yog tuabneeg Heplais, kuv yug huv tsaav tuabneeg Heplais, yog yuav has txug qhov kws coj lawv le Yutai kevcai, kuv yeej yog tug kws coj lawv le Falixai paab. 6 Yaav tom ntej kuv coj txuj kevcai nuav nruj heev kuv txha le tswm txom cov ntseeg Yexu. Yog Vaajtswv coj tug kws xyum ua lawv le Vaajtswv txuj kevcai lug nrug Vaajtswv sws raug zoo, tes Vaajtswv tub xub coj kuv lug nrug Vaajtswv sws raug zoo lawm, tsua qhov kuv yeej coj zoo kuv tsw tau ua txhum ib nqais le. 7 Tej kws yaav tom ntej kuv pum tas, muaj qaabhau, nwgnuav kuv pum tas tsw muaj qaabhau lawm, tsua qhov kuv xaav ua kuas hum Yexu Kheto lub sab. 8 Tsw yog tej kws yaav tom ntej kuv xaav tas tsw muaj qaabhau txha tsw muaj xwb, kuas nwgnuav mas txhua yaam huvsw tsw muaj qaabhau, tsua qhov kuv xaav yuav yaam kws muaj qaabhau heev dua tej. Yaam kws kuv xaav yuav hov yog qhov kws kuv xaav npuab Yexu Kheto kws yog kuv tug tswv heev dua yaav kws taag lug lawm. Kuv xaav ua kuas hum Yexu Kheto lub sab, kuv txha le tso ib puas tsaav yaam tseg. Kuv saib tej kws kuv tso tseg ntawm zoo ib yaam le tej qub zaub qub mov kws luas muab nchuav pov tseg lawm xwb. Kuv ua le nuav kuv txha tau Yexu Kheto lug ua kuv tug tswv, hab txha tau nrug nwg koom ua ib txujsa. 9 Txawm yog kuv xyum ua lawv le Vaajtswv txuj kevcai los kuv tub tsw tau nrug Vaajtswv sws raug zoo. Kuas qhov kws kuv tau nrug Vaajtswv sws raug zoo, tub yog vem kuv ntseeg Yexu Kheto. Vaajtswv yuav coj txhua tug kws ntseeg lug nrug Vaajtswv sws raug zoo. 10 Yaam kws kuv xaav yuav heev dua lwm yaam huvsw yog qhov kws kuv xaav paub Yexu Kheto heev dua yaav taag lug lawm, hab xaav tau tug fwjchim kws ua tsua Yexu sawv huv qhov tuag rov lug. Kuv zoo sab nrug nwg raug kev txom nyem, hab kuv xaav muaj lub sab zoo le nwg lub kws thaus nwg raug kev tuag. 11 Kuv ca sab has tas, Vaajtswv yuav tsaa kuv sawv huv qhov tuag rov lug hab.
Dha ncaaj nraim moog tsua tug nrwm tom kawg
12 Kuv tsw tau khaav has tas, kuv tub tau tej kws kuv has nuav huvsw lawm, hab kuv ua tau zoo kawg nkaus lawm, kuas kuv tseem saamswm swv zug ua, saib yuav tau tej kws yog kuv tug los tsw tau, ib yaam le Yexu Kheto tau coj kuv lug ua nwg tug lawm. 13 Cov kwvtij, kuv tsw tau xaav has tas, kuv tub dha moog txug tom kawg lawm. Tsuas muaj ib yaam kws kuv yuav ua xwb, yaam hov yog ua le nuav, kuv yuav tsw ncu ntsoov tej kws kuv ua taag lug lawm, kuas kuv yuav swv zug quas ntsog dha kuas txug tej kws nyob tom hauv ntej. 14 Yog le ntawm kuv txha le dha ncaaj nraim moog tsua tug nrwm tom kawg kuas kuv tau nqe zug. Cov nqe zug hov yog qhov kws Vaajtswv hu kuv kws ntseeg Yexu Kheto moog txais koob meej. 15 Peb cov kws paub Vaajtswv tseeb lawm, tswm nyog peb txhua tug xaav le ntawm. Kuas yog mej cov muaj qee leej xaav lwm yaam lawm, Vaajtswv yuav qha yaam ntawm tsua mej paub. 16 Txawm yog le caag los xwj, peb yuav tsum coj lawv le tej kws peb tub paub lawm. 17 Cov kwvtij, mej yuav tsum ua lawv le mej pum kuv ua lug lawm. Peb tub ua yaam ntxwv tsua mej xyum lawm, mas mej yuav tsum saib cov tuabneeg kws ua lawv le peb ua lawm mej txha paub ua. 18 Muaj ntau leej puab tsw ua zoo, puab txha saib tsw taug qhov kws Yexu Kheto tuag sau ntoo khaublig. Kuv tub qha txug puab tsua mej ntau zag lug lawm. Nwgnuav kuv rov qha le nuav tsua mej, lug kuv kua muag kawg le. 19 Thaus kawg cov tuabneeg ntawm yuav raug puam tsuaj. Puab muab tej kev phem kev qas saib luj dua tej huvsw. Yaam kws tub tswm nyog puab txaaj muag puab tseem muab lug khaav, hab puab tsuas xaav txug tej kws yog nplajteb le xwb. 20 Peb yog tuabneeg qaum ntuj. Peb naj nub ua sab ntev tog peb tug Cawmseej kws yuav lug sau ntuj lug. Tug ntawm yog peb tug tswv Yexu Kheto. 21 Nwg yuav muab peb lub cev kws txawj mob txawj tuag nuav plhis dua tshab kuas zoo le nwg lub cev kws tsw txawj mob tsw txawj tuag. Yog nwg muab nwg tug fwjchim kws muab tau ib puas tsaav yaam huvsw lug tsua nwg kaav, plhis tau tuabneeg lub cev le nuav.
Ca le zoo sab tsua Vaajtswv
1 Cov kwvtij kws kuv hlub hab kuv ncu heev, mej ua tsua kuv zoo sab kawg le hab ua tsua kuv tau ntsej muag. Mej yuav tsum muab tsua sau sab ntseeg Vaajtswv tsw xob tso nwg tseg. 2 Yu-auta hab Xitikhe, kuv thov ntuag meb kuas meb nyob sws hum txha tswm nyog has tas, meb yog ob vevncaug kws ntseeg Vaajtswv. 3 Kuv qha tug kws nrug kuv ua num has tas, koj yuav tsum paab ob tug quaspuj hov, tsua qhov ob tug yog ob tug kws muab tsua sau sab paab kuv qha txuj xuv zoo, ib yaam le Kaleme hab cov kws nrug kuv ua num. Puab cov ntawm yog cov kws muaj npe sau tsua huv Vaajtswv phoo ntawv kws Vaajtswv sau cov tuabneeg kws muaj txujsa lawm tej npe. 4 Me j yuav tsum naj nub zoo sab tsua qhov kws mej ntseeg Vaajtswv lawm. Kuv rov has ib lus ntxwv tsua mej has tas, mej ca le zoo sab. 5 Mej yuav tsum ua sab ntev tsua suavdawg. Yexu tub yuav lug sai sai nuav. 6 Mej tsw xob ntxhuv sab tsua ib yaam daabtsw hlo le. Thaus mej thov Vaajtswv mej yuav tsum qha txhua yaam kws mej cheem tsum yuav tsua Vaajtswv, hab thaus kws mej thov mej yuav tsum ncu Vaajtswv tshaav ntuj. 7 Thaus kws mej nyob huv Yexu Kheto mas nwg txujke sab tug kws tuabneeg tsw txawj nkaag sab yuav kaav mej lub sab hab tsom kwm mej. 8 Cov kwvtij, kuv thov xaus lug has tas, mej yuav tsum ncu ntsoov tej kws zoo hab tswm nyog qhuas tsua huv mej lub sab, tsw has tej kws tseeb, tej kws tswm nyog fwm, tej kws ncaaj 1 nceeg, tej kws zoo kawg nkaus, tej kws ntxwm nyam hab tej kws yuav tau koob meej, mej yuav tsum khaws tej ntawm ca tsua huv mej lub sab huvsw. 9 Mej yuav tsum ua lawv le tej kws mej kawm hab mej khaws ca lug lawm. Tsw has tej kws mej nov kuv qha hab tej kws mej pum kuv ua huvsw. Mej yuav tsum ua lawv le tej ntawm mas Vaajtswv kws ua tsua peb tau nyob kaaj sab quas lug txha nrug nraim mej nyob.
Povlauj ua cov ntseeg tsaug
10 Qhov kws kuv ntseeg Vaajtswv ua tsua kuv zoo sab kawg le. Mej tsw paab kuv tau ntev lug lawm, kuas nwgnuav mej tsua rov paab kuv dua. Kuv has le nuav tsw yog kuv has tas, mej tsw hlub kuv. Qhov tseeb yog tsw muaj tuabneeg dhau mej txha paab tsw tau kuv. 11 Kuv has le nuav tsw yog kuv ywg has tas, tsw muaj tuabneeg hlub kuv. Txawm yog kuv nyob le caag los xwj, kuv yeej nyob tau. 12 Kuv tub paub lawm has tas, thaus kuv tsw muaj noj tsw muaj naav yuav zoo le caag, thaus muaj ntau dhau lawm tsua zoo le caag. Kuv paub tej kws tsw yoojyim to taub nuav, tsw has kuv nyob hov twg hab lub swmhawm twg los yog, thaus tshaib thaus tsau los yog, thaus muaj ntau muaj tsawg los yog, kuv yeej tsw txhawj. 13 Vem Yexu Kheto txhawb kuv tug zug, kuv txha tiv taug ib puas tsaav yaam huvsw. 14 Txawm yog le caag los xwj, kuv ua mej tsaug tsua qhov thaus kuv raug kev txom nyem mej tub paab kuv lawm. 15 Mej cov kws yog tuabneeg Filipi, mej tub paub lawm tas, thaus kuv xub tuaj qha txuj xuv zoo tim mej, tsw muaj leejtwg paab kuv le.* Thaus kuv tawm huv Makatauna tebchaws moog, tsuas yog mej tuab cov txha paab kuv xwb. Mej muaj ntau muaj tsawg los mej puav leej xaa tuaj tsua kuv. 16 Thaus kuv nyob huv lub moos Thexa-launike, mej xaa hov txhua chaw tuaj tsua kuv, tsw yog mej xaa ib zag xwb, mej tub xaa ob peb zag dag. 17 Tsw yog kuv xaav tau mej tej hov txhua chaw, kuas kuv xaav kuas tej kws mej xaa tuaj tsua kuv hov muaj qaabhau tsua mej. 18 Kuv sau tsaab ntawv nuav tuaj qha tsua mej has tas, tej kws mej muab tsua Epafautitau nqaa tuaj tsua kuv, kuv tau lawm. Nwgnuav kuv muaj ntau swv tsw taag le. Tej kws mej xaa tuaj tsua kuv ntawm, zoo ib yaam le tej hov txhua chaw tsw-qaab kws suavdawg coj moog xyeem tsua Vaajtswv, hab yog tej kws Vaajtswv pum zoo yuav. 19 Kuv tug Vaajtswv kws muaj koob muaj moov ntau kawg yuav pub ib puas tsaav yaam kws mej muaj tsw txaus tsua mej, tsua qhov mej yog cov kws ntseeg Yexu Kheto. 20 Thov kuas Vaajtswv kws yog peb leej txwv tau koob meej moog ib txhws le. Amee.
Povlauj xaa xuv tsua cov ntseeg
21 Kuv xaa xuv tsua mej txhua tug kws yog Vaajtswv le tuabneeg kws ntseeg Yexu Kheto has tas, kuv ncu ncu mej. Cov kwvtij kws nrug kuv nyob puab has tas, puab ncu ncu mej hab. 22 Vaajtswv cov tuabneeg txhua tug kws nyob tim nuav, puab has tas, puab ncu ncu mej. Kuas cov kws ncu heev dua lwm tug yog cov kws nyob huv fuabtais Xixa tsev. 23 Thov tug tswv Yexu Kheto foom koob foom moov tsua mej txhua tug.
1,2 Kuv yog Povlauj kws Vaajtswv tsaa ua Yexu Kheto tug tubkhai. Kuv hab peb tug kwv Timaute sau tsaab ntawv nuav xaa tuaj tsua Vaajtswv cov tuabneeg kws nyob huv lub moos Kaulauxai. Mej yog peb cov kwvtij kws muab tsua sau sab ntseeg Yexu Kheto. Thov Vaajtswv kws yog peb leej txwv foom koob foom moov tsua mej hab paab kuas mej tau nyob kaaj sab quas lug.
Povlauj ua Vaajtswv tsaug
3 Txhua zag kws peb thov Vaajtswv paab mej, peb yeej ncu ntsoov ua peb tug tswv Yexu Kheto leej txwv tsaug, 4 tsua qhov peb tub nov xuv has tas, mej muab tsua sau sab ntseeg Yexu Kheto hab mej hlub Vaajtswv cov tuabneeg txhua tug huvsw. 5 Thaus mej xub nov txuj xuv zoo kws tseeb mej paub has tas, txuj xuv zoo hov yog txuj kws mej muaj chaw vaam. Vem mej vaam tej kws Vaajtswv tub khaws ca sau ntuj ceeb tsheej tsua mej mas mej txha le muab tsua sau sab ntseeg hab sws hlub. 6 Txuj xuv zoo hov saamswm nrov nchaa moog thoob plhawv huv qaab ntuj nuav, hab txuj xuv zoo coj moov zoo lug, ib yaam le thaus kws nrov tuaj txug mej es mej nov hab paub has tas, Vaajtswv yog tug kws hlub cov tuabneeg kws muaj txem ais mej txha tau moov zoo. 7 Qhov kws mej paub le nuav tub yog peb tug kwvluag Epafa kws nrug peb ua num hab peb hlub qha tsua mej. Nwg yog tug kws muab tsua sau sab paab peb ua Yexu Kheto teg num. 8 Nwg qha tsua peb has tas, Vaajtswv tug Ntsuj Plig tub ua tsua mej txawj sws hlub lawm. 9 Vem le hov mas txwj nub kws peb tau nov mej moo, peb txha naj nub thov Vaajtswv paab mej tsw tseg le. Peb thov Vaajtswv paab kuas mej muaj tswvyim hab to taub tej kws Vaajtswv tug Ntsuj Plig qha, mej txha le paub tej kws Vaajtswv lub sab nyam huvsw. 10 Yog mej paub lawm mej yuav ua tau tuabneeg zoo lawv le Vaajtswv lub sab nyam, hab naj nub ua tej kws hum Vaajtswv sab. Mej yuav tawg paaj txw txwv, hab mej yuav paub Vaajtswv heev zuj quas zug. 11 Thov Vaajtswv kws muaj fwjchim txhawb mej tug zug kuas mej muaj zug heev dua, txawm yog mej tau zoo hab txom nyem los mej txha le ua taug sab ntev. 12 Hab mej yuav zoo sab hlo ua leej txwv tsaug. Leej txwv yog tug kws coj mej lug yuav nwg txuj koob txuj moov kws nwg npaaj ca tsua nwg cov tuabneeg kws taug txujkev kaaj. 13 Vaajtswv tub paab peb cov kws Daab Ntxwg Nyoog muab kaw tsua huv qhov tsaus ntuj dim lawm, hab Vaajtswv coj peb lug nyob huv qhov kaaj kws Vaajtswv tug tub kaav. Tug tub hov yog tug kws Vaajtswv hlub, 14 hab yog tug kws tso peb dim hab zaam peb lub txem.
Tej num kws Yexu Kheto ua
15 Yexu Kheto kws peb qhov muag pum kuj zoo ib yaam le Vaajtswv kws peb qhov muag tsw pum. Yexu yog Vaajtswv tug tub hlub, nwg muaj fwjchim luj dua ib puas tsaav yaam kws Vaajtswv tswm lug lawm, 16 tsw has tej kws nyob sau ntuj hab tej kws nyob huv nplajteb nuav los yog, tej kws qhov muag pum hab tej kws qhov muag tsw pum los yog, cov tubkhai sau ntuj kws muaj fwjchim hab cov num tswv los yog, cov vaaj ntxwv hab cov kws muaj fwjchim kaav nplajteb los yog, tej ntawm puav leej yog Vaajtswv kuas Yexu tswm, hab nwg tswm tej ntawm tsua nwg. 17 Yexu Kheto yeej xub muaj nyob dua ib puas tsaav yaam huvsw, hab nwg tug fwjchim tu kuas ib puas tsaav yaam nyag nyob muaj nyag chaw. 18 Nwg yog lub cev lub taubhau. Lub cev yog cov tuabneeg kws ntseeg Vaajtswv. Nwg yog lub hauv paug kws ua kuas lub cev muaj sa. Nwg yog thawj tug kws Vaajtswv xub tsaa sawv huv qhov tuag rov lug. Vaajtswv ua le ntawm kuas Yexu tuab leeg txha ua tau ib puas tsaav yaam tug thawj. 19 Tsua qhov Vaajtswv yeej pum zoo ca Vaajtswv tug tub muaj fwjchim hab lub sab zoo ib yaam nkaus le Vaajtswv. 20 Vaajtswv pum zoo kuas Vaajtswv tug tub coj ib puas tsaav yaam kws nyob huv qaab ntuj nuav, hab ib puas tsaav yaam kws nyob sau qaum ntuj rov lug ua Vaajtswv le. Vaajtswv khaiv Vaajtswv tug tub lug tuag sau ntoo khaublig peb txha le tau lug nrug Vaajtswv sws raug zoo. 21 Yaav tom ntej mej ua tsw hum Vaajtswv sab, mej ua yeeb ncuab tsua Vaajtswv, tsua qhov mej nyam ua phem tsw has tej kws mej ua hab tej kws mej xaav los puav leej phem huvsw. 22 Kuas nwgnuav qhov kws mej tau nrug Vaajtswv sws raug zoo, tub yog vein Vaajtswv tug tub lub cev raug kev tuag txhwv mej. Vaajtswv khaiv Vaajtswv tug tub lug tuag txhwv mej, tsua qhov Vaajtswv xaav kuas mej ua tau tuabneeg zoo kawg nkaus tsw muaj ib qho txhum le tsua thaus mej moog nyob ntawm Vaajtswv lub xub ndag. 23 Mej yuav tsum muab tsua sau sab ntseeg txuj xuv zoo ib yaam le thaus kws mej nyav nov. Hab mej yuav tsum ncu ntsoov qhov kws mej tub vaam quas ntsoov lawm, mej tsw xob kheev leejtwg tuaj ua tsua mej xaav yuam kev. Txuj xuv zoo nuav yog txuj kws tub muaj tuabneeg coj moog qha tsua txhua tug kws nyob huv qaab ntuj nuav lawm. Kuv yog ib tug tub qhe kws qha txuj xuv zoo hov ntaag.
Teg num kws Povlauj ua paab cov ntseeg
24 Nwgnuav kuv zoo sab raug kev txom nyem paab mej. Qhov kws Yexu raug kev txom nyem paab nwg lub cev kws yog cov ntseeg hov, kuv yuav paab rws tej kev txom nyem hov kuas tav. 25 Vaajtswv tsaa kuv ua ib tug tub qhe paab cov ntseeg. Vaajtswv kuas kuv ua teg num nuav txha le paab tau mej. Tej num nuav yog qhov kws qha has txug nwg. 26 Nwg kuas kuv qha txhwj qha txhua has txug zaaj kws nwg tub muab zais ca tau ntau txheej ntau tam lug lawm tsw kheev leejtwg paub, kuas nwgnuav nwg tub qha tsua nwg cov tuabneeg paub lawm. 27 Vaajtswv ua le nuav tsua qhov Vaajtswv yeej pum zoo qha zaaj kws tsw muaj tuabneeg paub nuav tsua nwg cov tuabneeg paub. Zaaj ntawm yog zaaj kws muaj qaabhau heev hab zoo kawg nkaus. Vaajtswv tub npaaj zaaj nuav ca tsua txhua yaam tuabneeg lawm. Zaaj kws Vaajtswv muab zais ca hov yog le nuav, Yexu Kheto tub lug nyob huv peb lawm, mas mej yuav tau Vaajtswv le moov hab tau koob meej. 28 Peb paub le nuav peb txha qha Yexu Kheto tsua suavdawg. Peb ntuag hab qha txhua tug lawv le peb muaj tswvyim qha, tsua qhov peb xaav paab kuas txhua tug kws ntseeg ua zoo ib yaam le Yexu Kheto, hab coj puab moog cuag Vaajtswv. 29 Yexu Kheto tub pub nwg tug zug tsua kuv lawm, kuv txha muab tsua sau sab swv Yexu tug zug ua kuas tau lawv le tej kws kuv xaav nuav.
1 Kuv xaav kuas mej paub has tas, kuv ua num khwv kawg le paab mej, hab paab cov ntseeg kws nyob huv lub moos Latikeya, hab cov tuabneeg kws tseem tsw tau pum dua kuv. 2 Qhov kws kuv ua le nuav yog kuv xaav txhawb puab tug zug, hab xaav kuas puab ib tug txawj hlub ib tug, hab kuas puab nkaag sab zoo puab txha le tso sab tsua Yexu Kheto. Mas puab txha le paub qhov kws Vaajtswv muab zais ca lawm, qhov ntawm yog Yexu Kheto ntaag. 3 Yexu Kheto yog tug yuam swj kws qheb Vaajtswv lub txhaab tswvyim hab kev txawj ntse huvsw kws Vaajtswv muab zais ca lawm. 4 Kuv qha tsua mej has tas, mej yuav tsum ceev faaj, tsw xob kheev leejtwg ntxag tau mej. Txawm yog puab txawj has zoo npaum le caag los xwj, mej tsw xob noog puab lug. 5 Txawm yog kuv nyob deb mej los kuv lub sab yeej nrug nraim mej nyob. Kuv zoo sab kawg le tsua qhov kuv nov has tas, mej cov kws ntseeg Yexu Kheto puav leej ua ib lub sab.
Tug kws ntseeg Yexu Kheto nwg zoo le caag
6 Mej tub leeg has tas, Yexu Kheto yog mej tug tswv lawm, tes mej yuav tsum ua zoo kuas phim qhov kws mej nrug nwg koom ua ib txujsa. 7 Mej yuav tsum muab tsua sau sab ntseeg Yexu Kheto ib yaam le tug caag kws ntsa aav tub tub. Hab mej yuav tsum ua khov kho ib yaam le lub tsev kws cov neej txhus tub tub. Mej yuav tsum muab sab npuab tej kws mej tub kawm lug lawm. Hab mej yuav tsum naj nub ncu ntsoov ua Vaajtswv tsaug. 8 Mej yuav tsum ceev faaj zoo. Mej tsw xob moog noog tej zaaj tsw muaj qaabhau kws suavdawg qhuas has tas, yog kev txawj ntse, tsaam tes mej tso Vaajtswv tseg lawm. Tej zaaj ntawm yeej yog tej kws tuabneeg ib txwm qha ib tam dhau ib tam lug. Hab tej ntawm yog daab le tsw yog Yexu Kheto le. 9 Tsua qhov thaus Yexu lug yug ua tuabneeg nwg lub sab hab nwg tug yeeb yaam zoo ib yaam le Vaajtswv tug. 10 Hab mej cov kws nrug Yexu Kheto koom ua ib txujsa, mej tub zoo kawg nkaus lawm.Yexu Kheto yog tug kws muaj fwjchim luj dua cov kws kaav sau nruab ntug hab huv nplajteb nuav huvsw. 11 Mej cov kws nrug Yexu Kheto koom ua ib txujsa mej tub ua kevcai txav lawm. Tsw yog tuab neeg muab mej ua, kuas qhov kws Yexu Kheto paab mej dim mej lub sab kws pheej yuam mej lub cev moog ua txhum tub yog nwg muab mej ua kevcai txav ntaag. 12 Thaus mej ua kevcai raus dej, tub yog muab mej log nrug Yexu Kheto ua ke lawm. Hab Vaajtswv tub tsaa mej nrug Yexu Kheto sawv rov lug lawm, tsua qhov mej tso sab tsua Vaajtswv tug fwjchim kws ua tsua Yexu sawv huv qhov tuag rov lug. 13 Yaav tom ntej mej zoo ib yaam le cov kws tuag lawm vem mej ua txhum hab mej yog lwm tsaav tuabneeg kws yeej tsw muaj Vaajtswv txuj kevcai kaav mej. Kuas nwgnuav Vaajtswv coj mej lug nrug Yexu Kheto koom ua ib txujsa. Vaajtswv tub zaam peb lub txem huvsw lawm. 14 Vaajtswv rhuav tej kws has tas, peb ua txhum tej kevcai kws kaav peb nruj, hab Vaajtswv tub muab tej hov huvsw coj moog teem tsua sau ntoo khaublig lawm. 15 Yexu Kheto kov yeej ib puas tsaav yaam kws muaj fwjchim huvsw sau tug ntoo khaublig. Nwg coj ib puas tsaav yaam hov lug tsua suavdawg saib has tas, nwg yog tug kws yeej, tej ntawm yog cov kws swb. 16 Yog le ntawm mej tsw xob kheev leejtwg thuaj mej has tas, ua caag mej tsw caiv kev noj kev haus los yog, nub ua kevcai los yog, nub xab ib los yog, nub su los yog. 17 Tej hov tsuas yog tej kws yuav muaj lug yaav tom hauv ntej nuav tug duab xwb, tug kws tseeb yog Yexu Kheto. 18 Mej tsw xob kheev tug kws khaav has tas nwg zoo dua lwm tug, thuaj mej. Tug ntawm nwg pheej has tas, nwg ua yug quas toog pum tej kws tseem ceeb. Nwg ua txuj ua le nwg yog tug kws tsw muab hlub, hab nwg pe cov tubkhai sau ntuj, nwg laam khaav qhuav qhuav lawv le nwg xaav xwb. 19 Nwg tsw muab sab npuab Yexu Kheto kws yog cov ntseeg lub taubhau. Yexu Kheto yog tug kws tsaav roj ntshaa tsua lub cev, hab muab tej cos qej txhaa lug sws dhos. Nwg muab tej leeg lug sws tuav, lub cev txha nyob ruaj ua ke, hab txawj hlub zuj quas zug lawv le Vaajtswv lub sab nyam.
Tug ntseeg lub neej
20 Mej tub nrug Yexu Kheto tuag hab mej tub dim tej kws ib txwm kaav tuabneeg huv qaab ntuj nuav huvsw lawm. Ua caag mej tseem ua ib yaam le tuabneeg nplajteb ua hab. 21 Ua le caag mej tseem coj tej kevcai kws qha has tas, tsw xob tuav, tsw xob saaj, hab tsw xob kov. 22 Txawm yog peb ua lawv le tej ntawm los thaus kawg kuj tsw muaj qaabhau daabtsw tsua peb le. Tej kevcai hov tsuas yog tej kws tuabneeg xaav hab tuabneeg qha xwb. 23 Tej kevcai kws qha tuabneeg pe cov tubkhai sau ntuj los yog, has kuas ua le cov kws tsw muab hlub los yog, kuas tuabneeg tswm txom tuabneeg lub cev los yog, suavdawg saib yaam le tej ntawm yog tej kws tseem ceeb. Kuas tej ntawm yeej paab tsw tau kuas tuabneeg tswj tau tuabneeg lub sab kws nyam ua phem le.
1 Vaajtswv tub tsaa mej nrug Yexu Kheto sawv huv qhov tuag rov lug lawm. Mas mej yuav tsum npuab tej kws nyob sau ntuj. Sau ntuj yog lub chaw kws Yexu Kheto nyob sau lub zwm txwv kws nyob ntawm Vaajtswv saab xws. 2 Mej yuav tsum muab sab npuab tej kws nyob sau, tsw yog yuav muab sab npuab tej kws nyob huv nplajteb nuav. 3 Tsua qhov mej cov kws nrug Yexu Kheto koom ua ib txujsa mej zoo le cov tuabneeg kws tuag lawm. Mej txujsa Vaajtswv tub muab khaws ca lawm. 4 Yexu Kheto yog mej txujsa. Thaus nwg rov'lug mej yuav nrug nwg ua ke lug, hab nrug nwg tau koob meej ib yaam nkaus.
Lub sab qub hab lub sab tshab
5 Yog le ntawm, tej kev phem kev qas kws mej lub sab nyam ua, mej yuav tsum muab tso pov tseg. Tsw has kev nkauj kev nraug los yog, ua dev ua npua los yog, xaav ntxag luas quaspuj luas quasyawg los yog, nyam ua phem los yog, sab hlub los yog, tug tuabneeg sab hlub nwg yeej saib yaam kws nwg xaav yuav tswm txaj dua Vaajtswv. 6 Vem muaj tej nuav Vaajtswv txha rau txem tsua cov tuabneeg kws tsw noog Vaajtswv lug. 7 Yaav tom ntej mej ua phem ib yaam le cov tuabneeg kws nyam ua tej kev phem kev qas ntawm. 8 Kuas nwgnuav mej yuav tsum muab ib puas tsaav yaam kws yuav has nuav tso pov tseg, yog kev chim, ua nruj ua tswv, sab phem, mej tsw xob thuaj lwm tug hab tsw xob has qhov dev ib zag le. 9 lb tug tsw xob daag ib tug, tsua qhov mej tub muab mej lub sab qub hab tej kev phem kws mej ib txwm ua tso pov tseg lawm. 10 Nwgnuav mej tub ua tuabneeg tshab lawm. Qhov kws mej ua tau tuabneeg tshab ntawm tub yog vem Vaajtswv kws tswm mej naj nub paab kuas mej ua tau mej tug yaam ntxwv zoo le nwg tug, mej txha le paub nwg heev zuj quas zug. 11 Tug kws ua tuabneeg tshab lawm nwg yeej tsw suav has tas, cov nuav yog tuabneeg Kili, cov nuav yog tuabneeg Yutai, cov nuav yog cov kws ua kevcai txav, cov nuav yog cov kws tsw ua, cov nuav yog lwm tsaav tuabneeg, cov nuav yog tuabneeg qus, cov nuav yog cov kws ua qhev, cov nuav yog cov kws tsw ua qhev. Nwg saib suavdawg zoo ib yaam nkaus, tsua qhov Yexu Kheto yog tug kws tseem ceeb dua ndais huvsw, hab nwg nyob huv txhua tug kws ntseeg lub sab. 12 Mej yog Vaajtswv cov tuabneeg. Vaajtswv hlub mej hab tub xaiv mej ca ua nwg cov mivnyuas lawm, mas mej yuav tsum hlub lwm tug, ua sab zoo, tsw xob khaav theeb, ua sab mog sab muas hab ua sab ntev. 13 Mej ib leeg yuav tsum paab ib leeg. Yog mej cov muaj ib tug ua txhum tsua ib tug, mej ib tug yuav tsum zaam txem tsua ib tug, ib yaam le Vaajtswv tub zaam txem tsua mej lawm. 14 Qhov kws tseem ceeb dua tej huvsw yog qhov kws mej ib tug yuav tsum hlub ib tug tag tag. Yog mej ua le nuav mej txha nyob taug ua ke. 15 Mej cov kws Yexu hu lug ua Yexu lub cev yuav tsum ca Yexu Kheto txujkev sab tug kaav taag nrho mej lub sab. Mej yuav tsum naj nub ncu ntsoov Vaajtswv tshaav ntuj. 16 Mej yuav tsum khaws Yexu Kheto tej lug huvsw ca tsua huv mej lub sab. Mej ib leeg yuav tsum ua tuab zoo qha ib leeg, tsw xob laam tau laam has le tej tuabneeg kws tsw muaj tswvyim. Thaus mej hu nkauj tsw has tej nkauj kws Tavi sau los yog, tej nkauj qhuas Vaajtswv los yog, tej nkauj kws cov ntseeg hu pe Vaajtswv los yog, mej yuav tsum zoo sab quas hlo ua Vaajtswv tsaug. 17 lb puas tsaav yaam kws mej ua hab mej has mej yuav tsum ua kuas tswm nyog qhov kws mej yog cov ntseeg tug tswv Yexu. Mej cov kws ntseeg Yexu mej ca le ua Vaajtswv kws yog peb leej txwv tsaug
Tug kws muaj sab tshab nwg ua zoo le caag
18 Mej txhua tug quaspuj, nyag yuav tsum noog nyag tug quasyawg lug txha tswm nyog qhov kws mej yog cov ntseeg Vaajtswv. 19 Mej txhua tug quasyawg nyag yuav tsum hlub nyag tug quaspuj tsw xob ua lim ham tsua nwg. 20 Cov mivnyuas, mej yuav tsum noog mej nam mej txwv lug txha le hum Vaajtswv sab. 21 Mej cov kws yog nam yog txwv mej tsw xob laam tau laam zwg mej tej mivnyuas kuas chim tsaam tes puab poob sab. 22 Mej cov kws yog tub qhe, mej yuav tsum noog mej tug tswv tej lug txhua lu huvsw. Mej yuav tsum naj nub ua num tsw xob ua thaus tug tswv pum xwb es kuas nwg qhuas mej, kuas mej yuav tsum muab tsua sau sab ua tag tag, tsua qhov mej fwm Vaajtswv. 23 Txhua yaam kws mej ua mej yuav tsum rau sab ntso ua ib yaam le mej ua tsua Vaajtswv, tsw yog mej ua tsua tuabneeg. 24 Yexu Kheto yog mej tug tswv, mej yog nwg cov tub qhe. Mas mej yuav tsum ncu ntsoov has tas, mej yeej yuav tau tej nqe zug kws Vaajtswv khaws ca tsua Vaajtswv cov tuabneeg lawm. 25 Tug kws ua txhum, mas nwg yeej yuav tau saws tej kws nwg tau ua lug lawm, tsua qhov Vaajtswv yeej tsw xaiv leejtwg ntsej muag hlo le.
1 Mej cov kws ua tswv, mej yuav tsum ua ncaaj tsua mej cov tub qhe, tsw xob hlub ib tug, tseg ib tug. Mej yuav tsum ncu ntsoov has tas, mej koom tuab tug tswv kws nyob sau ntuj ceeb tsheej xwb.
Povlauj ntuag cov ntseeg
2 Mej yuav tsum naj nub nquag thov Vaajtswv tsw xob nkeeg hab ncu ntsoov ua nwg tsaug. 3 Thaus mej thov Vaajtswv mej yuav tsum thov nwg qheb kev tsua peb qha txuj xuv zoo kws has txug Yexu Kheto zaaj kws yaav tom ntej tsw muaj tuabneeg paub. Tub yog vem kuv qha zaaj hov kuv txha raug kaw tsua huv tsev loj faaj nuav. 4 Hab mej yuav tsum thov Vaajtswv pub tswvyim tsua kuv kuas kuv txawj qha tej kws tswm nyog kuv yuav tsum qha, suavdawg txha to taub zoo. 5 Mej yuav tsum ua tuab zoo ua zoo tsua cov tuabneeg kws tsw ntseeg pum. Hab txhua zag kws zoo qha txuj xuv zoo mej ca le qha, tsw xob ca nkim swmhawm. 6 Tej lug kws mej has, mej yuav tsum ua tuab zoo has kuas suavdawg xaav noog. Tej kws lwm tug nug mej, mej yuav tsum paub teb.
Povlauj xaa xuv tsua cov ntseeg
7 Peb tug kwv Tikhikau yuav qha tsua mej paub has tas, kuv nyob le caag. Nwg yog ib tug kws muab tsua sau sab nrug peb ua Vaajtswv teg num. 8 Tub yog vem le ntawm kuv txha khaiv nwg tuaj saib mej, nwg yuav qha tsua mej paub has tas, peb nyob le caag hab ua le caag, mej txha le zoo sab. 9 Peb tug kwv Auneximau kws peb hlub, nwg yuav nrug Tikhikau tuaj saib mej. Nwg yeej yog mej cov hab nwg yog tug kws muab tsua sau sab ua num. Thaus ob tug tuaj txug tim mej ob tug yuav qha txhua yaam kws peb ua tim nuav huvsw tsua mej paub. 10 Alixakhau kws nrug kuv raug kaw huv tsev loj faaj nwg has tas, nwg ncu ncu mej. Hab Malakau kws yog Npananpa le kwvtij nwg has tas, nwg ncu ncu mej. Kuv tub qha ib zag tsua mej lawm tas, yog Malakau tuaj saib mej, mej ca le hu nwg lug su huv mej tsev. 11 Yauxua kws suavdawg hu ua Yuxatau nwg has tas, nwg ncu ncu mej. Cov Yutai kws lug ntseeg Yexu lawm tsuas muaj peb leeg hov txha nrug kuv qha qhov kws Vaajtswv yuav lug kaav tuabneeg lub sab hab qha txug Vaajtswv lub tebchaws xwb. Puab peb leeg hov tau paab kuv ntau kawg le. 12 Epafa nwg yeej yog mej cov hab nwg yog Yexu Kheto tug tub qhe, nwg has tas, nwg ncu ncu mej. Nwg naj nub kub sab quas lug thov Vaajtswv paab kuas mej muab tsua sau sab ntseeg, hab ua tau zoo zuj quas zug, hab kuas mej ua tau mej teg num lawv nraim le Vaajtswv lub sab nyam. 13 Kuv paub has tas, nwg ua num khwv kawg le paab mej hab paab cov ntseeg kws nyob huv lub moos Latikeya, hab lub moos Hailaphauli. 14 Luka kws ua kws tshuaj kws peb hlub hab Tema ob tug has tas, ob tug ncu ncu mej. 15 Thov mej has tsua cov kwvtij ntseeg kws nyob huv lub moos Latikeya, hab has tsua Nifa hab cov ntseeg kws tuaj noog lug qhuab qha huv Nifa tsev has tas, peb ncu ncu puab suavdawg. 16 Thaus mej nyeem tsaab ntawv nuav taag, mej yuav tsum xaa moog tsua cov ntseeg kws nyob tom lub moos Latikeya nyeem hab. Hab mej yuav tsum nyeem tsaab ntawv kws cov ntseeg tom lub moos Latikeya xaa tuaj tsua mej ib yaam nkaus. 17 Thov mej has tsua Akhiphau has tas, teg num kws Vaajtswv muab tsua nwg ua lawm, nwg yuav tsum ua tuab zoo ua kuas tav. 18 Lu lug kws has tas Povlauj ncu ncu mej, tub yog kuv txhais teg sau ntaag. Thov mej ncu ntsoov has tas, kuv tseem raug kaw huv tsev faaj. Thov Vaajtswv foom koob foom moov tsua me txhua tug.
1 Kuv yog Povlauj. Kuv hab Xila hab Timaute sau tsaab ntawv nuav xaa tuaj tsua mej txhua tug kws nyob huv lub moos Thexalaunike kws ntseeg Vaajtswv kws yog peb leej txwv hab ntseeg tug tswv Yexu Kheto. Thov Vaajtswv foom koob foom moov tsua mej hab paab kuas mej tau nyob kaaj sab quas lug.
Cov tuabneeg Thexalaunike key ntseeg
2 Peb naj nub ua Vaajtswv tsaug hab peb pheej thov Vaajtswv paab mej tsw tseg tsw tu tsua qhov peb ncu ntsoov has tas, mej yog cov kws muab tsua sau sab ntseeg. 3 Thaus peb thov Vaajtswv kws yog peb leej txwv peb ncu ntsoov has tas, mej tsw yog cov kws ntseeg ntawm ncauj xwb kuas yeej yog mej ua num tsua suavdawg pum hab. Mej zoo sab quas hlo paab lwm tug, txawm yog mej yuav ua num khwv npaum le caag los mej yeej tsw khauv xwm mej tug daag tug zug le, hab mej vaam quas ntsoov peb tug tswv Yexu Kheto. 4 Cov kwvtij, peb paub has tas, Vaajtswv hlub mej hab tub xaiv mej ca ua nwg le tuabneeg lawm. 5 Peb paub le nuav tsua qhov txuj xuv zoo kws peb coj tuaj qha tsua mej, tsw yog lu lug qhuav qhuav xwb. Yog Vaajtswv tug Ntsuj Plig hab Vaajtswv tug fwjchim nrug nraim cov lug hov. Tsw yog le ntawm xwb peb yeej tso sab has tas, txujlug ntawm yog txuj tseeb tag. Thaus peb nrug mej nyob peb ua zoo le caag los mej tub paub lawm. Peb ua le ntawm tub yog peb ua qha kuas mej paub ua zoo. 6 Mej tub xyum ua lawv le peb ua hab ua lawv le tug tswv Yexu ua lawm. Txawm yog mej raug kev txom nyem heev kawg lug lawm los mej tseem zoo sab noog tej lug kws Vaajtswv tug Ntsuj Plig qha tsua mej hab. 7 Yog le ntawm mej txha ua tau yaam ntxwv zoo tsua cov ntseeg kws nyob huv Makatauna tebchaws nuav, hab cov kws nyob nraag Kili tebchaws suavdawg xyum. 8 Tsua qhov mej cov kws nyob huv lub moos Thexalaunike, mej tub moog qha Vaajtswv txujlug thoob plawg tsua txhua qhov lawm, tsw yog qha huv Makatauna tebchaws hab Kili tebchaws xwb, kuas tej tuabneeg kws nyob tsua txhua qhov suavdawg puav leej nov moo has tas, mej tub ntseeg Vaajtswv lawm. Yog le ntawm tsw txug peb yuav has ib lus ntxwv le. 9 Suavdawg puav leej has tas, thaus peb tuaj saib mej, mej zoo sab noog peb tej lug qha. Hab puab has txug qhov kws mej muab mej tej daab hab tej txoov daab tso pov tseg hab tig lug cuag Vaajtswv es mej tau ua Vaajtswv kws muaj txujsa nyob teg num, nwg yog Vaajtswv tag tag le. 10 Hab puab has txug qhov kws mej tog Vaajtswv tug tub kws yuav lug sau ntuj lug, tug ntawm yog Vaajtswv tug tub Yexu kws Vaajtswv tau tsaa sawv huv qhov tuag rov lug. Nwg tub lug paab peb lawm, mas peb txha tsw raug Vaajtswv txujkev teem txem kws yuav muaj lug.
Povlauj ua Vaajtswv le num peg Thexalaunike
1 Cov kwvtij, mej tub paub lawm tas, thaus peb tuaj saib mej, mas muaj qaabhau tsua mej heev. 2 Hab mej tub paub has tas, thaus peb tseem tuaj tsw tau txug mej, peb xub tuaj qha peg lub moos Filipi, mas cov tuabneeg kws nyob peg tswm txom peb hab saib tsw taug peb hlo le. Tsw yog le hov xwb, thaus peb tuaj txug huv mej lub moos tseem muaj tuabneeg tawm tsaam peb heev hab. Txawm yog le ntawm los Vaajtswv tseem pub peb muaj sab tuab qha txuj xuv zoo tsua mej. 3 Tej lug kws peb qhuab qha mej peb qha tseeb xwb, peb tsw muaj ib nploog sab kws xaav ua phem lossws xaav ntxag mej. 4 Peb yeej tsw xaav le ntawm hlo le, peb tsuas qha tej kws Vaajtswv muab tsua peb qha xwb. Tsua qhov Vaajtswv pum zoo muab txuj xuv zoo tsua peb qha. Tsw yog peb qha kuas hum tuabneeg sab, kuas yog peb qha kuas hum Vaajtswv sab, tsua qhov Vaajtswv yog tug kws naj nub saib peb lub sab. 5 Mej tub paub lawm tas, thaus peb tuaj qha mej peb tsw tau laam qhuas leejtwg, hab tsw tau ntxag mej le daabtsw yuav. Peb has le nuav Vaajtswv yeej paub has tas, peb has tseeb xwb. 6 Peb cov kws yog Yexu Kheto cov tubkhai peb yeej muaj feem kuas mej fwm peb los peb tsw tau kuas mej cov los lwm cov leejtwg fwm peb, 7 kuas thaus peb nrug mej nyob, peb ua sab ntev tsua mej ib yaam le leej nam ua sab ntev tu nwg cov mivnyuas. 8 Peb hlub mej kawg le peb txha coj txuj xuv zoo kws Vaajtswv tub muab tsua peb lawm tuaj qha tsua mej. Tsw yog le ntawm xwb, peb tseem zoo sab muab peb tug daag tug zug huvsw paab mej hab, peb tsw khauv xwm le tsua qhov peb hlub mej heev. 9 Cov kwvtij, nyab mej kuj ncu ntsoov has tas, thaus peb nrug mej nyob peb yeej ua num nyaav khwv kawg le lug yug peb. Peb ua taag nub taag mo tsua qhov lub swmhawm kws peb tuaj qha Vaajtswv txuj xuv zoo tsua mej, peb tsw xaav kuas mej ntxhuv sab tsua peb. 10 Mej hab Vaajtswv kuj paub has tas, thaus peb nrug mej cov kws ntseeg nyob peb ua zoo kawg nkaus, peb ua tuabneeg ncaaj nceeg hab peb tsw tau ua ib qho txhum le. 11 Mej tub paub lawm has tas, peb hlub mej txhua tug ib yaam le leej txwv hlub cov mivnyuas. 12 Peb tub cuab mej tug zug, hab nplig mej lawm. Peb ua le ntawm mej txha paub ua hum Vaajtswv sab. Vaajtswv yog tug kws hu mej lug ua nwg le tuabneeg hab lug yuav nwg txuj koob txuj moov. 13 Tsw yog le ntawm xwb, tseem muaj ib qho kws peb naj nub ua Vaajtswv tsaug. Qhov ntawm yog qhov kws mej ua tuab zoo noog hab ntseeg Vaajtswv txujlug kws peb coj tuaj qha mej. Thaus mej nov lawm mej tso sab has tas, txujlug ntawm tsw yog tuabneeg txuj, yog Vaajtswv txuj. Txujlug kws mej tso sab ntawm yeej yog Vaajtswv txuj tag tag. Tsua qhov Vaajtswv saamswm ua num huv mej cov kws ntseeg lub sab. 4 Cov kwvtij, yaav tom ntej mej raug kev txom nyem ib yaam le cov ntseeg Yexu Kheto kws nyob nraag Yutai tebchaws. Mej raug mej tsaav tuabneeg tswm txom mej ib yaam le cov ntseeg kws nyob nraag Yutai tebchaws puab raug puab tsaav tuabneeg tswm txom puab. 15 Cov Yutai yog cov kws muab tug tswv Yexu hab cov xwbfwb cev Vaajtswv lug tua pov tseg, hab puab yog cov kws tswm txom peb. Puab tawm tsaam Vaajtswv hab ntxub suavdawg. 16 Tsw yog le ntawm xwb puab tseem txwv tsw kheev peb coj txuj xuv zoo kws paab tau tuabneeg dim lub txem moog qha tsua lwm tsaav tuabneeg hab. Puab ua le ntawm tub yog puab rub kev txhum ntxwv tsua tej kws puab tau ua lug lawm ntaag. Nwgnuav Vaajtswv yuav teem txem nyaav heev tsua puab lauj.
Povlauj xaav rov moog saib cov ntseeg dua
17 Cov kwvtij, yaav tom ntej kws peb ncaim mej ib nyuas ntu, tsuas yog ncaim ntsej ncaim muag xwb, peb lub sab yeej tsw ncaim mej. Thaus ntawm peb ncu mej heev hab xaav pum mej kawg le. 18 Peb xaav xaav rov tuaj saib mej, kuv tub yuav tuaj ob peb zag, kuas Daab Ntxwg Nyoog txwv tsw kheev peb tuaj. 19 Thaus peb tug tswv Yexu rov qaab lug, hab peb moog nyob ntawm nwg lub xub ndag, mas cov tuabneeg kws yuav ua tsua peb muaj vaam hab zoo sab, hab muaj lug khaav has tas peb kov yeej lawm tub yog mej cov ntaag. 20 Tsua qhov mej yog cov kws ua tsua peb tau ntsej muag hab ua tsua peb zoo sab.
1 Peb xaav xaav nov mej xuv peb tog tsw taug ntev lawm, peb txha pum zoo ca Xila ib nyob ib huv lub nroog Athenai, ais ca ib tug kwv Timaute tuaj saib mej. 2 Timaute yog tug kws ua Vaajtswv teg num qha txuj xuv zoo kws has txug Yexu Kheto ib yaam le ib ua. Thaus hov ib khaiv nwg tuaj txhawb mej tug zug, hab paab kuas mej muab tsua sau sab ntseeg. 3 Mej txhua tug kws saamswm raug kev tswm txom txha le tsw poob sab. Mej tub paub lawm tas, tej kev tswm txom ntawm yog tej kws Vaajtswv tub xub npaaj tseg ca tsua cov ntseeg lawm. U Thaus peb tseem nrug mej nyob peb tub qha tsua mej paub ua ntej lawm tas, peb cov ntseeg peb yeej yuav raug kev tswm txom. Nwgnuav mej pum has tas, tub raug lawm tag. 5 Vem le ntawm kuv txha pum zoo khaiv Timaute tuaj saib mej. Kuv tsw nov mej xuv le kuv tog tsw taug ntev lawm, kuv txha khaiv Timaute tuaj saib saib mej tseem muab tsua sau sab ntseeg los tsw muab. Kuv ntshai tsaam Daab Ntxwg Nyoog ntxag tau mej yuam kev, tes peb teg num kws peb ua lug lawm yuav tsw muaj qaabhau daabtsw 1e 1awm. 6 Timaute tuaj saib mej, nwgnuav nwg tub rov lug txug ib lawm. Nwg lug qha tsua ib has tas, mej tseem muab tsua sau sab ntseeg hab sws hlub. Nwg has tsua ib has tas, mej ncu ncu ib hab xaav pum ib ib yaam le ib xaav xaav pum mej. 7 lb nyob nraag nuav ib muaj kev ntxhuv sab hab kev txom nyem, kuas thaus ib nov has tas, mej muab tsua sau sab ntseeg tes ib zoo sab heev. 8 Thaus ib nov has tas, mej muab sab npuab Vaajtswv ib txha le tso sab plhuav lawm. 9 Nwgnuav peb ua Vaajtswv tsaug tsw txawj taag tsua qhov peb paub has tas, mej muab tsua sau sab ntseeg, peb zoo sab kawg le peb ua Vaajtswv tsaug tsw txawj taag le. 10 Peb naj nub naj mo swv zug thov Vaajtswv paab kuas peb tau tuaj saib mej dua ib zag peb txha muaj swmhawm qha mej, tsua qhov tej kws mej ntseeg lawm, tseem tshuav tej qhov kws mej tsw tau paub tseeb. 11 Peb thov Vaajtswv kws yog peb leej txwv hab thov peb tug tswv Yexu qheb kev kuas peb tau tuaj saib mej. 12 Peb thov Vaajtswv paab kuas mej ib tug hlub ib tug hab hlub lwm tug heev dua yaav taag lug lawm, ib yaam le kws naj nub nua peb hlub mej. 13 Yog mej xub ua sab zoo le hov lawm, thaus peb tug tswv Yexu coj cov kws ntseeg nwg nrug nwg lug, mas Vaajtswv kws yog peb leej txwv txha pum has tas, mej yog cov kws zoo kawg nkaus, mej tsw muaj ib qho txhum le.
Lub neej kws hum Vaajtswv sab
1 Cov kwvtij, peb tub qha tsua mej lawm tas, mej yuav tsum ua le caag txha ua tau hum Vaajtswv sab. Mej tub ua le peb qha lawm. Kuas nwgnuav peb thov mej lawv le tug tswv Yexu kuas peb thov has tas, mej yuav tsum ua zoo heev dua yaav taag lug lawm hab. 2 Tsua qhov mej tub paub lawm tas, tej lug kws peb qha mej, tsw yog peb le lug, kuas yog tug tswv Yexu le lug. 3 Vaajtswv xaav kuas mej ua zoo kawg nkaus, tsw xob ua nkauj ua nraug hlo le txha hum Vaajtswv sab. 4 Thaus mej yuav quaspuj mej yuav tsum ua kuas Vaajtswv tau koob meej, hab tsw xob ua tsua lwm tug tau chaw thuaj. 5 Cov tuabneeg kws tsw paub Vaajtswv puab lub sab ntshaw ua phem ua qas, mej tsw xob ua lub sab zoo le puab. 6 Mej yuav tsum ncu ntsoov zaaj nuav, mej tsw xob ua nkauj ua nraug ib zag le. Yog mej ua nkauj ua nraug mej yeej yuav ua txhum tsua lwm tug xwb. Yaav tom ntej peb tub qha tseeb tseeb tsua mej paub lawm tas, Vaajtswv yuav rau txem tsua cov tuabneeg kws ua txhum le hov. 7 Vaajtswv hu peb lug ua tuabneeg zoo tsw yog hu peb lug ua nkauj ua nraug. 8 Yog leejtwg tsw kaam ua lawv le txujlug qha nuav, tes tsw yog nwg saib tsw taug tuabneeg xwb, kuas yog nwg saib tsw taug Vaajtswv kws pub Vaaj Ntsuj Plig tsua mej ntaag. 9 Tsw txug kuv yuav sau qha tsua mej has tas, mej cov kws ntseeg yuav tsum sws hlub, tsua qhov Vaajtswv tub qha tsua mej lawm tas, ib tug yuav tsum hlub ib tug. 10 Mej hlub cov kwvtij ntseeg kws nyob txhua qhov huv Makatauna tebchaws lawm tag. Cov kwvtij, peb thov mej has tas, mej ib tug yuav tsum hlub ib tug heev dua le ntawm hab. 1 1 Mej yuav tsum naj nub xyum ua tuabneeg zoo tsw xob ntau ncauj, mej yuav tsum rau sab ntso ua mej teg num, tsw xob taab kaum lwm tug. Hab mej yuav tsum ua ntawm mej txhais teg, tsw xob tog lwm tug ua tsua mej noj, peb tub qha le nuav tsua mej lawm. 12 Yog mej ua le nuav cov kws tsw ntseeg Vaajtswv txha saib taug mej, hab mej txha tsw txug tog lwm tug ua tsua mej noj.
Nub kws Yexu yuav rov qaab lug
13 Cov kwvtij, peb xaav kuas mej paub tseeb txug cov tuabneeg kws tuag lawm, mej txha le tsw quaj ntsuag ib yaam le cov tuabneeg kws tsw muaj chaw vaam. 14 Peb paub tseeb has tas, Yexu tub tuag hab tub sawv huv qhov tuag rov lug lawm, mas peb ntseeg has tas, Vaajtswv yuav coj cov ntseeg kws tuag lawm nrug Yexu rov lug hab. 15 Zaaj kws peb qha tsua mej nuav tub yog peb qha lawv le tug tswv Yexu txujlug kws has tas, nub kws tug tswv Yexu rov lug peb cov kws tseem muaj txujsa nyob yuav tsw ua cov kws tuag lawm ntej moog. 16 Thaus tug tswv Yexu lug sau ntuj lug, suavdawg yuav nov ib lub suab hu nrov nrov sau ntuj, hab yuav nov tug thawj tubkhai sau ntuj lub suab hu, hab yuav nov Vaajtswv lub suab raaj suab xyu nrov. Tes cov ntseeg Yexu Kheto kws tuag lawm yuav sawv huv qhov tuag lug 17 Tes Vaajtswv le maav qaws peb cov kws tseem muaj txujsa nyob, nrug cov tuabneeg ntawm ua ke nrug fuab nrug cua moog ntswb tug tswv sau ib ntaa ntuj, mas peb yuav nrug tug tswv nyob moog ib txhws le. 18 Yog le nuav mas mej ca le muab zaaj lug nuav nplig txhua tug lub sab.
Suavdawg yuav tsum zuv tog tug tswv Yexu rov lug
1 Cov kwvtij, tsw txug kuv yuav sau qha tsua mej paub has tas, nub twg hab lub swmhawm twg yuav muaj tej nuav. 2 Tsua qhov mej tub paub tseeb lawm has tas, nub kws tug tswv Yexu lug yuav lug ib yaam le tub saab tuaj mo ntuj. 3 Thaus suavdawg tseem has tas, peb tau zoo noj tau zoo nyob heev lauj, tes taamswm ntawm puab yuav raug kev puam tsuaj. Puab yuav tswv tsw dim ib yaam le tug quaspuj kws ua mob teb yuav yug mivnyuas, mas nwg yuav tswv tsw dim le yuav tsum yug xwb. 4 Kuas cov kwvtij, mej tsw yog cov kws nyob huv qhov tsaus ntuj. Txawm yog nub ntawm yuav lug le tub saab tuaj los tsw txug mej yuav ntshai. 5 Tsua qhov mej yog cov kws nyob qhov kaaj hab nyob nruab nub. Peb tsw yog cov kws nyob mo ntuj lossws nyob huv qhov tsaus ntuj. 6 Mas peb tsw xob tsaug zug le lwm leej lwm tug., peb yuav tsum yoo daab ndub hab ceev faaj zuv tog. 7 Thaus tsaus ntuj tuabneeg txha pw tsaug zug hab qaug dej qaug cawv. 8 Kuas peb yog cov kws nyob nruab nub, tsw tswm nyog peb yuav qaug sab tsua ib yaam daabtsw le. Peb yuav tsum muab kev ntseeg hab kev hlub coj lug ua tsho hlau naav, hab peb yuav tsum muab qhov kws peb vaam has tas peb yuav dim lub txem coj lug ntoo ib yaam le ntoo mom hlau. 9 Vaajtswv yuav tsw rau txem tsua peb cov kws Vaajtswv tub xaiv ca lawm, Vaajtswv yuav zaam txem tsua peb cov kws ntseeg peb tug tswv Yexu Kheto. 10 Yexu Kheto yog tug kws tuag theej peb. Nwg ua le ntawm mas peb txha tau nrug nwg nyob moog ib txhws le. Thaus Yexu rov lug yog peb muaj txujsa nyob los xwj, tuag lawm los xwj, peb yeej yuav tau nrug nwg nyob. 11 Yog le ntawm mej ib tug yuav tsum txhawb ib tug tug zug, hab ib tug paab ib tug ib yaam le naj nub nwgnuav mej ua.
Povlauj ntuag cov ntseeg thaus kawg
12 Cov kwvtij, peb qha mej has tas, tswm nyog mej yuav tsum fwm cov kws saib mej. Puab yog cov kws Vaajtswv xaiv lug coj mej hab qhuab qha mej, 13 mej yuav tsum fwm hab hlub puab heev, tsua qhov puab muab tsua sau sab ua num paab mej. Mej yuav tsum thooj xeeb hum huv sws hlub sws paab. 14 Cov kwvtij, peb qha mej has tas, mej yuav tsum qhuab ntuag cov tuabneeg cis nkeeg, hab txhawb tug kws sab nyag tug zug, paab cov kws qaug zug hab ua sab ntev tsua suavdawg. 15 Mej ib leeg tsw xob ua phem pauj ib leeg, kuas mej ib leeg yuav tsum naj nub ua zoo tsua ib leeg hab ua tsua suavdawg. 16 Mej yuav tsum naj nub zoo sab. 17 Mej yuav tsum thov Vaajtswv tsw tseg tsw tu. 18 Txawm yog mej raug kev txom nyem hab tau zoo los mej yuav tsum ua Vaajtswv tsaug. Vaajtswv xaav kuas mej txhua tug kws nrug Yexu Kheto koom ua ib txujsa lawm ua tej nuav. 19 Mej tsw xob txwv Vaajtswv tug Ntsuj Plig. 20 Mej tsw xob thuaj tej lug kws Vaajtswv tug Ntsuj Plig kuas tuabneeg qha. 21 Mej yuav tsum ua tuab zoo saib txhua yaam huvsw, saib yog yaam twg zoo mej le khaws yaam ntawm ca. 22 Mej yuav tsum zos kev tswv kuas dhau ib puas tsaav yaam kev phem huvsw. 23 Thov Vaajtswv kws ua tsua peb tau nyob kaaj sab quas lug, paab kuas mej ua tau tuabneeg zoo kawg nkaus. Hab thov Vaajtswv tsom kwm mej tug ntsuj plig hab mej lub sab lub cev huvsw, thaus peb tug tswv Yexu Kheto rov lug mej txha le tsw muaj ib qho txhum le. 24 Vaajtswv kws hu mej lug ua nwg le tuabneeg yuav ua kuas tej nuav tav, tsua qhov nwg yog tug kws ncaaj nceeg. 25 Cov kwvtij, mej yuav tsum thov Vaajtswv paab peb hab. 26 Mej ib leeg yuav tsum hlub ib leeg. 27 Tug tswv Yexu kuas kuv qha tsua mej has tas, mej yuav tsum muab tsaab ntawv nuav nyeem tsua cov ntseeg txhua tug noog. 28 Thov peb tug tswv Yexu Kheto foom koob foom moov tsua mej suavdawg.
1 Kuv yog Povlauj. Kuv hab Xila hab Timaute sau tsaab ntawv nuav xaa tuaj tsua txhua tug kws nyob huv lub moos Thexalaunike kws ntseeg Vaajtswv kws yog peb leej txwv hab ntseeg tug tswv Yexu Kheto. 2 Thov Vaajtswv kws yog peb leej txwv hab thov tug tswv Yexu Kheto foom koob foom moov tsua mej hab paab kuas mej tau nyob kaaj sab quas lug.
Thaus Yexu rov lug yuav muaj kev teem txem
3 Cov kwvtij, tswm nyog peb yuav tsum naj nub ua Vaajtswv tsaug, tsua qhov peb pum has tas mej muab tsua sau sab ntseeg heev zuj quas zug, hab mej ib leeg txawj hlub ib leeg heev dua yaav tom ntej. 4 Tub yog vem le hov peb txha qhuas mej tsua cov ntseeg Vaajtswv kws nyob hov txhua hov chaw has tas, txawm yog mej raug kev tswm txom hab kev txom nyem los mej tseem ua taug sab ntev hab muab tsua sau sab ntseeg Vaajtswv tsw tso tseg le. 5 Qhov nuav tub ua tsua suavdawg paub tseeb lawm tas, Vaajtswv yog tug kws ua ncaaj ua nceeg. Nwg ua le nuav kuas suavdawg pum has tas, mej yog cov kws tswm nyog lug ua Vaajtswv le tuabneeg. Vem mej yog Vaajtswv le tuabneeg mej txha raug kev txom nyem le nuav. 6 Vaajtswv yog tug kws ncaaj nceeg, nwg yuav teem txem tsua cov tuabneeg kws tswm txom mej. 7 Hab nwg yuav paab mej txhua tug kws raug kev txom nyem kuas mej hab peb tau zoo nyob. Thaus tug tswv Yexu lug sau ntuj lug nwg yuav paab peb le ntawm. Thaus tug tswv Yexu lug yuav muaj cov tubkhai sau ntuj kws muaj Yexu tug fwjchim hab muaj nplaim tawg cig lab quas ploog nrug nwg lug. 8 Nwg yuav teem txem tsua cov tuabneeg kws tsw paub Vaajtswv, hab teem txem tsua cov kws tsw noog txuj xuv zoo kws has txug peb tug tswv Yexu. 9 Cov tuabneeg ntawm yuav raug txem moog ib txhws tsw kawg. Puab yuav tsw tau nrug tug tswv Yexu nyob, hab puab yuav raug ncaim ntawm nwg tug fwjchim kws ci ntsaa quas ab. 10 Nub kws Yexu rov lug yuav muaj le nuav, nub hov txhua tug kws Yexu tub xaiv lug ua Yexu le tuabneeg lawm yuav ua tsua Yexu tau koob meej. Thaus cov ntseeg hov pum Yexu tug fwjchim puab yuav xaav tsw thoob le. Thaus hov mej cov Thexalaunike yuav nrug puab nyob ntawm hab, tsua qhov mej tub ntseeg Yexu txujlug kws peb coj tuaj qha tsua mej lawm. 11 Tub yog vem le nuav peb txha naj nub thov Vaajtswv paab kuas mej ua tau mej lub neej phim qhov kws Vaajtswv tau xaiv mej lug ua nwg le tuabneeg. Peb thov Vaajtswv kws muaj fwjchim paab kuas mej ua tau zoo lawv le mej tub xub xaav tseg lawm tas mej yuav ua, hab lawv le teg num kws mej ntseeg has tas, Vaajtswv yuav paab mej ua. Peb thov Vaajtswv paab kuas mej ua tau teg num hov tav. 12 Mej txha ua tsua peb tug tswv Yexu tau koob meej. Vaajtswv hab peb tug tswv Yexu Kheto kws hlub mej yuav pub mej tau koob meej ib yaam nkaus hab.
Tug kws ua phem
1 Cov kwvtij, qhov kws peb tug tswv Yexu yuav rov lug, hab qhov kws nwg yuav coj peb suavdawg moog nrug nwg nyob ua ke, kuv thov qha tsua mej has tas, 2 mej tsw xob rawm poob sab lossws ntxhuv sab tsua qhov kws mej nov has tas, tub txug lub swmhawm kws tug tswv Yexu yuav lug lawm. Tej zag ntshai muaj ib tug qha tej kws yuav muaj lug yaav tom hauv ntej nwg tau has le ntawm, lossws muaj ib tug qhuab qha nwg tau has le ntawm, lossws muaj ib tug has tas, yog peb sau le nuav tsua huv peb tsaab ntawv los tsw paub. 3 Txawm yog le caag los xwj, mej tsw xob ca leejtwg ntxag tau mej ib zag le. Tsua qhov thaus tseem tsw tau txug nub kws tug tswv Yexu rov lug, yuav muaj tuabneeg sau nthwv tuaj tawm tsaam Vaajtswv zag kawg, hab suavdawg yuav pum tug kws ua phem tawm lug. Tug ntawm yog tug kws yuav raug kev puam tsuaj, 4 nwg yuav tawm tsaam txhua yaam kws tuabneeg pe, hab tej kws tuabneeg hu ua Vaajtswv. Nwg yuav khaav has tas, nwg yog tug kws muaj fwjchim luj dua ndais tej ntawm huvsw. Tsw yog le hov xwb, nwg tseem yuav moog nyob huv lub tuam tsev thov Vaajtswv hab qha tsua suavdawg has tas, nwg yog Vaajtswv ntaag. 5 Mej tsw ncu lawm los. Thaus kuv tseem nrug mej nyob kuv tub qha tej ntawm tsua mej puab lawm ne. 6 Kuas naj nub nwgnuav muaj ib tug txwv tsw kheev tej ntawm tav. Mej tub paub tug kws txwv hov lawm. Thaus txug swmhawm lawm suavdawg yuav pum tug kws ua phem ntawm. 7 Txujkev phem kev qas kws suavdawg tsw paub, nwgnuav tub chiv muaj lawm. Kuas tej ntawm yuav tsw tshwm lug moog txug thaus tug kws txwv raug tawm moog lawm le maav muaj tshwm lug. 8 Thaus tug kws txwv raug tawm moog lawm, suavdawg yuav pum tug kws ua phem hov. Thaus tug kws ua phem hov lug lawm, tug tswv Yexu yuav tshuab paa tua tug ntawm pov tseg. Thaus nwg pum dheev Yexu hab Yexu tug fwjchim ci ntsaa quas ab lug, tes taamswm hov nwg yuav puam tsuaj moog. 9 Daab Ntxwg Nyoog yuav khaiv tug kws ua phem ntawm lug, hab pub fwjchim tsua nwg kuas nwg ua tau txhua yaam txujci txawv txawv, hab ua tej kws yuav ua tsua suavdawg xaav tsw thoob le. Kuas tej ntawm puav leej tsw tseeb. 10 Nwg yuav ua ib puas tsaav yaam phem ntxag cov tuabneeg kws yeej yuav puam tsuaj moog. Cov tuabneeg ntawm yuav puam tsuaj tsua qhov puab tsw kaam noog, hab tsw nyam txujlug tseeb kws yuav paab tau kuas puab dim puab lub txem. 11 Tub yog vem le ntawm Vaajtswv txha ca txujkev daag ntxag lug tshoov puab lub sab kuas puab ntseeg tej kws tsw tseeb. 12 Yog le ntawm Vaajtswv yuav rau txem tsua txhua tug kws nyam ua phem, hab tsw ntseeg txujlug tseeb.
Cov tuabneeg kws yuav dim txem
13 Cov kwvtij kws Vaajtswv hlub, peb naj nub ua Vaajtswv tsaug, tsua qhov Vaajtswv tub xaiv mej thau u lug lawm kuas mej dim mej lub txem. Tub yog vem Vaajtswv tug Ntsuj Plig ua num huv mej lub sab hab mej ntseeg Vaajtswv txujlug kws yog qhov tseeb mej txha dim mej lub txem. 14 Thaus peb qha txuj xuv zoo tsua mej mas Vaajtswv tau hu mej lug ntseeg kuas mej dim mej lub txem, mej txha le tau peb tug tswv Yexu Kheto tug fwjchim kws ci ntsaa quas ab lug ua mej tug. 15 Yog le ntawm cov kwvtij, mej yuav tsum muab tsua sau sab ntseeg tsw xob tso tseg. Hab mej yuav tsum khaws tej lug kws peb qha tsua mej lawm ca, tsw has tej kws thaus peb nrug mej nyob peb qha tsua mej hab tej kws peb sau tsua huv ntawv los mej yuav tsum khaws tej ntawm huvsw. 16 Thov peb tug tswv Yexu Kheto hab Vaajtswv kws yog peb leej txwv kws hlub peb hab naj nub txhawb peb tug zug, hab kuas peb vaam Vaajtswv txuj koob txuj moov moog ib txhws le, 17 paab kuas mej muaj sab tuab hab muab tsua sau sab ua zoo, tsw has tej num kws mej ua hab tej lug kws mej has huvsw.
Thov mej thov Vaajtswv paab peb
1 Cov kwvtij, thov mej naj nub thov Vaajtswv paab peb kuas peb muab tsua sau sab qha Vaaj- tswv txujlug. Vaajtswv txujlug txha le nrov nchaa moog thoob plawg hov txhua hov chaw, hab muaj qaabhau tsua suavdawg ib yaam le tub muaj huv mej cov lawm. 2 Hab thov Vaajtswv paab kuas peb dim ntawm cov tuabneeg kws sab phem sab ndais ntuj txhais teg, tsua qhov yeej yuav muaj ib txha tsw ntseeg Vaajtswv txujlug. 3 Kuas Vaajtswv yog tug kws ncaaj nceeg, nwg yuav txhawb mej tug zug hab tsw kheev Daab Ntxwg Nyoog ua phem tsua mej. 4 Vaajtswv tub qha tsua peb paub tseeb lawm tas, mej saamswm ua lawv le tej kws peb qha tsua mej lawm, hab mej tseem yuav naj nub ua le ntawm moog lawm yaav tom hauv ntej. 5 Thov Vaajtswv qha mej lub sab kuas mej paub noog Vaajtswv lug, hab paab kuas mej ua taug sab ntev ib yaam le Yexu Kheto tau ua qha tsua mej lawm.
Txhua tug yuav tsum ua num
6 Cov kwvtij. peb cov kws yog tug tswv Yexu Kheto cov tubkhai, peb qha mej has tas, mej tsw xob moog nrug cov nam tuabneeg cis nkeeg ua ke. Puab cov hov tsw ua lawv le tej lug kws peb qha tsua puab. 7 Mej suavdawg puav leej paub has tas, tswm nyog mej ua lawv le kws mej tau pum peb ua lug lawm. Thaus peb nrug mej nyob peb tsw cis nkeeg. 8 Peb tsw tog leejtwg yug peb, peb naj nub swv zug ua num. Peb ua le ntawm sub mej cov txha tsw muaj ib tug ntxhuv sab tsua peb. 9 Qhov kws peb ua le nuav tsw yog vem peb tsw muaj feem has kuas mej yug peb, kuas yog peb ua yaam ntxwv qha tsua mej kuas mej paub ua le peb ua. 10 Thaus peb tseem nrug mej nyob peb qha tsua mej has tas, yog leejtwg tsw kaam ua num, mej tsw xob pub mov tsua tug ntawm noj. 11 Peb has le nuav tsua qhov peb nov has tas, mej cov muaj qee leej cis nkeeg nyob dawb dawb tsw ua ib yaam num daabtsw le. Tsw yog le ntawm xwb, puab tseem pheej moog taab kaum lwm tug daag num hab. 12 Peb cov kws yog tug tswv Yexu kheto cov tubkhai, peb qha hab ntuag cov tuabneeg ntawm has tas, puab yuav tsum ua num tsw xob ntxhuv sab le nuav le u, nyag yuav tsum ua yug nyag tsw xob tog luas le noj. 13 Cov kwvtij, mej tsw xob dhuav ua tej num zoo. 14 Yog mej cov muaj ib tug tsw noog tej lug kws peb sau tsua huv tsaab ntawv nuav, tes mej yuav tsum ncu ntsoov tsw xob moog nrug tug ntawm ua ke, kuas nwg paub txaaj muag tsua tej kws nwg tau ua lug lawm. 15 Kuas mej tsw xob ntxub nwg, mej yuav tsum ntuag nwg ib yaam le mej ntuag mej kwv mej tij.
Povlauj thov Vaajtswv foom moov tsua cov ntseeg
16 Thov Vaajtswv kws txawj pub sab tug tsua peb paab kuas mej tau nyob kaaj sab quas lug, hab tsw xob kheev muaj maab muaj hlua dawm mej teg mej taw. Thov Vaajtswv nrug mej txhua tug nyob. 17 Lu lug kws has tas, Povlauj ncu ncu mej, tub yog kuv txhais teg sau ntaag. Kuv naj zag sau kuv lub npe tsua txhua tsaab ntawv kws kuv xaa tsua suavdawg. 18 Thov peb tug tswv Yexu Kheto foom koob foom moov tsua mej suavdawg.
1 Kuv yog Povlauj kws yog Yexu Kheto tug tubkhai. Vaajtswv kws yog peb tug Cawmseej, hab Yexu Kheto kws peb vaam tsaa kuv ua tubkhai. 2 Timaute, kuv sau tsaab ntawv nuav tuaj tsua koj. Kuv hlub koj ib yaam le koj yog kuv tug tub, tsua qhov koj hab kuv ib ntseeg ib yaam nkaus. Thov Vaajtswv kws yog peb leej txwv hab peb tug tswv Yexu Kheto foom koob foom moov tsua koj, hab hlub koj hab paab kuas koj tau nyob kaaj sab quas lug.
Cov tuabneeg kws qha tsw tseeb
3 Kuv xaav kuas koj nyob tuab ywv huv lub moos Efexau. Thaus kuv saamswm yuav moog peg Makatauna tebchaws kuv tub has le hov tsua koj lawm. Kuv xaav kuas koj nyob tuab ywv tsua qhov muaj qee leej nyob huv lub moos Efexau qha tej zaaj tsw tseeb, kws koj yuav tsum txwv tsw xob kheev puab qha. 4 Koj yuav tsum kuas puab muab tej lug nruag, hab puj koob yawm koob tej npe kws muaj sau ca tsua huv ntawv kws puab has tsw paub taag le tso pov tseg. Tsua qhov tej ntawm yuav ua tsua suavdawg muaj lug sws caav sws tshe, tej hov tsw txawj paab kuas suavdawg paub ua lawv le Vaajtswv lub sab nyam. Yog peb ntseeg peb txha le ua tau lawv le Vaajtswv lub sab nyam xwb. 5 Kuv has le nuav tub yog kuv xaav kuas mej muaj sab dawb sab zoo, muaj sab ncaaj sab nceeg, hab ntseeg Vaajtswv tag tag mej txha le txawj sws hlub. 6 Muaj qee leej puab tsw to taub tej kws has nuav, puab txha yuam kev moog has tej zaaj kws tsw muaj hauv paug tsw muaj ntsws lawm. 7 Puab xaav ua xwbfwb qha Vaajtswv txuj kevcai, kuas tej zaaj kws puab muaj sab tuab qha hov puab tsw to taub, tsw has tej lug kws puab has los yog, lub ntsab los yog, puab yeej tsw paub. 8 Peb paub has tas, Vaajtswv txuj kevcai yeej zoo, kuas yuav tsum yog peb paub swv txha zoo. 9 Mej yuav tsum ncu ntsoov has tas, tej kevcai tsw yog ua lug qha cov tuabneeg ncaaj nceeg, kuas yog ua lug qha cov tuabneeg kws ua txhum kevcai, yog cov tuabneeg tawv ncauj, cov tuabneeg ua txhum, cov tuabneeg kws tsw fwm Vaajtswv hab saib tsw taug Vaajtswv, cov tuabneeg tua nam tua txwv, cov tuabneeg tua tuabneeg, 10 cov tuabneeg kws nyam ua nkauj ua nraug, cov kws txwv neej deev txwv neej, cov tuabneeg nyag tuabneeg, cov tuabneeg has lug daag hab ua cuav tim khawv hab ua ib puas tsaav yaam tsw lawv le Vaajtswv txujlug qha. 11 Txujlug ntawm muaj nyob huv txuj xuv zoo kws Vaajtswv tug muaj fwjchim tau muab tsua kuv qha.
Povlauj ua Vaajtswv tsaug
12 Kuv ua peb tug tswv Yexu Kheto tsaug tsua qhov nwg tau pub zug tsua kuv ua num, kuv ua nwg tsaug tsua qhov nwg suav has tas, tswm nyog kuv ua nwg teg num, nwg txha tsaa kuv ua. 13 Txawm yog yaav tom ntej kuv thuaj nwg, kuv tswm txom nwg hab kuv saib tsw taug nwg los Vaajtswv tseem hlub kuv, tsua qhov thaus hov kuv tsw tau ntseeg hab tsw paub, kuv txha ua le hov tsua nwg. h Peb tug tswv Yexu foom koob foom moov ntau kawg tsua kuv, hab paab kuas kuv muab tsua sau sab ntseeg hab hlub lwm tug. Tej ntawm yog tej kws Vaajtswv pub tsua txhua tug kws nrug Yexu Kheto koom ua ib txujsa. 15 Qhov kws suavdawg has tas, Yexu Kheto lug huv nplajteb nuav yog nwg lug paab cov tuabneeg muaj txem kuas dim lub txem, kuj yog tseeb, tswm nyog suavdawg tso sab hab txais yuav. Kuv yog tug kws muaj txem luj dua cov tuabneeg muaj txem huvsw, 16 kuas Vaajtswv tseem hlub kuv. Qhov kws Vaajtswv hlub kuv le hov tub yog Vaajtswv qha tsua suavdawg paub has tas, txawm yog kuv muaj txem luj dua suavdawg los Yexu Kheto tseem ua sab ntev tsua kuv hab. Yexu ua le ntawm yog nwg ua yaam ntxwv qha tsua cov tuabneeg kws yaav tom hauv ntej yuav lug ntseeg nwg, hab yuav tau txujsa ntev moog ib txhws tsw kawg, sub puab txha paub has tas, Yexu tseem ua sab ntev tsua puab ib yaam le Yexu tau ua tsua kuv lawm. 17 Suavdawg yuav tsum fwm Vaajtswv hab ua tsua nwg tau koob meej moog ib txhws le. Nwg yog tug vaaj ntxwv kws muaj fwjchim luj dua ndais. Nwg muaj txujsa nyob moog ib txhws nwg tsw txawj tuag. Nwg tuab leeg yog Vaajtswv, hab peb qhov muag pum tsw tau nwg. Amee. 18 Tug tub Timaute, tej lug kws kuv qha koj nuav yog lawv le tej kws yaav tom ntej u cov tuabneeg kws paub tej kws yuav muaj lug yaav tom hauv ntej tau qha has txug koj lawm. Koj yuav tsum muab tej lug nuav coj lug ua ntaaj ua rag koj txha le tawm tsaam yeej yeeb ncuab. 19 Koj yuav tsum muab tsua sau sab ntseeg hab ua sab ncaaj sab nceeg. Muaj qee leej puab tsw ua lawv le puab lub sab ncaaj, puab txha tso Vaajtswv tseg lawm. 20 Cov tuabneeg hov ib tug yog Himena-yau ib tug yog Alexalau. Kuv tub ntab ob tug tawm huv cov ntseeg moog lawm. Kuv ua le hov kuas ob tug tsw xob thuaj Vaajtswv.
Cov ntseeg yuav tsum thov Vaajtswv paab suavdawg
1 Qhov tseem ceeb kws kuv xaav kuas mej ua yog le nuav, mej yuav tsum thov Vaajtswv paab suavdawg hab mej yuav tsum ua Vaajtswv tsaug. 2 Kuv thov mej thov Vaajtswv paab cov vaaj ntxwv hab cov num tswv. Yog peb ua le ntawm peb yuav tau nyob kaaj sab quas lug ua Vaajtswv teg num, hab tau zoo ua peb lub neej kuas phim qhov kws peb yog cov ntseeg. 3 Qhov nuav yog qhov zoo hab hum Vaajtswv kws yog peb tug Cawmseej lub sab. 4 Vaajtswv xaav kuas tej tuabneeg suavdawg nyag dim nyag lub txem, hab xaav kuas puab paub qhov tseeb. 5 Tsua qhov yeej muaj tuab tug Vaajtswv xwb, hab muaj tuab tug nyob nruab nraab ua kuas tuabneeg hab Vaajtswv sws cuag tau. Tug hov yog Yexu Kheto kws lug yug ua tuabneeg. 6 Nwg muab nwg txujsa lug theej suavdawg. Nwg ua le ntawm yog nwg qha tsua suavdawg paub has tas, tub txug lub swmhawm kws Vaajtswv teem ca lawm tas, Vaajtswv yuav paab kuas tuabneeg dim tuabneeg lub txem. 7 Vem le nuav Vaajtswv txha tsaa kuv ua ib tug tubkhai hab ua xwbfwb moog qha txuj xuv zoo tsua lwm tsaav tuabneeg hab coj puab lug ntseeg Vaajtswv. Tej lug kws kuv has nuav kuv has tseeb xwb kuv tsw daag. 8 Thaus cov ntseeg tuaj nyob ua ke noog lug qhuab qha tsw has lub moos twg hab lub zog twg kuv xaav kuas cov txwv neej thov Vaajtswv, cov ntawm yuav tsum yog cov kws muab tsua sau sab ntseeg, tsw chim tsua leejtwg hab tsw nrug leejtwg sws caav sws tshe. 9 Kuv xaav kuas txhua tug quaspuj paub txaaj muag. Nyag yuav tsum tu nyag lub cev tsw xob ua ib tug nam sev hle zaab hle zuav lossws naav tej tsoog kws tsw tswm nyog naav. Tsw xob ntxag plaub hau kuas txawv luas zej luas zog. Hab tsw xob coj nyaj coj kub lossws naav tej tsoog kim kim. 10 Kuas txhua tug quaspuj yuav tsum ua num zoo paab lwm tug, mas txha tswm nyog qhov kws puab has tas, puab yog cov ntseeg Vaajtswv. 11 Cov quaspuj yuav tsum nyob tuab ywv ua tuab zoo noog lug qhuab qha. 12 Kuv tsw kheev cov quaspuj qhuab qha txwv neej lossws tsaav fwjchim luj dua txwv neej. Cov quaspuj yuav tsum nyob tuab ywv. 13 Tsua qhov Vaajtswv xub tswm Ataa le maav tswm Hava. 14 Tsw yog Daab Ntxwg Nyoog lug ntxag Ataa, kuas yog lug ntxag "Hava, Hava txha ua txhum. 15 Txawm yog le ntawm los cov quaspuj kws xyuam xwm, yog puab muab tsua sau sab ntseeg, muaj sab hlub lwm tug hab ua hum Vaajtswv sab, tes puab yuav dim vem yog puab yug mivnyuas.
Tug kws saib cov ntseeg
1 Muaj ib lu lug tseeb kws suavdawg pheej has tas, yog leejtwg xaav ua tug kws saib cov ntseeg, tes kuj yog nwg xaav ua teg num kws zoo kawg nkaus. 2 Tug kws saib cov ntseeg yuav tsum yog tug kws tsw muaj chaw thuaj le. Nwg muaj ib tug quaspuj xwb. Nwg yog ib tug kws xyuam xwm, nwg txawj tswj nwg lub sab, nwg paub cai, nwg nyam qhua, hab nwg txawj qhuab qha. 3 Tsw yog tuabneeg quav cawv lossws tuabneeg sab heev, yuav tsum yog tug kws ua sab ntev, tsw nyam sws caav sws tshe, tsw ntshaw nyaj txag. h Yuav tsum yog tug kws txawj tswj fwm nwg tsev tuabneeg, hab qhuab qha nwg tej mivnyuas kuas fwm nwg hab noog nwg lug. 5 Yog leejtwg tswj tsw tau nwg tsev tuabneeg, tes nwg yuav ua le caag saib tau cov ntseeg Vaajtswv. 6 Tsw xob muab tug kws nyav lug ntseeg tshab tshab tsaa ua tug saib cov ntseeg, tsaam tes nwg khaav theeb hab raug txem ib yaam le Daab Ntxwg Nyoog raug. 7 Tug saib cov ntseeg yuav tsum yog tug kws cov tsw ntseeg Vaajtswv los puav leej fwm hab, txha tsw muaj chaw thuaj hab txha tsw maag Daab Ntxwg Nyoog lub vuj hlua.
Tug kws paab ua Vaajtswv teg num
8 Tug ntseeg kws paab ua Vaajtswv teg num yuav tsum zoo ib yaam nkaus le tug kws saib cov ntseeg hab. Nwg yuav tsum yog tug kws tsw muaj ob lub sab, tsw qaug dej qaug cawv hab tsw ua sab hlub xaav yuav ntau ntau. 9 Nwg yuav tsum yog tug kws muaj sab ncaaj nceeg muab sab npuab txujlug tseeb kws Vaajtswv tau qha tsua suavdawg lawm. 10 Yuav tsum xub swm nwg tsaiv saib yog nwg ua tau, le tsaa nwg ua num. 11 Nwg tug quas- puj yuav tsum zoo ib yaam le nwg hab. Tug quaspuj hov yuav tsum yog tug kws xyuam xwm tsw nyam taug xaiv, hab ib puas tsaav yaam kws nwg ua nwg ua ncaaj. 12 Tug ntseeg kws paab ua Vaajtswv teg num yuav tsum yog tug kws muaj tuab tug quaspuj xwb, hab nwg txawj tswj nwg tsev tuabneeg. 13 Tug ntseeg kws paab ua Vaajtswv teg num yog nwg ua num zoo zoo nwg yuav tau ntsej muag, hab nwg yuav muaj cuab kaav qha qhov kws peb nrug Yexu Kheto koom ua ib txujsa lawm tsua suavdawg.
Qhov tseem ceeb kws peb ntseeg
14 Thaus kuv sau tsaab ntawv nuav tuaj tsua koj kuv xaav has tas, nyab kuv yuav tau tuaj saib koj sai. 15 Kuas yog kuv tsw tau tuaj sai tsaab ntawv nuav yuav qha tsua koj paub has tas, Vaajtswv tsev tuabneeg yuav tsum coj le caag. Vaajtswv tsev tuabneeg yog cov kws ntseeg tug Vaajtswv kws muaj txujsa nyob. Cov ntseeg ntawm yog tug neej kws txawb Vaajtswv txujlug kws yog qhov tseeb. 16 Txhua tug puav leej paub tseeb has tas, zaaj kws peb ntseeg yog zaaj kws tseem ceeb kawg nkaus. Nwg lug yug ua tuabneeg. Vaajtswv tug Ntsuj Plig qha tsua suavdawg has tas, Nwg yog tug kws ncaaj nceeg. Vaajtswv cov tubkhai sau ntuj puav leej pum nwg. Muaj tuabneeg qha nwg zaaj tsua txhua tsaav tuabneeg. Muaj tuabneeg nyob txhua qhov huv nplajteb nuav lug ntseeg nwg, Hab Vaajtswv coj nwg moog sau ntuj lawm.
Cov xwbfwb kws qha tsw tseeb
1 Vaajtswv tug Ntsuj Plig qha tseeb ca has tas, yaav tom hauv ntej yuav muaj qee leej tso Vaajtswv tseg. Puab yuav moog noog daab tej nam lug daag hab ua lawv le daab qha. 2 Tej lug qha ntawm yog tej lug daag kws cov tuabneeg sab phem qha ntxag suavdawg. Puab cov hov lub sab zoo le cov kws tuag lawm lub. Txawm yog puab ua txhum luj npaum le caag los puab tsw paub le. 3 Cov tuabneeg ntawm qha has tas, tsw xob sws yuav. Hab has tas, tej hov txhua chaw noj muaj qee yaam tsw xob noj. Kuas Vaajtswv yeej tswm tej ntawm tsua tuabneeg noj. Cov ntseeg kws paub Vaajtswv txujlug kws yog qhov tseeb lawm, puab yuav tsum xub ua Vaajtswv tsaug tsaiv le maav noj. 4 Ib puas tsaav yaam kws Vaajtswv tswm ca tsua tuabneeg noj puav leej zoo huvsw. Tsw txug peb yuav caiv ib yaam daabtsw le. Peb yeej noj tau txhua yaam huvsw, kuas thaus peb yuav noj peb yuav tsum xub ua Vaajtswv tsaug tsaiv le maav noj. 5 Tsua qhov Vaajtswv txujlug hab qhov kws peb thov Vaajtswv foom koob foom moov tsua tub ua tsua tej ntawm zoo hab huv lawm.
Yexu Kheto tug tub qhe kws ua num zoo
6 Yog koj qha tej nuav tsua cov kwvtij kws ntseeg mas koj kuj yog Yexu Kheto tug tub qhe kws ua num zoo, tsua qhov yog koj muab tsua sau sab ntseeg, hab coj lawv le txujlug tseeb kws koj tub kawm lug lawm. 7 Koj tsw xob noog tej lug nruag kws suavdawg naj nub has, tej ntawm tsw muaj qaabhau hab tsw yog Vaajtswv le. Koj tsw xob moog noog tej ntawm. Koj yuav tsum xyum ua kuas hum Vaajtswv lub sab txha zoo. 8 Yog peb xyum dha lossws xyum ua le nuav le u, peb lub cev yeej yuav tau qaabhau mivntswv. Kuas yog peb xyum ua lawv le Vaajtswv txuj kevcai peb yuav zoo heev tsua naj nub nwgnuav hab yaav peg suab. 9 Zaaj nuav yeej muaj tag tswm nyog suavdawg khaws coj. 10 Tub yog vem le nuav peb txha rau sab ntso swv swv zug ua num, tsua qhov peb vaam Vaajtswv kws muaj txujsa nyob, kws yog suavdawg tug Cawmseej. Qhov tseeb nwg yog cov ntseeg tug Cawmseej. 11 Koj yuav tsum qha tej nuav tsua suavdawg. 12 Koj tsw xob kheev leejtwg thuaj has tas, koj tseem hluas heev. Kuas koj yuav tsum ua yaam ntxwv zoo tsua cov ntseeg xyum, tsw has tej lug kws koj has los yog, tej num kws koj ua los yog, hlub lwm tug los yog, muab tsua sau sab ntseeg los yog, ua tuabneeg zoo los yog, yuav tsum ua tsua puab xyum. 13 Koj yuav tsum naj nub nyeem Vaajtswv phoo ntawv tsua suavdawg noog hab qhuab qha puab moog txug thaus kuv tuaj txug. 14 Koj tsw xob tso tug tswvyim kws koj muaj tseg, yog tug tswvyim kws thaus cov kws cev Vaajtswv lug has txug hab cov kws saib cov ntseeg tsaa teg npuab koj es thov moov zoo tsua koj, es Vaajtswv pub tsua koj. 15 Koj yuav tsum muab tsua sau sab ua lawv le tej nuav, suavdawg txha pum has tas, koj teg num pheej zoo zuj quas zug. 16 Koj yuav tsum ua tuab zoo saib, saib koj ua zoo le caag, hab tej kws koj qha koj qha le caag. Koj yuav tsum ua tej ntawm moog le tsua qhov tej ntawm yuav paab tau koj hab paab tau cov tuabneeg kws noog koj qha kuas mej dim mej lub txem.
Tug saib cov ntseeg yuav tsum paub cai
1 Thaus koj ntuag cov yawm laug koj tsw xob tshev puab, koj yuav tsum ua tuab zoo ntuag puab ib yaam le koj ntuag koj txwv. Cov kws hluas dua koj, koj yuav tsum ntuag puab ib yaam le koj ntuag koj kwv koj tij. 2 Ntuag cov puj laug ib yaam le koj ntuag koj nam, hab thaus koj ntuag cov quaspuj kws tseem hluas koj yuav tsum ua sab ncaaj ntuag ib yaam le puab yog koj nkauj koj muam. 3 Koj yuav tsum saib taug cov puj ntsuag kws tsw muaj kwvtij neej tsaa paab. h Kuas tug puj ntsuag kws muaj tub muaj ntxhais lossws muaj xeeb ntxwv, cov tub cov ntxhais hab cov xeeb ntxwv ntawm yuav tsum yug nwg pauj nwg txaj ntswg txha hum Vaajtswv sab. 5 Tug puj ntsuag kws tsw muaj kwvtij neej tsaa paab nwg, nwg yeej tso sab tsua Vaajtswv, hab naj nub naj mo thov Vaajtswv paab nwg tsw tseg tsw tu. 6 Kuas tug puj ntsuag kws nyam kev pleeg, txawm yog nwg tseem muaj txujsa nyob los tiv ib yaam le nwg tub tuag lawm. 7 Koj yuav tsum qha zaaj nuav tsua cov ntseeg, lwm tug txha tsw muaj chaw thuaj puab. 8 Yog leejtwg tsw paab nwg kwv nwg tij hab nwg tsev tuabneeg, tes nwg tsw xob has tas, nwg yog tug ntseeg Vaajtswv. Yog nwg tsw paab nwg kwv nwg tij tes nwg tseem phem heev dua tug kws tsw ntseeg Vaajtswv hab. 9 Koj tsw xob sau tug puj ntsuag kws noob nyoog tsw tau muaj rau caum xyoo lub npe tsua huv phoo ntawv kws sau cov puj ntsuag tej npe. Tug puj ntsuag kws sau tau npe yuav yog tug kws muaj tuab tug quasyawg xwb. 10 Hab yog tug kws suavdawg qhuas has tas, nwg ua num zoo, hab paab lwm tug, nwg qhuab qha hab tu nwg cov mivnyuas zoo zoo, nwg nyam qhua, nwg ntxuav cov ntseeg kwtaw, nwg paab cov tuabneeg txom nyem hab nwg muab tsua sau sab ua ib puas tsaav yaam num zoo. 11 Kuas koj tsw xob sau cov puj ntsuag kws tseem hluas tej npe tsua huv phoo ntawv hov, tsua qhov thaus puab nyob tsw taug, puab yuav tsw quav ntsej Yexu Kheto, tes yuav rov moog yuav quasyawg dua. 12 Yog puab ua le ntawm kuj yog puab ua txhum, tsua qhov puab tsw ua lawv le tej lug kws puab tub cog tseg tsua Yexu Kheto lawm. 13 Puab yuav moog xyub num taag nub moog cov zog hov nuav hov u. Tsw yog le ntawm xwb puab tseem xyum ua tuabneeg taug xaiv tuabneeg thaab plaub, hab has tej lug kws tsw tswm nyog has. }h Yog le hov kuv txha xaav kuas cov puj ntsuag kws tseem hluas rov qaab yuav quasyawg hab muaj tub ki, es tu vaaj tu tsev. Yog puab ua le hov mas cov tuabneeg kws ntxub peb cov ntseeg txha tsw muaj lug thuaj peb. 15 Kuv has le nuav tsua qhov cov puj ntsuag muaj qee leej puab muab Vaajtswv tso tseg, puab nrug Daab Ntxwg Nyoog moog lawm. 16 Kuas yog tug quaspuj twg kws ntseeg nwg tsev tuabneeg muaj puj ntsuag, nwg yuav tsum paab puab. Tsw xob muab teg num ntawm tso tsua cov ntseeg tuav. Ca cov ntseeg paab cov puj ntsuag kws tsw muaj kwvtij neej tsaa paab. 17 Tswm nyog muab nqes zug ntau ib npaug tsua cov kws saib cov ntseeg kws ua num zoo, kuas yimfuab tswm nyog muab tsua cov kws qha Vaajtswv txujlug hab qhuab qha suavdawg. 18 Tsua qhov tub muaj lug sau ca tsua huv Vaajtswv phoo ntawv has tas, thaus nyuj saamswm tsuj nplej huv tshaav nplej, tsw xob muab tawb looj nyuj qhov ncauj. Hab muaj dua ib nqais has tas, tswm nyog tug kws ua num tau nqe zug. 19 Yog leejtwg kom has tas, cov saib cov ntseeg ib tug ua txhum, yog tsw muaj ob leeg lossws peb leeg ua tim khawv has tas, nwg ua txhum tag, tes tsw xob rawm ntseeg. 20 Yog tug saib cov ntseeg twg ua txhum, koj yuav tsum ntuag nwg taab meeg txhua tug kws saib cov ntseeg, suavdawg txha le ntshai. 21 Timaute, koj yuav tsum ua lawv le tej lug kws kuv qha koj nuav, koj tsw xob xaiv leejtwg ntsej muag. Txhua yaam kws koj ua koj yuav tsum ua tsua suavdawg ib yaam nkaus. Tej lug kws kuv qha koj nuav Vaajtswv hab Yexu Kheto hab cov tubkhai sau ntuj kws Vaajtswv tub xaiv ca lawm, puab puav leej paub huvsw. 22 Koj tsw xob maaj tsaa leejtwg ua Vaajtswv teg num. Koj yuav tsum ua tuab zoo saib nwg tsaiv, tsaam tes koj tau rws nwg tej kev txhum. Koj yuav tsum ua zoo kawg nkaus. 23 Koj tsw xob haus dej xwb xwb, koj yuav tsum haus mivntswv mivntswv kua txwv maab xwv koj lub plaab txha pheej tsw rov mob. 24 Muaj ib txha tuabneeg ua txhum mas luas paub sai sai, hab qhov txhum hov yuav ua tsua puab 'raug txem. Kuas muaj ib txha, suavdawg yuav tsum ua tuab zoo saib txha pum puab tej kev txhum. 25 lb yaam nkaus le ntawm cov tuabneeg kws ua zoo suavdawg yuav pum puab teg num. Txawm yog cov tuabneeg kws tsw ua tsua suavdawg pum los puab yuav npog tsw tau tej num zoo kws puab naj nub ua.
1 Cov kws ua tub qhe nyag yuav tsum fwm nyag tug tswv txha tsw muaj leejtwg muaj lug thuaj Vaajtswv lub npe hab thuaj tej lug kws peb qha. 2 Cov tub qhe kws tug tswv yog tug ntseeg, nyag yuav tsum fwm nyag tug tswv, tsua qhov suavdawg puav leej yog kwvtij ntseeg. Puab yuav tsum yimfuab ua tug tswv teg num zoo, tsua qhov teg num ntawm yuav paab cov ntseeg kws puab hlub.
Cov kws qha tsw tseeb hab cov kws nplua nuj tag
Koj yuav tsum naj nub qha hab pav kuas suavdawg ncu ntsoov tej nuav. 3 Yog leejtwg qha tej zaaj kws txawv zaaj nuav, hab qha tsw lawv le tej kws peb tug tswv Yexu Kheto qha hab tsw lawv le Vaajtswv txuj kevcai, 4 tes tug ntawm laam khaav theeb xwb nwg yeej tsw paub daabtsw le. Nwg nyam sws caav sws tshe txug tej zaaj kws tsw muaj hauv paug tsw muaj ntsws. Qhov kws nwg sws caav sws tshe ntawm yuav ua tsua suavdawg ib tug ntxub ib tug, ib tug tshev ib tug, ib tug thuaj ib tug, ib tug tsw tso sab tsua ib tug. 5 Cov tuabneeg kws naj nub sws caav sws tshe puab zoo le cov tuabneeg kws ruag lawm, txawm yog puab has lug phem lug zoo los puab tsw paub le. Puab xaav has tas, yog puab lug ntseeg Vaajtswv puab yuav nplua nuj. 6 Tug kws lug ntseeg Vaajtswv, yog nwg zoo sab tsua tej kws nwg muaj lawm, kuj yog nwg nplua nuj tag. 7 Thaus peb nam peb txwv yug peb lug, peb tsw coj ib yaam daabtsw lug. Thaus peb tuag peb yuav coj tsw tau ib yaam daabtsw moog hab. 8 Yog le ntawm yog peb muaj noj muaj naav lawm, peb ca le zoo sab tsua tej ntawm xwb. 9 Kuas cov tuabneeg kws xaav nplua nuj, daab yuav ntxag tau puab moog maag daab lub vuj hlua. Puab yuav laam ua phem hab ua tej kws yuav ua tsua puab raug kev txom nyem. Tej kev phem kws puab ua hov yuav nqug tuabneeg moog tsua qhov puam tsuaj. 10 Qhov kws tuabneeg ntshaw nyaj txag yog ib qho kws ua tsua tuabneeg ua ib puas tsaav yaam phem. Muaj qee leej tso Vaajtswv tseg lawm, hab puab rov ua tsua puab raug ntau yaam kev txom nyem, tub yog vem puab xaav tau nyaj ntau heev.
Yuav tsum swv zug dha kuas kawg zug
11 Koj yog tug kws Vaajtswv tub tsaa ua Vaajtswv teg num lawm, mas koj yuav tsum ceev faaj tsw xob ua tej kev phem nuav. Koj yuav tsum ua ncaaj ua nceeg, hab fwm Vaajtswv. Koj yuav tsum muab tsua sau sab ntseeg, hlub lwm tug, hab ua sab ntev hab ua sab zaam xeeb. 12 Txujkev ntseeg pev ib yaam le tuabneeg sws tw dha. Koj yuav tsum swv zug dha kuas kawg koj tug zug, koj txha le tau txujsa ntev moog ib txhws tsw kawg kws Vaajtswv hu koj lug yuav, vem yog koj tub taab meeg qha tsua ntau leej has tas, koj yog tug kws ntseeg Vaajtswv. 13,14 Koj yuav tsum ua lawv le tej lug ntawm hab khaws ca zoo tsw xob ua tsua lwm tug tau chaw thuaj, moog txug nub kws peb tug tswv Yexu Kheto lug. Tej lug kws kuv qha koj nuav, Vaajtswv kws pub txujsa tsua ib puas tsaav yaam kuj paub hab, hab Yexu Kheto kws ua tim khawv zoo ntawm Phauthi-au Phi laj lub xub ndag kuj paub hab. 15 Thaus txug lub swmhawm kws Vaajtswv teem ca lawm, Vaajtswv yuav kuas Yexu lug tsua suavdawg pum. Vaajtswv yog tug kws nyob kaaj sab quas lug. Nwg tuab leeg yog tug kws kaav ib puas tsaav yaam taag nrho huvsw. Nwg yog tug kws kaav taag nrho cov num tswv hab cov vaaj ntxwv. 16 Vaajtswv tuab leeg yog tug kws tsw txawj tuag. Nwg nyob huv qhov kaaj kws tsw muaj leejtwg moog cuag tau. Ib txwm tsw muaj leejtwg pum nwg hab tsw muaj leejtwg yuav pum tau nwg ib zag le. Nwg yog tug kws muaj fwjchim moog ib txhws le. Suavdawg yuav tsum fwm nwg. Amee. 17 Koj yuav tsum has cov tuabneeg nplua nuj kuas puab tsw xob khaav theeb, hab tsw xob tso sab tsua tej nyaj txag hov txhua chaw, tsua qhov tej ntawm yuav txawj pluj moog. Has kuas puab tso sab tsua Vaajtswv kws pub ib puas tsaav yaam ntau kawg tsua peb kuas peb tau noj qaab nyob zoo. 18 Koj yuav tsum has kuas puab ua sab dawb ua ib puas tsaav yaam num zoo, hab zoo sab muab puab tej nyaj txag hov txhua chaw paab lwm tug. 19 Yog puab ua le hov mas txha yog puab npaaj hov txhua chaw ca tsua puab tsua yaav peg suab, mas puab yuav tau txujsa kws tsw txawj pluj moog ib txhws le lug ua puab tug. 20 Timaute, tej kws kuv qha tsua koj lawm, koj yuav tsum khaws ca zoo zoo. Koj tsw xob has tej lug kws tsw tseeb ib yaam le cov tuabneeg kws tsw ntseeg Vaajtswv naj nub has, hab tsw xob nrug luas sws caam txug tej zaaj kws tsw muaj hauv paug tsw muaj ntsws. Muaj qee leej xaav has tas, qhov kws sws caam le hov yog kev txawj kev ntse, kuas tsw yog le puab xaav. 21 Koj tsw xob ua le puab tsua qhov muaj qee leej khaav has tas, puab yog cov tuabneeg kws txawj ntse. Vem puab khaav le ntawm puab txha tso Vaajtswv tseg lawm. Thov Vaajtswv foom koob foom moov tsua mej suavdawg.
1 Kuv yog Povlauj. Vaajtswv tau tsaa kuv ua Yexu Kheto tug tubkhai, hab nwg khaiv kuv moog qha tsua suavdawg has tas, Vaajtswv cog lug tseg has tas, txhua tug kws nrug Yexu Kheto sws raug zoo yuav tau txujsa ntev moog ib txhws tsw kawg. 2 Timaute, kuv sau tsaab ntawv nuav tuaj tsua koj. Kuv hlub koj ib yaam le koj yog kuv tug tub Thov Vaajtswv kws yog peb leej txwv hab peb tug tswv Yexu Kheto foom koob foom moov tsua koj hab paab kuas koj tau nyob kaaj sab quas lug.
Tsw xob txaaj muag qha txuj xuv zoo
3 Timaute, kuv yog tug kws muab tsua sau sab ua Vaajtswv teg num ib yaam le kuv puj koob yawm koob ib txwm ua lug lawm. Txhua zag kws kuv thov Vaajtswv paab koj, tsw has nruab nub los yog, mo ntuj los yog, kuv ncu ntsoov ua Vaajtswv tsaug. 4 Kuv ncu ntsoov thaus ib yuav sws ncaim koj quaj quaj, nwgnuav kuv ncu ncu koj hab xaav pum koj heev. Yog kuv pum koj lawm yuav zoo kuv sab kawg le. 5 Kuv ncu ntsoov has tas, koj muab tsua sau sab ntseeg ib yaam le koj puj hab koj nam. Timaute puj npe hu ua Lau-i , Timaute nam npe hu ua Yunike. Nwgnuav kuv ca sab has tas, koj tseem muab tsua sau sab ntseeg, 6 mas kuv txha has koj has tas, koj yuav tsum swv tug tswvyim kws thaus kuv tsaa teg npuab koj ais tsaa koj moog ua num, es Vaajtswv pub tsua koj. 7 Tsua qhov Vaajtswv tug Ntsuj Plig kws Vaajtswv pub tsua peb, nwg yeej xaav kuas peb muaj sab tuab. Nwg yuav ua num tsua huv peb lub sab kuas peb muaj fwjchim, muaj sab hlub lwm tug hab kuas peb paub tswj peb lub sab. 8 Yog le ntawm koj tsw xob txaaj muag qha has txug peb tug tswv Yexu, hab tsw xob txaaj muag tsua qhov kws kuv raug kaw huv tsev loj faaj nuav. Kuv raug kaw le nuav tub yog vem kuv ua Yexu Kheto teg num. Koj yuav tsum ua sab ntev qha txuj xuv zoo, txawm yog koj raug kev txom nyem npaum le caag los Vaajtswv yeej yuav txhawb koj tug zug kuas koj ua tau. 9 Vaajtswv zaam peb lub txem, hab nwg xaiv peb lug ua nwg le tuabneeg. Nwg ua le ntawm yog nwg hlub peb hab nwg pum zoo ua, tsw yog vem peb ua num zoo. Thaus tsw tau tswm ntuj tswm teb Vaajtswv tub xaav tseg lawm tas, nwg yuav muab txuj koob txuj moov ntawm pub tsua peb txhua tug kws yuav lug ntseeg Yexu Kheto. 10 Nwgnuav peb pum txuj koob txuj moov ntawm tsua qhov Yexu Kheto kws yog peb tug Cawmseej tub lug yug tsua huv nplajteb nuav lawm. Nwg rhuav txujkev tuag tug fwjchim hab nwg qha txuj xuv zoo tsua peb, peb txha paub has tas, muaj txujsa kws nyob ntev moog ib txhws tsw kawg. 11 Vaajtswv tub tsaa kuv ua nwg ib tug tubkhai hab ua xwbfwb moog qha txuj xuv zoo. 12 Tub yog vem le nuav kuv txha raug tej kev txom nyem nuav. Txawm yog le ntawm los kuv tsw txaaj muag tsua leejtwg le. Tsua qhov kuv paub tug kws kuv tso sab tsua, nwg yog tug kws muaj fwjchim, hab kuv paub tseeb has tas, nwg yeej yuav tsom kwm tej kws nwg muab tsua kuv lawm moog txug nub kws Yexu rov lug. 13 Koj yuav tsum muab tej lug tseeb kws kuv qha tsua koj lawm lug ua yaam ntxwv, hab koj yuav tsum muab tsua sau sab ntseeg hab hlub lwm tug, tsua qhov Vaajtswv xaav kuas peb txhua tug kws nrug Yexu Kheto sws raug zoo lawm, muaj lub sab zoo le ntawm. 14 Koj yuav tsum saib tej kws Vaajtswv muab tsua koj lawm zoo zoo tsw xob kheev kuas pluj. Vaajtswv tug Ntsuj Plig kws nyob huv peb txhua tug lub sab yuav paab koj saib tej ntawm. 15 Koj tub paub lawm tas, cov tuabneeg kws nyob huv Axia tebchaws suavdawg tso kuv tseg lawm. Cov tuabneeg ntawm muaj ib tug npe hu ua Fuakelau hab muaj ib tug npe hu ua Hemaukene. 16 Kuv thov Vaajtswv hlub Aunexifaulau tsev tuabneeg, tsua qhov nwg tub txhawb kuv tug zug ntau zag lug lawm. Nwg tsw txaaj muag tsua qhov kws kuv raug kaw tsua huv tsev loj faaj. 17 Thaus nwg tuaj txug huv lub nroog Loo nwg kub sab quas lug nrhav kuv tsua txhua qhov, nwg txha nrhav tau kuv. 18 Koj tub paub lawm tas, thaus kuv tseem nyob huv lub moos Efexau nwg paab kuv ntau yaam. Kuv thov Vaajtswv has tas, thaus txug nub kws Vaajtswv teem txem thov Vaajtswv hlub nwg hab.
Yexu Kheto cov tub rog kws ncaaj nceeg
1 Mivtub, koj yuav tsum ca Vaajtswv txuj koob txuj moov kws Vaajtswv pub tsua peb cov kws nrug Yexu Kheto sws raug zoo lawm txhawb koj tug zug. 2 Koj yuav tsum muab tej lug kws koj hab suavdawg nov kuv qha lawm tsua cov tuabneeg kws koj tso sab tau tas puab yuav txawj qha, qha moog. 3 Koj yuav tsum thev kev txom nyem, tsua qhov koj yog Yexu Kheto tug tub rog kws ncaaj nceeg. 4 Tug tub rog kws saamswm moog ua rog, nwg yeej ua lawv le nwg tug thawj rog lub sab nyam xwb, nwg tsw moog ua laj ua teb ua laag ua luam ib zag le. 5 Tug kws sws tw dha, yog nwg tsw dha lawv le kevcai dha, nwg yuav tsw tau nqe zug. 6 Tug kws nquag ua laj ua teb, nwg yuav tau qoob loos ntau. 7 Tej lug kws kuv has nuav, koj yuav tsum muab lug ua tuab zoo xaav zoo zoo, Vaajtswv yuav paab kuas koj nkaag sab txhua lu huvsw. 8 Koj yuav tsum ncu ntsoov Yexu Kheto kws yog Tavi tug xeeb ntxwv, kws Vaajtswv tub tsaa sawv huv qhov tuag rov lug lawv le txuj xuv zoo kws kuv qha nuav. 9 Tub yog vem kuv qha txuj xuv zoo kuv txha raug kev txom nyem, hab raug luas muab saw hlau khi ib yaam le kuv yog tug kws ua phem. Txawm yog puab khi tau kuv lawm los xwj, yeej tsw muaj leejtwg yuav khi tau Vaajtswv txujlug. 10 Tub yog vem le nuav kuv txha ua sab ntev thev ib puas tsaav yaam kev txom nyem, tsua qhov kuv hlub cov tuabneeg kws Vaajtswv tub xaiv ca lawm, hab xaav kuas puab lug ntseeg Yexu Kheto sub puab txha dim puab lub txem ib yaam le peb, hab txha tau Vaajtswv txuj moov hab tug fwjchim kws ci ntsaa quas ab moog ib txhws le. 11 Muaj ib lu lug tseeb has le nuav tas, Yog peb nrug nwg tuag lawm Peb yuav nrug nwg sawv rov lug. 12 Yog peb ua tau sab ntev, peb yuav tau nrug nwg kaav lub qaab ntuj nuav. Yog peb tso nwg tseg, nwg kuj yuav tso peb tseg hab. 13 Txawm yog peb tsw ua ncaaj los nwg tseem ua ncaaj hab yuav ua lawv le nwg tau has lawm, nwg tsw daag peb ib zag le.
Tug kws ua num hum Vaajtswv sab
14 Koj yuav tsum qha zaaj nuav tsua cov ntseeg hab ntuag kuas puab tsw xob sws caav sws tshe tsua tej nyuas lug kws tsw muaj qaabhau. Tej lug sws caav sws tshe yeej yuav ua tsua cov kws noog yuam kev xwb. 15 Koj yuav tsum xyum ua kuas hum Vaajtswv sab, hab muab tsua sau sab ua koj teg num tag tag, koj txha tsw txaaj muag, hab koj yuav qha lawv nraim le Vaajtswv txujlug. 16 Koj tsw xob ua le cov tuabneeg kws naj nub has lug ua dog ua dig, tej hov tsw muaj qaabhau daabtsw le, tsuas yog yuav ua tsua suavdawg tso Vaajtswv tseg zuj quas zug xwb. 17 Tej lug kws puab has hov yuav fuam luj ib yaam le lub kav txhaab kws qawj tub zuj quas zug. Cov xwbfwb kws has tej lug hov muaj ib tug npe hu ua Hime-nayau, muaj ib tug hu ua Filetau. 18 Ob tug qha tsw lawv le Vaajtswv txujlug, ob tug qha has tas, cov ntseeg tub sawv huv qhov tuag rov lug lawm. Puab qha le hov ua tsua cov ntseeg qee leej tsw muab tsua sau sab ntseeg lawm. 19 Kuas tug neej kws Vaajtswv muab txhus ca lawm yeej nyob khov kho. Muaj lug sau tsua ntawm tug neej hov has tas, Vaajtswv paub txhua tug kws yog Vaajtswv mivnyuas, hab has tas, tug kws has tas, nwg yog Vaajtswv mivnyuas lawm, mas nwg yuav tsum tso nwg tej kev txhum tseg. 20 Huv cov tuabneeg nplua nuj tej tsev mas muaj taig nyaj taig kub, taig zeb taig aav. Tej taig nyaj taig kub puab muab lug swv tsua thaus muaj qhua tuaj, thaus tsw muaj qhua, puab swv tej taig zeb taig aav. 21 Mas yog leejtwg tso nwg tej kev phem huvsw pov tseg, Vaajtswv yuav muab ib teg num tseem ceeb tsua tug ntawm ua. Vaajtswv muab teg num hov tsua nwg ua, tsua qhov yog nwg zoo sab muab nwg lub sab lub cev huvsw tso tsua Vaajtswv kaav, hab tog ntsoov saib Vaajtswv yuav khaiv nwg moog ua yaam num twg. 22 Koj tsw xob ua sab heev le cov hluas ib txwm ua. Koj yuav tsum ua tuabneeg ncaaj nceeg, muab tsua sau sab ntseeg, hlub lwm tug hab nrug suavdawg sws raug zoo. Koj yuav tsum ua zoo le cov tuabneeg kws ua hum Vaajtswv sab lawm ua. Puab yog cov kws naj nub thov Vaajtswv paab puab. 23 Koj tsw xob ua le cov tuabneeg kws naj nub has tej zaaj kws tsw muaj hauv paug tsw muaj ntsws, tsua qhov koj tub paub lawm tas, tej ntawm yeej yuav ua tsua suavdawg muaj lug sws caav sws tshe xwb. 24 Tug kws ua Vaajtswv le tubkhai nwg tsw xob sws caav sws tshe. Nwg yuav tsum hlub txhua tug, muab tsua sau sab qha, ua sab ntev, 25 hab ua tuab zoo ntuag cov kws thuaj nwg. Yog nwg ua le ntawm, tej zag Vaajtswv yuav paab kuas cov tuabneeg ntawm muaj swmhawm tso puab tej kev txhum tseg hab ua lawv le Vaajtswv txujlug. 26 Hab puab yuav ncu dheev has tas, puab maag Daab Ntxwg Nyoog lub vuj hlua lawm, hab Daab Ntxwg Nyoog pheej yuam kuas puab ua lawv le Daab Ntxwg Nyoog lub sab. Thaus puab ncu txug tej ntawm mas puab yuav tswv dim.
Lub swmhawm kawg tuabneeg lub sab yuav zoo le caag
1 Koj yuav tsum ncu ntsoov has tas, thaus txug lub swmhawm kws nplajteb yuav kawg yuav muaj kev ntxhuv sab heev, 2 tsua qhov tej tuabneeg nyag yuav xaav txug nyag xwb, puab yuav xaav tsw txug lwm tug le. Puab yuav ntshaw nyaj txag, yuav khaav theeb, yuav nyam thuaj lwm tug, tsw noog nam txwv lug, tsw rws luas txaj hab saib tsw taug Vaajtswv tej kevcai. 3 Puab yuav tsw sws hlub, tsw zaam txem tsua lwm tug, nyam taug xaiv, puab tsw tswj puab lub sab, ua tuabneeg cis nyaum hab tsw nyam ua zoo, 4 ua tuabneeg ntxeev sab, ua sab heev, hab puab saib puab tswm txaj dua lwm tug. Puab nyam kev lom zem heev dua nyam Vaajtswv. 5 Puab yuav has tas, puab yog cov kws ntseeg Vaajtswv, kuas puab yeej tsw ua lawv le Vaajtswv tej kevcai. Koj tsw xob nrug cov tuabneeg kws zoo le ntawm ua ke hlo le. 6 Cov tuabneeg hov muaj qee leej pheej moog huv luas tej tsev moog ntxag tej quaspuj sab muas kws pheej txhawj tsua tej kev txhum, hab tseem xaav ua phem lawv le puab lub sab nyam ua, lug ua cov tuabneeg ntawm paab. 7 Cov quaspuj ntawm puab naj nub kawm, kuas puab tsw paub sov lub ntsab yog le caag tag. 8 Cov tuabneeg kws moog ntxag cov quaspuj hov, puab tawm tsaam Vaajtswv txujlug ib yaam le thau u Yane hab Yanpale tawm tsaam Mauxe. Puab lub sab ruag hab puab tsw ntseeg Vaajtswv lawm. 9 Puab ua tsw tau num lawm, tsua qhov suavdawg yuav pum tseeb has tas, puab ruag ib yaam le Yane hab Yanpale.
Lu lug kws Povlauj qha Timaute
10 Timaute, koj tub ua lawv le kuv tej lug qha hab ua lawv le tej kws koj pum kuv ua, hab lawv le tej kws kuv xaav tseg lawm tas kuv yuav ua, koj yeej paub has tas, kuv muab tsua sau sab ntseeg, muaj sab ntev, muaj sab hlub lwm tug, ua sab ntev nyaj kev tswm txom hab kev txom nyem. 11 Koj tub paub tej kev txom nyem kws kuv raug huv lub moos Aati-auka, hab huv lub moos Ikauna hab huv lub moos Lixatha lawm. Txawm yog kuv raug kev tswm txom heev npaum le ntawm los kuv tseem ua sab ntev nyaj tej ntawm. Qhov kws kuv dim ib puas tsaav yaam kev txom nyem hov tub yog tug tswv Yexu paab kuv, kuv txha dim. 12 Cov ntseeg Yexu Kheto txhua tug kws xaav ua kuas Vaajtswv tau koob meej, puab yeej yuav raug kev tswm txom. 13 Kuas cov tuabneeg kws ua phem hab cov tuabneeg kws ntxag lwm tug puab tseem yuav ua phem heev zuj quas zug moog. Puab moog ntxag lwm tug kuas lwm tug tub ntxag puab lawm hab. 14 Kuas koj tsw xob ua le puab. Koj yuav tsum ua lawv le Vaajtswv txujlug kws koj tub kawm hab tso sab tsua lawm. Tsua qhov koj yeej paub has tas, cov tuabneeg kws qha koj tsw daag koj ib zag le. 15 Hab koj paub has tas, txwj thaus koj tseem yau koj tub kawm Vaajtswv phoo ntawv lug lawm. Vaajtswv phoo ntawv paab tau kuas tug kws kawm muaj tswvyim, yog nwg lug ntseeg Yexu Kheto nwg yuav dim nwg lub txem. 16 Tsua qhov Vaajtswv phoo ntawv txhua zaaj puav leej yog Vaajtswv qha tsua tuabneeg sau. Vaajtswv phoo ntawv yog phoo kws qha qhov tseeb, qhuab ntuag tug kws ua txhum, paab tau tug kws ua txhum rov lug ua tuabneeg ncaaj nceeg, hab qha kuas suavdawg paub ua zoo. 17 Vaajtswv phoo ntawv qha le ntawm kuas tug kws ua Vaajtswv teg num txha paub txhwj, hab txawj ua ib puas tsaav yaam num zoo.
1 Timaute, tej lug kws kuv has tsua koj nuav, Vaajtswv hab Yexu Kheto kws yuav lug teem txem tsua cov tuabneeg caj hab cov tuabneeg tuag kuj paub huvsw. Tog kuv qha koj los vem yog Yexu yuav lug mas nwg yuav kaav lub qaab ntuj nuav. 2 Mas koj yuav tsum muab tsua sau sab naj nub naj mo qha Vaajtswv txujlug, tsw has lub swmhawm twg los koj yuav tsum qha. Koj yuav tsum ua sab ntev qha kuas suavdawg paub qhov txhum, ntuag cov kws ua txhum hab txhawb suavdawg tug zug. 3 Tsua qhov tshuav tsw ntev yuav muaj tuabneeg tsw kaam noog Vaajtswv txujlug. Puab yuav ua lawv le puab lub sab nyam, hab yuav moog nrhav ntau tug xwbfwb lug qha tej zaaj kws puab nyam noog. 4 Puab yuav tsw nyam noog Vaajtswv txujlug lawm. Puab tsuas nyam noog tej lug nruag xwb. 5 Kuas koj tsw xob ua le puab. Koj yuav tsum tswj koj lub sab txhua lub swmhawm, ua sab ntev tiv kev txom nyem, moog qha txuj xuv zoo hab muab tsua sau sab ua ib puas tsaav yaam num kws Vaajtswv muab tsua koj ua lawm kuas tav. 6 Timaute, nwgnuav tes kuv zoo ib yaam le tug tsaj kws luas tub muab tua tso tsua sau lub rooj kws txawb hov txhua chaw xyeem tsua Vaajtswv lawm. Tub txug lub swmhawm kws kuv yuav tso koj tseg. 7 Kuv tub swv zug dha kawg kuv tug zug, kuv tub dha moog txug qhov kawg lawm, kuv lub sab npuab Vaajtswv kuv tsw tau tso nwg tseg ib zag le. 8 Kuv tub dha yeej lawm, nwgnuav kuv yuav tau nqe zug. Tej nqe zug hov yog tej kws Vaajtswv khaws ca tsua cov tuabneeg ncaaj nceeg. Thaus txug nub kws Yexu lug, Vaajtswv kws teem txem ncaaj nceeg yuav muab pub tsua kuv. Tsw yog pub tsua kuv tuab leeg xwb, nwg yuav pub tsua txhua tug kws naj nub ca sab ntsoov tog nub kws Yexu lug hab.
Povlauj kuas Timaute tuaj saib Povlauj
9 Koj ca le tuaj saib kuv sai sai, 10 tsua qhov Tema qaug sab tsua ib puas tsaav yaam huv nplajteb nuav lawm. Nwg tso kuv tseg hab nwg tswv moog tim lub moos Thexalaunike lawm. Huas Khexakhe moog tim Kalata tebchaws lawm, hab Titau moog tim lub moos Tamata lawm. 11 Tsuas tshuav Luka tuab leeg nrug kuv nyob xwb. Koj ca le moog coj Malakau nrug koj tuaj, tsua qhov kuv xaav kuas nwg paab kuv ua num. 12 Kuv khaiv Tikhikau moog tim lub moos Efexau lawm. 13 Thaus koj tuaj thov koj coj kuv lub tsho ntev kws kuv tso tsua huv Khalaphau tsev peg lub moos Rhau-a tuaj, hab nqaa kuv cov ntawv tuaj tsua kuv. Yog koj nqaa tsw taag, koj ca le nqaa cov ntawv kws yog tawv xwb. 14 Alexalau kws ua kws nchuav tooj lab ua phem tsua kuv heev kawg le. Vaajtswv yuav rau txem tsua nwg kuas txaus nkaus tej kws nwg tau ua tsua kuv lawm. 15 Koj yuav tsum ceev faaj zoo, tsua qhov tug hov yog tug kws tawm tsaam tej kws peb qha heev kawg le. 16 Thawj zag kws kuv has daws kuv zaaj tsw muaj leejtwg paab kuv, suavdawg puav leej tso kuv tseg. Kuv thov Vaajtswv zaam txem tsua puab. 17 Kuas Vaajtswv nrug nraim kuv nyob hab nwg txhawb kuv tug zug, kuv txha muaj zug moog qha Vaajtswv txujkev txhua txhua tsua lwm tsaav tuabneeg noog. Vaajtswv paab kuv dim kev tuag ib yaam le dim huv tsuv ntxhuav lub qhov ncauj lug. 18 Vaajtswv yuav paab kuas kuv dim ib puas tsaav yaam kev phem, hab nwg yuav coj kuv kev kuas kuv moog txug sau ntuj ceeb tsheej. Suavdawg yuav tsum fwm Vaajtswv moog ib txhws le. Amee.
Povlauj xaa xuv moog tsua cov ntseeg
19 Thov koj has tsua Paxila hab Akula hab Aunexifaulau tsev tuabneeg has tas, kuv ncu ncu puab suavdawg. 20 Elaxatau nyob tim lub moos Kauleethau, huas Raufimau muaj mob mas kuv muab nwg tso tsua huv lub moos Miletau lawm. 21 Kuv xaav kuas koj tuaj thaus tseem tsw tau txug lub caij ntuj no. Yupulau, Phute, Linau, Khata, hab cov kwvtij ntseeg puab suavdawg has tas, puab ncu ncu koj. 22 Thov Vaajtswv nrug nraim koj nyob hab foom koob foom moov tsua mej suavdawg.
1 Kuv yog Povlauj kws yog Vaajtswv tug tub qhe, hab yog Yexu Kheto tug tubkhai. Vaajtswv xaiv kuv hab khaiv kuv moog paab cov tuabneeg kws Vaajtswv tau xaiv ca lawm kuas puab paub hab ntseeg Vaajtswv txujlug tseeb kws peb ntseeg, 2 puab txha tau txujsa ntev moog ib txhws tsw kawg. Thaus Vaajtswv tsw tau tswm ntuj tswm teb Vaajtswv tub cog lug tseg has tas, Vaajtswv yuav pub txujsa hov tsua peb. Nwg has le ntawm nwg yeej tsw daag le. 3 Thaus txug lub swmhawm kws Vaajtswv teem ca lawm Vaajtswv qha zaaj nuav tsua peb. Vaajtswv kws yog peb tug Cawmseej muab zaaj nuav tsua kuv hab kuas kuv coj moog qha tsua suavdawg noog. 4 Titau, kuv sau tsaab ntawv nuav tuaj tsua koj. Kuv hlub koj ib yaam le koj yog kuv tug tub, tsua qhov koj hab kuv ib ntseeg ib yaam nkaus. Thov Vaajtswv kws yog peb leej txwv hab tug tswv Yexu Kheto kws yog peb tug Cawmseej foom koob foom moov tsua koj hab paab kuas koj tau nyob kaaj sab quas lug.
Teg num kws Titau ua huv Kalete
5 Thaus kuv ca koj nyob nraag lub miv tebchaws Kalete huv hav txwv kuv xaav kuas koj ua tej num kws peb tseem ua tsw tau taag kuas tav, hab huv txhua lub moos kws muaj cov ntseeg nyob, kuv xaav kuas koj tsaa kuas muaj tug kws saib cov ntseeg. Koj yuav tsum ncu ntsoov tej kws kuv ta qha tsua koj lawm tas, 6 tug kws saib cov ntseeg yuav tsum yog tug kws ua zoo kawg nkaus, nwg tsw tau ua ib yaam daabtsw tsua luas thuaj le. Nwg muaj ib tug quaspuj xwb, hab nwg cov mivnyuas yuav tsum yog cov kws ntseeg Vaajtswv hab yog cov kws tsw muaj leejtwg thuaj has tas, puab yog cov mivnyuas laj leeb hab tawv ncauj. 7 Tug kws saib Vaajtswv teg num yuav tsum yog tug kws tsw tau ua ib yaam daabtsw tsua luas thuaj le. Nwg tsw khaav theeb, tsw chim sai, tsw quav dej quav cawv, tsw ua sab heev, tsw ntshaw luas tug. 8 Nwg nyam qhua hab nyam zaaj zoo. Nwg txawj tswj nwg lub sab, nwg ua ncaaj nceeg, nwg lub sab npuab Vaajtswv, hab nwg naj nub ncu ntsoov xyum ua zoo. 9 Nwg npuab Vaajtswv tej lug kws nwg kawm lug lawm. Yog nwg ua le hov, tej lug kws nwg qha yuav txhawb tau cov ntseeg tug zug, hab yuav muab cov tuabneeg kws tawm tsaam, tej lug kws has txhum nthuav tsua suavdawg paub. 10 Tsua qhov muaj ntau leej puab tawv ncauj. Puab laam tau laam has tej zaaj kws tsw muaj hauv paug tsw muaj ntsws daag ntxag suavdawg kuas yuam kev. Cov kws has le hov feem coob yog cov Yutai kws lug ntseeg Yexu. 11 Koj yuav tsum txwv tsw xob kheev puab qha le ntawm, tsua qhov puab qha tej zaaj kws tsw tswm nyog qha, ua tsua ntau tsev tuabneeg ntxhuv taag huvsw. Puab qha le hov tub yog puab ntxag suavdawg tej nyaj xwb. 12 Muaj ib tug xwbfwb kws yog tuabneeg Kalete qha has tas, cov tuabneeg Kalete txhua tug puav leej yog tuabneeg daag huvsw, puab nyaum ib yaam le tej tsaj nruab nraag, hab ua tuabneeg cis nkeeg hu loj hu khawb. Yeej muaj lawv le tug xwbfwb hov has tag. 13,14 Yog le ntawm koj yuav tsum tshev puab, puab txha le tsw moog noog tej lug nruag kws cov Yutai naj nub has, hab tsw xob moog noog tej zaaj kws yog tuabneeg tug tswvyim xaav. Cov tuabneeg kws qha tej zaaj hov, puab yeej tsw kaam ua lawv le Vaajtswv txujlug. Yog koj tshev cov ntseeg le ntawm mas puab txha paub qhov tseeb. 15 Cov tuabneeg kws ua sab dawb sab zoo puab saib yaam twg los puav leej yog yaam kws zoo. Kuas cov tuabneeg sab phem hab tsw tso sab tsua Vaajtswv, mas tej kws puab saib tsw muaj ib yaam kws puab yuav has tas, yog yaam kws zoo, tsua qhov puab lub sab hab tej kws puab xaav huv puab lub sab yeej phem. 16 Puab has tas, puab yog cov kws paub Vaajtswv, kuas puab tsw ua zoo le cov kws paub Vaajtswv ua, puab yog tuabneeg phem hab tsw noog leejtwg lug. Koj tsw xob muab ib yaam num tseem ceeb tso tsua cov tuabneeg ntawm ua hlo le, tsua qhov puab yeej ua tsw tau.
Tej lug tseem ceeb
1 Titau, koj yuav tsum qha lawv quas nraim le tej zaaj tseem ceeb kws peb ntseeg. 2 Koj yuav tsum ntuag cov yawm laug kuas puab xyuam xwm hab coj cai hab paub tswj puab lub sab hab kuas puab muab tsua sau sab ntseeg, muaj sab hlub lwm tdg hab ua sab ntev. 3 Koj yuav tsum qha cov puj laug ib yaam nkaus, koj qha tsua puab has tas, puab yuav tsum ua kuas Vaajtswv tau koob meej. Puab tsw xob ua tuabneeg taug xaiv lossws ua tuabneeg quav dej quav cawv. 4 Puab yuav tsum qha tej zaaj zoo tsua cov quaspuj hluas, cov quaspuj hluas hov txha paub hlub puab tej quasyawg hab puab tej mivnyuas. 5 Hab qha kuas puab paub tswj puab lub sab, tsw xob zais sab tsua tug quasyawg, nquag tu vaaj tu tsev, ntxwv ntxhua mivnyuas tej rwg tsho, ua sab zoo hab noog tug quasyawg lug txha tsw muaj leejtwg thuaj Vaajtswv txujlug. 6 Koj yuav tsum qha cov tub hluas ib yaam nkaus kuas puab paub tswj puab lub sab. 7 Koj yuav tsum ua ib puas tsaav yaam num zoo tsua puab xyum. Thaus koj qha Vaajtswv txujlug koj yuav tsum ua tuab zoo qha tag tag tsw xob laam tau laam qha. 8 Koj yuav tsum qha tej zaaj kws tseem ceeb xwb, lwm tug txha tsw muaj lug thuaj tau koj, cov tuabneeg kws ntxub koj txha txaaj muag tsua qhov puab tsw muaj ib lu lug thuaj peb cov ntseeg. 9 Koj yuav tsum qha cov tub qhe kuas puab nyag noog nyag tug tswv lug hab ua ib puas tsaav yaam kuas hum tug tswv lub sab tsw xob tawv ncauj. 10 Hab tsw xob qee tug tswv tug. Puab yuav* tsum ua zoo tsua suavdawg pum has tas puab yog cov tub qhe kws ncaaj nceeg. Yog puab ua le hov suavdawg txha saib taug Vaajtswv kws yog peb tug Cawmseej tej lug qha. 11 Tsua qhov Vaajtswv tub qha txujkev dim lub txem kws nwg pub dawb dawb tsua suavdawg tsua peb paub lawm. 12 Vaajtswv ua le hov tub yog nwg xaav kuas peb noog nwg lug, hab tso kev phem kev qas pov tseg, hab kuas peb paub tswj peb lub sab hab ua tuabneeg ncaaj nceeg hab ua kuas Vaajtswv tau koob meej. 13 Tsua qhov peb saamswm ca sab ntsoov tog nub kws Yexu Kheto kws yog peb tug Cawmseej rov qaab lug. Nwg yog Vaajtswv kws muaj fwjchim luj kawg nkaus. 14 Nwg tub muab nwg txujsa lug txhwv peb kuas peb dim txhua yaam kev phem, hab paab peb txhua tug kws nwg tau xaiv ca lawm kuas peb ua tau zoo kawg nkaus, hab kuas peb kub sab quas lug ua ib puas tsaav yaam num zoo. 15 Koj yuav tsum qha tej nuav tsua cov ntseeg. Koj yuav tsum swv tug fwjchim kws koj muaj txhawb puab tug zug hab qhuab ntuag puab. Koj tub muaj fwjchim qha, mas koj tsw xob ca leejtwg saib tsw taug koj.
Cov ntseeg yuav tsum ua zoo le caag
1 Koj ca le qha tsua cov ntseeg has tas, puab yuav tsum fwm num fwm tswv, noog num tswv lug hab zoo sab quas hlo ua ib puas tsaav yaam num zoo. 2 Koj qha kuas puab tsw xob thuaj leejtwg, tsw xob nyam sws caav sws tshe, hab kuas puab ib tug hlub ib tug hab nrug suavdawg sws raug zoo. 3 Koj yuav tsum qha tej nuav tsua suavdawg tsua qhov yaav tom ntej peb yeej yog tuabneeg ruag, tuabneeg tawv ncauj, tuabneeg ua txhum. Peb qaug sab tsua kev phem kev qas hab tsua ib puas tsaav yaam kev lom zem. Peb lub sab naj nub xaav phem, ntshaw luas tug hab ib tug ntxub ib tug. 4 Kuas thaus Vaajtswv kws yog peb tug Cawmseej qha nwg txujkev hlub tsua suavdawg lawm, 5 tes Vaajtswv tub muab peb lub txem rhu moog pov tseg lawm. Vaajtswv ua le hov tsw yog vem peb ua num zoo, kuas yog vem Vaajtswv hlub peb xwb. Vaajtswv tug Ntsuj Plig ntxuav peb lub sab kuas peb muaj lub sab tshab hab nwg tswm peb dua tshab. 6 Qhov kws Vaajtswv pub Vaajtswv tug Ntsuj Plig tsua peb tub yog vem peb ntseeg Yexu Kheto kws yog peb tug Cawmseej. Tug Ntsuj Plig kws Vaajtswv pub tsua peb paab tau peb txhua yaam huvsw. 7 Vaajtswv hlub peb le ntawm tub yog Vaajtswv xaav kuas peb ua tau hum nwg sab, hab tau txujsa ntev moog ib txhws tsw kawg. Peb yeej ca sab has tas, Vaajtswv yuav pub txujsa hov tsua peb. 8 Tej lug nuav yog lug tseeb. Kuv xaav kuas koj naj nub qha tej nuav, cov ntseeg Vaajtswv txha le muab tsua sau sab ua ib puas tsaav yaam num zoo. Tej nuav puav leej zoo hab muaj qaabhau tsua suavdawg. 9 Kuas koj tsw xob nrug leejtwg sws caav tej zaaj kws tsw muaj hauv paug tsw muaj ntsws, hab sws caav has txug puj koob yawm koob tej npe kws muaj nyob huv ntawv, lossws sws caav sws tshe has txug Vaajtswv txuj kevcai. Qhov kws ib tug pheej nrug ib tug sws caav sws tshe le ntawm tsw muaj qaabhau daabtsw le. 10 Koj yuav tsum ntuag tug kws pheej ua tsua suavdawg tsw sws hum. Yog koj ntuag nwg ob peb zag los nwg pheej tsw noog, tes koj tsw xob quav ntsej nwg lawm. 11 Tsua qhov koj tub paub lawm tas, tug nam tuabneeg kws ua le hov yog tug kws ua phem kawg le, nwg lob nrhaab lug lu nwg tuabhau xwb.
Lu lug kawg kws Povlauj qha Titau
12 Yog thaus twg kuv khaiv Athena lossws khaiv Tikhikau tuaj tim koj, tes koj ca le tuaj cuag kuv tsua huv lub moos Nikaupauli kuas tau, tsua qhov kuv yeej xaav tas, thaus txug lub caij ntuj no kuv yuav moog nyob ib ntus huv lub moos hov. 13 Koj yuav tsum paab xaa Xena kws txawj has plaub, hab Apaulau moog, hab tu kuas ob tug muaj hov txhua chaw txhwj. 4 Koj yuav tsum qha cov ntseeg kuas puab xyum ua ib puas tsaav yaam num zoo, hab npaaj tej kws cheem tsum swv tsua suavdawg. Tsw tswm nyog cov ntseeg yuav ua dog ua dig. 15 Txhua tug kws nrug kuv nyob ntawm nuav puab has tas, puab ncu ncu koj. Thov koj has tsua cov ntseeg has tas, peb ncu ncu puab hab. Thov Vaajtswv foom koob foom moov tsua mej txhua tug.
1 Filemau, kuv yog Povlauj, kuv hab peb tug kwv Timaute sau tsaab ntawv nuav tuaj tsua koj. Qhov kws kuv raug kaw huv tsev loj faaj nuav yog vem kuv moog qha txug Yexu Kheto. Koj yog tug kws nrug ib ua tuab yaam num hab yog tug kws ib hlub. 2 Hab ib sau xaa tsua cov ntseeg kws pheej tuaj noog lug qhuab qha huv koj tsev, hab xaa tsua ib tug muam Afa, hab tsua Akhiphau kws ua Yexu Kheto le ib tug tub rog ib yaam le ib 3 Thov Vaajtswv kws yog peb leej txwv hab peb tug tswv Yexu Kheto foom koob foom moov tsua mej hab paab kuas mej tau nyob kaaj sab quas lug.
Filemau kev hlub hab kev ntseeg
4 Filemau, txhua rag kws kuv thov Vaajtswv, kuv thov Vaajtswv paab koj, hab kuv ua Vaajtswv tsaug. 5 Tsua qhov kuv nov xuv has tas koj muab tsua sau sab ntseeg tug tswv Yexu, hab koj hlub cov ntseeg Vaajtswv heev. 6 Kuv thov Vaajtswv tas, qhov kws koj hab ib ntseeg es sws raug zoo, yuav ua tsua koj paub txug txujkev ntseeg Yexu Kheto heev dua tuaj. 7 Nyuas kwv, qhov kws koj hlub cov ntseeg, hab koj tau txhawb puab txhua tug tug zug, mas tub txhawb kuv tug zug hab ua tsua kuv zoo sab kawg le.
Povlauj thov Filemau hlub Auneximau
8 Ib ob leeg puav leej yog cov kws ntseeg Yexu Kheto, mas kuv txha muaj cuab kaav kuas koj ua lawv le kuv has. 9 Kuas kuv hlub koj kuv tsw xaav ua le ntawm. Vem kuv yog Yexu Kheto tug tubkhai hab qha Yexu Kheto zaaj kuv txha raug kaw huv tsev loj faaj nuav los kuv tsw yuam kuas koj ua lawv le kuv has. 10 Kuv thov koj noog, kuv yuav qha Auneximau zaaj tsua koj. Nwgnuav nwg yog kuv tug tub, tsua qhov thaus kuv qha txuj xuv zoo mas nwg lug ntseeg Vaajtswv huv lub tsev loj faaj nuav. 11 Yaav tom ntej koj pum tas nwg yog ib tug kws tsw tswm txaj. Kuas nwgnuav kuv pum tas nwg ua tuabneeg tswm txaj lawm. Kuv xaav has tas, nyab koj yuav pum ib yaam le kuv pum hab. 12 Nwgnuav kuv kuas nwg rov qaab lug nrug koj nyob. Kuv ua le hov ib yaam le kuv muab kuv ib nploog sab faib tsua koj lawm ntaag. 13 Qhov tseeb, thaus kuv tseem raug kaw huv tsev loj faaj nuav, vem yog kuv pav txuj xuv zoo, mas kuv xaav kuas Auneximau nrug kuv nyob ntawm nuav paab kuv. Nwg paab le hov kuj ib yaam le nwg nyob koj chaw paab kuv. 14 Kuv tsw xaav yuam kuas koj paab kuv. Yog koj zoo sab paab tes koj ca le paab. Txhua yaam kws koj tsw pum zoo kuv ua, kuv yeej tsw ua. 15 Qhov kws Auneximau ncaim koj ib ntus hov, tej zag yog Vaajtswv xaav coj nwg rov qaab lug nrug koj nyob moog ib txhws. 16 Koj tsw xob suav has tas, nwg yog ib tug tub qhe xwb. Nwgnuav nwg tswm txaj dua tug tub qhe, nwg lug ua koj ib tug kwv tsua qhov nwg ntseeg Yexu Kheto lawm. Kuv hlub nwg kawg le, hab kuv paub has tas, koj yimfuab yuav hlub nwg heev dua kuv hlub, tsua qhov nwg yeej yog koj tug tub qhe hab nwg yog ib tug kws ntseeg Vaajtswv. 17 Yog koj suav has tas, kuv hab koj ib ob leeg puav leej ua Vaajtswv teg num, koj yuav tsum hlub nwg ib yaam le koj hlub kuv. 18 Yog nwg tau ua txhum tsua koj lossws nwg tshuav koj nqe, kuv yuav them tsua koj. 19 Tub yog kuv txhais teg sau le nuav has tas, Povlauj yuav them tsua koj. Nyab koj yuav ncu ntsoov has tas, tub yog vem kuv qha txuj xuv zoo tsua koj, koj txha tau ua tuabneeg tshab. 20 Yog le ntawm nyuas kwv, ib yog cov kws ntseeg Vaajtswv. Yog koj xaav ua hum Vaajtswv sab tag, thov koj ua le qhov kws kuv has nuav txha le kaaj kuv sab mivntswv. 21 Thaus kuv tseem saamswm sau tsaab ntawv nuav tuaj tsua koj, kuv vaam tas, koj yuav ua lawv le kuv thov. Tsw yog le hov xwb koj tseem yuav ua ntau dua le kuv thov hab. 22 Kuv muaj ib lus has ntxwv tsua koj. Thov koj npaaj txaaj chaw tog kuv, tsua qhov kuv ca sab has tas, Vaajtswv yeej yuav teb tej lug kws mej thov kuas Vaajtswv qheb kev tsua kuv rov tuaj saib mej dua. 23 Epafa kws nrug kuv raug kaw huv tsev loj faaj vem ib qha Yexu Kheto zaaj, nwg has tas, nwg ncu ncu koj. 24 Malakau, Alixakhau, Tema hab Luka kws nrug kuv ua tuab yaam num puab has tas, puab ncu ncu koj hab. 25 Thov peb tug tswv Yexu Kheto foom koob foom moov tsua mej txhua tug.
Vaajtswv khaiv Vaajtswv tug tub lug qha peb
1 Thau u muaj ntau zag Vaajtswv ua ob peb yaam qha cov xwbfwb kws cev Vaajtswv lug kuas puab qha tsua peb puj koob yawm koob paub tej kws Vaajtswv has. 2 Kuas tam kawg nuav Vaajtswv khaiv Vaajtswv tug tub lug qha peb. Vaajtswv tsaa Vaajtswv tug tub ua tug tswm ntuj tswm teb. Thaus kawg Vaajtswv yuav pub ib puas tsaav yaam huvsw ua tug tub ntawm tug. 3 Vaajtswv tug fwjchim ci ntsaa quas ab huv tug tub hov. Tug tub hov zoo ib yaam le Vaajtswv tsw txawv hov twg le. Nwg tej lug kws muaj fwjchim luj kawg nkaus tuav lub ntuj hab lub nplajteb. Thaus nwg daws tuabneeg lub txem taag lawm nwg moog nyob quas tsawg ntawm Vaajtswv kws muaj fwjchim luj kawg nkaus saab xws sau ntuj ceeb tsheej.
Yexu muaj fwjchim luj dua cov tubkhai sau ntuj
4 Vaajtswv tis lub npe kws luj dua cov tubkhai sau ntuj le npe tsua Vaajtswv tug tub, ib yaam le Vaajtswv tsaa Vaajtswv tug tub ua tug kws muaj fwjchim luj dua cov tubkhai sau ntuj. 5 Tsua qhov Vaajtswv yeej tsw tau has tsua Vaajtswv cov tubkhai sau ntuj ib tug twg has tas, Koj yog kuv tug tub. Nub nua kuv ua koj txwv lawm. Hab Vaajtswv tsw tau has tsua cov tubkhai sau ntuj ib tug twg has tas, Kuv yuav ua koj txwv. Hab koj yuav ua kuv tub. 6 Thaus Vaajtswv yuav khaiv Vaajtswv tug tub hlub nqeg lug huv nplajteb, Vaajtswv tseem has tas, Vaajtswv cov tubkhai sau ntuj txhua tug yuav tsum pe tug tub hov. 7 Thaus Vaajtswv has txug cov tubkhai sau ntuj nwg has le nuav tas, Vaajtswv tswm Vaajtswv cov tubkhai sau ntuj zoo ib yaam le cua. Hab nwg tswm nwg cov tub qhe zoo ib yaam le nplaim tawg. 8 Kuas thaus Vaajtswv has txug nwg tug tub, nwg has tas, Vaajtswv, koj lub zwm txwv yuav nyob moog ib txhws le. Koj kaav koj lub tebchaws ncaaj nceeg. 9 Koj nyam qhov zoo, koj ntxub qhov phem. Tub yog vem le hov, Vaajtswv kws yog koj tug Vaajtswv txha xaiv koj ca, hab ua tsua koj zoo sab kawg le, tsua qhov koj tau koob meej heev dua koj tej kwvluag. 10 Hab Vaajtswv has tas, Tug tswv, thaus chiv keeb koj tswm lub nplajteb, hab yog koj txhais teg tswm lub ntuj. 11 Tej ntawm puav leej yuav pluj moog, kuas koj yuav nyob moog le. Tej ntawm yuav txawj khaub ib yaam le tej rwg tsho. 12 Koj yuav muab tej ntawm tais ca ib yaam le luas tais lub tsho ntev, Hab koj yuav muab tej ntawm hloov ib yaam le luas hloov rwg tsho. Kuas koj yeej zoo le qub, koj yuav tsw txawj laug. 13 Vaajtswv yeej tsw tau has tsua Vaajtswv cov tubkhai sau ntuj ib tug twg has tas, Koj ca le lug nyob quas tsawg ntawm kuv saab xws moog txug thaus kuv muab koj cov yeeb ncuab huvsw lug ua koj lub rooj tag taw. 14 Yog le hov cov tubkhai sau ntuj tsuas yog cov tuabneeg qaum ntuj kws ua Vaajtswv teg num xwb, Vaajtswv khaiv puab lug paab cov tuabneeg kws yuav dim lub txem.
Txujkev dim txem kws yog qhov luj
1 Yog le ntawm peb yuav tsum yimfuab ua tuab zoo khaws tej lug tseem ceeb kws peb tau nov lug lawm ca zoo zoo, peb txha le npuab tej lug hov. 2 Tsua qhov tej lug kws cov tubkhai sau ntuj qha puav leej yog lug tseeb. Tug kws tsw noog hab tsw ua lawv le tej lug ntawm, mas nwg tub raug txem txaus nkaus nwg tej kev txhum lawm. 3 Yog peb tsw quav ntsej txujkev dim txem kws yog qhov luj tes peb yuav ua le caag dim tau. Tug tswv Yexu yog tug kws xub qha txujkev dim txem ntawm ntaag. Cov tuabneeg kws nov nwg qha, puab qha tseeb tseeb tsua peb has tas, muaj le ntawm tag. 4 Tsw yog le hov xwb Vaajtswv tseem ua tej txujci tseem ceeb hab phemfwj hab ua tej kws qha nwg tug fwjchim tsua suavdawg pum has tas, yeej muaj le puab has tag. Hab Vaajtswv kuas Vaajtswv tug Ntsuj Plig pub tswvyim tsua suavdawg lawv le Vaajtswv pum zoo pub.
Yexu yog tug kws cawm peb dim lub txem
5 Tsua qhov Vaajtswv tsw tau tsaa cov tubkhai sau ntuj ua cov kws kaav lub nplajteb tshab kws Vaajtswv saamswm tswm ca tsua yaav peg suab nuav. Lub nplajteb hov yog lub kws peb has txug nuav. 6 Kuas muaj lug sau ca tsua huv Vaajtswv phoo ntawv has tas, Vaajtswv, tuabneeg tswm txaj npaum le caag ais koj yuav ncu txug puab. Ib tug nyuas tuabneeg xwb nwg tswm txaj npaum le caag ais koj tsua tsom kwm nwg. 7 Thaus koj tswm nwg koj pub nwg muaj fwjchim yau dua cov tubkhai sau ntuj ib nyuas ntu Koj pub nwg muaj fwjchim hab tau ntsej muag ib yaam le ib tug vaaj ntxwv. 8 Hab tsaa nwg ua tug kaav ib puas tsaav yaam huvsw. Lu lug kws has tas, Vaajtswv tsaa tuabneeg ua tug kaav ib puas tsaav yaam, mas tub qha tseeb has tas, tsw muaj ib yaam daabtsw kws Vaajtswv tsw tau muab tsua tuabneeg kaav. Kuas nwgnuav peb tseem tsw tau pum tuabneeg kaav ib puas tsaav yaam. 9 Kuas peb pum Yexu. Vaajtswv ca Yexu muaj fwjchim yau dua cov tubkhai sau ntuj ib nyuas ntu. Vaajtswv ua le ntawm tsua qhov Vaajtswv kws hlub suavdawg yuav khaiv Yexu lug tuag theej suavdawg. Nwgnuav peb pum Yexu muaj fwjchim ci ntsaa quas ab hab nwg tau koob meej tsua qhov nwg raug kev tuag txom nyem quas ntsuav. 10 Qhov kws Vaajtswv kws tswm hab saib ib puas tsaav yaam khaiv Yexu lug raug kev txom nyem mas tub yog ua le hov sub Yexu txha ua tau Yexu teg num tav, mas qhov hov Vaajtswv tub ua yog lawm. Vaajtswv ua le hov nwg txha coj tau nwg cov mivnyuas ntau leej lug yuav nwg txuj koob txuj moov, tsua qhov Yexu yog tug kws cawm kuas puab dim puab lub txem. 11 Nwg hab cov tuabneeg kws nwg tub pub lub sab tshab tsua lawm, puab puav leej yog tuab leeg txwv yug xwb. Tub yog vem le ntawm Yexu txha tsw txaaj muag hu has tas, puab yog nwg cov kwvtij. 12 Lawv le tej lug kws nwg has tseg lawm has tas, Vaajtswv, kuv yuav qha koj tsua kuv cov kwv tij n oog. Kuv yuav hu nkauj qhuas koj taab meeg cov tuabneeg kws tuaj nyob ua ke noog lug qhuab qha. 13 Hab nwg has tas, kuv yuav tso sab tsua Vaajtswv Hab nwg has ntxwv has tas, kuv nrug cov mivnyuas kws Vaajtswv pub tsua kuv nyob ntawm nuav. 14 Vem cov mivnyuas ntawm puav leej yog tuabneeg muaj roj ntshaa, yog le ntawm Yexu txha le lug yug ua tuabneeg muaj roj ntshaa ib yaam le puab. Nwg ua le hov mas nwg txujkev tuag txha le rhuav tau Daab Ntxwg Nyoog tug fwjchim kws ua kuas tuabneeg tuag puam tsuaj moog, 15 hab tso tau cov tuabneeg kws ib txwm pheej ntshai kev pluj kev tuag kuas dim. 16 Peb tub pum tseeb lawm tas, tsw yog Vaajtswv paab cov tubkhai sau ntuj, kuas lawv le muaj lug sau ca tsua huv Vaajtswv phoo ntawv has tas, Vaajtswv paab Aplahaa cov xeeb ntxwv. 17 Yog le ntawm Yexu yuav tsum lug ua tuabneeg ib yaam le nwg cov kwvtij, nwg txha ua tau puab tug tuam pov thawj hlub kws ncaaj nceeg hab muaj lub sab khuv leej es ua Vaajtswv teg num. Nwg ua le ntawm mas Vaajtswv txha zaam tau sawvdawg lub txem. 18 Nwgnuav Yexu paab tau cov tuabneeg kws raug kev daag ntxag, tsua qhov nwg tub raug kev daag ntxag hab kev tswm txom lug lawm.
Yexu tau koob meej heev dua Mauxe
1 Cov kwvtij kws ntseeg Yexu, mej puav leej yog cov kws Vaajtswv hu lug ua Vaajtswv le tuabneeg lawm hab, mej yuav tsum saib quas ntsoov Yexu kws Vaajtswv xaiv lug ua tug tuam pov thawj hlub kws saib tej kws peb ntseeg. 2 Yexu muaj sab dawb ua teg num kws Vaajtswv muab tso tsua nwg ua, ib yaam le Mauxe muaj sab dawb paab cov tuabneeg Yixayee kws yog Vaajtswv tsev tuabneeg txhua tug huvsw. 3 Suavdawg yeej qhuas tug kws ua tsev heev dua qhuas lub tsev. Ib yaam nkaus le ntawm tswm nyog Yexu tau koob meej heev dua Mauxe. 4 Tej tsev yeej los muaj tug ua, mas Vaajtswv yog tug tswm ib puas tsaav yaam. 5 Mauxe muaj sab dawb paab Vaajtswv tsev tuabneeg txhua tug huvsw. Nwg yeej yog ib tug tub qhe. Nwg has txug tej kws yaav tom hauv ntej Vaajtswv yuav qha. 6 Kuas Yexu Kheto yog Vaajtswv tug tub, nwg muaj sab dawb tsom kwm Vaajtswv tsev tuabneeg. Yog peb muaj sab tuab hab ua sab ntev tog tej kws peb ca sab mas peb txha ua tau Vaajtswv tsev tuabneeg.
Vaajtswv cov tuabneeg yuav tau su
7 Tsua qhov Vaajtswv tug Ntsuj Plig qha has tas, Nub nua yog mej nov Vaajtswv lub suab hu, 8 Mej tsw xob tawv ncauj ib yaam le yaav tom ntej u kws mej ntxeev sab tsua Vaajtswv, Hab ib yaam le nub kws mej swm Vaajtswv sab tom tebchaws moj saab qhua. 9 Vaajtswv has tas, txawm yog mej puj koob yawm koob pum tej kws kuv ua lug tau plaub caug xyoo lawm los puab tseem swm kuv sab hab. 10 Tub yog vem le hov kuv txha chim tsua puab cov ntawm. Hab kuv has tas, puab lub sab pheej nyam ua phem. Puab tsw kawm kuv tej kevcai. 11 Kuv chim chim kuv txha cog lug tseg has tas, Puab cov ntawm yuav tsw tau lug nrug kuv su ib zag le. 12 Cov kwvtij, mej yuav tsum ceev faaj zoo, tsaam tes mej cov muaj ib tug muaj sab phem hab tsw ntseeg, tes nwg ca le tso Vaajtswv kws muaj txujsa nyob tseg. 13 Mej tsw xob ua le ntawm, mej ib leeg yuav tsum naj nub paab ib leeg tsua thaus kws peb tseem hu tau has tas nub nua. Lu lug kws sau ca tsua huv Vaajtswv phoo ntawv has tas, nub nua, tub yog Vaajtswv sau qha peb hab. Yog mej ua le hov mas kev txhum txha ntxag tsw tau mej ib tug ua tuabneeg tawv ncauj. 14 Yog peb npuab tej kws thaus chiv thawj peb tso sab tsua moog txug nub kawg, peb yuav nrug Yexu Kheto tau koob tau moov ib yaam nkaus. 15 Muaj lug sau ca tsua huv Vaajtswv phoo ntawv has tas, Nub nua yog mej nov Vaajtswv lub suab hu, Mej tsw xob tawv ncauj ib yaam le yaav tom ntej u kws mej ntxeev sab tsua Vaajtswv. 16 Cov kws nov Vaajtswv lub suab hu kuas tseem ntxeev sab tsua Vaajtswv, mas yog cov twg. Tub yog txhua tug kws Mauxe coj tawm huv lyi tebchaws lug ntaag. 17 Lub swmhawm plaub caug xyoo hov Vaajtswv chim tsua cov tuabneeg twg, tub yog Vaajtswv chim tsua cov tuabneeg kws ua txhum, cov tuabneeg hov tub yog cov kws tuag pawg quas yawg tom tebchaws moj saab qhua nev. 18 Thaus Vaajtswv cog lug tseg has tas, puab cov ntawm yuav tsw tau lug su huv qhov chaw kws tub tu tseg tsua puab ib zag le, yog nwg has txug cov twg, tub yog nwg has txug cov tuabneeg kws ntxeev sab tsua nwg ntaag. 19 Yog le ntawm peb paub has tas, vem puab tsw ntseeg, Vaajtswv txha tsw kheev puab moog huv qhov chaw ntawm.
1 Vaajtswv cog lug tseg tsua peb has tas, nwg yuav kheev peb moog nrug nwg su. Yog le ntawm peb suavdawg yuav tsum ceev faaj, tsaam tes mej cov muaj qee leej tsw tau moog nrug nwg su. 2 Tsua qhov peb puav leej nov txuj xuv zoo ib yaam le puab tau nov lawm hab. Puab tub nov kuas txuj xuv zoo ntawm tsw muaj qaabhau tsua puab, tsua qhov thaus puab nov puab tsw ntseeg. 3 Peb cov kws ntseeg peb yuav tau moog nrug Vaajtswv su. Lawv le Vaajtswv has tseg has tas, Kuv chim chim kuv txha cog lug tseg has tas, Puab cov ntawm yuav tsw tau lug nrug kuv su ib zag le. Txawm yog thaus Vaajtswv tswm ntuj tswm teb nwg tub ua nwg tej num tav taag lawm los nwg tseem has le nuav. 4 Tsua qhov Vaajtswv phoo ntawv muaj lug has txug nub xyaa has tas, nub xyaa Vaajtswv su Vaajtswv tsw tswm ib yaam daabtsw ntxwv le lawm. 5 Muaj dua ib qho has txug zaaj nuav has tas, puab cov ntawm yuav tsw tau lug nrug kuv su ib zag le. 6 Cov tuabneeg thau u kws xub nov txuj xuv zoo puab tsw tau moog nrug Vaajtswv su tsua qhov puab tsw ntseeg. Kuas Vaajtswv kheev lwm cov moog nrug Vaajtswv su. 7 Peb paub has tas muaj le ntawm, tsua qhov Vaajtswv teem dua ib nub tseg has tas, nub nua. Tau ntau xyoo tom qaab Vaajtswv kuas Tavi has txug qhov ntawm lawv le tub has taag lug lawm has tas, Nub nua yog mej nov Vaajtswv lub suab hu, mej tsw xob tawv ncauj. 8 Tsua qhov "Yauxua tub coj puab suavdawg moog nrug Vaajtswv su lawm, tes tsw txug Vaajtswv yuav rov has dua has tas, nub nua. 9 Txawm yog le caag los xwj, Vaajtswv cov tuabneeg yeej yuav tau su ib yaam le nub xyaa kws Vaajtswv su. 10 Tsua qhov tug kws moog nrug Vaajtswv su lawm, nwg yuav tsw ua num ib yaam le Vaajtswv tsw ua num. 11 Yog le ntawm, tswm nyog peb suavdawg yuav tsum ua tag moog kuas peb tau nrug Vaajtswv su. Tsw xob ca peb cov ib tug tawv ncauj le puab cov ntawm, tsaam tes nwg tsw tau moog su. 12 Tsua qhov Vaajtswv tej lug muaj sa hab tseem ceeb muaj kuab kawg le. Tej lug ntawm ntse dua raab ntaaj kws ob saab ntse, nkaug moog txug nruab sab nruab plaw, hab nkaug txug huv tej hlwb txhaa. Tej lug ntawm tshuaj tej kws tuabneeg xaav hab paub tuabneeg lub sab huvsw. 13 Tsw muaj ib yaam daabtsw kws tuabneeg yuav muab thaiv tau tsw kheev Vaajtswv pum. Ib puas tsaav yaam kws Vaajtswv tswm lug lawm Vaajtswv yeej pum txhua yaam huvsw, hab peb txhua tug nyag yuav tsum pav nyag tej num tsua Vaajtswv.
Yexu yog tug tuam pov thawj hlub
14 Yog le ntawm peb yuav tsum npuab tej kws peb has tas peb ntseeg, tsua qhov peb muaj ib tug tuam pov thawj hlub kws tub moog cuag Vaajtswv lawm, tug hov yog Vaajtswv tug tub Yexu. 15 Peb tug tuam pov thawj hlub yeej paub tej kws peb qaug zug, tsua qhov nwg tub raug kev daag ntxag ib yaam le peb lug lawm hab. Txawm yog le ntawm los nwg tsw tau ua ib qho txhum le. 16 Yog le ntawm peb ca le ua sab tuab moog cuag Vaajtswv kws nyob sau lub zwm txwv, tsua qhov nwg yog tug kws hlub peb. Nwg yuav paab peb hab foom koob foom moov tsua txhua tug tsua thaus kws cheem tsum paab.
1 Txhua tug tuam pov thawj hlub puav leej yog Vaajtswv xaiv tuabneeg lug ua, hab tsaa puab ua Vaajtswv teg num paab suavdawg. Thaus tug tuam pov thawj hlub ua teg num ntawm nwg muab hov txhua chaw pub tsua Vaajtswv hab muab tsaj tua theej suavdawg. 2 Vem nwg qaug zug ib yaam le suavdawg nwg txha ua tau sab ntev paab cov tuabneeg kws ruag hab yuam kev ua txhum. 3 Tug tuam pov thawj hlub yog tug kws muab tsaj tua theej suavdawg, kuas vem nwg yeej qaug zug ib yaam le suavdawg nwg yuav tsum theej nwg hab. 4 Tsw muaj leejtwg nwg yuav muaj cuab kaav rov tsaa nwg ua tug tuam pov thawj hlub, tsuas yog Vaajtswv pum zoo tsaa tug twg, tug ntawm txha muaj cuab kaav ua xwb, ib yaam le Vaajtswv pum zoo tsaa Aloo ua tug tuam pov thawj hlub. 5 lb yaam nkaus le hov Yexu Kheto yeej tsw tau khaav has tas, nwg yog ib tug tuam pov thawj hlub. Kuas Vaajtswv yog tug kws has tsua nwg has tas, Koj yog kuv tug tub. Nub nua kuv ua koj txwv lawm. 6 Hab Vaajtswv has tas, Koj yuav ua pov thawj moog i b txhws i b yaam le Mekixete. 7 Thaus Yexu tseem nyob huv nplajteb nuav mas nwg thov Vaajtswv kws paab tau kuas nwg dim kev tuag. Thaus nwg thov nwg quaj heev lug kua muag kawg le. Vaajtswv noog nwg tej lug thov tsua qhov nwg txu nwg tug fwjchim hab muab nwg txujsa tso plhuav tsua Vaajtswv kaav. 8 Yexu tub yog Vaajtswv tug tub los nwg tseem kawm noog lug ntawm tej kev txom nyem kws nwg raug. 9 Thaus Vaajtswv ua tsua nwg zoo kawg nkaus tsua txhua faab huvsw lawm mas nwg txha ua tau tug kws pub txujsa ntev moog ib txhws tsw kawg tsua txhua tug kws noog nwg lug. 10 Mas Vaajtswv txha tsaa Yexu ua tug tuam pov thawj hlub ib yaam le Mekixete.
Cov ntseeg tsw xob tso Yexu tseg
11 Peb tseem muaj ntau zaaj kws peb xaav pav qha mej kuas ceb laaj pav heev, tsua qhov mej tsw tshua to taub. 12 Nwgnuav tub tswm nyog mej ua taug xwbfwb lawm,kuas tseem yuav tsum muaj tuabneeg muab Vaajtswv txujlug lub hauv paug lug qha mej dua. Tub tswm nyog mej noj taug zaub mov lawm kuas mej tseem noj mig. 13 Tug kws noj mig nwg tseem yog mivnyuas yau. Nwg tsw tau paub tseeb has tas, zaaj twg yog, zaaj twg tsw yog. 14 Kuas tej zaub mov tsuas yog cov laug txha noj taug xwb. Puab tub xyum lug lawm puab txha paub has tas, yaam twg phem yaam twg zoo.
1 Yog le ntawm peb tsw xob pheej kawm Yexu Kheto txuj kevcai lub hauv paug xwb, peb yuav tsum kawm ntxwv lawm tom ntej hab. Peb tsw xob rov moog kawm ntawm hauv paug, tsw has tso tej kws tsw muaj qaabhau pov tseg los yog, ntseeg Vaajtswv los yog, 2 tej kevcai raus dej los yog kevcai tsaa teg los yog, tsaa tuabneeg sawv huv qhov tuag rov qaab lug los yog, zaaj kws tuabneeg raug txem moog ib txhws le los yog, tej ntawm peb tub kawm lug lawm, tsw txug peb yuav rov qaab kawm dua qhov qub. 3 Peb yuav tsum kawm ntxwv moog lawm tom ntej. Yog Vaajtswv pui zoo peb yeej yuav kawm le ntawm moog. 4 Cov tuabneeg kws tub tso Yexu tseg lawm yuav ua le caag rov qaab lug ntxeev sab tshab dua ib zag. Yaav tom ntej u Vaajtswv ua tsua cov tuabneeg ntawm pum kev, nwg foom koob foom moov tsua puab hab nwg pub nwg tug Ntsuj Plig tsua puab. 5 Puab puav leej paub has tas Vaajtswv txujlug yog txuj kws tseem ceeb kawg nkaus le, hab puab tub pum tug fwjchim kws yuav muaj lug tam peg suab nuav mivntswv lawm. 6 Txawm yog puab paub le ntawm los puab tseem tso Yexu tseg lawm hab. Yog yuav coj puab rov qaab lug ntxeev dua sab tshab, yeej tsw tau le, vem qhov kws puab tso Yexu tseg tub yog puab rov muab Vaajtswv tug tub teem tsua sau tug ntoo khaublig dua ib zag, hab ua tsua luas thuaj luas rhuav Yexu ntsej muag ntaag. 7 Vaajtswv foom koob foom moov tsua thaaj aav kws naj nub nqug dej naag, mas tej qoob loos kws cog tsua huv thaaj aav hov txha hlub zoo hab txha muaj qaabhau tsua tug kws cog. 8 Kuas yog thaaj aav ntawm muaj nroj hab muaj xuav paug tuaj xwb, tes thaaj aav ntawm tsw muaj qaabhau daabtsw le. Thaus kawg Vaajtswv yuav foom tsw zoo tsua, mas suav tawg yuav kub thaaj aav hov taag huvsw. 9 Cov kwvtij kws peb hlub, txawm yog peb has le nuav tsua mej lawm los peb tseem ca sab tau tsua mej. Peb paub has tas, mej muaj txuj koob txuj moov kws zoo dua tej kws peb has lug lawm. Txuj ntawm yog txuj kws paab mej dim mej lub txem. 10 Vaajtswv yog tug kws ncaaj nceeg. Nwg yeej yuav ncu ntsoov tej num kws mej tau ua lug lawm, hab qhov kws mej paab cov ntseeg ib yaam le naj nub nua mej tseem paab, mas qhov kws mej ua hov tub yog mej npuab Vaajtswv. 11 Peb xaav xaav kuas mej txhua tug npuab Vaajtswv moog txug nub kawg mej txha tau tej kws mej ca sab tsua. 12 Peb tsw xaav kheev mej ua tuabneeg cis nkeeg, peb xaav kuas mej ua zoo le cov kws muab tsua sau sab ntseeg hab ua sab ntev, mej txha le tau tej kws Vaajtswv cog lug tseg lawm tas, nwg yuav pub tsua mej.
Vaajtswv lu lug cog tseg
13 Thaus Vaajtswv cog lug tsua Aplahaa nwg has tseeb has tas, nwg yuav ua lawv le tej lug kws nwg cog tseg. Thaus nwg cog lug tseg ntawm nwg twv nwg lub npe xwb, tsua qhov yeej tsw muaj ib tug kws muaj fwjchim luj dua nwg. 14 Vaajtswv has tas, kuv cog lug tseg tsua koj has tas, kuv yuav foom koob foom moov tsua koj hab kuas koj cov xeeb ntxwv fuam vaam coob. 15 Aplahaa ua sab ntev tog, nwg txha tau tej kws Vaajtswv cog lug tseg. 16 Tug kws yuav twv le nuav le u nwg yuav tsum tuav tug kws muaj fwjchim luj dua nwg lub npe twv, mas lu lug kws twv ntawm txha ua tsua suavdawg tsw muaj lug sws caav sws tshe. 17 Vaajtswv xaav kuas cov kws yuav tau tej kws Vaajtswv cog lug tseg lawm paub tseeb has tas, Vaajtswv yeej tsw hloov tej kws nwg yuav ua, Vaajtswv txha has ib lu lug tseem ceeb ntxwv tsua lu lug kws nwg tau cog tseg lawm. 18 Yog le ntawm ob yaam nuav yeej hloov tsw tau, Vaajtswv tsw daag. Peb cov kws tswv dim kev puam tsuaj lug nrug Vaajtswv nyob lawm, peb txha le ua taug sab ntev tog yaam kws peb ca sab has tas yaav peg suab nuav peb yuav tau. 19 Qhov kws peb ca sab nuav zoo ib yaam le tug tswg kws muab hlua khi peb lub sab kuas nyob ruaj ruaj. Qhov kws peb ca sab ntawm yuav coj peb hlaa dhau daim ntaub kws thaiv huv lub tuam tsev sau ntuj ceeb tsheej moog tsua huv lub chaw kws zoo kawg nkaus. 20 Yexu tub ua peb ntej moog huv lub chaw hov lawm. Nwg moog le ntawm tub yog nwg paab peb. Nwg ua tug tuam pov thawj hlub moog ib txhws ib yaam le Mekixete.
Tug pov thawj hlub kws npe hu ua Mekixete
1 Tug "Mekixete nuav nwg ua vaaj ntxwv kaav lub nroog Xalee. Vaajtswv kws muaj fwjchim luj kawg nkaus tsaa nwg ua pov thawj. Thaus Aplahaa moog ntaus rog Aplahaa tua tau ntau tug vaaj ntxwv, mas thaus nwg saamswm rov qaab lug Mekixete tawm moog tog Aplahaa hab foom koob foom moov tsua nwg. 2 Aplahaa muab tej hov txhua chaw kws nwg txeeb tau ib feem huv kaum feem pub tsua Mekixete. Mekixete lub npe muaj ob lub ntsab. Thawj lub txhais has tas, tug vaaj ntxwv kws kaav ncaaj nceeg. Hab vem nwg ua vaaj ntxwv kaav lub nroog Xalee, nwg lub npe txhais tau has tas, tug vaaj ntxwv kws ua tsua suavdawg tau nyob kaaj sab quas lug. 3 Yeej tsw muaj ntaub muaj ntawv sau qha tseg has tas, leejtwg yog Mekixete nam hab txwv lossws qha has tas, leejtwg yog nwg puj koob yawm koob. Tsw muaj ntawv sau qha tseg has txug nub kws yug nwg hab nub kws nwg tuag. Nwg ua tug pov thawj moog ib txhws ib yaam le Vaajtswv tug tub. 4 Yog le ntawm mej swm ua tuab zoo xaav saib, nwg muaj fwjchim luj npaum le caag dag. Aplahaa kws yog cov Yutai yawm koob txha muab tej hov txhua chaw kws nwg moog ntaus rog es nwg txeeb tau hov ib feem huv kaum feem pub tsua Mekixete. 5 Vaajtswv txuj kevcai qha has tas, cov Levi tej xeeb ntxwv kws ua pov thawj puab yuav tsum sau cov tuabneeg Yixayee tej hov txhua chaw ib feem huv kaum feem coj lug ua puab tug. Puab ua le hov tub yog puab sau puab tuab tsaav tuabneeg tej hov txhua chaw ntaag. Puab tub yog Aplahaa xeeb ntxwv los puab tseem sau hab. 6 Mekixete yeej tsw yog cov Levi xeeb ntxwv kuas nwg sau Aplahaa le ib feem huv kaum feem, hab nwg foom koob foom moov tsua Aplahaa kws tau tej kws Vaajtswv cog lug tseg. 7 Qhov tseeb tug kws foom koob foom moov yeej muaj fwjchim luj dua tug kws tau koob tau moov. 8 Muaj dua ib nqais has tas, cov pov thawj kws yog cov Levi, puab sau ib feem huv kaum feem hab, kuas puab txawj tuag. Huas Mekixete nwg sau ib feem huv kaum feem hab, kuas muaj lug sau ca tsua huv Vaajtswv phoo ntawv has tas nwg tseem muaj txujsa nyob. 9 Tej zag yuav muaj ib tug has tas, thaus Aplahaa pub ib feem huv kaum feem tsua Mekixete kuj yog Levi muab pub lawm hab. Levi cov xeeb ntxwv yeej yog cov kws sau suavdawg ib feem huv kaum feem. 10 Tsua qhov thaus Mekixete tawm moog tog Aplahaa, Levi tseem nyob huv Apla- haa kws yog Levi yawm koob tej roj ntshaa. 11 Yog cov pov thawj xeem Levi coj tau tuabneeg lug cuag Vaajtswv lawm, tes tsw txug yuav muaj dua ib tug pov thawj kws zoo le Mekixete lug hloov cov pov thawj kws zoo le Aloo los kaj. Cov kws qha Vaajtswv txuj kevcai tsua cov Yixayee tub yog cov pov thawj kws yog xeem Levi. 12 Yog Vaajtswv hloov cov pov thawj lawm nwg yuav tsum hloov nwg tej kevcai hab. 13 Peb tug tswv kws peb has txug nuav nwg yog lwm xeem. Xeem ntawm luas yeej tsw kheev ib tug muaj feem ua pov thawj moog ua num ntawm lub rooj xyeem hov txhua chaw tsua Vaajtswv ib zag le. 14 Suavdawg puav leej paub tseeb has tas, Yexu Kheto yug huv xeem Yuta lug, hab Mauxe tsw tau has tas, xeem ntawm yuav muaj pov thawj.
Tug pov thawj kws zoo le Mekixete
15 Zaaj nuav ua tsua suavdawg paub tseeb dua has tas, tub muaj dua ib tug pov thawj tshab lawm. Tug hov zoo ib yaam le Mekixete. 16 Luas yeej tsw tsaa nwg ua pov thawj lawv le tuabneeg tej kevcai, kuas vem nwg yog tug kws muaj txujsa ntev moog ib txhws tsw kawg nwg txha muaj feem ua pov thawj paab peb. 17 Tsua qhov muaj lug sau ca tsua huv Vaajtswv phoo ntawv has txug nwg has tas, koj yuav ua pov thawj moog ib txhws ib yaam le Mekixete. 18 Yog le ntawm peb txha tso txuj qub kevcai tseg, tsua qhov txuj qub kevca? hov paab tsw tau peb hab tsw muaj qaabhau. 19 Mauxe txuj kevcai tsw txawj ua kuas leejtwg ua tau tuabneeg zoo tsua txhua faab. Nwgnuav peb muaj ib qhov chaw vaam kws tseem ceeb dua qhov ntawm. Vem le hov peb txha muaj cuab kaav txaav lug cuag Vaajtswv. 20 Thov qha ntxwv has tas, thaus Vaajtswv tsaa Yexu ua pov thawj Vaajtswv yeej cog lug tseg ca. Kuas thaus lwm tug ua pov thawj Vaajtswv yeej tsw tau cog lug tseg le. 21 Thaus Vaajtswv tsaa Yexu ua pov thawj, Vaajtswv cog lug tseg tsua Yexu lawv le muaj lug sau ca tsua huv Vaajtswv phoo ntawv has tas, Vaajtswv cog lug tseg has tas, Koj yuav ua pov thawj moog ib txhws le. Vaajtswv has le ntawm Vaajtswv yeej yuav tsw hloov Vaajtswv tej lug ib zag le. 22 Yog le ntawm Yexu txha qha has tas, txuj kevcai tshab zoo dua txuj qub. 23 Xeem Levi pheej muaj tuabneeg sawv ua pov thawj ib tam dhau ib tam, tsua qhov cov kws tuag mas ua tsw tau num lawm, txha yuav tsum muaj lwm tug lug nyob chaw ua. 2h Kuas Yexu muaj txujsa nyob moog ib txhws hab nwg tej num kws ua pov thawj tsw poob moog tsua lwm tug ua le. 25 Tub yog vem le ntawm nwg txha paab tau cov tuabneeg kws nwg coj lug cuag Vaajtswv lawm moog ib txhws le, tsua qhov nwg muaj txujsa nyob moog ib txhws, nwg txha thov Vaajtswv paab cov tuabneeg ntawm. 26 Yog le ntawm Yexu yog tug tuam pov thawj hlub kws paab tau txhua tug kws thov nwg. Nwg yog tug kws zoo kawg nkaus, nwg tsw muaj ib qho txhum le. Vaajtswv coj nwg tawm huv cov tuabneeg txhum moog nyob sau qaum ntuj. 27 Nwg tsw zoo le tej tuam pov thawj hlub, tsw txug nwg yuav naj nub muab tsaj coj lug tua theej nwg ua ntej ais le maav tua theej suavdawg, ib yaam le tej tuam pov thawj hlub pheej ua. Nwg muab nwg lub cev theej suavdawg tuab zag, tes theej tau moog ib txhws le lawm. 28 Mauxe txuj kevcai ib txwm tsaa cov tuabneeg kws zoo xws le luas ua tuam pov thawj hlub, kuas tej lug kws Vaajtswv cog tseg ua qaab Mauxe txuj kevcai mas tsaa tug tub kws zoo kawg nkaus tsua txhua faab moog ib txhws ua tug tuam pov thawj hlub.
Yexu yog peb tug tuam pov thawj hlub
1 Tej kws peb has lug nuav lub tseem ntsab yog has tas peb muaj ib tug tuam pov thawj hlub kws nyob ntawm tug kws muaj fwjchim luj kawg nkaus lub zwm txwv saab xws sau ntuj ceeb tsheej. 2 Nwg ua tug tuam pov thawj hlub teg num huv lub chaw zoo kawg nkaus kws nyob huv lub tseem tsev ntaub. Lub tsev ntawm yog Vaajtswv ua tsw yog tuabneeg ua. 3 Txhua tug tuam pov thawj hlub puav leej yog Vaajtswv tsaa lug ua cov kws muab hov txhua chaw hab tua tsaj coj lug xyeem tsua Vaajtswv, mas peb tug tuam pov thawj hlub yuav tsum muaj ib yaam daabtsw coj lug xyeem tsua Vaajtswv hab. 4 Yog nwgnuav nwg tseem nyob huv nplajteb nuav nwg yuav tsw ua pov thawj le, tsua qhov tub muaj cov pov thawj kws muab hov txhua chaw coj lug xyeem tsua Vaajtswv lawv le cov Yutai txuj kevcai lawm. 5 Tej num kws cov pov thawj hov ua, tsuas yog tej kws muaj nyob sau ntuj tug yaam ntxwv hab tug duab xwb. Ib yaam le thaus Mauxe saamswm yuav ua lub tsev ntaub Vaajtswv has tsua Mauxe has tas, koj yuav tsum ua txhua yaam lawv le tej qauv kws kuv tub qha tsua koj sau roob lawm. 6 Kuas Vaajtswv muab teg num kws luj dua cov pov thawj hov teg tsua Yexu ua, Ib yaam le hov txuj kevcai tshab kws Yexu ua kuas tuabneeg hab Vaajtswv sws cuag tau mas yeej zoo dua txuj qub, tsua qhov txuj ntawm muaj lug cog tseg has txug tej kws yimfuab zoo dua. 7 Yog txuj qub kevcai tub zoo lawm, tes tsw txug yuav muaj dua txuj tshab. 8 Kuas Vaajtswv thuaj nwg tsaav tuabneeg has tas, Vaajtswv has tas, muaj ib nub tom hauv ntej Kuv yuav pub ib txuj kevcai tshab tsua cov tuabneeg Yixayee hab tsua xeem Yuta. 9 Txuj ntawm zoo tsw thooj le txuj kevcai kws kuv muab tsua puab puj koob yawm koob kws thaus kuv tuav puab teg coj puab tawm huv lyi tebchaws moog. Puab tsw ua lawv le txuj kevcai kws kuv muab tsua puab, Kuv txha tsw quav ntsej puab lawm. 10 Txuj nuav yog txuj kevcai kws kuv yuav muab tsua cov tuabneeg Yixayee. Vaajtswv has tas, yaav tom qaab kuv yuav ua kuas puab ncu ntsoov kuv txuj kevcai, Hab kuv yuav sau txuj kevcai ntawm tsua huv puab lub sab. Kuv yuav ua puab tug Vaajtswv. Puab yuav ua kuv le tuabneeg. 1 1 Tsw txug puab yuav qha tej tuabneeg zej zog lossws qha puab tuab tsaav tuabneeg kuas paub Vaajtswv, Tsua qhov puab txhua tug puav leej yuav paub kuv, tsw has tug hlub tug yau huvsw. 12 Kuv yuav ua sab ntev tsua txhua tug kws ua txhum, Hab kuv yuav tsw ncu quas ntsoov puab lub txem lawm. 13 Thaus Vaajtswv has txug ib txuj kevcai tshab, kuj yog nwg suav has tas, txuj qub kevcai tsw zoo swv lawm. Hab txhua yaam kws qub lawm yeej yuav puam tsuaj moog sai sai.
Vaajtswv qheb kev tsua suavdawg moog huv lub chaw zoo kawg nkaus
1 Txuj qub kevcai yeej muaj lug qha tuabneeg paub pe Vaajtswv, hab muaj ib lub chaw kws tuabneeg ua ca tsua suavdawg moog pe Vaajtswv. 2 Puab ua ib lub tsev ntaub, chaav nrau suavdawg hu ua qhov chaw kws zoo kawg. Nyob huv muaj teeb, muaj rooj hab muaj ncuav xyeem pub tsua Vaajtswv. 3 Chaav kws nyob ntawm daim ntaub thaiv daim ob lawm saab huv suavdawg hu has tas, qhov chaw kws zoo kawg nkaus. 4 Nyob huv chaav ntawm muaj ib lub rooj kub ca ua qhov chaw hlawv moov tshuaj tsw-qaab, hab muaj ib lub swb xaab luam kub kws sws cog lug ca. Huv lub swb xaab hov muaj ib lub taig kub ntim mana muaj hau kaw huvsw, hab Aloo tug paas nreg kws hlaav nplooj hab muaj ob daim txag zeb kws sau txuj kevcai ca nyob huv. 5 Puab ua ob tug moj zeeg kub zoo le cov tubkhai sau ntuj ci ntsaa quas ab tsua sau lub swb xaab. Puab ua le hov qha has tas, qhov ntawm yog Vaajtswv lub chaw nyob. Ob tug ntawm puab ua muaj tis nthuav vuv qhov chaw kws Vaaj- tswv zaam txem tsua tuabneeg. Kuas nwgnuav tsw yog lub swmhawm kws yuav qha zaaj nuav tsua txhua tug huvsw. 6 Thaus npaaj tej ntawm tseg huv tuab sw lawm, cov pov thawj yuav tsum naj nub moog ua puab teg num huv lub tsev ntaub chaav nrau. 7 Tsuas yog tug tuam pov thawj hlub tuab leeg txha moog tau huv chaav kws zoo kawg nkaus. Ib xyoos nwg moog ib zag. Nwg nqaa cov ntshaav tsaj coj moog xyeem daws nwg hab suavdawg tej kev txhum kws suavdawg tsw nwm es ua txhum lawm. 8 Vaajtswv tug Ntsuj Plig qha tej ntawm tsua suavdawg paub tseeb has tas, thaus chaav nrau tseem muaj nyob, Vaajtswv tsw qheb kev tsua suavdawg moog huv qhov chaw kws zoo kawg nkaus. 9 Chaav nrau pev txug tam nuav ntaag. Lub ntsab yog has tas, tej hov txhua chaw hab tej tsaj kws muab tua xyeem tsua Vaajtswv tsw txawj ua tsua cov tuabneeg kws tuaj pe Vaajtswv ua tau tuabneeg zoo tsua txhua faab. 10 Tej ntawm tsuas yog zaub yog mov, yog dej haus hab yog tej kevcai ntxuav xwb. Tej ntawm yog tej kevcai kws tuabneeg yuav tsum xyum coj moog txug nub kws Vaajtswv muab ib puas tsaav yaam hloov dua tshab. 11 Yexu Kheto tub lug ua tug tuam pov thawj hlub saib ib puas tsaav yaam zoo kws nwgnuav tub muaj lawm. Lub tsev ntaub kws Yexu moog ua num huv, mas tseem ceeb dua hab zoo dua lub qub. Lub ntawm tsw yog tuabneeg txhais teg ua, hab tsw yog lub kws Vaajtswv tswm ca tsua huv nplajteb nuav. 12 Thaus Yexu moog huv lub tsev ntaub hov nwg moog huv qhov chaw kws zoo kawg nkaus tuab zag xwb, nwg tsw rov moog huv dua ib zag le lawm. Nwg tsw nqaa ntshaav tshws hab ntshaav mivnyuas nyuj coj moog xyeem, kuas nwg muab nwg cov ntshaav coj moog xyeem daws kuas peb dim peb lub txem moog ib txhws le. 13 Cov ntshaav tshws hab ntshaav txwv nyuj hab tej tshauv kws hlawv tug mivnyuas xyuas nyuj, puab coj moog nphoo tsua cov tuabneeg kws ua txhum kevcai. Tej tshauv hab tej ntshaav hov sau cov tuabneeg ntawm tej kev txhum moog. 14 Yog le ntawm, Yexu Kheto cov ntshaav yimfuab muaj qaabhau heev dua tej ntawm hab. Vaajtswv tug Ntsuj Plig kws muaj txujsa nyob moog ib txhws kuas Yexu muab Yexu lub cev kws zoo kawg nkaus pub tsua Vaajtswv theej tuabneeg. Nwg cov ntshaav ntxuav peb lub sab kuas peb dim tej kev txhum kws peb tau ua lug lawm peb txha ua tau Vaajtswv kws muaj txujsa nyob teg num. 15 Tub yog vem le ntawm Yexu Kheto txha ua ib txuj kevcai tshab, sub cov tuabneeg kws Vaajtswv hu lug ua Vaajtswv le tuabneeg lawm txha tau koob tau moov moog ib txhws lawv le tej lug kws Vaajtswv cog tseg. Puab yuav tau, tsua qhov muaj ib tug lug tuag daws puab tej kev txhum kws thaus puab tseem coj lawv le txuj qub kevcai ais puab ua lawm. 16 Yog thaus twg muaj tuabneeg muab daim ntawv kws sau faib qub txeeg qub teg lug nyeem, yuav tsum muaj ib tug paub tseeb has tas, tug kws sau daim ntawv hov tuag lawm tag. 17 Thaus tug kws sau tseem ua neej nyob mas daim ntawv hov tseem swv tsw tau, yuav yog tug kws sau daim ntawv hov tuag lawm mas txha swv tau daim ntawv hov. 18 Peb txha paub has tas, txawm yog thawj txuj kevcai los yuav tsum muaj nqaj nduag ntshaav nrug txha tseem ceeb. 19 Mauxe xub qha txhua nqai lawv le muaj huv txuj kevcai tsua suavdawg noog, nwg le maav muab ib rev nplooj '-huvxauv hab cov plaub yaaj kws muab foo lab lab lug raus tej ntshaav mivnyuas nyuj hab dej nchus tsua phoo ntawv kws sau Vaajtswv txuj kevcai, hab nchus tsua tej pejxeem. 20 Mauxe has tas, cov ntshaav nuav ua lub hom thawj nas tsua txuj kevcai kws Vaajtswv kuas mej coj. 21 Mauxe kuj muab ntshaav nchus tsua lub tsev ntaub hab tej hov txhua chaw kws suavdawg swv thaus puab pe Vaajtswv. 22 Qhov tseem ceeb lawv le Vaajtswv txuj kevcai yuav tsum muaj nqaj nduag ntshaav nrug mas txha le huv zoo yuav taag txhua yaam huvsw. Yog nqaj nduag hab ntshaav nrug, mas Vaajtswv txha le zaam tau tuabneeg lub txem.
Yexu rws tuabneeg lub txem
23 Txawm yog tej ntawm puav leej pev txug tej kws nyob sau ntuj ceeb tsheej los yuav tsum yog nqaj nduag ntshaav nrug txha lawv le kevcai, kuas tej kws nyob sau ntuj ceeb tsheej yuav tsum muaj yaam kws tswm txaj dua tej tsaj, txha hum Vaajtswv sab. 2h Tsua qhov Yexu Kheto tsw moog huv qhov chaw zoo kawg kws yog tuabneeg txhais teg ua. Qhov chaw ntawm tsuas yog lub chaw zoo kawg nkaus kws nyob sau ntuj tug yaam ntxwv xwb. Kuas nwg moog sau ntuj moog nyob ntawm Vaajtswv xub ndag thov Vaajtswv paab peb. 25 Cov Yutai tug tuam pov thawj hlub naj xyoo nqaa ntshaav tsaj moog huv qhov chaw zoo kawg nkaus. Kuas Yexu Kheto tsw naj xyoo muab nwg lub cev theej tuabneeg le ntawm. 26 Yog Yexu ua le ntawm tes txwj thaus tswm ntuj tswm teb lug nwg yuav tsum ib swj raug kev txom nyem ib zag lug txug naj nub nwgnuav. Kuas tam kawg nuav nwg le lug tuab zag xwb nwg muab nwg lub cev lug xyeem daws tau suavdawg lub txem huvsw lawm. 27 Txhua tug tuabneeg puav leej yuav tuag ib zag, tom qaab ntawm Vaajtswv le txav txem tsua puab. 28 Ib yaam le ntawm, Yexu Kheto muab nwg lub cev xyeem tsua Vaajtswv tuab zag xwb rws tau tuabneeg coob coob lub txem. Nwg yuav rov qaab lug dua ib zag. Zag nuav tsw yog nwg lug theej tuabneeg lawm, yog nwg lug paab cov tuabneeg kws saamswm tog nwg kuas puab dim plawg puab lub txem.
1 Cov Yutai txuj kevcai tsuas yog tej tseem ceeb kws yuav lug yaav peg suab nuav tug duab xwb, yeej tsw yog tug tseem tag tag. Txuj kevcai ntawm tsw txawj ua tsua cov tuabneeg kws naj xyoo nqaa hov txhua chaw moog xyeem daws puab lub txem ua tau tuabneeg zoo ib zag le. 2 Yog cov tuabneeg kws moog pe Vaajtswv ntawm dim puab lub txem lawm tag tag, tes puab yuav tsw naj nub xaav txug puab qhov txhum, hab puab yuav tsw muab hov txhua chaw moog xyeem daws puab lub txem lawm. 3 Qhov kws puab xyeem le hov tseem ua tsua puab naj xyoo ncu ntsoov puab tej kev txhum. 4 Tsua qhov tej ntshaav txwv nyuj hab tej ntshaav tshws yeej ntxuav tsw tau tuabneeg tej kev txhum hlo le. 5 Tub yog vem le hov thaus Yexu Kheto yuav lug huv nplajteb nuav, nwg has tsua Vaajtswv has tas, Koj tsw yuav tej tsaj kws tuabneeg tua xyeem daws txem Hab tej hov txhua chaw kws puab xyeem tsua koj, Yog le ntawm koj txha npaaj ib lub cev tsua kuv. 6 Tej tsaj kws tuabneeg muab hlawv taag nrho ib tug tsua sau lub rooj Hab tej kws puab coj tuaj theej puab, mas tsw hum koj sab. 7 Kuv txha has tas, Vaajtswv, kuv nyob ntawm nuav. Kuv yuav ua txhua yaam kws koj xaav kuas kuv ua, Lawv le muaj lug sau ca has txug kuv huv koj txuj kevca i. 8 Thaus chiv thawj Yexu has tas, Vaajtswv koj tsw yuav tej tsaj kws tuabneeg tua xyeem daws txem, hab tej hov txhua chaw kws puab pub tsua koj, hab tej tsaj kws tuabneeg muab hlawv taag nrho ib tug tsua sau lub rooj, hab tej kws puab coj tuaj theej puab. Txawm yog puab ua tej ntawm lawv le kevcai los tej ntawm puav leej tsw hum koj sab. 9 Mas nwg has tas, Vaajtswv, kuv nyob ntawm nuav. Kuv yuav ua txhua yaam kws koj xaav kuas kuv ua. Yog le ntawm Vaajtswv txha muab txuj qub kevcai kws tuabneeg coj tsaj tuaj tua theej hov tso tseg lawm, es muab dua ib txuj tshab lug tsua puab coj. 10 Vem Yexu Kheto ua txhua yaam lawv le Vaajtswv xaav kuas nwg ua, hab vem nwg muab nwg lub cev pub tsua Vaajtswv theej peb peb txha ua tau tuabneeg zoo tsw muaj ib qho txhum le. Qhov kws Yexu muab Yexu lub cev theej peb hov nwg ua tuab zag xwb mas theej tau moog ib txhws le. 11 Yutai cov pov thawj txhua tug naj nub sawv ntsug ua num muab tej tsaj hab tej hov txhua chaw xyeem daws txem, puab pheej xyeem tuab yaam qub xwb. Tej ntawm ntxuav tsw tau tuabneeg tej kev txhum hlo le. 12 Kuas Yexu Kheto nwg muab nwg xyeem tuab zag xwb, tes nwg theej tau moog ib txhws le. Dhau hov ntawm nwg moog nyob ntawm Vaajtswv saab xws. 13 Nwgnuav nwg tseem nyob ntawm tog moog txug nub kws Vaajtswv muab nwg cov yeeb ncuab lug ua rooj tsua nwg tag taw. 14 Nwg theej tuab zag xwb ua tsua cov tuabneeg kws nwg xub ntxuav lawm ua tau tuabneeg zoo kawg nkaus tsua txhua faab moog ib txhws le. 15 Vaajtswv tug Ntsuj Plig qha tsua peb has tas, yeej muaj le ntawm tag. Nwg xub has tas, 16 Vaajtswv has tas, dhau hov ntawm kuv yuav pub txuj kevcai nuav tsua puab. Kuv yuav kuas puab ncu ntsoov kuv txuj kevca i , Hab kuv yuav sau txuj kevcai ntawm tsua huv puab lub sab. 17 Hab Vaajtswv tug Ntsuj Plig has tas, kuv yuav tsw ncu ntsoov puab lub txem hab puab tej kev txhum ib zag le lawm. 18 Vaajtswv tub zaam tej kev txhum ntawm lawm, mas tsw txug peb yuav tua tsaj theej peb lawm.
Peb yuav tsum lug cuag Vaajtswv
19 Cov kwvtij, tub yog vem Yexu tuag theej peb, peb txha muaj feem moog huv lub chaw kws zoo kawg nkaus. 20 Nwg qheb txujkev tshab kws cawm tuabneeg txujsa tsua peb taug. Nwg qheb daim ntaub kuas peb tau kev moog lawm saab huv. Daim ntaub hov yog nwg lub cev. 21 Peb muaj ib tug tuam pov thawj hlub kws saib Vaajtswv tsev tuabneeg. 22 Yog le ntawm peb ca le ua sab dawb lug cuag Vaajtswv hab tso sab tsua nwg, tsua qhov peb paub has tas, Yexu cov ntshaav tub ntxuav peb lub sab, hab dej tub ntxuav peb lub cev huvsw lawm. 23 Tej kws peb qha has tas, peb ca sab tsua, peb yuav tsum muab sab npuab tsw xob tso tseg, tsua qhov peb paub tseeb has tas, Vaajtswv yeej yuav ua lawv le Vaajtswv tej lug cog tseg. 2h Peb yuav tsum ua tuab zoo saib saib peb yuav ua le caag ib tug txha txhawb tau ib tug tug zug kuas ib tug txawj hlub ib tug, hab ib tug ua zoo tsua ib tug. 25 Suavdawg yuav tsum tuaj ua ke noog lug qhuab qha tsw xob tso tseg yaam le kws muaj qee leej tau tso tseg lawm. Mej puav leej paub has tas tub yuav txug nub kws Yexu rov qaab lug, yog le ntawm peb ib leeg yimfuab yuav tsum txhawb ib leeg tug zug heev dua qhov qub. 26 Peb cov kws tub paub tseeb lawm yog peb tseem txhob txwm ua txhum tes yeej tsw muaj ib yaam daabtsw yuav daws tau peb lub txem lawm. 27 Peb tsuas muaj kev txhawj kev ntshai tog ntsoov nub kws Vaajtswv rau txem hab muab cov suav tawg kws kub heev coj lug hlawv cov tuabneeg kws tawm tsaam Vaajtswv xwb. 28 Yog muaj ob leeg lossws peb leeg ua tim khawv has tas, puab pum ib tug ua txhum Mauxe txuj kevcai tes ca le muab tug kws ua txhum ntawm tua pov tseg tsw xob khauv xwm nwg le. 29 Yog le ntawm tug kws saib tsw taug Vaajtswv tug tub, nwg yimfuab raug txem nyaav dua tug kws ua txhum Mauxe txuj kevcai. Tsua qhov nwg saib tsw taug Yexu cov ntshaav kws tub ntxuav nwg tej kev txhum ais kuas nwg ua tau tuabneeg zoo lawv le Vaajtswv txuj kevcai tshab. Hab nwg thuaj tug Ntsuj Plig kws Vaajtswv kws hlub peb pub tsua peb. 30 Tsua qhov peb paub tug kws has tas, kuv yuav pauj kuas tau, hab has tas, Vaajtswv yuav txav txem tsua nwg cov tuabneeg. 3 1 Suavdawg puav leej paub has tas, tug kws poob tsua huv Vaajtswv kws muaj txujsa nyob lub xwb teg, mas yuav ntshai kawg nkaus le. 32 Mej ca le ua tuab zoo xaav saib yaav tom ntej mej zoo le caag. Thaus Vaajtswv coj mej lug nyob huv qhov kaaj lawm, mas mej raug ntau yaam kev txom nyem los mej tseem ua sab ntev nyaj taug. 33 Muaj qee zag luas thuaj hab tswm txom mej taab meeg suavdawg. Thaus mej pum mej tuab paab raug luas tswm txom mas kuj mob mej sab. 3^ Mej hlub cov tuabneeg kws raug txem. Thaus muaj tuabneeg txeeb mej tej hov txhua chaw mej zoo sab ca puab nqaa moog, tsua qhov mej paub has tas, mej tub muaj yaam kws zoo dua tej ntawm lawm, hab yaam ntawm yuav nyob moog ib txhws. 35 Mej tsw xob poob sab, yog mej ca sab mej yeej yuav tau yeeb koob ntau. 36 Mej yuav tsum ua sab ntev, mej txha le ua tau lawv le Vaajtswv lub sab nyam, hab tau tej kws Vaajtswv cog lug tseg has tas nwg yuav pub tsua mej. 37 Lawv le muaj lug sau ca tsua huv Vaajtswv phoo ntawv has tas, Tshuav tsw ntev tug kws yuav lug, nwg yuav lug. Nwg tsw tog ntev lawm. 38 Mas kuv cov tuabneeg kws ncaaj nceeg hab tso sab tsua kuv yuav tau txujsa ntev moog i b txhws tsw kawg. Kuas yog puab cov muaj ib tug thim rov qaab lawm, Kuv yuav tsw zoo sab tsua tug ntawm. 39 Peb tsw yog cov kws thim rov qaab moog raug kev puam tsuaj, kuas peb yog cov kws ntseeg moog txug nub kws peb dim plawg peb lub txem.
Kev ntseeg
1 Kev ntseeg yog qhov kws yug paub tseeb has tas, yug yuav tau tej kws yug ca sab tsua, hab yog qhov kws yug ca sab ntsoov tsua tej kws yug qhov muag tsw tau pum. 2 Tub yog vem cov tuabneeg txheej thau u muaj sab ntseeg puab txha ua tau hum Vaajtswv lub sab. 3 Tub yog vem peb ntseeg peb txha paub has tas, thaus Vaajtswv tswm ntuj tswm teb, Vaajtswv has kuas muaj, tes txawm ca le muaj tag. Yog le ntawm mas tej kws peb qhov muag pum tub yog tshwm ntawm tej kws peb qhov muag tsw pum lug. 4 Tub yog vem Apee ntseeg, nwg txha muab tej kws zoo dua "Khayee le tuaj xyeem tsua Vaajtswv. Vem Apee ntseeg, Vaajtswv txha suav has tas nwg yog tug ncaaj nceeg. Tsua qhov tej kws nwg coj tuaj pub tsua Vaajtswv, mas hum Vaajtswv sab. Txawm yog Apee tub tuag lawm los nwgnuav nwg kev ntseeg tseem naj nub qha peb. 5 Tub yog vem Enauj ntseeg, Enauj txha tsw tuag. Vaajtswv coj nwg moog, tsw muaj leejtwg nrhav tau nwg tsua qhov Vaajtswv tub coj nwg moog lawm. Muaj lug sau ca tsua huv Vaajtswv phoo ntawv has tas, thaus Vaajtswv tseem tsw tau coj Enauj moog, mas Enauj ua hum Vaajtswv sab. 6 Tug kws tsw ntseeg, mas yeej ua tsw tau hum Vaajtswv sab. Tsua qhov tug kws xaav lug cuag Vaajtswv, nwg yuav tsum ntseeg has tas muaj Vaajtswv tag, hab ntseeg has tas tug kws lug cuag Vaajtswv yeej tsw nkim zug ib zag le. 7 Tub yog vem Nau-e ntseeg, Nau-e txha noog Vaajtswv lug. Vaajtswv txha qha tej xwm kws yaav tom hauv ntej yuav muaj lug kws Nau-e qhov muag tsw pum tsua Nau-e. Nau-e txha ua ib lub nkoj luj luj, nwg hab nwg tsev tuabneeg txha dim kev pluj kev tuag. Nau-e ua le ntawm tub yog nwg rau txem tsua tej tuabneeg kws tsw ntseeg Vaajtswv. Vem nwg ntseeg, Vaajtswv txha suav has tas nwg yog tug ncaaj nceeg. 8 Tub yog vem Aplahaa ntseeg, thaus Vaajtswv kuas Aplahaa tawm moog nyob lub tebchaws kws Vaajtswv cog lug tseg has tas, Vaajtswv yuav pub tsua nwg, nwg txha noog Vaajtswv lug. Nwg tawm huv nwg lub tebchaws moog, kuas nwg tsw paub sov nwg yuav moog lawm hov twg. 9 Tub yog vem nwg ntseeg nwg txha tau moog nyob lub tebchaws kws Vaajtswv cog lug tseg has tas, Vaajtswv yuav pub tsua nwg nyob. Nwg nyob huv lub tsev ntaub ib yaam le nwg tsw muaj teb tsw muaj chaw nyob. Tom qaab ntawm Yiha hab Yakhauj kws yog Aplahaa le tub ki kuj nyob huv tsev ntaub ib yaam le Aplahaa hab. Vaajtswv cog lug tseg tsua ob tug ib yaam le cog tsua Aplahaa. 10 Aplahaa nyob le ntawm tsua qhov Aplahaa saamswm tog nub kws Vaajtswv coj nwg moog huv lub nroog kws nyob moog ib txhws. Vaajtswv yog tug kws xaav tau hab ua lub nroog ntawm. 11 Tub yog vem Aplahaa ntseeg Aplahaa txha muaj tub muaj ki. Txawm yog nwg laug heev hab Xala ib txwm xeeb tsw taug tub los nwg ca sab has tas, Vaajtswv yeej yuav ua lawv le tej lug kws Vaajtswv cog tseg. 12 Txawm yog Aplahaa laug laug lawm tub yuav tuag los nwg tseem muaj xeeb leej xeeb ntxwv coob npaum le cov nub qub kws nyob sau nruab ntug, hab npaum le cov xuab zeb nraag ntug hav txwv kws tsw muaj tuabneeg suav txheeb. 13 Cov tuabneeg hov puab muab tsua sau sab ntseeg moog txug nub kws puab tuag los puab tseem tsw tau tau tej kws Vaajtswv cog lug tseg has tas nwg yuav pub tsua puab. Kuas puab ca sab has tas, yaav peg suab puab yuav tau, puab txha zoo sab tog. Puab leeg taab meeg suavdawg has tas, puab tsw muaj teb muaj chaw nyob huv nplajteb nuav, puab ua qhua xwb. 14 Peb paub has tas, cov tuabneeg kws has le ntawm, puab saamswm nrhav teb nrhav chaw nyob. 15 Puab yeej ncu tsw txug lub tebchaws kws puab tawm tuaj lawm. Yog puab ncu txug, nyab puab yuav tau rov qaab moog nyob. 16 Kuas puab xaav moog nyob lub tebchaws kws zoo dua lub ntawm. Lub tebchaws kws puab xaav moog nyob yog sau ntuj ceeb tsheej. Yog le ntawm Vaajtswv txha tsw txaaj muag ca puab hu nwg has tas, nwg yog puab tug Vaajtswv, tsua qhov Vaajtswv tub tu ib lub tebchaws ca tsua puab lawm. 17 Tub yog vem Aplahaa ntseeg mas thaus Vaajtswv swm Aplahaa sab Aplahaa txha yuav muab Yiha tua xyeem tsua Vaajtswv. Vaajtswv tub cog lug tseg tsua Aplahaa lawm los Aplahaa tseem zoo sab muab nwg tuab leeg tub coj moog tua xyeem tsua Vaajtswv hab. 18 Vaajtswv tub xub has tsua Aplahaa lawm tas, koj cov xeeb ntxwv yuav lug ntawm Yiha lug. 19 Aplahaa ca sab has tas, txawm yog Yiha tuag los Vaajtswv yuav tsaa Yiha sawv huv qhov tuag rov qaab lug. Qhov kws Vaajtswv taav tsw kheev Aplahaa tua Yiha pev ib yaam le Yiha sawv huv qhov tuag rov qaab lug lawm ntaag. 20 Tub yog vem Yiha ntseeg Yiha txha foom koob foom moov tsua Yakhauj hab Exau. Nwg qha tej kws yuav muaj lug tom hauv ntej tsua ob tug. 21 Tub yog vem Yakhauj ntseeg, thaus nwg yuav tuag nwg txha foom koob foom moov tsua Yauxej ob tug tub. Thaus nwg pe Vaajtswv nwg muab nwg tug paas nreg lug txheem nwg lub cev, tsua qhov nwg tub laug laug le lawm. 22 Tub yog vem Yauxej ntseeg, thaus Yauxej yuav tuag Yauxej txha has txug qhov kws cov Yixayee yuav tawm huv lyi tebchaws moog, hab nwg qha qhov chaw kws nwg kuas puab coj nwg lub cev moog log tsua puab. 23 Tub yog vem Mauxe nam hab Mauxe txwv ntseeg, thaus yug tau Mauxe ob tug txha muab nwg zais tau peb lub hlis. Ob tug pum tas, ob tug tug mivtub hov zoo nraug heev. Ob tug ua sab tawv tsw ua lawv le vaaj ntxwv tej lug. 24 Tub yog vem -Mauxe ntseeg, thaus nwg hlub lawm, nwg tsw kaam ca suavdawg hu nwg tas, nwg yog vaaj ntxwv "Falau tug ntxhais le tub. 25 Nwg pum zoo nrug Vaajtswv tsaav tuabneeg raug kev txom nyem. Nwg has tas, nwg ua le ntawm zoo dua le nwg moog ua tej kev phem kev qas kws nyob ib nyuas ntu xwb. 26 Nwg ntseeg has tas, Vaajtswv yuav khaiv tug Cawmseej lug paab Vaajtswv tsaav tuabneeg. Txawm yog tej kws nwg ntseeg le ntawm ua tsua luas thuaj nwg los nwg pum has tas, qhov ntawm muaj qaabhau heev dua ib puas tsaav yaam tswm txaj kws nyob huv lyi tebchaws, tsua qhov nwg saib ntsoov tej yeeb koob kws yaav peg suab Vaajtswv yuav pub tsua nwg. 27 Tub yog vem Mauxe ntseeg, Mauxe txha tawm huv lyi tebchaws moog. Txawm yog vaaj ntxwv chim tsua nwg los nwg tsw ntshai. Nwg tsw rov qaab lug, tsua qhov nwg ntseeg cuag le nwg qhov muag tub pum Vaajtswv kws suavdawg qhov muag tsw pum ntaag. 28 Tub yog vem nwg ntseeg nwg txha ua kevcai hlaa dhau hab kuas suavdawg muab ntshaav nchus tsua tej txag qhov rooj. Puab ua le ntawm tug tubkhai kws tua tuabneeg txha tsw tua cov Yixayee cov tub hlub. 29 Tub yog vem cov Yixayee ntseeg puab txha ca le moog tau huv hav txwv Lab ib yaam le moog sau nruab nqhuab. Kuas thaus cov lyi lawv qaab moog huv, dej ca le nphau lug txhub cov lyi tuag taag huvsw. 30 Tub yog vem cov Yixayee ntseeg mas thaus puab moog ncig lub moos Yelikau tau xyaa nub lawm, lub moos ntawm tej ntsaa loog txha ca le pob taag huvsw. 31 Tub yog vem tug nam puj muag cev kws npe hu ua Lahaj ntseeg nwg txha dim, nwg tsw nrug cov tuabneeg kws tsw noog Vaajtswv lug raug puam tsuaj, tsua qhov nwg hu ob tug tub tshuaj xu lug huv nwg tsev hab paab ob tug. 32 Kuv has tso tseg txwj nuav xwb tsua qhov kuv tsw muaj swmhawm txaus has txug Khete-oo, Npala, Xaxoo, Yetha, Tavi, -Xamuyee, hab cov xwbfwb cev Vaajtswv lug. 33 Tub yog vem puab ntseeg puab txha ntaus tau tebchaws. Puab ua tuabneeg ncaaj nceeg hab puab tau tej kws Vaajtswv cog lug tseg has tas, nwg yuav pub tsua puab. Puab ua tsua tsuv ntxhuav rua tsw tau qhov ncauj. \14 Puab tua tau cov suav tawg kws cig hlub hlub hab puab tswv dim nav ntaaj nav rag. Puab qaug zug kuas puab tsua rov muaj zug. Puab muaj tswvyim ua tsuv ua rog, hab puab ntaus yeej lwm tsaav tuabneeg tej tub rog. 35 Tub yog vem muaj qee leej quaspuj ntseeg puab txha tau puab tej tuabneeg kws tuag lawm sawv rov lug. Muaj qee leej tsw kaam tawm huv tsev loj faaj, puab zoo sab raug kev tswm txom moog txug nub tuag. Tsua qhov puab ca sab has tas, Vaajtswv yuav tsaa puab sawv huv qhov tuag rov lug, hab pub txujsa kws zoo dua puab txuj tsua puab. 36 Muaj qee leej raug luas thuaj hab raug luas nplawm. Muaj qee leej raug luas muab saw hlau khi hab raug luas muab kaw tsua huv tsev loj faaj. 37 Muaj qee leej raug luas muab pob zeb ntaus, muaj qee leej raug luas muab raab kaw, kaw ua ob yaa, muaj qee leej raug luas muab ntaaj tua. Muaj qee leej naav tawv yaaj tawv tshws moog tsua hov u hov nua, tsw muaj noj tsw muaj haus, txom nyem kawg le hab puab raug luas tswm txom. 38 Puab yog tuabneeg zoo dhau lawm, lub nplajteb nuav tsw phim tsua puab nyob. Puab tsw muaj vaag tsw muaj tse, puab moog nyob tom tej tebchaws moj saab qhua hab peg tej roob. Puab nyob huv tej qhov zeb qhov tsua hab khawb qhov aav nyob. 39 Tub yog vem puab ntseeg puab lub koob meej txha nrov nchaa quas lug moog thoob plhawv hov txhua hov chaw. Kuas puab tseem tsw tau tau te j kws Vaajtswv cog lug tseg has tas, nwg yuav pub tsua puab. 40 Tsua qhov Vaajtswv tub tu yaam kws zoo dua tej kws puab muaj lawm tsua peb. Vaajtswv yeej xaav kuas puab hab peb ib txhwj ua tau tuabneeg zoo kawg nkaus.
Vaajtswv yog peb txwv
1 Peb tub muaj puab cov ntawm tuam peb taav lawm. Mas peb txha yuav tsum muab txhua yaam kws lug thaiv peb kev hab tej kev txhum kws khi peb pov tseg. Peb ca le swv zug sws tw dha ncaaj nraim moog kuas txug qhov kawg. 2 Peb yuav tsum saib ntsoov Yexu kws pub kev ntseeg tsua peb, hab ua kuas peb kev ntseeg tav. Thaus puab muab nwg teem tsua sau ntoo khaublig, nwg ua sab ntev thev tej kev txom nyem ntawm. Nwg tsw suav has tas qhov kws nwg tuag sau ntoo khaublig ua tsua nwg poob ntsej muag, tsua qhov nwg paub has tas, thaus dhau tej kev txom nyem hov lawm nwg yuav zoo sab kawg le. Nwgnuav nwg tub moog nyob ntawm Vaajtswv lub zwm txwv saab xws lawm. 3 Mej yuav tsum ncu ntsoov Yexu tej kev txom nyem hab qhov kws nwg ua sab ntev tsua cov tuabneeg txhum kws ntxub nwg. Yog mej ua le ntawm mej yuav tsw poob sab hab tsw tso Yexu tseg. 4 Mej cov kws tawm tsaam kev phem mej tseem tsw tau tawm tsaam moog txug nub kws raug luas tua. 5 Mej tsw ncu tej lug kws Vaajtswv has txhawb mej tug zug lawm los. Vem mej yog nwg cov mivnyuas nwg txha has le hov. Nwg has tas, Mivtub, thaus Vaajtswv qhuab ntuag koj, koj yuav tsum ncu nwg tej lug ca. Thaus nwg tshev koj, koj tsw xob poob sab. 6 Tsua qhov Vaajtswv qhuab ntuag txhua tug kws nwg hlub. Hab nwg nplawm txhua tug kws nwg coj lug ua nwg tub. 7 Mej yuav tsum ua sab ntev thev tej kws mej raug, ib yaam le mej ua sab ntev tsua thaus mej txwv qhuab qha mej hab nplawm mej, tsua qhov tej hov yog qha kuas paub has tas, Vaajtswv qhuab qha mej vem mej yog nwg cov mivnyuas. Yeej tsw muaj ib tug mivnyuas kws leej txwv yuav tsw tau qhuab qha hab nplawm le. 8 Yog Vaajtswv tsw qhuab qha hab nplawm mej ib yaam le nwg qhuab qha nwg cov mivnyuas txhua tug, tes mej yeej tsw yog nwg cov mivnyuas tag, mej yog mivnyuas tsaub xwb. 9 Peb muaj nam muaj txwv qhuab qha hab nplawm peb, peb txha fwm ob tug. Yog le ntawm yimfuab tswm nyog peb noog peb txwv kws nyob sau ntuj ceeb tsheej tej lug, peb txha tau txujsa ntev moog ib txhws tsw kawg. 10 Thaus peb tseem yau peb nam peb txwv qhuab qha hab nplawm peb lawv le puab pum zoo xwb, kuas Vaajtswv qhuab qha hab nplawm peb kuas muaj qaabhau tsua peb, peb txha le ua tau tuabneeg zoo kawg nkaus ib yaam le Vaajtswv kws zoo kawg nkaus. 11 Thaus muaj kev qhuab qha peb, hab nplawm peb mas peb tsw zoo sab le, kuas thaus dhau tej kev qhuab qha hov lawm mas cov tuabneeg kws khaws tej lug qhuab qha hov tsua nruab sab yuav tswm txaj hab yuav tau nyob kaaj sab quas lug.
Tej lug kws qhuab qha suavdawg
12 Yog le ntawm mej yuav tsum muab mej txhais teg kws tsaug tsaug tsaa ua num, hab muab mej lub hauv caug kws tsw muaj zug, qoj kuas moog taug kev. 13 Mej yuav tsum taug kev ncaaj nraim moog kuas txug qhov kawg. Mej ua le ntawm mas txhais kwtaw kws ceg tawv lawm txha le zoo. Yog mej tsw ua le ntshai tsaam yuav khu tsw tau. 14 Mej yuav tsum ua sab ntev nrug suavdawg sws raug zoo hab mej yuav tsum xyum ua kuas zoo kawg nkaus, tsua qhov tug kws tsw ua zoo le nuav, nwg yuav tsw pum Vaajtswv ib zag le. 15 Mej yuav tsum ceev faaj tsw xob kheev mej cov ib tug twg tsw quav ntsej Vaajtswv txuj koob txuj moov. Mej yuav tsum ceev faaj tsw xob kheev mej cov ib tug twg ua tuabneeg zoo le tsob tshuaj ab kws hlub tuaj ua tsua ntau leej muaj kev ntxhuv sab vem yog cov taug tshuaj hov. 16 Mej yuav tsum ceev faaj tsw xob kheev mej cov ib tug twg ua txhum kev nkauj kev nraug lossws ua tuabneeg saib tsw taug Vaajtswv le "Exau kws muab nwg feem kws nwg ua tij moog pauv tuab pluag mov noj xwb. 17 Mej tub paub lawm tas, tom qaab ntawm Exau xaav tau nwg txwv tej moov zoo kuas nwg tsw tau, tsua qhov nwg thim tsw tau tej kws nwg tau ua lug lawm. Txawm yog nwg quaj kua muag ndwg quas lawg los nwg tsw tau hlo le. 18 Mej tsw tau moog txug lub roob Xinai le kws cov Yixayee moog txug. Puab pum tsaus fuab quas nti muaj nplaim tawg cig lab quas ploog, hab cua daaj cua dub nrov nroo quas ntwg, 19 suab raaj nrov ntsug quas qeeg hab muaj ib lub suab has lug nrov nroo quas ntwg. Thaus suavdawg nov lub suab ntawm puab thov heev heev kuas tsw xob has ntxwv tsua puab lawm. 20 Tsua qhov puab tsw xaav nov tej lug kws has tas, yog ib tug tsaj tuaj chwv lub roob nuav mas yuav tsum muab pob zeb ntaus tug tsaj ntawm kuas tuag. 21 Suavdawg pum le ntawm suavdawg ntshai kawg le, Mauxe txha has tas, kuv ntshai ua ib ce tshee quas nyo. 22 Kuas mej tuaj txug lub roob Xi-oo hab tuaj txug Vaajtswv kws muaj txujsa nyob lub nroog. Lub nroog ntawm yog lub nroog Yeluxalee kws nyob sau qaum ntuj kws muaj cov tubkhai sau ntuj coob coob suav tsw txheeb le. 23 Hab mej tau tuaj nrug Vaajtswv cov tub hlub nyob ua ke zoo sab. Puab cov ntawm yog cov kws muaj npe sau ca tsua sau qaum ntuj, hab mej tuaj cuag Vaajtswv kws txav txem tsua suavdawg, hab tuaj txug ntawm cov tuabneeg ncaaj nceeg kws tuag lawm cov ntsuj plig. Vaajtswv tub ua tsua puab cov ntawm ua tau tuabneeg zoo kawg nkaus lawm. 24 Mej tuaj cuag Yexu, kws ua ib txuj kevcai tshab. Yexu cov ntshaav kws ndwg lug ywg suavdawg yog cov kws qha has txug tej kws zoo dua Apee cov ntshaav. 25 Yog le ntawm mej yuav tsum ceev faaj tsw xob tawv tsua tug kws qha mej. Cov tuabneeg kws tsw kaam noog tug kws qha Vaajtswv zaaj huv nplajteb nuav, mas puab tsw muaj ib tug dim le. Yog peb tsw noog tug kws has sau ntuj tuaj tej lug, tes peb yimfuab yuav raug txem nyaav dua puab cov ntawm hab. 26 Thaus hov Vaajtswv lub suab ua tsua lub nplajteb ua zug quas kais, kuas nwgnuav Vaajtswv cog lug tseg has tas, tseem tshuav ib zag kws kuv yuav ua kuas lub nplajteb ua zug quas kais, tsw yog lub nplajteb nuav xwb, kuas kuv yuav ua kuas lub ntuj ua zug quas kais hab. 27 Lu lug kws has tas, tseem tshuav ib zag, mas yog qha tsua suavdawg paub tseeb has tas, tej kws Vaajtswv tswm yuav ua zug quas kais hab yuav raug muab rhu moog. Kuas tej kws tsw ua zug yuav nyob khov kho moog le. 28 Yog le ntawm peb ca le ua Vaajtswv tsaug, tsua qhov peb muaj feem nyob huv lub tebchaws kws nyob ruaj moog ib txhws le. Peb yuav tsum ncu ntsoov nwg tshaav ntuj hab pe nwg lawv le nwg lub sab nyam. Thaus peb pe nwg peb yuav tsum fwm hab paub ntshai nwg. 29 Tsua qhov peb tug Vaajtswv yog cov nplaim tawg kws kub tau ib puas tsaav yaam yaaj taag huvsw.
Lub neej kws hum Vaajtswv sab
1 Mej cov ntseeg ib leeg yuav tsum hlub ib leeg ib yaam le kwvtij sws hlub. 2 Mej yuav tsum ncu ntsoov hu qhua lug huv mej tej tsev. Muaj tej tug hu tau tubkhai ntuj lug huv tsev los tub tsw paub tas yog tubkhai sau ntuj. 3 Mej yuav tsum ncu ntsoov tej tuabneeg kws raug kaw huv tsev loj faaj, ib yaam le mej nrug puab raug kaw hab. Mej yuav tsum ncu ntsoov cov tuabneeg kws raug kev tswm txom, ib yaam le mej nrug puab raug hab. 4 Txujkev sws yuav yog ib qho kws tseem ceeb, tswm nyog mej txhua tug yuav tsum saib taug qhov ntawm. Tug quasyawg hab tug quaspuj tsw xob laam moog nrug luas ua nkauj ua nraug. Vaajtswv yuav rau txem tsua cov tuabneeg kws ua txhum kev nkauj kev nraug, hab tsua cov tuabneeg kws ntxag luas quaspuj luas quasyawg. 5 Mej tsw xob qaug sab tsua nyaj tsua kub, mej muaj npaum le caag mej ca le txaus sab tsua tej kws mej muaj. Tsua qhov Vaajtswv has tas, kuv yuav tsw tso koj tseg hab tsw muab koj pov tseg ib zag le. 6 Yog le ntawm peb txha tsw ntshai, peb ca le has tas, Vaajtswv yog tug kws paab kuv, kuv yuav tsw ntshai. Leejtwg yuav ua tau le caag tsua kuv. 7 Mej yuav tsum ncu txug cov thawj kws yaav tom ntej saib mej hab qha Vaajtswv txujlug tsua mej. Mej yuav tsum ua tuab zoo xaav saib thau puab ua puab lub neej zoo le caag, hab puab tuag le caag. Mej yuav tsum muab tsua sau sab ntseeg ib yaam le puab. 8 Yexu Kheto nwg yeej zoo nwg le qub, naag hab nub nua nwg zoo le caag nwg yeej yuav zoo le ntawm moog ib txhws le. 9 Mej tsw xob ca tej tuabneeg kws qha txawv txawv ntxag tau mej yuam kev. Qhov kws mej lub sab muaj zug tub yog vem Vaajtswv foom koob foom moov tsua mej, tsw yog vem mej caiv tsw noj yaam u yaam nua. Tej kevcai hov paab tsw tau cov tuabneeg kws xyum coj lawv tej kevcai hov. 10 Cov pov thawj kws ua num huv cov Yutai lub tsev ntaub puab tsw muaj feem noj tej kws luas coj tuaj xyeem tsua sau peb lub rooj xyeem hov txhua chaw. 11 Cov Yutai tug tuam pov thawj hlub naj zag tua tsaj nqaa ntshaav moog xyeem huv qhov chaw kws zoo kawg nkaus, kuas nwg muab tug tsaj ntawm nqaa moog hlawv saab ntug loog nrau. 12 Tub yog vem le ntawm luas txha coj Yexu moog tua saab ntug nroog nrau. Yexu tuag le ntawm tub yog nwg muab nwg cov ntshaav ntxuav suavdawg lub txem huvsw moog. 13 Yog le ntawm peb ca le tawm moog cuag nwg saab ntug loog nrau es nrug nwg raug kev txaaj muag, lA tsua qhov huv nplajteb nuav yeej tsw muaj ib lub nroog kws yuav nyob moog ib txhws le tsua peb nyob, kuas peb saamswm tog lub nroog kws Vaajtswv ua ca tsua peb nyob yaav peg suab. 15 Yog le ntawm peb cov kws ntseeg Yexu, peb yuav tsum naj nub qhuas Vaajtswv moog le. Peb ua le ntawm kuj ib yaam le peb muab tej kws hum Vaajtswv sab pub tsua Vaajtswv sau lub rooj. Kuv has le nuav yog kuv has tas, peb lub qhov ncauj yuav tsum naj nub ua Vaajtswv tsaug. 16 Mej yuav tsum ncu ntsoov ua num zoo hab ib leeg paab ib leeg, yog mej paab le ntawm mas qhov kws mej ua hov zoo ib yaam le tej hov txhua chaw xyeem kws hum Vaajtswv sab. 17 Mej yuav tsum noog cov thawj kws saib mej tej lug hab ua lawv le puab has. Puab naj nub saib mej, puab tsw nkeeg tsw dhuav le, tsua qhov puab yuav tsum qha tej num kws puab ua lawm tsua Vaajtswv. Yog mej noog puab lug puab yuav kaaj sab quas lug ua puab tej num. Yog mej tsw noog, puab yuav ntxhuv sab xwb puab yuav paab tsw tau mej hlo le. 18 Thov mej naj nub thov Vaajtswv paab peb, tsua qhov peb paub tseeb has tas, peb tsw muaj kev txhum lawm, peb naj nub xaav ua tej num zoo xwb. 19 Kuv thov thov kuas mej suavdawg thov Vaajtswv khaiv kuv rov tuaj saib mej sai sai.
Xaa xuv hab foom moov tsua cov ntseeg
20 Vaajtswv tub tsaa peb tug tswv Yexu sawv huv qhov tuag rov lug lawm. Tub yog vem Yexu tuag nwg txha ua tau tug tswv yug yaaj kws muaj fwjchim luj kawg. Nwg cov ntshaav ua lub hom thawj nas tsua Vaajtswv txuj kevcai tshab kws yuav nyob moog ib txhws. 21 Thov Vaajtswv kws paab tau mej nyob kaaj sab quas lug pub ib puas tsaav yaam zoo kws mej yuav tsum muaj tsua mej, mej txha ua tau lawv le Vaajtswv lub sab nyam. Hab thov Vaajtswv ua num tsua peb cov kws ntseeg Yexu Kheto lub sab kuas peb ua tej kws hum Vaajtswv sab. Thov kuas Yexu Kheto tau koob meej moog ib txhws le. Amee. 22 Cov kwvtij, kuv thov mej ua sab ntev noog tej lug kws kuv sau tuaj txhawb mej tug zug nuav, tsua qhov kuv yeej sau tsw ntau pes tsawg tuaj tsua mej. 23 Kuv has tsua mej paub has tas, luas tub tso peb tug kwv Timaute tawm huv tsev loj faaj lawm. Yog nwg tuaj txug sai kuv yuav coj nwg nrug kuv tuaj saib mej. 24 Thov mej has tsua mej cov thawj hab tsua Vaajtswv tsaav tuabneeg txhua tug has tas, kuv ncu ncu puab. Cov kwvtij kws yog tuabneeg I tali puab has tas, puab ncu ncu mej hab. 25 Thov Vaajtswv foom koob foom moov tsua mej suavdawg.
1 Kuv yog Yakaupau kws yog Vaajtswv hab Yexu Kheto tug tubkhai. Kuv sau tsaab ntawv nuav xaa tsua Vaajtswv cov tuabneeg txhua tug kws tswv moog nyob thoob plhawv huv qaab ntuj nuav.
Tug kws ntseeg hab tug kws muaj tswvyim
2 Cov kwvtij, thaus mej raug ntau yaam kev ntxhuv sab ceb laaj, mej yuav tsum suav has tas, yog mej tau koob tau moov zoo kawg. 3 Tsua qhov mej tub paub lawm has tas, yog mej ua sab ntev thev tej kev ntxhuv sab, tes tej ntawm yuav ua tsua mej muab tsua sau sab ntseeg heev dua. 4 Kuas mej yuav tsum ua sab ntev moog le tsw xob tso tseg, mej txha le ua tau tuabneeg zoo kawg nkaus, tsw muaj ib qho kws lwm tug yuav thuaj tau. 5 Yog mej cov leejtwg tsw muaj tswvyim nwg ca le thov Vaajtswv, Vaajtswv yuav pub tswvyim tsua nwg, tsua qhov Vaajtswv yog tug kws sab dawb sab zoo pub ib puas tsaav yaam tsua suavdawg, nwg tsw khauv xwm le. 6 Kuas thaus mej thov Vaajtswv mej yuav tsum tso sab has tas, Vaajtswv yuav pub yaam kws mej thov tsua mej xwb xwb le. Tug kws tsw tso sab tsua Vaajtswv, tes nwg zoo ib yaam le tej dej hav txwv kws cua ntsawj ndaas moog ndaas lug. 7 Tug kws zoo le hov nwg tsw xob xaav has tas, Vaajtswv yuav pub tej kws nwg thov tsua nwg, 8 tsua qhov nwg lub sab ywj faab ywj fwj, nwg yuav ua yaam twg los nwg ua tsw tsheej.
Tuabneeg muaj hab tuabneeg pluag
9 Tug kwvtij ntseeg kws pluag, nwg yuav tsum zoo sab tsua thaus Vaajtswv tsaa nwg lub neej. 10 Hab tug kwvtij ntseeg kws nplua nuj nwg yuav tsum zoo sab tsua thaus Vaajtswv txu nwg lub neej. Tsua qhov cov tuabneeg kws nplua nuj puab puav leej yuav pluj moog ib yaam le tej paaj ntoo. 11 Thaus nub tuaj tshaav ntuj kub tes tej paaj ntoo yuav ntsws hab zeeg tsw zoo nkauj lawm. Ib yaam nkaus le ntawm thaus tug nplua nuj tseem saamswm ua nwg teg num ntxhuv quas nyo nwg yuav raug kev puam tsuaj.
Kev ntxhuv sab hab kev daag ntxag
12 Tug kws ua sab ntev thev tej kev ntxhuv sab, nwg yuav tau nyob kaaj sab quas lug, tsua qhov thaus nwg thev dhau lawm, nwg yuav tau txujsa kws Vaajtswv cog lug tseg has tas, Vaajtswv yuav pub tsua tug kws noog Vaajtswv lug hab nyam Vaajtswv. 13 Yog tej kev ntxhuv sab ntawm ua tsua nwg yuam kev ua txhum, nwg tsw xob has tas, yog Vaajtswv ntxag nwg, tsua qhov yeej tsw muaj leejtwg yuav ntxag tau Vaajtswv ua txhum, hab Vaajtswv yeej tsw ntxag kuas leejtwg ua txhum ib zag le. 14 Kuas tug kws yuam kev ua txhum yeej yog nwg lub sab kws nyam qhov phem coj nwg moog ua txhum nwg txha yuam kev. 15 Nwg lub sab kws xaav ua phem yeej yuav coj nwg moog ua txhum, thaus nwg ua txhum lawm, nwg yuav raug kev pluj kev tuag. 16 Cov kwvtij kws kuv hlub, mej tsw xob kheev leejtwg ntxag tau mej yuam kev. 17 lb puas tsaav yaam kws zoo, hab tej koob tej moov kws zoo kawg nkaus yeej yog Vaajtswv pub tsua peb. Vaajtswv yog tug kws tswm lub nub lub hli hab cov nub qub kws nyob sau nruab ntug. Lub nub lub hli yeej ua tsua nplajteb txawj kaaj txawj tsaus, kuas Vaajtswv tsw zoo le ntawm, Vaajtswv nwg yeej zoo nwg le qub. 18 Vaajtswv pum zoo qha nwg txujlug tseeb tsua peb kuas peb tau lug ua nwg cov mivnyuas, hab tau ua ib puas tsaav yaam kws Vaajtswv tswm lug lawm cov thawj.
Noog lug hab ua num
19 Cov kwvtij kws kuv hlub, mej yuav tsum ncu ntsoov has tas, txhua tug yuav tsum kub sab quas lug noog, kuas tsw xob maaj has, hab tsw xob chim sai. 20 Tsua qhov peb tej kev chim tsw txawj paab kuas peb ua tau tuabneeg ncaaj nceeg lawv le Vaajtswv lub sab nyam. 21 Yog le ntawm mej yuav tsum muab mej tej kev phem kev qas kws mej naj nub ua tso pov tseg huvsw. Mej ca le ua lawv le Vaajtswv has, hab khaws nkaus Vaajtswv tej lug kws nwg muab cog tsua huv mej lub sab lawm ca. Tej lug hov yuav paab tau kuas mej dim mej lub txem. 22 Mej yuav tsum ua lawv le Vaajtswv txujlug, mej tsw xob yog noog xwb. Yog mej noog xwb tsw ua lawv le, tes kuj ib yaam le mej rov ntxag mej 23 Tsua qhov tug kws noog Vaajtswv txujlug taag lawitf los nwg tsw ua lawv le, tes nwg zoo ib yaam le tug kws nwg saib nwg lub plhu huv daim av. 24 Nwg saib taag nwg tawm lawm, tes nwg tub tsw ncu sov nwg lub plhu zoo le caag lawm. 25 Kuas tug kws ua tuab zoo saib tseeb tseeb txuj kevcai zoo kawg nkaus kws paab tau kuas tuabneeg nyob kaab ntsaab, hab yog nwg pheej kawm tej lug ntawm ca tsua huv nwg lub sab, hab ncu ntsoov ua lawv le, tsw xob yog noog taag ais nov qaab lawm, tes Vaajtswv yuav foom koob foom moov tsua nwg. 26 Tug kws xaav has tas, nwg yog tug kws coj Vaajtswv kevcai nruj lawm, kuas nwg tsw ceev nwg tug nplaig, tes qhov kws nwg coj Vaajtswv kevcai nruj le hov kuj tsw muaj qaabhau hlo le, qhov kws nwg ua le hov tsuas yog nwg rov ntxag nwg xwb. 27 Txuj kevcai kws peb leej txwv Vaajtswv suav has tas yog txuj kevcai kws zoo kawg nkaus hab tseem ceeb yog le nuav,has tas mej yuav tsum hlub cov puj ntsuag hab cov mivnyuas ntsuag nog, tsua qhov puab raug kev txom nyem quaj ntsuag. Hab mej tsw xob moog nrug tuabneeg nplajteb ua phem ua qas.
Tsw xob xaiv leejtwg ntsej muag
1 Cov kwvtij, mej yog cov kws ntseeg peb tug tswv Yexu Kheto kws muaj fwjchim, mej tsw xob xaiv leejtwg ntsej muag ib zag le. 2 Thaus mej tuaj ua ke noog lug qhuab qha yog muaj ib tug nplua nuj naav rwg tsho zoo zoo, nwg coj nplhaib nyaj nplhaib kub, hab muaj ib tug txom txom nyem naav rwg tsho khaub khaub hlaab tuaj noog lug qhuab qha mej yuav ua le caag. 3 Mej yuav saib taug tug kws naav zoo zoo, mej yuav has tsua nwg has tas, koj lug nyob ntawm lub rooj zoo zoo nuav, huas mej has tsua tug txom nyem has tas, koj sawv ntawm kos lossws koj lug nyob huv peg teb ntawm peb kwtaw nuav los kuj tau. 4 Yog mej ua le nuav tes kuj yog mej ua tsw ncaaj, hab xaiv tuabneeg ntsej muag lawv le mej lub sab kws xaav phem xwb. 5 Cov kwvtij kws kuv hlub, mej ca le noog kuv has. Vaajtswv xaiv cov tuabneeg pluag huv nplajteb nuav lug ua cov kws muab tsua sau sab ntseeg Vaajtswv, hab lug ua Vaajtswv le tuabneeg lawv le Vaajtswv tau cog lug tseg lawm has tas, tug kws noog Vaajtswv lug, nwg yuav tau ua Vaajtswv le tuabneeg. 6 Kuas mej tsua saib tsw taug cov tuabneeg pluag. Cov tuabneeg kws tswm txom mej hab caab mej moog cuag tug tu plaub tub yog cov tuabneeg nplua nuj ntaag los sav. 7 Puab yog cov kws thuaj lub npe zoo kawg nkaus kws Vaajtswv tis tsua mej. 8 Yog mej ua lawv le Vaajtswv txuj kevcai kws sau ca tsua huv Vaajtswv phoo ntawv kws has tas, mej yuav tsum hlub kwvtij zej zog ib yaam le mej hlub mej lub cev txha yog mej ua zoo tag. 9 Kuas yog mej xaiv tuabneeg ntsej muag, kuj yog mej ua txhum. Txawm yog Vaajtswv txuj kevcai los yeej qha has tas, mej ua txhum lawm hab. 10 Tug kws ua txhum Vaajtswv txuj kevcai ib nqais xwb, tes kuj yog nwg ua txhum taag nrho txhua nqai huvsw. 11 Tsua qhov Vaajtswv kws has tas, tsw xob ntxag luas quaspuj quasyawg, nwg kuj has tas, tsw xob tua tuabneeg. Txawm yog mej tsw tau ntxag luas quaspuj quasyawg los yog mej tua tuabneeg tes kuj yog mej ua txhum kevcai lawm. 12 Yog le ntawm mej yuav tsum ceev faaj tej lug kws mej has, hab tej num kws mej ua, tsua qhov txuj kevcai kws paab tau kuas mej nyob kaab ntsaab yuav ua tsua mej raug txem. 13 Nub kws Vaajtswv teem txem Vaajtswv yuav teem txem tsua tug kws tsw hlub lwm tug. Kuas Vaajtswv yuav tsw teem txem tsua tug kws hlub lwm tug.
Tug kws ntseeg hab ua num
4 Cov kwvtij, yog muaj ib tug has tas, kuv yog tug kws ntseeg Vaajtswv, kuas nwg tsw ua lawv le nwg ntseeg, tes yuav muaj qaabhau daabtsw. Nwg has le ntawm xwb mas nwg kev ntseeg yuav paab tau nwg dim nwg lub txem los tsw tau. 15 Yog mej pum cov kwvtij ntseeg, tsw has quaspuj quasyawg yog puab tsw muaj noj tsw muaj naav, 16 mej ca le has tsua puab has tas, thov Vaajtswv foom koob foom moov tsua mej kuas mej muaj noj muaj naav, kuas mej tsw tau muab ib yaam daabtsw tsua puab, mej has le ntawm ais yuav muaj qaabhau daabtsw. 17 Txujkev ntseeg los kuj ib yaam nkaus le ntawm. Yog mej has tas, mej ntseeg, kuas mej tsw ua ib yaam num tshwm lug kuas pum mej kev ntseeg, tes mej kev ntseeg yeej tsw muaj qaabhau hlo le. 18 Tej zag yuav muaj ib tug has tsua kuv has tas, koj yog tug kws ntseeg, kuas kuv yog tug kws ua num. Kuv yuav teb tug ntawm has tas, koj swm qha koj txujkev ntseeg kws tsw ua num tshwm lug tsua kuv saib soj zoo le caag, ais kuv teg num le maav qha kuv txujkev ntseeg tsua koj saib 19 Koj ntseeg has tas, muaj tuab tug Vaajtswv xwb, koj ntseeg le ntawm yog lawm laub. Txawm yog daab los daab kuj ntseeg ib yaam le ntawm, hab daab ntshai ua ib ce tshee quas nyo. 20 Tug nam tuabneeg ruag, kuv yuav qha tsua koj paub tseeb has tas, txujkev ntseeg kws tsw ua num tshwm lug yeej tsw muaj qaabhau hlo le. 21 Peb yawm koob Aplahaa nwg ua le caag nwg txha ua tau hum Vaajtswv sab. Qhov kws nwg ua tau hum Vaajtswv sab tub yog qhov kws nwg muab nwg tug tub Yiha tso tsua sau lub rooj es yuav muab tua xyeem tsua Vaajtswv ntaag. 22 Koj tsw paub los, Aplahaa kev ntseeg hab nwg teg num yeej ua ib txwg. Nwg teg num txha ua tsua nwg yimfuab muab tsua sau sab ntseeg heev dua. 23 Tej nuav muaj lawv le tub muaj lug sau ca tsua huv Vaajtswv phoo ntawv has tas, Aplahaa ntseeg Vaajtswv, Vaajtswv txha coj Aplahaa lug nrug Vaajtswv sws raug zoo. Hab Vaajtswv hu Aplahaa has tas, Aplahaa yog kuv tug kwvluag. 24 Yog le ntawm mej txha paub has tas, tug kws Vaajtswv coj lug nrug Vaajtswv sws raug zoo, nwg yeej ua num, nwg tsw yog tug kws ntseeg xwb. 25 lb yaam le tug puj muag cev kws npe hu ua Lahaj. Nwg hu ob tug tub tshuaj xu lug huv nwg tsev, hab qha kuas ob tug tswv lwm txujkev moog. Qhov kws nwg paab ob tug le hov hum Vaajtswv sab. 26 Tug kws tsw muaj sa yeej yog tug kws tuag lawm. Ib yaam nkaus le ntawm, txujkev ntseeg kws tsw ua num tshwm lug kuj tsw muaj qaabhau daabtsw le.
Tug nplaig
1 Cov kwvtij, tsw tswm nyog mej txhua tug yuav ntshaw ua xwbfwb, tsua qhov peb paub has tas, Vaajtswv yuav ua tuab zoo tshuaj peb cov kws ua xwbfwb nruj dua le tshuaj lwm tug. 2 Peb txhua tug pheej ib swj yuam kev ua txhum ib zag. Tug kws tsw tau has txhum ib zag le kuj yog tug kws zoo kawg nkaus, nwg tswj tau nwg lub sab hab nwg lub cev huvsw. 3 Peb saam xauv neeg, neeg txha noog peb lug, peb txha kuas neeg moog tau lawv le kws peb xaav moog. h Mej yuav tsum xaav txug lub nam nkoj. Txawm yog lub nkoj luj kawg le, hab cua daaj cua dub ntsawj hlub npaum le caag los lub nkoj yeej yuav moog lawv le tug duav ntaus dej miv miv tom tw nkoj kws tug tsaav nkoj fwj. 5 Tug nplaig los ib yaam nkaus le hov, txawm yog tug nplaig miv miv los tug nplaig txawj has tau ntau zaaj. Mej swm xaav saib ib lub nyuas ncaig tawg miv miv xwb los kuj muaj peev xwm kub toj roob hauv peg txhua nrho. 6 Tug nplaig kuj zoo le suav tawg. Tug nplaig txawj ua tsua txujkev txhum nthuav luj moog thoob plawg yug lub cev, tug nplaig zwg suav tawg huv ntuj tawg lug hlawv peb txujsa. 7 Tuabneeg cob tau ib puas tsaav yaam tsaj noog lug, tsw has tsaj qus los yog, noog los yog, naab los yog, ntseg los yog, puav leej cob tau. 8 Kuas tsw muaj leejtwg cob tau tug nplaig. Tug nplaig phem kawg nkaus cob tsw tau, hab muaj taug ib yaam le taug naab. 9 Peb swv peb tug nplaig ua peb leej txwv Vaajtswv tsaug, hab peb swv peb tug nplaig tshev tej tuabneeg zej zog. Tej tuabneeg ntawm Vaajtswv tswm muaj yaam ntxwv zoo le Vaajtswv. 10 Lu lug kws ua Vaajtswv tsaug hab lu lug tshev puav leej yog tug nplaig has. Cov kwvtij, tsw tswm nyog yuav muaj le ntawm. 11 Dej qaab hab dej ab yeej tsw txhawv huv tuab lub qhov dej lug ib zag le. 12 Cov kwvtij, tsob txwv cua yeej tsw txw txwv kav laaj. Tsob txwv maab yeej tsw txw txwv cua, hab lub qhov dej daw yeej tsw txhawv dej tsuag.
Tug tswvyim kws lug sau ntuj lug
13 Yog mej cov muaj ib tug txawj ntse hab muaj tswvyim, nwg yuav tsum ua zoo, hab swv nwg tug tswvyim ua num, hab tsw xob khaav theeb, suavdawg txha pum has tas, nwg yog tug kws muaj tswvyim tag. 14 Kuas yog mej tseem ntxub lwm tug hab chim sab, hab xaav ua luj, mej tsw xob khaav has tas, mej muaj tswvyim hab ua num zoo. Yog mej khaav le ntawm yeej yog mej daag, hab tawm tsaam Vaajtswv txujlug kws yog qhov tseeb xwb. 15 Tug tswvyim zoo le ntawm, yeej tsw yog lug sau ntuj lug. Tug tswvyim ntawm yog nplajteb le, tsw yog Vaajtswv le, yog Daab Ntxwg Nyoog pub tsua mej xwb. 16 Yog muaj kev sws ntxub hab muaj tuabneeg ntshaw ua luj, tes yeej yuav muaj kev kub ntxhuv, hab yuav muaj ib puas tsaav yaam kev phem. 17 Kuas tug tswvyim kws lug sau ntuj lug mas zoo kawg nkaus, tug tswvyim hov tsw ntau ncauj hab paub cai, has lug zoo, nrug luas ua kwvtij kwvluag, muaj sab hlub lwm tug, muab tsua sau sab ua ib puas tsaav yaam num zoo, tsw xaiv leejtwg ntsej muag hab tsw zais sab. 18 Cov tuabneeg kws ua tsua suavdawg nyob sws hum yog puab ua sab ntev ua tej kws zoo, puab yuav paab tau suavdawg ua tau tuabneeg ncaaj nceeg.
Tsw xob ua le tuabneeg nplajteb ua
1 Yog daabtsw ua tsua mej sws ntaus sws tua, hab ua tsua mej sws caav sws tshe. Tsw yog tej kev phem kev qas kws nyob huv mej lub sab ua tsua mej ua le ntawm los. 2 Mej xaav yuav yaam nuav yaam u, kuas tsw tau tes mej txawm yuav tua luas pov tseg. Mej ntshaw luas tug, kuas tsw tau, tes mej txawm sws caav sws tshe, sws ntaus sws tua. Tej kws mej xaav yuav los mej tsw tau, tsua qhov mej tsw thov Vaajtswv. 3 Thaus mej thov mej tsw tau, tsua qhov mej lub sab phem, tej kws mej thov ntawm mej yuav coj moog swv lawv le mej lub sab nyam xwb. h Cov nam tuabneeg sab phem, mej tsw paub has tas, cov tuabneeg kws ua le tuabneeg nplajteb ua, tub yog puab ua yeeb ncuab tsua Vaajtswv lawm. Yog le ntawm tug kws ua le tuabneeg nplajteb ua, tub yog nwg txhob txwm ua yeeb ncuab tsua Vaajtswv. 5 Muaj lug sau ca tsua huv Vaajtswv phoo ntawv has tas, lub sab kws Vaajtswv pub tsua peb, mas xaav yuav yaam u yaam nua-heev. Mej tsw xob xaav has tas, lu lug ntawm tsw tseeb. 6 Kuas txuj koob txuj moov kws Vaajtswv pub tsua peb yimfuab zoo dua tej kws peb lub sab xaav yuav. Tsua qhov Vaajtswv phoo ntawv qha has tas, Vaajtswv yeej tawm tsaam tug kws khaav theeb, kuas Vaajtswv foom koob foom moov tsua tug kws tsw muab hlub. 7 Yog le ntawm mej ca le noog Vaajtswv lug. Mej yuav tsum tawm tsaam Daab Ntxwg Nyoog daab txha tswv ntawm mej moog. 8 Mej ca le lug cuag Vaajtswv, Vaajtswv txha lug cuag mej. Cov nam tuabneeg sab phem, mej yuav tsum ntxuav mej tej teg kuas huv. Cov nam tuabneeg sab phem, mej yuav tsum tu mej lub sab kuas zoo. 9 Mej yuav tsum ntxhuv sab quaj ntsuag. Mej cov kws luag luag mej ca le quaj. Mej cov kws zoo zoo sab mej ca le ntxhuv sab. 10 Mej ca le leeg tsua Vaajtswv has tas, mej yog cov kws tsw tswm txaj, Vaajtswv txha le tsaa mej ua cov kws tswm txaj.
Ib tug tsw xob thuaj ib tug
11 Cov kwvtij, mej ib leeg tsw xob has lug saib tsw taug ib leeg. Tug twg has lub saib tsw taug nwg kwv nwg tij, lossws thuaj nwg kwv nwg tij, tes kuj yog nwg saib tsw taug hab thuaj Vaajtswv txuj kevcai. Tug kws thuaj Vaajtswv txuj kevcai kuj yog nwg tsw coj lawv le Vaajtswv txuj kevcai lawm, nwg yog tug kws thuaj xwb. 12 Vaajtswv tuab leeg xwb txha yog tug kws ua kevcai tsua peb coj, hab teem txem. Vaajtswv tuab leeg xwb txha paab tau kuas tuabneeg dim lub txem, hab ua tau kuas tuabneeg puam tsuaj. Mej cov kws thuaj kwvtij zej zog, mej xaav has tas, mej yog leejtwg es mej yuav thuaj le hov.
Tsw xob khaav theeb
13 Mej cov kws has tas, nub nua lossws pigkig peb yuav moog lwm lub moos. Peb yuav moog nyob huv lub moos ntawm ib xyoos ua laag ua luam kuas tau nyaj ntau ntau. Mej ca le noog kuv qha. 14 Mej tub tsw paub sov pigkig mej txujsa yuav zoo le caag. Mej txujsa zoo ib yaam le tej fuab pw haav kws nyob ib nyuas plag xwb tes tub yaaj taag lawm. 15 Mej tsw xob has le ntawm, tswm nyog mej yuav tsum has tas, yog Vaajtswv pum zoo ca peb muaj txujsa nyob, peb yuav ua yaam nuav yaam u. 16 Kuas mej tsua tsw ua le ntawm, mej naj nub muab hlub hab khaav theeb. Tej nuav puav leej yog kev txhum huvsw. 17 Yog le hov tug kws paub ua zoo, kuas nwg tsw ua, mas nwg kuj muaj txem.
Ntuag cov tuabneeg nplua nuj
1 Mej cov kws nplua nuj, nwgnuav mej yuav tsun noog kuv has. Mej ca le quaj tsua qhov mej tub yuav raug kev txom nyem. 2 Mej tej hov txhua chaw tub lwj taag, hab mej tej rwg tsho ntsaum kaab rws tub muab noj taag lawm. 3 Mej tej nyaj tej kub tub xeb taag lawm. Tej xeb ntawm yuav ua tsua suavdawg pum mej tej kev txhum, hab yuav noj mej cev nqaj ib yaam le suav tawg kub. Mej cov kws nyob tam kawg nuav, mej naj nub khaws nyaj txag ca kuas mej nplua nuj. h Mej tsw tau muab nqe zug tsua cov tuabneeg kws mej ndav ua laj ua teb. Mej ca le noog lub suab kws puab tshev mej saib. Cov tuabneeg kws mej ndav hlais nplej puab lub suab quaj tub nrov moog txug Vaajtswv kws muaj fwjchim luj kawg nkaus lub qhov ntsej lawm. 5 Mej ua neej nyob huv nplajteb nuav, mej muaj noj seem noj tsw taag hab naj nub muaj kev lom zem kawg le hoj. Mej txaav kuas mej rog ib yaam le luas txaav tug laag npua yuav ca tua noj tsab. 6 Mej rau txem tsua tug kws tsw tau ua txhum hab muab nwg tua pov tseg los nwg kuj tsw tawm tsaam mej le.
Cov ntseeg yuav ua sab ntev hab yuav thov Vaajtswv
7 Cov kwvtij, mej yuav tsum ua sab ntev tog nub kws tug tswv Yexu lug. Mej swm saib tug kws ua laj ua teb saib nwg ua sab ntev le caag tog lub caij kws nwg yuav sau qoob loos. Nwg ua sab ntev" tog naag tshab lug hab tog naag ntuj tsaug. 8 Mej yuav tsum ua sab ntev ib yaam le nwg, mej tsw xob txhawj, tsua qhov tub yuav txug nub kws tug tswv Yexu lug. 9 Cov kwvtij, mej ib leeg tsw xob ywg ib leeg Vaajtswv txha le tsw teem txem tsua mej. Tug teem txem tub lug txug ntawm qhov rooj lawm. 10 Cov kwvtij, mej yuav tsum ua sab ntev ib yaam le cov xwbfwb cev Vaajtswv lug kws Vaajtswv khaiv lug qha suavdawg. Txawm yog puab raug kev tswm txom heev npaum le caag los puab tseem ua sab ntev nyaj tej kev tswm txom ntawm. 11 Cov tuabneeg kws ua sab ntev thev kev tswm txom, mas peb hu ua cov kws tau koob tau moov. Mej tub nov lawm tas, "Yauj yog tug kws ua sab ntev, hab mej paub has tas, thaus kawg Vaajtswv foom koob foom moov tsua Yauj ntau kawg le. Vaajtswv ua le ntawm tsua qhov Vaajtswv yog tug kws muaj sab khuv leej hab hlub kawg nkaus le. 12 Cov kwvtij, qhov kws tseem ceeb dua tej kws kuv has lug lawm yog le nuav, thaus mej cog lug daabtsw tseg mej tsw xob twv ntuj twv teb lossws twv txug ib yaam daabtsw hlo le. Yaam kws yog, mej ca le has tas, yog. Yaam kws tsw yog, mej ca le has tas, tsw yog, Vaajtswv txha tsw teem txem tsua mej. 13 Mej cov yog leejtwg raug kev txom nyem, tug ntawm yuav tsum thov Vaajtswv. Yog leejtwg zoo sab, tug hov yuav tsum hu nkauj qhuas Vaajtswv. 14 Mej cov yog leejtwg muaj mob, tug ntawm yuav tsum khaiv tuabneeg moog hu cov kws saib cov ntseeg tuaj thov Vaajtswv paab nwg, hab tuav Yexu lub npe muab roj pleev tug mob. 15 Yog puab tso sab has tas, Vaajtswv yuav teb puab tej lug thov, tes tej lug kws puab thov hov yuav paab tau tug kws mob hov zoo. Vaajtswv yuav pub sa pub zug tsua nwg kuas nwg muaj zug le qub. Hab Vaajtswv yuav zaam tej kev txhum kws nwg tau ua lug lawm huvsw. 16 Yog le ntawm mej ib leeg yuav tsum leeg kev txhum tsua ib leeg, hab ib leeg thov Vaajtswv paab ib leeg mej tej mob txha le zoo. Tej lug kws tug tuabneeg ncaaj nceeg thov Vaajtswv mas muaj fwjchim heev. 17 Eliya yog ib tug tuabneeg zoo le peb xwb. Nwg kub sab quas lug thov kuas Vaajtswv tsw xob tso naag lug tsua huv nplajteb nuav, tes Vaajtswv txawm tsw tso naag lug tau peb xyoos hab rau hli. 18 Dhau hov ntawm nwg rov qaab thov kuas Vaajtswv tso naag lug, tes Vaajtswv txawm tso naag lug tsua huv nplajteb nuav, tej qoob loos txha tuaj taug. 19 Cov kwvtij, yog mej cov ib tug yuam kev poob ntawm Vaajtswv txujlug lawm, kuas muaj dua ib tug coj nwg rov qaab lug, 20 tes mej yuav tsum ncu ntsoov has tas, tug kws coj tug ua txhum lawm rov qaab lug cuag Vaajtswv, kuj yog nwg paab tau tug kws ua txhum hov dim txujkev tuag, hab Vaajtswv yuav zaam ib puas tsaav yaam kev txhum kws tug hov tau ua lug lawm huvsw.
1 Kuv yog Pestus kws yog Yexu Kheto tug tub-' khai. Kuv sau tsaab ntawv nuav xaa tuaj tsua mej txhua tug kws Vaajtswv tub xaiv ca lug ua Vaajtswv le tuabneeg lawm, kws tswv moog nyob tsua txhua qhov huv Phaunthau tebchaws, Kalata tebchaws, Kapataukha tebchaws, Axia tebchaws, hab Mpitima tebchaws. 2 Peb leej txwv Vaajtswv nwg tub xaiv mej lug ua nwg le tuabneeg, hab nwg khaiv nwg tug Ntsuj Plig lug paab kuas mej ua tau tsua Vaajtswv tau koob meej. Nwg muab Yexu Kheto cov ntshaav ntxuav mej lub sab kuas mej lub sab huv. Hab nwg xaav kuas mej noog Yexu Kheto lug. Thov Vaajtswv naj nub foom koob foom moov tsua mej. hab paab kuas mej tau nyob kaaj sab quas lug moog le.
Peb ca sab tog Vaajtswv txuj moov
3 Peb yuav tsum ua Vaajtswv kws yog peb tug tswv Yexu Kheto leej txwv tsaug. Nwg hlub peb kawg le nwg txha tsaa Yexu Kheto sawv huv qhov tuag rov qaab lug paab kuas peb ua tau tuabneeg tshab, peb txha ca sab ntsoov has tas, peb yuav tau txujsa ntev moog ib txhws tsw kawg. A Yog le ntawm peb naj nub tog saib nub twg peb yuav tau txuj koob txuj moov kws Vaajtswv npaaj tseg tsua Vaajtswv cov tuabneeg. Vaajtswv tub khaws txuj koob txuj moov hov ca sau qaum ntuj tog mej lawm. Txuj koob txuj moov ntawm tsw txawj lwj tsw txawj phem tsw txawj qub le. 5 Vaajtswv tub npaaj tej ntawm ca tsua mej lawm. Vaajtswv kws muaj fwjchim yuav tsom kwm mej cov kws tso sab tsua nwg. Hab thaus txug nub kawg Vaajtswv yuav ua tsua suavdawg pum has tas, mej tub dim plawg mej lub txem lawm. 6 Txawm yog mej raug kev txom nyem ntxhuv sab ib nyuas ntu los mej yuav tsum zoo sab tsua qhov kws mej tub dim mej lub txem lawm. 7 Qhov kws Vaajtswv ca mej raug tej kev txom nyem hov tub yog Vaajtswv swm saib mej muab tsua sau sab ntseeg npaum le caag. Txawm yog kub los tuabneeg tseem muab suav tawg swm saib yog tseem kub los tsw yog. Yog le ntawm, Vaajtswv txha muab mej txujkev ntseeg kws tswm txaj dua kub swm hab, saib mej yuav thev taug los tsw taug. Yog mej thev taug, mas thaus txug nub kws Yexu Kheto rov lug Vaajtswv yuav qhuas mej hab mej yuav tau ntsej muag. 8 Txawm yog mej tsw pum nwg los mej tseem nyam nwg hab noog nwg lug. Mej qhov muag tub tsw pum nwg los mej tseem tso sab tsua nwg, mej txha zoo sab kawg nkaus tsw pum qaab pav le. 9 Tsua qhov mej saamswm dim mej lub txem lawv le kws mej ntseeg has tas, Vaajtswv yuav paab mej. 10 Cov xwbfwb cev Vaajtswv lug, puab tub nrhav hab ua tuab zoo saib zaaj kws has txug txujkev dim lub txem tseeb tseeb lawm. Hab puab yog cov kws qha ua ntej has txug txuj koob txuj moov kws Vaajtswv yuav pub tsua mej. 11 Puab pheej tshuaj saib thaus twg le txug lub swmhawm kws muaj tej ntawm. Hab thaus txug lub swmhawm hov lawm tuabneeg yuav nyob le caag. Tsua qhov thaus Yexu Kheto tug Ntsuj Plig kws nyob huv puab lub sab qha lub swmhawm hov tsua puab nwg qha has tas, Yexu Kheto yuav raug kev tswm txom, hab dhau hov lawm Yexu yuav tau koob meej. 12 Vaajtswv tub qha tsua cov xwbfwb cev Vaajtswv lug paub lawm tas, tej num kws cov xwbfwb ua ntawm tsw muaj qaabhau tsua puab, kuas yuav muaj qaabhau tsua mej. Thaus hov puab tub qha tej zaaj tseem ceeb kws naj nub nwgnuav mej tub nov lawm, cov tuabneeg kws qha txuj xuv zoo kuj qha tej zaaj kws tseem ceeb hov tsua mej paub lawm hab. Puab cov ntawm yog cov kws muaj Vaajtswv tug Ntsuj Plig tug fwjchim kws Vaajtswv pub sau ntuj lug. Txawm yog cov tubkhai sau ntuj los puab kuj xaav paub tseeb has tas, tej kws tseem ceeb ntawm yog le caag tag.
Tug kws ua zoo kawg nkaus
13 Yog le ntawm mej yuav tsum tu mej lub sab zoo zoo ca, mej yuav tsum kub sab quas lug ua kuas hum Vaajtswv sab, hab ca sab ntsoov has tas thaus Yexu Kheto rov qaab lug Vaajtswv yuav pub Vaajtswv txuj koob txuj moov tsua mej. 4 Yaav tom ntej kws mej tseem tsw tau paub Vaajtswv, mej naj nub nyam ua txhum, kuas nwgnuav mej yuav tsum noog Vaajtswv lug, mej tsw xob ca tej kev phem kev qas kaav mej lub sab. 15 Vaajtswv kws hu mej lug ua nwg le tuabneeg yog tug kws zoo kawg nkaus. Yog le ntawm mej yuav tsum ua zoo kawg nkaus hab. 16 Tsua qhov tub muaj lug sau ca tsua huv Vaajtswv phoo ntawv has tas, mej yuav tsum ua tuabneeg zoo kawg nkaus, tsua qhov kuv yog tug kws zoo kawg nkaus. 17 Thaus mej thov Vaajtswv mej hu nwg has tas, txwv. Vaajtswv yog tug kws teem txem tsua txhua tug lawv le tej num kws suavdawg tau ua lug lawm, nwg tsw xaiv leejtwg ntsej muag le. Yog le ntawm mej yuav tsum fwm Vaajtswv moog taag mej swm neej. 18 Tsua qhov mej yeej paub lawm tas, Vaajtswv tub txhwv mej dim txuj qub kevcai kws mej puj koob yawm koob qha tsua mej lawm. Yaam kws Vaajtswv muab txhwv mej mas tsw txawj poob nqe le nyaj hab kub. 19 Yaam ntawm yog Yexu Kheto cov ntshaav kws muaj nqes heev. Yexu Kheto zoo yaam le tug mivnyuas yaaj kws tsw muaj ib qho phem kws tuabneeg muab tua xyeem daws txem. 20 Thaus tsw tau tswm ntuj tswm teb Vaajtswv tub xaiv Yexu Kheto ca lawm. Hab lub swmhawm kawg nuav, Vaajtswv khaiv Yexu Kheto lug paab mej huv nplajteb nuav. 21 Tub yog vem le ntawm mej txha ntseeg Vaajtswv kws tsaa Yexu Kheto sawv huv qhov tuag rov lug hab pub fwjchim tsua nwg. Yog le ntawm nwgnuav mej txha muab tsua sau sab ntseeg hab ca sab tsua Vaajtswv tuab leeg xwb. 22 Qhov kws mej ua lawv le Vaajtswv tej lug, mas ua tsua mej lub sab zoo zoo huv huv kaaj quas lug, mej txha muaj sab hlub txhua tug kws ntseeg Vaajtswv. Yog le ntawm mej ib leeg yuav tsum hlub ib leeg tag tag. 23 Tsua qhov mej yog cov tuabneeg kws tub yug dua tshab lawm. Qhov kws mej tau yug dua tshab ntawm, tub yog vem mej ntseeg Vaajtswv txujlug kws muaj txujsa nyob moog ib txhws. Tug kws yug mej hov nwg tsw txawj tuag, nwg muaj txujsa nyob ntev moog ib txhws tsw kawg. 24 Lawv le tub muaj lug sau ca tsua huv Vaajtswv phoo ntawv has tas, Tej tuabneeg txhua tug puav leej zoo ib yaam le tej nroj tsuag, Hab puab tug fwjchim zoo ib yaam le tej paaj nroj. Thaus tej nroj tsuag tuag lawm tes tej paaj nroj yuav zeeg taag, 25 Kuas Vaajtswv txujlug yuav nyob moog ib txhws le. Txujlug ntawm yog txuj xuv zoo kws tub muaj tuabneeg qha tsua mej paub lawm,
Lub pob zeb kws muaj sa hab cov tuabneeg kws Vaajtswv xaiv
1 Yog le ntawm mej yuav tsum tso ib puas tsaav yaam kev phem tseg. Tsw xob daag, tsw xob ua ob lub sab. hab tsw xob khib lwm tug, hab tsw xob thuaj lwm tug. 2 Mej yuav tsum ua le tug mivnyuas mog lab kws nyav yug, es ib swj noj mig ib zag. Cov kua mig ntawm pev txug Vaajtswv txujlug kws yug tuabneeg lub sab. Yog mej haus cov kua mig kws tsw muaj lwm yaam xyaw mas mej yuav hlub zoo, hab mej yuav dim mej lub txem. 3 Tsua qhov tub muaj lug sau ca tsua huv Vaajtswv phoo ntawv has tas, mej tub saaj Vaajtswv txuj koob txuj moov lawm. 4 Mej ca le lug cuag peb tug tswv Yexu kws muaj txujsa nyob. Nwg yog lub pob zeb kws puab has tas tsw muaj qaabhau, es puab muab pov tseg lawm. Kuas Vaajtswv xaiv lub ntawm, tsua qhov Vaajtswv pum has tas lub ntawm yog lub kws muaj qaabhau heev. 5 Mej yog cov pob zeb muaj sa kws Vaajtswv xaav muab lug ua lub tuam tsev. Yog le ntawm mej ca le lug cuag Vaajtswv, Vaajtswv yuav muab mej lug ua ib lub tsev tsua Vaajtswv tug Ntsuj Plig nyob. Mej yog cov pov thawj zoo kawg nkaus kws ua num huv lub tuam tsev. Teg num kws mej ua hov hum Vaajtswv sab, tsua qhov mej yog cov kws ntseeg Yexu Kheto. 6 Tub muaj lug sau ca tsua huv Vaajtswv phoo ntawv has tas, Kuv xaiv lub pob zeb tswm txaj kws muaj nqes heev ca, Thaus kuv ua lub nroog Xi-oo kuv muab lub pob zeb ntawm lug teeb ua lub thawj, Txhua tug kws ntseeg nwg mas yuav tsw nplaam tej kws puab ca sab tsua. 7 Lub pob zeb hov muaj qaabhau heev tsua mej txhua tug kws ntseeg. Kuas tsw muaj qaabhau tsua cov kws tsw ntseeg. Tub muaj lug sau ca tsua huv Vaajtswv phoo ntawv has tas, Lub pob zeb kws cov kws ua tsev has tas tsw muaj qaabhau es puab tsw yuav, Vaajtswv tub muab lub ntawm lug ua lub thawj lawm. 8 Muaj dua ib nqais huv Vaajtswv phoo ntawv has tas, Tuabneeg yuav dawm lub pob zeb hov, Mas lub pob zeb hov yuav ua tsua puab qaug. Qhov kws puab qaug ntawm tub yog vem puab tsw ntseeg Vaajtswv txujlug. Qhov hov yog lawv le Vaajtswv tub tu tseg tsua puab lawm. 9 Kuas mej yog cov tuabneeg kws Vaajtswv tub xaiv ca lawm, mej yog cov pov thawj kws ua Vaajtswv teg num, mej yog cov tuabneeg kws zoo kawg nkaus, hab mej yog Vaajtswv cov tuabneeg kws Vaajtswv yuav khaiv moog qha tej num tseem ceeb kws Vaajtswv tau ua lug lawm tsua suavdawg paub. Vaajtswv yog tug kws hu mej tawm huv qhov tsaus ntuj lug nyob huv Vaajtswv txujkev kaaj kws ci ntsaa quas ab. 10 Yaav tom ntej mej tsw yog Vaajtswv le tuabneeg, kuas nwgnuav mej yog Vaajtswv le tuabneeg lawm. Yaav tom ntej mej tsw tau Vaajtswv txuj koob txuj moov, kuas nwgnuav mej tub tau Vaajtswv txuj koob txuj moov lawm.
Vaajtswv cov tub qhe
11 Cov kwvtij, thov mej noog tej lug kws kuv qha mej. Mej tsw muaj vaag tsw muaj tse nyob huv nplajteb nuav, mej zoo yaam le cov tuabneeg kws tuaj ua qhua xwb. Mej tsw xob ca tej kev phem kev qas kws naj nub tawm tsaam mej kaav mej lub sab. 12 Mej yuav tsum ua zoo. Txawm yog cov tuabneeg tsw ntseeg Vaajtswv kws nrug mej koom zej koom zog nyob ua ke thuaj has tas, mej ua phem los puab yeej yuav pum tej num zoo kws mej ua, hab thaus txug nub kws Yexu rov lug puab yuav qhuas Vaajtswv. 13 Mej yog cov kws ntseeg peb tug tswv Yexu, mas mej yuav tsum noog num tswv lug, hab ua lawv le tej kevcai kws num tswv qha. Mej yuav tsum noog fuabtais lug, tsua qhov nwg yog tug kws muaj fwjchim luj dua tej num tswv huvsw. 14 Hab mej yuav tsum noog cov phuj vaj lug, tsua qhov fuabtais tsaa puab ua cov kws rau txem tsua cov tuabneeg kws ua txhum, hab qhuas cov tuabneeg kws ua zoo. 15 Vaajtswv xaav kuas mej ua zoo, sub cov tuabneeg tsw muaj tswvyim kws pheej laam tau laam has tej zaaj kws tsw muaj tseeb txha tsw muaj lug has. Yog mej ua le hov txha yog mej ua lawv le Vaajtswv lub sab nyam. 16 Mej yuav tsum nyob le tug kws nyob kaab ntsaab. Txawm yog mej nyob kaab ntsaab los Vaajtswv yeej txwv tsw kheev mej moog ua txhum, mej yuav tsum ua le mej yog Vaajtswv cov tub qhe. 17 Mej yuav tsum saib taug suavdawg hab hlub cov ntseeg. Mej yuav paub ntshai Vaajtswv hab fwm fuabtais.
Yexu Kheto ua yaam ntxwv tsua peb xyum
18 Mej cov kws yog tub qhe mej yuav tsum noog mej tug tswv lug hab fwm nwg. Tsw yog mej yuav noog tug tswv kws hlub mej hab ua sab ntev tsua mej xwb, kuas mej yuav tsum noog tug kws ua lim ham tsua mej hab. 19 Yog mej tsw tau ua txhum ais mej raug kev tswm txom los mej tsw tu sab, vem mej paub tas Vaajtswv xaav kuas mej ua le ntawm, tes Vaajtswv yuav foom koob foom moov tsua mej. 20 Yog mej ua txhum ais mej maag ntaus, tes txawm yog mej tsw tu sab los yeej tsw muaj leejtwg qhuas mej le. Kuas yog mej ua zoo ais mej raug kev tswm txom los mej tsw tu sab, tes Vaajtswv yuav foom koob foom moov tsua mej. 21 Vaajtswv yeej xaav kuas mej lub sab zoo le ntawm, tsua qhov Yexu Kheto tub raug kev tswm txom paab mej lawm. Nwg ua le ntawm tub yog nwg ua yaam ntxwv tsua mej xyum. 22 Yexu yeej tsw tau ua ib qho txhum, hab nwg tsw tau daag ib zag le. 23 Thaus puab tshev nwg, nwg tsw tshev puab. Thaus puab tswm txom nwg, nwg tsw foom puab, nwg ca le tso tej ntawm tsua Vaajtswv kws txav txem ncaaj nceeg. 2h Yexu Kheto yog tug kws rws peb lub txem sau tug ntoo khaublig. Nwg ua le ntawm kuas txujkev txhum txha tsw muaj fwjchim kaav peb, hab kuas peb ua tau tuabneeg ncaaj nceeg. Yexu tej qhov txhaab kws puab tswm txom nwg, tub khu mej zoo taag lawm. 25 Yaav tom ntej mej zoo le paab yaaj kws yuam kev lawm. Kuas nwgnuav tug tswv kws yug mej hab tsom kwm mej lub sab tub coj me j rov lug nrug nwg ua ke lawm.
Tug quaspuj hab tug quasyawg
1 Mej cov quaspuj yuav tsum noog mej tej quasyawg lug ib yaam nkaus le ntawm. Txawm yog mej tej quasyawg muaj qee leej tsw ntseeg Vaajtswv txujlug los thaus puab pum mej xyum zoo puab yuav lug ntseeg. Tsw txug mej yuav has ib lus tsua puab le. 2 Tsua qhov puab yeej yuav pum qhov kws mej xyum zoo zoo hab fwm puab. 3 Mej tsw xob xaav has tas, mej yuav tsum ntxag plaubhau zoo zoo lossws coj nyaj coj kub lossws naav tej tsoog zoo zoo mej txha le zoo nkauj. h Qhov kws mej zoo nkauj yog qhov kws mej muaj lub sab dawb sab zoo hab sab tug. Ob yaam nuav tsw txawj qub hab Vaajtswv pum has tas, muaj qaabhau heev. 5 Cov quaspuj txheej laug thau u kws noog Vaajtswv lug hab muab tsua sau sab ntseeg, puab lub sab zoo le ntawm, hab puab noog puab tej quasyawg lug. 6 Xala lub sab zoo le ntawm. Nwg noog Aplahaa lug hab hu Aplahaa has tas, tug tswv. Yog mej ua zoo hab tsw ntshai daabtsw hlo le, mas mej txha yog Xala cov ntxhais. 7 Mej cov kws yog quasyawg, mej yuav tsum naj nub ncu ntsoov has tas, quaspuj tsw muaj zug le mej. Yog le ntawm mej yuav tsum saib taug mej tej quaspuj, tsua qhov Vaajtswv yuav pub txujsa ntev moog ib txhws tsw kawg tsua puab hab tsua mej ib yaam nkaus. Yog mej ua le ntawm, thaus mej thov Vaajtswv txha le tsw muaj ib yaam daabtsw lug taab kaum mej lu lug thov.
Ib leeg yuav tsum hlub ib leeg
8 Thaus kawg nuav kuv thov qha mej has tas, mej yuav tsum ua ib lub sab thooj xeeb hum huv, ib leeg hlub ib leeg ib yaam le kwvtij kwvluag sws hlub, ib leeg paab ib leeg hab ib leeg saib taug ib leeg. 9 Mej tsw xob ua phem pauj phem, yog leejtwg tshev mej, mej tsw xob tshev pauj. Mej ca le thov Vaajtswv foom koob foom moov tsua puab. Tsua qhov thaus Vaajtswv hu mej lug Vaajtswv cog lug tseg has tas, Vaajtswv yuav foom koob foom moov tsua mej. 10 Lawv le tub muaj lug sau ca tsua huv Vaajtswv phoo ntawv has tas, Tug kws xaav tau nyob kaaj sab quas lug hab tau lub neej tug quas yeeg, Nwg yuav tsum tsw xob has lug phem, Hab tsw xob daag ib zag le lawm, 11 Nwg yuav tsum tso nwg tej kev phem tseg hab ua txuj zoo, Nwg yuav tsum muab tsua sau sab nrhav kev nyob kaaj sab quas lug. 12 Tsua qhov Vaajtswv yeej saib ntsoov cov tuabneeg ncaaj nceeg. Hab nwg naj nub noog puab tej lug thov, Kuas nwg tawm tsaam cov tuabneeg kws ua phem.
Mej yuav tsum ua zoo
13 Yog mej ua zoo, leejtwg yuav ua tau phem tsua mej. 14 Yog mej ua zoo lawm, tes txawm yog muaj tuabneeg tswm txom mej los mej yeej yuav tau nyob kaaj sab quas lug. Mej tsw xob ntshai puab hab tsw xob txhawj. 15 Mej yuav tsum fwm Yexu Kheto hab ca nwg ua tug tswv kaav mej lub sab, mej yuav tsum npaaj tog, mas yog thaus twg muaj tuabneeg nug mej has tas, vem le caag mej muaj chaw ca sab, tes mej txha paub teb. 16 Kuas mej yuav tsum ua tuab zoo qha tsua puab, tsw xob has lug saib tsw taug puab. Mej yuav tsum ua sab dawb sab zoo. Yog mej lub sab zoo le hov lawm, tes thaus cov tuabneeg kws thuaj mej pum tej num zoo kws mej cov ntseeg ua, puab yuav txaaj muag tsua mej. 17 Yog Vaajtswv pum zoo ca mej raug kev tswm txom mej tsw xob tu sab. Tsua qhov tej kws mej ua zoo ais mej raug kev tswm txom, mas zoo dua le qhov kws mej ua phem ais mej raug kev tswm txom. 18 Tsua qhov Yexu Kheto tuag tuab zag xwb txhwv tau mej lub txem lawm. Nwg yog tug ncaaj nceeg, nwg tuag txhwv cov kws tsw ncaaj. Nwg ua le ntawm nwg txha coj tau mej moog cuag Vaajtswv. Puab muab nwg lub cev tua pov tseg, kuas Vaajtswv tub tsaa nwg tug Ntsuj Plig sawv rov lug lawm. 19 Nwg tug ntsuj plig moog qha Vaajtswv txujlug tsua cov plig kws raug kaw ca lawm. 20 Cov plig ntawm yog cov tuabneeg thau u kws tsw noog Vaajtswv lug cov plig. Lub swmhawm kws Nau-e ua nkoj Vaajtswv ua sab ntev tsua puab cov ntawm, kuas puab tsw noog Vaajtswv lug. Cov tuabneeg kws moog nyob huv lub nkoj tsw muaj pes tsawg leej, tsuas muaj yim leej xwb, yim leej ntawm txha dim dej nyaab. 21 Cov dej ntawm pev txug txuj kevcai raus dej kws qha has tas, mej tub dim mej lub txem lawm. Txuj kevcai ntawm tsw tau qha has tas, yog ntxuav mej lub cev kuas huv, kuas qha has tas, mej yog cov kws tau cog lug tseg tsua Vaajtswv has tas, mej yuav ua lawv le Vaajtswv lub sab nyam. Txuj kevcai raus dej nuav paab tau mej, tsua qhov Yexu Kheto tub sawv huv qhov tuag rov lug lawm. 22 Nwg moog sau ntuj ceeb tsheej moog nyob ntawm Vaajtswv saab xws. Nwg kaav taag nrho cov tubkhai sau ntuj hab cov kws muaj fwjchim huvsw.
Yuav tsum ua lawv le Vaajtswv lub sab nyam
1 Yexu Kheto tub raug kev tswm txom lawm, mas mej yuav tsum xaav ib yaam nkaus le Yexu, mej txha le muaj zug. Tsua qhov tug kws raug kev tswm txom, mas kuj yog nwg tub tso txujkev txhum tseg lawm. 2 Yog le ntawm txwj nuav moog mej yuav tsum ua lawv le Vaajtswv lub sab nyam. Mej tsw xob ca kev phem kev qas kaav mej lub sab. 3 Yaav tom ntej mej naj nub ua le cov tuabneeg kws tsw ntseeg Vaajtswv ua, kuas nwgnuav mej tsw xob ua le ntawm lawm. Yaav tom ntej mej nyam ua phem ua qas, mej quav dej quav cawv, noj tsau haus qaug qw ua nqaaj ua nqug hab pe daab pe txoov daab kws yog ua txhum Vaajtswv kevcai. 4 Nwgnuav cov tuabneeg kws tsw ntseeg Vaajtswv xaav tsw thoob sov ua caag mej tsw nrug puab moog ua phem ua qas. Yog le ntawm puab txha thuaj mej. 5 Kuas puab cov ntawm nyag yuav tsum qha nyag teg num tsua Vaajtswv. Vaajtswv tub npaaj txhwj lawm, nwg yuav teem txem tsua cov tuabneeg caj hab cov tuabneeg tuag. 6 Tub yog vem le nuav txha muaj tuabneeg pav txuj xuv zoo tsua cov tuabneeg kws tuag lawm. Thaus puab tseem ua neej nyob puab tub raug teem txem ib yaam le suavdawg raug. Muaj tuabneeg pav txuj xuv zoo tsua puab sub thaus puab yog ntsuj plig puab txha tau nyob ib yaam le Vaajtswv.
Mej yuav tsum swv mej tug tswvyim kuas muaj qaabhau
7 Nwgnuav tub yuav txug lub swmhawm kws ib puas tsaav yaam huv nplajteb nuav puam tsuaj, mas mej yuav tsum ceev faaj hab tswj mej lub sab mej txha zoo thov Vaajtswv. 8 Qhov kws tseem ceeb dua tej huvsw yog qhov kws mej ib leeg yuav tsum hlub ib leeg tag tag, tsua qhov txujkev hlub nas tau ntau yaam kev txhum tseg. 9 Mej ib leeg yuav tsum zoo sab quas hlo hu ib leeg lug tsev tsw xob ywg le. 10 Vaajtswv tub pub tswvyim tsua mej txhua tug lawm. Yog le ntawm nyag yuav tsum swv nyag tug tswvyim kuas muaj qaabhau tsua lwm tug. 11 Tug kws ua teg num qha Vaajtswv txujlug nwg yuav tsum qha. Tug kws paab ua num, nwg yuav tsum swv tug daag tug zug kws Vaajtswv pub tsua nwg. Yog mej cov kws ntseeg Yexu Kheto ua le ntawm, mej yuav ua tsua Vaajtswv tau koob meej. Vaajtswv lub koob meej hab Vaajtswv tug fwjchim yuav nyob moog ib txhws le. Amee.
Tug ntseeg yeej yuav raug kev tswm txom
12 Cov kwvtij kws kuv hlub, mej tsw xob poob sab tsua qhov kws mej raug kev tswm txom. Tej kws mej raug ntawm tub yog swm mej. Mej tsw xob xaav has tas. tej kev tswm txom ntawm zoo tsw thooj le tej kws suavdawg ib txwm raug. 13 Kuas mej yuav tsum zoo sab tsua qhov kws mej raug kev tswm txom ib yaam le Yexu Kheto tub raug lug lawm. Thaus suavdawg pum nwg tug fwjchim kws ci ntsaa quas ab mej yuav zoo sab kawg nkaus le. 14 Yog leejtwg thuaj mej vem mej yog cov kws ntseeg Yexu Kheto, mej ca le zoo sab, tsua qhov tej kws puab thuaj mej hov tub qha tsua suavdawg paub has tas, Vaajtswv tub khaiv Vaajtswv tug Ntsuj Plig lug nrug mej nyob lawm. Tug Ntsuj Plig hov yog tug kws muaj fwjchim ci ntsaa quas ab. 15 Mej tsw xob tua tuabneeg, tsw xob ua tub saab, tsw xob ua phem, tsw xob thaab plaub. Yog leejtwg ua tej kev phem nuav tug hov yeej yuav raug kev txom nyem. 16 Kuas yog mej raug kev tswm txom vem mej ntseeg Yexu Kheto mej tsw xob txaaj muag, mej ca le ua Vaajtswv tsaug tsua qhov kws yog mej saib tsua Yexu Kheto. 17 Nwgnuav tub txug lub swmhawm kws Vaajtswv yuav teem txem lawm. Vaajtswv yuav xub tshuaj cov kws ntseeg Vaajtswv ua ntej. Yog Vaajtswv xub tshuaj peb ua ntej, tes thaus Vaajtswv tshuaj cov kws tsw ntseeg Vaajtswv txuj xuv zoo zaaj, puab yuav ua le caag. 18 Lawv le tub muaj lug sau ca tsua huv Vaajtswv phoo ntawv has tas, Yog cov tuabneeg kws ncaaj nceeg tub ceb laaj dim tau lub txem Tes cov tuabneeg txhum kws tsw noog Vaajtswv lug yuav ua le caag dim tau. 19 Yog le ntawm, yog Vaajtswv pum zoo ca mej raug kev tswm txom, mej yuav tsum kub sab quas lug ua tej num zoo, hab tso sab plhuav tsua Vaajtswv kws tswm mej. nwg yeej yuav ua lawv le nwg has.
Cov kws saib Vaajtswv paab yaaj
1 Kuv thov qha cov kws saib mej cov ntseeg Vaajtswv. Kuv yog ib tug kws saib cov ntseeg hab. Kuv tub pum Yexu Kheto raug kev tswm txom, hab thaus Yexu rov lug kuv yuav nrug nwg tau koob meej. 2 Mej yuav tsum yug paab yaaj kws Vaajtswv muab tsua mej saib. Vaajtswv tub pum zoo muab teg num ntawm tsua mej ua lawm. Mas mej yuav tsum zoo sab quas hlo ua tsw xob laam ua. Mej yuav tsum muab tsua sau sab ua tag tag, tsw xob pheej xaav txug tej nqe zug kws mej yuav tau xwb. 3 Mej tsw xob yuam paab yaaj kws Vaajtswv muab tsua mej saib, mej yuav tsum ua yaam ntxwv zoo tsua puab xyum. 4 Yog mej ua le ntawm, thaus tug tswv yug yaaj kws yog tug thawj rov lug, nwg yuav muab tug fwjchim ci ntsaa quas ab kws yuav nyob moog ib txhws ua nqe zug tsua mej. 5 lb yaam nkaus le ntawm mej cov kws yog tub hluas, mej yuav tsum noog cov yawm laug lug. Mej txhua tug yuav txu mej tug fwjchim hab ib leeg paab ib leeg. Tsua qhov tub muaj lug sau ca tsua huv Vaajtswv phoo ntawv has tas, Vaajtswv tawm tsaam tug kws khaav theeb, kuas Vaajtswv foom koob foom moov tsua tug kws txu fwjchim. 6 Yog le ntawm mej yuav tsum txu mej tug fwjchim, hab ca Vaajtswv kws muaj fwjchim kaav mej. Yog mej ua le ntawm thaus txug lub swmhawm kws Vaajtswv teem ca lawm, mej yuav tau koob meej. 7 Vaajtswv yog tug kws naj nub tsom kwm mej, mas mej ca le muab mej tej kev ntxhuv sab huvsw tso plhuav tsua Vaajtswv. 8 Mej yuav tsum ceev faaj zuv zoo, tsua qhov Daab Ntxwg Nyoog kws yog mej tug yeeb ncuab, nwg moog moog lug lug ib yaam le tug tsuv ntxhuav kws nyooj qos qawg moog nrhav noj. 9 Mej yuav tsum muab tsua sau sab ntseeg hab tawm tsaam Daab Ntxwg Nyoog. Tsua qhov mej tub paub lawm tas, cov kwvtij ntseeg kws nyob thoob plhawv huv qaab ntuj nuav, puab saamswm raug kev tswm txom ib yaam le mej raug hab. 10 Kuas thaus mej raug kev tswm txom ib nyuas ntu dhau lawm, tes Vaajtswv yuav paab kuas mej ua tau tuabneeg zoo kawg nkaus tsua txhua faab, hab kuas mej muab tsua sau sab ntseeg Vaajtswv heev dua. Nwg yuav txhawb mej tug zug kuas mej nyob ruaj nreeg. Nwg yog tug kws hlub mej kawg nkaus le. Nwg yuav pub nwg tug fwjchim ci ntsaa quas ab kws nyob moog ib txhws tsua mej cov kws tub nrug Yexu Kheto koom ua ib txujsa lawm. 11 Thov kuas Vaajtswv tug fwjchim muaj nyob moog ib txhws le. Amee.
Pestus xaa xuv tsua cov ntseeg
12 Tug kws paab kuv sau tsaab ntawv tuab tuab lu nuav yog Xilava. Nwg yog ib tug kwvtij ncaaj nceeg. Kuv sau tsaab ntawv nuav tuaj txhawb mej tug zug hab qha tsua mej paub has tas, Vaajtswv txuj koob txuj moov zoo kawg nkaus le. Mej yuav tsum muab tsua sau sab ua lawv le tej kws kuv tub qha tsua mej lawm. 13 Cov ntseeg kws nyob huv lub nroog Papiloo puab yog cov kws Vaajtswv tub xaiv ca ib yaam le xaiv mej lawm, puab has tas, puab ncu ncu mej. Kuv tug tub Malakau nwg has tas, nwg ncu ncu mej hab. 4 Mej ib leeg yuav tsum hlub ib leeg txha tswm nyog qhov kws mej yog cov ntseeg. Thov kuas mej txhua tug kws ntseeg Yexu Kheto lawm tau nyob kaaj sab quas lug.
1 Kuv yog Ximoo Pestus kws yog Yexu Kheto tug tubkhai. Kuv sau tsaab ntawv nuav xaa tsua cov ntseeg Yexu Kheto kws yog peb tug Vaajtswv hab peb tug Cawmseej. Nwg yog tug kws ncaaj nceeg, nwg coj mej hab peb lug ntseeg ib yaam nkaus. 2 Thov Vaajtswv naj nub foom koob foom moov tsua mej txhua tug kws paub Vaajtswv hab paub peb tug tswv Yexu Kheto lawm, kuas mej tau nyob kaaj sab quas lug.
Cov kws Vaajtswv hu hab xaiv ca lawm
3 Vaajtswv kws muaj fwjchim pub ib puas tsaav yaam zoo tsua peb kuas peb ua tau hum nwg sab. Nwg ua le hov tsua qhov peb paub tug kws hu peb lug koom nwg tug fwjchim, hab paab kuas peb ua tau tuabneeg ncaaj nceeg ib yaam le nwg. 4 Vaajtswv cog lug tseg has tas, nwg yuav muab nwg txuj koob txuj moov kws zoo kawg nkaus tsua peb sub mej lub sab txha zoo ib yaam le Vaajtswv lub. Nwg ua le hov kuas mej txhua tug kws tau txuj koob txuj moov hov txha dim kev puam tsuaj. Qhov kws muaj kev puam tsuaj hov vem yog tuabneeg nplajteb xaav phem xaav qas. 5 Vem le nuav mej yuav tsum yooj xeeb swv zug ua num zoo tsaav mej txujkev ntseeg, muab txujkev paub tsaav mej txujkev ua num zoo, 6 muab qhov kws mej txawj tswj mej lub sab tsaav txujkev paub, muab qhov kws ua sab ntev tsaav txujkev tswj lub sab, muab txujkev tso sab tsua Vaajtswv lug tsaav tsua txujkev kws ua sab ntev, 7 hab muab txujkev hlub lwm tug ib yaam le tej kwvtij sws hlub tsaav txujkev tso sab tsua Vaajtswv. Qhov kws mej sws hlub le hov yuav ua tsua mej paub sws hlub ib yaam le cov ntseeg sws hlub. 8 Yog mej naj nub ua zoo le hov tes tej hov yuav ua tsua mej paub peb tug tswv Yexu Kheto heev dua, hab mej yuav tawg paaj txw txwv. 9 Kuas tug kws tsw ua zoo le hov, kuj yog zoo le nwg qhov muag faam lawm, nwg pum tsw tseeb, hab nwg tsw ncu has tas, Yexu Kheto tub ntxuav nwg tej kev txhum huv quas sw lawm. 10 Yog le ntawm cov kwvtij, mej yuav tsum muab tsua sau sab ua num heev dua yaav taag lug lawm, txha tswm nyog qhov kws Vaajtswv hu hab xaiv mej ca lawm. Yog mej ua le ntawm mej yuav tsw yuam kev ib zag le. 11 Hab Vaajtswv yuav pub mej muaj feem moog nyob huv peb tug tswv Yexu Kheto kws yog peb tug Cawmseej lub tebchaws kws yuav nyob moog ib txhws le. 12 Vem le nuav kuv txha pheej has kuas mej ncu tej nuav, txawm yog mej tub paub tej nuav, hab mej muab tsua sau sab ua lawv le Vaajtswv txujlug lawm los xwj, kuv tseem yuav has mej hab. 13 Thaus kuv tseem ua neej nyob nuav, kuv xaav has tas, tswm nyog kuv yuav tsum has kuas mej ncu ntsoov tej nuav. 14 Tsua qhov kuv paub has tas, tshuav tsw ntev kuv yuav tso kuv lub cev nuav tseg, lawv le peb tug tswv Yexu Kheto tub qha tseeb tseeb tsua kuv lawm. 15 Yog le ntawm kuv xaav kuas mej ncu tej nuav ca. Thaus dua kuv lawm mej txha le ncu ntsoov moog le.
Cov tuabneeg kws pum Yexu tug fwjchim
16 Qhov kws has txug peb tug tswv Yexu Kheto tug fwjchim, hab qhov kws nwg yuav rov lug, peb tub qha tsua mej lawm. Thaus peb qha tej ntawm tsua mej peb tsw tau has lawv le tej lug nruag kws cov tuabneeg txawj ntse has. Yeej yog peb lub qhov muag pum ntsoov nwg tug fwjchim lawm ntaag. 17 Thaus Vaajtswv kws yog peb leej txwv pub Yexu tau koob meej hab pub tug fwjchim kws ci ntsaa quas ab tsua Yexu, tes peb yeej nrug nwg nyob ua ke ntawm. Hab Vaajtswv has sau ntuj tuaj tsua nwg has tas, tug nuav yog kuv tug tub kws kuv hlub, nwg ua hum kuv sab. 18 Thaus peb nrug nwg nyob sau lub roob kws tswm txaj hov peb puav leej nov lub suab kws has sau ntuj tuaj hov. 19 Yog le hov peb txha yimfuab tso sab tsua tej lug kws cov xwbfwb cev Vaajtswv lug tau qha tseg lawm. Yog mej khaws tej lug ntawm ca tsua huv mej lub sab mas yuav zoo heev, tsua qhov tej lug ntawm zoo ib yaam le lub teeb kws ci huv qhov tsaus ntuj moog txug thaus kaaj ntug, hab lub nub qub kws ci ci thaus yuav kaaj ntug yuav ci tsua huv mej lub sab. 20 Mej yuav tsum ncu ntsoov has tas, yeej tsw muaj ib tug kws yuav muaj tswvyim txhais tau tej lug kws nyob huv Vaajtswv phoo ntawv kws cov xwbfwb cev Vaajtswv lug qha. 21 Puab yeej tsw qha lawv le puab tug tswvyim, kuas puab qha lawv le Vaajtswv tug Ntsuj Plig kuas puab qha xwb.
Cov cuav xwbfwb
1 Yaav tom ntej u cov Yixayee muaj cov xwbfwb cev Vaajtswv lug kws qha tseeb hab muaj cov kws qha tsw tseeb. Naj nub nwgnuav mej yeej yuav muaj cov xwbfwb kws qha tsw tseeb ib yaam le txheej thau hab. Puab yuav qha tej zaaj kws yuav coj mej moog raug kev puam tsuaj tsua mej. Hab puab yuav tsw leeg has tas, puab paub Yexu Kheto kws tuag txhwv puab lawm. Tuab ntsais muag xwb puab yuav raug kev puam tsuaj moog. 2 Txawm yog le ntawm los tseem muaj ntau leej xyum ua phem ua qas lawv le cov tuabneeg ntawm ua. Tub yog vem puab xyum ua le ntawm txha muaj tuabneeg thuaj txujkev tseeb. 3 Cov cuav xwbfwb hov ua sab hlub, puab yuav has tej zaaj kws tsw tseeb ntxag mej kuas puab tau zoo xwb, tug kws yuav teem txem tub yuav teem txem tsua puab ntxuv lug lawm, hab tug kws yuav ua kuas puab puam tsuaj nwg tub npaaj txhwj lawm. 4 Tsua qhov Vaajtswv yeej tsw zaam txem tsua cov tubkhai sau ntuj kws ua txhum ib tug le. Nwg muab puab pov tsua huv ntuj txag teb tsaus. Puab yuav raug kaw huv qhov chaw tsaus ntuj ntawm moog txug nub kws Vaajtswv txav txem tsua puab. 5 Thaus Vaajtswv tso dej lug nyaab nplajteb, cov tuabneeg kws ua txhum puab tuag taag huvsw, tsw muaj ib tug dim le, tsuas yog Nau-e kws qha txujkev ncaaj nceeg, hab xyaa leej kws nrug Nau-e nyob ua ke txha dim xwb. 6 Vaajtswv rau txem tsua cov tuabneeg kws nyob huv lub moos Xautoo hab lub moos Kaumaula. Nwg tso suav tawg lug hlawv ob lub moos ntawm kub nyab taag huvsw. Nwg ua le hov tub yog nwg qha cov tuabneeg kws ua txhum kuas puab paub has tas, puab yuav puam tsuaj ib yaam nkaus le cov tuabneeg kws nyob huv ob lub moos ntawm. 7 Vaajtswv paab Lauj kws yog tuabneeg ncaaj nceeg dim. Lauj ntxhuv sab tsua cov tuabneeg kws ua kev phem kev qas kawg le. 8 Lauj yog tuabneeg ncaaj nceeg, nwg nrug cov tuabneeg ntawm nyob ua ke, mas nwg naj nub pum tej kev phem kws puab ua, hab nov tej lug phem kws puab has, nwg txha ntxhuv sab heev. 9 Yog le ntawm peb txha paub has tas, Vaajtswv paab tau cov tuabneeg kws ncaaj nceeg kuas puab dim puab tej kev ntxhuv sab. Hab Vaajtswv muab tau cov tuabneeg kws ua txhum kaw ca moog txug nub kws Vaajtswv txav txem tsua puab. 10 Thaus Vaajtswv teem txem tsua suavdawg, Vaajtswv yuav teem txem tsua cov tuabneeg kws ua phem ua qas hab tsw fwm Vaajtswv nyaav dua le nwg teem tsua suavdawg. Cov cuav xwbfwb puab lub sab tawv hab puab nyam ua lawv le puab lub sab xwb. Puab saib tsw taug cov tuabkhai sau ntuj. 11 Cov tubkhai sau ntuj muaj zug hab muaj fwjchim luj dua cov cuav xwbfwb hov los puab tub tsw thuaj hab tsw kom tsua Vaajtswv has tas, cov cuav xwbfwb hov ua txhum. 12 Kuas cov cuav xwbfwb hov puab ua lawv le puab lub sab nyam xwb. Puab ruag ib yaam le tej tsaj kws yug lug tsua luas cuab luas tua. Puab thuaj tej kws puab tsw to taub. Puab yuav raug kev puam tsuaj ib yaam le tej tsaj nruab nraag. 13 Puab yuav raug kev txom nyem tsua qhov puab tub ua tsua lwm tug txom nyem lawm. Txawm yog nruab nub quas lug los puab ywj ua phem ua qas, noj haus qw ua nqaaj ua nqug. Puab has tas, tej kws puab ua hov ua tsua puab zoo sab kawg le. Thaus puab nrug mej noj mov ua ke puab ua phem ua qas tsua ntawm mej xub ndag. Puab ua le ntawm tsua qhov puab yeej nyam tej kws puab ua. 4 Puab nyam ntxag tej quaspuj coj moog ua phem ua qas. Puab naj nub ua txhum tsw paub dhuav le. Puab ntxag cov tuabneeg kws tsw tshua muaj tswvyim moog ua txhum. Puab xyum ua tuabneeg sab hlub. Vaajtswv tub foom tsw zoo tsua puab lawm. 15 Puab tso txujkev ncaaj nceeg tseg, puab txha yuam kev moog ua txhum ib yaam le Npauxau tug tub Npala-aa Npala-aa ua txhum tsua qhov nwg ntshaw tej nyaj ntawm txujkev phem. 16 Nwg txha raug tshev has tas nwg ua txhum lawm, yog muaj ib tug luj txwv has tau lug le tuabneeg, txwv tsw kheev nwg moog ua dog ua dig le tej tuabneeg vwm ua. 17 Cov cuav xwbfwb hov zoo ib yaam le lub qhov dej kws qhuav lawm, hab zoo ib yaam le tauv fuab kws cua ntsawj yaa taag lawm. Vaajtswv tub npaaj lub chaw kws tsaus ntuj quas nti ca tsua puab lawm. 18 Puab nyam has lug ua dog ua dig tsw muaj qaabhau, hab khaav theeb, hab ua phem ua qas ntxag cov tuabneeg kws nyav tso txujkev txhum tseg kuas rov qaab yuam kev ua txhum. 19 Puab cog lug tsua cov tuabneeg ntawm has tas, puab yuav paab kuas cov tuabneeg ntawm tau nyob kaab ntsaab. Txawm yog puab has le hov los puab tseem ua txujkev puam tsuaj qhev. Tsua qhov tug kws nti tsw dim yaam kws khi nwg, tes nwg yeej ua yaam ntawm qhev. 20 Cov tuabneeg kws lug ntseeg Yexu Kheto kws yog peb tug Cawmseej puab tub dim tej kev phem huv nplajteb nuav lawm. Yog puab ca tej kev phem ntawm rov khi puab, tes thaus kawg puab yimfuab yuav phem dua thaus chiv thawj 21 Yog puab tsw tau paub Vaajtswv txujkev ncaaj nceeg le, tes zoo dua le kws puab paub lawm ais puab tsw ua lawv le tej lug kws Vaajtswv qha tsua puab. 22 Tej kws puab raug ntawm ua tsua suavdawg paub tseeb has tas, yeej muaj le zaaj paaj lug kws has tas, dev rov noj dev cov ntuav, hab tug npua kws luas muab dej ntxuav huv huv lawm los tseem rov moog daa paag kua aav dua.
Yexu yuav rov qaab lug
1 Cov kwvtij kws kuv hlub, tsaab ntawv nuav yog tsaab ob kws kuv sau xaa tuaj tsua mej. Tsaab ntawv nuav hab tsaab kws kuv xub sau xaa tuaj tsua mej lawm, kuv sau tuaj has mej txhua tug kws lub sab ncaaj nceeg kuas mej ncu ntsoov tej kws mej tub paub lawm. 2 Kuv xaav kuas mej ncu ntsoov tej lug kws thau u cov xwbfwb cev Vaajtswv lug kws ncaaj nceeg tau qha tseg lawm. Hab kuv xaav kuas mej ncu ntsoov tug tswv Yexu Kheto kws yog tug Cawmseej tej lug kws cov tubkhai tub qha tsua mej lawm. 3 Thawj lu kws kuv yuav qha mej yog le nuav, thaus txug lub swmhawm kawg yuav muaj tuabneeg thuaj mej. Cov tuabneeg hov yuav ua phem ua qas lawv le puab lub sab nyam. 4 Puab yuav nug mej has tas, nwg tub cog lug tseg lawm has tas, nwg yuav lug nua nev ais nwg nyob hov twg. Peb puj koob yawm koob tub tuag taag lawm, kuas txwj thaus Vaajtswv tswm ntuj tswm teb lug txug naj nub nwgnuav, ib puas tsaav yaam tseem muaj nyob le qub tub tsw muaj ib yaam txawv le. 5 Yog puab txhob txwm tsw ncu qhov kws thau u Vaajtswv has kuas muaj lub ntuj hab lub nplajteb, tes txawm ca le muaj lawv le Vaajtswv has. Lub nplajteb tawm huv dej lug hab Vaajtswv kuas dej nyob puag ncig lub nplajteb. 6 Tub yog vem dej nyaab lub nplajteb nuav, cov tuabneeg kws nyob txheej thau u txha le tuag taag lawm. 7 Hab yog Vaajtswv lu lug ceev lub nplajteb hab lub ntuj kws nwgnuav tseem muaj nyob, tsua suav tawg hlawv lawv le Vaajtswv tau has tseg lawm. Vaajtswv yuav ceev ca moog txug nub kws Vaajtswv teem txem. Nub ntawm cov tuabneeg kws ua phem yuav raug kev puam tsuaj. 8 Cov kwvtij kws kuv hlub, mej yuav tsum ncu ntsoov lu lug kws has tas, Vaajtswv saib mas ib nub ntev le ib txheeb xyoo, ib txheeb xyoo ntev le ib nub. 9 Muaj qee leej xaav has tas, Vaajtswv tseem yuav tog ntev Vaajtswv le maav ua lawv le Vaajtswv tau cog lug tseg lawm, kuas tsw yog le puab xaav. Vaajtswv ua sab ntev tsua mej vem nwg tsw xaav ca ib tug twg puam tsuaj le, nwg xaav kuas txhua tug nyag muab nyag tej kev txhum huvsw tso pov tseg. 10 Nub kws tug tswv Yexu Kheto lug nwg yuav lug zoo le tub saab tuaj. Nub hov yuav muaj suab nrov tseeg quas nkawg lub ntuj yuav pluj plag moog. Suav tawg yuav kub ib puas tsaav yaam kws nyob sau nruab ntug yaaj taag huvsw. Lub nplajteb hab ib puas tsaav yaam kws nyob huv nplajteb nuav yuav kub nyab taag huvsw hab. 11 Tej ntawm yuav puam tsuaj moog huvsw. Yog le ntawm mej yuav tsum ua zoo le caag. Tswm nyog'mej ua zoo kawg nkaus hab ua hum Vaajtswv sab. 12 Mej yuav tsum naj nub tog nub kws Vaajtswv yuav lug, hab muab tsua sau sab ua kuas nub ntawm lug txug sai. Nub ntawm yog nub kws lub ntuj yuav kub nyab taag hab suav tawg yuav kub ib puas tsaav yaam kws nyob sau nruab ntug yaaj taag huvsw. 13 Vaajtswv tub cog lug tseg lawm has tas, yuav muaj lub ntuj hab lub nplajteb tshab. Huv lub ntuj tshab hab lub nplajteb tshab kws peb naj nub tog muaj kev ncaaj nceeg xwb. 14 Yog le ntawm cov kwvtij kws kuv hlub, thaus mej tseem saamswm tog nub ntawm, mej yuav tsum muab tsua sau sab ua kuas zoo kawg nkaus, Vaajtswv txha pum tas, mej ua hum Vaajtswv sab hab mej tsw muaj ib qho txhum le. 15 Mej yuav tsum ncu ntsoov tas, qhov kws peb tug tswv Yexu ua sab ntev tsua mej, tub yog nwg ca swmhawm tsua mej dim mej lub txem. Peb tug kwv Povlauj kws peb hlub nwg tub sau tej ntawm qha tsua mej lawm. Nwg sau lawv le tej lug kws Vaajtswv kuas nwg sau. 16 Txhua tsaab ntawv kws nwg sau yeej has txug zaaj nuav. Tej kws nwg sau ntawm muaj qee lu tsw tshua yoojyim nkaag sab. Cov tuabneeg kws paub tsw tseeb hab lub sab ywj faab ywj fwj, puab txhais tej lug ntawm tsw lawv le lub ntsab, ib yaam le kws puab txhais lwm zaaj huv Vaajtswv phoo ntawv hab. Qhov kws puab ua le ntawm yuav ua tsua puab raug kev puam tsuaj xwb. 17 Kuas cov kwvtij kws kuv hlub, mej yeej paub le nuav lawm. Mas mej yuav tsum ceev faaj zoo. Ntshai tsaam mej yuam kev ua txhum ib yaam le cov tuabneeg phem ntawm ua, tes mej yuav tsw muab tsua sau sab ntseeg zuj quas zug lawm. 18 Mej yuav tsum muab tsua sau sab ntseeg mej txha paub peb tug tswv Yexu Kheto kws yog peb tug Cawmseej, hab paub nwg txujkev hlub zuj quas zug moog. Suavdawg yuav tsum fwm nwg moog ib txhws le, tsw has naj nub nwgnuav hab yaav peg suab. Amee.
Txujlug kws cawm tuabneeg txujsa ,
1 Peb sau has txug txujlug kws cawm tuabneeg txujsa qha tsua mej paub. Txujlug ntawm yeej muaj nyob thaus tsw tau tswm ntuj tswm teb lug lawm. Peb nov nwg tej lug, peb qhov muag tub pum nwg hab peb txhais teg tau tuav nwg. 2 Thaus tug kws cawm tuabneeg txujsa lug, peb puav leej pum nwg, peb txha has txug nwg, hab qha txujsa ntev moog ib txhws tsw kawg tsua mej. Txujsa ntawm yeej nrug nraim leej txwv nyob, hab leej txwv tub qha txujsa ntawm tsua peb lawm. 3 Peb qha tej kws peb pum hab peb nov lawm tsua mej, sub mej txha tau lug nrug leej txwv hab nwg tug tub Yexu sws raug zoo, ib yaam le peb tub nrug nwg sws raug zoo lawm. 4 Peb sau tej nuav tuaj tsua mej, peb txha zoo sab kawg nkaus le.
Vaajtswv yog qhov kaaj
5 Qhov nuav yog Vaajtswv tug tub qha tsua peb, peb txha qha tsua mej has tas, Vaajtswv yog qhov kaaj nwg tsw muaj ib qho tsaus le. 6 Yog peb has tas, peb tub nrug Vaajtswv sws raug zoo lawm, kuas peb tseem ua ib yaam le cov kws nyob huv qhov tsaus ntuj ua, tes tej kws peb has hab tej kws peb ua puav leej yog daag huvsw. 7 Kuas yog peb nyob huv qhov kaaj ib yaam le Vaajtswv kws nyob huv qhov kaaj, peb ib leeg yeej nrug ib leeg sws raug zoo, hab Vaajtswv tug tub Yexu Kheto cov ntshaav yuav ntxuav peb tej kev txhum huvsw moog. 8 Yog peb has tas, peb tsw muaj txem kuj yog peb rov daag peb xwb, peb yeej tsw paub qhov tseeb hlo le. 9 Kuas Vaajtswv yog tug kws ncaaj nceeg peb txha tso sab tau has tas, yog peb leeg txem tsua Vaajtswv tes Vaajtswv yuav daws peb lub txem hab ntxuav peb tej kev txhum huvsw moog. 10 Yog peb has tas, peb tsw tau ua txhum, tes kuj yog peb has tas, Vaajtswv daag, tes kuj yog peb tsw ntseeg Vaajtswv tej lug.
Yexu Kheto yog tug kws paab peb
1 Cov mivnyuas, kuv sau tej nuav tuaj qha mej, mej txha le tsw ua txhum. Kuas yog leejtwg ua txhum, mas peb muaj ib tug ncaaj nceeg kws thov leej txwv paab peb, nwg yog Yexu Kheto. 2 Yexu Kheto yog tug kws tuag theej peb lawm, Vaajtswv txha zaam tau peb lub txem. Tsw yog zaam tsua peb xwb, kuas nwg zaam tsua txhua tsaav tuabneeg huvsw hab. 3 Yog peb ua lawv le Vaajtswv tej lug, peb txha paub tseeb has tas peb paub Vaajtswv tag. 4 Yog muaj ib tug has tas, kuv tub paub Vaajtswv lawm, kuas nwg tsw ua lawv le Vaajtswv tej lug, tes kuj yog nwg daag xwb, nwg yeej tsw paub qhov tseeb hlo le. 5,6 Kuas tug kws ua lawv le Vaajtswv tej lug tug hov txha yog tug kws npuab Vaaj- tswv tag tag. Tug kws has tas, nwg tub nrug Vaajtswv sws raug zoo lawm, tes nwg yuav tsum ua zoo kawg nkaus le Yexu Kheto ua. Yog peb txhua tug ua zoo le ntawm peb txha paub tseeb has tas, peb tub nrug Vaajtswv sws raug zoo lawm.
Txuj kevcai tshab
7 Cov kwvtij kws kuv hlub, txuj kevcai kws kuv sau xaa tuaj tsua mej nuav tsw yog txuj tshab, yeej yog txuj qub kws mej ib txwm muaj thaus chiv thawj lug lawm. Txuj qub ntawm mej tub nov lawm. 8 Txawm yog le caag los xwj. Txuj kevcai kws kuv sau xaa tuaj tsua mej nuav yog txuj tshab, yog mej saib Yexu Kheto hab saib mej, mej yuav pum tas, txuj kevcai nuav yog txuj tseeb tag. Tsua qhov qhov tsaus ntuj saamswm yuav pluj moog, hab qhov kaaj kws ci ntsaa quas ab tub ci lug lawm. 9 Tug kws has tas, nwg nyob huv qhov kaaj, kuas nwg ntxub nwg kwv nwg tij, tug hov tseem nyob huv qhov tsaus ntuj. 10 Tug kws hlub nwg kwv nwg tij yog tug kws nyob huv qhov kaaj, nwg tsw ua ib yaam daabtsw tsua lwm tug ua txhum. 11 Kuas tug kws ntxub nwg kwv nwg tij, tug hov nyob huv qhov tsaus ntuj. Nwg moog kev ib yaam le tug kws xuas dub mo ntuj, nwg tsw paub has tas, nwg saamswm moog txuj twg vem qhov tsaus ntuj plooj nwg qhov muag lawm. 12 Cov mivnyuas, kuv sau tej nuav tuaj tsua mej tsua qhov Vaajtswv tub zaam txem tsua mej txhua tug vem yog nwg saib tsua Yexu Kheto. 13 Kuv sau tej nuav tuaj tsua mej cov kws yog txwv, tsua qhov mej tub paub tug kws ib txwm muaj sa nyob thaus chiv keeb lug lawm. Kuv sau tej nuav tuaj tsua mej cov kws yog tub hluas, tsua qhov mej tub tawm tsaam yeej Daab Ntxwg Nyoog lawm. 14 Cov mivnyuas, kuv sau tej nuav tuaj tsua mej, vem mej tub paub leej txwv lawm. Kuv sau tej nuav tuaj tsua mej cov kws yog txwv, vem mej tub paub tug kws ib txwm muaj sa nyob thaus chiv keeb lug lawm. Kuv sau tej nuav tsua mej cov kws yog tub hluas, mej muaj zug heev vem mej tub khaws Vaajtswv tej lug ca tsua huv mej lub sab hab mej tub tawm tsaam yeej Daab Ntxwg Nyoog lawm. 15 Mej tsw xob nyam nplajteb hab tsw xob nyam ib yaam daabtsw kws yog nplajteb le. Yog mej nyam nplajteb le lawm mej yeej tsw nyam leej txwv kws hlub mej. 16 Ib puas tsaav yaam kws yog nplajteb le, tsw has tej kws tuabneeg lub sab phem ntshaw, hab tej kws tuabneeg qhov muag pum es xaav yuav, hab txhua yaam huv nplajteb kws tuabneeg qhuas has tas, yog yaam kws tseem ceeb, tej ntawm puav leej yog nplajteb le, tsw yog leej txwv le. 17 Lub nplajteb hab ib puas tsaav yaam huv nplajteb kws tuabneeg ntshaw saamswm yuav pluj moog, kuas tug kws ua lawv le Vaajtswv lub sab nyam nwg yuav tau nyob moog ib txhws le.
Yexu Kheto tug yeeb ncuab
18 Cov mivnyuas, tub yuav txug lub swmhawm kawg. Mej tub nov lawm tas, tug kws ua yeeb ncuab tsua Yexu Kheto yuav lug. Nwgnuav tub muaj ntau leej ua yeeb ncuab tsua Yexu Kheto lawm. Yog le ntawm peb txha paub has tas, tub yuav txug lub swmhawm kawg. 19 Puab cov ntawm ncaim peb moog lawm,, puab yeej tsw yog peb cov. Yog puab cov ntawm yog peb cov tag tes puab yeej yuav nrug peb nyob. Kuas qhov kws puab ncaim peb moog tub ua tsua suavdawg paub tseeb lawm tas, puab yeej tsw yog peb cov. 20 Kuas Yexu Kheto tub khaiv Vaajtswv tug Ntsuj Plig lug nrug mej nyob lawm, mej txhua tug txha paub qhov tseeb. 21 Qhov kws kuv sau tsaab ntawv nuav tuaj tsua mej tsw yog vem mej tsw paub qhov tseeb, mej tub paub lawm, hab mej paub has tas, tug kws paub qhov tseeb nwg yeej tsw daag le. 22 Yog le ntawm, leejtwg yog tug kws daag. Tug kws daag tub yog tug kws has tas, Yexu tsw yog tug kws Vaajtswv khaiv lug ua Cawmseej. Tug kws has le hov tub yog nwg ua yeeb ncuab tsua Yexu Kheto lawm, tsua qhov nwg tsw ntseeg leej txwv. 23 Tug kws ntseeg leej tub kuj yog nwg ntseeg leej txwv lawm hab. 24 Yog le ntawm mej yuav tsum khaws tej lug kws mej nov thau u lug lawm ca tsua huv mej lub sab. Yog mej ncu ntsoov tej kws mej nov thau u lug lawm, mej yeej yuav naj nub nrug leej tub hab leej txwv sws raug zoo. 25 Qhov nuav yog lawv le tej lug kws Yexu Kheto cog tsua peb has tas, nwg yuav pub txujsa ntev moog ib txhws tsw kawg tsua peb. 26 Tej kws kuv sau tuaj tsua mej nuav, kuv has txug cov tuabneeg kws xaav ntxag kuas mej yuam kev. 27 Kuas Yexu Kheto tub khaiv nwg tug Ntsuj Plig lug nrug mej nyob lawm. Yog Yexu tug Ntsuj Plig nyob huv mej lub sab lawm, tsw txug muaj tuabneeg qha mej. Tsua qhov Vaajtswv tug Ntsuj Plig yog tug kws qha ib puas tsaav yaam tsua mej. Tej kws nwg qha tsua mej ntawm tsw muaj ib lus daag le, puav leej yog tseeb xwb. Yog le ntawm mej yuav tsum ua lawv le tej kws Vaajtswv tug Ntsuj Plig qha tsua mej, hab ca Yexu Kheto kaav taag nrho mej huvsw moog le. 28 Cov mivnyuas, mej yuav tsum ca nwg kaav mej huvsw. Yog mej ua le ntawm, mas thaus txug nub kws nwg rov lug mej hab peb txha le tsw ntshai. Hab thaus peb pum nwg peb yuav tsw txaaj muag tsua nwg. 29 Mej yeej paub has tas, Yexu Kheto yog tug kws ncaaj nceeg. Yog le ntawm nyab mej kuj paub has tas, txhua tug kws ua ncaaj nceeg puab yog Vaajtswv cov mivnyuas.
Vaajtswv cov mivnyuas
1 Mej swm ua tuab zoo xaav saib leej txwv hlub peb npaum le caag dag. Nwg hlub peb kawg nkaus le nwg txha hu peb tas peb yog nwg cov mivnyuas. Peb yeej yog Vaajtswv cov mivnyuas tag. Tub yog vem le ntawm cov tuabneeg kws tsw paub Vaajtswv txha tsw paub peb. 2 Cov kwvtij kws kuv hlub, nwgnuav peb yog Vaajtswv cov mivnyuas lawm, kuas peb tseem tsw tau paub tseeb has tas, yaav peg suab peb yuav zoo le caag. Peb tsuas paub has tas, thaus Yexu Kheto rov lug peb yuav zoo ib yaam le nwg, tsua qhov peb yuav pum tseeb has tas, nwg zoo le caag tag. 3 Txhua tug kws ca sab le nuav puab yuav tswj tau puab lub sab tsw moog ua txhum, puab txha zoo ib yaam le Yexu Kheto kws tsw tau ua txhum. 4 Tug kws ua txhum kuj yog nwg ua txhum Vaajtswv txuj kevcai, vem tas qhov txhum hov yeej yog txhum kevcai. 5 Mej tub paub lawm tas, qhov kws Yexu Kheto lug huv nplajteb nuav, tub yog nwg lug tuag daws tuabneeg lub txem. Hab mej kuj paub has tas, nwg tsw tau xaav txhum hab tsw tau ua txhum ib zag le. 6 Tug kws ca Yexu Kheto kaav nwg huvsw lawm, mas nwg tsw muaj nplooj sab kws ua txhum. Kuas tug kws tseem muaj nplooj sab ua txhum, yog nwg yeej tsw tau pum hab tsw tau paub Yexu Kheto hlo le. 7 Cov mivnyuas, mej tsw xob kheev leejtwg ntxag tau mej. Tug kws ua ncaaj, tug ntawm yog tug kws ncaaj nceeg ib yaam le Yexu Kheto kws yog tug ncaaj nceeg. 8 Tug kws nyam ua txhum nwg yog Daab Ntxwg Nyoog mivnyuas, tsua qhov Daab Ntxwg Nyoog yeej yog tug kws ua txhum thaus chiv keeb lug lawm. Qhov kws Vaajtswv tug tub lug huv nplajteb nuav, tub yog nwg lug rhuav Daab Ntxwg Nyoog teg num. 9 Tug kws yog Vaajtswv mivnyuas lawm yeej tsw muaj nplooj sab ua txhum, tsua qhov nwg yog Vaajtswv cov noob. Vaajtswv yog nwg txwv nwg txha tsw muaj nplooj sab ua txhum. 10 Tug kws ua txhum hab tug kws tsw hlub nwg kwv nwg tij, tug hov tsw yog Vaajtswv mivnyuas. Yog le ntawm peb txha paub has tas, tug twg yog Vaajtswv mivnyuas, tug twg yog Daab Ntxwg Nyoog mivnyuas.
Ib tug yuav tsum hlub ib tug
11 Tej lug kws has tas, peb ib leeg yuav tsum hlub ib leeg mej yeej nov thaus chiv keeb lug lawm. 12 Peb tsw xob ua le Khayee. Khayee ca Daab Ntxwg Nyoog kaav nwg lub sab, nwg txha muab nwg tug kwv tua pov tseg. Vem le caag Khayee txha tua Khayee tug kwv. Qhov kws nwg tua nwg tug kwv yog nwg tej num phem, huas nwg tug kwv tej num zoo nwg txha tua. 13 Cov kwvtij, yog tej tuabneeg kws nyob huv nplajteb nuav ntxub mej, mej tsw xob poob sab. 14 Peb paub has tas, peb tub dim txujkev tuag lawm, nwgnuav peb muaj txujsa tshab. Peb paub le nuav tsua qhov peb muaj sab hlub peb cov kwvtij. Tug kws tsw hlub lwm tug, kuj ib yaam le yog nwg tuag lawm. 15 Tug kws ntxub nwg kwv nwg tij kuj ua txhum ib yaam le tug kws tua tuabneeg. Mej tub paub lawm tas, tug kws tua tuabneeg yeej tsw muaj txujsa ntev moog ib txhws tsw kawg. 16 Yexu Kheto muab Yexu txujsa lug txhwv peb mas peb txha paub nwg txujkev hlub. Yog le ntawm tswm nyog peb yuav zoo sab muab peb txujsa txhwv peb tej kwvtij hab. 17 Tug kws nplua nuj yog nwg pum nwg kwv nwg tij txom nyem kuas nwg tsw quav ntsej puab le, nwg yuav ua le caag has tau has tas, nwg yog tug kws nyam Vaajtswv. 18 Cov mivnyuas, peb tsw xob hlub ntawm ncauj ntawm lug xwb, kuas peb yuav tsum paab puab, suavdawg txha le pum has tas, peb muaj sab hlub luas tag tag.
Peb tsw ntshai moog cuag Vaajtswv
19 Vem le nuav peb txha paub has tas, peb yog Vaajtswv kws yog qhov tseeb tej mivnyuas. Thaus peb moog cuag Vaajtswv peb yuav tsw txhawj tsw ntshai. 20 Tsua qhov thaus peb lub sab qha tsua peb has tas, peb ua txhum, peb paub has tas, Vaajtswv yog tug kws paub ib puas tsaav yaam huvsw, nwg yeej paub heev dua peb lub sab. 21 Yog le ntawm cov kwvtij kws kuv hlub, yog peb lub sab qha tsua peb has tas peb tsw ua txhum, tes thaus peb moog cuag Vaajtswv peb yuav tsw ntshai. 22 Yog peb noog nwg lug hab ua tej kws hum nwg sab, tes peb thov yaam twg nwg yuav pub yaam ntawm tsua peb. 23 Nwg qha tsua peb has tas, kuas peb ntseeg nwg tug tub Yexu Kheto, hab kuas peb ib leeg hlub ib leeg lawv le tej lug kws Yexu Kheto tub qha tsua peb lawm. 24 Tug kws ua lawv le Vaajtswv tej lug, kuj yog nwg nrug Vaajtswv sws raug zoo, hab Vaajtswv nrug nwg sws raug zoo. Mas peb txha paub has tas, Vaajtswv nrug peb sws raug zoo tsua qhov Vaajtswv tug Ntsuj Plig kws Vaajtswv pub tsua peb tub qha le ntawm tsua peb lawm.
Ntsuj plig cuav hab ntsuj plig tseeb
1 Cov kwvtij kws kuv hlub, mej tsw xob rawm ntseeg txhua tug kws has tas, puab muaj Vaajtswv tug Ntsuj Plig. Kuas mej yuav tsum ua tuab zoo saib, saib tug ntsuj plig kws puab muaj hov yog Vaajtswv tug tag los tsw yog. Tsua qhov muaj ntau leej daag has tas, puab yog cov xwbfwb cev Vaajtswv lug, puab moog qha txhua nrho hov txhua hov chaw lawm. 2 Txhua tug kws qha has tas, Yexu Kheto lug yug ua tuabneeg txha yog cov kws muaj Vaajtswv tug Ntsuj Plig. Thaus peb pum le ntawm peb txha paub tseeb has tas, cov twg yog cov kws muaj Vaajtswv tug Ntsuj Plig tag. 3 Kuas tug kws tsw leeg has tas, Yexu lug yug ua tuabneeg, tug ntawm tsw muaj Vaajtswv tug Ntsuj Plig. Tug ntsuj plig kws nwg muaj hov yog Yexu Kheto tug yeeb ncuab. Mej tub nov lawm has tas, tug ntawm yuav lug, nwgnuav nwg tub lug nyob huv nplajteb nuav lawm. 4 Cov mivnyuas, mej yog Vaajtswv le mivnyuas hab mej tub tawm tsaam yeej cov tuabneeg kws daag has tas, puab yog cov xwbfwb cev Vaajtswv lug lawm, tsua qhov Vaajtswv tug Ntsuj Plig kws nyob huv mej lub sab mas muaj fwjchim luj dua tug daab kws kaav cov tsw ntseeg. 5 Puab cov ntawm qha nplajteb zaaj xwb, tsua qhov puab yog tuabneeg nplajteb hab suavdawg nyam noog puab qha. 6 Kuas peb yog Vaajtswv cov mivnyuas. Tug kws paub Vaajtswv nwg yeej yuav noog peb qha. Tug kws tsw paub Vaajtswv nwg yeej tsw noog peb qha. Yog le ntawm peb txha paub has tas, tug twg muaj tug Ntsuj Plig kws qha qhov tseeb, tug twg muaj tug ntsuj plig kws qha tsw tseeb.
Vaajtswv yog txujkev hlub
7 Cov kwvti j kws kuv hlub, peb ib leeg yuav tsum hlub ib leeg, tsua qhov Vaajtswv yog tug kws pub txujkev hlub hab ua tsua peb txawj sws hlub. Tug kws muaj sab hlub luas nwg yog Vaajtswv mivnyuas hab nwg paub Vaajtswv. 8 Tug kws tsw muaj sab hlub luas nwg yeej tsw tau paub Vaajtswv. tsua qhov Vaajtswv yog txujkev hlub. 9 Vaajtswv khaiv nwg tuab leeg tub lug huv nplajteb nuav, mas peb cov kws ntseeg nwg tug tub txha tau txujsa tshab. Vaajtswv ua le ntawm tub yog Vaajtswv qha tsua peb has tas, Vaajtswv hlub peb. 10 Txujkev hlub lub ntsab yog le nuav, tsw yog peb hlub Vaajtswv, kuas yog Vaajtswv hlub peb hab nwg khaiv nwg tug tub lug tuag theej peb, Vaajtswv txha zaam tau peb lub txem. 11 Cov kwvtij kws kuv hlub, Vaajtswv tub hlub peb npaum le ntawm dag, mas tswm nyog peb ib leeg yuav tsum hlub ib leeg. 12 Yeej tsw tau muaj leejtwg pum Vaajtswv ib zag le. Yog peb ib leeg hlub ib leeg, Vaajtswv kuj nrug peb sws raug zoo hab nwg yuav pub kuas peb txawj hlub luas ib yaam le nwg hlub peb. 13 Vaajtswv tub pub Vaajtswv tug Ntsuj Plig tsua peb lawm, peb txha paub tas, peb nrug Vaajtswv sws raug zoo hab Vaajtswv nrug peb sws raug zoo. 14 Leej txwv khaiv tug tub lug ua tuabneeg nplajteb tug Cawmseej. Peb tub pum hab peb tub qha zaaj nuav tsua suavdawg paub lawm. 15 Tug kws qha has tas, Yexu yog Vaajtswv tug tub, Vaajtswv kuj nrug tug hov sws raug zoo, hab tug hov nrug Vaajtswv sws raug zoo. 16 Peb paub hab peb tso sab ntsoov has tas, Vaajtswv hlub peb. Vaajtswv yog txujkev hlub. Tug kws muaj sab hlub luas nwg kuj nrug Vaajtswv sws raug zoo, hab Vaajtswv nrug nwg sws raug zoo. 17 Qhov kws Vaajtswv xaav kuas peb muaj sab hlub luas ib yaam le nwg hlub peb, tub yog nwg xaav kuas peb tsw xob ntshai nub kws Vaajtswv teem txem. Tsua qhov peb cov kws nyob huv nplajteb nuav peb tub zoo ib yaam le Yexu Kheto lawm. 18 Vaajtswv tub hlub peb lawm, mas tsw txug peb yuav ntshai. Qhov kws Vaajtswv hlub peb kawg nkaus hov ua tsua peb tsw ntshai ib yaam daabtsw hlo le. Tug kws ntshai, tub yog nwg tseem tsw tau paub tseeb qhov kws Vaajtswv hlub nwg, hab nwg tseem tsw tau muaj sab hlub luas tag tag, nwg txha naj nub ntshai has tas, tsaam tes nwg raug txem. 19 Peb muaj sab hlub luas, tsua qhov Vaajtswv tub xub hlub peb lawm. 20 Tug kws has tas, kuv yog tug kws nyam Vaajtswv, kuas nwg tseem ntxub nwg kwv nwg tij, tug ntawm daag xwb. Yog nwg tub tsw hlub nwg kwv nwg tij kws nwg qhov muag pum, nwg yuav ua le caag has tau has tas, nwg yog tug kws nyam Vaajtswv kws nwg qhov muag tsw pum nua. 21 Tej lug kws Yexu Kheto qha tsua peb yog le nuav has tas, tug kws npuab Vaajtswv, tug hov yuav tsum hlub nwg kwv nwg tij.
Peb kov yeej nplajteb
1 Tug kws ntseeg has tas. Yexu yog tug kws Vaajtswv khaiv lug ua tug Cawmseej, nwg txha yog Vaajtswv mivnyuas. Tug kws saib taug leej txwv kuj yuav saib taug leej tub hab. 2 Peb paub has tas, peb hlub Vaajtswv cov mivnyuas tsua qhov peb nyam Vaajtswv hab ua lawv le Vaajtswv has. 3 Yog peb ua lawv le nwg has, txha yog peb nyam Vaajtswv. Nwg tej lug peb yeej tsw ceblaaj coj, 4 tsua qhov Vaajtswv cov mivnyuas txhua tug puav leej kov yeej nplajteb. Qhov kws peb kov yeej nplajteb tub yog vem peb ntseeg Yexu Kheto. 5 Leejtwg txha kov yeej nplajteb. Tug kws kov yeej nplajteb tsuas yog tug kws ntseeg has tas, Yexu yog Vaajtswv tug tub xwb.
Tej tim khawv kws has txug Yexu Kheto
6 Thaus Yexu Kheto lug, muaj ob qho tseem ceeb. Nwg ua kevcai raus dej hab nwg tuag lug ntshaav theej tuabneeg. Tsw yog dej txha tseem ceeb xwb kuas ntshaav yog yaam kws tseem ceeb hab. Vaajtswv tug Ntsuj Plig ua tim khawv has tas, yeej muaj le ntawm tag. Nwg has le hov tsua qhov nwg yeej yog tug kws has tseeb xwb. 7 Muaj peb yaam kws ua tim khawv. 8 Peb yaam hov qhov ib yog Vaajtswv tug Ntsuj Plig, ob yog dej, peb yog ntshaav. Peb yaam kws ua tim khawv ntawm puav leej has ib yaam nkaus. 9 Thaus muaj tuabneeg ua tim khawv peb kuj ntseeg tej lug kws puab has. Yog le ntawm tswm nyog peb yimfuab yuav tsum ntseeg lu lug tim khawv kws Vaajtswv has txug Vaajtswv tug tub, tsua qhov lu lug ntawm tseem ceeb dua tej kws tuabneeg has. 10 Tug kws ntseeg Vaajtswv tug tub, kuj yog nwg ntseeg Vaajtswv lu lug. Kuas tug kws tsw ntseeg Vaajtswv tej lug, kuj yog nwg has tas Vaajtswv daag xwb, tsua qhov nwg tsw ntseeg lu lug kws Vaajtswv has txug Vaajtswv tug tub. 11 Lu lug ntawm has tas, Vaajtswv tub pub txujsa ntev moog ib txhws tsw kawg tsua peb txhua tug kws.nrug Vaajtswv tug tub sws raug zoo lawm. 12 Tug kws nrug Vaajtswv tug tub sws raug zoo, nwg muaj txujsa. Tug kws tsw nrug Vaajtswv tug tub sws raug zoo, tug hov tsw muaj txujsa.
Txujsa ntev moog ib txhws
13 Tej kws kuv sau nuav kuv sau tuaj qha tsua mej cov kws ntseeg Vaajtswv tug tub kuas mej paub has tas, mej tub muaj txujsa ntev moog ib txhws tsw kawg lawm. )h Peb paub tseeb has tas, yog peb thov tej kws Vaajtswv lub sab nyam, Vaajtswv yeej yuav noog peb tej lug thov. Yog le ntawm peb txha tsw ntshai qhov kws moog cuag Vaajtswv. 15 Yog peb tso sab has tas Vaajtswv noog tej lug kws peb thov, tes peb paub has tas Vaajtswv yeej yuav pub yaam kws peb thov tsua peb. 16 Yog leejtwg nwg pum ib tug kwvtij ua ib qho txhum kws tsw txaus tug kwvtij hov raug kev puam tsuaj, tes nwg yuav tsum thov Vaajtswv zaam txem tsua tug kwvtij hov, mas Vaajtswv yuav pub txujsa tsua tug kwvtij hov. Qhov nuav has txug qhov txhum kws tsw txaus tug ntawm raug kev puam tsuaj xwb. Kuas yeej muaj qhov txhum kws txaus tuabneeg raug kev puam tsuaj. Kuv tsw tau has tas, mej yuav tsum thov Vaajtswv zaam txem tsua tug kws ua txhum le ntawm. 17 lb puas tsaav yaam kws tuabneeg ua tsw ncaaj puav leej yog kev txhum huvsw, kuas tej kev txhum ntawm muaj qee yaam tsw txaus raug kev puam tsuaj. 18 Peb paub has tas, tug kws yog Vaajtswv mivnyuas yeej tsw muaj nplooj sab ua txhum, vem Vaajtswv tug tub tub tsom kwm tug ntawm zoo zoo lawm, Daab Ntxwg Nyoog txha ua tsw tau phem tsua nwg. 19 Peb paub has tas, peb yog Vaajtswv cov mivnyuas hab paub has tas, Daab Ntxwg Nyoog tub kaav cov tuabneeg kws nyob huv nplajteb nuav taag nrho lawm. 20 Peb paub has tas, Vaajtswv tug tub tub lug huv nplajteb nuav lawm, hab nwg pub tswvyim tsua peb kuas peb paub tug kws yog Vaajtswv tag. Peb lug nrug Vaajtswv kws yog Vaajtswv tag sws raug zoo, tsua qhov peb tub nrug Vaajtswv tug tub Yexu sws raug zoo lawm. Tug nuav yog Vaajtswv tag hab yog tug kws pub txujsa ntev moog ib txhws tsw kawg tsua tuabneeg. 21 Cov mivnyuas, mej yuav tsum ceev faaj mej tsw xob pe daab hab txoov daab.
1 Tug quaspuj kws ntseeg Yexu Kheto, kuv sau tsaab ntawv nuav xaa tuaj tsua koj hab koj cov mivnyuas. Kuv yog tug saib cov ntseeg, kuv hab txhua tug kws paub Vaajtswv txujlug kws yog txuj tseeb, peb suavdawg puav leej hlub koj hab koj cov mivnyuas heev. 2 Tsua qhov peb tub khaws Vaajtswv txujlug ca tsua huv peb lub sab lawm, txujlug ntawm yuav nyob huv peb lub sab moog ib txhws le. 3 Thov Vaajtswv kws yog peb leej txwv, hab Yexu Kheto kws yog leej txwv tug tub, foom koob foom moov tsua peb, hlub peb hab paab kuas peb cov kws paub qhov tseeb muaj sab sws hlub hab tau nyob kaaj sab quas lug.
Tug kws ua lawv le Yexu Kheto tej lug
4 Thaus kuv pum koj cov mivnyuas muaj qee leej ua lawv le tej lug tseeb kws Vaajtswv kws yog peb txwv qha tsua peb lawm, kuv zoo sab kawg le. 5 Nwgnuav kuv thov has tsua koj tas, peb ib leeg yuav tsum hlub ib leeg. Tej lug kws kuv sau tsua koj nuav tsw yog tej lug tshab. Kuv sau tej kws peb ib txwm muaj thaus chiv thawj lug lawm xwb. 6 Qhov kws kuv has tas, peb ib leeg yuav tsum hlub ib leeg nuav lub ntsab yog has tas, peb yuav tsum ua lawv le Vaajtswv has. Tej lug kws Vaajtswv has, mej tub nov thaus chiv thawj lug lawm. Nwg has tas, mej suavdawg yuav tsum naj nub sws hlub. 7 Muaj ntau leej moog ntxag suavdawg txhua nrho hov txhua hov chaw huv nplajteb nuav. Cov tuabneeg ntawm yog cov kws tsw qha has tas, Yexu Kheto lug yug ua tuabneeg. Tug kws qha le ntawm nwg yog nam tuabneeg daag ntxag, hab nwg yog Yexu Kheto tug yeeb ncuab. 8 Yog le ntawm mej yuav tsum ceev faaj, txha tsw nkim mej tug daag tug zug qhuav qhuav tsua teg num kws mej tau ua lug lawm, sub mej txha tau mej tej nqe zug taag nrho huvsw. 9 Tug kws qha tshaaj tej lug kws Yexu Kheto qha kuj yog nwg tsw paub Vaajtswv. Tug kws qha lawv le Yexu Kheto tej lug kuj yog nwg paub leej txwv hab leej tub. 10 Yog leejtwg tuaj saib mej ais tsw qha lawv le Yexu Kheto tej lug, mej tsw xob hu tug ntawm lug huv mej tsev, hab tsw xob foom moov zoo tsua nwg. 11 Yog mej foom zoo tsua nwg kuj ib yaam le mej nrug nwg ua txhum.
Xaa xuv
12 Muaj ntau qhov kws kuv xaav qha tsua mej, kuas kuv tsw xaav sau huvsw tsua huv ntawv xaa tuaj tsua mej. Kuv vaam tas, nyab kuv yuav tau tuaj saib mej hab nrug mej thaam tim ntsej tim muag. Thaus muaj le hov lawm peb yuav zoo sab kawg nkaus le. 13 Koj tug vev ncaug cov mivnyuas has tas, puab ncu ncu koj.
1 Kayau, kuv yog tug kws saib cov ntseeg, kuv hlub koj. Kuv sau tsaab ntawv nuav tuaj tsua koj. 2 Tug kwvtij kws kuv hlub, kuv thov Vaajtswv paab kuas koj muaj ib puas tsaav yaam txhwj hab noj qaab nyob zoo. Kuv yeej paub has tas, koj lub sab kaaj quas lug tsw txob tsw txhawj ib yaam daabtsw le. 3 Muaj ob peb tug kwvtij tuaj qha tsua kuv has tas, koj muab tsua sau sab ua lawv le Vaajtswv tej lug kws yog qhov tseeb ib yaam le koj ib txwm ua lug lawm. Thaus kuv nov puab has le hov kuv zoo sab kawg le. 4 Tsw muaj ib yaam daabtsw ua tsua kuv zoo sab tshaaj qhov kws kuv nov has tas, kuv cov mivnyuas noog Vaajtswv lug.
Yauhaa qhuas Kayau
5 Tug kwvtij kws kuv hlub, koj yog tug kws muab tsua sau sab paab cov kwvtij ntseeg, txawm yog cov kws koj paub hab tsw paub los koj yeej paab txhua tug huvsw. 6 Puab cov ntawm tuaj qha tsua cov ntseeg kws kuv nrug nyob has tas, koj yog tug kws muaj sab hlub luas. Thaus puab yuav moog lwm qhov thov koj paab puab kuas tswm nyog qhov kws puab ua Vaajtswv tej num. 7 Tsua qhov thaus puab cov ntawm moog ua Yexu Kheto teg num, puab yeej tsw yuav tej hov txhua chaw kws cov tsw ntseeg muab paab puab le. 8 Mas peb cov kws ntseeg txha yuav tsum paab puab. Yog peb ua le hov txha yog peb nrug puab qha Vaajtswv txujlug kws yog qhov tseeb.
Ti-autefa hab Temethi-au
9 Kuv tub sau ib tsaab ntawv miv miv xaa tsua cov ntseeg lawm, kuas Ti-autefa kws xaav ua cov ntseeg tug thawj, nwg tsw quav ntsej tej lug kws kuv has hlo le. 10 Yog le ntawm, thaus kuv tuaj txug kuv yuav thws nwg lub qai qha tsua mej paub tej kws nwg laam thuaj peb ua dog ua dig hab laam daag has tas peb ua phem le u le nuav. Tsw yog le ntawm xwb, thaus cov kwvtij hov tuaj saib nwg, nwg tsw hu puab lug tsev, hab nwg tseem txwv tsw kheev leejtwg hu puab moog tsev. Yog leejtwg hu, tes nwg tseem yuav muab tug ntawm ntab tawm huv cov ntseeg moog. 11 Tug kwvtij kws kuv hlub, koj tsw xob xyum ua le cov tuabneeg phem, koj yuav tsum xyum ua le cov tuabneeg kws ua zoo. Tug kws ua zoo nwg yog Vaajtswv mivnyuas. Tug kws ua phem nwg yeej tsw tau paub Vaajtswv. 12 Suavdawg puav leej qhuas has tas, Temethi-au yog tug kws ua zoo, Hab nwg ua lawv nraim le Vaajtswv has. Peb puav leej has tau has tas, nwg ua zoo tag, peb tsw daag mej, peb has tseeb xwb.
Xaa xuv
13 Muaj ntau qhov kws kuv xaav qha tsua mej, kuas kuv tsw xaav muab sau huvsw tsua huv ntawv xaa tuaj tsua mej. 14 Kuv vaam has tas, tshuav tsw ntev nuav kuv yuav tuaj saib mej mas peb yuav tau sws thaam tim ntsej tim muag. 15 Thov Vaajtswv paab kuas koj tau nyob kaaj sab quas lug. Cov kwvtij ntseeg puav leej has tas, puab ncu ncu koj. Thov koj has tsua cov kwvtij ntseeg kws koj nrug nyob has tas, peb ncu ncu puab.
1 Kuv yog Yuta kws yog Yexu Kheto tug tub qhe hab yog Yakaupau tug kwv. Kuv sau tsaab ntawv nuav tuaj tsua mej txhua tug kws Vaajtswv xaiv ca lawm. Mej yog cov kws peb leej txwv Vaajtswv hlub, hab yog cov kws Yexu Kheto tsom kwm. 2 Thov Vaajtswv naj nub foom koob foom moov tsua mej, hab hlub mej paab kuas mej tau nyob kaaj sab quas lug.
Cov cuav xwbfwb
3 Cov kwvtij kws kuv hlub, thaus kuv yuav sau tsaab ntawv nuav kuv tub xaav has tas, kuv yuav has txug qhov kws Vaajtswv tub paab peb dim peb lub txem lawm, kuas kuv tsua xaav has tas, kuv yuav tsum sau tuaj qha kuas mej tawm tsaam tsw xob kheev leejtwg rhuav txujkev ntseeg kws Vaajtswv tub pub tsua nwg cov tuabneeg lawm. Txuj ntawm nwg tsuas pub tuab zag xwb, nwg tsw pub ntxwv le lawm. h Tsua qhov cov tuabneeg kws tsw ntseeg Vaajtswv muaj qee leej tub nyag kev tuaj tsua huv peb cov lawm. Puab cov ntawm ntxeev tej lug kws has tas, Vaajtswv hlub peb. Puab ua le ntawm kuas puab tau ua kev phem kev qas. Puab tsw ntseeg Yexu Kheto kws yog peb tug tswv. Vaajtswv phoo ntawv tub qha tseg thau u lug lawm has tas, puab yuav raug teem txem. 5 Mej yeej paub tej nuav huvsw lawm, kuas kuv xaav kuas mej ncu ntsoov qhov kws Vaajtswv coj cov Yixayee tswv tawm huv lyi tebchaws moog, hab dhau hov ntawm Vaajtswv ua tsua cov tsw ntseeg raug kev puam tsuaj. 6 Mej yuav tsum ncu ntsoov cov tubkhai sau ntuj kws tsw txaus sab tsua tej kws Vaajtswv tu tsua puab kaav. Puab tso puab lub chaw nyob tseg, puab tswv lawm. Vaajtswv muab tej saw hlau kws tsw txawj xeb tsw txawj tu lug khi puab ca tsua huv qhov tsaus ntuj moog txug nub kawg. Nub ntawm Vaajtswv yuav teem txem tsua puab. 7 Mej yuav tsum ncu ntsoov lub moos Xautoo hab lub moos Kaumaula. hab tej moos kws nyob ib ncig ob lub moos ntawm, puab ua ib yaam le cov tubkhai sau ntuj ua. Puab ua ib puas tsaav yaam kev phem kev qas, puab txha poob tsua huv cov nplaim suav tawg kws cig tsw txawj tuag moog ib txhws le. Qhov kws puab raug txem le ntawm tub yog qha kuas peb txhua tug paub ceev faaj. 8 Cov tuabneeg kws muab Vaajtswv txujlug ntxeev txawv le nuav puav leej ua txhum ib yaam nkaus le ntawm. Tej kws puab ua yug quas toog pum, mas ua tsua puab ua txhum tsua puab lub cev. Puab saib tsw taug Vaajtswv kws muaj fwjchim hab puab thuaj cov tubkhai kws nyob sau qaum ntuj. 9 Mikhayee tub yog cov tubkhai sau ntuj tug thawj los nwg tub tsw ua le ntawm. Thaus nwg nrug Daab Ntxwg Nyoog sws caav has txug Mauxe lub cev has tas, leejtwg yuav tau, Mikhayee tub tsw has lug sab tsua Daab Ntxwg Nyoog le. Nwg tsuas has tas, Vaajtswv yog tug kws yuav tshev koj. 10 Kuas cov tuabneeg nuav puab thuaj tej kws puab tsw to taub. Puab xaav ib yaam le tej tsaj txhu xaav xwb. Tej kws puab xaav hov yeej yuav ua tsua puab raug kev puam tsuaj. 11 Puab yuav raug kev txom nyem laub. Puab ua txhum ib yaam le Khayee ua. Qhov kws puab ua txhum tub yog puab ntshaw nyaj ib yaam le Npala-aa ntshaw. Puab ntxeev sab tsua Vaajtswv ib yaam le "Khaula, puab txha raug kev puam tsuaj. 12 Thaus cov tuabneeg ntawm tuaj nrug mej noj mov ua ke, puab ua phem ua qas qw ua nqaaj ua nqug rhuav mej ntsej muag kawg le. Puab yog cov tuabneeg kws yug yaaj kuas puab yug puab xwb. Puab zoo le tauv fuab kws yuav lug naag, kuas cua muab ntsawj moog lawm lug tsw taug naag. Puab zoo le tsob ntoo kws tsw txw txwv. Tub txug caij txw los tsw txw. Hab zoo le tsob ntoo kws luas muab tej caag rhu huvsw es qhuav taag lawm. 13 Puab zoo le tej dej hav txwv kws ndaas tsua hov nuav hov u. Suavdawg yuav pum tej kev phem kev qas kws puab ua tsw paub txaaj muag ib yaam le suavdawg pum tej npuag dej ntxhee dawb vog sau nplaim dej. Puab zoo le cov nub qub kws nyob tsw tsheej ib qhov chaw. Vaajtswv tub tu ib lub chaw kws tsaus ntuj quas nti ca tsua cov tuabneeg ntawm nyob lawm. Puab yuav nyob lub chaw ntawm moog ib txhws le. 14 Suav txwj thaus Ataa nyob lug txug thaus Enauj nyob muaj xyaa tam tuabneeg. Enauj yog tug kws has txug cov tuabneeg ntawm ntxuv lug lawm has tas, mej swm saib, cov tubkhai sau ntuj kws zoo kawg nkaus muaj ntau txheeb leej nrug tug tswv lug. 15 Nwg yuav teem txem tsua suav- dawg hab rau txem tsua txhua tug tuabneeg txhum kws tsw ntseeg Vaajtswv, lawv le tej kws puab tau ua lug lawm hab tej lug kws puab thuaj Vaajtswv. 16 Cov tuabneeg ntawm nyam ywg. Txawm yog puab tau zoo npaum le caag los tsw txaus puab sab. Puab ua phem lawv le puab lub sab nyam. Puab khaav theeb hab ua txuj qhuas lwm tug kuas puab tau zoo xwb.
Tej lug qhuab qha
17 Cov kwvtij, mej yuav tsum ncu ntsoov tej lug kws peb tug tswv Yexu cov tubkhai tub qha tsua mej lawm. 18 Puab qha tsua mej has tas, thaus txug lub swmhawm kawg yuav muaj tuabneeg saib tsw taug mej. Cov tuabneeg hov nyam ua phem lawv le puab lub sab nyam. 19 Cov tuabneeg ntawm yog cov kws ua tsua suavdawg tsw sws hum, puab lub sab phem kaav puab, tsw yog Vaajtswv tug Ntsuj Plig kaav. 20 Cov kwvtij, mej yuav tsum rau sab ntso ua kuas mej muab tsua sau sab ntseeg heev quas zug. Thaus mej thov Vaajtswv mej yuav tsum vaam khom Vaajtswv tug Ntsuj Plig kws muaj fwjchim paab mej thov. 21 Vaajtswv hlub mej kawg le. Yog le ntawm mej cov kws saamswm tog txujsa ntev moog ib txhws tsw kawg kws peb tug tswv Yexu Kheto yuav pub dawb tsua mej, mej yuav tsum naj nub npuab Vaajtswv kws hlub mej. 22 Mej yuav tsum ua sab ntev tsua cov tuabneeg kws tsw tshua tso sab tsua Vaajtswv pes tsawg. 23 Mej yuav tsum nqug kuas puab tawm tau huv cub suav tawg lug. Mej yuav tsum hlub lwm tug hab, peb yuav tsum ncu ntsoov ceev faaj, tsw xob moog ua phem ua qas le puab ua.
Qhuas Vaajtswv
24 Vaajtswv yog tug kws tsom kwm kuas mej tsw xob yuam kev. Nwg yuav coj mej moog nyob ntawm nwg lub xub ndag kws muaj fwjchim ci ntsaa quas ab. Thaus hov mej yuav tsw muaj ib qho txhum hab mej yuav zoo sab kawg nkaus le. 25 Vaajtswv tuab leeg txha yog peb tug Cawmseej tsua qhov yog peb ntseeg tswv Yexu Kheto. Thaus tsw tau tswm ntuj tswm teb hab naj nub nwgnuav hab yaav peg suab moog ib txhws le Vaajtswv yeej los yog tug kws muaj fwjchim luj kawg nkaus ci ntsaa quas ab, hab nwg kaav taag nrho ib puas tsaav yaam huvsw moog ib txhws le. Amee.
1 Phoo ntawv nuav has txug tej kws Yexu Kheto qha tsua Vaajtswv cov tub qhe paub tej kws tshuav tsw ntev tom hauv ntej nuav yuav muaj tshwm lug. Vaajtswv tub xub qha tej ntawm tsua Yexu Kheto lawm, Yexu Kheto txha khaiv nwg ib tug tubkhai sau ntuj lug qha tej ntawm tsua Yauhaa kws yog Yexu Kheto ib tug tub qhe. 2 Yauhaa txha sau ib puas tsaav yaam kws nwg pum huvsw ca tsua huv phoo ntawv nuav. Tej ntawm yog Vaajtswv tej lug, hab yog tej lug tseeb kws Yexu Kheto qha tsua Yauhaa. 3 Cov tuabneeg kws nyeem phoo ntawv nuav, hab cov kws noog tej lug kws Vaajtswv qha nuav, hab ua lawv le tej lug kws sau ca tsua huv phoo ntawv nuav, mas yuav tau nyob kaaj sab quas lug, tsua qhov tub yuav txug lub swmhawm kws tej nuav yuav muaj tshwm lug.
Yauhaa sau xaa tsua xyaa cov ntseeg
4,5 Kuv npe hu ua Yauhaa, kuv sau tsaab ntawv nuav xaa tuaj tsua xyaa cov ntseeg kws nyob huv Axia tebchaws. Thov Vaajtswv foom koob foom moov tsua mej hab paab kuas mej tau nyob kaaj sab quas lug. Vaajtswv yog tug kws nwgnuav muaj nyob, hab yog tug kws ib txwm muaj nyob thau u lug lawm, hab yog tug kws yaav tom hauv ntej nuav yuav lug. Thov xyaa tug Ntsuj Plig kws nyob ntawm Vaajtswv lub zwm txwv, hab Yexu Kheto foom koob foom moov tsua mej hab paab kuas mej tau nyob kaaj sab quas lug. Yexu Kheto yog tug tim khawv kws ncaaj nceeg. Nwg yog thawj tug tub hlub kws Vaajtswv tub tsaa sawv huv qhov tuag rov lug lawm, hab yog tug kws kaav taag nrho tej vaaj ntxwv huv nplajteb nuav huvsw. Yexu Kheto yog tug kws hlub peb hab nwg tuag daws peb lub txem. Nwg coj peb lug ua nwg le tuabneeg, 6 hab nwg tsaa peb ua pov thawj lug ua Vaajtswv kws yog Yexu Kheto leej txwv teg num. Thov kuas Yexu Kheto tau koob meej hab muaj fwjchim moog ib txhws le. Amee. 7 Mej swm saib saib nwg nrug fuab nrug cua lug, suavdawg yuav pum nwg. Txawm yog cov tuabneeg kws xuas muv nkaug nwg los puab puav leej yuav pum nwg hab. Thaus nwg lug,txhua tsaav tuabneeg kws nyob huv qaab ntuj nuav yuav muaj tuabneeg quaj nyav ntsoog quas qeeg. Yeej yuav muaj le nuav tag. Amee. 8 Vaajtswv kws muaj fwjchim luj kawg nkaus, yog tug kws nwgnuav muaj nyob hab yog tug kws ib txwm muaj nyob thau u lug lawm, hab yog tug kws yaav tom hauv ntej yuav lug, nwg has tas kuv yog "Alafa hab yog "Aumekha.
Yauhaa ua yug quas toog pum Yexu
9 Kuv yog mej tug kwvtij kws npe hu ua Yauhaa. Kuv nrug Yexu koom ua ib txujsa lawm, kuv raug kev txom nyem, kuv lug ua Vaajtswv le tuab- neeg hab kuv ua sab ntev ib yaam le mej. Vem kuv qha Vaajtswv txujlug hab qha tej lug tseeb kws Yexu qha tsua kuv lawm, mas txha muaj tuabneeg nteg kuv coj moog nyob tim lub miv tebchaws Pamau huv hav txwv. 10 Nub Athib Vaajtswv tug Ntsuj Plig lug kaav taag nrho kuv lub sab, mas kuv nov ib lub suab has nrov nrov tsua kuv ib yaam le lub suab raaj xyu nrov tom kuv nraus qaum tuaj has tas, 11 koj yuav tsum sau tej kws koj pum huvsw ca tsua huv ntawv, ais xaa moog tsua cov ntseeg kws nyob huv xyaa lub moos kws yuav has nuav. Lub moos Efexau, lub moos Xamina lub moos Pekhamau, lub moos Thuathila, lub moos Xati, lub moos Fi latefa, hab lub moos Latikeya. 12 Thaus kuv nov lub suab ntawm kuv tig hlo moog saib saib yog leejtwg has tsua kuv. Kuv txawm pum xyaa tug neej kub kws txawb teeb nyob ntawm. 13 Huv nruab nraab xyaa tug neej kub ntawm muaj ib tug zoo le tuabneeg sawv huv. Nwg naav ib lub tsho ntev ntev suab zaw nraag kwtaw, hab nwg sa ib txuj hlaab kub sau nwg qhov tsus. 4 Nwg cov plaubhau dawb ib yaam le xuv paaj hab dawb le daus xwb daus npu. Nwg qhov muag ci ib yaam le nplaim tawg. 15 Nwg txhais kwtaw ci ib yaam le tej tooj daag kws luas tub muab nchuav hab muab txhuam ci ci lawm. Nwg lub suab nrov ib yaam le tej dej tsaws tsua nrov. 16 Nwg txhais teg xws tuav rawv xyaa lub nub qub, hab muaj ib raab ntaaj ob saab ntse tawm huv nwg lub qhov ncauj lug. Nwg lub ntsej muag ci ib yaam le lub nub ci thaus taav su. 17 Thaus kuv pum dheev nwg, kuv txawm ca le qaug ntawg tsua ntawm nwg kwtaw yaam le kws tuag lawm Nwg txawm cev hlo nwg txhais teg xws lug tuav nkaus kuv, hab nwg has tas, koj tsw xob ntshai, kuv yog lub hauv paug hab yog lub ntsws. 18 Kuv yog tug kws muaj txujsa nyob. Kuv tub tuag lawm, kuas koj swm saib nwgnuav kuv muaj txujsa nyob moog ib txhws le. Kuv yog tug kws kaav txujkev tuag hab tub tuag teb. 19 Yog le ntawm koj yuav tsum sau tej kws koj pum, tsw has tej kws nwgnuav koj pum hab tej kws yaav tom hauv ntej nuav yuav muaj lug los koj ca le sau tej ntawm huvsw ca. 20 Kuv yuav txhais zaaj kws tsw muaj tuabneeg paub has txug xyaa lub nub qub kws koj pum nyob huv kuv txhais teg xws, hab has txug xyaa tug neej kub txawb teeb ntawm tsua koj paub. Xyaa lub nub qub ntawm yog xyaa tug tubkhai kws saib xyaa cov tuabneeg kws ntseeg. Xyaa tug neej kub kws txawb teeb yog xyaa cov tuabneeg kws ntseeg ntawm.
Lu lug kws xaa tsua lub moos Efexau
1 Koj yuav tsum sau tej kws kuv yuav qha tsua koj nuav xaa moog tsua tug tubkhai kws saib cov ntseeg huv lub moos Efexau has tas, tug kws tuav rawv xyaa lub nub qub huv nwg txhais teg xws, hab moog moog lug lug huv nruab nraab xyaa tug neej kub kws txawb teeb, qha has tas, 2 kuv tub pum txhua yaam kws mej tau ua lug lawm. Kuv paub has tas, mej yeej ua num khwv khwv, hab ua sab ntev ua tag tag, kuv paub has tas, mej ua tsw taug sab ntev tsua cov tuabneeg kws ua phem lawm. Hab mej tub swm cov tuabneeg kws has tas, puab yog cov tubkhai saib puab yog tag los tsw yog. Mej swm le ntawm mej txha paub has tas, puab yeej tsw yog tubkhai tag, puab yog cov nam tuabneeg daag xwb. 3 Mej cov kws ntseeg kuv, mej tub raug kev txom nyem los mej tseem ua sab ntev thev hab tsw tso kuv tseg. h Kuas tshuav ib qho kws kuv tsw qhuas mej. Yaav taag lug lawm mej yeej nyam kuv hab noog kuv lug, kuas nwgnuav mej tsw nyam kuv hab tsw noog kuv lug le hov lawm. 5 Mej yuav tsum ncu ntsoov has tas, mej tub yuam kev moog ua txhum ntau kawg le lawm. Yog le ntawm mej yuav tsum tso plhuav mej tej kev txhum tseg es rov lug noog kuv lug le qub. Yog mej tsw tso mej tej kev txhum tseg kuv yuav lug saib mej, hab muab mej tug neej txawb teeb rhu moog. 6 Kuas muaj ib qho kws kuv qhuas mej, yog qhov kws mej tsw nyam tej kws cov tuabneeg Nikaulaite ua ib yaam le kuv tsw nyam hab. 7 Yog leejtwg muaj qhov ntsej ca le noog tej lug kws Vaajtswv tug Ntsuj Plig qha tsua cov ntseeg has tas, Kuv yuav kheev tug kws kov yeej moog noj tsob txwv ntoo kws cawm tau tuabneeg txujsa kws nyob huv Vaajtswv lub vaaj.
Lu lug kws xaa moog tsua lub moos Xamina
8 Koj yuav tsum sau tej kws kuv yuav qha tsua koj nuav xaa moog tsua tug tubkhai kws saib cov ntseeg huv lub moos Xamina has tas, tug kws yog lub hauv paug hab yog lub ntsws, tug kws tub tuag hab sawv rov lug lawm, nwg qha has tas, 9 kuv pum mej raug kev txom nyem. Kuv paub has tas, mej yog tuabneeg pluag, kuas qhov tseeb mej yeej yog tuabneeg nplua nuj. Cov tuabneeg kws has tas puab yog tuabneeg Yutai, kuas puab yeej tsw yog, kuv tub paub tej lug phem kws puab thuaj mej lawm. Puab cov ntawm puav leej yog cov kws Daab Ntxwg Nyoog kaav. 10 Mej tsw xob ntshai qhov kws mej yuav raug kev txom nyem hlo le. Mej ca le ua tuab zoo noog kuv tej lug. Daab Ntxwg Nyoog yuav nteg mej cov qee leej coj moog kaw tsua huv tsev loj faaj swm saib mej yuav ua le caag. Mej yuav raug kev txom nyem kaum nub. Kuas mej yuav tsum muab tsua sau sab ntseeg moog txug nub tuag. Tsw xob tso kuv tseg, kuv txha le pub lub mom kub kws yog txujsa ntev moog ib txhws tsw kawg tsua mej. 11 Yog leejtwg muaj qhov ntsej ca le noog tej lug kws Vaajtswv tug Ntsuj Plig qha tsua cov ntseeg has tas, Tug kws kov yeej yuav tsw raug txujkev tuag zag ob.
Lu lug kws xaa tsua lub moos Pekhamau
12 Koj yuav tsum sau tej kws kuv yuav qha tsua koj nuav xaa moog tsua tug tubkhai kws saib cov ntseeg huv lub moos Pekhamau has tas, tug kws tuav raab ntaaj ob saab ntse qha has tas, 13 kuv yeej paub mej lub chaw nyob. Lub chaw hov yog lub chaw kws puab ua ib lub zwm txwv tsua Daab Ntxwg Nyoog nyob. Kuas mej tseem muab tsua sau sab ntseeg kuv, tsw tso kuv tseg. Mej tub pum puab muab Aatipa kws ua tim khawv ncaaj nceeg tua tsua ntawm qhov chaw kws Daab Ntxwg Nyoog nyob los mej tseem ntseeg mej le qub. 4 Kuas tshuav ob peb qho kws kuv tsw qhuas mej. Tsua qhov mej cov muaj qee leej xyum ua lawv le tej lug kws "Npala-aa qha. Npala-aa yog tug kws qha tsua vaaj ntxwv "Npalaj has tas, yog koj xaav kuas cov tuabneeg Yixayee yuam kev ua txhum, koj ca le kuas puab noj tej hov txhua chaw kws luas muab xyeem tsua txoov daab lawm, hab kuas puab ua nkauj ua nraug. 15 Txawm yog mej cov los tub muaj qee leej ua lawv le cov tuabneeg »Nikaulaite tej lug qha lawm hab. 16 Yog le ntawm mej ca le tso plhuav mej tej kev txhum tseg. Yog mej tsw tso, tes kuv yuav lug saib mej sai sai, hab kuv yuav muab raab ntaaj kws tawm huv kuv qhov ncauj lug tua cov tuabneeg ntawm pov tseg. 17 Yog leejtwg muaj qhov ntsej ca le noog tej lug kws Vaajtswv tug Ntsuj Plig qha tsua cov ntseeg has tas, Kuv yuav muab cov mana kws kuv tub muab zais ca lawm tsua txhua tug kws kov yeej noj. Kuv yuav pub tej pob zeb dawb tsua puab txhua tug ib leeg ib lub, hab muaj ib lub npe tshab sau tsua ntawm lub pob zeb ntawm. Tsw muaj leejtwg paub tej npe ntawv hov le tsuas yog tug kws tau lub pob zeb txha paub xwb.
Lu lug kws xaa moog tsua lub moos Thuathila
18 Koj yuav tsum sau tej kws kuv yuav qha tsua koj nuav xaa moog tsua tug tubkhai kws saib cov ntseeg huv lub moos Thuathila has tas, Vaajtswv tug tub kws qhov muag ci ib yaam le nplaim tawg, hab kwtaw ci ib yaam le tej tooj daag kws luas tub muab txhuam ci ci lawm. Nwg qha le nuav has tas, 19 kuv paub tej kws mej naj nub ua, kuv paub tas mej muaj sab hlub luas, mej muab tsua sau sab ntseeg, mej rau sab ntso ua Vaajtswv teg num hab mej ua taug sab ntev. Kuv paub has tas, nwgnuav mej muab tsua sau sab ua Vaajtswv teg num heev dua le yaav taag lug lawm hab. 20 Kuas tshuav ib qho kws kuv tsw qhuas mej. Qhov ntawm yog qhov kws mej ca tug quaspuj kws npe hu ua Yexanpee qha mej. Tug quaspuj hov khaav has tas nwg yog ib tug xwbfwb kws qha Vaajtswv txujlug. Nwg qha hab nwg ntxag kuv cov tub qhe kuas puab ua nkauj ua nraug hab noj tej hov txhua chaw kws luas tub muab xyeem tsua txoov daab lawm. 21 Kuv ca swmhawm tsua nwg tso nwg tej kev txhum tseg, kuas nwg tsw kaam tso tej kev nkauj kev nraug kws nwg ua ntawm tseg le. 22 Yog le ntawm kuv yuav muab tug quaspuj nuav pov tsua sau lub laav mob, cov tuabneeg kws nrug nwg sws ntxag puab suavdawg yuav nrug nwg raug kev txom nyem heev kawg nkaus le. Yog nwgnuav puab tsw muab tej kev phem kws puab nrug tug quaspuj ntawm ua tso tseg, tes kuv yuav ua le ntawm tsua puab taamswm nuav ntaag, 23 hab kuv yuav muab tug quaspuj ntawm cov mivnyuas tua pov tseg, cov ntseeg kws nyob hov txhua hov chaw txha le paub has tas, kuv yog tug kws paub tuabneeg lub sab xaav le caag hab nyam le caag. Kuv yuav muab nqe zug tsua mej txhua tug kuas tswm nyog teg num kws mej tau ua lug lawm. 24 Kuas mej cov kws nyob huv lub moos Thuathila, muaj ib txha yeej tsw tau coj lawv le tej lug.qha phem ntawm, hab tsw tau kawm tej kws luas has tas, tej nuav yog Daab Ntxwg Nyoog tej ntsab lug kws tsw muaj tuabneeg paub. Kuv qha tsua mej has tas, kuv yuav tsw muab lwm lub nraa lug tsuam tsua mej lub lawm. 25 Kuas mej yuav tsum tuav tej kws mej muaj lawm ruaj ruaj moog txug nub kws kuv rov lug. 26,27 Txhua tug kws kov yeej hab ua lawv le kuv lub sab nyam moog txug nub kawg, mas kuv yuav pub fwjchim tsua puab ib yaam le kuv txwv tub pub tsua kuv lawm. Kuv yuav tsaa cov tuabneeg ntawm ua cov kws kaav txhua tsaav tuabneeg huvsw. Puab yuav muab qws hlau kaav txhua tsaav tuabneeg hab ntaus txhua tsaav tuabneeg kuas tawg mog quas nyoos ib yaam le tej lauj kaub aav tawg. 28 Hab kuv yuav muab lub nub qub kws ci ci thaus yuav kaaj ntug tsua cov tuabneeg ntawm. 29 Yog leejtwg muaj qhov ntsej ca le noog tej lug kws Vaajtswv tug Ntsuj Plig qha tsua cov ntseeg.
Lu lug kws xaa tsua lub moos Xati
1 Koj yuav tsum sau tej kws kuv yuav qha tsua koj nuav xaa moog tsua tug tubkhai kws saib cov ntseeg huv lub moos Xati has tas, tug kws muaj Vaajtswv xyaa tug Ntsuj Plig hab muaj xyaa lub nub qub, nwg has tas, kuv paub tej kws mej naj nub ua, kuv paub has tas mej lub moo nto quas lug tas, mej yog cov kws muaj sa, kuas qhov tseeb mej tub tuag lawm. 2 Yog le ntawm mej yuav tsum tswm dheev lug, hab yaam kws mej tseem tshuav es tuag tsw tau tu sav mej yuav tsum txhawb kuas muaj zug, tsua qhov kuv tub pum has tas, tej kws mej ua lawm mej tseem tsw tau ua tau zoo lawv le Vaajtswv lub sab nyam. 3 Yog le ntawm mej yuav tsum ncu quas ntsoov tej kws mej nov hab kawm lug lawm. Mej yuav tsum coj lawv le tej ntawm, hab tso plhuav mej tej kev txhum tseg. Yog mej tsw tswm dheev lug, kuv yuav lug saib mej ib yaam le tub saab tuaj. Mej yuav tsw paub lub swmhawm kws kuv lug. 4 Mej cov kws nyob huv lub moos Xati tsuas muaj ob peb tug txha tsw tau ua tsua puab tej rwg tsho qas xwb, mas puab yuav tau naav cev rwg tsho dawb hab nrug kuv ua ke, tsua qhov puab yeej tswm nyog yuav tau le ntawm. 5 Tug kws kov yeej nwg yuav tau naav cev rwg tsho dawb. Kuv yuav tsw tua nwg lub npe huv phoo ntawv kws sau cov tuabneeg muaj txujsa ntev moog ib txhws tsw kawg tej npe. Kuv yuav taab meeg qha tsua kuv txwv hab tsua kuv txwv cov tubkhai sau ntuj has tas, tug hov yog kuv le tuabneeg. 6 Yog leejtwg muaj qhov ntsej ca le noog tej lug kws Vaajtswv tug Ntsuj Plig qha tsua cov ntseeg.
Lu lug kws xaa tsua lub moos Filatefa
7 Koj yuav tsum sau tej kws kuv yuav qha tsua koj nuav xaa moog tsua tug tubkhai kws saib cov ntseeg huv lub moos Filatefa has tas, tug kws zoo kawg nkaus hab ncaaj nceeg kws tuav vaaj ntxwv Tavi tug yuam swj, yog nwg qheb lawm yeej tsw muaj leejtwg kaw tau, yog nwg kaw lawm yeej tsw muaj leejtwg qheb tau, nwg qha has tas, 8 kuv paub tej kws mej ua hab paub has tas, mej tsw tshua muaj zug pes tsawg los mej tseem coj lawv le tej lug kws kuv qha hab tsw tso kuv tseg Kuv tub qheb qhov rooj quas lug tsua ntawm mej xub ndag lawm, tsw muaj leejtwg yuav kaw tau. 9 Mej ua tuab zoo noog kuv tej lug, cov tuabneeg kws yog Daab Ntxwg Nyoog cov puab daag has tas, puab yog cov Yutai, kuas qhov tseeb puab tsw yog, kuv yuav kuas puab lug txhus caug ndua ntawm mej kwtaw pe mej. Puab txhua tug yuav paub has tas, kuv hlub mej. 10 Vem mej ua lawv le tej lug kws kuv qha has tas, mej yuav tsum ua sab ntev, kuv yuav tsom kwm mej tsw kheev mej raug tej kev txom nyem kws yuav muaj lug thoob plhawv huv qaab ntuj nuav. Tej kev txom nyem ntawm yog tej kws yuav lug swm tuabneeg nplajteb lub sab. 11 Tshuav tsw ntev nuav kuv yuav lug. Mej yuav tsum khaws tej kws mej muaj lawm ca zoo zoo txha le tsw muaj leejtwg txeeb tau mej tej yeeb koob. 12 Kuv yuav tsaa tug kws kov yeej ua tug neej zeb nreg kuv tug Vaajtswv lub tuam tsev, hab nwg yuav nyob huv moog ib txhws le. Kuv yuav sau kuv tug Vaajtswv lub npe hab sau kuv tug Vaajtswv lub nroog lub npe tsua ntawm nwg lub cev. Lub nroog ntawm yog lub nroog Yeluxalee tshab kws yuav lug ntawm kuv tug Vaajtswv kws nyob sau ntuj ceeb tsheej lug. Kuv yuav sau kuv lub npe tshab tsua ntawm nwg hab. 13 Yog leejtwg muaj qhov ntsej ca le noog tej lug kws Vaajtswv tug Ntsuj Plig qha tsua cov ntseeg.
Lu lug kws xaa tsua lub moos Latikeya
14 Koj yuav tsum sau tej kws kuv yuav qha tsua koj nuav xaa moog tsua tug tubkhai kws saib cov ntseeg huv lub moos Latikeya has tas, Tug kws muaj lub npe hu ua -'Amee kws ncaaj nceeg hab ua tim khawv tseeb, hab yog ib puas tsaav yaam kws Vaajtswv tswm lug lawm lub hauv paug nwg has tas, 15 kuv paub tej kws mej tub ua lug lawm. Kuv paub has tas, mej tsw kub tsw txag. Yog mej yuav kub ca le kub hlo. Yog mej yuav txag ca le txag hlo. 16 Kuas yog mej suv sem so xwb, tsw kub tsw txag, tes kuv yuav muab mej nti tawm huv kuv lub qhov ncauj moog. 17 Mej has tas, mej nplua nuj tsw pluag ib yaam daabtsw le, kuas mej tsw paub mej tub tsw muaj daabtsw le. Mej pluag mej lab qaab hab mej dig muag. 18 Mas kuv txha qha tsua mej has tas, mej ca le tuaj yuav kuv cov kub kws yog cov tseem kub, mej txha le nplua nuj. Mej ca le tuaj yuav cev rwg tsho dawb coj moog naav npug mej lub cev kws lab qaab mej txha tsw txaaj muag. Hab mej ca le tuaj yuav tshuaj moog teev mej qhov muag mej txha le pum kev. 19 Kuv yeej tshev hab nplawm txhua tug kws kuv hlub. Yog le ntawm, mej yuav tsum muab tsua sau sab ntseeg hab tso plhuav mej tej kev txhum tseg. 20 Mej swm noog saib kuv sawv saab qhov rooj nrau hu. Yog leejtwg nov kuv lub suab hab qheb qhov rooj, kuv yuav lug huv tug ntawm tsev. Kuv yuav nrug nwg noj mov, hab nwg yuav nrug kuv noj mov. 21 Kuv pub tug kws kov yeej lug nrug kuv nyob sau kuv lub zwm txwv, ib yaam le kuv txwv kuas kuv lug nrug nwg nyob sau nwg lub zwm txwv, tsua qhov kuv tub kov yeej lawm. 22 Yog leejtwg muaj qhov ntsej ca le noog tej lug kws Vaajtswv tug Ntsuj Plig qha tsua cov ntseeg.
Rooj ntug qheb
1 Dhau hov ntawm kuv rov ua yug quas toog dua ib zag. Kuv pum rooj ntug qheb quas lug ca. Lub suab kws thawj zag kuv nov has nrov nrov tsua kuv ib yaam le lub suab raaj xyu. nwgnuav kuv rov nov lub suab ntawm has tsua kuv has tas, koj ca le tuaj sau nuav, kuv yuav muab tej kws yaav tom hauv ntej nuav yuav muaj tshwm lug tsua koj saib. 2 Taamswm hov Vaajtswv tug Ntsuj Plig lug kaav taag nrho kuv lub sab, kuv txawm pum ib lub zwm txwv nyob sau ntuj ceeb tsheej, hab muaj ib tug nyob sau lub zwm txwv hov. 3 Nwg lub ntsej muag ci ib yaam le cov qai zeb ci ci muaj nqes kws hu ua manixau, hab cov kws hu ua phi la. Muaj ib tug zaaj sawv vej lub zwm txwv. Tug zaaj hov ntsuab ib yaam le tej qai zeb ci ci muaj nqes kws hu ua maulakau. 4 Muaj neeg nkaum plaub lub rooj nyob ncig lub zwm txwv ntawm. Muaj neeg nkaum plaub leeg kev txwj quas laug naav rwg tsho dawb hab ntoo mom kub nyob sau cov rooj ntawm. 5 Tsag lig xub lab quas vog, xub quaj hab muaj suab nrov nroo quas ntwg ntawm lub rooj hov tuaj. Muaj xyaa teg tsau taws cig laam quas lug ntawm tug kws nyob sau lub zwm txwv lub xub ndag. Xyaa teg tsau hov yog Vaajtswv xyaa tug Ntsuj Plig. 6 Hov ntawm tug kws nyob sau lub zwm txwv lub xub ndag muaj ib qho zoo le hav txwv, ntshab zoo le tej av kws pum kev tshaab plhawv. Muaj plaub tug tsaj kws yog Vaajtswv le tubkhai sawv vej Vaajtswv lub zwm txwv. Plaub tug hov muaj qhov muag thoob plawg saab xub ndag hab saab nraus qaum huvsw. 7 Thawj tug zoo le tug tsuv ntxhuav. Tug ob zoo le tug ntsuag nyuj. Tug peb lub ntsej muag zoo le tuabneeg lub. Tug plaub zoo le tug daav kws saamswm yaa. 8 Plaub tug tsaj kws yog Vaajtswv le tubkhai hov txhua tug ib leeg muaj rau saab tis, rau saab tis hov muaj qhov muag thoob plawg saab huv hab saab sau huvsw. Plaub tug hov hu nkauj taag nub taag mo has tas, Vaajtswv kws muaj fwjchim luj tshaaj plawg Koj yog tug kws zoo kawg nkaus, zoo kawg nkaus, zoo kawg nkaus. Koj yog tug kws ib txwm nyob thau u lug lawm, hab yog tug kws nyob nwgnuav, hab koj yog tug kws yaav tom hauv ntej nuav yuav lug. 9 Txhua zag kws plaub tug tsaj kws yog Vaajtswv le tubkhai hu nkauj qhuas tug kws muaj txujsa nyob moog ib txhws kws nyob sau lub zwm txwv hab ua nwg tsaug, 10 tes neeg nkaum plaub leeg kev txwj quas laug txawm txhus caug ndua pe tug kws muaj txujsa nyob moog ib txhws kws nyob sau lub zwm txwv. Puab hle puab tej mom kub tso tsua ntawm tug kws nyob sau lub zwm txwv lub xub ndag hab puab has tas, 11 Vaajtswv, koj yog peb suavdawg tug tswv hab yog peb tug Vaajtswv. Koj yog tug kws muaj fwjchim, tswm nyog peb fwm koj hab ua tsua koj tau koob meej. Tsua qhov koj yog tug kws tswm ib puas tsaav yaam huvsw. Koj pum zoo tswm tej ntawm hab pub tej ntawm muaj sa nyob.
Thooj ntawv hab tug mivnyuas yaaj
1 Kuv pum tug kws nyob sau lub zwm txwv nwg txhais teg xws tuav rawv ib thooj ntawv. Thooj ntawv hov muaj lug sau tsua saab huv hab saab nrau huvsw, hab muaj xyaa lub hom thawj nas tsua thooj ntawv hov tsw kheev kuas muab nthuav. 2 Kuv pum ib tug tubkhai sau ntuj kws muaj fwjchim luj, nwg has nrov nrov has tas, leejtwg txha tswm nyog muab tej hom thawj tev tau hab muab thooj ntawv lug nthuav saib. 3 Kuas luas nrhav tsw tau ib tug kws yuav tswm nyog moog muab thooj ntawv lug nthuav saib, tsw has sau ntuj hab huv nplajteb hab huv nruab tiv txwv los yeej nrhav tsw tau ib tug le. A Kuv txawm quaj quas dhev tsua qhov tsw muaj ib tug kws yuav tswm nyog muab thooj ntawv hov lug nthuav saib. 5 Thaus ntawm ib tug kev txwj quas laug has tsua kuv has tas, koj tsw xob quaj quaj. Koj swm saib saib, xeem Yuta tug tsuv ntxhuav kws yog vaaj ntxwv Tavi xeeb ntxwv, nwg tub kov yeej lawm, nwg tswm nyog tev xyaa lub hom thawj hab nthuav thooj ntawv hov. 6 Tes kuv txawm pum ib tug mivnyuas yaaj sawv ze ntawm tug kws nyob sau lub zwm txwv lub xub ndag. Plaub tug tsaj kws yog Vaajtswv le tubkhai hab cov kev txwj quas laug puab puav leej sawv vej tug mivnyuas yaaj. Saib yaam le tub muaj tuabneeg muab tug mivnyuas yaaj hov tua lawm. Tug mivnyuas yaaj hov muaj xyaa tug kub hab muaj xyaa lub qhov muag. Tej qhov muag ntawm pev txug Vaajtswv xyaa tug Ntsuj Plig kws Vaajtswv khaiv moog thoob plhawv huv nplajteb nuav. 7 Tug mivnyuas yaaj hov cev teg moog muab thooj ntawv hov ntawm tug kws nyob sau lub zwm txwv txhais teg xws. 8 Thaus nwg saamswm moog muab thooj ntawv, tes plaub tug tsaj kws yog Vaajtswv le tubkhai hab neeg nkaum plaub leeg kev txwj quas laug txawm txhus caug ndua ntawm tug mivnyuas yaaj lub xub ndag pe tug mivnyuas yaaj. Puab cov ntawm ib leeg tuav rawv ib lub nkauj nog ncaas hab ib leeg tuav rawv ib lub taig kub kws ntim moov tshuaj tsw-qaab puv nkaus. Cov moov tshuaj hov yog pev txug tej lug kws cov ntseeg thov Vaajtswv. 9 Puab hu ib zaaj nkauj tshab has tas, Koj yog tug kws tswm nyog muab thooj ntawv hov Hab muab tej hom thawj tev tau, Tsua qhov tub muaj tuabneeg muab koj tua lawm. Qhov kws koj tuag ntawm tub yog koj txhwv tuabneeg coj lug tsua Vaajtswv. Cov tuabneeg kws koj txhwv ntawm, tsw has xeem twg los yog, cov kws has yaam lug twg los yog, tsaav tuabneeg twg los yog, nyob lub tebchaws twg los yog, puav leej yog koj txhwv lug huvsw. 10 Koj coj puab lug ua Vaajtswv le tuabneeg hab tsaa puab ua pov thawj ua peb tug Vaajtswv teg num. Hab puab cov ntawm yuav tau kaav lub nplajteb nuav. 11 Kuv rov qaab saib dua ib zag kuv txawm nov cov tubkhai sau ntuj ntau txheeb ntau vaam leej lub suab. Puab sawv vej lub zwm txwv hab vej plaub tug tsaj kws yog Vaajtswv le tubkhai, hab cov kev txwj quas laug. 12 Puab hu nkauj nrov nrov has tas, Tug mivnyuas yaaj kws tuabneeg muab tua lawm, koj yog tug kws muaj fwjchim, hab yog tug kws nplua nuj, Hab yog tug kws muaj tswvyim hab muaj zug. Tswm nyog peb fwm koj, qhuas koj hab ua tsua koj tau koob meej. 13 Kuv nov ib puas tsaav yaam kws muaj sa, tsw has tej kws nyob sau ntuj los yog, nyob huv nplajteb nuav los yog, nyob huv nruab tiv txwv los yog, nyob huv hav txwv los yog, txhua tsaav txhua yaam lub suab hu nkauj has tas, Peb suavdawg yuav tsum fwm, yuav tsum qhuas, Yuav tsum pe hab ua tsua tug kws nyob sau lub zwm txwv hab tug mivnyuas yaaj tau koob meej moog ib txhws le. 14 Plaub tug tsaj kws yog Vaajtswv le tubkhai teb has tas, Amee. Tes cov kev txwj quas laug txawm txhus caug pes ndua pe tug kws nyob sau lub zwm txwv hab tug mivnyuas yaaj.
Xyaa lub hom thawj
1 Tes kuv txawm pum tug mivnyuas yaaj muab xyaa lub hom thawj hov tev. Thaus nwg tev thawj lub kuv nov plaub tug tsaj kws yog Vaajtswv le tubkhai ib tug has nrov nrov ib yaam le xub quaj has tas, ca le lug. 2 Kuv saib dheev ua cav muaj ib tug txwv neeg dawb tawm plawg lug. Tug kws caij neeg hov coj ib raab neev nti, nwg ntoo ib lub mom kub. Nwg caij neeg tawm moog yaam le tug kws tub kov yeej lawm, nwg yuav moog tawm tsaam kuas yeej. 3 Tes tug mivnyuas yaaj txawm muab lub hom thawj kws yog lub ob tev. Thaus nwg muab tev lawm kuv nov tug tsaj kws yog Vaajtswv tug tubkhai kws yog tug ob has tas, ca le lug. h Ua cav ib tug txwv neeg lab txawm tawm plawg lug. Luas muab ib raab ntaaj luj luj tsua tug kws caij neeg ntawm. Nwg muaj fwjchim ua tsua tuabneeg nplajteb ua tsuv ua rog hab sws ntaus sws tua. 5 Tes tug mivnyuas yaaj txawm muab lub hom thawj kws yog lub peb tev. Thaus nwg muab tev lawm kuv nov tug tsaj kws yog Vaajtswv tug tubkhai kws peb has tas, ca le lug. Kuv saib dheev, ua cav muaj ib tug txwv neeg dub tawm plawg lug. Tug kws caij neeg hov txhais teg tuav rawv ib raab teev. 6 Kuv nov ib lub suab yaam le yog suab tuabneeg has huv plaub tug tsaj kws yog Vaajtswv le tubkhai tuaj has tas, cov tuabneeg kws ua luas zug, yog yuav ntsab mas ib nub ib tai ntsab. Yog yuav pas ib nub peb taig pas. Kuas tsw xob muab cov roj txwv kav laaj hab cov kua txwv maab xws nchuav pov tseg. 7 Tes tug mivnyuas yaaj txawm muab lub hom thawj kws yog lub plaub tev. Thaus nwg muab tev lawm kuv nov tug tsaj kws yog Vaajtswv tug tubkhai kws yog tug plaub has tas, ca le lug. 8 Kuv saib dheev, ua cav muaj ib tug txwv neeg txheeb ntsuab tawm plawg lug. Tug kws caij neeg ntawm nwg lub npe hu ua Txujkev Tuag, tub tuag teb lawv nwg qaab lug. Tug kws caij neeg hab tug kws lawv qaab, ob tug muaj fwjchim tua cov tuabneeg kws nyob huv nplajteb tuag ib feem huv plaub feem tsw has xuas ntaaj tua hab tuag tshaib tuag nqhes tuag mob tuag ntsaaj hab ua tsua tsuv tum maa dua los puav leej ua tau. 9 Tes tug mivnyuas yaaj txawm muab lub hom thawj kws yog lub tswb tev. Thaus nwg muab tev lawm kuv pum ib co ntsuj plig coob coob nyob huv lub qaab rooj kws ca hov txhua chaw pub tsua Vaajtswv. Cov ntsuj plig ntawm yog cov tuabneeg kws luas muab tua taag lawm cov ntsuj plig. Qhov kws puab raug tua yog puab qha Vaajtswv txujlug hab kub sab pav xuv zoo. 10 Cov tuabneeg ntawm cov ntsuj plig has nrov nrov has tas, Vaajtswv koj yog tug kws muaj fwjchim, tug kws zoo kawg nkaus, tug kws yog Vaajtswv tag, tshuav ntev le caag koj le maav teem txem tsua tuabneeg nplajteb hab rau txem tsua cov tuabneeg kws muab peb lub cev tua pov tseg. 11 Luas muab tsho dawb tsua cov tuabneeg kws raug tua ntawm, ib leeg ib lub. Vaajtswv has tsua puab has tas, kuas puab ca le su ntev mivntswv tsaiv. Thaus puab tej kwvtij kwvluag kws yeej yuav raug txujkev tuag raug luas tua tuag taag ib yaam le puab lawm, Vaajtswv le maav teem txem. 12 Tes kuv txawm pum tug mivnyuas yaaj muab lub hom thawj kws yog lub rau tev. Ua cav nplajteb ua zug quas kais heev. Lub nub txawm tsaus quas nti dub ncab yaam le tej ntaub maag dub, huas lub hli txawm ca le lab ploog yaam le ntshaav lawm. 13 Cov nub qub txawm zeeg zum quas zawg sau ntuj lug tsua huv nplajteb ib yaam le tej txwv cua kws tsw tau sav ais cua ntsawj poob. 14 Lub ntuj pluj quas zug moog ib yaam le luas dov thooj ntawv. Txhua lub roob hab txhua lub miv tebchaws kws nyob huv hav txwv puav leej txaav moog nyob lwm qhov lawm. 15 Tej vaaj ntxwv kws kaav nplajteb, tej num tswv, tej thawj tub rog, tej tuabneeg nplua nuj, tej tuabneeg tseem ceeb, hab txhua tug tsw has cov kws ua qhev hab tsw ua qhev los suavdawg puav leej tswv moog nraim huv tej qhov tsua hab huv tej qaab tsuas. 16 Puab has tsua tej hauv roob hab tej pob zeb pob tsuas has tas, ca le pob lug txhub peb npug peb tsua kuas tug kws nyob sau lub zwm txwv tsw xob pum peb, hab kuas tug mivnyuas yaaj tsw xob teem txem tsua peb. 17 Tsua qhov tub txug nub kws Vaajtswv hab tug mivnyuas yaaj teem txem lawm. Yog le ntawm tseem yuav muaj tuabneeg tawv dhau hab los.
Cov Yixayee ib xeem plaub vaam plaub txheeb leej
1 Dhau hov ntawm kuv pum plaub tug tubkhai sau ntuj sawv plaub ceg kaum ntuj txwv tsw kheev cua ntsawj plaub ceg kaum ntuj tuaj tsua nplajteb, hab tuaj tsua dej hav txwv hab tuaj tsua tej xyoob ntoo. 2 Kuv pum dua ib tug tubkhai sau ntuj tawm saab nub tuaj tuaj, nwg tuav rawv Vaajtswv kws muaj txujsa nyob lub hom thawj. Nwg has nrov nrov tsua plaub tug tubkhai sau ntuj kws Vaajtswv khaiv lug rhuav lub nplajteb hab dej hav txwv has tas, 3 mej tsw xob rawm rhuav nplajteb, hab dej hav txwv, hab tej xyoob ntoo, ca peb nas hom thawj tsua Vaajtswv cov tub qhe txhua tug hauv plaj tsaiv mej le maav rhuav. 4 Tug tubkhai hov qha tsua kuv has tas, cov tuab- neeg kws muaj Vaajtswv lub hom thawj nas tsua ntawm hauv plaj lawm muaj ib xeem plaub vaam plaub txheeb leej. Vaajtswv xaiv cov tuabneeg hov tawm huv kaum ob xeem tuabneeg Yixayee lug. 5 Nwg xaiv xeem Yuta ib vaam ob txheeb leej, xeem Lunpee ib vaam ob txheeb leej, xeem Kab ib vaam ob txheeb leej, 6 xeem Axee ib vaam ob txheeb leej, xeem Nethali ib vaam ob txheeb leej, xeem Manaxe ib vaam ob txheeb leej, 7 xeem Xime-oo ib vaam ob txheeb leej, xeem Levi ib vaam ob txheeb leej, xeem Ixakha ib vaam ob txheeb leej, 8 xeem Xanpuloo ib vaam ob txheeb leej, xeem '-Yauxej ib vaam ob txheeb leej, xeem Npeyami ib vaam ob txheeb leej.
Cov kws sawv vej Vaajtswv lub zwm txwv
9 Dhau hov ntawm kuv saib dheev ua cav muaj tuabneeg coob coob suav tsw txheeb le tuaj txhua lub tebchaws tuaj, tsw has xeem twg los muaj, tsaav tuabneeg twg los muaj, cov tuabneeg kws has yaam lug twg los muaj, suavdawg tuaj sawv ntawm lub zwm txwv hab tug mivnyuas yaaj lub xub ndag. Puab txhua tug puav leej naav ib leeg ib ce rwg tsho dawb, hab ib leeg tuav rawv ib daim nplooj toov laaj. 10 Puab has nrov nrov has tas, tug Vaajtswv kws nyob sau lub zwm txwv hab tug mivnyuas yaaj tub txhwv peb dim lawm. 11 Cov tubkhai sau ntuj txhua tug sawv vej lub zwm txwv, hab vej cov kev txwj quas laug hab vej plaub tug tsaj kws yog Vaajtswv le tubkhai kws sawv vej Vaajtswv lub zwm txwv. Mas cov tubkhai sau ntuj qhau cev hlo ntawm Vaajtswv lub zwm txwv pe Vaajtswv has tas, 12 amee, Vaajtswv koj yog tug kws muaj tswvyim muaj fwjchim hab muaj zug. Tswm nyog peb qhuas koj, fwm koj, ua koj tsaug hab ua tsua koj tau koob meej moog ib txhws le. Amee. 13 Cov kev txwj quas laug kws nyob ntawm muaj ib tug nug kuv has tas, cov tuabneeg kws naav rwg tsho dawb, puab yog tuabneeg daabtsw hab puab tuaj hov twg tuaj. h Kuv teb has tas, kuv tsw paub as. Koj txha paub. Tug kev txwj quas laug ntawm qha tsua kuv has tas, cov tuabneeg ntawm yog cov kws tub tiv dhau qhov kev tswm txom kws heev lug lawm. Puab tub muab tug mivnyuas yaaj cov ntshaav ntxuav puab tej rwg tsho dawb dawb lawm. 15 Vem le ntawm puab txha tau lug sawv ntawm Vaajtswv lub zwm txwv ua koom Vaajtswv taag nub taag mo huv Vaajtswv lub tuam tsev. Vaajtswv kws nyob sau lub zwm txwv yuav nrug puab nyob hab yuav tsom kwm puab. 16 Puab yuav tsw tshaib tsw nqhes, naag yuav tsw ntub tshaav yuav tsw kub puab ib zag le lawm. 17 Tsua qhov tug mivnyuas yaaj kws sawv ntawm tug kws nyob sau lub zwm txwv lub xub ndag yuav pub puab noj hab coj puab moog haus tej qhov dej txhawv kws cawm tuabneeg txuj sa, hab Vaajtswv yuav so puab tej kua muag huvsw moog.
Lub hom thawj kws xyaa
1 Thaus tug mivnyuas yaaj muab lub hom thawj kws xyaa tev lawm ua cav sau ntuj ceeb tsheej txawm ntsag quas tu kwvlaam peb caug nathi. 2 Kuv pum Vaajtswv muab raaj xyu tsua xyaa tug tubkhai ntuj kws sawv ntawm Vaajtswv xub ndag, ib leeg ib lub. 3 Muaj dua ib tug tubkhai sau ntuj, nwg nqaa lub taig kub kws rau moov tshuaj tsw-qaab. Nwg lug sawv ntawm lub rooj kub kws ca hov txhua chaw pub tsua Vaajtswv mas Vaajtswv muab ib co moov tshuaj tsw-qaab ntau ntau tsua tug tubkhai hov coj moog xyaw tsua tej lug kws cov ntseeg thov Vaajtswv, hab coj moog ca tsua sau lub rooj kub kws nyob ntawm Vaajtswv lub zwm txwv. 4 Tug tubkhai hov txawm muab cov moov tshuaj tsw-qaab hlawv. Cov paa tshuaj hov nchu quas lug ntawm nwg txhais teg nrug tej lug kws cov ntseeg thov moog tsua Vaajtswv. 5 Tes tug tubkhai txawm muab tej suav tawg kws nyob sau lub rooj kub lug ntim puv nkaus tsua lub taig kws rau moov tshuaj, tes nwg txawm muab lub taig suav tawg hov pov tsua huv nplajteb tes xub txawm nthe tej nam rhev ua tsag lig xub lab quas vog, muaj suab nrov tseeg quas nkawg, lub nplajteb ua zug quas kais.
Xyaa lub raaj xyu
6 Dhau hov ntawm xyaa tug tubkhai sau ntuj kws coj xyaa lub raaj xyu puab yuav tshuab puab cov raaj. 7 Thaus thawj tug tubkhai tshuab raaj, tes txawm muaj lawg hab suav tawg xyaw ntshaav poob lug tsua huv nplajteb. Lub nplajteb kub nyab taag ib feem tshuav ob feem, tej xyoob ntoo kub nyab taag ib feem tshuav ob feem, tej nroj tsuag kub nyab taag huvsw. 8 Thaus tug tubkhai kws ob tshuab raaj txawm muaj ib yaam zoo le ib lub roob luj luj saamswm kub nyab nphau tsua huv hav txwv, tes dej hav txwv txawm txa ua ntshaav taag ib feem tshuav ob feem. 9 lb puas tsaav yaam tsaj kws nyob huv hav txwv tuag taag ib feem tshuav ob feem, hab tej nkoj kws moog moog lug lug huv hav txwv puam tsuaj taag ib feem tshuav ob feem. 10 Thaus tug tubkhai kws peb tshuab raaj mas muaj ib lub nub qub kub nyab cig lab quas ploog yaam le ib teg tsau poob sau ntuj lug npug txhua tug dej hab tej qhov dej txhawv taag ib feem tshuav ob feem. 11 Lub nub qub hov npe hu ua Ab, mas tej dej txawm ab taag ib feem tshuav ob feem. Muaj tuabneeg coob coob tuag vem yog puab haus tau cov dej ab ntawm. 12 Thaus tug tubkhai kws plaub tshuab raaj tes lub nub txawm raug puam tsuaj taag ib feem tshuav ob feem, lub hli hab cov nub qub puav leej raug puam tsuaj ib yaam nkaus, txhua lub tsaus taag ib feem tshuav ob feem. Nruab nub tsw pum kev taag ib feem tshuav ob feem, mo ntuj kuj tsw pum kev ib yaam nkaus. 13 Tes kuv txawm saib dheev mas pum ib tug daav npoj yaa sau nruab ntug. Tug daav hov quaj nrov has tas, kev txom nyem, kev txom nyem, kev txom nyem, thaus cov tuabneeg kws nyob huv nplajteb nov peb tug tubkhai sau ntuj kws tseem tsw tau tshuab raaj tej suab raaj nrov tes suavdawg yuav raug kev txom nyem.
1 Thaus tug tubkhai kws tswb tshuab raaj, kuv pum lub nub qub kws tub poob sau ntuj lug tsua huv nplajteb lawm. Luas muab ib tug yuam swj tsua lub nub qub hov coj lug qheb lub nam qhov tub tub. 2 Thaus lub nub qub hov moog qheb lub nam qhov tub tub, ua cav txawm muaj paa nchu quas lug tawm huv lub nam qhov ntawm tuaj ib yaam le cub nam suav tawg hlub hlub kws nchu paa. Tej paa hov txawm tuaj moog laum lub nub hab lub ntuj ua tsaus quas nti taag huvsw. 3 Muaj ib cov kooj txwg yaa tawm huv cov paa ntawm lug tsua sau npoo aav. Luas pub cov kooj ntawm muaj taug ib yaam le raub rws teb. h Kuas luas txwv tsw kheev cov kooj hov noj tej xyoob ntoo hab tej qoob loos, luas tsuas kheev cov kooj hov tswm txom cov tuabneeg kws tsw muaj Vaajtswv lub hom thawj nas tsua ntawm hauv plaj xwb. 5 Kuas luas txwv tsw kheev cov kooj hov tua cov tuabneeg kws raug tswm txom hov, luas tsuas kheev tswm txom puab tswb hlis xwb. Tej kev tswm txom kws puab raug hov mob heev ib yaam le raub rws teb plev. 6 Tswb lub hlis ntawm puab pheej nrhav kev tuag kuas puab nrhav tsw tau. Puab xaav tuag kuas tuag tsw taug. 7 Cov kooj ntawm zoo ib yaam le tej neeg kws luas tub muab eeb pem tsua lawm yuav caij moog ntaus rog. Muaj tej lub zoo le mom kub nyob sau cov kooj taubhau. Kooj lub ntsej muag zoo le tuabneeg lub. 8 Kooj tej plaub hau zoo le cov quaspuj tej plaub hau, kooj tej kaug nav zoo le kaug nav tsuv ntxhuav. 9 Txhua tug kooj puav leej muaj ib daim zoo le hlau thaiv hauv sab. Kooj yaa nrov le tej tsheb neeg coob coob kws dha moog tom tshaav rog ais nrov. 10 Kooj tug kwtwv muaj ple hab txawj plev ib yaam le raub rws teb plev. Tug kwtwv hov muaj taug tswm txom tuabneeg txug tswb lub hlis. 11 Muaj ib tug vaaj ntxwv kaav cov kooj ntawm. Tug vaaj ntxwv hov yog tug tubkhai sau ntuj kws saib lub nam qhov tub tub. Lug Heplais hu nwg lub npe ua Anpatoo. Lug Kili hu nwg npe ua Apauliyoo. Lub npe ntawm txhais has tas, tug kws ua kuas puam tsuaj. 12 Thawj txujkev txom nyem tub dhau lawm. Kuas tseem tshuav ob zag kev txom nyem hab. 13 Thaus tug tubkhai kws rau tshuab raaj kuv nov ib lub suab has ntawm lub rooj kub plaub ceg kaum tuaj. Lub rooj kub ntawm yog lub kws nyob ntawm Vaajtswv xub ndag. 14 Lub suab ntawm has tsua tug tubkhai ntuj kws yog tug rau kws nqaa lub raaj has tas, ca le muab plaub tug tubkhai sau ntuj kws raug khi tsua nraag ntug dej luj Yufate tso. 15 Thaus muab plaub tug tubkhai ntawm tso lawm Vaajtswv khaiv puab moog tua cov tuabneeg nplajteb tuag taag ib feem tshuav ob feem. Vaajtswv tub tu plaub tug tubkhai ntawm kuas puab ua le hov tsua xyoo hov hab lub hlis hov hab nub hov hab lub swmhawm hov. 16 Luas qha tsua kuv has tas, cov tub rog kws caij neeg muaj ob puas laaj leej. 17 Thaus kuv tseem ua yug quas toog hov kuv pum cov neeg hab cov tuabneeg kws caij neeg. Cov tuabneeg kws caij neeg puab ib leeg muaj ib daim hlau thaiv hauv sab, daim hlau ntawm lab le nplaim tawg, hab xav le ntaub xa, hab daaj le lawj faaj. Cov neeg lub taubhau zoo ib yaam le tsuv ntxhuav lub. Muaj nplaim tawg paa tawg hab lawj faaj tawm huv cov neeg hovflub qhov ncauj lug. 18 Cov nplaim tawg hab paa tawg hab lawj faaj kws tawm huv neeg lub qhov ncauj lug hov ua tsua tuabneeg nplajteb tuag ib feem tshuav ob feem. 19 Tej taug hov nyob huv neeg lub qhov ncauj hab tom neeg tug kwtwv. Tug kwtwv zoo le naab hab muaj taubhau. Cov neeg ntawm swv tug kwtwv tum tuabneeg. 20 Cov tuabneeg kws tsw raug peb yaam taug hov es tsw tuag puab tsw kaam muab tej kws puab txhais teg ua lug lawm tso pov tseg. Puab tseem teev daab hab teev txoov daab kub, txoov daab nyaj, txoov daab tooj, txoov daab hlau, txoov daab zeb, txoov daab aav. Tej txoov daab ntawm yeej tsw pum kev, tsw nov lug, tsw txawj moog kev 21 los puab tseem sws ntaus sws tua, ua khawv koob, ua nkauj ua nraug hab ua tub saab tub nyag le qub, puab tsw tso puab tej kev phem ntawm tseg le.
Tug tubkhai ntuj hab thooj ntawv miv miv
1 Dhau hov ntawm kuv pum dua ib tug tubkhai ntuj kws muaj fwjchim lug sau ntuj lug. Muaj ib tauv fuab qhwv nwg hab muaj ib tug zaaj sawv vej nwg lub tuabhau. Nwg lub ntsej muag zoo ib yaam le lub nub, nwg txhais ceg zoo ib yaam le tug nplaim tawg kws cig ntswj pis leeg. 2 Nwg txhais teg tuav rawv ib thooj ntawv miv miv kws tub nthuav lawm. Nwg rhais nwg saab taw xws moog tsuj huv dej hav txwv, nwg saab taw phem tsuj sau nruab nqhuab. 3 Nwg has lug nrov ib yaam le tsuv ntxhuav nyooj. Thaus nwg has taag tes xub txawm quaj xyaa suab teb. 4 Thaus xub quaj xyaa suab teb taag lawm kuv tub yuav sau tuab tag, kuas kuv nov ib lub suab has sau ntuj tuaj tsua kuv has tas, tej lug kws xub quaj xyaa suab has ntawm koj ca le muab npog ca tsw xob sau. 5 Tes kuv pum tug tubkhai sau ntuj kws ib saab taw tsuj huv dej hav txwv, ib saab taw tsuj sau nruab nqhuab tsaa nwg saab teg xws tsua sau ntuj. 6 Nwg has tas, nwgnuav tog tsw taug ntev lawm, lu lug kws kuv has nuav, Vaajtswv kws muaj txujsa nyob kws tswm lub ntuj hab ib puas tsaav yaam kws nyob sau ntuj, hab tswm lub nplajteb hab ib puas tsaav yaam kws nyob huv nplajteb, hab tswm dej hav txwv hab ib puas tsaav yaam kws nyob huv hav txwv, nwg yeej paub has tas, kuv has tseeb xwb. 7 Thaus tug tubkhai sau ntuj kws yog tug xyaa tshuab raaj, tes Vaajtswv yuav ua kuas Vaajtswv teg num kws Vaajtswv muab zais ca lawm tav, lawv le tej kws Vaajtswv tub qha tsua nwg cov tub qhe kws yog cov xwbfwb cev nwg tej lug lawm. 8 Dhau hov ntawm kuv nov lub suab kws thawj zag tub has tsua kuv ib zag lawm rov qaab has tsua kuv has tas, koj ca le moog muab thooj ntawv kws tub nthuav lawm ntawm tug tubkhai ntuj kws ib saab taw tsuj huv hav txwv, ib saab taw tsuj sau nruab nqhuab txhais teg. 9 Tes kuv txawm moog cuag tug tubkhai ntawm hab thov nwg muab thooj ntawv miv miv ntawm tsua kuv. Nwg has tsua kuv has tas, koj ca le muab thooj ntawv nuav noj. Thaus koj nqog lawm yuav ua tsua koj lub plaab ab, kuas thaus tseem nyob huv koj lub qhov ncauj mas yuav qaab zwb le zwb ntaab. 10 Kuv txha muab thooj ntawv miv miv hov ntawm tug tubkhai txhais teg lug noj. Thaus tseem nyob huv kuv lub qhov ncauj, mas thooj ntawv qaab zwb cuag le zwb ntaab. Kuas thaus kuv nqog tsua huv plaab lawm ab ab le tug tubkhai has tag. 11 Tes luas txawm has tsua kuv has tas, koj yuav tsum rov qaab qha Vaajtswv txujlug kws has txug txhua tsaav tuabneeg, txhua lub tebchaws, txhua yaam lug hab txhua tug vaaj ntxwv dua ib zag.
Ob tug tim khawv
1 Dhau hov ntawm luas muab ib tug paas ntsuag zoo le tug paas nreg tsua kuv. Luas has tsua kuv has tas, koj ca le sawv tseeg moog ntsuag lub tuam tsev thov Vaajtswv hab ntsuag lub rooj kws ca hov txhua chaw pub tsua Vaajtswv, hab suav cov tuabneeg kws tuaj pe Vaajtswv huv lub tuam tsev ntawm saib muaj pes tsawg leej. 2 Kuas koj tsw xob ntsuag ib ncig lub tuam tsev saab nrau, tsua qhov tub muab saab nrau tsua cov tuabneeg kws tsw ntseeg Vaajtswv lawm. Puab yuav tsuj lub nroog kws zoo kawg nkaus plaub caug ob hlis. 3 Kuv yuav khaiv kuv ob tug tim khawv lug qha. Ob tug yuav naav seev tsaaj, hab qha Vaajtswv txujlug ib txheeb ob puas rau caum nub ntawm. 4 Ob tug tim khawv yog ob tsob ntoo kav laaj hab yog ob tug neej txawb teeb kws nyob ntawm Vaajtswv kws kaav nplajteb lub xubndag. 5 Yog leejtwg yuav ua phem tsua ob tug, tes nplaim suav tawg yuav tawm huv ob tug qhov ncauj lug kub cov kws ua yeeb ncuab tsua ob tug. Yog leejtwg yuav ua lim ham tsua ob tug, tes leejtwg yuav raug kub nyab ib yaam nkaus. 6 Ob tug tim khawv nuav muaj fwjchim txwv tsw kheev ntuj lug naag tsua lub swmhawm kws ob tug qha Vaajtswv txujlug. Ob tug muaj fwjchim ua tsua tej dej txa ua ntshaav, hab ob tug txawj ua tsua nplajteb raug ib puas tsaav yaam kev txom nyem. Ob tug xaav ua le ntawm pes tsawg zag los yeej ua tau huvsw. 7 Thaus ob tug qha taag lawm nam tsaj kws tawm huv lub nam qhov tub tub lug yuav tawm tsaam ob tug. Nwg yuav kov yeej ob tug hab muab ob tug tua pov tseg. 8 Hab yuav muab ob tug ob lub cev tuag tso tsua ntawm ntug kev huv lub nroog luj. Lub nroog ntawm yog lub kws luas muab ob tug tug tswv teem tsua sau tug ntoo khaublig. Suavdawg ib txwm muab lub nroog ntawm pev tsua lub moos Xautoo hab lyi tebchaws. 9 Muaj tuabneeg coob coob tuaj txhua lub tebchaws tuaj saib, tsw has tsaav tuabneeg twg los tuaj, xeem twg los tuaj, cov tuabneeg kws has yaam lug twg los tuaj, suavdawg puav leej tuaj saib ob tug ob lub cev tau peb nub hab ib taavsu. Puab tsw kheev leejtwg muab ob tug ob lub cev moog log le. 10 Thaus tuabneeg nplajteb pum has tas ob tug tuag lawm puab yuav zoo sab kawg le. Puab yuav ua noj ua haus qhwv qab qhwv qai nqaa tuaj sws pub, tsua qhov ob tug xwbfwb kws cev Vaajtswv lug kws ua tsua tuabneeg nplajteb raug kev txom nyem heev tuag lawm. 11 Thaus dhau peb nub hab ib taavsu lawm Vaajtswv rau sav rau paa tsua ob tug ob lub cev, tes ob tug txawm sawv tseeg sawv ntsug. Cov tuabneeg kws pum ob tug sawv, suavdawg ntshai kawg nkaus le. 12 Ob tug nov ib lub suab has nrov nrov sau ntuj tuaj tsua ob tug has tas, meb ca le lug sau nuav. Thaus cov tuabneeg kws ntxub ob tug tseem saamswm saib ntsoov ob tug tes muaj ib tauv fuab ca le lug tog kag ob tug moog tsua sau ntuj lawm. 13 Taamswm hov lub nplajteb txawm tseeg quas nkawg ua zug quas kais heev, lub nroog ntawm puam tsuaj taag ib feem tshuav cuaj feem, mas tuag xyaa txheeb leej tuabneeg, huas cov tuabneeg kws tsw tuag mas ntshai kawg le hab puab qhuas Vaajtswv kws muaj fwjchim luj kawg nkaus kws nyob sau ntuj ceeb tsheej. 14 Tub dhau txujkev txom nyem zag ob lawm lauj, kuas mej swm saib saib tshuav tsw ntev nuav txujkev txom nyem zag peb yuav lug.
Lub raaj xyu xyaa
15 Thaus tug tubkhai sau ntuj kws yog tug xyaa tshuab raaj xyu ua cav muaj ntau lub suab has nrov sau ntuj tuaj has tas, tug kws muaj fwjchim kaav lub nplajteb nuav, nwg yog peb tug Vaajtswv hab yog tug kws Vaajtswv khaiv lug ua Cawmseej, nwg yuav kaav moog ib txhws le. 16 Thaus hov neeg nkaum plaub leeg kev txwj quas laug kws nyob sau cov rooj kws nyob ntawm Vaajtswv xub ndag, puab txawm txhus caug pis ndua huv peg teb pe Vaajtswv. 17 Puab has tas, Vaajtswv, koj yog tug kws muaj fwjchim luj kawg nkaus. Koj yog tug kws nwgnuav tseem muaj txujsa nyob, hab yog tug kws ib txwm nyob thau u lug lawm. Peb ua koj tsaug tsua qhov koj swv koj tug fwjchim kws luj kawg nkaus, Hab nwgnuav koj saamswm chiv kaav lub nplajteb nuav. 18 Cov tuabneeg kws tsw ntseeg chim heev, tsua qhov tub txug lub swmhawm kws koj teem txem lawm. Hab tub txug lub swmhawm kws cov tuabneeg tuag lawm yuav raug teem txem. Tub txug lub swmhawm kws koj yuav muab yeeb koob tsua koj cov tub qhe kws yog cov xwbfwb cev koj le lug, Hab pub tsua txhua tug kws fwm koj, tsw has tug hlub tug yau huvsw. Hab tub txug lub swmhawm kws koj yuav ua tsua cov tuabneeg kws ua phem tsua lub nplajteb nuav puam tsuaj moog. 19 Vaajtswv lub tuam tsev sau ntuj lub qhov rooj txawm qheb hlo mas muaj tuabneeg pum lub swb xaab kws ntim Vaajtswv lu lug cog tseg nyob huv lub tuam tsev. Tes tsag lig xub txawm lab quas vog hab xub nthe tej nam rhev, hab nplajteb ua zug quas kais hab lug lawg hlub hlub le.
Tug quaspuj hab tug zaaj
1 Dhau hov ntawm muaj ib yaam txujci tseem ceeb tshwm tsua sau ntuj. Muaj ib tug quaspuj nwg naav lub nub, nwg tsuj nreeg lub hli nwg ntoo kaum ob lub nub qub. 2 Tug quaspuj ntawm muaj ib plaab mivnyuas tub yuav yug tuab tag, thaus nwg ua mob teb nwg quaj quaj. 3 Muaj dua ib yaam tseem ceeb tshwm tsua sau ntuj, yog ib tug zaaj luj luj lab ploog nyob sau Tug zaaj ntawm muaj xyaa lub taubhau, hab muaj kaum tug kub, xyaa lub taubhau ntawm puav leej muaj mom kub ntoo huvsw. 4 Zaaj muab zaaj tug kwtwv nplawm cov nub qub sau nruab ntug poob taag ib feem lug tsua huv nplajteb tshuav ob feem. Nwg sawv ntawm tug quaspuj kws yuav yug mivnyuas lub xub ndag, nwg tog rawv yuav noj tug mivnyuas kws yuav yug lug ntawm. 5 Tug quaspuj ntawm yug tau ib tug mivtub. Tug mivtub ntawm yuav muab qws hlau lug kaav txhua tsaav tuabneeg huvsw. Kuas tub muaj tuabneeg tuaj txeeb tug mivtub ntawm nqaa moog cuag Vaajtswv ntawm Vaajtswv lub zwm txwv lawm. 6 Tes tug quaspuj hov txawm tswv moog tom tebchaws moj saab qhua. Nwg moog nyob qhov chaw kws Vaajtswv tub tu tseg tsua nwg lawm. Hab Vaajtswv yuav tsom kwm nwg ib txheeb ob puas rau caum nub. 7 Dhau hov ntawm txawm muaj rog sws ntaus sws tua sau nruab ntug. Mikhayee hab Mikhayee cov tubkhai sau ntuj nrug zaaj sws tua. Zaaj hab zaaj cov tubkhai tuaj tua Mikhayee, 8 kuas zaaj tog,tua tsw yeej. Zaaj hab zaaj cov tubkhai txha tsw tau nyob sau ntuj lawm. 9 Luas muab nam zaaj luj luj ntawm hab nam zaaj cov tubkhai pov nrum tsua huv nplajteb. Nam zaaj ntawm yog tug naab txwj naab laug thau u kws suavdawg hu has tas, Daab Ntxwg Nyoog lossws hu has tas, Xataa kws daag ntxag tuabneeg nplajteb. 10 Tes kuv nov ib lub suab has nrov nrov sau ntuj tuaj has tas, nwgnuav Vaajtswv tub paab peb dim lawm. Nwgnuav Vaajtswv tub ua tsua suavdawg pum lawm tas, Vaajtswv yog tug vaaj ntxwv kws muaj fwjchim. Nwgnuav tug kws Vaajtswv khaiv lug ua Cawmseej tub ua tsua suavdawg pum nwg tug fwjchim lawm. Tsua qhov tug kws naj nub naj mo moog kom peb cov kwvtij tsua ntawm Vaajtswv lub xub ndag tub raug muab pov sau ntuj lug lawm. 11 Tug mivnyuas yaaj cov ntshaav hab Vaajtswv txujlug kws peb cov kwvtij qha tub ua tsua puab kov yeej tug kws kom puab lawm. Txawm yog cov kwvtij ntawm yuav raug kev tuag los puab tsw khauv xwm puab txujsa le. 12 Yog le ntawm mas lub ntuj hab mej txhua tug kws nyob sau ntuj, mej ca le zoo sab hlo. Kuas nplajteb hab hav txwv yuav raug kev txom nyem heev vem Ntxwg Nyoog tub lug tsua huv mej lawm. Nwg chim heev kawg le tsua qhov nwg paub has tas, nwg yuav tsw tau nyob ntev lawm. 13 Thaus tug zaaj hov ncu dheev txug has tas, nwg tub poob lug tsua huv nplajteb lawm tes nwg txawm lawv tug quaspuj kws yug tug mivtub ntawm. 14 Kuas luas pub tug quaspuj ntawm muaj ob saab tis luj luj yaam le tis daav npoj kuas nwg yaa taug moog txug nwg lub chaw kws nyob tom tebchaws moj saab qhua. Luas yuav tsom kwm nwg tom peb xyoos rau lub hlis tsw kheev tug naab ntawm ua le caag tau tsua nwg. 15 Tes nam naab txawm txau dej tawm huv naab lub qhov ncauj lug hlub hlub ib yaam le ib tug nam dej ndwg lawv tug quaspuj ntawm qaab. Nwg ua le nuav sub txha kuav tau tug quaspuj ntawm moog. 16 Kuas aav paab tug quaspuj ntawm, aav txawm ca le tawg pleb nqug cov dej kws tawm huv nam zaaj hov lub qhov ncauj lug lawm. 17 Mas nam zaaj chim tsua tug quaspuj hov heev, zaaj txawm ca le moog tawm tsaam tug quaspuj hov cov xeeb ntxwv kws tseem muaj nyob. Cov xeeb ntxwv ntawm yog txhua tug kws ua lawv le Vaajtswv txuj kevcai, hab ntseeg Yexu tej lug qha. 18 Tes nam zaaj txawm moog sawv ntawm ntug hav txwv.
Ob tug tsaj nyaum nyaum
1 Dhau hov ntawm kuv pum ib tug nam tsaj tawm huv hav txwv tuaj. Nwg muaj kaum tug kub hab muaj xyaa lub taubhau. Kaum tug kub ntawm puav leej ntoo mom kub huvsw. Xyaa lub taubhau ntawm txhua lub puav leej muaj ib lub npe phem kawg le kws yog saib tsw taug Vaajtswv sau tsua ntawm. 2 Nam tsaj kws kuv pum ntawm zoo le ib tug tsuv pom txwv. Nwg txhais kwtaw zoo le dais txhais, nwg lub qhov ncauj zoo le tsuv ntxhuav lub. Nam zaaj nwg muab nwg tug num hab nwg lub rooj nyob hab muab ib puas tsaav yaam fwjchim kws nwg muaj huvsw tso tsua nam tsaj ntawm tuav. 3 Saib yaam le luas tub muab nam tsaj ntawm ib lub taubhau txav tu lawm, kuas ua cav lub kav txhaab tub zoo lawm. Cov tuabneeg kws nyob thoob plawg huv qaab ntuj nuav xaav tsw thoob le, tes puab txawm qaug sab tsua nam tsaj ntawm. 4 Tej tuabneeg puav leej tuaj pe nam zaaj, tsua qhov nwg muab nwg tug fwjchim tso tsua nam tsaj tuav. Puab pe nam tsaj ntawm ib yaam nkaus hab puab has tas, leejtwg muaj fwjchim npaum le nam tsaj nuav, leejtwg yuav tawm tsaam tau nwg. 5 Luas ca nam tsaj ntawm has tej lug phem hab ca nwg muaj fwjchim plaub caug ob lub hlis. 6 Nwg txawm chiv tshev Vaajtswv, nwg thuaj Vaajtswv hab thuaj Vaajtswv lub npe hab thuaj Vaajtswv lub chaw nyob hab foom tsw zoo tsua txhua tug kws nyob sau ntuj ceeb tsheej huvsw. 7 Luas ca nam tsaj hov tawm tsaam Vaajtswv tsaav tuabneeg, hab luas ca nwg kov yeej puab. Luas tsaa nwg ua tug kaav taag nrho txhua lub tebchaws, txawm yog xeem twg hab cov tuabneeg kws has yaam lug twg hab tsaav tuabneeg twg los nwg kaav taag nrho huvsw. 8 Tej tuabneeg kws nyob huv qaab ntuj nuav suavdawg puav leej yuav pe nam tsaj ntawm. Cov tuabneeg ntawm yog cov kws thaus tsw tau tswm ntuj tswm teb es tsw muaj npe sau ca tsua huv phoo ntawv kws sau cov tuabneeg muaj txujsa ntev moog ib txhws lawm tej npe. Phoo ntawv hov yog tug mivnyuas yaaj kws tub raug tua lawm phoo. 9 Yog leejtwg muaj qhov ntsej ca le khaws tej lug nuav ca. 10 Tsw has leejtwg los thaus txug nub kws nwg poob cev qhev nwg yeej yuav poob. Thaus txug nub raug luas muab ntaaj tua, nwg yeej yuav raug. Yog le ntawm Vaajtswv cov tuabneeg yuav tsum ua sab ntev hab muab tsua sau sab ntseeg. 11 Dhau hov ntawm kuv pum ib tug nam tsaj tawm huv aav lug. Nwg muaj ob tug kub zoo le mivnyuas yaaj ob tug. Nwg has lug ib yaam le ib tug nam zaaj has. 12 Thaus nwg lug, nwg swv ib puas tsaav yaam fwjchim kws thawj tug tsaj muab tso tsua nwg. Nwg yuam nplajteb hab tej tuabneeg kws nyob huv nplajteb pe thawj tug nam tsaj kws muaj kav txhaab saab kawg le kws tub tsua rov zoo lawm. 13 Tug nam tsaj kws ob nuav nwg ua tej txujci tseem ceeb kws suavdawg xaav tsw thoob le. Nwg kuas suav tawg poob sau ntuj lug tsua huv nplajteb taab meeg suavdawg. 4 Nwg ua tej txujci tseem ceeb ntawm ntxag tej tuabneeg kws nyob huv nplajteb nuav. Luas kheev nwg ua tej hov tsua ntawm thawj tug tsaj lub xub ndag. Nwg kuas tej tuabneeg nplajteb puab ib tug nam txoov daab zoo le thawj tug tsaj kws tub raug ntaaj tua kuas tsw tuag tug yaam ntxwv. 15 Luas ca tug tsaj kws ob rau tau sav tau paa tsua tug nam txoov daab kws tug yaam ntxwv zoo le thawj tug tsaj, mas nam txoov daab hov txawm has tau lug, hab txawj moog muab cov tuabneeg kws tsw kaam pe nam txoov daab tua pov tseg. 16 Nam tsaj ob hov yuam tej tuabneeg tsw has tug hlub tug yau, tug muaj tug pluag, cov ua qhev hab cov kws tsw ua qhev kuas suavdawg moog nas hom thawj tsua txhais teg xws hab tsua ntawm hauv plaj. 17 Lub hom thawj nuav yog nam tsaj lub npe. Yog leejtwg tsw muaj lub hom thawj hov lossws tsw muaj cov lej xaam phaaj kws qha tas yog nam tsaj ntawm lub npe tes tug hov moog yuav tsw tau ib yaam daabtsw, hab muag tsw tau ib yaam daabtsw hlo le. 18 Tug kws muaj tswvyim nwg yeej yuav paub has tas, nam tsaj hov cov lej xaam phaaj lub ntsab yog le caag. Tsua qhov cov lej xaam phaaj hov yeej pev txug ib tug txwv neej lub npe. Cov lej kws xaam phaaj ntawm yog rau pua rau caum rau.
Ib xeem plaub vaam plaub txheeb leej zaaj nkauj
1 Dhau hov ntawm kuv saib dheev, ua cav kuv pum ib tug mivnyuas yaaj sawv sau lub hauv roob Xi-oo. Muaj ib xeem plaub vaam plaub txheeb leej kws muaj tug mivnyuas yaaj txwv lub npe nas tsua ntawm hauv plaj, puab nrug tug mivnyuas yaaj sawv ua ke. 2 Kuv nov ib lub suab nrov sau ntuj lug ib yaam le dej tsaws tsua nrov hab nrov le xub nthe. Lub suab kws kuv nov ntawm zoo le lub suab nkauj nog ncaas kws luas saamswm ntaus. 3 Cov tuabneeg ntawm sawv tig xub ndag moog tsua ntawm lub zwm txwv hab ntawm plaub tug tsaj kws yog Vaajtswv le tubkhai hab cov kev txwj quas laug. Puab hu ib zaaj nkauj tshab kws tsw muaj leejtwg kawm tau, tsuas yog ib xeem plaub vaam plaub txheeb leej kws Vaajtswv tub txhwv tawm huv nplajteb lawm txha kawm tau xwb. 4 Cov tuabneeg ntawm yog cov kws ua tuabneeg zoo kawg nkaus. Puab tsw yuav quaspuj hab puab yeej tsw sws ntxag ib zag le. Puab nrug nraim tug mivnyuas yaaj ua ke. Puab yog cov kws Vaajtswv tub txhwv tawm huv txhua tsaav tuabneeg lawm. Puab yog thawj paab kws luas muab pub tsua Vaajtswv hab pub tsua tug mivnyuas yaaj. 5 Cov tuabneeg ntawm yog cov kws yeej tsw daag hab tsw tau ua ib qho txhum le.
Peb tug tubkhai sau ntuj
6 Tes kuv txawm pum ib tug tubkhai sau ntuj yaa sau nruab ntug, nwg coj txuj xuv zoo kws nyob moog ib txhws lug qha tsua tej tuabneeg kws nyob thoob plawg huv qaab ntuj nuav, tsw has tsaav tuabneeg twg hab xeem twg hab cov tuabneeg kws has yaam lug twg los nwg qha txhua tug huvsw. 7 Nwg has nrov nrov has tas, mej yuav tsum fwm Vaajtswv hab qhuas has tas Vaajtswv yog tug kws muaj fwjchim luj kawg nkaus. Tsua qhov tub txug lub swmhawm kws Vaajtswv yuav teem txem tsua txhua tsaav tuabneeg huv nplajteb nuav lawm. Yog le ntawm mej ca le txhus caug ndua pe Vaajtswv kws tswm ntuj tswm teb, tswm hav txwv hab tej dej cag huvsw. 8 Muaj dua ib tug tubkhai ntuj yaa lawv thawj tug tubkhai qaab. Thaus nwg tseem saamswm yaa nwg has tas, lub nroog Papiloo kws luj tshaaj plawg tej tub qaug lawm, tub qaug taag lawm. Lub nroog ntawm yuam txhua tsaav tuabneeg kuas suavdawg haus cov kua txwv maab xwv qaab qaab kws pev txug lub nroog ntawm tej kev phem kev qas. 9 Tug tubkhai ntuj kws yog tug peb yaa lawv ob tug tubkhai kws xub yaa lug lawm qaab. Thaus nwg tseem saamswm yaa nwg has nrov nrov has tas, cov tuabneeg kws pe nam tsaj hab nam txoov daab kws tug yaam ntxwv zoo le nam tsaj ntawm, hab muaj hom thawj nas tsua ntawm hauv plaj lossws ntawm txhais teg, 10 mas cov tuabneeg ntawm yuav tsum haus Vaajtswv cov kua txwv maab xwv kws yeej tsw muaj ib yaam daabtsw tov hlo le kws Vaajtswv muab laub tsua huv Vaajtswv lub khob dej ab dej daw. Cov kua txwv maab hov pev txug qhov kws Vaajtswv yuav teem txem tsua puab. Txhua tug kws haus yuav raug kev tswm txom huv nplaim tawg lawj faaj taab meeg cov tubkhai sau ntuj kws zoo kawg nkaus hab tug mivnyuas yaaj. 11 Cov paa tawg kws tswm txom puab yuav nchu moog ib txhws le. Txhua tug kws pe nam tsaj hab pe nam txoov daab kws tug yaam ntxwv zoo le nam tsaj ntawm hab muaj lub hom thawj kws qha nam tsaj ntawm lub npe nas tsua puab lawm, mas yuav nyob tsau tsawv huv txujkev tswm txom taag nub taag mo moog ib txhws le. 12 Yog le ntawm Vaajtswv cov tuabneeg yuav tsum ua sab ntev. Vaajtswv cov tuabneeg yog cov kws coj lawv le Vaajtswv txuj kevcai hab muab tsua sau sab npuab Yexu. 13 Tes kuv txawm nov ib lub suab has sau ntuj tuaj tsua kuv has tas, koj ca le sau le nuav has tas, txwj nuav moog cov tuabneeg kws ua Vaajtswv teg num kws raug luas muab tua lawm, puab yuav tau nyob kaaj sab quas lug. Vaajtswv tug Ntsuj Plig txawm teb has tas, yeej yog le ntawm tag. Puab yuav tso puab tej num khwv tseg, tsua qhov puab yeej yuav tau sau tej num kws puab tau ua lug lawm.
Sau tej qoob loos kws nyob huv nplajteb
14 Tes kuv saib dheev cav pum ib tauv fuab dawb dawb. Muaj ib tug zoo le tuabneeg nyob sau tauv fuab ntawm. Nwg ntoo ib lub mom kub, nwg txhais teg tuav rawv ib raab lag ntse ntse. 15 Tes txawm muaj dua ib tug tubkhai sau ntuj tawm huv lub tuam tsev thov Vaajtswv tuaj. Nwg has nrov nrov tsua tug kws nyob sau tauv fuab has tas, koj ca le muab koj raab lag hlais tej qoob loos kws nyob huv nplajteb, tsua qhov tej qoob loos ntawm tub sav taag hab tub txug lub caij hlais lawm. 16 Tes tug kws nyob sau tauv fuab txawm cev nwg raab lag lug hlais tej qoob loos kws nyob huv nplajteb taag huvsw. 17 Kuv tsua pum dua ib tug tubkhai ntuj tawm huv lub tuam tsev kws nyob sau ntuj tuaj. Nwg tuav rawv ib raab lag ntse ntse. 18 Tes tsua muaj dua ib tug tubkhai sau ntuj lug ntawm lub rooj kws ca hov txhua chaw pub tsua Vaajtswv lug. Nwg yog tug kws saib suav tawg. Nwg has nrov nrov tsua tug tubkhai sau ntuj kws tuav raab lag ntse ntse ntawm has tas, koj ca le muab koj raab lag hlais tej tauv txwv maab kws nyob huv nplajteb, tsua qhov tej txwv maab ntawm tub sav sav lawm. 19 Tug tubkhai ntawm txawm muab nwg raab lag cev hlo lug huv nplajteb hlais hlo tej tauv txwv maab hab muab pov tsua huv lub nam qhov kws tsuam txwv maab. Lub qhov ntawm pev txug Vaajtswv txujkev teem txem. 20 Luas muab tej txwv maab tsuam huv lub qhov tsuam txwv maab kws nyob nraag ntug nroog, txawm muaj ntshaav tawm huv lub qhov ntawm ndwg moog deb peb puas neeg nkaum kilu kev hab sab txwj le neeg nplooj pus.
Cov tubkhai sau ntuj hab tej kev txom nyem zag kawg
1 Dhau hov ntawm kuv pum dua ib yaam txujci tseem ceeb tshwm sau nruab ntug ua tsua kuv phemfwj kawg le. Kuv pum xyaa tug tubkhai ntuj nqaa xyaa yaam kev txom nyem. Tej kev txom nyem ntawm yog tej kws muaj tsua zag kawg, tsua qhov tej ntawm yog Vaajtswv txujkev chim kws teem txem tsua zag kawg. 2 Kuv txawm pum ib yaam zoo le hav txwv kuas tsw yog dej yog zoo le daim av kws muaj nplaim tawg xyaw. Hab kuv pum cov tuabneeg kws tawm tsaam yeej nam tsaj hab nam txoov daab kws tug yaam ntxwv zoo le nam tsaj ntawm, hab yeej tug kws muaj cov lej xaam phaaj. Cov tuabneeg ntawm sawv ntawm lub ntug hav txwv av, puab ib leeg nqaa ib lub nkauj nog ncaas kws Vaajtswv muab pub tsua puab. 3 Puab hu Mauxe kws yog Vaajtswv tug tub qhe zaaj nkauj, hab hu tug mivnyuas yaaj zaaj nkauj has tas, Vaajtswv koj yog tug kws muaj fwjchim luj kawg nkaus. Tej num kws koj ua puav leej tseem ceeb hab zoo tshaaj plawg. Koj yog tug vaaj ntxwv kws kaav taag nrho txhua lub tebchaws huvsw. Tej kws koj ua, koj ua ncaaj ua nceeg hab lawv le qhov tseeb. 4 Vaajtswv, muaj leejtwg tsw ntshai koj los tsw muaj, Muaj leejtwg tsw fwm koj los tsw muaj. Tsua qhov koj tuab leeg xwb txha yog tug kws zoo kawg nkaus. Txhua tsaav tuabneeg yuav tuaj cuag koj, hab pe koj, Tsua qhov suavdawg tub pum lawm tas, koj ua koj teg num ncaaj nceeg. 5 Tes kuv txawm pum lub tuam tsev sau ntuj lub qhov rooj qheb hlo. Kuv pum lub tsev ntaub kws qha has tas Vaajtswv nrug peb nyob, nyob huv lub tuam tsev ntawm. 6 Xyaa tug tubkhai kws nqaa xyaa yaam kev txom nyem tawm huv lub tuam tsev tuaj tsua saab nrau. Puab ib leeg naav ib ce ntaub yaaj pwm tshab dawb dawb, hab ib leeg sa ib txuj hlaab kub sau qhov tsus. 7 Plaub tug tsaj kws yog Vaajtswv le tubkhai kws sawv vej Vaajtswv lub zwm txwv muaj ib tug txawm muab xyaa lub taig kub lug cev tsua xyaa tug tubkhai sau ntuj. Xyaa lub taig kub ntawm ntim Vaajtswv kws muaj txujsa nyob ib txhws txujkev teem txem puv nkaus. 8 Vaajtswv tug fwjchim kws ci ntsaa quas ab nchu paa quas lug ib yaam le paa tawg puv nkaus huv lub tuam tsev. Thaus tej kev txom nyem kws xyaa tug tubkhai sau ntuj nqaa tseem tsw tau dua taag, mas tsw muaj leejtwg yuav moog tau huv lub tuam tsev ntawm le.
Tej taig kws ntim Vaajtswv txujkev teem txem
1 Tes kuv txawm nov ib lub suab has nrov nrov huv lub tuam tsev tuaj tsua xyaa tug tubkhai ntawm has tas, mej ca le muab xyaa lub taig kws ntim Vaajtswv txujkev teem txem coj moog laub tsua huv nplajteb. 2 Thawj tug tubkhai sau ntuj nwg muab nwg lub taig laub tsua huv nplajteb. Ua cav cov tuabneeg kws muaj tug nam tsaj lub hom thawj hab pe nam txoov daab kws tug yaam ntxwv zoo le nam tsaj ntawm, txhua tug txawm mob rwj thoob plawg ib ce huvsw. 3 Dhau hov ntawm tug tubkhai ntuj kws yog tug ob muab nwg lub taig laub tsua huv dej hav txwv, tes dej txawm txa ua ntshaav zoo le tej ntshaav tuabneeg tuag. Hab ib puas tsaav yaam kws muaj sa kws nyob huv hav txwv puav leej tuag taag huvsw lawm. H Dhau hov ntawm tug tubkhai ntuj kws yog tug peb muab nwg lub taig laub tsua txhua tug dej hab txhua lub qhov dej txhawv, tes tej dej txawm ca le ua ntshaav taag nrho. 5 Kuv nov tug tubkhai kws saib tej dej has tas, Vaajtswv koj yog tug kws zoo kawg nkaus, tug kws muaj txujsa nyob, tug kws ib txwm nyob thau u lug, koj tub teem txem ncaaj nceeg tsua tej ntawm lawm. 6 Qhov kws koj muab ntshaav tsua puab haus nyav hum nkaus qhov kws puab muab koj cov tuabneeg, hab cov xwbfwb cev koj le lug tua pov tseg xwb. 7 Tes kuv nov ib lub suab has ntawm lub rooj kws ca hov txhua chaw pub tsua Vaajtswv tuaj has tas, yog tag laub, Vaajtswv koj yog tug kws muaj fwjchim luj kawg nkaus, koj teem txem ncaaj nceeg hab teem lawv le qhov tseeb. 8 Dhau hov ntawm tug tubkhai ntuj kws yog tug plaub muab nwg lub taig laub tsua lub nub, tes tej duab tshaav ntuj ca le kub tej tuabneeg ib yaam le suav tawg kub. 9 Cov tuabneeg kws raug tej duab tshaav ntuj ntawm kub txawm tshev Vaajtswv kws muaj fwjchim luj dua tej kev txom nyem ntawm. Puab tub raug tshaav ntuj kub los puab tseem tsw tso puab tej kev txhum tseg hab tsw fwm Vaajtswv. 10 Dhau hov ntawm tug tubkhai ntuj kws yog tug tswb muab nwg lub taig laub tsua sau tug nam tsaj hov lub rooj nyob, tes lub tebchaws kws nam tsaj ntawm kaav txawm ca le tsaus ntuj quas nti, hab tej tuabneeg suavdawg puav leej tum nplaig quas nreeg, tsua qhov yog puab mob heev kawg le. 11 Puab tshev tshev Vaajtswv kws nyob sau ntuj, tsua qhov yog puab mob heev kawg le, hab puab tej rwj mob ncug quas tho le. Puab tub txom nyem npaum le ntawm los puab tseem tsw tso puab tej kev phem tseg le. 12 Dhau hov ntawm tug tubkhai sau ntuj kws yog tug rau muab nwg lub taig laub tsua huv tug dej luj kws npe hu ua Yufate. Tes tug dej hov txawm ca le qhuav lua ua kev du lug tsua cov vaaj ntxwv kws nyob saab nub tuaj tau kev tuaj. 13 Tes kuv txawm pum peb tug nam daab kws tug yaam ntxwv zoo le qaav tawm huv nam zaaj hab nam tsaj hab tug cuav xwbfwb lub qhov ncauj lug. 4 Peb tug nam daab ntawm yog cov daab kws txawj ua tej txujci phemfwj. Peb tug nam daab hov txawm moog cuag txhua tug vaaj ntxwv kws nyob huv nplajteb hab coj puab tuaj ua ke tog yuav ua rog tsua nub tseem ceeb kws Vaajtswv kws muaj fwjchim luj kawg nkaus tub teem ca lawm. 15 Mej ca le ua tuab zoo noog kuv tej lug. Kuv yuav lug ib yaam le tub saab tuaj. Tug kws ceev faaj zuv tog, hab txuag nwg cev rwg tsho zoo zoo, nwg yuav tau nyob kaaj sab quas lug. Nwg tsw lab qaab, nwg yuav muaj ntsej muag moog tsua hov u hov nua tsw txaaj muag tsua leejtwg le. 16 Dhau hov ntawm tes peb tug nam daab txawm coj txhua tug vaaj ntxwv tuaj nyob ua ke ntawm ib lub chaw. Lub chaw ntawm lug Heplais hu ua "Amakhetoo. 17 Tes tug tubkhai sau ntuj kws yog tug xyaa muab nwg lub taig laub tsua sau nruab ntug. Tes txawm muaj ib lub suab has nrov nrov ntawm Vaajtswv lub zwm txwv kws nyob huv lub tuam tsev tuaj has tas, tav lawm lauj. 18 Tes tsag lig xub txawm lab quas vog, xub quaj dig dig dawg dawg, muaj suab nrov tseeg quas nkawg lub nplajteb ua zug quas kais heev kawg le. Txwj le thaus tswm tuabneeg lug txug nwgnuav, nplajteb tsw tau ua zug npaum le zag nuav ib zag le. 19 Lub nroog kws luj kawg nkaus tej aav txawm tawg rhe ua peb feem. Tej nroog kws nyob huv txhua lub tebchaws puav leej puam tsuaj taag huvsw. Tej ntawm ua tsua suavdawg paub has tas, Vaajtswv ncu ntsoov lub nroog Papiloo kws luj kawg nkaus, hab muab Vaajtswv khob kua txwv maab xwv kws pev txug Vaajtswv txujkev teem txem tsua lub nroog ntawm haus. 20 Txhua lub miv tebchaws huv hav txwv hab txhua lub roob puav leej pluj taag nrho. 21 Muaj tej lub lawg luj luj poob sau ntuj lug ntaus tej tuabneeg. Tej lawg hov ib lub nyaav plaub caug tswb kilus. Suavdawg txawm tshev Vaajtswv tsua qhov puab raug tej kev txom nyem kws lawg ntaus puab, tej ntawm ua tsua puab raug kev txom nyem heev kawg nkaus le.
Tug nam puj muag cev kws phem kawg nkaus
1 Dhau hov ntawm xyaa tug tubkhai sau ntuj kws Inqaa xyaa lub taig muaj ib tug lug has tsua kuv has tas, koj ca le nrug kuv moog, kuv yuav coj koj moog saib tug nam puj muag cev kws phem kawg nkaus saib nwg yuav raug txem le caag. Tug nam puj muag cev hov yog lub nroog luj luj kws ua tsua ntawm ob peb ceg dej. 2 Tej vaaj ntxwv kws nyob huv nplajteb nuav puav leej nrug tug nam puj muag cev kws phem kawg nkaus hov sws ntxag. Hab tej tuabneeg nplajteb tub haus nam puj hov cov kua txwv maab qaug lawm. Cov kua txwv maab ntawm pev txug nam puj hov tej kev phem kev qas. 3 Vaajtswv tug Ntsuj Plig lug kaav taagnrho kuv lub sab tes tug tubkhai sau ntuj txawm coj kuv moog tom tebchaws moj saab qhua. Thaus kuv moog txug tom kuv pum ib tug nam puj caij ib tug tsaj lab ploog. Nam tsaj ntawm muaj ntau lub npe phem phem sau thoob plawg nwg lub cev. Nwg muaj xyaa lub taubhau hab kaum tug kub. 4 Tug nam puj hov naav ib ce tsoog yimlaaj lab ploog. Nwg coj nyaj coj kub, coj tej qai zeb ci ci kws muaj nqes, hab coj pov hum thoob plawg nwg ib ce. Nwg txhais teg tuav rawv ib lub taig kub ntim tej kev phem kev qas kws nwg tau ua lug lawm puv nkaus. 5 Muaj ib lub npe sau ca tsua ntawm tug nam puj hov hauv plaj. Tsw muaj leejtwg paub lub npe ntawm lub ntsab. Tej npe ntawv hov sau has tas, lub nroog Papiloo kws luj tshaaj plawg, koj yog tej nam puj muag cev hab tej tuabneeg nplajteb kws ua phem ua qas leej nam. 6 Kuv pum tug nam puj hov tub haus Vaajtswv cov tuabneeg le ntshaav hab cov tuabneeg kws raug luas tua cov ntshaav qaug lawm. Cov tuabneeg kws raug luas muab tua hov yog cov kws tsw kaam tso Yexu tseg. 7 Thaus kuv pum tug nam puj ntawm kuv xaav tsw thoob le. Tug tubkhai sau ntuj nug kuv has tas, ua le caag koj xaav tsw thoob. Kuv yuav qha tug nam puj ntawm hab tug tsaj kws muaj xyaa lub taubhau hab kaum tug kub kws tug nam puj ntawm caij lub ntsab tsua koj paub. 8 Nam tsaj kws koj pum hov, yaav tom ntej nwg muaj sa nyob, kuas nwgnuav nwg tub tsw muaj lawm. Nwg tub yuav tawm huv lub nam qhov tub tub lug, nwg yuav moog raug kev puam tsuaj. Cov tuabneeg nplajteb kws tsw muaj npe sau ca thaus tsw tau tswm ntuj tswm teb tsua huv phoo ntawv kws sau cov tuabneeg kws muaj txujsa ntev moog ib txhws tsw kawg tej npe, mas thaus puab pum nam tsaj ntawm puab yuav xaav tsw thoob le, tsua qhov yaav tom ntej nam tsaj ntawm muaj sa nyob, nwgnuav nwg tub tsw muaj lawm, kuas nwg tseem yuav rov qaab lug. 9 Tug kws muaj tswvyim nwg yeej yuav to taub zaaj nuav. Nam tsaj ntawm xyaa lub taubhau yog xyaa lub pov roob kws tug quaspuj ntawm nyob. Xyaa lub pov roob ntawm yog xyaa tug vaaj ntxwv. 10 Muaj tswb tug tub poob fwjchim lawm, 'tshuav ib tug tseem kaav le qub, hab muaj dua ib tug tseem tsw tau lug kaav. Thaus nwg lug nwg yuav kaav ib ntus xwb. 11 Nam tsaj kws yaav tom ntej muaj sa nyob kuas nwgnuav tub tsw muaj lawm, nwg yog ib tug vaaj ntxwv hab. Nwg yog tug yim kws nrug xyaa tug vaaj ntxwv ntawm ua ib paab, nwg yuav moog raug kev puam tsuaj. 12 Kaum tug kub kws koj pum ntawm yog kaum tug vaaj ntxwv kws tseem tsw tau sawv ua vaaj ntxwv. Kuas puab yuav tau fwjchim ib yaam le vaaj ntxwv, puab yuav nrug nam tsaj hov kaav ib chuaj moos. 13 Kaum tug vaaj ntxwv hov puab puav leej koom ib lub sab. Puab muab tej fwjchim kws puab muaj tso tsua nam tsaj ntawm. 4 Puab yuav tawm tsaam tug mivnyuas yaaj, kuas tug mivnyuas yaaj hab cov tuabneeg ncaaj nceeg kws tug mivnyuas yaaj tau xaiv lug ua tug mivnyuas yaaj cov thwjtim lawm yuav tawm tsaam yeej, tsua qhov tug mivnyuas yaaj yog tug tswv kws kaav cov num tswv hab yog tug vaaj ntxwv kws kaav cov vaaj ntxwv taag nrho huvsw. 15 Tug tubkhai sau ntuj rov has tsua kuv has tas, ob peb ceg dej kws koj pum nam puj muag cev nyob rawv sau, mas yog txhua paab tuabneeg hab yog txhua xeem tuabneeg, txhua tsaav tuabneeg, txhua yaam tuabneeg tsw has cov kws has yaam lug twg los puav leej yog huvsw. 16 Kaum tug kub hab nam tsaj kws koj pum puav leej yuav ntxub nam puj muag cev ntawm. Puab yuav txeeb ib puas tsaav yaam kws nwg muaj huvsw moog, es ca nwg nyob lab qaab. Puab yuav noj nwg cev nqaj hab muab suav tawg hlawv nwg pov tseg. 17 Tsua qhov Vaajtswv ua kuas puab lub sab xaav ua lawv le Vaajtswv lub sab nyam, Puab ua ib lub sab muab nam tsaj hov tsaa ua tug kws kaav moog txug thaus muaj tav lawv le tej lug kws Vaajtswv tau has tseg lawm, 18 Tug puj muag cev kws koj pum ntawm yog lub nroog luj tshaaj plawg kws kaav taag nrho tej vaaj ntxwv kws nyob huv nplajteb nuav huvsw.
Lub nroog Papiloo qaug taag
1 Dhau hov ntawm kuv pum ib tug tubkhai ntuj lug sau ntuj lug. Nwg muaj fwjchim heev hab nwg ci ntsaa quas ab tsua lub nplajteb. 2 Nwg has nrov nrov has tas, lub nroog Papiloo kws luj tshaaj plawg tub qaug lawm, tub qaug taag lawm. Nwgnuav tej daab ntxoog daab tsu tub lug nyob huv lub nroog ntawm lawm. Txhua yaam noog kws qas qas hab phem phem puav leej lug nyob huv lawm thab. 3 Tsua qhov lub nroog ntawm yog lub kws cug kua txwv maab xwv lug yuam tsua txhua tsaav tuabneeg haus. Cov kua txwv maab qaab qaab ntawm pev txug lub nroog ntawm tej kev phem kev qas. Tej vaaj ntxwv kws nyob huv nplajteb puab tuaj nrug nwg sws ntxag. Cov tub laag tub luam kws nyob huv nplajteb nplua nuj taag, tub yog vem tej kev phem kev qas kws lub nroog ntawm ua tsw paub dhuav le. 4 Dhau hov ntawm kuv rov qaab nov dua ib lub suab has sau ntuj tuaj has tas, Kuv cov tuabneeg, mej ca le tawm plawg huv lub nroog ntawm moog los maj. Mej tsw xob nrug nwg ua txhum, Mej txha le tsw nrug nwg raug txem. 5 Tsua qhov nwg tej kev txhum tub tib moog nto ntuj lawm, Hab Vaajtswv yeej ncu ntsoov tej kev phem kws lub nroog ntawm naj nub ua. 6 Nwg ua le caag tsua mej lawm, Mej ca le ua le ntawm rov qaab tsua nwg. Mej yuav tsum ua ntau ib npaug pauj tej kws nwg tau ua tsua mej lawm. Nwg tub du tshuaj ab tsua mej haus lawm, Mas mej yuav tsum du cov tshuaj kws ab dua nwg cov ib npaug tsua nwg haus. 7 Nwg zoo sab hab nplua nuj heev npaum le caag, Mas mej ca le ua kuas nwg tau kev ntxhuv sab hab raug kev txom nyem heev npaum le ntawm. Tsua qhov nwg pheej xaav has tas, Kuv nyob ntawm nuav tes tub zoo ib yaam le kuv yog puj fuabtais lawm ntaag, kuv tsw yog puj ntsuag. Kuv yuav tsw raug kev txom nyem ib zag le. 8 Yog le ntawm mas tuab nub xwb tej kev phem kev txom nyem yuav lug qhwv nkaus nwg. Tsw has kev mob kev nkeeg los yog, kev ntxhuv sab los yog, kev tshaib kev nqhes los yog, puav leej yuav raug nwg, Hab suav tawg yuav kub nwg taag huvsw. Tsua qhov Vaajtswv kws teem txem tsua lub nroog ntawm yog tug kws muaj fwjchim luj tshaaj plawg. 9 Thaus tej vaaj ntxwv huv nplajteb kws nrug lub nroog ntawm sws ntxag hab ua kev phem kev qas pum lub nroog kub nyab paa tawg nchu hlub hlub, puab yuav quaj nyav ntsoog quas qeeg. 10 Puab txaav kev deb deb, tsua qhov puab tsw xaav pum lub nroog ntawm raug kev tswm txom. Puab seev has tas, lub nroog Papiloo kws luj hab nto moo quas lug, koj puam tsuaj, koj tub puam tsuaj taag lawm lauj. Nyav tuab nyuas plag xwb koj txawm swv raug txem. 11 Tej tub laag tub luam kws nyob huv nplajteb suavdawg txawm quaj nyav lub nroog ntawm ntsug quas qeeg, tsua qhov tsw muaj leejtwg tuaj yuav puab tej ntaub tej xuv lawm. 12 Tsw muaj leejtwg yuav puab tej nyaj tej kub, tej qai zeb ci ci kws muaj nqes, tej pov hum, tej ntaub yaaj pwm, ntaub yimlaaj, ntaub tswb kaab, ntaub lab, hab tsw yuav txhua yaam ntoo kws muaj nqes, hab txhua yaam kws muab kaug ntxhw ua hab muab tej ntoo kws muaj nqes lug ua, hab tej kws muab tooj daag muab hlau hab muab pob zeb dawb lug ua. 13 Tsw muaj leejtwg tuaj yuav txum lom, fwj txob, moov xyaab, roj ntoo tsw-qaab, tshuaj tsw-qaab, kua txwv maab xwv, roj, moov nplej, pobkws, nyuj, yaaj, neeg, tsheb neeg, hab tub qhe. Txawm yog tuabneeg lub sab los tsw muaj leejtwg tuaj yuav. 14 Tej tub laag tub luam has tsua lub nroog ntawm has tas, ib puas tsaav yaam zoo zoo kws koj ntshaw tub pluj taag lawm. Koj tej hov txhua chaw hab tej nyaj kub kws ci ntsaa quas ab puav leej poob taag, koj yuav nrhav tsw tau tej ntawm rov lug dua ib zag le lawm. 15 Tej tub laag tub luam kws ua luam huv lub nroog ntawm es nplua nuj taag, puab yuav txaav kev deb deb, tsua qhov puab tsw xaav pum lub nroog ntawm raug kev tswm txom. Puab yuav quaj nyav ntsoog quas qeeg hab seev zum zawg has tas, 16 lub nroog kws luj, koj tub puam tsuaj taag lawm lauj. Koj yeej ib txwm naav ntaub yaaj pwm ntaub yimlaaj hab ntaub lab. Koj ib txwm coj nyaj coj kub, coj tej qai zeb ci ci kws muaj nqes hab coj pov hum thoob plawg koj ib ce. 17 Ua caag ais nyav tuab nyuas plag xwb koj tej nyaj txag huvsw txawm swv pluj taag nrho lawm. Tej tuabneeg kws tsaav nkoj, hab tej kws caij nkoj, tej kws ua num huv nkoj hab tej kws nrhav noj huv hav txwv txhua tug puav leej sawv deb deb saib. 18 Thaus puab pum lub nroog ntawm kub nyab paa nchu hlub hlub, puab txawm qw nrov nrov has tas, ib txwm yeej tsw muaj ib lub nroog kws yuav luj cuag le lub nroog nuav le. 19 Puab tsuab moov aav nphoo tsua puab taubhau. Puab quaj nyav ntsoog quas qeeg has tas, lub nroog kws luj, koj puam tsuaj, koj tub puam tsuaj taag lawm lauj. Lub nroog nuav yog lub kws ua tsua tej tuabneeg muaj nkoj dha moog dha lug huv hav txwv nplua nuj taag. Ua caag nyav tuab nyuas plag xwb ib puas tsaav yaam kws muaj nyob huv lub nroog luj nuav txawm swv pluj taag nrho huvsw. 20 Lub ntuj, koj ca le zoo sab tsua qhov lub nroog nuav tub puam tsuaj taag lawm. Vaajtswv cov tuabneeg hab cov tubkhai hab cov xwbfwb cev Vaajtswv lug, mej ca le zoo sab tsua qhov Vaaj- tswv tub teem txem tsua lub nroog kws tswm txom mej lawm. 21 Tes ib tug tubkhai sau ntuj kws muaj fwjchim muab ib lub pob zeb luaj le ib txhwb zeb zum pobkws pov tsua huv hav txwv. Hab nwg has tas, luas yuav muab lub nroog Papiloo kws luj tshaaj plawg ntsawm kuas puam tsuaj ib yaam le kuv muab lub pob zeb nuav ntsawm. Txwj nuav moog yuav tsw muaj leejtwg pum lub nroog nuav le lawm. 22 Yuav tsw muaj leejtwg nov suab raaj suab qeej suab nkauj nog ncaas nrov huv lub nroog nuav le lawm. Yuav tsw muaj tej kws ua vaaj ua tsev, ua tooj ua hlau, hab yuav tsw muaj suab zeb suab cug nrov hlo le lawm. 23 Yuav tsw muaj leejtwg pum teeb cig huv lub nroog nuav hab yuav tsw muaj leejtwg nov nkauj nyaab nraug vauv lub suab le lawm. Tej tub laag tub luam kws nyob huv lub nroog nuav puab yeej yog cov kws muaj tswvyim luj dua tej tub laag tub luam huv nplajteb huvsw. Hab lub nroog nuav tau ua khawv koob ntxag txhua tsaav tuabneeg huv nplajteb kuas qaug nwg phuas cawv. 24 Lub nroog Papiloo raug txem tsua qhov nwg muab cov xwbfwb cev Vaajtswv lug hab Vaajtswv cov tuabneeg kws nyob huv nplajteb nuav tua pov tseg lawm.
1 Dhau hov ntawm kuv nov yaam le ib paab tuabneeg coob coob nyob sau ntuj lub suab has zum'quas zawg has tas, ca le qhuas Vaajtswv, tsua qhov Vaajtswv yog tug kws paab peb dim, yog tug kws muaj koob meej hab muaj fwjchim. 2 Vaajtswv teem txem ncaaj nceeg hab lawv le qhov tseeb. Vaajtswv teem txem tsua nam puj muag cev kws ntxag tuabneeg nplajteb ua phem ua qas heev zuj quas zug, tsua qhov nam puj muag cev hov muab Vaajtswv cov tub qhe tua pov tseg. 3 Puab rov has dua nrov nrov has tas, ca le qhuas Vaajtswv. Tej paa tawg kws lub nroog nuav kub nyab yuav nchu hlub hlub moog ib txhws le. 4 Neeg nkaum plaub leeg kev txwj quas laug hab plaub tug tsaj kws yog Vaajtswv le tubkhai kws sawv vej Vaajtswv lub zwm txwv txawm txhus caug ndua pe Vaajtswv kws nyob sau lub zwm txwv has tas, amee, ca le qhuas Vaajtswv.
Tug mivnyuas yaaj rooj tshoob
5 Dhau hov ntawm muaj ib lub suab has ntawm Vaajtswv lub zwm txwv tuaj has tas, Vaajtswv cov tub qhe hab txhua tug kws fwm Vaajtswv, tsw has tug hlub tug yau, mej ca le qhuas Vaajtswv. 6 Tes kuv nov ib lub suab nrov zum quas zawg yaam le ib paab tuabneeg coob coob has lug, hab yaam le dej tsaws tsua hlub hlub hab yaam le xub nthe nrov nrov. Lub suab ntawm has tas, ca le qhuas Vaajtswv, tsua qhov Vaajtswv kws muaj fwjchim luj kawg nkaus yog tug vaaj ntxwv kws kaav taag nrho ib puas tsaav yaam. 7 Peb ca le zoo sab hab qhuas Vaajtswv kws muaj fwjchim, tsua qhov tub txug lub swmhawm kws tug mivnyuas yaaj ua tshoob, tug nkauj nyaab tub tu cev txhwj lawm. 8 Luas muab ib ce tsoog ntaub yaaj pwm dawb ci ci tsua tug nkauj nyaab naav. Cev tsoog ntaub yaaj pwm dawb ntawm yog tej num ncaaj nceeg kws Vaajtswv cov tuabneeg naj nub ua. 9 Tes tug tubkhai ntuj has tsua kuv has tas, koj ca le sau has tas, cov tuabneeg kws tug mivnyuas yaaj hu moog nrug tug mivnyuas yaaj ua tshoob, puab yuav zoo sab kawg le. Tug tubkhai ntuj has dua tsua kuv has tas, tej lug nuav yog Vaajtswv le lug tag tag. 10 Kuv txawm txhus caug ndua ntawm tug tubkhai hov kwtaw yuav pe nwg. Kuas nwg has tsua kuv has tas, koj tsw xob pe kuv. Kuv yog ib tug tub qhe ib yaam le koj, hab ib yaam le koj cov kwvtij txhua tug kws tuav tej lug tseeb kws Yexu tau qha tsua puab lawm xwb. Koj ca le pe Vaajtswv. Tsua qhov tej lug tseeb kws Yexu qha tsua suavdawg paub yog tej kws Vaajtswv qha tsua cov xwbfwb cev Vaajtswv lug.
Tug kws caij tug txwv neeg dawb
11 Dhau hov ntawm kuv pum rooj ntug qheb. Thaus rooj ntug qheb hlo kuv pum ib tug txwv neeg dawb nyob ntawm. Tug kws caij neeg ntawm npe hu ua Ncaaj hab Tseeb. Nwg yog tug kws teem txem hab yog tug kws ua tsuv ua rog ncaaj nceeg. 12 Nwg ob lub qhov muag ci ib yaam le nplaim tawg, nwg ntoo kaum lub mom kub. Muaj ib lub npe sau tsua ntawm nwg lub cev, kuas tsw muaj leejtwg paub lub npe ntawm, tsuas yog nwg tuab leeg txha paub xwb. 13 Nwg lub tsho ntev lu ntshaav thoob plawg. Suavdawg hu nwg lub npe has tas, Vaajtswv Txujlug. 14 Cov tub rog sau ntuj lawv nwg qaab lug. Puab ib leeg caij ib tug neeg dawb hab ib leeg naav ib.ce rwg tsho ntaub yaaj pwm dawb dawb. 15 Muaj ib raab ntaaj ntse ntse tawm huv nwg lub qhov ncauj lug. Nwg muab raab ntaaj ntawm tua txhua tsaav tuabneeg, hab nwg muab qws hlau kaav puab. Nwg yuav muab cov txwv maab kws nyob huv lub qhov tsuam txwv maab tsuam huvsw. Lub qhov tsuam pev txug Vaajtswv kws muaj fwjchim luj kawg nkaus lub chaw chim hab txujkev teem txem. 16 Muaj ib lub npe sau tsua ntawm nwg lub tsho ntev hab ntawm nwg ib saab neej qaab has tas, tug vaaj ntxwv kws kaav cov vaaj ntxwv hab tug tswv kws kaav cov num tswv taag nrho huvsw. 17 Dhau hov ntawm kuv pum ib tug tubkhai sau ntuj sawv huv lub nub, nwg has nrov nrov tsua tej noog kws yaa sau nruab ntug has tas, mej ca le sau nthwv lug noj Vaajtswv rooj mov kws muaj nplua quas mag. 18 Mej ca le lug noj cov vaaj ntxwv hab cov thawj rog hab cov tub rog hab cov neeg hab cov tuabneeg kws caij cov neeg ntawm cev nqaj, hab noj txhua tsaav tuabneeg, tsw has cov kws ua qhev hab tsw ua qhev, cov hlub cov yau suavdawg cev nqaj huvsw. 19 Tes kuv pum nam tsaj hab cov vaaj ntxwv kws kaav nplajteb nuav, hab cov vaaj ntxwv tej tub rog tuaj ua ke yuav tawm tsaam tug kws caij neeg hab tawm tsaam tug kws caij neeg hov tej tub rog. 20 Puab nteg tau nam tsaj ntawm hab nteg tau tug kws daag has tas nwg yog ib tug xwbfwb cev Vaajtswv lug. Tug xwbfwb ntawm yog tug kws ua tej txujci phemfwj taab meeg nam tsaj ntawm. Nwg ua tej txujci ntawm ntxag cov tuabneeg kws muaj nam tsaj lub hom thawj nas tsua puab lawm, hab cov tuabneeg kws pe nam txoov daab kws zoo le nam tsaj ntawm. Luas ca le muab nam tsaj hab tug cuav xwbfwb ntawm pov rhees tsua huv cov nplaim tawg lawj faaj kws cig sws ntswj pis yog. 21 Raab ntaaj kws tawm huv tug kws caij neeg lub qhov ncauj lug txawm tua nam tsaj hab tug cuav xwbfwb tej tub rog tuag taag nrho huvsw. Tej noog puav leej sau nthwv lug muab cov tuabneeg kws tuag ntawm cev nqaj dua pes rhe noj.
Ib txheeb xyoo
1 Dhau hov ntawm kuv pum ib tug tubkhai ntuj lug sau ntuj lug. Nwg coj tug yuam swj kws qheb lub nam qhov tub tub hab nwg tuav ib txuj saw hlau luj luj. 2 Nwg muab nam zaaj kws yog tug naab txwj naab laug kws suavdawg hu has tas, Daab Ntxwg Nyoog lossws hu has tas, Xataa, khi kag ca ib txheeb xyoo. 3 Tug tubkhai ntuj hov muab nam zaaj pov rhees tsua huv lub nam qhov tub tub. Nwg muab ntsug phoo ntsug hab nas hom thawj tsua, mas nam zaaj txha tsw tau kev lug ntxag txhua tsaav tuabneeg ib txheeb xyoo. Thaus dhau ib txheeb xyoo lawm le maav muab nwg tso lug nyob ib nyuas ntu. 4 Dhau hov ntawm kuv pum tej rooj nyob hab pum cov tuabneeg kws nyob sau tej rooj ntawm. Luas tsaa cov tuabneeg ntawm ua cov teem txem. Hab kuv pum cov tuabneeg kws raug luas muab txav cej daab tu lawm cov ntsuj plig. Puab raug tua tsua qhov yog puab qha tej lug tseeb kws Yexu qha tsua puab hab puab qha Vaajtswv txujlug. Puab yeej tsw pe nam tsaj hab tsw pe nam txoov daab kws zoo le nam tsaj ntawm. Puab tsw muaj nam tsaj lub hom thawj nas tsua ntawm puab hauv plaj lossws ntawm puab txhais teg. Puab nrug Yexu Kheto nyob hab nrug nwg kaav ib txheeb xyoo. 5 Dua le tej puab yuav tsum tog dhau ib txheeb xyoo tsaiv puab le maav sawv huv qhov tuag rov lug. Cov tuabneeg kws raug luas muab txav cej daab yog thawj cov kws sawv huv qhov tuag rov qaab lug. 6 Thawj cov kws sawv huv qhov tuag rov lug nuav puab tau nyob kaaj sab quas lug. Txujkev tuag zag ob yuav yuam tsw tau puab lawm. Puab yuav ua Vaajtswv hab ua Yexu Kheto cov pov thawj hab puab yuav nrug nwg kaav ib txheeb xyoo.
Ntxwg Nyoog swb lawm
7 Thaus dhau ib txheeb xyoo lawm le maav qheb lub nam qhov es tso Daab Ntxwg Nyoog tawm lug. 8 Thaus nwg tawm lug nwg yuav moog ntxag txhua tsaav tuabneeg kws nyob plaub ceg kaum ntuj. Cov tuabneeg hov hu ua Khauj hab Makhauj. Nwg yuav sau txhua tug huvsw tuaj ua ke ua rog. Cov tuabneeg kws tuaj ntawm coob ib yaam le tej xuab zeb nraag ntug hav txwv kws tsw muaj leejtwg yuav suav txheeb. 9 Puab yuav tuaj moog thoob plhawv nplajteb tuaj moog puav Vaajtswv cov tuabneeg lub loog hab lub nroog kws Vaajtswv hlub. Kuas muaj suav tawg poob sau ntuj lug kub cov tuabneeg ntawm tuag taag huvsw. 10 Tes luas muab nam Ntxwg Nyoog kws ntxag cov tuabneeg ntawm nrum tsua huv cov nplaim tawg lawj faaj kws cig sws ntswj pis yog. Qhov chaw ntawm yog qhov kws luas tub xub muab nam tsaj hab tug cuav xwbfwb nrum tsua huv lawm. Puab yuav raug kev tswm txom taag nub taag mo moog ib txhws le.
Txujkev teem txem zag kawg
11 Dhau hov ntawm kuv pum Vaajtswv lub zwm txwv luj luj kws dawb dawb, hab pum ib tug nyob sau lub zwm txwv ntawm. Lub nplajteb hab lub ntuj ca le yaaj ntshws ntawm nwg lub xub ndag moog lawm. Tsw muaj leejtwg pum lub nplajteb hab lub ntu j dua le lawm. 12 Hab kuv pum cov tuabneeg kws tuag lawm tsw has tug hlub tug yau suavdawg puav leej sawv ntawm tug kws nyob sau lub zwm txwv xub ndag. Luas muab tej ntawv lug nthuav saib, hab tsua muab ib phoo lug nthuav saib, yog phoo kws sau cov tuabneeg muaj txujsa ntev moog ib txhws tsw kawg tej npe. Luas teem txem tsua cov tuabneeg tuag ntawm lawv le puab teg num kws tub muab sau ca tsua huv tej ntawv hov lawm. 13 Dej hav txwv xaa tej tuabneeg kws tuag tsua huv hav txwv rov qaab lug. Txujkev tuag hab tub tuag teb kuj xaa cov tuabneeg tuag rov qaab lug ib yaam nkaus. Luas teem txem tsua txhua tug lawv le tej num kws puab tau ua lug lawm. 14 Luas muab txujkev tuag hab tub tuag teb pov tsua huv cov nplaim suav tawg. Cov nplaim tawg hov yog txujkev tuag zag ob. 15 Txhua tug kws tsw muaj npe nyob huv phoo ntawv kws sau cov tuabneeg muaj txujsa ntev moog ib txhws tsw kawg tej npe, tes txawm raug muab pov tsua huv cov nplaim tawg.
Lub ntuj tshab hab lub nplajteb tshab
1 Dhau hov ntawm kuv pum lub ntuj tshab hab lub nplajteb tshab. Lub ntuj hab lub nplajteb qub nuav tub yaaj taag lawm, hab dej hav txwv yaaj taag ib yaam nkaus. 2 Hab kuv pum lub nroog kws zoo kawg nkaus. Lub ntawm yog lub nroog Yeluxalee tshab kws saamswm lug ntawm Vaajtswv kws nyob sau ntuj ceeb tsheej lug. Vaajtswv tub tu lub nroog ntawm txhwj ca lawm, ib yaam le tug nkauj nyaab tu cev tog tug nraug vauv. 3 Kuv nov ib lub suab has nrov nrov ntawm Vaajtswv lub zwm txwv tuaj has tas, nwgnuav Vaajtswv tub lug nrug tuabneeg nyob lawm. Nwg yuav nrug puab nyob, puab yuav ua nwg cov tuabneeg. Nwg yuav nrug puab ua ke hab yuav ua puab tug Vaajtswv. 4 Nwg yuav so puab tej kua muag huvsw moog. Tej kev tuag, kev ntxhuv sab, kev quaj ntsuag hab kev mob kev nkeeg yuav tsw muaj ib zag le lawm. Tej kws suavdawg ib txwm muaj lug tub yaaj taag lawm. 5 Tes tug kws nyob sau lub zwm txwv has tsua kuv has tas nwg saamswm tswm dua ib puas tsaav yaam tshab, hab nwg has tsua kuv tas, koj ca le sau tej lug nuav ca, tsua qhov tej lug nuav yog tej lug tseeb kws tso sab tau. 6 Hab nwg has tsua kuv has tas, tav taag lawm lauj. Kuv yog Alafa hab yog Aumekha, yog lub hauv paug hab yog lub ntsws. Kuv yuav pub cov dej kws pub kuas muaj txujsa huv lub qhov dej txhawv tsua txhua tug kws nqhes dej haus, kuv pub dawb dawb xwb tsw yuav nqe daabtsw le. 7 Kuv yuav ua txhua leej kws kov yeej tug Vaajtswv, hab puab yuav ua kuv le tub. 8 Kuas cov tuabneeg sab yau tsua kev ntseeg, cov tuabneeg faav xeeb, cov tuabneeg ua phem ua qas, cov tuabneeg ua nkauj ua nraug, cov tuabneeg ua khawv koob hab txawj yeeg swv, cov tuabneeg pe daab hab txoov daab hab cov tuabneeg daag, puab txhua tug puav leej yuav poob tsua huv cov nplaim suav tawg lawj faaj cig sws ntswj pis yog kws yog txujkev tuag zag ob. Qhov chaw ntawm yog qhov kws tub tu tseg ca tsua puab lawm.
Lub nroog Yeluxalee tshab
9 Xyaa tug tubkhai sau ntuj kws nqaa xyaa lub taig kws ntim xyaa yaam kev txom nyem puv nkaus, muaj ib tug lug has tsua kuv has tas, koj nrug kuv moog saib tug nkauj nyaab kws yog tug mivnyuas yaaj tug quaspuj. 10 Vaajtswv tug Ntsuj Plig lug kaav taag nrho kuv lub sab tes tug tubkhai hov txawm coj kuv moog sau ib lub hauv roob sab sab. Nwg taw teg qha lub nroog Yeluxalee kws yog lub nroog zoo kawg nkaus tsua kuv saib. Lub nroog hov saamswm lug ntawm Vaajtswv kws nyob sau ntuj lug. 11 Vaajtswv tug fwjchim ci ntsaa quas ab huv lub nroog tuaj. Lub nroog ntawm ci ib yaam le ib lub qai zeb ci ci kws muaj nqes kws npe hu ua manixau. Lub qai zeb manixau ntawm pum kev tshaab plhawv ib yaam le tej av. 12 Lub nroog ntawm muaj ntsaa loog luj luj sab sab thaiv. Muaj kaum ob lub qhov rooj hab muaj kaum ob tug tubkhai sau ntuj ib leeg zuv ib lub qhov rooj. Luas sau cov Yixayee kaum ob xeem lub npe ca tsua ntawm cov qhov rooj hov. 13 lb saab ntsaa loog muaj peb lub qhov rooj. Saab nub tuaj muaj peb lub, saab nraag muaj peb lub, saab peg muaj peb lub, saab nub poob muaj peb lub. 4 Luas muab kaum ob lub pob zeb kws muaj tug mivnyuas yaaj kaum ob tug tubkhai le npe sau ca tsua, lug tag lub taw loog kws xov lub nroog hov. 15 Tug tubkhai kws has tsua kuv hov nwg coj ib tug paas ntsuag yog kub, nwg yuav ntsuag lub nroog, hab tej qhov rooj, hab lub ntsaa loog kws xov lub nroog. 16 Lub nroog ntawm ua plaub faab, qhov ntev hab qhov daav sws nte ib yaam. Tug tubkhai muab nwg tug paas ntsuag lub nroog. Qhov ntev muaj ob txheeb plaub puas kilus kev. Qhov daav qhov ntev hab qhov sab sws nte ib yaam. 17 Tug tubkhai ntsuag lub ntsaa loog hab. Lub ntsaa loog hov sab ib puas plaub caug plaub tshwm lawv le tej paas ntsuag kws tuabneeg ib txwm ntsuag. 18 Lub loog ntawm yog muab tej qai zeb ci ci kws npe hu ua manixau lug ua. Lub nroog yog muab cov tseem kub lug ua. Cov kub ntawm pum kev tshaab plhawv ib yaam le tej av. 19 Lub taw loog yog muab pob zeb ua, hab muab txhua yaam qai zeb ci ci kws muaj nqes lug lu tsua kuas lub ntsaa loog zoo nkauj. 20 Thawj lub taw loog yog qai zeb manixau, lub ob yog qai zeb phaithu, lub peb yog qai zeb maula, lub plaub yog qai zeb maulakau, lub tswb yog qai zeb npu, lub rau yog qai zeb phi la, lub xyaa yog qai zeb npulakha kws daaj rhuv, lub yim yog qai zeb phethai, lub cuaj yog qai zeb npulakha kws daaj tshab tshab, lub kaum yog qai zeb nyauv, lub kaum ib yog qai zeb nis, lub kaum ob yog qai zeb phethai yimlaaj. 21 Kaum ob lub qhov rooj ntawm yog muab pov hum lug ua. lb lub qhov rooj muaj ib lub pov hum. Taj kev huv lub nroog yog muab cov tseem kub lug pua. Cov kub ntawm pum kev tshaab plhawv ib yaam le av. 22 Huv lub nroog hov kuv tsw pum muaj lub tuam tsev thov Vaajtswv le, tsua qhov Vaajtswv kws muaj fwjchim luj kawg nkaus hab tug mivnyuas yaaj yog lub tuam tsev ntaag. 23 Lub nroog ntawm tsw muaj nub tsw muaj hli ci, tsua qhov Vaajtswv tug fwjchim yeej ci ntsaa quas ab tsua huv, hab tug mivnyuas yaaj yog lub teeb kws ci tsua suavdawg pum kev. 24 Txhua tsaav tuabneeg yuav pum kev kaaj quas lug moog moog lug lug hab tej vaaj ntxwv kws nyob huv nplajteb yuav nqaa puab tej nyaj txag hab hov txhua chaw tuaj tsua huv lub nroog. 25 Lub nroog ntawm tej qhov rooj qheb quas lug ca. Luas yuav tsw kaw le tsua qhov nyob huv lub nroog yeej tsw txawj tsaus ntuj. 26 Txhua tsaav tuabneeg yuav nqaa puab tej txujci hab ib puas tsaav yaam kws muaj nqes tuaj tsua huv lub nroog. 27 Kuas tej kws qas hab tug kws ua phem hab tug kws cis daag, luas yeej tsw kheev lug nyob huv lub nroog hlo le, luas tsuas kheev cov tuabneeg kws muaj npe sau ca tsua huv tug mivnyuas yaaj phoo ntawv kws sau cov tuabneeg muaj txujsa ntev moog ib txhws tsw kawg tej npe moog nyob huv lub nroog xwb.
1 Tug tubkhai sau ntuj qha tug dej kws pub txujsa tsua kuv. Tug dej ntawm ntshab ib yaam le tej av kws pum kev tshaab plhawv, hab yog ndwg sau Vaajtswv hab tug mivnyuas yaaj lub zwm txwv lug, 2 hab ndwg taug txujkev huv plawv nroog. Ob saab ntug dej muaj tsob txwv ntoo kws pub txujsa. Tsob txwv ntoo ntawm ib xyoos txw kaum ob phaum, ib hlis txw ib phaum. Tej nplooj yog tshuaj khu txhua tsaav tuabneeg. 3 Yeej tsw muaj tej kws Vaajtswv foom tsw zoo tsua lawm nyob huv lub nroog hlo le. Vaajtswv hab tug mivnyuas yaaj lub zwm txwv nyob huv lub nroog ntawm, hab nwg cov tub qhe yuav pe nwg. h Puab yuav pum nwg lub ntsej muag hab nwg yuav sau nwg lub npe tsua ntawm puab hauv plaj. 5 Yuav tsw muaj mo ntuj le lawm. Puab yuav tsw taws teeb hab tsw txug yuav muaj tshaav ntuj, tsua qhov Vaajtswv yog tshaav ntuj ci tsua puab pum kev. Puab yuav ua vaaj ntxwv kaav lub nroog ntawm moog ib txhws.
Yexu yuav rov qaab lug
6 Dhau hov ntawm tug tubkhai ntuj has tsua kuv has tas, tej lug nuav yog tej lug tseeb kws tso sab tau. Vaajtswv kws pub Vaajtswv tug Ntsuj Plig tsua cov xwbfwb cev Vaajtswv lug, nwg khaiv nwg tug tubkhai sau ntuj lug qha tej kws tshuav tsw ntev tom hauv ntej nuav yuav muaj tshwm lug tsua nwg cov tub qhe paub. 7 Yexu has tas, mej ua tuab zoo noog kuv tej lug. Kuv tub yuav lug sai sai nuav. Tug kws ua lawv le tej lug kws Vaajtswv qha tsua huv phoo ntawv nuav mas yuav tau nyob kaaj sab quas lug. 8 Kuv npe hu ua Yauhaa. Kuv nov hab pum ib puas tsaav yaam nuav. Thaus kuv nov hab kuv pum taag lawm kuv txawm txhus caug ndua ntawm tug tubkhai sau ntuj kws qha ib puas tsaav yaam nuav txhais kwtaw es yuav pe nwg. 9 Kuas nwg has tsua kuv has tas, koj tsw xob pe kuv, kuv yog ib tug tub qhe ib yaam le koj xwb, hab ib yaam le koj cov kwvtij kws ua xwbfwb cev Vaajtswv lug, hab ib yaam le txhua tug kws ua lawv le tej lug kws sau ca tsua huv phoo ntawv nuav. Koj ca le pe Vaajtswv. 10 Hab tug tubkhai has tsua kuv has tas, koj tsw xob npog tej kws Vaajtswv qha tsua huv phoo ntawv nuav, tsua qhov tub yuav txug lub swmhawm kws muaj tej ntawm. 11 Tug kws ua phem nwg yeej yuav ua phem moog le. Tug kws ua qas nwg yeej yuav ua qas moog le. Tug kws ua zoo nwg yeej yuav ua zoo moog le. Tug kws zoo kawg nkaus nwg yeej yuav zoo kawg nkaus moog le. 12 Yexu has tas, mej ua tuab zoo noog kuv tej lug. Kuv tub yuav lug sai sai nuav. Kuv yuav coj mej tej yeeb koob lug faib tsua mej lawv le tej num kws mej txhua tug tau ua lug lawm. 13 Kuv yog Alafa hab yog Aumekha. Kuv yog thawj tug kws xub nyob hab yog tug kws nyob tom kawg. Kuv yog lub hauv paug hab yog lub ntsws. 14 Tug kws ntxhua nwg cev tsoog huv huv lawm nwg yuav tau nyob kaaj sab quas lug. Nwg muaj feem noj tsob txwv ntoo kws pub txujsa, hab muaj feem moog ntawm qhov rooj moog tsua huv lub nroog. 15 Kuas cov tuabneeg ua phem ua qas hab cov tuabneeg ua khawv koob hab txawj yeeg swv, cov tuabneeg ua nkauj ua nraug, cov tuabneeg tua tuabneeg, cov tuabneeg pe daab pe txoov daab, cov tuabneeg daag, mas tsw has tej kws puab has hab tej num kws puab ua los txhua tug puav leej nyob saab ntug nrau xwb. 16 Kuv yog Yexu, kuv tub khaiv kuv tug tubkhai sau ntuj lug qha tej nuav tsua mej cov ntseeg kws nyob txhua qhov paub lawm. Kuv yog vaaj ntxwv Tavi tug xeeb ntxwv, kuv yog lub nub qub kws ci ci thaus yuav kaaj ntug. 17 Vaajtswv tug Ntsuj Plig hab tug nkauj nyaab has tas, ca le lug ntawm nuav. Txhua tug kws nov lu lug ntawm yuav tsum teb has tas, ca le lug ntawm nuav. Tug kws nqhes dej ca le lug ntawm nuav. Tug kws xaav haus ca le lug txais cov dej kws pub txujsa nuav moog haus. Kuv pub dawb xwb kuv tsw yuav nqe.
Lu lug kawg
18 Kuv yog Yauhaa. Kuv thov qha tsua txhua tug kws tau nov tej lug kws Vaajtswv qha tsua huv phoo ntawv nuav has tas, yog leejtwg muab ib lu lug ntxwv tsua tej lug kws sau ca tsua huv phoo ntawv nuav, tes Vaajtswv yuav muab tej kev txom nyem kws has huv phoo ntawv nuav ntxwv tsua tug ntawm. 19 Yog leejtwg rhuav tej lug kws Vaajtswv qha tsua huv phoo ntawv nuav ib lus tseg, tes Vaajtswv yuav tsw pub tsob txwv ntoo kws pub txujsa kws yog nwg feem tsua nwg noj, hab Vaajtswv yuav tsw pub lub chaw huv lub nroog zoo kawg nkaus kws yog nwg lub tsua nwg nyob. Kuv tub has txug tej ntawm tsua huv phoo ntawv nuav lawm. 20 Tug kws has tas tej nuav yeej muaj tseeb tag, nwg has tas, kuv tub yuav lug sai sai nuav ntaag. Thov kuas muaj lawv le ntawm. Tswv Yexu thov koj ca le lug hlo. 21 Thov tswv Yexu foom koob foom moov tsua mej txhua tug.
