Hmar CHUNGTIENGA INTHAWKA THANGPUINA "CHUNGTIENGA INTHAWKA THANGPUINA" hi Pathien Lekha thu an mil ang peia Bible bung ramtina inthawka lakkhawm a na. Pathien Lekha thu hrilfiena tha tak chu Bible bawk hi niin ka ring. Pathien Thu chu "chungtienga inthawka" hung a na, felnaa phingtama dangchar lungrilhai tading chun a tungkai takzet a nih. Mi'n a suol a sim a, suolna bansan a, Lalpa Isu Krista a lungrila cheng dinga a fiel a, a lungril popova Lalpa Isu Krista chu a Sandamtua a ring chun, Lalpa chu a kuomah hung inlar a ta, Ama lawmna le thlamuongna chu ringtu lungrila chun hung intlungtir a tih. Hi hi kum 1937 khan ka dawng tah a, chutaka inthawk chun hi Lalpa le inpawlna ropuitakel hi ka suk tawp ta ngai nawh. I lo la thaw naw a ni chun TUHIN I Sandamtu le Lalpaa pawmin Ama kuomah intuklut dingin ka ngen che a nih. Watson Goodman /1 PATHIEN HMANGAINA Rom 5:8 Nisienlakhawm, Pathien chun a mi hmangaina chu inpak tlakin an langtir a, misuolhai ei la ni laia Krista eini aia a thi Iei khan. Johan 13:1 Chun, Fekan Ruoithe hmain Isu'n hi khawvel hi suok san a, Pa kuoma a fe hun a tlung tah ti a hriet a, ama mi khawvela um a hmangai hlakhai chu, a tawp chen khawmin a hmangai zing a. Johan Thupuon 1:5 Isu Krista, thu hretu ringumtak, mithi laia inthawka pieng hmasa tak le hnuoia lalhai roreltu kuoma inthawk dam chun, lunginsietna le inremna in kuomah um raw se. Johan 3:16 Pathienin khawvel a hmangai emem a, chuleichun a Naupa neisun chu a pek a, ama chu tukhawm a ring taphawt chu an bohmang nawh a, chatuona hringna an nei lemna dingin. Jeremia 31:3 LALPA chu hlataka inthawkin ka kuomah hung inlarin hieng hin a tih a: A nih kumkhaw hmangaina chun ka hmangai cheh a, chuleiin lainatnain ka hip cheh a. /2 ISU KRISTA PATHIEN ZIE 1 Timothe 3:16 Chun, Pathien ngaisakna thuruk chu selruollovin a ropui a nih: Ama chu tisaa hung inlang, thlarauva thiem chang, vantirkohai hmu, hnamhai laia tlanginsampui, khawvela mihai i awi, ropuinaa zuk thuoi ta chu. Mathai 1:22, 23 Chun, Lalpan zawlnei bauva, ngai ta, nunghak inthieng chu inrai a ta, naupasal nei a ta; a hming dingin Imanuel sak an tih, tia a hril kha a hung tlung theina dingin chuong popo chu a hung um a nih. (Imanuel chu Ei kuomah Pathien a um tina a nih). Johan 14:9, lOa Isu'n a kuomah, Philip, hi chen rau hi in kuomah ka um a, chuong khawm chun i mi la hriet naw rawp maw? Tukhawm a mi hmu chu Pa hmu a nih. Pa chu min hmutir rawh, iengti tia ti am i na? Kei Paa ka um le, Pa keimaah a um ti in awi naw am a ni? Johan 1:1 le 14 A tirin Thu a um, Thu chu Pathien kuomah a um, Thu chu Pathien a nih .... Chun, Thu chu tisain a hung inchang a, eini lai a hung um ta a. Pa naupasal nei sun ropui angin a ropuizie ei hmu, lunginsietna le thutakin a sip. /3 ISU KRISTA PATHIEN NAUPA CHU 1 Johan 4:15 Tukhawm, Isu Pathien Naupa a nih, tia tan taphawt chu, amaa chun Pathien a um a, ama khawm chu Pathienah a um bawk a nih. Kolossa 2:9 Amaa (Krista Isu) chun Pathien famkimna tinreng chu taksa neiin a um zing si a. Luka 1:35 Chun, vantirko chun a dawn a, a kuomah, Thlarau Thienghlim i chungah hung tlung a ta, Chunghnungtak thilthawtheina chun hliekhung a che; chuleiin mi thienghlim hung pieng ding khawm chu Pathien Naupa ting an tih .... Mathai 17:5 A la hril lai zingin ngai ta, sum vartakin anni a hung hlie tah a; chun, ngai ta, suma inthawk chun rawlin. Hi hi ka Naupa dittak, ka lawm takzet chu a nih, ama thu ngai ro, a ta. Isai 9:6 Ei ta dingin naupang a hung pieng a, naupa pekin ei um tah a; rorelna chu a liengkova chuong a ta, a hminga chun Maka, Remruottu, Pathien Hrat, Chatuon Pa, Remna Lai an ti ding a ni si a. /4 ISU'N TUM A NI TIH A MI HRIL Johan 11:25 Chun, Isu'n a kuomah, Kei hi thonawkna le hringna chu ka nih; tukhawm a mi ring chu thi sienlakhawm hring zing a tih ... a ta. Johan 13:13 ... Nangni'n Zirtirtu le Lalpa in mi ti hlak; in ti dik hie, ka ni ngei hrim a... Johan 10:7 Chuongchun, Isu'n an kuomah a hril nawk a, Titakzetin, titakzetin ka hril cheu hi, kei hi beram kawtkhar chu ka nih ... a ta. Johan 8:23 Chun, ama chun an kuomah, Nangni hnuoi tienga inthawka mi in nih, kei chu chung tienga mi ka nih; nangni hi khawvela mi in nih, kei chu hi khawvela mi ka ni nawh .... Johan 9:5 ... Khawvela ka um sungin khawvel entu ka nih, a ta, a dawn a. Johan 6:35 Chun, Isu'n an kuomah, Kei hi hringna bei chu ka nih; tukhawm ka kuoma hung chu a phing tam naw ni, tukhawm a mi ring chu iengtik khawm dangchar naw ni hai... a ta. Johan 8:58 Isu'n, an kuomah, Titakzetin titakzetin ka hril cheu, Abraham um hma khawmin ka um, a ta. /5 ISU THILMAK THAW THENKHATHAI Luka 5:5, 6 Chun, Simonin a kuomah, Inchuktirtu, inrimtakin zankhawvarin kan bei a, iengkhawm kan man nawh; nisienlakhawm i thuin lenhai deng nawk ka tih, a ta, a dawn a. Chun, an hei deng chun nga nasatak an inkhum a, an lenhai chu an tan thawt thawt a. Matthai 14:19-21 Chun, hlo chunga thung dingin mipui chu thu a pek a, beiphek panga le nga pahni chuba lak a, van tieng enin mal a sawm a, a khawi a, beiphek pangahai chu thuoihruoihai kuomah a pek a; chun, thuoihruoihai chun mipuihai kuoma chun an pek a. Chun, an rengin an fak a, an khawp tawl tah a; an fak mahia nawi khawm chu parbawm sawm le pahni an rut sip a. A fatuhai chu nuhmei le naupang tiem lovin, patling ruok khawm sang nga rau an nih. Matthai 20:30 le 34 Chun, ngaita, mitdel pahni lam sira thunghai chun Isu a fe ti an hriet phingleh, Lalpa, Davida Naupa, mi lunginsiet rawh, tiin an khek a .... Chuongchun, Isu'n a lunginsiet a, an mit a them a; chuongchun an hmu thei nghal tah a, ama chu an zui tah a. /6 ISU KRISTA CHU SIEMTU LE LALPA A NIH Rom 14:9 Krista, thina le a hung hring nawkna san chu mi dam le mi thi Lalpa a ni theina ding a ni si a. Johan 1:3 Iengkim a rengin ama siem a nih; thil siem popo hi ama siem naw iengkhawm a um nawh. 1 Korinth 1:9 Pathien, a Naupa ei Lalpa Isu Krista pawlnaa ko luttu cheu kha, ring a um a nih. Kolossa 1:16 Vana umhai, hnuoia umhai leh, hmu theilo le hmu theihai le chun, lalthungphahai, rorelnahai, inlalnahai, thuneinahai khawm, iengkim ama siem a na, ama ta ding bawka siem a nih. Tirkohai Thilthawhai 2:36 Chuongchun, Isu in hemde ngei kha, Pathienin Lal le Krista ni fawmin a siem ta ti, Israel hnam tinin hre mawl raw se, a ta, a hril a. Hebrai 1:2 Hieng ni tawpa hin eini kuomah a Naupaa chun thu a hril tah. Ama chu iengkim rohluotu dingin a ruot a, amaa bawk chun khawvelhai chu a siem a. /7 ISU KRISTA CHU IENGKIM RORELTU A NIH Rom 14:10 Nisienlakhawm, nangin ieng dinga i unau i sawisel am a na? annawleh, nangin ieng dinga i unau i hmusit am a na? Pathien rorelna thungpha hmaah ei rengin ei la ngir ding a ni sih a. Matthai 25:32 A hmaa chun hnamtin inkhawm an tih; beram ching tu'n kel laia beramhai a the angin anni rawi chu theng a tih. Johan 5:22 Pain tu thu khawm a rel pek ngai nawh, thu popo Naupa an reltir lem a. Rom 2:16 Pathienin ka Chanchin Tha hril anga mihriemhai thuruk Isu Krista hmanga a ngaituo ni chun. 2 Timothe 4:1 Pathien mithmu le mi dam le mithi ngaituotu ding, Krista Isu mithmua chun, an larna le a ram salin, thahnemngaitakin kan hriettir che. Tirkohai Thilthawhai 10:42 Ama chu mithihai le mi hringhai chunga Roreltua Pathien ruot chu a ni ti, mi kuoma khekpui le inhriettir dingin Pathienin thu a mi pek a nih. /8 INTLANNA KRISTAA INTHAWK CHAUVIN Hebrai 5:9 Chuongchun, sukthat famkima hung umin a thu awi popohai ta dingin chatuona sandamna bulpui a hung ni tah a. Hebrai 7:25 Chuongchun, amaa Pathien kuoma hunghai chu a tawpkhawk chenin a sandam thei bawk a nih; anni tawngtai pek dingin chatuona a hring zing leiin. Tirkohai Thilthawhai 4:12 Mi dang tu kuoma khawm sandamna a um nawh; vankhup hnuoia mihriem hming sak lai, a mi sandam ding hming dang hrim a um nawh, a ta. Johan 10:9 Kei kawtkhar chu ka nih; tukhawm keimaah a lut chun, humhimin um a ta, lutin suok a ta, fak ding hmu bawk a tih. Johan 14:6 Isu'n a kuomah, Kei hi lampui le thutak le hringna ka nih; keimaha fe naw chu tukhawm Pa kuom an tlung ngai nawh ... a ta. Johan 8:24 ... Chuleiin in kuomah, In suol nei zingin thing in tih, ka ti kha; ama chu ka nih ti in ring naw chun, in suol nei zingin thi mawl in tih, a ta. /9 INTLANNA KRISTAA INTHAWK CHAUVIN Kolossa 1:12-14 Pa, vara mithienghlimhai ro chu intawmpui tlaka mi hung siemtu kuoma chun lawmthu hril pei bawkin. Ama chun thim thuneinaa inthawka mi sansuokin a Naupa hmangaitak rama chun a min kaitir tah a; amaa chun ei intlanna ei hmu a nihei suolhai ngaidamna chu. Luka 19:10 ... Bohmanghai zawnga sandam dingin Mihriem Naupa hi a hung a ni hrim a nih, a ta. 1 Korinth 1:30 Nangni ruok chu ama zarah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dam, thienghlimnaa dam, intlannaa dam leh. Tita 2:14 Ama chun bawsietna popova inthawka a min tlan theina dingin le, chi thlang bik, thil tha thawha thahnem ngaia, ama ta dinga a sukthieng theina dingin ei aiin an pek kha. Thupuon 5:9 Chun, hla thar an sak a, nang lekhabu chu la a, an chiknahai sut tlak i nih; thatin i um tah a, chitina mi dam, tawng tina mi dam, mitina mi dam, hnam tina mi dam, Pathien ta dingin i thisenin in chawk a. /10 KRISTA THISENA INTLANNA CHU Ephesi 1:7 A thisen leiin amaa chun ei Intlanna ei nei a nih-a lunginsietna hauzie ang peia ei bawsietnahai ngaidamna chu. 1 Johan 1:7 Amiruokchu, ama chu vara a um angin eini khawm vara um ei ni chun, ei inpawl tlang a nih, chun, a Naupa Isu thisenin ei suol popo a mi sawpfai pek a nih. 1 Peter 1:18, 19 In thlatuhai pek sawng, in um dan ieng ni bar lova inthawk chu, thil se thei, tangka le rangkachaka intlan in ni nawh a, beramte, hmelhemlo le inthiengnawna kai lo thisen ang a, Krista thisen hlu chun intlan in ni lem ti in hriet sih a. Hebrai 9:14 Krista, chatuona Thlarau hmelhem lova Pathien kuoma inhlan thisen chun Pathien hring rawngbawl dingin in sie le tha hrietna chu thilthaw thihaia inthawk chun a va sukthieng nasa awm de! Rom 5:9 Chuongchun, a thisena thiem inchangtira ei um ta hin chu, ama lei bawkin Pathien lungsennaa inthawkin sandamin um ngei ei tih. /11 KRISTA RINGNA LEIA SANDAMNA Ephesi 2:8, 9 Ringna leia lunginsietnaa sandam in ni sih a, chu khawm chu nangnia inthawka suok an nawh a, Pathien thilpek a nih; thilthaw lei an nawh; chuong naw chun mi uong rawi an tih. Rom 5:1 Chuleiin ringna leia thiem changa umin, ei Lalpa Isu Krista leiin Pathien le inremin um ei tiu. Galati 5:6 Krista Isua chun sertan iengkhawm a thahnem nawh a, sertan naw khawm iengkhawm a thahnem chuong nawh, ringna hmangainaa thaw ruok chu a thahnem a nih. 1 Johan 5:4 Pathiena pieng taphawt chun khawvel a ngam sih a; hihi khawvel hneha ngamna chu a nih, ei ringna hi. Johan 20:31 Nisienlakhawm, hienghai hi, Isu chu, Krista, Pathien Naupa a ni tih in ringna ding le, in ring a, a hminga hringna in neina dinga ziek a nih. Johan 6:28, 29 Chun, anni chun a kuomah, Pathien sin kan thaw theina dingin ieng am thawng kan ta? an ta. Chun, Isu'n an kuomah, Pathien sin thaw chu hihi a nih, ami tir in ring hi, a ta, a dawn a. /12 PATHIEN ZANGAINA Sam 103:11 Van khi hnuoi chung insang taka a um angin, Ama tituhai chunga a zangaina chu a nasa a nih. Sam 103:17 Lalpa zangaina ruok chu a tituhai chunga chun chatuona inthawk chatuon chenin um a ta, a felna khawm an Lhlahai thlahai chenin. Mika 7:18 Nang anga khawlona ngaidamtu le a rochan la um sun bawsietna fekheitu Pathien tu am an um a? a lungsenna chu kumkhuoin a vawng zing nawh, zangainaa chun a lawm emem hlak leiin. Sam 108:4 I zangaina chui van khum khawpin a nasa sih a, I thutak chun vanhai khi a tawng hiel bawk a. Jeremia Tap Hla 3:22, 23 Lalpa zangaina leiin a ni, sukbohmanga ei um naw chu, a lunginsietna chun tlinnawna a nei naw leiin. Zing tinin an thar a: i ringumna chu a ropui a nih. Tita 3:5 Eini ngeia thawhai lei chu ni lovin, siem tharna sawpna le Thlarau Thienghlim siem that nawkna chun, a zangaina chun a mi sandam tah. /13 PATHIENIN AMA KUOM TIENGA HUNG DINGIN A MI FIEL Mathai 11:28 Nangni sininrim le phurrik phur popohai, ka kuomah hung ro, keiin chawlna. peng ka ti cheu. Johan Thupuon 22:17 Thlarau le mo chun, Hung rawh, an ta. A hre ta phawt chun, Hung rawh, ti raw se. Dangchar taphawt hung raw se; a nuom taphawtin hringna tui hi a thlawnin la raw se. Johan 7:37 Chun, ruoithe tumtiek ding ni, ni ropuitaka chun, Isu a ngir a, a khek a, Tukhawm a dangchar chu ka kuomah hung sienla. dawn raw se .... a ta. Isai 55:1 Hung ta u, dangchar taphawthai, tuiahai hin hung ro, tangka nei nawhai khawm; hung unla, inchaw unla, fa ro; a nih, hung unla, uoin le nenetui tangka pe lovin, a man khawm pe lovin inchaw ro. Isai 1:18 Lalpa chun, Hung ta u, ngaituo tlang ei tiu. In suolhai chu sen inlar angin um ta sien la la khawm, vur angin var a tih; senduk angin sen ta sienlakhawm, beram hmul angin um a tih ... a ta. /14 MI POPO PATHIEN NAUHAI AN NI VAWNG NAWH 1 Johan 3:10 Hitaka hin Pathien nauhai le Diebol nauhai an hriet a nih: tukhawm felna thaw naw chu Pathiena inthawka suok a ni nawh a, a unau hmangai naw khawm chu Pathiena inthawka suok a ni bawk nawh. 2 Korinth 6:17, 18 Chuleiin, Anni laia inthawkin hung suok unla, a tumin um ro, thil thiengnaw hrim them naw ro, Lalpa'n a tih, Chuongchun, Lawm ka ti cheu a, in ta dingin Pa ning ka ta, nangni khawm keia ta dingin naunuhai le naupahai ning in ta, Lalpa iengkim thawthei chun a tih, tiin. Rom 8:14, 15 Pathien Thlarau thuoia umhai po chu Pathien nauhai an ni sih a. Tia um nawk dingin suok nina thlarau in hmu a ni si nawh a; nau nina thlarau in hmu lem a nih; chu tharau zara chun, Abba! Pa! tiin ei khek hlak hi. Johan 1:12 Nisienlakhawm ama lawm taphawt chu, an kuomah Pathien nauhai ni theina ding a pek; a hming ringtuhai chu. /15 THIL INRUITHEI DAWN PATHIEN THUIN A HRIL DAN Isai 5:11 Zu hnawt dinga zingkar inhmataka thova, uoinin a sukrui bur hmakhat chena zan sawttak tak chena um hlakhai chu an chung a rik. Galati 5:19-21 Chun, tisa thilthawhai chu an lang fel a nih; chuongchu hienghi an nih: inditna dam, inthiengnawna dam, hurna dam, milem biekna dam, dawithiemna dam, theidana dam, inhalna dam, thikna dam, lungsenna dam, inkhingna dam, insuk hran dam, ring hran dam, itthikna dam, zu inruina dam, zu hmun hlimna dam, chuongang hai chu, chuong kawnga chun kha hmaa, Chuongang thil thawtuhai chun Pathien ram hluo naw ni hai, ti a, ka hrillawk cheu ang khan, ka hril nawk cheu hi. Rom 13:13, 14 Suna um angin mawi takin um ei tiu, zu dawn buoi le zu inruia um lovin, hur le indit hmanga um lovin, insuol le in ittika um lovin, Lalpa Isu Krista chun inthuom lem unla, in taksa inhawkna puitling dingin iengkhawm insiem naw ro. /16 THAW NGUNNA CHAU A HUNTAWK NAWH Matthai 22:37, 38 Chun, ama chun a kuomah, Lalpa Pathien chu i lungvar popovin, i thlarau popovin, i lungril popovin i hmangai ding a nih, ti hi. Chuchu thupek ropui le pawimaw tak a nih ... a ta. Marka 10:17-22 .. . Inchuktirtu tha, chatuona hringna ka nei theina dingin ieng tak am thawng ka ta? tiin an dawn a. Chun, Isu'n a kuomah, lengdinga tha i mi ti? Mi pakhat chau naw chu tukhawm tha an um nawh, chuchu Pathien a nih. Thupekhai chu i hriet an nawmTuolthat naw, Uire naw, Inru naw, Hek naw, Hiem naw, I nu le pa chawimawi rawh, tihai hi, a ta. Chun, ama chun a kuomah, Inchuktirtu chuong thu popo chu naupang chite ka ni laia inthawkin ka zawm hlak, a ta. Chun, Isu'n ama chu a en a, a hmangai tah a, a kuomah, Kawng khat i la bak, fe la, i nei popo zawr la, pasiehai kuomah pe rawh, chuongchun vanah ro nei i tih; chun, hung la mi zui rawh, a ta. Nisienlakhawm, chuong thu lei chun a hmel chu a hung inthim a, lungngai takin a fe hmang tah a, mi hausa tak a ni sih a. /17 HLEMIN UM NAW RAWH Jakob 1:22 Nisienlakhawm, mani inhlemin, ngaituhai chau ni lovin, thu zawmtuhai lo ni lem ro. Ephesi 5:6 Tukhawmin thu teplo meimeiin hlem naw raw se cheu, chuong thil lei chun Pathien lungsenna chu ringnaw nauhai chungah a tlung hlak sih a. 1 Korinth 6:9, 10 An leh mi felnawhai chun Pathien ram hluo naw ni hai ti in hriet naw'm a ni? Hiemin um naw ro; uirehai, milem betuhai, hmeidawihai, mihurhai, mawngkawhurhai, rukruhai, mi duamhai, zuruihai, inhalhmanghai amanih, hlepruhaiin amanih Pathien ram hluo naw ni hai. 1 Johan 3:7, 8a Nauhai, tu hlem khawmin um naw ro; felna thawtu chu mifel a nih, ama a fel ang bawkin. Thil suksuoitu chu Diebola suok a nih; Diebol chun a tira inthawkin thil a suksuol sih a. Galati 6:3 Mi iengkhawm ni si lovin, miliena an ngai chun, an hlem fawm el a ni sih a. Thuvarhai 16:25 Mihriem kuoma indik awm taka inlang lampui chu a um a, amiruokchu chu tawpna chu thina lampuihai a nih. /18 SUOLIN THINA AN TLUN Rom 5:12 Chuongchun, mi pakhat leiin suol khawvela hin a lut a, suol leiin thina a lut bawk a; chuongang-bawkin mi popovin thil an lo suksuol ta leiin thina'n mi popo a fang suok tah a. Jakob 1:15 Chun, chakna chun ta a vawn a, suol a nei hlak; chun suol chu a hung puitling pha thina a hung suksuok hlak. Rom 8:6 Tisa tieng thil dit chu thina a ni sih a; thlarau tieng thil dit ruok chu hringna le lungmuongna a nih. Ezekiel 18:20 Mi, suol thawtu chu thing a ta; naupa chun pa suolna chu phur naw ni a, pa khawma naupa suolna chu phur bawk naw ni; mi fel felna chu mi fel chunga chun um a ta, mi rilo ritlona chu mi rilo chunga bawk chun um a tih. Luka 15:32 Hlimtak le lawmtaka um ding a ni hrim annawm; hi i sang hi a thih a, a hung hring nawk tah a; an hmanga ei hmu nawk ta a ni hi, a tih a, a ta. Thuvarhai 11:19 Felnain hringna an tlun angin, suol hnawttu chun ama thina dingin a hnawt a nih. /19 KRISTA'N THINA A HNE TAH Luka 7:14, 15a Chun, a va hnai a, hlang chu a them a; chuongchun, a zawntuhai chu an ngir tir a. Chun, Tlangval, tho rawh ka ti che hi, a ta. Chun, mithi chu a thung dawk a, a hung tawng tah a. Johan 11:43, 44 Chun, chuonga a tawng zo phing chun rawl inringtakin, Lazar, hung suok rawh, a ta, a khek a. Chun, mithi chu a kut a ke thian puona tuom pumin a hung suok tah a, a hmai chu inhrukna puona tuom a na. Isu'n, an kuomah, Sut unla, in fetir ro, a ta. Johan 10:17, 18 Hi lei hin Pa'n a mi hmangai a nih, lak nawk dinga ka hringna ka pek ding leiin. Tukhawmin mi lakpek naw ni hai, keima thuthuin ka pek lem ding a nih, pe thei ka nih a, la nawk thei khawm ka nih. Hi thupek hi ka Pa kuoma inthawka ka hmu a nih, a ta. Johan Thupuongsuo 1:18 Kei a Hmasatak le, a Nuhnungtak le Mi Hring chu ka nih, ka thi tah a, nisienlakhawm, ngai ta, kumkhuoa dingin ka hring nawk tah a nih. Thina le Mithi Khaw chabihai chu ka nei bawk a. /20 PATHIEN THUPEKHAI Deuteronomy 5:7-21 Keima naw chu pathien dang hrim hrim i nei ding an nawh. Milim siem fawm, chungtieng vana mi amanih, hnuoitieng leihnuoia mi amanih, hnuoi hnuoitienga tuia mi amanih, a ieng angpui khawm i siem ding an nawh: Chuong chu chibai i buk ding an nawh a, an rawng i bawl ding an bawk nawh .... Lalpa i Pathien hming chu i sam mei mei ding an nawh: Lalpa chun a hming sam mei meitu chu thiemlo inchangtir lovin an suo awm si nawh a. Lalpa i Pathienin thu a pek che angin chawini chu inthieng zing dingin inser rawh. Niruk sung chun sin thawng i ta, i sin popo chu i thaw ding a nih .... Lalpa i Pathienin thu a pek che angin i nu le i pa chawimawi rawh .... Tuol i that ding an nawh. I uire ding an nawh. In ruk ding an nawh. I venghai chungah hretu tehlemah in siem ding an nawh. I venghai nuhmei chu in hnar ding an nawh a, i venghai in amanih, a lo amanih, a suokpa amanih, a suoknu amanih, a bawngchal amanih, a sabengtung amanih, i venghai thil a ieng iengkhawm inhnar ding an nawh. /21 PATHIENA INTHAWKIN IN BI THEI NAWH 1 Peter 1:23 Chi se theia inthawkin ni lovin, Pathien thu hring zing le um zinga chun, chi se theinawa inthawka pieng thar in ni sih a. Jeremia 23:24 Lalpa chun. Mi tukhawm ka hmu lo dingah hmun fienrielahai an bihmang thei am a ni? a tih. Hnuoi le van chu keia suksip a ni naw am a ni? Lalpa chun a tih. Thuvarhai 15:3 Lalpa mithai chu hmun tinah a um a, thil tha le thil tha naw chu a hmu zing hlak. Psalm 139:8 le 12 Vanah hang lawn lang, chutaka chun i um sih a. Seola zaina siem lang, ngai ta, chutaka chun i um bawk sih a! ... Inthim khawma nangma kuoma chun iengkhawm a hlie nawh a, zan hi sun angin a var lem a nih: I ta ding chun inthim le var hi thuhmun zing a ni sih a. Joba 34:21, 22 A mithai chu mihriem lampuihai chunga chun a fuh a, a fevel popo khawm chu a hmu zing a. Thina hlim amanih, inthimna amanih khawm a um nawh, thil khawlo thawtuhai inbikna ding hmun chu. Luka 8:17 Puong lo dinga ip iengkhawm a um nawh, hriet naw ding le inlang lo dinga thuphmang iengkhawm a um bawk nawh. /22 MI RILOHAI CHATUONA HREMNA DING CHU 2 Peter 3:7 Nisienlakhawm, tuhin vanhai le hnuoi umhai hi, chu thu bawk lei chun Pathien ngaisaknaw mihai rorel le bohmang nia dingin khekin, meia dinga inkhawl khawm a ni tah. Sam 9:17 Mi rilohai chu Seola chun kir nawk an ta, hnam tin Pathien theinghil hlakhai chu. Mathai 13:41, 42 Mihriem Naupa hin a vantirkohai chu tir dawk a ta, a rama inthawka insuksuoltirtuhai le thil suksuoltuhai popo chu thlang dawk an ta, rawtuina meia chun pei an tih; chutaka chun tap le harawt chu la um a tih. Mathai 25:46 Chun, chuonghai chu kumkhaw hremhmunah feng an ta, mifelhai ruokchu kumkhaw hringnaah feng an tih, a ta. Mathai 18:8 Chun, i kutin amanih, i kein amanih a sukthluk che chun, tan la, pei dai rawh; kut pahni 'manih, ke pahni 'manih meia kumkhaw meia peia um nek chun, piengsuolin amanih, kebaiin amanih, hringnaa lut i ta dingin a tha lem. /23 RORELNA HUNG TLUNG DING 2 Peter 2:9 Lalpa chun, ama ngaisaktuhai chu thlemnaa inthawka sansuok dan le, felnawhai chu rorel nia hrem dinga khek dan a hriet. Hebrai 9:27 Chun, mihriem tadingin vawikhat thi ruot a nih, chu hnunga chun rorelna um a tih. Tirko Thilthawhai 17:31 Ni a tiem leiin, chu ni chun, a mi ruot chu hnuoia mihai fel takin inngaituotir a tih, chuchu, Pathiennin ama chu mithi laia inthawka keithovin, mi popo kuomah an hriettir tah a nih. . , 2 Korinth 5:10 Mi tinin taksaa a thil thawhai a sie a thaha ei thaw ang peia ei hmu seng theina dingin, Krista rorelna thungpha hmaa chun suklangin ei um vawng ding a ni sih a. Rom 14:12 Chuongchun, ei rengin Pathien kuomah mani chanchin ei hril seng ding a nih. 1 Johan 4:17 Hitakahin ei chungah hmangaina a famkin tah; rorel nia ti lova ei um theinaa bin; ama um anga khawvela hin ei um leiin. /24 ISU KRISTA LUNGINSIETNA CHU Rom 9:16 Chuleiin, a ditu lei an nawh a, a tlanlu lei a ni bawk nawh, a lunginsiettu Pathien lei a ni lem a nih. 1 Peter 5:5b Pathienin chapohai a theidah a, inngaitlawmhai ruok chu lunginsietna a pek hlak sih a. Tirkhohai Thilthawhai 4:33 Chun, tirkohai chun awiumtakin Lal Isu thonawk thu an inhriettir hlak a, an renga chungah lunginsietna nasatak a um. Rom 5:15 Nisienlakhawm, thil thlawnpek chu bawsietna leh an ang nawh. Mi pakhat bawsietna lei hinan khan mi tamtak chu an thi si chun Pathien lunginsietna le mi pakhat Isu Krista lunginsietna leia thilpek chu, mi tamtak chungah vurin um ngei a tih. 2 Korinth 9:15 A thilpek hril thei ruollo leiin Pathien kuomah lawmthu um raw se. 2 Korinth 8:9 Ei Lalpa Isu Krista lunginsiet-na chu in hriet a, hausa sien la khawm nangni lei ngeiin a lo rimsi ta kha, rimsik leia in hung hausak theina dingin. /25 SIMNA Tirkohai Thilthawhai 17:30 Chuonchun, Pathien chun hriet naw laihai kha hrietnaw tehlem a thaw hlak a; nisienlakhawm tuhin chu ram tina mi popo sim ding thu a pek tah a nih. Luka 13:3 Ni love, ka hril cheu hi, nangni khawm in sim naw chun, chuongang bawk chun bohmang vawng in tih. Tirkohai Thilthawhai 3:19 Chuleiin, in suolhai thaibo a Hi theina dingin sim unla. ngha kir nawk ro, chuongchun, Lalpa kuoma inthawka har hunhai la hung tlung thei a tih. Tirkohai Thilthawhai 2:38 Chun, Peter chun, an kuomah, Sim unla, in suolhai ngaidamna dingin Isu Krista hmingin baptisma chang seng ro; chuongchun, Thlarau Thienghlim pek hi hmung in tih. Mathai 3:20 Sim ro, van ram chu a hnai tah, tiin. 2 Korinth 7:10 Pathien ditzawng anga lungngaina chun, sandamna dingin, insirna um lovin simna chu a siem si hlak a; khawvel lungngaina ruok chun thina a siem lem hlak. /26 SUOLHAI NGAIDAMNA CHU Mathai 6:14 Mi an bawsiethai in ngaidam chun in Pa vana mi'n ngaidam veng a ti cheu. Ezekiel 18:21 Amiruokchu, mi rilo chu a thil suksuolhaia inthawk chun an herhmang a, ka thuruothai chu a zawm a, an dik le dan ang thilhai chu a thaw chun, hring ngei a ta, thi naw ni. Isai 55:7 Mi rilo chun a um dan chu bansan sien la, mi felnaw chun a ngaituonahai chu bansan bawk raw se; Lalpa kuomah kir nawk raw se; chuongchun, ama chun lo lunginsiet a ta; ei Pathien kuomah kir nawk raw se; ama chun a lo ngaidam nasa khawp awm sih a. Ngaita, kawtkhar bula ngirin ka kik hi; tukhawmin ka rawl hrea kawt a hawng chun a kuomah lut ka ta, a kuomah zanbu fang ka ta, ama khawmin ka kuomah fa bawk a tih. Johan Thupuon 3:20 Tirkohai Thilthawhai 5:31 Ama ngei kha Pathienin Lal le Sandamtua um dingin a changtieng a chawimawi tah, Israelhai suol insimtir ding le ngaidam dingin. Chuongchun, Isu'n an ringzie chu a lo hmuh a, mi zeng kuoma chun, Naupa, i suolhai ngaidam a ni tah, a ta. Marka 2:5 /27 KHAWVEL THILA INTHAWK INSUKHRANGNA Kolosa 3:2 Chungtienga thil umhaia chun in lungril in nghat tiat ro, hnuoia thil umbaia chun in nghat lovin. Ephesi 5:11 Chun, thim thilthaw ra nei ngai lohaia chun thangna hrim nei naw ro, thang nek hmanin an thiem nawzie inhriettir lem ro. 1 Johan 2:15, 16 Khawvel hi hmangia naw unla, khawvela thil umhai khawm hi hmangai bawk naw ro. Mi tukhawmin khawvel a hmangai chun, Pa a hmangaina amaa a um nawh. Khawvela thil um popo, tisa chakna dam, mit chakna dam, damsung ropuina tehlem dam hi, Paa inthawka suok a ni nawh a, khawvela suok a ni lem sih a. Isai 1:16 Insawp unla, insukfai ro, in thilthawhai suolna chu ka mithmu phak nawah siehmang ro. Suol thaw hi ma ta ro. Tita 2:11,12 Mi popo kuoma chun sandamna hung intlunin, Pathien lunginsietna a hung inlang ta sih a; Pathien ngaisak nawna le khawvel chaknahai bansanin, tulai khawvela hin insum le feltak le Pathien ngaisakin ei um ding a nih ti min chuktirin. /28 PIENG THARNA CHU Ezekiel 36:26 Lungril thar peng ka ti cheuva, thlarau thar nangniah sie bawk ka tih; chun, in tisaa inthawkin lungril lung ang chu la hmang ka ta, tisa lungril innem pe lem ka ti cheu. 1 John 2:29 Ama chu mifel a nih ti in hriet chun, mi tukhawm thildik thawtu chu amaa pieng a nih ti in hriet. Johan 3:3 Chun, Isu'n a dawn a, a kuomah, Titakzetin, titakzetin ka hril che hi, mi tukhawm an piengthar naw chun Pathien ram hmu thei naw ni hai, a ta. 2 Korint 5:17 Chuleichun tukhawm Kristaa a um chun thil siem thar a hung ni tah a; thil hluihai chu a bo tah a, ngai ta u, a hung thar tah. 1 Johan 5:18 Tukhawm Pathien a pieng chun thil a suksuol nawh ti ei hriet; Pathien a pieng khan ama chu a hum zing a, misuol chun tawk khawm a tawk thei naw hrim a nih. /29 SUOL THISAN KRISTAA KEITHO Ephesi 2:1 le 6 Nangni khawm in bawsiet le in suolhai leia thi in ni lai khan a sukhring cheu a nih. Krista Isua chun ama ruol bawka mi keithovin, van hmunahai ama kuom ngeiah a min thungtir tah a. Kolosa 3:1 Chuongchun, Krista kuomah keithovin in um ve ta chun, chungtieng Pathien changtienga thung Krista umnaa thil umhai chu zawng ro. 1 Peter 2:24 Suol tiengahai thi tahin felna tienga ei hring theina dingin, ama ngeiin a taksain thinga khan ei suolhai a phur a; ama vuokna vuolhai chun sukdamin in um tah a. Galati 5:24 Chun, Krista Isu mihai chun, tisa chu a suol ngaituona le a chaknahai pumin an hemde tah. Rom 6:2 le 11 Eini suol tienga thi ta hnunghai iengtinam suolin la hring zing thei ei ta? Chuongang bawkin nangni khawm suol tieng kawngah thi taah in ngai unla, Pathien tieng kawnga ruok chun Krista Isua chun hringah inngai ro. /30 CHATUONA HRINGNA Mani tisa tienga thetu chun tisaa sietna chu sik a tih; Thlarau tienga thetu ruok chun, Thlarauva chatuona hringna a sik ding a nih. Galati 6:8 Johan 3:14, 15 Chun, Mosie'n thlalera rul a khaikang ang khan, Mihriem Naupa hi khaikangin a um bawk ding a nih; tukhawm a ring taphawt chun ama leia chatuona hringna an neina dingin. Johan 3:36 Tukhawm Naupa ring taphawt chun chatuona hringna an nei tah; nisienlakhawm, tukhawm Naupa thu awi naw taphawt chun hringna nei naw ni hai, Pathien lunginsenna an chungah a um zing lem a nih. Johan 17:3 Hihi chatuona hringna a nih: nang Pathien tak chau le i tir Isu Krista hriet hi. Rom 6:23 Suol man chu thina a ni sih a; Pathien thilthlawnpek ruok chu ei Lalpa Krista Isu zarah chatuona hringna a nih. Titakzetin, titakzetin ka hril cheu hi, tukhawm ka thu hreha a mi tirtu ring chun chatuona hringna a nei tah, inthiem lovin a um nawh a, thinaa inthawkin a suok a, hringnaah a lut lem tah a nih. Johan 5:24 /31 SANDAM HRIET CHIENGNA Isai 32:17 Chun, felna sinthaw chu inremna ninga ta, fetna thil suok chu kumkhuoa muongtaka umna le ring tlata umna ninga tih. Galati 4:6 Chun, nau in ni leiin Pathienin a Naupa Thlarau chu, Abba! Pa! tia khekin, ei lungrilah a hung tir a. Johan 14:21 Tukhawm ka thupekhai nei a, zawm chu, a mi hmangaitu a nih; tukhawm a mi hmangai chu, ka Pain hmangai a tih, kei khawmin ama chu hmangai ka ta, a kuomah inlar rawp ka tih. Rom 8:16 Thlarau ngei chun, eini thlarau leh, Pathien nauhai ei nih ti a min hriettir hlak. 1 Johan 3:18, 19 Nauhai, thu chauvin in hmangai nawm ei niu, tawngbau chauvin in hmangai naw bawk ei tiu; thilthaw le titakmeuvin ni lem raw se. Chutakachun thutaka inthawk ei nih ti inhrieng ei ta, ama mithmu ngeiah ei lungril chu thlemtlai bawk ei tih. 1 Johan 4:13 Amaha ei um zing le ama chu einiah a um zing ti hitakahin ei hriet, a thlarau a mi pek ta lei hin. /32 KRISTA ZAKHAMNA CHUN LAWMNA A PEK Johan 17:13 Nisienlakhawm, tuhin i kuomah ka hung ding an'tah a; khawvelah hieng thu hi ka hril a nih, ka lawm annia an nei kimna dingin. Rom 14:17 Pathien ram chu dawn le fak tieng thu a ni si nawh a; felna dam, inremna dam, Thlarau Thienghlim a lawmna dam a ni lem. Galati 2:20 Krista leh hemdein ka um tah. Nisienlakhawm, ka hring a nih, kei ruok chu ka ni ta nawh a, Krista chu keimaah a cheng lem a nih; chun, tuta Kristaa ka hring hi ringnaa hring ka nih, Pathien Naupa, mi lunginsiettu, ka aia inpetu ringna lei chun. Isai 12:3 Chuleiin sandamna tuikhura inthawk chun hlimtakin tui la chawi in tih. Sam 16:11 Nangin hringna lampui chu min hriettir i ta: I hmaa chun hlima sipliemna a um a; I kut changtienga chun kumkhaw lawmna ding a um. Johan 15:11 Ka lawmna nangniah a um zingna ding le, in lawm a kimna dingin hieng thu hi in kuomah ka hril hi. /33 LALPA THUPEK ZAWM A TUL 1 Samuel 12:15 Amiruokchu, Lalpa rawl chu ngai lova, LALPA thupek in helsan chun in puhaiin LALPA kut an tuor ang bawkin nangni khawma tuor in tih. Teu love a! Tu kuoma khawm an thu awi dinga an suoka in lut chun, thina khawpa suol suok amanih, felna khawpa thu awina suok amanih khawm ni sienia, a thu in i awi suok chu in nih ti in hriet naw am a nih? Rom 6:16 A sukrinumtuhai cheu chu rinuma thung le, nangni rinum tuortuhai chu keini le chawlnaa thung chu, Lalpa Isu a vantirko hrattakhai le meichawk laia vana inthawka an lar phaa Pathien hre naw mi le ei Lalpa Isu Chanchin Tha awinawtu chunga phuba a lak pha pha chun: chuong mihai chun hrem tuor an tih. Lalpa kuoma inthawk le a hratna ropuinaa inthawka chatuona bohmangna chu. 2 Thessalonika 1:7-9 Deuteronomy 1:26-28 Ngai ta u, vawisun hin in hmaa malsawmna le tawngsie ka sieh a; LALPA in Pathien thupekhai tuta ka pek cheu hi in zawm chun, malsawmna; LALPA Pathien thupekhai chu in zawm nawha, in hriet ngai lo pathien danghai be dinga tuta ka thupek cheu hi in petsan chun, tawngsie. /34 KRISTA TAN TLAT DING Philippi 2:11 Isu Krista chu Lal a nih, tia lei tinrengin a puongna dingin. Matthai 10:32, 33 Chuongchun, mihai hmaa mi tan taphawt chu, ka Pa vana mi hmaah tan veng ka tih. Nisienlakhawm, tukhawm mihai hmaa min phat taphawt chu ka Pa vana mi hmaah inphat veng ka tih. Rom 10:9, 10 I bauvin Isu chu Lalpa a nih ti i tan a, mithi laia inthawkin Pathienin a keitho ti i lungrila i ring chun sandamin um i tih, ti hi. Mihaiin an lungrilin an ring a, felna an hmu hlak, bauvin an tan a, sandamna an hmu hlak a nih. 1 Johan 2:23 Tukhawm Naupa phat chun Pa khawm a pawm chuong nawh; Naupa awitu ruok chun Pa khawm a pawm a nih. Luka 9:26 Tukhawm ke ile ka thu inzapui taphawt chu, Mihriem Naupa hin ama ropuina leh, a Pa ropuina leh, a vantirko inthienghai ropuina leh a hung pha chun ama chu hung inzapui veng a tih. /35 SETAN EI HMELMA LIENTAK 1 Peter 5:8 Ngaiven unla, fimkhur ro; in khingpui diebol chu sakeibaknei inrum angin a fak thei ding zawngin an vel ruoi hlak a nih. 2 Thessalonika 2:9 Chun Dan Bawsepa hungna chu Setan sin thaw zie ang peiin, thilthawtheina tinreng dam, inchikna tinreng dam, khel thilmak tinreng leh. Matthai 4:1 le 10, 11 Chu zova chun Isu chu diebol thlema um dingin thlalerah Thlarau thuoi lutin a um ta a. . . . Chu phing leh Isu'n, Setan, fe hmang dai rawh; Lalpa i Pathien chibai buk la, ama rawng chau bawl rawh, tia ziek a nih, a ta. Chu hnunga chun diebol chun a zamsan ta a. Chun, ngai ta, vantirkohaiin a rawng an bawl pek ta a. Ephesi 6:11 Diebol zawrnahai chu in do zona dingin Pathien ralthuom famkimin inthuom ro. Thilthawhai 26:18 Chuongchun, inthim chu var tieng nghat san an ta, Setan thuneina chu Pathien tieng nghat san an tih, suol ngaidamna an hmuna dingin le an mi ringna leia inthieng tahahi kuomah rochan an nei ve theina dingin, a ta. /36 SETAN HNEA UMNA 2 Thessalonika 2:8 Chuchu lak bo a ni pha chun Dan Bawsepa chu hung inlang tang a tih, Lalpa Isu'n ama chu a bauva thuokin sukhlum a ta, a hunga inlarnain sukbohmang a tih. Jakob 4:7 Chuongchun, Pathien thu thuin um ro; amiruokchu Diebol chu dodal ro, Chuongchun, tlanhmang san a ti cheu. Pathien hnai ro, chuongchun amain hnai a ti cheu. Rom 8:35, 37 Krista hmangainaa inthawk chu tuin am mi theng a ta? Rinumna'n amnnih. lungngaina'n amanih, suknawmnatna'n amanih, tamin amanih, kawlhnamin amanih a mi the ding am a nih? .. . The love? chuong popova chun, a-mi hmangaitu lei chun ropuitaka ngamtu ei nih. Chuongchun, naupanghai hi tisa le thisen changtuhai an ni tawl leiin, ama ngei khawmin chuong bawk chu a chang ve ta a, thinain thina thuneitu (chuchu Diebol a nih) a sukbohmang theina dingin. Hebrai 2:14,15a 1 Johan 3:8 Thil suksuoitu chu Diebola suok a nih; Diebol chun a tira inthawkin thil a suksuol si a. Pathien Naupa hung inlang san tak chu Diebol sinthawhai sukbohmang theina dingin a nih. /37 HMANGAINA, RAWNGBAWLTU DINGA FIENA 1 Johan 4:20 Min, Pathien ka hmangai, ti sien la, a unau theida si sien la, ama chu khelhlip a nih; a unau a hmu zing ta hman a hmangai naw chun, Pathien a hmu ngai naw chu iengtin am hmangai thei a ta? 1 Korinth 13:1 Mihriem tawnghai le vantirko tawnghaiin thu hril lang khawm, hmangaina ka nei si naw chun dar inri meimei amanih, darbenthek inri meimei amanih lo ning ka tih. Johan 13:35 le 21:16 In inhmangai chun mi popovin ka thuoihruoihai in ni ti chutaka chun hrieng an tih, a ta. . . . Chun a vawihninaah, a kuomah, Simon Jona naupa, nangin kei i mi hmangai am? a ti nawk a. Ama chun, a kuomah, Aw Lalpa, ka ngaina che ti i hriet, a ti nawk a. Ama chun a kuomah, Ka beramhai enkawl rawh, a ta. 1 Johan 3:14 Unauhai ei hmangai leiin thinaa inthawkin ei suok a, hringnaah ei lut ta ti ie hriet. Tukhawm hmangaina nei naw taphawt chu thinaah a la um zing a nih. Galati 5:22, 23a Thlarau ra ruok chu hmangaina dam, hlimna dam, inremna dam, dawtheina dam, ngilneina dam, thatna dam, ringumna dam, insumtheina dam a ni lem. /38 IS KRISTA THONAWKNA CHU Rom 4:25 Chu Isu chu ei suolna leiin inmantirin a um a, thiem ei changna dingin keithovin a um bawk a. Johan 20:26-28 Chun, ni riet hnungah, a thuoihruoihai chu in sungah an um nawk a, Thoma khawm an kuomah a um ve a. Chun, Isu a hung a, kawthai chu khar a ni si a, anni lai a hung ngir ta a, an kuomah, In chungah thlamuongna um raw se, a ta. Chun, Thoma kuoma chun, I kutparin hang them la, ka nak pur rawh; ring lovin um naw la, ring el rawh, a ta. Thoma'n a kuomah, Ka Lalpa le ka Pathien, a ta a dawn a. Marka 16:9 Chun, ni sari ni hmasatak, zingkara a thonawk chun, Mari Magdalin, a sunga inthawka khawhri pasari a hnawtsuok pek kuoma khan an lar hmasatak a. Thilthawhai 10:39-41 Judai ram le Jerusalem khuoa a thilthawhai popo hretu kan nih; ama chu thinglera khaiin an sukhlum tah. Pathienin ama chu ni thum niin a keitho nawk a, fietakin an entir a, amiruokchu, mi popo kuomah an nawh, Pathienin hretua a ruotlawkhai kuoma chau a nih, keini, mithi laia a thonawk hnunga a kuoma faa dawntuhai kuoma hin a nih. /39 THONAWKNA, EI BEISEI ROPUI CHU Matthai 16:21 Chu chena inthawk chun, Isu'n Jerusalem khuoa a fe ding zie dam, upahai, thiempu lalhai, lekhaziektuhaia inthawka thil tamtak a tuor ding zie dam chu a thuoihruoihai chu an hriettir tan ta a. Johan 5:25, 28, 29 Titakzetin, titakzetin ka hril cheu hi, a hun a tlung ding an tah, tukhawm hin a tlung mek tah, chu pha chun mithihaiin Pathien Naupa rawl hrieng an ta, a hre taphawt hring an tih. . . Hienghi mak ti naw ro, a hun a tlung ding an tah, chu pha chun thlana um popovin a rawl hrieng an ta, suok vawng an tih; thil tha thawtuhai chu hringna changin thonawk an ta, thil suol thawtuhai chu thiemnaw changin thonawk an tih. Rom 6:3-5 Eini Krista Isua baptisma changhai po chu, a thina-ah baptis in ei um ti in hriet naw maw? Chuleiin, thinaa baptisma changin, a kuomah phumin ei um ve a; chuongchun Pa ropuinain mithi laia Krista a keitho ang khan, eini khawm hringna thara ei um theina dingin. A thina angpuia ama leh wi inzawm ta si chun, a thonawkna angpui khawmin inzawm bawk ei tih. /40 LALPA TADINGA INSUK THIENGHLIM Luka 1:74, 75 Ei dohai kuta inthawka ei hima, Ei dam sung po a mithmuah inthieng le feltaka uma, Ti lova a rawng ei bawl ding thu kha. 2 Korinth 7:1 Chuongchun, dittakhai, chuong thutiem chu ei nei leiin, tisa le thlarau inthiengnaw popovah insukfai ei tiu, Pathien ti puma thienghlimna chu sukfamkimin. 2 Timothe 2:21 Chuleiin, mi chuong thilhai laia an siekieng chun, bel thienghlim, Lalpa hmang tlak, sin thaw tha tinrenga inpei sa, ngaihiut ding mi ning an tih. 1 Peter 1:2 Awi ding le Isu Krista thisen thedar dawng dinga Thlarau sukhran, Pa Pathien hrietlawk anga thianghai kuoma chun; In chungah lunginsietna le inreinna sukpungin um raw se. 1 Peter 1:15 A kotu cheu chu an thieng angin nangni khawm in changzie popovah lo inthieng lem ta ro. /41 LALPA TADINGA INSUK THIENGHLIM Hebrai 13:12 Chuongchun, Isu khawmin ama thisen ngeia mihai a sukthieng theina dingin, kul kawtkhar puotieng chun a lo tuor ta a. 1 Johan 1:9 Ei suolhai thupha ei chawi chun, ei suolhai ngaidam ding le, ei felnawna popo sawpfai dingin ama chu ring a umin a fel a nih. Isai 35:8 Chun, chutaka chun lamlien um a tih; lampui leh, chu chu, Inthiengna Lampui, ting an ta; mi inthiengnaw chu chutaka chun fe naw ni hai; amiruokchu, chuhai ta ding chun ni lem a tih; mi inzin inlawnhai, a nih, mi invethai khawm, chutaka chun inhmang naw ni hai. Matthai 3:11, 12a Kei chun chu simna dingin tuiin ka baptis hlak cheuva; nisienlakhawm, ka hnunga hung ding chu keia nekin a ropui lem a, a kekawp chawi tlak khawm ka ni nawh: Ama chun Thlarau Thienghlim le meiin baptisma inchangtir a ti cheu. Ephesi 1:4 Hmangaina thienghlim le, sawiselboava ama hma a ei um theina dingin leilung insieng hma a Kristaa a mi thlang ang khan. /42 THLARAUA SIP MI CHU Luka 11:13 Chuongchun, nangni misuol hmanin in nauhai thil tha pek nachang in hriet chun, in Pa vana mi chun a hnituhai chu Thlarau Thienghlim a va pek awm ngei de! a ta. Thilthawhai l:8a Nisienlakhawm, Thlarau Thienghlim chu in chungah a hung tlung pha leh thilthawtheina la nei in tih; chuongchun .. . ka thuhretuhai ning in tih, a ta. Ezekiel 36:27 Chun, nangnia chun ka thlarau sieng ka ta, ka thuruathoi chu inhrawtir ka ti cheu a, ka thupekhai chu zawm in ta, thaw bawk in tih. Rom 8:9 Nisienlakhawm, tisaa um in ni naw a, Thlarauva um in ni lem a nih; chuong a ni chun Pathien Thlarau chu nangniah a cheng a nih, amiruokchu, tukhawm Krista Thlarau nei naw chu ama mi an nawh. Thilthawhai 13:52 Chun, thuoihruoihai chu lawmna le Thlarau Thienghlimin an sip tawl a. Thilthawhai 4:31 Chun, an tawngtai zo chun an umna in chu a hung inhning a, an rengin Thlarau Thienghlimin an hung sip a, huoitakin Pathien thu an hril ta a. /43 KRISTIENHAI KUOMAH THUTIEM ROPUI Sam 34:18 Lalpa chun lungrila beidawnghai chu ahnai hlak a, Lungrila insirhai chu a sandam hlak. Johan Thupuon 21:4 An mita inthawkin mitthli popo hrufai a ta; Thina um nawk ta naw nih, Lungngai dam, tap dam, nat khawm um nawk ta bawk naw nih; Thil hmasahai chu a bo tah, tiin. 1 Peter 4:12, 13 Dittakhai, nangni laia fiena nasatak hung um, nangni fiena singa in chunga hung tlung hi, thil mak in chunga tlung angin mak ti naw ro. Krista tuornahai tuorpuituhai in ni zie ang peiin lawm lem ro; chuongchun, a ropuina a hung inlang pha chun nangni khawm hlimtakin lawm thei in tih. Sam 37:3 Lalpa chu ring la, thil tha thaw rawh, Hi rama hin um la, a ringumna a chun inchawm pei rawh. Isai 66:2 Hieng thil iengkim hi ka kutin ka siem a ni sih a, chuongchun, hieng thil iengkim hi a hung um tah a nih, LAPAIN a tih; amiruokchu, hi mi rimsitaka um, lungrila insir ngawi ngawi, ka thuah inthin hlaktu tieng hi en lem ka tih. /44 THLEMA UMPHAA THUTIEM Hebrai 2:18 Ama ngei chun thlemna tudkin a lo tuor ta leiin, thlemna tuorhai chu a thangpui thei a nih. Rom 16:20a Chun, remna Pathien chun in kepha hnuoiah Setan chu hung insirkawi tir vak a ti cheu. Sam 34:19 Mifel rinumnahai chu a tam a; Nisienlakhawm, chuong popoa chun LALPAN a sansuok hlak. Isai 43:2 Tuihai kha in palkai lai khawmin kei in kuomah um ka ta; vadunghai in palkai lai khawmin chim tlum naw ni cheu; meia in fe thleng lai khawmin kang naw ni cheu a; meichawkin sukchawk bawk naw ni cheu. Rom 8:28 Chun, Pathien hmangaituhai amain a ruot anga a kohai ta ding chun, iengkim an thatna dingin a thawpek hlak ti ei hriet. 1 Korinth 10:13 Mihriem tuor thei bak thlemna hrimhrim in chungah a tlung ngai nawh. Pathien chu a ringum a; ama chun in tuor thei bak chu thlemna in tuor phal naw nih; thlemna ruolin tian suokna lampui siem nghal lem a tih, in tuor theina dingin. /45 HNETUHAI KUOMA THUTIEM Johan Thupuon 3:12 A hnetu taphawt chu ka Pathien biekina chun banah siem ka ta, chutaka inthawk chun suok ta naw ni hai; chun, annia chun ka Pathien hming leh, ka Pathien khuo Jerusalem Thar, ka Pathien kuoma mi vana inthawka hung tum ding hming leh, ka hming that leh ziek ka tih. Johan Thupuon 3:5 A hnetu tawphawt chuongang chun puon varhai insiltir ning an tih; chun Hringna lekhabua inthawkin an hming chu thai hmang naw tawp ka tih, ka Pa hmaa le vantirkohai hmaa chun an hming chu tan lem ka tih. Johan Thupuon 3:21 A hnetu tawphawt ka lalthungphaah ka kuomah inthungtir ka tih, kei khawmin ka hne a, ka Pa kuoma lalthungphaa ka thung ang khan. Johan Thupuon 21:7 Hnetu tawphawt chun chuongchu hluong an tih, kei an Pathien ning ka ta, anni chu ka nauhai ning an tih. Johan Thupuon 2:7 Thlarauvin kohran pawlhai kuoma thu a hril hi na nei chun hre raw se. A hnetu tawphawt chu Pathien Paradisaa Hringna Thingna mi chu infaktir ka tih, tiin. /46 PATHIENIN INMAK THU A MI HRIL Luka 16:18 Tukhawm nuhmei maa, nuhmei dang nei tawphawt chu a uire a nih; tukhawm mi nuhmei mak nei taphawt chu a uire a nih. Rom 7:2, 3 Nuhmei pasal nei chu, a pasal dam sung po danin a pasalah phuorin a um hlak; nisienlakhawm, a pasel a thi chun, pasal kawngah dana inthawka insuoin a um hlak. Chuongchun, a pasal dam sunga mi dang a nei chun 'uire nu' ting an tih; a pasal a thi ruok chun chu dana inthawk chun inthlain a um a, chuongchun mi dang nei sienkhawm uire a ni ta nawh. Matthai 5:32 Kei ruok chun, Tukhawm tlangval dang dit lei ni lova mani nuhmei ma taphawt chun, ama chu an uiretir a nih; chun, tukhawm mak hnung chu nei taphawt chu a uire a ni ti ka hril cheu hi. 1 Korinth 7:10, 11 Chun, innei tahai kuoma chun thu ka pek (Keia pek ruok chu ni lovin Lalpa pek a ni lem): Nuhmei chun a pasal the naw raw se; nisienlakhawm, a the nghal chun pasal nei ta lovin um lawlaw raw se, annawleh, a pasal le bawk inrem nawk raw se; chun pasal chun a nuhmei ma naw raw se. /47 KRISTA HUNG NAWKNA Jakob 5:8 Nangni khawm seltakin lo um ro; in lungril suknghet ro; Lalpa hungna chu a hnai ta si a. Matthai 16:27 Mihriem Naupa hi a vantirkohai leh, a Pa ropuinaa inthuomin a hung ding a ni si a; chu pha chun mitin a thilthaw ang peiin thung seng a tih. Marka 8:38 Tukhawm tulai ruolthar uire le suksuolhai lai kei le ka thu inzapui taphawt chu, Mihriem Naupa hi a vantirko inthienghai le a Pa ropuinaa inthuoma a hung pha chun, ama chu hung inzapui ve thung a tih, a ta. Matthai 24:27 Kawl sak tieng a hung inlep a, thlang tieng chen khawmin an lang hlak angin, Mihriem Naupa hungnawkna chu chuongang chu a ni ding a ni si a. Johan 14:3 Chun, in ta dinga hmun ka hang siem chun hung kirnawk ka ta; ka kuomah lang ka ti cheu; ka umnaah nangni khawm in um theina dingin. Johan Thupuon 3:11 Ka hung vak ding a nih, tukhawmin i lallukhum chu an lak pek nawna ding chein, i thil nei sa kha kawl tlat rawh. /48 KRISTA HUNG NAWKNA Johan Thupuon 16:15 Inringa uma puon dierkei zinga um chu a ham a tha, chuongnawchun, saruokin leng a ta, a zamaw hmu rawi an tih. Matthai 24:30 Chu pha chun Mihriem Naupa inchikna chu vanah inlang a tih. Chu pha chun, hnuoia hnam tinin sun an ta, Mihriem Naupa hi thilthawtheina la ropuina nasatak le van sum chunga hung hmung an tih. 1 Johan 3:2 Dittakhai, tuhin Pathien nauhai ei na, iengtin am ei la um ding ti chu a lan lang hri nawh; ama a hung inlar pha ama angin ei um ding a nih ti chu ei hriet, ama chu a um pangngai angtakin ei hmu ding a ni si a. Luka 12:40 Nangni khawm inring zingin um ro, ininring naw pha Mihriem Naupa chu a hung ding a ni si a, a ta. Thilthawhai 1:11 Chuonghai chun, Galili mihai, iengdinga van tieng nghaa in ngir zing am? Hi Isu in kuoma inthawka van tienga thuoia um hi, vana a hang fe in hmu ang bawk hin ama ngei hi hung nawk a tih, an ta. /49 PATHIEN THU CHU Luka 21:33 Hnuoi le van boral a ta, ka thu ruok chu boral naw nih. Matthai 22:29 Isu'n a dawn a, an kuomah. Pathien Lekha thu le Pathien thilthawtheina in hriet naw leiin in ngai suol hlak a nih. 2 Timothe 3:16 Pathien lekha Thu popo Pathien inthuok khuma pek a na, chuleichun, inchuktir kawnga dam, thiemnaw inchangtir kawnga dam, kawk kawnga dam, felna inchuktir kawnga dam a thahnem bawk a nih. 2 Peter 1:21 Mihaiin Thlarau Thienghlim tirin, Pathien kuoma inthawkin an hril lem hlak a nih. Sam 119:105 I thu hi ka kehai ta dingin khawnvar a na, Ka lampuia dingin var a nih. Sam 119:11 I chunga thil ka suksuol nawna dingin, I thu chu ka lungrilah kan khawl khawm a.