CHUNGTIANGA INTHAWKA TANPUINA
"Chungtianga Inthawka Tanpuina" ti hi Biblea Pathian thuhei a inthawka lakkhawm an chang a Bible hrilfiana tha chem chu ama Bible den hi a chang. Pathian thu hi chungtianga inthawka hawng a changa, lungrila tui hral nih tamhei dingin a thangkai a chang. Mi an sual an sima, Lalpa Isua Krista an lungrila awm dinga an sawm a chang a, Lalpa Isua Krista an Samdampu dinga an lungril zawngzawnga an pawm a chang chun, Lalpa chu a ringtuhei hniang awm ret a tia, hlimna nih lungdam na peng a tih. Mathu hi kum 1937 han ki loi hawi chiang tak a, tunariin Lalpa nih kinkarah inkaumhlimna chu a boi ta nawh. Lalpa ni sandam pu dinga ni la nei loi a chang chun, Ama ta dingin ni pumin nin pek a, ni sandampu a pawm dingin nang ke sawm. -Watson Goodman
PATHIAN HMANGAINA
Changhawmsiala, Pathian chun ani hmangaihna chu inpak tlakin a n langtir a, misualhei ei la chang laia Krista ei mani aiah a thi lei han. Rom 5:8
Chun, Kalkan kut hmain Isuan ma khawvel hi suak khala, Pa hniangah a kal hun a tlung ta tih a hawi a, ama mi khawvela i awm, a i hmangaih thinhei chu a tawp ariin a hmangai ret a. Johana 13:1
Manmasiin a thian ding a a nunna a pek hneka hmangaihna nansa zawk tuhmanin an nei nawh. Johana 15:13
Isua Krista, thu hawipu ringawm chem, mithi laia inthawka i piang hmasak chem nih rinenga lalhei roirelpu hnianga inthawkhei chun, khawngaihna nih remna nin hniangah awm ri se. Thu Inpuang 1:5
Pathianin khawvel a hmangaih em em a, maleia chun a Naipa neisun a pek a, ama chu tupai a ring ta phawt chu boiral nawh ni a, chatuana nunna an neina dingin. Johana 3:16
Lalpa chu hla feka tangin ki hniangah a hawng inlar a. A nih, kumkhaw hmangaina chun nang ki hmangai a, maleichun khawngaina, ngilneina chun nang ke hip a chang. Jeremia 31:3
ISUA KRISTA PATHIAN NA
Chun, Pathian ngaihsakna thuruk chu hnial rual loiin a roiinpui a "Ani chu tisain a having lang a, Thlaraua thiam i chang a, Vantir-koihei hmuah. Jentailhei laia i awngin, Khawvela hin mihei i ring, Roiinpuinaa hang intung taka chu. 1 Timothea 3:16
A tirin thu a awm, Thu chu Pathian hniangah a awm. Thu chu Pathian a chang. Chu Thu chu tisaah a hawng chang a, eilaia a awm ta a (Pa, naipa nei sun roiinpui angkan a roiinpuizia ei hmu) khawngaihna nih thutakin a sip. Johina 1:1 nih 14
Chun, ma zawng zawng chu Lalpa zawlnei baia, "Ngaihta, nunghak thianghlim chu rai a ti a, Naipa nei a ti a, a rihmingah Immanuela sak an tih" tia a hril ha a hawng thlung theina dingin, mahei chu a hawng awm a chang, (Immanuela chu ei hniangah Pathian a awm tihna a chang). Mathaia 1:22, 23
Isuan a hniangah, "Philip, chu tenka chu nin hniangah ki awm a, mankahawm chun anni la hawi nai nawh maw? Tupai ane hmu chu Pa hmu an chang; 'Pa chu nen hmu tir rawh,' inka tia ni i ti maw a chang? Kei Paa ki awm nih Pa keimaah a awm tih nin iam nawh maw?" Johana 14:9,10a
ISUA KRISTA PATHIAN NAIPA
Tupai, "Isua chu Pathian Naipa a chang", tia tan apai chu amaah chun Pathian a awm a, ani hawm chu Pathiana a awm den a chang 1 Johana 4:15
Chun, vantirkoi chun a hniangah, kahin a ti a, "Thlarau Thianghlim ni chungah hawng tlung a ti a, Chunginnung chema thil thaw theinain nang sininhliah a ti a; malei chun mi thianghlim hawng piang dinga hawm chu, 'Pathian Naipa' ting an tih." Luka 1:35
Ei ta dingin naipang a hawng piang a, ei ta dingin naipa pekin ei awm ta a, a rihminga chun Maka, Remruattu, Pathian hrat, Chatuan pa Remna Lai an ti ding a chang. Isaiah 9:6
A ti lai vu chun, sum varin anmani chu a hawng inhlia a; chun, ngaih ta, suma inthawk chun, rawlin, "Ma hi ki Naipa, ki dit tak, ki lawm em em a chu a chang, ama thu ngaih roi," a ti a. Mathaia 17:5
Isuan a hniangah, "Ama chu ni hmu ta hi, nang an sawnpui vu hi," a ti a. Johana 9:37
Amaah chun Pathian famkimna tinreng chu taksa neiin a awm mai nghal a. Kolossa 2:9
ISUAIN TU MAW A CHANG TI A HRIL
Chun, ama chun, an hniangah, "Nangni hi hnuai tianga inthawka suak nin chang, kei chu chung tianga inthawka suak ke chang, nangni chu khawvel mi nin chang a, kei chu ma khawvela mi ki chang nawh. Isuan an hniangah, "A tak takin nangni loi hril rong, Abrahama awm hma hawma awm tak ke chang," a ti a. Johana 8:23 nih 58
Khawvela ki awm sung hin khawvel inengtirpu ke chang hi," tiin a thung a. Johana 9:5
Chun, nupang chun a hniangah, "Mesia Krista chu la hawng a tih, tih chu kin hawi, a ma chu a hawng tik chun, ikapai ni hawng hril a tih," a tia. Chun, Isuan a hniangah, "Keima, nang an sawnpu hi, ama chu ke chang," a ti a. Johana 4:25,26
Chun, Isuan an hniangah, "Keima hi nunna bei chu ke chang, tupai ki hnianga hawng chu bu tam nawh nia, tupai ane ring chu tik lai hmanin a tui hral ta nawh nih. Chunkachun, Isuan an hniangah a hril nawk a; "A tak taka nangni ki ti a chang hi." -Johana 6:35:10:7
Chun, Isuan a hniangah, "Kei hi Thoinawkna nih nunna chu ke chang, tupai ane ring chu thi hawm siala dam ret a ti," a ti a. Johana 11:25
ISUA THILMAK THENKAH
Chun, durba chunga inthung dingin mipuihei chu a tih a, bai thlep ringaka nih nga inhnika chu a lak a, rivan tiang enin mai a sawm a; bai thlep ringaka chu a khoi a, zirtirhei hniangah a pek a; zirtirhei chun mipuihei chu an pek a. Kachun, an rengkan an tak a, an khawp tiang a; an lak hlei rinawi hawm chu bem sawm hlei bem inhnika an rut sip a. A fapuhei chu nupangnaipang tin loiin, patling thai hawm sang ringaka lai an chang. -Mathaia 14:19-21
Simona chun a hniangah, "Zirtirtu, sawl em emkan zan khuain kin tang a, ihawm kin hman nawh e; changhawmsiala, ni thuin len chu vawr nawk ke tih," a ti a. Chun, an hei vawr chun nga tarn feka an inkhum a, an len chu an ek par par a. Luka 5:5, 6
Chun, ngaita, mitchaw inhnika lam kawla inthunghei chun Isua a hawng tih an hawi kani-in, "Lalpa Davida Naipa, ni khawngaih rawh," tiin an awng a. Kachun, Isua ... anni chu a koi a, "Nin chungah i mawh ki thaw nin awi?" a ti a. Anni chun a hniangah, "Mit var kin awi," an ti a. Chunkachun, Isuan a khawngaih em em a, an mit a them a; kachun an hmu thei thai a, amah an zui ta a. Mathaia 20:30 nih 32b-34
ISUA KRISTA CHU SIAMPU NIH LAL A CHANG
Amaa chun ikapai siam a chang a, rivana awmhei, rinenga awm hei rek, hmu thei hei, hmutheiloi hei rek, lalthunghmun hei hawm roirelna hei hawm, inlalna hawm, thu neina hawm; ipai ama i siam a chang, ama ta ding dena siam a chang. Kolossa 1:16
Ma ni tawpa hin eimani hniangah a Naipaah chun thu a loi hril ta. Amachu ikapai roiinkhawmpuah a ruat a, ama den chun khawvelhei chu a siam a. -Hebrai 1:2
Krista thina nih a hawng dam nawkna san chu, mi dam nih mithi Lalpa a chang theina hi a chang nghal a. Rom 14:9
I kapai ama siam a chang, thil siam kapai hi ama siam loi i hawm a awm nawh. Johana 1:3
"Chungkachun, Isua nin i kilbet ngei ha, Pathianin Lai nih Krista i fawmin a siam ta tih, Isarel hnam tinin hawi pak ri se," a ti a, a hril a. Tirkoihei Sinthaw 2:36
Pathian, a Naipa Isua Krista ei Lalpa pawlnaa a koi lutpu ha, a ringawm a chang. 1 Korinth 1:9
Kachun, Isua rihmingin mi tinrivana mihei, rinenga mihei, rineng hnuaia mihei reka an khuksaiindilna ding nih, Pa, Pathian roiinpuina dingin. -Philippi 2:10
ISUA KRISTA CHU IKAPAIAH ROIRELPU A CHANG
Changawmsiala, nangin iding mawh ni unai ni sawisel? A chang nawhle, iding mawh ni unai ni hmusit ngar? Pathian roirelna thungpha hmaah ei rengkan la ngireitih. Rom 14:10
Pathian mithmu nih mi dam nih mithi ngaihtuahpu ding Krista Isua mithmuah chun, an larna nih a ram isalin thahnemngaih fekan nang ken hawitir hi. 2 Timothea 4:1
"Mihriam Naipa rawh chu, a vantirkoihei kapai rek a roiin-puinaa inthuama a hawng tik chun, a roiinpuina thuthmunah thung a ti a; a hmaah chun hnam tin inbum an ti. Matthaia 25:31, 32
Pain tu thu hawm a relpek thin nawh, thu zawng zawng Naipa an rel tir ta zawk. Johana 5:22
Pathianin ki Chanchin Tha hril angka, mihriam thu ruk, Isua Krista hmanga a ngaihtuah tik chun. Rom 2:16
Ani chu mithihei nih, midamhei chunga roirelpua; Pathian i ruat chu a chang tih, mi hnianga i awngpui nih inhawitir dinga, Pathianin thu a ni pek a chang. Tirkoihei Sinthaw 10:42
KRISTA - A CHAI INTLANNA
Keima hi a kawta chu ke chang; tupai keimaa ilut chu humhimin awm an ti, lutin suak an ti a, fak ding hmu sa nghal an ti. Johana 10:9
Isuan a hniangah, "Keima hi lampui nih thutak nih nunna ke chang, Keimaa kal loi chu tuhman Pa hniang an tlung ngai nawh." Johana 14:6
Maleia nin hniangah, "Nin sual pumin thi nin ti," nangni ki ti ha; amah chu ke chang tih nin ring nawh chun sual pumin thi hlawl nin ti," a ti a. Johana 8:24
Tu dang hniang hawmah sandamna a awm nawh, rivan hnuaia mihriam rihming sak laiah, ane sandam ding rihming dang reng a awm nawh," a ti a. Tirkoihei Sinthaw 4:12
Chunkachun, thawhthat famkima loi awmin, a thu zawm kapaihei dingin chatuana sandamna bulpui a loi chang ta. Hebrai 5:9
Ma a ringpuhei chu Krista Isua intlanna awm lei chun, khawngaihnaa a thlonga thiam inchangtirin an awm a. Rom 3:24
Chunkachun, ama hanga Pathian hnianga hawnghei chu a tawp ariin a sandam thei a chang, anmani tawngintai pek dinga chatuana a awm ret leiin. Hebrai 7:25
KRISTA - A CHAI INTLANNA
Nangni rawh chu, ama zarah Krista Isuaah chun nin awm a chang; ani chu Pathiana inthawka ei ta dinga varnaah siam a chang, felnaah, thianginhlimnaah, intlannaah hei nin. 1 Korinth 1:30
Ani chun bawsiatna zawng zawnga inthawk a, a ne tlan theina dingin nih chi inthlang bik, thil tha thaw a, thahnem inngaih, ama ta ding a, a thianginhlimtir theina dingin eimani aiah an pe ha. -Tita 2:14
Pa, engah mithianghlimhei roi chu intawmpui tlaka a ni hawng siampu hnianga chun lawm thu hril sa tir denin. Ani chun zing thu neinaa inthawka ne san suakin, a Naipa a i hmangaih chem ramah chun anen kaitir ta a; amaa chun ei inthlanna ei hmu a chang ei sualhei ngaihdamna chu. Kolossa 1:12-14
Boiralhei zawnga i sandam dinga Mihriam Naipa hi a hawng hrim a chang," a ti a. Luka 19:10
Chun, hla thar an sak a, "Nang lehkhabu chu la a, a sininsiana insut tlak ne chang; Thatin ni loi awm tak a, Chi tina mihei, tawng tina mihei, Mi tina mihei, hnam tina mihei, Pathian ta dingin ni thisenin ne chawk a. Thu Inpuang 5:9
KRISTA THISENA TLANNA
Chunkachun, a thisena thiam inchangtira ei awm tak hi chun, ama lei denin Pathian ningthiknaa inthawkin sandamin awm leng ei ti. Rom 5:9
A khawngaihna tamzia angka zela ei bawhsiatnahei ngaihdamna chu. Ephesi 1:7
Ma hi ki thisen sualhei ngaih damna dinga, mi tamka ta dinga suak ding, thu thlungna chu a chang. Matthaia 26:28
Nin thlahtuhei pek sawng, nin awmdan, ihawm khawhawm chang loi lakah, thil ise thei, tangka nih rangkachaka intlan nin chang nawh a, beram te punna boi nih tirdak kawp loi thisen angka, Krista thisen hlu chun intlan nin chang zawk tih nin hawi nghal a. 1 Petera 1:18,19
Amarawh chu, ama chu enga a awm angkan eini hawm enga ei awm a chang chun, ei inpawl tiang a chang, chun, a Naipa Isua thisenin ei sual kapai a nen sufai pek a chang. 1 Johana 1:7
Krista, chatuana Thlarau zara hmelphen boia, Pathian hnianga inhlanna thisen chun, Pathian dam rawngbawl dingin nin sia nih tha hawmina chu; sin thaw i thiheia inthawk chun a hei thianginhlimtir ding nansa era ve aw! Hebrai 9:14
KRISTA RINGNA LEIA SAMDAMNA
Ringna leia khawngaihnaa sandam nin chang nghal a; ma hawm chu nangmania inthawka suak a chang nawh a, Pathian thilpek a chang. Ephesi 2:8,9
Malei chun, ringna leia thiam changa awmin, ei Lalpa Krista leiin Pathian rek inremin awm ei ti. Rom 5:1
Krista Isuaah chun sertan hi i hawm a tangkai nawh a, sertan loi hawm i hawm a tangkai chuang nawh, ringna hmangainaa i thaw rawh chu a tangkai a chang. Galatia 5:6
Anni chun, "Lalpa, Isua ring inla sandamin awm ne ti, nang nih ni insunghei rek," an ti a. -Tirkoihei Sinthaw 16:31
Pathiana piang ta phawt chun khawvel a ngam nghal a; ma khawvel inhnea ngamna chu ei ringna hi a chang. 1 Johana 5:4
Chun, anni chun a hniangah, "Pathian sin kin thaw theina dingin thil imawh thaw kin tih?" an ti a. Chun, Isuan an hniangah, Pathian sinthaw chu mahi a chang, a mi tirh i ring hi," a ti a. Johana 6:28,29
Changhawmsiala, ma hi Isua chu Krista, Pathian Naipa a chang tih nin ringna ding nih, nin ring a, a rihminga nunna nin neina dinga inzia a chang. Johana 20:31
PATHIAN KHAWNGAIHNA
Rivan khi rineng chung insangvaika awm a chang a. Ama tituhei chungah a ngilneina chu a nansa a chang Lalpa ngilneina eraw chu, a tituhei chunga chun chatuan in awm a tih. A felna hawm a thlahei thla a riin. Sam 103:11,17
Ei Lalpa Isua Krista, Pathian nih Pa, khawngaihnahei Pa nih thlamuangna zawng zawng Pathian chu inpakin awm ri se. 2 Korinth 1:3
Lalpa zangaina zarah ti boihmangin nin la awm thin loi leiin. Zingtin an thara, ni rinawmna chu a roiinpui a chang. Lementation 3:22,23
Ni ngilneina chun rivan khum khawpin a nansa a chang. Ni thutak chun rivan dunghei an tawn hial a chang. Sam 108:4
Nangma angka felloina hei ngaidampu nih a roichan la awm bawsiatna kalkheltu Pathian tu maw an awm? Mika 7:18
Eimani ngeia ei thaw lei chu chang loiin, siam tharna, insukna Thlarau Thianghlim siam that nawknaah chun, a Khawgaihna angka paiin ani sandam ta. Tita 3:5
PATHIANIN A HNIANGA KAL DINGIN A NE SAWM
Lalpa chun, "Hawng roi, ngaitu-ah tiang ei tih, nin sualhei chu sen inlar in awm hawm siala, vur angkan var a tih. Bera hmul angin awm a tih." Isaia 1:18
Thlarau nih moi chun, "Hawng rawh," an ti a. A hawi apaiin, "Hawng rawh," ti ri se. Tuihral apai hawng ri se; a hnuam apaiin nunna tui hi a thlongin la ri se. Thu Inpuang 22:17
Hawng ta u, tuihral kapai, tuia hin hawng roi, tangka neilohei hawm, hawng inla, inchaw inla, nei roi, a hman hawm peloiin inchaw roi. Isaia 55:1
Chun ruaithe tumtiak ding ni roiinpui chema chun, Isua a ngir a, a khek a, "Tuhawm a tuihral apiang ki hniangah hawng siala, in ri se." Johana 7:37
Changhawmsiala, Isuan ma chu a hmuin a ning a thik a, an hniangah chun, "Naipangtehei ha ki hniangah inhawngtir unla, khap nawh roi, Pathian ram chu anmanihei angka ta hi a chang zawk. Marka 10:14
"Nangni sin sawl nih pel rik pelhei kapaihei, ki hniangah hawng unla keiman nangni lan ngham tir rawng. Matthaia 11:28
MI KAPAI PATHIAN NAI AN CHANG NAWH
Mataka hin Pathian naihei nih diabola naihei an hawi thei a chang; tupai felna thaw loipu chu, Pathiana inthawka suak a chang nawh, a unai hmangaih loia hawm chu Pathiana inthawka suak a chang lem nawh. 1 Johana 3:10
Pathian Thlarau thuia awmhei kapai chu Pathian naihei an chang nghal a. Tia i awm nawk dingin bawi changna thlarau nin i hmu a chang nghal nawh a; nai changna thlarau nin i hmu zawk a chang; ma thlarau zara chun "Ab-bal! Pa!" tiin ei awng thin hi. Rom 8:14,15
Dem kai loi nih pawikhawiloi, Pathian nai, sawisel boihei nin chang theina dingin; anni laiah chun nunna thu inhlanin khawvelah hin inengtirpu angkan nin inlangthin. Philippi 2:15
Maleichun, " 'Anlaia awmin hawng suak unla, a hrangin awm roi. Thil thangdai reng reng hawm them nawh roi,' Lalpan a ti," chunkachun, "Nangni lawm ki ti a, nin ta dingin Pa chang ki ti a, nangni hawm ki ta dingin nainu naipa chang nin ti,' Lalpa ipaithawtheia chun a ti." 2 Korinth 6:17,18
Changrawh chu, ama lawm a paihei chu an hniangah Pathian nai chang theina ding a pe, a rihming ringpuhei chu. Johana 1:12
ZU IN HI IANGKAN MAW PATHIANIN A TI
Tisa thil thawhei an lang fia a chang; mahei chu mahi an chang inditna, inthiangloina, hurna, milem biakna, dawi thiamna, inhuatna, inhalna, inthikna, ningthikna inkhingna, awmhrangna, ringhrangna, itsikna, zu-inhaina, zu hmun hlimna, mankahei chu, mangka lama chun ha hmaa, "Manka thil thawpuhei chun Pathian ram lua nawh nih," ti a, nangni ki hril lawk angka han nangni ke hril nawk hi. Galatia 5:19-21
Suna awm angkan inhoi fekan loi awm rei, zu in buai nih, inhaia awm loiin, hur nih inditna inching loiin, in sual nih in itsika awm loiin. Lalpa Isua Kristaah chun inthuam zawk unla, nin taksa awina inpuitlingtir dingin ihawm bawiah insiam nawh roi. Rom 13:13,14
Zu in dinga zing inhma vaika thoi a. Zan sawtka uaiin haia an awm a ria awm hei chu an chung a rik. Isaia 5:11
Uaiin chu a sen lai chun en naw inla, Haia chun a zia a hawng insua a, tier lawpa a hawng phul lai chu en naw rawh. A tawpa chun rul angkan a chuk a, rul rial angin a chuk thin. Proverba 23:31,32
TAKINNING CHU AN TAWK NAWH
Chun, ani chun, a hniangah, "Lalpa, ni Pathian chu ni lungvar kapaiin, ni thlarau kapaiin, ni lungril kapaiin ni hmangai ding a chang,' tih hi. Machu Thupek roiinpui nih pawimawh chem a chang. Matthaia 22:37,38
"Zirtirtu tha, chatufina nunna ki nei theina dingin imawh thawng ki tih," tiin an dawn a. Chun, Isuan a hniangah, "I ding maw tha ani ti ngar e, Mi khatka chai tih loi chu tuhman i tha an awm nawh, ma chu Pathian a chang. Thupekhei chu ne hawi ha J te, "Tual that nawh rawh, uire nawh rawh, ruk ru nawh rawh, hek nawh rawh, lem nawh rawh, ni nu nih ni pa chawimawi rawh tihhei hi," a ti a. Chun, ani chun a hniangah, "Zirtirtu, ma thu kapai chu naipang ki changa inthawkin ki hawng zawm ta," ati a. Chun, Isuan ama chu a en a, inriang a hmu a, a hniangah, "Thil khatka ni la bak, kal inla, ni nei kapai zuar inla, mi chaihei hniangah pe rawh, chunkachun rivanah roi nei ne tih; chun hawng inla ni zui rawh," a ti a. Changhawmsiala, ma thu chu a hawi chun, a lung a buai a, lungngaih fekan a kal khal a, mi inchawng fe a chang leiin. Marka 10:17b-22
LEM NAWH RAWH
Lemin awm nawh roi; Pathianchu hmusit rual a chang nawh; mi tu paiin a tu apai chu ma den chu at nawk a tih. Galatia 6:7
Naihei, tu lem hawmin awm nawh roi; felna thawpu chu a fel, ama a fel angka denin. Thil thaw sualpu chu diabola inthawka suak a chang; diabola chun a tira inthawkin thil a thaw sual nghal a. Pathian Naipa hawng langna san chem chu, diabola sin thawhei inboiraltir dingin a chang. 1 Johana 3:7,8a
A chang nawhle mifelloihei chun Pathian ram lua nawh nih tih nin hawi nawh bei? Lemin awm nawh roi; hnuaminawmhei mawh, milem biakpuhei mawh, uirehei mawh, mi hurhei mawh, pinkua hurhei mawh, inru mi mawh, mi duamhei mawh, zu inhai thinhei mawh, mihal sawnghei mawh, hlepruk miheiin Pathian ram lua nawh nih. 1 Korinth 6:9,10
Tuhawmin thu mak boiin nangni lem nawh ri se; manka thil lei chun, Pathian ningthikna chu ringloi naihei chungah a thlung thin nghal a. Ephesi 5:6
Changhawmsiala, mahni inlem loiin, an ngaithlapu chai chang loiin thu zawmpuhei chang zawk roi. Jakoba 1:22
SUAL MAN CHU THIHNA A CHANG
Chunkachun, mi khatka leiin sual khawvela hin alut a, sual leiin thina a hit sa a; chunkaden chun, mi kapaiin thil an loi thaw sual tak leiin thinain mi kapai a fang suak ta a. Rom 5:12
Chun, awina chun te a vawn a, sual a kek thin a; chun, sual chu a hawng puitlingin thina an sua thin. Jakoba 1:15
Tisa tiang thil indi chu thina a chang nghal a; Thlarau tiang thil indi rawh chu nunna nih thlamuangna a chang; tisa awi salam chu Pathian doina a chang nghal a. Machu Pathian Danin a awm nghal nawh a, awm hawm a awm thei lem nawh. Rom 8:6,7
Mi thil tisualtu chu thing a tih; naipa chun pa sualna chu pel naw ni a, pa hawmin naipa sualna chu pel naw nih; mifel felna chu mifel chung den a awm a ti, mi rilo ritlona chu mirilo chung dena chun awm a tih. Ezekiela 18:20
Hlim feka nih lawm vaika awm ding a chang hrim nawh bei, ma ni naibungpa hi a thi a, a hawng dam nawk ta a; a boi a, ei hmu nawk ta a chang hi,' a ti a," a ti a. Luka 15:32
Felnaa ngir retpu chun nunna chu hmung a tih. Sualna umpu eraw chun amani thina ngei a thaw achang. Proverbs 11:19
THIHNA HNEPU KRISTA
Mithi laia inthawka a thoi nawkna chun Pathian Nai a changzia nansa fekan an hawitir a, ei Lalpa Isua Krista chu. Rom 1:4
Chunkachun, a ti zoi ka niin ring fekan, "Lazar, hawng suak rawh," tiin a hei awng a. Chunkachun mithi chu a kut a phei tuampuan pumin a hawng suak a, a hmai chu inhrukna puana tuam a chang a, Isuan an hniangah, "Sut unla inkal tir roi," a ti a. Johana 11:43,44
Kachun, a va hnai a, hlang chu a turn a; chunkachun, an zawnpuhei chu an ngirtir a. "Tlangval, thoi rawh nang ke ti hi," a ti a. Kachun, i thi chu a thung dawk a, a hawng tawng suak a. Chun, Isuan a nu a pek a. Luka 7:14,15
Malei hin Pain ani hmangai a chang, la nawk dinga ki nunna ki pek ding leiin. Tuhawmin ni la pek nawh nia, pe thei ke chang, la nawk thei hawm ke chang, ma thupek hi ki Pa hnianga inthawka ki hmu a chang", a ti a. Johana 10:17, 18
Mi Dama chu ke chang, ki loi thi a, changhawmsiala, ngaih ta, kumkhuaa dingin ki dam nawk ta a chang. Thina nih Mithi Khaw chabi hei chu ki nei sa den a. Thu Inpuang 1:18
PATHIAN DANTHUPEKHEI CHU
Keima loi chu Pathian dang hrimhrim nin nei ding a chang nawh. Milem siam chawp, chungtiang rivana mi mawh, hnuai atanga rinenga mi maw, hnuai hnuai tuia mi maw, i kapai hawm chang siala ni siam ding a chang nawh. Mangka chu chibai ni buk ding a chang nawh a. An sin hawm ni thaw ding achang nawh. Lalpa ni Pathian rihming chu ni hril maimai ding a chang nawh. Lalpa chun a rihming hril maimaitu hei chu thiamloi inchan-tir loiin insua naw nih. Tual ni that ding a chang nawh. Ni uire ding a chang nawh. Nin ruk ding a chang nawh. Ni venghei chungah hriltu tehlemah nin siam ding a chang nawh. Ni khuahei nupui nin hnar ding a chang nawh, ni khuahei an In, an phai, an tirtawn pa an tirtawnnu hei, an sebawng nih an sabengtung hei an thil neikapaihei chu nin hnar ding a chang nawh. Deuteronomy 5:7-21
"Thutiam thar nangni ki i pek hi inhmangai unla, keiin nangni ki hmangaih angka denin nangni hawm in hmangaih ve roi." Johana 13:34
PATHIAN ATANGIN NIN BIRU THEI NAWH
A mit hei chu manmasi lampuihei a chun a awm ret a. A kalna kapaiah a hmu ret thin. Thina hlim nih, inthimna hawm a awm nawh, thil sual i thawpuhei awmna a chun. Joba 34:21,22
Lalpa chun, mi ki hmu loi na hmuna biru thei an awm mawh? a ti. Rineng nih rivan a chu keima-a tikhat a chang naw bei? Jeremia 23:24
Rivana kal inlang ma chun nang ni awm a, Sheola zalna siam inlang, ngai ta, machun ni awm den a. Thim hawma nangma chu ihawm in a hlia naw a. Zan hi sun angkan var zawk a tih. Ni tading chun thim nih var angka a chang. Sam 139:8 nih 12
Lalpa mit chu hmuntina a awm a, thil tha ni thil thaloi hawm chu a hmutir thin. Proverbs 15:3
Thilsiam, ama mithmuah inlang loi reng reng a awm nawh, ei chanchin ei inthlungna ding mithmuah chun, ipai satling nih in hawng saiin a awm zawk a chang. Hebrai 4:13
Inpuangloi ding a, i ip i hawm a awm nghal nawh, hawi loi ding nih inlang loi ding a i thup i hawm a awm lem nawh. Luka 8:17
PATHIAN RINGLOIHEI KUMKHUAA HREMNA
Mirilo hei chu Sheola chun kir nawk an ta. Hnamtin Pathian in-nghil thin hei chu. Sam 9:17
Changhawmsiala, tun hin rivanhei nih rineng awmhei hi, ma thu lei den chun Pathian ngaihsak loi mihei roirel nih boiral ni dinga khekin, meia dingin khawlkhawm a chang ta. 2 Petera 3:7
Ma mihei chun hremtuar an tih, Lalpa hnianga mi nih a hratna roiinpuina a tanga chatuana boiralna chu. 2 Thessalonika 1:9
Chun, ni kutin mawh, ni pheiin mawh nangan lirtir chun tan inla, pai dai rawh; kut inhnika mawh, phei inhnika neia kumkhuaa meia paia awm hnek chun, piang sualin maw, phei inbaiin maw, damnaa i hit ni dingin a tha zawk. Matthaia 18:8
"Chun, mahei chu kumkhaw hremhmunah kal an ti a, mi felhei rawhchu kumkhaw nunnaah kal an ti." a ti a. Matthaia 25:46
Manmasi Naipa hin a vantirkoi hei chu tir suak a ti a, a rama mi insual tirpuhei nih thil thaw sual pu kapai chu hlir a ti a, rawtuina meiah chun paih a ti; ma hmunah Chun tap nih ha inrawtna awm a ti. Matthaia 13:41,42
ROIINRELNA AWMDING
Ni a tiam leiin ma ni chun a mi ruat chu rinenga mihei fel vai kan inngaihtuatir a tih, machu Pathianin ani chu mithi lai atangin kai toiin, mi kapai hniangah an hawitir ta a chang," tiin. Tirkoihei Sinthaw 17:31
Lalpa chun ama ngaihsakpuhei chu zawmnaa inthawka sansuak awh nih, fel loihei chu roirel nia dinga hrem puma khek dan a hawi. 2 Petera 2:9
Matakah hin ei chunga hmangaihna a famkim ta, roirel nia tiloi a ei awm theinaah hin; a awm angka khawvela ei awm leiin. 1 Johana 4:17
Chun, manmasi dingin vawika thi ruat a chang, ma hnungah chun roirelna awm a tih. Hebrai 9:27
Nunna Bu chu an phar sa a; mithihei chu lehkhabuheia ziak, an thilthaw angka zelin rel pekin an awm a. Thu Inpuang 20:12b
Mi tinin taksaa thil thawhei a sia a thain ei thaw ang kapai ei hmu pak theina dingin, Krista roirelna thung hmun hmaah chun inlangin ei awm rit ding a chang nghal a. 2 Korinth 5:10
Chunkachun, ei rengkan, Pathian hniangah mahni chanchin ei hril pak ding a chang. Rom 14:12
ISUA KRISTA KHAWNGAIHNA
Changhawmsiala, thil thlongpek chu bawsiatna rek an ang nawh, mi khatka bawsiatna lei hman han mi tamka an thi nghal chun, Pathian khawngaihna nih mi khatka Isua Krista khawngaihna leia thilpek chu, mitamka chungah vurin awm leng a ti. Rom 5:15
Malei chun, an dipu lei a chang nawh a, a uappu lei hawm a chang lem nawh a, a khawngaihpu Pathian lei a chang zawk. Rom 9:16
Ei Lalpa Isua Krista khawngaihna chu, a riangna leia nin loiin chawng theina dingin, inchawng hawm siala nangmani leiin a loi inriang ta tih nin hawi ha. 2 Korinth 8:9
A thilpek hril theiloi khawp leiin Pathian hnianga lawm thu awm rise. 2 Korinth 9:15
Sual a pungna paia khawngaihna chu a pung nawk hlek a; sual chun thinain roi a rel angkan, khawngaihna chun felnain ei Lalpa Isua Krista zara chatuan nuna neina khawp hial roi a rel theina dingin. Rom 5:20b,21
Chun, tirkoihei chun iam awm fekan Lai Isua thoinawk thu an inhawitir thin a, an rengka chungah khawngaihna nansa feka a awm a. Tirkoihei Sinthaw 4:33
INSIRNA
Kachun, Pathian chun ei hawi loi laihei han hawi loi telemin a awm thin a; changhawmsiala tun chun ram tina mi kapai insim dingin thu a pe ta a chang. Tirkoihei Sinthaw 17:30
Changmak ngar e, nangni ke hril hi, nangni hawm nin sim nawh chun, mangkaden chun boiral rit nin ti. Luka 13:3
"Sim roi, van ram chu a hnai ta," tiin. Matthaia 3:2
Kachun, Petera chun an hniangah, "Sim unla, nin sual ngaihdamna dingin Isua Krista rihmingin baptisma chang hoi roi, chunkachun, Thlarau Thianghlim pek hi dawng nin ti. Maleichun, nin sualhei chu hruk fai a chang theina dingin sim unla, en khir nawk roi; chunkachun, Lalpa hnianga inthawka har hun la hawng tlung thei a ti. Tirkoihei Sinthaw 2:38; 3:19
Mi a bawsiatna inkhumboi tu chu hlawtling naw ni a. Chanwgrawchu, tuhawm thupha chawia, nghatsan thintu chun zangainahmungatih. Proverbs 28:13
Pathian ditsalam angka lunginriangna chun, sandamna dingin, insirna awm loia insimna chu a siam thin nghal a; khawvel lungriangna rawhchun, thina a siam zawk thin. 2 Korinth 7:10
SUALHEI NGAIHDAMNA
Changrochu, miriloi chun a thil tisualhei atang chun a kalboi a, ki thuruat hei a zawm a, an dik nih dan thilhei chu a thaw achang chun, hring ngei a ta, thi naw nih. Ezekiela 18:21
Mi thaboi chun a awmdan chu bansan siala, mi felloi chun a ngaituana hei chu bansan den ri se. Isaia 55:7
"Mi an bawsiathei nin ngaihdam chun nin Pa rivana miin nangni ngaihdam veng a tih. Matthaia 6:14
Mankachun, Isuan an ringzia chu a loi hmu a, zeng hniangah chun, "Ni sualhei ngaihdam a chang ta," a ti a. Marka 2:5
Ama lei chun sual ngaihdamna thu nin hniangah hril a chang hi. Ama ngei ha Pathianin Lai nih Sandamtua awm dingin, a chang tiang a chawimawi ta Israelhei sual insimtir ding nih ngaihdam dingin. Tirkoihei Sinthaw 13:38b; 5:31
Ngaih ta, kawt bula ngirin ken kik hi; tupai ki rawl hawi a, kawt a hawng chun, a hniangah lut ki ti a, a hniangah bu neng ki ti a, ani hawm ki hniangah i nein, fa veng a tih. Thu Inpuang 3:20
RINENG THIL ATANGA INSIAHRANGNA
Mi kapai hniangah, sandumna hawng tlungin Pathian khawngaihna a hawng lang tak nghal a; Pathian ngaihsak loina nih, khawvel awinahei mawng khalin tunlai khawvela hin, insum nih fel tak nih Pathian ngaihsakin ei awm ding a chang tih a nen zirtirin. Tita 2:11,12
Chung tianga thil awmahei chun nin lungril innghat tlat roi, rinenga thil awmahei chun innghat loiin. Kolossa 3:2
Chun, zing sinthaw ra nei ngai loiheiah chun tangna reng nei nawh unla, tang hnekin a thiamloizia inhawitir zawk roi. Ephesi 5:11
Khawvelhi hmangaih naw unla, khawvela thil awmhei hawm hi hmangaih riai naw roi. Mitupain khawvel hi a hmangaih chun, Pa, a hmangaihna amaah chun a awm nawh. Khawvela thil awm kapai, tisa awinahei, mit awina hei, dam sung roiinpuina telem hi Paa inthawka suak a chang naw a, khawvela suak a chang zawk nghal a. 1 Johana 2:15,16
Nangni uirenuhei, khawvel thian chang hi Pathian hmelma chang na a chang tih nin hawi nawh bei? Chunkachun, tupai khawvel thian chang awi apai chun, Pathian hmelmaah an insiam thin a chang. Jakoba 4:4
PIANGTHARNA
Lungril thar nangni peng ke tih, thlarau thar nangmania den peng ke tih. Nin tisa a tangin lungril lung ang ka chu laboi ke tih, tisa rilru innem nangni pe zawk ke tih. Ezekiela 36:26
Ama chu mi fel a chang tih nin hawi chun, mi tupai thil dik thawpu chu amaah piang a chang tih nin hawi. Tupai Pathiana piang chun thil a thaw sual nawh tih ei hawi; Pathiana piang han ama chu a hmu mai a, misual chun tawn hawm a tawn thei nawh hrim a chang. 1 Johana 2:29; 5:18
Maleia chun tupai Kristaa a awm chun, thil siam thar a hawng chang ta a; thil hluihei chu a boi taka, ngaih ta u a hawng thar nawk ta. 2 Korinth 5:17
"Mi tupai an piang thar nawh chun, Pathian ram hmu thei nawh nih," a ti a. Johana 3:3b
Chun, nangni thenka chungka mi chu nin chang thin ha; changhawmsiala, ei Lalpa Isua Krista rihming nih ei Pathian, Thlaraua inthleng fai nin chang ta a, thianginhlimtir nin chang tak a, thiamchang nin chang ta. 1 Korinth 6:11
Chi ise thei lakah chang loiin, Pathian thu dam mai nih awm retah hin, chi ise thei loi laka piang thar nin chang zawk nghal a. 1 Petera 1:23
SUAL CHU THINA-KRISTA A THOINA
Nangni hawm inbawhsia nih nin sualhei leia thi nin chang lai han nangni a indam a chang. Krista Isuah chun ama rual dena nen kaithoiin, rivan hmun heiah ama hniangah anen thungtir ta a. Ephesi 2:1 nih 6
Sual tiangahei chun thi takin, felna tianga ei hmu theina dingin ama ngeiin thinga han a taksain ei sualhei a pel a; amah an thukna inhlawnhei chun indamin ei awm ta a. 1 Petera 2:24
Chunkachun, Krista hnianga kaithoia nin awm ve tak chun, Chung tiang, Pathian changtianga inthung Krista awmnaa thil awmhei chu zawng zawk roi. Chung tianga thil awmahei chun nin lungril innghat tlat roi, rinenga thil awmahei chun innghat loiin, Nin thi taa, nin nunna chu Pathiana chun Krista hniangah thupri'ikin a awm nghal a. Kolossa 3:1-3
Krista Isua mihei chun, tisa chu a sual ngaihtuana nih a awinahei rek an kilbet ta. Thlaraua dam ei chang chun Thlarau dena awm nawk ei tih. Galatia 5:24,25
Manka den chun, nangni hawm sual lama thi taka inruat unla, Pathian lama rawh chun Krista Isuaa chun dama inngaih roi. Rom 6:11
CHATUAN NUNA
Mani tisa tianga tupu chun tisaa siatna chu hmung a ti; Thlarau tianga tupu rawh chun Thlaraua chatuana nunna hmung a ti. Galatia 6:8
Chun, Mosian thlalerah rul a khai angkan Manmasi Naipa hi inkhaiin awm veng a tih. Tupai a ring taphawt ama leia chatuana nunna an neina dingin. Johana 3:14,15
"Ma hi chatuana nunna chu a chang, 'Nang Pathian tak nih, ni i tirh Isua Krista hawi hi.' " Johana 17:3
Tupai Naipa ring apai chun chatuan nunna a nei ta; changrawhchu, tupai Naipa thu iam loi taphawt chun chatuan nunna nei nawh ni a, Pathian ningthikna a chungah a awm mai zawk a chang," a ti a. Johana 3:36
Sual hlaw chu thina a chang nghal a; Pathian thil thlongpek rawh chu ei Lalpa Isua Krista zarah chatuana nunna a chang. Rom 6:23
A taktakin, a taktakin nangni ki tih a chang hi, tupai ki thu hawi a, ane tirpu ring chu chatuana nunna an nei ta, thiam loi changin a awm nawh a, thinaa inthawkin a suak a, nunnaah a lut ta zawk a chang. Johana 5:24
SANDAM IN HRIATFIAHNA
Thlarau ngei chun, ei mani thlarau rek Pathian naihei ei chang tih a nen hawitir thin. Rom 8:16
Tupai Naipa neipu chun nunna chu a nei a, tupai Pathian Naipa neiloipu chun nunna chu a nei nawh. Chatuana nunna nin nei tih nin inhawi theina dingin, nangniin Pathian Naipa rihming ringpuhei hniangah ma thu hi ki inzia a chang. 1 Johana 5:12,13
Felna sinthaw chu inremna achang. Felna sinthaw ra chu kumkhua muangvaika awmna nih ring tlata awmna a chang. Isaia 32:17
"Tupai ki thupekhei neia zawm chu ane hmangaihpu a chang, tupai ane hmangaih chu ki Pain hmangaih a ti; kei hawmin ama chu hmangaih ki ti a, a hniangah inlar ke ti," a ti a. Johana 14:21
Chun, nai ei chang leiin Pathianin a Naipa Thlarau chu, "ABBA! Pa!" tia awngin ei lungrila a hawngtir a. Galatia 4:6
Amaa ei awm mai nih ani chu eimania a awm mai ti matakah hin ei hawi, a Tlarau ani pek tak lei hin. 1 Johana 4:13
A taktakin, a taktakin nangni ke hril hi, "Tupai a ring chun chatuana nunna a nei ta." Johana 6:47
KRISTA AWMNA CHU HLIMNA A CHANG
Changhawmsiala, tun hin ni hniangah hawng ding ki chang tak a, khawvelah ma thu hi ke hril a chang, ki lawm anmaniah an nei kipna dingin. Johana 17:13
Changhawmsiala, nangni hmu nawk ki ti a, nin lungril lawm a ti, nin lawmna chu tuhawmin nangni inchuh pui nawh ni. Johana 16:22b
Pathian ram chu nek fak lam thu a chang nghal nawh a, felna hei, inremna hei, Thlarau Thianghlim lawmna hei a chang zawk. Rom 14:17
Sandamna pangpem a inthawk chun, hlimvaikan tui pel nin tih. Isaia 12:3
Krista rek kilbetin ki awm ta; changhawmsiala ke dam a chang, keima rawh chu ki chang ta nawh, Krista chu keimaah a dam ta zawk a chang; chun, tuna tisaa ke dam hi ringnaah dam ke chang, Pathian Naipa a ne khawngaihpu, ki aia inpepu ringna lei chun. Galatia 2:20
Ki lawmna nangmaniah a awm retna ding nih nin lawm a kipna dingin ma thu hi nin hnianga ki hril a chang hi. Johana 15:11
Nuna kawng zim nin hriattir ni ti a. Ni hmaa chun hlimna hlir a awm a. Ni kut changtiang chun kumkhua lawmna a awm. Sam 16:11
LALPA THUAWI A PAWIMAW
Lalpa rawl ni awi loia, Lalpa thupekhei nin kalsan a chang chun, Lalpa kut nin paheiin an tuar angka denin tuar nin tih. 1 Samuela 12:15
Chang riai mak! Tu pai hniangah an thu awi dinga bawia nin lut chun (thina khawp sual bawi mawh, felna khawpa thu awi bawi mawh), a thu awia bawi chu nin chang tih nin hawi nawh bei? Rom 6:16
"Nangni hreawm loi tuarpuhei chu keimani reka awmbeina a inthung ve, Lalpa Isua a vantirkoi hrat chemhei rek, meichawk laia rivana inthawka an lar tik chun Pathian hawi loi mi nih, ei Lalpa Isua Krista Chanchin Tha iam loi mi hei chunga phuba a lak tik chun, ma mihei chun hrem tuar an tih, Lalpa hnianga mi nih a hratna roiinpuina a tanga chatuana boiralna chu." 2 Thessalonika 1:7-9
Lalpa nin Pathian thupek hei tuna ki pek hei hi nin zawm a chang chun, malsawmna chang nin tih. Changrawchu Lalpa nin Pathian thupek hei zawmloia nin hawiloi pathian dang nin biak a chang chun, tawngsia chang nin tih. Deuteronomy ll:26b-28a
KRISTAA INPUANG A MAWIMAW
"Isua Krista chu Lai a chang," tia lei tin rengin an inpuangna dingin. Philippi 2:11
Chunkachun, mihei hmaa ane tan apai chu, ki Pa rivana mi hmaah tan veng ke ti. Changhawmsiala, tupai mihei hnianga and phat apai chu, ki Pa rivana mi hniangah phat veng ke ti. Matthaia 10:32,33
"Ni baiin Isua chu Lalpa a chang tih ni tan a, mithi laia inthawkin Pathianin a kaithoi tih ni lungrilah ni ring chun, sandamin awm ne ti," tih hi. Miheiin an lungrilin an ring a, felna an hmu thin, baiin an tan a, sandamna an hmu thin a chang. Rom 10:9,10
Tu pai Naipa iphat chu Pa hawm a pawm chuang nawh, Naipa iampu rawhchun Pa hawm a pawm a chang. 1 Johana 2:23
Tupai keima nih ki thu inzakpui a pai chu manmasi Naipa hin ama roiinpuina rek a, Pa roiinpuinarek a vantirkoi thiang inhlim hei roiinpuina rek a hawng tik chun ama chu hawng zakpui venga ti. Luka 9:26
Ma thu hi a ringawm a chang "A thinaah ei thi ve tak chun, a nunnaah nung ve den ei tih; Ei tuar chun, a roirelnaah roi rel ei tih; amah ei phat chun, ani hawmin ni phat veng a tih." 2 Timothea 2:11, 12
SETAN EI RAL ROIINPUI CHEM
Ma Dan Bawhsepa hawng langna chu Setana thaw awh angka paiin, thilthawtheina tinreng hei, sininsiana tinreng hei, thilmak tinreng hei nin. 2 Thesalonika 2:9
Chunkachun, zing chu varin inlet a ti a, Setana thu neina chu Pathian tiang inlet tang a ti, sual ngaihdamna an hmuna dingin nih, anni ringna leia thianginhlim takhei hniangah roi chan an nei thei vena dingin," a ti a. Tirkoihei Sinthaw 26:18
Ma zoi chun, Isua chu Diabola thlem dingin thlalera Thlaraua i thuiin a awm a. Chunkachun, Isuan, "Setan, kal boi dai rawh, Lalpa ni Pathian chi bai buk inla, ama rawng chai bawl rawh," tih ziak a chang a ti a. Ma hnunga chun, Diabola chun a kal khal a; chun, vantirkoiheiin a rawng an bawl pek ta a. Matthaia 4:1 nih 10,11
Atawp chema chun, Lalpaah nih a hratna rithaa chun thil thaw theina neiin awm roi; Diabola charsianahei chu nin doi zoina dingin Pathian ralthuam famkim-in inthuam roi. Ephesi 6:10,11
Ngaihven unla, fiminkhur roi; nin khingpui diabola chu, sing inrum thin angkan a fak thei ding zawngin a vak rum thin a chang. 1 Peter a 5:8
SETAN HNENA CHU
Chunkachun, naipanghei hi tisa nih thisen dawngpuhei an chang leiin, ama ngei hawmin ma den chu a dawng ve a, Thinain thina thuneipu (ma chu Diabola a chang) an boiraltir theina ding nih, thina ti leia dam sung bawia awmhei kapai chu, a san suak theina dingin. Hebrai 2:14,15
Thil thaw sualpu chu diabola inthawka suak a chang; diabola chun a tira inthawkin thil a thaw sual nghal a. Pathian Naipa hawng langna san chem chu, diabola sin thawhei inboiraltir dingin a chang. 1 Johana 3:8
Krista hmangaihnaa inthawk chun tu inmawh ni then a ti? hreawmna inmawh, lungngaihna inmawh, hnuamhenna inmawh, tamin mawh, sathlingnain mawh, tinain mawh, khandaiin mawh ni then a ti bei? Then mak ngar e! ma zawng zawnga chun a ne hmangaihpu leia chun roiinpu feka ngampu ei chang. Rom 8:35 nih 37
Chunkachun, Pathian thu thuin awm roi; amarawhchu, Diabola chu doidal roi, chunkachun, nangni raw khal a tih. Pathian hnai roi, chunkachun, ani chun nangni hnai a tih. Misualhei, nin kuthei i su fai roi, lungril bulbal nei loihei. Jokoba 4:7,8a
HMANGAIHNA, RAWNGBAWLNA DINGA HMANRUA
Mihriam tawng nih vantirkoi tawngin thu hril hawm inlang, hmangaihna ki nei nghal nawh chun, dar ri mai mai mawh, dar benthek ri mai mai mawh loi chang ke ti. 1 Korinth 13:1
Thlarau ra rawh chu, hmangaihna, hlimna, inremna, dawhtheina, ngilneina, thatna, ringawmna, thuhnuaidawhna, insum theina a chang zawk, manka inkal awh chun dan thupek reng a awm nawh. Galatia 5:22,23
"Nangniin ani hmangaih chun ki thupekhei zawm nin ti." Johana 14:15
Miin, "Pathian ke hmangaih," i tihin a unai hawh nghal siala ama chu khelnam a chang, a unai a hmu mai hman a hmangaih nawh chun, Pathian a i hmungailoia chu inkan mawh hmangaih thei a tih. 1 Johana 4:20
"Nin inhmangai chun mi kapaiin ki zirtirhei nin chang tih ma taka chun hawi an ti," a ti a. Johana 13:35
Unaihei ei hmangaih leiin thinaa inthawkin ei suak a, nunnaah ei lut ta tih ei hawi. Tupai hmangaihna nei loi apai chu thinaah ala awm ret a chang. 1 Johana 3:14
ISUA KRISTA THOINAWKNA
Chun, ni sari ni hmasakchem, a thoi nawk niah chun, a sunga inthawk a khawhri sarika a hnawt suakpekpu, Mari Magdalini hniangah an lar hmasak chem a. Marka 16:9
Chun, ni riatka, hnungin a zirtirhei chu insungah an awm nawk a, Thawma hawm an laiah a awm ve tak a, chun, Isua chu a hawng hit a, kawt chu inkhar rit a chang a, an laiah a hawng ngir a, "Nin chungah Thlainuanna awm ri se," a ti a. Chun, Thawma hniangah, chun, "Ni kutcha lin hang them inla, ki kuthei hi en rawh, ni kut hang ban inla, ke kang pur rawh, ring loiin awm nawh inla, ring rawh," a ti a. Thawman a hniangah, "Ki Lalpa, nih ki Pathian ne chang," tihin a thung a. Johana 20:26-28
Judai ram nih Jerusalem khuaa a thil kapai i hawipu kin chang; ani chu thing lera inkhaiin an that a. Pathianin ama chu ni inthum niin a kai thoi nawk a, fia fe kan an en tir a, Changrawh chu mi kapai hniangah a chang nawh, Pathianin a hawipua a i ruatlawkpuhei hniang chaia a chang keini mi thi laia a thoinawk hnunga, a hnianga, i ne a, i fapuhei hnianga hin a chang. Tirkoihei Sinthaw 10:39-41
THOINAWKNA, EI BEISEI ROIINPUI CHEM
Mahei hi mak tih nawh roi, a hun a hawng thlung ding a chang, ma hnung chun, thlana awm kapaiin a rawl hawi an ti a, suak rit an tih. Thil tha thawhei chu nunna neiin thoi an ti a, thil sual thawhei rawh chu thiam loi changin thoi nawk an tih. Johana 5:28.29
Eini Krista Isuaa baptisma changhei kapai chu, a thinaa baptism ei awm tih nin hawi nawh bei? Maleia chun a thinaa baptisma i changin a hniangah phumin ei awm ve a; chunkachun, Pa roiinpuinain mithi laia inthawka Krista a kai thoi angka han eini hawm nunna thara ei awm theina dingin. A thina angpuia ama reka ei inzawm tak nghal chun, a thoinawkna ang pui hawmin inzawm den ei ti. Rom 6:3-5
Krista nangmania a awm nghal chun, sualna leiin taksa a thi a chang, Thlarau rawh chu felna leiin a dam a chang. Changhawmsiala, mithi laia inthawk a, Isua kai thoi nawkpu Thlarau ha, nangmania a awm chun, mithi laia inthawk a, Krista Isua kai thoi nawkpu han nangmania i awm thlarau zara chun nin taksa i thi theihei chu indamtir sang a tih. Rom 8:10,11
LALPAAH THIANGHLIMNA
Ane doihei kuta inthawka ei him a, ei dam sung kapaia a mit hmuhah, thianghlim nih fel vaika awma, ti loia a rawng ei bawl ding thu ha. Luka l:74,75
Chunkachun, dit takhei, ma thutiam chu ei nei leiin, tisa nih thlarau inse thei kapai lakah loiin tifel rei, Pathian ti dep puma thianginhlimna inkip dingin. 2 Korinth 7:1
I awi ding nih Isua Krista thisen theh dawng dinga Thlarau ikhaihrang, Pa Pathian hawi lawk angka inthlanghei hniangah chun. 1 Petera 1:2a1
Malei chun, mi mahei laka an thiarfihlim chun burbel inthiang. Lalpa hmang tlak, sin thaw tha tinrenga inning sai, ngaih hlut ding mi chang a ti. 2 Timothea 2:21
Kei chun insimna dingin tuiin ki baptis thin a; changhawmsiala, ki hnunga i hawng dingpu chu keima hnekin a roiinpui zawk a, a pheikhawk chawi tlak hawm ki chang nawh. Matthaia 3:11
Nangni a koipu a thianginhlim angkan nangni hawm nin changvat ikapaiah loi thianginhlim zawk roi. 1 Petera 1:15
Pathianin thangdaia awm dingin ani koi nawh a, thianginhlima awm dinga ani i koi zawk a chang. 1 Thessalonika 4:7
LALPAAH THIANGINHLIMNA
Hmangaihnaa thianginhlim nih sawisel ding boia ama hmaah ei awm theina dingin leilung inzir hmain Kristaa ane thlang angka han. "Mihriam thar, thutak felna nih thianginhlima Pathian angka siam han, inthuam sa unla," tih thu hi. Ephesi 1:4; 4:24
Lamlian lian vaika awm a tih. Ma chu Thianginhlim Lamlian a chang. Mithianginhlimloi hei chu machun kal thei naw nih. Changrawchu mi thianginhlim hei nih, mi kalvel hei nih, mi inlaw hei hawm chang siala, ma chun kal an tih. Isaia 35:8
Ei sualhei thupha ei chawi chun, ei sualhei ngaihdam ding nih, ei felloina kapai insufai dingin ani chu a ringawmin a fel a chang. 1 Johana 1:9
Manka thilhei chu chunkata boiral rit ding a chang tih nin hawi leiin, awm dan thianginhlim nih Pathian ngaihsakna tiangah chun mi i angka mawh nin chang ding? 2 Petera 3:11
Mi kapai reka inremna nih thianginhlimna um roi, a chang naw chun tuhawmin Lalpa hmu nawh nih. Hebrai 12:14
THLARAUA KHAT MANMASI
Kachun, an tawngintai zoi chun an awmna in chu a hawng inhning a, an rengkan Thlarau Thianghlimin an hawng sip a, inhuai fekan Pathian thu an hril ta a. Tirkoihei Sinthaw 4:31 Nangmania chun ki rithla sia ke tih. Ki thuruat heia chun kal nin tih. Ki thupek hei chu zawm nin ti a, thaw den nin tih. Ezekiela 36:27
Changhawmsiala, tisaa awm nin chang nawh a, Thlaraua awm nin chang zawk a chang; chunka a chang chun, Pathian Thlarau chu nangma niah a awm a chang, changrawh chu tupai Krista Thlarau nei loi chu ama mi a chang nawh. Rom 8:9
"Chunkachun, nangmani mi sual hmanin nin naihei thil tha pekna chang nin hawi chun, nin Pa rivana mi chun a hnipuhei chu Thlarau Thianghlim nangni a hei pe ding em ve aw!" a ti a. Luka 11:13
Changhawmsiala, Thlarau Thianghlim chu nin chungah a hawng thlung tik chun thil thaw theina la nei nin tih. Kachun, zirtirhei chu lawmna nih Thlarau Thianghlimin an sip hoi a. Tirkoihei Sinthaw 1:8a; 13:52
Barnaba chu mi tha tak a chang, Thlarau Thianghlim nih ringnaa sip a chang. Tirkoihei Sinthaw 11:24a
KRISTIANHEI DINGA THUTIAM ROIINPUI
Lalpa chun lungrila ningindawnghei chu a hnai thin a. Lungrila insirhei chu a sandam thin. Sam 34:18
Chun, Isuan a hniangah, "Ni thei chun za? A ringpu ding chun ipai reng thaw thei a chang," a ti a. Marka 9:23
Dit takhei, nin laia fiahna nansa feka hawng awm, nangmani fiahna dinga nin chunga hawng thlung hi, thil inmak nin chunga hawng thlung angkan an mak ti nawh roi. Krista tuarnaah hei tuarpuipu nin changzi a angka zelin lawm zawk roi; chunkachun a roiinpuina a hawng lang tik chun nangni hawm hlim vaikan lawm thei nin tih. 1 Petera 4:12,13
"An mita inthawkin, mit rithli kapai hrufai a ti a; thina awm nawk ta nawh ni, lungriangnahei, tapna hei, natna hei hawm awm nawk ta nawh ni; thil hmasa hei chu a ral ta," tiin. Thu Inpuang 21:4
Lalpa chu ring ila, thiltha thaw rawh. Ma rama hin awm inla, a rinawmna chun inchawm den rawh. Sam 37:3
A ram nih a felna zawng hmasa roi; kachun, mahei kapai chu pek sain awm nin tih. Matthaia 6:33
THLEMA AWMHEI DINGA THUTIAM
Ama ngei chun, thlemna tawngin a loi tuar tak leiin thlemna tawnghei chu a tangpui thei a chang. Hebrai 2:18
Chun, remna Pathian chun, Setana chu nin pheipha hnuaiah nangni hawng insirpertir hlai a ti. Rom 16:20a
Mifel rinawmna hei chu a tam a chang. Changrawchu mangka zawng zawng a chun Lalpan a sansuakthin. Sam 34:19
Tuihei nin kan lai hawm han, kei nin hniangah ke awm a chang, tuidunga nin awm lai hawm han pil loiin awm nin tih. Meia nin kal lai hawm han, nangni kang naw nih. Isaia 43:2
Chun, Pathian hmangaihpuhei, ama in a ruat angka taka a koihei ta ding chun, ipai an thatna dingin a thawpek thin tih ei hawi. Rom 8:28
Manmasi tuar chei bak thlemna reng reng nin chungah a thlung ngai nawh; Pathian chu a ring-awm a, ani chun, nin tuar chei bak thlemna nin tuar phal nawh nih thlemna rualin rawt suakna lampui siam nghal zawk a tih, nin tuar chelna dingin. 1 Korinth 10:13
HNETUHEI DINGA THUTIAM
A chelpu apai chu, ki Pathian biak inah chun chawin phun ke tih, mataka inthawk chun suak ta nawh ni; anmaniah chun, ki Pathian rihming nih, ki Pathian khua, Jerusalem Thar, ki Pathian hnianga mi, rivana inthawka hawng turn ding rihming rek, ki rihming thar rek inzia ke tih. Thu Inpuang 3:12
A chelpu apai chu, chunka puan varhei chu insiltir chang an tih; chun, nunna lekhabua inthawkin a rihming i se riai nawh ning a, ki Pa hmaah nih vantirkoihei hmaah chun an rihming chu tan zawk ke tih. Thu Inpuang 3:5
A chelpu apai ki lalthungphaah inthungtir ke tih, kei hawmin ke hne a, ki Pa hniangah ke thung angkan. Thu Inpuang 3:21
Hnetu apai chun ma chu luang an ti, kei an Pathian chang ki tia, annihei chu ki naihei chang an tih. Thu Inpuang 21:7
" 'Thlarauin koihran pawlhei hnianga a thu hril hi kuar nei chun hawi ri se. A chelpu apai chu Pathian Paradisa nunna thinga mi infatir ke tih, a ti a,' tiin." Thu Inpuang 2:7
Chunkachun, a chelpu apai nih a tawpa ria ki thilthawhei pawmpu apai, keiin ki Paa inthawka ki hmu angka denin, mahei chu hnam tin chungah thu inneitir ke tih. Thu Inpuang 2:26
PATHIANIN NUPUI PASAL INTHENHEI A HRILNA
Nupang pasal i nei chun a pasal damsung kapai chu Danin a pasala phiarin a awm thin; changhawmsiala, a pasal a thi chun pasal laka chun Dan a inthawka insuain a awm thin. Rom 7:2,3
Chun, inneisai takhei hniangah chun thu ke pe (keima i pek chu changloiin, Lalpa i pek a chang zawk) Nupui chun a pasal then nawh ri se; a then seng chun pasal nei taloiin awm law law ri se, a chang nawhle, a pasal nidenin inrem nawk ri se; chun, pasal chun a nupui ma nawh ri se. Nupui chu a pasal dam sungka chu phiar a chang; changhawmsiala, a pasal a thi hnung chun a awi apai nei thei a ti, changrawhchu, Lalpaa awm mi a chang ding a chang. 1 Korinth 7:10,11,39
"Tupai nupui i maa, nupui dang i nei a pai chu a uire a chang; tupai mi nupui mak nei a phawt chu a uire a chang. Luka 16:18
Kei rawhchun, tupai tlangval dit lei chang loi a, nupui ma apai chun, ama chu an uire tir a chang; chun, tupai mak hnung nei apai hawm chu a uire a chang tih nangni ke hril hi. Matthaia 5:32
ISUA KRISTA RINENGA HAWNGNAWK A TIH
Chun, nin ta dinga hmun ki hang siam chun hawng kir nawk ki ti a, ki hniangah nangni thui ke ti; ki awmnaah nin awm ve theina dingin. Johana 14:3
Ke hawng viak ding a chang, tuhmanin ni lallukhum nang an lak pek loina dingin, ni thil nei sai ha, kawl ret rawh. Thu Inpuang 3:11
"Tupai ma thangthar uire nih mi suaksualhei laiah kei nih ki thu inzakpui phawt chu, Mihriam Naipa hi a vantirkoi thianghlimhei nin a Pa roiinpuinaa inthuama a hawng tik chun, ani chu hawng izakpui ve thung a tih," a ti a. Marka 8:38
Ma tik chun Mihriam Naipa sininsiana chu rivanah lang a tih. Ma tik chun, rinenga hnam tinin sun an ti a, Mihriam Naipa hi a thil thaw theina nih roiinpuina nansa feka rek van sum chunga hawng hmung an tih. Matthaia 24:30
Nangni hawm sel vaikan awm roi; nin lungril innghet roi; Lalpa hawngna ding chu a hnai tak nghal a. Jakoba 5:8
Sak tiang kawl a hawng inlek a, thlang tiang ari hawmin a lang thin angka denin, Mihriam Naipa hawng nawkna chu kachun a chang ding nghal a. Matthaia 24:27
PATHIAN THU
Rineng nih rivan boiral a tia, ki thu rawh chu boi nawh nih. Luka 21:33
Thu hril lawk reng reng hi, mihriam thu suak a chang ngai thin nawh a, miheiin Thlarau Thianghlim i tirhin, Pathian hnianga inthawka an i hril zawk thin a chang. 2 Petera 1:21
Pathian lekha Thu tinreng Pathian inthuak khuma pek ta phawt chu, inzirtirna tiangah hei, thiamloi inchangtirna tiangah hei, inzilna tiangah hei, felna inzirtir tiangah hei, an sawt den a chang. 2 Timothea 3:16
TAWNGINTAI NIH NGAIHDAM
(Isua in,) Chunkachun, nangni chu hinka hin tawngintai roi - Kin Pa, rivana mi, Ni rihming inzak awm ri se. Ni ram hawng thlung ri se. Ne ditsalam rivana miin an thaw angkan rinenga miin thaw ri se. Vawna ni hin kin nek khawp bu ni pe inla. Kin inbanghei hi ni ngaih dam inla, Keini hawmin a nen bangpuhei kin ngaihdam angka han. Insual dinga thlemnaah chun ni thui lut nawh inla, Misualhei laka chun ni sandam zawk rawh, tiin. "Mi an bawsiathei nin ngaihdam chun nin Pa rivana miin nangni ngaihdam veng a tih. Matthaia 6:9-14
PATHIAN SANDAMNA LAMPUI
Sandamtu ke tui.
Mi kapaiin thil an thaw sual rit ta a, Pathian roiinpuina an dawng chei ta
nawh a chang. Rom 3:23
Krista ni ta Umgin a thi.
Krista chun Pathian hniangah ani thui theina dingin sualhei leiin vawika a
tuar den nghal a; mi fel chun mi fel loi thlengin a tuar a. 1 Peter 3:18a
Ki sual ke sim a tul.
Mi a sualnahei simloi chu hlawtling naw ni a changhawmsiala mi a
sualhei insir eraw chu ngaihdam chang a tih. Thuvarhei 28:13
Ringna leiin Isu hmung ke tih.
Changrawh chu, ama lawm a paihei chu an hniangah Pathian nai chang
theina ding a pe, a rihming ringpuhei chu. Johana 1:12
Ki sandamna ke hawi Chiang a chang.
Tupai Naipa neipu chun nunna chu a nei a. 1 Johana 5:12a
A tak takin, a tak takin nangni ki lih a chang hi, tupai ki thu hawi a, a ne tirpu ring chu chatuana nunna an nei ta, thiamloi changin a awm nawh a, thinaa inthawkin a suak a, nunnaah a lut ta zawk a chang. Johana 5:24